Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --190--Alemanneschwobeschbage-190--

    Topic

    --190--Alemanneschwobeschbage-190--

    Comment







    Des isch dr hondrdneizgesch endrnazenal Alemanne-Schwobe-Faade

    zom Hôigaate, Raadsche ond Dischkriere,

    in deam wo ma all grenzibrschraitede Warianda vom Schwäbesche ond Alemannesche läese ond schreibe ka.


    Ond a baar andre Dialeckd no drzue, weil wäe Luschd had, ka oo en andre Schbrocha wie Bladd odr sogar Schdandardneihoechdeitsch schreibe,


    Also dond ui koin Zwang a ond schreibed mid. Mier gfrajeze ibr jedn, däe wo reikudd ond eis Xelschafd laischded :-))


    Ond schreibed ganz aso, wie ui dr Schnabl gwaxe isch - Haubzach so fonedesch wie meglech.

    Desch ja soo endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Bensilveinijadadsch nei.




    ⚫ Vo dedd kommebr ond jiez goz do hinna weidr.

    ⚫ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ⚫ A Lischde vo ibr vierhondrd Wädr haoni heid abbdeided

    ⚫ Do isch dr Lenk zue de Voergengarfäde     







    Mier hoigaated allad weidr, solangs no ebbs zom sage geid!

    Onz siechd ganz drnoch aus, dass eis dr Gschbrächsschdoff no id so schnell ausgohd ;-))






    Land id lugg!







    Author manni3 (305129) 08 Aug 18, 17:43
    Comment

    Wäedrlischde

    Sammlong vo regional gebreichleche Wäedr


    445 Wäedr Schdand 8.8.2018


    Des send Ausdrick, die wo idd all im Fädele vrschdande hand ond drom nochgfroged hand. In de nägschde Beidräg kommed nocha Erkläeronga. Mankmol daured des oo a bissle lengr, bis des ganze Schbeckdrom ausdischkrierd isch odr bis all Beidräg drzue komme send, weil mr zwischedure no ibr ebbs andrs hand schwädze mieße. Do mueß ma nocha hald a bissle schkrolle ;-)


    Dr Link goht direckd uff dean Beidrag, - noi, des donze idd, weil die Leo-Buebe irgndebbs bäschdled hand, dass es nemma goht. Dibbischa Fall vo Vrschlemmbessrong - LUIJJA GRRRRR - in deam wo dr Begriff zom äeschde Mol voerkudd. Die Zahl hendr deam Begriff isch bFadenommr. So siechba glei, wenn die gleich Frog schbädr noml aufdauchd isch.




    aablendre 50     äbba 19     äbbl 1     abegheit 84     Abr 181    afánge 21     afánge, ahébe 94     afánge, ahébe 95     Afdrmädag 1     afis 98     Aftrmeede, -medig 36     agfurzged, apfuzged 0     ahébe, afánge 94     Ahle 12     ahnd 1     ahnd (s. blange) 105     Ahne, Ehne, Nahne, Nehne 21     allbodd 1     allebodd 38     allegaare 100     Allgai, blaus 58     Allmende 75     Alti Söcke 61     Amaisla, zwai (Gedichd) 26     amigs 3     Anke, Buddr 45     Anke, Buddr 62     Anke, Gnack 25     APC 14     aobr, apr 32     Aschebe(r)scher 87    


    Baabl 189     Bachel 9     Bäeromenschdr, Radio 68     bägglat en Schdroah, dobblat 40     Bähmull 90     Baule, Böhle (s. oo Kadzebaule) 9     Bbünz 100     Belmeß, Kopf etc. 77     Beerda 189     Berda 21     BerwangarWeible, s 38     Bfose 97     bhäb 189     Biberle 1     Bieche 102     Biewrl 44     Bise 44     bitzle 2     bizzle 84     Blaaz 21     blange 105     blutt 189     bluttfueß 56     Boi 83     Boi, Bai 83     Boi, Baie 84     Boid, Point 4     Boind 75     Bongert 75     Born 25     Bodschambr 49     Bood 177    Bredla 94     Breschdleng 47     Breschdleng 84     Breschdleng 182    Brezga, gscheide 52     Briegl, Seel, Gnauzawegga 103     Brot, Kipf etc. 21     Brotaaschnidd 21     Bolledeere 15     buchle 97     Buddr, dr B. 10     Budl, Dudl 2     Budlwar 64     Budlwar 89     Buggelesdag 49     Butzameggelar 53     Buzele 2     Buzeschdengl 71    


    chaib 1     Chaschde 9     Chile (mid "ch") 30     Chindsgi 96     Chlüpli, Glubbe 35     Chratte, Gelte, Trucke, Zeine 103    


    Däätschmr 5     Dabber, vrdabbed 185     deiche, dunke (dünken)    dellele, rom-, ommanand- 103     Dibbl, Dubbl, dubbelich 4     die wo, die was 0     Dix 3     dobblat bägglat en Schdroah 40     Doggebaaba 3     Dogg, Doggebaabl 189     Dolga, a fedda 3     Dôpa 185     Dorpa, vrdorpt 185     dousheared, doosoereg, dollorig 22     dransschenigg 11     drädze 89     driele, rom-, ommanand- 103     drimsle 1     druscho 25     dubbelich, Dubbl, Dibbl 4     dubbelich 178    Dudl, Budl 2     dui, die, d 44     Dult 66    


    Eberri 30     Efangelesche, Wieschdgleibege, Kaddolesche, 106    ei ( Ausschbroch) 29     eleige 3    


    Fägnäschd 42     Fägnäschter 66     faigge 89     Fehl 2     Fehl vs. Fäel 41     Fehn 28     fei 44     Fiedle 17     Fieß, Boinr 77     2Fildra     Fileiner 101     Fisternöllsche 12     flacken 22     Flädle, Knöbfla, Chnöpfli, Schbädzla 49     Frauafürz 72     fretten, Gfrett 32     füdliblutt 21     fuudre, bfuudre 1    


    gä, ge, i gang ge 67     gach, gäch, gäh 17     gaddig 189     Gade 184     Gäder 184    Gäelfießlar 2     gampe, gumpe, gompe 3     Gatze, Gatzlmacher 100     Gaude, Schbass 17     Gebbl 76     Gefäss, Gfess     gell 56     Gelte 44     gembresch 85     gempscheg, gempisch 85     Gfrett 32     gheie 84     gliche wetsch mache 30     Glufe 35     Glufa em Fidle 102     Gnack 25     Gnauzawegga, Briegl, Seel 103     gniageled 186     gnieble, gniagla, gnuile, knieble 184     gnuile, gnieble, knieble, gniagla 184    godzeg 87     gompa, Gombe 83     gotzig 50     Graddl, Grattel, d 1    Graddl, Grattel, dr 86     Graddlar 68     grätig 12     Grette, Krette, dr 1     Grischbaum loba 73     Großschwäbisches Reich2     Gsälz 21     gsälza 59     gschderrig, schderrig, gschdäär, schderch 174     gschirra     gschwülm 84     Gsiberger, Xiberger 68     Gsibergerisch 65     Gugg, Guggl, Guggana 22     Gumpe, Gombe 3     Gumpedoschde 3     Gumpf 34     gschbässeg 1    


    Hääs 23     Häddele 76     Häelba 84     Häerdreggziaherei 176    Hägl 1     hähl 1     hähl 2     Haipfl 25     Haipfl 25     Haiter, Heitr 8     Halbdaggl 87     hälenga 86     hälinga 67     Harras 24     Heckr, Hesche 34     Hegel 43     helfe, Denk mr helfa drã 94     helfe, afánge, ahébe, gao (Adverbien) 183    Hemad, Hemadlenz 2     Hennapfrupfa 23     henne 98     Herrgöttle vo Biberbach 70     Hesche, Heckr 34     Hesche 89     heuer, huir 77     hibbelig 102     hiere 72     hierewierbleg 72     hingere 98     Hinichd 42     Hitsgi 61     hitzg 25     Hoaraheile 177    Hocketse, Hoigaade, Höck 3     Hocketse 22     Hoigaade, Höck 3     Hoigaade 22     Hoinze 1     Homml 1     Hommlbronz 36     Honoratiorenschwaben etc. 86     Hoschtub 93     Huerä- 1     Huaraflichdling 106     Hugendubel (zSchdueged) 60     hüpf 71    


    ine, ume, use 51     -ingen, Siedlongsgschichd 17     ipuffe 42     it 0    


    Jägrdoopf 7     jucke, schbringe 11    


    Kaddolesche, Efangelesche, Wieschdgleibege 106    Kadzebaule (s. oo Baule) 15     Kädzle am Bauch, aussäeche wies 87     käfele 80     kähl 1     kähl 2     kähl 189    Käpsele 1     Käpsele 68     Karess, auf d K. gao 1     Kaschde, Kasten 104     Käspappiletee 75     keija 174    Kieanzl, Keanze 77     Kiechla etc. 97     Kiechle 75     Kipf 21     Kläbbar, Schläbberle 4     Klubbe, Glubb 76     knäschdeg 20     kneischde 20     knieble, gnuile, gnieble, gniagla  184     knitz 184    kobbe 76     koiz 91     Koki Sa Schack 5     Kotze 86     Krattel, dr 15     krawuhl 189     Krette, Grette 1     Kuhfliagets 91    


    lagg, lack 22     ladderala Schdobb 29     Laibla 94     laid, leid 1     lêis 96     Lätsche, Schlueb 21     Land id lugg 19     Land id lugg 41     le, Suffix em Englesche 2     Lego, hesch me 59     lei 0     leid, nit eso leid 7     lêîs 96     -les 91     lieben, mege 62     Loas 1     Loisa 32     Luxemburgerli 87    


    mängisch 3     Mäschkerla kommed 6     Mass, Maß 88     Matte, Mahd 75     mege - i mag di 62meegig, oomigele 12     meichdale 22     Memmingar Mao 1     Memmingar Mâô 40     Mensch, s 2     Mensch, s 96     Mojaschegga 11     Molle, Mollesaich 1     Mond (Ausschbroch) 40     Mondich 1     Mongale 1     Muhagl 43     Mulle, Mulli 90     Mullela 94     Muni 1     müntschi 100     Mutschl 85    


    nächt, nechd 1     Nahne, Nehne, Ahne, Ehne 21     Naka-Buzele 2     nannaäbbe 3     narred 12     naussaue 40     Nechzobed 42     neihägle 40     neima, neamads 18     neima, oimeds 184     nume 3    


    oimeds, neima 184     Ômuaß 42    oomigele, meegig 12     Ôomuaß 45     oz 23    


    Pamir 72     Pfäläller 4     pflöffla 45     pfupfre 2     pfuuse 7     Plaffoh 34     pögge 2     Point, Bôid 4     pöschtele 50    


    R - Zonge odr Zäbfle 1     rääs 1     Radlar, brôte, Rezebbd 18     Ransch, auf dr R. sei 1     Ratscha schdadd Glogga 78     Rauch, ao-ou 75     Rechdschreibdiskessioo ibr Ackzendr 49     Randig, Rande 52     Ribb, Ripp, s 96     Ribbschdigg usw..76     Ribbsmäel 50     riebeg 2     Risoddokoma 22     Roina 177     romlöhrga 40     Rootzbibbr 44     Rotzbibbr 1    


    Sach, s, d 104     sägg 92     sauigle 22     Scharmidzl, Stranitze 22     Schbatzafischer 100 Schbädzla (etym) 21     Schbädzle, Flädle, Knöbfla, Chnöpfli 49     Schbagaat 21     Schbagaat, Schbädzla im Iddaljenar-Forum     Schbaage 38     Schbass, Schbass, Gaude 17     schbeie, schbedzge 91     Schbinnewedda 85     schderrig, gschderrig, gschdäär, schderch 174    Schdobb, ladderala 29     schdoggele 174    schdrawanza 65     Schdreckise 9     schdruug, K II vo schdragge 32     Schegges 30     Scheiche 77     Schertele 189     schladdig 186     Schläpperle, Kläbber 4     schleife, schliefe 87     schleife (SZ) 47     Schleifets 91     schlenggle 2     schliefe, gschloffe 87    Schliefkami 87     Schlueb, Lätsche 21     Schluata 189     schmecke (Gschmäckle) 95     schmutzige Dauschdech 3     Schnäe weckdoe 183     Schnöre 45     Schobf, Schöbfle 82     Schoche nauslache 178    Schöpfli 82     Schuebad 37     schwanze 12     schwerlich glaufa 32+#66     Schwobarädla 48     Seel, Briegl, Gnauzawegga 103     sehr, säer (sorry, sore) 21     seicht 44     Semml; Schdanga- 83     Spätzle-Shaker47, 48     Stranitze (1) 22     Stranitze (2) 23     süferli 27     Suggl 1     Suirle 44    


    Tajine, Tatschine 48     Talpe 77     traibdeibl 27     trädze 89     tschambre 49     Tschingge 98     -tse 91     Tugnd, die gräeschd schwäbesch 31    


    Ufzgi 52     Uhudler 17     uibrois 30     uns-euch-ihr16     Urlesdag 17    


    Verchlinerigsform vo Verbe 33     verchrüglet 45     verusse 42     Veßa, Vese 84     vrboama 177     vrdlda 44     Dôba,  verdôbed 185     vrdrenne (im Kondexd) 98     vrdrenne (Frog ond Andwoed) 99     vrkaischdle, sich 103     vierdl, viedl noch, viedl ibr 1     vierezwanzgi gsi 9     vrhebe 23    


    wachle 33     Wäedam, Wäedig 77     Wagges 30     Waggl, uff dr W. gange 80     wallen, walen 86     wargele 89     weisen 2     Weißbild 2     Weißbild 27     wiaschtgleibig 21     Wieschdgleibege, Kaddolesche, Efangelesche 106     Wullesau 23     Wurschdschbätzla 85    


    xesch 49     Xiberger, Gsiberger 68    


    Zigr 45     Zipprla, Zibarte 10     Züber, Zubar 44     zwai-zwea-zwoa 0     zwe-zwo-zwöi 97    

    #1Author manni3 (305129) 08 Aug 18, 18:35
    Comment

    Luija, sag i, Zäfixxalleluija 😖

    #2Author manni3 (305129) 08 Aug 18, 19:51
    Comment

    I schreib etz niggs vô ra gettlicha Êigääbông, auf dia no allawei gwaddad wedd ...


    Scheißebobbale.

    #3Author twocents (460778) 08 Aug 18, 19:58
    Comment

    Dr Marde moind, se wäered ebbs deixle kenne midd däer Endrong beim Followabb im Lenk (ald: followup123, nui: followup=123)

    Hoffndle! Gschbannd beni ja ;-)

    #4Author manni3 (305129) 09 Aug 18, 10:29
    Comment

    Desch a ächde Dschällensch fir dr Märde on seine Manna (on Weibla).

    #5Author Goldammer (428405) 09 Aug 18, 10:33
    Comment

    Wenns bei oim bressierd, weil a grad idd uff de Maarde waarde kaa, kan a in dr URL oba zwische followup ond dNommr a = neisedze, also de Eidrag vo followup123 zue followup=123 mache. Nocha gohz! I haos grad ausbrobierd :-)

    Die Behelfslesong isch bessr als nix, solang dr Leo die Dschällensch idd gmaischdred hadd!

    #6Author manni3 (305129) 09 Aug 18, 10:57
    Comment

    I han's grad brobiert, des funst wirglich.

    Falls es ebber au no brobiera will, nemmet als Teschdwerdle "Plaffoh"

    Dò schdòht als Beischbiel a sauglatts Witzle vom Schdiggle. Des hot mir zwoidausetzeah scho gfalla on gfallt mr emmer no. I han's abber vrgessa ghett.

    #7Author Goldammer (428405) 09 Aug 18, 11:28
    Comment

    I hau da Witz grad nauchgleasa ônd nomml driebr glaht. Nach acht Jauhr derf ma des.

    No gemeinr isch "Schdeert De's, wenn-e drweil an Abbfl iss?". Des basst abr nemme zôn Plaffoh ens Wertrbuach.

    #8Author twocents (460778) 09 Aug 18, 15:45
    Comment

    I fend des mitm Plaffooh bezeichnender fir dui schwäbische Hausfrau on Gschaftlhubere, dia wo emmer em Dinscht isch. Abber dr Abfl isch au et schlecht.

    #9Author Goldammer (428405) 09 Aug 18, 15:47
    Comment

    En dr ganza Aufregông midde zrschossane* Lenks han-e ganz vrgessa, am Manni Vrgelzgott zôm saga fr da scheana nuia Schbaaga!


    Scheinz hand de LEOs doch no a Êigäbông ghett ônd a Leesông fr d Werdrlischde gfonda! Au daudrfier a Dankschêa!


    (zumier) Ônd i bêe ôozfroah, dass.d dr Manni mi nemme als "Kwihn of hêene Lenks" ergra kâa - so viele auf oimôl hau i nia hêebraucht ... (/zumier)




    * etzt hett-e schiergar zrschissane gschrieba :-))

    #10Author twocents (460778) 09 Aug 18, 22:32
    Comment

    Eh bissje schbääd fass Aanmälle im neije Fäädelsche esses jo schonn ... awwa droddsdeem ... angemälld binnisch !

    :-))


    Unn scheen hadd unnsa Faadebabba dass wedda hinngriid !

    #11Author no me bré (700807) 09 Aug 18, 22:38
    Comment

    Vrgeltsgott, Mannischerriii!


    Und Boschurle herzallrliabschde Scheißerla!


    D'Edith moint, i käm immr ersch denn, wenn da Markt vrdloffa isch. Macht nix, schaffemer weitr :)))))

    #12Author Moi Gab (456541) 10 Aug 18, 11:40
    Comment

    Guada Morga ! :))


    und noi, i schreib jetz nix, außer dasses Sempfdazuagäberle mr allno an Hupfr in Sei nei schuld isch.....

    #13Author Moi Gab (456541) 11 Aug 18, 09:48
    Comment

    :-P


    I woiß ja ...

    #14Author twocents (460778) 11 Aug 18, 09:58
    Comment

    Sembfd im Bodesäe??? Des isch fei sDrenkwassrdebbooh fier dSchduegedr!

    #15Author manni3 (305129) 11 Aug 18, 12:35
    Comment

    On d' Reitlenger!!!!!!!!!!!!

    I will koin Semf en meim Kaffeewasser!!!!!!!

    #16Author Goldammer (428405) 11 Aug 18, 15:17
    Comment

    Do binn i ganz bei Dier :-))

    #17Author manni3 (305129) 11 Aug 18, 15:22
    Comment

    Ja mei, a jeeds wia's mag ...

    #18Author twocents (460778) 11 Aug 18, 15:41
    Comment

    Schdellet eich vor, da Schose goht id in See nei, well dô Bfisch naibiesala dädet - wenns bloß Bfisch wäred !!


    ZLangaarga hemmer Gwällwasser zom Kaffemacha hihi. Vegale, re Kaffe, honne de fei id vrgässa!!

    #19Author Moi Gab (456541) 11 Aug 18, 17:04
    Comment

    Jessesnoi, i glaub i mach gar koin Kaffee maih....was dò womeglich älles e meim Kaffeewasser denna isch.....

    #20Author Goldammer (428405) 11 Aug 18, 17:51
    Comment

    Koin Kafee mäehr- genau! Drenk liebr des guede Laidongswassr vo Reitlenge puur ;-))



    Nochdraag: Muesch des Driddl Wassr nemme, des wo uss de Reidlengar Kwella kudd, ond idd die zwai Driddl ussm Säe: Oifach allad de Wassrkessl vool mache ond oi Driddl fier de Kafee nemme ond die andre zwai Driddl weckschidde! Fiers Heisleswassr kaasch oo nemme. Do schmecksch ja de Sembfd idd ond däe isch gued fierd Dessimfeckzjoh vor Klohschissl. Schbaresch beim Wezeereinigar :-)

    #21Author manni3 (305129) 11 Aug 18, 19:33
    Comment

    Desch dr Wahnsinnsdrigg, manni! So mache-'s. Dò wär i meiner Lebdag et drufkomma, uf dui geniale Leesong!

    #22Author Goldammer (428405) 11 Aug 18, 22:24
    Comment

    Da Manni isch halt an Siach. :))


    Guads Nächtle!. I gang morga mit meim Bruadr da Pfändr naufroifla, juhuuu !


    D'Edith schreibt eich heit am Sonndig und sait, mir seijed aufem Pfändr gwäa un sGäbele sei Fix und Foxi. Dä jetz no äbbes schaffa un denn in See neijucka um dia Gwalidäd fr am Vegale sei Kaffewassr hochzhalta (und noi, sGäbele biesalat id nei).


    #23Author Moi Gab (456541) 11 Aug 18, 22:47
    Comment

    (Worom et, Gäbele? I glaub ema See hett i dò koine Sgrubel. Wenn-e ehrlich ben glaub i nemlich dass dia scho Fisch- on andere Bisl rausfildret bevor se's zo mir als Kaffeewasser ieber d' Alb schigget. Also dur dr wega mir koin Zwang ã!)


    Uf dr Pfendr nuf! I woiß et, ob i des schaffa dät! Sauber sauber! Bisch halt a schdarge Frau!

    #24Author Goldammer (428405) 12 Aug 18, 11:54
    Comment

    Reschbeckd, Gäbele! I däd des nemma packe. Midd deam Rendnarloddrläebe haoni mei ganze Kondidzjoh vrloere ;-((

    Abr i be oo drvoer no nie idd uffm Pfendar doba gwe. Idd amohl middr Baah .. obwohl - des mihßd aingdle no gao ...

    #25Author manni3 (305129) 12 Aug 18, 12:13
    Comment

    Z'Fuaß odr aufm Gebbl? Wia oo emmr, oo vo mir. Reschbeggd!!!

    #26Author Selima (107) 12 Aug 18, 12:31
    Comment

    naufroifla hòt se gsagt ghett, desch scho zfuaß.

    #27Author Goldammer (428405) 12 Aug 18, 12:35
    Comment

    Des haune scho gleasa, aber roifla isch fr mi idd eideidig.

    #28Author Selima (107) 12 Aug 18, 12:53
    Comment

    Fir mi scho. I han's au grad em Eddimologische werrifitziert. Des kommt vo dem alda Schbiel, wemmer an Roifa mitma Schdegga neba sich herdreibt. Wahrscheints ausra Zeit wo's no gar koine Rädla gea hòt. A Zeitãgab wann's ufkomma isch, hane leider et gfonda.

    #29Author Goldammer (428405) 12 Aug 18, 16:54
    Comment

    I waiß oo idd, wenn des aufkomme isch. Abr des haddr Pieter Brueghel en seine "Kinderspiele" scho gmohled  ond mier hand des oo no gschbihld. Hald idd midd Fassraife, sondrn mid Fahradfelga.

    #30Author manni3 (305129) 12 Aug 18, 18:09
    Comment

    Des Schbiel isch uralt, glar, mir isches jetzt drom ganga, wann des Wort ufkomma isch. Abber i glaub desch nò sicher au uralt. Allerdengs kööt 's Ameisle nadierlich argumendiera, dass sich dui Bedeidong nòch der Erfindong vom Rädle dòdrauf ausdehnt hòt. Et vellich ausgschlossa, abber meim Gfiehl nòch õwahrscheinlich.

    #31Author Goldammer (428405) 12 Aug 18, 18:18
    Comment

    Beim Guhgla nauch "roifla" han-e dees gfônda. Ônd au no da Schbruch "Emmr schee roifla, abr nie saua!" :-)

    #32Author twocents (460778) 12 Aug 18, 18:25
    Comment

    Scheener Artigl!

    (A wengle schdert mi allerdengs, dass-r d' Onderlender so pauschal negadiv en d' Piedismusschublad neischdeggt. Des sott ama weltoffana Schwòb eigentlich et bassiera, fend i. Er beschreibt d' Onderlender bloß mit dem oina Glischee schbarsam, on fir seine eigene hòt-r vier posidive Eigaschafda. Drotzdem gfellt mr der Schbruch, dass a Beerdigong en Oberschwòba schdimmungsvoller isch als a Hochzeit en Schduagert!)

    On "Frai de heit, susch hòsch morga a õãgnehms Geschdern" isch au sauguat.

    #33Author Goldammer (428405) 12 Aug 18, 18:55
    Comment

    Räechd hadda: A Gschbass mueß sei beir Leich - sosch gohd koir midd ;-)

    #34Author manni3 (305129) 12 Aug 18, 19:54
    Comment

    Obrlendar - Ondrlendar, okeee, do gib i dier räechd, Emmrle.

    Do dribr kaa ma Widzla mache ondranand, abr oo idd mäehr!

    ... wie ibr de Blueral OndrlendR-ObrlendAR *hihi*


    Ond sedde lokkahlbaddriodesche Sädz wie „Des Schwäbische isch a oigaständige Sproch“ nerfed mi gewaldeg!

    Drzu fellbr dr Jidischlengwischd Max Weinreich ei: a shprakh iz a dialekt mit an armey un flot.

    #35Author manni3 (305129) 12 Aug 18, 20:29
    Comment

    Senzle, der Ardiggl isch echd guad. Abr i siehs wias Vegale: Fr mi gits koine Obrlendr und Undrlendr Vorziag odr Nôchdoil idda.


    Und wegam in See neibiesala: I gang absichtlich aufs Glo, wells do, wone bada gang ois git und wells fasch koiner aufsuached. Fimfaneinzg Brozent vo de Badende henn scheinz a riesa Blosa und nämmed des Biesale mit hoim. Koi Ahnung, woses große Gschäfd mached. Bolla honne no koine schwimma säa.


    Und sSchduageder Wasser wird 200 m diaf rausbumbd. Also, sVegale ka dô wohl guad sein Kaffe damit kocha.


    I gang jetz ins Nesch (dSchiaga naufgräblsa), bin miad wia dSau. Des gloine Hundle, wo heit Morga da Berg mitnaufgwetzt isch, wohl au.


    Bonn nuiii und fätt deh boh rävs :))

    #36Author Moi Gab (456541) 12 Aug 18, 23:09
    Comment

    sSchduageder Wasser wird 200 m diaf rausbumbd - des isch ja säehr aufmerxam. Bloss: dr Urihn ond dr Sembfd send schwäerer als Wassr. Se bombed nocha hald idd die frische Eidräg uff Schdueged ond Reidlenge nomm, sondrn die wo scho a baar Wucha ald send, gued durchzoche ond in Ruhä gereifd ;-((


    Guez Nechdle, mei Gäbele - ond die andre oo 😉

    #37Author manni3 (305129) 12 Aug 18, 23:19
    Comment

    Ich schigge noch eh baa Noadwindscha fa allegaare ... aach dii Dräbb nuff noo ...

    :-)

    #38Author no me bré (700807) 12 Aug 18, 23:45
    Comment
    Leiddla, Ihr kennad doch etz nedd enz Beddle ganga!!!
    I liig aufem Liigeschdual ond gugg Schdernschnubba ... a Draum vonra Naachdd!
    Heidd ischs dodaal glaar ... wer woiß, wias moara Naachdd isch .... Schdernschnubba geiz en de näggschde Nächdd ao no - abr wär woiß, ob ma se no sea ka ...
    I wensch ui was! (Busserle)
    #39Author schwäble (951819) 13 Aug 18, 00:56
    Comment

    Ach scheißele, i han eigentlich gescht Òbend vorem Ensbettganga no wella ufm Nòchberhof (dò isches einichermaßa donkl) a weng nòch Schdernschnubba gugga. Hans vrgessa. On jetz ziagt sich's scho zua on wird wahrscheints bald reanga. Je nun, schobassiert.

    #40Author Goldammer (428405) 13 Aug 18, 08:11
    Comment

    A baar haoni oo xäeche am Sihdheml. Fier de Nordheml hedd i mieße ussm Haus gao ond i be zlagg gwe ;-)

    #41Author manni3 (305129) 13 Aug 18, 08:15
    Comment

    und i bin aufem Schduahl aufem Balko gsässa un hommer da Hals vrrengd un ägschdra dBrilla aufgsetzt und gsäa honne koi gotzige :(((


    Dabei hettemar soffl zwinscha ghet....

    #42Author Moi Gab (456541) 13 Aug 18, 12:39
    Comment

    *reinstampedier*

    *wink*

    Ich war im alten Faden gesperrt aber ich habe einen Geheimausgang gefunden und nun bin i wieder bei euch. :-}

    Dankeschoen fuers Basteln und fuers Verlinken!

    So, und Gott sei Dank habt ihr das mit dem Naufroifla schon geklaert. Tolle Leistung, Gaebele! Und habt ihr runtergeglozt und mich und die Kaelber am Ufer zwischen Lochau und Bregenz ausmachen koennen?!?

    #43Author Miss Anthropy (700297) 13 Aug 18, 21:40
    Comment

    Missile, hasch Du mit Deine Kelbr dia Ôozwell vrursacht, wo-ner en da See negjuggd sênd? Odr war des doch ebbes andrs?



    Dees was etzt kommt, muasch it leasa. ;-)


    (Bruddlmodus êi)

    I hau grad amôle guggd, barôm sMiissile it ausm alta Schbaaga rauskomma isch. Drbei war-e au em Brofihl vom Miissile.Ônd, ônd dau han-e dees gfônda:


    Also konn i ah scho a bissl Fränggisch. 

    Pälzisch gädd no nädd. 

    Und Schwäbisch finde ich grausam.


    Ônd Schwäbisch fênde ich grausahm. Schreibt se. Ôifach a so. Ohne jeden Grônd. Was saagba etzt daudrzua?

    Ganz eahrle, dau wôndrat me niggs meah! Au it, dass-d se aus dem alta Schbbaga schiergaar nemme nauskomma wär.


    Bloß guat, dass-d e it alls ernschd nemm, was dLeit so en ihre Brofiel schreibat :-)):

    (Bruddlmodus aus)


    #44Author twocents (460778) 13 Aug 18, 23:21
    Comment

    Medd meim reinfränngische Dijaläggd, diräggd doo nääwedrann fonn de Palls, freijisch misch dodrewwa nadiialisch ... unn dass Schwääwisch, doodemedd hoddisch aanfangs aach so meij Schwiirischkääde ... awwa medd de Zeidd binnisch demmed ßeräschd komm ... unnsa MissÄlschin hadd sisch inn de ßwischezeidd beschdimmd aach schonn draan geweend ... :-)


    Ija hann Eisch ann mei Schbrooch unn wii isch ße schreiwe duun aach easchd misse geweene ...

    :-P



    PeehÄss : middlaweile famissisch sogaa dass ma misch heegschd kommbliziada Schwäädsarisch fomm Fläggelsche unn fomm Schdeschmiggelsche ...

    #45Author no me bré (700807) 13 Aug 18, 23:37
    Comment

    Missi, näggschda Sonndig, wenner wiedr midde Kind det am See bisch, no wingkadarmr, gell!


    I honn beim Hoimfahra fei an de dengkd! Do isch doch äbba dei Gardazentr in da Nähe, odr id?


    Guads Nächtle! Heit isches wiedr nix mitde Schdernschnubba, s'isch bedeckd. No raschla mer halt.

    #46Author Moi Gab (456541) 13 Aug 18, 23:59
    Comment

    Oh je, wos hob i nur mid meim Brofiel ahsglössd?! Da kehrt nadierlich ah Smailie hie. (Abba des, wos manche Gunden im Gardazenda von sich geben, find i doch no grausam.)


    Zweisensle, muss mir bidde a bissl iebersetze, damidd i di beandwoorden kânn. Ond zwar Ôozwell (some sort of Welle) ond negjuggd (hineingejagt?).


    Gäbele, "mei" Gardazenda is doch en Ravenschborg. Jo, guggd nach uns am Sonndâch, Minimus ond i werdn aafm See beim Surfkurs sei! :-o

    #47Author Miss Anthropy (700297) 14 Aug 18, 09:11
    Comment

    Missile, ôoz- bdedeitat sehr groß, mächtig, sehr viel (a Ôozgschäft ist eine Riesenarbeit - Arbeit ist im Schwäbischen "Gschäft"). Jugga heißt hüpfen, springen, dAllgaiar saget jucken, middam hardda ck, fascht wia dSchweizr. Wenn a Schwaub schbring (schbrengt), dann hoißt des, dass er läuft, rennt. Wennr lauft, geht er.


    Mear drvôo fendsch dau.


    Fr alle:

    Ihr brauchat it beleidigt sêi, weil der Obrschwaub en dem Ardiggl, won-e vrlenkt ghett hau, auf de Biedischda ommanandschdichlat. Der Kerle hat nemmlich scheinz it gschbannt, dass-d s au no andre Schwauba giit - rechts vô dr Illr.

    #48Author twocents (460778) 14 Aug 18, 09:26
    Comment

    ... un dia vom See !!!


    Asssoooo, Missi, dei Gschäft isch beim Mäahlsack in da Nähe. I honn all dengkt, zLindau.


    Boschurle au no!

    #49Author Moi Gab (456541) 14 Aug 18, 10:30
    Comment

    Wa isch dr Mäahlsack?

    #50Author twocents (460778) 14 Aug 18, 11:41
    Comment

    DuSenzle ädd dass-d s au no andre Schwauba giit - rechts vô dr Illr.

    Des isch mr oo aufgfalle. Däe hadd idd bloss lokkahlbaddriodesche Sädz druff, sondrn oo a lokkahlbaddriodesche Nahsichdbrille midd Schuiklabba ;-)

    #51Author manni3 (305129) 14 Aug 18, 12:36
    Comment

    . . . u n d d i a v o m S e e ? ? ?


    Gugg, Senzle, dô siehschen: https://de.wikipedia.org/wiki/Mehlsack_(Raven...

    #52Author Moi Gab (456541) 14 Aug 18, 12:59
    Comment

    Also wenn zKihna a Reissack omfelld, isch des idd weidr endressand. Abr wenn zRafeschburg dr Mäehlsack omfalle däd, des gäb an ganz an scheane Aufschrai!

    #53Author manni3 (305129) 15 Aug 18, 22:58
    Comment

    Ônd voar an Ôozbomperer!

    #54Author twocents (460778) 16 Aug 18, 00:13
    Comment

    Boschurle, Schbätzla! Zonn scheint scho, häff a naiß deii :)))

    #55Author Moi Gab (456541) 17 Aug 18, 09:33
    Comment

    Mir kommet grad hoim. Hen noml onder freiem Hemml iebernachdet on nò em Vierschdernegaschthof Lamm z' Ödawaldschdedda wonderbar vom Biffee gfriehschdiggt. Mr sen dussa gsessa, d' Schwälbla sen ieber onsere Kepf gfloga. Megakurzurlaible.

    #56Author Goldammer (428405) 17 Aug 18, 11:00
    Comment

    Freime so fr de, dassda so an padenta Dengs hosch. Mein Schose will iddamôle, dass da Engklbua bei uns im Garta mit a baar Freind zälted. Dô dreffad bei eis Welta aufanand. Schad.

    #57Author Moi Gab (456541) 17 Aug 18, 11:10
    Comment

    Was hòtr drgega, dass d' Kender em Garda zeldet?

    #58Author Goldammer (428405) 17 Aug 18, 11:44
    Comment

    Frôgn :( i glaub er woißes selbr id.

    #59Author Moi Gab (456541) 17 Aug 18, 13:51
    Comment

    I glaub der kã froh sei dassr dei Schose isch on et mei Dengs. Dò dät i et loggr lassa on diskudiera bis zom Gehtnichtmähr.....

    #60Author Goldammer (428405) 17 Aug 18, 14:27
    Comment

    Woisch, wennda ass Kind nia solche Sacha midgriagd und id glernt hosch, no kahsches au id, wenn da groß bisch. Dabei gohtem soffel Freid naus und er woißes id. I mag junge Leit und Kind, er ka id middenaa umganga. Dabei bemiahrt sich.

    #61Author Moi Gab (456541) 17 Aug 18, 19:14
    Comment

    D Leidd send hald so ondrschihdle! Dr Schose isch koi Dengs idd ond sEmmrle isch koi Gäbele idd.

    Abr i maax alle viere 😃

    #62Author manni3 (305129) 17 Aug 18, 21:25
    Comment

    Manni, du bisch sBeschd, wasses git auf da Welt. Schö tähm!


    Guada morga au no!

    #63Author Moi Gab (456541) 18 Aug 18, 08:19
    Comment

    Guda Morga dir au!

    I hoff des isch et wiascht zom Schose rieberkomma, des han-e et wella....


    D' Edith moint no, obr d' Fußballsensatzjoh scho gsäh hent? D' Ulmer hent Frankfurt ausm Pokal kickt!

    #64Author Goldammer (428405) 18 Aug 18, 09:58
    Comment

    dDrochtersennar dBayre bloss faschd ;-)

    #65Author manni3 (305129) 19 Aug 18, 00:20
    Comment

    Des middem Kigga honne id midgriagd, Vegale und des middem Schose isch id wiaschd riebr komma - bin ganz deiner Meinung.


    Mir sinn heit Morga wiedr da Pfendr naufgsogged. Da Schose war au dabei. Hott uns boide guad dua un denne viele Leit, wo des sonndigs mached, wohl au :)

    #66Author Moi Gab (456541) 19 Aug 18, 14:31
    Comment

    Dr Schose isch oo midd nauf? Däe hadd hoile middgläese, was sEmmrle gschrihbe kedd hadd ond haddze idd lombe lao welle ;-)

    #67Author manni3 (305129) 19 Aug 18, 14:42
    Comment

    I glaubs faschd au ! *hihi*

    #68Author Moi Gab (456541) 19 Aug 18, 14:51
    Comment

    Ond? Haschd ons u'n aafm See xsehn? D'Minimus ond mi?

    #69Author Miss Anthropy (700297) 19 Aug 18, 20:00
    Comment

    I mecht moara odr iebermoara enz Kihno - Landrauschen.

    So schwäbisch, dammas ôndrdiddla muaß :-))

    #70Author twocents (460778) 19 Aug 18, 21:01
    Comment
    Au Senzle, dao binne gschbanndd, was da hendrhär vrzeelsch!
    I wadd etz mal no midd meim Kommendaar.
    Weißahoara isch ja garedd so weidd wägg von ons ;-)
    (I han sogar zwoi Gsiichddr en deam Film erkenndd.)
    #71Author schwäble (951819) 19 Aug 18, 23:05
    Comment
    ... ond nadierlich a guaz Nächddle an alle!
    #72Author schwäble (951819) 19 Aug 18, 23:19
    Comment

    Vo mir au a Guaznächtle!

    #73Author twocents (460778) 19 Aug 18, 23:22
    Comment

    Gunnaachdsbissuus !

    :-)

    #74Author no me bré (700807) 19 Aug 18, 23:35
    Comment

    I hen alls verschdande, au ohne Untertitl.

    #75Author bluesky (236159) 20 Aug 18, 10:43
    Comment

    Des wondrat mi etzt idd ;-))

    #76Author twocents (460778) 20 Aug 18, 11:10
    Comment

    Klaro, Missi! Hennerme id wingka säa?? Und, Missi, kennsch du des http://www.sandskulpturen.ch/ ???


    Boschurle au no an älle !

    #77Author Moi Gab (456541) 20 Aug 18, 11:12
    Comment

    Das sieht toll aus, warst du schon da, als sie bei der Arbeit waren?

    Heute gab's guten Wind zum Surfen; Micromus durfte auch mal vorne auf meinem Brett mitfahren. :-D

    #78Author Miss Anthropy (700297) 20 Aug 18, 22:34
    Comment

    Isch hodd joo aach äggsdra eh groosa Wänndilaadooa offgeschdällt, damedd dass medd dämm Söaffe bässa glabbe duud ... anscheinds hadds wass genuddsd gehadd ...

    :-))

    #79Author no me bré (700807) 20 Aug 18, 22:43
    Comment

    Vielen Dank auch, brele. ;-}

    Hast du den Ventilator auch fuer morgen bestellt?

    #80Author Miss Anthropy (700297) 20 Aug 18, 22:57
    Comment

    Wanns kää Schdroomausfall gänn duud, dann duud däa ach moije noch bloose ...

    :-)

    #81Author no me bré (700807) 20 Aug 18, 23:03
    Comment

    Ab Freidag solls kiehlr wäere ond dr Räege komme. Fier Sonndag send viehzeh Grad aaxed - bis dedd naa sodd dr Fenndeladar no durehalde ;-)

    #82Author manni3 (305129) 21 Aug 18, 09:40
    Comment

    I han geschzobed a neis Wertle vo daheim glernt. Stiepara odr stoipara. Des kennt eich au gfalla, hane mr denkt. :-) Kennz ebbr? (Wia mrs schreibt weiß-e leidr id so gnau).

    #83Author Doris (LEO-Team) (33) 21 Aug 18, 09:49
    Comment

    I kenn's. Schdeibera dät i saga, on i kenn's eigentlich bloß en dr reflektiva Form, wenn sich ebbes schdeibert - zom Beischbiel, wemmer ebbes Schdrabelichs wo neidoa will on es will et neiganga:

    i grieg des et dò nei, des schdeibert sich so bled!

    D' Reschersche hòt ergäba, dass es urschbringlich "abstützen" hoißt, also an Schdeiber isch so a Schditze fir an voola Obschtbaum (isch des der Kontegscht wo du's ghert hòsch, Dorisle? Dia braucht mr jò desjòhr allenthalba, bei dem Obschdsäga!) odder a Holzbeig.

    Dòdraus hòt sich nò die reflekdive Bedeidong von "sich stemmen, sich weigern" entwiggld.

    #84Author Goldammer (428405) 21 Aug 18, 10:05
    Comment
    D' Reschersche hòt ergäba, dass es urschbringlich "abstützen" hoißt, also an Schdeiber isch so a Schditze fir an voola Obschtbaum (isch des der Kontegscht wo du's ghert hòsch, Dorisle?
    Genau! Desjohr muamr dBeem stoipara. :-)

    (Am Neckrursprung sait mr stiepara, weidr nordeschdlich sait mr stoipara).
    #85Author Doris (LEO-Team) (33) 21 Aug 18, 10:26
    Comment

    Mir sen guat, gell? Manni, walte deines Amtes on dur's end Werderlischde!

    #86Author Goldammer (428405) 21 Aug 18, 10:50
    Comment

    "schtoipra" kenn-e it.


    Abr am Emmerlei sêi Idee middam Wertrbuach isch guat. I hett a ganza Lischde :-)


    Mädlafitzeler, (nâa)keia, Knobbf, heeba, lubfa, migga, Brêama, Hagamoisa, Biibgockaler/Biibhenn, Zeitbeer


    Di Wertr semmr en ledchdz eit wiedr êigfalla.

    #87Author twocents (460778) 21 Aug 18, 12:04
    Comment
    #88Author bluesky (236159) 21 Aug 18, 12:17
    Comment

    Hemmale, außr "keija" han-e koi oinzigs Wort en dr Lischde gfônda.


    I endre also:


    Mädlafitzeler, (nâa)keia, Knobbf, heeba, lubfa, migga, Brêama, Hagamoisa, Biibgockaler/Biibhenn, Zeitbeer

    ônd Schaufscheiß nui drzua :-)



    #89Author twocents (460778) 21 Aug 18, 12:56
    Comment

    Konndegschd rulz.


    Wenn die Wäedla bloss neima in am Lexikon schdanded odr in am Grind ond idd bei eis in am Beidrax-Kondegsch kommed - wie soll i die ins Wäedrbuech aufnemme?????

    Wenndr a zwaiz Grimmsches Wäedrbuech aufmache ond i solls rescherschiere - hä?

    #90Author manni3 (305129) 21 Aug 18, 19:30
    Comment

    Wa bisch nau au so grätig, Manni? I woiß scho, dass-d des a Huaragschäft isch mi dera Wertrlischde, ônd ii hau au it gsagt, dass Da etz sofort weitmacha muascht, abr i werr halt au vrgesslich, ônd i mecht dia Wertr aufgschrieba halta.


    Also:

    Madlafitzeler - A jongr Kerle, wo allad midde Mädla (Faihla) ômmanadduat, friahr habba auf Hochdeitsch Schäkern drzua gsaggt. S isch scho dFrozzelei drbei. I moin, dass oinr dau em Schbaaga scho a rechdr Madlafitzeler gweah isch, wo-ner no a baar Jährla jengr war :-)

    An Knobbf machba in an Schuahbendl odr in an Schbaaga, wemma koi Schloißfle nêimacht, sondrn bloß aso zmmabendat. Z Werb drzua isch knibbfa - dr jeweils näggschde Schwaubaschbbaga wedd an da alta nâaknibbft.

    Heeba isch it aufheba, sondrn feschdhalta

    Lubbfa duaba eebes, wemmas vo irgendwo aufhebt

    A Migge isch koi Mugg, sondrn a Bremse, zom Beischbiel amma Gebbl odr amma Waga.

    A Bream hoißba zwar au Bremse, abr dau des isch es Viech gmoint. Schdandarddeitsch isch manchmôl a bissle ôifeltig.

    Hagamoisa miaßt sAmoisle kenna, dees send ihre empfernte Vrwandte,wo em groaße Haufa woohnat.

    Biibgockaler ônd Biibhenn hoißat Truthahn ônd Truthenne, em Bairisch iebrigenz Bibergockel

    Zeitbeer send Johannisbeer, abr bloß de roate.Des Wort isch au scho en dr Lischde gweah.

    Schaufscheiß hat selligsmôl Saudrs Alfred gsait, wia-n en dr Schdoibr aus seim Kabinett keeglat hat. I denk, dees isch selbschderklärend (abr a schêas Schimbfwort).


    Ônd weil. grad drbei bêe:

    Bäradregg fêndsch it em Zoo, sondrn em Bomboleslada. De Norddeitsche sagat Lakrítz drzua, macnche essat des sogar salzig. Dass-d es dia it schittlat?


    So, etz mach drmit, was da willsch.

    #91Author twocents (460778) 21 Aug 18, 20:09
    Comment

    Madlafitzeler - moinsch Du an Fehlehockar?



    ädd Bäeredreck, dean wo a jedz kennd, moin i:

    Do send drei Buebe zom Kraomar komme ond dr äerschd hadd fier zeje Bfeneg Bäeredreck welle. Also habb bVrkaifare d Laiddr kolled, isch naufkähzed, hadd des Glas midd Bäeredreck ussm obrschde Regahlbredd raakolled, uff de Ladebuhdl gschdelld, a Borzjoo Bäeredreck fier a Zehnarle rauskolled, isch midd dem Glas dLaiddr mea naufkähzed , hadz ins Regahl neigschdelld, isch dLaiddr mea raa ond hadze uff Zeidde gschdelld.

    Nocha hadze de zwaide Buebe gfroged, was a well, ond däer hadd xed: Fier zeje Bfeneg Bäeredreck. Do isch bVrkaifere abr a bissle sauer woere, ob a des idd glei sage kenn, onzoo! Ond se hadd de dridde Buebe gfroged, ob äer o fier a Zehnarle an Bäerdreck well.

    Noi, haddr Bue xed.

    Also habb bVrkaifare d Laiddr kolled, isch naufkähzed, hadd des Glas midd Bäeredreck ussm obrschde Regahlbredd raakolled, uff de Ladebuhdl gschdelld, a Borzjoo Bäeredreck fier a Zehnarle rauskolled, isch midd dem Glas dLaiddr mea naufkähzed , hadz ins Regahl neigschdelld, isch dLaiddr mea raa ond hadze uff Zeidde gschdelld.

    Nocha hadze de dridde Buebe gfroged, was a well, ond däer hadd xed: Fier femf Bfeneg Bäeredreck!

    Nocha hanze abr all drei waidle schbrenge mieße :-((



    On zom Bream:

    Do haddr Baur zom Knäechd xed: Due deam Gaul de Bream vom Ooge weck.

    Dr Knäechd hadd xed: Des isch idd dr Bream, des isch die Bremse!

    Nocha hadd dr Baur xed: Du hasch abr guede Ooge!!




    #92Author manni3 (305129) 21 Aug 18, 22:42
    Comment

    Bääredrägg känne mia doo aach ... :-)

    #93Author no me bré (700807) 21 Aug 18, 22:56
    Comment

    Moinsch dr Bream hat ôm a Muggaseggale meah wia dBrems? Odr isch in dem Fall a Breamaseggale? :-)


    Wo isch eigntle s Muggaseggale blieba? S hat doch ab ônd zua amôle mitgschribea.








    "Muggaseggale" als kloinschdmeeglicha Maß-Êiheit kennt au auf dLischde *schnelldrvôoschbreng*

    #94Author twocents (460778) 21 Aug 18, 23:11
    Comment

    Klar, onz Muggebixle als näggschdgräeßre Einhaid glei no midd drzue ;-)

    #95Author manni3 (305129) 22 Aug 18, 00:33
    Comment

    Minimaaal greaßr wia s Muggaseggale: deesch iebrigrenz wirkle em schwäbischa Worddschadz..



    Mei Friseerin hat mr amôle beim Haurschneida "om a Muggaseggale mehr" abgschnitta :-)

    #96Author twocents (460778) 22 Aug 18, 00:43
    Comment

    Mier send grad bei 3,092783505154639.

    Wennis idd vrgiss, kudd die nui Lischde enklusihf Muggebixle im nägschde Fade ;-)

    Dierzlieb :-))

    #97Author manni3 (305129) 22 Aug 18, 19:14
    Comment

    I war kirzlich beim dirggischa Friseer. Der had me dodal vrschandlad mit seim Mascheele. Des warad dausnde vo Muggaseggala di der mir aagschnidda had.


    I läs so älle baar Dag mit, abr zom schreiba komme faschd nia.


    #98Author Muggaseggale (1004776) 23 Aug 18, 14:38
    Comment

    Dassd middlihschd, isch schea :-)

    Dassd idd zom Schreibe kusch, isch schad :-((

    #99Author manni3 (305129) 23 Aug 18, 17:14
    Comment

    Räege isch aaxed, abrs s reanged bei eis idd - idd oms Vrrecke ;-((


    Drodzdeam a scheas Wuchenend! S hadd wenegschdns a bissle àkield - achzeh Grad grad.

    #100Author manni3 (305129) 25 Aug 18, 10:23
    Comment

    Dir au a schees Wochaend Mannischatzabutzele :)


    Bei uns isches grau und kalt, abr räat rägna duets au id.


    Und a schees Wochaend fr alle andre Schatzabutzamausala (id dassmr da oine/r beleidigd isch).

    #101Author Moi Gab (456541) 25 Aug 18, 10:31
    Comment

    Weschdlich vom Balkahnbalkooh hats geschd zAubad grengat. Sogar zemmle viel. Schea kiahl isch au worra.

    #102Author twocents (460778) 25 Aug 18, 10:34
    Comment

    Dr Dengs hòt heit Naacht d' Wollkapp ufdoa miaßa, susch hett's'n an dr Kopf gfraora, so kiahl isch's bei ons gwä. Abber schee reanele duat's heit au, dr ganz Morga scho.

    #103Author Goldammer (428405) 25 Aug 18, 13:20
    Comment

    Aufem Pfänder wars au arschekalt - bsondrs nochem schwitza. Und noi, da Schose isch nimme mit :(


    Bei uns scheint jetzed Zonna. :)

    #104Author Moi Gab (456541) 26 Aug 18, 13:09
    Comment

    Bei eis uffm Ballkaah haz grad elf Grad. Nemmed Kabba auf ond wullene Hendsche aa!!


    Zuer Durchbluedong bied i an Haufe frischrasierde Ahla aa; nullkommadreiesibzg Millemeddr. Bue, die send gued zuer Durbluedong vo de Bagge 😏

    #105Author manni3 (305129) 26 Aug 18, 23:20
    Comment

    Doo esses aach kiila gänn ... awwa imma noch baafuus ... unn dii freschrasiadde Aahla nämmisch gäare medd ... unn losse doodefoa genuch Gunnachdsschmaddsa fah allegaare doo ..

    :-)

    #106Author no me bré (700807) 26 Aug 18, 23:28
    Comment

    Vollmao hammr oo, abr an räechd an anämesche. Däe haze scheinz no id ganz vo däer Bluedarei sledschmol vrholled ;-((

    #107Author manni3 (305129) 26 Aug 18, 23:42
    Comment

    Guaz Nächddle allemiddanand!


    Grad ware a bissle dussa on han a Urlaubszigaräddle grauchdd ... war kial, abr meine Fiaß gli'add emmr no ... des muaß z'Alddr sei ... Hiddza :-(

    #108Author schwäble (951819) 27 Aug 18, 00:43
    Comment

    Hoiße Fiaß, Schwäble? S'Amoisle und i nemmede in unseren Club auf :)

    #109Author Moi Gab (456541) 29 Aug 18, 21:45
    Comment

    Deffe middam hoißa Belmes au drzua? :-)

    #110Author twocents (460778) 29 Aug 18, 21:50
    Comment

    Logo :))

    #111Author Moi Gab (456541) 29 Aug 18, 21:51
    Comment

    Hoiße Fiaß machet oin wahnsinnich...i glaub i komm au en den Glubb.


    Vorhin hemmer en Òbedschbaziergang uf d' Pfullinger Onderhos gmacht. (Dr Dengs hòt seine neie Wanderschuah ausbrobiera wella. Se basset guat.)

    Vo deet sieht mr weit ieber's Land nei.

    Abber dass-es so weit isch, han-e et denkt: mir hent's en dr Ferne blitza seha, on mei Wedder-Äbb (isch se et an Säga, dui nuie Technologie??) hòt mr zoigt, dass des Gwidderle bei Illertissa, odder ewentwell sogar no weider bei Buchloe gwä isch. Erschdaunlich, gell? Wammer älles vo Pfullinga aus säha kã!

    #112Author Goldammer (428405) 29 Aug 18, 22:14
    Comment

    Joo, dii Fiiß imm hääße Somma ... isch binn aach imm Glubb ...

    #113Author no me bré (700807) 29 Aug 18, 22:17
    Comment

    Guads Nächtle, Schbätzla !

    #114Author Moi Gab (456541) 29 Aug 18, 22:23
    Comment

    Emmerle, in dem "Gwidderle" hogg-e grad!



    Gueznächtlemiddanand!

    #115Author twocents (460778) 29 Aug 18, 22:32
    Comment

    Hat scheinz scho a wengale romdoa, dauhanna endr Balkanhauptschdadd. Bei oos oo, aber ganz so viel Äschd hotz ned raaghaua.


    No meanr mit hoiße Fiaß! So ebbes! Willkomma em Glubb, au wenn des a zweiflhafda Eahr isch dau Mitglied sei zommiaßa.

    #116Author Selima (107) 30 Aug 18, 06:28
    Comment

    Guaznächddle an alle Hoißfiaßige .... aber nadierlich au an d'Kalddbliaddrlr ... manni, i hoff mir hand di etz nedd vrschräggdd, midd onsram fuirigga Gschwääddz!

    Liabe Griaß vom schwäble ... geschdd ware z'Mencha ... ab jetz hädde a Schlaofbläddzle dao, wenn ao bloss aufem Boda fr Nooddfall'iibrnachdonga ;-)

    #117Author schwäble (951819) 01 Sep 18, 00:50
    Comment

    Ha, nò muasch abber au amòl zo dene ihrem Schdammdisch gao! Desch a luschdichs Velkle.


    Bei ons hòt's geschdern dr ganz Dag grägnet odder zomindescht gnieslt. 's Bettsach isch a weng klamm gwä, oifach vo dr feichda Luft. I han lang zom Eischlòfa braucht, abber nò so guat gschlòfa wia scho lang nemme. Heit dur-e 's Bettsach dr Dag ieber rei.

    #118Author Goldammer (428405) 01 Sep 18, 07:47
    Comment

    Mir wared geschd bei de Sandskulptuara zRorschach. S'hott nannawäags (middem Bootle) und bei da Ausschdellung (midde Fiaß) gschiffd, abr scheeeeeeee wars. Manche Leit henn dö lohr dã leh doa: http://www.approach-bigler.ch/assets/sandskul...

     

    A schees Sonndägle fr alle! Und noi, i bin heit idda da Pfendr naufgloffa. I honn Kugla im Kopf (honn geschd abr koi Drebfle Alkohol gsoffa).

    #119Author Moi Gab (456541) 02 Sep 18, 10:37
    Comment

    Mier hand in däer Werkschdadd, woni allad mibbm Fritz zom Klarneddle gang, a Werkschdaddfeschd gmached, ois bloßß midd de andre Werklar ond ois mit Musegg. Am Samschdag hadz greanged ond nechd zwar nemma, abr s isch grau gwe. bFisch hand abr drodzdeam gschmeckd, die wo se grilled hand. Semmr hald denna gwe beim Klarneddle. En dean wondrscheane Gaarde beni bloss zom Rauche raus ;-)

    #120Author manni3 (305129) 03 Sep 18, 13:14
    Comment

    Hert sich nòchma sauscheena Feschtle ã!


    #121Author Goldammer (428405) 03 Sep 18, 15:47
    Comment

    Manni, dau hasch Gligg ghedd, dass Da rauchsch - soosch wärsch gar it en da Gadda nauskomma!

    I schließ me iebrigenz am Ermmerle âa zweggs dem scheana Feschdle!

    #122Author twocents (460778) 03 Sep 18, 15:54
    Comment

    Ja, schea isch gwe. Ond a Glick, dasse des schea  Bassklarneddlesbläddlesaufbewahrongseddwih* drbeikedd hao. Sosch hedd i gladd koi Bassklarneddlesbläddle drbei kedd, midd deam woni uffm Bassklarneddle hedd schbihle kenne ;-)


    * des hendr Bläddle rechz haoni ibregenz idd sell gschnibfled, bloss no middr Dijamanndnaglfeile mondgerechd häegrichd. Des isch a Blaschdeckbläddle bis vo deam Kannada rom. Des isch zwahr a Haitäckmaddrijahl, sgohd abr saugued ond hadde Voerdl, dasses idd vrfauled:-)

    #123Author manni3 (305129) 03 Sep 18, 22:31
    Comment

    Abr dSchbugge lauft doch middaam Blaschdiggbassklareneddledbläddle no schnellr vom Bassklareneddölsbläddle ens Bassklareneddle nei ônd ammend widr ausam Bassklareneddle naus?

    #124Author twocents (460778) 04 Sep 18, 00:32
    Comment

    dSchbugge isch sowesoo minnimahl. S maischd isch a Kondenswassr. Ond beim Bassklarneddle drobfned nix uff de Bode, des hadd onda an bogene Drichdar als Wassrvoerrazbeheldar, wies Saxefoo vom Maisle oo. Die mueßba brackdesch bloss alle halbs Johr amohl ausschidde ;-)

    #125Author manni3 (305129) 04 Sep 18, 09:30
    Comment

    Wenneme räat arrinnerra, nô hôt doch da Manni a äggschdra Bassklarineddlaschbuggedurchbutzdiachle! Des hotter au beim Vegale seim Mauldaschafeschdle dabei ghett. Und, an guada Schbuggefluss isch doch gwieß grad so gsund frs Bassglarineddle wias fr da menschlich Maga isch, oder?


    D'Edith dät eich no gern a Hailait fo geschd vrzella: Mir sin mit meim Bruad aufema Bänkle am Seeufr ghogget. No hotter an Briaf, wonem i for ibr fuggzg Jôhr gschrieba ghett hon, aus da Dasch zoga und vorgläasa. Leitla, wia riahrend und geil isch des denn? Mir bleibd allno dSchbugge wäg. Gschwischderliab isch koi hohls Wort idda.

    #126Author Moi Gab (456541) 04 Sep 18, 10:05
    Comment

    Manni, isch des dann so wia am Spiehlbegga so a Art Siiffoh?

    Ônd wenn dia Kurfe mit Kondenzwassrschbugge zuagloffa ich, dann kommat koine normale Bassklareneddlesdeeh meah raus, sondrn so a Geblubbr, wi wemma middam Schtroahhalm ens Bluuhna neiblaust?


    Gäbale,des fend-e schea, dass-d Dei Bruadr Deine alte Briaf all no hat!

    #127Author twocents (460778) 04 Sep 18, 10:36
    Comment

    (zo mir/) Was se em wohl so gschrieba hòt vor fufzg Jòhr? (zo mir/aus)

    #128Author Goldammer (428405) 04 Sep 18, 11:43
    Comment

    (zumier) des däät meau endressiera (/zumier)

    #129Author twocents (460778) 04 Sep 18, 11:58
    Comment

    DuSenzle ädd Schtroahhalm ens Bluuhna - ja, abr bloss beim allardiefschde Too. Beim Zwaiddiefschde isch ja scho die nägschd Klabbe obrhalb offa. Drom schdohd oo bloss ganz selde con bluna in dr Bardeduur!!

    #130Author manni3 (305129) 04 Sep 18, 13:00
    Comment

    Vegale und Senzle, i war dômôls viar Silveschdr aufem schdaadlicha Seminar zRottweil wäga Pädagogig und so. Mein Bruadr war sellmols zKempda und hott sein Milidärdienschd bei de Sanidäter abgelegd. I honnem gschrieba, wa miar Mädla so in Rottweil drieba honn und, dass sich dia Mädla frn inderessiara dädet. Bibe, honne zuem gsait. Des duene au heit no. S'isch an netta Bua gwäa und r isches au heit no.


    Bibe, schö tähm!!


    D'Edith will scho wiedr ihren Sembf dazua gäa: Se moint, unsr Walnuss baum hei den Walnussfruchtfliagaschädling. Des wird fei a radikale Schädlingsbekämpfung: D'Bah lot da Baum fälla, wellerra znôh a derra Schdarkschdromleitung schdôht, dia wo d'Bah demnäggschd bei uns inschdalliert. :(

    #131Author Moi Gab (456541) 04 Sep 18, 13:21
    Comment

    An alde Walnussbaum omdoe - des isch a Send!!

    Sedde Saulaggle, sedde damesche :-(((

    #132Author manni3 (305129) 04 Sep 18, 13:44
    Comment

    Mei, dia werrat kaum a nuis Glais baua. Ônd wenn die Schdregge eleggdrefizierd wedd, isch des au it dômm. Nau fahrat wenegschdenz koine Dihsllok meah.


    Ôm da Baum isches freile schaad!


    #133Author twocents (460778) 04 Sep 18, 14:09
    Comment

    S bruuchd ja bloss a ganz a kloine Schdrecke.  

    Abr jednfalls wäez riebegr midde E-Lox, do hasch räechd, DuSenzle!

    #134Author manni3 (305129) 04 Sep 18, 16:00
    Comment

    Schenkt'r eich zom Abschied desjòhr wengischdens no ordentlich Nussa?

    #135Author Goldammer (428405) 04 Sep 18, 16:44
    Comment

    Käered die idd dr Baah? Do kudd dr Ludz Richard bersehnlech zom Klaube vorbei ;-(

    #136Author manni3 (305129) 04 Sep 18, 18:07
    Comment

    Noi Manni, der Bomm schdôht auf unserm Glände. Den hot mei Mamme bflanzt und er isch höar ass unsr Heisle. Und Nussa hots gnuag doba. Se welleden Afang Ogdobr fälla lossa. I honn abr dia Erlaubnis, dass Fremdfirma dôdafiar auf unsr Glände dirfed no noita untrschrieba. I honn nemmlich auf mei Frôg, obse offiziell d'Erlaubnis zom Baumfälla eigholt hon, no koi Antwort griagd.

    #137Author Moi Gab (456541) 04 Sep 18, 20:53
    Comment

    Die Erlaubnis braucheze vor Gmoind, odr vom Landradzamd?

    #138Author manni3 (305129) 04 Sep 18, 21:19
    Comment

    Däa scheene Baam ... nää, nää, nää ...

    :-(

    #139Author no me bré (700807) 04 Sep 18, 21:23
    Comment

    Auf dr Zugschbitz werd dr Krane abbaut.

    #140Author bluesky (236159) 05 Sep 18, 10:57
    Comment

    Liebe Giede, was drugget sich denn dò fir Menschamenga rom! Dò ben-e grad froh, dass i dò et doba ben. Abber a schees Wedderle hent se scho.

    #141Author Goldammer (428405) 05 Sep 18, 11:45
    Comment

    Was moinsch, was die jedz Jaohr fier an Aufwand dreibed, dasse all raagfallene Schdoibrocke mea neibeddoniered in die Zugschbidzwend!! Alles bloss zom laufnde Erhald vo däer Bausubschdanz. Do hanze scho eggschdra a nuje Baah baue mieße, dasse des ganz Zugschbitzbrojeckd oo rechned ond idd bloss de bairesche Schdaazhaushald belaschded. Weil vor EUh geiz do koine Geldr idd!! Des isch a innrbairesche Aagläeghaid, oo wenn die maischde Durischde gar koi bairesche Schdaazaakäerege send, sondrn Wieddebäergar, Saxe ond Kinese!

    #142Author manni3 (305129) 05 Sep 18, 12:16
    Comment

    (Wirdaberger, Sagsa on Kinesa...was sen des denn fir furchbare Leit.....dass dia dò ieberhaupt nuf dirfet uf den urbaerischa Berg...abber was macht mr et älles, dass Geld reikommt...)

    #143Author Goldammer (428405) 05 Sep 18, 12:22
    Comment

    Oh, wia nett! I bin a Wirdabergerre :(

    #144Author Moi Gab (456541) 05 Sep 18, 13:09
    Comment

    Und scho ischer weg. Heier gohts wirklich egschdrem zua aufm Gipfl.

    #145Author bluesky (236159) 05 Sep 18, 14:18
    Comment

    Emmerle, a Driddl vom "urbairscha Berg" gheert auf Eeschdreich nomm. Dau isch dann vollz gleich, ob no a baar Schwauba ônd Kineesa ommananddabbat ...


    Heammale, heit isch dr erschde scheane Daag nauchra Wuch reangala. Dau werat scho eddliche gwaddat hau, dass-d se nauffahra kennat.

    #146Author twocents (460778) 05 Sep 18, 15:22
    Comment

    Do    geiz an kuuze Ardickl, wie weldoffe scho die alde Alemanne gwe send:

    ... zeigen die Bestatteten unterschiedliche genetische Herkunftsmuster, die Wurzeln im mediterranen bzw. nordeuropäischen Raum andeuten. "Diese Ergebnisse belegen bemerkenswerte überregionale Kontakte",

    #147Author manni3 (305129) 07 Sep 18, 17:55
    Comment

    Des isch goch nix Neis: https://www.sueddeutsche.de/wissen/archaeolog...


    Bloß der Typ mit seiner "durchrassten Gesellschaft" war z'bled drzua ond seine Nachfolger au.

    #148Author bluesky (236159) 07 Sep 18, 18:24
    Comment

    Schbannend, manni! Danke fir den Link.

    Dr Dengs on i sen ab morga bis Donnerschdag nägschwoch en dr Schweiz en dr Indernetwieschde. D' Fewo hòt koi Indernet on iebers Hendi isches so deier, dass-e's bloß em Notfall nemma dät. Velleicht komm-e amòl an-a koschdaloses Weelan, aber ansonschden ben-e abgschnidda. Wurd endressant fir en Indernetdschangie wie mi.

    Am Mondag schbreng-e ieber Grindlwald em Tandem-Skaidaif ausm Hubschrauber raus. Han-e vom Jonga zom Sechzigschda griagt.


    #149Author Goldammer (428405) 07 Sep 18, 18:25
    Comment

    Des isch scho ebbs Nuis, Hemele, weils in deim Ardickl dorom gohd: zwischen später Steinzeit und früher Bronzezeit analysiert. Unterwegs zu sein, war zwischen 2500 und 1650 vor Christus kein singulärer Trend.

    Ond im Ardickl vo 147 om Zeit zwischen 590 und 630 nach Christus stammen, und konnten dadurch unter anderem neue Erkenntnisse über Gesellschaftsstrukturen im Frühmittelalter gewinnen

    ... so an die dreidaused Johr schbädr hald, gell ;-)



    Emmrle, i druck dr dDaume, dass die Enzuxerscheinonga idd gar a soo schmäezhafd ausfalled :-))

    Däe Tandem-Skaidaif ussm Hubschraubar raus wäed sichr a ganz a oovrgäeßlechs Abmdeier! Geniiiiiße ess :-))

    #150Author manni3 (305129) 07 Sep 18, 19:36
    Comment

    Wauwiiiii ! Viel Schbaß, Vegale!

    #151Author Moi Gab (456541) 07 Sep 18, 21:50
    Comment

    Samsdaxreame scho druff?


    Zue nam Tandem-Skaidaif ussm Hubschraubar raus haonis idd brochd, bloss zuen am Bandschischbrong von am hoeche Krane ibr dr Olimbiaregaddaschdrecke. Isch oo schea gwe, bloss viiiil zkuuz ;-)

    #152Author manni3 (305129) 08 Sep 18, 12:46
    Comment

    Abr Manni, der Gummi muaß doch kierzer sei. Sonsch hauschdr doch da Melle a! I honn garid gwisst, dass sVegale und du so Däardewls sin. Poah, bin schbrachlos! Chappo!


    I honn heit wieder da Pfendr beschdiega, abr ich glaub id, dasses in da Zitdig kommt. Und sMissi und dKäble hommer au id gwingkt.


    So, und jetzt genn da Schose und i aufs Bähnlefeschd nôch Tettnang. Siejuuuuuuuuuuuuu ......

    #153Author Moi Gab (456541) 09 Sep 18, 11:29
    Comment

    I bêe heit wieder zÔlm bei mêira schwäbischa Friseerin gwêah. Beim Schwätza isch rauskomma, dass-d se morga bei ra andra Árbat zwoi Nuie kriagt zôm Êilerna. Irgendwann hat se gmoint "Hoffendlich dogglat dia it bloß ommamand!"

    I hau ans Emmerle denkt, ônd schbätr isch mr êigfalla, dass-d mei Vaddr "ômmananddôigla" gsagt hat ...

    #154Author twocents (460778) 10 Sep 18, 19:56
    Comment

    I haos amohle fiers näggschd Wäedrbuechabbdeid voergmerkd. Wies Maisle scho gschrihbe kedd hadd, isch des im eschdleche Schwobelendle so ebbs wie ommananddriele.

    #155Author manni3 (305129) 10 Sep 18, 21:04
    Comment

    Ond däe, wo dees dued, isch a Drielar ;-)

    Driele isch abr normalarweis ond ganz ooh-meddaforesch, wenn oim Zubbe ussm Maul drobfned odr dSchbugge.

    Dr Dudn, däe wos ja allad a bissle mäehr mibbm Norddeidsche hadd, hadd sabbern, ugs.

    Wie haißba dees aingdle uff Hoechdeidsch??

    #156Author manni3 (305129) 11 Sep 18, 20:40
    Comment

    Driele isch ooh-medaforisch kleckern ond medaforisch trödeln.



    Mir hod amol oinr en Rondflug ema kloina Fliagr schenga wella. Där hod ganz bled guggad, als i des agloind hao, des Gscheng, weil i oogern fliag.

    #157Author costeña (589861) 14 Sep 18, 02:26
    Comment

    Grieß di, Denjale, des isch nedd, dass de du oo mea amohle reidrauschd. Des gfraibe scho saumäßeg!! Onz Schwäbesch hasch oo no idd vrläerned bei deane Nordfrihse doba :-)


    Ond wennz näggschd Mohl mea am Gaschdaig vorbeikusch, drenkebr a Kafeele middand, gell? :-))


    Kleckern isch abr oo mibbm Leffl meglech uffm Wäeg vor Subbeschissl zom Mond. Driele isch bloss drobfne ussm Mond, odr?

    #158Author manni3 (305129) 14 Sep 18, 11:43
    Comment

    I ben widdr dò.

    Dr Skaidaif war õbeschreiblich. Eigentlich isch dr Mensch fir so ebbes et vorgsäha. Mr kã des gar-et recht vrzehla wia des gwä isch. I han en subber tolla Tandempartner ghett, der hòt mi sauguat begleidet on au vorbereidet, on so han i des dodal genießa kenna. Vo de erschde Sekonda vom Fall fehltmr leider de bildlich Erinnerong - d' Eigernordwand isch oifach zschnell vorbeigrauscht.

    I ben no dr ganze Dag wia entrickt gwä, gar-ed richdich uf dr Welt. Am Òbed hen dr Dengs on i en Saxeten (deet hemmer gwohnt) no an langa Schbaziergang ieber d' Almwiesa gmacht, dò ben-e nò widder ufm Erdboda glandet, mental.

    #159Author Goldammer (428405) 14 Sep 18, 12:13
    Comment

    S'Vegale isch gfloga! Isch des id sche! I glaub, i dät aumôl gern fliaga (id immr auf dSchnorra, in hehare Sfära!).


    Bei eis im Gärtle, zLangaarga, schbaziert a glois, vorwiegnd weißes, ziarlichs Vegale rum. Honns scho a baarmôl gsäa und heit scho wieder im Nussbomm. I kas garid richdig zuaordna. Ersch honne gmoint, skennd a Bachschdelzle sei, abr dodafiar isches zgloi? Hmm. Manni, magsch idamôle komma unz identifiziara?


    Unsr großa Bua isch seit geschd zGloddrtal in da Kuar. I hoff, er kommt middarra gsunda Seel wiedr zrugg. O Leitla, i kennt heila.


    Schee, dasses Koschdennjale wiedramôle bei uns reigluaged hot!

    #160Author Moi Gab (456541) 14 Sep 18, 14:25
    Comment

    Wenner a Kur griagt, isch doch schoml guat. Nò ischr erscht mòl guat vrsorgt on mr hilft em drbei, widder a Fädele zom Weidermacha zom fenda. Isch abber sicher mit dr Kur et glei widder perfegt guat, Gäbele, a Säälakur braucht lenger, Geduld Geduld!


    Weiß on gloiner wia a Bachschdelzle...grübel...erschmòl so glei uf nix komm.....kã'sch amòl dr Foddo bereitlega on velleicht vrwischeschs? Oder sag mr no a weng maih was außer weiß no gsäh hòsch...broids odder schbitzichs Schnäbele? Kurz oder langs Schwenzle? Laufts ufm Boda rom odder hubfds en de Bisch rom?

    #161Author Goldammer (428405) 14 Sep 18, 18:07
    Comment

    Lange Fiaßla, moine hots. S'isch vorwiegend weiß. Zwoimôl honnes in da Wiesa gsäa und heit aufem Nußbaum. Abr s'isch zschnell fudd, ass dasse gnaus aluaga kennt.


    re Bua: I woiß, Vegale, i woiß



    #162Author Moi Gab (456541) 14 Sep 18, 21:52
    Comment

    Mei Gäbele, du machsch ebbs midd! Dier brauched baid a Säelekur. I druck ui dDaume!

    #163Author manni3 (305129) 15 Sep 18, 12:57
    Comment

    ädd: Lange Fiaßla, moine hots. S'isch vorwiegend weiß. So ois?  

    #164Author manni3 (305129) 15 Sep 18, 23:23
    Comment

    Manni, wenn des Vieh a Veegale isch, wasisch dann a ausgwaxnr Voogl?



    Gäbale, i druggDeim Bua alle boide Dauma ganz fescht ônd winsch-em allz Guate!

    I bêe iebrigenz näggschd Woch pferleicht zwoi odr drei Dääg am See - kâa ma no nêi ens Wassr?

    #165Author twocents (460778) 16 Sep 18, 19:21
    Comment

    I hab amòl e meim Voglbuch rombläddert ob i ebbes fend, was en Fròg kommt. Weil em manni seira Schdorchhibbothese kã i et wirglich viel abgwinna....

    Hòsch du a Voglbuch, Gäbele? Susch muasch halt velleicht d' Dande Senz...ehm, d' Dande Wiki fròga.

    D' Gardagrasmücke (Sylvia borin) isch zwòr et weiß, aber hell am Beichle.

    Schwanzmeisla (Aegithalos caudatus) sen au weiß am Bauch, abber ufm Buggl donkl, on se hen a langs Schwenzle on kurze Fiaß on laufet glaub i au et ufm Boda rom.

    Gardabaumlaifer (Certhia brachydactyla) isch am Bauch au weiß on lauft tibbischerweis em Grais am Baumschdamm ruf ond na.

    On velleicht guggsch au doch noml a Bild voma Bachschdelzle ã - velleicht hòsch se graißer in Erinnerong als wia dass se sen.

    #166Author Goldammer (428405) 16 Sep 18, 20:12
    Comment

    Dankschee, frs Vegalesuacha. I glaub s'isch des Gardagrasmückle. A Voglbuach honne kois, abr soan Kalendr - dersch bloß zDonau.


    Senzle, ganz glar kamma no in da See nei! Wo wärschen gnau?


    Am Sonndig, beim Pfendrnaufgräbsla, hottmr da Josef an Ausdruck beibrôcht, wone noita kennt honn: It luck lau! Kennader des au?


    Jo, und schdelled eich vor: Am Samschdig isch da Schose siebzge worra!! Mr henn abr bloß midde Kinder, Engklkinder, Neffe und Neffakindr gfeieret. Zonn hot gschiena, schee wars, wa wellamer meh!


    Leitla, i dät eich gern wiedramôle säa mega.

    #167Author Moi Gab (456541) 17 Sep 18, 21:15
    Comment

    It luck lau! Kennader des au? - Ja du bisch gued!! Was moinsch, was däe ledschd Sadz seid oogfäehr zeje Johr in meim OP bedeided???


    Ich fiihle mich doddahl oovrschdande vo dier - buhuu 😢


    #168Author manni3 (305129) 17 Sep 18, 22:18
    Comment

    Duschdem Schooße Graddulladsjone ausrischde !

    #169Author no me bré (700807) 17 Sep 18, 23:14
    Comment

    Oooooooo Manni, mon Scherrii, it luck lau hoißt "nicht aufgeben", "nicht den Mut verlieren". Tschuldigung, i honn des nia so mit "Land id lugg" in Vrbindung brôcht. Bin halt doch a wengle bleed :(( *heul*


    Okai, Brelele, wird ausgricht :)

    #170Author Moi Gab (456541) 18 Sep 18, 13:42
    Comment

    Amm Sonndäg hent d'Hund im Freibad z'Augschburg pritschla derfa onder dem Moddo Bellos Batschlach. Kennat ihr des Wort Batschlach au oder isch des a schbezifisch Augschburgisches?

    #171Author bluesky (236159) 18 Sep 18, 14:12
    Comment

    Gäbele, land idd lugg isch sGleiche: Lasst nicht locker. I moi, mier häbed scho amohl voer langar Zeid (voer achd Johr!!) dribr gschbroche, weil des vihl idd kennd hand. Siehe auch: oiseviezgeschz Schnierle - #18

    S isch scheinz Allgaiaresch midd ar sondrbare Konjegazjioo: i lass, du lasch, äer ladd, mier land, dier land, se land, a hadd glao. Muesch dr zwengs deam koin Kobf idd mache - bessr schbäd als garidd: Lass idd lugg! :-))


    Hemele, i kenn Batschlach idd. I waiß abr, was a Lache isch. Als Kend hammr gäere in de Drecklacha gschbield ond Bächla baud ;-)

    #172Author manni3 (305129) 18 Sep 18, 18:27
    Comment

    Batschlach kenn-e au it, Dregglach scho. Ônd Soichlach (Soichlach fiehra).

    #173Author twocents (460778) 18 Sep 18, 18:59
    Comment

    Bei oos hat des Miischtlach fiahra ghoißa.

    #174Author Selima (107) 18 Sep 18, 19:20
    Comment

    Was haißd fiehra? Ussm Schdahl uffs Feld?


    Des was im Schdahl ondr de Kieh isch, ischs Gschähl, ond in deam isch bBschidde. Midd däer duebas Feld bschidde. Onz Frankreich geiz a Limo, die haißd  Pschitt. I hao se liebr idd brobiert ;-((

    #175Author manni3 (305129) 18 Sep 18, 19:35
    Comment

    A Badschlach hoßt Badschlach weils badsch macht wemma nei hupft. Isch doch logisch!

    #176Author bluesky (236159) 18 Sep 18, 19:44
    Comment

    re #172: Jetz wo's saisch, Manni: land = lossed. Abr i honn luck und lugg nimme mitanand assoziiert. Wirr halt au alt.


    A Batschlach honne au id kennt, a Lacha abr scho.


    Un Pschitt honne als bäbbig siaß in Erinnerung, wia Fanta odr so.



    #177Author Moi Gab (456541) 18 Sep 18, 20:48
    Comment

    Batschlach kenn i au et. Drecklach oder Pfitzlach (dobblt gmobblt) scho.

    Bei ons hoißt des Mischtbrieh fiehra.

    #178Author Goldammer (428405) 19 Sep 18, 08:22
    Comment

    Bei dr Mischdbrieh fellbr a Widz ei, dean wo mei Vaddr effdr vrzelld hadd ond wona jezmohl fichdeg lache mieße hadd.


    Im Zug uff Obrschdoef isch em Wendr amohl oir dinnkokked, däe wo Schi drbeikedd hadd. Sei Gegenibr haddn gfroged, ob a scho fahre kaa odr äeschd läerned. No hadd dr sell ganz schdolz xed: Ja freile kani Schifahre. I be Breisschifahrar!

    Druff hadd dr andr gmoind: No hammr ja faschd de gleiche Beruf - i be Scheißbriehfahrar!

    #179Author manni3 (305129) 19 Sep 18, 09:48
    Comment

    Des Witzle kenn i au scho seit Kindertage on han me au emmer halba schäbs glacht. Wurd bei ons rom als Gògawitzle vo de Diebenger Gòga (Weigärtner) vrzehlt, dia wo ihre Wengert au mit Scheißbriah dingt hent seinerzeit.

    Mei Vadder hòt Schiddlreim gliebt on au selber tolle gmacht. Aus gegäbenem Ãlass isch mr kirzlich ois widder eigfalla wo-n-r gmacht hòt, vellich abschdrus aber sauglatt fend i:

    Im Säuglingsheim zu Grindelwald

    ein Kind sich an die Windel krallt,

    es will nicht nach Zermatt,

    da wird man nicht mehr satt.

    #180Author Goldammer (428405) 19 Sep 18, 11:43
    Comment

    Ahaa! Klengd glei bessr midd dr ledschde Zeile *hihi*


    Ja, do moin i doch:

    dÄdidd lääbe hoch ;-)

    

    #181Author manni3 (305129) 19 Sep 18, 15:18
    Comment

    Hä? Wele letschde Zeile?

    #182Author Goldammer (428405) 19 Sep 18, 16:21
    Comment

    Wienis s äeschde Mohl gläese hao, isch noch Zermatt nix meah komme.

    #183Author manni3 (305129) 19 Sep 18, 19:02
    Comment

    Echt? Ha des muaß an Hägger vom Leo gwä sei...i hab's gwieß ersch gschiggt wo's vollschdendich gwä isch! "Psi ischn Drägg drgega" hemmir drhoimt zo sodde Fänomehne gsagt....

    #184Author Goldammer (428405) 19 Sep 18, 19:09
    Comment

    I hao me no gwondred, weil sovil absurde Lierick* heddi deim Vaddr garidd zudraud.


    * Hocked zwai Schoof im Kino. Kudd a Ross de Middlgang ra. Schdoeßd des oi Schof des andr aa ond moind: A Ross im Kino!! Oon-err-häerrdt!!!

    #185Author manni3 (305129) 19 Sep 18, 19:19
    Comment

    Fier dWebbkämmsammlar: Do send a baar vom Ockdobrfeschd ;-)

    #186Author manni3 (305129) 22 Sep 18, 16:48
    Comment

    Mei, gòht's dò zua! Dò dur-i doch lieber mitm Dengs en trauter Zweisamkeit a Raglett essa. Des richdamr jetz.

    (Abber danke fir dia Links! I han se gschbeichert.)

    #187Author Goldammer (428405) 22 Sep 18, 18:56
    Comment

    Em Momend isch nix los. S reangeled ond a baar gand zom Schaffe.


    En ar Schdond fangd dr Omzug aa, abr huir gang i idd an dIsar naa,wo se aufschdelled. S isch jedz Johr sGleiche: an Haufe Drachdlar ond Moezdromm Geil, wo uffd Schdroß scheißed, dass die oraaschroede Dirkedrachdlar midd iehrena Keehrmaschina ebbs zdond hand. Die dond des gäere: Des send Ibrschdonda, wo räechd gued zahld wäered ;-)

    #188Author manni3 (305129) 23 Sep 18, 09:06
    Comment

    Om zehne hanze aagfange zom Marschiere - i häer die groeße Drommla bis zue mier rauf uff de Ballkaah.

    A baar vo deane Drommlar scheined Schwobe zom sei, die wo sellemohle uff des Wijeddnamm naa send, weil se so gued hand Hanoi sage kenne. Se schbihled dean alde Gassehauar Ho-Ho-HoDschiMinn ;-)

    #189Author manni3 (305129) 23 Sep 18, 10:52
    Comment

    Guddamorga, allrseiz!


    Manni, an deine "ora-schröde Dirked-Rachdlar" von #188 hanne frei scho a Weile omanandr-ibrleega miaßa ...



    Etz wensche no alle an scheana Da ond hoff, dass koim där akendiggdde Schdurm an Schada vrursacht ... da hanna fangz scho a zom Blaosa.

    #190Author schwäble (951819) 23 Sep 18, 11:05
    Comment

    I han vorhin onser Pergoalbettle (hoffentlich) schdurmfescht abdeckt. Des keet schbannend werra kommende Nacht, je nòchdem wann d' Kaltfront bei ons durchkommt....

    #191Author Goldammer (428405) 23 Sep 18, 12:02
    Comment

    Mir wär des längscht z'kalt drauße, o mit ner warma Bettdegg.


    Heit isch auf dr Wiesn wesentlich weniger los.


    Do blosts zwar a weng, abr koi Schdurm ond d'Sonn scheint.

    #192Author bluesky (236159) 23 Sep 18, 13:51
    Comment

    Bei dr Webbkämm uffm Armbruschdschidzezeld siechba lenx vom Rieserad sogar d Bäerg!

    #193Author manni3 (305129) 23 Sep 18, 14:43
    Comment

    Kald isch woere, drei Grad am Moege. Uff dr Boind haz an Reif kedd!


    Emmrle, send uire Neesschbidzla no blao ;-)

    sMaisle wäed woll hao kredze mieße ;-(

    #194Author manni3 (305129) 26 Sep 18, 09:02
    Comment

    Noe, 's war gmietlich warm em Bettle. I han ordndlich Nischdmadrial ghett: z'onderscht a Schdriggdegge (dia hòt mir mei Schweschder amòl aus Soggawollereschdla gschdriggt), drieber a Daunadegge on no a leichde Fliißdegge, om d' Schuldera no an egschdra Schal, on a Bettfläschle....dr Dengs hòt au no sei Botzich-Schdail dobblede Kapp ufghett, weil der wenicher Isoliermadrial ufm Kobf hòt wia i. Heit friah wo-n-e ufgschdanda ben hòt's zwoi Grad ghett. Reifa han i koin gsäha, abber velleicht hòt's uf dr Achl scho oin ghett, kööt guat sei.

    #195Author Goldammer (428405) 26 Sep 18, 09:43
    Comment

    I meim Bettle isches au gmietlich warm und jetz binne sogar soweit, dass dBalkoondiara nachds zuableibt, welle wäga dem Grach dussa auf da Schdroß sonsch nimme schlôfa ka. :(


    Oooo, guada Morga au no!! (wo bleibt mei Kindrschdub?)

    #196Author Moi Gab (456541) 27 Sep 18, 10:08
    Comment

    Id vergessa: Ibrmorga kommt 's Turamichele. https://www.augsburg.de/webcam/ Am untera Bild sigt mas besser.

    #197Author bluesky (236159) 27 Sep 18, 10:55
    Comment

    Dodal dode Hos bei de Schwäbla....

    Neichkeit vo ons: mir hen widder zwoi neie Kätzla. Onsere zwoi scho etwas eldere Kader sen boide an Krebs gschdorba em letschda halba Jòhr...on weil ain Läben ohne Katzen zwòr meglich abber et dees isch, hemmer ons widder zwoi herdo. An Etienne on a Mathilda. D' Mathilda isch a arg vrschdefferts Kätzle...se wohnt vorescht onderem Soffa e meim Birro. Manchmòl, wenn se moint, i dät et gugga, kommt se raus, abber schdreichla dirfa mr se no et....Dr Etienne isch a arg liabs on zugenglichs Kaderle, kommt uf dr Schaoß on schnurrt was-es Zeig helt. Den hen se em Tierheim et so guat vrmittla kenna, weil-r a weng humblt - en seira voricha Familie hòt-r sich ema kibbda Fenschder dr Fuaß neiglemmt. Nò hen sen scheints nemme wella weilr velleicht Dierarztkoschda vrursacht. Er isch genau wia d' Mathilda a Maikätzle vo dem Jóhr.

    #198Author Goldammer (428405) 01 Oct 18, 18:46
    Comment

    Miau und merci, Vegale :-)))

    #199Author Moi Gab (456541) 01 Oct 18, 20:45
    Comment

    Boschurle Scheißerla!


    Zonn scheint, dWesch hengd dussa, da Schose und i wared bei da Gribbeimpfung, da LEO ziggd.


    I ka nixme schreiba, ohne dass da Körsr umanandr juggd. :(((

    #200Author Moi Gab (456541) 02 Oct 18, 12:51
    Comment

    Gribbeimpfung - guade Idee. Des mua-n-e au ball amòl eifädla fir dr Dengs on mi.

    #201Author Goldammer (428405) 02 Oct 18, 13:59
    Comment

    I war scho. Hammer glei beim letschda Kwicka mit gmacht.

    #202Author bluesky (236159) 02 Oct 18, 15:33
    Comment

    Hemmale, was isch (a) Kwigga?

    #203Author twocents (460778) 02 Oct 18, 16:16
    Comment

    Senzle, wer woiß, womeglich moints an Quickie ;)

    #204Author Moi Gab (456541) 02 Oct 18, 16:29
    Comment

    Gäbele, Gäbele, an Kwiggie beim Onkl Doktr?


    https://de.wikipedia.org/wiki/Quick-Wert

    #205Author bluesky (236159) 02 Oct 18, 16:40
    Comment

    Asssooooooo Himmele :))))

    #206Author Moi Gab (456541) 02 Oct 18, 16:45
    Comment

    (Kobfschiddlmodus) Fr waas brauchba an Kwiggih beim Doggdr? Isch des so a halbwichdigs Zuig? (/Kobfschiddlmodus)

    #207Author twocents (460778) 02 Oct 18, 23:39
    Comment

    Noe, zwoisentle, desch scho maih wia halbwichdich; des brauchtmr wemmer wegga irgendebbes Bluatvrdinner nemma muaß. Dr Dengs hót des au emmer miaßa, abber zom Glick jetz nemme. Dò muamr halt reglmäßich dschegga ob 's Bluat denn gnuag abber au et zu denn isch.

    #208Author Goldammer (428405) 03 Oct 18, 08:41
    Comment

    I mach des allad sell. I schneid mi en Fengr ond zell, wie schnell sBlued drobfned. Zwai bis vier Drobfe bro Seckonde isch okee ;-))

    #209Author manni3 (305129) 03 Oct 18, 10:23
    Comment

    (Nommlkobfschiddlmodus) Emmerle, i sieh "Kwiggdescht" abr it als Wissa, wo a allgemein voraussedza kâa. I denk, so ebbes woiß ma bloß, wemm direggd odr indireggd bedroffa isch vom Thema - i dem Fall Tromboose.

    Ond mi nerfat halt so kribbdische Âadeitônga, zmaul wenn dann auf Nauchfraug au koi Erklärong kommt, sondern beschdememfallz a nâagroddzdr Lenk. (/Nommkobfschiddlomodus)


    Manni, nimmsch abr bloß a ganz klôis Messrle zôm En-da-Fengr-Schneida!

    Sonscht haut De's ômm ônd middam Drebbflazeehla wedds niggs meah.

    #210Author twocents (460778) 03 Oct 18, 10:55
    Comment

    Des isch en meiner Familie Allgemeinwissa, bal des Thromboserisiko bei ons endemisch isch.


    Ond mi nervt genau des Gegadoil. Wemma ells vorkaut aufm Silbertablett serviera muaß. A weng a Eigeninitiative derf scho sei, do lernt ma am meischda dabei.

    #211Author bluesky (236159) 03 Oct 18, 11:27
    Comment

    Bluesky, glaubst Du ernsthaft, irgendjemand außer Dir selbst hätte mit Deiner Angabe "beim Kwicka" sinnvoll guhgln können?


    Ich hatte lediglich auf meine Frage von #203 mehr Höflichkeit erwartet als nur einen eingeklinkten Link. Diese Erwartung war Dir gegenüber offenbar vergebens.


    #212Author twocents (460778) 03 Oct 18, 13:39
    Comment

    Wenn ich jetzt anfangen würde aufzuzählen, wie oft ich schon über Beiträge von dir den Kopf geschüttelt habe, würde ich morgen früh noch da sitzen.


    Ich nenn als Beispiel nur mal diesen hier related discussion: Der Goße Scwarze Vogel VII #207ff..


    Lassen wir es dabei, daß wir in diesem Leben keine Freunde mehr werden.

    #213Author bluesky (236159) 03 Oct 18, 14:56
    Comment

    Alles Gute Dir!

    #214Author twocents (460778) 03 Oct 18, 15:35
    Comment

    Oh Leitla! Kennetr et des Gezerfe oifach lassa?

    Zwoisentle, I han dir des erglärt, genau dòrom, weil i mir denkt han, dass du des et woisch - i ben mit dir einich, dassmr des et obedengt wissa muaß.

    Hemele, i denk des Allgemeinwissa vo deira Familie kã'sch et vrallgemeinra. On mitm erhobana pädagogischa Zoigfenger ("...dò lernt mr am meischda....") an Artigl zom vrlinka anschdatt gschwen a erleidernds Sätzle zom schreiba hòt scho a ganz glois bissle an browokanda Tatsch. Velleicht hòt es zwoisentle gar koi Zeit odder au Luscht, sich mitra Reschersche zom befassa ieber a Thema wo se velleicht gar-et endressiert? A gloine Info glei als "...älles vorkaut ufm Silbertablett serwiera..." zom bezeichna halt i fir a bissle hochgriffa.

    (zo mir: nadierlich muamr mit bedenga, dass dia zwoi offabar scho a lengere Geschichde vo gegeseidiche Schdichaleia mitnander hent, on innsoffern isches velleicht vrgäbliche Liebesmieh....abber i moin drotzdem, se miaßdet jò et obedengt enge Frainde sei, abber einichermaßa normal mitnander omganga miaßt doch ganga....zo mir/aus)

    #215Author Goldammer (428405) 03 Oct 18, 16:03
    Comment

    Oh Manno, i hon mit meim Quickie doch bloß a Schbässle macha wella. I honns au id peilt kett, wa sHimmele mit Kwicka gmoint kett hot. Dun id schdreita, bidde. Des machtme bloß draurig. Bin eh id guad drauf und wenner eich id vrdraged, no ziahtme des bloßno meh nab.


    Wa wird eigendlich aus unsrem Schwäbledreffa. Henner koin Bock drauf? I vrmiss eich.

    #216Author Moi Gab (456541) 03 Oct 18, 20:25
    Comment

    I hedd no Bogg!

    #217Author Miss Anthropy (700297) 03 Oct 18, 21:46
    Comment

    Wass esses doo loos ? Nää, nää, nää ...


    Eh neijes Dräffe dääd misch schonn freije ... wänn nua dii eeländisch lang Faararei nedd wäa ...

    #218Author no me bré (700807) 03 Oct 18, 21:59
    Comment

    Missi, ailaffju

    #219Author Moi Gab (456541) 04 Oct 18, 10:18
    Comment

    Was haldeder voma Dreffa bei mir? I dät eich au bekocha on an Heffezobf bagga. On a Schdadtfiehrong en Reitlenga odder a Schbaziergengle uf d' Achl ãbieda. Ama Samschdich Ende Ogdober odder em Nofember. I miaßt em Kalender gugga, wann's geengt.

    (zo mier: oiner muaß jò dò amòl an Gnobf nãmacha, susch wurd des nix maih!)

    #220Author Goldammer (428405) 05 Oct 18, 09:22
    Comment

    Emmerle, danggschea fr Dei Innizjahdiife! A Schwaubadreff wär wirkle widr amôle schêa!


    I hau grad em Kalendr guggt, dr erschde Nofembr isch a Donnrschdaag. En dera Woch send Schualferien z Badda-Wirttaberg ônd zBayern.

    Ônd wenn's it Reitlenga isch, kenndat mr ons au zMemmenga odr zUlm dreffa. Boides isch

    #221Author twocents (460778) 05 Oct 18, 10:43
    Comment

    Der gòht bei mir leider et.

    Bei mir geengt dr 17. oder 24. November odder dr 1. odder 8. Dezember.

    Velleicht isches besser wenn-e per Imähl romfròg. Mach-e schbäder.


    (I fròg me emmer no, was Ulm on Memminga boides isch.....)

    #222Author Goldammer (428405) 05 Oct 18, 10:49
    Comment

    ... einigrmaaßa en dr Midde vo de Schwauba-Leos. Odr mir faahrat alle zom Brele. Des wär dann abr scho a greaßra Rantsch.


    D'Eddid moit om fembfnauchvierdldrui, das-d se seit a baar Dääg Brobleme middr Lesezoicha-Lischde hett. Oinzlne Schbbaga (Schbääga?) vrschwendat oifach emmr wiedr aus dr Lischde. Bei de moischde wär's it arg, abr bei de Schwauba scho!

    D'Eddid moint nommol, dass-d se dr Märtl kimmra däät.

    #223Author twocents (460778) 05 Oct 18, 10:57
    Comment

    Guat! Bei mir vrschwendet dr Schwòbafada au emmer wieder. I han bisher emmer denkt, velleicht mach i ebbes falsch.... hòsch du dr Mertl nichteffendlich druf ãgsetzt?


    D' Edith moint om kurz vor viere, jetz wär's grad schowidder bassiert, on jetz han-e's doch em Beschwerdefädale no neigschrieba.

    #224Author Goldammer (428405) 05 Oct 18, 15:24
    Comment

    Emmerle, in wellem Fada hasch Di beschwert?

    Dr Bubb hat an oigana Schbaaga zweggs de Buckmarks ereffnet.


    D'Eddid hat grad a baar Dippfeahlr ausbessrat ond vrzeehlt, dass-d se en dr Lesezoichalischde alle Feeda auf Ih-Mäil-Benachrichdigông gsetzt hett. Drfier brauchba bloß bei jedem Faada en dr Lischde rechds des kloine (I) aagligga, dan wedds a Briafomschlaag.

    Aso vrschwendat wenegschdenz dia markierte Schbääga nemme. Dr Ih-Mäil-Ordnr muaß se dann halt efdr leera.

    #225Author twocents (460778) 05 Oct 18, 19:47
    Comment

    Ach i han's bei Kurze Onderbrächong gschrieba ghett. Abber dui Zwischalesong mit Mäl isch brauchbar. Dangge.

    #226Author Goldammer (428405) 05 Oct 18, 23:06
    Comment

    Also ich finde die Idee, uns beim Vögele zu treffen, ganz gut, weil ich weiß, dass es ganz gut kochen kann. ;-)

    Unter der Woche in den Herbstferien gängat bei mir, da ich Urlaub hab und gleichzeitig die Kälber los bin (:-o), ansonsten wäre ich bei den genannten Terminen für den 17. Nov oder den 1. Dez.

    #227Author Miss Anthropy (700297) 06 Oct 18, 20:44
    Comment

    I schigg amòl a Umfròg per Mäl. I han d' Mäl vo dene vo eich (hoffentlich älle gildich - wer's et griagt, bidde melda!!) :

    Gäbele

    manni

    Missi

    Amoisle

    zwoisentle

    hemele

    breele.

    Em Schwäble dät i a Pe-em schigga. Fir's Eimimimile isch d'Ãreis vrmutlich zweit, zmòl dui sich neierdings Mutterbflichten widmet. Fehlt ebber?

    #228Author Goldammer (428405) 06 Oct 18, 21:16
    Comment

    sEssdedruile

    #229Author manni3 (305129) 06 Oct 18, 21:31
    Comment

    Sehr guade Idee!

    #230Author Goldammer (428405) 06 Oct 18, 21:35
    Comment

    ... unn's Arjuni ...

    #231Author no me bré (700807) 06 Oct 18, 21:37
    Comment

    sSchdiggle, sDorisle, sKarenkle, dSchweizr?

    Dau isch nomml dKarte vô de Schwauba 

    Emmerle, Du entscheidesch, wiafl Leit Da drbêiau mechdescht. Du hasch ja ammend a zGschiss zGschäft:-).

    #232Author twocents (460778) 06 Oct 18, 21:39
    Comment

    Hob i wos vo Muddapflichde kehrt?! :-o

    #233Author Miss Anthropy (700297) 06 Oct 18, 21:41
    Comment

    Mechdesch dKelbr eggsbordiera? :-))

    #234Author twocents (460778) 06 Oct 18, 21:43
    Comment

    Em Grossouwer dieba schdandet di letschde Njuus vom Eimimimile: se hòt neierdengs a Bflägedechderle.

    #235Author Goldammer (428405) 06 Oct 18, 22:07
    Comment

    Vögele, gestern habe ich noch im Grossouwer gestöbert und deine Geschichte über deinen Tändem-Dschamp entdeckt. Ich kann nur sagen: WOW!!! Hut ab und toll, dass du so von der Erlebnis berichtet hast. :-)

    #236Author Miss Anthropy (700297) 07 Oct 18, 19:51
    Comment

    Ja, des Ufsätzle gfellt mr selber recht guat, om des amòl en aller Bescheidaheit zom saga....

    Danke fir dia Bloama!

    #237Author Goldammer (428405) 07 Oct 18, 21:31
    Comment

    Ädd Numma 229 : ßSchdiggelsche unn ßCo-Schdiggelsche däafe ma nedd fagässe !

    #238Author no me bré (700807) 09 Oct 18, 11:56
    Comment

    Bréle, gugg in #232! :-)

    #239Author twocents (460778) 09 Oct 18, 12:16
    Comment

    Och ... dass hoddisch doch gladd iwwasiin ... waascheinds weil de Lejo imma soo off de Sääd erommschbrenge duud, wamma wass lääse well ...


    Was machd eischendlisch es Fläggelsche, woo dreibd sisch dass bloos eromm ?

    #240Author no me bré (700807) 09 Oct 18, 12:35
    Comment

    Griaaßzeich middanand!


    Nachdeams am Hendi nemme fungzionierdd, da henna bei uich ebbes zom Schreiba, binne etz am PC.

    Em Emmerle hanni aufd PM ganddworddadd: Schwaobadräffa wär nedd, wenns terminlich nahaudd, wäri drbei.

    Scheane Griaßla .... saus weiddr

    #241Author schwäble (951819) 09 Oct 18, 12:53
    Comment

    's Fleggle han i iebers Xichtsbuch ãgschrieba, 's hòt sich abber no et griehrt. Isch deet glaub au net bsonders agdiv.

    #242Author Goldammer (428405) 09 Oct 18, 14:42
    Comment

    sSchdickle hadd do deana mea amohle a Gschichzleckzjoo erdaild. Saubr!!

    I haonen globd :-)

    #243Author manni3 (305129) 11 Oct 18, 16:27
    Comment

    :-DDD

    #244Author Goldammer (428405) 11 Oct 18, 17:07
    Comment

    Bulletäng zor Blanong vo dem Schwòbadreffa.

    Also, a baar kennet gar-et odder egal an weele Termin eher mit Frògezeicha odder schbontan kurz entschlossa.

    Abber bei dene dia wo kennet on gern kommet gibt's an eideidicha Faworitt: dr 17. November.

    Deshalb zurr i den jetzt oifach amòl fescht.

    Schad isch, dass der Termin dr oizig isch, wo 's Schdiggle et kã - abber an älle andere Termin kennet insgesamt wenicher als am siebzehnda. On somit isch des zwòr schad abber et zom endra.


    Also, es Dreffa isch am Samschdich siebzehnda November


    So, on als nägschds missamer jetzt no dr Ort feschtlega. I dät gern a Moinong vo eich drzua eihola, on zwòr wärs mir am liebschda wenn sich älle glar eißera dädet: Lieber Reitlenga, lieber Ulm (a Kollisjo mitm Weihnachtsmargt gibt's an onserem Dadum jò nò et) odder als dridde Meglichkeit: mir isch es vellich egal. "I kööt mr boides denka abber mit ra leichda Bräferenz zo....." bidde et. I dät nò aus eire Schdeidments oifach schdadischdisch ermittla weelen Ort mr nemmet.


    Also bidde ich om eire Woten - velleicht am beschda per Pe-eM oder Mäl, on i mach nò d' Schdadischdich.

    #245Author Goldammer (428405) 11 Oct 18, 22:00
    Comment

    Bitte om no meh Wohten wega dr Lokeischn. Aus n=3 lesst sich momendan a Bräferenz fir Ulm abläsa, abber desch schdadischdisch no et wirglich belaschbar.


    's Fleggle hòt sich gmeldet, lesst allgemein grießen, abber es isch arg bissi on kã leider et komma.

    #246Author Goldammer (428405) 12 Oct 18, 16:36
    Comment

    Hen dia au a Idee, wo ma se treffa ka? Koi Wirt hots gern wmma schdundelang in seiner Gastschtub hoggt.

    #247Author bluesky (236159) 12 Oct 18, 17:31
    Comment

    Falls sich Ulm rausgrischdallisiert, mach i mi (hoffendlich mit Onderschditzong vom zwoisentle) an d' Feinblanong. Mir brauchet jò et schdondalang an oim Blatz romhogga, oder?

    Des griega mr scho nã, hemele. Wie wär denn dei Wohtum?

    #248Author Goldammer (428405) 12 Oct 18, 18:28
    Comment

    Ulm ? Dass ess joo noch weidda wägg ...

    #249Author no me bré (700807) 12 Oct 18, 18:41
    Comment

    Derf i des als Schdimme fir Reitlenga vrbucha?

    #250Author Goldammer (428405) 12 Oct 18, 22:13
    Comment

    Dass wäa mia off jeede Fall liiwa ... unn doad waa isch bishäa noch nedd ...

    :-)

    #251Author no me bré (700807) 12 Oct 18, 22:17
    Comment

    Guede Moege an am ganz ond gar wolkelose Samschtaxmoege wensch i ui all ond dond de Wuchenendreame nauf: Nochm Eikoofsschdress in de riebege Reschd wexle :-)



    Bréle ädd noch weidda wägg - wex deane achzg Killemeddrla ...

    #252Author manni3 (305129) 13 Oct 18, 09:11
    Comment

    Doo ess aach scheenschda Sonneschein ! :-)



    manni, no säggs, siwwe Schdonne Faararei binnisch omm jeeda äänselne Killomeeda froo, woos nemmeh weida ess ...

    #253Author no me bré (700807) 13 Oct 18, 11:47
    Comment

    Vegale, Dschuldigung, dasseme so rar mach, abr i bin underema kehriga Zeitdruck. Hosch bitte au ans Arjuni dengkt ?

    #254Author Moi Gab (456541) 14 Oct 18, 22:21
    Comment

    Han-e, ja, hòt sich abber bisher et griehrt.

    'd Edith moint, du häbsch a Pe-eM

    #255Author Goldammer (428405) 14 Oct 18, 23:03
    Comment

    Bréle, middr Eisebâah daurats bloß drei Schdônd. Ônd wenn Da it grad a Drei-Liddr-Autole hasch, isch d Faahrkart au it deirer wi der Schbritt.

    #256Author twocents (460778) 15 Oct 18, 18:05
    Comment

    Also dui Bräferenz fir Ulm isch inzwischa sehr deitlich.

    Also dädamr ons deet dreffa, on 's zwoisentle on i denket ons a Brogremmle aus, wo mr a bissle ebbes vo Ulm sähet on au et vrhongeret on au Zeit zom Ratscha heddet.



    #257Author Goldammer (428405) 15 Oct 18, 18:24
    Comment

    Des machamr, Emmerle! I gfrai me scho aufs Dreffa!

    #258Author twocents (460778) 15 Oct 18, 18:31
    Comment

    Bréle, lueg amohl ins Aagebohd vor Bah, mancke Zihg send ganz billeg ond drodzdeam schnell. Oin haoni dier als PM gschickd.

    #259Author manni3 (305129) 15 Oct 18, 21:08
    Comment

    Danngescheen, manni

    #260Author no me bré (700807) 15 Oct 18, 21:23
    Comment

    Juhuu, es ßdedruile hòt sich gmeldet.

    Es hòt dr Termin mit Bleischdift en Kalener eitraga on kommt uf Ulm wennem nix maih drzwischakommt.

    Es lesst schoml allgemein in die Runde grießa.

    #261Author Goldammer (428405) 15 Oct 18, 22:02
    Comment

    Hallo Leiddla,

    i ka emmr no nedd auf dr Hendi-Äbb da hanna nei an Beidrag schreiba :-(


    related discussion: Antworten ist nicht möglich. - #6


    - dromm a Bidde vomir an alle, wo ao d LEO-Äbb aufem Hendi hand: dädad Ihr bidde mal gugga ond berichdda, ob des bei ui ao edd glabbdd.

    Z Komische isch, dasse en andre Fäda scho schreiba ka, abr eaba nedd dahanna nei.


    Scheane Griaßla vom PC schiggdd ui z schwäble :-)

    #262Author schwäble (951819) 19 Oct 18, 14:43
    Comment

    Also dieser hochwerdiche inhaltsschwere Beidrag isch vo dr Hendi-Äbb aus vrfasst.


    D' Edith moint vom PeCe aus, wie du siehsch häbs glabbt.


    I erinner me dass manchmòl manche Leit scho Brobleme ghett hent mitm Abschigga wenn a Fada scho zemlich lang isch. Moinsch des keets sei? Velleicht hòsch koin so guade Empfang ufm Hendi on 's dauret oifach zlang dia zwoihonderdondreiasechzg Beidräg razomnudla.

    Odder sen dia andere Fäda au so lang on dädet em Brenzip scho an gewissa Hibblfagdor erfordera?

    (manni, siehsch du den Zaunbfahl mid dem wo i winke?)


    #263Author Goldammer (428405) 19 Oct 18, 14:49
    Comment

    Emmrle, etz hanni grad en #1 vom nuia Fada gschriiba, da brauchsch nemme wengga ;-)


    ond emma Zeelfada em Gwasslzemmr hanne grad en dNommr 236 geschriiba, da haz ao glabbdd ... etz woiße ao nemme, an was des midd deam Fada dahanna liiga ka ...

    #264Author schwäble (951819) 19 Oct 18, 15:03
    Comment

    Wao!

    Jetzt hòt dr Fadababba abber amòl reacht Zau rausglassa!!

    #265Author Goldammer (428405) 20 Oct 18, 10:58
    Comment

    Wo'r rächdd hadd, haddr rächdd!


    :-)

    #266Author schwäble (951819) 20 Oct 18, 14:32
    Comment

    *Biiep*

    #267Author karink (659752) 23 Oct 18, 22:45
    Comment

    Des isch jebmfalls mäehr als garnix ond gfraibbe oo 😄

    #268Author manni3 (305129) 24 Oct 18, 11:28
    Comment

    Ui, 's karinkle hot se gmeldet.

    #269Author bluesky (236159) 24 Oct 18, 11:30
    Comment

    ...und schient's hon's alle mit dr Angschd kriagd vom "Biiep"....

    *Biiep biiep*

    #270Author karink (659752) 27 Oct 18, 11:09
    Comment

    Was widd du eis drmidd sage? Hoffndle idd, dass du uffm ledschde Loch blosesch. Des isch ja uff dr Flede dr häechschd Too. S f⁴ kudd deam biiep am näggschde, odr?

    #271Author manni3 (305129) 27 Oct 18, 11:42
    Comment

    I hau gescht ebbrn ganz bsondrs bsuacht: Da Urvattr vo älle Jakob-Fischer-Baim. Dear isch scho hondrtfuchzeah Johr alt. Am Baum hammr an gloina Bua droffa, dear os gfrogat hot, was daßmr oos suachat. Da Jakob-Fischr-Baum bsuachmr, hammr gsät. Nochd hottr ganz draureg guggt ond gsät: Deam gaz ganz schleacht. So guggdr oo aus. Alzo, wern no seacha mag, dear soddn bald bsuacha.

    #272Author Selima (107) 27 Oct 18, 11:58
    Comment

    I hao grad beim Wickipedalesiere xäeche, dass däe Ebfl oo Schöner vom Oberland haißd. Vileichd sobba de Baom no schnell omdaufe uff Alter vom Oberland ;-)


    Ond no a Kobbih ibrs Aldar vo Ebflbeim (midd freindlichen Grißen and ẞ-Schreibar ond Schreibarna):

    Große Bäume auf schwächeren Unterlagen -- Dreiviertelstamm, Hochstamm

    60 bis 80 Jahre, Außnahmen bis 100 Jahre

    Große Bäume auf stärkeren Unterlagen -- Dreiviertelstamm, Hochstamm

    80 bis 120 Jahre, Außnahmen bis 150 Jahre, in seltenen Fällen bis 200 Jahre

    Der wahrscheinlich älteste (Wild) Apfelbaum Deutschlands steht in Stubbendorf bei Sanitz

    450 Jahre

    #273Author manni3 (305129) 27 Oct 18, 13:56
    Comment

    Re .... Hoffndle idd, dass du uffm ledschde Loch blosesch....

    Na, ehner usm ledschta Loch, aber des war's net, was i hon säga wella, sondrn dass i mit mim *Biiep* äuch viellichd davogjagd schdatt aglockd hon.

    S' f4, na, des wär viiel z'hoch, s'Biiep war eher a tüf agsedzdes erschöbfts b2 uf dim Bassklarinettle.


    Vô dem Öpflbom hon i no nia was ghört, isch des a alte Sorta, a Rarität und hot drum scho Kulturerbeschdatus, oh well man bsuacha ka ?


    #274Author karink (659752) 27 Oct 18, 14:25
    Comment

    Kennsch Du da Jakob-Fischer-Abfl idd? Desch oir vo de beschde Äbfl iebrhauptz: s Floisch schneaweiß ond d'Haut dongklroad, schmeggt aagneahm frisch-sairlech ond isch schea groaß. Isch halt koi Lagrabfl. Dean muamr bfligga, bevorer rafällt ond glei essa. Bei oos nimbtmrn gera alz Ondlag, wall'r so schdarkwigsig isch ond so widrschdandsfeheg. Kommt schliaßleg ausm Obrland - gell, manne? Des baßt doch auf de Obrländr allgemein ;-)


    Dr Urbaum, bei deamr oos warat gescht, isch iebrigenz a offizjellz Nadurdenkmal.

    #275Author Selima (107) 27 Oct 18, 16:21
    Comment

    als Ondlag ? Anlage ?

    Also doch so eppas wia a schwöbisches Kulturerbe...na, den hon i net kennt, es sei denn er hätt's net unter dem Nama bis ins (allemannische) Öschdraichische gschaffd, well obdisch kunntr mr bekannt vor. I mag am liabschta dr Boskop(f) Öpfl, der schmeckd oh so fein säuerlich, aber leider gits net all Johr Frücht ofm Bom vo mim Eltrahuus.

    #276Author karink (659752) 27 Oct 18, 18:10
    Comment

    Ondrrrrrrlag, Karenkle ;-)


    Schdarkwigsig ond so widrschdandsfeheg schemmd, Maisle! S isch ja no faschd Allgai ;-)

    #277Author manni3 (305129) 27 Oct 18, 19:04
    Comment

    Untrlag ? für was ? im Kondegscht vom Ässa ?


    d'Edith hätte no a Bitte an di Manni:

    Könntesch Du miar amol die Übersetzung ins Dütsche aluage - I wür no halb vrruckt mit dem Satz (entwedr i vrstoh dr englische Sadz net, odr es isch ka korrekts Englisch (obwohl veröffentlicht imna "peer-reviewed journal")

    related discussion: contextual importance of ...may differ - #4

    #278Author karink (659752) 27 Oct 18, 20:37
    Comment

    Ondrlag zom Aufembde vo andre Sordda.



    Zue deim Satz kan i laidr nix sage. Des isch mr zschwäer! Vileichd die andre - sBréle, sEmmrle, sMaisle ...

    #279Author manni3 (305129) 27 Oct 18, 22:42
    Comment

    Omm wassfaare Sadds geeds dann ?

    #280Author no me bré (700807) 27 Oct 18, 23:06
    Comment

    Hoi Brelele

    um den untr 2) im OP vo dem Link in #278 :-)


    Ich a biz a komplexe Sach, diani do übersedza muess. Es goht um's (Flucht-)verhalta (getestet im sogenannta "net restraining Test") vo Fisch...

    I bin net sichr uf was sich "context" bezüht.


    #281Author karink (659752) 27 Oct 18, 23:22
    Comment

    Do guggisch moije dann noo ... heid Naachd nemmeh ...

    :-)


    ... unn : schloofen gudd allegaare unn dräämen wass Scheenes !

    #282Author no me bré (700807) 27 Oct 18, 23:27
    Comment

    Karinkle. Obschtbeim duad ma au heitzutag nor verdla, indem ma a Edelreis auf a widerstandsfähige Unterlage aufpropft.

    #283Author bluesky (236159) 27 Oct 18, 23:42
    Comment

    Bei oos, wia am Manne sei Kart reachd zoigt, hoißts belza. Abr dr Baum isch ausm "Embda"-Gebiet :-) Mei Baba isch a Moischdr em Belza. Oos hotr aufn Jakob Fischer vier andre Sorda naufbelzt. Ond vo oir Sorte (Wendrglockaabfl) haumr des Johr sogar scho Äbfl griagt.

    #284Author Selima (107) 28 Oct 18, 09:13
    Comment

    re #278

    Karinkale, ich sehe das wie du. Contextual ist hier das falsche Wort und macht für mich absolut keinen Sinn. Ich denke, dass eher so was wie relativ, in Bezug stehend, sich darauf beziehend etc. gemeint ist.


    Meine Lösung wäre also in etwa:


    Die Bedeutung/Auswirkung des auf dem „Restraining“-Test beruhenden Fluchtverhaltens ...


    Guck mal da https://journals.plos.org/plosone/article?id=... auch interessant.


    Boschurle au no à tullemond :)

    #285Author Moi Gab (456541) 28 Oct 18, 10:11
    Comment

    Re 283: Ufpfropfa hätt i vrschdanda Himmele (Edelreis?), abr eba embda und belza net. Danke Manni. I kenn des vo da Domate und vom Wi. S'tät mi arg intressiara, des amol sälbr uszbrobiera.


    Merci, Gäbele! Genau, es goht um "consistent individual differences in behaviour (consistent over time and different situations/contexts), des isch Definizion vo (animal) personality oder individual coping behaviour. i deam fall wars aber net konsistent über des ganze Läba vo da Fisch (zumindest hot sich des Fluchtverhalta noch dr sexuelle Reifung vränderat). Die zwei Hypothesena sötten Sinn macha, aber wenn sich context uf age und development beziehn, denn isch für mi Bedeutung vo dr zweita Hypothese dia gliche wia die erste Hypothese). I bin halt ka Biologin, deshalb isch des schwierig für mi zum Übersedza. Aber glich, I will niamand dohinna langwiela...

    #286Author karink (659752) 28 Oct 18, 10:57
    Comment

    Ja mei, a Zweigle halt.

    #287Author bluesky (236159) 28 Oct 18, 13:38
    Comment

    Karenkle, i hao in #279 egschdra aufembde-emden gnomme, weil des a Woed isch, des woni vo meim Vaddr kenn ond soschd aingdle vo neamad. Ond wieni de allaräerschde dtv-Atlas Deutsche Sprache (1993) koofd hao, isch die Kaarde als Diddlbild voana druff gwe ond mir isch soford ins Ooge gschdoche - ond i haos schier idd globe kenne - dass des a Woed isch, des wos no im Allgai geid ond soschd neamaz mea abr zFriesland doba oo no. Isch des idd schea?? 😁

    #288Author manni3 (305129) 28 Oct 18, 14:06
    Comment

    Manni, "embda" kenn-e au vô meim Vaddr ônd vô seine Schweschdra. Mit isches wiedr êigfalla, wo sAmoisle iebr da Jakobb-Fischr-Baum gschrieba hat.

    (zumier) des wär au ebbes fier dWerdrlischde (/zumier)



    Voar han-e grad wiedr amôle beim Eeôis zuagloosat. - dia had zEreffnôngskonzerdd vô dr Wiehn Modern laif iebrdraaga. Dschohnn Keidsch, Arnold Schebßnberg ônsd a Urauffiehrông vom Schdaud, am Dirohlr - mit Bassklareneddle.

    Z Orkeschdr hat ohne Direggend gschbihlt . dr Konzerdmoischdr at a bissle meah zôn dióa ghett wia soscht allaweil :-)

    (Der Konzerd kâa ma no a Wuch lang nauchhheera: oe1.orf.at/programm/20181028

    #289Author twocents (460778) 28 Oct 18, 14:32
    Comment

    Arnold Schebßnberg - isch des däe midd däer schebbse Dreizehhtoomusegg? 😉

    #290Author manni3 (305129) 28 Oct 18, 15:03
    Comment

    Zwelfahalb. Dr halbe isch em ß vrschdeggt. Außr Dier ônd mier woiß des abr koinr.

    #291Author twocents (460778) 28 Oct 18, 15:08
    Comment

    Re#288 Seltsam, aber jo, schö Manni.


    I scho Zwasentle ;-)

    I hon bim Dschonn Kaidsch abgschalta, well i mi nebs dera Musig net konzentriara hon könna, ganz unabhängig drvo ob dr Konzerdmaischdr us dr glicha Eck kunnt wia i. Dr Schönberg hätt des zuasädzlich no verminderat...


    #292Author karink (659752) 28 Oct 18, 15:46
    Comment

    Griaßzeich, middanand!


    I däd bloss melda wella, dass i dean Begriff "emmdda" odr mea no "auf-emmdda" von meine Elddra kenn, abr ezz scho laaaang nemme gheärdd hann.


    Schlaofadd guadd - i bi ja gschbanndd, obs moara morga no weiß dussa isch ...

    #293Author schwäble (951819) 28 Oct 18, 20:13
    Comment

    I be echd ibrraschd, dass des so vihl vo ui no kenned :-))

    Beim näggschde Abbdeid wäeri des alls vrlenke. I waiß abr no idd, wenn i des mach, gell ;-)


    Ond ibregenz semmr grad bei 1,020408163265306

    Bei 1,0000000000000000000000 gohz nocha endle do deana weidr.

    Hasch doch no vrwaaded, schwäble, brihma 😁



    Nochdrag zNachd om halb drui/halb uff drui/halb voer drui/zwaiahalb/halb noch zwai/andrdhalb noch õis:

    bVrlenkong im abbdeidede Wäedrbuech gohd no idd gscheid. Hand em Dorrisle seine Buebe scheinz meah an Wurm neibrochd. Abr i haos em Maarde scho gschriebe ond i hoff, dassas bald richd!

    #294Author manni3 (305129) 29 Oct 18, 01:40
    Comment

    Heid gohz meah! ;-)

    Warom waiß i oo idd.


    Guede Moege ond an scheane Dag :-)

    #295Author manni3 (305129) 29 Oct 18, 09:38
    Comment

    I kenn „emda“ idda. Wa etz abr id hoißa soll, dasses mein Babbe au id kennd hot.


    Guads Nächtle und a baar siaße Dreimla. I nimm schomôhl Ahle und Bisuhs mit, welle sonsch id schlofa ka.

    #296Author Moi Gab (456541) 29 Oct 18, 20:48
    Comment

    Fallsd heid oo no oi widd, Gäbele, schdell i amohl an Haufe frischrasierde kuuzschdobblege eggschdrakredzege Ahla rei :-)

    #297Author manni3 (305129) 30 Oct 18, 23:31
    Comment

    Sachamol, wird de Fade nie voll?

    ;-D

    #298Author Miss Anthropy (700297) 01 Nov 18, 00:02
    Comment

    No so a oogeduldege Frog vo dier - ond nocha hasches gschaffd 😉

    #299Author manni3 (305129) 01 Nov 18, 07:43
    Comment

    I dät des nuie Fädale noml vrlenka, damit a Ruah isch.


    ('d Edith merkt no ã dass se koi Ahnong hòt worom des jetz et zom Ãfang sondern zor Werderlischde vrlenkt häb, se häb's zwoimòl mitm Ãfang brobiert, abber es wär emmer bei dr Nommer drei rauskomma. Se moint abber, des wär au reacht, weil dui Werderlischde oifach õglaublich toll isch!)

    #300Author Goldammer (428405) 01 Nov 18, 07:50
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt