Werbung
LEO

Sie scheinen einen AdBlocker zu verwenden.

Wollen Sie LEO unterstützen?

Dann deaktivieren Sie AdBlock für LEO, spenden Sie oder nutzen Sie LEO Pur!

 
  •  
  • Übersicht

    Quasselzimmer

    --174--Alemanneschwobeschbaage--174--

    Betrifft

    --174--Alemanneschwobeschbaage--174--

    Kommentar






    Des isch dr hondrdvieresibzgesch endrnazenal Alemanne-Schwobe-Schbagaad
    zom Hôigaate, Raadsche ond Dischkriere,
    in deam wo ma all grenzibrschraitede Warianda vom Schwäbesche ond Alemannesche läese ond schreibe ka.

    Ond a baar andre Dialeckd no drzue, weil wäe Luschd had, ka oo en andre Schbrocha wie Bladd odr sogar Schdandardneihoechdeitsch schreibe,

    Also dond ui koin Zwang a ond schreibed mid. Mier gfrajeze ibr jedn, däe wo reikudd ond eis Xelschafd laischded :-))

    Ond schreibed ganz aso, wie ui dr Schnabl gwaxe isch - Haubzach so fonedesch wie meglech.
    Desch ja soo endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Bensilveinijadadsch nei.



    ⚫ Vo dedd kommebr  ond jiez goz do hinna weidr.
    ⚫ Do em Geburzdaxfade geiz a baar Hendrgrondemformadziona  zue eisrem Fade ond zue eisrem Dialeckd.






    Mier hoigaated allad weidr, solangs no ebbs zom sage geid!
    Onz siechd ganz drnoch aus, dass eis dr Gschbrächsschdoff no id so schnell ausgohd ;-))





    Land id lugg!





    Verfasser manni3 (305129) 10 Apr. 16, 00:21
    Kommentar
    Hehe, i bin vòr am Brélele.... *strahl*
    #1Verfasser karink (659752) 10 Apr. 16, 20:34
    Kommentar
    *aachaangemälldbin* *emkaariinschegradulierfadiigeschwinnikääd* :-))
    #2Verfasser no me bré (700807) 10 Apr. 16, 20:52
    Kommentar
    Karinkale, sWochaend isch rum, kasch wiedr riläxa ;))

    Danke Manni!
    #3Verfasser Moi Gab (456541) 11 Apr. 16, 18:47
    Kommentar
    Um halber drui war i scho wach.
    #4Verfasser bluesky (236159) 11 Apr. 16, 19:34
    Kommentar
    Soso, du au ;)
    #5Verfasser Moi Gab (456541) 11 Apr. 16, 20:17
    Kommentar
    Am Federsee wars sauschee. Mr sen durch dr Flegga gloffa on nò dr Schdeg nausgloffa on widder rei. Mr hend ons ganz viel Zeit glassa on uf dr Aussichtsblattform gveschbert.
    En Silberreiher on an Schwarzmilan gsäh, on viele schene Bleamla.
    Sonne tankt.
    Entschleinicht gwä.
    #6Verfasser Goldammer (428405) 11 Apr. 16, 20:48
    Kommentar
    Des freitme und vor allem, dasser koine Brämsa id ghett honn. :)
    #7Verfasser Moi Gab (456541) 11 Apr. 16, 21:56
    Kommentar
    Des häeze wirkle gued aa, was du do vrzellschd, Emmrle :-)
    Karenkle, nemm dr a Beischbihl dra ;-)
    #8Verfasser manni3 (305129) 11 Apr. 16, 22:10
    Kommentar
    Wia gôht's Dinem soar shtrout ? I mahn s'Gäbele...
    Jò klar Manni ;-)
    #9Verfasser karink (659752) 11 Apr. 16, 22:12
    Kommentar
    All nô soahr und i fiehlme heit garid wohl. sGrindweh will au id weg und dNas isch zua. Dabei wäschemr immr glei beim Hoikomma dFinger und desinfiziarse mit Schderilium, abr swird nix gnitzt honn, wells da Schose vora baar Dag au ghet hot.

    So, i gang jetz dSchdiag nauf. Guats Nächtle Schbätzla!
    #10Verfasser Moi Gab (456541) 11 Apr. 16, 22:23
    Kommentar
    Gunnaachdsbessidoss !

    ... unnem Gäwwelsche guddi Bässerong ! :-o
    #11Verfasser no me bré (700807) 11 Apr. 16, 23:43
    Kommentar
    Boschurrrle :)))

    Will jô id jômmerra, abr...
    #12Verfasser Moi Gab (456541) 12 Apr. 16, 08:26
    Kommentar
    Guez Moegele ;-)

    S reangeled ...

    Dr Nochbaur onda midd deam scheißleche, oobfläegde Gaarde hadd uff Innizijadihfe vom ondre Nochbaur rechz, däe wo an oerdele bfläegde abr oo scheißleche Gaarde ohne Farba ond voolar Thuja ond Eiba ond heifeweis Rindemulch schdadd Bloema hadd* , vier Thuja bflanzd. Se fendez baid wondrschea ond hand bei mier om Abblaus bäeddled. I hao eahne de Gfalle dao, abr s isch mr schwäehr gfalle. abr was widd mache? Ma mueß midd deane Nochbaure auskomme, die wo ma hadd - ma kaa ses idd aussuche :-((

    * Däe hadd voer zwai Johr an  wondrscheane fuchzg Johr alde Flihdr omdao, dean wo seine Eldre bflanzd kedd hand. Däe habbm scheinz z vihl Farb kedd - liebr Thuja!!
    #13Verfasser manni3 (305129) 12 Apr. 16, 09:06
    Kommentar
    Oh je, Thuja....schad om dr Flieder.

    Gäbele, a guade Besserong wensch i dir!
    Lass dr vom Schose a Teele macha, on Hambla geit's et bis dr widder besser gòht! Dei Kerber braucht sei Gräftle zom Gsondwerra!
    #14Verfasser Goldammer (428405) 12 Apr. 16, 09:45
    Kommentar
    Vr mi gheret Thuja und Friedhof zämma. Und an schena Fliedr umzhaua isch Mord!

    Vegale, i hampl scho sei drei Däg nimme. Und mein Tee muenemr sälbr macha, aber des kane gradno ;))

    Hon grad a Eiladung vonnera Freindin ablehna miassa :((
    #15Verfasser Moi Gab (456541) 12 Apr. 16, 09:53
    Kommentar
    Gäbale, middam Dhuja gaht mrs wia Dir! Abr bferleichd mag am Manni sêi Nauchbaur scho a weng brrobegugga ... ;-))

    I maag des ganze Naudlzuig it, des sieht s Ganzjauhr gleich aus. Abr allaweil no bessr vwia dia Kerb voll Schdôinr, wo se etzt iebralll nâaschdellat. Du brauchba it amôle meah Hegge schneida.

    Dier iebrigenz au guata Bessrông- ônd am Manni nadierle Danggschêa fr da Schbbaga!
    #16Verfasser twocents (460778) 12 Apr. 16, 13:22
    Kommentar
    Schdemmt, zwoisentle, dia Denger sen mr au absolut zwider.
    #17Verfasser Goldammer (428405) 12 Apr. 16, 14:10
    Kommentar
    Die Schdoikorbmaura kama abr bessr midd Grafiddi eischbreje als a Dhujahecke. An dr Essbah uff Laim kennedrs aaluege ;-))
    #18Verfasser manni3 (305129) 12 Apr. 16, 19:15
    Kommentar
    Guats Nächtle Schbätzla!!
    #19Verfasser Moi Gab (456541) 12 Apr. 16, 22:52
    Kommentar
    Es hagelt grad gägs mine Dachfenschtera...so ganz ohne Donnerete als Vòrwarnung. Frech!
    #20Verfasser karink (659752) 12 Apr. 16, 23:00
    Kommentar
    Muesch drei Haglkernr in de Weihwassrkessl lege; wenn se gschmolze send, häed dr Hagl auf. So hadz jebmfalls mei Mueddr gmached ond des hadd allad kolfe!!
    #21Verfasser manni3 (305129) 12 Apr. 16, 23:03
    Kommentar
    Mia hodde heid meddaach Gewidda gehadd ... ßhodd ßegligg easch aangefangg, wii isch wedda drenn waa unn hodd offgehead gehadd befoa isch hodd wedda misse loos ... Grääle waare awwa kään debei ...

    Gunnaachd allegaare ! Schloofen gudd unn dräämen wass Scheenes !
    :-)
    #22Verfasser no me bré (700807) 12 Apr. 16, 23:13
    Kommentar
    Bei eis hadz zMiddaag no krefdeg greanged abr nocha hammr an wondrscheane Naamedag kedd ond mier hand midd zwai Klarneddla ond am eleckdresche Klawier in deam baradihsesche Garde voer dr Werkschdadd vo meim Freind gmuseged :-)


    Guede Moege allmiddand
    Bei eis isch mea schea. Äesch zObed solls zom Reange komme. Also dond oo de Räegeschirm ins Audo nei, idd bloss de Reame uffd Reamescheibe nauf.
    (Ommare neine gschrihbe vor Edidd. Vo däer an scheane Grueß!)
    #23Verfasser manni3 (305129) 12 Apr. 16, 23:33
    Kommentar
    Guada Morga Schätzla und Edithle! Bei eis isches grau.
    #24Verfasser Moi Gab (456541) 13 Apr. 16, 09:49
    Kommentar
    Bei ons hòt's gescht ganz schee gschiddet. Isch mr grad recht gwä, weil i han vorher a weng em Gaarda gwuhlet on zom Schluss no Pferdemischtpellets (was-es et alles geit heizdag! Der Tibb schdammt vo meira Schweschder mitm graoßa Garda) romgschdrait zom Dinga. Dia sen nò heit Nacht scho schee ufgwoicht on gebet ihr Nahrong jetzt glei an meine Bflenzla ab!
    #25Verfasser Goldammer (428405) 13 Apr. 16, 11:22
    Kommentar
    Pferdemischtpellets - isch dees dr hoechdeidschanglezissdesch Ausdruck fier Rossbolla? ;-) *hihi*
    #26Verfasser manni3 (305129) 13 Apr. 16, 11:34
    Kommentar
    Noe, des sen zo gloine Bebbela kombrimierde, dricknede Roßbolla. Dia kaufsch enra Gugg, aber schdenka dean se drotzdem no.
    #27Verfasser Goldammer (428405) 13 Apr. 16, 12:40
    Kommentar
    Ond du bisch dr sichr, dass des koi kenschdlechs Arohma idd isch, dass die Bellez audenddeschr wirked?? ;-)
    #28Verfasser manni3 (305129) 13 Apr. 16, 13:59
    Kommentar
    Dr Gschdank wirkt zemlich nadierlich.

    Neilich han-e offasichtlich amòl sodde kenschdlich aromadisierde Erdbeera vrwischt, dia hen aideidich sintheddisch on et wia richdiche Erdbeera grocha. Abr der Pferdemischtgschdank hòt gschdemmt.
    #29Verfasser Goldammer (428405) 13 Apr. 16, 14:34
    Kommentar
    Emmerle, du Duasch Rossbolla auf dBreschdleng? I nemm an Zuggr ...
    #30Verfasser twocents (460778) 13 Apr. 16, 14:38
    Kommentar
    Hihi :))))
    #31Verfasser Moi Gab (456541) 13 Apr. 16, 14:44
    Kommentar
    :-PPPP
    #32Verfasser Goldammer (428405) 13 Apr. 16, 14:44
    Kommentar
    ;-))))))
    #33Verfasser twocents (460778) 13 Apr. 16, 14:53
    Kommentar
    Ui hond Thema!!! ;-)

    Bei oos gat grad d'Welt ondr. MenchnAr*, bleibat drhoimt odr gand ganz gschwend hoim - a Gwiddr kommt agrauscht. I hau grad mit meir Freinden delephoniert ond mr iebrlegt, obne hernocht da Kaffee aufdr Derra? drengk. Des hotze erledigt wärandam Delephonat.

    *ond nadierlech oo de Nui-SchdarnbergAr.
    #34Verfasser Selima (107) 13 Apr. 16, 15:01
    Kommentar
    Bischt drhoim, Amoisle?
    Bei mir wedds grad grau.
    #35Verfasser twocents (460778) 13 Apr. 16, 15:02
    Kommentar
    Ha, scho. Sooschd bruchde Di ja nemme warna ;-)

    Nauchdrag: Des hädd nadierlech Derraß hoißa solla.
    #36Verfasser Selima (107) 13 Apr. 16, 15:04
    Kommentar
    zWeddr isch dau!
    #37Verfasser twocents (460778) 13 Apr. 16, 15:26
    Kommentar
    A halba Schdond ... idd schlecht! Des hädde mim Audo oo braucht.
    #38Verfasser Selima (107) 13 Apr. 16, 15:30
    Kommentar
    Bei mir wars dann nomol a halbe Schtund schbädr.
    #39Verfasser bluesky (236159) 13 Apr. 16, 16:49
    Kommentar
    Ufm Rägaradar sieht's eidruggsvoll aus. Heit friah, wo dui Front bei ons durch isch, war se no reladiv harmlos.
    #40Verfasser Goldammer (428405) 13 Apr. 16, 17:16
    Kommentar
    In dr Zwischezeid hanze scheinz nix andrs zdond kedd ond dZeid gfonde, dasses a bissle eidruxvoolr ausgmohled hand. Abr jiedz isch bei eis uffm Ballkaah oo so zemle durch onz ziechze ibr dA'achd uff Salzburg nei.

    dEdidd schdelld ommare viedl uff semne feschd, dass des läer Honkglas, des woni heid moeges fierd Inseckda uff de Ballkooh nausgschdelld hao zom saubrschläecke, an Wassrschdand vo oogfäehr vier ẞandemeddr aufweisd. Kenneze des Honk nemma schläecke, die Bihna, Weschba ond Hommla (die fliegnde Brommar, Maisle, idd dMolle, gell!), mießezes hald saufe ;-)
    In a baar Dääg isch vileichd a Meet, nocha wäereze bsoffe *hihi*
    #41Verfasser manni3 (305129) 13 Apr. 16, 17:30
    Kommentar
    Bei uns isches faschd dunkl.
    #42Verfasser Moi Gab (456541) 13 Apr. 16, 20:31
    Kommentar
    BEi oos oo. Bisch Du neba-a, Gäbale?
    #43Verfasser Selima (107) 13 Apr. 16, 20:33
    Kommentar
    Siehschme id wingka, Amoisle?
    #44Verfasser Moi Gab (456541) 13 Apr. 16, 20:44
    Kommentar
    Doo esses middlaweill ganss dunngel drausse ... aussa dii Schdrooselammbe ...
    :-)

    Hfffffffffffffffffffffffffffffffffffffffffffffffffffffffffffffffffffffffffffffds !
    #45Verfasser no me bré (700807) 13 Apr. 16, 23:48
    Kommentar
    Kuahnacht isches dussa. Schlôfet guat!
    #46Verfasser Moi Gab (456541) 14 Apr. 16, 00:07
    Kommentar
    Guez Nechdle bei am Koäffezjend vo seggskommaseggsssssssssssssssssssssssssssssssssssssssssssss

    *Oo amol an Haufe Frickadihfe bouschde will*
    #47Verfasser manni3 (305129) 14 Apr. 16, 00:08
    Kommentar
    Daudrfiar ischas wohl scho zdongkl gwea. Iatz wär's hell gnua, abr i bee aufm Balkan. Sooschd dädedr iatz zuawengka ;-)

    Guada Morga, Bagaasch!
    #48Verfasser Selima (107) 14 Apr. 16, 06:51
    Kommentar
    Ond heizObed kaasch mr oo idd zuewenke, weil i do beim Musegge be ond aaschließnd Kääschbadze mach ond iss biss in dNachd nei, zLochhause.
    Nocha hald an andrs Mohl, weil i scho gäere zruckwenke dääd.

    Guede Moege allmiddand :-)
    #49Verfasser manni3 (305129) 14 Apr. 16, 07:33
    Kommentar
    Hihi, Selimas "Guada Morga Bagaasch" ! Dem schliaßeme a.

    Manni, des gfreitme ammel ganza arg, wenn du so äbbes Schees vorhosch.

    I huaschdmr no d'Lunga ausem Hals, abrs s'Hampla funzt scho wiedr ganz guat. (Will jo schliaßlich fit sei, fallses Amoisle amôle mitmr Inlaina wett).
    #50Verfasser Moi Gab (456541) 14 Apr. 16, 09:14
    Kommentar
    Gohd des midd deane Anglezissme do hinna jedz oo scho loos - Bag-Aasch??
    Haißba die so, weil se raahanged wie a Däsche? Jiez waiß i, warom sGäbele allad zom Hamble gohd: Weil se so oin idd will ;-)
    #51Verfasser manni3 (305129) 14 Apr. 16, 09:34
    Kommentar
    Gäbale :-) ... Ond dau bruchtsch em Moment idd viel Hambla, om me endr Fiddness zom iebrhola. I bee iebr fempf Wucha nemme gwea!

    Manne, Schätzle, wär dr a Pussaasch liabr?
    #52Verfasser Selima (107) 14 Apr. 16, 09:46
    Kommentar
    Maisle : iebr fempf Wucha nemme in dr Fiddness gwea?? No wäesch scho an richdege Bag-Aasch hao ;-)
    Pussaasch - in meim Alddar? Des isch moine idd gued fiers Häez!

    Edidd moind ädd Käässchbadze: Dr Daig uss deam frischsäelgmahlene Dingklvollkoeremäehl schdohd in dr Kuche ond ziechd :-)
    #53Verfasser manni3 (305129) 14 Apr. 16, 11:01
    Kommentar
    Dodal - zwoi schweare Eikoffsdäscha am Hendrdoil. Abr heid gange mear ond schdrengme arg aa, daßne mear so durchdräniert bee ond so saubr ausschau wias Gäbale.

    Daßa Pussaach idd guad frs Herz sei sodd, heare abr zerschde Mol. Hosch no nia nads ebbs vo deane Herzschbordgrubba gheart?
    #54Verfasser Selima (107) 14 Apr. 16, 11:19
    Kommentar
    saubr ausschau wias Gäbale - jôjô, homme grad duschd ;)

    Schdand grad aufem Schlauch: Waisch an Pussaach? Isch des äbbes Neimodischs, wona alds Weib id kennt?
    #55Verfasser Moi Gab (456541) 14 Apr. 16, 11:24
    Kommentar
    Dr Daig uss deam frischsäegmeahlene ;-) Dingklvollkoeremäehl schdohd in dr Kuche ond ziechd ...

    I glaub, i hau grad ebbes falsch gleasa ...

    Wo muan-e eigentle heit zAubad nâakomma fr dKääsknebbfla? Kosch d Knebbfla scho drhoim, odr fiersch da Sägmeahldoig auf Lochhausa naus?
    #56Verfasser twocents (460778) 14 Apr. 16, 11:26
    Kommentar
    Gäbale, komm, gang zua! Du wann idd wischtsch, was a Pussaasch isch - bragdesch soweso ond mid Deir französischa Bildong!

    FF, koine Rooßbolla aufd Erdbeerla, abr Schbätzla aus Sägmeal? Ui hand komesche Sidda andr Grenz dieba.
    #57Verfasser Selima (107) 14 Apr. 16, 11:39
    Kommentar
    Amoisle, moinsch, i sett liabr enz Allgai schdatt auf da Balkaah zôm Kässchbätzla essa?
    #58Verfasser twocents (460778) 14 Apr. 16, 11:46
    Kommentar
    Des onnawegx. Abr Du hosch doch des midde Rooßbolla ond am Sägmeal aufbrocht :-)
    #59Verfasser Selima (107) 14 Apr. 16, 12:20
    Kommentar
    Em Zweifl däät-e au liabr Säägmeahl brobiara wia Rossbolla ... ;-)
    #60Verfasser twocents (460778) 14 Apr. 16, 12:31
    Kommentar
    Hach, dät des Thema dr Botzich fraia! Velleicht grinstr sich ois vo Wolke siebzeah aus....
    #61Verfasser Goldammer (428405) 14 Apr. 16, 14:35
    Kommentar
    Bei uns fangds grad a firchdrlich zschdingka (hoi, mei Nas riacht wiedr) - i mach a Tariflätt.

    Amoisle, desch fei mein Ernschd. Puss (von pousser) und aach (von Arsch)? I schdand ächd aufem Schlauch!!!
    #62Verfasser Moi Gab (456541) 14 Apr. 16, 16:43
    Kommentar
    Poussage?

    Abr was isch a Tariflätt? I kenn bloß Böfflamott.
    #63Verfasser twocents (460778) 14 Apr. 16, 17:30
    Kommentar
    Senzle, i hon a t vrgässa. S'het Tartiflätt hoißa solla. S'war, wias Vegale saga dät, sauguat.

    Gschelte Pellkartoffla in Scheiba schneida und abwäxlnd mit "magere Speckwirfala und ahdinschdete, gloigschniddane Zwiebla" in au Auflaufform schichda. An Rebloschon oder großa Minschdrkäse halbiera (id oifach in da Midde ausanandschneida, smonn zwoi runde Scheiba dabei rauskomma) und so auf dia Herdepfl lega, dass s'Käsinnere auf de Herdepfl liagt. Im Baggofa, ca. a halbe Schdund bei ca. 200° ibrbagga, bis s'Eißere vom Käs a Gruschde git. Die kama abheba odr ässa. Salz brauchtma kois, bloß in jederra Zwischaschicht a wengle an Pfeffr.

    #64Verfasser Moi Gab (456541) 14 Apr. 16, 18:32
    Kommentar
    Des hert sich wòhrlich sauguat ã! Des mach i demnägscht amòl!

    Ema Rezebt, des wo-n-i im Indernet gfonda han, kommt no Gremfräsch nã - was moinsch dòdrzua, Gäbele?

    #65Verfasser Goldammer (428405) 14 Apr. 16, 19:15
    Kommentar
    Mit Gremfräsch - des hert sich noch Gratin Dofinoa a. Abr brobiers ruig aus und no saisch uns, wia gschmeggd hot.

    Guats Nächtle!
    #66Verfasser Moi Gab (456541) 14 Apr. 16, 23:23
    Kommentar
    Noenoenoe, gugg - nix mit Gratängdofinoa!

    Abber i mach des wirglich bald amòl.
    #67Verfasser Goldammer (428405) 14 Apr. 16, 23:37
    Kommentar
    Meddeme Räbbloschoon dääds ma jo noch gefalle ... awwa eh Munnschda meeschd isch nedd ...

    Gunnaachd allegaare ! Schloofen gudd unn dräämen wass Scheenes unn fiilen Eisch geschmaddsad !
    :-)
    #68Verfasser no me bré (700807) 14 Apr. 16, 23:41
    Kommentar
    dUlmar ond scheinz oo die OmUlmherommarna hanz mibbm Säegmäehl. Abr bloss a sellxäegez Ulmesäegmäehl mueß es sei. Wie noch mKrieg, wo ma oo sMäehl ond de Zuckar onz Häeroihn midd Säegmäehl gschreckd hadd. Schbahrsamme Schwobe hald do donda im Ondrland ;-)

    Guez Nechdle ond schnarchsäeged schea :-)
    #69Verfasser manni3 (305129) 14 Apr. 16, 23:59
    Kommentar
    Isch hodd fomm Boddßisch gedräämd ... wia medd seina orannschena Diibedaanamenschsmidds unna seim Foadäschelsche schdeed unn unns allegaare winnge duud ...
    #70Verfasser no me bré (700807) 15 Apr. 16, 05:38
    Kommentar
    Nocht hoschm abr schdellvrdrend fr oos zruck gwingt, Brele, gell? Beschdemmt, balld wahrscheinz so arg gwengkt hosch, daß glei wach wora bisch, gell?

    Guada Morga, Bande!

    Manne, i hätt a Frog anda Allgair. Kennsch Du an 'Himbeertoni'?
    #71Verfasser Selima (107) 15 Apr. 16, 06:10
    Kommentar
    Manni, i moin, etz hascht ebbes duuranandbraucht. Du hasch Knebbfla gmacht middam sellgsägada Meahl, ii it. I kâa nemmle garit säaga :-)

    Gäbale, des Tartiflätt heert se wirkle guat âa! So eenhlich wia a Raggläädd miaßts sêi mid dem bachana Käs.

    Guatamorgamiddanand.
    #72Verfasser twocents (460778) 15 Apr. 16, 07:56
    Kommentar
    Jetz lamegao, dr Botzich hòt em breele gwenkt!

    Gugget amòl, des gsieh-n-i, wenn i zo meim Birrofenschdr nausgugg. Guat, gell?
    (Heit isches allerdengs et so schee sonnich mit Welkla, sondern driab. Bis Sonndich isch Dauerräga ãkendicht...)
    #73Verfasser Goldammer (428405) 15 Apr. 16, 08:11
    Kommentar
    Vegale, „gugg “ liest sich ja au id schlecht. Abr mei Tartiflätt isch oifacher. I nimm dia magere Schbeggwirfl, welle dia id mit de Zwiebla abrôta dua (Da woisch, a Eggle vo meiner Tartiflät isch schbegglos wäga miar und no muene id d’Zwiebla oimal mitem Schgegg und oimal ohne adinschda). Außrdem duene koi Salz id nei, dia Schbeggwirfl sin gsalza gnua. Und dia Gruschde vom Käs ersetzt dAlufolie.

    Wa da Minschdrkäs agoht, brélele, den Tipp honne voma Äggsgschäftsfiahra vo Mathjö Ino (gits dia no? Muess gleimôl danôch guggla) griagt. Dia Firma isch in Tuhl dahoim gwäa, da GF hot in Metz in da Näh vom Plass Stanislass gwohnt. Dô hottme ammel unsr Gschäftsfiahra zom Dollmädscha mitgnomma. Mei, des war ammel schee, indressant und egoschmoichelig. Also, Minschdr odr Rebloscho, des schengkd sich nix. Isch boids zom empfäahla.

    Oin ganz sauwichtiga Typ: Wer a Tartiflätt macht, mueß ubedingt d’Kichediera zualoh, sonsch schdingkd sganz Haus. Und wenn dGarderob in da Näh vo da Kiche isch, no däte dMentl solang ins Schlôfzimmr vrfrachda.

    Amoisle, da Himbeertoni vo da Breschdlingfarm kenne au. Honne abr gwieß scho vierzg Johr nimme ghert.

    Guada Morga au no an älle und an da Potzigle. Ob der woiß, dasse wäga ihm im Herbschd Idalienisch afang?

    Hoi, i glaub i honn an Roman gschrieba.

    D'Edith moint no, wenne zua mein Kichefenschdr nausluag, no siene am Vegale seine gäale Schdreich.
    #74Verfasser Moi Gab (456541) 15 Apr. 16, 09:29
    Kommentar
    Wenn i beim Kuchefenschdr nausluege, sich i nix, weil mei Kuche gar koi Fenschdr idd hadd. Vielleichd isches ja gar koi Kuche idd, sondrn bloss a Kochnihschele? ;-((

    DuSenzle, wenn i Käässchbadze mach, nemm i so oogfäehr des Rezebbd vo meir Mueddr, die isch in dr mendeschdens fembfde Gennerazijoo Allgaiare gwe - weidr zruck raichd dr Schdammbaum idd weiblecharseiz. Ond die hadd nie Knebfla xed, allad bloss Käässchbadze. Des isch scheinz a Woed vo de Grenzbewohnar, wo ma ondrschaide mueß zwische de handgschabede lengleche weschdleche dransillaresche Wieddebäergar ond de ronde sihdleche Allgaiar ond nocha oo no zwische de Ulmar ond OmUlmherommene midd iehrem relladihf hoche Aadail vo Ulmesäegmäehl;-)

    Mei Schwigrdochdr, die wo uff d iddalenesch Kuche schdohd, haißd meine dKässchbadze ibregenz Passerini al Forno. Klengd oo idd schläechd, odr? Ond weil i a Vollkoeremäehl nemm, bassz sogar in dr Farb ganz gued ;-))
    #75Verfasser manni3 (305129) 15 Apr. 16, 10:35
    Kommentar
    Ond die hadd nie Knebfla xed, allad bloss Käässchbadze

    Kâa i ebbes drfier, wenn dAllgaier it gscheit Schwäbisch kennat? ;-)))

    Abr dHauptsach isdch, dass-d se schmeggat, dKnebbflaSchbätzla.
    Amoisle, wammoinsch Du drzua?
    #76Verfasser twocents (460778) 15 Apr. 16, 11:39
    Kommentar
    Guats Nächtle!
    #77Verfasser Moi Gab (456541) 15 Apr. 16, 22:43
    Kommentar
    Gunnaachdsschmaddsa !
    #78Verfasser no me bré (700807) 15 Apr. 16, 23:45
    Kommentar
    Guede Moege allmiddand
    Samschdaxreame? Eikoofd handr nechd, also isch heid scho Wuchenend midd riläxxe, schbadzieregao, schwemme, schdaubsauge ond im Schwobefade schreibe, wasses so Nuis ond Endressanz geid. I wäer mr heid amohle beim Foddegrafiere Roh voernemme ond luege, wass es do so fier nedde Schiebar geid zom Eischdelle.
    #79Verfasser manni3 (305129) 16 Apr. 16, 07:13
    Kommentar
    FF, zua was? Ob Gnebfla bessr schmeggat alz wia Schbätzla? Kommt aufn Doig aa.

    I kenn dean Himbeertoni vondr Erdbeerfarm idd. I hau vom HImbeertoni zerschdmol vom Dengs gheart, ball des dr Schbitznoma voma Schualkamrad vonem isch - und haumr dengkt, daß des halt a Schbezialerfendong von deane gwea isch. Ond am Meede haune em Radeo a Liad vora Obrallgair Bänd ghert, endeam wasses oo oman Himbeertoni ganga isch. NOchd honne me gfrogt, ob des a Allgair Schbezialwort isch, ballne en meir Hoimat nia drvo gheart ghett hon.
    #80Verfasser Selima (107) 16 Apr. 16, 08:50
    Kommentar
    Amoisle, i honn des uhgfähr vor 40zg Jôhr sledschmôl ghert. Scheint frianer in meinera Umgebung (am See) a Modewort gwäa zei.

    Manni, waisch Roh?

    Guada Morga au no!

    S'Weddr isch wiaschd und i dät jetz so gern mit meim Buach in d'Wanna liega, abr des Buach isch so groß und so schwer.
    #81Verfasser Moi Gab (456541) 16 Apr. 16, 09:29
    Kommentar
    I han Himbeertoni no nia ghert. Wa isch des? On wa isch Roh, dò schließ i mi em Gäbele ã.
    #82Verfasser Goldammer (428405) 16 Apr. 16, 09:50
    Kommentar
    Himbeertoni, wa isch des? Des kanedr au id richdig erklära, i woiß bloß no, dass des ammel abfällig gsait worra isch - desch so an Himbeertoni! oder so...


    #83Verfasser Moi Gab (456541) 16 Apr. 16, 10:04
    Kommentar
    Servus leidls xD eiso moi a frage wos hobtsn ihr fia an dialekt? :D den find i foi cool
    #84Verfasser Babsibelieber99 (1136185) 16 Apr. 16, 10:10
    Kommentar
    Servus, Babsibelieber99! Mir schwätzed Schwäbisch/Alemannisch/Allgeierisch dohinna, kuntrbund durchanand. Derfsch ruig au mitschnabla, wennda wit. :)))
    #85Verfasser Moi Gab (456541) 16 Apr. 16, 10:29
    Kommentar
    Genao so isches, Babsibelieberle, wies Gäbele aka Moi Gab schreibd. Schreib no ebbs rei, mier gfraiejeze :-)

    Roh schreiba im englesche Orgenal Raw odr RAW (midd Groeßbuechschdabe däebs bessr aussäeche, moineze scheinz!) ond bedeided oo roh, weil des die ookombremierde ond oovrfelschde, rohe Dade von am Foddoabbaraad send, sozomsage s Neggadihf uss ar Diggedahlkammera.

    Himbeertoni kenn i koin. I waiß bloss, dass dr Mozahrd de Klareneddischde Anton Stadler, fier dean wonas Klarineddleskonzerd ond Kwindedd gschrihbe hadd, Ribislxichd kaiße hadd. Abr Ribisl send uff Eschdreichesch Johannesbeer ond idd Himbeer!!
    #86Verfasser manni3 (305129) 16 Apr. 16, 10:46
    Kommentar
    Huhu Babsibelieber99 !
    Isch schwäddse kää Schwäbisch/Alemannisch/Allgeierisch ... isch schwäddse dii reinfrännggisch Foam fomm Saalännische ... isch iiwe jeds awwa schonn eh gannsi Zeidlang, fa dass Schwäbisch/Alemannisch/Allgeierisch doo se fascheen ... oddas weenischdens lääse se känne ... middlaweile glabbd dass ganns gudd !
    :-)

    ... unn eh Himmbäadooni kennisch aach nedd ...
    #87Verfasser no me bré (700807) 16 Apr. 16, 11:53
    Kommentar
    Achsoo mei dangsche :) i hob iaz oisen zwoa moi lesn miasn oba irgendwie hones verstandn xD mid der zeit werdes scha na lerna ;)
    #88Verfasser Babsibelieber99 (1136185) 16 Apr. 16, 12:06
    Kommentar
    Brélele, du bischmr grad siadndhoiß untr da Dusche eigfalla. Wia honni di, ausgrechnedet diiii, und dei Schbrôch vrgässa kenna? Kaschmr nomml vrzeija. te plät, te plät!!

    #89Verfasser Moi Gab (456541) 16 Apr. 16, 13:04
    Kommentar
    Gäbale, i hoff, beim Kaltduscha! Soschd wärsch ja zrflossa :-)

    Alzo ischdr Himbeertoni koi Allgair Schbezialbeschempfong. Ond wanne zGäbale reacht vrschdanda hau, isch a HImbeertoni a Dibbl, an intellidschently dschällendschd pörsn.
    #90Verfasser Selima (107) 16 Apr. 16, 13:14
    Kommentar
    Kää Anngschd, Gäwwelsche !
    #91Verfasser no me bré (700807) 16 Apr. 16, 13:19
    Kommentar
    In meiner Butik gibts heit an Schbezialrabatt, abr bloß heit. Do muas i dann glei no hi, de mache om viere zua.
    #92Verfasser bluesky (236159) 16 Apr. 16, 13:23
    Kommentar
    Vrzehlsch ons nòchher, was da zom Schbezjalrabatt gschobbet hòsch, hemele?

    Grießgottle Babsibelieber99!
    Frait me!
    #93Verfasser Goldammer (428405) 16 Apr. 16, 14:39
    Kommentar
    Bei meim Metzgr hoz heit friah 'Sperrips' em Aagebot gea ;-)
    #94Verfasser Selima (107) 16 Apr. 16, 14:55
    Kommentar
    Bei mir dahoim war id viel botta ! Sogar d'Dusche war warm (i bin an Warmduscher)

    Fotto, Fotto, Himmele! Wia sellmôls des Dirndl.

    So, i gang jetz aufs Soffa und lies i meim schwäara Buach weiter. Daused Seita und a saumäßig gloine Schrift.
    #95Verfasser Moi Gab (456541) 16 Apr. 16, 15:33
    Kommentar
    Wa liesch?
    #96Verfasser Goldammer (428405) 16 Apr. 16, 15:59
    Kommentar
    #97Verfasser Moi Gab (456541) 16 Apr. 16, 16:39
    Kommentar
    Dere goldammer :) mi gfreids a :D
    #98Verfasser Babsibelieber99 (1136185) 16 Apr. 16, 16:42
    Kommentar
    #99Verfasser bluesky (236159) 16 Apr. 16, 16:59
    Kommentar
    Schee, hemele!
    #100Verfasser Goldammer (428405) 16 Apr. 16, 17:04
    Kommentar
    Gfallbmr au :)))
    #101Verfasser Moi Gab (456541) 16 Apr. 16, 17:31
    Kommentar
    Gäbele, des Buach (uf deitsch nadierlich...) keet mi au endressiera. Moisch des gfellt mir?
    #102Verfasser Goldammer (428405) 16 Apr. 16, 18:26
    Kommentar
    I glaub scho, Vegale, wenndade fr dia franzesisch Gschicht indressiersch. S'isch an riesa Schingka. Gits abr womeglich au in oinzelne Bendr auf deitsch. No kennsch jô mol mitem erschda afanga und luaga. :))
    #103Verfasser Moi Gab (456541) 16 Apr. 16, 18:44
    Kommentar
    's gibt a deitsche Neiauflag, wo emmer zwoi vo dene segs Bend dren sen. I glaub i dur mr amòl dr erscht drvo ei.
    #104Verfasser Goldammer (428405) 16 Apr. 16, 18:46
    Kommentar
    Am Schose hots au gfalla :)))
    #105Verfasser Moi Gab (456541) 16 Apr. 16, 19:27
    Kommentar
    I dad de gschicht gern lesen oba i kann koa französisch ned xD i bereis oba dases ned gnumma hob weils a subba schene sprach is :(
    #106Verfasser Babsibelieber99 (1136185) 16 Apr. 16, 19:55
    Kommentar
    Ey, s'isch nia schbät! Hots koi Volkshochschual bei dr?
    #107Verfasser Moi Gab (456541) 16 Apr. 16, 20:26
    Kommentar
    A nuije Schbrohch läerne isch faschd so gued fiers Hiere wie a nuis Muhseggenschdremend - äächd wohr!
    #108Verfasser manni3 (305129) 16 Apr. 16, 20:29
    Kommentar
    Ja doch scha nur mei Problem war dase in da 5. und 6. Klass vo da realschui so schlecht war in englisch dase ma denkt hon... ja scheiße wos isn iaz wenne in französisch a so schlecht bin? Dann bleibe sitzn xD und ja genau dann hone me für bwr (Betriebswirtschaft/Rechnungswesen) entschieden weile in mathe guad war. Noch da realschui geh i warscheinlich eh ind Fremdsprachen schule.. do kanne dann ind BOS geh oder ind FOS ^^ i kann eh a bissl französisch oba des heifd ma ned fui wenne sag j'e suis la pomme xD de dengand se dann a dase debbad bin :D
    #109Verfasser Babsibelieber99 (1136185) 16 Apr. 16, 20:50
    Kommentar
    Babsi, i kã au koi Franz. I läs dia Biacher uf deitsch.
    #110Verfasser Goldammer (428405) 16 Apr. 16, 22:03
    Kommentar
    Guats Nächtle, Schbätzla! Schlófet guat und dreimet äbbes scheeeeees.(Wa wohl dScheesa macht?)
    #111Verfasser Moi Gab (456541) 16 Apr. 16, 22:47
    Kommentar
    Isch schliis misch em Gäwwelsche ann unn schigge noch hfffffffffffffffffffffffffffffffffffffffffffffffffffffffffffffffffd hinnahäa !
    :-)
    #112Verfasser no me bré (700807) 16 Apr. 16, 23:31
    Kommentar
    Guede Sonndaxmoege allmiddand :-)

    Do deana Siehe auch: praxistauglich hadz Fleckle voernechd a Frog gschdelld ond i hao iehr a klois Grießle hendrlao, abr bis jiez hadzese no idd griehrd ;-((

    #113Verfasser manni3 (305129) 17 Apr. 16, 08:40
    Kommentar
    S'wird midem Schdreggeisa am hantiara sei und no im Neschd flagga (wia dia andre au).
    S'isch jô schliaßlich auno a jungs Küka, wias Babsibelieberle, und junge Küka brauched am Sonndigmorga viiiiiieeeel Schlôf. Gell, Babsibelieberle.

    Guada Morga au no (wo bleibt denn mei Kindrschduba).
    #114Verfasser Moi Gab (456541) 17 Apr. 16, 09:52
    Kommentar
    Ja halle xD und i wünsch eich a an guadn moang :)
    #115Verfasser Babsibelieber99 (1136185) 17 Apr. 16, 10:21
    Kommentar
    Babsiebelieberle, scho wächele?

    (psst, damitdadr koine falsche Vorschdellungen vommer machsch: I bin a Fossil, weiblich, in da Renta und honn scho ganz viele Engkala - auscho sottige, wo i deim Altr sind)

    Da muesch abr koi Angschd odr an Reschbegd vormer honn. I bin koi Bese und koi Besserwissere id.
    #116Verfasser Moi Gab (456541) 17 Apr. 16, 10:24
    Kommentar
    Ja cool :) häde iaz ned denkt i häd die iaz um de 20 - 30 eigschatzt :D

    Und iaz nommoi aufs schloffa zruckzum kema xD i hon heid goa ned schlofa kinna weile krank bin... fieber hone und den ganzen dreg xD
    #117Verfasser Babsibelieber99 (1136185) 17 Apr. 16, 11:48
    Kommentar
    Oh, du bisch grank, Babsibelieberle, :( des duebmr abr loid. Wennda jetz beimr wärsch, dätedr an Tee und Wadawiggl macha. Abr id dengk, do wird scho äbber sei, wo sich um die kimmered.

    Guggamôle, da Manni hot a Karta gmachd (se isch scho a wengle alt) http://www.bilder-hochladen.net/files/big/8f9... - dô siehsch, wommer älle her sin (und wommer doilweis wohned)
    Und desch unsr Fadakern:
    Brele = no me bré
    Amoisle = Selima
    Emmrle (Vegale) = Goldammer
    DuSenz (Senzel) = twocents
    Hemele = bluesky
    Manne = manni3
    Gäbele (i) = Moi Gab
    s'Karinkale wohnt in da Schwyz odr isches Vorarlberg? Hm, auf alle Fäll id weit vo da deitscha Grenz.

    Guade Besserong!!!


    #118Verfasser Moi Gab (456541) 17 Apr. 16, 12:13
    Kommentar
    Mei dankee :) und meine eidan hand ja do de kümmernd se suba um mie ^^
    #119Verfasser Babsibelieber99 (1136185) 17 Apr. 16, 15:09
    Kommentar
    I hoff, i honnde id ahgscheggt. Vora baar Däg honn i den Scheißdregg* am Hals ghett.
    Wa machsch nô, wennda grank bisch und id schlofa kasch? Lärna?

    *Des derfsch fei id deine Eldarra zoiga, sonsch lenze de do hinna nimme mitmacha, wennse merged, was Gäbele fr a Vokabular draufhôt :)

    Hosch du no deine Omas?
    #120Verfasser Moi Gab (456541) 17 Apr. 16, 15:24
    Kommentar
    Leitla, sagt eich schdoggele (schdoggala) mitama vrschluggda e odr a äbbes?

    schdoggala = schdolperra

    Manni, des fehlt in unserm Werdbuach no. Bitte, bitte !

    Guads Nächtle!
    #121Verfasser Moi Gab (456541) 17 Apr. 16, 21:11
    Kommentar
    Mier sehd des nix. Des isch scheinz Säehasealemannesch. I haos amohl ind Wäedrsammlong neigschrihbe.
    Guez Raschle ond Rueßle! ;-)
    #122Verfasser manni3 (305129) 17 Apr. 16, 21:38
    Kommentar
    Bei unns saad ma dass aach nedd soo ... awwa dass well jo niggs heisse ...
    #123Verfasser no me bré (700807) 17 Apr. 16, 21:47
    Kommentar
    's isch ebbes alamannisches.
    Ois vô de Liadr vô PatentOxner hoißt 'Schtürchle und Schtogle', ônd dr Reffraa ght 'mir schtürchle und schtogle zwar, aber gheie nid .. '. Dia Kerle sênd vô Bern.

    Babsibelieberle, Griaß De!

    d'Eddit sagt ôm vierdlzwelfe Guaznächtle!
    #124Verfasser twocents (460778) 17 Apr. 16, 21:52
    Kommentar
    Viedlzwelfe? Isch des jiez dNeiulmar Friehlengszeid??
    #125Verfasser manni3 (305129) 17 Apr. 16, 22:44
    Kommentar
    hffffffffffffffffffffffffffffffffffffffffffffffffffffffffffffffds fa Eich allegaare !
    :-)
    #126Verfasser no me bré (700807) 17 Apr. 16, 23:41
    Kommentar
    Guada Morga Schbätzla! I hoff, ihr henn guad gschlôfa und vor allem s'granke Babsibelieberle. Obs wohl heit wiedr in dSchual gôht?

    I gang heit mitem Schose zom Doc, der hilft uns, am Schose sei näggschde Kuar zbeadraga. Drugged uns Dauma, dasses äbbe wird.

    I winsch eich äbbes!
    #127Verfasser Moi Gab (456541) 18 Apr. 16, 08:55
    Kommentar
    Hey ^^ ja i hon subba gschloffa und na i derf ned ind schui weile fieber hon :( bin de ganze woch dahoam ^^ und wega gestern wega deim vokabular xD du mechst ned wissn wos meine eidan für wörter benutzen eiso vo dem her is des koa problem ned
    #128Verfasser Babsibelieber99 (1136185) 18 Apr. 16, 14:48
    Kommentar
    Mei, scho wiedr Ôbnd ! Woisch bloß der Dag na?
    #129Verfasser Moi Gab (456541) 18 Apr. 16, 20:32
    Kommentar
    Foadgelaaf essa ...
    #130Verfasser no me bré (700807) 18 Apr. 16, 20:35
    Kommentar
    Verdloffa, dät i sage :)

    Guads Nächtle!
    #131Verfasser Moi Gab (456541) 18 Apr. 16, 22:00
    Kommentar
    Schloofen gudd allegaare unn dräämen wass Scheenes ! ... unn nämmen Gunnaachdsschmaddsa medd ...
    :-)
    #132Verfasser no me bré (700807) 18 Apr. 16, 23:41
    Kommentar
    Gummoin allegaare !

    ... wii ? Niaschends Drannsmissione ?
    #133Verfasser no me bré (700807) 19 Apr. 16, 08:39
    Kommentar
    Hä, brélele. Leidesch jetz auch scho an bräsenilr Bettfluchd?

    Da Schose und i schmeißed wiedramôle a Butzparty. Ihr sin älle eiglada, d'Dier schdôht schberranglweit auf, Zonn scheint, a Kischd Schbrudl wär au dô. Nô, wia isches?

    Kindrschdub, Kindrschdub: Guten Morgen liebe Schwaben und Nichtschwaben usw.
    #134Verfasser Moi Gab (456541) 19 Apr. 16, 09:03
    Kommentar
    Isch muss gleisch loos ... eh Däamiin, unn dann noch eh Däamiin unn noch änna ... unn dann mussisch noch innkaafe geen ... unn dann ... unn noch ... unn bissisch dann bei Dia wäa, do wäas moije frii ... biss doadhinn däaffde na fäadisch senn ... hann isch eh Gligg !
    :-))
    #135Verfasser no me bré (700807) 19 Apr. 16, 09:10
    Kommentar
    Butzpaarti? Scho mea? Hand dier gar nix andrs zdond? Felld ui sooschd nix ei, was dr middanand doe konnded??? ;-((
    #136Verfasser manni3 (305129) 19 Apr. 16, 09:10
    Kommentar
    Jo, Manni, un well heit so a schees Wedderle war, honne au gleich dMadrazaschoner mitgwäscha. Des mache ammel jeds Friehjohr. Kaas kaum verwarta, dasses Zit isch, dSchdiaga naufzroifla.

    Bréle, isch idda schlimm, i woiß, dassda komma wärsch, wennda koine Däamiin id ghett hedsch.

    Obwohl s'Babsibelieberle wiedr so guat gschlofa hott?
    #137Verfasser Moi Gab (456541) 19 Apr. 16, 18:44
    Kommentar
    Dass waa eh Faarerei ... iwwerall Bauschdälle, Innbaanschdrooße, geännadii Fakeasfiirung, ann däa änn Schdell daafschde nedd lings abbije, ann dea anna nedd räschds ... de äaschde Däamiin waa falsch, däa hädd soll erasch iwwamoije senn, awwa ma konndene off schbääda faschiiwe ... do binnisch noo Froongreisch gefaa, fa Kaffee unn Bagädd unn Päänooschogglaa sse kaafe ... fa Kääß unn Mäagäß waas se waam imm Audoo ... dann de faschoobne Däamiin fonn moins unn dänne fonn medaas off schbädda faschoob unn dänne fon schbääda off moije ... omm Hämmwääsch hannisch dann beimm Diagg schrääsch geeniwwa doch noch Mäagäß griid ... noo Gääßekääß wolldisch nemeeh gugge, de Laade waa maa äänfach ße foll ... unn dii Mäddß ess auße fooredraan ...
    #138Verfasser no me bré (700807) 19 Apr. 16, 20:01
    Kommentar
    Wow, brélele, des liast sich jô ziemlich aschdrengend. Do honne doch liabr butzed ;))

    So, d'Edith moint sei Elfe vrbei und i dirft jetz in frischbezogne Neschd.

    Bonn nuiii !
    #139Verfasser Moi Gab (456541) 19 Apr. 16, 20:46
    Kommentar
    Isch schigge Eisch allegaare noch eh baa Noadwinndscha ! :-)
    #140Verfasser no me bré (700807) 19 Apr. 16, 23:43
    Kommentar
    Guets Nächtle allna und Brélele, hüt wiedr amòl schböter als Du...
    #141Verfasser karink (659752) 20 Apr. 16, 00:08
    Kommentar
    Boschurrle, Schbätzla!

    Zonn scheint, s'Himmele isch blau (hihi), d'Weschmaschi rennt scho (jôjô, se hot Fiaß).
    Und i hoff, ihr henn heit an schena Dag, mit odr ohne schaffa!

    Danke, Potzigle, fr des schene Weddrle :) - i woiß ganz genau, dammer des dir zom vrdanka honn :)

    D'Edith moint umma halbe Zwoi, dasse wohl wiedr an einsama Streitr bin. Macht nix, i gangme nocher mit meine Exkollegrentnerinna im Eiscafé dräffa. Ätsch!!!

    D'Edith moint umma faschd Siebene, ihr däet woll älle no am Schdrand odr an da Isar rumflagga odr Pfiaß in Lech neiheba oder...
    #142Verfasser Moi Gab (456541) 20 Apr. 16, 09:14
    Kommentar
    Wänn Du aach imma nua Dei Eedidd inns Fäädelsche schiggschd, danne siid ma joo nedd, dassde doo bischd !

    Mia hodd heid aach Sonn de gannse Daach ... dass hadd unnsa Boddßisch scheen gmachd !
    #143Verfasser no me bré (700807) 20 Apr. 16, 20:13
    Kommentar
    Blatz schbara Bréle, i bin id umsonschd an Schwôb !
    #144Verfasser Moi Gab (456541) 20 Apr. 16, 21:26
    Kommentar
    Bladds schbaare ess jo scheen unn gudd, nua wann kääna mäagd, dass dee doo waaschd, do hadd jo aach kääna wass defonn ... wii ma bei unns imm Saalannd soo scheen saad ...
    :-)
    #145Verfasser no me bré (700807) 20 Apr. 16, 21:50
    Kommentar
    Kenned ihr eigendlich au des Verb keije (keija) fr nahagla ?

    Keit des Kind in Dregg, brehleds.
    #146Verfasser Moi Gab (456541) 20 Apr. 16, 22:33
    Kommentar
    keije kenn i fier kibbe. "A had dBeim z lugg aufglade kedd ond idd gscheid graidled, ond nocha isch m in ar Kurfe sHolzfuehrwerk keijed."
    #147Verfasser manni3 (305129) 20 Apr. 16, 23:03
    Kommentar
    I kei jetz glei ins Neschd. Bonn nuiii :)))
    #148Verfasser Moi Gab (456541) 20 Apr. 16, 23:25
    Kommentar
    Isch faschigge noch eh baa Gunnaachdsbissuss ! ... aach dii Dräbb noo nuff !
    :-)
    #149Verfasser no me bré (700807) 20 Apr. 16, 23:41
    Kommentar
    Kriegschd oo no a baar A-La zue vierhondrdvierzg Hertz bei am Hibblkwozjend vo zwaikommanullnullnull hendrhäe ;-)
    #150Verfasser manni3 (305129) 21 Apr. 16, 00:15
    Kommentar
    Frisch ischs! Gratza honne miaßa.

    Guada Morga, Reama nauf!
    #151Verfasser Selima (107) 21 Apr. 16, 06:26
    Kommentar
    Gratza? I glaub i schbenn! Ha so en Scheiß!

    I hett gwieß gmoint ghett, dass mir schoml ieber keia geschwätzt heddet, aber 's isch noet uf dr Werderlischde.

    I kenn's dransitiv (ebbes schmeißa) on indransidiv (nãfliega). I han grad emeim eddimologischa Werderbuach gugget, dò schdòht a langer Artigl drieber denna. Dui Bedeidongsgschicht lesst sich heit koiner maih draima! Des kommt vo "geheien" on hòt urschbrenglich amòl heirada bedeidet. Em engera Senne dr "Ejevollzug", on von dò hòt sich's weider zo "uf's Greiz lega", "vrgewaldicha" vrendert. Was des wohl ieber den partnerschaftlicha Omgang en friehere Zeida vrròdet....on von dòher hòt sich's widder verallgemeinert uf "nãschmeißa" on "nãfalla" on hòt mit dr Zeit sei õguats Gschmäggle vrlaura.

    Bei de Grimm-Buaba fendetr au an eeelalanga Artigl drieber mit älle Neba- on Sonderbedeidonga, onder "geheien", wen's endressiert.
    #152Verfasser Goldammer (428405) 21 Apr. 16, 07:28
    Kommentar
    Gutamorgamiddanand.

    'Keia' kenn-e au, eher dransidief wia endransidief. D'Schweizer hands au.
    #153Verfasser twocents (460778) 21 Apr. 16, 09:17
    Kommentar
    I kenns wia dr manni.
    #154Verfasser bluesky (236159) 21 Apr. 16, 13:43
    Kommentar
      Do deana   gohz meah amohle om Alemannesch im Bsondre ond om bluerizendresche Schbrocha ibrhaubzd.
    #155Verfasser manni3 (305129) 21 Apr. 16, 16:24
    Kommentar
    Indressant, Vegale, merci :)

    D'Edith und i saged jetz (22:56) Guats Nächtle!
    #156Verfasser Moi Gab (456541) 21 Apr. 16, 20:23
    Kommentar
    Isch saan aach alls schommool : Gunnachd allegaare ! Schloofen gudd unn dräämen wass Scheenes !
    #157Verfasser no me bré (700807) 21 Apr. 16, 23:32
    Kommentar
    Schnea hotr aagsagt frda Sonndig - Schneafallgrenze 4-500 Metr. Ond dau semmr os gwieß drbei. Brrrrrrrrrrrrr.

    Alzo genießat da heidiga Daag, der sodd no oinigrmaßa schea ond warm wera.
    #158Verfasser Selima (107) 22 Apr. 16, 06:26
    Kommentar
    Send des nocha scho die voerzochene Eishailege, die wos nemma vrwaade kenned, odr kommed die noml in a baar Wuche?
    I bflanz heid meine Ballkoohbflanza ei. Ibrs Wuchenend wäer is woll reiholle mieße in die warm Schduhbe.
    #159Verfasser manni3 (305129) 22 Apr. 16, 07:51
    Kommentar
    I han gescht mei Wiesle an dr hendera Dier mit Mössinger Sommer eigsät. Aber dem duats nix, wenn's a weng drufschneit - was i et hoff. Dr Dengs war gescht uf dr Alb on hòt wonderschene Kichaschella fodografiert - wie dia dr Schnai vrdraga dädet, woiß i et. On Schlisslbleamla....

    Was bflanzsch en deine Käschda, manni?
    #160Verfasser Goldammer (428405) 22 Apr. 16, 08:08
    Kommentar
    I hao achd Hengegeranien koofd. Sihbe send bluedroed in drei leichd ondrschihdlene Schaddieronga ond oine isch zwaifarbeg - lilla mid am weiße Häez.
    Grad mibbFleiß so ganz wullgäerordenäere Pelargonium peltatum ... *hihi* ... weil se uff de Ballkoh näebe mier so ganz bsondrs ausxuechde dinne Disainarbleamla hand ond allad jedz Bläddle eggschdra bfläeged ond schneided. Deam sedz i ebbs Ibbex, wild Wuchrnz, oobendeg Ibrkwellenz endgege! Die wahre bralle Läebmsluschd - gex dean aschkehdesche Schlankhaizwahnpurissmuss!!
    A Freindin, die wo uss ar Gäädnarei kudd, hadze schier zdoedglached ibr mei Konzebbd ond hadd mi beschderkd in däer Browekadzijooh. Se hadd mr no groode, i mieß feschd denge, nocha däebe se sozomsage bladze in am wahre Bliederausch.
    Des wär mr grad räechd ;-))

    An Schniddleng ond an Rossmarihn wäer i abr oo no in an Winkl sedze, die schmecked so gued :-)
    Ond noch de Eishailege oo no sBasihlikom vo dr Fenschdrbank. Des bliehd grad schea hell-hellblao :-)
    Die brauched abr all a aiges Debfle, weil die koin Konschdengar idd kriege solled. Schließlich will i die ja äeße!


    #161Verfasser manni3 (305129) 22 Apr. 16, 08:50
    Kommentar
    Ha jetz lamme gao. Desch scho endressant, wamr ieber Gerania älles an nòchbrschaftliche Beziejonga on Bodschafda zom Ausdrugg brenga kã!
    Guat dass-e de gfrògt han, such heddamr des gar nia mitgriagt!

    (Disainerbleamla, :-DDD )
    #162Verfasser Goldammer (428405) 22 Apr. 16, 09:31
    Kommentar
    Disainerbleamla, dia bassed gwieß guad zua den Disainertuijas!

    Da Schose hot geschd Gerania kauft, aber er hottse no wäga dene Voraussaga in da Schopf neigschdellt.

    Guada Morga au no!
    #163Verfasser Moi Gab (456541) 22 Apr. 16, 10:29
    Kommentar
    Wo hòsch au du dei Hendi romflagga, Gäbele? I han di vom Subbermargt aus fròga wella waffiren Käs du noml fir des Tartiflätt nemmsch.....weil des mecht i gern morga zom Òbedessa macha.
    Jetzt muane halt noml nã irgendwann heit odder morga.
    #164Verfasser Goldammer (428405) 22 Apr. 16, 11:55
    Kommentar
    Oh Vegale, nia dô wone schbortla odr wone me dusch. Haschlummigumm!!!

    Reblochon hoißt der Käs oder da Münster goht au (da runde und da runde große, sonsch brauch mindeschdens drei gloine dazua).

    Abr id vrgässa: Diara zua! Diara zua!
    #165Verfasser Moi Gab (456541) 22 Apr. 16, 13:24
    Kommentar
    Diara zua! Diara zua! - ... unn amm bäschde aach dii Kischefänschdare weidd off !
    :-)
    #166Verfasser no me bré (700807) 22 Apr. 16, 13:38
    Kommentar
    En dr Sihddeidsche isch a    Kwiss ihbrs Allgai.     
    Ois haoni falsch, des ibr Neischwahnschdoi. Do beni bloss oimohl dinna gwe als Kend ond des isch scho lang häe ;-((
    #167Verfasser manni3 (305129) 22 Apr. 16, 14:07
    Kommentar
    En dr Sihddeidsche isch a Kwiss iebrs Allgai.
    Wenn-e da Lenk âagligg, kommt bloß 'The page you were looking for doesn't exist. :-(((

    Z Neischwahnschdoi ben-e au bloß oimol gweah, als Kend.
    #168Verfasser twocents (460778) 22 Apr. 16, 14:29
    Kommentar
    Grad haonis ausbessre welle ;-(((




    #169Verfasser manni3 (305129) 22 Apr. 16, 14:31
    Kommentar
    Dass geed jeds !
    #170Verfasser no me bré (700807) 22 Apr. 16, 14:56
    Kommentar
    Drodzdeam dankdrschea fier Dein PM-Dibb, Bréle :-)
    #171Verfasser manni3 (305129) 22 Apr. 16, 19:03
    Kommentar
    Ich hann aach middlaweile broobiad ... zwää hoddischh falsch ... de Räsch hoddisch ändweeda gudd gerood odda doo im Fäädelsche geleead ! :-)
    #172Verfasser no me bré (700807) 22 Apr. 16, 19:29
    Kommentar
    I han au zwoi et glei gwißt on zeah Vrsuch fir dia sieba Fròga braucht.
    #173Verfasser Goldammer (428405) 22 Apr. 16, 19:52
    Kommentar
    I haus oo gmacht ond an Haufa idd gwißt. I ben halt a eigfleischta Ondrländre. Ond daßmr iebroos amol a Gwiß macha däd ... ;-)

    Odr dädn ui wissa, welchr Hoiligr da erschda rechda Heiligschbrechungsbrozeß vodr ganza Welt griagt hot? Ond dia erschda Vita voma Zeitgenoßa drzua fr da Brozeß?

    Odr welcha Schdadt vom Kaisr Karl V hegschdbersenlech belagrt worra isch?

    Odr wella Schdadt mr dz Schwäbesche Rom ghoißa hot, ballz mear Pfaffa alz wia Leid gea hot?

    Odr wo am Mozart Leopold sei Jongr am Firschdbischoff vo Augschburg vorgschbielt hot, dr dabbige Firschdbischoff eam abr lei an Ring gschenkt hot, abr koi Schell idd gea hot?
    #174Verfasser Selima (107) 22 Apr. 16, 21:20
    Kommentar
    '... mear Pfaffa wia Leit ... '

    Amoisle, juhf mäid mai ihfnink!

    Bei de Algaier haun-e fembf richdige Antworta ghet - Neischwanschdoi ônd Memminga han-e it gwisst. Minchen-Wäschd, so a Bledsenn! Dau kennat se j au Kembda-Nord oder Berkheim-Sied saga. Odr so.
    #175Verfasser twocents (460778) 22 Apr. 16, 21:39
    Kommentar
    Noi, Amoisle, des hett i älls id gwissd.
    Bei dem Allgoiteschd honne au zwoi falsch ghett und bei manche Sacha honne guat grota. Abr des mitem Flughafen honne gwisst und des mit derre Wieb/Weib-Grenz honne beim Manni glernt.
    #176Verfasser Moi Gab (456541) 22 Apr. 16, 21:41
    Kommentar
    Maisle, bei all deane Froga wär i aufgschmisse. Abr sOndrland isch hald idd so fremdevrkäehrswirksam ond addrackdihf wies Oschdallgai - enddrnadzenahl xäeche ;-))

    DuSenzle, Njushwinestine-North wär no a bubblekommswirxamma Name, dasse die arglose Englendar ibre Disch zieched ;-))
    #177Verfasser manni3 (305129) 22 Apr. 16, 21:52
    Kommentar
    Dau hosch reacht, manne. Bei oos kommat seidm Mozart seim Jonga reacht weneg Leid vorbei. Des hot dean Vordeil, daßmr ondr oos bleibat.

    FF, des gfreitme, wanne Dein Obnd vrscheanrt hau :-)

    DLesong zom Ondrlandgwiß wär Ulrich, Lauenga, Dillenga, Dillenga gwea ...

    Oos kootmr ja mol a Schwobafadagwiß macha, was moinandr?
    #178Verfasser Selima (107) 22 Apr. 16, 22:06
    Kommentar
    Mann, ju mihn sse Kräisi King's Kässl?

    Schwaubafadagwiss isch a guata Idee, des wedd gwieß sauglatt!

    D'Eddid sagt om fembfvordreivierdlelfe Guaznächtle.
    #179Verfasser twocents (460778) 22 Apr. 16, 22:17
    Kommentar
    Jess, DuSenzle, ße Dissniwörldkähßlkobbi ;-)
    #180Verfasser manni3 (305129) 22 Apr. 16, 23:06
    Kommentar
    Gunnaachdsbaddschiis fa allegaare !
    #181Verfasser no me bré (700807) 22 Apr. 16, 23:38
    Kommentar
    Bonn nuii :)
    #182Verfasser Moi Gab (456541) 23 Apr. 16, 00:17
    Kommentar
    Guada Morga Scheißerla und a schees Wochaend! Der agsagte Wintreifall helt sich no in Grenza.

    (Guck, bréle, i honn da Edith sMaul vrbotta. Binne id folgsam?)

    #183Verfasser Moi Gab (456541) 23 Apr. 16, 09:24
    Kommentar
    Bôôschuuhrle ond die nägschd Wuche wäez kald am Donnschdag om bFreidag.
    Do wäer i meine Ballkoohbrowekadzjona reischdelle mieße, idd dasse no vrfriered.

    Ibregenz haoni die Eishailege im Wicki nochgläese. Die schdaned ja midde Mai im Kalendar - aabr dr Babschd meah amoohl!!! Durch deam Grehgoh sei Reform senze zehje Däg schbädr, äeschd Ende Mai. I hedd solle midd meine Geraniah waarde.
    Wo schdell jiez ii die naa, wo se a Liechd hand ond wonis oo gieße kaah? Goohz scho loos midde Sorga, wemma ebban odr ebbas zom vrsoerge hadd ;-(


    #184Verfasser manni3 (305129) 23 Apr. 16, 09:39
    Kommentar
    Holsche jedn Ôbnd rei und schdellsche untr dei Bett (odr hosch du dô au so a Undrbeddkommod? und koin Blatz idda)
    #185Verfasser Moi Gab (456541) 23 Apr. 16, 09:49
    Kommentar
    Siechsch, so debbed beni middlarweile, dass i denkd hao, i mießz a baar Dääg in dr Wohnong hao ond beim Gieße obachd geah, dass i koi Sauarei idd mach. Drseid räichz ja oifach, wenn is zNachd reischdell, weil ondrdax gohd dr Dermomädar ja ibr Null!
    Danke fier di Erleichdong, Gäbele! Es gohd doch nix ihbr a gscheide Freindinn :-))
    #186Verfasser manni3 (305129) 23 Apr. 16, 10:00
    Kommentar
    Noch esses graad äwe soo Zeid, fa Gummoin se saan ... de Rään duu anscheinds langsaam nooselosse ... foaläifisch ...

    Gummoin allegaare !
    :-)
    #187Verfasser no me bré (700807) 23 Apr. 16, 11:52
    Kommentar
    Aha, beim bréle loat da Räga nôch, drum gohts bei un jetz los.

    Ah Manni, du bisch oifach geddlich Es gohd doch nix ihbr a gscheide Freindinn hihi und nommel hihi :))
    #188Verfasser Moi Gab (456541) 23 Apr. 16, 12:51
    Kommentar
    Gunnaachdsschmadda fa allegaare ! :-)
    #189Verfasser no me bré (700807) 23 Apr. 16, 23:56
    Kommentar
    Vommer au :)))
    #190Verfasser Moi Gab (456541) 24 Apr. 16, 00:12
    Kommentar
    Guez Nechdle, Fehla ond Geranija ;-)
    Dond de Reame raa - moenamm Moeges isch mea a nuija Daag, do kennedrn mea naufdoe ;-)


    Guede Moege wenschd ui dEdidd ommare viedl ibr achde ond se häb de Gäädnarreame naufdao ond häb a äenschdhafz Broblehm midd deane Gerahnijenn:
    A Liechd dued eahna gued ond dWerme oo.
    Jiez isch abr so, dass in dr Schdube wermr als dussa isch; do hadz bloss 3,4 Grad ond hinna zwanzg. Abr dussa isch sLiechd vihl bessr. Jedz wie kubba do zue am obbdemahle Gleichgwichd in däer Endschaidong nausdoe odr hinna lao - ond wenn ja, wie lang?

    Kennd vo ui ebbar a zuevrlässege Forml, midd däer wo ma dDembradduhr ond dLiechdeischdrahlong bei Gerahnija ins obbdemahl Vrheldness sedzd??

    DanckEEE im Voer-Raus (odr Rei ??) :-))

    #191Verfasser manni3 (305129) 24 Apr. 16, 00:27
    Kommentar
    D'Heizong abschalta und d'Balkondiera aufmacha, da Wintrmantle un s'Wollmitzle aziah. Abr, wennda wit, derfsches au bei eis im Schopf undrschdella. Hosch halt a wengle a Fahrerei, abr des wärs wert, wemmer uns säah kennted.
    #192Verfasser Moi Gab (456541) 24 Apr. 16, 10:49
    Kommentar
    Wemmr eis säeche konnded, des wäers wäerd :-)
    I konnd ja die Geranija oifach dahoi lao beir offene Ballkoohdier, nocha wäer bFahrarei oifachr ;-)
    #193Verfasser manni3 (305129) 24 Apr. 16, 10:59
    Kommentar
    Also i woiß et, ob der Wexl vo Zemmer- zo Außadembradur dene Geranja et maih schadet als nitzt, wenndase äwwl dags naus on nachts rei dursch. I dät se glaub nausdao on fir d' Nacht mit ma Diachle zudegga. So en schdrenga Froscht wurds jò et gea.
    #194Verfasser Goldammer (428405) 24 Apr. 16, 11:41
    Kommentar
    Aaaadgenosse ! Aaaadgenosse ! ... iwwerall ! ... ään Gligg, dasses noch iwwa Null gebliib es ... do känne se sisch nedd dauahaffd niddalosse ...
    #195Verfasser no me bré (700807) 24 Apr. 16, 13:05
    Kommentar
    Do hots jetz au grad gschdebert.

    Ond d'Edith moint fimf Minadda schbätr, jetz däd d'Sonn scheina.
    #196Verfasser bluesky (236159) 24 Apr. 16, 13:43
    Kommentar
    Do ess dann aach ganns schnäll wedda dii Sonn rauskomm ...
    #197Verfasser no me bré (700807) 24 Apr. 16, 13:52
    Kommentar
    Bei uns hots grad gflegglet wia im diafschda Wintr.

    Manni, komm liabr amôle, wenns Weddr normal isch!
    #198Verfasser Moi Gab (456541) 24 Apr. 16, 20:33
    Kommentar
    *im Vorbeistampediera allen wink und das schöne Wort "Bensilveinijadadsch" gebührend bewunder*
    #199Verfasser Miss Anthropy (700297) 24 Apr. 16, 20:48
    Kommentar
    Huhu MissElchin !

    Kommschde jedsd äffdasch doohäa, fa Dei Schwääwisch se drääniire ? :-)
    #200Verfasser no me bré (700807) 24 Apr. 16, 20:52
    Kommentar
    Ich merk fei scho', dass das Lesen etz bessa goat. ;-P
    #201Verfasser Miss Anthropy (700297) 24 Apr. 16, 20:58
    Kommentar
    hfffffffffffffffffffffffffffffffffffffffffffffffffffffffffffffffffffffffffffffffffffffffffffffffds !
    :-)
    #202Verfasser no me bré (700807) 24 Apr. 16, 23:55
    Kommentar
    Merci !!!!

    Guats Nächtle, Scheißerla :))
    #203Verfasser Moi Gab (456541) 25 Apr. 16, 00:43
    Kommentar
    Oh mei. Schnea abkehra, Scheibe gratza, zittdra. I hätt des iatz nemme braucht. Ond dia MenchnAr hoz mol mear vrschont. Dauhanna liegt gar nigs.

    A scheana Wuch!
    #204Verfasser Selima (107) 25 Apr. 16, 06:39
    Kommentar
    Mier send hald oo a baar hondrd Meddr diefr, sogar uffm Ballkah, obwohls do an schdeile Bäerg zom Frihdnsengl nauf gohd - ja, genao, bsondrs mibbm Rad! Ond gfroere hadz idd. I brauch koi Scheiba idd aakredze ;-)
    I hoff, dass meine Geranija ondr dr Zuedecke* idd zwarm woere isch ;-)

    Oo all a scheane Wuche :-)


    *Emmrle, dankdr fier den Dibb :-)
    #205Verfasser manni3 (305129) 25 Apr. 16, 08:28
    Kommentar
    En dr Schdadt isches halt allweil no zwoi, drei Grädla wermer, wia draußa. Abr wenn du au unbedingt aufm Lechfeld wohna muasch - des isch bekanntlich Schwäbisch-Sibirien.
    #206Verfasser bluesky (236159) 25 Apr. 16, 14:24
    Kommentar
    Ah, es fleggelt mea.
    #207Verfasser bluesky (236159) 25 Apr. 16, 15:16
    Kommentar
    Gunnaachdsbissuus !

    ... unn däggen Eisch gudd zu, ßess kalld naachds ! :-)
    #208Verfasser no me bré (700807) 25 Apr. 16, 23:42
    Kommentar
    Okee, Mama ! Tu viens me border ?

    Bonn nuit :))
    #209Verfasser Moi Gab (456541) 25 Apr. 16, 23:46
    Kommentar
    Bonnnuihlaa
    #210Verfasser manni3 (305129) 26 Apr. 16, 00:57
    Kommentar
    Sendr nomml aufm Glo gwea? Handr a Daschaduach eischdecka? (hot mei Mama äbbl gfrogat, wammr ausm Haus send)

    Ond? Handr? Brav :-)

    An scheana Dag ui.
    #211Verfasser Selima (107) 26 Apr. 16, 06:53
    Kommentar
    No idd! Abr i be no dahoi!
    Mei Vaddr hadd allad no drzue xed: Hasch a Gäeld drbei?
    De Hausdierschlissl habba idd middnemma mieße. Dr ledschd haddn hendre Fenschdrlade rechz kenkd.

    An scheane Daag äebesoo :-)
    #212Verfasser manni3 (305129) 26 Apr. 16, 08:47
    Kommentar
    Guada Morga und an scheena Dag au vo mir :)))

    Jojo, dia Diskussjohna - abr i mueß doch garid, abr i mueß doch garid.
    #213Verfasser Moi Gab (456541) 26 Apr. 16, 09:47
    Kommentar
    Genau, Gäbele, on nò nòchra halba Schdond onderwägs: I muaß ufs Gloooo!

    Heit geits Tartiflätt. I han koin Rebloscho gfonda, i nemm jetz halt an andera rezenda Woichkäs.
    #214Verfasser Goldammer (428405) 26 Apr. 16, 10:43
    Kommentar
    und an griana Blattsalôt dazua, gell. Wenn solle komma?
    #215Verfasser Moi Gab (456541) 26 Apr. 16, 11:59
    Kommentar
    I gang jiez zeeschd uff sHeisle ond nocha glei zom Bassklarneddle - bfiezui ;-)
    #216Verfasser manni3 (305129) 26 Apr. 16, 12:40
    Kommentar
    En zeah Menudda. Schaffsch des no?

    's geit Tomadasalat drzua, des han-e grad no welche ghett. I be gschbannt. I han d' Ãgaba vo deim on vo dem Indernetrezebt gmischt fir mei Wersjo. Weißwei on Gremfräsch han-e neidoa, des han-e denkt, dät sich guat macha.

    D' Edith secht, leider wär 's Gäbele nemme zom Essa komma. Sui häb em Gäbele sei Porzjo nò gessa, damit's et vrdirbt. Es häb älle sauguat gschmeggt, on 's Emmerle macht des jetz efders.
    Wenn ebber dui jetz bewährde Rezebdur gern hett, soll mr's es Emmerle wissa lao, nò dät se's vrschigga.
    #217Verfasser Goldammer (428405) 26 Apr. 16, 13:09
    Kommentar
    Wenns gfunzt hot, no gisch uns dei Vegalerezäpt?

    Bei uns flegglets wia Zau. I dätmr winscha, dasses morga koine Fleggla auf da Schdroß id hot (miaßt nazgriaga sei, wemma sieht wia sich a Fleggle rar macha ka). Da Schose und i henn a Deit mit unsera Liablingsdochdr - mr wenn ins Solemar zom Dschilla und s'Auto ho scho Zommrsandala a de Fiaß.

    Viel Schbaß, Manni !!
    #218Verfasser Moi Gab (456541) 26 Apr. 16, 13:50
    Kommentar
    I fahr etzt durch des Gefleggle hoim mit meim Autole. Des hat frischmondierte Sommrroifa ;-))).

    #219Verfasser twocents (460778) 26 Apr. 16, 18:24
    Kommentar
    Kaaschde draua, i haus sogar bis iebr da Lech nom gschafft :-)
    #220Verfasser Selima (107) 26 Apr. 16, 18:41
    Kommentar
    Tartiflette
     
    Zutaten (4 Personen)
     
    1200 g frisch gekochte Kartoffeln (für 3 Personen nur die Kartoffelmenge auf 900 g reduzieren)
    4 Zwiebeln
    200 g geräucherte Speckwürfel
    ¼ l Weißwein
    200 g Creme Fraiche (z.B. Creme Leicht Kräuter von Aldi)
    Salz, Pfeffer,
    Butter zum Andünsten und für die Form
    400 g (2 runde Stücke) Reblochon oder anderen französischen Weichkäse (z.B. Rougette Landkäse, Le Roustique Crémerin de Moselle)
     
    Zubereitung
     
    Speckwürfel und Zwiebelspalten in Butter anbraten, pfeffern und dann mit dem Weißwein ablöschen, Creme Fraiche unterrühren.
     
    Gekochte Kartoffeln noch heiß schälen und in Scheiben schneiden.
    Auflaufform einfetten, die Hälfte der Kartoffelscheiben hineingeben und etwas salzen, darauf die Speck-Zwiebelmischung löffeln. Etwas von der Flüssigkeit zurückbehalten.
    Mit der zweiten Hälfte der Kartoffelscheiben belegen, salzen, dann den Rest der Wein-Sahne-Mischung darauf geben.
    Die runden Käse quer halbieren, die Hälften jeweils mit der Rinde nach oben auf die Kartoffelmischung legen.
     
    Im vorgeheizten Ofen bei 200° Umluft 30 Minuten überbacken
     
    Dazu passt Tomatensalat oder ein grüner Blattsalat.
     
    #221Verfasser Goldammer (428405) 26 Apr. 16, 19:14
    Kommentar
    Isch hodd heid Gligg gehadd ... wii isch hodd misse foad, do hoddisch dii Sonnebrell gebrauchd ... unn eh digga Schaal ... omm Hämmwääsch hoddisch ääna äänßischa Räänsdrobbe abbgriid ... koads foa de Hausdia ... unn dann hann dii Aadgenosse loosgeleed ...
    #222Verfasser no me bré (700807) 26 Apr. 16, 20:13
    Kommentar
    Jaa jaa d Abbrilleschdiebar, hadd mei Dande Senz, Johrgang 98, denn sage kenne, dr Abbrill machd was a will!


    Des Tartifledd siechd ja saugued aus - abr oo räechd fedd: Schbeck, Krähmfräsch ond Buddr als oi Helfde vo dr Masse, des isch ja wie bei de Käässchbadze. So ebbs geiz bloss alle hailege Zeida bei mier, ond drodzdeam wäed mei Wammbe allad gräeßr!
    #223Verfasser manni3 (305129) 26 Apr. 16, 22:22
    Kommentar
    Dätsch halt amol a wengle hampla, Manni.

    Vegale, war des id zalzig? Schbegg und Salz? Zom adinschda und eifetta nimme bloß no Oliefael. Ansonschda liest sich des guat. I glaub i brobier des au amôle so. Dankschee frs Rezepd.
    Freime, dasser alle guad über dSchdroßa hoim komme sin.
    Guads Nächtle!
    #224Verfasser Moi Gab (456541) 26 Apr. 16, 22:59
    Kommentar
    Hffffffffffffffffffffffffffffffffffffffffffffffffffffffffffffffffffffffds fa allegaare !
    :-)
    #225Verfasser no me bré (700807) 26 Apr. 16, 23:34
    Kommentar
    FEMPFZEAH Zantimetr Nuischnea em Allgai heit friah! Dau haune erschdamol Schnearaima mea, bisne mei Audole mear frei ghett hab.

    Wiane dean Morga hoißa soll, woiße no idda.
    #226Verfasser Selima (107) 27 Apr. 16, 06:22
    Kommentar
    Bleib hald dahoi ond gang zom Langloffe. Deesch xendr als Schdarnbäergar ibr dLindauar Audobaah hedze!

    Guede Moege allmiddand.
    Bei eis uffm Ballkaah isch s grea Gräs ganz leichd ibrzuckred, abr s hadd ganz knabb koin Froschd idd kedd!

    An scheane Dag ui all :-)
    #227Verfasser manni3 (305129) 27 Apr. 16, 07:52
    Kommentar
    Onser Zeidong hòt heit a Bild denna vo dene arme Kiah em Allgai, dia wo em Schnai romdramblet.

    @Gäbele: I moin halt, Kardoffla brauchet en Haufa Salz. Des vom Schbeck hòt mir dò et groicht.
    #228Verfasser Goldammer (428405) 27 Apr. 16, 09:51
    Kommentar
    Des Thermomeder vor meim Kichefenschdr moint, es häb minimal oins komma vier Grad ghabt. Do bleibt nix liega.
    #229Verfasser bluesky (236159) 27 Apr. 16, 13:07
    Kommentar
    Bei eis hotses dua mitem Schnee. Mr sin guat ins Solemar und wiedr hoimkomme. Jetz gotz nocher glei zom Goschaklempnr und zur brofessjonella Zahreinigung.

    Siejuleitr......
    #230Verfasser Moi Gab (456541) 27 Apr. 16, 14:09
    Kommentar
    ...Arme Kiah im Allgai...
    Vo wäga arm - Kan i nu säga "gratulier" - wenn ma im Allgäu amol Küah uf dr Wiesa siaht !
    Dia sän net zum bemitlaida, sondern wenn's denn über 20 Grad hòt und kan Schatta uf dr Waid isch !
    #231Verfasser karink (659752) 27 Apr. 16, 15:02
    Kommentar
    Velleicht han-e se a weng vrmenschlicht, dia Kiah, dò mògsch reacht han, karinkele, bloß weil i selber des exdrem õgmiatlich fenda dät...

    A guats Nächtle älle mitenand.

    Huhu, Babsibelieberle, bisch widdr gsond?

    (Zo mir) Wahrscheints wara mir bloß a Zeitvrdreib em Grankaschdand, on jetz wo's widder gsond isch, ischs widder en dr Rialwörld zugange....soll jò au reacht sei.....(zo mir/aus)

    #232Verfasser Goldammer (428405) 27 Apr. 16, 23:25
    Kommentar
    Gunnaachdsbeesiidoss ! :-)
    #233Verfasser no me bré (700807) 27 Apr. 16, 23:38
    Kommentar
    Jo, hoffemr, dasses wiedr gsund isch, des Babsibelieberle. Gsund, desch d'Hauptsach.

    Guads Nächtle! Danksche brélele, fr dia Beesidoos Am Potzigle schiggamer a baar badschi.
    #234Verfasser Moi Gab (456541) 27 Apr. 16, 23:44
    Kommentar
    ... unn seim Grämmbi in Hall aach ...
    #235Verfasser no me bré (700807) 27 Apr. 16, 23:57
    Kommentar
    Des saudomme Tief bei Siedschweden gòht mr so was von uf dr Geischt! Des soll sich amòl irgendwoandersch nãvrlagra on sei Scheißpolarluft et emmer zo ons raschaufla!
    (Es schneit scho widder, i han koi Luscht maih!)
    #236Verfasser Goldammer (428405) 28 Apr. 16, 08:24
    Kommentar
    Heit haune idd schibba mea, drfier gratza. I fend oo, daßas roicht.

    An guada Morga.
    #237Verfasser Selima (107) 28 Apr. 16, 08:36
    Kommentar
    Scho - es raichd! Abr die Eishailege kommed äeschd noo, ond dSchoofskelde oo!

    An scheane Daag ui all :-)

    Noo scheind Zonne :-)
    #238Verfasser manni3 (305129) 28 Apr. 16, 08:51
    Kommentar
    Leitla, sin zfrieda mit demm wanner honn. Im Franzradio hot oiner gmoint, in fuffzg Johr gähs bei eis koine Jôhreszeita meh. Sei nô bloß no hoiß in Eiropa. Wenne denn au nimme am Läaba bin, no finde des wellawäag firchdrlich. S'fangd scho a mit dem läschdiga Gloizeig, des vo warme Lendr zua uns kunnt. Dia Tigrmugga z. B., d'Dschikungkunja, und woiß da Geier was sonsch no. S'isch jô bloß a äxdrems Abbrillaweddr womer honn.
    I woíß, i ka guad schwätza, i bin jô nimme aufs dägliche Audofahra agwiesa.

    I winsch eich an schneefreija, schena Dag. Mir henn a blaus Himmel und Sonnaschei. Des schigge eich num :)))

    D'Edith moint, Zonn miaßd inzwischa bei eich akomma sei, wellmer dohanne jetz bletzlich an kohlrabaschwarza Himml honn. (Himmele, gang de wäscha ;)
    #239Verfasser Moi Gab (456541) 28 Apr. 16, 09:47
    Kommentar
    Do ischs Weddr ganz brav, leicht bewölkt, zwischadurch blauer Hemml.

    Manni, was machen deine Gernaien? Heit nacht hots a kloins Fröschdle ghabt.

    Auf dr Zugschbitz hams geschdern an zwoita Krane aufbaut.
    #240Verfasser bluesky (236159) 28 Apr. 16, 12:52
    Kommentar
    Meine Geranija gohz gued - danke dr Nochfrog. Dr Wend hadd eahna a bissle zuexedzd kedd. Nocha haonis hald mea grad naaxedzd und de Bode a bissle feschdr druckd.
    #241Verfasser manni3 (305129) 28 Apr. 16, 18:32
    Kommentar
    Soo, isch glaab, isch hann jeds genuch Reggmälldunge ... Danggescheen allegaare !
    #242Verfasser no me bré (700807) 28 Apr. 16, 21:16
    Kommentar
    Hä, brélele ?

    Bonn nui älle zämma :))
    #243Verfasser Moi Gab (456541) 28 Apr. 16, 23:32
    Kommentar
    Graaad waa wedda mei Inndanädd gaa nedd nädd ... isch hann Dia eh Ihmää geschiggd, mon Gäwwelsche !

    Hffffffffffffffffffffffffffffffffffffffffffffffffffffffffffds fa allegaare !
    #244Verfasser no me bré (700807) 28 Apr. 16, 23:50
    Kommentar
    Boschurrrle!!! :-)
    #245Verfasser Moi Gab (456541) 29 Apr. 16, 09:23
    Kommentar
    Guede Moege allmiddand

    wenndr ui ebbs Ammesanz aadoe wend, nocha lueged do deana nei Siehe auch: O'zapft is - #10
    Do goz om die richdeg Schreibong vo Dialeckdwäerdr anhand vom bairesche ozapfd/o'zapfd *hihi*
    #246Verfasser manni3 (305129) 29 Apr. 16, 10:21
    Kommentar
    Na ja, amesant isch vorallm, daß Bayern, dia wo sell koine Baiern send, Leit aus NRW erglärat, wiamr Bairesch richdeg schreibt, und dia widdr deane Bayern, dia wo koine Baiern send, erglärat, daßes falsch schreibat.
    #247Verfasser Selima (107) 29 Apr. 16, 10:32
    Kommentar
    Feeschelsche, dass wa dii rischdisch Adräss, Dankescheen nochmool ! ma hanns gegläad ...
    #248Verfasser no me bré (700807) 29 Apr. 16, 13:11
    Kommentar
    Grad fanged bei meine Geranija die Knoschba drmidd aa, dasse bei deam wermre Weddr ond in dr Sonne so langsam aufgand, nocha liehs i dEiladong zuer Eiwohnarvrsammlong vo eisrar Sihdlongsgemeinschafd - ond was vrlangd bFrau Schneidar ussm Naochbaurshaus als Konnsekwenz uss iehrem Schdreid midd iehrar Nochbeire ibr iehr???
    dHausoerdnong fier die ganz Sihdlong soll dahinngejend gendred wäere, dass d Bloemekäschde bloss no uff dr Inneseidde vom Ballkooh erlaubd wäered.

    Abr i gloob, do wäezese dZeeh ausbeiße. Die maischde hand iehre Bloemekäschde ussadedd, weil eisre Ballkooh so kloi send, dasse grad fier zwai Bersohna zom Rauche ond/odr Kafeedrenke (wenn dr Kuechedellar kloi isch ond wemma dElleboge aalegd ond de kloine Fengr idd abbschbraizd) raiched.
    Vileichd gang i doch amohl zue däer Eiwohnarvrsammlong - die Dischkessjooh däd mi endressiehre ;-))


    #249Verfasser manni3 (305129) 29 Apr. 16, 20:55
    Kommentar
    D'Schneidre (middam Abboschdroof!) dirft ko Schaas hau, außr s giit a Hausordnông. Ônd sogar dia kaa ma ausheebla (Gewohnhaizrechd, Erklärông, dassba a gscheita Abschdurzsichrong fr dKäschda hat ...). Meine Käschda hengat scho emmer ussadett,
    ennadenn hett-e au koin Blaatz drfier. I hau abr au Käschda, wo ma guat giaßa kâa, ônz Wassr it rauslauft. Naaghaglat isch en fembdßfadreißg Jauhr iebrigenz no koinr.
    (Barôm schdreitart dSchneidre (ohne Abboschdroof!) eigentle middr Nauchbeire iebr iehr?)
    #250Verfasser twocents (460778) 29 Apr. 16, 22:14
    Kommentar
    I waiß idd. In deam Brief, dean wo dHausvrwaldong/d'Hausvrwaldong beigleggd hadd, schreibze, dass die Bloema so weid raahanged. Abr wahrscheinz isches oo ibrs Gießwassr, des wo iehr uff bBrischdong/d'Brischdong drobfned. Ond a baar vrbliede Bliedebläddla wäered oo raafalle. Jednfalls hanzese a baar Brief gschriehbe, oine sogar middam Aawald. Sacha geiz!!
    #251Verfasser manni3 (305129) 29 Apr. 16, 22:24
    Kommentar
    Ibregenz, Emmerle, morga goht d'Dult mea a. Bloß dr Ordnung halbr.
    #252Verfasser bluesky (236159) 29 Apr. 16, 22:43
    Kommentar
    Doo freid sisch beschdimmt dii Huudfakaifarenn wedda off Dei Besuuch ... :-)

    ßEedidd sadd omm veadel foa Feijaommend noch : Gunnaachd allegaare ! Schloofen gudd unn dräämen wass Scheenes ! ... unn fiilen Eisch gebisuud !
    #253Verfasser no me bré (700807) 29 Apr. 16, 23:10
    Kommentar
    Viel Schbaß bei da Dult, Himmele!

    Guads Nächdle, Leitla!
    #254Verfasser Moi Gab (456541) 29 Apr. 16, 23:50
    Kommentar
    Ond mier isch grad nomohl eigfalle, dass bFrau Schneidar gar koi Schwäbesch idd vrschdohd. No wäezese bei däer Dischkessjooh uff dr Aigedihmarvrsammlong scho räechd schwäer doe ;-)

    Guez Nechdle :-)
    #255Verfasser manni3 (305129) 30 Apr. 16, 00:39
    Kommentar
    Guads Nächdle, Mannile. I hoff, da dreimsch id vo da Frau Schneidar.
    #256Verfasser Moi Gab (456541) 30 Apr. 16, 00:58
    Kommentar
    Des will i oo hoffe, Gäbele :-))
    Liebr vo de Geranija!

    Raschle schea!! ;-)
    #257Verfasser manni3 (305129) 30 Apr. 16, 00:59
    Kommentar
    Dr Jong hòt letschde Nacht om halber ois a Amsljungs greddet. Des hòt no et reacht fliega kenna on isch uf dr Flucht vor onserem Mohrle gega a Dier gfloga on hòt sich vrletzt. Jetz hoggt's en dr Dusche on schreit, on er will's zor Voglwarde brenga....
    #258Verfasser Goldammer (428405) 30 Apr. 16, 07:55
    Kommentar
    Sch...kaddza! Auf Bfegl gannze normalrweis bloß, wennsna z langweilig isch.
    Em Grdda vô meinr Muadr giiz so guat wia koine Feegl meah, weil alle Nauchbaura rôndrôm Kaddza hand. Die send braggdischr wia dHônd, weilba sei it ausfuiehra muaß, ônd dr Dregg lanze au en Nauchbrs Wies. Zôm Schdreichla bassad se aufs Soffa.

    Guatamorgamiddanand.
    #259Verfasser twocents (460778) 30 Apr. 16, 08:44
    Kommentar
    Guggamôle, Senzle, unsr Miezi (s'hot echt so ghoißa) isch ammel reikomma, wenns aufs Klo hot miassa. S'war koi Nacht id dussa, wells a vrgribblds Pfetle (bis nauf zuer Schultr) ghett hot. Gega s'End zua isches allweilno brav ins Klokischdle gschdiega, bloß sFiedle hôt ammel driebr nausgluaged. Wenne morgens am Fimfe aufgschdanda bin, honnes scho grocha. I honnera id bes sei kenna, honns viel zliab ghett. Jetz isches au scho zeah Jôhr im Katzahimmel. Vielleicht schdreichds manchmôl am Potzigle um Pfiaß. Des wärmr a Freid.

    Guada Morga au no :)))

    #260Verfasser Moi Gab (456541) 30 Apr. 16, 09:17
    Kommentar
    Gäbale, i glaub wenn a Haustierle em Haus leabt, isches ebbes andres - wia bei Eiram Miezile. Abr wenn a Tierle emma Haus leabt ônd vo de Menscha voll vrsorgt wedd ônmd gleichzeidig au ên d Wildnis kâa, dann verhelt sichs halt au wia a Wildtier, abr a iebervrsorgts.
    I woiß au, dassba it alle Katza êm Haus halt kâa. Abr wenn aus jedam zwoita Haus dKazza schbrengat, dann send des bferleichsd zviiele. A 'nadierlicha' Kazzapopulazjoh wär wahrscheiz it so dicht. D Kazza miassat ja 'wild' gnua Mêis fenda zom iebrlaba ônd braucha a entschbrechend groaß Rewihr. Bfeegl jagat se it, wennse Hôngr hand ônd a Fressa brauchat, deesch z'âaschdrengend.
    Beira Hauskatz isches Iebrleaba gsichrat, die kâa auf dr Rantsch an Bleedsenn macha, ohne dass-d des langfrischdig iahra Iebrleaba bedroht. Dr zwoifiaßige Doosaeffner wartat ja scho en dr Kuche.
    #261Verfasser twocents (460778) 30 Apr. 16, 09:48
    Kommentar
    Halba fliggane Amsljonge sen halt au fir au guat vrsorgts Kätzle a arge Vrsuchong, wo se et wiederschdanda kennet.
    Dr Dengs isch ema baise Konfligt on deshalb a weng grädich. Er mòg seine Kätzla, aber er hòt sich au so an dem jonga Amsldierle gfrait on fendet's saubled, dass er neamrz d' Schuld fir des Galama gea kã....
    De Jonge sen widder dò, en dr Voglwarde hent se no nix saga kenna, weil's Vegale z' lebhaft gwä isch zom sich ondersucha lao. Des kennet se ersch macha, wenn a zwoider Kollege dò isch. Mr kennet nò am Meedich amòl nòchfròga. Eddafall isches mit zwoi andere Amsljonge enra Woliere on hòt a Friehschdigg griagt.
    #262Verfasser Goldammer (428405) 30 Apr. 16, 09:56
    Kommentar
    Bei eis flieged an Haufe Amsla rom ond krieged zwai biss dreimohl im Johr Jonge. Es käerd zom Gleichgwichd in dr Nadduhr, dass idd all durchkommed - so laiz oim dued, wemma siechd, dass s Aichkädzle sAmslneschd ausgnomme hadd, wie bei mier donda in dr Hecke, wonis doch soo gäere foddografierd hedd. Des isch schad, i hedd mi gfraid - abr oms Ibrläbe vo de Amsla mach i mier wex deam koi Sorga. Die käered idd zue de bedrohde Gaddonga.
    Ma kaa se ja oo gfraije, dass des schmuseg Schnurrdiburrlikädzle no ebbs vo seir wilde Vrgangehaid in sich hadd - odr?
    S erinnred mi allad draa, dass ba dr Nadduhr ond dr Regelierong vom Gleichgwichd idd midd dr menschlech Morahl komme däff.
    #263Verfasser manni3 (305129) 30 Apr. 16, 10:20
    Kommentar
    Zsend it bloß Amsla. Au dMaisla ond Goldammra, wenns no oine geah däät. :-(((
    Ond wenn a wilds Oichkätzle dia frisst, siehn-e des êi. Abr it ôobedengt, wenn a Viech, wo ghalkta wrd ônd gnua Fuaddr hat, en sêire Lagaweil...

    Ma kaa se ja oo gfraije, dass des schmuseg Schnurrdiburrlikädzle no ebbs vo seir wilde Vrgangehaid in sich hadd - odr?
    Sagsch des au entschbrechend, wenn de a Hônd bissa hat?
    #264Verfasser twocents (460778) 30 Apr. 16, 10:36
    Kommentar
    Beim Maisle ond beir Goldammer isch die menschlech Morahl allardengs aagmäeße :-)))
    #265Verfasser manni3 (305129) 30 Apr. 16, 10:51
    Kommentar
    Manni, dô ischmr grad äbbes durch da Melle gschossa: Wenns in deim Haus scho blede Nochberra git, no bass au auf, dass dia id auf dia Idee komma kenndet, dass du mit deim schena Fotti und Objegdiv an Schbannr sei kenddesch. Heidzdag, muema mit ällem rechna.

    Hampla gang.
    #266Verfasser Moi Gab (456541) 30 Apr. 16, 10:54
    Kommentar
    Gäbele, soo endressand isch die Nochbeire mea idd, dass i die foeedegrafiere däd ;-)


    DuSenzle - zue deine Ediddgedanke: Mi hadd zwahr no nie koi Hond idd bisse, abr oo bei deam rechne i midd seir wilde Vrgangehaid, middr meine abr oo :-)
    Ond vileichd habbe grad wex deam no koir idd bisse, wäe waiß ;-)
    #267Verfasser manni3 (305129) 30 Apr. 16, 10:59
    Kommentar
    I gibs auf ...
    #268Verfasser twocents (460778) 30 Apr. 16, 11:15
    Kommentar
    Also Langweil isch au a menschlicher Begriff on beschreibt des glaub i et ãgmessa, worom Katza als mòl a Vegale oder a Meisle vrdwischet. I sieh des au et obedengt ei, ibrigns, aber des schert 's Mohrle et.

    I sag mr au, dass d' Amsla (on d' Maisla gleichfalls, vo deane hemmer au vill em Garda - drotz Katzahaldong seit edwa vierzg bis fufzg Jòhr uf dem Grondschdigg, on emmer mehrere) et en ihrer Ard bedroht sen, aber em Dengs sei Kommer isch et razjonal, dem komm-e mit Argumender et bei. Er hòt abber enzwischa ebbes gschafft, zom sei schlechde Laune ieberwenda, 's reschtlich Kameeholz d' Kellerdrepp nagschmissa, damit's Blatz geit fir's neie, on glei onda ufgschdabblt. 's hòt glabbt on jetz ischr widder a weng wohlgemut.
    #269Verfasser Goldammer (428405) 30 Apr. 16, 12:14
    Kommentar
    Ah Vegale, kenntamr iddamôle da Schose und da Dengs an Dag lang zämma schberre, dasse sich gegaseitig ah- und ausbrummla kenned?
    #270Verfasser Moi Gab (456541) 30 Apr. 16, 13:29
    Kommentar
    Des wär a subber endressants Egsberiment, Gäbele!
    :-D

    (Jetz gòht em manni sichr widder a schdärgere Altmannafragzjoh ab....)
    #271Verfasser Goldammer (428405) 30 Apr. 16, 14:43
    Kommentar
    hihi, jetz drauter sich nix zom saga. Abr womeglich dommerm au uräat und er isch grad mit da Frau Schneidar am ratscha.
    #272Verfasser Moi Gab (456541) 30 Apr. 16, 15:21
    Kommentar
    Oder er foddografiert se grad ... ;-)))

    Geschd am schbääda nammeddag bin-e middara friehra Kollegin in a kloina Wirtschaft 'inse middl of nouwear' zom Essa ganga, schbädr hats mr an Aussichdsponkt zoigt, wo ma iebr da ganza Ammrsee bis endBerg sieht. Als Abschluss hammr am See, neaba dr Weft vô de Ausflugsschiff, no ebbes dronka. Wondrschea isch gwea.
    #273Verfasser twocents (460778) 30 Apr. 16, 15:28
    Kommentar
    Freitme fr di. Mi reits allno, dassede in Bad Buchau id gsäa hon.
    #274Verfasser Moi Gab (456541) 30 Apr. 16, 15:41
    Kommentar
    bFrau Schneidar foddegrafier i idd, grad mibbFleiß, ond des gschiechdr grad räechd ;-)
    Dr Nochbaur isch dogwese ond hadd in Nullkommanix mein Kombjudar so eigschdelld, dassa koi Basswoed nemma brauchd. Des isch brackdesch, weil nocha mueß i mier oo kois aufschreibe ond kaa dean Zäedl, uff dean wonis aufgschrihbe hao oo idd vrlege, weils gar koin sedde Zäedl nemma geid. Des merk i mier jiez abr, do ka dr Dockdr Halseimar, odr wie däe haißd, meggre wiena will ;-)

    Noi, Brennholz brauchi kois. Mier hand Fernwerme, sogar mibba im Sommr, fallses amohl kald wäed ond Eishailege odr kalde Schoof vorbeikommed ;-)

    Ond die Aldmennrfrackzijooh gohbr denn scho aa.


    #275Verfasser manni3 (305129) 30 Apr. 16, 16:17
    Kommentar
    I habs mr fir morga vorgnomma, dia umschdellung auf Win10. Irgendwelche Tipsd, manni? Außer dem, des Passwort fir die Umschdellong raus zum nehma.
    #276Verfasser bluesky (236159) 30 Apr. 16, 16:50
    Kommentar
    Ganns wischdisch foa de Ommschdellung : alle wischdische Daade sischere ... am bäschde offra äggsdäan Fäschdbladd ... wii Indanäddseide, Basswäada, Imäähldadresse, Wöad- unn Eggsael-Dadeije, Billda, Brausainschdellunge unn so weida unn so weida ...
    #277Verfasser no me bré (700807) 30 Apr. 16, 17:16
    Kommentar
    Des Dateia wern abr gar net aglangt, saget sei bei Winzigwoich. Ond außerdem hot mir der Virus eh alls verschlisselt, was soll i do no sichara.
    #278Verfasser bluesky (236159) 30 Apr. 16, 17:56
    Kommentar
    Ach du je, des hert sich abber a weng scheiße ã, moin i.

    Also i persenlich dät dò dene vo Gloiwoich et honderbrozent ieber dr Wäg draua on drotzdem alle Dada wo mr wichdich sen egschdra sichra. Es keet jò theoreddisch sei dass älles schief gòht on du dr Kombuder komblett nui ufsetza muasch, nò wär's doch saubled wennda deine Dada net woandersch gschbeichret heddsch. An graißera Eigriff en's Sischdem dät i nia ond nemmer ohne voriche Dadasicherong macha.

    Odder isch der Wirus so gemein, dass-r dr sowieso älles hegmacht hòt on deine persenliche Dada älle õrettbar vrsaut sen?
    #279Verfasser Goldammer (428405) 30 Apr. 16, 18:37
    Kommentar
    Was däe Wires bei dier aagschdelld hadd, waiß i idd. Abr uff jedn Fall alls eggschdra sichre, was zom sichre goht: genao soo, wies Bréle gschrihbe hadd.
    I druck dr de Daume, dass des middeam Wieres weckbremgschd!
    #280Verfasser manni3 (305129) 30 Apr. 16, 18:57
    Kommentar
    Meine Dateia sin net im Syschdemordner von Winzigwoich gschpeichert, sondern in am eigena Verzeichnis direkt ondr /root. Von doher hab i do koine Bedenke, Mehl mache eh onlein ond d'Passwerdr sin verschlüsselt aufam Schdigg.
    #281Verfasser bluesky (236159) 30 Apr. 16, 19:22
    Kommentar
    Ok, i denk jetz han-i-s so õgfähr kabiert.

    Abber drotzdem dät i alles was irgendwo uf deira gegawärdicha Hardwär gschbeichret isch noml egschdra sichra. I moi halt, das dr Deifl a Eichhernle isch, wia - i glaub - mei Uroma ausm Botzich seira Gegend gsagt hòt - on mr lieber ebbes zviel als ebbes zwenich macht in pungdo Dadasicherong.

    Vrzehlsch ons nò, ob älles glabbt hòt?
    #282Verfasser Goldammer (428405) 30 Apr. 16, 20:23
    Kommentar
    Gunnaachdshffffffffffffffffffffffffffffffffffffffffffffffffffffffffffffffffffffds fa allegaare ! :-)
    #283Verfasser no me bré (700807) 30 Apr. 16, 23:55
    Kommentar
    Guez Nechdle allmiddand :-)
    Guez Raschle :-)
    ... ond do isch no a Beddhubfarle fierd Hibblar:             
    #284Verfasser manni3 (305129) 01 Mai 16, 00:13
    Kommentar
    Liabe Leit, zwischadure au mal wiedr vommir a guaz Nächdle!
    I hau nedd alz gläasa, ond wolldd blos sa:
    i däd nemme auf W10 wäxla - isch alz dodaal lanxam worra!
    Etz benne miad ond gang enz Haidda.
    #285Verfasser schwäble (951819) 01 Mai 16, 00:19
    Kommentar
    Guads Nächtle !

    (s'Betthupferle honne au gfunda)
    #286Verfasser Moi Gab (456541) 01 Mai 16, 00:31
    Kommentar
    Guada Morga, Schbätzla! Bei uns in da Gegnd werred wohl dMajaausfliag ins Wasser falla. S'schifft.
    #287Verfasser Moi Gab (456541) 01 Mai 16, 09:28
    Kommentar
    Dann musschde Dei Maiaussfluuch biss doohea mache ... dii Naachd hodd sischs ausgeräänd unn jeds scheind dii Sonn !
    #288Verfasser no me bré (700807) 01 Mai 16, 11:52
    Kommentar
    Isch komm, isch komm :))))
    #289Verfasser Moi Gab (456541) 01 Mai 16, 14:26
    Kommentar
    Leitla, kennedr den Schbruch au:

    Wer's glaubt wird selig, wer in Mehlsack schdeigd wird mäahlig und wer schdirbd wird schderrig?

    Mannile, schderrig honne in unsrm Werdrbuach id gfunda. Bitteee :))
    #290Verfasser Moi Gab (456541) 01 Mai 16, 19:34
    Kommentar
    Gäbele, wenn des a jeza do hinna vrschdohd, brauchz doch idd ins Wäedrbuech.Im Wäedrbuech hammr laud Deffenizjooh em dridde Lenk vom OP
    (Obachd, krieg koin Schock, jiedz wäez hoechschdandardschbrochlech deidsch!!)

    Sammlung regional gebräuchlicher Wörter und Ausdrücke
    Das sind Wörter oder Ausdrücke, die nur kleinräumlich bekannt sind und deshalb nachgefragt wurden.

    Soo oifach wemmrs de schdille Middläesar doch oo idd mache. Die solled riebeg do hinna frooge, wennse ebbs idd vrschdanded ;-))


    #291Verfasser manni3 (305129) 01 Mai 16, 20:08
    Kommentar
    Also i kenn des als "schderch" ohne i fir steif.

    (Wird aber et fir älles vrwendet, was schdeif isch oder sei kã, wenner vrschdanded was i moin. Zom Beischbiel a Wesch, dia wo scho hondertmòl mit Kalgwasser gwäscha worra isch, wird beim Driggna schderch)
    #292Verfasser Goldammer (428405) 01 Mai 16, 20:16
    Kommentar
    Ond bei eis ische gschdäär.
    Ond wenn i koi Ginnaschdeck idd mach am Moege, ben i o gschdäär.
    #293Verfasser manni3 (305129) 01 Mai 16, 20:46
    Kommentar
    So, i mach no gschwend a Lenkle zom nuia Fädale fir dia mit et so guade Auga, wo des weider oba et entdeckt hent.
    Bloß fir älle Fäll.
    #294Verfasser Goldammer (428405) 01 Mai 16, 21:06
    Kommentar
    Des mit dr Wäsch kenn i als gschderrig.

    Do samma mea beim kleinräumiga Dialekt.
    #295Verfasser bluesky (236159) 01 Mai 16, 22:57
    Kommentar
    ädd kloireimega Dialeckd: Also du moisch, wäe gschderrig sehd, wäed abr des moigäbelig schderrig idd vrschdao?? *hihi*

    Abr gued, was solls - dr Schbaicharbladz beim Leo koschd ja schließle nix: nocha schreibis hald in Godznahme ins Wäedrbuech* nei :-)
    I mach de Eidrag uff "schderrig" ond die wo gschderrig, gschdäär, schderch odr noo andrschd saged, brauched hald a bissle a Fandasih ond Eifihlongsvrmehge ;-)

    *S Abbdeid geiz nocha mea zom Geburzdag am neinde Juhli!
    #296Verfasser manni3 (305129) 01 Mai 16, 23:26
    Kommentar
    On, hemele? Erfolgreicher Windoffszeah-Nutzer?
    #297Verfasser Goldammer (428405) 01 Mai 16, 23:30
    Kommentar
    Danke, Manni, bisch a Schätzle :))

    On, Hemele, warsch auf da Dult? Gits an neia Gogs?

    Guads Nächtle und schlôfet guad :)
    #298Verfasser Moi Gab (456541) 01 Mai 16, 23:31
    Kommentar
    Danne saanisch allsmools, soo koads befoa doo imm Fäädelsche Schluss gemachd gäbbd, nochmool : Gunnaachd allegaare ! Schloofen gudd unn dräämen wass Scheenes ! ... unn nämmen, wanna wolle, noch eh baa Gunnaachdsschmaddsa medd ...
    #299Verfasser no me bré (700807) 01 Mai 16, 23:33
    Kommentar

    uez Nechdle :-)


    dEdidd hadd no a Aamerkong: de ledschde Beidrag kaa ma jidz ibregenz oo no ededdiere ;-)
    #300Verfasser manni3 (305129) 01 Mai 16, 23:49
    Die Diskussion zu diesem Artikel ist geschlossen.
     
  •  
  •  
  •  
  •  
  •  
  
 
 
 
 
  automatisch zu   umgewandelt