Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --192--Alemanneschwobebendele-192--

    Topic

    --192--Alemanneschwobebendele-192--

    Comment




    Des isch dr hondrdzwaieneizgesch endrnazenal Alemanne-Schwobe-Faade

    zom Hôigaate, Raadsche ond Dischkriere,

    in deam wo ma all grenzibrschraitede Warianda vom Schwäbesche ond Alemannesche läese ond schreibe ka.


    Ond a baar andre Dialeckd no drzue, weil wäe Luschd had, ka oo en andre Schbrocha wie Bladd odr sogar Schdandardneihoechdeitsch schreibe,


    Also dond ui koin Zwang a ond schreibed mid. Mier gfrajeze ibr jedn, däe wo reikudd ond eis Xelschafd laischded :-))


    Ond schreibed ganz aso, wie ui dr Schnabl gwaxe isch - Haubzach so fonedesch wie meglech.

    Desch ja soo endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Bensilveinijadadsch nei.




    ⚫ Vo dedd kommebr ond jiez goz do hinna weidr.

    ⚫ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ⚫ A Lischde mid ibr vierhondrd schbezjelle regjonahle Wäedr haoni am 8.8.2018 abdeided.

    ⚫ Do isch dr Lenk zue de Voergengarfäde     







    Mier hoigaated allad weidr, solangs no ebbs zom sage geid!

    Onz siechd ganz drnoch aus, dass eis dr Gschbrächsschdoff no id so schnell ausgohd ;-))






                        Land id lugg!







    Author manni3 (305129) 07 Jan 19, 00:40
    Comment

    Wass, dass Fäädelsche ess schonn off dii zwädd Seid runna ... jedsade awwa dabba aangemälld !


    Danggeschenn ann de Faadebabba !

    :-)

    #1Author no me bré (700807) 17 Jan 19, 23:34
    Comment

    Vorhin habe oin auf dr. Zugschbitz gseha. Bei dem Schnee!

    #2Author bluesky (236159) 19 Jan 19, 09:52
    Comment

    Jiez senz no a baar mäehr.

    Bei deam scheane nuje Schnäe in dr Sonne ond bei mines zeje Grad isch herrlech zom Schifahre. Do heddi oo Luschd - bloss machd hald laidr mei Knie nemma midd ;-((

    #3Author manni3 (305129) 19 Jan 19, 09:59
    Comment

    Guada Morga liabe Schbätzla!

    Und Vrgeltsgott Manni frs Schbaagabaschdla. (Schdelled eich vor, mein Bruadr, MEIN BRUADER!! woiß id wa en Schbaaga isch! Der war wohl nia middem Babbe im Garta Brombeara naufbinda).

     

    Und Vrgeltsgott Schwäble frs Dierlezuamacha un nummleita! I hettme sonsch vrirrt.

     

    Häff a naiß Dei und au a naiß Wiekend :)))

    #4Author Moi Gab (456541) 19 Jan 19, 10:13
    Comment

    D’Edith moint no, i sott eich frôga, ob iahr des vrschdandet:


    Der Schädel ist eine Schale, wo die Lebensprozesse zu Ende gekommen sind.

    Siehe auch: in deren Mark die Blutbildung stattfindet - d... 

    #5Author Moi Gab (456541) 19 Jan 19, 10:20
    Comment

    I glob, do gohz im Konteggschd drom, dass in de Röehreknoche dBluedbildong schdaddfendt, im Schädl abr idd, obwohls oo a hohla Knoche isch.

    #6Author manni3 (305129) 19 Jan 19, 11:44
    Comment

    Dankschee Manni! Isch abr wellawäag a gschuggde Ausdrucksweis, des“wo die Lebensprozesse zu Ende gekommen sind“. Findsch id au?

    #7Author Moi Gab (456541) 19 Jan 19, 13:52
    Comment

    So, wias ausschaut, werd do im Rathaus gfilmt.

    https://www.muenchen.de/sehenswuerdigkeiten/w...

    #8Author bluesky (236159) 19 Jan 19, 18:43
    Comment

    Guada Morga liabe Schwäbla ! Häff a naiß Sonndägle :)))


    Dät heit gern mit eich a Kaffeeeele dringka. S’gôht abr id, welle dô bin und iahr det sinn.

    #9Author Moi Gab (456541) 20 Jan 19, 10:07
    Comment

    Jò, desch scho schad. So isch halt mit dene Fraind dia wo mr ieber des moderne Indernetglomp kenna glernt hòt....

    #10Author Goldammer (428405) 20 Jan 19, 12:29
    Comment

    Fier an wirrduelle Kafee raichz scho. Machebr ebbs aus? So ommare viere wär a guede Zeid, abr do beni idd dahoi, weil i midd meim Bassklarneddlesbläddlesaufbewahrongseddwihle middsamd em Bassklarneddle zom Bassklarneddle gang. Ond do geiz bloss an Tee.

    #11Author manni3 (305129) 20 Jan 19, 13:17
    Comment

    Es schneibalat a wengle.

    #12Author bluesky (236159) 20 Jan 19, 14:47
    Comment
    Scheane Griaßla von det, aber so gsea ben i ja da hanna ond nedd det, det ka bloss sei, wer nedd det isch, gell?

    Uiuiui, da griagdd ma ja an Knoodda am Hiara...

    An scheana Sonndiggaobadd wenschdd ui

    z schwäble :-)

    (Wennr des läasa kennad: hanni da hanna aufem Handy gschriiba, juhu)
    #13Author schwäble (951819) 20 Jan 19, 17:36
    Comment
    Bloss guggadd, obs ao zwoimal hendeanandr gadd.
    #14Author schwäble (951819) 20 Jan 19, 17:37
    Comment
    Heidanei!
    Dreimall ao?
    #15Author schwäble (951819) 20 Jan 19, 17:38
    Comment
    Na gugge moara mal, obs emmr no gadd.
    #16Author schwäble (951819) 20 Jan 19, 17:39
    Comment

    Ja warum soll des net geha?

    #17Author bluesky (236159) 20 Jan 19, 19:04
    Comment

    i han doch emmr mal wiidr des Broblem, dasse aufem Hendy en manche Fäda nix neischreiba ka. Manchmal gaz, ond dann aufamalle nemme. Ganz a kääla Sach.


    (Etz hogge abr grad am PC, sonschdd hädde des da hanna ao gar nedd zidiara kenna:)


    related discussion: Kann nicht antworten - #9


    Guaz Nächddle ond - frei nedd vrgässa, falls ebbr moara morga scho bald wach isch ond a bissle Zeidd hadd:


    http://www.spiegel.de/wissenschaft/weltall/bl...

    #18Author schwäble (951819) 20 Jan 19, 20:10
    Comment

    's hòt Wolga, Schwäble, susch däd-e diregt ufschdao.

    #19Author Goldammer (428405) 20 Jan 19, 23:55
    Comment

    I gugg an dr Doana, nedd an dr Wolga ;-)


    Ja, i miisdd eigenddlich scho auf sei, abr wioß nedd, ob e Zeidd hann lengr zom Gugga, schaunmermal däd fr Franz etz sa ...


    Jedafalls muaß i etz ins Bubu, soschdd wädds e nix midd deanr Aufschdanderei.


    Sayonarale, odr so ;-)

    #20Author schwäble (951819) 21 Jan 19, 00:01
    Comment

    I schdand idd auf, weil dr Weddrberichd Wolka ond an leichde Schnäefall hadd. Bluezmao midd Schnäe? Des isch nix, moine!


    Schlaofed gued :-))

    #21Author manni3 (305129) 21 Jan 19, 00:09
    Comment

    I war biesala, abr s’war nix zom säa wäga dene Wolga.

    #22Author Moi Gab (456541) 21 Jan 19, 21:17
    Comment

    Na hoppla, etzad heddich den Omzug faschd verbassd!

    Dangge fiers Baschdeln, manni!

    #23Author Miss Anthropy (700297) 21 Jan 19, 22:04
    Comment

    biesele - nix zom säeche, Gäbele? In dr Nacht siechba des schlechd, bsondrs wenns Wolka hadd. Luegesch hald moanammoeges, ob dr Schnäe gäel isch!

    #24Author manni3 (305129) 21 Jan 19, 22:40
    Comment

    Manni, no wäre an Kinschtler. No hette zom Klofenschdr (Dachfenschder) nausbiesala miassa. Dodafiar binne fei id ausgrischded.


    Vo dem Fenschdr aus siehtma meischd an scheena Schdernahimmel. Desch ammel a Entschädigung dafiar, wemma midda in da Nachd raus muaß auf da Topf. (Jojo, im Altr wirdma zomma Glump)

    #25Author Moi Gab (456541) 22 Jan 19, 15:30
    Comment

    Ich komm nicht drauf, was "moanammoeges" sein soll...

    #26Author Miss Anthropy (700297) 22 Jan 19, 20:19
    Comment
    Morgen morgens, also morgen früh.
    #27Author Goldammer (428405) 22 Jan 19, 21:38
    Comment

    Genau, Emmrle!

    A bissle wäedlechr: Moere am Moege - des s isch fiers Adwerb :-)

    #28Author manni3 (305129) 22 Jan 19, 23:37
    Comment

    Heitamoana isches kalt dussa. Allno -5 Grad am Rand vom Schwarzawald.


    Boschurle Leitla!

    #29Author Moi Gab (456541) 23 Jan 19, 10:21
    Comment

    Manni, des muasch mr jetz fei no erglära, worom dei "am Morgen" fir ...moeges werdlicher sei soll wia mei morgens mitm s....

    #30Author Goldammer (428405) 23 Jan 19, 10:37
    Comment

    Aujô, Manni! Hette womeglich au „Heitamoanas“ schreiba solla?

    #31Author Moi Gab (456541) 23 Jan 19, 10:50
    Comment

    Emmrle, wäedlechr fendis, weils am doschdohd. dBedeidong isch soweso klar ond dei Formelierong uff Hoechdeidsch isch middem Adwerb wesndlech ellegandr :-)


    Gäbele - noi, idde :-)

    #32Author manni3 (305129) 23 Jan 19, 15:48
    Comment

    *interessiert die von mir ausgeloeste Grammatikdiskussion mitles* :-}

    #33Author Miss Anthropy (700297) 23 Jan 19, 15:54
    Comment

    Manni, jetzt bin i dodal vrwirrt. Du fendesch "am Morgen" werdlicher als wia "morgens" , des kabier i oifach et. Abber wega mir kennamrs au õkabiert so schdanda lao.

    #34Author Goldammer (428405) 24 Jan 19, 16:40
    Comment

    Alzo en meim Dialekt dädmr hald "morgens" eanr idd saga. "Wann kommsch?" "Morgns." "Am Morga." odr no bessr "Endr Friah." odr pferleicht "Glei nauchm Angelus" odr gar no vorm, desch nochd en Allrherrgotzfriah ;-)

    #35Author Selima (107) 24 Jan 19, 16:50
    Comment

    En Allrherrgotzfriah isch em Wêndr no kuahranzanaachd ...

    #36Author twocents (460778) 24 Jan 19, 18:05
    Comment

    Desch wohr. Dau koot oo 's Gäbela no idd ondrscheida, obdr Schnea geel isch odr idd - ond wannz en Allherrgotzfriah hell gnua isch, nochd hot's koin Schnea ;-)

    #37Author Selima (107) 24 Jan 19, 19:23
    Comment

    Emmrle, dBedeidong vo morgens isch mr scho klar ond des isch ja oo a idiomaddesch eiwambfreie Formelierong uff Hoechdeidsch. Abr die Silbe am vo moanammoeges isch do hald idd drbei. Des moine mid wäedlech. I haos aingdle bloss gschrihbe, dasse dr Herr Mahr from Uhs idd wondred.


    Gäbele, sMaisle habb fei räechd! Nemmsch a Daschelambe midd, gell!!

    #38Author manni3 (305129) 24 Jan 19, 19:31
    Comment

    Ah, jetzt gòht mir a Gronleichder uf, manni!! Mir vrschdandet des ganz onderschiedlich!!!!!!


    Du liesch des morn-am-Morga(s)


    On i: morn-a-morgeds (morn = morgen; "a" als schbrechtechnische Vrbindong zwischam n on am m; morgeds = morgens)


    On i be mr sicher, dass des bei ons em Flegga so gebraucht worra isch, zom Beischbiel: "Bisch heit et komma, nò kommsch halt morn", oder: "Morgeds isch em Wender no arg grabbanaacht!"

    #39Author Goldammer (428405) 24 Jan 19, 20:41
    Comment

    Isch des idd schea om berujigend, dass mier eis mea vrschdanded, oo wemmr eis zeeschd idd vrschdande hand ond jiez merked, dass ois* ebbs andrschd vrschdande hadd als es s* andr vrschdande hadd :-))


    Des mueß uff jedn Fall in die näggschd Ausgab vom Wäedrbuch!!!

    I haos scho in dTuduhlischde eidrage!



    * Des s isch dr johrdausendealde schwäbesche Beidrag zuer Dschendrgerechdekaid. Kenneze allmiddand amohl a Beischbl nemme, zom Beischbl die Hanefresche ond dDadschiburgar, oo wenn se moined, se häbed grad ebbs ganz ebbs Fordschriddlechs nui erfonde!



    Maisle, so a Woed wie Angelus soddesch du als Luddresche heggschns als Voernahme vom Silehsiuß kenne - odr jebmfalls bloss in deam Konndeggschd häenemme ;-((


    #40Author manni3 (305129) 24 Jan 19, 22:05
    Comment

    Des fend i au, manni, on jetz kann-e beruicht ens Bettle (et en dr Pergola....)

    *dr manni no kurz drugg*

    #41Author Goldammer (428405) 24 Jan 19, 23:45
    Comment

    I lass me gäere vo dier drucke, on zeis oo bloss kuuz :-))

    #42Author manni3 (305129) 24 Jan 19, 23:47
    Comment

    I gang etz au ins Neschd. Daschalamp lege schoamole zrecht. Bonn nuiiii :)

    #43Author Moi Gab (456541) 25 Jan 19, 00:37
    Comment

    Daschelambe isch uff jedn Fall gued! Mankmohl mueßba gnau luege, ob ma de gäele Schnäe äeße  kaa!

    #44Author manni3 (305129) 25 Jan 19, 19:26
    Comment

    So äbbes däs bei eis id gäa, Manni. Dô vrliert doch koiner a Bier, iddamôl an gotziga Dropfa!

     

    Bai ße wei, dätsch iddamôle wiedramôle mitmr zämma biegla wella?

     

    Guada Morga au nô!

    #45Author Moi Gab (456541) 26 Jan 19, 09:49
    Comment

    Midd dier middanand begle - gronzädzle scho, gäere :-))

    Abr es wäed no a Weile daure bei mier. I hao grad a Ladong Tiischörd aufkenkd, ond die wäer i idd biegle wennse drucke send, bloss schnell zemedlege ;-)  

    #46Author manni3 (305129) 26 Jan 19, 11:52
    Comment

    Manne, i bee dransrelegies an alle megleche Breich endressiert. Des griagtmr glei eigweabt, wammr enara Diaschbora aufwaxt, ond bildet frz Leaba ;-)


    I muaß heid oo erscht no wäscha ond dau isch gar koi Bieglwäsch drbei.

    #47Author Selima (107) 26 Jan 19, 12:15
    Comment

    I han vorgescht gwäscha, abber des sen ieberwiegend Onderhosa, on dia biegli et. Dia mua-n-e bloß no abhenka, zsemalega on ufraima. Mei Muader hòt sogar d'Wäschlomba bieglt...

    Des mit dem Tihschörtschnellzsamalega han i a Weile gmacht, abber nò widder ufgea weil se mr ällaweil beim Rom- ond Nomdraga widder ausenandergfludret sen.

    #48Author Goldammer (428405) 26 Jan 19, 12:23
    Comment

    Maisle, a so a Diaschbora hadd scheinz scho ebbs fier se ;-)

    I hao mei Laddein fiers Läebe allardengs als Menneschdrand läerne mieße - sußzibbiat domme Nuss sackrefitzium, ädd komm Schbirridus duo ond so ... Ond nocha hanze des Konzihl do donda in dem Rom gmached ond mei ganze Schufdarei isch fier dKadz gwe ;-(((



    Emmrle, weggs deam Ussandfludre haoni mier de Gablschdabblargriff aagwehnd: midd dr flache Hand, Handfläche noch oba, onda gradaus neifahre ond schea waagrecht lubfe ;-)


    #49Author manni3 (305129) 26 Jan 19, 12:37
    Comment

    Edit: Isch idd so wichdeg gwea.

    #50Author Selima (107) 26 Jan 19, 13:50
    Comment

    Schad, i hedd gäere dei Oowichdex gläese. Do kaani oofd meine liebschde Aamerkonga drzue mache ;-)

    #51Author manni3 (305129) 26 Jan 19, 15:26
    Comment

    I han's gläsa. Isch dr widder besser, Ameisle...?

    #52Author Goldammer (428405) 26 Jan 19, 15:50
    Comment

    I honns id gläsa, Amoisle. Derfe abr wellawäag au wissa, obsdr wiedr bessr gôht?

     

    Wa des flott zämmalega agôht, des wär nix fr mi, welle jedz Tiischört glattschdreichla dua, vores zämmaleg. Biegla duenes au id.

    #53Author Moi Gab (456541) 26 Jan 19, 17:52
    Comment

    Gäbele, gladd aufhenke ond nocha gladdschdreichle duen is oo!

    Ond des fix Zemelege isch oifach a Gschbass ;-))

    #54Author manni3 (305129) 26 Jan 19, 18:13
    Comment

    Schdemmt, Schbaß macha durt 's Zsemalega scho, aber wenn i Tihschörts bloß mitm Gablschdabblergriff rombeiga kã isch mir des zbled.

    Abber i denk, mir kennet anander au mit onderschiedliche Tihschörtzsamalegtechniga reschbegdiera on miaßet anander et missjoniera. Wer du ruich mit deine blitzzsemaglegde, õbieglade, glattgschdrichane Tihschört selich, manni! :-DDD

    #55Author Goldammer (428405) 26 Jan 19, 18:17
    Comment

    Wisseder wamer heit wiedramôl in Sinn komma isch?

     

    Blôs me doch in Schuah!

     

    Kenneder des au?

    #56Author Moi Gab (456541) 26 Jan 19, 18:45
    Comment

    Ja, glar. I moin es hoißt so ogfähr: Lass me doch en Ruah mit deim Läddakäs!

    #57Author Goldammer (428405) 26 Jan 19, 19:41
    Comment

    Mei Dande Senz (Johrgang 98, wissed scho) hadd denn sage kenne: Du kaasch mr mohl uffd Kierbe komme!



    I beige meine Tischörz ibregenz idd romm ond oo idd nomm. I lex zemed ond lex ins Fach. Ond nocha nemm i ois nochm andre mibbm Zangegriff vom räechde Daume ond zwai odr drei räechde Fengr vom Schdabbl ond nemms aa ond dues aaschließnd zObed oozemegleggd ind Wesch. Drvoer riech i abr no draa zuer Kondroll, obse oo schea muffled - mmhhh... ;-)


    #58Author manni3 (305129) 26 Jan 19, 19:51
    Comment

    I kenn des alz "blosmr doch da Schuah auf".

    #59Author Selima (107) 27 Jan 19, 09:27
    Comment

    Rudsch mr da Buggl ra!! (des middm Schuah kenn e abr au).

    #60Author Doris (LEO-Team) (33) 27 Jan 19, 10:17
    Comment

    Des mibbm Schue kenn i idd, abr des mibbm Buggl-Rarudsche scho.

    #61Author manni3 (305129) 27 Jan 19, 10:23
    Comment

    Schdemmt, des mim Buggl isch en meim Gai oo gelaifigr. Odr - oo seltnr: "Du kaaschmr mol am Aubnd begegna".

    #62Author Selima (107) 27 Jan 19, 10:34
    Comment

    Wahlweis: Schdeig mr endDasch! :-D

    #63Author Doris (LEO-Team) (33) 27 Jan 19, 10:40
    Comment

    Des isch wiedramôle da Beweis dafiar, waffer guaderzogene Leitla iahr sin. Des hoißt, eire Babbe und Mamme hens räat gmacht. Ihr heddet des jô schiaßlich au mit „LmdochaA“ erkläara kenne.


    I glaub, i honn heit da Bluhs. Wär so gära wiedr als Kind bei Babbe und Mamme dahoim. Binne id bled!! (in dem Altr!)


    Guada Morga, liabe Scheißerla!!

    #64Author Moi Gab (456541) 27 Jan 19, 10:46
    Comment

    Odr "Du kaaschme mal em Mondschein bsuacha". Odr "Aaah, hau me doch gera!"

    #65Author Selima (107) 27 Jan 19, 10:47
    Comment

    Duu kannsch misch mool gääre hann !


    ... dääd ma bei unns aach saan ...

    #66Author no me bré (700807) 27 Jan 19, 12:18
    Comment

    Ach wie schee... "Schdeig mr en d' Dasch!" - des hòt mei Mudder oft gsagt.....i han mr nò vorgschdellt, wia dui Dasch en ihrem Schurz rareißa dät, wenn i brobiera dät, dò neizomschdeiga!


    Gäbele, so en Gwadsch, du bisch et bleed! So Däg han-i au. I glaub des hòt jeder, bei dem's drhoim schee gwä isch, on velleicht no maih em Alder als wia em jengera Erwagsanaalder.

    #67Author Goldammer (428405) 27 Jan 19, 12:47
    Comment

    Jojo, gäre honne eich älle und des auno feschde.

     

    Dankschee, mai liabs Vegale!

    #68Author Moi Gab (456541) 27 Jan 19, 13:32
    Comment

    Wissader au wa an Gischbl isch? (Im Manniwerderbiachle schdôhts noita)

    #69Author Moi Gab (456541) 27 Jan 19, 13:38
    Comment

    Gäbele, des Werddle kenn-e, e haus abr scho lang nemme ghert (des khoot drvo, wemmr nemme im Ländle wohnt), desch ebbr wo a wengale ôentschpannt isch, odr?

    #70Author Doris (LEO-Team) (33) 27 Jan 19, 13:45
    Comment

    Schdimmd, Dorisle. Da bisch a Gläwerle!

     

    Mei Mamme hot ammel gsait, i sei gischbelig. Und da Lehrer Ahner in da Schual hot ammel gsait: Maidle los des Gambla gau, sGambla wirdar scho vrgau. Und a Freindin vommer sait heitno, i sei hiepragdiv und des mit siebazge! pfffffff


    Manni, dätsch des ins Werderbuach aufnäahma wella? Bitteee

    #71Author Moi Gab (456541) 27 Jan 19, 13:50
    Comment

    Gischbl hot mei Baba oo abbl gsät. Idd zum vrwexla mim Grischbale. Des hotr mi ghoißa. Mei Schweschdr ischs Gischbale gwea ;-)


    Ond no a Erleidrong drzua: http://www.zak.de/artikel/180198/Woher-kommt-...

    Was me draufbrocht hot, daß mei Baba oo (erwaxne) Leid "Gischbl" ghoißa hot, wann se se a wengale bleed aufgfiahrt hond.

    #72Author Selima (107) 27 Jan 19, 13:52
    Comment

    Amoisle, wa bitte isch denn a Grischbale ?

    #73Author Moi Gab (456541) 27 Jan 19, 14:10
    Comment

    A Gischbl isch fier mi oo oir, däe wo se a bissle bleed ond oogschickd aaschdelld.

    A Grischbele isch a halbe Borziooh, so vor Figuhr häe. A dihra Schdoere hald. Des mueßba a bissle rausfueddre.

    #74Author manni3 (305129) 27 Jan 19, 14:12
    Comment

    Genau, ebbr, dear gloi ond dirr isch, isch a Grischbale.

    https://www.stadtzeitung.de/augsburg-city/lok...

    #75Author Selima (107) 27 Jan 19, 14:25
    Comment

    Rechtslechisch hoißt man Krieschperl.

    #76Author bluesky (236159) 27 Jan 19, 15:18
    Comment

    Assssoooo, okele :)

    #77Author Moi Gab (456541) 27 Jan 19, 15:39
    Comment

    Du bisch alz Kend beschdemmt a gischbligs Grischbele gwea, Gäbele, odr? Ond a Schbringingkerle ;-)

    #78Author Selima (107) 27 Jan 19, 15:41
    Comment

    Schdimmd, Amoisle. Des ware boids. Und im Turnvrei ware und koin Baum war zhoch. ;)

    #79Author Moi Gab (456541) 27 Jan 19, 19:56
    Comment

    Des haunemr denkt. Ond fierwitzeg beschdemmt oo ond liab bisch emmr no.

    #80Author Selima (107) 27 Jan 19, 20:00
    Comment

    Grad wia du, Amoisle !

    Boschurle und a schees Dägle winsch. Dir und am Reschd vom Schitzafeschd au :))))

     

    (ob wohls sHimmele mit seine Haihiehls zMinka umananderruschded?)

    #81Author Moi Gab (456541) 29 Jan 19, 08:58
    Comment

    Do rutscht nix. Schnee liegt bloß no in Heifa, abr net auf dr Schdroß.

    https://www.muenchen.de/sehenswuerdigkeiten/w...

    #82Author bluesky (236159) 29 Jan 19, 10:46
    Comment

    Ihr hen erschno a schees Wedderle!

    #83Author Goldammer (428405) 29 Jan 19, 10:50
    Comment

    Ja, vora halba Schdund hots no gschneit ond jetzt scheint d'Sonn. Ha, isch den scho April?

    #84Author bluesky (236159) 29 Jan 19, 10:58
    Comment

    Das Wetter momentan in meinem Heimatort: https://www.wetteronline.de/wetter/madison

    Deswegen moose ich immer schmunzeln, wenn die Deutschen von "eisiger Kaelte" sprechen, sobald es ein paar Grad unter Null ist.

    #85Author Miss Anthropy (700297) 29 Jan 19, 21:33
    Comment

    Dii lädschd Naachd hodd doad (doadlangs aussem zuune Fänschda zei) eh ßendimeeda weißes Zeisch rommgelää ... awoo doo (doolangs aussem gleische zuune Fänschda zei) awwa nedd ... dass doad waa awwa heid meddaach ach wedda wägg ...

    #86Author no me bré (700807) 29 Jan 19, 21:48
    Comment

    Des isch hald no a gscheida Wentr, Herr Mahr !!

    Isch des zWisconsin?


    I hao amohl oin uss Minnesota, glei näebe Wisconsin, im Deidschondrricht kedd. Do haz em Wendr zMenke so mines fuchze Grad kedd. Ond äer isch midd am schdrahlende Lächle in Ondrricht komme ond hadd gjubled: Endlech wäez kald, Herr Manni!!

    #87Author manni3 (305129) 29 Jan 19, 21:49
    Comment

    I haume gescht midam Idaljenr aus Turin ondrhalta, der gmoint hat, iatz wär's abr scho kalt. Deam honne aus meir langa Läbnserfahrong vrzehla kenna, daß sottene Tembradura (ondr -5°) friahnr tuschur normal gwea send am Januar ond Februar.


    Reama?

    #88Author Selima (107) 30 Jan 19, 06:25
    Comment

    Endschbanndr Mittwochsreama. Mr hent's gemietlich aganga lao on den jetz amòl friehschdigga.....

    #89Author Goldammer (428405) 30 Jan 19, 09:06
    Comment

    Dann miasts bei dr Amy³ au so kalt sei,dia wohnt ja glei auf dr andre Seite vom See.


    Nix entspannt. I hab mei Parkwapperl verschusslt ond jetz muaß i schaua, wia i a neis herkriag.

    #90Author bluesky (236159) 30 Jan 19, 10:25
    Comment

    Anwohnerparkplakette? Isch des es Parkwapperl?


    #91Author Goldammer (428405) 30 Jan 19, 10:39
    Comment

    Genau. Enzwischa hau is beantragt, koscht 10€. Ond was find i aufm Beifahrersitz? Wos iberhaupt net highert.

    #92Author bluesky (236159) 30 Jan 19, 12:15
    Comment

    :-DDD

    Kã'sch den Ãtrag noml schdobba?

    #93Author Goldammer (428405) 30 Jan 19, 12:26
    Comment

    Moinsch, sowas geht?

    #94Author bluesky (236159) 30 Jan 19, 13:02
    Comment

    S’flägglad ! Desch da Gabriel wo des Zeigs herblôset. Z’Gallia brichd älls zämma, wenn oi gotzigs Schneefleckle (wia’s dem wohl gôht) vom Himmel blozd.

     

    Ey, Missi, des sinn doch beschdimmt Fahrenheit! : Das Wetter momentan in meinem Heimatort: https://www.wetteronline.de/wetter/madison


    Himmale, da bisch a Schussale !

    #95Author Moi Gab (456541) 30 Jan 19, 13:09
    Comment

    Aasgenosse, iwwerall Aadgenosse ...

    #96Author no me bré (700807) 30 Jan 19, 13:25
    Comment

    Kennt sei, Gäbele. I hab drei Paar Schdrimpf bschtellt ond jetz wois i nimmer, wo i se na dua hab.

    #97Author bluesky (236159) 30 Jan 19, 13:52
    Comment

    Gäbele, i hao oo glei glueged kedd und des send scho Celsius. Wennd a bissle naaschkrollesch, siechsch bei Wetterrückblick Madison - Höchstwerte der letzten Wochen, dass d Weddrschdaddzjioo am Dane Airport in °C missd, ond de Nidrschlag hanze in mm. abr an Duranand hanze scho midd iehre °F ond °C *hihi*


    Hemele, jiez wäesch ald!! Des kenni!

    Wenn eis dr Grend idd aagwaxe wäer, dädebrn oo sueche mieße ;-((


    #98Author manni3 (305129) 30 Jan 19, 14:13
    Comment

    Brobiera dät i des uf jeden Fall, hemele! Ãrufa on fròga koscht nix.


    Manchmòl sen Sacha au eifach heimtiggisch. I han neilich mei Scher vrlegt. A Eiwigglbabierle fir em Dengs sei Geburtsdagsgschenk abgschnidda, on wo-n-e dui Scher glei druf noml braucht hett, ische weg gwä. Ieberall gsucht, sogar onderm Soffa, on nirgends gfonda. Zwoi Däg schbäder ische ganz õschuldich onderm Disch gläga. Dui hòt sich vrschdeggt ghett zom mi ärgera on isch nò ersch widder rauskomma, des woiß i gwieß!

    #99Author Goldammer (428405) 30 Jan 19, 14:51
    Comment

    Manni, (Fahrenheit) des war doch a Witzle !

     

    Himmale, hosch scho gluaged, obdase a de Fiaß hosch?


    Vegale, brobiars s’neggschmôl mit : Heiliger St. Antonius, du greizbraver Ma, fiehrme doch a dia Schäara (odr wa auch immer) na! Mir hotts als Kind gholfa, meine Hendscha wiedr zfinda.


    D’Edith sait guada Morga am nägschda Morga! Grad isch da Schneepfluag vrbeipäst. I hoff, er hot it wiedr älls vor d’Eifahrt gschoba.

     

    Häff a naiß Deile!


    Froogme grad, ob s’Dorisle wohl Pfillinger Fasnet vrmissa duat, zMinka.

    #100Author Moi Gab (456541) 30 Jan 19, 22:23
    Comment

    Noi, hab i net, Gäbele. Des dät i wissa, weil i de jeden Obend ausziah ond am nägschde Dag mea o.

    #101Author bluesky (236159) 31 Jan 19, 10:48
    Comment

    [Gäbele: a de Fasnet vrmiss-e hegschtns dFasnetskiachle vo meira Mamme.]

    #102Author Doris (LEO-Team) (33) 31 Jan 19, 11:10
    Comment

    Bei oos em Gai backt oin dr Doan am Schibbl: Hailigr Andoius, greizbravr Maa, backme am Schibbl ond fiarme dra naa!

    #103Author Selima (107) 31 Jan 19, 11:29
    Comment

    Mei Mudder, ansonschden schdoggefangelisch, hòt emmer am Antonius a Kerz ãzendet wenn mr ebbes gsuacht hòt. On des dur-i bis uf da heidiche Dag, oft mit Erfolg. On seis bloß weil mr sich entschbannt wemmer dui Sach an an andra delegiert, on eim nò bletzlich eifellt, wo des Scheißglomp sei kööt....

    #104Author Goldammer (428405) 31 Jan 19, 11:54
    Comment

    Bei meir schdockkaddolesche Mueddr hadd des kaiße: Hailega Andonius, kreizbrava Maa, nemme beir Hand ond fier me dranaa.

    Bei meir Dande Senz (Johrgang 98, wissed scho), noo schdockkaddoleschr als mei Mueddr ond allad a bissle missjonaresch zue mier, hadd no dean Nochsadz kedd: Dr Haileg Andonius isch a ganz a gueda Hailega!!

    #105Author manni3 (305129) 31 Jan 19, 12:30
    Comment

    H***ment. I hau dia Dippfeahlr en meim ledschda Boaschding vrbessrat ghet. Warom send dia idd doo?

    #106Author Selima (107) 31 Jan 19, 12:40
    Comment

    Bfealr send do no dau? ;-))

    #107Author twocents (460778) 31 Jan 19, 12:48
    Comment

    Sodele, i driffme jetz glei mit zwoi vo meine Freindinna im Café Hengschdlr. Juhuuuuuuuuuuuuu ……..


    Sieht grad so aus, ass hebamer des Fädle wiedr griwaifelt.

    #108Author Moi Gab (456541) 31 Jan 19, 14:33
    Comment

    Rpckgängig mache isch ganz oifach gwea.

    #109Author bluesky (236159) 31 Jan 19, 14:59
    Comment

    Siehsch! *mi firs hemele frai*

    #110Author Goldammer (428405) 31 Jan 19, 16:08
    Comment

    I däd so gäere Vegl foddegrafiere, abr s kommed koi zue meim Fueddrheisle. O donda im Gaarde jucked bloss a baar Kohl- ond Blaumaisla in de Bisch ommanand. Se kommed abr idd zue mier rauf :-(((


    Nechd ben i zue meim Freind Ernschd nommgange, däe hadd an Gaarde, do geiz mäehr Vegl. Däe had zogar an Aichlhäjar, däe kudd uffs Balkooglendr, wennam a baar Erdniss naalegd.

    Zeeschd luegeda gnau, obs oo die räechde send, nocha backd a oine, machze zom Abflug beraid ond nocha fliegd a so waidle drvoo , dassd Kammera gar nemma middkudd ;-)


    Komesch, voer zwai drei Johr hadz bei mier an Haufe Vegl gea, ond huir so weneg. God des Veglschdäerbe wirkle so schnell, odr isch des bloss grad a erdlecha Zuefall?


    #111Author manni3 (305129) 31 Jan 19, 16:08
    Comment

    Bei ons kommet fasch bloß no Schbatza ans Heisle. I mag Schbatza, et daß-r moinet, abber vor a baar Jòhr sen no viele andere komma, dia wo i heit bloß no ab on zu seh. 'd Meisla on 's Rotkehlchen no am ejeschda. D' Amsla fresset di alde Epfl dia wo no ufm Boda lieget, abber dass des wenicher sen wia frieher, isch deitlich.

    Drotzdem, manni, des muasch scho no a weng weiter em Aug bhalda ob es schdadischdisch relewant isch.


    A wonderbare Foddoserie! Willsch dia et amòl beim Naturgucker poschda?


    #112Author Goldammer (428405) 31 Jan 19, 16:13
    Comment

    Ja was moinetr, warum bei ons grad a Volksbegehra lauft?

    https://volksbegehren-artenvielfalt.de/

    #113Author bluesky (236159) 31 Jan 19, 18:22
    Comment

    Danksche, Manni, fr dia wundrschene Bilda! Hosch gmergt, dasse feschd drah dengkt honn, dassmer deine Voglbilda fehlad.

    Des mit dem Vegalavrschwinda isch mir au aufgfalla. Sowohl dô (DS), ass au det (LA).

    #114Author Moi Gab (456541) 01 Feb 19, 10:42
    Comment

    Do schneits wia bled.

    #115Author bluesky (236159) 03 Feb 19, 11:45
    Comment

    Dolle Veglbilda!

    #116Author Miss Anthropy (700297) 03 Feb 19, 13:10
    Comment

    Weiße Wundrwelt, blaua Himml, Sonnaschei – wa willma meh!


    (Schädlweh honn, ans Amoisel denk)

    #117Author Moi Gab (456541) 04 Feb 19, 10:36
    Comment

    [... ond i an Di. Abr's gatt no. Zonn isch no idd ganz durch.]

    #118Author Selima (107) 04 Feb 19, 11:07
    Comment

    dZonnscheint,i hau baahnat, schêa isch.

    Mir isch beim Baahna a schwäbisch Wertle êigfalla: êahd. An êahdr Siach, ois isch dreegseahd.

    Isch des a Schbezjallideet vô eschdlich dr Illr ônd siedlich vô drDôana, ode kemmba des au woandrsch?

    #119Author twocents (460778) 04 Feb 19, 14:20
    Comment

    Dregsead isch oos nerdle vo dr Doana nianads gwea ... oos isch äbbl ebbs eigfalla. Abr ead isch, moine, idd bloß schwäbesch, odr?

    #120Author Selima (107) 04 Feb 19, 15:20
    Comment

    I kenns idda.

     

    (und i honn allno Kugla im Kopf)

    #121Author Moi Gab (456541) 04 Feb 19, 18:46
    Comment

    I kenn des au iberhaupt et.

    Desch dodal endressant. Mei Etimologie erwehnt's onder äd, ät, doilweise mit dr Ausschbròch ead, als Schbezjalidet vo dr Laupheimer on Biberacher Region.

    Des ich 's gleiche wia "öd" on isch a "im Hochdeutschen abgegangene (= verschwundene) Bedeutung" von öd in Richdong vo: ohne inneren Wert, nichtig, unnütz, widerwärtig, nichtswürdig, schlecht usw.

    Dò isch sogar dui Schdeigerong mit "drecks...." au erwehnt.


    's Muggaseggale miaßt des demnòch au kenna.

    #122Author Goldammer (428405) 04 Feb 19, 19:53
    Comment

    I kenns jebmfalls idd ;-((

    #123Author manni3 (305129) 04 Feb 19, 20:12
    Comment
    .test
    #124Author schwäble (951819) 04 Feb 19, 21:29
    Comment
    Ha, da komme ja grad zuer rächdda Zeidd!
    Freile kenni "äad" - ond grad so wia z Senzle, moin i.

    Ebbr isch äad, a äadr Siach, a äads Mensch.

    Des hoißdd: (grondlos) schlechdd aufgleegdd, vr'driaßlich, gräädigg.
    a äadr Siach: midd deam ka ma nix ãfanga, a rächddr Lädscha'belle.
    Schnell ei'gschnabbdd.

    Amoisle,
    Moinsch du des wia "langweilig", wenn da schreibsch: "Dregsead isch oos nerdle vo dr Doana nianads gwea"?
    Ond Emmrle, au "öd" driffdd nedd dia Bedeiddong, wia äad bei mir hadd.

    An scheana Aobad ond liabe Griaßla zwischanei mal widdr von schwäble.
    Machaz guadd - han graad a bissle weanig Zeidd.
    #125Author schwäble (951819) 04 Feb 19, 21:45
    Comment

    Genau dòrom gòht's, schwäble: des war frieher amòl a weidere Bedeidong von öd, dui hòt aber em Hochdeitscha et ieberläbt, dò hoißt öd bloß no leer, inhaltsarm on so - abber em Dialekt hòt dui andere Bedeidong ieberläbt.

    #126Author Goldammer (428405) 04 Feb 19, 21:51
    Comment

    Des fend i ofd so schea, dasse aldde Bedeidonga im Dialeckd no erhalde hand. Do gfrai i mi jedz mohl. Ond wenn i oo desmohl idd direckd zue de Bedroffene käer, weil i des Woed idd kenn, gfrai i mi midd ui midd* :-))


    *ond schreibs oo glei ins Wäedrbuechabbdeid nei!

    #127Author manni3 (305129) 04 Feb 19, 22:44
    Comment

    und da Gischbl?

    #128Author Moi Gab (456541) 04 Feb 19, 23:30
    Comment

    Scho dinna :-)


    I lass dr a baar Aahla doo, liebs Gäbele, ond schlof gued :-)

    ... ond die andre oo :-)

    #129Author manni3 (305129) 04 Feb 19, 23:58
    Comment

    Hoi, da bisch no wächale.

    Vrgeltsgott fr sNeinämma und fr dAahla! Bonn nuii, doar bien e fäh dee boo räv :)))


    I gräbsl jetz dSchdiaga nauf (ohne Daschalamp) und dua no a wengle raschla.

    #130Author Moi Gab (456541) 05 Feb 19, 00:03
    Comment

    Ez hogge emmr no aufem Soffa - Gäbale, dei Franzesisch ka e nedd vrschdanda, i han bloss zwoi Aobaddkurse, abr raschla keede etz ao no a bissle ;-).... also, was e eigenddlich saga hädd wella : kennedd Ihr des Werddle "Läädscha'belle - wissadd Ihr, was des isch - ond benuddzadd Ihr des selbr no?

    #131Author schwäble (951819) 05 Feb 19, 00:58
    Comment

    Des isch a Langweilar fier mi. I kenns, abr i nemms idd ofd häe. I däd äjer Drielar sage ;-)

    sWerb driele isch ibregenz im Wäedrbuech, gelleze ;-)


    sGäbele moind, du sollesch gued schlofe ond gued draume. Des moini oo!!

    #132Author manni3 (305129) 05 Feb 19, 01:22
    Comment

    also guadd, manni, dann isch bei dir a Drialr mea* wia a Langweilr, well zomma Läädscha'belle ghäardd a bissle a Äadigkeidd scho drzua. moin i. Bi mal gschbanndd, was z Senzle moindd.


    z Ediddle saidd: Schmarra! ond hadd z voarige Ediddle naus'gheidd!

    #133Author schwäble (951819) 05 Feb 19, 01:41
    Comment

    Bei oos isch des a "Lätschabebbe" gwea - a langweileger, ooendressandr Kerle, der nix aufn Schdroifa griagt. Odr a Drialr, wia dr Manne sät.


    Dreggsead kaa bei oos langweileg hoißa odr ooendressant oddr oomiaßeg. Wannz miar dreggsead isch, nochd woiße nix mibmr aazfanga, alz isch bleed ond dr Daag got so aahne.


    Guada Morga. Heid hanne da Balkaareama drauf!

    #134Author Selima (107) 05 Feb 19, 06:45
    Comment

    Kusch endle amohl uff a Kafeele ond an behmesche Ebflkueche vom REWE vorbei?

    #135Author manni3 (305129) 05 Feb 19, 10:40
    Comment

    Kusch endle amohl uff a Kafeele ond an behmesche Ebflkueche vom REWE vorbei?

     

    Logo Manni, des dommer. Hosch jô id wertlich definiart, wen da gmoint hosch *hihi*

     

    I kenn „an Läschd nahenga“ – wa soffel hoißt wia „a Gsicht naziah“.

     

    Läschda‘belle oder Lädschabebbe honne no nia ghert (obwohle moin, bei Lädschabebbe dä äbbes i meim Hirn bimmla).

    #136Author Moi Gab (456541) 05 Feb 19, 11:27
    Comment

    Griaß Gott.


    Beí ons hoißt des Lällabebbl.

    #137Author neutrino (17998) 05 Feb 19, 12:03
    Comment

    Oui, oui, ouiiiii – s’Schdiggle. Wällkamm, bäck!!

    #138Author Moi Gab (456541) 05 Feb 19, 12:13
    Comment

    Genau, Schdiggle, Lällabebbl! Mir sen doch ausm ehnlicha Schbròchraum!

    Älles em greana Bereich bei dir? Dei Jonger miaßt jetz enzwischa au fasch erwagsa sei, odder?

    #139Author Goldammer (428405) 05 Feb 19, 17:18
    Comment

    sSchdickle - boa eyh! Grießdi :-)

    Bei eis dahoi hadz oo no an Läffas gea ond noo an Haufe andre wie an Koog odr an Schlawagg odr an Schlagg. Des wäered all die gleiche sei wie dr Lädsche-Lelle-Bebbi-Bebbl.

    #140Author manni3 (305129) 05 Feb 19, 17:56
    Comment

    Scheißebobbae, etz han-e sSchdiggle vrbasst! :-((( *Schlerpnâahengg*

    Emmerle, i moin z klôi Schdiggle mieaßd sch a baar Jährla middr Schual ferddig sêi ôn däät womeeglich schdudiera.


    Also a Lädsche-Lelle-Bebbi-Bebbl isch bei ôns a Lâute - wenne Gligg hau, kennz Schwäble des Wort au no. :-) A Lâute isch a bissale ôifeltig, lahmaaschig, ôogschiggd, schdaht se sell em Weag ômmanand. Er isch it ôowillig, kâa's abr it bessr. Me Frêindinn vô Iebrlenga hat amôle Lööli gsait, deschd glaub-e zGleiche.

    A Drialr isch ôifach bloß laahmaaschig, it ôobedengt ôogschiggd.

    A Schlatt (Schlagg?) isch a bissale andrsch, halt a schladdigr Siach, also oinr, wo nauchlässig, it sorgfeltig/oadale isch, abr it bleed. Wenn-r it so schladdig wär, kennt-r bessr schaffa - er mâa bloß it.


    Schwäble, du hasch eahd berfeggt defenierd!

    #141Author twocents (460778) 05 Feb 19, 19:48
    Comment

    Des fend i jetz sauglatt, dass dòhenna der "Schlagg" ufdaucht. Wo onser Erschgeborener a Pfätschakendle gwä isch, hen dr Dengs on i amòl a baar Däg Urlaub gmacht en dr Frenkischa Schweiz. Mr hent enra Pensjoh gwohnt, on dui Senjorscheffe, d' Muader vom Wirt, hòt ällaweil onsern Bua mitma Augazwengera en "alda Schlagg" ghoißa. Mir hen des et kennt ghett, abber seither en da Familiaschargõ ufgnomma.

    #142Author Goldammer (428405) 05 Feb 19, 22:39
    Comment

    Ond was isch a Pfädschekendle?


    Ond a guez Nechdle allmiddand - no a baar Ahla reischdell :-)

    #143Author manni3 (305129) 05 Feb 19, 23:15
    Comment

    Ond was isch a Pfädschekendle?


    Em Bairischa hoißbas Fatschnkindl: Des isch a Gebildbubbe wo an Sêigleng darschdellt, der feschd en dWendl ônd Diachr neigwigglat isch. Au echde Kêndr en sedde Diachr habba aso ghoißa. Fatschn kommt iebrigenz vom laddeinischa Fascies, gwigglats Bindl.

    Scheinz sênd Bubba friahr zemmle abschdrgggd gwêa, a Dogga (odr wia hat de ghoißa, Gäbale?) isch ja urschbregle au a Schbinndogge oder a Garnschdrang gwêah.

    Gueznächdlemiddanand.

    #144Author twocents (460778) 05 Feb 19, 23:42
    Comment

    So oogfear vor zeah Johr ischas Fatscha mal mear Mode gwea, ballmr feschdgschdellt hot, daßes Kend git, dia se wohlr fiahlat odn idd s vill schreiat, wanns feschd eigwicklat send. Abr so schdadesch gfatschd wia friahnr hotmrse nemme.


    Da Schlagg kenntmr bei oos oo - desch oir, dear da Schalk em Nacka sitza hot. An reachdr Hondleng, abr a simbadischr.

    #145Author Selima (107) 06 Feb 19, 06:53
    Comment

    Zue deam Fadsche fellbr no ei, dass ba bei Schlofschdearonga bessr eischlofd, wenn dBedddecke a bissle schwäerer isch, so zeje Brozend vom Kerbargwichd soddze hao - sozomsage a Fadschedecke ohne Fadsche :-)

    #146Author manni3 (305129) 06 Feb 19, 15:26
    Comment

    Jo, älles em greana Bereich. On dr Bua schreibt jetz dann seine ledschde Klausura, muaß dann no a Pragdigom macha und dann dann sei Bätscheler-Arbeit vrfassa. On dodrnoch willr sein Maschdr macha  

    #147Author neutrino (17998) 06 Feb 19, 15:34
    Comment

    Vorhin hots an Massaaschdurm auf dr Zugschbitz gäbe, jetz sen se all scho mea abgschdiega.


    Des mit dera Gewichtsdecke hen i neili au glesa. https://therapiedecken.de/blogs/news/fur-wen-...

    #148Author bluesky (236159) 06 Feb 19, 15:53
    Comment

    Dschaßtfòrßerekord: I han mein Bua nia so eigwigglet. Der het mr dr Marsch blòsa! Bei ons hòt mr den Begriff generalisiert uf älle gloine Kender.


    Schdiggle, dritt dei Jonger beruflich nò en deine Fuaßschdapfa?

    #149Author Goldammer (428405) 06 Feb 19, 16:57
    Comment

    Obem Schdiggle seim Bua wohl der Ahzug no bassd, dener sellmols beim Boss hot griagd? (Wennern denn griagt hot).

     

    Pfätschakendle honne id kennt. Bloß Wicklkindle, a Butzele halt.

     

    Senzle, Doggebaaba isch des Wertle fr d’Pupp gwäa.

     

    Guadz Nächtle au no : Bonn nuii, dormee bien e fät dee boo räv (Manni, bisch an guata Franz-Deitsch-Ibrsetzr)

    #150Author Moi Gab (456541) 07 Feb 19, 00:36
    Comment

    Noi, dr Bua dappt net en meine Fuaßschdapfa rom. Bei ons gibt's koin Bätscheler, bei ons macht mr emmr no Schdaatsexamina. Dr Bua macht en Bätscheler of Entschieniering.

    #151Author neutrino (17998) 07 Feb 19, 14:05
    Comment

    Jetz lamme gao. Dem Inschenjör isch nix zu schwör! Der schafft au logger an Bätscheler.

    #152Author Goldammer (428405) 07 Feb 19, 15:48
    Comment

    Was macht eigentle dei Jungr, Emmerle? Der miaßat doch auch bald fertig sei. Ond schraubt dr Äldere immer no an Teschdaudos?

    #153Author bluesky (236159) 07 Feb 19, 18:32
    Comment

    Dr Jonge schreibt grad sei Zula en Bio. Er vrgifdet Fischembrio mit Beddablogger on Antidebressifa zom rausfenda wia schädlich dia Riggschdend vo dem Zuigs en onsere Gewässer sen. Iebers Jòhr wirdr Reffrendar. Dr Graoße schrauft enzwischa an Vaowe enra normala Wergschdatt en Nirdenga (zwanzg Kilomeder vo hier) rom.

    #154Author Goldammer (428405) 07 Feb 19, 20:49
    Comment

    Hallo Schbätla!

     

    Heit, wone mit meim Briaderle am Telefon gschwätzt honn, isch wiederamôl a Wertle aufdaucht, dese scho ewig nimme ghert ghet honn: figgerig

     

    Kennader des au?

    #155Author Moi Gab (456541) 08 Feb 19, 20:28
    Comment

    So raschtlos romdoa, äwwl an irgendebbes romzubfa on d' Hend et ruich halda kenna? Isch des wemmer figgerich isch?

    #156Author Goldammer (428405) 08 Feb 19, 21:21
    Comment

    Des kenn i scho, abr i hedd des äjer als weidvrbraided eigschdufd ond idd als Dialeckdwoed.


    Mei Vaddr hadd allardengs xed, wennem nuje Schueh bFäersche aufgribbsled kedd hand: dSchueh hamme gfigged.

    Abr däe hads soweso gäere midde alde Ausdrick kedd ond hadse jezmohl gfraid, wennen dMueddr so schäbbs aaglächled hadd ;-)



    DWDS: ficken Vb. ‘miteinander schlafen’, mhd. ficken ‘reiben’,

    frühnhd. ‘reiben, jucken, kratzen’, nhd. (mundartlich) ‘reiben, kurze und rasche Bewegungen machen, mit Ruten schlagen’.

    Seit dem 16. Jh. ist für das in den Mundarten überall verbreitete Verb auch die Bedeutung ‘miteinander schlafen’ nachzuweisen, die im gesamten dt. Sprachgebiet üblich wird.

    Die alte Bedeutung ‘unruhig hin und her fahren’ ist erhalten in fickerig Adj. ‘unruhig’.

    #157Author manni3 (305129) 08 Feb 19, 21:26
    Comment

    Figgerig ischma, wemma „uruhig, nervees isch. A bissle wia „scherrig“.

     

    Guads Nächtle !

    #158Author Moi Gab (456541) 09 Feb 19, 01:02
    Comment

    hibbleg hald ;-)

    Bald wäer i an nuje Schbage mache mieße fierd Hibblar ond F...   ;-)

    #159Author manni3 (305129) 09 Feb 19, 09:25
    Comment

    Ey, luaged amôl, wane dô gfunda honn: http://www.schwaebisches-woerterbuch.de/defau...

     

    figgrich - nervös, unkonzentriert, zappelig

     

    Also doch a Dialegdwort. Bloß komisch, dasses mit « ich » und id mit « ig » schreibet.

     

    Guada Morga au no an älle Hibblar, Freileins und Herrleins dôhinna. Manni, da hosch doch Freileins schreiba wella oder id? (hmmmmm)

    #160Author Moi Gab (456541) 09 Feb 19, 10:33
    Comment

    De Schuah, dia oin figgand, kenne oo, abr mear bassiv alz daßnes sell saga däd. Ond figgrig were scho oo manxmol, wannz mr bressiert.


    I haume grad em Radhaus eidraga - Bua, dau isch ebbs los gwea. Dau hotze glei a Schlang bildat vor dr Diar.


    Gäbale, heit haune scho an Di dengka mea, alzne vor Diar ben ond mr Zonn grad enz Oog gschiena hot.

    #161Author Selima (107) 09 Feb 19, 10:47
    Comment

    Amoisle, des finde jetz abr liab, dassda amme dengschd, wenndr Zonn ins Gsicht scheint.


    Wähled iahr an neija Birgermoischdr?


    D’Edith moint, i hebs grad guggla wella, abr schwubbdiwubb sei mr da Nama von dem Ertle vrschwunda, woda wonsch. Buchloe isches id, oder?

    #162Author Moi Gab (456541) 09 Feb 19, 10:51
    Comment

    Oder wega de Biena? Ihr hen doch dò so ebbes laufa wega de Biena?

    #163Author Goldammer (428405) 09 Feb 19, 10:56
    Comment

    Richtig. Des Volksbegehre lauft no bis Mittwoch. Geschdern hot se de Schlang aufm Mariaplatz bis um d'Mariasäule rum gwickelt.



    #164Author bluesky (236159) 09 Feb 19, 10:59
    Comment

    Genau - zwengs de Insekta. Heit hotz an oozlanga Ardiggl endr Sieddeitscha. Es isch wirgle dramatisch, vor allm bei de Schmeddrling. Oos hammr em Garda mid deane ville Bliahbflanza, dia mir hand, an Haufa Insekta, abr fascht koi Schmeddrleng ... ond, wann welle dau send, nochd sends Kohlweißleng (dia gits haifaweis), Tagpfauaauga (<- desch a scheas Werdle) ond ab ond zua amol a Dischdlfaldr odr a Daubaschwänzle. Wanne dau an mei Kendheit dengk ond wiamr andr Budleja beim Nauchbr em Garda Schmeddrleng gfanga hand ...!</p>

    #165Author Selima (107) 09 Feb 19, 11:15
    Comment

    Jo, id bloß Bfegala vrschwindet. S’isch zom heila.

    #166Author Moi Gab (456541) 09 Feb 19, 11:34
    Comment

    Jetzt roicht dia Schlang scho bis in d'Neihauserschdraß nei.

    https://www.muenchen.de/sehenswuerdigkeiten/w...

    #167Author bluesky (236159) 09 Feb 19, 13:06
    Comment

    Wo isch eigentlich sBrelele? Seitem 30.01. hots dôhinna nixme gschrieba.

     

    B r e l e l e ! I vrmiss de! Muessemr Sorga macha?

    #168Author Moi Gab (456541) 09 Feb 19, 15:02
    Comment

    I glaub du muasch dr koine Sorga mache, gugg, se hòt heit no a nuis Fädele ãgfanga:

    related discussion: [pl-de] żółw stepowy, m (Testudo horsfieldii syn. ...


    Worom se ons allerdengs so õdrei worra isch.....???

    #169Author Goldammer (428405) 09 Feb 19, 15:07
    Comment

    Okele, Vrgeltsgott, Vegale. Desch jo an räata HansDampfinalleGassa worra !


    D’Edith moint no, i solldr saga, dasseme jetz aufs Kannapee vrziah und im fimbfda „Max Tudor-Buach“ weiterlies.

    #170Author Moi Gab (456541) 09 Feb 19, 15:14
    Comment

    Hemele, i be in dr Friednschdross hendrem Oschbaahof gwe: Neigange, ondrschribe ond mea rausgange - zwai Minudda. I be abr zFueß gange gwe vo mier dahoi: zwanzg Minudda hee, zwanzg Minudda häe ;-)

    #171Author manni3 (305129) 09 Feb 19, 16:05
    Comment

    Iwar ledschdn Freidag eh in dr Schdadt, no hab is glei mit erledigt. Fimf Minuta aschdande on in dreißg Sekunda wars erledigt.

    #172Author bluesky (236159) 09 Feb 19, 16:19
    Comment

    I gang moara zMiddaag.


    D'Eddid moint, s häb bloß a baar Minudda daurat. D'Schlange isch oimol iebr da Mariablatz ganga, abr en dem Birro send zeah Blätz gwêa zôm Ôndrschreiba. Dr Ordnr aufm Platz dussa hat gmoint ghett, ên siebakommadrui Minudda wär ma feddig - i hau abr it mitgschdobbt :-)

    #173Author twocents (460778) 09 Feb 19, 18:07
    Comment

    I war glei am erschda Dag ond ben a halba Schdond aagschdanda. I zweifle a bissle dra, dass am Schluß a gscheids Gseds drbei rauskommt. Dbaura dond jedsd scho domm ond dCSU isch ond bleibt hald a Baura(seggl)bardei. Ond mid de Freia kasch wenns omd Omweld goht au koin Bluamastrauß gwenna. Dia Biobaura aus meim Bekanndagrois hend älle onderschrieba.


    #174Author Muggaseggale (1004776) 11 Feb 19, 13:09
    Comment

    Muggaseggale, i woiß au it, was drbei rauskommt. Baura jâumrat allaweil, ônd des kenn-e scho seit-e a Kênd gwêah bêe.

    Dr Seedr hat vorársivchdshalbr an ronda Diisch abotta - won-r gmerkt hat, das-d viel Leit ôndrschreibat. D'Innizjadoora vom Volgsbeggehra sênd zwar au (no) it êiglada, abr ma hat jedempfallz a guata Meldông en de Meehdjen. (Äggdschn, Beihbih!)

    #175Author twocents (460778) 11 Feb 19, 17:05
    Comment

    Dr Seedar hadd scho ganz waidle die bekannd subwersihf Dackdick vo dr Ceässuu bei erfolgreiche Volxbegeare gläened: Iff ju kahnt biht ßem dschoin ßem änd ßen dscheinsch ßem!

    #176Author manni3 (305129) 11 Feb 19, 21:02
    Comment

    Huch, isch gänn famissd ... doodebei binnisch nua inn de Rubbrigg owwedrawwa ... ßesamme medd eh baa Schilldgreede ...

    :-)



    Wass ess dass eischendlisch, wass dass Follgg do bei Eisch begeere duud ?

    #177Author no me bré (700807) 11 Feb 19, 22:04
    Comment

    Mier wend mäehr Inseckda, Schmeddrleng ond Vegl. Ond zuedeam brauchebr mäehr Ufrrandschdrecka, Hecka, Schdreiobschdwiesa ond wenegr Bflanzeschudzgifd.

    #178Author manni3 (305129) 11 Feb 19, 22:56
    Comment

    Dass däädisch aach begeere wolle !

    #179Author no me bré (700807) 11 Feb 19, 23:33
    Comment

    Also, mir dôhinna heddad schoamôle unsr Amoisle. Des hemmer liab und des dommer schitza! Obs Muggaseggale au mitzellt wärra derf? I woiß id, s’isch jô eigentlich bloß a gloiß Doile vonerra Mugg, wenn au a wichdigs.

     

    Abr sonsch? S’Muschdiggle isch vrschwunda, womeglich ibrwinterreds bloß irgendäbba. Ajjo, im Grossauwerdschätt gits no a Schneggaheisle. Abr, Schnegga sin Mollusga und koine Insägda.

     

    Ganz wichdig: Mir henn auno a Vegale!! Des hemmer au liab und des dommer au schitza. Und im Franzforum gits jetz au ois und des hoißt Rägapfeiferle.

     

    Bei ße wie, i war Ledschjôhr saggrisch froh, dasses am See koine Schnoka id ghett hott. Isch des jetz egoischdisch dengkt?

     

    Guata Morga au no, liabe Schbätzla.

     

    I guggl jetz gleimôl obbe im Schbinnanetz äbbes ibr des Volgsbegeahra

    #180Author Moi Gab (456541) 12 Feb 19, 09:48
    Comment

    Ganz wichdich isch au, dass d' Baura nemme so arg friah d' Wiesa mähet. Frieher hòt mr ghaiet on nòch schbäder efendwell no g'ehmdet, abber heit deant se oft scho vor dr Bliede vo de Bloama mäha, damit mr ensgesamt drei odder viermòl mäha kã, on nò bliehet dia Wiesa bragdisch nia, on d' Ensegda fended nix zom essa.

    #181Author Goldammer (428405) 12 Feb 19, 09:54
    Comment

    https://www.merkur.de/politik/volksbegehren-r...

    Des Videole „Seif ße biiis“ isch aluagenswert!

    #182Author Moi Gab (456541) 12 Feb 19, 10:20
    Comment

    Grad in de Nachrichda käerd: Mier hanz gschaffd - mäehr als a Milljooh hanze eidrage. Des send mäehr als die noedwendege zeje Brozend :-))

    #183Author manni3 (305129) 12 Feb 19, 18:32
    Comment

    mäehr als a Milljooh hanze eidrage


    Am Mariablatz schdandat se all no âa.

    #184Author twocents (460778) 12 Feb 19, 18:38
    Comment

    Ja dr Waahnsenn!! No zue! Mier wend s erfolgreichschde Volxbegeähre in dr Geschichde vo Bayern wäere :-)

    Bei dr Abschaffong vo dr Bekenntnessschuel anno semnesechzge semmr 17,2 Brozend gwe ( sellemohle bene oo scho drbei gwe ond hao middkolfe!). Des wäerebr desmohl bis moere om achde zObed doch hoffndle oo no schaffe :-)

    #185Author manni3 (305129) 12 Feb 19, 19:46
    Comment

    Bei dr Abschaffong vo dr Bekenntnessschuel anno semnesechzge


    ,.. ben-e no it amôle en dr Schual gwêah, drôm haun-e au it ôntrschrieba :-)

     

    #186Author twocents (460778) 12 Feb 19, 21:16
    Comment

    ... bloss schbädr drvoo broffedierd ;-)

    #187Author manni3 (305129) 12 Feb 19, 22:32
    Comment

    Eh Bekänndnissschuul hodde mia nedd gehadd ... awwa bei meina Innschuulung hodd mei Ooma sisch fäaschdalisch offgereeschd gehadd, dass dii Kaddoolische unn dii Eefanngeelische ßesamme inn ääni Glass komm senn ...

    #188Author no me bré (700807) 12 Feb 19, 23:01
    Comment

    No hedd sodde dei Oma a Volxbegäehre schdarde fier dBekenndnessschuel ;-)


    Wie n i uff dr PeeHaa (pädagogesche Hoechschuel) gwe be, hadz des no gea. dPeeHaa isch z Paseng in am groeße Haus gwe, do hadz a kaddolesche ond a efangelesche PH ondr oim Dach gea, abr vor Organnesadzjooh schdrickd drennd. Als Kaddelick habba seine Semmenahrschei bloss bei de kaddolesche Dozende mache kenne ond dBriefonga ibr bVoerläesonga bloss vo de kaddolesche Brofessore. Dr Schbordläerar hadd gmoind, dass es scho an Ondrschid zwische am koaddolesche ond efangelesche Kerbarvrschdendnes gäb. Onz hadd oo no so nedde Voerläesonga ond Semmenar wie "Methodick däer weldanschaulech bedeizame Fächr" gea. In dr Mensa hadz abr koi drennde Disch gea, so modern isch Bayern scho domols gwe!!

    Oimohl isch a Polio-Schluckempfong gwe. Wex dr Aaschdeckongsgefahr send uff de Heisla Zäeddl an de Tiera kanged: Geimbfd - Nichd geimbfd. A baar Widzbold hand drzue gschriebe: Geimbfd, kaddolesch - geimbfd efangelesch - nichd geimbfd, kaddolesch - nichd geimbfd, efangelesch ;-)

    So frech send mier Schdudende scho domols gwe ;-)

    #189Author manni3 (305129) 13 Feb 19, 09:18
    Comment

    Z’Langaarga am Bodasee honne dia schdreng drennte K und E Schuala kennaglernt, abr bloß bis zuar Grundschual. Nocher binne im Hafa in dweitrfiahrend Schual ganga und dô hemmer bloß no drennt Reliunderrichd ghet. Asonschda waremer an gligglicha zämmagschmissana Haufa. So modern waremer sällmôhls scho am Wirdabergischa Seeufer! Z’Lindau waredse no noita so weit. In Reli honne fei immr an Oiser ghet (welle so scheegmôlte Relihefder ghett honn).

    #190Author Moi Gab (456541) 13 Feb 19, 12:36
    Comment

    I hau en Reli amol an Segsr ghett, ballne allz em Konjungtiv ois gschrieba ghett hon. Dr Inhalt war komblett so, wianrs hau hat mega. Abr der Konjungdiv ...! Soddene gloine Goischdr send des gwea. Desch abr e mei ledschds Johr gwea, nochd haune endle Edhik nemma kenna. Bua, ben i froah gwea.

    #191Author Selima (107) 13 Feb 19, 12:44
    Comment

    An Sechsr ??? Poah !! Wia kama bloß !(der odr dia Reli-Lehrer/in kommt beschdimmt id in Himmel)

    #192Author Moi Gab (456541) 13 Feb 19, 13:49
    Comment

    Vaddr onsr, däer wo du em Heml wäresch, dein Name däd i scho hailege, wenn dei Reich zue eis kehm ... *hihi*

    #193Author manni3 (305129) 13 Feb 19, 14:03
    Comment

    So oogfähr, manne ;-)

    Gäbale, deschmr aigndle wurscht, ball ich sooscht wona komm, enda Heeml gwieß idd.

    #194Author Selima (107) 13 Feb 19, 14:42
    Comment

    Ibregenz isch koi Schlange mea voerem Rathaus. Scheinz wäez nix midd eisrem Reckord ;-((


    Brave Fehla kommed in Heml, freche Fehla kommed ibrall nah ;-)

    #195Author manni3 (305129) 13 Feb 19, 16:13
    Comment

    Scheinz wäez nix midd eisrem Reckord ;-((


    Dees hand dia Zwischaschdanzmeldônga vrhaaglat. D'Leit had gwißt, dass-d meah wia zeah Brozzend ôndrschrieba hand, des hadd-na groicht.



    D'Eddid moint grad, se däät id rechd glauba, wa se leasa muassd


    D'Eddid moint ôm fembfnauchverdlsemmne, dass-d s a klôis Schlengele voaram Rathaus gêa däät - pferleichd a halba Minudd zôm wadda.

    #196Author twocents (460778) 13 Feb 19, 17:32
    Comment

    Amoisle, dass du net velleicht dei blaus Wonder erläbsch wo du nãkommsch wennda mòl gschdorba bisch. I ben ieberzeigt, dass em Gegasatz zo de bigodde Rellilährer dr Herrgott koi Gloigeischt isch.

    (Was fir a Wah'sinnsidee mit dem Konjonkdiv! Des Gsiicht vo dem Lährer hett i säha wella wonr dui Abeit gsäh hòt! :-DDD)


    Manni, woisch du no dr poschdulierde Onderschied vom kaddolischa on efangelischa Kerbervrschdendnis? Des dät mi jetz ächt endressiera!


    I be scho en dr Grondschual mit de kaddolische Kender zsemagwä (außer en Relli, nadierlich!) I woiß no wia mir gschdaunt hent, wo dia am Aschermittwoch mit Äschegreiz uf dr Schdirn en d' Schual komma sen. On i han gmoint, dr Onderschied zwischa Efangelische on Kaddolische isch haubtsächlich wia se beddet (de Efangelische faldet d' Hend on beddet em Schdanda, de Kaddolische dean d' Handflächa zsema wia beim Dürer uf dem seim Bild vo de beddende Hende on gnieblet uf a Benkle nã).


    So a nuimodischs Zeigs wia Edhik hòt's zo meira Zeit et gea!

    #197Author Goldammer (428405) 13 Feb 19, 20:56
    Comment

    Zue deam Ondrschid waiß i nix mea. I glob, a hadd gar koi Beischbil drzue aufgfierd. A hadd die Bemerkong bloss so näebebei gmached, dass a se des voerschdelle konnd.

    I hao jebmfalls koin kerbarliche Ondrschied bei meine Freindenna ond Freind feschdgschdelld, was middr Rellegjoh zom doe hedd kenne!


    Fier mei Mueddr hadze dr Ondrschied in de Rellegjohna haubzächlech draa feschdgmached, dass die Luddresche idd jedn Sonndag in dKieche hand gao mieße!

    #198Author manni3 (305129) 13 Feb 19, 21:14
    Comment

    19.5% isch grad d'Hochrechnong frd Volksbegehrabedeilegong!!! Heidanei. Onddr Aiwangr hatze gescht arg naggad gmacht aka hot sei wahres Ich zoigt. Hotdrdear vom Leadr zoga - daß des a Enteignong isch ond ear mecht amol seacha, wia dr Gardabesitzr reagiert, wammrm sät, er sodd 1/5 vo seim Garda schdilllega ond mr koot des gera allz macha per Gesetz, abr des koscht ond nochd muamr des Geld ebbr andrsch wegnemma, andre Berufsgrubba, zom Beispiel deane, dia wo ondrschrieba hond!!! Heiligsblechle ;-)


    Emmrle, des moine oo. Wannz an Herrgott git, kaa der oomeglech so gloikariert sei. Wannrs doch isch, isch idd schad, wann i woandrschbee.

    #199Author Selima (107) 14 Feb 19, 08:26
    Comment

    I be scho gschbannd, wass dr Sedar dued. A Koallezjooh midde Grane haddase ja idd draud, däe Feigleng, däe obbordonischdesch ;-(


    ädd Geld weckneahme: Wäe se a Fläsche Wei uss Dschihle fier 8 Eiro laischde kaa, däe kaa se oo an Liddr Mill fier oisfuchzg laischde. I fend ja, so wies im Gewerbe ond in dr Indeschdrieh an Mindeschdloeh geid, solls oo oin fier dBaure gea, z. B. sechzg Cend fier de Liddr Mill ussm Kuehschdahl, ond idd bloss zwanzg.

    #200Author manni3 (305129) 14 Feb 19, 09:03
    Comment

    Asso, am beschda wär, miar reingkarniared uns und genn garid in da Himml odr in dHell. Mr schlubfed in andre Läaba nei und brobiared dWelt a wengle bessr zmacha. Wär des nix? Mir dä des gfalla.

     

    Häppi Wällentainsdei, Schätzla!!

     

    I gang jetz wia immr um dia Zit, main Wällentain wegga.

    #201Author Moi Gab (456541) 14 Feb 19, 09:06
    Comment

    Des moine oo. Mr koot z.B. oo ande Diskaundr d'Eifahrt so schmal macha, daß koine digge Audos neifahra kennad ;-)

    #202Author Selima (107) 14 Feb 19, 09:07
    Comment

    Au ja, Ameisle, desch amòl widder so a wonderschene subwersife Idee, wia a Relliarbeit em Konjungdiv. D' Oifahrt so schmal, dass de graoße Eßjuwih et neikommet zom Aldi!


    Gäbele, also ii woiß edda ob i den ganza Scheiß mit dera Pubberdeet noml durchmacha wett als Reeinkarnierde....

    #203Author Goldammer (428405) 14 Feb 19, 09:59
    Comment

    Dean Wällentain boikoddier i, grazo wie dean Hällowihn. Alls a so a amäerekanesche Erfendong ;-((

    Des brauch i idd!


    Ädd Suvv: a Freind vo mier wohnd im Allgai in am Haus uss de fuchzgar Johr. A kaase idd amohl a Middlklasseaudo koofe, weils idd ind Garaasch neibassd ;-))

    #204Author manni3 (305129) 14 Feb 19, 10:09
    Comment

    Dòdrzua fellt mir au no ebbes ei. Neizehondertnainafuffzg hen se en Onderjeddanga nuie Dinnschtwohnonga fir d' Lährer baut, dò semmir nò au ein a Dobblhaushälfde neizoga, drnäbadrã mei beschde Fraindin mit ihrer Familie, dera ihr Vadder isch a Kollege vo meim Vadder gwä. Der hòt sich nò en de Sechzgerjòhr an Audi kauft, on der isch en d' Garasch et neiganga, er hòt miaßa a Dälle en d' Wand zom Kardofflkeller neimeißla, dass der neibasst hòt. Dr Architegt wo dia Heiser entworfa hòt, hòt gmoint, a Lährer braucht koi Audo was graißer isch wia a Käfer...des hemmir oin ghett, der hòt neibasst....

    #205Author Goldammer (428405) 14 Feb 19, 10:17
    Comment

    Achdzêakommavier Brodzend. Ômgrechnad auf d'Landdaagswahl ledscht Jauhr heddat dia Schdimma fr fembfazwanzgkommvier Brodtzent vô de abgebane Schdimma groicht.

    #206Author twocents (460778) 14 Feb 19, 13:32
    Comment

    Schbätzla, i bin fei au koin Wällentainbragdizierer! (no nia gwäa) I honn bloß dia Glägaheit beim Schobf gnomma, um eich Schätzla a schees Dägle zwinscha!

     

    Z’Langaarga hemmar a Garaasch, in dia derf immr, immr da Schose sei Heilixblechle neifahra – moi, des kaner fei guad.

     

    Mein Babbe hot a Dinschdauto ghett, des war no gloiner assen Käfr – s’war an Lloyd 

    #207Author Moi Gab (456541) 14 Feb 19, 15:27
    Comment
    #208Author manni3 (305129) 14 Feb 19, 16:19
    Comment

    Wär den Tod nicht scheit, feehrt Leid. :-)

    #209Author twocents (460778) 14 Feb 19, 17:56
    Comment

    Des schdemmd, DuSenzle. Ond wex deam geiz koi Leidd meah, die wo Lloyd fahred: ausgschdoerbe - dLeidd ond dLoyd ;-((

    #210Author manni3 (305129) 15 Feb 19, 12:46
    Comment

    Achtzehkommavier Brodzend. Neier Rekor bei Volksbegehren. Bisch zfrieda, manni?

    #211Author bluesky (236159) 15 Feb 19, 14:30
    Comment

    Jô, und mein Babbe au *heul* - i abr no noita, obwohler me als Kind, wenns immr ganga isch in derra Kischda, mitgnomma hôtt.


    Mein Babbe isch abr id im Lloyd gschdorba.


    ... und mir wared mit dem Autole bis in dSchwyz, auf d’Alb und noch Freiburg undrwäags – älls Dinschfahrta – und sNummeraschild war so ois, dass dLeid id gwissd honn, obs a uoffiziells Bollizeiauto isch. Mei, des war ammel luschdig, wia sich dia andre Audofahrer am Räama grisso honn, wennse des Nummeraschildle gsäa honn.

    #212Author Moi Gab (456541) 15 Feb 19, 14:35
    Comment

    I be zfrihde, Hemele!


    Gäbele, du im Bollezeiaudo ond räechd frech rausglueged *hihi*

    #213Author manni3 (305129) 15 Feb 19, 16:50
    Comment

    Z'Gäbale em Bombr - bombig!

    #214Author twocents (460778) 15 Feb 19, 17:21
    Comment

    Leiddla, guaz Nächddle ... ond a Lenggdle aufz Folgende - fallls uis - endressierd - f related discussion: Einmarsch in + which case? 


    edit


    #215Author schwäble (951819) 17 Feb 19, 03:58
    Comment

    So vielleicht zu erklären, Schwäble:


    Friedrichs Herrschaft hingegen begann

    Wo? Mit dem nicht provozierten Einmarsch in der habsburgischen Provinz

    Womit? Mit dem nicht provozierten Einmarsch in die habsburgische Provinz


    oder

    Mit dem Umzug in den Schwarzwald, mit dem Umzug an den Bodensee – ist geschehensbezogen

    Mit dem Umzug im Schwarzwald, mit dem Umzug am Bodensee – ist umzugsbezogen


    Knopf im Hirn honn – weddrfiahlig bin (ans Amoisle dengk und hoff, shott koi Grindweh id).


    Guada Morga au no :-)

    #216Author Moi Gab (456541) 17 Feb 19, 10:23
    Comment

    Mei, so a Wäddrle! Schaad, wemmas midd Grendwäah biaßa muaß - ganz liabe Griaß an ui!


    Ja fr an guadda Morga ischs scho z schbäädd, drom giiz vommior etz oifach "an Guada allrseiz!" ond na gugge mal, ob mr ebbr ebbes Guaz zom Ässa macha dääd .... irgendwia fongzjonierdd des da hanna nedd midd nahogga ond sich bediina lau ... vr'zoogana Bagaasch ;-)


    #217Author schwäble (951819) 17 Feb 19, 12:59
    Comment

    Duats fehna? Wahrscheinle. Plusgrade auf dr Zugschbitz.

    #218Author bluesky (236159) 17 Feb 19, 13:39
    Comment

    Ach Gäbale, duadmr des loid, daß Du äbbl bloß beim Grindweh anme dengksch. Hoffndle kommts idd amol so weit, daßds Grindweh griagsch, wann mein Schbitznoma liesch.

    Aber - i hau endr Friah oo Grindweh ghett. Dia Sonn duad meine Ooga oifach idd guad. Iatz benne beim Sport gwea und Zonn schoht nemmr so schräg, iatz gatts mear.


    Schwäble, duadmr loid, abr bei oos gitts nia ebbs zMidaag. Abr zom Aubndessa kootedr ebbs aabieta - Filettini al cartoccio däd's geba.

    #219Author Selima (107) 17 Feb 19, 13:56
    Comment

    Amoisle, des „daß Du äbbl bloß beim Grindweh anme dengksch“ schdimmt fei id. I dengk au ohne Schädlweh ammel an de.

     

    Und jetz honne nomml a Gmeinsamkeit (außer de warme Fiaß und em Grindweh) entdeckt: „bei oos gitts nia ebbs zMidaag“. Bei eis au id. Isch des id luschdig?

     

    Jo Schwäble, machs wias Amoisle und i !!

    #220Author Moi Gab (456541) 17 Feb 19, 16:19
    Comment

    Ond wissandr was? I war grad em Musäum enara Ausschdellung iebr a Schreinerei und Drechslerei, dia was Dockenpuppen hergschellt hot. Dau hanne ganz aadächdeg an ui dengkt.

    #221Author Selima (107) 17 Feb 19, 17:36
    Comment
    Sodale, also mei faula Bagaasch hadd heidd sogar middgholfa, ond mir hand zeema an Schweizr Wuuschddsalaadd gschnibbladd ... so xea hanne au nix kochdd.
    Des "al cartoccio" hanne miaßa guugla, des häardd sich ja dodaal endrässandd a ... keed ma au midd Nuudla ond alz meeglichem macha .... des mergg i mir .... danggschea, wiidr ebbes glernadd.

    So, machaz guadd und genìißadd no di ledschdde Sonndiggs-Schdendla.
    :-)
    #222Author schwäble (951819) 17 Feb 19, 17:55
    Comment

    "al cartoccio" klengd ja doddal eendressand! I wäers amohle mid Läebrkäs ond Äerdebflsalaad ausbrobiere ;-))

    #223Author manni3 (305129) 17 Feb 19, 21:43
    Comment

    Sinner alle scho auf da Fasnet ?

    #224Author Moi Gab (456541) 21 Feb 19, 20:38
    Comment

    Noe, bloß a Mischung von gschdresst on vrpeilt en dera Woch. Abber 's Schlemmschde isch rom, jetz muaß-e bloß no einiges am Schreibdisch ufschaffa, des kã'n-e mr abber selber eidoila.


    Wo sen de iebriche Schwäbla?

    #225Author Goldammer (428405) 21 Feb 19, 20:46
    Comment

    Schaffe schaffe Heisle baua ??

    #226Author Moi Gab (456541) 21 Feb 19, 20:53
    Comment

    Isch binn graad nedd off de Faasenaachd unn duun aach kää Heisje baue ... nua emool wedda doo inns Fäädelsche gugge !

    :-)

    #227Author no me bré (700807) 21 Feb 19, 21:19
    Comment

    Prima, brelele! I gang au id auf Bfasned. Des duat mei Nichte vrme, dia isch bei de Hexa (i woiß, i bin au a Hex, abr halt a andre, wo sich id bloß auf Bfasned beschrängkd).

     

    Guada Morga au no! Sowieso, allweilno!


    D’Edith moint umma halba Zwoi, dasse jetz äbbes schaffa sott, wenn sich do hinna id meh duat.

    #228Author Moi Gab (456541) 22 Feb 19, 09:49
    Comment

    I glob, i wäer me nocha amohle a bissle rasiere, dass dAhla bessr kredzed on zess Gäbele liebr an mier reibd ;-))

    #229Author manni3 (305129) 22 Feb 19, 19:32
    Comment

    No schnell naheb vore ins Neschd vrschwind. Ahh, Birschdamassaasch frs Gsicht!

     

    Guads Nächtle!

    #230Author Moi Gab (456541) 22 Feb 19, 22:35
    Comment

    Schlof xond, kuglrond, wiena kloina Budlhond ;-))

    #231Author manni3 (305129) 22 Feb 19, 22:46
    Comment

    Guada Morga Schbätzla! Heit genn da Schose un i noch Konschdanz und dreffad uns mit meinerra Freindin zom Kaffeedringka. I giengt vial liaber mit meim Briaderle auf dem bloß im Wintr freigäabanna Wanderweag auf da Mettnau wanderra. Scheißdreggle! (Mei Gwissa moint, ma miaßt au amôle andre zliaab auf äbbes vrzichda kenna, gell!)

    #232Author Moi Gab (456541) 23 Feb 19, 09:36
    Comment

    Guatamorgamiddanand!


    Gäbale, fahrat-r middam Kaddamaraan auf Konschdanz?

    #233Author twocents (460778) 23 Feb 19, 10:02
    Comment
    Allmächd, laudä Schwoom, dou leegsd di niedä un schdeesd nimmä aaf - kaane Franngn do ?
    #234Author Regenpfeifer (1228344) 23 Feb 19, 11:21
    Comment

    Doch, doch, mangxmol hommr au Frangn (ond glernde Frangn). Abr mier gfreiatse iebr an jedn nuia. Aus wellem Frangn komsch nochd du? Middlfrangn?


    Griaßde derweil, Regapfeifrle!


    I hau au a arg offleiniga Wuch ghett. Iatz isch Wuchaend ond bei oos isch Bsuach auf a groaß Saurgrautessa aagsagt ond dau hanne scho mear koi Zeit ;-) Abr i dengk allboot amol an ui ... wanndr Feen blost, wanne Doggabubba em Musäum sigg, wannmr mol mear a scheas schwäbeschs Werdle auffallt ond mangxmol au oifach a so :-)

    #235Author Selima (107) 23 Feb 19, 12:08
    Comment

    Allmächd, a Frank! (Mir Schwoba kennat eba alles, sogar Fränggisch.)

    #236Author bluesky (236159) 23 Feb 19, 15:01
    Comment

    Man soll Gott für alles danken, auch für Ober-, Unter- und Mittelfranken! iich kumm vo Erlangen, ausm Himmelreich, schdeed ja scho in dära Bibl: "Suchet das Himmelreich zu Erlangen!"


    Grissgodd alle middananndd!

    #237Author Regenpfeifer (1228344) 23 Feb 19, 15:08
    Comment

    Grießdi - ond glei a Froog an de Einheimesche: Schdemmd des, dass dier in deim Satz Erlangen (als Subschdandihf) ond erlangen (als Werb) gleich ausschbräechd, also Bedohnong uffm a?

    #238Author manni3 (305129) 23 Feb 19, 15:44
    Comment

    glei soo a fraach am Wochaend : naaa, 'Erlangen oobä er'langen - hossdd mi?

    #239Author Regenpfeifer (1228344) 23 Feb 19, 16:20
    Comment

    Ja, i hâo de. Nocha ben i ja berujigd :-))

    Abr i hâo oo in Erinnrong kedd, dass ebbar behaubded hadd, s sei gleich - so komesch wie Aschebecher fier Aschaffeburger *hihi*

    #240Author manni3 (305129) 23 Feb 19, 16:36
    Comment

    Desch beschimmt von deam Liad "Wissenswertes über 'Er'langen" (vom Max Goldt) komma. Des hot zwengsam Ridmus (odr sein Brudern) so sei mea.


    Z'Erlanga benne zletscht Mol vor zwoi Johr oogfähr gwea, ebbrn em Grangahaus bsuacha.

    #241Author Selima (107) 23 Feb 19, 16:40
    Comment

    Och, es Räänpeiffasche hadd doohäa gefonn ! :-)


    Frangge senn glaawisch sonnschd kään doo, awwa äh fränngischi Warijannde gebbd doo geschwäddst ... odda fillmeeh geschriib ... rheinnfränggisches Saalännisch näämlisch ... kommschde doodemedd ßeräschd ?

    #242Author no me bré (700807) 23 Feb 19, 17:10
    Comment

    Griäßdi, no me bré, s'Gäbele hot mer gsagdd i solldd amol do neischmeggng - schee is do herin, fei wärrggli! iich hob ka broblem mid denna fremdschbrochn, sellbsdd nedd midm exodischn saalännisch :-))


    #243Author Regenpfeifer (1228344) 23 Feb 19, 17:22
    Comment

    Bschhhhh, Brele, sora Missi schwädsd Frängisch ... zwar alz Fremdschbroch, abr da Agzend isch faschd idd zom heara :-)


    As Gäbale hodde daurei gloggd!! So isch reachd ;-) Bisch du a petit pluvier?

    #244Author Selima (107) 23 Feb 19, 17:58
    Comment

    Schdimmd, de Herr Maar from Uuhs schwäddsds aach ... dii Mainnfränngisch Warijannde ...

    :-)

    #245Author no me bré (700807) 23 Feb 19, 20:15
    Comment

    Gueznächtle an alle Schwaubaä. Allamamma, Mosl-, Rhêi-.Mai-Frannga ônd an alle wo se sonschd no âagschbrocha fiehlat. Schlaufat guat ônd dreimat ebbes Schêes!

    #246Author twocents (460778) 24 Feb 19, 01:23
    Comment

    Gummorng midananne! Aber jetzt steig ich erst mal auf Hochdeutsch um, das geht bei mir schneller, ich weiß, Schande über mein Haupt und ich geh ja schon in mich (da ist auch nichts los, dixit Karl Valentin).

    #244: Ja, Selima un petit pluvier - aber als ich mir das Pseudo ausgedacht habe, goss es gerade in Strömen und ich habe mir gedacht "scheiß auf den Regen", aber da ich ja ein wohlerzogenes Mädel bin, wurde "Regenpfeifer" daraus ....;-))

    Eddsedla schaui halldd amol,dass i mei frännggisch aufbolier - is suu un suu a gmisch vo frännggisch, bairisch un elsassisch - is hald asu! An scheena Sunndooch eich alle!

    #247Author Regenpfeifer (1228344) 24 Feb 19, 08:44
    Comment

    Du muasch ja o koin reina Dialekt schwätza, des gibt's eh net, sondern agrat so, wia dr drr Schnabl gwachse isch.

    #248Author bluesky (236159) 24 Feb 19, 10:13
    Comment

    Oh, a nuis Vegale hemmer griegt! A wohlerzogns Mädle au no zo ällem nã!

    Schee dass da dò bisch, Rägabfeiferle!


    Ja, des Schreiba en dr oigana Schbròch isch gewehnongsbedirfdich. Abber i fend au emmer, dass-es Schbaß macht, mit dr Zeit lernd mr's au. On manchmòl isches ganz witzich, wemmer ebbes schreibt on sich vorschdellt wia de andere drã romdoa miaßet bis se's rausgrieget!

    #249Author Goldammer (428405) 24 Feb 19, 10:53
    Comment

    Jo schauamol doh, die Leid in dehm Fodn do ham nedd bluß aan Vuugl, sonnern glei zwaa!!!

    #250Author Regenpfeifer (1228344) 24 Feb 19, 13:33
    Comment

    Hab grad an dr Einzelbeidragsleschfada gschrieba, i moin d' #251 hòt et wirglich dòhenna ebbes vrlaura.

    #252Author Goldammer (428405) 24 Feb 19, 14:11
    Comment

    Der isch woandrsch au ôndrweags, middam gleicha Kääs. I schreibs grad frs Dorisle zeema.

    #253Author twocents (460778) 24 Feb 19, 14:13
    Comment

    Braf ond fleisich, zwoisentle!

    #254Author Goldammer (428405) 24 Feb 19, 14:15
    Comment

    An andrer Vogl (it s Reagabfeifrle) hast mr grad an Riffl vrbasst desweaga. ;-)


    I fraug me abr, ob dr Bachl vô #251 iebrhaubz vrschdaht, wammer dau êm Schbaaga allz schreibat.


    #255Author twocents (460778) 24 Feb 19, 14:34
    Comment

    An Riffl?? Deswääga? Also was en dem Vogl vorgòht kã i mir et dengga....desch doch hegscht vrdinnschtvoll!


    I glaub der Siach vo '251 hòt sich mit Fleiß es Wochaend fir sein Käsdregg rausgsuacht, weil-r woiß dass 's Dorisle ersch morga widder schafft.


    I glaub der hòt sicher koin oizga Beidrag vo ons gläsa, der nemmt oifach Fäda, en dene ebbes los isch, on scheißt se vool.

    #256Author Goldammer (428405) 24 Feb 19, 14:44
    Comment

    Em Leschfada hot oiner den Link aklickt. Do scheints um a Brifung en Radschastan zom gea.

    #257Author bluesky (236159) 24 Feb 19, 15:48
    Comment

    Ha Sabbrlott, dohinna isch jo echd äbbes losgwäa und i honns vrpasst. Abr smacht nix! I freime wia Zau, dasses Vegale Nummr Zwoi reigluaged hot. Desch fei a netts Mädle, gell !

     

    @Senzle: Jo, mir sinn middem Katamaran gfahra. Brobbevoll! Und zKonschdanz und im Hafa isches zuaganga, ass ob Sommrferija wäred. Mr henn sogar im deira Parkhaus parka missa, well alle ginschdigarre Plätz belegt wared.

     

    Morga fange middem Zeig richda a frd Schdeijererklärung. *würg* *grrr* Merdale !!!

     

    Wia wohl am Amoisle sei Sauerkraut gschmeggd hot? Mmmmmmm, beschdimmt!

    #258Author Moi Gab (456541) 24 Feb 19, 21:44
    Comment

    I globb, idd schlecht. De Gäscht hand saubr zuaglangt ond hernocht 's Rezebt abphotographiert. Des haune vora ungarischa Freinden vo meir Muadr.


    Guada Morga, Leidla!

    #259Author Selima (107) 25 Feb 19, 08:39
    Comment

    #259: Doch nicht etwa Szegediner Gulasch??? (von wegen der ungarischen Freunde ...) Gab's bei Muttern auch oft ....

    #260Author Regenpfeifer (1228344) 25 Feb 19, 10:15
    Comment

    [Name]s Schichtkraut hot dia iebrs Rezebt driebr gschrieba ghett. Drennei ghert außrm Graut Reis ond Greicherts ond Hackfleisch ond Zwiefl ond Knofl ond scharfr Babrika ond Tomatamark ond Gwirz.

    #261Author Selima (107) 25 Feb 19, 10:39
    Comment

    Köötsch des Rezebt amòl dòhanna reischreiba? Des dät mi endressiera.

    #262Author Goldammer (428405) 25 Feb 19, 11:44
    Comment
    Dees maan i fei aa!
    #263Author Regenpfeifer (1228344) 25 Feb 19, 12:12
    Comment

    Ausm Koobf (fr 2 Leid ond 2 Däg):

    1 kg Sauerkraut

    2-3 Handvoll Reis (da nehm ich auch mal mehr - je nach Lust und Laune),

    1 Pfd. Hackfleisch

    2 geräucherte Schälripple

    2 dickere Scheiben Bauchfleisch

    2 mittelgroße Zwiebeln, gehackt

    4 Knoblauchzehen

    2 Lorbeerblätter

    Pfefferkörner

    Kümmel (laß ich weg, weil ich den nicht leiden kann)

    Paprikapulver

    Salz (falls nicht das Kraut und die geräucherten Sachen schon salzig genug sind - am Samstag hab ich z.B. kein Gramm Salz mehr hin)

    2 EL Tomatenmark

    Schmand


    In einen ausreichend großen Topf eine Schicht Sauerkraut, die Hälfte von Zwiebel und Knoblauch, die Hälfte der Schälripple und vom Bauch, die Hälfte des Hackfleischs klein zerrupft verteilen, Hälfte vom Reis, ein Lorbeerblatt, Paprikapulver, Pfefferkörner - eine Schicht Sauerkraut, die andere Hälfte der Zutaten - abschließend eine Schicht Sauerkraut; das Tomatenmark mit Wasser verrühren gleichmäßig über die obere Krautschicht verteilen, mit Wasser (im Rezept steht Brühe, aber mit dem ganzen geräucherten Zeug find ich das würzig genug) auffüllen, so daß die oberste Schicht knapp bedeckt ist. Eine Stunde kochen, auf keinen Fall umrühren, fertig. Schmand soll sich jeder nach Gusto dazutun.

    Was die geräucherten Sachen angeht, variiere ich da, je nach Verfügung beim Metzger: Krautwürst, geräucherte Schweinebacken, geräucherter Hals ...


    #264Author Selima (107) 25 Feb 19, 12:16
    Comment
    So gschwind, do schaugsd - un dangschee !
    #265Author Regenpfeifer (1228344) 25 Feb 19, 12:25
    Comment

    Desch so oifach, des kaanemr grad no mergka ;-)

    #266Author Selima (107) 25 Feb 19, 12:27
    Comment

    Des Bauchfloisch isch also frisch, et graichert? On schneidsch des in Schdiggla, oder duaschs ganz nei?

    #267Author Goldammer (428405) 25 Feb 19, 21:57
    Comment

    So oifach? Merke due i mier des idd - i hao a Läesezaiche gmached. Moere send bei mier mea femf Liddr Subbekonzendraad draa, do wäer is amohl ausbrobiere ;-)

    #268Author manni3 (305129) 25 Feb 19, 22:07
    Comment

    Doch scho a graichertr Bauch. I koff äbbl an rechda Ranka ond schneid dau dann so oogfähr fempf Millimetr dicke Scheiba ra.

    Oos isch des moischdns abr zvill Floisch, alzo reduzier mrs a wengale ond deand mear Reis nei. Ond des roicht loggr fr zwoi an drei Däg.


    An guada Morga midnand.

    #269Author Selima (107) 26 Feb 19, 06:32
    Comment

    I han so ähnlichs Rezebd vo meinr Muada glernad. Abr blos mid graichrdm Bauch (i nemm moischdns a Rauchfloisch weiles et so fedd mog), Schweinefloisch, Graud, Zwiefl, Knofl, ond Greidr noch Belieba. Moischdens dua i au no an Kimmel na. Do werd abr am End älles duregriehrt. Sieht grauslig aus, schmeggd abr sauguad. Onds werd vo Dag zu Dag bessr.

    #270Author Muggaseggale (1004776) 26 Feb 19, 09:47
    Comment

    Ihr machet mir so Luscht dòdruf, dass i, schdellet eich vor, em Dengs, der wo eigentlich heit mit Kocha drã gwä wär, ãbodda han, i dät des heit kocha! I radle glei en d' Schdadt on kauf ei. I ben richdich gschbannt. Uf dui Idee, Reis on Graut zom kombiniera, dò muasch au ersch amòl drufkomma.


    D' Edith vrmeldet, dr Tobf dät ufm Feier schdanda, on ihra wär scho beim Riichda 's Wasser im Mund zsemagloffa.

    #271Author Goldammer (428405) 26 Feb 19, 10:09
    Comment

    Re #267: Im Saurgraut hotts Schdiggla? Indressant!!!


    I hoff, am Dengs hotts gschmeggd, Vegale. Mein Schose hot heit Middag kalde Kiche mit Durchzuag griagt. *hihi*


    Narri Narro! Sowieso und allweilno!

    #272Author Moi Gab (456541) 26 Feb 19, 13:08
    Comment

    Des hammr oos, mei Mama ond i oo gmoint ... Reis ins Kraut? Abr des fonkzjoniert.


    Ah, des bisch ja Du, Gäbale! Alz Mäschgrle häddede faschd idd kennt.

    #273Author Selima (107) 26 Feb 19, 13:52
    Comment

    Des war echt sauguat, Ameisle.

    I han mir's abtibbt on offizjell en onser Repertoar ufgnomma - mir hen an Ordner en dr Kiche, on wemmr koi Idee hòt was mr kocht, guggt mr dò nei.

    Dr Schmand hemmer vrgessa, der isch ons ersch eigfalla, womer scho ferdich gessa ghett hen.


    I han deitlich wenicher Hackfloisch gnomma, drfir no a glois Schdiggle (scho widder a glois Schdiggle!!! :-DDDD ) peklts kochts Bauchläbble, des gibts bei ons am Dinschdag beim Metzger, vom Schlachtdag am Meedich. Anschdatt em weidera grauchda Floisch han-e a Bärle Baurabròtwirscht nei. I denk, was fir on wievl Floisch mr neiduat isch vellich wariabl, guat wird's en jedem Fall. I denk, au ohne Floisch (firs Gäbele!) wär des au a guats Essa.

    #274Author Goldammer (428405) 26 Feb 19, 14:47
    Comment

    Recht hosch, Vegale. I wills au brobiara.

    #275Author Moi Gab (456541) 26 Feb 19, 21:49
    Comment

    Des gfreitme, daßas ui oo gschmeckt hot.


    Guada Morgen.

    #276Author Selima (107) 27 Feb 19, 06:30
    Comment

    N’Ôbnd, hot ammel sSchdiggle gsait.

    #277Author Moi Gab (456541) 27 Feb 19, 20:47
    Comment

    Guada Morga, Schbätzla! Scho wiedr an herrlicha Sonnadag vor uns – simmer id verwehnt ?

    #278Author Moi Gab (456541) 28 Feb 19, 09:48
    Comment

    Guads Nächtle, Schbätzla! (© Gäbele)

    A scheener Dag isch gwä, i han em Garda a Beet ausgrast on dr Maisakaschda ausbutzt on zwoi dirre Äscht vom Abflboom ragsägt.

    Enzwischa hòt dr Räga ãgfanga on 's riacht sauguat draußa. Dr Botzich dät sich sicher fraia ieber den guada Naachtgruch, wenner sei letschts Zigarettle onderm Dächle raucha dät..

    *bletzlich dr Botzich vrmißt han....*

    #279Author Goldammer (428405) 28 Feb 19, 23:53
    Comment

    Mier gohd a oo mankmohl aa!

    Ob dr Igl woll scho wach isch?

    #280Author manni3 (305129) 01 Mar 19, 00:39
    Comment

    Hi, ihr Schwaben und Alemannen.


    I know this may not be the right dialect, but is "net wela" elsässisch? One of my students is in contact with Germans, probably Skater, since that's what he's all about, and he showed me a two or three word text with "net wela" and asked me what it was. I assumed that "net" was "nicht," but "wela" stumped me. Is it from "wollen"? Does it mean "don't want to"?


    Thanks for your help.



    #281Author Amy-MiMi (236989) 01 Mar 19, 02:27
    Comment

    Oh, dr Bodzeg. Scho arg schad.


    Amy, ja, könnte sein. Allerdings würde ich es eher mit zwei -ll- schreiben: "net wella" = "nicht wollen". Wenn er/sie aber Elsäßer ist und dazu noch jung, dann kann es gut sein, daß die Chat-Ortographie abweicht von dem, wie man es als nicht ganz so junge Schwäbin schreiben würde. Ein bißchen mehr Kontext könnte helfen, z.B. ob da noch ein zweites Verb war oder der Gesprächsgegenstand.


    Andere Möglichkeiten: wellen ("s duad se net wella" - es wellt sich nicht), wählen (I gang net we(h)la - ich gehe nich wählen).

    #282Author Selima (107) 01 Mar 19, 08:22
    Comment

    Mein erster Gedanke war auch "net wella" - nicht wollen, wobei mich der Infinitiv etwas verwundert. Warum schreibt er nicht "net will" oder "will net"?


    Insofern könnte es auch was anderes sein "nicht wählen" halte ich als Gesprächsthema interkulturellen Skater-Talks für eher unwahrscheinlich. Plus Infinitiv-Thema, das hier genauso besteht.


    Nicht wellen - auch gut möglich im Sinne Selimas, vielleicht auch "nicht Wellen" --> etwa "ich fahre nicht gerne Wellen" oder so...


    Ich fände es witzig, Amy-MiMi, wenn du deinem Schüler erzählst, dass du seine Frage in eine "Expertenrunde" gegeben hast und die nach mehr Kontext gefragt haben - was war das Thema, um das es gerade ging im Chat? Was stand davor, danach?





    #283Author Goldammer (428405) 01 Mar 19, 09:08
    Comment

    Ich kann mir mit wollen viele Möglichkeiten denken, denn statt Präteritum verwenden wir ja doch meist Perfekt: I han des net wella, er hat des net wella, du hasch net wella - oder auf die Frage Hasch net kenna odr net wella als Antwort einfach net wella.

    #284Author Selima (107) 01 Mar 19, 09:26
    Comment

    Net wella, = idda wella, het i jetz au gsait.

     

    Vegale, wia vielsagnd, dassda grad jetz vom Potzigle schwätsch, wone annen dengk. Oh Mann! Wias wohl seim Fraule gôht?

     

    Jojo, srengnet. Pinktlich zom Umzug am Sonndig schlaits Wettr um. Abr macht nix, am Sonndig machd da Schose seine Gräpp. (*driala afang*)

     

    Guada Morga au no, Schbätzla und Eimimimmi!

     

    Und fr älle wo’s wenn, hedde a elsässischs Onlain-Werderbuch http://culture.alsace.pagesperso-orange.fr/di... s’isch halt in Franz ibrsetzt. net = pas = nicht und wellä = vouloir = wollen (zua mir: und wela fr wellä isch dia tibbisch Schreibweis vo de heitige junge Leit, dia wo nixme mitda korrägda Schreibweis am Hals honn)

    #285Author Moi Gab (456541) 01 Mar 19, 10:15
    Comment

    Stimmt, Ameisle, wenn man "gewollt" mit einbezieht, ergeben sich viele neue Möglichkeiten.

    Bin gespannt, ob Amy-MiMi noch Kontext liefert - wenn se hòt kenna odder wella....

    #286Author Goldammer (428405) 01 Mar 19, 10:27
    Comment

    Okeee, vom Vegale ignoriard wirr ….


    Und unsr gscheits Amoisle hott räat! S’kennt au net wella (idda wella honn) gmoint sei.

    #287Author Moi Gab (456541) 01 Mar 19, 10:31
    Comment

    (zo mier) oh scheißele.....(zo mier/off)

    *'s Gäbele eschdimier*

    GUDDA MORGA GÄBELE

    I han de et iebersäha wella. War so mit meim wella am macha.

    I hett au gern an Gräbb vom Schose wella!!! Odder au zwoi!


    #288Author Goldammer (428405) 01 Mar 19, 10:45
    Comment

    Des haune aadeita wella mit deam "jungen Elsäßer" endr Tschättordografi.

    #289Author Selima (107) 01 Mar 19, 12:05
    Comment

    Bei de Ällsässa duuds aach eh bissje droff aankomme, obse ausem Noade odam Siide fomm Ällsass senn ... imm Siide schwäddsese mee wii dii Allemannische, im Noade, ann de Gränns noo Loodringge, mee wii dii Baadennsa odda dii Reinnfranngge ...

    #290Author no me bré (700807) 01 Mar 19, 12:25
    Comment

    Älls wiedr guad, Vegale. Hoschde sche aus da Affäre zoga! Da woisch halt, wiama midde Leit schwätza muaß. (i resserwiar der d’offiss a baar vo denne Gräbb)

     

    Und, bai ße wei, juh meid mai dei dodamit: Ich fände es witzig, Amy-MiMi, wenn du deinem Schüler erzählst, dass du seine Frage in eine "Expertenrunde" gegeben hast.

     

    Wenner mol i dem Ellsässisch-Werdbuach die ellsässische Werter aluaget, no säader, dass des fei au Schwäbla sin.

    #291Author Moi Gab (456541) 01 Mar 19, 16:44
    Comment

    Ond wenndr in eisrar Alemanne-Schwobe-Landkaade lueged, säechedr, dass des so zemle s gleich Badesche wie im Schwarzwald isch: Obrrheinalemannesch.

    #292Author manni3 (305129) 01 Mar 19, 17:31
    Comment

    Desch ja a hochindresssande Karte.

    #293Author bluesky (236159) 01 Mar 19, 18:55
    Comment

    Des moin-e doch au, das-d Elsässr Alamanna sênd!

    Am Beschda merkbas dâudraa, dass-d se de Deitsche al Schwoobe bezaichnat. (Des dêand Schweizr nemmle au, ônd des sênd gwieß Alamanna!)


    Heit han-e em Eeeschdreichr a Sendông ieber Sarma gheert. Des sênd Krautwiggl, wo auffam Balkaah (aiso auffm echda, iddam Minchner) kocht werrat. Im Ôndrschied zu "onsre" Krautwiggl sênd dBleddr vô Krautkebbf , wo em ganza michsaur êigleeg worra sênd; zKraut isch also a Saurkraut. Gfillt werrat se mit Hackfloisch ônd am Greichrda, Zwiefl Oir ônd Gwirz sowoeso. Drmit dFillông woich bleibt, kommt Reis mit nêi. Des hat me am Amoisle sêí Saurkrautrezebbd erinnrat.


    A Aimimimile sêi "net wela" däät- erschdamôle als "ebbes it (dôa) w ella" endrbrediera.

    #294Author twocents (460778) 01 Mar 19, 18:56
    Comment

    Dia im Ganza eiglegte Krautkepf ka ma bei ons enzwischa au kaufa.

    #295Author bluesky (236159) 01 Mar 19, 19:15
    Comment

    Jiez wäez do hinna bald em End zuegao, ond wenns soweid isch, gohz do deana   midd am Haufe läere Bleddr ond am Wäedrbuechabbdeid (midd deam haoni ibregenz meah a bissle an Drabbl kedd   ) weidr.


    Bloss, dass idd ois no uss Vrsäeche aafanged mid Hibble, gell! Des brauchz in deam Fall idd :-)


    #296Author manni3 (305129) 01 Mar 19, 19:46
    Comment

    I han ersch nòchdräglich mit Hibbla ãgfanga wo-n-e gmergt han wia gnabb mr drã sen....danke, Fadababba!

    (zo mier:) I han wedder dr Fähler noch d' Lesong kabiert vo dem Werderbuchbroblem...aber zom Glick hemmer jò dr manni on dr Martin, dia wo dò ebbes drvo vrschdandet....(zo mier / off)


    Also des Werderbuch isch a õglaubliche Dadasammlong die das Läben schrieb, sozomsaga, manni! I moi, jeder Dialegtforscher wo ebbes vo seim Gschäft vrschdòht, dät sich dòdrnòch d' Fenger abschlägga!

    #297Author Goldammer (428405) 01 Mar 19, 21:19
    Comment

    Des moin i oo - zom Fengraaschläecke 😋


    DuSenzle, die Schweizar, Elsässar ond Badenar bildeze an Haufe uff ihr Allamannedomm ei. Drbei bedeiz nix andrs, als dass es a gmischda Haufe vo allarhand Velkrschafda isch. Dr gräeschd Dail send abr soweso  dSwebe  gwe.

    #298Author manni3 (305129) 01 Mar 19, 22:45
    Comment

    Augschburg gex Dordmond 2:1 - wenn des koi Sennsadzjoo idd isch ;-))))

    #299Author manni3 (305129) 01 Mar 19, 23:07
    Comment

    Manni, genau daudrweaga send se ja so schraf auf dr Ôndrschied zwischa Shawuba ônd Allamammna!

    #300Author twocents (460778) 01 Mar 19, 23:22
    Comment

    Ônd middam sensazjonella Hibblfaggdor vô 0,9966774 gaht's dieba, em nuia Schbaaga, weitr.


    #301Author twocents (460778) 01 Mar 19, 23:26
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt