Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --189--Alemanneschwobefädele-189--

    Topic

    --189--Alemanneschwobefädele-189--

    Comment






    Des isch dr hondrdneinedachzgesch endrnazenal Alemanne-Schwobe-Faade
    zom Hôigaate, Raadsche ond Dischkriere,
    in deam wo ma all grenzibrschraitede Warianda vom Schwäbesche ond Alemannesche läese ond schreibe ka.

    Ond a baar andre Dialeckd no drzue, weil wäe Luschd had, ka oo en andre Schbrocha wie Bladd odr sogar Schdandardneihoechdeitsch schreibe,

    Also dond ui koin Zwang a ond schreibed mid. Mier gfrajeze ibr jedn, däe wo reikudd ond eis Xelschafd laischded :-))

    Ond schreibed ganz aso, wie ui dr Schnabl gwaxe isch - Haubzach so fonedesch wie meglech.
    Desch ja soo endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Bensilveinijadadsch nei.



    ⚫ Vo dedd  kommebr  ond jiez goz do hinna weidr.
    ⚫ Do em Geburzdaxfade geiz a baar Hendrgrondemformadziona  zue eisrem Fade ond zue eisrem Dialeckd.
    Midd däer Sammlong laischded mier eisren Beidrag zuer   mickrodifferenzjelle areallingwischdesch-schwäbesch-alemannesche Feldforschong






    Mier hoigaated allad weidr, solangs no ebbs zom sage geid!
    Onz siechd ganz drnoch aus, dass eis dr Gschbrächsschdoff no id so schnell ausgohd ;-))





                    Land id lugg!






    Author manni3 (305129) 31 May 18, 22:39
    Comment
    GEBURZDAAGSVORBEREIDÔNGFÄDALE 

    Gutamorgamiddanand!

    Ganz ôoschwäbisch drugg-e me en da nuia Schbaaga nei (Danggschêa, Manni, frs Bäschdla!)

    Wissat ihr, dass-d dr Schbaaga am neinta Juhli sein zehnta Geburzdaag hat?

    Dau isch nomml dr allrerschde Faada, êigfädlat nadierle vom Manni (vô wem au sonschd?)

    I moin, den Geburzdaag settma fêira, ônd i hätt des gern hälenga am Manni zuagschooba, abr der Hôndleng mecht d Vorberaidônga vrdoila ônd moint, mir settat ôns alle a weng iebrleega, wia ma des Jubeläom fêira kennt.

    Der Schbbaga isch nui ônd ôovrbraucht, mir hand also gnûa Bladdz fr an ganza n Haufa guate Ideea!
    #1Author twocents (460778) 01 Jun 18, 08:43
    Comment
    Jädsade gäbbds alleheegdschi Zeidd, dassisch misch doo im neije Fäädelsche aanmälle duun ... unn unnsarem Faadebabba Danggescheen saan !
    :-)
    #2Author no me bré (700807) 02 Jun 18, 23:33
    Comment
    Vrgeltsgott, Manni, frs neije Schbägale.

    S'wär schee, wemmer uns zom Zeahjähriga wiederamôle dreffa kenndat. Abr am achta Juli hôt oiner vo unsre Engkl Geburzdag und am neinta hôt da Schose an Termin. Abrs Wochaend drauf giengds.

    Mr kenndat uns in Ulm dreffa odr in Lindau odr in Augschburg (dô ware no nia) odr .... halt äbba, wos fr älle id so weit wär.

    Môhl gugga, ob uns außerema Dreffa sonsch no äbbes Bsondrs eifalla kennt. I fang schoamôle zhirna a.

    (a Bsiachle in de Reimlichkeita vom Leo mit Kennalärna vo denne Leitla oder so *g*)




    #3Author Moi Gab (456541) 03 Jun 18, 12:02
    Comment
    Guada Morga, Schbätzla. Mändig isch und manche Leit monn schaffa. I id ;)
    #4Author Moi Gab (456541) 04 Jun 18, 08:41
    Comment
    I oo idd :-)
    ... abr an Buddr mueß i eikoofe! So a Schdress!!

    Scheane Wuche allmiddand :-)
    #5Author manni3 (305129) 04 Jun 18, 08:51
    Comment
    Kauf au glei zwoi un dua oin in Gfriarschrank nei.

    #6Author Moi Gab (456541) 04 Jun 18, 11:02
    Comment
    Dreffa isch a guade Idee, Gäbele, grad weils Leba so schnell vorbei sei kunt. related discussion: Der Goße Scwarze Vogel VII - #117

    Mir hen uns doch scho amol z' Buchloe droffa, des wär so mittadrin in Schwoba, odr Landsberg.
    #7Author bluesky (236159) 04 Jun 18, 13:45
    Comment
    Naobadd middanand,
    i bi zwar en ledschdr Zeit nedd so viel bei ui henna gwea, abr dräffa däde ui scho gäara mall.
    Bloss isch mei Kalendr bis zu de Sommrfärien dodaal fool. I gugg etz mal oifach, was Ihr ui iibrleegadd ond wenns bassdd, däde oifach schbonddaan drzuakomma, wenn ui des rächdd wär.
    #8Author schwäble (951819) 04 Jun 18, 21:19
    Comment
    Mier wär dees doddaal säehr räechd! I däd di oo gäere amohl dräeffe :-))

    Ond fallsd an Kalendar suechschd, däe wo no idd doddaal vool isch, hedd i    do ebbs fier di :-) 

    #9Author manni3 (305129) 04 Jun 18, 22:09
    Comment
    Natürlich bin ich für ein Treffen in Lindau! ;-). Am Wochenende des eigentlichen Geburtstages ist mein Kalender noch nicht voll, Samstag, der 14. geht auch. Der 15. nicht mehr; da kommt die Elchmama mit Anhang aus Amiland angeflogen. ;-)
    #10Author Miss Anthropy (700297) 04 Jun 18, 22:27
    Comment
    Macht doch nix. Die brengschd midd. Die hadd doch sichr no nie so vihl ondrschidlene Schwobe uff oim Fläeck xäeche ;-))
    #11Author manni3 (305129) 04 Jun 18, 22:36
    Comment
    Waschn los dòhenna? Nix isch los!
    Gescht hemmer a reachts Haglwedderle ghett. Gloiner Hagl, 's isch nix bassiert. Zom Glick han i no kurz vorher 's Pergolabettle abdeckt mit ra Egschdrafolie - 's hòt dr Räga so reidruggt an dr Seit, dass mr nòchher Pfitza uf dr Folie ghett hen!
    En dr Nacht isches abber saugmietlich gwä on hòt nemme greanget.

    Dreffa fend i schee! Lindau fend i au schee, dò ben i no nia gwä.
    #12Author Goldammer (428405) 08 Jun 18, 10:19
    Comment
    ßed's tu wootß vor Lindau!
    #13Author Miss Anthropy (700297) 08 Jun 18, 21:35
    Comment
    Mia dääds aach gefalle ... wann nua nedd dii eeländisch lang Faarerei wäa ...
    #14Author no me bré (700807) 08 Jun 18, 21:40
    Comment
    Leitla, mir henn Bsuach. Bin also a wengle außr Gfecht. Geschd waremer zLindau. S'isch oifach sauschee dett.

    Siejuuuuu :)))
    #15Author Moi Gab (456541) 08 Jun 18, 22:25
    Comment
    Wuchenend - Eikoofsreama - Freizeidreame - scheane Zeid :-)
    #16Author manni3 (305129) 09 Jun 18, 08:18
    Comment
    Dr Dengs isch heid oo zLindau. Mi hand meine vrschiedne REama (Einkoff-, Butz-, Gartareama) idd lossa - außrdeam benne ganz froah, wannemol idd ondrweags ben.

    A scheas Wuchaend.
    #17Author Selima (107) 09 Jun 18, 11:24
    Comment
    I hao a Muddazjoohswondr uffm Ballkooh: Alle Blieda vo meir Klemaddes hand seggs Bliedebleddr, aber oine isch drbei,   die hadd bloss femf.    Ond äehrlech - Hand uffs Häez: I haonr kois rausgrisse, die isch ganz vo sell asoo gwaxe! Wasses idd alls geid!
    Vileichd sodd i midd deam Saome vo däer Bliede a Femfbleddregeklemaddeszuchd aufmache?
    #18Author manni3 (305129) 09 Jun 18, 14:35
    Comment
    A wundrschees Bildle, Manni!

    Mir wared heit in da Rappalochschlucht. Wahouuuu .....
    #19Author Moi Gab (456541) 09 Jun 18, 20:31
    Comment
    D'Fempfbleddrigge hot ah ne andre Farb, hod's dammid wos z'due?
    #20Author Miss Anthropy (700297) 09 Jun 18, 21:05
    Comment
    Isch des nocha äjer a Dobblmuddazjooh odr a Baralellmuddazjoh? Ob die Femfbleddrekaid amend uffm gleiche Gehn wie dFählfarbekaid aagleggd isch?
    Hmm - oohngelöhsde Rädsel däer Menschhaid ... 🙄


    Nochdrag ommare viedl ibr zehne:
    Aingdle wärs des, des wo ma als a schdäereklare Nachd bei zwanzg Grad bezaichne däd, wenn dr Menknar Heml bloss idd so drecked wäer: Grad dassba de Jubbiddar ond zwai Fliegar siechd!

    An scheane Wuchenendabschlussobed ond a baar ganz kuuzbäerdeg-kredzege Aahla :-)
     
    #21Author manni3 (305129) 10 Jun 18, 00:56
    Comment
    Hei manni, scheane Bleamla hasch -
    Danggschea frz Bildle!
    Z fömfbleddrigge hadd au gräaßre Bliaddabläddla wiaz Seggsbleddrigge - i glaub, dao isch mea duranand
    bei de Geene wia bloss dFarb.

    Ond da Jubiddr hau e geschdd au xea.

    Guaz Nächddle allemiddanand - sodd schlaofa - hau grad so an Heifa omd Oara.
    #23Author schwäble (951819) 11 Jun 18, 00:25
    Comment
          Des schea Bildle ;-)) ond a baar andre uss Twiddr hanze in dr   Siddeidsche   xammled
    #24Author manni3 (305129) 11 Jun 18, 22:13
    Comment
    Heidd hannisch gelääsd, dasse unnsa Schdiggelsche wiije wolle ...

    Neutrinos sind so klein und unscheinbar, dass Physiker lange irrtümlicherweise glaubten, sie hätten gar keine Masse. In Karlsruhe starten heute Messungen, um zu bestimmen, wie schwer die Geisterteilchen wirklich sind. ...

    #25Author no me bré (700807) 11 Jun 18, 22:23
    Comment
    *gaggr*
    Dia werrat se fraia, wenn ônsr Schdiggle zôm Wiega kommt ...
    #26Author twocents (460778) 11 Jun 18, 23:04
    Comment
    In Karlsruhe starten heute Messungen - die rechned drmidd, dasse scho lengr brauche wäered ;-))
    #27Author manni3 (305129) 12 Jun 18, 11:42
    Comment
    Klar brauched die lengr, sen jo Baden(s)er .. ;-)
    #28Author neutrino (17998) 12 Jun 18, 12:32
    Comment
    He Schdiggle!!!!!!!!!!!!!!!
    Hòsch du des jetz grocha, dass mir ieber di gschwätzt hent? Odder bisch womeglich an sailentlörcher dòhenna?
    Schee dass da de widder amòl g'audet hòsch!
    On, bisch scho gewogen ond zu schwer befonden?
    Älles em greane Bereich Zschduagert denna?
    #29Author Goldammer (428405) 12 Jun 18, 15:15
    Comment
    I moi allad, die nemmed eisr Schdickle drfier häe, dasse amohl an saubre Boddimaßindeggs deffeniere kenned, noch deam wo se nocha iehre Wooga aiche kenned - neutrino (17998) als Maaß allar Dingä sozomsage :-)
    #30Author manni3 (305129) 12 Jun 18, 15:51
    Comment
    Ab ond zua (eher selda) gugg i vorbei, hao abbr moischdens koi Zeit zom Schreiba. Des heit war en Zuafall.

    On jo, Schduagert schdoht noh. Ond 's isch älles grea :-)

    Z'schwer?
    I?
    Awa.
    #31Author neutrino (17998) 12 Jun 18, 17:43
    Comment
    I han halt denkt ghett, so em Vrgleich mit dene gloine Schdiggla fir dia wo se dui Wòòg gmacht hent. Dia gsieht mr jò et wirglich, on soviel i mi erinnere, kã mr di scho oinigermaßa mit bloßem Aug erkenna...
    #32Author Goldammer (428405) 12 Jun 18, 17:55
    Comment
    *S'Schdiggle bewink*
    #33Author Miss Anthropy (700297) 12 Jun 18, 20:15
    Comment
    Ha, etzt han-e s Schdiggle heergloggd! Schea, dass Da wiedr amôle reiguggsch bei ôns!


    Du bidsch iebrigemz it zschwer.






    Heggschdens zkloi. :-PP
    #34Author twocents (460778) 12 Jun 18, 23:27
    Comment
    Mi gfreit des Bild a so - Schdiggleswiega z'Karlsruhe. Dau haune ganze Kommikschdrips drzua em Koobf.

    An scheana nassa Migda (!)
    #35Author Selima (107) 13 Jun 18, 07:17
    Comment
    Beiôos rengalats grad au. I fahr nauchr auf Ôlm uf da Markt zôm Breschdlêng kaufa. Heit Zaubad koch-e a Gsälz.
    #36Author twocents (460778) 13 Jun 18, 07:21
    Comment
    Ui, des muane oo no doa.
    Nochd bisch Du abr en heimischen Landen. Ball vo Leopolis auf Olm zom Erdbeerla koffa, des wär a duirs Gsälz.
    #37Author Selima (107) 13 Jun 18, 07:23
    Comment
    Noi. i bêe scho en dr Gegend ommolmromm.. D Breschdleng kommaid iebrigenz vom See.
    #38Author twocents (460778) 13 Jun 18, 07:35
    Comment
    Desch abr oo a Weag. Osre kommt, glaube, vo dauherom. Were nauchd froga, wanne am Erdbeerhaisle ben.
    #39Author Selima (107) 13 Jun 18, 07:39
    Comment
    Die woni am Samschdag an deam erdbeerfermege Erdbeerheisle* koofd kedd hao, send bloss a baar Killemeddr embfernd gwaxe gwe. Marmelaad haoni koine gmached, die mag i sowesoo idd so bsondrs. I haos kloigschnidde ond midd am Ahornsierebb xießd. Däe isch allardengs vo weid häe - biss vo deam Kannada rom!

    *bVrkeifare hadze ibregenz mibbm bassnde erdbeerfarbege Libbeschdifd gschmenkd kedd ;-)
    #40Author manni3 (305129) 13 Jun 18, 09:00
    Comment
    Hällouw, liabe Schbätzla! Meine Geschd wäred jetz wiedr weg, abr jetz gemmer nocher glei zom Goschaglempner un lenn uns proffessjonnell zZäh butza (des hot jetz abr nix mit da Abreis vodde Geschd zom dua, gell Senzle!)

    Sosole, sBebbale war wiedramôle dohinna, ausgrechnet denn, woni koi Zeit id ghett honn. Ob des Absicht war? hmmmmmmmmmmmmmmmmmmmmmm
    #41Author Moi Gab (456541) 13 Jun 18, 12:45
    Comment
    Wer a halbs Schdindle Zeit hòt, gugg amòl dòhanna nei, isch echt nett!
    #42Author Goldammer (428405) 14 Jun 18, 10:14
    Comment
    Dankschee, Vegale. Dia Zwoi nämmedmr sWort aus da Gosch.
    #43Author Moi Gab (456541) 15 Jun 18, 17:19
    Comment
    Hällouw Schbätzla, heit isch da gallische Babbedag :) (fallses äbber indressiert)
    #44Author Moi Gab (456541) 17 Jun 18, 12:57
    Comment
    Mr sen a weng a schreibfaule Bagahsch momendan....
    Mir machet ons an schena, gmietlicha Sonndich. Schbäder, ròdet amòl was, demer Fußball gugga.
    #45Author Goldammer (428405) 17 Jun 18, 13:42
    Comment
    I au.

    Bi faul.

    Gugg naoche Fuaßball.

    Ade.

    :-)
    #46Author schwäble (951819) 17 Jun 18, 13:45
    Comment
    Jtz henn i endlich des Interwiu mitm Kretschmann oghert..
    #47Author bluesky (236159) 17 Jun 18, 14:50
    Comment
    Jô Scheißdreggle, desch a wengle danäaba ganga.
    #48Author Moi Gab (456541) 17 Jun 18, 20:44
    Comment
    Leidla, i hau a Frog. Mei Nauchbeire hot letschde vora Pflanz gredt, dia Schertele hoißt und dia i idd kenn. Ballz abr fenschdra Nacht gwea isch ond meir Nauchbeire ihrane Pflanzabeschreibongsfähigkeita idd arg guad send, hotzmrs oo idd zoiga kenna und ausreichend vrklära kenna. Kennat ui des Pflänzle?
    #49Author Selima (107) 18 Jun 18, 09:33
    Comment
    I kenn des Woed idde.
    Abr do bei de Foddografe behaubded oi*ne, des sei dr Giersch:

    Giersch Foto & Bild | pflanzen, pilze & flechten, heilpflanzen, pflanzen ...
    www.fotocommunity.de/photo/giersch-sybille-treiber/24814144

    Giersch. (em Schwäbischa sagt mr Schertele)
    #50Author manni3 (305129) 18 Jun 18, 10:51
    Comment
    Oh, mei, dr Giersch, dar wär i nia ned draufkomma. I haus nemmle gfrogt ghett, ob's a DoldabliadlAr isch. Sia hot gmoint, daß idd. *koobfschiddl*

    Dangkdr, Manneschätzle. Iatz kaane scho mear so a Frog aus meim Frogakadalog schdreicha. Dia gribblant allweil a so, wanne koi Andwort frse fend.
    #51Author Selima (107) 18 Jun 18, 12:43
    Comment
    Was waiß aNauchbeire, däer wo ihrane Pflanzabeschreibongsfähigkeita idd arg guad send scho, was a Doldebliadlar isch - wenn de du oo allad midd deim Fachschargoo ausdrucke muesch *hihi*
    #52Author manni3 (305129) 18 Jun 18, 13:17
    Comment
    Giersch. (em Schwäbischa sagt mr Schertele)


    Alsonz bei ons hoißz "Schäddala".

    Oina von de siiba Blauga dr Menschheidd, ao wenn manche behaobdadd, ma keed an Salad draus macha - soooo viil Schäddala, wia bei ons waxadd, ka koi Mensch edd ässa ;-(((
    #53Author schwäble (951819) 18 Jun 18, 13:18
    Comment
    Os hammr iebrhauptzkoin Giersch em Garta. Hammr oos a Gligg!

    Ja, gell, manne, DoldabliadlAr. Wer kaa denn so ebbes wissa!! *gg*
    #54Author Selima (107) 18 Jun 18, 14:07
    Comment
    Also dr Fischer secht, "vieldeutiger Pflanzenname". Duat mr jò loid, Ameisle, abber velleicht soddesch des doch noml werrifitziera, ob dui tatsächlich dr Giersch gmoint hòt....

    D' Edith hòt en dr schwäbischa Ettimologie no na oozlange Lischde gfonda, was des älles sei kã, on se hòt sogar de ladeinische Nama no vrdeitscht, damit-r wisset, was des em oinzlna isch, was deet ufglischdet isch:
    Wiesenkerbel
    Giersch
    Bärenklau
    Kälberkropf
    Schierling
    Eselsdistel
    Gänsefingerkraut
    Tragant
    Wiesenknopf
    Schilf

    Jetz hòsch dr Salat, Ameisle! Velleicht doch koi Doldablietler!
    :-P
    #55Author Goldammer (428405) 18 Jun 18, 15:04
    Comment
    Na ja, Wiesenkerbel, Giersch, Bärenklau, Kälberkropf, Schierling ... send ja älle Doldabliadlr - drnoch weards abr zemlech bunt. Abr mei Nauchbeire hot gmoint, s häb kloine weiße Bliatla. Insofern ischs scho eanr oir vo de erschde. Abr i nemmse, wannse mog, s nägschde Mol mit zom Deesammla. Nocht wearmrs scho rausgriaga.
    #56Author Selima (107) 18 Jun 18, 16:31
    Comment
    Nocht wearmrs scho rausgriaga, obse de Schierling ibrläebd ;-(
    #57Author manni3 (305129) 18 Jun 18, 16:41
    Comment
    Des send Schaddla! :-)
    #58Author twocents (460778) 18 Jun 18, 16:41
    Comment
    D' Eddimologie erwehnt au no "Schättele" on moint, Es ist wohl ein alter, mit Scher- beginnender Name anzunehmen, zu dem auch die z.B. gleichbed. "Scherch" und "Schersig" gehören, ebenso "Schirling"
    Endressant, gell?

    Em "Taschenlexikon der Pflanzen Deutschlands" schdòht, dass "Schierling" a germanischs Wort wär.
    D' Grimmsbuba hent au an lengera Artigl zom Schierling.
    #59Author Goldammer (428405) 18 Jun 18, 17:42
    Comment
    Endressanta Sach, des mit deane Schertela/Schäddala/Schaddla ... Des scheintz doch so eanr endr Mitte vo Schwaben vrbreided.
    #60Author Selima (107) 18 Jun 18, 18:59
    Comment
    Heit han-e beim Fene an nuia Schbrudl entdeggd - Albawassr 
    Ônd weil-e fr d Balkoohbewässerông sowieso Blaschdiggfläschla brauch, han-e nadierle glei ois kaufa miaßa ;-)

    D'Eddid moint no, dass-d e des guata Albawassr nadierle sell dernk ônd zFläschle mit Letongswassr fill, wenn-e d Balkohbloama giaß.
    #61Author twocents (460778) 19 Jun 18, 18:03
    Comment
    I hen zwar koine Balkobluama, bal wenne welche hätt, hätt i a Giaßkann zur Bewässerung.
    #62Author bluesky (236159) 19 Jun 18, 19:37
    Comment
    Hemmale, etzt fellsch wahrscheinle glei ômm, abr a Gießkannn han-e au! :-)
    Abr wenn-e it drhoim bêe, lauft dia it vo alloinz vom Wassrhahna zua de Bloama!

    Bfläscha brauch-e als Voaaarat, wenn-e lengr wia zwoi Dääg it zôm Auf die gfillta Fläsch kommt a Tonkeegl, ônd dann wedd des ômkeht en da Booda gschdeggt. ZWassr lauft langsam raus ônd giaßt DBflanza.Giaßa komm.
    #63Author twocents (460778) 19 Jun 18, 19:45
    Comment
    I hao a andre Meddohde: I hao a Nochbeire, die wo mr dBloema gießd, ohne dassse mibbm Kobf in Bode schdeck ;-)

    Wenn sui idd do isch, gieß i iehre Bloema. Oo ganz ohne Kobfschdand. Dean däd i soweso nemma zemebrenge ;-)
    #64Author manni3 (305129) 19 Jun 18, 20:41
    Comment
    Manni, zur Zeit bên-e all furzlang ôndrweags. Moischdenz kurzgfrischdig, vô heit auf moara friah. Dau mecht-e koim Nauchbr dGiaßarei zuamuata.


    D'Eddid bruddlat nôo. Eigentle isch mrs ôm da Lênk zôm Schbrudl ganga, die Beschreibônga sênd so schêa! So schêa! (daät dr Drammpl saga, wenn-r Schwäbisch schwätza kennt)


    D'Eddit moint ôm fembfvordreivierdlzehne no, dass-d se am Drammpl koi Schwäbisch it lerna däät. Ganz gwieß it. Abr ganz gern däät se-m lerna, wia ma dGosch hält.
    #65Author twocents (460778) 19 Jun 18, 20:58
    Comment
    all furzlang ôndrweags - koim Nauchbr dGiaßarei zuamuata.
    No konndeschm ja s Gieße glei ganz ibrdrage, no brauchda koin Kalendar ;-)
    #66Author manni3 (305129) 20 Jun 18, 07:06
    Comment
    Mei medezinischa Kollegin hot ema Lexekon der Heilbflanza nauchguggt. Dau schdoht oo bloß dr Giersch dren alz Bflanz, dia was em Schwäbescha Schärtele hoißt. Bloß so alz Nauchdrag. Dr Giersch hot iebrigenz ganze Haifa vo volksdemeleche Näma.

