*aangemälldbinn*

Eh scheenes neijes Fäädelsche haschde wedda gemachd, Faadebabba ! Danggescheen !

:-)

zBrele isch a Käpsale - s hat em alta Fädale an Koeffezjend vo 0,99667774086 - mit dr Beidraagsnommr 301 

Gueznächtlemiddanand!

Ja, do hadd oir falsche Zerdifickahd ond Uerkonda aabodde ond do ischm a echz Käbsele drzwischegrudschd *hihi*

Guez Nechdle allmiddand :-)

(kobffschiddl) So a dommr Siach, moint, er kennt sein Gruscht amma Schwaub vrkaufa (/kopffschiddl)

Z reangalat.

Mir hen vorhin a Haglschdirmle ghett - zersch hòt's gschdirmt, nò a baar Minudda bratzlet on ghaglet (gloine Kernla, nix Draumaddischs!), oimòl blitzt on donneret, on rom isch gwä. Zeah Minudda schbäder dr schenscht Rägaboga ieber dr ganze Hemml.

Kalt isch worra. I nemm a Bettfläschle mit ens Pergolabettle, on dr Dengs hòt sei wollane Dobblmitz (so oine wia-n-i au no em Botzichle gschdriggt ghett han on nia erfahra, ob'r se wenigschdens no oimòl ufghett hòt - *seifz*) rausgruschdlt zom se en dr Nacht ufdoa. Also griicht semmer fir dui kommende Nacht!

Dees gohd dr no noch midd deam eifrsichdege Krembbi, gell? Nemms hald als ois vo deane oogleesde Räzl däer Menschhaid. S wichdeg draa isch, dass du eahm libevool begegned bisch, ond mier hadd des gued gfalle :-))

Däer Weeg isch das Ziehl.

An guede Moege ond an scheane Daag ui all!

Guatamorgamoddanand, dZonn scheint!

Mei, sKrembbi wedd halt is gwißt hâu, was dau so los isch en dem Endrnedd. Dau kriagba ja ganz gschbässige Sacha mit, wa dau allz bassiert. ônd fr arg selbschdbewussd hau-n-e se au it ghalta nauch deam wa ddr Boddzig gschrieba hat. Wer ôosichr isch, kâa drbei it großziegeg sêi. Schad eigentle.

i gang gâu ommananddriala heit, a bissle êikaufa, a Kafeele drenka, bferleichd a nuis Buach - wär dann sch z dritte em Haushalt :-)))

I breng des iebrigns et mit ma persenlicha Groll uf s' Krempi zsema, i kã des guat vrschdau, was en dera vorganga isch. 's isch eher oifach a weng dragisch on draurich en meira Erinnerong. Drauriche Erinneronga geit's ab ond zua, desch halt wia 's Läba isch.

Irgendwia semmer a weng schweigsam druf zur Zeit - scho widder zwoi Däg seitm letschda Beidrag!

Waschn los? Hemmer ons nix maih zom saga?

Oder send'r älle mordsbissi?

Wo schdäggd eischendlisch unnsa häadsallaliibschdes Gäwwelsche ? Isch hann schonn läng'a niggs meh fonnem gesiiehn ... beschdimmd zwää Woche ... nedd dass isch ma Söije mache muss ...

... unn ... isch hann graad äggsdra noogeguggd ... in unnsarem scheene Wäadabiischelsche, dass woo unnsa Faadebabba soo oadendlisch fleesche duud ... do esses noch nedd drenn ...

Känne Ija "graadßelääds" ?

Mei Eedidd männd schbäda noch : Gunnaachd allegaare ! Schloofend gudd unn dräämen wass Scheenes !

:-)

"graadßelääds" - ha?? Was isch des?

Uff jedn Fall a guez Nechdle fier all, die wo jiedz denn nââflacked :-)

En Sacha Gäbele: schdemmt, es macht sich arg rar. I han me no et gsorget, es isch läbich on zabblt - i woiß des weil's ufm Gsichtsbuch romduat. I han em deet gsait, es soll sich dòhenna amòl widder bligga lao.

I wensch jebmfalls all a guez Nechdle ond em Gäbele lass i zwai Baar Ahla do, uff jedn Bagge ois. Wie i s Gäbele kenn, kudze glei ond hollezese aa :-))

Guede Moege allmiddand :-)

S Gäbele gohd fremd - GRRRR.... die mag meine Ahla nemma ;-(((

*drauregseionddLäädschenaahenk*

Soddimi amend gladdrasiehre??

Noi Manni, desch fei id woahr! Des dätmr nia eifalla, fremdzganga un deine Ahla nimme mega wella. I bin grad oifach fellig ibrlaschded. Seibmr in Gallia wared, laufdmr Zeit davoo. Bsuach ghett hemmer au no (der isch seitem Mändig abr wiedr weg) umir hubfed vom Schwarzwald an See und vom See in Schwarzwald. Wame am meischda närfd isch, danneme auf a Wiadrluaga mit eich im Juni gfreit honn und jedz isch scho d'Hälfd vom Monet rum un des Wochaende kane id un snäggschd au idda *grrrrrrrrrrrrrrrrrrr*. Jo wenn sämmer uns nô?? Däts eich äbbes ausmacha, wemmer des no a wengle vrschiaba dädet? I homme ibrigens mit meinera Konschdanzr Freindin droffa unze froga wella, obse uns Konschdanz zoiga kennt. Leitla, dia isch so digg worra, dasse all 100 m naschdanda muaß, wellse koi Lufd me griagt. I machmr Sorga. Sogar oiner vo meine Buaba hott gmoind, wennse so weitr macht, machtses nimme lang. I honnse gfrôget, oberra des id schdinkd. Doch, s'schdinkderra, abr ihren innera Sauhund sei halt so groß. Oh Mann.

Mached eich koine Sorga um mi (abrs freitme saumäßig, wennerme vrmissed, gell Brelele!) Dia nägschd Zeit wirre id viel Zeit honn und in da zwoita Juliwocha simmer wiedr in Frankreich.

Dankschee, Manni, frs neije Schbägale.

Schö wuhs ähm, Scheißerla!

Hey Gäbele, du bisch scheinz in am ganz am fiechdege Renndnarschdress.

Nocha wäez Zeid, dassd do mea rauskusch. I glob, i mueß dr a baar Nochhilfeschdonda erdaile - koschedlos, weilz du bisch :-))

Wexm Konschdanzdermihn brauchschdr vo mier aus koin Kobf idd mache. I richz nocha scho, wenns bei dier so weid isch.

Ond wex de Ahla ben i berujigd. Nocha brauch i mi jednfalls idd gladdrasiere. Scho meah an Arbad wenegr ;-)

I wensch dr a guede Zeid!! - ond schick dr a baar bsondrs zäerdleche oorasierde Ahla :-)

Och, scheen, mei häadsallaliibsches Gäwwelsche es doo ! Aach wenns noch se frii es fa Gunnaachdsbissus ... isch schigge Da eh baa Schmaddsa !

:-)

Sodele, miar kennats am Samschig macha! Des gleimôl vorab. I honn meine Vrpflichdunga sausa lossa. I dät nocher alle no da Emil schigga (des hoißt denne, vo dene e no d'Emiladressa honn).

Juppie, s'Läaba isch scheeeeeeee....

I woiß idda, obenas so kurzfrischdig meglich isch, abr s'Ibnale (s'hoißt jetzed Arjuni) und da Pierrot däted au gern komma, wenner nix dagega honn un wennse einrichta kenned.

Boschurrle au no :)

Des isch brima, dasses endle klabbd, Gäbele! Gued hasch gmached :-))

Vo mier aus kenneze all baid oo komme, abr wäe isch dr Pierrot?

's bredele hot mi grad âgschdupfad, abbr i kâ am Samschdig beim beschte Wille ed komma - 's isch mir scho' arg, i däd eich saumäßi' gern kennelerna, abbr i kâ dr Dinschd ed sause lao.

Dr Pierrot, wo im Englischforum Peter de mid schbitza Klämmerles ghoißa hett - kennz mi du ezed, manni?

Wa isch denn am Samschdig, Peder?

Dòhenna isch emmer ebbes bodda, et bloß samschdichs!!

I honn gmoint, jedz dr Samschdig, wäge demm, dass s'Gäbele gseit hett "Sodele, miar kennats am Samschig macha", wo's dô drvor "des Wochaende id un snäggschd au idda" kennt hett.

Nâ sageds halt, wann 's sei soll, ebber mecht's passa.

I han nix blickt...enzwischa bligg-e-'s.

Moinsch du iebermorga, Gäbele?

Dò mua-n-e gugga, ob e des so kurzfrischdich schaff. I meld me noml

Dò mua-n-e gugga, ob e des so kurzfrischdich schaff. I meld me noml (c) Emmerle

Gäbale. hasch a Beeh- Emm

Wo wär des Dreffa? ZKonnnschdanz odr zFriedrichshafa?

Danksche, Senzle, fr dei Beäm :)

Jo, i hon da näggschd Samschdig --> ibrmorga gmoint. Wenner abr id kenned odr wenn zwenig kenned, no kenndamers au auf da Herbschd vrschiabe. Im Sebdembr giengt abr des Wochaend vom 16./17. idda. Und d'Bäasa Wirtschaft in Langaarga macht am zwoita Wochaend im Sepp au zua.

Wa moineder? Sollamers glei vrschiaba?

D'Edith moint grad, ma kennds au imma gloina Greis vorausbrobiera un erkunda un nô im Herbschd im greßera Greis nommel macha.

Iwwamoije schonn ?

Isch missd emool nooheere,obbisch eh Audoo griin kännd ... dann däädisch moije Beschääd saan känne ...

... awwa fa dann Sammschdaas meddaas schonn doosesenn missdisch jo faschd schonn moije Meddaach loosfaare ...

Mir isch abr au dr Sebbdembr recht, wenn des edz z kurzfrischdig isch.

Odr boide Termiin ;-)

No kommed doch oifach dôher und des mit Konschdanz und em Katamaran machamer no i im Sepp.

I sieh grad aufem Kalender, dass am 10. Sept da große Flohmarkt in Tettnang isch, do kommed unsre Franzosa ammel. Des Wochaend giengd asso au id. Scheißdreggle.

Henner gmergt, wia perfegd da Pierrot Schwäbisch schwätzt?

I wär drfier dass ihr des jetz schoml ausbrobieret on mr aber bidde bidde glei en Termin em Sebdember ausmachet fir a zwoide Uflag vo dem Dräffa, nò kã i des a bissle lengerfrischdich eiblana.

I kennt em Sebdember am 2., (dr 9. gòht wegam Gäbele seine Fransosa et), am 23. on am 30. Dr Sebdember hòt glicklicherweis faif Samschdig, dò miaßdamr doch oin fenda!!

Also dr See säah isch scheinz komblezierd:

Z Emmerle ônd dr Pjerroh hand koi Zeit, z Brele woiß it, ob's a Auto kraigt zôm Nâafahra,

Z Amoisle isch iebrhaubz vrscholla - wahrscheine wuahlads irgendwo weit wegg em Dregg ômmanand-,

vom Arschunile woiß ma niggs gwieß, ônd am Manni isch allz gleich rechd.

Ben-e wirklich de ôizig, wo sagt, dass-d se komma dät?

*Pjerroh, bisch du it vo Keln, odr brêng-e dau ebbes duuranand? Jedembfallz isch Dei gschribanes Schwäbisch guat!

Guada Morga au vo mir :))

Asso, i dät saga mir vrschiabets auf da Herbschd. No hots Brelele a Audole odr ska gar middem Pierrot komma und älle kenned da Termin eiplana. Bis jetz hemmer da zwoite, da dreiazwanzgschd und da achdazwanzgschd Sepdember und zwoi Monet zom plana.

I honn a Schwäbledreff-Emilgrubb ahglegd. Henner a Broblem damit, wenn innerhalb derra Grubba eire Emiladresse zom säaha sinn? Fallses äbber schdehrt, dätamr halt älls im ccc schigga.

Senzle und Manni, iahr griaget an Emil.

I han koi Broblem mit Emil wo mr mei Adress gsieht.

Abber ihr drei dreffet eich doch drotzdem morga, odder?

I glob, i komm moere idd. I komm grad vom Zaahschbenglar, dr Bagge isch gschwolle, sZaahflaisch dued wäeh ond wie des moere sei wäed, kani idd sage.

Bei deam Wäehdam wäebr däe Haufe Fahrarei ond drei Schdond in ar Bläechkischde odr soo a bissle vihl.

Gummoin allegaare !

ßaudo dääd glabbe, awwa isch missd heid Ommend schon komme unn iwwanaachd bleiwe känne ... da wäa awwa im Säbdämba nedd annaschda ...

Brelele, mir sin bloß heit Ôbnd id dô. Abr im Säbdämba däts gwieß ganga. Dass da bei eis schlôfa derfsch, honne jô scho gnua gsait.

Manni, des kane guad vrschdanda. Dô dädat au dia schdirmische Ahla weh.

Dankschee, Vegale :)

I gfrai me scho auf da Säbbdembr, ond i han koi Broblem mit Emil wo mr mei Adress gsieht.(c) Emmerle

 

Gäbale, send-er morga auf alle Fell am See, odr wäradr bloß zweggs de LEOS komma?

Zentle, des freit mi abbr zum heare, beschte Dangg fir dei Lob! I ben ja nor e 'Noigschmeggdr ... (jebürtisch vun Bonn)

Säbdämbr däd mr scho' bässr basse, nor 's erschte Wocheend' goht edde. Abbr des miasset mr no' sähe, d'Anfrâge kommet au scho' mal kurzfrischdig.

*winkend reinstampedier*

Melde auch Interesse am Sebdembr/Säbdämbr/Säbbdembrtreffen am Bodensee! Und danke 'sbréle fürs Bescheid sagen. :-)

Bitte Termin festlegen, bevor der September auch noch voll wird. ;-)

*winkend rausstampedier*

....Oigadooor!!

:-))

Abr sMuuhsle derf naddierle mitschreiba, wias maag!

Bffffd, moinscht, middama Gläsle Mooschd keedsch ôns êifanga???

Den kauf mr uns sell, ônd dann hoggad mr und gradmibbFleiß zu ui drzua. So!

Ich üb ja schon fleißig im Schwäbisch verstehen. Beim Schwäbisch sprechen verweige ich mich noch. ;-P

Und Schreiben godd âidd, also bitte.

Dass ess doch schonnmool eh Aanfang, MissÄlschin !

:-)

BeeÄss : Doo scheinnd aach dii Sonn fomme schdraalend blooe Himmel ! :-)

grad zom Posse kenn i id

"Grad mit Pfleiß" sätmr bei oos - lamweileg ;-)

Ond mi däds gfreia, wanns Pedrle en seim Dialekt schreiba däd - zwengs dr Diwersidäd :-)

joo, ess waa ma heidd meddach graad wedda inngefall, dassischs zwaa gefrood hodd ... awwa noch nedd äagläad ...

... doo hoddischs schnäll noogeholld ... :-)

Huhu Pidda !

Däddsche dass "ze kühme" äaglääre ? Meddem Räschd kommisch glaa ... :-)

kühme ess klaare, lamenteere, breesche

Do ben isch ävver zofredde, dats ier üch dat wullt aandohn, un' für ming Eeveler Platt (do senn och e paar Knubbele vun Bönnsch dren) für ze lässe nit ze bang sitt.

Mir Schwäbla sin koine Angschdhasa id (egal, wamma au vrzellt). Wemmer des, wa da im Platt vodergibsch id vrschanded, no frôgerme de oifach.

Boschurrle! Zonn scheint, d'Arbet wingkd, abr i folgem Manni seim Rôtschlag.

Mi wondert's dodal, dass außerm Pederle kois "zom Bossa" kennt!

On "grad zloid" kenn wiederom i et. Isch doch emmer widder endressant, dui regionale Bsonderheida! "Grad mit Fleiß" kenn i hinwiederom guat on dät des sinoniehm vrwenda zu "grad zom Bossa"

En dr Eddimologie schdòhe bei "einem etwas zum Possen tun" - etwas tun, um jemanden zu ärgern.

I vrschdanz, abr sage due i grad mibb Fleiß.

Mier gfelld des Bladd oo gued. Schea, dass du des reibrengsch, Bedrle.

Dr Klöndöörfade vom Dennjale isch ja laidr eigange. Bei deam haoni oo gäere middgläese ond hee ond daa an Allgaiar Beidrag gschrihbe ;-)

Nä, dat fingen isch ävver wireklisch schöön, dadd isch hee misch net versteische moss medd mingem Platt - unn doht üsch net schamme für ze froore.

Ävver hüeht ens, dat litt doch op der Hannd, dadd et jruße Ungerscheed' jitt, wies de Lück ier Sprooch bruche. Isch weeß noch, wie oos Huushölp verzällt hätt, wiese noh iere Huhzick vun der Nohberschaff ess jeuhz woode, datse für Wiess Weez dät saare, dobei kohmse jrad vum näkste Dörep, ken fünnef Kilometer wick.

Asso, grad mibfleiß kenne au, abr desch fr mi an Deit weniger wiaschd und bees als grad zloid. Wer woiß, undr waffr bese Leit i aufgwaxa bin (isch bloß an Witz ;)

Des mit denne Undrschied zwischa zwoi Derfer, wo gradamôl a baar Kilometr ausanand sin, kenne au: zLangaarga henn d'Oijer Oijer ghoissa und zKreßbronn Eijer - hert sich besser a, honnse gmoint. (Desch bei manche Derfer bis zua Feindseligkeita ganga - z. B. zwischa Brilinga und Hifinga, honnemr saga lossa. S'oi wared dia Schenkelesäger und dia andre dia Greichde = Geräuchte).

*mimeld*

I kenn alle drei Ausdrick: äbbes "zom Bossa", "grad z'Leid" on "mit Fleiß" doa.

Hoi, zSchdiggle wiedr amole!

wia gaht's? Bisch am Seegla, odr muascht schaffa?

"grad zLeid" kenn-e it, "grad mibbFleiß" ich am gebreichlichschda.

Ja, so glääne Schdiggelsche senn sällde ...

Isch freie misch awwa aach *dämmschdiggelscheunnseimkooschdiggelschewingg* :-))

Guede Moege allmiddand :-)

... ond allad draadenke: in am halbe Johr isch Weihnechde, gell!

Ma konnd abr oo sage: Voer am halbe Johr isch Weihnechde gwe - wie die Zeid vrgohd!!

Vier Däg ohne Gschwätz! Jetz lamme gao.

I ben a bissle schlapp, irgendwia macht mir dui Hitz zom Schaffa. Aber schlòfa dur-e gut draußa.

I oo, o wanns heit gar idd so schlemm isch. Aber de ledschde Däg isch an Haufa liega blieba.

Auf Portegisisch hoißt Fel iebrigens: Siehe Wörterbuch: [pt-de] fel

bFehla send nedd! Die andre, die wo des idd wissed, dommr laid ;-)

Abr vileichd isch des bloss a gschlambede, schbrochgwandlde Ausschbroch vo deam englesche Göörl, gell ...

I hao mi drom schwäer zruckhalde mieße, ond idd des Gedichdle vom H. C. Artmann bouschded, obwohl s me scho bizzled hadd. Es is hoid soo vüi schee ;-)

wos an weana olas en s gmiad ged:

=================================

a faschimpöde fuasbrotesn

a finga dea wos en fleischhoka en woef kuma is

drei wochleid und a trafik

a giatlkafee met dischbost

a schas med qastln

a eadöpfesolod

da rudoef koal en da gatehosn

de schdrossnbaunilustriade

a schachtal dreia en an bisoaa

a söbstbinda zun aufhenkn

a zqetschta rola en an autoküla

de muzznbocha med an nosnromö oes lesezeichn

a schrewagatal en otagring

a foeschs gebis en da basena

a zbrochns nochtgschia

a r ogschöde buanwuascht

a daunauschdrom zun fiassbodn

a gashau zun aufdran

a kindafazara wossaleichn foxln

wimmalagenten radeschöla kinokoatn

a saffalade zun umhenkn

de frau nowak

en hean leitna sei schwoga

en mozat sei notnschdenda

qagln en essechundöö

es genseheiffö

a rodlbadii med dode

es gschbeiwlad fua r ana schdeeweinhalle

und en hintagrund auf jedn foe:

da liawe oede schdeffö!

Grundkurs Schwäbisch

·       Ein Schwabe lubbfd etwas vom Boden, wenn er etwas aufhebt, aber er hebd etwas, wenn er etwas hält.

·       Etwas, das lange hebd, das hält sehr lange.

·       Der Schwabe läuft, wenn er zu Fuß geht, aber er springt oder saut, wenn er schnell läuft.

·       Ein (Seil)-hüpfendes Kind juggd, wenn es aber einem im Gesicht juckt, dann beisst es.

·       Wenn ebbes no langd, dann reicht es noch, aber wenn mr oine glangd kriagd, dann gibt es eins aufs Maul.

·       Man fällt nicht hin, mr fliagd no.

·       Wird etwas im Kühlschrank schlecht, dann vrkommds. Aber auch ein Nachbar, dem man begegnet, vrkommd oim.

·       Eine Wurst die schmeggd, die riecht bereits vrgammelt.

·       In ein leeres Glas wird nicht Flüssigkeit eingefüllt, sondern neigleerd.

·       Erbsen werden nicht geernted, sondern brogglad.

·       Wenn man weiterwandert, dann duad mr zuamarschiera.

·       Schüler melden sich nicht, sondern schdregged.

·       Der Schwabe schloddzd ein Eis oder einen Wein, wenn er Eis leckt oder einen guten Wein drinkt.

·       Und wer was nemme vrheeba ko, der kann es gar nicht mehr erwarten.

Boschurle au no :)

I honn heit Morga an da Schdrôß am Zaun endlang Ugraud grubfd. Noch dem Räaga vo geschd isches ganz leicht ganga. Bloß manche Audofahrer sin damische Seggl bleede.

Guada Morga Schbätzla! S'rängnet, dabei honni Gardaschdiahl amôla wella.

S'hot dia ganz Nacht gschiffet, am Garta däts roicha, odr id?

Isch idda schlimm Vegale, mr henn jô Zeit - Eile mit Weile. Dafiar wars beim Hoimfahra drogga. Wa gits Scheeners assa gräane Landschaft, an blaua Himml und a baar weiße Welkla. Ländle, schö tähm (di au, Vegale).

ßräänd

Nedd ganns eh Schdonn schbäda : ßhadd wedda offgehead ßrääne ... dii Sonn scheinnd wedda !

:-)

Jetzt neu mit großem "ẞ" , also ẞräänd!

(zumier) Dau wedd se dr Manni gfraia! (/zumier)

On 's ßdedruile!

Wia machsch du denn des schene nuie große ß?

Kã mr des wo ronderlada?

D' Edith secht i wär bled, wo doch es zwoisentle egschdra an Lenk gschiggt häb!

Danke!

ẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞẞ

Schee!!!

Schrifta middama ẞ giit's scho meah wia hôndrt Jauhr. Wa Du moinsch, isch dr Unnikohd fr Kombjuhdr.

Moinscht it au, dass-d es Schrift scho lengr giit wia Kombjuhdr?

on wemmer koin Ziffrablock hòt?

(I han zwòr a klois ß, aber dò isch halt 's Frògezeicha drieber!)

Hoi karinkele! Älles okee en deim Hals vom Wald?

Karenkle,Gnagg, Holz?

Isch mr ebbes entganga?

I will a PeehEmm!

DuSenzle, des isch doch em Emmrle sei Lieblengsschbruch:

In meim Gnack vom Holz - in mai neck off ße wuzz

Des han-e it gwißt.

*Schlerpnaaheng*

dZonn scheint, schea warm (it hoiß) isch, i gfrai me aug ´f d Daag!

*Schlerpwiedrnaufdua*

Hee ess et am Rääne wie jeck, wat saaren isch, et seich att dr janze Morje, et ess am Siefe - ävver isch senn fruh, dr Jaade kann et esu jot bruche.

Zweiipenningk, jitz saach mr doch ens, wat dat ess: ene (of en) Schlerp. Su e Woodt hann isch em Lävve net jehuurt.

Achsu, häddisch bahl vrjässe: Morje zesamme!

Peterle*, wenn ois d Schlerp naahnegt, nau ziahts dOndrlipp naa, also an Flonsch (kâa abr drbei it bloß a bissle belaidigt sei, sondrn au a kloi bissale draurig, enddeischt). I glaub, bei Eich hoißba des 'Schüppchen ziehen'?

Wenn ois bloß draurig isch (ohne belaidigt), dann hengts d Oahra naa.

*Peterle sagt ma bei ôns aun zôm Pedersil ;-)

Miar saged dazua "an Läädsch nabhenga".

Und Peterle issi fr mein Läaba gern. Bass uff, s'kennd gfrährlich werra, wenn sSenzle und i di dräffed ;)))

Pederle, echt a endressande Herausforderong, deine Poschdings.

"isch senn fruh" - ihr saget wirglich "ich sind..."? Fasszinierend, odder?

Ahl Lück (wie's isch) saaren dat noch esu (do wo isch dat jeliert hann op jede Fall), de jonge Lück wessen dat nemmieh: die Fänte krieje jo kenne janze Satz mieh jesond övver de Leppe.

Für dat 'Isch senn' für usszebööjele heisch de Befähl, Rau ze jävve: Bess still! *) :-)

*) meddenem janz dekke L

Unn an die beedse Piterzillichfressere: Ier hatt jo ken Ahnung wie siehr isch kann stiffte jonn

On: a Bfläätsch odder Bfläädschle ziaga.

Gäbele, köötsch du bald amòl feschdzurra, dr weele Samschdich em Sebdember mir ons dreffa dädet? 2. /23. on 30. schdandet meine Notizza nòch zor Debadde. I sotts wissa wega andere Sacha. On i will uf jeden Fall komma!!!!!!!!!!!

Aahsu, jitz isset kloar: dat ess "ä Pännsche trekke", et jiddet och derre, die saaren "en deck Schnüß maache" - hück hürt mr och "Flunsch", ävver dat ess nemmieh ussem Rheinland, dat kütt von wigger hear of ess huhdeutsch.

Wann isch dr Papp vum Ömmesje jeweas wör, do häddisch für et jesaat: "du trikks ä Pännsche, do künnt mr 'ne Heiermann dropläje".

Mir dreffed uns am Samschdig, 23. Sebdembr, weil

Säbdämbr däd mr scho' bässr basse, nor 's erschte Wocheend' goht edde. (Pierrot)

und am 30. hot da Odin (https://www.youtube.com/watch?v=rTHvQNbD1vM) Geburdsdag und des wills Gäbele id vrbassa.

Amoisle ? Arjunile (Ibnale)? Brelele ? Himmale ? Karinkale ? Manni ? Muuhsle ? Pederle ? Senzle ? (alphabedische Ordnung, dammer koiner da Lädsch nabhengd).

Mit de Dengser und Schosa nadierlich.

Honne äbber vrgässa?

Ô mon ami, no wäre abr saumäßig draurig :(

Vom Muuhsle und vo dir dädmr au no d'Emil-Adress fr mei Emil-Schwäble-Grubba fehla.

Kenndader mr dia bidde per BeÄmm zuakomma lossa?

Wa isch "Schrömm" ?

.... dass hääsd ... jedsade schonn : Gäwwelsche besuuche faare !

Schrömm ist Schramme, Strich, meist mit Kreide (beim Anschreiben der Zeche oder der Würfe bspw. beim Kegel- oder Kartenspiel). op sing Schrömm kumme heißt also, auf seine Rechnung kommen, das Nötige heranschaffen (nit op sing Schrömm kumme: auf keinen grünen Zweig kommen).

Isset jitz kloar?

/Füermisch: Ha, dat deiht mr jitz ävver jot, dat ier och ens jet nit tirekk verstoht ;-) /füermisch/

Und vrgeltsgott fr da Emil :))

Hâb's etzed im Galennda schdehn on frei mi scho draaf!

I frach mi abr, ob i wärgli im Emil-Schwäble-Grubbenvahdeila drin sei mechd??

Waas Dier mechded, Herr Mah from Uhs, dees mießedr scho sell endschaide, gell ;-)

Dier brauchez nocha bloss no dr Emilvrwaldongsfachkrafd middaile, ond die mached alls noch Uire Wensch, äehrlech!! Des isch a ganz a Zuevrlässege in sedde Aagläegehaida. Drom hadze dean Dschobb ja oo kriegd :-)

Genau, DuSenzle! Ond die send nemle schdeierfrei. Als arma Renndnar mueßba jedn Cent zwaimohl omdräje, voer man ausgeid!

Guede Moege allmiddand :-)

Ah so? Hoißt des nauchr, daßas Zwoisenzle als RentnAre a Oisenzle werd, wasse halt zwoiml omdreaht?

Da 23. Sebdembr haunemr vorgmergt, abr 's schaut idd guad aus. Hauptdinnschdreisezeit.

Wissndr, was i am Glassadreffa am Wuchaend am allrscheaschda* gfonda hau? Daß alle mei Schwäbesch schwätzat - ooscheniert.

* Drei am-Konschdrugzjona hendrnand - fasch poeddesch.

Des fend i an de Klassedräeffe oo so schea - ooschenierd ond ganz selbvrschdendlech normaal :-)

Do beni ja amohl gschbannd, obses DuSenzle als Renndnare zwaimohl omdrähd ;-)

Hoffndle vrläeb is no :-)

Odr viermohl!

[zue mier] ich widerhohle mich: Hoffndle vrläeb is no :-) (Tütü *hihi*) [reim euz]

 

(zumier) vo weaga *hihi* - pfffddd (/zumier)

Schloofen gudd allegaare unn dräämen wass Scheenes !

:-)

An scheane Dag ond gued Schwidz ui allmiddand!

Nemmed an Hued auf, dass dr koin Sonneschdich idd krieged ;-)

No zemle eng deffenierd, abr s hadze nocha im Lauf dr Zeid waidle ausbraided in Richdong Nord ond Weschd ond Siid :-))

An scheane Sonndag ui allmiddand :-)

 0    1    2   3   4   5   6   7   8   9 

10  11  12  13  14  15  16  17  18  19 

20  21  22  23  24  25  26  27  28  29 

30  31  32  33  34  35  36  37  38  39 

40  41  42  43  44  45  46  47  48  49 

50  51  52  53  54  55  56  57  58  59 

60  61  62  63  64  65  66  67  68  69 

70  71  72  73  74  75  76  77  78  79 

80  81  82  83  84  85  86  87  88  89 

90  91  92  93  94  95  96  97  98  99   

100 101 102 103 104 105 106 107 108 109 

110  111  112  113  114  115  116  117  118  119  

120 121 122 123 124 125 126 127 128 129 

130 131 132 133 134 135 136 137 138 139 

140 141 142 143 144 145 146 147 148 149 

150 151 152 153 154 155 156 157 158 159 

160 161 162 163 164 165 166 167 168 169 

170 171 172 173 174 175 176 177 178 179 

180 181 182 183 184

Dass dr ebbs zom Schmeekre hand, wenn dr grad nix Endressanz zom Läese hand :-))

Sammlong vo regional gebreichleche Wäedr

Schdand 9. 7..2017 send so an die vierhondrdfuchzeh Wäeddr

Des send Ausdrick, die wo idd all im Fädele vrschdande hand ond drom nochgfroged hand. In de nägschde Beidräg kommed nocha Erkläeronga. Mankmol daured des oo a bissle lengr, bis des ganze Schbeckdrom ausdischkrierd isch odr bis all Beidräg drzue komme send, weil mr zwischedure no ibr ebbs andrs hand schwädze mieße. Do mueß ma nocha hald a bissle schkrolle ;-)

Dr Link goht direckd uff dean Beidrag, in deam wo dr Begriff zom äeschde Mol voerkudd. Die Zahl hendr deam Begriff isch bFadenommr. So siechba glei, wenn die gleich Frog schbädr noml aufdauchd isch.

aablendre 50     äbba 19     äbbl 1     abegheit 84     Abr 181    afánge 21     afánge, ahébe 94     afánge, ahébe 95     Afdrmädag 1     afis 98     Aftrmeede, -medig 36     agfurzged, apfuzged 0     ahébe, afánge 94     Ahle 12     ahnd 1     ahnd (s. blange) 105     Ahne, Ehne, Nahne, Nehne 21     allbodd 1     allebodd 38     allegaare 100     Allgai, blaus 58     Allmende 75     Alti Söcke 61     Amaisla, zwai (Gedichd) 26     amigs 3     Anke, Buddr 45     Anke, Buddr 62     Anke, Gnack 25     APC 14     aobr, apr 32     Aschebe(r)scher 87    

Bachel 9     Bäeromenschdr, Radio 68     bägglat en Schdroah, dobblat 40     Bähmull 90     Baule, Böhle (s. oo Kadzebaule) 9     Bbünz 100     Belmeß, Kopf etc. 77     Berda 21     BerwangarWeible, s 38     Bfose 97     Biberle 1     Bieche 102     Biewrl 44     Bise 44     bitzle 2     bizzle 84     Blaaz 21     blange 105     bluttfueß 56     Boi 83     Boi, Bai 83     Boi, Baie 84     Boid, Point 4     Boind 75     Bongert 75     Born 25     Bodschambr 49     Bood 177    Bredla 94     Breschdleng 47     Breschdleng 84     Breschdleng 182    Brezga, gscheide 52     Briegl, Seel, Gnauzawegga 103     Brot, Kipf etc. 21     Brotaaschnidd 21     Bolledeere 15     buchle 97     Buddr, dr B. 10     Budl, Dudl 2     Budlwar 64     Budlwar 89     Buggelesdag 49     Butzameggelar 53     Buzele 2     Buzeschdengl 71    

chaib 1     Chaschde 9     Chile (mid "ch") 30     Chindsgi 96     Chlüpli, Glubbe 35     Chratte, Gelte, Trucke, Zeine 103    

Däätschmr 5     deiche, dunke (dünken)    dellele, rom-, ommanand- 103     Dibbl, Dubbl, dubbelich 4     die wo, die was 0     Dix 3     dobblat bägglat en Schdroah 40     Doggebaaba 3     Dolga, a fedda 3     dousheared, doosoereg, dollorig 22     dransschenigg 11     drädze 89     driele, rom-, ommanand- 103     drimsle 1     druscho 25     dubbelich, Dubbl, Dibbl 4     dubbelich 178    Dudl, Budl 2     dui, die, d 44     Dult 66    

Eberri 30     Efangelesche, Wieschdgleibege, Kaddolesche, 106    ei ( Ausschbroch) 29     eleige 3    

Fägnäschd 42     Fägnäschter 66     faigge 89     Fehl 2     Fehl vs. Fäel 41     Fehn 28     fei 44     Fiedle 17     Fieß, Boinr 77     2Fildra     Fileiner 101     Fisternöllsche 12     flacken 22     Flädle, Knöbfla, Chnöpfli, Schbädzla 49     Frauafürz 72     fretten, Gfrett 32     füdliblutt 21     fuudre, bfuudre 1    

gä, ge, i gang ge 67     gach, gäch, gäh 17     Gäelfießlar 2     gampe, gumpe, gompe 3     Gatze, Gatzlmacher 100     Gaude, Schbass 17     Gebbl 76     Gefäss, Gfess     gell 56     Gelte 44     gembresch 85     gempscheg, gempisch 85     Gfrett 32     gheie 84     gliche wetsch mache 30     Glufe 35     Glufa em Fidle 102     Gnack 25     Gnauzawegga, Briegl, Seel 103     godzeg 87     gompa, Gombe 83     gotzig 50     Graddl, Grattel, d 1    Graddl, Grattel, dr 86     Graddlar 68     grätig 12     Grette, Krette, dr 1     Grischbaum loba 73     Großschwäbisches Reich2     Gsälz 21     gsälza 59     gschderrig, schderrig, gschdäär, schderch 174     gschirra     gschwülm 84     Gsiberger, Xiberger 68     Gsibergerisch 65     Gugg, Guggl, Guggana 22     Gumpe, Gombe 3     Gumpedoschde 3     Gumpf 34     gschbässeg 1    

Hääs 23     Häddele 76     Häelba 84     Häerdreggziaherei 176    Hägl 1     hähl 1     hähl 2     Haipfl 25     Haipfl 25     Haiter, Heitr 8     Halbdaggl 87     hälenga 86     hälinga 67     Harras 24     Heckr, Hesche 34     Hegel 43     helfe, Denk mr helfa drã 94     helfe, afánge, ahébe, gao (Adverbien) 183    Hemad, Hemadlenz 2     Hennapfrupfa 23     henne 98     Herrgöttle vo Biberbach 70     Hesche, Heckr 34     Hesche 89     heuer, huir 77     hibbelig 102     hiere 72     hierewierbleg 72     hingere 98     Hinichd 42     Hitsgi 61     hitzg 25     Hoaraheile 177    Hocketse, Hoigaade, Höck 3     Hocketse 22     Hoigaade, Höck 3     Hoigaade 22     Hoinze 1     Homml 1     Hommlbronz 36     Honoratiorenschwaben etc. 86     Hoschtub 93     Huerä- 1     Huaraflichdling 106     Hugendubel (zSchdueged) 60     hüpf 71    

ine, ume, use 51     -ingen, Siedlongsgschichd 17     ipuffe 42     it 0    

Jägrdoopf 7     jucke, schbringe 11    

Kaddolesche, Efangelesche, Wieschdgleibege 106    Kadzebaule (s. oo Baule) 15     Kädzle am Bauch, aussäeche wies 87     käfele 80     kähl 1     kähl 2     Käpsele 1     Käpsele 68     Karess, auf d K. gao 1     Kaschde, Kasten 104     Käspappiletee 75     keija 174    Kieanzl, Keanze 77     Kiechla etc. 97     Kiechle 75     Kipf 21     Kläbbar, Schläbberle 4     Klubbe, Glubb 76     knäschdeg 20     kneischde 20     kobbe 76     koiz 91     Koki Sa Schack 5     Kotze 86     Krattel, dr 15     Krette, Grette 1     Kuhfliagets 91    

lagg, lack 22     ladderala Schdobb 29     Laibla 94     laid, leid 1     lêis 96     Lätsche, Schlueb 21     Land id lugg 19     Land id lugg 41     le, Suffix em Englesche 2     Lego, hesch me 59     lei 0     leid, nit eso leid 7     lêîs 96     -les 91     lieben, mege 62     Loas 1     Loisa 32     Luxemburgerli 87    

mängisch 3     Mäschkerla kommed 6     Mass, Maß 88     Matte, Mahd 75     mege - i mag di 62meegig, oomigele 12     meichdale 22     Memmingar Mao 1     Memmingar Mâô 40     Mensch, s 2     Mensch, s 96     Mojaschegga 11     Molle, Mollesaich 1     Mond (Ausschbroch) 40     Mondich 1     Mongale 1     Muhagl 43     Mulle, Mulli 90     Mullela 94     Muni 1     müntschi 100     Mutschl 85    

nächt, nechd 1     Nahne, Nehne, Ahne, Ehne 21     Naka-Buzele 2     nannaäbbe 3     narred 12     naussaue 40     Nechzobed 42     neihägle 40     neima, neamads 18     nume 3    

oomigele, meegig 12     Ômuaß 42     Ôomuaß 45     oz 23    

Pamir 72     Pfäläller 4     pflöffla 45     pfupfre 2     pfuuse 7     Plaffoh 34     pögge 2     Point, Bôid 4     pöschtele 50    

R - Zonge odr Zäbfle 1     rääs 1     Radlar, brôte, Rezebbd 18     Ransch, auf dr R. sei 1     Ratscha schdadd Glogga 78     Rauch, ao-ou 75     Rechdschreibdiskessioo ibr Ackzendr 49     Randig, Rande 52     Ribb, Ripp, s 96     Ribbschdigg usw..76     Ribbsmäel 50     riebeg 2     Risoddokoma 22     Roina 177     romlöhrga 40     Rootzbibbr 44     Rotzbibbr 1    

Sach, s, d 104     sägg 92     sauigle 22     Scharmidzl, Stranitze 22     Schbatzafischer 100 Schbädzla (etym) 21     Schbädzle, Flädle, Knöbfla, Chnöpfli 49     Schbagaat 21     Schbagaat, Schbädzla im Iddaljenar-Forum     Schbaage 38     Schbass, Schbass, Gaude 17     schbeie, schbedzge 91     Schbinnewedda 85     schderrig, gschderrig, gschdäär, schderch 174    Schdobb, ladderala 29     schdoggele 174    schdrawanza 65     Schdreckise 9     schdruug, K II vo schdragge 32     Schegges 30     Scheiche 77     Schläpperle, Kläbber 4     schleife, schliefe 87     schleife (SZ) 47     Schleifets 91     schlenggle 2     schliefe, gschloffe 87    Schliefkami 87     Schlueb, Lätsche 21     schmecke (Gschmäckle) 95     schmutzige Dauschdech 3     Schnäe weckdoe  183     Schnöre 45     Schobf, Schöbfle 82     Schoche nauslache 178    Schöpfli 82     Schuebad 37     schwanze 12     schwerlich glaufa 32+#66     Schwobarädla 48     Seel, Briegl, Gnauzawegga 103     sehr, säer (sorry, sore) 21     seicht 44     Semml; Schdanga- 83     Spätzle-Shaker47, 48     Stranitze (1) 22     Stranitze (2) 23     süferli 27     Suggl 1     Suirle 44    

Tajine, Tatschine 48     Talpe 77     traibdeibl 27     trädze 89     tschambre 49     Tschingge 98     -tse 91     Tugnd, die gräeschd schwäbesch 31    

Ufzgi 52     Uhudler 17     uibrois 30     uns-euch-ihr16     Urlesdag 17    

Verchlinerigsform vo Verbe 33     verchrüglet 45     verusse 42     Veßa, Vese 84     vrboama 177     vrdlda 44     vrdrenne (im Kondexd) 98     vrdrenne (Frog ond Andwoed) 99     vrkaischdle, sich 103     vierdl, viedl noch, viedl ibr 1     vierezwanzgi gsi 9     vrhebe 23    

wachle 33     Wäedam, Wäedig 77     Wagges 30     Waggl, uff dr W. gange 80     wallen, walen 86     wargele 89     weisen 2     Weißbild 2     Weißbild 27     wiaschtgleibig 21     Wieschdgleibege, Kaddolesche, Efangelesche 106     Wullesau 23     Wurschdschbätzla 85    

xesch 49     Xiberger, Gsiberger 68    

Zigr 45     Zipprla, Zibarte 10     Züber, Zubar 44     zwai-zwea-zwoa 0     zwe-zwo-zwöi 97    

Wenndr Fählar (Nordoschdschwäbesch: FeelR) fended, nocha schreibez mier, dass is beim näggschde Mohl korregiehre kaa, gell :-)

Ibregenz hammr grad de Koäffezend 2,112676056338028

Die ganz sensihble Hibblar ond Hibblarna kenneze scho amohl so langsam voerberaide ...

Ach wonderschee, manni! I hett jetz echt garet ans Jubleom denkt.

Nägschjòhr miamr ebbes Schees macha, a Dreffa mit Feschdbrogramm, Gaschtredner - Kiiinoodschbiiger wia mr heizdag secht - on so weider on so fort....

I han heit mein erschda Goddesdinscht als Brädikandin ghalda. 's isch älles guat ganga, i han me au et beim Säga vrhaschblt (was i mit Säga jetz moin miaßtr ausm Kondegscht erschließa, Holzvrarbeidong eher et...).

Graddeladzjooh.

Do felld mier vo meim Menschrandedoosei ei, wieni amohl midd Gehgls Anndon minneschdrierd hao: Mier hand sellemohle d Mäeß no uff Laddeinesch bäede mieße ond do geiz so a Zongebräechargebäed Susszibbijaddomminuss sackrifidzijom demanibus TUIs adlaudemedd Glorijam. Voer dr Mäeß hammr ausgmached, mier saged bloss bäbbäbbäbb. So hammrs nocha oo gmached: Ganz laud ond deidlech Susszibbijaddomminuss ond nocha gmurmled bäbbäbbäbbä ond am Schluss mea ganz laud Sankdee! Dr Bfahrar haz idd gmerkd ond hadd aaschdanzlos midd seim Dexd weidrgmached. Äer hadz ja oo ussm Mäeßbuech läese kenne. Mier hanz auswendeg läerne mieße!!

Sechs Höhlen der Eiszeitkunst auf der Schwäbischen Alb sind zum Unesco-Weltkulturerbe ernannt worden.

In den Höhlen wurden einige der ältesten Zeugnisse für eine bewusste künstlerische Betätigung des frühen Menschen gefunden.

Unter anderem fanden Forscher dort die älteste bekannte Menschenfigur der Welt, die "Venus vom Hohle Fels".

Dankschee, Manni ! und Gliggwunsch, Vegale ! Asso, vrschdandi des räat? Säaga hot nix mit Schdiropohr zom dua?

Da Schose und i wared a baar Däg in Gallia, aufera Hozitt. Mei, des war schee und hoiß wars. Jetz simmer zwar wiedr im Land, abr i honn fr dia näggschd Zitt wiederamole vo meim Äggsarbetgäaber äbbes zom dua griagt. Asso wundred eich id, wenne me scho wiedr rar mach.

Schlôfet guat und dreimed äbbes scheeeeeeeees.

Sei idd so beschaide ond lass drs aaschdendeg zahle, gell! Schließlech bisch du in Rendde ond duesch eahm an Gfalle - ond idd äer dier, gell!!

I gibb dr a baar Eggschdra-Ahla uff alle Bagge, wo des widd :-)

I hao egschdra de Baard idd rasierd, dass a waichr ond schmusegr isch fier di :-))

Guez Nechdle allmiddand :-)

Noadwindscha !

:-)

Vrmißt ois sein Reama? Geschd em Schdau honne oin aufdr Audobaah liega seacha.

Guada Morga.

(egschdra de Baard idd rasierd, dass a waichr ond schmusegr isch - mai, des honne in Franzia gnossa: dia Bisous bei derra Hitz und dia schmusige Bärt vo denne Schönnomm, wo oim s'schwitzige Gsichd droggned henn, hihi) - Danksche, Manni !

Hammr die scho neima kedd, ond wo? Send die irgndwie rausgfalle?

Bei mier haißd ibregenz

oimeds - neima und gnuila - knieble

Also onder neima, neameds schdòht's en dr Werderlischde on hemmers als Wariande "oimez" schoml gschwätzt, Gäbele, muasch halt a Schdiggle weider läsa em Fädele vo dòmòls.

En dr Eddimologie schdòht, des wär aus "ih ni weiß wo" (ich weiß nicht wo) vrschmolza on vrschliffa - mit a weng Fandasie kã mr des sogar nòchvollzieha, wemmer no bedenkt, dass "wo" au als "mò" geit en manche Gegenda. Es ß, es n on es w sen wegrazjonalisiert worra.

Em Middlhochdeitscha geit's scheint's au "neißwa" fir "ich weiß nicht wo"

(Velleicht kã'sch des als Zwoitdiskussjoh no en d' Lischde ufnemma, odder doch onder "oimez", manni)

Gniebla (oder so gar gnubla) kenn i au eher als wia gnuila.

(on des l wo dò dren isch kennamr jò au ausm englischa kneel)

Liabe Leiddla, 

i lies emmr mal wiedr bei  uich nei, abr schreiba wille nemme so rächdd, warrom ao emmr ...

Etz zom "knuila"  däd e ebbes saa wella:

Mei Maa, a Ulmr, saidd "gnuila", abr des fend i irgendwia kääl, bei mir hoißdd des "gniagla",

bloß dassrs wissad - guads Nächddle!

(i denk, mir schwäddzadd iibr des Middldeng zwischa Hogga ons Schdanda, des was ma moischdenz en dr kaddolischa Kirch duadd, oddr?)

Allerliabschdde Griaßla vom Schwäble ;-)

Huhu Schwäwwelsche !

Scheen dassde mool wedda wass doo schreiwwe duusch ! :-)

.... ansonschde : Gunnaachd allegaare ! Schloofen gudd unn dräämen wass Scheenes !

gnieble, gnuile,  knieble, gniegle  

gnuile, gnieble, gniegle,  knieble  

knieble, gnuile, gnieble, gniegle 

oimeds, neima

neima, oimeds

So sobba aingdle all Wäedr leichd fende, sogaar em Schwäblele sei Dengs vo Ulm!

Des Abbdeid vrlenk i nocha oo in jebm nuije Fädele als Lischde midde schbezjelle regjonahle Wäedr.

An scheane Samschdag ui allmiddand :-)

@ warrom ao emmr ... Schwäblele, des wäed dr mea a so a seddes Moddihf sei - hmm ...

Abr schea, dass d mankmohl wenegschdns reiluegesch ;-)

* Mier hand ibregenz grad an Kwozjende vo 1,89873417721519

  Mueß no neamad idd hibble, kaa abr brobeweis ... bloss zom Luege, obbs no gohd ;-)

A bissle hibbla gaht allaweil!

(oder wia dr Monaggo Franze gsait hett - a bissl was geht immer!)

Ned gniegle - GNIAGLA. So hotz Schwäble gschrieba ond so sätmr dau wone hear komm oo ... ähm ... au.

So ond i gangme iatz sell a wengale schikaniera - gwasi hibbla ohne Fadaendeangschd.

OkeeOkee: gniAglA, Bedohnong uff dr zwaide Sillbe - i korregiers, SelimA ;-)

I mahn ka ainzigs Wörtle in Manni's dollr Wörtrsammlung kunnt vò miar - i hon s'Ländle net guat vrträte im Schwoba-Allemanna-Forum :-(

Re # 104 Emmerle, I hòn zersch müessa nòschlaga im LEO zum Dine Fròg z'vrschdoh ! *blasch*

Karenkle, die hoechalemannesche Wäedr kommed vo de Schweizar, bsondrs vor Snowflake. Ond so gaar andreschd als wied Gsibäergar schwädzed die ja oo idd, wennds amohl uss dr dischdanzierde Haldong vom Dialeckdkondinuomm aus aaluegesch - bidde idd belaidegd sei.

Mier mached koi Schdrichlischde idd, wäe wievihl Wäedr eibrengd ond wäe am fleißegschde Wäedr sammled. Mier land eis do idd ondr an Laischdongsdruck sedze ;-)

 

I hoff s gohdr gued!

An scheane Sonndag ui all.

Bei eis isch bid jiez a Sonnedaag, faschd koi Welkle zom Säeche :-)

Gudd dassde doo Beschääd gesaad haschd, Mon Gäwwelsche !

:-)

... mei Maschiin hoddne nämmlisch glei inn de Babbiakoab geschdäggd ... awwa isch hanne känne rädde !

Gummoin allegaare ! :-)

Mier mached koi Schdrichlischde idd, wäe wievihl Wäedr eibrengd...i bin nur draurig gsi dass i nüt bliebands hinterlòh hòn.

*S'Flöckle vrmiss* Wo isches denn allig (südgsibergerisch/muntafunerisch) ?

Schöne Sunntig äuch !

*Ambrélelewink*

I bin dòch oh nümm dia Jüngschd leider...:-(

Gäbele, wenn'd a Schoppingtuur s'Konschdanz iplansch, kunntse villichd zum Dreffa ;-))

Des middr Schobbingtuur isch a ganz a guede Idee zom Fleckle häezamsre !!! :-))

Fiileischd missd aach wass medd Gääße unn Hei unn Allme schreiwe, dasses Fläggelsche sisch nochmool bligge losse duud ... odda medd Aadgenosse ...

:-)

Gunnaachdsbissuss fa allegaare !

Han i heit en dr Schdadt gsäh on nett gfonda. Schdòht uf dr Seide vom graoßa Müllaudo.

Sodele, alle Mirrabälla sin in de Gselzgläsr. Des war fei a Sauarbet, jede oinzlne vo Hand entschdoint und inschbiziert, well da Baum absolut bio und no nia gschbritzt worra isch. Bloß vier gotzige Wirmla honne gfunda. S'Gselz isch a wengle saur worra, wells a baar idso ganz reife drundr ghett hott, grad so wia i smag unds da Schose id mag. Abr der id eh bloß sei Bonnmamanabrikosakonnfittüre.

Heit Ôbnd wille me um meine Emils kimmerra, wenn id schdendig äbbes dazwischa kunnt, wia dia ledschd Zeit. - Bei eich scheinz au: vieeer Däg lang koin gotziga Beidrag!

Manni, wia gôhts deim Gebbl? Radlesch no?

Moinschd enz Reagaloch? ;-)

Ômmôlmrômm reagnats seit Dienschdaag mit kloinre Ôndrbrechônga ...

Heit au no? Bei ons hòt's letschde Nacht zletscht gregnat, grad so dass-es gmietlich gwä isch em Pergolabettle, on heit isches heiter bis bewelkt on schee warm, et zhoiß, genau richdich.

I gang no a weng en Garda, de Brombeerranka on andere Gewägse, wo i et so han will, a weng Eihalt gebieda.

Se war in Begleidung vo somma Bärdiga, der gloffa isch, wia an schdolza Goggl. Miar isch nimme wohl.

Ach Gäbele, desch wahrscheinz viel ehnder a arme Sau als wia ebbes Gfährlichs! Lasse de et hischderisch macha, de gfährlichschde Leit vrgloided sich et ema Frauagwand!

Wemmer ons Angschd macha lasset vom fremdlendischa Aussäha on ons womeglich nemme onder d' Leit drauet, demer dene Terrorischda doch grad an Gfalla!

I glòb oh Gäbele, dass dr des ehar a bemidlaidnswärte Frau isch...sich untr da frei bewegenda und trä lägär aglegta Fraua i üsra Gegand so vrhüllt und in Beglaitung umalaufa müesa. I fròg mi was i dena ihara Köbf vorgoht wenn sie sahan dass so viel andere net nòch da Regla wia se im Koran schdohn, leban.

Mir gfellt des net, wemmer vo Grubba vo Leit als Rudl schwätzt. Des hòt fir mi ebbes Vrächtlichs. Koiner dät glaub vo ra Grubbe, zo der er odder sui sich selber drzuagherich fiehlt, als Rudl schwätza.

(Desch 's Gegadoil vo ma Ranninggägg zwischam Dengs on mir, dò semmer scho heificher drwäga ananander gròda).

Pauschalieronga, insbesondere die negadive, - on so ebbes zehl i dòdrzua - sen absolut deschdrugdiv fir's Zsammaläba, fend i.

Du kannsch wega mir jeden oinzlna wo Gridik vrdeant hòt gridisiera - aber ieber Leit ausschließlich wega der Weltgegend wo se herkommet on weil se schwarze Gloider ãhent, deschbegdierlich zom schwätza, fend i et en Ordnong.

re #187 Do könntesch recht hò Emmerle, desch immer Intrbretazionssach, isch bi dr Biebl wohrschinle oh so ;-)

Hôschs gnüssa könne des Füürwerk, Gäbele ? (zue mier/I find Füürwerk doof, könntma was sinnvolleres mache anschdadd/reim euz)

Jô, Karinkale, swar schee (und zua dir, Karinkale : re doof, des i find au).

Dia henn geschd ab Middag an älle Zuagäng Barrijära aufgeschdellt ghett. Erschmôl zom Fäschdbendl vrkaufa und swoitmôl, zom sieba. Des wared jeweils zwoi, wo dia Persona, dia durch dia Abschberrunga durchsinn, ganz dischgred inschbiziard honn, vo unda bis oba und wiedr nab. Äm Schose isches iddamôle aufgfalla.

D'Schdroßa zuanah, wared au geschberrt.

Wa dia vrmummde Fraua aghôht, finde des au bemidleidenswert. I kamer abr id helfa, dia wone geschd gsäo honn, hôt bedrohlich aufme gwirgd. I honns richdig gmergd, wia sich an Drugg auf mein Bruschdkorb glegt hot. Miar mached die middeladerlichgleibige, radikale Religionsahängr Angschd. Ma derf id vrgässa, dass dia koi glois bizzle tollerant sin und dass bloß iahre Religion äbbes gilt. Miar sinn fr dia älle Ugleibige.

Wane bei derra Sach grundsätzlich id verschdand, isch, dassdô jetz au solche midmached, dia frianer freijer gsinnt wared. Leit, dia iahre Religion so an dFahna henged, i woiß id, i empfinds als Prowokadzioh. Und wa mit da Religion im Hindrgrund als Endschulgigug fr Grausamkeita bassiara kenned, des hot uns jô dVrgangaheit glehrt.

So, jetz gemmer wieder aufs Feschd, äbbes ässa.

Heid solls dr haißeschd Daag im Johr wäere. Uffm Ballkooh uffm Ballkaah im Schadde haz scho 26 Grad. Fenschdr ond Diera zue, Roloh raa ond bloss no gaaanz langsam bewege, gell ;-)

Gued schwidz :-)

Ond a Gloid aadoa! :-)

Griaßtseich amol zwischanei. Ben grad em Lande.

Ond was de vrschleirde Muslima aagat: Dia send net vermumt, sondrn vrschleirt. Bemidleidnswert send oo idd alle, mangkche abr scho. Ond dau send oo idd alle indollrant. Bei de hiesige, dia wasse bledzlech vrschleirat odr oo ds Kopfduach aaneammat, meamrse selbr oo a wengale and Nes packa. Des hotan Grond, warom dia des machat. Mr sodd idd iebr Leid Vrmutunga aaschdella, dia wasmr gar idd kennt. Schwätzat halt mol mit welle!

@hemele: leider bass i en mei schees Gloidle vo dr Anne Zenker nemme nei.....

:-(

Ach hemele, desch abber schad! Desch a nedds Lädle gwä, gell?

(Abber endra wär so oder so et ganga, sovl Schdoff isch dò et en de Nòhtzugaba gwä wia des braucht hett....)

Guada Morga Schbätzla! Geschd wars warm, heit ischs kalt.

Echt? Bei ons hòt's au saumäßich grägnet on gwiddert letschde Nacht, abber es isch scho widder heiß on dempfich.

Sen ihr eigentlich jetz kombledd an dr See omzoga on hent dr Haushalt em Schwarzwald ufglest?

re #206: Noi, simmer idda. Mr wohned allno hieba und dieba. Dmeischd Zeit abr am Wässerle.

re #195:

Des hotan Grond, warom dia des machat. Dôdafo binne ibrzeigd.

und

Mr sodd idd iebr Leid Vrmutunga aaschdella, dia wasmr gar idd kennt. Amoisle, des dätemr nia erlauba.

Au jaaa, lass heara ... !

Scheinz haoni dii neigridde ;-))

Drweil beni asoo neigiereg uff deine Fandasija ibr mi :-)

*indressierd midles*

I ben bis grad mit meine Menner beim schwäbischa Veschberbiffee en Gächenga em Hiirsch gwä. Jetzet han-e a Fuddernarkose....

Also i bhald meine Mudmaßonga ieber em manni seine Persenlichkeitsaschbegde fir mi.