Possessivbronoma haißed hald nochm Haubdaschbeckd so. Die ganz Engschdiernege land äebe nix andrs gelde. Die schdelled iere Scheiklabba uff an Effnongswenkl vo 5° ± 1° ei ond mäer lanze idd gelde ;-)
Abr die hand oo andre Fonkziona, so wie dr Akkesaddif o mäer isch als bloss dr Objeckdkases ond dr Nommenadif fier mäer häehalde mueß als bloss fiers Subbjeckd.
Bossessiv had ja vil mibbm Genedif zom doe, ond im Wickibedia had dr
Genedif 7 Varianda. Fier d Bossessifbronome zelld d Dudngramaddeck (1984) auf:
Besitzverhältnis, allgemeine Zugehörigkeit, Zuordnung, Verbundenheit, Zusammengehörigkeit"d' Frau hòt gsagt", oder "d' Frau isch drgega" - des kenn i oo. Mankmol isch mr sogar scho begegned "b Frau isch drfier"!! ;-)
I glob, dass des a Fonkzioosbeschreibong innrhalb von am soziale Konndegschd ond Sischdehm isch, so wie ma des in dr alde Zeid deffenierd kedd hadd. Ma sed ja oo "dr Nochbaur, dr Bfarar, dr Birgarmaischdr, dr Läerar, s Fraile, dr Großvaddr, d Oma, dr Bue, b Fehl".
Ond frienr habba genaosogued sage kenne "bFrau Dockdr" fiers Weib vom Dockdr, oo wenn se sell gar koi Deckdre idd gwe isch. Se hadd äebe bFonkzioo "Ehefrau vom Dockdr" in am derfleche Sozialgflechd kedd.
Die ald Bedrachdongsweis hadze äerschd mid de nuie soziale Vrheldness ond dr Gendrdischkessioo vrendred. Heizedag kaa äebe oo a Frau a Deckdre sei. Do will se se oo in dr Ââred vom Weib vom Dockdr ondrschaide.
I will im CC idd schreibe, abr vo mier aus kasch des direckd in CC kobbiere - des wär a echz Krossowr! Nocha heddeze ebbs zom Beiße am Dialeckd *hihi*
Vo mier aus kasch abr oo omformeliere odr a Äbschdräckd uff Englesch drhendr sedze - - odr doe wassd widd!
Jednfalls mid scheane Grieß vo mier :-))
