I schreib etz niggs vô ra gettlicha Êigääbông, auf dia no allawei gwaddad wedd ...

Scheißebobbale.

Dr Marde moind, se wäered ebbs deixle kenne midd däer Endrong beim Followabb im Lenk (ald: followup123, nui: followup=123)

Hoffndle! Gschbannd beni ja ;-)

Desch a ächde Dschällensch fir dr Märde on seine Manna (on Weibla).

I han's grad brobiert, des funst wirglich.

Falls es ebber au no brobiera will, nemmet als Teschdwerdle "Plaffoh"

Dò schdòht als Beischbiel a sauglatts Witzle vom Schdiggle. Des hot mir zwoidausetzeah scho gfalla on gfallt mr emmer no. I han's abber vrgessa ghett.

I hau da Witz grad nauchgleasa ônd nomml driebr glaht. Nach acht Jauhr derf ma des.

No gemeinr isch "Schdeert De's, wenn-e drweil an Abbfl iss?". Des basst abr nemme zôn Plaffoh ens Wertrbuach.

I fend des mitm Plaffooh bezeichnender fir dui schwäbische Hausfrau on Gschaftlhubere, dia wo emmer em Dinscht isch. Abber dr Abfl isch au et schlecht.

En dr ganza Aufregông midde zrschossane* Lenks han-e ganz vrgessa, am Manni Vrgelzgott zôm saga fr da scheana nuia Schbaaga!

Scheinz hand de LEOs doch no a Êigäbông ghett ônd a Leesông fr d Werdrlischde gfonda! Au daudrfier a Dankschêa!

(zumier) Ônd i bêe ôozfroah, dass.d dr Manni mi nemme als "Kwihn of hêene Lenks" ergra kâa - so viele auf oimôl hau i nia hêebraucht ... (/zumier)

* etzt hett-e schiergar zrschissane gschrieba :-))

Eh bissje schbääd fass Aanmälle im neije Fäädelsche esses jo schonn ... awwa droddsdeem ... angemälld binnisch !

:-))

Unn scheen hadd unnsa Faadebabba dass wedda hinngriid !

Vrgeltsgott, Mannischerriii!

Und Boschurle herzallrliabschde Scheißerla!

D'Edith moint, i käm immr ersch denn, wenn da Markt vrdloffa isch. Macht nix, schaffemer weitr :)))))

Guada Morga ! :))

und noi, i schreib jetz nix, außer dasses Sempfdazuagäberle mr allno an Hupfr in Sei nei schuld isch.....

:-P

I woiß ja ...

Sembfd im Bodesäe??? Des isch fei sDrenkwassrdebbooh fier dSchduegedr!

On d' Reitlenger!!!!!!!!!!!!

I will koin Semf en meim Kaffeewasser!!!!!!!

Do binn i ganz bei Dier :-))

Ja mei, a jeeds wia's mag ...

Schdellet eich vor, da Schose goht id in See nei, well dô Bfisch naibiesala dädet - wenns bloß Bfisch wäred !!

ZLangaarga hemmer Gwällwasser zom Kaffemacha hihi. Vegale, re Kaffe, honne de fei id vrgässa!!

Jessesnoi, i glaub i mach gar koin Kaffee maih....was dò womeglich älles e meim Kaffeewasser denna isch.....

Koin Kafee mäehr- genau! Drenk liebr des guede Laidongswassr vo Reitlenge puur ;-))

Nochdraag: Muesch des Driddl Wassr nemme, des wo uss de Reidlengar Kwella kudd, ond idd die zwai Driddl ussm Säe: Oifach allad de Wassrkessl vool mache ond oi Driddl fier de Kafee nemme ond die andre zwai Driddl weckschidde! Fiers Heisleswassr kaasch oo nemme. Do schmecksch ja de Sembfd idd ond däe isch gued fierd Dessimfeckzjoh vor Klohschissl. Schbaresch beim Wezeereinigar :-)

Desch dr Wahnsinnsdrigg, manni! So mache-'s. Dò wär i meiner Lebdag et drufkomma, uf dui geniale Leesong!

Da Manni isch halt an Siach. :))

Guads Nächtle!. I gang morga mit meim Bruadr da Pfändr naufroifla, juhuuu !

D'Edith schreibt eich heit am Sonndig und sait, mir seijed aufem Pfändr gwäa un sGäbele sei Fix und Foxi. Dä jetz no äbbes schaffa un denn in See neijucka um dia Gwalidäd fr am Vegale sei Kaffewassr hochzhalta (und noi, sGäbele biesalat id nei).

(Worom et, Gäbele? I glaub ema See hett i dò koine Sgrubel. Wenn-e ehrlich ben glaub i nemlich dass dia scho Fisch- on andere Bisl rausfildret bevor se's zo mir als Kaffeewasser ieber d' Alb schigget. Also dur dr wega mir koin Zwang ã!)

Uf dr Pfendr nuf! I woiß et, ob i des schaffa dät! Sauber sauber! Bisch halt a schdarge Frau!

Reschbeckd, Gäbele! I däd des nemma packe. Midd deam Rendnarloddrläebe haoni mei ganze Kondidzjoh vrloere ;-((

Abr i be oo drvoer no nie idd uffm Pfendar doba gwe. Idd amohl middr Baah .. obwohl - des mihßd aingdle no gao ...

Z'Fuaß odr aufm Gebbl? Wia oo emmr, oo vo mir. Reschbeggd!!!

Des haune scho gleasa, aber roifla isch fr mi idd eideidig.

Räechd hadda: A Gschbass mueß sei beir Leich - sosch gohd koir midd ;-)

Senzle, der Ardiggl isch echd guad. Abr i siehs wias Vegale: Fr mi gits koine Obrlendr und Undrlendr Vorziag odr Nôchdoil idda.

Und wegam in See neibiesala: I gang absichtlich aufs Glo, wells do, wone bada gang ois git und wells fasch koiner aufsuached. Fimfaneinzg Brozent vo de Badende henn scheinz a riesa Blosa und nämmed des Biesale mit hoim. Koi Ahnung, woses große Gschäfd mached. Bolla honne no koine schwimma säa.

Und sSchduageder Wasser wird 200 m diaf rausbumbd. Also, sVegale ka dô wohl guad sein Kaffe damit kocha.

I gang jetz ins Nesch (dSchiaga naufgräblsa), bin miad wia dSau. Des gloine Hundle, wo heit Morga da Berg mitnaufgwetzt isch, wohl au.

Bonn nuiii und fätt deh boh rävs :))

Ich schigge noch eh baa Noadwindscha fa allegaare ... aach dii Dräbb nuff noo ...

:-)

Ach scheißele, i han eigentlich gescht Òbend vorem Ensbettganga no wella ufm Nòchberhof (dò isches einichermaßa donkl) a weng nòch Schdernschnubba gugga. Hans vrgessa. On jetz ziagt sich's scho zua on wird wahrscheints bald reanga. Je nun, schobassiert.

A baar haoni oo xäeche am Sihdheml. Fier de Nordheml hedd i mieße ussm Haus gao ond i be zlagg gwe ;-)

und i bin aufem Schduahl aufem Balko gsässa un hommer da Hals vrrengd un ägschdra dBrilla aufgsetzt und gsäa honne koi gotzige :(((

Dabei hettemar soffl zwinscha ghet....

*reinstampedier*

*wink*

Ich war im alten Faden gesperrt aber ich habe einen Geheimausgang gefunden und nun bin i wieder bei euch. :-}

Dankeschoen fuers Basteln und fuers Verlinken!

So, und Gott sei Dank habt ihr das mit dem Naufroifla schon geklaert. Tolle Leistung, Gaebele! Und habt ihr runtergeglozt und mich und die Kaelber am Ufer zwischen Lochau und Bregenz ausmachen koennen?!?

Medd meim reinfränngische Dijaläggd, diräggd doo nääwedrann fonn de Palls, freijisch misch dodrewwa nadiialisch ... unn dass Schwääwisch, doodemedd hoddisch aanfangs aach so meij Schwiirischkääde ... awwa medd de Zeidd binnisch demmed ßeräschd komm ... unnsa MissÄlschin hadd sisch inn de ßwischezeidd beschdimmd aach schonn draan geweend ... :-)

Ija hann Eisch ann mei Schbrooch unn wii isch ße schreiwe duun aach easchd misse geweene ...

:-P

PeehÄss : middlaweile famissisch sogaa dass ma misch heegschd kommbliziada Schwäädsarisch fomm Fläggelsche unn fomm Schdeschmiggelsche ...

Missi, näggschda Sonndig, wenner wiedr midde Kind det am See bisch, no wingkadarmr, gell!

I honn beim Hoimfahra fei an de dengkd! Do isch doch äbba dei Gardazentr in da Nähe, odr id?

Guads Nächtle! Heit isches wiedr nix mitde Schdernschnubba, s'isch bedeckd. No raschla mer halt.

Oh je, wos hob i nur mid meim Brofiel ahsglössd?! Da kehrt nadierlich ah Smailie hie. (Abba des, wos manche Gunden im Gardazenda von sich geben, find i doch no grausam.)

Zweisensle, muss mir bidde a bissl iebersetze, damidd i di beandwoorden kânn. Ond zwar Ôozwell (some sort of Welle) ond negjuggd (hineingejagt?).

Gäbele, "mei" Gardazenda is doch en Ravenschborg. Jo, guggd nach uns am Sonndâch, Minimus ond i werdn aafm See beim Surfkurs sei! :-o

... un dia vom See !!!

Asssoooo, Missi, dei Gschäft isch beim Mäahlsack in da Nähe. I honn all dengkt, zLindau.

Boschurle au no!

Wa isch dr Mäahlsack?

. . . u n d d i a v o m S e e ? ? ?

Gugg, Senzle, dô siehschen: https://de.wikipedia.org/wiki/Mehlsack_(Raven...

Also wenn zKihna a Reissack omfelld, isch des idd weidr endressand. Abr wenn zRafeschburg dr Mäehlsack omfalle däd, des gäb an ganz an scheane Aufschrai!

Ônd voar an Ôozbomperer!

Boschurle, Schbätzla! Zonn scheint scho, häff a naiß deii :)))

Mir kommet grad hoim. Hen noml onder freiem Hemml iebernachdet on nò em Vierschdernegaschthof Lamm z' Ödawaldschdedda wonderbar vom Biffee gfriehschdiggt. Mr sen dussa gsessa, d' Schwälbla sen ieber onsere Kepf gfloga. Megakurzurlaible.

Freime so fr de, dassda so an padenta Dengs hosch. Mein Schose will iddamôle, dass da Engklbua bei uns im Garta mit a baar Freind zälted. Dô dreffad bei eis Welta aufanand. Schad.

Was hòtr drgega, dass d' Kender em Garda zeldet?

Frôgn :( i glaub er woißes selbr id.

Woisch, wennda ass Kind nia solche Sacha midgriagd und id glernt hosch, no kahsches au id, wenn da groß bisch. Dabei gohtem soffel Freid naus und er woißes id. I mag junge Leit und Kind, er ka id middenaa umganga. Dabei bemiahrt sich.

D Leidd send hald so ondrschihdle! Dr Schose isch koi Dengs idd ond sEmmrle isch koi Gäbele idd.

Abr i maax alle viere 😃

Manni, du bisch sBeschd, wasses git auf da Welt. Schö tähm!

Guada morga au no!

Guda Morga dir au!

I hoff des isch et wiascht zom Schose rieberkomma, des han-e et wella....

D' Edith moint no, obr d' Fußballsensatzjoh scho gsäh hent? D' Ulmer hent Frankfurt ausm Pokal kickt!

dDrochtersennar dBayre bloss faschd ;-)

Des middem Kigga honne id midgriagd, Vegale und des middem Schose isch id wiaschd riebr komma - bin ganz deiner Meinung.

Mir sinn heit Morga wiedr da Pfendr naufgsogged. Da Schose war au dabei. Hott uns boide guad dua un denne viele Leit, wo des sonndigs mached, wohl au :)

Dr Schose isch oo midd nauf? Däe hadd hoile middgläese, was sEmmrle gschrihbe kedd hadd ond haddze idd lombe lao welle ;-)

I glaubs faschd au ! *hihi*

Ond? Haschd ons u'n aafm See xsehn? D'Minimus ond mi?

Vo mir au a Guaznächtle!

Gunnaachdsbissuus !

:-)

I hen alls verschdande, au ohne Untertitl.

Des wondrat mi etzt idd ;-))

Das sieht toll aus, warst du schon da, als sie bei der Arbeit waren?

Heute gab's guten Wind zum Surfen; Micromus durfte auch mal vorne auf meinem Brett mitfahren. :-D

Isch hodd joo aach äggsdra eh groosa Wänndilaadooa offgeschdällt, damedd dass medd dämm Söaffe bässa glabbe duud ... anscheinds hadds wass genuddsd gehadd ...

:-))

Vielen Dank auch, brele. ;-}

Hast du den Ventilator auch fuer morgen bestellt?

Wanns kää Schdroomausfall gänn duud, dann duud däa ach moije noch bloose ...

:-)

Ab Freidag solls kiehlr wäere ond dr Räege komme. Fier Sonndag send viehzeh Grad aaxed - bis dedd naa sodd dr Fenndeladar no durehalde ;-)

I han geschzobed a neis Wertle vo daheim glernt. Stiepara odr stoipara. Des kennt eich au gfalla, hane mr denkt. :-) Kennz ebbr? (Wia mrs schreibt weiß-e leidr id so gnau).

I kenn's. Schdeibera dät i saga, on i kenn's eigentlich bloß en dr reflektiva Form, wenn sich ebbes schdeibert - zom Beischbiel, wemmer ebbes Schdrabelichs wo neidoa will on es will et neiganga:

i grieg des et dò nei, des schdeibert sich so bled!

D' Reschersche hòt ergäba, dass es urschbringlich "abstützen" hoißt, also an Schdeiber isch so a Schditze fir an voola Obschtbaum (isch des der Kontegscht wo du's ghert hòsch, Dorisle? Dia braucht mr jò desjòhr allenthalba, bei dem Obschdsäga!) odder a Holzbeig.

Dòdraus hòt sich nò die reflekdive Bedeidong von "sich stemmen, sich weigern" entwiggld.

Mir sen guat, gell? Manni, walte deines Amtes on dur's end Werderlischde!

"schtoipra" kenn-e it.

Abr am Emmerlei sêi Idee middam Wertrbuach isch guat. I hett a ganza Lischde :-)

Mädlafitzeler, (nâa)keia, Knobbf, heeba, lubfa, migga, Brêama, Hagamoisa, Biibgockaler/Biibhenn, Zeitbeer

Di Wertr semmr en ledchdz eit wiedr êigfalla.

Konndegschd rulz.

Wenn die Wäedla bloss neima in am Lexikon schdanded odr in am Grind ond idd bei eis in am Beidrax-Kondegsch kommed - wie soll i die ins Wäedrbuech aufnemme?????

Wenndr a zwaiz Grimmsches Wäedrbuech aufmache ond i solls rescherschiere - hä?

Madlafitzeler - moinsch Du an Fehlehockar?

ädd Bäeredreck, dean wo a jedz kennd, moin i:

Do send drei Buebe zom Kraomar komme ond dr äerschd hadd fier zeje Bfeneg Bäeredreck welle. Also habb bVrkaifare d Laiddr kolled, isch naufkähzed, hadd des Glas midd Bäeredreck ussm obrschde Regahlbredd raakolled, uff de Ladebuhdl gschdelld, a Borzjoo Bäeredreck fier a Zehnarle rauskolled, isch midd dem Glas dLaiddr mea naufkähzed , hadz ins Regahl neigschdelld, isch dLaiddr mea raa ond hadze uff Zeidde gschdelld.

Nocha hadze de zwaide Buebe gfroged, was a well, ond däer hadd xed: Fier zeje Bfeneg Bäeredreck. Do isch bVrkaifere abr a bissle sauer woere, ob a des idd glei sage kenn, onzoo! Ond se hadd de dridde Buebe gfroged, ob äer o fier a Zehnarle an Bäerdreck well.

Noi, haddr Bue xed.

Also habb bVrkaifare d Laiddr kolled, isch naufkähzed, hadd des Glas midd Bäeredreck ussm obrschde Regahlbredd raakolled, uff de Ladebuhdl gschdelld, a Borzjoo Bäeredreck fier a Zehnarle rauskolled, isch midd dem Glas dLaiddr mea naufkähzed , hadz ins Regahl neigschdelld, isch dLaiddr mea raa ond hadze uff Zeidde gschdelld.

Nocha hadze de dridde Buebe gfroged, was a well, ond däer hadd xed: Fier femf Bfeneg Bäeredreck!

Nocha hanze abr all drei waidle schbrenge mieße :-((

On zom Bream:

Do haddr Baur zom Knäechd xed: Due deam Gaul de Bream vom Ooge weck.

Dr Knäechd hadd xed: Des isch idd dr Bream, des isch die Bremse!

Nocha hadd dr Baur xed: Du hasch abr guede Ooge!!

Bääredrägg känne mia doo aach ... :-)

Klar, onz Muggebixle als näggschdgräeßre Einhaid glei no midd drzue ;-)

Mier send grad bei 3,092783505154639.

Wennis idd vrgiss, kudd die nui Lischde enklusihf Muggebixle im nägschde Fade ;-)

Dierzlieb :-))

I war kirzlich beim dirggischa Friseer. Der had me dodal vrschandlad mit seim Mascheele. Des warad dausnde vo Muggaseggala di der mir aagschnidda had.

I läs so älle baar Dag mit, abr zom schreiba komme faschd nia.

Dassd middlihschd, isch schea :-)

Dassd idd zom Schreibe kusch, isch schad :-((

Räege isch aaxed, abrs s reanged bei eis idd - idd oms Vrrecke ;-((

Drodzdeam a scheas Wuchenend! S hadd wenegschdns a bissle àkield - achzeh Grad grad.

Dir au a schees Wochaend Mannischatzabutzele :)

Bei uns isches grau und kalt, abr räat rägna duets au id.

Und a schees Wochaend fr alle andre Schatzabutzamausala (id dassmr da oine/r beleidigd isch).

Weschdlich vom Balkahnbalkooh hats geschd zAubad grengat. Sogar zemmle viel. Schea kiahl isch au worra.

Dr Dengs hòt heit Naacht d' Wollkapp ufdoa miaßa, susch hett's'n an dr Kopf gfraora, so kiahl isch's bei ons gwä. Abber schee reanele duat's heit au, dr ganz Morga scho.

Aufem Pfänder wars au arschekalt - bsondrs nochem schwitza. Und noi, da Schose isch nimme mit :(

Bei uns scheint jetzed Zonna. :)

Doo esses aach kiila gänn ... awwa imma noch baafuus ... unn dii freschrasiadde Aahla nämmisch gäare medd ... unn losse doodefoa genuch Gunnachdsschmaddsa fah allegaare doo ..

:-)

Vollmao hammr oo, abr an räechd an anämesche. Däe haze scheinz no id ganz vo däer Bluedarei sledschmol vrholled ;-((

Guaz Nächddle allemiddanand!

Grad ware a bissle dussa on han a Urlaubszigaräddle grauchdd ... war kial, abr meine Fiaß gli'add emmr no ... des muaß z'Alddr sei ... Hiddza :-(

Hoiße Fiaß, Schwäble? S'Amoisle und i nemmede in unseren Club auf :)

Deffe middam hoißa Belmes au drzua? :-)

Logo :))

Joo, dii Fiiß imm hääße Somma ... isch binn aach imm Glubb ...

Guads Nächtle, Schbätzla !

Emmerle, in dem "Gwidderle" hogg-e grad!

Gueznächtlemiddanand!

Hat scheinz scho a wengale romdoa, dauhanna endr Balkanhauptschdadd. Bei oos oo, aber ganz so viel Äschd hotz ned raaghaua.

No meanr mit hoiße Fiaß! So ebbes! Willkomma em Glubb, au wenn des a zweiflhafda Eahr isch dau Mitglied sei zommiaßa.

Guaznächddle an alle Hoißfiaßige .... aber nadierlich au an d'Kalddbliaddrlr ... manni, i hoff mir hand di etz nedd vrschräggdd, midd onsram fuirigga Gschwääddz!

Liabe Griaß vom schwäble ... geschdd ware z'Mencha ... ab jetz hädde a Schlaofbläddzle dao, wenn ao bloss aufem Boda fr Nooddfall'iibrnachdonga ;-)

Ha, nò muasch abber au amòl zo dene ihrem Schdammdisch gao! Desch a luschdichs Velkle.

Bei ons hòt's geschdern dr ganz Dag grägnet odder zomindescht gnieslt. 's Bettsach isch a weng klamm gwä, oifach vo dr feichda Luft. I han lang zom Eischlòfa braucht, abber nò so guat gschlòfa wia scho lang nemme. Heit dur-e 's Bettsach dr Dag ieber rei.

Mir wared geschd bei de Sandskulptuara zRorschach. S'hott nannawäags (middem Bootle) und bei da Ausschdellung (midde Fiaß) gschiffd, abr scheeeeeeee wars. Manche Leit henn dö lohr dã leh doa: http://www.approach-bigler.ch/assets/sandskul...

A schees Sonndägle fr alle! Und noi, i bin heit idda da Pfendr naufgloffa. I honn Kugla im Kopf (honn geschd abr koi Drebfle Alkohol gsoffa).

Mier hand in däer Werkschdadd, woni allad mibbm Fritz zom Klarneddle gang, a Werkschdaddfeschd gmached, ois bloßß midd de andre Werklar ond ois mit Musegg. Am Samschdag hadz greanged ond nechd zwar nemma, abr s isch grau gwe. bFisch hand abr drodzdeam gschmeckd, die wo se grilled hand. Semmr hald denna gwe beim Klarneddle. En dean wondrscheane Gaarde beni bloss zom Rauche raus ;-)

Manni, dau hasch Gligg ghedd, dass Da rauchsch - soosch wärsch gar it en da Gadda nauskomma!

I schließ me iebrigenz am Ermmerle âa zweggs dem scheana Feschdle!

Abr dSchbugge lauft doch middaam Blaschdiggbassklareneddledbläddle no schnellr vom Bassklareneddölsbläddle ens Bassklareneddle nei ônd ammend widr ausam Bassklareneddle naus?

Wenneme räat arrinnerra, nô hôt doch da Manni a äggschdra Bassklarineddlaschbuggedurchbutzdiachle! Des hotter au beim Vegale seim Mauldaschafeschdle dabei ghett. Und, an guada Schbuggefluss isch doch gwieß grad so gsund frs Bassglarineddle wias fr da menschlich Maga isch, oder?

D'Edith dät eich no gern a Hailait fo geschd vrzella: Mir sin mit meim Bruad aufema Bänkle am Seeufr ghogget. No hotter an Briaf, wonem i for ibr fuggzg Jôhr gschrieba ghett hon, aus da Dasch zoga und vorgläasa. Leitla, wia riahrend und geil isch des denn? Mir bleibd allno dSchbugge wäg. Gschwischderliab isch koi hohls Wort idda.

Manni, isch des dann so wia am Spiehlbegga so a Art Siiffoh?

Ônd wenn dia Kurfe mit Kondenzwassrschbugge zuagloffa ich, dann kommat koine normale Bassklareneddlesdeeh meah raus, sondrn so a Geblubbr, wi wemma middam Schtroahhalm ens Bluuhna neiblaust?

Gäbale,des fend-e schea, dass-d Dei Bruadr Deine alte Briaf all no hat!

(zo mir/) Was se em wohl so gschrieba hòt vor fufzg Jòhr? (zo mir/aus)

(zumier) des däät meau endressiera (/zumier)

Vegale und Senzle, i war dômôls viar Silveschdr aufem schdaadlicha Seminar zRottweil wäga Pädagogig und so. Mein Bruadr war sellmols zKempda und hott sein Milidärdienschd bei de Sanidäter abgelegd. I honnem gschrieba, wa miar Mädla so in Rottweil drieba honn und, dass sich dia Mädla frn inderessiara dädet. Bibe, honne zuem gsait. Des duene au heit no. S'isch an netta Bua gwäa und r isches au heit no.

Bibe, schö tähm!!

D'Edith will scho wiedr ihren Sembf dazua gäa: Se moint, unsr Walnuss baum hei den Walnussfruchtfliagaschädling. Des wird fei a radikale Schädlingsbekämpfung: D'Bah lot da Baum fälla, wellerra znôh a derra Schdarkschdromleitung schdôht, dia wo d'Bah demnäggschd bei uns inschdalliert. :(

An alde Walnussbaum omdoe - des isch a Send!!

Sedde Saulaggle, sedde damesche :-(((

Mei, dia werrat kaum a nuis Glais baua. Ônd wenn die Schdregge eleggdrefizierd wedd, isch des au it dômm. Nau fahrat wenegschdenz koine Dihsllok meah.

Ôm da Baum isches freile schaad!

Schenkt'r eich zom Abschied desjòhr wengischdens no ordentlich Nussa?

Käered die idd dr Baah? Do kudd dr Ludz Richard bersehnlech zom Klaube vorbei ;-(

Noi Manni, der Bomm schdôht auf unserm Glände. Den hot mei Mamme bflanzt und er isch höar ass unsr Heisle. Und Nussa hots gnuag doba. Se welleden Afang Ogdobr fälla lossa. I honn abr dia Erlaubnis, dass Fremdfirma dôdafiar auf unsr Glände dirfed no noita untrschrieba. I honn nemmlich auf mei Frôg, obse offiziell d'Erlaubnis zom Baumfälla eigholt hon, no koi Antwort griagd.

Die Erlaubnis braucheze vor Gmoind, odr vom Landradzamd?

Däa scheene Baam ... nää, nää, nää ...

:-(

Auf dr Zugschbitz werd dr Krane abbaut.

Liebe Giede, was drugget sich denn dò fir Menschamenga rom! Dò ben-e grad froh, dass i dò et doba ben. Abber a schees Wedderle hent se scho.

Was moinsch, was die jedz Jaohr fier an Aufwand dreibed, dasse all raagfallene Schdoibrocke mea neibeddoniered in die Zugschbidzwend!! Alles bloss zom laufnde Erhald vo däer Bausubschdanz. Do hanze scho eggschdra a nuje Baah baue mieße, dasse des ganz Zugschbitzbrojeckd oo rechned ond idd bloss de bairesche Schdaazhaushald belaschded. Weil vor EUh geiz do koine Geldr idd!! Des isch a innrbairesche Aagläeghaid, oo wenn die maischde Durischde gar koi bairesche Schdaazaakäerege send, sondrn Wieddebäergar, Saxe ond Kinese!

(Wirdaberger, Sagsa on Kinesa...was sen des denn fir furchbare Leit.....dass dia dò ieberhaupt nuf dirfet uf den urbaerischa Berg...abber was macht mr et älles, dass Geld reikommt...)

Oh, wia nett! I bin a Wirdabergerre :(

Und scho ischer weg. Heier gohts wirklich egschdrem zua aufm Gipfl.

Emmerle, a Driddl vom "urbairscha Berg" gheert auf Eeschdreich nomm. Dau isch dann vollz gleich, ob no a baar Schwauba ônd Kineesa ommananddabbat ...

Heammale, heit isch dr erschde scheane Daag nauchra Wuch reangala. Dau werat scho eddliche gwaddat hau, dass-d se nauffahra kennat.

Des isch goch nix Neis: https://www.sueddeutsche.de/wissen/archaeolog...

Bloß der Typ mit seiner "durchrassten Gesellschaft" war z'bled drzua ond seine Nachfolger au.

Schbannend, manni! Danke fir den Link.

Dr Dengs on i sen ab morga bis Donnerschdag nägschwoch en dr Schweiz en dr Indernetwieschde. D' Fewo hòt koi Indernet on iebers Hendi isches so deier, dass-e's bloß em Notfall nemma dät. Velleicht komm-e amòl an-a koschdaloses Weelan, aber ansonschden ben-e abgschnidda. Wurd endressant fir en Indernetdschangie wie mi.

Am Mondag schbreng-e ieber Grindlwald em Tandem-Skaidaif ausm Hubschrauber raus. Han-e vom Jonga zom Sechzigschda griagt.

Wauwiiiii ! Viel Schbaß, Vegale!

Samsdaxreame scho druff?

Zue nam Tandem-Skaidaif ussm Hubschraubar raus haonis idd brochd, bloss zuen am Bandschischbrong von am hoeche Krane ibr dr Olimbiaregaddaschdrecke. Isch oo schea gwe, bloss viiiil zkuuz ;-)

Abr Manni, der Gummi muaß doch kierzer sei. Sonsch hauschdr doch da Melle a! I honn garid gwisst, dass sVegale und du so Däardewls sin. Poah, bin schbrachlos! Chappo!

I honn heit wieder da Pfendr beschdiega, abr ich glaub id, dasses in da Zitdig kommt. Und sMissi und dKäble hommer au id gwingkt.

So, und jetzt genn da Schose und i aufs Bähnlefeschd nôch Tettnang. Siejuuuuuuuuuuuuu ......

I haos amohle fiers näggschd Wäedrbuechabbdeid voergmerkd. Wies Maisle scho gschrihbe kedd hadd, isch des im eschdleche Schwobelendle so ebbs wie ommananddriele.

I ben widdr dò.

Dr Skaidaif war õbeschreiblich. Eigentlich isch dr Mensch fir so ebbes et vorgsäha. Mr kã des gar-et recht vrzehla wia des gwä isch. I han en subber tolla Tandempartner ghett, der hòt mi sauguat begleidet on au vorbereidet, on so han i des dodal genießa kenna. Vo de erschde Sekonda vom Fall fehltmr leider de bildlich Erinnerong - d' Eigernordwand isch oifach zschnell vorbeigrauscht.

I ben no dr ganze Dag wia entrickt gwä, gar-ed richdich uf dr Welt. Am Òbed hen dr Dengs on i en Saxeten (deet hemmer gwohnt) no an langa Schbaziergang ieber d' Almwiesa gmacht, dò ben-e nò widder ufm Erdboda glandet, mental.

S'Vegale isch gfloga! Isch des id sche! I glaub, i dät aumôl gern fliaga (id immr auf dSchnorra, in hehare Sfära!).

Bei eis im Gärtle, zLangaarga, schbaziert a glois, vorwiegnd weißes, ziarlichs Vegale rum. Honns scho a baarmôl gsäa und heit scho wieder im Nussbomm. I kas garid richdig zuaordna. Ersch honne gmoint, skennd a Bachschdelzle sei, abr dodafiar isches zgloi? Hmm. Manni, magsch idamôle komma unz identifiziara?

Unsr großa Bua isch seit geschd zGloddrtal in da Kuar. I hoff, er kommt middarra gsunda Seel wiedr zrugg. O Leitla, i kennt heila.

Schee, dasses Koschdennjale wiedramôle bei uns reigluaged hot!

Lange Fiaßla, moine hots. S'isch vorwiegend weiß. Zwoimôl honnes in da Wiesa gsäa und heit aufem Nußbaum. Abr s'isch zschnell fudd, ass dasse gnaus aluaga kennt.

re Bua: I woiß, Vegale, i woiß

Mei Gäbele, du machsch ebbs midd! Dier brauched baid a Säelekur. I druck ui dDaume!

Manni, wenn des Vieh a Veegale isch, wasisch dann a ausgwaxnr Voogl?

Gäbale, i druggDeim Bua alle boide Dauma ganz fescht ônd winsch-em allz Guate!

I bêe iebrigenz näggschd Woch pferleicht zwoi odr drei Dääg am See - kâa ma no nêi ens Wassr?

I hab amòl e meim Voglbuch rombläddert ob i ebbes fend, was en Fròg kommt. Weil em manni seira Schdorchhibbothese kã i et wirglich viel abgwinna....

Hòsch du a Voglbuch, Gäbele? Susch muasch halt velleicht d' Dande Senz...ehm, d' Dande Wiki fròga.

D' Gardagrasmücke (Sylvia borin) isch zwòr et weiß, aber hell am Beichle.

Schwanzmeisla (Aegithalos caudatus) sen au weiß am Bauch, abber ufm Buggl donkl, on se hen a langs Schwenzle on kurze Fiaß on laufet glaub i au et ufm Boda rom.

Gardabaumlaifer (Certhia brachydactyla) isch am Bauch au weiß on lauft tibbischerweis em Grais am Baumschdamm ruf ond na.

On velleicht guggsch au doch noml a Bild voma Bachschdelzle ã - velleicht hòsch se graißer in Erinnerong als wia dass se sen.

Duschdem Schooße Graddulladsjone ausrischde !

Oooooooo Manni, mon Scherrii, it luck lau hoißt "nicht aufgeben", "nicht den Mut verlieren". Tschuldigung, i honn des nia so mit "Land id lugg" in Vrbindung brôcht. Bin halt doch a wengle bleed :(( *heul*

Okai, Brelele, wird ausgricht :)

Amm Sonndäg hent d'Hund im Freibad z'Augschburg pritschla derfa onder dem Moddo Bellos Batschlach. Kennat ihr des Wort Batschlach au oder isch des a schbezifisch Augschburgisches?

Batschlach kenn-e au it, Dregglach scho. Ônd Soichlach (Soichlach fiehra).

Bei oos hat des Miischtlach fiahra ghoißa.

A Badschlach hoßt Badschlach weils badsch macht wemma nei hupft. Isch doch logisch!

re #172: Jetz wo's saisch, Manni: land = lossed. Abr i honn luck und lugg nimme mitanand assoziiert. Wirr halt au alt.

A Batschlach honne au id kennt, a Lacha abr scho.

Un Pschitt honne als bäbbig siaß in Erinnerung, wia Fanta odr so.

Batschlach kenn i au et. Drecklach oder Pfitzlach (dobblt gmobblt) scho.

Bei ons hoißt des Mischtbrieh fiehra.

Bei dr Mischdbrieh fellbr a Widz ei, dean wo mei Vaddr effdr vrzelld hadd ond wona jezmohl fichdeg lache mieße hadd.

Im Zug uff Obrschdoef isch em Wendr amohl oir dinnkokked, däe wo Schi drbeikedd hadd. Sei Gegenibr haddn gfroged, ob a scho fahre kaa odr äeschd läerned. No hadd dr sell ganz schdolz xed: Ja freile kani Schifahre. I be Breisschifahrar!

Druff hadd dr andr gmoind: No hammr ja faschd de gleiche Beruf - i be Scheißbriehfahrar!

Hä? Wele letschde Zeile?

Wienis s äeschde Mohl gläese hao, isch noch Zermatt nix meah komme.

Echt? Ha des muaß an Hägger vom Leo gwä sei...i hab's gwieß ersch gschiggt wo's vollschdendich gwä isch! "Psi ischn Drägg drgega" hemmir drhoimt zo sodde Fänomehne gsagt....

Mei, gòht's dò zua! Dò dur-i doch lieber mitm Dengs en trauter Zweisamkeit a Raglett essa. Des richdamr jetz.

(Abber danke fir dia Links! I han se gschbeichert.)

Em Momend isch nix los. S reangeled ond a baar gand zom Schaffe.

En ar Schdond fangd dr Omzug aa, abr huir gang i idd an dIsar naa,wo se aufschdelled. S isch jedz Johr sGleiche: an Haufe Drachdlar ond Moezdromm Geil, wo uffd Schdroß scheißed, dass die oraaschroede Dirkedrachdlar midd iehrena Keehrmaschina ebbs zdond hand. Die dond des gäere: Des send Ibrschdonda, wo räechd gued zahld wäered ;-)

Om zehne hanze aagfange zom Marschiere - i häer die groeße Drommla bis zue mier rauf uff de Ballkaah.

A baar vo deane Drommlar scheined Schwobe zom sei, die wo sellemohle uff des Wijeddnamm naa send, weil se so gued hand Hanoi sage kenne. Se schbihled dean alde Gassehauar Ho-Ho-HoDschiMinn ;-)

Guddamorga, allrseiz!

Manni, an deine "ora-schröde Dirked-Rachdlar" von #188 hanne frei scho a Weile omanandr-ibrleega miaßa ...

Etz wensche no alle an scheana Da ond hoff, dass koim där akendiggdde Schdurm an Schada vrursacht ... da hanna fangz scho a zom Blaosa.

I han vorhin onser Pergoalbettle (hoffentlich) schdurmfescht abdeckt. Des keet schbannend werra kommende Nacht, je nòchdem wann d' Kaltfront bei ons durchkommt....

Mir wär des längscht z'kalt drauße, o mit ner warma Bettdegg.

Heit isch auf dr Wiesn wesentlich weniger los.

Do blosts zwar a weng, abr koi Schdurm ond d'Sonn scheint.

Bei dr Webbkämm uffm Armbruschdschidzezeld siechba lenx vom Rieserad sogar d Bäerg!

Kald isch woere, drei Grad am Moege. Uff dr Boind haz an Reif kedd!

Emmrle, send uire Neesschbidzla no blao ;-)

sMaisle wäed woll hao kredze mieße ;-(

Noe, 's war gmietlich warm em Bettle. I han ordndlich Nischdmadrial ghett: z'onderscht a Schdriggdegge (dia hòt mir mei Schweschder amòl aus Soggawollereschdla gschdriggt), drieber a Daunadegge on no a leichde Fliißdegge, om d' Schuldera no an egschdra Schal, on a Bettfläschle....dr Dengs hòt au no sei Botzich-Schdail dobblede Kapp ufghett, weil der wenicher Isoliermadrial ufm Kobf hòt wia i. Heit friah wo-n-e ufgschdanda ben hòt's zwoi Grad ghett. Reifa han i koin gsäha, abber velleicht hòt's uf dr Achl scho oin ghett, kööt guat sei.

I meim Bettle isches au gmietlich warm und jetz binne sogar soweit, dass dBalkoondiara nachds zuableibt, welle wäga dem Grach dussa auf da Schdroß sonsch nimme schlôfa ka. :(

Oooo, guada Morga au no!! (wo bleibt mei Kindrschdub?)

Id vergessa: Ibrmorga kommt 's Turamichele. https://www.augsburg.de/webcam/ Am untera Bild sigt mas besser.

Dodal dode Hos bei de Schwäbla....

Neichkeit vo ons: mir hen widder zwoi neie Kätzla. Onsere zwoi scho etwas eldere Kader sen boide an Krebs gschdorba em letschda halba Jòhr...on weil ain Läben ohne Katzen zwòr meglich abber et dees isch, hemmer ons widder zwoi herdo. An Etienne on a Mathilda. D' Mathilda isch a arg vrschdefferts Kätzle...se wohnt vorescht onderem Soffa e meim Birro. Manchmòl, wenn se moint, i dät et gugga, kommt se raus, abber schdreichla dirfa mr se no et....Dr Etienne isch a arg liabs on zugenglichs Kaderle, kommt uf dr Schaoß on schnurrt was-es Zeig helt. Den hen se em Tierheim et so guat vrmittla kenna, weil-r a weng humblt - en seira voricha Familie hòt-r sich ema kibbda Fenschder dr Fuaß neiglemmt. Nò hen sen scheints nemme wella weilr velleicht Dierarztkoschda vrursacht. Er isch genau wia d' Mathilda a Maikätzle vo dem Jóhr.

Miau und merci, Vegale :-)))

Boschurle Scheißerla!

Zonn scheint, dWesch hengd dussa, da Schose und i wared bei da Gribbeimpfung, da LEO ziggd.

I ka nixme schreiba, ohne dass da Körsr umanandr juggd. :(((

Gribbeimpfung - guade Idee. Des mua-n-e au ball amòl eifädla fir dr Dengs on mi.

I war scho. Hammer glei beim letschda Kwicka mit gmacht.

Hemmale, was isch (a) Kwigga?

Senzle, wer woiß, womeglich moints an Quickie ;)

Gäbele, Gäbele, an Kwiggie beim Onkl Doktr?

https://de.wikipedia.org/wiki/Quick-Wert

Asssooooooo Himmele :))))

(Kobfschiddlmodus) Fr waas brauchba an Kwiggih beim Doggdr? Isch des so a halbwichdigs Zuig? (/Kobfschiddlmodus)

Noe, zwoisentle, desch scho maih wia halbwichdich; des brauchtmr wemmer wegga irgendebbes Bluatvrdinner nemma muaß. Dr Dengs hót des au emmer miaßa, abber zom Glick jetz nemme. Dò muamr halt reglmäßich dschegga ob 's Bluat denn gnuag abber au et zu denn isch.

I mach des allad sell. I schneid mi en Fengr ond zell, wie schnell sBlued drobfned. Zwai bis vier Drobfe bro Seckonde isch okee ;-))

(Nommlkobfschiddlmodus) Emmerle, i sieh "Kwiggdescht" abr it als Wissa, wo a allgemein voraussedza kâa. I denk, so ebbes woiß ma bloß, wemm direggd odr indireggd bedroffa isch vom Thema - i dem Fall Tromboose.

Ond mi nerfat halt so kribbdische Âadeitônga, zmaul wenn dann auf Nauchfraug au koi Erklärong kommt, sondern beschdememfallz a nâagroddzdr Lenk. (/Nommkobfschiddlomodus)

Manni, nimmsch abr bloß a ganz klôis Messrle zôm En-da-Fengr-Schneida!

Sonscht haut De's ômm ônd middam Drebbflazeehla wedds niggs meah.

Des isch en meiner Familie Allgemeinwissa, bal des Thromboserisiko bei ons endemisch isch.

Ond mi nervt genau des Gegadoil. Wemma ells vorkaut aufm Silbertablett serviera muaß. A weng a Eigeninitiative derf scho sei, do lernt ma am meischda dabei.

Bluesky, glaubst Du ernsthaft, irgendjemand außer Dir selbst hätte mit Deiner Angabe "beim Kwicka" sinnvoll guhgln können?

Ich hatte lediglich auf meine Frage von #203 mehr Höflichkeit erwartet als nur einen eingeklinkten Link. Diese Erwartung war Dir gegenüber offenbar vergebens.

Alles Gute Dir!

Oh Manno, i hon mit meim Quickie doch bloß a Schbässle macha wella. I honns au id peilt kett, wa sHimmele mit Kwicka gmoint kett hot. Dun id schdreita, bidde. Des machtme bloß draurig. Bin eh id guad drauf und wenner eich id vrdraged, no ziahtme des bloßno meh nab.

Wa wird eigendlich aus unsrem Schwäbledreffa. Henner koin Bock drauf? I vrmiss eich.

I hedd no Bogg!

Wass esses doo loos ? Nää, nää, nää ...

Eh neijes Dräffe dääd misch schonn freije ... wänn nua dii eeländisch lang Faararei nedd wäa ...

Missi, ailaffju

Emmerle, danggschea fr Dei Innizjahdiife! A Schwaubadreff wär wirkle widr amôle schêa!

I hau grad em Kalendr guggt, dr erschde Nofembr isch a Donnrschdaag. En dera Woch send Schualferien z Badda-Wirttaberg ônd zBayern.

Ônd wenn's it Reitlenga isch, kenndat mr ons au zMemmenga odr zUlm dreffa. Boides isch

Der gòht bei mir leider et.

Bei mir geengt dr 17. oder 24. November odder dr 1. odder 8. Dezember.

Velleicht isches besser wenn-e per Imähl romfròg. Mach-e schbäder.

(I fròg me emmer no, was Ulm on Memminga boides isch.....)

... einigrmaaßa en dr Midde vo de Schwauba-Leos. Odr mir faahrat alle zom Brele. Des wär dann abr scho a greaßra Rantsch.

D'Eddid moit om fembfnauchvierdldrui, das-d se seit a baar Dääg Brobleme middr Lesezoicha-Lischde hett. Oinzlne Schbbaga (Schbääga?) vrschwendat oifach emmr wiedr aus dr Lischde. Bei de moischde wär's it arg, abr bei de Schwauba scho!

D'Eddid moint nommol, dass-d se dr Märtl kimmra däät.