    FFle, wo hoschn Du an Feneberg? Git's dean z'Mencha oo scho?

    Nochdrag: Wißnd ui, was "bludd" isch? So hoißt des Alpawassr ... s'bludde. [Dia schreibat wirklech s'bludde ... *gg* Mei, dau isch ihne a Aboschdrof falsch neiblubbrat]
    #67Author Selima (107) 20 Jun 18, 07:18
    Comment
    Off dobbick ädd Fenebäerg: zKembde isch a Buele voerem Fenebäerg gschdande, hadd midd a baar Bfeneg* in dr Hand klebbred ond hadd ganz sehnsichdeg dur sSchaufenschdr glueged. No haddn ebbar gfroged, was a do dued. Do haz Buele xed: I däd so gäere a baar Guezla koofe, abr i drau me idd nei! - Ond warom idd? - Dr Babba had xed, drFenebäerg frissd alle Kloine !


    Nochdrag ädd blutt: I glob, des haißd so viel wie blank, beim Kaade koin Schdich gmached. Abr gwiß waißes oo nemma.
    Wahrscheinz wenze sage, dass des Wassr saubr sei, odr?


    * Des send die frienre Halbcents gwe, also a Viedl DuSenzle.
    #68Author manni3 (305129) 20 Jun 18, 07:27
    Comment
    Amoisle, in bêe grad wiedr ômolmromm. ezt grad hogg-e auf dr Terrasse zôm Friehschdigg. Da Hof han-e heit glei en dr Fria keehrt, dau isch no schaddig gwêa.

    Z Minchen git's drui Fenes - em Weschdend, zMilbrtshofa ônd en dr Leopoldschrdrauß. Oinr isch no zErding, am Flughaafa.


    Bludd isch en dr Schweiz naggat (fiedlablutt). Kennt abr vo "blank" komma.
    #69Author twocents (460778) 20 Jun 18, 08:55
    Comment
    ädd blutt

    Dr Dudn hadd
    blutt - süddeutsch mundartlich, schweizerisch umgangssprachlich für nackt

    DWDS hadd
    süddeutsch, mundartlich, schweizerisch, umgangssprachlich
    1. nackt, bloß
    2. einzig

    Grimms Buebe hand vihl, ondr andrem:
    Dies merkwürdige blutt scheint, seiner form und bedeutung nach, zwischen blosz und blöde zu schweben; blutt = kahl kann mit blosz tauschen, blutt = weich, dünn aber nicht mit blosz, eher mit blöde, wir sahen sp. 138, dasz blöde auch dünn, abgeschlissen, abgetragen ausdrückte.
    #70Author manni3 (305129) 20 Jun 18, 09:57
    Comment
    Bludd - i kenn des au, abber bloß ema ganz schbezjella Kondegscht:
    An bludder Beerda

    Beerda isch e meim Hoimetdorf an salziger Kucha - also etwa Zwieblbeerda, Kardofflbeerda, Rahmbeerda.
    An bludder Beerda isch oiner mit nix druf, ganz oifach bloß a salzicher Flada.

    (Manni, dursch du bludd uf d' Lischde?)
    #71Author Goldammer (428405) 20 Jun 18, 10:28
    Comment
    (Emmrle, haoni scho!)
    #72Author manni3 (305129) 20 Jun 18, 10:47
    Comment
    An bludder Beerda

    Emmerle wenn-e beim Beck ebbes kauf "ohne ebbes drauf" (an Schdreisl aufm Datsche odr a Zuggrguss aufm Hernle), nau vrlang-e an "naggada" Kuacha. Des vrschandad dVerkaifrenna em Schwäbischa ônd em Bairischa! ;-)
    #73Author twocents (460778) 20 Jun 18, 12:08
    Comment
    Ond i an leera Semml, wanne an ... leera Semml mog. Fonkzjoniert oo äbbl - drhoimt ond am Balkan.
    #74Author Selima (107) 20 Jun 18, 12:13
    Comment
    A leerer Datsche?
    Kennt a bluddr Beerda werra ;-)
    #75Author twocents (460778) 20 Jun 18, 12:33
    Comment
    Ond was isch a Beerda?
    Isch des a Frog: Send koine Beer (idd) do?
    #76Author manni3 (305129) 20 Jun 18, 14:35
    Comment
    Wär läsen kã on so:
    Beerda isch e meim Hoimetdorf an salziger Kucha - also etwa Zwieblbeerda, Kardofflbeerda, Rahmbeerda.

    On des am End isch a ɐ
    koi ò.

    #77Author Goldammer (428405) 20 Jun 18, 14:57
    Comment
    Griaß Gott mittnand.

    Beerda hao i no nia ghert. Mr lernt halt nia aus.
    #78Author neutrino (17998) 20 Jun 18, 16:34
    Comment
    Wie hòt mr denn en de andere Gegenda zo dene salziche Kucha gsagt, wemmer grad drã sen?
    Bei dir, Schdiggle, em baddischa Grenzgebiet, oder beim Amoisle, odder am See odder en Ulm?
    #79Author Goldammer (428405) 20 Jun 18, 17:21
    Comment
    Bei meir Oma war des a Blatz (Zwieflblatz ... isch oo dr oizig gwea, dean was mei Oma gmacht hot). Dia isch abr ausm Rias gwea. Mei Mama, dia was schwädza en meim Dorf onds schwäbesche Kocha endr Schual glearnat hot, hot so ebbes eigndle nia gmacht.

    Handr eigndlech d'elft Omfrog vom Atlas där Alltagssprache scho gmacht?
    #80Author Selima (107) 20 Jun 18, 17:48
    Comment
    Isch die nui? I woiß-es grad gar-et.
    Griagt han-e in letschder Zeit nix, dia ladet me sonsch äls ei.
    #81Author Goldammer (428405) 20 Jun 18, 19:03
    Comment
    I benmr oo oosichr gwest ond hons hald amol agfanga. Mir ischse oobekannt vorkomma. Eiladong haune oo koina griagt.
    #82Author Selima (107) 20 Jun 18, 19:06
    Comment
    Moinsch Du de elft Rônde middam Dengs ond am Bombole? :-)
    Dau han-e a Eiladong kriagt, am 2. Juni
    #83Author twocents (460778) 20 Jun 18, 20:58
    Comment
    Dia oinzige salzige Kuacha woni kenn, sin Dinnada. Und Beerda, des honni id kennt.
    #84Author Moi Gab (456541) 20 Jun 18, 21:33
    Comment
    Maiselschen, ich hodd graad heid noomeddaach meddgemachd ..
    :-)

    Ach jah, doo ess de Fraachebooe : http://www.atlas-alltagssprache.de/runde-11-f...
    #85Author no me bré (700807) 20 Jun 18, 21:34
    Comment
    Danke, Ameisle, fir dr Tibb, on fir dr Link, breele!
    I han se grad gmacht, i han se no et kennt ghett.
    #86Author Goldammer (428405) 20 Jun 18, 22:26
    Comment
    Dankdr schea fier de Lenk,Bréle!
    Jietz haonis grad gmached.
    #87Author manni3 (305129) 20 Jun 18, 23:10
    Comment
    A salzigr Kucha isch bei ons a Pizza ;-) ... nix andrs kenni nedd ;-)
    Eddidd: Bei de "gscheide" Ulmr ;-) giiz a Dennadde.

    Alz andre, siaße, wär a Daadsche odr a Blatz.

    Beim Addlas hanne au grad middgmachdd.

    Bei deanr Fraog hanne a Aamerggong drzuagmachdd:

    (c) Ein betontes ja (oder jo) in Aufforderungssätzen, z.B.: „Sei já pünktlich!“
    (d) Ein betontes ja (oder jo) in Ausrufesätzen, z.B.: „Dass ihr  keinen Unsinn macht!“

    ... neemlich, dass vorem "ja" no a "f(r)ei" nɐkomma dääd.

    Guaz Nächddle allemiddanand!
    #88Author schwäble (951819) 20 Jun 18, 23:17
    Comment
    Genau, Schwäble, an dees haoni gar idd denkd kedd: Mach mr fei jaa koin Scheiß idd, gell!

    Guez Nechdle allmiddand
    #89Author manni3 (305129) 20 Jun 18, 23:53
    Comment
    Sodele, i honn jetz au mitgmacht.

    Guads Nächtle, Schbätzla!
    #90Author Moi Gab (456541) 20 Jun 18, 23:53
    Comment
    Schdemmt, des mibm "fei" hannemr oo dengkt ghett, abr idd naa gschrieba. Zua der Frog mit der _höflichen_ Antwort "das ist mir gleich/egal/wurscht" ... hanne ebbes gschrieba. Wann d'Antwort isch ja au abhängeg, wer daß frogt.
    #91Author Selima (107) 21 Jun 18, 06:45
    Comment
    Schdimmd, deschmr au durch dLabba ganga, des mid dem fei. Dabei honne am Schwäble sein Beidrag dôdrzua gläasa ghett. Leitla, i wirr ald ....

    Alle an scheena Dag winsch. Und, dassemer fei jô id vrgässed gligglich un froh zsei, gell!
    #92Author Moi Gab (456541) 21 Jun 18, 08:41
    Comment
    Ond glei nomml a Wortfrog, dia was em Gschbräch mit meir Schweschdr aufkomma isch: Wer kennt des Wort "g/krawul"?
    #93Author Selima (107) 21 Jun 18, 08:53
    Comment
    I hao des scho käerd, abr mier isch idd klar, was des moind.

    Zuer Omfrog: bei "geizig" haoni oo no "kähl" drzuegschrihbe. Des isch idd bloss a fichdeg wieschz Weddr odr oir, däe wo räechd wieschd dued, sondrn im Konndeggschd oo fichdeg geizeg.
    Kenned dier des oo so?
    #94Author manni3 (305129) 21 Jun 18, 10:24
    Comment
    "Kähl" kenn-e scho, abr it en dr Konnodazzjoh mit geizig. Kähl isch eggschdrem wiaschd, ägglig.
    Geizig isch "ruachig". Dau woiß-e abr it, ob i it scho vom Bairischa "ruachad" âagschdeggt bêe.
    #95Author twocents (460778) 21 Jun 18, 11:31
    Comment
    "Kähl" isch bei ons als Adverb "ungewöhnlich", moischdenz negativ, ka abr ausnahmsweis au mal "kähl guat" sei.
    Als Adjektiv eigenddlich au so: Heidanei, des send ja kähle Schua, wo da da kaofd hasch! ... des zoigt auf jeden Fall an Räschbäggdd, dass dia Freindin Zäz hadd, midd so außrgeweenliche Schua romzomlaofa.
    Abr wia so ofdd, macht hald au dahanna dr Ton dMuusigg.

    "Kähl" hadd bei ons abr nia dBedeiddong von "geizig", well des hoißt ma "gnigadd".

    Adele :-)
    #96Author schwäble (951819) 21 Jun 18, 11:45
    Comment
    grawuhl - nia ghert. Was isch des?
    #97Author Goldammer (428405) 21 Jun 18, 11:48
    Comment
    1. Salziga Kuacha heißet bei ons Zwiebelkuacha, Eelkuacha, ond so weidr. Bei ons gibt's koin Sammelbegriff dodrfier, zmendescht kenn i koin. Dennede kenn i, abbr dia gibt's tradizjonell do, wo i herkomm, net.

    2. "g/krawuhl" hao i no nia ghert.

    3. "kähl" kenn i au net.


    #98Author neutrino (17998) 21 Jun 18, 11:51
    Comment
    Dau kaneme am schwäble fascht 100%eg aaschliaßa. A keahla Sau isch a ganz a schdeilr Zaah bei oos. Keahle Schuach, a keahla Sach ... send alle sauglatt!

    Ond geizeg isch bei oos oo gniggat.
    #99Author Selima (107) 21 Jun 18, 11:52
    Comment
    Bei unns hääßd dass "gniggerisch" ... awwa dii Ausschbroochwarijannde hannse joo nedd aangebodd ...
    :-)
    #100Author no me bré (700807) 21 Jun 18, 12:00
    Comment
    I ersetz mei "ruachig" vo vôar geggs "gniggad" - ônd des isch gwieß it bairisch!
    (Danggschea, Schwäble ônd Amoisle!)

    "Kähl" en dr Bedeitông vo "bsondrs" em bosidifa Senn kenn-e it.

    "G/krawuhl" kenn-e it, han-e no nia gheert.
    #101Author twocents (460778) 21 Jun 18, 12:08
    Comment
    Geizich hoißt bei ons kniggrich oddr bhäp.
    #102Author neutrino (17998) 21 Jun 18, 12:24
    Comment
    bhäb, genau! Des kenn i au!
    #103Author Goldammer (428405) 21 Jun 18, 13:47
    Comment
    bhäg kenn i oo idd. Des geid meah an Haufe nuje Eidräg ins Wäeddrbuech - was mießed dier oo so komesch schwädze ;-(
    #104Author manni3 (305129) 21 Jun 18, 16:14
    Comment
    bhäb, et bhäg, manni.
    Bhäb kann au knapp hoißa. Wenn-e widder drhoim ben gugg i amòl nòch dr Eddimologie.
    I ben grad en Tieringa uf dr Balinger Alb bei meiner Brädikandaausbildong.
    #105Author Goldammer (428405) 22 Jun 18, 07:07
    Comment
    I lach me grad scheggig - wenn e da Schbaaga aufruaf, kommr bei mir (vom Guhgl?) d'Âfraug, ob-ne "diese Seite iebersetzen" will!

    I hau draufkliggt - Schwäbisch isch it grad a Schbezialidäät vom Ibersetzôngsbrogramm! :-)))

    Wenn-e auf "Obbzjohna" kligg, fraugt-r me, ob-ner "Luggsemburgisch iebersetzen" soll. :-)))

    Wenn-e mea Zeit hau, schdell-e s amôle ei, abr daudrfier muan-e dr Teggschd no formatiera.
    #106Author twocents (460778) 22 Jun 18, 09:07
    Comment
    Senzle, desch jô gaddig! (gaddig, kenneder des au?)

    Fr mi isch geizig au knickerig. Bei bhäb klinglets bei mir irgendwo im Hirn, abr i kas nimme zuaordna (d'Edith moint, wenn äbber behäbig isch, ischer an begwehma und ruiga Mensch)

    Da Schose und i genn jetz zua da Geburdsdagfeijer vo unserm jingschda Engklkind und vo da Schwiegrdochdr. Desch bei bragdisch, zwoi Geburdsdagsfeijerra a oim Dag.

    Geschd hemmer ibrigens wiedr unsrn Hohzitsdag vrgässa. Simmer beleidigd? Naaaaa, nia und nimme.

    Siejuuuuuuuuuu :)
    #107Author Moi Gab (456541) 22 Jun 18, 14:24
    Comment

    I kenn eigentlich bloß õgaddich....

    #108Author Goldammer (428405) 22 Jun 18, 22:53
    Comment

    Wii, hanna alle zwää de Hochzeiddsdaach fagäss ? Dass hadd doch aach wass ...

    :-)))

    #109Author no me bré (700807) 22 Jun 18, 22:58
    Comment

    Ich komm gerade von dem genialsten Klarinettenkonzert meines Lebens...in LANGENARGEN! :-o Of all places.... Andreas Ottensamer mit nem Kammerorchester in Ravensburg war nichts gegen das, was sich gerade abgespielt hat. "Faltenradio" heißt die Gruppe, bestehend aus (hauptsächlich) Akkordeon, zwei Klarinetten und Bassklarinette. Spielerisches Können auf höchstem Niveau, plus Spaß und Schauspiel, einfach unbeschreiblich gut.

     

    Auf jeden Fall, am Ende des Konzerts, nach der zweiten Zugabe, wo es dann klar war, dass das wirklich das letzte Stück gewesen ist, haben die Leute natürlich weiterhin geklatscht wie verrückt. Und dann dachte ich an dich, Gäbele! Nach meinem Konzert in Friedrichshafen, dass die Häfler nicht wissen, was ein Ständing Ovation ist. Jetzt pass auf - die Langenargener wissen's auch nicht!!

     

    Und da saß ich und dachte mir, nein, nach so einem geilen Konzert, nach dem meisterhaften Spielen, das lasse ich nicht zu, dass das nicht gebührend anerkannt wird! Und ich......ICH......ja, ich... bin als erstes aufgestanden, jawohl! Und wurde gleich vom Akkordeonisten angegrinst. :-D Das war ein tolles Gefühl.

     

    #110Author Miss Anthropy (700297) 22 Jun 18, 23:27
    Comment

    Des glob i, dass des toll gwe isch. I hao amohl a Sendong im BR ibr de Schorn ond die Bänd xäeche - i be oo ganz begaischdred gwe :-))

    #111Author manni3 (305129) 22 Jun 18, 23:44
    Comment

    Missi, i bin saumäßig schdolz auf di!!!


    Brélele, schdell dir vor, miar vrgässed des jedsjohr.


    Und Leitla, sieht bei eich im Leo jetz au älls andersch aus???



    #112Author Moi Gab (456541) 23 Jun 18, 18:55
    Comment

    Ja, Gäbele, dia hen jetz uf des nuie Sischdem umgschdellt.

    #113Author Goldammer (428405) 23 Jun 18, 19:03
    Comment

    A absolute Dschällensch fr so alts Weibrhirn wia mais, Vegale. Drzuana, muesch jetz nabskrolla, dassda ans Fadaend kommsch. Nôjô, wirrme scho drahgwehna - sdaured halt ammel a wengle, bisseme äbber wohlfial.


    Winsch eich an scheena Sonndig! Wenne Gligg honn, bringe da Schose dazua, dasses a Schdiggle mitmer radlet.

    #114Author Moi Gab (456541) 24 Jun 18, 11:34
    Comment

    Gäbele, des gohd schnell! In viezeh Däg hasch de draah gwehnd :-))


    Häbbi Gwehnong ond an scheane Sonndag :-)

    #115Author manni3 (305129) 24 Jun 18, 12:46
    Comment

    Drzuana, muesch jetz nabskrolla, dassda ans Fadaend kommsch. 


    Muasch it ôobedengt. Wenn da dr Faada aufmachsch, schdaht en dem graua Balka ieberm Fadadiddl "116 (etzt grad) Antworten". Daudrneaba isch a Bfeil, wo nach ônda zoigt.

    Wenn da dau mit dr Maus naufgliggsch, kommsch ganz schnell anz Faadaend.

    #116Author twocents (460778) 24 Jun 18, 18:50
    Comment
    Deereidisch zmindesch!
    #117Author Miss Anthropy (700297) 24 Jun 18, 21:49
    Comment

    Odda off de digge roode Anndwoad-Gnobb dregge ... soolang biss dii Peile wedda doo senn ...

    :-)

    #118Author no me bré (700807) 24 Jun 18, 21:54
    Comment

    *an i aas meim ledzden Boschding glau* Des bassd ja gar ned in "deeredisch" nei.

    #119Author Miss Anthropy (700297) 24 Jun 18, 22:19
    Comment

    Also bei mir isch ieber em Fadatiddl koi grauer Balga, dò kommt glei d' Werbong.

    Was mach i falsch?

    #120Author Goldammer (428405) 24 Jun 18, 22:22
    Comment

    Bei mir au id. Guads Nächtle!

    #121Author Moi Gab (456541) 24 Jun 18, 23:19
    Comment

    Emmerle, des woiß-e it.


    I schreib aufm Peezeeh.


    Ganz oba auf dr Leo-Seite isch dr broite gelbe Balka mit Houm, Werdrbuach, Forom onzoweitr, drondr isch dr Blatz fr dWerbông. Lenks am Rand isch dr Leewakobbf.


    Wenn da vô dr Foromsschdardseite en d Schwätzkammr gasch, kommt ganz lenks ondram Leewakobbf a Schbalte mit Iebrsicht/Suuche en alle Fora /Fora /Englisch gsuacht ônzoweitr.


    Rechts vo derá Schbalte gaht a Feld auf, en dem alle Ôndrfoora aufgfiehrt sênd, mit gelbe Ôndrforomsdiddlzeila.


    Wenn da dau en dSchwätzkammr gascht, effnet se am oobra Rand vô dem Feld a grauer Balka*, middr Pfaddâagabe. Ibersicht > Schwätzkammr


    Wennda en dSchwätzkammr gahscht ônz Fadale effnescht, erweitrat sich dr Pfad em graua Balka* schrittweis auf

     Ibersicht > Schwätzkammr> --189--Alemanneschwobefädale -1...

    weitr rechts em Balka schdaht 122 Antworten. Daudrneaba isch dr Nabb-Pfeil,

    ônd no weitr rechts dann dSimbole fr Lesezoicha ond Fada doila ônd dia zwoi Pfeil nauch rechts ônd lenks zua de Nauchbrfäda.


    * dr Graue Balka isch bei mir ôogfähr auf dr Heehe vom Schbanisch-Fehnale em Käschdle ganz rechts mittr Werdrbuachnavigazjooh.



    #122Author twocents (460778) 24 Jun 18, 23:24
    Comment

    I ben au am Peezee, zwoisentle.

    Abber der donklgraue Balga mitm Pfad isch bei mir ebba et dò mò-nr bei dir isch. Jetz wo-n-e grad ebbes schreib, ischr dò, abber susch et.

    #123Author Goldammer (428405) 25 Jun 18, 08:52
    Comment

    Mit wafferma Brausr bisch ôndrweags? I bêe em Kroum odr em Fairfoggs, ônd dr Balgga kommt, sobald-e em Ôndrfrom bêe.

    #124Author twocents (460778) 25 Jun 18, 11:48
    Comment

    I hao de Firefox ond bei mier isch koi graua Balke, heggschdne däe wo dinnschdohd:


    #124Verfasser  twocents (460778)         25 Jun. 18, 11:48

    #125Author manni3 (305129) 25 Jun 18, 11:50
    Comment

    I hau etzt grad dau dieba a bissle gschdeebrat.

    Dr dongglgraue Balka ooba obd dr hellblaue onda (wo "neie Andword vrfassa", odr beim Schreiba "Absenda /abbrecha" schdaht) verschwendat, wenns Fenschdr z NIEDRIG isch. Wia broit's isch, isch gleich.

    #126Author twocents (460778) 25 Jun 18, 12:20
    Comment

    D'Eddid fraugt ôm fembfordreivierdlelfe zNachd, ob-ner alle so vrschrogga sênd em nuia Leo?


    Gueznächtlemiddanand!

    #127Author twocents (460778) 25 Jun 18, 12:48
    Comment

    I edda. I muaß me no a weng omgwehna. 's Dorisle hòt mr a baar guade Tibbs gea, des wurd scho no nã

    A guats Nächtle.

    #128Author Goldammer (428405) 25 Jun 18, 22:51
    Comment

    Ään Gligg, doo glabbds noch ... inn eh baa annare Fäädelscha geed heid Oomend gaa niggs meeh ... nua weisse Seide, wamma wass schreiwwe well ...

    #129Author no me bré (700807) 25 Jun 18, 23:14
    Comment

    Also mir fehled auf da rächda Seita die vrschiedne Schbrocha. Des war begwehm, von Franze auf Englisch auf Italienisch auf Schbanisch switscha skenna. Des gôht nimme :(


    Ajo, und bei mir isch rechds oba a dem beescha Balkga an roda Krois middema Oiserle drin. Woiß äbber vo eich wozua des Oiserle guad isch?


    Vegale, wäred die Tibbs vom Dorisle au äbbes fr mi?


    Fallses äbber indressiert: I honn heit scho 7 Fenschderra butzed und nocher gange zuar Belohnung zua meinera Nichde zom Kaffedringka und umma Viere kigged Pfranzosa!

    #130Author Moi Gab (456541) 26 Jun 18, 13:41
    Comment

    Oh mei, Feeschdr ... dia däd i scho ewig ond drei Däg putzt haba mechda. Mogsch idd vrbeikomma, Gäbale?

    #131Author Selima (107) 26 Jun 18, 14:45
    Comment

    Des Oiserle hoißt laut Martin Folgendes:

    related discussion: Kurze Unterbrechung - #192

    Die andere Schbròcha fend i lenks oba bei dene drei waagrechde Balga - ufm Laptop. Em Mobailmodus woiß i's edda.

    Em Dorisle seine zwoi wichtige Tibbs:

    Zom Ende vom Fada kommsch, endem da en dr Fada neigliggsch on nòch uf dr Taschdadur uf d' "Ende"-Taschde góhsch.

    A nuis Läsezeicha macha, an Kombromiss biss-es uf älle Darschdellonga den donklgraua Balga gibt (uf meim Läbbtobb ischr eba zor Zeit et), isch wemmer ieber da Mobailmodus neigòht, des kammer au ufm Läbbtobb.

    Wennda des gnauer wissa mechdesch, meld de noml. Des hòt mir 's Dorisle egschdra gschrieba, wo-n-e gsagt ghett han dass i a Läbensgrise griag, wenn des bis zom nägschda nuia Schwòbafädele emmer no et geengt.


    So a fleisichs Mädle! I glaub i han emeim Läba no nia sieba Fenschder ufsmòl butzt....

    #132Author Goldammer (428405) 26 Jun 18, 14:49
    Comment

    Des mit dr Ende-Taschte hen i scho immr so gmacht, geht am Schnellschda.

    #133Author bluesky (236159) 26 Jun 18, 15:07
    Comment

    Dankschee, Vegale. I honns bekabsd. Des hilfbmr viel weiter!


    Jô, und Amoisle, nadierlich komme zuedr zom Fenschderra butza! Abr ersch muene no die reschdliche fimf butza und denno dia zEschinga (vor denn honne Angschd - dia sin so groß und so dregged und sinn andi fuffzeah, wenne dia am Eigang au mitrechna). I glaub, i bleib am See.


    Himmele, bisch halt a Gscheids.


    So und jetz gange Fuaßball luaga. Da Schose hogged scho vor da Glotze (gschria hotter abr no noita - söla nö sorrä tardeh).

    #134Author Moi Gab (456541) 26 Jun 18, 16:13
    Comment

    I han bisher den blaue Bfeil benitzt, den wo 's Gäbele amòl fir a Bleamle ghalda hòt. Des han i schneller gfonda als wia d' Ende-Taschde.

    #135Author Goldammer (428405) 26 Jun 18, 17:39
    Comment

    Wamma dii Seid glääna ßuume duud, dann komme dii Schbroore off de räschds Seid wedda ...


    awwa graad hannse eh neijes Abbdääd inngeschbiild ... de Peill noo unne ess wedda doo ... nääwamm Faadediddl ! Scheen !

    ... unn eh Abbo-Simmbool hannse doad jedsadde aach wedda ... egaal wii groos ma dii Seid inngeschdelld had !

    #136Author no me bré (700807) 26 Jun 18, 18:06
    Comment

    Danke Brelele! Gloiner suhma, des wars :)

    #137Author Moi Gab (456541) 28 Jun 18, 13:21
    Comment

    Gloiner suhma isch leider koi Obzjon fir mi. I brauch a senjoragerechds graißers Schriftbild. Abber i lern dia Simbol uf dr lenka Seit scho no, bei dene schdòht nemlich au bloß drbei was se bedeidet, wemmer gloiner suhmt.

    Der Bfeil nach onda funst iebrigns net emmer, koi Ahnong worom. Wenner duat, nemmen, wenn et, nemme d' Endetaschde.

    #138Author Goldammer (428405) 28 Jun 18, 16:58
    Comment

    Dass medd dämm Peil noo unne, dass dauad alls ...


    ... unn isch binn aach schdännisch amm ßuume ... jenoodeem, obbisch Iwwasischd hann well, odda was lääse känne ... odda beime Neiinndraach foamaddiire ...

    #139Author no me bré (700807) 28 Jun 18, 17:13
    Comment

    Reded dier aingdle von am PC odr von am Schmardfon?

    I hao an Deschkdobb ond a Noodbuck ond bei baide isch des koi Broblem mid

    de Bfeil vor Daschdaddur ↑ ↓ midd ond ohne Strg.

    #140Author manni3 (305129) 28 Jun 18, 20:01
    Comment

    I schwätz vom Läbbtobb. Ufm Fon han-e no die alt Leo-Wersjo, koi Ahnong worom's des no et abdeidet hòt.

    #141Author Goldammer (428405) 28 Jun 18, 20:19
    Comment

    I honns au vom Schläbbi. :)

    #142Author Moi Gab (456541) 28 Jun 18, 20:26
    Comment

    Also nocha:

    Strg druckd halde ond Bfeil vor Daschdaddur ↑ ↓ dibbe: schbrengd ganz nauf odr ganz naa.

    #143Author manni3 (305129) 28 Jun 18, 22:30
    Comment

    Manni, du bisch a Käpsale :))

    #144Author Moi Gab (456541) 29 Jun 18, 08:05
    Comment

    @ Käpsele 2: Uff meim Notebook haoni lenx onda a Fonkzjoonsdaschde Fn.

    Wenn i die druckd hald ond ↑ ↓ dibb, nocha schkrolled dr Bildschirm zemle schnell auf ond aa. :-)


    #145Author manni3 (305129) 29 Jun 18, 10:56
    Comment

    Oh, dia honni (des hoißt mein Schläbbi) au. Abr s'gôht dôdamit id schneller.


    Zonn scheint! Da Epflbomm hot koine Mischdla me un dMirabella sin allnonoita reif.


    I flagg jetz in mei Hängematt, mei Hängematt!


    D'Edith meld sich um de Dreie um und frôged heflich, obber bidde innera Schdund am Schose zliab dDauma drugga dädet?


    Und sGäbele schliaßd sich a: Am Mändigmorga hot Donnrgeddin an Franzteschd. S'wär liab, wenner nô au nommel dDauma drugga dädet. Merssi bohkuh !

    #146Author Moi Gab (456541) 30 Jun 18, 11:40
    Comment

    Grad no rechtzeidich gfonda, Gäbele! I drugg scho wia Zau. Au wenn-e et woiß worom.

    #147Author Goldammer (428405) 30 Jun 18, 15:58
    Comment
    Jetz woiß i's! 😂
    Mensch Gäbele, die kiggat õglaublich!
    #148Author Goldammer (428405) 30 Jun 18, 17:30
    Comment

    Vier zu zwoi. Do werd se dr Schose gfreia.

    #149Author bluesky (236159) 30 Jun 18, 17:56
    Comment

    Bloss no vier zue drei. Dr Schose wäeze zwar drodzdeam gfraie, abr idd so feschd wie bei vier zue zwai :-))

    #150Author manni3 (305129) 30 Jun 18, 18:05
    Comment

    Da Schose hôt hieprwendiliert *hihi*


    Dankschee frs Daumadrugga :)))

    #151Author Moi Gab (456541) 30 Jun 18, 19:46
    Comment

    hieprwendiliert - Gäbele, i hao des jiez in Abschdend scho mendeschdns femf Mohl gläese ond jezmohl mueß i meah kichre! Ju meid mai dei änd nait :-)))

    #152Author manni3 (305129) 01 Jul 18, 13:02
    Comment

    Dr Seehofer dritt zrigg, ha jetz lamme gao!

    #153Author Goldammer (428405) 01 Jul 18, 22:57
    Comment

    Nix, dôblieba wird. Wemmer scho alle ganga lôssa dädet, die id !!

    #154Author Moi Gab (456541) 02 Jul 18, 13:09
    Comment

    Gäbale, barôm däädsch Du dia Kerle bhalta mêega?.


    I moin, dr ôi deffd nôo gâu, ônd sein Doofrênd glei midmemma!


    Dia fiahrat se grad auf wia dKlassaschläägr aufm Schualhof en dr groaßa Pause. Dr andr au no, dr niggsige vô "Ferrd". Fr mi zendlat dia ganz ôoâaschdendig ômmamnnd.



    #155Author twocents (460778) 02 Jul 18, 14:20
    Comment

    Die zrlegeze grad sell ond des isch oo gued so - wenns scho dObbesizjooh id zemebrengd! Seid sechzg Johr waad i druff ;-))

    #156Author manni3 (305129) 02 Jul 18, 15:59
    Comment

    I frog mi bloß, wa sonscht komma kennt. Vor dem, was ltschs Wochaend z'Datschiburg los war, fircht i mi.

    #157Author bluesky (236159) 02 Jul 18, 17:29
    Comment

    Senzle, i honns idda vo denne Kerle ghett. S'Vegale hot gschrieba: ha jetz lamme gao

    und i hon gantwortet: die id = dich, sVegale, id!

    #158Author Moi Gab (456541) 02 Jul 18, 17:57
    Comment

    Dr Seehofer gibt da Drehofer - isch ja net as erschte Mol.

    #159Author bluesky (236159) 03 Jul 18, 00:12
    Comment

    Guada Morga Schbätzla! I honn ganz vrgässa, eich zaga, dassda Schose geschd mitmr gradled isch.


    Und jetz gwiddereds bei uns und i heng da Schläbbi ab.

    #160Author Moi Gab (456541) 03 Jul 18, 09:41
    Comment

    Ach, scheeen ! ... dass memm Schoose un dassa wedda Raad gefaa es ...

    :-)

    #161Author no me bré (700807) 03 Jul 18, 13:02
    Comment

    A wäed woll fähr a bissikledd, odr sooo. Abr bessr als nix, Gäbele. Des hasch gued gmached. S klabbd scheinz allad no midd däer Vrfiehrong zwische ui zwai :-)))

    #162Author manni3 (305129) 03 Jul 18, 13:52
    Comment

    Hihi, Manni, du Siach! Abr, s'isch an harta Dschobb, des mit dem Vrfiahra. S'isch ehar a Bittla un Bettla. Abr i bin hartnäggig (soll jetz idda hoißa, danneme dafiar ausziah).


    Heit ischmr wiedr amôle wäga de Brombeera a Wörtle eigfalla: Schluata. Kennedr des au, wenn z. B. dBrombeera so lange Schluata henn?

    #163Author Moi Gab (456541) 04 Jul 18, 15:55
    Comment

    Noi, koin Schimmer was des sei keet. Dorna?

    #164Author Goldammer (428405) 04 Jul 18, 16:15
    Comment

    I kenn des idd! Die greane Zäbfla vom Schdihl, an deane wo se aagwaxe send?

    #165Author manni3 (305129) 04 Jul 18, 17:46
    Comment

    Mein Babbe hot des ammel gsait, wenn dBrombeera so lange Äschd/Zweig/Auswichs bildet honn. Dinne, lange Schluata halt, dia wo ausda Brombeerhecka nausgehengt sin. Er hotse ammel nabunda odr abgschnitta.

    #166Author Moi Gab (456541) 04 Jul 18, 21:44
    Comment

    I han en dr Eddimologie ebbes drzua gfonda:

    Schlucht, Schluecht, auch (vorwiegend im Raum Ehingen / Riedlingen) *) Schluet : Ast, Zweig, Ranke

    Des hengt scheints mit schlüpfen zsema, also a Schluat wär nò "das was herausschlüpft"


    D' Grimmsbuaba hen ebbes en die Richdong onder Pongkt 4 bei "Schlucht": "abgehauener dicker Ast" odder "die wilden schöszlinge eines baumes" - isch zwòr a weng andersch, abber scho de gleich Idee.


    *) Mò isch dei Babba gebirdich gwä?

    #167Author Goldammer (428405) 04 Jul 18, 22:01
    Comment

    Z'Langaarga, Vegale. Abr sein Babbe war aus Eschdereich.


    "Schluet", Ast, Zweig, Ranke, des bassd doch guat!! Bisch au a Käpsale, Vegale :))

    #168Author Moi Gab (456541) 04 Jul 18, 22:53
    Comment

    Scheißerla, wäreder bidde nommel so liab und dädet am Schose zliab nochher nommel d'Dauma drugga? Sledschmôl hotts au gholfa!

    #169Author Moi Gab (456541) 06 Jul 18, 13:41
    Comment

    Machamer.

    #170Author Goldammer (428405) 06 Jul 18, 14:23
    Comment

    Bis jiez siechz ja gued aus fier de Schose. I druck weidr :-)

    I be bloss gschbannd, wean dr Suarez desmohl beißd *hihi* - ond wo *hehe*


    #171Author manni3 (305129) 06 Jul 18, 17:08
    Comment

    I noin, der hätt fr deesmol ausbissa .

    #172Author twocents (460778) 06 Jul 18, 20:50
    Comment

    Merci meh Scherrii !

    #173Author Moi Gab (456541) 06 Jul 18, 22:04
    Comment

    Fa dii Brommbääre kännisch doo kää eischena Aussdrugg ... awwa fa dii Bloobääre ... dii hodd mei Babba imma Wääle genennd ... dea waa awwa aussem Mooslfränggische ...

    #174Author no me bré (700807) 06 Jul 18, 22:15
    Comment

    Jô, Brelele, abr gits bei Hoidla (Blaubeera) au so lange Schlueta (Ranka)?


    Guats Nächtle!

    #175Author Moi Gab (456541) 07 Jul 18, 00:24
    Comment

    Guada Morga Schbätzla! I bin heit am Uhgraut aus de Pflaschderschdoiritza rausgratza. Juhuuuu ;)

    #176Author Moi Gab (456541) 07 Jul 18, 10:21
    Comment

    So, i hogg me etzt af da Balkooh naus ônd trink a Gläsle auf da Schbbaaga.

    Der wedd hei nemle zeah Jauhr alt.

    #177Author twocents (460778) 09 Jul 18, 21:40
    Comment




    Allgai-Oschdschwobe-Schbagaat

    Geits no a baar?


    Im Baire-Fade hant se a paar bairische Schwobe-Oschdallgaiar droffe und iez goht dr Hoigaate in deam Schbagaat weitr.


    09 Jul. 08, 11:50


    -----------------------------------------



    DuSenzle, i hock mi drzue, wenn i däff ond schdoeß midd dier aa :-)))


    So a ronda Geburzdag isch doch allad ebbs Bsondrs!



    #178Author manni3 (305129) 09 Jul 18, 21:48
    Comment

    Isch siin graad eh wunnascheena Sonneunnagang ... off de Fronndscheibb fomme Ällkaaweeh, dea woo unnam Fänschde gehall hadd ... gällb-lilla Schdreife meddemene ganns hälle Pingdsche unn owwedrewwa eh dunggli Wollg medd orannschene Wälle ... unn räschds unn linggs eh baa Baamschbiddse ... auss dämm Winggel siinisch dii Ägg sonschd nedd, weill eh baa Haissa imm Wääsch schdeen duun ... awwa jedase, medd däa Scheibb ...


    Broschd Sändßle !

    :-)

    #179Author no me bré (700807) 09 Jul 18, 21:57
    Comment

    I dät mitma Huschdateele mit ãschdoßa. I han wirglich widder mein saudomma Huschda.

    (wirglich em Sinne von zur Zeit)

    #180Author Goldammer (428405) 09 Jul 18, 22:07
    Comment

    Botzblitz, zeah Johr! Prositle uff eich treie Seela!

    #181Author Doris (LEO-Team) (33) 09 Jul 18, 22:27
    Comment

    Broschd, Dorrisle :-)))

    Wohl bekomms!

    #182Author manni3 (305129) 09 Jul 18, 23:27
    Comment

    Zehn Johr? I hätt it denkt, daß scho soviel Zeit vergange isch.

    #183Author bluesky (236159) 10 Jul 18, 11:49
    Comment

    Hemele, mr werdet, beziehongsweis sen au doilweis scho, alde Säck on Schachtla! Do fiehrt koi Wäg vorbei....

    #184Author Goldammer (428405) 10 Jul 18, 12:06
    Comment

    Es isch hald oifach a Frog vo dr Kwalledäd: Alda Wei in alde Schleich - schdohd scho in dr Bihbl :-)

    #185Author manni3 (305129) 10 Jul 18, 14:32
    Comment

    Oh mei, oh mei, oh mei. Des haune ganz vrgessa ghet. Abr gescht hädde ja eh ned aaschdoaßa derfa. Däd heit no ebbr mibmr aastoaßa?

    #186Author Selima (107) 10 Jul 18, 14:35
    Comment

    I schdoeß amohle midd dier aa: Alda Sack midd nujem Wei - es wäed me woll idd glei vrreiße ;-)

    Broschd! :-))

    #187Author manni3 (305129) 10 Jul 18, 16:32
    Comment

    ÿ ÿ ÿ ÿ ÿ ÿ ÿ ÿ ÿ ÿ ÿ ÿ ÿ ÿ ÿ


    Des derfat wohl roicha.

    #188Author bluesky (236159) 10 Jul 18, 16:39
    Comment

    🍾🍾🍾🍾🍾🍾🍾🍾🍾🍾


    ... soo, doo wäa noch Nooschuub ... :-)

    #189Author no me bré (700807) 10 Jul 18, 16:48
    Comment

    Ha, nò zwitscher i doch glatt au no oin mit.

    #190Author Goldammer (428405) 10 Jul 18, 17:38
    Comment

    I au, i au! Lomme au no mit!


    (Wellemar heit Ôbnd wiedr a wengle Dauma drugga? S'wär sauliab)

    #191Author Moi Gab (456541) 10 Jul 18, 19:25
    Comment

    ALLEEEHLEEBLÖÖHH!!!


    D'Eddit moint om fembfviorvierdlzehene: Monsieur le Président est très content!

    #192Author twocents (460778) 10 Jul 18, 21:07
    Comment
    Dr Schose isch sicher au träcõtã, odret?
    #193Author Goldammer (428405) 10 Jul 18, 21:56
    Comment

    Des henner guad gmacht, des Daumadrugga. Merrssiiii :)))

    #194Author Moi Gab (456541) 10 Jul 18, 21:59
    Comment

    Na bidde - hadd doch kolfe!


    Salü an de Schose :-)

    #195Author manni3 (305129) 10 Jul 18, 22:23
    Comment

    Dass freidd misch, dassisch de Schooße freid ...

    :-)

    #196Author no me bré (700807) 10 Jul 18, 22:36
    Comment

    Bonn nuiii. Schö wuhs ähm :)))

    #197Author Moi Gab (456541) 10 Jul 18, 23:00
    Comment

    Mei, dau hotme gescht doch dadsächlech d'Arbat vom Zwitschra abghalda ond hernocht benne zemle schnell en mei Kischdle. Abr dr Alkohol weard ja ned schlecht.


    Mi gfreit's jebmpfalz, daß dr Schwobafada äbbl no weidrgschbonna weard.

    #198Author Selima (107) 11 Jul 18, 06:33
    Comment

    I hett jò lieber a Endschbiel England Frangkreich gsäha....abber so isch au reacht.

    #199Author Goldammer (428405) 11 Jul 18, 22:54
    Comment

    I be doddahl ibrraschd: Krowazien hadd bloss vier Milljona Einwohnar - sovihl wie dr Groeßraum Berlin, abr vihl mäehr guede Fueßbalar. Des isch doch schier idd zom globe!!

    #200Author manni3 (305129) 12 Jul 18, 00:17
    Comment

    I freime fr mein Nôchbr und dätme auno freija, wennse (dKroata moine) au sEndschbiel gwinned. I honnem sogar gsait, dassemer winsch, dasse gwinned. Am Schose bindamer des abr id untr dNasa.


    Fallses äbber indressiert: Geschd honne bis heit Morga am halb Oise Mirabellagsellz eikocht (40 Gläser) und heit fuffzeah Gläser Brombeera.


    In Gallia isch heit Nazionalfeijerdag - dô mergdma abr nix davo.

    #201Author Moi Gab (456541) 14 Jul 18, 21:15
    Comment

    Se hand fiers Fueßbalschbiehl eggschdra bFarba vor Fahne gendred. Ob des hilfd??

    #202Author manni3 (305129) 14 Jul 18, 22:35
    Comment

    *hihi*


    Guads Nächtle!

    #203Author Moi Gab (456541) 15 Jul 18, 00:33
    Comment

    In de Kleinanzeigen sucht Oiner sei Super Sörfer Görl vo 78! Hihi.

    #204Author bluesky (236159) 15 Jul 18, 10:08
    Comment
    Dr Schose jublt sicher scho a weng
    #205Author Goldammer (428405) 15 Jul 18, 18:20
    Comment

    A weng viel, moinsch ;))

    #206Author Moi Gab (456541) 15 Jul 18, 19:09
    Comment

    Alls wii wänna sällwad ääns fonn de Doore geschoss hädd ?

    :-))

    #207Author no me bré (700807) 15 Jul 18, 19:18
    Comment

    Jôjô, grad so :))

    #208Author Moi Gab (456541) 15 Jul 18, 22:42
    Comment

    Isch glaab, dass ess eh inndanadsjonaales Fännomeen ... awwa saaschem, dassisch graduuliire duun !

    *oonagannjeeeehoonagannjeeeehoonagannjeeeeh*

    :-))

    #209Author no me bré (700807) 15 Jul 18, 22:54
    Comment

    Ausgrichded! Merssiii !


    Guads Nächtle!

    #210Author Moi Gab (456541) 15 Jul 18, 23:32
    Comment

    Isch hann graad inn unnsarem Läggsikonn noogeguggd ... de "Schorres" es noch nedd drenn ...


    Isch hodd foahinn dii Duua de Froons geguggd ... unn däa wo heid gewonn hadd, däa hadd änna ... eh Schnorres ... känne Ija dänne Ausdrogg aach odda wii heischd dass Owwalibbebäadsche bei Eisch ?

    #211Author no me bré (700807) 17 Jul 18, 18:37
    Comment
    Schnauzl

    Griaßdeichondaugleibfiagoddmiddanand!
    #212Author schwäble (951819) 17 Jul 18, 18:54
    Comment

    Dämm eraschde "Schnorres" senn eh baa Hääascha ausgang ... in Foam fonneme -n- ...


    Huhu schwääwellsche ! :-)

    #213Author no me bré (700807) 17 Jul 18, 19:00
    Comment

    Drei Dag daode Hos dòhenna.....hoffentlich senner älle läbich on bloß anderweidich onderwägs?

    I ben a baar Dag en Landshut gwä on han ebbes Sauschees ãguggt mit meine Fraindinna, 's letschde architegdonische Werk vom Hundertwasser, hòt des ebber schoml gsä? Wenner en dera Gegend sen, des lohnt sich echt. Uf den Turm kã mr nuf, on dia Ergerla sen de oinzlne Zutada voma reachda Bier gwidmet, also oins fir dr Hobfa, ois firs Wasser, ois fir d' Gerschde, ois fir da Woiza....

    #214Author Goldammer (428405) 20 Jul 18, 19:08
    Comment

    Noi, es macht bloß koin Gspaß, wemma da Leo nach jedr Antwort nei aufruafa muaß.

    #215Author bluesky (236159) 20 Jul 18, 20:11
    Comment

    Freitme fr di, Vegale. I war no nia in Landshuat und woiß id, obe do jemôls nakomm.


    Bin grad a wengle am Schleiderra.

    #216Author Moi Gab (456541) 20 Jul 18, 22:58
    Comment

    Was duschde schleidare ? Dii Wäsch ?

    #217Author no me bré (700807) 20 Jul 18, 23:10
    Comment

    Also, der Dialekt........euer Dialekt....manchmal macht er mich echt zu schaffen.

    Heute kommt eine Frau in den Laden und fragt mich nach Schwimk****nuschelnuschelunverständlich****n. Schwimm was? habe ich nachgefragt. "Schwimmkatzen" sagt sie. "Schwimmkatzen?" frage ich, bisschen verdutzt. Ja, und sie beschreibt dann, wo man Schwimmkatzen normalerweise einsetzt. Ich, nichts wissend, geh zum Chef und frag nach Schwimmkatzen. "Schwimmkatzen?" (Er ist kein Schwabe.) "Ah, Schwimmkerzen?"


    Aaaccchhhhhhsooooooo, die Schwimmkerzen waren es. :-P

    #218Author Miss Anthropy (700297) 21 Jul 18, 00:06
    Comment

    :-DDD

    Schees Gschichtle!

    #219Author Goldammer (428405) 21 Jul 18, 10:21
    Comment

    Jô, schees Gschichdle!


    Missi, i woiß id, obmers heit Ôbnd roichd. I honn am Freidag a Ibrsetzung griagd, wone am Mändigmorga in aller Herrgottsfriah zuameila muaß, wellse zämma midde Maschina (jôjô, als Babbier, winschd da Kunde so) vrschiggd werra soll. Assobma des id au per Imail schigga kennt. *seifz* *sorribin*


    Ajôh, näggsch Wochaend isch zLangaarga Ufrfeschd. Luagader au vorbei?

    #220Author Moi Gab (456541) 21 Jul 18, 10:59
    Comment

    Gäbele dröscht. I war au no nia in Landshut und i wohn viel näher dra.


    Am Augschburger Rathausplatz machet se a Biedsch Volleball Turnier. Bloß bled, daß regnet.


    https://www.augsburg.de/webcam/

    #221Author bluesky (236159) 21 Jul 18, 11:04
    Comment

    Mei, so a bissle Wassr machdt doch niggs!


    Guatamorgamiddanad.

    #222Author twocents (460778) 21 Jul 18, 11:18
    Comment

    sWassr idd, abr dKelde, seid die Fehla im Bickini schbihle mießed, weil bFonkzjonäer moined, des dääb de Schbord addrackdifr mache ;-)

    Schlammwrestling mid Baal voerem Auguschdesbronne *hihi*

    #223Author manni3 (305129) 21 Jul 18, 13:29
    Comment

    Guada Morga Schbätzla! I hoff, iahr henn guad gschlôfa. I wär etz mit meim Dschobb fertig. Honn dafiar am Missi sei Konzertle unds Heit-Morga-mit-meim-Bruadr-da-Pfändr-naufrenna sausa lô. Abr wa solls, Arbd isch Arbd und i muaß a wengle äbbes dua, danne em FA die Kohle zahla ka, wo's fommr bis Mitte Auguschd will. Bfladsch badsch drei Wocha Zahlungsziel, als obbe des ausem Erml schiddla kennt.


    Duadrm im Herza weh, dasse id beim Missi seim Konzertle dabei sei honn kenna.Wone doch schdendig sSchdändingoweischn giabd honn. War's den wenigschdens schee, Missile??


    Häff a naiß Deile, Leitla!



    #224Author Moi Gab (456541) 22 Jul 18, 09:28
    Comment

    Lueget amol https://www.sueddeutsche.de/bayern/geschichte... In am Dorf beim Gardasee schwätzet se wia vor tausend Johr.

    #225Author bluesky (236159) 22 Jul 18, 18:13
    Comment

    Poah, idressant. Dankschee Himmele!


    Da HImmlbabbe und da Petrus sin am Garda giaßa - desch an Sörwiss!

    #226Author Moi Gab (456541) 22 Jul 18, 19:38
    Comment

    Dodal endressant, hemele, wirglich! Danke fir den Link. I wett, dr manni fendet des au sauschbannend.

    #227Author Goldammer (428405) 22 Jul 18, 20:37
    Comment

    Ja, a scheana Ardickl - dankdr schea, Hemele.

    Vo deane Siebe Gemeinda ond Dreizeh Gemeinda haoni scho voer lengrar Zeid ebbs gläese, abr faschd alls mea vrgäeße.




    Im Alemannesche geits sedde Schbrochinsla oo. Des haoni uss Wikipedial falls es ebban endressierd:



    #228Author manni3 (305129) 22 Jul 18, 20:57
    Comment

    'S geit no andere bairische Sprochinsla, sogar z' Nei Seeland. Isch au en dr SZ gschande, den Artikl gibt's abr net onlein.

    #229Author bluesky (236159) 22 Jul 18, 22:49
    Comment

    Guads Nächtle, Schbätzla! Swär wiedramô a dr Zeit a baar Ahla und Bisuhs zom vrdoila. ;)

    #230Author Moi Gab (456541) 22 Jul 18, 23:54
    Comment

    Das Gonzerd war subba! Mer ham a saumäßiggs Glügg kappd middm Wedda!

    #231Author Miss Anthropy (700297) 23 Jul 18, 21:54
    Comment

    Aukidauki. Freitme, Missi. Gmäß Foto kenntma moina, s'war a wait-het gäßering.


    Guads Nächtle, Schbätzla!

    #232Author Moi Gab (456541) 24 Jul 18, 23:12
    Comment

    *noadwinddschafadääl*


    :-)

    #233Author no me bré (700807) 24 Jul 18, 23:21
    Comment

    Heit machts warm!

    #234Author bluesky (236159) 25 Jul 18, 11:31
    Comment

    Sagt mein Schwitzomat au !

    #235Author Moi Gab (456541) 25 Jul 18, 19:59
    Comment

    Heit machts au warm, Himmele !

    #236Author Moi Gab (456541) 26 Jul 18, 09:54
    Comment

    Heit isch eigentlich ganga, find i. 28° ond a scheens Liftle. Ka ma aushalde.


    Nägscht WQoch geht d'Dult mea a. Manni, wolltesch du net an Panama Huat? Emmerle, wia wär's? Alle Andre sen nadierlich o eiglade, wenn se se herbemieha.

    #237Author bluesky (236159) 26 Jul 18, 20:08
    Comment

    I glob, i vrzichde uff dean Bannamahued. I mach oifach de Sonneschirm uffm Ballkooh auf. On zom Radle haoni de Helm.

    #238Author manni3 (305129) 26 Jul 18, 21:50
    Comment

    Geschd hemmer 32° ghet und a netts Liftle dazua. Schee, wenn dia warm Lufd dia alt Haut schdreichlet ;))

    #239Author Moi Gab (456541) 27 Jul 18, 11:33
    Comment

    D' Dult geht heit scho a, net erscht nägschde Woch. Bin i doch glatt dr Zeit hinterher.

    #240Author bluesky (236159) 28 Jul 18, 11:28
    Comment
    I bin bei meim alljährlicha Dreffa mit meine Schweschdra. Mir sin uf a Werdle komma wo oine net kennt hòt: ebbes doggla odder herdoggla. Kennet ihr des?
    #241Author Goldammer (428405) 29 Jul 18, 10:01
    Comment

    I kenn des idd. I glob, so ebbs dónd mier Allgaiarna ond Allgaiar idd ;-))

    #242Author manni3 (305129) 29 Jul 18, 12:34
    Comment

    Dooooch, beschdimmt!!! Desch ebbes Hochãschdendichs!

    Gäbele? Ameisle? Faschtfemferle? Hemele? Schwäble? Schdiggle?

    #243Author Goldammer (428405) 29 Jul 18, 21:22
    Comment
    Gudda morga, middanand!

    Also i kenn hald "ommanandr-doggala".
    Wemma "nicht zielgerichtet" mit ebbes romschbiilt ond dia andre Leit moinadd, ma dääb Zeidd sinnlos vrdoa.
    "I häddz mir da hanna oin ab, ond du duasch etz scho seidd zwoi Schdond mit deane YYY omanandrdoggala!"

    Adele!
    #244Author schwäble (951819) 30 Jul 18, 08:43
    Comment

    I haus idd kennt ghet. Em schwäble seim Satz hädde ebbs wie "omananddriala" gsät.

    #245Author Selima (107) 30 Jul 18, 09:20
    Comment

    Wia 's Amoisle.

    #246Author bluesky (236159) 30 Jul 18, 10:06
    Comment

    Nommr drui.

    #247Author twocents (460778) 30 Jul 18, 12:34
    Comment

    Erschdaunlich. Jetz hoff-e no ufs Gäbele, vorher du e's et uflesa. Em Schwäble sei Satz isch a weng an anderer Kondegschd als der wo i des kenn.

    #248Author Goldammer (428405) 30 Jul 18, 12:47
    Comment

    Em Schwäble seim Sadz däd i sage, dass du seid zwai Schdond ommananddellelesch (schdohd ondr dellele em Wäedrbuech).

    #249Author manni3 (305129) 30 Jul 18, 21:34
    Comment

    Dult gwest, koin Huat kauft.

    #250Author bluesky (236159) 31 Jul 18, 13:17
    Comment
    Ha jetzlammegao - worom et? Bisch et bei deira Huatmachere gwä?
    #251Author Goldammer (428405) 31 Jul 18, 13:47
    Comment

    Emmrle, i wer lamsam hibbelig mit deam Werdle ... *romhibbl*

    #252Author Selima (107) 31 Jul 18, 13:54
    Comment

    Doch, nadierle. Aber i hab ja scho em Frihjahr oin gkoft ghett. Der tuats no.

    #253Author bluesky (236159) 31 Jul 18, 14:13
    Comment

    's Gäbele macht sich a weng rar. Also, nò will-e amòl net so sei.


    Also, des kommt, vrmut i, von dr Dogg - Puppe - des kennet-r abber, gell?

    So wia i des kenn, hoißt doggla odder herdoggla - schbielerisch liebevoll onderschditza, wia a Kendle sei Pibble bflägt on em ebbes Guats duat. Betüddeln gòht en a ehnliche Richdong.

    Herdoggla isch nò wemmer ebbes, wo an Haufa Bfläge braucht, widder en en guada Zuaschdand herbrengt. Mei Schweschder hòt des em Zsammahang mitra Zemmerpflanz vrwendet, dia wo a weng vrwahrlaoset isch on dingt, omtopft on reglmäßich gossa werra sott, damit se widder schee wurd. "Die muaß-e jetzt a weng herdoggla", hòt se gsagt.


    D' Edith bewondret em hemele sei Bescheidaheit....mit ma nuia heddesch jò dr alde et wegdoa miaßa, bloß d' Auswahl wär graißer gwä!

    #254Author Goldammer (428405) 31 Jul 18, 14:14
    Comment

    Dogg fier Puppe kenn i oo id. Mier hand an andrs Woed kedd, des wo mr grad idd eifelld;-((

    #255Author manni3 (305129) 31 Jul 18, 15:05
    Comment

    Etz dau gugg her:


    Dau han-e grad "Dockhebaabl" (dockhele) fr doggla gfonda - d Pupp hoißt Baabl.

    #256Author twocents (460778) 31 Jul 18, 16:08
    Comment

    Geeh-nauuu: Baabl :-)))

    Bisch a Käbbsele, DuSenzle :-)

    #257Author manni3 (305129) 31 Jul 18, 16:42
    Comment

    's Etymologische hòt Babele (von Bärbel) fir a Pupp, abber au Dogg, aus ahd tocka, Puppe, offabar isch die Urschbrungsbedeidung voma ronda Schdigg Holz - es Werderbuch secht dòdrzua: "was uns einiges sagt über die Art der Puppen in früherer Zeit".

    (So ogfähr - dui isch zwòr vo de Inuit, abber bei ons hense sicher au et viel andersch ausgsäh, bloß hen se sich halt et so guat em gfraorana Boda erhalda....)

    #258Author Goldammer (428405) 31 Jul 18, 17:30
    Comment

    A Dogge (hochdeitsch Docke) isch scheinz ebbes kurz, zilindrischs.


    Schdiggarn vrkaufba a en Dogga, des send so lengliche loggre Zebbfla.

    Aufam Schbinnrad giit's au Dogga, ônd es isch au a Bezeichnong fr die Schdroah-odr Koara-Mâala, wo ma friahr bônda ônd A ananandgloinat hat (vor de Mähdrescht, beim Koaraschneida middr Sens). Hai habba auf Hôinza droggnat.


    #259Author twocents (460778) 31 Jul 18, 21:25
    Comment

    Docke

    Was dr Duden zrzua woiß.

    #260Author Goldammer (428405) 31 Jul 18, 22:13
    Comment

    Guggedamôle, dô hemmers schommel vo da Doggabaabe ghet:


    Siehe auch: dr dritt Allgai-Schwobe-fade


    Doggla und herdoggla isch wemma sich um äbbes ganz bsondrs bemiaht.


    Schwitz und bin zrzeit im Schdress. I honn dia ledschde fimbf Däg zwoi neinjährige Mädla dôghett (sgloischd Engkale mit Kusiine). Des war schee, aber sauahschdrengend, aufmerksamkeitsfordernd, a-rundumduhr-Beschäfdigung. Do muene Oma und Opa gleichzeitig sei, wells da Schose nia glernt hott.


    Schdelled eich vor, d'Bahschdregg, wo diregd hintr unsrm Heisle am See verlaufd, wird ehlägdrifiziart. No hemmer so a Schdarkbahschdromleitung iddamôle zeah Metr vom Heisle weg. Und älls isch beschdns, sait dBah. Sämtliche Grenzwerte sinn eighalta und an MIndeschdabschdand brauchdma id eihalta, weller näana definiert isch. Da riesa Walnussbomm hintrm Haus muaß weg und die Hainbuacha am End vom Garta au und wahrscheinz killadze au no dia Bahhecke, wommer de Vegl zliab henn schdanda lossa. Miar isch ganz schlecht.

    #261Author Moi Gab (456541) 02 Aug 18, 16:35
    Comment

    Hasoenscheißaberau, Gäbele!

    Ghert der Nussaboom eich, oder isch der außerhalb vo eirem Grondschdigg? Egal wia, desch saumäßich ärgerlich.


    I frai me, dass du doggla on herdoggla kennsch, i han mr's irgendwia halber denkt ghett. Desch komisch, des hemmer scho a baar mòl ghett, dass mir zwoi ebbes kennet odder benitzet, was dia andere et kennet, on des wo mir doch eigentlich aus zwoi reacht onderschiedliche Regiona her sen.

    #262Author Goldammer (428405) 02 Aug 18, 17:07
    Comment

    Soulsischders, Vegale!


    Jô, da Nussbomm ghert uns, ond se zahled sogar a Entschädigung und dafiar schdelledse uns auno an Mascha detna. Toll !!!


    Wahme abr dazuana wegam Schose blôged isch des http://www.baubio-logisch.de/magnetische-wech... und https://www.institut-fuer-baubiologie.de/ix.p... zom Beischbiel.


    I frogme, ob älle, wo moined "des machd doch nix" au so wohna weddat!

    #263Author Moi Gab (456541) 02 Aug 18, 17:21
    Comment

    Wenns do auf dera Webseite hoißt Magnetische Wechselfelder können praktisch nicht abgeschirmt werden no isch des glatt gloga. Middam Faradaischa Käfig schirmsch du elles ab.

    #264Author bluesky (236159) 02 Aug 18, 19:38
    Comment

    No schdellamer halt an Faradaischa Käfig hintrs Haus.

    #265Author Moi Gab (456541) 02 Aug 18, 19:58
    Comment

    Net hintr, ums Haus

    #266Author bluesky (236159) 02 Aug 18, 20:05
    Comment

    Genau, und wia machamers mitem Garta? Wenne in da Hängematt liegt und dKind dussa schbieled?

    #267Author Moi Gab (456541) 02 Aug 18, 20:33
    Comment

    I schlag an Fahrradehsche Käfegg fier dObrlaidong voer. Des isch zwar senddeir, abr s kehm allod no billegr als sSchuegeddr Baahefle ;-(

    #268Author manni3 (305129) 02 Aug 18, 22:45
    Comment

    Aujô Manni, des wär amôle an Vorschlag *hihi*

    #269Author Moi Gab (456541) 03 Aug 18, 10:09
    Comment

    I hao mr grad a scheane Halskedde bäschdled kedd. Se hadd gued gwirkd. Middlarweile ische zwaar gschmolze, abr s hadd grad a klois Wäeddr om pfileichd kielz oo dussa a bissle aa ;-))

    #270Author manni3 (305129) 07 Aug 18, 16:29
    Comment

    Hotsbei dir net gregnet? Bei mir scho.

    #271Author bluesky (236159) 07 Aug 18, 16:50
    Comment

    :-DDD

    Ou mai guddness, i glaub so a Halskedde dät i eddamòl bei vierzg Grad ã!

    Bei ons reangeled's scho a Weile.

    Han scho an reachda Wedderschdress ghett vorhin, a gifdichs Õwedder mit graoßem Hagl isch vo Weschda her komma, se hen de hegschde Warnschdufe em Wedderdinscht ghett, on mi hòt mei Hagldrauma vo zwoidausetdreizehn voll em Griff ghett. Abber zom Glick isches kurz vor Reitlenga en sich zsemagfalla on hòt bloß a weng Räga brocht....


    (maannni...dengsch du an dr Hibblkoeffizjend?)

    #272Author Goldammer (428405) 07 Aug 18, 16:54
    Comment

    Bei deara Hiddz däät-e it amôle bei ma Koeffzjend vô ôndr ôis hibbla - viel z âaschdrengend!


    Hemmale, 's hat bloß em Sieda vo Minchen grengnat - alle andre sênd drugg blieba.

    #273Author twocents (460778) 07 Aug 18, 17:38
    Comment

    Bei mier hadz bloss a bissle drebfled - reange kaa ma dees idd haiße ;-(

    #274Author manni3 (305129) 07 Aug 18, 18:19
    Comment
    #275Author bluesky (236159) 08 Aug 18, 11:34
    Comment

    Fier bFriehhibblar haoni scho amohl an Endschbannongsbouschd gmached:

     Siehe auch: --190--Alemanneschwobeschbage-190--

    Weil bei däer Hidz isch sHibble idd grad s Allaraagneahmschde, odr?

    Do däba amend no ins Schwidze komme ;-)

    #276Author manni3 (305129) 08 Aug 18, 17:45
    Comment

    Dannke manni, du bisch so fiersorglich.


    Gescht isch's Gwidder vor Reitlenga en sich zsemagfalla, heit hòt sich's ersch hender Reitlenga reacht ufglada - a wengele Räga ohne Hagl wär no schee heit Òbend.

    #277Author Goldammer (428405) 08 Aug 18, 18:37
    Comment

    Es siechd grad so aus als ob wex deane ganze 😈 Ombauareia 😈 vom 😈 Leo 😈 die ganze Lenk nemma gand 😈😈😈😈😈


    I schick ui jiedz abr koi mp3 mid meine Fluechareia ond am Martin(LEO) oo idd. abr i haonem geschriebe ond gfroged, was i doe soll!


    445 Wäedr!!!

    #278Author manni3 (305129) 08 Aug 18, 19:31
    Comment

    Oh noi; Manni, deesch-d a Granatascheiß!



    Dia Lenk zua de Wertr auf dr Lischde send grindlech aagschossa worra - die fukzjonierad au en de alte Schbääga nemme!


    Dr Lenk zua de Vorgengrfääda gaht au nemme!

    #279Author twocents (460778) 08 Aug 18, 19:40
    Comment

    Gäschdann Oomend waa doo aach eh Gwidda imm Annmaasch ... unn hodd sisch dann eh bissje wäschdlisch unn eh bissje siidlisch ausgedoobd ... mia hodde nua eh baa Drobbe abgriid ... unn soo fia femmf Graad weenischa ... immahinn ...




    445 Wäedr!!! --- auwa ...

    #280Author no me bré (700807) 08 Aug 18, 19:49
    Comment

    D'Eddid hätt no schreiba wella:


    D Emformazjoh midde oinzlne Beidräg/Beidragsnommr isch nemme dau - der Lenk gaht allaweil bloßmeah an da Âafang vom bedreffnda Schbaaga. Hat epper oinr beim Brogrammiera a bissla ghuudlat?


    Brobelenk: dFonkzjooh middr Beidragsnommr giit's no.


    Brele, wia hoiß isch nau mit fembf Grad wenegr? I bêe mommendaan bei 28 ôndrweags. Abendliche Kiehle ...

    #281Author twocents (460778) 08 Aug 18, 19:52
    Comment

    Also fir dr Martin zosammengefasst:

    • D' Link zo de einzlne Werder aus dr Nommer #190 brenget me zom Ãfang vo dem entschbrechenda Fada, et zo dera Schdell wo des Werdle dischkudiert worra isch. On au en ma friehera Fada mit dr Werderlischde isches so, also et bloß em nuia hondertnaizger.
    • En dr Nommer Null vom Fada #190 fongzjoniert dr Lenk zom Vorgengerfada on dr Lenk zom Geburtsdagsfada.
    • Dr "Lenk zue de Vorgengerfäda" brengt mi zor Fadanommer #184; wenn-e en dem dr "Lenk zo de Vorgengerfäda" agligg, komm-e uf d' #179, von deet uf #161 on von deet uf #150 on so weider, es hobft emmer a baar Fäda zrigg, abber zo dera Lischde vo älle Vorgengerfäda komm-e et.
    • Dr 179ger hòt als Pooschd #2 dui Lischde vo de Vorgengerfäda, on wenn-e dò oin ãgligg, komm-e zom richdicha Fädele mit dera Nommer.
    #282Author Goldammer (428405) 08 Aug 18, 21:01
    Comment

    Dii läddsche annadhallb Schdonn hoddisch geliffd ... noodeem dii Sonn nemmeh offs Haus geschiin hodd .. jedsade hannisch noch neineßwannsisch ...

    #283Author no me bré (700807) 08 Aug 18, 21:23
    Comment

    Emmerle, i glaub, dr Manni hat am Martin scho ganz genau gschrieba, was allz it gaht :-)

    #284Author twocents (460778) 08 Aug 18, 21:34
    Comment

    Dr Maarde had scho gandwoeded. Se hand a nuie Form fiers Followabb: "followup=XYZ" (also mit Gleichheitszeichen zwischen "followup" und der Nummer).

    Er moind, dasse fier die alde Beidräg ebbs deixle kenne wäered.

    Hoffndle - do beni gschbannd!!

    #285Author manni3 (305129) 09 Aug 18, 10:24
    Comment

    ßräänd ! ... unn ßwaa reschdisch ! :-)

    #286Author no me bré (700807) 09 Aug 18, 13:36
    Comment

    Guat! Solang koi Tornado on koi Hagl drbei isch.....


    #287Author Goldammer (428405) 09 Aug 18, 14:26
    Comment

    ßs Gwidda es wedda ganns gnabb do foabeigezoo ... unn de Rään hadd aach schonn wedda offgehead ... ßwaa fill se koads ...


    ... awwa Haachel unn Schdoam waare nedd debei ...

    #288Author no me bré (700807) 09 Aug 18, 14:32
    Comment

    S g´donnratônd drepflat grad, abr dr Hemml isch hell. I gfrai me auf da reageá heit zNacht.


    Des wär iebrigenz dr erschr Shcbaaga, wo mr it vollschreibat - alls zweggs de LEO-Buaba!

    #289Author twocents (460778) 09 Aug 18, 18:16
    Comment

    Des gòht gar-et, wia d' Mergl saga dät. Mir machet den scho voll voll!

    #290Author Goldammer (428405) 09 Aug 18, 18:26
    Comment

    Mir machet den scho voll voll!


    Des moin-e doch au! Zu aas semmr au Schwauba?


    S hat iebrigenz it lang greagalat. Etz isch Dampfbaad bei oisadreißig Grad.

    #291Author twocents (460778) 09 Aug 18, 19:17
    Comment

    I globb des mim Reaga no idd. Grad, wiane hoimgloffa be, hotz mords was gschdirmt, aber iatz isch mear ruhig und dWolka send rechd oovrdechdeg.

    #292Author Selima (107) 09 Aug 18, 19:28
    Comment

    Do tröpfelts. Ned schdark, aber immerhin.

    #293Author bluesky (236159) 09 Aug 18, 20:04
    Comment

    Do jenn ess die Dämmbradua ronna off gnaab unna siwweneßwannsisch Graad ... unns geed eh leischdes Winndsche ... filleischd komme aach noch eh baa Drobbe Rään noo ...

    #294Author no me bré (700807) 09 Aug 18, 20:27
    Comment

    Bei eis uffm Ballkaah reangez oo - idd schdark abr deidlich mäehr als drebfle!


    Ond dLenk gand mea richdeg ond zaiged uffs richdeg Followabb!! Dr Maarde habbrs scho gschrihbe kedd om 14:56 - abr i haos äeschd grad gläese, weil i ondrwäex gwe be mibbm Bassklarneddleskoffr enklusif Bassklarneddle ond Bassklarneddlesbläddlaafbewahrongseddwih :-)

    #295Author manni3 (305129) 09 Aug 18, 21:44
    Comment

    Dass ess awwa scheen, dass di Maadin dass wedda hinngriid hadd ! :-)

    #296Author no me bré (700807) 09 Aug 18, 21:52
    Comment

    Schea, das die Werdrlischde wiedr fôngzjoniert!

    Des wär a Ôoz-Ôomuaß worra, wemmr dia alle oinzeln häddat rebbariera miaßa!


    #297Author twocents (460778) 09 Aug 18, 22:21
    Comment

    I gang etzt nômm ...

    #298Author twocents (460778) 09 Aug 18, 22:24
    Comment
    #299Author twocents (460778) 09 Aug 18, 22:25
    Comment

    ... ônd schberr dau herin zua!

    #300Author twocents (460778) 09 Aug 18, 22:26
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt