Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --191--Alemanneschwobeschnierle-191--

    Topic

    --191--Alemanneschwobeschnierle-191--

    Comment







    Des isch dr hondrdoiseneizgesch endrnazenal Alemanne-Schwobe-Faade

    zom Hôigaate, Raadsche ond Dischkriere,

    in deam wo ma all grenzibrschraitede Warianda vom Schwäbesche ond Alemannesche läese ond schreibe ka.


    Ond a baar andre Dialeckd no drzue, weil wäe Luschd had, ka oo en andre Schbrocha wie Bladd odr sogar Schdandardneihoechdeitsch schreibe,


    Also dond ui koin Zwang a ond schreibed mid. Mier gfrajeze ibr jedn, däe wo reikudd ond eis Xelschafd laischded :-))


    Ond schreibed ganz aso, wie ui dr Schnabl gwaxe isch - Haubzach so fonedesch wie meglech.

    Desch ja soo endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Bensilveinijadadsch nei.




    ⚫ Vo dedd kommebr ond jiez goz do hinna weidr.

    ⚫ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ⚫ A Lischde mid ibr vierhondrd schbezjelle regjonahle Wäedr haoni am 8.8.2018 abdeided.

    ⚫ Do isch dr Lenk zue de Voergengarfäde







    Mier hoigaated allad weidr, solangs no ebbs zom sage geid!

    Onz siechd ganz drnoch aus, dass eis dr Gschbrächsschdoff no id so schnell ausgohd ;-))






                        Land id lugg!







    Author manni3 (305129) 15 Oct 18, 01:56
    Comment
    Bloss a Täschdd, obs emma kuzza Fädale gadd ...
    #1Author schwäble (951819) 19 Oct 18, 14:54
    Comment

    Jetz lamme gao, hòt der manni scho vor vier Däg a nuis Fädale gmacht, ganz heimlich ohne ebbes zom saga!

    Abber mr machet des alde scho no vool, oder? Mr kã doch et segsadreißg wirduelle Käschdla vrschwenda!

    Was moinet ihr?

    Odder sollamer aus Solidaridet mitm schwäble doch älle dòhenna weiderschwätza? Weil dui doch em andera et vom Hendi aus neischreiba kã?

    #2Author Goldammer (428405) 19 Oct 18, 15:17
    Comment

    Nix do! Deana wäed weidrgschrihbe: DISS-ZIBB-LIHN

    #3Author manni3 (305129) 20 Oct 18, 00:01
    Comment






    Wäedrlischde

    Sammlong vo regional gebreichleche Wäedr


    Schdand 29.10.2018


    Des send Ausdrick, die wo idd all im Fädele vrschdande hand ond drom nochgfroged hand. In de nägschde Beidräg kommed nocha Erkläeronga. Mankmol daured des oo a bissle lengr, bis des ganze Schbeckdrom ausdischkrierd isch odr bis all Beidräg drzue komme send, weil mr zwischedure no ibr ebbs andrs hand schwädze mieße. Do mueß ma nocha hald a bissle schkrolle ;-)


    Dr Link goht direckd uff dean Beidrag, in deam wo dr Begriff zom äeschde Mol voerkudd. Die Zahl hendr deam Begriff isch bFadenommr. So siechba glei, wenn die gleich Frog schbädr noml aufdauchd isch.




    aablendre 50     äbba 19     äbbl 1     abegheit 84     Abr 181    afánge 21     afánge, ahébe 94     afánge, ahébe 95     Afdrmädag 1     afis 98     Aftrmeede, -medig 36     agfurzged, apfuzged 0     ahébe, afánge 94     Ahle 12     ahnd 1     ahnd (s. blange) 105     Ahne, Ehne, Nahne, Nehne 21     allbodd 1     allebodd 38     allegaare 100     Allgai, blaus 58     Allmende 75     Alti Söcke 61     Amaisla, zwai (Gedichd) 26     amigs 3     Anke, Buddr 45     Anke, Buddr 62     Anke, Gnack 25     APC 14     aobr, apr 32     Aschebe(r)scher 87     aufembde, emde 190    


    Baabl 189     Bachel 9     Bäeredreck 190    Bäeromenschdr, Radio 68     bägglat en Schdroah, dobblat 40     Bähmull 90     Baule, Böhle (s. oo Kadzebaule) 9     Bbünz 100     Belmeß, Kopf etc. 77     Beerda 189     Berda 21     BerwangarWeible, s 38     Bfose 97     bhäb 189     Biberle 1     Bieche 102     Biewrl 44     Biibgockelar 190    Bise 44     bitzle 2     bizzle 84     Blaaz 21     blange 105     blutt 189     bluttfueß 56     Boi 83     Boi, Bai 83     Boi, Baie 84     Boid, Point 4     Boind 75     Bongert 75     Born 25     Bodschambr 49     Bood 177    Bream 190    Bredla 94     Breschdleng 47     Breschdleng 84     Breschdleng 182    Brezga, gscheide 52     Briegl, Seel, Gnauzawegga 103     Brot, Kipf etc. 21     Brotaaschnidd 21     Bolledeere 15     buchle 97     Buddr, dr B. 10     Budl, Dudl 2     Budlwar 64     Budlwar 89     Buggelesdag 49     Butzameggelar 53     Buzele 2     Buzeschdengl 71    


    chaib 1     Chaschde 9     Chile (mid "ch") 30     Chindsgi 96     Chlüpli, Glubbe 35     Chratte, Gelte, Trucke, Zeine 103    


    Däätschmr 5     Dabber, vrdabbed 185     deiche, dunke (dünken)    dellele, rom-, ommanand- 103     Dibbl, Dubbl, dubbelich 4     die wo, die was 0     Dix 3     dobblat bägglat en Schdroah 40     Doggebaaba 3     Dogg, Doggebaabl 189     doggle 189     Dolga, a fedda 3     Dôpa 185     Dorpa, vrdorpt 185     dousheared, doosoereg, dollorig 22     dransschenigg 11     drädze 89     driele, rom-, ommanand- 103     drimsle 1     druscho 25     dubbelich, Dubbl, Dibbl 4     dubbelich 178    Dudl, Budl 2     dui, die, d 44     Dult 66    


    Eberri 30     Efangelesche, Wieschdgleibege, Kaddolesche, 106    ei ( Ausschbroch) 29     eleige 3     emde, aufembde 190    


    Fägnäschd 42     Fägnäschter 66     faigge 89     Fehl 2     Fehl vs. Fäel 41     Fehlehockar 190     Fehn 28     fei 44     Fiedle 17     Fieß, Boinr 77     2Fildra     Fileiner 101     Fisternöllsche 12     flacken 22     Flädle, Knöbfla, Chnöpfli, Schbädzla 49     Frauafürz 72     fretten, Gfrett 32     füdliblutt 21     fuudre, bfuudre 1    


    gä, ge, i gang ge 67     gach, gäch, gäh 17     gaddig 189     Gade 184     Gäder 184    Gäelfießlar 2     gampe, gumpe, gompe 3     Gatze, Gatzlmacher 100     Gaude, Schbass 17     Gebbl 76     Gefäss, Gfess     gell 56     Gelte 44     gembresch 85     gempscheg, gempisch 85     Gfrett 32     gheie 84     gliche wetsch mache 30     Glufe 35     Glufa em Fidle 102     Gnack 25     Gnauzawegga, Briegl, Seel 103     gniageled 186     gnieble, gniagla, gnuile, knieble 184     gnuile, gnieble, knieble, gniagla 184    godzeg 87     gompa, Gombe 83     gotzig 50     Graddl, Grattel, d 1    Graddl, Grattel, dr 86     Graddlar 68     grätig 12     Grette, Krette, dr 1     Grischbaum loba 73     Großschwäbisches Reich2     Gsälz 21     gsälza 59     gschderrig, schderrig, gschdäär, schderch 174     gschirra     gschwülm 84     Gsiberger, Xiberger 68     Gsibergerisch 65     Gugg, Guggl, Guggana 22     Gumpe, Gombe 3     Gumpedoschde 3     Gumpf 34     gschbässeg 1    


    Hääs 23     Häddele 76     Häelba 84     Häerdreggziaherei 176    Hagamoisa 190    Hägl 1     hähl 1     hähl 2     Haipfl 25     Haipfl 25     Haiter, Heitr 8     Halbdaggl 87     hälenga 86     hälinga 67     Harras 24     heebe 190    Heckr, Hesche 34     Hegel 43     helfe, Denk mr helfa drã 94     helfe, afánge, ahébe, gao (Adverbien) 183    Hemad, Hemadlenz 2     Hennapfrupfa 23     henne 98     Herrgöttle vo Biberbach 70     Hesche, Heckr 34     Hesche 89     heuer, huir 77     hibbelig 102     hiere 72     hierewierbleg 72     hingere 98     Hinichd 42     Hitsgi 61     hitzg 25     Hoaraheile 177    Hocketse, Hoigaade, Höck 3     Hocketse 22     Hoigaade, Höck 3     Hoigaade 22     Hoinze 1     Homml 1     Hommlbronz 36     Honoratiorenschwaben etc. 86     Hoschtub 93     Huerä- 1     Huaraflichdling 106     Hugendubel (zSchdueged) 60     hüpf 71    


    ine, ume, use 51     -ingen, Siedlongsgschichd 17     ipuffe 42     it 0    


    Jägrdoopf 7     jucke, schbringe 11    


    Kaddolesche, Efangelesche, Wieschdgleibege 106    Kadzebaule (s. oo Baule) 15     Kädzle am Bauch, aussäeche wies 87     käfele 80     kähl 1     kähl 2     kähl 189    Käpsele 1     Käpsele 68     Karess, auf d K. gao 1     Kaschde, Kasten 104     Käspappiletee 75     keija 174    Kieanzl, Keanze 77     Kiechla etc. 97     Kiechle 75     Kipf 21     Kläbbar, Schläbberle 4     Klubbe, Glubb 76     knäschdeg 20     kneischde 20     knieble, gnuile, gnieble, gniagla  184     knitz 184     Knobbf 190    kobbe 76     koiz 91     Koki Sa Schack 5     Kotze 86     Krattel, dr 15     krawuhl 189     Krette, Grette 1     Kuhfliagets 91    


    lagg, lack 22     ladderala Schdobb 29     Laibla 94     laid, leid 1     lêis 96     Lätsche, Schlueb 21     Land id lugg 19     Land id lugg 41     le, Suffix em Englesche 2     Lego, hesch me 59     lei 0     leid, nit eso leid 7     lêîs 96     -les 91     lieben, mege 62     Loas 1     Loisa 32     lubfe 190    Luxemburgerli 87    


    Madlafitzeler 190    mängisch 3     Mäschkerla kommed 6     Mass, Maß 88     Matte, Mahd 75     mege - i mag di 62meegig, oomigele 12     meichdale 22     Memmingar Mao 1     Memmingar Mâô 40     Mensch, s 2     Mensch, s 96     Migge 190    Mojaschegga 11     Molle, Mollesaich 1     Mond (Ausschbroch) 40     Mondich 1     Mongale 1     Muggaseggale 190     Muggebixle 190    Muhagl 43     Mulle, Mulli 90     Mullela 94     Muni 1     müntschi 100     Mutschl 85    


    nächt, nechd 1     Nahne, Nehne, Ahne, Ehne 21     Naka-Buzele 2     nannaäbbe 3     narred 12     naussaue 40     Nechzobed 42     neihägle 40     neima, neamads 18     neima, oimeds 184     nume 3    


    oimeds, neima 184     ommananddriele 189    Ômuaß 42    oomigele, meegig 12     Ôomuaß 45     oz 23    


    Pamir 72     Pfäläller 4     pflöffla 45     pfupfre 2     pfuuse 7     Plaffoh 34     pögge 2     Point, Bôid 4     pöschtele 50    


    R - Zonge odr Zäbfle 1     rääs 1     Radlar, brôte, Rezebbd 18     Ransch, auf dr R. sei 1     Ratscha schdadd Glogga 78     Rauch, ao-ou 75     Rechdschreibdiskessioo ibr Ackzendr 49     Randig, Rande 52     Ribb, Ripp, s 96     Ribbschdigg usw..76     Ribbsmäel 50     riebeg 2     Risoddokoma 22     Roina 177     romlöhrga 40     Rootzbibbr 44     Rotzbibbr 1    


    Sach, s, d 104     sägg 92     sauigle 22     Scharmidzl, Stranitze 22     Schaufscheiß nui drzue 190     Schbatzafischer 100 Schbädzla (etym) 21     Schbädzle, Flädle, Knöbfla, Chnöpfli 49     Schbagaat 21     Schbagaat, Schbädzla im Iddaljenar-Forum     Schbaage 38     Schbass, Schbass, Gaude 17     schbeie, schbedzge 91     Schbinnewedda 85     schderrig, gschderrig, gschdäär, schderch 174    Schdobb, ladderala 29     schdoggele 174    schdrawanza 65     Schdreckise 9     schdruug, K II vo schdragge 32     Schegges 30     Scheiche 77     Schertele 189     schladdig 186     Schläpperle, Kläbber 4     schleife, schliefe 87     schleife (SZ) 47     Schleifets 91     schlenggle 2     schliefe, gschloffe 87    Schliefkami 87     Schlueb, Lätsche 21     Schluata 189     schmecke (Gschmäckle) 95     schmutzige Dauschdech 3     Schnäe weckdoe 183     Schnöre 45     Schobf, Schöbfle 82     Schoche nauslache 178    Schöpfli 82    schtiepara, schtoipara 190     Schuebad 37     schwanze 12     schwerlich glaufa 32+#66     Schwobarädla 48     Seel, Briegl, Gnauzawegga 103     sehr, säer (sorry, sore) 21     seicht 44     Semml; Schdanga- 83     Spätzle-Shaker47, 48     Stranitze (1) 22     Stranitze (2) 23     süferli 27     Suggl 1     Suirle 44    


    Tajine, Tatschine 48     Talpe 77     traibdeibl 27     trädze 89     tschambre 49     Tschingge 98     -tse 91     Tugnd, die gräeschd schwäbesch 31    


    Ufzgi 52     Uhudler 17     uibrois 30     uns-euch-ihr16     Urlesdag 17    


    Verchlinerigsform vo Verbe 33     verchrüglet 45     verusse 42     Veßa, Vese 84     vrboama 177     vrdlda 44     Dôba,  verdôbed 185     vrdrenne (im Kondexd) 98     vrdrenne (Frog ond Andwoed) 99     vrkaischdle, sich 103     vierdl, viedl noch, viedl ibr 1     vierezwanzgi gsi 9     vrhebe 23    


    wachle 33     Wäedam, Wäedig 77     Wagges 30     Waggl, uff dr W. gange 80     wallen, walen 86     wargele 89     weisen 2     Weißbild 2     Weißbild 27     wiaschtgleibig 21     Wieschdgleibege, Kaddolesche, Efangelesche 106     Wullesau 23     Wurschdschbätzla 85    


    xesch 49     Xiberger, Gsiberger 68    


    Zeitbeer 190    Zigr 45     Zipprla, Zibarte 10     Züber, Zubar 44     zwai-zwea-zwoa 0     zwe-zwo-zwöi 97    

    #4Author manni3 (305129) 29 Oct 18, 02:05
    Comment

    Des Schnierle isch freigeah ond wenn dr die Nommer vier sorgfeldeg durchgarbeded hand ond alle Lenk schea nochgläese hand ond ui alls gmerkd hand, was do dinna schdohd, däffedr dohinna nocha oo weidrschreibe 😉

    #5Author manni3 (305129) 01 Nov 18, 20:30
    Comment

    Jeddsadde awwa aach ... do es dass Fädelsche schonn eh halwa Monnad alld unn femff Booschds ... unn isch binn imma noch nedd aangemälld ... dass häddisch awwa doodemedd noogehoold ...

    :-)


    ... unn eh digges Danggescheen ann de Faadebabba !

    #6Author no me bré (700807) 01 Nov 18, 21:02
    Comment

    Älle hanne et agliggt, abber a baar, manni, on han me keschdlich amisiert ieber onser Gschwätz ieber alles megliche vo Anno dazumal. Wo dr Botzich no mitdao hòt, ons coschdenjale, on 's Ziggerle, on älle megliche Leit dia wo enzwischa abtaucht sen.

    Woiß ebber ebbes vom Ziggerle? Dui däd-e wirglich gern amòl widder säha odder ebbes vora läsa.

    #7Author Goldammer (428405) 01 Nov 18, 21:23
    Comment

    Fomm Ziggerle nedd ... awwa ess Koschdännja siinisch allsmool ... näwedraan bei de Schbaanische ...

    #8Author no me bré (700807) 01 Nov 18, 21:39
    Comment

    Dangkdr, manne, hanne doa, abr "belza" hanne idd gfonda endr Lischde - ischdr des auskomma? Drodzdeam Vrgeltsgott frs nuie Fädale.

    #9Author Selima (107) 02 Nov 18, 16:31
    Comment

    Maisle, was i do denkd hao beim belze, waiß i nemma: endwedr nix odr dass es allgemein isch odr soschd ebbs odr s isch mr a Fählar ondrloffe beim Kobbibeischde, weil die Lenk scho meah amohl idd richdeg gange send.

    S näggschd Mohl due is nei. Kasch no so lang waarde? Wenn idd, mißdesch sDorrisle ackdewiere ;-)

    #10Author manni3 (305129) 02 Nov 18, 17:00
    Comment

    I globb, des halde aus ;-) Nochd kaasch dann au no dean Beitrag vrlenka, ballmr nämmle no eigfalla isch, daß bei Baba, der was a Moischdr-BelzAr isch, oo äbbl sagt, daßrse nemme belza kaa, wannem allz weah duad ond er se nemme riahra kaa. I kaamr abr idd vorschdella, daß des belza mim andra belza vill zom doa hot.

    #11Author Selima (107) 02 Nov 18, 17:16
    Comment

    Wahrscheinz haz mid deam zom doe, des wo dr Duden so deffenierd:

    pelzen; eigentlich = auf dem Pelz liegen, (landschaftlich) faulenzen

    A haz abr idd refflexihf.


    sDWDS haz garid, abr a Beischbl:

    Bei mir daheim will ich mich pelzen.

    Fleißer, Marieluise: Pioniere in Ingolstadt, Berlin: Henschel 1976 [1926], S. 88

    Ond Ingolschdadd leid ja uffm Wäeg vo Ulm zue de Donauschwobe. Vo deane hanzes gläerned, die Ingolschdäddar - zNachd beim Schofkobfe in dr Wierdschafd ;-)


    #12Author manni3 (305129) 02 Nov 18, 17:43
    Comment

    Dangge fiers Baschdeln, Manni!

    Gudnachd und schloffd schee!

    #13Author Miss Anthropy (700297) 03 Nov 18, 22:59
    Comment

    Dangke, manne, deschdr rechte Hiiweis. I hau no des gfonda:

    belzen

    sich drücken (von der Arbeit), faulenzen sich (irgendwo) nicht mehr belzen können (Amerkong: desch ned mei Hervorhebong) = sich (irgendwo) nicht mehr wohlfühlen, es (irgendwo) nicht mehr aushalten können

    https://www.bayrisches-woerterbuch.de/belzen/


    Dees derfts sei, oo wannz ausma boirescha Werdrbuach isch. Dia hond des beschdemmt vo oos iebrnomma.

    I haunemr scho dengkt, "mei Baba ond faulenza"??? Dean haune meir Lebdag no ned faulenza seacha. Wann der ned schuddla ond wuahla ond doa kaa, nau werdr ooruhig ond ooguad odr er isch grangk, arg grangk. I bee faschd a weng froah, daßne vo meir ooschwebescha Vrwandtschaft oo a wengale ebbs gerbt hab ;-)


    Nauchdrag:

    Dau isch no a ganzr Ardiggl zua deam Thema pelzen, pfropfen, faulenzen etc:

    https://www.augsburger-allgemeine.de/augsburg...

    #14Author Selima (107) 04 Nov 18, 11:05
    Comment

    Desch endressand, was dr König (des isch däe vom dtv-Atlas zur deutschen Sprache) alls rausgfonde hadd. Des allarmaischde kenni oo so :-)

    DANKEEE !

    #15Author manni3 (305129) 04 Nov 18, 16:35
    Comment

    Vrgeltsgott, Manni, fr da neije Schbaga :)))


    Mir wared heit midda Ravensburgr Alb-Grubba wanderra (im Schussagwällgebiet), do honne des ghert: Wolle saua. Wissader wa des hoißt?

     

    Und a Witzle honne au ghert:

    Drei Männer, an Norddeitscha, an Bajer und an Schwôb gäabed mit ihre Fraua ah und jedr sait, dia sai sei dia beschd. Und wellse sich id oinig werrad, entschaidedse, dassesse im Schadiohn um dWett renna lôssed.


    Ruaft da Norddeitsche: „Renn meine Liebe!“

    Ruaft da Bajer: „Lauf, Waibsbuid!.“

    Ruaft da Schwôb: „Sau, Alte!“

    #16Author Moi Gab (456541) 04 Nov 18, 20:05
    Comment

    Des Witzle isch saugut! Juu meid mai dei! (Au wenn-er bloß no nainedreißg Menudda hòt!)

    A guats Nächtle.


    I fädl de nägschde Dag no des Dreffa z' Ulm genauer ei on geb eich nò d' Zeida on so weider durch.

    #17Author Goldammer (428405) 04 Nov 18, 23:22
    Comment

    Däe Schwob in deam Witz isch uff jedn Fall koi Allgaiar idd. Mier hedded des S hendadedda, wemmr idd glei sage däded: "Schbreng, Weißbild!"


    Dier wäered so komesche Ausdrick beinand hao, dier Wieddebäergar! Fier schbrenge sagedr saua ond fier bembre sagedr Blaffo weißle - hmm ...


    Was wolle saua isch, waiß i idd!

    #18Author manni3 (305129) 05 Nov 18, 00:19
    Comment

    A Nordschwaub oo idd ;-)

    #19Author Selima (107) 05 Nov 18, 07:31
    Comment

    Aus Reitlenga kennt'r sei. :-D

    #20Author Goldammer (428405) 05 Nov 18, 09:22
    Comment

    Guatamorgamiddanand.


    Dr Schwaub kommt au it vo Neiôlm.

    Wolle saua kenn-e it (ônd wart, was sGäbale drzua vrzeehlt).


    Emmerle, brauchsch Ôndrschdidzông fr Ôlm?

    #21Author twocents (460778) 05 Nov 18, 09:32
    Comment

    "Wolle saue" kennd vo meim reigschmeggda Lieblengsidalienr sei.

    Er moind dann: "Willsch schbrenga?"

    #22Author Muggaseggale (1004776) 05 Nov 18, 09:43
    Comment

    Hab dir a Määl gschrieba, zwoisentle.

    #23Author Goldammer (428405) 05 Nov 18, 09:45
    Comment

    Genau, Muggaseegale - Iddaljenar: Wolle saue? Was erlaube Schdruuunz?

    #24Author manni3 (305129) 05 Nov 18, 10:45
    Comment

    Alsole, wolle saua (Betonung aufem o) hoißt: schnell renna - wolle = schnell. I honns au id kennt.

    #25Author Moi Gab (456541) 05 Nov 18, 15:40
    Comment

    Dann kenn-e des als woidle. Em Liadle vô dr schwäbischa Êisebâah sait dr Baur zôm Goißbock: "Beckle dua noo woidle schbrenga, zFressa werr-e dr scho brenga."

    #26Author twocents (460778) 05 Nov 18, 16:28
    Comment

    Aha, waidle :-)


      Eddemollegih:  weidlich; als Ausgangsbedeutung für das Adjektiv ist ‘jagdgerecht, jägermäßig’ anzusetzen, woraus sich bereits in mhd. Zeit ‘frisch, tüchtig’ (wie ein Jäger) und ‘stattlich, schön’ (auch von Frauen) entwickelt.


    Grimms Buebe hand oo zemle vihl zue weidlich (schnell) ondr B 1 b

    das yhr gar wedlich daumelt Luther 23, 643 Weim.;

    Gernier ... welcher sich den tag auch weydlich gedummelt hat Wickram 1, 268 Bolte;

    manch franzosch cavalier

    folgete dem hasen-panier

    und rissen weidlich aus lieder d. 30 jähr. kr. 166 Opel-Cohn

    etc.




    #27Author manni3 (305129) 05 Nov 18, 16:40
    Comment

    Emmerle, hasch au Poschd.

    #28Author twocents (460778) 05 Nov 18, 17:59
    Comment

    Also hier kommt das erschde offizjelle Ulm-Bulletäng.


    En Ulm gibts am Samschdich an schena Wochamarkt ufm Minschderblatz. On außerdem embfiehlt es Zwoisentle no a subber guade dradizjonelle Beggerei, Bäckerei Zaiser, Herrenkellergasse 17, wo mr dene ihr oizigardichs Zuggerbrot brobiera sott! Dia sen meglicherweise schbäder sch ausvrkauft - also: es lohnt sich efendwell, frieher dò zom sei. Dr offizjelle Beginn isch abber nò:


    Mir dreffet ons am Samschdich 17. November en Ulm om elfe (11 Uhr) am Haubtpordal vom Minschder.


    Des Brogramm sieht ogfähr so aus:

    Zerscht machemr an Schbaziergang durchs Fischervierdl zor Donau nonder. Dòdrbei lassemr ons Zeit on gugget ons ausfiehrlich om. Drnòch dädamr em Fischervierdl eikehra on ebbes z'Middag essa.


    Aschließend kennamr ieberlega, wammer mit dem ãbrochene Nachmiddag machet. Zom Beischbiel:

    Museum Ulm - Archäologische und Kunstsammlungen, u.a. der "Löwenmensch"

    Kunsthalle Weishaupt - Moderne und zeitgenössische Kunst

    Münster - Kirche besichtigen und / oder Turm besteigen

    (Dia hen au älle Indernetbräsenza - abber des kennet'r selber gugga!)


    Drnòch kenndamr no em Café Tröglen gmietlich zsamasitza, ratscha on en Kaffee drenka on nòch wieder wia mr oinzln mechdat ufbrecha.


    Was mir jetz ganz wichdich wär: dass ihr mit reladiver Vrbindlichkeit saget, ob ihr kommet! Am beschda a Pe-eM odr a Mäl schigga - damit mir em Lokal on em Café reserwiera kennet. Wenn's nòchher om ois oder zwoi et schdemmt, isch et schlemm, abber wenn i fir a Dutznd bschdell on 's kommt bloß a halbs Dutznd, isch et so guat, moin i.

    Also bidde, alle wo des läset, meglischt bald Bescheid geba ob ihr kommet. Dia wo sich et meldet, dene schdeig i nò per Mäl oder PM no nòch, abber i wär dankbar, wenn des et so viele wäret....

    No ebbes: I be a bissle an Kondrollfriek on dòrom dät i mi fraia wenn i eire Hendinommera hett, damit i eich notfalls au an dem Dag no kondagdiera keet. Vo manche han-e se scho.

    #29Author Goldammer (428405) 05 Nov 18, 22:07
    Comment

    Dankschee, fr dia Imbfo, Vegale!


    Leitla, wo parkeder eigendlich? Oder bessr gsait wo empfiehlt sSenzle, damma parka soll. Mein Bruader moint, sZugfahra däter id empfäahla, wells ab Laupheim wäga da Elegdrifizierung vo da Bah an Schienaersatzvrkehr gäa und der sei id so prickelnd (a wengle Scheiße).


    Freime :))))

    #30Author Moi Gab (456541) 06 Nov 18, 09:08
    Comment
    Gudda Morga,
    Gàbele, moinsch wäaga deam da hanna:

    http://m.spiegel.de/reise/aktuell/ulm-hauptba...


    ... aber des miisdd bis zom 17. dich wiidr romm sei, odr?

    Parkhaus:
    Müller Parkhaus Frauenstr./Rosengässschen) war früher meistens ein Plätzchen zu finden .... allerdi gs war ich schon länger nicht mehr am Samstagmorgen in Ulm.


    Oh, des war di falsch Schbraoch .... muas abr weiddr ... i hoff, Ihr hands droddzdeam vrschdanda.

    Senzle, was embfiilsch du?

    Sii yu :-)
    #31Author schwäble (951819) 06 Nov 18, 09:51
    Comment

    Noi, Schwäble, des honne idda gmoint. Mir gôhts um die Bahschdregg zwischa Friedrichshafa und Ulm. Dô isch dia Doilschdregg Laupheim <-> Ulm voll gschberrt. Und vo Laupheim bis Ulm fahrt da Ersatzbuss jeds Kuahneschd a.

     

    Vegale, hosch au an Pierrot dengkt?

    #32Author Moi Gab (456541) 06 Nov 18, 10:09
    Comment

    Gäbele, kommt dr Schose mit? I hoff doch schwär!

    Pierrot - isch des dr Nick? Noe, hane edda. I woiß ehrlich gsagt grad edda wer des isch.

    #33Author Goldammer (428405) 06 Nov 18, 10:57
    Comment

    Emmerle, dr Pierrot hat friahr glaub-e amôle Piddr ghoißa ônd hat letscht Jaur a Zeitlang em Schbaaga mitgschrieba.


    Parka: S schenschde Parkhaus is ôndr dr Nuia Schdrauß en dr nuia Midde - offizjell hoißs "Am Rathaus". Sisch am neggschda am Minschdr ônd au nääh am Fischrfirddl. Em Lenk isch a Kertle midra Iebrsicht, was wo isch. Koschda deant se alle gleich, ôisfuchzig en dr Schdônd. Des wos Schwäble moint isch au drbei ("Frauenstraße").


    Emmerle, bloß fr dSchdaddischdigg: i bêe drbei, ônd mêi Tellefoohnômmr hasch au scho.

    Moionsch, mir settad vorsichtzhalbr an greeßra Disch bschdelleá frs Middagessa - Deilnähmrzaahl kenna mr ja näggschrd Wuch no endra.


    #34Author twocents (460778) 06 Nov 18, 12:52
    Comment

    Also mr sen magsimal vierzeah. Abber i rechne ehrlich gsagt et mit maih wia zeah. Wemmer fir zwelf bschdellat, kennamr emmer no reduziera. Uf wenn dätsch du denn bschdella wella? Oise?


    Pierrot: O jemine, mei Hirn! I han-em no gschrieba.

    #35Author Goldammer (428405) 06 Nov 18, 14:17
    Comment

    Mir mir braucheter net rechna. Mir isch ebbes dazwischa komma.

    #36Author bluesky (236159) 06 Nov 18, 14:23
    Comment

    Ach schad, hemele!

    #37Author Goldammer (428405) 06 Nov 18, 14:25
    Comment

    Jô, schad.


    Vegale, i gang schwer davo aus, dass da Schose mitgôht.

    #38Author Moi Gab (456541) 06 Nov 18, 18:20
    Comment

    Guat, i rechne mit eahm! Kã'sch em ausrichda.

    Dr Dengs kommt wahrscheints et. Mir sen jò ersch neilich z' Ulm gwä, moint-r. On eich kennt-r halt et so guat, dass-em des Motiwazjo gnuag wär. So ischr halt.

    #39Author Goldammer (428405) 06 Nov 18, 18:46
    Comment

    *bissl vor Vorfreude rumhibbel*

    Ich besprech's noch mitm Mr. Antrhopy, ob ich mit oder ohne Kaelber komm...

    Edith sagt, wenn mit Kaelbern dann simma erst nachm Mittagessen bei eich.

    #40Author Miss Anthropy (700297) 06 Nov 18, 21:16
    Comment

    Desch abber bleed....also i moin es isch toll, dass da kommscht - et falsch vrschdanda! Abber wenn-e saga sott, besser es Elchle ohne Kälbla fir dr ganze Dag, odder ersch nòchm Essa abber mit Kälbla...was soll-e dò saga!

    Gibsch halt noml Bescheid, wenndas ausglamüsert hòsch...

    #41Author Goldammer (428405) 07 Nov 18, 08:43
    Comment

    Zwoides offizjelles Ulm-Bulletäng mit de bisheriche Zusaga:

    Emmerle

    Zwoisentle

    manni

    Gäbele, wahrscheinz mit Schose

    dr Herr Mar from Uhs, ewentwell mit Kälbla

    's Schwäble

    's Muggaseggale


    Weidere Meldongen send erwinscht!

    #42Author Goldammer (428405) 07 Nov 18, 22:00
    Comment

    Isch wääses noch nedd ... bleibbdes beim sibbzeende ?

    #43Author no me bré (700807) 07 Nov 18, 22:14
    Comment
    #44Author Goldammer (428405) 07 Nov 18, 22:20
    Comment

    Danggescheen ... wii konndisch dass nua iwwasiin hann ... isch gugge moije nochmool medd dee Zuuchfabindunge ... de manni hodd doo joo schonn foageschaffd gehadd ...


    Dänne Leewemänsch däädisch doch schommol gääre imm Originaal siin ...

    #45Author no me bré (700807) 07 Nov 18, 22:37
    Comment

    I däd jo gern komma ond Ulmer Wibele ufm Minschderblaz essa. I be als Bagfisch efters midm Raad noch Ulm gradeld ond nadierlich au dia viele Dreppa uf da Turm gschdiega - des allerdings bloß oimol, noched hanne ja gwisd, was oin erwarded: a schbegdagulärer Bligg!


    Es muaß laidr beima Gruaß bleiba. Drenged a Ulmer Gold Oxa, falls es des no geid, ond geniast den Dag!

    #46Author costeña (589861) 09 Nov 18, 02:53
    Comment

    Danke fier die guede Wensch, Dennjale -)

    Wenns dean Ulmer Gold Oxa no geid, drenk i oin uff di. Ansonschdn hanze woll an Ersadz drfier ond zom Ausgleich kennebr ja nocha zwai drvoo drenke!


    Schad, dassd idd kusch. Abr wennd mea amol voerem Gaschdaig ommanandschbrengschd, kasch de ja vo doo melde (erennresch di no?) *hihi*


    Bfiedi ond a guede Zeid do doba im hoeche Norde!

    #47Author manni3 (305129) 09 Nov 18, 08:11
    Comment

    ... und s'Karinkale ? s'Amoisle ?

    #48Author Moi Gab (456541) 09 Nov 18, 18:59
    Comment

    Wenn die kommed, hanze a Namensschild om de Hals henke, dass bas oo kennd - noch so ar lange Zeid ;-)

    #49Author manni3 (305129) 09 Nov 18, 19:48
    Comment

    's Amoisle isch leider leider vrhindret. 's karinkele hòt no et Bescheid gea.

    #50Author Goldammer (428405) 09 Nov 18, 21:31
    Comment

    Sodale: keine Kälber, dafür eine pünktliche ich!


    Pi Ess: Gäbele, komms du morgen zum Gonzerd?

    #51Author Miss Anthropy (700297) 09 Nov 18, 22:02
    Comment

    Ach Missi, i dät scho gern komma wella, abr alle meine Begleitr lomme im Stich und da Schose will ums Vrregga id mit. Erschd honnzeme nahkalta beim Karta kaufa, bissemer gsait honn, dasse id mitgenn und jetz binne ganz aloinig. Wensn dunkl isch, gange nimme gern aloi fudd. Asso, i woiß no noita. Am See binne scho.

    #52Author Moi Gab (456541) 09 Nov 18, 22:17
    Comment

    Oh, Schod!

    Abbe des verschdeh ich middm id aloi fuddgeh wolla.

    Un die nächsde Gelegenheit kommd ah bald, am 15. Dezembe scho.


    #53Author Miss Anthropy (700297) 09 Nov 18, 22:59
    Comment

    ßänkju mi darling for johr kaind anderschdänding

    #54Author Moi Gab (456541) 10 Nov 18, 08:49
    Comment

    Edzzadle!


    Vrhôngra werra mr it beim Schwaubadreff, Disch send bschdellt: zMiddag em Zônfthaus em Fischrvierdl, am Nammedaag em Kaffe Treeglen am Minschdrbladz.


    Gwieß drbei sênd bis jetzt acht Leit:

    sEmmerle

    dr Manni

    sGäbele

    dr Schoosa

    dr Herr Mar from Uhs, laidr ohne Kälbla

    sSchwäble

    sMuggaseggale

    ii (tuhsenzz)

     

    Weiter Teilnehmr sênd willkomma, an de Disch isch no Blatz gnua!


    (schbezjell frs Bréle ônd sKarinkle, ônd frs Koschdennjale kaufa mr Wiebala êm Treeglen!)

     

    #55Author twocents (460778) 10 Nov 18, 14:19
    Comment

    Juhuu, es ßdedruile ons karinkele kommet au no!

    #56Author Goldammer (428405) 10 Nov 18, 22:36
    Comment

    i frei mi scho!


    Alsonz, i werr nägschdd Wuch z "park end raid" an dr Donauhalle nuddza ond midd dr Schdraoßaba neifahra.

    (I war heidd mal wiidr z Ulm - om halba ois - ond da hanne miaßa a'schdau am "Deiddschhaus-Parkhaus" en dr Nähe vom Baa'hof)

    #57Author schwäble (951819) 11 Nov 18, 00:38
    Comment

    Gugugg!

    Was sind Wiebala, tuusenzle ?

    Und no ebbas logischdisches: Isches wiiet vom Bahof z'Ulm zum Münschdr ?

    #58Author karink (659752) 11 Nov 18, 11:29
    Comment

    Selbr guggug!


    Wiebele sênd ganz kloine Kekksla, ônd dr Fuaßweag vom Baahof zôm Minschdr isch ôogfähr 650 Meddr (sagt Guhglmepps, dr Falk moint 670).

    Du kenndesch au middm Bus (Linie 5) faahra - zwoi Schdazjohna von ZOB Oschd (Schdeig H) bis zôm Rathaus, Dr Bus feehrt alle Viedrlschdônd (x.00, x.15, ...) Des daurat wahrscheinle genausolang wia dr Fuaßweag ...

    #59Author twocents (460778) 11 Nov 18, 11:58
    Comment

    Ah, dia kenn i dia Keksle, nu ned am Nama noch :-)

    Luagat so us, als ob's a riesige Bauschdell gäbd am Haubdbahnhof, seis akduell was d'Ecosia-->Guuglmeps seht.

    #60Author karink (659752) 11 Nov 18, 12:49
    Comment

    Was isch los, dass-d niggs los isch?

    Wartat-r alle schô auf da Samschdag middam Sxhwätza?


    Bréle, kommsch Du eigentle? Hasch no a Faahrkard kriagt?

    #61Author twocents (460778) 14 Nov 18, 11:56
    Comment
    Senzle, i muaß hald em Voaraus wuala ond buggla, dasse am Samsdigg a bissle fudd däff ...

    ;-)
    #62Author schwäble (951819) 14 Nov 18, 12:22
    Comment

    Jaja, so sênd se, dSchwauba eschdlich vô dr Illr ônd siedlich vô dr Doana... :-)


    #63Author twocents (460778) 14 Nov 18, 13:32
    Comment

    *am Kobf gratz*....des vom zwoisentle isch doch vorhin a Link gwä? Jetz han-e-n agugga wella, jetz ischer weg....

    #64Author Goldammer (428405) 14 Nov 18, 15:32
    Comment

    Den han-e wiedr rausgnomma, weil-r it direggd auf de richtig Karde gfiehrt hat.


    Abr weil da so fierwizdig bisch:

    Schbrechendr Schbrauchadlass Baiern / Haus ônd Haushald / Brotanschnidd


    Mit eschdlich vô dr Illr ônd siedlich vô dr Doana moin-e sGiggl-Gebiet :-))


    #65Author twocents (460778) 14 Nov 18, 16:27
    Comment

    Gigale, wenn scho.

    #66Author bluesky (236159) 14 Nov 18, 16:46
    Comment

    I hau etz leidr dean Brodda'schnidd nedd gfonda.

    Alsonz bei ons, eschdlich von dr Illr ond siidlich von dr Doana hoißz "Giggale" odr "Giggl" (wennr a bissle gräaßr isch.)

    #67Author schwäble (951819) 14 Nov 18, 17:34
    Comment

    Abbr, abbr, abbr! Bei oos hoißt des au Giggl ond i ben ganz eideideg nerdlech von dr Doana aufgwagsa.


    [Dr Lenk fonkzjoniert bei mir leidr idd, drom kaane des iebrbriefa, obse pfrleicht a Exglav nerdlech eizoichnat hond.]

    #68Author Selima (107) 14 Nov 18, 18:59
    Comment

    Amoisle, nauch dr Kardde isch Doana dSchbrauchgrenz, Du bisch em Ränggl-Gebiet aufgwaxa. Pferleichd hach de allad bloß verhereerd :-)))

    #69Author twocents (460778) 14 Nov 18, 19:15
    Comment

    Pffffffffffffffffffff. An sodda Gnota em Ohr sodde hau? An Rangka Brood gits bei oos, abr desch a jeds greaßre Schdick, alzo a Mordsscheib Brood halt. Abr dr Aaschnidd isch eideideg dr Giggl.

    #70Author Selima (107) 14 Nov 18, 19:35
    Comment

    De Rangge kenn i o bloss als a dix Drom Brodscheibe. Dr Aafang onz End von am Kibf odr am Laib isch s Rei(n)fdle. Giggl kenn i idd.

    Die Kaarde siech i oo grad idd.

    21:37 Jiez siech is oo ond fier mi schdemmze.

    #71Author manni3 (305129) 14 Nov 18, 21:33
    Comment

    Isch muss Eisch leida enddäische ... unn misch sellwad aach ... isch schaffes nedd noo Ulm ...


    Isch winsche Eisch allegaare awwa fill Schbass, guddes Wädda, guddes Esse, wass guddes ße Drennge ... unn iwwahaubd ... :-)

    #72Author no me bré (700807) 14 Nov 18, 22:07
    Comment

    Ab Brelelel, jetz binne abr au endeischd! Wemmer uns wiedrmôl am See dreffed, noch kommsch abr un derfsch wiedr beimer schlôfa.

    #73Author Moi Gab (456541) 14 Nov 18, 22:23
    Comment

    Näggdschdes Joa glabbd dass beschdimmd mool wedda !

    #74Author no me bré (700807) 14 Nov 18, 22:39
    Comment

    Och breele, desch ächt schad!


    Bei ons isch des a Gneisle, koin Giggl. Aber so weit weschtlich gòht dui Kart wiso et.


    D' Edith moint, des wär wirglich komisch. Dr Atlas zur Alltagsschbròch hòt des au mòl gfrògt, on dò isch nirgends voma Giggl d' Red. I bligg des edda.

    #75Author Goldammer (428405) 14 Nov 18, 22:49
    Comment

    Schaad, Bréle! :-((



    Dass im Addlass zom Alldagxdeidsch nix dinna isch vo de Giggl kudd wooll vo deam, dass die Gigglregjooh wirkle räechd kloi isch ond ausgrechned im Addlass neamad uss deam Gebihd gandwoeded hadd. Wennd gnau luegesch, siechsch, dass zwischem Bodesäe ond dr Doenao godzege drei odr vier andre Benkdla denna send.

    #76Author manni3 (305129) 14 Nov 18, 23:12
    Comment

    Und bei mir isch des da Riebl (hot jetz nix middem Melle zom dua).


    Und des findma sogar in Vegales Link, ganz unta, dô, luaget : das Riebele


    Für Schwaben zeigt die Karte aus den 1970er Jahren eine etwa gleich häufige Verteilung von Riebele



    #77Author Moi Gab (456541) 15 Nov 18, 10:15
    Comment

    Bréle, schaad! Abr mir dreffat ôns beschdimmt no!


    Dr Adlass zôm Alldagsdeitsch isch auf dera Seite sowieso gschbässig. In meinr Geegend isch dr Giggl dr Âsschniit vom Brot, a Renkl isch a greaßrs Drômm (wia sAmoisle au bdeschrieba hat). A Kipf isch a ganzr Loib.

    #78Author twocents (460778) 15 Nov 18, 10:21
    Comment

    A Kipf hadd bei eis a lengleche Form ond dr Laib isch rond.


    Ond zom Laib fellbr däe groeß Laggl ei, däe wo so groeße Bradza hadd, dass a midd Femfbfondlaib Tarogge konnt ;-)

    #79Author manni3 (305129) 15 Nov 18, 11:56
    Comment

    Sii ju in ße morning!


    Es kommet:


    dr manni

    's Gäbele mit Schose

    's zwoisentle

    dr Herr Mar from Uhs ohne Kälbla

    's ßdedruile

    's schwäble

    's karinkele

    's Muggaseggale mit dr Mugg

    i ohne Dengs


    Dreffponkt om elfe rom am Haubtpordal vom Minschder. Wia mr ons mitm karinkele dreffet, seha mr nò - des kommt ersch om elfe rom am Bahof ã


    I lass es Audo au em Parkändraid, am andra Ende vo dr Schdadt, han i beschlossa. I muaß no gugga, mit was mr nò dò raidet, wemmer parkt hòt.....


    I frai me!


    #80Author Goldammer (428405) 16 Nov 18, 18:16
    Comment

    Grad les i en dr Zeitong z'Reitlenga suachns an Oberbürschdemoier.


    De Edith wünscht eich no vui Gspaß.

    #81Author bluesky (236159) 16 Nov 18, 18:32
    Comment

    Ja, d' Babsi Bosch kandidiert leider nemme. Desch a padends Weib, abber se mecht jetz no a weng an schena Rueschdand mit ihrem Dengs han., der isch scheints au et ganz gsond. I gennsra, abber i hoff, se fendet einigermaßa ã'schdendiche Kandidada, wo mr au ebber drvo wehla kã

    #82Author Goldammer (428405) 16 Nov 18, 18:40
    Comment

    Da fährt man dann mit der S-Bahn rein, Vögele. Hab ich mir auch überlegt. Da steht sogar im Proschpekd, dass fünf Personen für nur 3,75€ hin- und zurückfahren können. sGäbele wurde aber das Parkhaus im Fischerviertel empfohlen, nun bin ich etwas hin-und hergerissen.

    #83Author Miss Anthropy (700297) 16 Nov 18, 20:33
    Comment

    Zôm Parka han-e en #34 scho gschrieba:

    S schenschde Parkhaus is ôndr dr Nuia Schdrauß en dr nuia Midde - offizjell hoißs "Am Rathaus". Sisch am neggschda am Minschdr ônd au nääh am Fischrfirddl. Em Lenk isch a Kertle midra Iebrsicht, was wo isch. Koschda deant se alle gleich, ôisfuchzig en dr Schdônd. Des wos Schwäble moint isch au drbei ("Frauenstraße").

    Auf dr vrlenkta Seite isch au "Park änd Raid" mit aufgfiehrt. Wemma vom Weschda kommt, parkba dau am Kuhberg ônd feehrt middr Linje4 (Bus), vom Oschda an dr Doanahall ônd feehrt middr Linje 1 (Schraußabaah). S-Bâah giit's koina zÔlm.

    I komm vom Sieda ônd park ôndram Rathaus.


    Am Wolle Kriwanek sêi Fermfer feehrt zSchduagert.


    I fraiu me auf morga!


    #84Author twocents (460778) 16 Nov 18, 21:22
    Comment

    Bachale, Lâute, mêichdala, kâumala


    (Merklischde fr schwäbische Werdr, wo no it en dr LIschde sênd. Dia kenna mr pferleichd morga ausdischkroera.)

    #85Author twocents (460778) 16 Nov 18, 21:52
    Comment

    Puh, alles falsch, danke fuers Richten, Centsle! Fuer mich dann aber, was ist denn der Unterschied zwischen S-Bahn und Strassenbahn? Hab immer gedacht, das "s" in "S-Bahn" steht fuer "Strasse".

    #86Author Miss Anthropy (700297) 16 Nov 18, 21:59
    Comment

    Missile, dau fraugsch ebbes!

    Woher des "S" kommt, woiß-e au it. Schnellbâah pferleichd?

    D S-Bahn isch dr Kommjuhdr Träin ôd feehrt vô der Voarschdett en dSchdadt nei, d Schdraußabâah hoiß Schrdiehtkahr ônd feehrt bloß en dr Schdadt ommamand.

    #87Author twocents (460778) 16 Nov 18, 22:14
    Comment

    A Ess-Baah isch a Schdadtschnellbah ond käerd aingdle zuer Eisebaah. Ma konnd oo sage, es sei a Sabbörben Reilwei ;-)

    #88Author manni3 (305129) 16 Nov 18, 23:03
    Comment

    Leo büldet halt ällaweil no,gell Elchle?

    En guada Morga. I friehschdigg no gschwend ebbes on nò gòht's los.


    Es isch zemlich kalt, maximal sieba Grad heit Middag en Ulm, sagt dr Weddderonlain. Ziaget eich guat warm ã!

    #89Author Goldammer (428405) 17 Nov 18, 07:55
    Comment

    Isch winsch Eisch allegaare fill Schbass !

    :-)

    #90Author no me bré (700807) 17 Nov 18, 11:12
    Comment

    I au. Schad, daß bei mir ned glabbt. Drengat oin frme midd.

    #91Author Selima (107) 17 Nov 18, 11:17
    Comment
    Deswega han i vorsichdshalbr glei zwoi drongga.
    #92Author Muggaseggale (1004776) 17 Nov 18, 14:20
    Comment

    Amoisle, Du hasch ebbes vrsêimt.


    Z Weddr war guat, dLeit alle nett, dr Schbaziergang schêa ônd dWirtschaffd hat au basst.

    Mir hat der Daag zÔlm sauguat gfalla, ônd i schließ me am Emmerle âa. Des hat aufm Rikweg gmoint, des sei " a netta Bloos" gwêa. Sih juh suhn! A bjahhtooh!


    #93Author twocents (460778) 17 Nov 18, 19:19
    Comment
    I ben drhoimt, es geit a Veschber am Kaminfeierle weil i jò dr Dag ieber fascht vrhongert wär...
    #94Author Goldammer (428405) 17 Nov 18, 20:02
    Comment

    FFle, i woiß, i woiß. I hau des scho gwißt, wiamr glar gworra isch, daß des bei mir ned glabba kaa.

    #95Author Selima (107) 17 Nov 18, 20:04
    Comment

    Sodele, da Schose und i sin au wiedr dahoim. Vrgeltsgott, Schbätzla, fr den wundrschena Dag. Und dankschee dem wundrbara Schoffehr frs naa- und wiedr hoimfahra. Dankschee, Manni, fr dia kuschlige Ahla. Bin rundum gligglich und am Schose hotts glaube au gfalla - er hot koi gotzigsmôl gmägerred und hot sich beim hoimkomma idda beschwert und des will äbbes hoißa).


    Freime, dasse endlich sMuggaseggale und sSchwäble honn kennalerna dirfa.


    Schad Amoisla, dassda id dabei warsch.

    #96Author Moi Gab (456541) 17 Nov 18, 20:27
    Comment

    Des wor ah scheener Dãch middeich! Danggeschee fier dOrganisatioo ond hoffendli bis bald amol wieda!

    *alle nochmal feste drück*

    #97Author Miss Anthropy (700297) 17 Nov 18, 20:39
    Comment

    I be oo mea dahoi ond hoff, dass es EssDeeDruile dean Wäeg hendarom oo uffd Salzburgar Audobaah gfonde hadd.

    Dankschea noml em DuSenzle fier bFiehrong om bVoerberaidong ond em Emmrle oo. Ond schea, dass i ui all mea xäeche hao onz Schwäble onz Muggaseggale endle droffe hao :-)))



    Esse due i heid nix mea, i mach am Faschd- ond Abschdenenzobed heizobed. Selbschdisszebblihn mueß oo heeonddaa sei!

    #98Author manni3 (305129) 17 Nov 18, 20:42
    Comment

    Jetz fehled bloß nô sÄssdehdruile und sKarinkale. No woiße, danner wiedr guad dahoim glanded sin. S’Schwäble wird wohl scho lengschd dahoim sai.


    Guads Nächtle, Schbätzla! Morga hoißt wiedr friah ausem Neschd.

     

    Schad, sBrele hôt fei au gfehlt.

    #99Author Moi Gab (456541) 17 Nov 18, 20:58
    Comment

    Joo, schaad, isch wäa gääre debeigeween ... awwa es freid misch, dassna allegaare eh scheena Daach hodde !

    :-)

    #100Author no me bré (700807) 17 Nov 18, 21:40
    Comment

    Autobahn ohne weiteres gefunden, gut angekommen.


    Es war ein sehr schöner und auch interessanter Tag. Jetzt weiß ich, wieso es ein Gemälde mit dreizehn Aposteln gibt. Ich habe auch gelernt, daß man je nach Konfession entweder nach vorne oder nach hinten schaut (ohne Ulm wäre ich nie auf den Gedanken gekommen!) und kann mir vorstellen, daß ich ganz gerne ein Ulmer Kaufmann gewesen wäre.


    Also vielen herzlichen Dank an die Organisatorinnen, die den Tag möglich machten, und auch an alle, die dabei waren - für eure Gesellschaft und die freundlichen Gespräche.

    #101Author SD3 (451227) 17 Nov 18, 21:59
    Comment

    Ja, schea wars, ui amalle "laif" zom säa!

    A wondrscheanr Dag ... ond drmidd moin i nedd bloss z Wäddr ond z Ässa em Zomfdhaus .... herzlicha Dangg ans Senzle ond zEmmrle frd Organisazio!


    Schlaufadd guadd!

    #102Author schwäble (951819) 17 Nov 18, 22:27
    Comment

    Okee, nô fehlt bloß no dRiggmeldung vom Karinkale. I hoff, s’isch au guad akomma und gang jetz ins Neschd. Bonn nuiii und schlôfet guad!

    #103Author Moi Gab (456541) 17 Nov 18, 22:57
    Comment

    Am zehne bin i oh wiedr i dr Haimat itrudlat, nochdem i - no immr rundum gsättigd - im Bummlerzug denn scho faschd weggschlofa bin...

    Mersi und dankschön nomol ans Emmerle und Tuusenzle für's Organisiara und ans Missile für's dolle Tagsi !

    Schö war's in Ulm mit äu !


    D'Edit hot grad no erschdaunt feschtgschtellt, dasse gemäß Münschdrturmticket ufm höchschta Kirchdurm uf dr Wält gsi sei...

    Gäbele, kasch beruigd ischlofa !



    #104Author karink (659752) 17 Nov 18, 23:00
    Comment

    So, no sin alle Schäfla wiedr im Schdall. Dankschee, Karinkale, fr dRiggmeldung.

    I war heit in aller Hergottsfriah scho laufa, allerdings idda da Pfänder nauf – det seied Wartungsarbeta. Mir sin auf da Gattnauer Heje gloffa. S’war  a r s c h e k a l t,  i friar allno. Da Schose war ibrigens id dabei, der hott gschdreigkd und isch im warma Bett blieba. I glaub den hott dUlmer Luft gschlaucht und da Kirchturmaufschdieg, dener gar id gmacht hot.

    Vegale und Senzle, des henner guad gmachd, des dirfeddar wiedramôle macha. ;-)

    #105Author Moi Gab (456541) 18 Nov 18, 10:41
    Comment

    Duad mr loid, dasse me erschd so späd meld, aber geschdrn nochm Harfaxarre semmer no was drennga ganga ond do ischs dann arg späd worra.

    Au von ons vielen Dank an dui zwoi Organisadorenna. Henr sauguad gmachd. War schee, eich älle mol kennaglernd zom han. Liabe Grias an älle au von dr Heidrun.

    #106Author Muggaseggale (1004776) 18 Nov 18, 15:09
    Comment

    Die Schwoben ham in Olm so viel mitenander geschwaetzt, dasse nix mehr zsagen ham. ;-D

    #107Author Miss Anthropy (700297) 21 Nov 18, 19:28
    Comment
    Ja, dao hasch rächdd ...

    Filleichdd schaffmr drfier eddzadd fömf Beidrääg en zwanzgg Menudda.

    (I han oifach zur Zeidd leidr a wengale weanig Zeidd fr Leo)

    Machaz guadd allemiddanand!
    #108Author schwäble (951819) 21 Nov 18, 19:33
    Comment

    Veleichd brengebr oo bloss femf Beidrääg en zwanzgg Schdond zeme, Schwäble ;-)

    Abr lassde vo deam idd ondr Schdress sedze:

    Vo wasba idd schwädze kaa, vo deam mueßba schwaige, haddr Wiggeschdoi gmoid, ond däe mueß wisse - des isch a Fillesohf gwe!


    Machs oo gued :-)

    Ond dier andr oo :-))

    #109Author manni3 (305129) 21 Nov 18, 20:59
    Comment

    A Woch, Leitla, a ganze Woch!!!!

    #110Author Moi Gab (456541) 29 Nov 18, 22:03
    Comment

    Liebe Giede, so weit isches mit ons komma!


    I ben heit kurz ufm Weihnachtsmarkt gwä - gescht ereffnet. I han de scheißlischde Waffl äller Zeiden gessa. Der Doig isch weder gsalza noch siaß gwä, hòt koin Trieb ghett on schlecht bagga ische au no gwä. A denne hellbraune Gruschde, drzwischa an Bäbb, der wo an Leim erinnert hòt....dui Kadaschdrof hòt mr

    et mit a weng Puderzugger ausgleicha kenna...oma Hòòr wär i noml zo dem Schdand zrugg on hett dene gsagt, se soddet amòl a ernschds Werdle mit ihrem Doiglieferanda schwätza...abber i han mei Rädle durch d' Menge gschoba on hoim wella, nò han-e's glassa.

    #111Author Goldammer (428405) 29 Nov 18, 22:47
    Comment

    So soddesch scho noml naa ond die räechd häeschembfe. So ebbs isch doch a Schand!


    Ibe no garid in dSchdadd komme zom Luege, wasse des Johr fier an Krischbaum voerem Radhaus hand. So Krischkendlesmerkd mag i aingdle idd ond dean zuckarbebbege Bunsch scho glei garid!

    #112Author manni3 (305129) 30 Nov 18, 07:16
    Comment

    Des Broblem isch, dass dia Verei emmer bloß fir oin Dag an Schdand hen, zom ebbes in d' Vereiskass reigriaga mit ihrm Vrkauf. Deshalb fongzjoniert jò so a Gschäftsmodell: koiner woiß vorher, wia scheißlich dia Waffla sen, on a zwoits mòl kommt mr sowieso et.

    I gang normal au et so arg uf dia Weihnachtsmärkt. Ben wega ebbes anders en dr Schdadt gwä.

    In Mincha han i allerdengs amòl ufm Weihnachtsmarkt a wonderschees wenzigs gschnitzts Kätzle kauft fir onser Weihnachtsgribbe. Des sitzt seither emmer direkt nebam Jesuskendle on basst ufs uf.

    Zuggerbäbbicha Punsch ma-n-i au et. Ersch isch bei ons en dr Zeidong komma, dass des reglreacht õgsond sei kã, weil dia Kessl wo dia des dren machet, et reacht beschichdet sen on des Gseff Schadschdoffe rauslest dia wo mr nòch mitdrenkt....

    I mach mr oin selber drhoimt mit Wei, Orãschasaft, Zugger (wenich), Zimt ond Nelga. Schmeggt am Kameefeier sauguat als Schlummerdrunk....

    #113Author Goldammer (428405) 30 Nov 18, 09:54
    Comment

    Dr Thomas Wendlinger, in deam seir Volxmuseggbänd i voer langar Zeid amohl gschbihld hao, hadd xed, sGeheimness von am guede Gliehwei seidr gued Wei. I waiß abr idd, ob ma dean ibrhaubz rausschmeckd midd deam ganze Gwirzzuig, weil i no nie koin sell gmached hao. I magn oifach idd!

    #114Author manni3 (305129) 30 Nov 18, 10:05
    Comment

    Emmerle, des middr Waffl isch a Sauarei! Wenn dia Hôndleng drauf seddzat, dass-d sei koinr beschweera kâa, weil se bloß oimôl auffm Markt sênd, dan kennat se au glei ganz drhoimbleiba ônd dia Waffla sell essa.(I glaub, i hett-na des Gebaddze zruggbraucht ônd auf da Tisch kêit ...)


    Manni, Dei Muhsiggkollehg hat rechd. Aus ma schlechda Wêi kâa ma koin guata Gliahwêi macha.

    Deesch-d wia middam andra Essa ônd Drenka au: Wenn da koine guate Zudaadata hasch (i moin kwalldadief guat, it dêir!), kâasch au koi guats Essa kocha. Ômkeahrt gahhz laidr scho: Guats Zuig kriagsch middam Kocha hêe, wenn da it aufbassch.


    Weinachdsmerkt/Krischkêndlesmerkt maa-n e au nemme. Inzwischa vrkaufat se iebrall da gleicha Kihnagruuschd, ônd mendeschdenz jeda zwoita Bude isch a Fress- odr Saufschdand.

    Dr Menchnr Krischbaum siehba dau ônd dau .


    #115Author twocents (460778) 30 Nov 18, 14:12
    Comment

    I find sowieso, daß dr Augschburger dr schener is. https://www.augsburg.de/webcam/ Ond iberlaufa iacher au et.

    #116Author bluesky (236159) 30 Nov 18, 15:31
    Comment

    Der sieht schee un beschaulich aus, hemele. Ob se allerdengs Kihnascheiß vrkaufet sieht mr vo oba et....

    #117Author Goldammer (428405) 30 Nov 18, 16:19
    Comment

    Jebmfalls isch dr Ondrschihd vo de middaldarleche Brobborzjona vo deane Blädz eckladdand:

    Menke, a nedda Radhausbladz, kloi ond hoimeleg, von am gmiedleche Browinzschdäddle, femfdaused Kwadraadmeddr.

    Augschburg, a greimega Bladz mid seggsdausedfemfhondrd Kwadraadmeddr von ar frienr wichdege Handlsmeddropohle.

    Heid siechz hald andrschd aus.

    #118Author manni3 (305129) 30 Nov 18, 21:31
    Comment
    Onser Verei machda Gliawei emmer ausam guada Zweigld, ond dees isch dr groaße Rennr aufm Weihnachdsmarggd.
    #119Author Muggaseggale (1004776) 30 Nov 18, 22:13
    Comment

    On machetr au Waffla?

    Guaz Nächtle.

    I han grad mein nei greierda Schlummerdrunk am Kamin dronka: Heiße Zidrone mit a bissle braunem Zugger onama Hauch Zimt ond Nelga. Sauguat, fend i. Dr Dengs war et so begeischdert....abber er hòt en Schlòftee dronka, den wo wiederom i scheißlich fend.


    #120Author Goldammer (428405) 30 Nov 18, 23:35
    Comment

    Muggaseggale, wenn vrkaufat Ihr dean Wêi? Pferleichd komm-e vorbei auf a Becherle


    I heer grad a Rajohsenong vom Eehôinz ferddig, heit zNammedaag han-e zmiddeschd wegg miaßa.

    S 'isch a Dschesskonzerrd middara Uhd, am Bassklareneddle ônd am Bass vom Auguscht 'neienaneizg zSahlfelda. Soo schêa!

    Bis näggschd Wuch Freidig kâa ma-s nauchhera.


    Gueznächtlemiddanand!

    #121Author twocents (460778) 01 Dec 18, 00:17
    Comment

    Dr Rathausplatz isch ja bloß deswega so groß, bals dia Börse, dia vorher do gschdande is, nemme aufbaut ham.

    #122Author bluesky (236159) 01 Dec 18, 11:19
    Comment

    Hemele, des was du do schreibsch, mag ja schdemme, abr mei Erkläerong isch scheanr, odr? ;-)



    DuSenzle, zom Kihnagruuschd vo 115 geiz grad an Ardickl in dr  SZ 


    Heiliges Schnäppchen

    • Stilblüten der Globalisierung: Viele der in Italien verkauften Devotionalien wie Kruzifixe und Marienbilder werden nicht mehr vor Ort, sondern in Fernost produziert.
    • Zum Teil haben die überwiegend in China produzierten Waren Makel.
    • Allmählich teilt sich der Markt auf. Die italienischen Hersteller konzentrieren sich zunehmend auf das Hochpreis-Segment.


    #123Author manni3 (305129) 01 Dec 18, 14:32
    Comment

    Ibr den Kinascheiß hams dia Woch scho mol berichtet, bal do grad dia Messe Devotio isch, wo dia Händler des kaufet. Do war a Satz von Krippafigura drbei, wo a Hond schttt am Esel drin war.

    #124Author bluesky (236159) 01 Dec 18, 15:31
    Comment
    Tusendle, den Woi schenggad mir beim Sendanr Weihnachdsmarggd aufm Margdblads vorm Birgrhaus aus. S isch dr Schdand vo dr Museggvereinegong.
    #125Author Muggaseggale (1004776) 01 Dec 18, 22:14
    Comment

    Heit gabs ah schbondannes, indernazjonalles Schwäbledreffn am Lindauer Weihnagdsmargd (besser begannd als "Haffnweinaggd" *Aach verdreh*). D'Kälba ham ah Waffeln kappt, wohl kei so scheißlichen, aber fier 3,50 fand i so schdingnormale Waffeln saudeier!

    #126Author Miss Anthropy (700297) 01 Dec 18, 22:27
    Comment

    Des schbondane Schwäbledreffa auf da Lindauer Hafawiehnähta war scheee. D’Kälbla sin gwaxa seitese sledschmôl gsäa honn.

    Am Schose, dem Obrschwôb, duat heit sKnia weh, drom honne ohneenn da Pfändr nauf miassa. Jetz schlôfdr aufem Kannapee.

    I hoff, ihr henn an scheena erschda Abfend ghett.

    #127Author Moi Gab (456541) 02 Dec 18, 20:23
    Comment

    Dreifuffzich isch Wucher.


    Jò, mr send viel am Kameefeier gsessa, en dr Òbenddemmerong no a weng uf drAlb schbaziera gwä. Jetz dur-e no mein Herrnhuter on mein Hardaschdeiner Schdern zsemabaua on ufhenga.

    #128Author Goldammer (428405) 02 Dec 18, 20:52
    Comment

    Vegale, da Gamasch isch komma :)))

    #129Author Moi Gab (456541) 03 Dec 18, 21:43
    Comment

    Mia hodde heid oadendlisch Rään doo inn de Geeschend ... ma konnd beim Faare schdelleweiß kaum noch fa hunnad Meeda dii Regglischda fonn dämm foaredraan siin ... ße hann soogaa Hochwassamälldeschduuff Ääns gemälld ... awwa bisses Wassa fonn doo biss inn de Rein gelaafd ess, däaffdes es heegschdenns noch eh hallwa ßänndimeeda senn ...

    #130Author no me bré (700807) 03 Dec 18, 23:23
    Comment

    Toll Gäbele! I läs grad an graißera vierbendicha Schinka, dòdrnòch zieg i ean nei.


    Breele, bei ons hòt's au reacht greanget. Doilweis gschiddet. I han me bemieht, es a tolls Wedder zom fenda...

    #131Author Goldammer (428405) 03 Dec 18, 23:29
    Comment

    A ungwohnds Wedde allemol!

    #132Author Miss Anthropy (700297) 04 Dec 18, 19:48
    Comment

    Vegale, wa lieschn, wemma frôga derf? I lies grad svierte Buach mitem Vicar Max Tudor (G. M. Malliet). Wenne damit durchbin, fange au a.

     

    Missi, am fuffzehnta Dez simmer in Donau und feijared mein Börßdei mit de Kind und Engklkind.

    #133Author Moi Gab (456541) 04 Dec 18, 20:53
    Comment

    En Riiriid, Gäbele. I han grad Luscht ghett uf Middlalderschingga on han die vier Bend vo dr Rebeca Gablé noml ãgfanga, Das Lächeln der Fortuna ff. Kennsch dia?

    Beziehongsweise, i han dr femfde drvo gläsa (den hòt vorher dr Dengs gläsa) on han denkt, nò les-e die ganze noml vo Ãfang ã.

    Ge-eM-Malliet mua-n-e glei amòl guugla.

    Aha. Hert sich endressant ã. Sen dia guat? Wenn du se liesch, vrmutlich scho.


    #134Author Goldammer (428405) 05 Dec 18, 15:43
    Comment

    @ Vegale: Assooo, an riiriid ! Rebecca Gablé kenne au, honn bloß no nia äbbes vonnera gläasa. Middlalderschingga, des hoißt Gschichtschingga mage au und hommer scho viele neizoga, allerdings in Franze und ibr Frankreich. Des dätme auno jugga: Das Europa der Könige vom Leonard Horowski. Kennsch des? Und Der dreißigjährige Krieg vom Hans Medick däte au gern no läasa. Bloß sind die halt a wengle deijer.

    Die Gschichta vom Max Tudor sin erholsam zom läasa. Ma vrschdoht alles. I magse.

    #135Author Moi Gab (456541) 05 Dec 18, 21:26
    Comment

    Guada Morga Scheißerla! I winschmr zom Geburdsdag und zua Wiehnäta, dass unsr Schbägale id eischlôft. Dasse abzunzua Ahla und Bisuuhs git. Dasses am Mannile, unsrm Fadababbe, und alle andre guad gôht. Lomme id im Schdich!

    #136Author Moi Gab (456541) 07 Dec 18, 11:00
    Comment

    Gäbele, an scheane Geburzdag ond a guez Johr wensch i dier.

    Do schdell i glei amohl an Haufe Aaaahla rei ;-)

    #137Author manni3 (305129) 07 Dec 18, 12:08
    Comment

    Wex dr A8 vo Ulm uff Augschburg geiz an Brozess oms Geld. D SZ hadd im Ardickl drzue a nedde Eilaitong gschrihbe:


    Was für ein großes Wort: Pansuevia! Vereint alle Schwaben unter deutscher Sonne, alle bayerischen und alle württembergischen und die Bayern mit den Württembergern - kein leichtes Vorhaben, wie jeder weiß, der einmal einen Allgäuer nach seiner Meinung über die Augsburger gefragt hat. Nun aber soll ein breites Band sie verbinden, zwar nicht aus Sympathie, dafür aber aus Teer und Kies und sechsspurig.

    *hihi*

    #138Author manni3 (305129) 07 Dec 18, 12:12
    Comment
    Hallo Gäbale,
    au von mir älles Guade zom Geburdsdag. Bleib gsond ond mach dr koine Sorga om den Fada .
    #139Author Muggaseggale (1004776) 07 Dec 18, 16:22
    Comment

    Oh dankschee iar Zwoi! Aber des isch doch erschd morga innera Woch. Machd nix, dia Ahla und Winsch nimme au vorher scho, gell. Immr herdamid :))


    Die Vereinigung der Schwaben – i lachme schäbbs

    #140Author Moi Gab (456541) 07 Dec 18, 22:50
    Comment

    Gäbele, des Fädale gòht et onder solang mir no graddla kennet!

    Sei beruicht!

    I nemm mr a Haadvoll Ahla vom manni on dur a baar nuie vo mir rei.

    #141Author Goldammer (428405) 07 Dec 18, 22:57
    Comment

    Okee, Vegale, liabs :)))

    #142Author Moi Gab (456541) 07 Dec 18, 23:28
    Comment
    Gaaanz liabe Griaß an alle Schwaobafädlr ... i han bloss grad doddaaal weanig Zeidd .. abr fr a Busserle langz nadiierlich allemaol.
    Desischmrfreischoowichdigg, gell!
    Wasglaobadrdenn! Saggrmenddle! Pansuevia! Hannoh! Siju nägschddtaimoddrsozUlmoddrwoandrschd...
    ;-)
    #143Author schwäble (951819) 08 Dec 18, 01:32
    Comment

    Ach isch des schee dass mr sich seit Ulm a Gsiicht zo dem Schwäble on dem Muggaseggale vorschdella kã!

    #144Author Goldammer (428405) 08 Dec 18, 08:28
    Comment

    Der Faden lebt!

    #145Author Miss Anthropy (700297) 08 Dec 18, 09:19
    Comment

    Das Micromus hat gestern eine Ausgabe von Schule & wir (Zeitschrift) mit heimgebracht. Drin ist ein Artikel über Dialekt in der Schule und "derzua" gibts a "Dialekt-Quiz". Ihr habt bestimmt auch Spaß dran. Also:


    Schwäbisch

    äll bodd:

    aleida:

    Flädlesubb:

    Moggale:

    ommasoschd:


    Bairisch

    bodschad:

    Duselbruada:

    griabig:

    Mongdratzerl:

    Zamperl:


    Fränkisch

    Babberdeggl:

    Badscherla:

    Erpfl:

    Gschmarri:

    Maunzala:


    Oberpfälzisch

    Biwerl:

    Dipfl:

    Hodern:

    Kou:

    Spouzn:


    Vill Schbass!

    #146Author Miss Anthropy (700297) 08 Dec 18, 10:13
    Comment

    Im Frenkesche beni mier bei a baar idd sichr. Do bisch ja du Schbedzjalischdin, Herr Mahr. Bei manke siechz a bissle meddaforesch, do waiß i nix gnaus.


    Duselbruada?

    Badscherla?

    Dipfl?



    #147Author manni3 (305129) 08 Dec 18, 12:39
    Comment

    *gg* desch luschdeg. Danke Frau Moose.


    Schwäbisch

    äll bodd: immer, ständig, wiederkehrend

    aleida: anrufen

    Flädlesubb: Flädlessuppe halt

    Moggale: Kalb

    ommasoschd: umsonst


    Bairisch

    bodschad: ungelenk, trampelig?

    Duselbruada: einer, der Glück hat?

    griabig: gemütlich, angenehm

    Mongdratzerl: VrsuachArle

    Zamperl: Dackel


    Fränkisch

    Babberdeggl: Pappendeckel

    Badscherla: verniedlichend zu Händen

    Erpfl: Äpfel?

    Gschmarri: Blödsinn

    Maunzala: Kätzchen?


    Oberpfälzisch

    Biwerl: Kücken

    Dipfl: Pickel?

    Hodern: Lumpen

    Kou: Kuh

    Spouzn: Spatzen

    #148Author Selima (107) 08 Dec 18, 12:47
    Comment

    Danggschea Missie!


    I brobier's au, wo mr sMoisle no ebbes iebrigglassa hat:


    Bairisch

    bodschad: ungelenk, ungeschickt (trampelig ist mir zu stark)

    Zamperl: kleiner rundlicher Hund, insbesondere Dackel


    Fränkisch

    Erpfl: Kartoffeln (Erdäpfel)

    Maunzala: was zum Essen, so kleinere Teile wie Schupfnudeln?


    Oberpfälzisch

    Dipfl: Tupfen (Dipflschisser)

    Spouzn: ??


    #149Author twocents (460778) 08 Dec 18, 13:16
    Comment

    Badscherla sin fr mi gloine Händ. Kloine Kinder saitma, sia solled a Badscherle gäa – aber, ob des im Frängkischa au so isch?

     

    An Diplf isch fr mi an Punkt – Dipfelesscheißer

     

    sBayerische ? älls null Ahnung

     

    sFrängkische : Erpfl, Gschmarri, Maunzerla ???

     

    sOberbfälzische: Hodern, Kou, Spouzn ???

     

    Ansonschda honnes Gleiche wias Amoisle.

     

    Danke Missi!!

    #150Author Moi Gab (456541) 08 Dec 18, 14:31
    Comment

    Zue Mongdratzerl däd i Amüsegöhl sage ;-)



    Zue deam fellbr ei, dasse jiez zFranke doba oo scho ibr dean Schbrochkollonjalismes vom Bairesche jammred: SZ: Wenn aus dem Gerupften ein Obazda wird

      

    Bei eis lenxlechesche ond rechzillarsche Schwobe kenn i des scho lang: S Stüberl fiers Stüble ond Fleischpflanzerl fier Fleischküchle - onzoweidr!

    #151Author manni3 (305129) 08 Dec 18, 17:08
    Comment

    Boschurle, Schbätzla!

    Aufem Pfänder war’s heit nass und windig (Oh du schö-ö-öner Pfä-ä-änderwald, über deinen Wipfeln pfeift der Wind so kalt)…. abr dPforsizie, wo undrm Balko schdôht, hôt a baar gäale Bliatla !

    An scheena zwoita Abfendt!

    (Vegale, die selbrdichdats Gedichtle isch wundrscheee!)

    #152Author Moi Gab (456541) 09 Dec 18, 13:28
    Comment

    *Queen des Pfaenders zuwink* Und bei dem Wetter! Bin beeindruckt.

    Aber hoffentlich wart ihr heute nicht ganz so frueh unterwegs?? Es hat doch ganz schoen gestuermt und geschuettet, als ich aufgestanden bin. Erst spaeter kehrte zumindest kurzzeitig Ruhe wieder ein.


    Irgendwo hier gibt's noch die Loesungen zu dem Dialekt-Quiz; sollte ich die noch pfosten? Oder war alles klar? *bissl den Ueberblick verloren hab*

    #153Author Miss Anthropy (700297) 09 Dec 18, 19:53
    Comment

    Hm, für dia Fränkischa und Obrpfälzischa Wörtr hon i gär ka Wortlösung barat. Und Moggale = Kalb, hm indressant...no nia ghört.

    Ädd bairesch: griabig = rüabig also ruhig ?

    Mongdratzerl (Amüsegöhl?) und Zamperl sän grosse Unbekannte für mi.

    Also jo, Missile, a Uuflösung wär doll !


    Wia lang bisch no am See, Gäbele ? Villichd könnt i di mol begleita ufn Pfändr. Vo wo schtartesch Du denn allmohl - vo Bregaz us?

    #154Author karink (659752) 09 Dec 18, 20:15
    Comment

    Au ja, Uflesong bidde! I han au a baar et rausgriegt.

    #155Author Goldammer (428405) 10 Dec 18, 08:32
    Comment

    Jô, i mag au a Auflesung, bitte.


    Karinkale, mir dreffed uns ammel am Sonndig morgens um Siebane zKressbronn. No fahremer zämma (dia wo halt mitlaufed) nôch Brägens zor Talschdazion vo da Pfendrbah. Von det laufermer nô hoch. Nägscha Sonndig simmer (das Schose und i) idda dô, abr vielleicht da Sonndig druff. Wenns abr vreist isch, mage idda mit – i honn no koine Eisala fr d’Schuah. S’wär turbogeil, wennda ammel au mitgiengschd.

     

    Missi, s’war so! S'hott gschiffd und gschdirmd, abr ersch wommer ausem Wald dussa wared. Und i war soichnass, welle auf Arota vo meim Bruadr mei warme Windrjack azoga gkett honn, un die hots Wasser aufgsauget wia an Schwamm.


    I winsch eich a guade Woch!

    #156Author Moi Gab (456541) 10 Dec 18, 10:37
    Comment

    War das dei Bruadr, der dir en Olm sBarggaus em Fischefiddl embfohla hodd? 🤔

    #157Author Miss Anthropy (700297) 10 Dec 18, 15:55
    Comment

    Ähä, Missi. Sollen haua?

    #158Author Moi Gab (456541) 10 Dec 18, 16:32
    Comment

    Hie rielie siems tu bie voll ow .... guud eidias. 😅


    Sodale, ich mussd nun doch kurz em Aldbabbier rumgrammen abba etzad kommen de Lesungen:


    Schwäbisch

    äll bodd: regelmäßig, dauernd

    aleida: anrufen, telefonieren

    Flädlesubb: Pfannkuchensuppe 🙄

    Moggale: Kalb

    ommasoschd: umsonst


    Bairisch

    bodschad: ungeschickt, tollpatschig

    Duselbruada: Glückspilz

    griabig: gemütlich

    Mongdratzerl: "kleine, unzureichende Mahlzeit" (ich meine, "Vrsuacharle" trifft das ganz gut 😉)

    Zamperl: kleiner Hund


    Fränkisch

    Babberdeggl: Pappe, Karton

    Badscherla: kleine Kinderhände

    Erpfl: Kartoffeln

    Gschmarri: dummes Gerede

    Maunzala: Katze


    Oberpfälzisch

    Biwerl: Kücken

    Dipfl: Tasse

    Hodern: Lappen

    Kou: Kuh

    Spouzn: Knödel


    sAmeisle hatte das Meiste richtig; "Dipfl" und "Spouzn" haben, glaub ich, alle aufgeschmissen. :-}


    #159Author Miss Anthropy (700297) 10 Dec 18, 16:49
    Comment

    S’Brelele fehlt. S’hot seiterra Woch nixme gschrieba. I hoff, s’isch idda grank.

    #160Author Moi Gab (456541) 10 Dec 18, 20:59
    Comment

    Ich mein, sie ist mit Vögeln beschäftigt. *kicher*

    #161Author Miss Anthropy (700297) 10 Dec 18, 22:00
    Comment

    Woo de Häa Muus räschd hadd ...

    :-)))



    Mei Eedidd lossd noch eh gannsa Haufe Bissuus do ... :-)

    #162Author no me bré (700807) 10 Dec 18, 22:04
    Comment

    Brelele, hosch an neija Freind? Piep piep, i bin jô scho ruig ;;;;;;;;;-)

    Merssi fr dia Bisuuhs!

     

    Guada Morga au no a da Reschd da Welt – des hoißt, a meine Schbätzla!

    #163Author Moi Gab (456541) 11 Dec 18, 10:44
    Comment

    Guada Morga Scheißerla, ziehjad eich au warm a, s’isch saukalt!

    #164Author Moi Gab (456541) 12 Dec 18, 08:43
    Comment

    Was nemmsch nocha du aa, wennd uff de Bfendar naufschbrengsch?


    dAudofahrar wäered woll Hendsche aanemma, weil se ebbs zom Kredze hand ;-)

    #165Author manni3 (305129) 12 Dec 18, 09:33
    Comment

    Heit isch bloß kalt (und schee!); saukalt isch was Annersch! ;-)


    #166Author Miss Anthropy (700297) 12 Dec 18, 14:10
    Comment

    's Missile hot recht. Auf d'Zugschbitz miaßetr luaga, Sonne ond tief verschneit.

    #167Author bluesky (236159) 12 Dec 18, 14:31
    Comment

    Gatamorgamiddanand.


    Scheinz hand dBaira Angschd, dass-d se Schwäbisch lerna miaaasat, dr Kombjuhdr kâa no it. :-))



    D'Eddid moint om fembfnauchdreivierdlzewlfe, dass dUhrzeit schwerer wär wia dZaahla alloi ...

    #168Author twocents (460778) 13 Dec 18, 08:56
    Comment

    :-DDD

    #169Author Goldammer (428405) 13 Dec 18, 12:04
    Comment

    Glatt, gell?


    Neilich han-e mit meint Friseere (dia vo Ulm) iebr des Zuig gschwätzt, was auf Hochdeitsch Weihnachtsplätzchen hoißt Bei ihr warat's Breetle, bei mir Loibla. D'Illr isch a Schbrauchgrenz.

    #170Author twocents (460778) 13 Dec 18, 12:23
    Comment

    DuSenzle, drzue fellbr dei Gschichdle ussm Krieg ei, wo se des Schdirmle sei lao hand ond des uff Schwäbesch dellefonierd hand, dasses dr Russ idd vrschdohd! Vrzells doch biddschea noml - des isch soo schea ond i fenz grad oms Vrrecke idd.


    dEdidd moind, dass des bei eis Laibla send, Oizahl Laible ;-)

    Ond idd vrwexle mibbm Leible - gelleze :-)

    #171Author manni3 (305129) 13 Dec 18, 12:24
    Comment

    Des Gschicktle hasch grad scho sell vrzeehlt. ;-)

    De Deitsche hand an Âagriff fr da näggschda Daag abblausa wella, abr bloßmeah iebr Fonk kommuniziera kenna, ônd den hat dr Russ abgheart. Dr Kommandant vô dr Âagriffsêiheit hat Helmut ghoißa.

    Ammend hand halt zwoi Schwauba middanand schwätza miaßa. Rauskomma isch drbei: "Saisch am Helmes, de Schdirmle moara Amoara lammer gâuh!"

    #172Author twocents (460778) 13 Dec 18, 12:26
    Comment

    DANKCHEEEE :-)

    #173Author manni3 (305129) 13 Dec 18, 12:56
    Comment

    Dankschee, au vo mir.

     

    Schdellad eich vor, im Hafa, am Schloss, vrkaufedse Weihnachtskekse!

     

    I honn zua derra Frau gsait, Kekse kaufe koine, no hottsemr Breedla vrkauft. S’gôht doch, wemma will.

    #174Author Moi Gab (456541) 13 Dec 18, 14:16
    Comment

    Se wäez hald mäehr midd Durischde als midd Eiheimesche z dond hao ;-)

    #175Author manni3 (305129) 13 Dec 18, 14:28
    Comment

    Des kã scho sei, manni, abber wenn se dene Kekse vrkauft, vrschenkt se dui Schãse, dene a Legzjoh in grosskaldscherel Lörning zom erteila!

    #176Author Goldammer (428405) 13 Dec 18, 14:43
    Comment

    Do hasch oo mea räechd. Om bfileichd wissez ja die jengre Eiheimesche vo dr Gennerazjooh Schmardfohn oo nemma ;-(

    Soschd bruchze dr Kretschmann  ja idd sovl Sorga mache!

    #177Author manni3 (305129) 13 Dec 18, 16:29
    Comment

    A endressandr Radjohbeidraag .

    Dia Landkardd hêndram Krädschmann isch iebrigenz aus-m Schbrauchadlass vô dr Unni Diebenga

    #178Author twocents (460778) 13 Dec 18, 16:51
    Comment

    Mein allerherzlichschda Glickwonsch zom Geburtsdag, liabs Gäbele,heit abber wirglich! Lass de drugga on vrnudla! Feier schee!

    #179Author Goldammer (428405) 15 Dec 18, 08:44
    Comment

    Gaebele, zu deinem Geburtstag lass dich recht feste druecken *drueueueueueueck* und vor allem recht froehlich feiern! Du hast es verdient! Bleib gesund und munter; das schafft man, indem man ganz viel Kuchen isst!

    #180Author Miss Anthropy (700297) 15 Dec 18, 09:44
    Comment

    ...und indem ma wöchntlich ufn Pfändr laufd - Super ! Oh vò miar alls Liabe und Guete !

    Mersi Tusentle, intressantr Radiobeitrag für a Ussrsüddütschländige :-)

    #181Author karink (659752) 15 Dec 18, 11:07
    Comment

    Dr wirkle Geburzdag vom Gäbele :-))

    I wensch dr an scheane Dag ond a guez Johr.

    Eggschdra-Aaaaahla bloss fier di!!

    #182Author manni3 (305129) 15 Dec 18, 11:30
    Comment

    Do Siehe auch: Wörter, von denen ich im Leben noch nie geh... - #27 haddr Gart des Woed Fei fier Fee aufgfiehrd. Mier isch in deam Ziddad vom Eichedoeff des Woed schdrähle aufgfalle, s Deng drzue isch dr Schdrähl.

    Bei eis isch des s normal Woed gwe. Kenned dier des oo? Sehd des heid no ebbar?


    #183Author manni3 (305129) 15 Dec 18, 11:33
    Comment

    Eh gannsa Hauffe Bissuss fa'eh Geboadsdaaskinnd ! Medd Baddschiis unn Beesoss ganniad ! ... unn eh baa Noradwinndscha noch owwedroff !

    :-)


    Isch winsch' da eh wunnascheena Daach !

    #184Author no me bré (700807) 15 Dec 18, 11:46
    Comment

    schdählen: isch mir vrdraut - i kenn's, han's scho ghert on au gläsa. Agdiv vrwenda dur-i-'s aber et, on kenn au neamerd wo's secht.

    #185Author Goldammer (428405) 15 Dec 18, 14:56
    Comment

    strähla und dr Schdrähl - sichr, des isch miar sehr gläufig, mit dem bin i ufgwaxa, abr i hon s'Gfühl es würd immer wenigr gschbroch oder abglöst vo kämma und Kamm.

    #186Author karink (659752) 15 Dec 18, 17:45
    Comment

    Glückwunsch au no.


    I glaub, bie eis set mr eher schdriegla.

    #187Author bluesky (236159) 15 Dec 18, 19:01
    Comment

    @hemele: echt jetzt? Au zom kemma vo de Leit ihre Hóór? Des han i jetz no nia ghert.

    #188Author Goldammer (428405) 15 Dec 18, 19:33
    Comment

    Schdriehgle kenn i bloss fier dKieh ond dRoss. A Schdrihgl siechd oo ganz andrsch aus als wie a Schdrähl. Abr ironesch kombas scho nemme, wenn ois räechd schdribblege ond gschdäere Hoor hadd.

    #189Author manni3 (305129) 15 Dec 18, 20:24
    Comment

    Also i be als Kend scho frisch gschdriegeld ond biegeld usm Haus ganga. Des hod oifach sei miaßa.

    #190Author costeña (589861) 16 Dec 18, 04:30
    Comment

    Okee, Dennjale, des isch nocha a Reim ond do bassz scho. Abr was hadd dei Mueddr zue dier in am ganz normahle Sadz xed, voerd ussm Haus bisch: Dennjale, du muesch de fei no schdrihgle/schdrähle/kemme! ?

    #191Author manni3 (305129) 16 Dec 18, 12:30
    Comment

    Dass wass beim coschdännja "gschdriegeld ond biegeld" es, dass waa bei unns "geschniigeld unn geschdriigeld" ...

    :-)

    #192Author no me bré (700807) 16 Dec 18, 14:03
    Comment

    Mei Muadr (us Wanga) hed natierle scho kemma gsaid, abr mei Vaddr, der wo in dr Nähe vo Ulm uffd Wäld komma isch, der hedd scho schdriegla saga kenna. Bloß hodd sich der nia drom kemmred, ob sei Dochdr au kemmd isch. Om meine scheane blonde Logga hod sich äba mei Muadr kemmred.

    #193Author costeña (589861) 16 Dec 18, 16:20
    Comment

    Wia de aalt Faasnacht (penktlich an Daag z schbät):


    Gäbale, au vô mier alles alles Guate zôm Geburtdsdaag! Bleib wie da bischt, bisch ja allaweil no a longr Hupfr!

    Lass de ganz fescht drugga!




    Schräahl/schdräahla kenn-e au, abr i wießt neama meah, wo die Wertr no aggdiv vrtwendat.

    Schdriegla isch denk-e au eher schrzhafd verwendat. I sieh drbei nâabäddschde Haur, koine Logga.

    #194Author twocents (460778) 16 Dec 18, 20:53
    Comment

    Danksche Schbätzla!!! Schee wars mit Kind und Kindskind und Kuacha honne au gässa un druggd binne worra vo meine Engklkinder – ganz freiwillig! Sonsch musse ammel drum bättla. Und aufem Pfendr ware id, mir sin grad id am See. Abr meine Pfendrfreind sin gwäa, trotzem Schnee.

     

    Schdrähla kenni scho au, Manni: amma Ross sei Mähne duatma schdrähla – heit no! Abr frs kemma vo de Hoar sait des heit bei eis koiner me.

    Z’Villinga duenze heitno in da Fasnet schdrähla und des hot mi kemma nix zum dua – sDorisle sott des glaube kenna.

    Gschdrieglad und bieglad kenne au und des saitma fr Leit, wennse sich in Schale schmeißet. Abr vo de Junge hertma des nimme. Des saged bloß no so alte Leitla wia i ;)))


    Guads Nächtle!

    #195Author Moi Gab (456541) 16 Dec 18, 22:20
    Comment

    Freut mi Gäbele, dassd an schöna Geburdsdag ket hosch !

    Oh a guets Nächdle, allna midnand !

    #196Author karink (659752) 16 Dec 18, 23:52
    Comment

    As schwäble hätt oos gera bsuacht, kommt abr idd rei: related discussion: Kann nicht antworten - #9

    #197Author Selima (107) 20 Dec 18, 10:08
    Comment

    Ohweoweh Schwäble!!

    Du arms Häsle! Grank, on drzuanã no et dòhanna rei kenna, desch jò echt a Päggle zom draga!

    I wensch dir on em Leo guade Besserong!

    #198Author Goldammer (428405) 20 Dec 18, 10:20
    Comment

    Gäbb schnäll wedda gsonnd, Schwäwwelsche !


    ... omms Fäddelsche kimmad sisch beschdimmd eggdra änna ... dass griin dii wedda hinn ...

    :-)

    #199Author no me bré (700807) 20 Dec 18, 11:39
    Comment

    Guade Besserung, liabs Schwäble! Viel Tee dringka, des entschleimigd ;)

    Machder nix draus, wägam id funza. I ka nixme im Leo schreiba. Dô honne irgendäbbes im Hintrgrund, wo mein Körser allbott an Afang jugga losst. Also schreibe älls im Wörd und mach no koppipeidsch.

    #200Author Moi Gab (456541) 20 Dec 18, 15:15
    Comment

    A ganz liabs Danggschea fr alle guadde Wensch!


    Etzadd hogge wiidr am PC - gadd scho bessr!


    Da hanna - om Ulm rom - haddz an sau Wend, a richdiggs oo guaz Wäddr, dao will ma garedd nedd naus.

    Haha, da flagg i glei wiidr midd amma guada Gwissa aufs Soffa ;-)


    Bleibadd xond!

    :-)

    #201Author schwäble (951819) 21 Dec 18, 13:35
    Comment

    Enzwischa wachelt au bei ons ganz net.

    #202Author bluesky (236159) 21 Dec 18, 18:40
    Comment

    Sodale, meine liabe Schwaoba ond Schwaoba-Meegr odr Schwaoba-Megende, haha, glois Scherzle am Rande ... i bi ja emmr wiidr mal am ibrleega, ob ond wia d Schbroach sich an d Realidädda a-passa sodd. Abr des miasmr ja nedd da henna dischbuddieera.


    I däd mi etz gäara bis nägschz Jaor vrabschiida ond mechdd ui oifach froae Weinächdda wenscha, ond an guadda Aafang fr a gligglichs Zwoidausadneizee.


    Allerliabschdde Griaß

    vom schwäble :-)

    #203Author schwäble (951819) 23 Dec 18, 09:05
    Comment

    Danke liabs Schwäble! Und Frohe Wiehnäta an alle Schwäble- und Schwäble-Megande! Vonnerra Schwäble- und Schwäble-Meganda!


    Koppi Peitsch

    #204Author Moi Gab (456541) 23 Dec 18, 10:38
    Comment

    Dass haschde scheen gesaad geschriib, mon Gäwwelsche ! Do däädisch misch gladd aanschliise unn winnschem Schwääwelsche unn alle annare aach eh scheeni Zeid !


    :-)

    #205Author no me bré (700807) 23 Dec 18, 10:45
    Comment

    Au emmer widder an scheener Weihnachtsglassiger.


    Feieret schee!

    On isches et fascht schee zom hera, dass ieber Weihnachda velleicht dr Rhei a gloiners Hochwässerle griagt?

    #206Author Goldammer (428405) 24 Dec 18, 08:24
    Comment

    I mecht ui alle oo no scheane Feierdäg wenscha, feirat schea, genießat da Drubl, d'Ruah, d'Schdille odr was oo emmr fr ui zu deane Feschdäg drzuagheart.


    Ond am Manne wensche, daß er sei Weihnachtslieblingswort "Ainhait" heit widr bsondrs schea endoniert heart.

    #207Author Selima (107) 24 Dec 18, 11:07
    Comment

    Von mir au scheene Feierdag.

    #208Author bluesky (236159) 24 Dec 18, 11:17
    Comment

    Schoaiö Noäll meh Schbätzla und Mannischätzle !

    #209Author Moi Gab (456541) 24 Dec 18, 16:20
    Comment

    Ui all a scheas Weihnachzfeschd. Lanz Krischkendle gued komme :-))


    Ja, Maisle: In dr Ẽẽinhaid dess Hailigenn Gaischdess :-))

    #210Author manni3 (305129) 24 Dec 18, 22:33
    Comment

    Ah ja, schdemmt, zwoi vrschiedne -ei-. Abr alz Nordschwaub kaa i mir des ned mergka.

    #211Author Selima (107) 25 Dec 18, 09:49
    Comment

    Do merg sofar i an Onderschied, obwohl is sonscht koi Ohr fir sowas hab.

    #212Author bluesky (236159) 25 Dec 18, 16:33
    Comment

    Aufm Balkan isch scho kuahnacht. I drehme iatzt nochd om ond gugg ends allgaiArische Aubndgliaha. Morga no ond scho isch dia Wuch rom.

    #213Author Selima (107) 27 Dec 18, 16:40
    Comment

    Auf dr Zugschbitz hots Schbura im Schnee. Wer isch denn so verrückt, jetzt aufn Gipfl zschdeiga?

    #214Author bluesky (236159) 28 Dec 18, 11:54
    Comment

    Des send die, die wo zlagg send, dass se vo ganz vo donda naufgand ond wenegschdns die ledschde femfhondrd Meddr vor Baah zom Kreiz nomm z Fueß mache wend: "I be zFueß uff de Gibfl gange - boahey!!"

    #215Author manni3 (305129) 28 Dec 18, 14:43
    Comment

    Besser spät als nie: Meeeeeeeeeeeeri Krissmaß end ah heppi nju jier tu ahl mei frends in Schwabenland!! 🎄🎁🎉🎆

    #216Author Miss Anthropy (700297) 28 Dec 18, 22:03
    Comment

    ẞänk ju änd seim tu ju änd juer Kälbla 🎄 🎁 🎆 🎉 🎁 🎄 🎉 🎆

    #217Author manni3 (305129) 28 Dec 18, 23:01
    Comment

    ... änd eh häbbi njuu jiia fromm mee tuu 🎄 🎁 🎆 🎉 🎁 🎄 🎉 🎆🎄 🎁 🎆 🎉 🎁 🎄 🎉 🎆🎄 🎁 🎆 🎉 🎁 🎄 🎉 🎆 ... fa allegaare do !


    :-)

    #218Author no me bré (700807) 28 Dec 18, 23:06
    Comment

    Mr sott's et fir meglich halda, aber dr eclectus ausm Grossouwer Dschät dieba hòt mir heit mein Schbruch des Tages gschiggt - woiß dr Gugguk wo der so ebbes ufgablt! z' Arizohnah, wo-n-er her isch, beschdimmt edda....


    Liegd Schnee uff'm Glender, isch Wender,

    liegd's Glender im Schnee, isch's hee!

    Ond liegd's Glender onderm Schnee war's im Sommer scho hee!


    I komm grad vom Singalong en dr Reitlenger Greizkirch, drei Kandada vom Weihnachtsoratorium mit oira Schdond Brob vorher. Des war richdich schee, i ben no ganz aweg.

    #219Author Goldammer (428405) 29 Dec 18, 21:54
    Comment

    Dle wisseschafdlene Abbhandlong ibrs Glender isch echd saugued!!


    Mier hand heid Nahmedag Musegg gmached uff Enschdrumendr. Des isch schea gwe :-))

    Abr i glob, dass sKoersenge noml ebbs ganz ebbs Bsondrs isch - no drzue Kandada vom Bach! I ka mr dei Begaischdrong gued voerschdelle :-))


    #220Author manni3 (305129) 29 Dec 18, 22:55
    Comment

    Mittlerweile isch dia Tageszeit sogar scho wieder 49 Sekunda länger als wia zur Wintersonnawend.

    #221Author bluesky (236159) 31 Dec 18, 10:04
    Comment

    Subbjegdiv merg i no et arg viel drvo, abber das Wissen dass es ufwärts gòht isch uf jeden Fall guat! Scho fascht a Minutt!

    I wensch eich an guada Rutsch!

    Mei Jonger en Neiseeland donna feiert scho en 6 Menudda 's nuie Jòhr!

    #222Author Goldammer (428405) 31 Dec 18, 11:54
    Comment

    zAlaschka däffeze äeschd innar halbe Schdond feire ;-)


    I wensch ui all a guez nuis Johr 🙂

    #223Author manni3 (305129) 01 Jan 19, 09:38
    Comment

    Arg vrschbötete (tzzzz.....) Waihnachdswünsch und äuch allne Gsundhait und Glück im näue Jòhr !!


    All Jôhr wiedr schö: A dr schöna blaue Donau ! Gottseidank gits Filharmonikr... Iahr könnd äuch net vorschdella wases für a furchdbare Vrschandelung vô dera Musig git - geschdr/um Mittrnachd bin i Ohrazäuge vô dr schiachschta Wersion überhaubt gsi...

    #224Author karink (659752) 01 Jan 19, 14:13
    Comment

    Bonne année 2019 à meh Scheißerla prefereeeeeeee

    #225Author Moi Gab (456541) 01 Jan 19, 14:31
    Comment

    Au a guads Neis!

    #226Author bluesky (236159) 01 Jan 19, 14:32
    Comment

    Des midm Glender gfälld mi ah!

    Hoff, ihr seid alle gud neigrutscht!

    #227Author Miss Anthropy (700297) 01 Jan 19, 15:35
    Comment

    Wiaso kann i mein ledschda Beitrag ned editiera?


    Egal, i hen a nuia Webkäm gfonda: https://www.ramsau.de/webcam-malerwinkel.html


    #228Author bluesky (236159) 01 Jan 19, 15:37
    Comment

    Oh, dankschee, hemele, a neis Schdigg en meira Sammlong!

    #229Author Goldammer (428405) 01 Jan 19, 17:57
    Comment

    Jetz brennt au no dr Krischtbaum ond 's Briggle ich au beleichtet. So schee scho.

    #230Author bluesky (236159) 01 Jan 19, 20:06
    Comment

    Und an Schnee hennse au !

    #231Author Moi Gab (456541) 01 Jan 19, 20:32
    Comment

    Herr Mar from Uhs' Schwäbische Geschichte des Tages:


    Kunde: "Habt ihr no irgendwo Froschfutter?!"

    HMfU: ...*mumbles under breath* "Froschfutter....."....(brain is going in overdrive)

    ---ein Licht geht auf---

    Ahhh, Frostfutter meint der Kerl!

    #232Author Miss Anthropy (700297) 03 Jan 19, 21:11
    Comment
    Waas biddschee isch "Frostfutter"?
    #233Author Muggaseggale (1004776) 03 Jan 19, 21:29
    Comment

    I glaub Tiefkiehlfudder fir Hond...odder, HmfU?

    Hoi Muggaseggale! Dir au no a guats Nuis nòchdräglich!


    I ben grad kurz dussa gwä beim Kudderoimer on han reacht gschdaunt: es hòt a Schneele nãgschmissa des wo liega bleibt! Jetz lammegao!

    #234Author Goldammer (428405) 03 Jan 19, 21:33
    Comment

    In diesem Fall war's gefrorenes Futter fuer Schlangen und dergleichen aber fuer Hunde gibt's das auch, hast Recht, Emmerle!

    "Nãgschmissa" isch a scheens Word. ;-} Hier ist's auch zumindest etwas weiss. Das gefaellt mir gut.

    #235Author Miss Anthropy (700297) 03 Jan 19, 21:59
    Comment

    Logisch, wemma Kälbla hott wo schibbad ! ;)))

    #236Author Moi Gab (456541) 04 Jan 19, 00:49
    Comment

    Bisa jetz bleibt as Schneechaos no aus. Was isch a Kudderoimer? I kenn an Kudder, der schteht beim Metger en der Wurschtkich.

    #237Author bluesky (236159) 04 Jan 19, 07:56
    Comment

    Mülltonne, hemele.

    Erschdaunlich, dass mr des et secht bei eich. Saget ihr echt Mülltonne??

    #238Author Goldammer (428405) 04 Jan 19, 10:50
    Comment

    I hett jetz Dräggoimer odr –kiebl gsait.

    #239Author Moi Gab (456541) 04 Jan 19, 13:24
    Comment

    I glaub, selligsmol hamer Aschetonne gsagt, Aber ja, z'Menke saget se Mülltonne.

    #240Author bluesky (236159) 04 Jan 19, 15:42
    Comment

    Schalömle - hot em Winfried sei Gerlinde gsagt, bal se mitra Delgatio z'Israel war. :-D

    #241Author bluesky (236159) 04 Jan 19, 19:43
    Comment

    Des is no viiiel zu wenig zum Schibba!

    #242Author Miss Anthropy (700297) 04 Jan 19, 20:33
    Comment

    Zwenig zom Schibba? Nô komm her! In Donau schneijets wia ab! Gnuag Schnee fr d‘Kälbla.

    I flagg jetz in d‘Badwann – mittama Buach, id middem Schose. Dôdafiar isch unsr Badwann zgloi ;))


    Mülltonne, Himmale? Desch abr diafbairisch, saggradie! Boey!

    #243Author Moi Gab (456541) 05 Jan 19, 11:39
    Comment

    Notiere: Geschdern wars zwenig zum Schibba; heit schneids wie bleed und i frei mi scho affs Schibba! ;-P Die Kaelbla send beim Schdernsinga und sehng beschdemmd ahs wie Schneemenna. :-P (Heit nomiddach muss i mid ihnen los!) >.<</p>

    So soll der Winter aussehen, jawohl!

    #244Author Miss Anthropy (700297) 05 Jan 19, 12:32
    Comment

    I ben grad mitm eclectus ema Gschbräch ieber schbròchliche Feinheida. Dò semmer uf die Endung ...ert fir Eigaschafda komma, als Beischbiel: deppert.

    I moin, es gäb dòdrfier no andere Beischbiel...mir fellt abber oms Vrregga grad kois ei.

    Helfet mr au!


    #245Author Goldammer (428405) 07 Jan 19, 17:53
    Comment

    @Emmerle: meinsch du

    bewandert

    getigert

    begeistert

    erweitert

    gepolstert

    (Suachschamol noch *ert im LEO, no kriagsch a baar relevante Treffr.)

    #246Author Doris (LEO-Team) (33) 07 Jan 19, 18:02
    Comment

    Boah toll...danke, Dorisle!

    Derf i drotzdem noml nòchhòga...i han irgendwia so a Gfiehl, wie wenn's au schbezjelle Dialektwerder gäba dät, wia deppert halt, dia wo's em Standarddeitscha et gibt....mir liegt mendeschdens ois uf dr Zong, abber i komm grad et druf.

    #247Author Goldammer (428405) 07 Jan 19, 18:06
    Comment

    lätschert

    doagert

    #248Author Doris (LEO-Team) (33) 07 Jan 19, 18:07
    Comment

    Genau soddiche hab i gmeint! Danke! Bischn Schatz! 's eglegdusle wird sich fraia!

    #249Author Goldammer (428405) 07 Jan 19, 18:12
    Comment

    abr mir scheint des eher a Phänomen em Bairischa zom sei:

    eckert

    hupfert

    oaseitert

    motzert


    #250Author Doris (LEO-Team) (33) 07 Jan 19, 18:14
    Comment

    Ja, des denk i au. Zu lätschert däda mir lätschig saga. 's taucht fir manche Adjektive an dr Schdelle vo -ig auf. Geht abber et bei älle. Siehsch du des au so.

    #251Author Goldammer (428405) 07 Jan 19, 19:03
    Comment

    gschlampert

     

    näggert (i dät aber nagged odr naggig saga)

    #252Author Moi Gab (456541) 07 Jan 19, 19:20
    Comment

    I dät oh nackig säga, Gäbele, dò im Usland hôn i drfür abr nôch a anders Wort glernt: blunt, (als Werb: blüntla), am Afang hôn i des gär net vrschdanda...zu miar\elegant sTeema vrfählt/raim uz

    Ah jo, alle ufgfüarta Wörtr uf -ert dät i mit -ig am Schluss säga, kein -ert im Gsibergische :-)

    #253Author karink (659752) 07 Jan 19, 21:00
    Comment

    I hald die Forma mit -ert ond -ig idd fier Schwäbesch.


    begeistert -> begaischdred

    eckert -> egged

    oaseitert ->õiseiddeg


    #254Author manni3 (305129) 07 Jan 19, 22:27
    Comment

    Dia mit -ig scho: naggig, gotzig, grätig, breschdig,mêegig, mêichdelig - fr mi isch des allz Schwäbisch (abr i bêe ja au vom Ôndrland, Doana nâa ônzo)

    #255Author twocents (460778) 07 Jan 19, 22:32
    Comment

    's Dorisle on i sen ons jò scho oinich gwä dass des ...ert bairisch isch. Ausganga isch dui Diskussjoh jò eh ieber deppert, des war des wo i mi mitm egledusle drieber ausdauscht han. On des isch gwieß et schwäbisch.

    #256Author Goldammer (428405) 07 Jan 19, 22:40
    Comment

    Manni-mon-Scherri, wia gôhts deine Balkonvegala ?

    #257Author Moi Gab (456541) 09 Jan 19, 16:49
    Comment

    Schwäbala, I griaß ui älle ond hoff, uir nuis Johr hot guad agfanga!


    En meim Schwäbesch däd des allz mit -at ausgschbrocha wera: naggat, debbat, eckat, gschlampat, dreggat, rutschat. Ond ruschat isch grad gua bei oos rom :-)

    #258Author Selima (107) 09 Jan 19, 17:00
    Comment

    A Griaßle zrigg :)))


    Uhsichtbare Ahla schdiehl

    #259Author Moi Gab (456541) 10 Jan 19, 00:04
    Comment

    Es schneit und schneit und schneit.Bald zwanzg Zanti aufm Balko.

    #260Author bluesky (236159) 10 Jan 19, 10:28
    Comment

    Bald zwanzg ẞandemeddr uffm Balkooh uffm Ballkaah.

    sVoglheisle isch dussa, bloss bVegela hanz no idd gmerkd 😕



    I lass dr amohl a baar Ahla do, Gäbele, sichd- ond oohsichdbare 😉

    #261Author manni3 (305129) 10 Jan 19, 21:35
    Comment

    Halld dass Dach dass aach aus, manni ?


    Medd dänne Schmaddßa schliisisch misch aan ...

    :-))

    #262Author no me bré (700807) 10 Jan 19, 21:57
    Comment

    Bfegala sin eh rahr. I honn dô no koi gotzig gsäa (noi, isch glooga – dicke fette Elschderra fliaged umanand).


    Boschurle Schbätzla! Merssi fr d’Ahla und Bisuuhs!


    I hoff, eijer Dag wird schee. Und fr dia wo schaffa mond: S’Wochaend schdôht fr da Diar. Lonnz rei!!

    #263Author Moi Gab (456541) 11 Jan 19, 09:52
    Comment

    Bréle, i hoff, dass es des Dach aushalt. Jidz wäez kriddesch, weils in dean Haufe Schnäe neireanged. Do wäed a glei dobbled so schwäer!! ;-((

    #264Author manni3 (305129) 12 Jan 19, 09:22
    Comment

    Manni, nau muaschd halt bâahna. Wenn da's it vrschauflescht, kôodsch dr noopfallz a Frääse gâu leiha. ;-))

    #265Author twocents (460778) 12 Jan 19, 10:15
    Comment

    Beir Fischartechneck   gäbs oine, die koschd nui bloss 17,99 €. Des ibrleg i mier.


    Danke fier dean Tibb, DuSenzle! Isch doch gued, wemma a techneckaffihne Freindenn hadd :-))

    #266Author manni3 (305129) 12 Jan 19, 10:43
    Comment

    😂😂😂

    #267Author Miss Anthropy (700297) 12 Jan 19, 10:46
    Comment

    Jô, unser Senzle isch scho a gscheits Mädle und schdellad eich vor, da Schose hot gsait, er dei jetz ernschdhafd Deitsch lerna, wells Senzle ernschdhafd Franz lernt und no kenndadse beim näggschda Dreffa mitanand schwätza. Dô binne amôle gschbannt. :))))

    I moin, des heijer au schomml am Vegale vrschbrocha oder deischeme dô?

    Wenn dreffamer uns? I kahs id vrwarta!

    #268Author Moi Gab (456541) 12 Jan 19, 10:57
    Comment

    Also i kã me et drã erennera dass dr Schose wega mir hett Deitsch lerna wella. Abber wenners wegam Senzle duat, kööt i jò au mitem parliera....

    #269Author Goldammer (428405) 12 Jan 19, 12:02
    Comment

    Sodale, zwischanei mal wiidr liabe Griaß außem bayrisch-widdabergischa Grenzgebiidd. Etz häddmer so an scheana Schnäa ghedd ... abr des hadd scho heidd Naachdd zom Taoa a'gfanga ond rächdd wendig ischs au ... i glaub, heidd bleibe denna ond flagg faul omanandr.


    Machaz guadd, i dua grad gmiaddlich Kaffe drengga ... d Räschddfamilie schlaofdd no ...


    PS: i kenn au däbbadd, gschdengadd ... bi grad am Iibrleega, wia e "gschdengadd" iibrsedza däd ...

    Des isch a gschdengaddr Käs. "Das ist ein stinkender Käse" driffds doch nedd so ganz, odr? Was moinadd Ihr?

    #270Author schwäble (951819) 13 Jan 19, 09:26
    Comment

    Guede Moege, Schwäble :-)


    I heddz oo mid "stinkender Käse" ibrsedzd. Des Bräfiggs "g" kaa ma globi idd vrnembfdeg uff Hoechdeidsch ausdrucke. Sedde Feihaida fähled dr Schdandardschbroch.


    I wensch dier ond allmiddanand oo an scheane vrreangede Sonndag. In de Bäerg schneiz - Schnäefallgrenz bei taused Meddr, sageze.

    In dr Nachd däebs mea biss uff seggshondr Meddr raaschneie. S Maisle odr sMaislesaahengsl wäed moenammoeges schnäeschaufle mieße 😓




    Dei Ibrsedzong gfellbr gued :-)

    By tar fair sane isch em Bairesche allardengs a Sengular. Dr Blueral wär by day fair sane.


    #271Author manni3 (305129) 13 Jan 19, 10:02
    Comment

    Des deamr durchgänge. Wannz oos id zuagschneit hot odr dr Scheapfluag zuagschoba hot, send nochanand d'Dachlawena rakomma. Dr Dengs hot sein däglecha Wörkaut ;-)

    #272Author Selima (107) 13 Jan 19, 11:01
    Comment

    Däglecha Wörkaut - deesch fei xond ond ächd schwäbesch schbaarsam: Brauchd a nix im Fiddness zahle - so wie du 😉


    #273Author manni3 (305129) 13 Jan 19, 11:32
    Comment

    Desch scho reacht so. I bee ja alz Schwob gebora. Dr Dengs muaß se des erscht aalearna ;-) Abr ear isch scho reachd guad dren. 'r hebt scho fascht so vill Zuig, wasmr nomml braucha koot, auf wia mei Baba.

    #274Author Selima (107) 13 Jan 19, 12:16
    Comment

    Faschd 😉


    Wer immer strebend sich bemüht,

    Den können wir erlösen.

    Faust II

    #275Author manni3 (305129) 13 Jan 19, 12:25
    Comment

    Des deamr durchgänge. Seet ma des so bi diar, Amaisle ? durchgänge für durchgängig oder immerzu ?


    Im weschtlicha Uusland hot's gär kan Schnee, während in dr gsibergische Haimat sogär im Tal no an Meter gläga isch, der ietzt untrm Rega zemmfallt :-((



    #276Author karink (659752) 13 Jan 19, 13:21
    Comment

    Karenkle, des geid a guede Ondrlag, wenns in de nägschde Däg keldr wäed ond druffschneid! Do kaasch gued zom Schifahre gao midd deine nadduurbijologesche oovrleimde eschene Holzschi ;-)

    #277Author manni3 (305129) 13 Jan 19, 13:48
    Comment

    'r hebt scho fascht so vill Zuig, wasmr nomml braucha koot, auf wia mei Baba.


    Des dät i jetzt doch au als guats Zoicha fir a gelingende Indegrazjoh werda! :-DDD

    #278Author Goldammer (428405) 13 Jan 19, 14:18
    Comment

    Pfffft ! Du mahnsch doch wohl net mine Fassduba ?

    #279Author karink (659752) 13 Jan 19, 14:57
    Comment

    Karenkle, zemle genao soo :-))

    Bloss Obachd gea, dass die Bendl uss Flax send ond idd uss Nailon, gell!!

    #280Author manni3 (305129) 13 Jan 19, 17:38
    Comment

    Die Bendl sind sicher us igfärbtam Bambus, des ist am oekologischta, der brucht kaum Wasser und fallt braktisch als Abfall à, gell!!!

    #281Author karink (659752) 13 Jan 19, 18:07
    Comment

    Des isch nocha scho a ganz a bsondrene Biohaiteckausrischdong: Gsibäergar aichene Fassdauba mid kinesesche handgferbde Bambusbendl - BoaEy!!

    #282Author manni3 (305129) 14 Jan 19, 13:39
    Comment

    Siehbmr nôch schwäbischem Deskamanobraucha aus ;) Da Schdurzhelm isch abr id risaikelt, odr??

    #283Author Moi Gab (456541) 14 Jan 19, 14:43
    Comment

    Bonn nuiii meh Scherrii !

    #284Author Moi Gab (456541) 15 Jan 19, 22:00
    Comment

    Gunnaachd mon Gäwwelsche ! Nämm noch eh baa Schmaddsa medd dii Dräbb nuff !

    :-)

    #285Author no me bré (700807) 15 Jan 19, 22:09
    Comment

    I nimm mr meine Schmatzer vor se weg sin ;)

    #286Author Moi Gab (456541) 16 Jan 19, 20:11
    Comment

    Nocha schieb i amohle a baar Ahla (Baardlenge oiskommadrei Millemeddr) hendrhäe :-)


    Bei eis hadde ganze Dag Zonne gscheind ond s isch räechd warm gwe - ibr zeje Grad.

    Oi godzegs  Kohlmaisle    hadd vorbeiglueged ;-)

    #287Author manni3 (305129) 16 Jan 19, 20:23
    Comment

    So warm isses bei eich!? Hier zeigt sich der Schnee noch hartnaeckig. ;-D

    #288Author Miss Anthropy (700297) 16 Jan 19, 23:22
    Comment

    Warm, ja! S hadd jiez scho mea sibe Grad.

    Abr fier ui Muhs - Herr, Frau ond Kelbla - isch es bessr kald, idd dass ui no dr Hitzschlag driffd mibba im Janewar im Wendrfell ;-)



    Ond no a berujigenda Heeweis fier alle Hibblar ond Hibblarna :-)  

    #289Author manni3 (305129) 17 Jan 19, 09:48
    Comment

    Alladengs!

    #290Author Miss Anthropy (700297) 17 Jan 19, 21:17
    Comment

    Boah, jetz ben-e abber froh...han grad gmoint i miaßt widder a schlòflose Naacht vrbringa wega dem Hibblfagdor vo 1.0309278

    #291Author Goldammer (428405) 17 Jan 19, 22:42
    Comment

    Isch hannmisch alls schommool aangemälld ... unn schigge noch eh baa Noadwinndscha an allegaare !

    :-)

    #292Author no me bré (700807) 17 Jan 19, 23:35
    Comment

    Guada Morga liabe Scheißerla! I hoff sgôht eich älle guad. sSchwarzwälder Himmele isch blau (sMinchner hoffentlich id). Kalt isch, Zonn scheint. I schigg eich äbbes davo numm in Oschda.

     

    Leitla, geschd ware middem Italjenischkurs beijerra Kollegin. Dô hemmer sälbr Nudla gmacht, da Doig war aus Dunschd. Kennader des? Des honne dô s‘erschdmôl ghert.

    i gang jetz da Schose wegga. Häff a naiß Deile!

    #293Author Moi Gab (456541) 18 Jan 19, 08:57
    Comment

    Wele Farb sHemele hadd, waiß i idd - wäez sell idd wisse ond no schlofe ;-)

    Dr Menknar Heml isch jebmfalls voerwignd grau ond mankmohl schneibelez bei om die null Grad.


    Hääf a naiß Deile :-)

    #294Author manni3 (305129) 18 Jan 19, 09:35
    Comment

    I kenn Dunscht - abber au ersch seit-e mitma Beck vrheiradet ben.

    #295Author Goldammer (428405) 18 Jan 19, 19:18
    Comment

    Dunschd kenn i idd. I be ja oo idd midd am Beck vrheired!

    #296Author manni3 (305129) 18 Jan 19, 23:03
    Comment

    I bee au it middam Beck vrheirat, abr i däär be Dunschd auf a biisle greebr gmahles dobblgriffigs Meahl dippa. So ebbes wia Schbäddzlameahl odr Wienr Grießlr.

    #297Author twocents (460778) 18 Jan 19, 23:46
    Comment

    Gnau Senzle, so äbbes wia Schbätzlemeahl. A grebers Meahl halt.

     

    Abr guggamohl na, sVegale hots gwisst. S’isch halt scho bragdisch, wemma an Beck dahoim hot.

     

    Guads Nächtle!

    #298Author Moi Gab (456541) 19 Jan 19, 00:18
    Comment

    Guaznächtlemiddanand!

    #299Author twocents (460778) 19 Jan 19, 00:20
    Comment

    Etz isch z Fädale voolgschwäddzdd ... da hanna related discussion: --192--Alemanneschwobebendele-192-- gaz zom Nuia nomm ... Dankschea manni ond godd Naachdd an alle!

    #300Author schwäble (951819) 19 Jan 19, 01:20
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt