Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --194--Alemanneschwobeschbägele--194--

    Topic

    --194--Alemanneschwobeschbägele--194--

    Comment





    Des isch dr hondrdviereneizgesch endrnazenal Alemanne-Schwobe-Faade

    zom Hôigaate, Raadsche ond Dischkriere,

    in deam wo ma all grenzibrschraitede Warianda vom Schwäbesche ond Alemannesche läese ond schreibe ka.


    Ond a baar andre Dialeckd no drzue, weil wäe Luschd had, ka oo en andre Schbrocha wie Bladd odr sogar Schdandardneihoechdeitsch schreibe,


    Also dond ui koin Zwang a ond schreibed mid. Mier gfrajeze ibr jedn, däe wo reikudd ond eis Xelschafd laischded :-))


    Ond schreibed ganz aso, wie ui dr Schnabl gwaxe isch - Haubzach so fonedesch wie meglech.

    Desch ja soo endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Bensilveinijadadsch nei.




    ⚫ Vo dedd kommebr ond jiez goz do hinna weidr.

    ⚫ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ⚫ A Lischde mid an die vierhondrdfemfesibzg schbezjelle regjonahle Wäedr haoni am 1.3.2019 abdeided.

    ⚫ Do isch dr Lenk zue de Voergengarfäde







    Mier hoigaated allad weidr, solangs no ebbs zom sage geid!

    Onz siechd ganz drnoch aus, dass eis dr Gschbrächsschdoff no id so schnell ausgohd ;-))






                        Land id lugg!







    Author manni3 (305129) 19 May 19, 00:54
    Comment

    Manni, danggschêa frs Bäschdla! Schêa ischer worra, dr Schbaaga!

    #1Author twocents (460778) 26 May 19, 22:05
    Comment

    Dankschee frs neije Fädale, Manni.


    Und dankschee frs Diarle zuamacha im alta Fädale, Senzle.


    @Karninkale: Jô, i war heit Morga aufem Pfendr. Nägschda Sonndig gange id, dô simmer im Schwarzwald, aber no da Sonndig drauf gange wiedr, des hoißt, wenn's id schiffd.


    Miar wared heit au wähla. Der Eiropawahlzeddl war jô lang - faschd wia a Roll Globabier und Parteinäma hotts do druff, dô schnallsch ab. Hoffamer, dass äbbes draus wird - fr uns und fr alle.





    #2Author Moi Gab (456541) 26 May 19, 22:57
    Comment

    Eh danggescheen ann de Faadebabba ! *aangemälldbin*

    :-)


    Gunnaachd allegaare ! Schloofen gudd unn dräämen was Scheenes ... unn nämmen noch eh baa Noadwinndscha medd !

    :-)

    #3Author no me bré (700807) 26 May 19, 23:07
    Comment

    ...faschd wia a Roll Globabier... :-DDD

    Genau! Au so grau wia a Risaiglingglobabier....

    Wissetr was mi endressiera dät? A Analiese wia dr eiropäische Doil vo dr Leokommjunidy gwehlt hòt...abber des dät selbsch dr Schönenborn et wissa, der wo sonsch doch älles ieber d' Wahl woiß.

    #4Author Goldammer (428405) 27 May 19, 08:52
    Comment

    Mi däts au indressiera, wa d'Anneliese do dazua moint. Se isch jô a gschaits Mädle, abr des vrrôtse uns glaub id.


    Häff a nai Deile, Schbätzla!


    D'Edith sait umma Zehne "guads Nächtle" und nimmt sich a baar vo denne Bishus und Ahla mit, dia wo gwieß no kommed.

    #5Author Moi Gab (456541)  27 May 19, 10:45
    Comment

    Jebmfalls schdell i dier no a baar langhoorege Ahla rei, mei Gäbele :-)

    Moere rasieris weck, nocha schdubfleze mea bessr ;-)

    #6Author manni3 (305129) 29 May 19, 23:32
    Comment

    So, jetz schdupflez *hihi*

    Geschd hot mei jingschdz Enklkind Deitschhausaufgaba gmacht – ganz alloi. Sätz umwandla in Akkussatief, Datief …. und bei alldenne Sätz war bloß oin gotziga Fehlr dinna. Wonese draufnagwiasa honn, hozeme ersch ganz uhgleibig agluaged, dasse gsait honn: „Kahschmers glauba!“ Nô hottse gmoint: „Honnedr scho oimôl i meim Läaba äbbes id glaubd?!“ – und hotts vrbessarat. Mei, dô ischmrs Herz aufganga.


    Alle Babbe an schena Babbedag winsch!

    #7Author Moi Gab (456541) 30 May 19, 13:56
    Comment

    ... ebbas idd glaubd - do habba fei scho a ganz scheane Vrandwoerdong! Do mueßba se alls zwaimohl ibrlege, was ma sehd!

    #8Author manni3 (305129) 30 May 19, 15:00
    Comment

    Isch hann heid noch känn äänäänßisches Bollawäänsche gesiin ... sonschd senn dass anneme Vaddadaach doch duddßende ... sällbschd wanns rääne duud ... unn heid noch gaa känns ..

    #9Author no me bré (700807) 30 May 19, 17:22
    Comment

    Liab, Gäbele ! Do tät mr oh s'Herz ufgòh :-)


    Jedzd hômr oh endlich a BundeskanzlerIN ! Abr was hòts alls brucht dazua - zersch muess ma d`Regiarung schdürza....


    Hüt Nachd hôn i drômt dass se me net zu da Neuwahla im Herbschd zualong, i bin ganz vrzwieflat gsi (im Dròm;-)), wôni mi doch egschdra uf d`Wählrefidenzlischda hòn itraega lò...


    Beäss- Dankdr òh für des Fädile, des i guet wiedrgfunda hòn, Mannile !

    #10Author karink (659752)  30 May 19, 18:40
    Comment

    I han draimt, i wär au - wia mei Jonger seit zwoi Däg - en Toronto. Der hòt sich jetz fir a halbs Jòhr meine Helikobderagdifideeda entzoga....em Draum war d' Schdadt schee, aber i han Sorga ghett, wo-n-e a reachts Essa hergriag, on wo-n-e wohna soll...

    I muaß me so zsemanemma, dass-e-n et ieber Wòtsäbb dauernd fròg wia des oder dees glabba dät on so...abber i ben ganz guat, moin i. I frai me iber des wa-n-r schreibt on schdell koine Froga.


    I han vorhin ufm Schbaziergang a " bidders Greizbleamle" (Polygala amara) gsäha on fodografiert, on wo-n-e me widder ufgrichdet han vom Fodografiera (desch a gloins Bleamle, do muaß mr sich bigga!), nò isches mr so saumäßich ens Greiz neigfahra! Bidder, odder?

    I glaub dia biddere Greizbleamla fodografier-e nemme so schnell.....

    I han me glei en d' Wies glegt on a baar Iebonga gmacht, damit sich dia Lendawirbl widder nãsordieret...sonsch wär's velleicht no schlemmer worra. I hoff, des glengt bald widder ab.

    #11Author Goldammer (428405)  30 May 19, 18:48
    Comment

    Emmrle, Helikobderagdifideeda isch a nuis Woed - frienr hasch des andrschd kaiße ;-)

    Hmm, dass du do allad no so druff bisch, wo dei Jongr doch gar nemma so jong isch!


    S näggsch mohl, wennd a so a biddre Polygame fodegrafierschd, nemmsch hald an Selfischdick - fier so ebbs senze doch erfonde woere :-)

    Abr i hoff, deim Kreiz gohz mea gued.


    Karenkle, dass a di idd als Kanzlare gnomme hadd, dr Vandrbelle? Des isch doch mea a Dischkremmenierong vo de Gsibäergar!!!


    #12Author manni3 (305129)  30 May 19, 19:55
    Comment

    Genau, Mannile !! und a Dischkriminiarung vò Vähdoktora gegadübr Jurischta !

    Emmerle, guete Bessrung, guet dassda gleich d`Üabunge gmacht hôsch - wietr so.

    #13Author karink (659752) 31 May 19, 00:46
    Comment

    Selfieschdigg han i koin. Außerdem fodografier i d' Bleamla et mitm Hendi!

    's Greiz isch leider zemlich mend....


    Wa moinsch was i frieher zo meine Helikobderagdifideda gsagt han? I schdand ufm Schlauch.

    Nix ghaiert vom Jonga. Nounjuhsischguddnjuhs. (Schdemmt jò, der gòht schdramm uf de dreißg zua, soo jong ischr echt nemme. Abber a weng hibbla dur-e halt drotzdem. Abber echt bloß a ganz glois bissle. I keet jò aus so dua wia wenn i ganz on gar kuul wär, aber dòhenna, en dem subber brifada Zemmerle wo ons susch koiner sieht on zuhert on mr ganz onder ons sen, kann i des jò scho zugeba....)

    #14Author Goldammer (428405) 31 May 19, 08:19
    Comment

    Gluggevrhalde ;-)

    #15Author manni3 (305129) 31 May 19, 09:29
    Comment

    Polygala amara sin Greizbliamla, wellmas nochem Fotografiara vonnenna im Greiz hôt. Logisch, odr? Soddamr des Wikipedia saga, dasse des mit aufnäahmed?

     

    Vegale, da Schose leidet mit dir. Am Mändig hemmar beim Knochadogder dia Beschbrechung vo derra ÄmÄrrTee wo beiem gmacht worra isch. I hoff, er mueß id wiedr untrs Messr.

     

    Und Manni, Gluggavrhalda odr Hellikobdrvrhalta wird a Mamma nia ablega kenna. Unsr Großr wird Näggschjohr fuffzg (Vegale, dôdra mergdma, dassda a jungs Bibale bisch und i a alte Schachtl) und i sorgme allno ummen.

     

    Boschurle au no !!

     

    Karinakle, näggschda Sonndig binne id beim Pfendraufschdieg dabei. Abr, dafiar da Sonndig druff (wenns id schiffd – bin a Warmduscherre worra). Wennda magsch. Isch koi Muss id.

     

    Re Breleles Bollrwäaga: I honn au welle gsäa, abr dia Kerle wose umanand zoga honn, ware älls gwieß koine Babbe id (vill zjung dafiar).


    D'Edith moint no, jetzt dä untr meim Beitrag "eddytiert" (hihi) schanda)

    #16Author Moi Gab (456541)  31 May 19, 10:04
    Comment

    Also Gäbele, wemmers onder dem Aschbegt des Greizwaihs bedrachdet, bisch du dr Hupfer on i de alt Schachtl!


    (An schena solidarischa Gruaß an dr Schose!)

    #17Author Goldammer (428405) 31 May 19, 10:13
    Comment

    Gluggavrhalda odr Hellikobdrvrhalta wird a Mamma nia ablega kenna - i waiß idd so räechd: Fier a schdichhaldege Schdaddischdeck send die zwai Beischbl do hinna hald a bissle weneg, oo wenn se wex iehrar indewiduwelle Schwäere scho ins Gwichd falled ;-))

    #18Author manni3 (305129) 31 May 19, 10:19
    Comment

    Woisch Manni, des wa sVegale und i dôhinna vrzabfed, des isch dWoahred. Kaschmers glauba (und nimmdr a Beischbiel a meim jingschda Engkale und des wird nägschda Moned zeah!)

     

    Honner des au scho gsäa, dass wemma äbbes „eddy“tiert, dasses no untadanna schdôht?


    "eddy"dier ;-)

    #19Author Moi Gab (456541)  31 May 19, 12:14
    Comment

    Oh jò, Gäbele, des woiß I. Dò hòt's vor a baar Wocha en dr Leokommjunidi hitzigschde Diskussjona gea, ob des et indisgret wär on d' Schreiber en a schlechts Licht rigga dät, wemmer glei sieht, ob ebber eddydiert hòt. Zersch isch sogar no drbei gschdanda, wia oft mr eddydiert hòt, on dò hen se sich echt furchbar ufgregt, des wär Bigbraßeriswòtschingju on des gengt koin ebbes ã wia oft mr an seim Beidrag romgmacht hett - a weng arg ieberzoga, der Schiddschdorm wo ieber dia arme Leomacher reibrocha isch. D' Ãzahl vo de Eddydieronga hen se nò widder rausgmacht dòdrufnã....

    #20Author Goldammer (428405) 31 May 19, 16:01
    Comment

    Gäbele, I hôn zwa Sorga: dasses, wenn i im Gsibärgrland wär, net schaff, so früah (dassda Warmduscherre bisch, isch net schlimm für mi, abr dassda a Früahufschdeherin bisch, schò ;-)) in Breganz zu si, und dass i dr net nôchemag...


    I hätt nô a Fròg an Di: was könnt des folgende bedäuta, s'isch inra Schdellausschriebung so gschrieba:

    "CDD échéance au 31.12.2020", davor schdoht s`Date d'èntrée (de suite ou à convenir), was i vrschdoh. Fristablauf 31.12.2020 ?? oder befristete Stelle bis 31.12.2020 - wohl eher des ledschtere, oder ?


    #21Author karink (659752) 31 May 19, 17:27
    Comment

    Karinkale an C D D isch an contrat à durée délimitée = befristeter Arbeitsvertrag

    Also, dia Schdell isch bis auf da 31.12.2020 befrischded.

     

    Wegam Pfänder: I ka de vrschdanda, dassdr des zfriah isch. Mir isches eigednlich au zfriah (am Sonndig am Sechse aufschdanda, bäh!). Abr wemmer am halba Achde da Pfendr naufgräbslan, no simmer schbädeschdens umma Zehne wiedr dahoim und no ziggad die Fraua, wo dahoim bleibed sinn id mit ihre Mennr rum.


    Eddydier:

    Des honne no vrgässa: Date d'èntrée (de suite ou à convenir) = Eintrittsdatum (sofort oder nach Vereinbarung)


    @ Vegale: Mir isch des sch...egal, ob ma sieht wia oft i eddydiert honn. Sollaze doch dengka vommer, wa se wellad. Hauptsach iahr vrschdenn me, gell.

    #22Author Moi Gab (456541)  31 May 19, 20:06
    Comment

    Des mitm Eintrittsdatum hon i scho vrschdanda, wia gset. Aber CDD hôt se miar net erschlôssa, i mag ka Abkürzunga...schô gär net inra Fremdschbrôch,


    ...und no ziggad die Fraua, wo dahoim bleibed sinn id mit ihre Mennr rum. Des erschlüsst sich miar ôh net würkli. Di wo daham blieba sän, zigged mit ihre Männr umanand. Wieso, well se usgschlôfa sän und net müad vom Pfendrufilôfa ???

    Also i müasst am halbe seggse ufschdoh, damit i am viertl nôch siebene in Bregaz am Bahnhof bin...*Gähn*


    #23Author karink (659752) 01 Jun 19, 00:40
    Comment

    Logisch, Karinkale, des het „blieba sin“ oder oifach „bleibed“ hoißa solla. Waisch, da Sonndig isch heilig fr Bfamilie, wemma dia ganz Woch futt beim Schaffa war. Dô kama id vrschdanda, dassda Ma ausgrechnet da Sonndig mit Pfendrnaufgräbsla vrblemparrad. Umma Zehne (bsondrs wemma ersch ausem Neschd kommd) isch da Sonndig jô no noita faschd rum. Asso, des war dia Begrindung, womer mei Briaderle gsait hot.

    Außrdem gôht ammel danôch unsr J….le (desch au so a zierlichs Gazellale wia du) hintrdrei no zom Glättara.

     

    Wochaend!!!

    #24Author Moi Gab (456541) 01 Jun 19, 10:04
    Comment

    Hei, Schbätzla, luaged amôle. Des war an Doil vo meinera däglicha „VondaArbethoimradlStrecke“: vo 0 bis 2:12 – a derra Schdell binne rächts ab, da Buggl nauf und war nô fuffzg Meter weiter dahoim:

     

    https://www.youtube.com/watch?v=AO_aUaiF6TY

    #25Author Moi Gab (456541) 02 Jun 19, 10:02
    Comment

    *winkend durchstampedier*

    #26Author Miss Anthropy (700297) 02 Jun 19, 11:37
    Comment

    Re #24: Asooo :-) Ma könnt oh als Familia gmeinsam gôh...denn gilt dia Begründung net. ..."a zierlichs Gazellale wia du" zierlich wia äure J....le, viellichd, aber bi da Klätterer isch alls schdraff, und i bin schlaff wia an Sack :-( amôl i dr Woch im Schnitt ge tanza gòh isch zwenig zum fit blieba i mim Alter!


    Re #25: Ka Wundr, dassda so fit bisch :-) Guet, dassda immer an Helm alegsch, uf dera Schdrecke bisch zitwies ziemlich da Autofahrer usgsedzt...


    *am Missile zruckwink*

    #27Author karink (659752)  02 Jun 19, 11:42
    Comment

    Logo derfma dô au Bfämilli mitnäahma – i honn mein Bruadr dabei und mein Bruadr mi. Leschdjôhr honne mei virrzeahjährigs Engkldechdarle dabei ghett und desch ohne Murra und Meckera zuar Freid vo älle naufgloffa (andrsch ass d’Oma).

     

    Re „i bin schlaff wia an Sack“ – und i ersch!!! Derffe dô a mein Engklbua erinnera, wo môl gfrôgt hot „Oma, warom hengd dei Fiedla dô so???“ (s’gôhtmr allno nôch;-)

    #28Author Moi Gab (456541) 02 Jun 19, 17:19
    Comment

    Also i poschdulier dass oine dia wo äll Woch uf dr Pfender nufsauet et des Recht hòt, sich als schlaff zom bezeichna....schlaffs Fiedle odr koi schlaffs Fiedle!


    #29Author Goldammer (428405) 02 Jun 19, 17:54
    Comment

    Welches Koerperteil ist das Fiedle bzw. Fiedla?


    #30Author Miss Anthropy (700297) 02 Jun 19, 21:09
    Comment

    Pschschsch...'s Ärschle.....

    #31Author Goldammer (428405) 02 Jun 19, 21:10
    Comment

    Nää, nedd ganss ... dii Muschgle drommromm ...

    :-)

    #32Author no me bré (700807) 02 Jun 19, 22:08
    Comment
    Also anatomisch korrekt dr Glutaeus Maximus.
    #33Author Goldammer (428405) 03 Jun 19, 00:51
    Comment

    Guada Morga, herzallrliabschde Schbätzla!


    Vegale, wa macht dei Greiz? Am Schose gôhts sichtlich bessr. Nocher hemmer dia ÄmmErrTee-Beschbrechung beim Dok.


    Siejuuuu ...

    #34Author Moi Gab (456541) 03 Jun 19, 07:49
    Comment

    Bei mir isch au deitlich besser. Net ganz hondertbrozendich richdich, aber okee.

    I druck eich d' Dauma!

    #35Author Goldammer (428405) 03 Jun 19, 08:17
    Comment

    Des isch a Kreiz mibbm Kreiz - mankmohl schbieris oo, obwohl i a baar Iebonge mach am Moeges. Bsondrs de Ligeschdidz hendrse, dean wo mr s Maisle xed hadd. Seiddeam denk i jedn Moege ans Maisle ;-)

    #36Author manni3 (305129) 03 Jun 19, 20:30
    Comment

    Also, da Dok hot gmoint sei an Bandscheibavorfall und des dä auf da Nerv drugga. Abr, wellems viel besser gôht und er wieder problemlos laufa ka, derfer erschmôl zuar Fisio (des machder gern, dasser zua dem blonda, netta Mädle gôht. ;-)


    Schlôfet guad!

    #37Author Moi Gab (456541) 04 Jun 19, 00:12
    Comment

    Hert sich guat ã, Gäbele. Des soller no macha. A weng Fisio on äls amòl laufa.

    #38Author Goldammer (428405) 04 Jun 19, 23:17
    Comment

    Abbreboo blonda, netta Mädle: Dees mueschem klaar mache, Gäbele: Abbedidd kana se holle, abr gesse wäed dahoi, gell!

    #39Author manni3 (305129)  04 Jun 19, 23:37
    Comment

    Oh Manni, do machemer koine Sorga id. Dia Kabina hellherig wia Zau.


    Sodele und jetz gemmer zom Goschaglempner ond lon uns profässionell Zäh butza. Und, desch fei au a netts Mädle, abr a dunklhoarigs.

    #40Author Moi Gab (456541) 05 Jun 19, 13:28
    Comment

    Des mach i nemme seit a baar Jòhr, mit dr brofessionella Reinigong vo de Zeh. Des was d' Kass zahlt reicht, desch scheints bragdisch bloß a Geldmacherei vo de Goschaglempner.

    #41Author Goldammer (428405) 05 Jun 19, 18:40
    Comment

    I honn des Mädle gfrôgt, wa se moint, wia oft ma des macha lossa soll. Oimôl im Jôhr roicht vollkomma, hottse gsait (abr psssst).


    Oimôl im Jahr lommer des macha und i bin zfrieda damit. A manche Zäh honne Vrfärbunga vom viela Tee wone drink und dia sin noch ammel weg und des ischmers wert.


    Vegale, alles Rodscher bei dir oder hoscha au da Bluhs wia i?

    #42Author Moi Gab (456541) 06 Jun 19, 14:22
    Comment

    Zom Glick han i zor Zeit koin Bluhs. I han a weng viel om d' Ohra, abber et sovl, dass-e schlemm en Schdress komm. Mr sen au viel draußa on genießet dr Friehleng. De letschde Däg han-e Bsuch ghett vo meine alde Fraindinna (mir kennet ons ieber dreißg Jòhr), desch au emmer arg schee.

    #43Author Goldammer (428405) 06 Jun 19, 18:49
    Comment

    Okele, nô binne beruigd :-))

    #44Author Moi Gab (456541) 06 Jun 19, 21:20
    Comment

    Ojeee, drei Dägla nix nix!!! Und i honn scho a schlechts Gwissa ghett.


    Fallses äbbr indressiert: I war aufem Pfendr! Juhuuu! S'g'ôht vo môlzuamôl bessr. Und dô war heit ächd da Bäar los.


    Frohe Pfingschda, Schbätzla!

    #45Author Moi Gab (456541) 09 Jun 19, 13:49
    Comment

    Deschdr ja dr Wahnsenn, Gäbale, was Du auf da Pfendr naufschbrengsch :-) Kootschdr scho faschd a Schalee doba aschaffa ...


    I wollt ui bloß amol a gschwends Griaßle schigga, wone grad mear kurz drhoimt bee.

    #46Author Selima (107) 09 Jun 19, 16:05
    Comment

    I mecht ah amol mit diah aafn Bfenda!


    Wenn i widda xsund bin und i mi aafraffen kô, in Alleherrgoddsfrieh aafzschdehn! ;-}

    #47Author Miss Anthropy (700297) 09 Jun 19, 16:42
    Comment

    Gadulazjoh, Gäbele!

    A Bekannde vo mir isch vor kurzem au amòl ufm Pfender gwä on hòt mr Bilder vodr Aussicht gschickt. Jetz woiß-e au amòl wia schee 's dò doba isch!


    O weh, Herr Mahr, bisch grank? Hoffentlich nix Schlemms....


    Schene Bfengschda no älle! Mag der Geischt wähen wo-n-er will!

    #48Author Goldammer (428405) 10 Jun 19, 15:10
    Comment

    Des duatar sowieso.

    #49Author bluesky (236159) 10 Jun 19, 15:48
    Comment

    Bloss fier die, die wo oo annen gloobed!

    #50Author manni3 (305129) 10 Jun 19, 17:50
    Comment

    Na, gwachalat hot's ja gnua heit oobnd z'Mencha. Abr weamr des iatz mear end Schuach schiaba kaaaa ...


    Oos hammr Gligg ghett, dauhanna ond drhoimt oo.

    #51Author Selima (107) 10 Jun 19, 21:48
    Comment

    I han au gmoint wuder und was do kommt: nix. Bloß a wengale Rega, grad mol drei Millimetr.

    #52Author bluesky (236159) 11 Jun 19, 19:36
    Comment

    dWerkschdadd vom Fridz, midd deam wo i jede Wuche dedd Bassklarneddle due, isch im Weschde ond die hadds vol vrdwischd: Scheiba hee, vo de Bsidzar dr Gaarde hee, sGwäxhaus hee, dr Wendrgarde hee ond ondrem Bläechdach seis beim Hagle zemle laud gwe!!

    S isch hald mea so a Schdrich gwe. Wie dr Fridz drnoch hoigradled isch, isch noch am Killemeddr alls normal gwe - d Schdroßa send scho mea faschd drucke gwe.

    #53Author manni3 (305129) 11 Jun 19, 19:47
    Comment

    I be heit beim Kwigge gwea ond no hot des Mädle au vo Germerin verzählt, wo se her isch. No hab i ihr von 1984 erzählt, wo bei ons alls hi gwea isch, dia Gwechsheiser von der Schdadtgärtnerei, Autoscheiba, Dechr ...

    #54Author bluesky (236159) 11 Jun 19, 19:53
    Comment

    An dean Hagl kani mi no gued erinnre. I hao in dr Kuche uff dr Oschzeide vor Wohnong ibre Hof nomm glueged ond xäeche, wies do deana all Fenschdr zemegschlage hadd. I be froe gwe, dass i idd do deana gwohnd hao - bis mr eigfalle isch, dass i ja in eisrar Wohnong oo uff dr Weschzeide an Haufe Fenschdr hao ... siebe hoeche, dreidailege Dobblfenschdr von ar Aldbauwohnong, ond all send hee gwe!

    zMenke ond Omgäebong hasch wuchalang koin Glasar mea kriegd. Dr eisr isch vo Nidrbajern gwe ;-)



    Nochdragfrog: Was isch Kwigge?

    #55Author manni3 (305129)  11 Jun 19, 22:32
    Comment

    Dr Gwiggwert vom Bluat beschdemma lao.

    #56Author Goldammer (428405) 11 Jun 19, 22:38
    Comment

    Aha - danke!

    No nie nix käerd drvoo. Brauchba dees ond haoni so ebbs oo?

    #57Author manni3 (305129) 11 Jun 19, 22:49
    Comment

    Des brauchmr bloß wemmer beschdemde Medikamende nemmt, zom Beischbiel Bluatvrdinner. Dr Dengs hòt des lang macha miaßa, abber seit seira zwoida Opeh zom Glick nemme, weilr koine Bluatvrdenner maih braucht.

    #58Author Goldammer (428405) 11 Jun 19, 22:53
    Comment

    Des hemmer doch scho mol ghett: https://de.wikipedia.org/wiki/Quick-Wert


    Seit meiner Thrombose bin i auf Blutverdünner.

    #59Author bluesky (236159) 11 Jun 19, 23:01
    Comment

    I brauch bloss ASS 100 mg. Do brauchz scheinz koin Kwickwäerd idd.

    #60Author manni3 (305129) 11 Jun 19, 23:26
    Comment

    Noi, des greift ja ned in die Gerinnungskette ei. I hen au jahrelang ASS300 gnomma - hot bloß nix gnutzt.

    #61Author bluesky (236159) 11 Jun 19, 23:43
    Comment

    *gg* #54 #55 ... des heart'se fascht so aa wia bei de Groaßeldra, wann se vom Kriag vrzellt hond.

    #62Author Selima (107) 12 Jun 19, 07:53
    Comment

    Dankschee, Amoisle, fr des „gwachalat“. Des honne noita kennt.

     

    Re Ass: Da Schose nimmts au. Sorgt scheinz fr a guads Aussäa bei de Mannsleit- siehe Schose und Manni°! (zua mir: War des jetz gschleimt?)

     

    Missi, mir zwoi schaffeds gwieß amôle zämma auf da Pfendr. I gang abr bloß no, wenns id soicht. Asso, fr da Sonndig woiße no noita und wellawäag, muesch du vorher wiedr gsund sei, gell.

     

    Bai ße wei, bei uns schiffz. Simmer froh, dammer geschd im Garta gschafft honn.

    #63Author Moi Gab (456541) 12 Jun 19, 11:28
    Comment

    Maisle abbreboo vom Krieg vrzelld: des isch voer femfedreißg Johr gwe - bisch du do ibrhaubz scho uff dr Weld gwe?


    Gäbele, i nemms idd. Drom siech i oo nemma so gued aus wie dr Schose onz Hemele ;-((

    Do hilfd die ganz Schleimarei nix ond dMaus beißd koin Fade idd aa!

    #64Author manni3 (305129) 12 Jun 19, 20:09
    Comment

    Manni, bei miar bischde scheen ...

    #65Author Moi Gab (456541)  12 Jun 19, 20:21
    Comment

    Du Scharmör, Du ;-) Vor fempfadreißg Johr benne sogar scho midam Freind ausm Dorf aufd Rantsch ganga, dear was an Golf mit MenchnAr Haglschada* gfahra hot.


    Gell, Gäbale, miar seachad eh bloß de inneren Werte von de Schoßa ond am manne ;-)


    *mongalesbrau ischr gwea, dr Golf. Ond des hot baßt, baller nauchm Abbedur eh Landwirtschaft hat studiera wella. Des hotr abr bald gschmissa, ballnr erschdns koin Hof drhoimt ghabt hat ond em des Schdudiom eh zdeoreddisch war. Heit machdr ebbs andrsch ond hot neabazu Viechr.

    #66Author Selima (107)  12 Jun 19, 22:00
    Comment

    dAudo mit Menchnar Haglschada send sellemohl billig gwe ond du bisch scheinz scho räechd friehreif gwe ;-)


    Ond du onz Gäbele send scho oo räechde Scharmöhsa - odr wie ma des bei de Fehla haißd ;-)

    #67Author manni3 (305129) 12 Jun 19, 22:15
    Comment

    Also, für's langsaaame karinkle: gwachalat isch glaich grägnat ?

    #68Author karink (659752) 12 Jun 19, 22:37
    Comment

    Noi: gwaudled haz ;-)

    #69Author manni3 (305129) 12 Jun 19, 23:13
    Comment

    gwachalat isch glaich gwaudled isch glaich ??

    #70Author karink (659752) 12 Jun 19, 23:20
    Comment

    A räechda Wend isch gange ;-)

    #71Author manni3 (305129) 12 Jun 19, 23:26
    Comment

    Ahaaa, gwindat odr gluftet hòts !

    Dòhenna nur grägnat...dr Inn goht oh scho bald übr d'Ufer, wells bi da Eidgenòssa sovl rägnat.

    #72Author karink (659752) 12 Jun 19, 23:31
    Comment

    S Isarhoechwassr isch woll rom - wenns idd no meah a nuis geid. Abr s siechd idd drnoch aus.

    #73Author manni3 (305129) 12 Jun 19, 23:35
    Comment

    Dr Isarpegel isch mindeschtens doppelt so hoch wia sonscht im Sommer, bal se am Sylvenschtein vorsorglich ablasse.

    #74Author bluesky (236159) 13 Jun 19, 00:20
    Comment

    Rôdet amôle, wone gwäa bin?

    #75Author Moi Gab (456541) 16 Jun 19, 12:23
    Comment

    Aber doch net am Breagazr Huusberg domma ? ;-)

    #76Author karink (659752) 16 Jun 19, 12:41
    Comment

    Beim Schwemme im Säe ohne Neoprehn - mibbm DuSenzle ;-)


    Wie gohz ainglech dier ond deir Hecke an dr Bah? Hanzese scho gschnidde?

    #77Author manni3 (305129)  16 Jun 19, 14:03
    Comment

    Hòt bei eich au 's Wedder so dao, Gäbele? 'z Ieberlenga muaß-es jò ganz schlemm gwä sei.

    (I glaub jò du bisch widder ufm Pfender gwä, gell?)

    #78Author Goldammer (428405) 16 Jun 19, 21:53
    Comment

    Jô, i war aufem Pfender und s'gôht vo môl zua môl bessr. Da Schose gôht abr no noita mit.


    Bei eis wars middem Wedder id so schlimm. Gottseidank.


    Und noi, dHegga isch no noita weg und da Nussbomm schdôht au no und d'Hainbucha und da Holunder ... Bin dankbar fr jedn Dag.

    #79Author Moi Gab (456541) 16 Jun 19, 22:03
    Comment

    Alldiweil woo isch foahinn de Daadoad geguggd hann, hodde die Nochbaare off de anna Schdrooseseid eh Magiis anns Hauss dranngefriimelld ... isch hanns dii ganns Zeid känne medd zugugge, weill dass ääne Fännschda fonn mia näwamm Fäanseja diräggd doadhinngeed ... eh dobbellda Daadoad soosesaan ...


    ... se hann oone Wassaawoo geschaffd unn nua noo Auemaas ... unn dass Deng midde foa eh sowisoo schonn gläänes Baadezimmafänschdasche geseddsd ... unn dass aach noch off de Noadwäschdseid fomm Hauss ... doo kommd sosiisoo heggschdens imm Somma schbäddommends dii Sonn hinn ... filleischd hallds beim näggschde Rään jo de Grill drogge ...

    :-)



    Gäwwelsche, ßfreidd misch, dass Eija Bääm noch doosenn !

    #80Author no me bré (700807)  16 Jun 19, 22:34
    Comment

    Wao, breele, des letschde Poschding vo dir isch echt a nädde harde Nuß zom gnagga gwä. I han mr's miss a baar mòl laut vorläsa biss-e Sacha wia Magiis, Daadoad, Wassaawoo un Auemaas kabiert han....

    :-DDD

    #81Author Goldammer (428405)  16 Jun 19, 23:16
    Comment

    Joo, awwa haschds dooch rausgriid !

     

    ... sonschd schiggisch Dia noch eh Iwwasäddsong ...

    :-)

    #82Author no me bré (700807) 16 Jun 19, 23:40
    Comment

    Am Sonndag zNachd fummled die a Markihse ans Fenschdr? Des wär bei eis in eisrar Sibezwergeoernongswohnaalaag schdrengschdns vrbohde ;-((

    #83Author manni3 (305129) 17 Jun 19, 00:21
    Comment

    Assoo, i honn älls vrschdanda, außr derra Magiis. Des honnemer beim Manni abgschbiggled.


    Mir henn heit die ellalang Hegga gschnitta. Des hoißt, da Schose. I honn bloß da Dregg aufkhebd. Jetz simmer hie und zfrieda.


    Guads Nächtle!

    #84Author Moi Gab (456541) 17 Jun 19, 22:15
    Comment

    Was isch des aingdle fier a Hecke, a Hainbueche odr so ebbs Tujamäßegs?

    Ellelang - des klengd noch viil Arbad. Wenn du scho hie bisch, will des ebbs haiße!



    Do deana hadz Maisle a nedde Omfrog gschdarded: related discussion: Nebenzu?

    Mein Schreibprogramm hat mir gerade "etwas nebenzu tun/machen/erledigen" unterringelt, genauer gesagt, nur das "nebenzu". LEO kennt es auch nicht, nur "nebenbei" oder "nebenher". Hab ich mir das wirklich ausgedacht? Oder ist das mal wieder eine regionale, nicht dudenfähige Eigenheit.


    Was moined jez dier drzue, kenned dier des midd deam "nebenzu" oo?

    Schreibed uier Andwoed do hinna, dass is in eisr Regjonahlwäedrbuech aufnemme kaa.



    An scheane Dag allmiddand :-)

    #85Author manni3 (305129) 18 Jun 19, 08:38
    Comment

    Aalso, dHegge isch a sechzg Mäddr langa Buuahahegge - i hau se scho gsäah, won-e s Gäbale ônd da Schoosa bsuacht hau. Koi Wôndr, dass-d dia boide hêe gwêah sênd naucham Schneida.


    Nebenzu kenn-e it , neabaheer odr neababei scho.


    D Zonn scheint, warm isch.

    #86Author twocents (460778)  18 Jun 19, 08:57
    Comment

    I kenn's au et.

    Desch ebbes ganz Feis, offabar ebbes Regionals.


    Heit fahr-e zo meira Schweschder. Morga gammer zo viert (drei Schweschdra on oi Nichde) zom Kirchadag uf Dortmund nei.

    #87Author Goldammer (428405)  18 Jun 19, 09:50
    Comment

    Scho komesch, wie ses Lenxdanubesch onz Voeralbbihn driffd, abr sUlmregjonahl drzwische idd!



    Scheane Kiechedagvrbondehaizerläebnis ui all, Emmrle :-)


    uf Dortmund nei nauf, odr?

    #88Author manni3 (305129)  18 Jun 19, 10:17
    Comment

    Noe, mr fahrt scho uf a Schdadt nei.

    #89Author Goldammer (428405) 18 Jun 19, 10:25
    Comment

    Nebazua kenn i o.

    #90Author bluesky (236159) 18 Jun 19, 12:03
    Comment

    Scho, manne, abr s Schwäble kenntz oo. 'S FFle kommt scheintz ausma abgrieglta Seidadaal.

    #91Author Selima (107) 18 Jun 19, 12:16
    Comment

    I bêe hald scheinz weschdlech vô dr Neabazua-Grenz aufgwaggsa!


    Edit: Ich habe gerade im Faden nebenan gelesen, Nebenzu gebrauche ich selten aktiv, und wenn, dann in der Schriftsprache, nie im Dialekt.

    #92Author twocents (460778)  18 Jun 19, 12:45
    Comment

    ädd Faden nebenan gelesen - näebezue nemm i bloss im zeidleche Konndegschd: Se hadd de Daadord aaglueged ond näebezue em Bue a Baar Sock gschdrickt.

    #93Author manni3 (305129)  18 Jun 19, 17:41
    Comment

    Genauaso benitz i des oo ... i schreib am Leo ond dua neabazua Radio loosa.

    #94Author Selima (107) 18 Jun 19, 19:46
    Comment

    Also mi dünkts, dass i des i dr Schwiz oh schò ghört hon, des nebazue, aber denn im Schwizrdütscha Dialekt, net i dr Schriftschbròch. Villicht dôch net so regional ?

    #95Author karink (659752) 18 Jun 19, 19:57
    Comment

    Geschd hemmer mitem DAV vo da Gunzrieder Säaga aus auf da Stuiba naufwella (https://www.outdooractive.com/de/route/wander... ), abr da Schose hot gschwächalet. No simmer halt wiedr umdreht (da Schose und i). Leitla, des Blaichachtal isch so schee und hot an riesa, uglaublich bsuachta Wandrparkblatz – alte Leitla, junge Leitla, Kindr ….. – und koi gotzigs Babierle odr Müll aufem Boda, obwohle näana an Dreckkiebl gsäa honn.

     

    Hintrdrei waremer alle zämma im Dorfhaus Thalkirchdorfer und henn Kässchbätzla gessa.

    I homme so wohlgfiahlt. Unsre Wandrfreind schwätzad wia mir: Dia schobbed z. B. au sHemmad in dHosa! Kennader des au, „äbbes wo nei schobba?“ Des hot mei Mamme ammel gsait.


    Bai ße wei: Äbbes näbazuas dua, des kenni au.

    #96Author Moi Gab (456541)  19 Jun 19, 12:08
    Comment

    Neischobbe kenn i oo.


    Ond wie die Hawaihemedr aufkomme send, hadd mei Vaddr xed: Lass die Mode Mode sei, sHemed käerd ind Hose nei!

    Ond zu de Farba hadda gmoind: Roed ond Blau isch em Nare sei Frau!

    #97Author manni3 (305129)  19 Jun 19, 12:24
    Comment

    Neischobba kenn-e au.


    Roat ônd Grêa macht Baura schêa.

    #98Author twocents (460778) 19 Jun 19, 12:43
    Comment

    Glar - mei Mama hot oo äbbl gwellt, daßes Obrdoil neischobb (odr schobf).


    Bei meir Mama isch's alldengs am Kaschbr sei Frau gwea, dia was road ond blao draga hot ... odr wars grea ond blao?

    #99Author Selima (107)  19 Jun 19, 12:58
    Comment

    Ja freili, duad ma bei uns au schobba.

    #100Author bluesky (236159) 19 Jun 19, 17:19
    Comment

    Eddemollogesch kudd des wahrscheinz vo deam, dassba feschd schobbe mueß, wemma a Fläsche Drollengar in a Schobbeglas neidruckt, weil ma nocha bloss an Schobbe zahle mueß!

    #101Author manni3 (305129) 19 Jun 19, 23:48
    Comment

    Ond dr Reschd vo dr Fläsch schobbd a rechdr Schwaub au no nêi -- des isch zahld, de wedd au drônka!


    De kloine Kendr iebat sch middam Buudl . dai saiba au Schobba drua

    #102Author twocents (460778) 19 Jun 19, 23:55
    Comment

    Was ischn a Drollenglar, Manne ?

    Ich schieab iedz ab is Bett, eddemollgisch hôt des wohl nix zum tue mit schobba ;-)

    #103Author karink (659752) 19 Jun 19, 23:58
    Comment

    A Drollengar isch a "Trollinger".


    Der Trollinger ist der Inbegriff des schwäbischen Viertele-Weines – und damit Ausdruck einer bodenständigen Weinkultur im Württembergischen;


    https://de.wikipedia.org/wiki/Trollinger

    #104Author manni3 (305129) 20 Jun 19, 00:34
    Comment

    Abr mit Tirol.

    #105Author bluesky (236159) 20 Jun 19, 00:34
    Comment

    Zonn scheint, juhuuu! Und heit hot dScheesa Geburtstag!


    Dussa isch warm, dinna isch kiahl.

    #106Author Moi Gab (456541) 24 Jun 19, 13:23
    Comment

    Dann lassi mol a scheenen Geburzdôchsgruss fiern Schose do! Scheuös aniversär!


    Edith: Etz hob i mi verläsa....dScheesa? Wer issn des? *gruebel*

    #107Author Miss Anthropy (700297)  24 Jun 19, 21:46
    Comment

    :-)) ScheesA - also a feminines Zielobjäkd ?

    zumiar\Hôt s`Gäble am End hüt Geburdsdaag??/raimuz


    #108Author karink (659752) 24 Jun 19, 22:20
    Comment

    D' Schesa isch a friehere Kollege vom Gäbele, dia wo amòl vor hondert Jòhr dòhenna a weng mitdao hòt.

    I dur au Sacha wo neischobba.

    ('s Gäbele fiahlt sich wia drhoimt dòhenna wemmir des älle sagat!)

    Grea on blau isch em Kaschberle sei Frau - hòt mr bei ons gsagt.


    I ben widder drhoimt vom Kirchadag on guat auferbaut worra wia emmer. Zeahdausende vo nedde Grischdamenscha machet a echt guade Schdemmong enra Schdadt (De blede Grischdamenscha ganget et so zom Kirchadag. Greazjonischda on Uldrakonserwadieve on so....) D' Bolizei hòt gescht Nòchmiddag an Dank ausgschbrocha an älle Kirchadagsleit, 's wär eahne a Vrgniaga gwä, an dene Däg ihrn Dinscht zom schieba, weil en dr ganza Schdadt so a luschdiche on nedde Admosfähre gwä wär.

    Mit a baar Zeahdauset Leit han-e am Sonndich em Borussaschdadion Goddesdinscht gfeiret, desch scho ebbes ganz Bsonders! I ben direkt oberhalb vo dreidauset Blechbläser ghogget, dia waret älle em Block onder ons, desch scho an sich erhebend gwä.


    #109Author Goldammer (428405)  24 Jun 19, 23:56
    Comment

    Hert sich guad a, Vegale. Dô wäre au gern dabeigwäa. Honnde vrmissd ghett, abr jetz woisse jô, wo da de rumdrieba hosch.


    I driffme heit mit da Scheesa zom Eisässa und richdarra an Gruaß vo eich aus. Des derfe doch, gell.


    O Leitla, mir hots vor a baar Dägla dreimt, mi dä a Ratz beissa. Nô honne bei de Dreimdeiter nochgluaget, wa des hoißa kennt. S'isch fei id so luschdig. :( Abr, ma muaß jo id älls glauba, gell. Wa moined ihr dô dazua?



    #110Author Moi Gab (456541) 25 Jun 19, 09:27
    Comment

    I du meine Dreime selbschd deitn! Also wenn mi a Rattz beissd, dann hob i bei der Aerbid fei ned aafbassd. ;-D Heit hot mi a Villzidzamaus gebissn.

    Und i hob beim Obbdigger nen Bfelzer gedroffa, hob i direggd wiederergannd, den scheenen Dialeggd. :-}

    Vegale, des glingd alles wergli aasgschbrochn doll! Und i bin ka gerchlicher Mensch.

    #111Author Miss Anthropy (700297) 25 Jun 19, 21:33
    Comment

    Vrallgemeinerde Draumdeidonga wia "A Drepp bedeidet Sex" oder so Zeix isch kombledder Humbug.

    I han's emmer an dodal schbannenda Ãsatz gfonda, wemmer sich in dui Rolle vrsetzt vo dem, was oim em Draum begegnet (schließlich bisch du's dia wo älles vo dem Draum "erfonda" hòt -also bisch du au älles, irgendwia) - also en deim Fall: was dät dir zo dir als Ratz eifalla, dia wo ebber beißt? Desch abber au et emmer ergiebich. Aber oft endressant, wemmer sich zwengt , den Perschbedivwegsl zom macha.


    (Also i mach emmer no drã rom, was om dr Hemmls willa a Villzidzamaus sei keet...i komm et druf. Helfetmr!)

    #112Author Goldammer (428405)  25 Jun 19, 22:42
    Comment

    Villzidzamaus: I ôh net, Vögele ! A Muus mit viel Zidza am Buch ;-) wird's jô wohl net si.

    #113Author karink (659752) 25 Jun 19, 23:01
    Comment

    Doch, Frau Feddreneere, hasch richdig gwisst. Odr doch grauta? :-))

    #114Author twocents (460778)  25 Jun 19, 23:20
    Comment

    Net dasses oh a domeschdizierde Art drvò git ;-) Was ma im Leo net alls lernd...

    Guets Nächtle Tuusenzle, bisch òh a Schbòtnuudl, gell ? :-)

    #115Author karink (659752) 25 Jun 19, 23:58
    Comment

    Emmrle,das midd deam Rolleschbihl gfellbr gued! Schdell dr voer, sGäbele isch a Ratz ond beißd ebban, bei deam wos des brauchd! Des isch jebmfalls gscheidr als wie deam sein Wille doe ;-))

    #116Author manni3 (305129) 26 Jun 19, 08:48
    Comment

    I hau heit vô Gommschdiefl dreimt :-(((

    #117Author twocents (460778) 26 Jun 19, 13:31
    Comment

    Velleicht dätsch gern als a weng romschdeng(er)a?

    :-DDD

    #118Author Goldammer (428405) 26 Jun 19, 15:01
    Comment

    Dauba Henn!!!



    ;-)))

    #119Author twocents (460778)  26 Jun 19, 15:17
    Comment

    :-D

    (Desch beim Dengs on mir onser glois Vrsehnongsritual. I sag Seggl on er daube Henn, on nòch isch widder guat. Wemmer nachma bleda Schdreit an dem Ponkt sen, saga mr des on miaßet lacha...)


    (et dass mir gschdridda heddet, zwoisentle, bloß desch dr Grond worom "Daube Henn!" bei mir durchaus posidiv besetzt isch)

    #120Author Goldammer (428405)  26 Jun 19, 16:08
    Comment

    I kenn des ja au vô Dier. Dêi Dengs hat irgendwenn amôle "dauba Henn" iebr mi gsait, des hasch Du jedempfallz dau em Schbbaga gschrieba.


    Du woisch ja au. dass-d e des it bees gmoint hâu!



    #121Author twocents (460778)  26 Jun 19, 17:48
    Comment

    Echt jetzt? So a Komblement hòt dir dr Dengs amòl gmacht? Desch mir entfalla gwä....

    #122Author Goldammer (428405) 26 Jun 19, 18:00
    Comment

    Vegale, i honns brobiart, aber i kamer id vorschdella, dasse assa Ratz äbber beiß. Des Viech hottme agschbrunga und untrm Hals "zwiggt". Au scho komisch, dassemer des gemergt honn, welleme sonsch selta a meine Dreim erinner.


    Vo Gummidschdiefl dreima - deschmôl äbbs luschdigs. Hots denn wenigschdens räat gschiffT, Senzle?

    #123Author Moi Gab (456541) 26 Jun 19, 23:08
    Comment

    Gäbale, Gäbale, Gäbale - i hau vor ville Johr faschd da selba Draum ghett. Ond ich kaa dr nauchfiahla, wia de beim Aufwacha gfiahlt hosch. Eglat. I dengkmr noch soddene Dreim äbbl, daß mei Hira dau ebbs vrarbat hat - weard schon sein Sinn hau.

    #124Author Selima (107) 27 Jun 19, 07:36
    Comment

    I winschmr heit bloß ois: Zämma, mitem Amoisle, Bfiaß in Lech hengka. Jo, des wär jetz schee.

    #125Author Moi Gab (456541) 27 Jun 19, 08:48
    Comment

    Deees - dees wär echt 's allrbeschde. Ond pferleicht duane des dadsächlech ... allrdengs enda Eisbach. Ond nochd dengke an Di

    :-)

    #126Author Selima (107) 27 Jun 19, 08:59
    Comment

    Solang sGäbele liebr de Bfendar naufschbrengd als bFieß in Eisbach neihenkd, konnded ja mier amohl ebbs ausmache. Abr s sodd scho räechd haiß sei, dass dr Eisbach oo schea dambfd, wemmr Dauchsiedar schbiiled *hihi*


    A guez Nechdle all middand :-))

    #127Author manni3 (305129)  05 Jul 19, 01:06
    Comment

    I wär drbei!


    Guatamorgamiddanand!

    #128Author twocents (460778) 05 Jul 19, 07:49
    Comment

    I oo, wannz iebrnägschda Wuch isch.

    #129Author Selima (107) 05 Jul 19, 08:41
    Comment

    I däts au gern macha wella. Bsondrs, wennemr am Sonndig da Pfendr nauf dHoxa hoißgloffa honn (meischd isches abr dBirn).


    Manni, bisch an Hauptkerle! Hoschs Fädale aus da Vrsenkung gholt (i honns ausgsässa, hihi).

    #130Author Moi Gab (456541) 05 Jul 19, 13:16
    Comment

    I ah. *grins*

    #131Author Miss Anthropy (700297) 06 Jul 19, 18:10
    Comment

    Gimme five !

    #132Author Moi Gab (456541) 06 Jul 19, 18:25
    Comment

    *fuff* (wie mein Papa zu sagen pflegt)

    #133Author Miss Anthropy (700297) 06 Jul 19, 20:02
    Comment

    Okee, nocha also näggschde Wuche.

    Aus Erfahrong kan i sage, dass dEisbacheidampfe ohne Maisle zwar meglech abr sinnlos isch ;-))

    #134Author manni3 (305129) 06 Jul 19, 20:56
    Comment

    Okee, nauchd ischas gschwätzt. Mir deant zdritt da Eisbach aufdampfa.

    #135Author Selima (107) 06 Jul 19, 21:08
    Comment

    *hihi* - mag au mit!


    Heit Morga isch da Pfendraufschieg ins Wassr gfalla. Des hoißt, s'hott gwidderat und i honn Angschd kennt (abr id bloß i aloi).



    #136Author Moi Gab (456541) 07 Jul 19, 11:39
    Comment

    Des isch au gscheit gweah, Gäbale, das da Angscht ghett hasch!

    Sei bidde koi Anschbirand auf da Darwin Aword!

    #137Author twocents (460778)  07 Jul 19, 12:09
    Comment

    Haedds noch ne Stund geward, do wars Gewidda vorbei!

    D'Gaelba ham beim Leichdadledikweddgampf midgmachd, puengdlich zom Weddgampfbeginn hodder Regen aafkehrt. Puh!

    #138Author Miss Anthropy (700297) 07 Jul 19, 21:10
    Comment

    Hannse aach wass gewonn, dii Kälbscha ?

    #139Author no me bré (700807) 07 Jul 19, 21:17
    Comment

    Bi dr Gümnseschdrada, Missile ?

    #140Author karink (659752) 07 Jul 19, 21:50
    Comment

    Urkunden und Medaillen und sogar ne Tafel Schokolade gab's. :-D

    Bei Guemnseschrada braeuchte ich bitte eine Uebersetzung! :-/

    #141Author Miss Anthropy (700297) 08 Jul 19, 21:14
    Comment

    Gümneschdrada :-))


    Deesch-d abr ebbes andrs wia Leichdaddleddig ...

    #142Author twocents (460778)  08 Jul 19, 21:51
    Comment

    Oha! Ja, des sieht "annersch" aus. ;-}

    #143Author Miss Anthropy (700297) 08 Jul 19, 21:59
    Comment

    Vor Schreibweis häe scheinz, dass des Sauschwäeraddleddeck isch ;-)

    #144Author manni3 (305129) 08 Jul 19, 22:00
    Comment

    Oke, oke, des sind d'Turner...ma ka jò oh mol was vrwägsla...


    #145Author karink (659752) 08 Jul 19, 22:11
    Comment

    Dass Woad imm Lingg siid joo faschd Idalljeenisch aus ...

    :-)


    Unn woodrewwa hann sisch dii Källbscha amm meischde gefreid ? Isch schäddse, iwwa dii Schoggolaad !

    #146Author no me bré (700807)  08 Jul 19, 22:23
    Comment

    Nadierlich ieba d'Schogglad! ;-}

    #147Author Miss Anthropy (700297) 09 Jul 19, 14:42
    Comment

    Asso, fr an Schogglad däti heit aunommel bei de Bundasjugndschbiele odr beiamma Leichtadledigwekampf mitmacha.

    #148Author Moi Gab (456541) 09 Jul 19, 15:06
    Comment

    D' Buga en Heilbronn isch echt sauschee! Wer d' Meglichkeit hòt, sott dò nãganga. Mir hent nadierlich mit meira Schweschder a exzellende Fihrere ghett. Dui gòt etwa äll ander Dag nã mit ihrer Dauerkart.

    #149Author Goldammer (428405) 09 Jul 19, 19:00
    Comment

    Etz mussi mi frage, wos de Buga isch.

    #150Author Miss Anthropy (700297) 09 Jul 19, 20:55
    Comment

    d[url=https://www.buga2019.de/de/index.php] Bundesgartenschau[/url] isch a Schau ;-))

    #151Author manni3 (305129) 09 Jul 19, 21:16
    Comment

    BundesGartenschau, Missi :-)


    Schee, dasses dr gfalla hot, Vegale. I giengt gern na, abr s'ischmr zweit. Dafiar wari, wose zSigmaringa war. I hoff, dia näggschd kommt amole an See.


    Hoi Manni, bisch au dô?

    #152Author Moi Gab (456541)  09 Jul 19, 21:16
    Comment

    dBundesgartenschau isch a Schau ;-)

    #153Author manni3 (305129)  09 Jul 19, 21:18
    Comment

    Jetz luaged amôle dô:

    https://www.ueberlingen2020.de/de/heilbronn2 Überlingen feiert vom 23. April bis 18. Oktober 2020 die erste Landesgartenschau am Bodensee. Die Vorfreude wächst schon in Heilbronn, in den Gartenwelten. Hier präsentiert sich die Landesgartenschau Überlingen 2020

    #154Author Moi Gab (456541) 09 Jul 19, 22:04
    Comment

    Ha jetz guck nã! Jetz isch dei Wonsch abber subber schnell en Erfillong ganga, Gäbele!

    (Des han-i gescht irgendwia iebersäha. Abber mr kã õmeglich älles ãgugga. Selbsch mei Schweschder fendet jedes mòl wenn se nãgòht no ebbes was se no et gsäha ghett hòt.)

    #155Author Goldammer (428405)  09 Jul 19, 22:21
    Comment

    Gemmer na?

    #156Author Moi Gab (456541) 09 Jul 19, 22:27
    Comment

    gnihihihi


    Dr Manni hat an Lenk vrschossa!

    #157Author twocents (460778)  10 Jul 19, 10:25
    Comment

    sGäbele habbr neibfusched ond meir Edidd de Fueß gschdelld 😈

    #158Author manni3 (305129) 10 Jul 19, 10:31
    Comment

    Haubtsach, Du hasch schnell a Ausreed! :-)

    #159Author twocents (460778) 10 Jul 19, 10:35
    Comment

    Abr d Uehr kennschd scho, odr? ;-)

    #160Author manni3 (305129) 10 Jul 19, 13:19
    Comment

    Fembfvordreivirdlzwoi, barôm?



    Dia baar Minudda zwischa meim Pouschding 157 ônd Deim 158 sênd schnell - fr an Allgair :-P

    #161Author twocents (460778)  10 Jul 19, 13:40
    Comment

    Die baar Seckonda zwische meine 21:16 ond em Gäbele seine 21:16 ond meir Edidd ommare 21:18 send so schnell, dass a Ondrlendare nemma middkudd - s isch ja schließle alls am gleiche Obed 😜

    #162Author manni3 (305129)  10 Jul 19, 15:07
    Comment

    Noi. Em gleicha Jauhr.

    #163Author twocents (460778) 10 Jul 19, 15:11
    Comment

    Schö dirä mähm plü: Le mähme millenähr

    #164Author manni3 (305129) 11 Jul 19, 22:23
    Comment

    ... und, wo bleibd dô da Millionähr? Dätmer grad oin winscha mega - unsr Werkschdattinhabr (an saunetta junga Kerle) will zuamacha, wells nimme rendabl isch und dem däte gern helfa mega. Oh, Scheißdreggle ...


    (zu miar, bloß zu miar: fäh schjee)

    #165Author Moi Gab (456541)  12 Jul 19, 09:19
    Comment

    Morga isch fätt nassionall ;-)

    #166Author Moi Gab (456541) 13 Jul 19, 12:06
    Comment

    (fär schjee han-e et kabiert.)


    On mei Schweschdr hòt Geburtsdag. Als Kend han-i des emmer kuul gfonda, dass dera ihr Geburtsdag am gleicha Dag isch wia dr Schdurm uf d' Baschdillje seinerzeit.

    #167Author Goldammer (428405) 13 Jul 19, 14:58
    Comment

    (fär schjee han-e et kabiert.) I oh net ;-)

    Was machn Franzòsa am Fätt nassional ? Wia d`Schwizer dia mit luta Fürwärk lärman und Fahna schwenkan ?

    #168Author karink (659752)  13 Jul 19, 16:14
    Comment

    (I fend jò, wenn scho, nò miaßt mr fätt naßjonall schreiba....'s ßdedruile hòt scho emmer gsagt, mr miaßt gugga, womr no a baar Dreierles-eß onderbrengt, damit des et so vrarmt em Gebrauch...)

    #169Author Goldammer (428405) 13 Jul 19, 16:20
    Comment

    Guatamorgamiddanand!


    ♪♫♪ Allôos Âafaass dölla Patrii-iejeh! Lö Schuur dö Glwahr ää-t arriiweeh! ♪♫♪ ♫♪ 

    Gfriehschdiggt han-e iebrigenz au scho.

    #170Author twocents (460778) 14 Jul 19, 09:16
    Comment

    Boah bisch du abber frieh drã am Sonndich! I han bis de naine gschlòfa heit. Beziehongsweis no a weile gläsa nòchm Ufwacha. Isch abber au so saugmietlich gwä em Pergolabettle!

    #171Author Goldammer (428405)  14 Jul 19, 11:55
    Comment

    Naucham Pergolabettle hätt-e de grad frauga wella! :-))


    A bisslae beneid-e de scho drôm!

    #172Author twocents (460778) 14 Jul 19, 12:58
    Comment

    Mr sen heier reladiev schbät nauszoga, erscht Ende Juni rom, abber jetz isches scho schee.

    #173Author Goldammer (428405) 14 Jul 19, 13:01
    Comment

    Moere zNachd om zehne geiz ibregenz mea a Mondfinschdrniss - zwar bloss a barzjelle, abr des isch bessr als nix ;-)


    Guez Nechdle allmiddand ond kuuzrasierde Ahla fiers Gäbele :-)

    Ond wenn no oi ibreg bleibed: oo fier de andre :-)

    #174Author manni3 (305129) 15 Jul 19, 23:17
    Comment
    I rätsle rom: isch jetz dò no ois fir mi odret? I nemm oifach amòl ois....'s wurd firs Gäbele hoffendlich drotzdem no roicha.
    #175Author Goldammer (428405) 15 Jul 19, 23:28
    Comment

    Do deana Siehe auch: schnarcheln - #10 haoni grad vrmueded, dass schnarchle a schwäbisch-alemannesche Dialeckdwariande von "schnarchen" isch. Was moined dier drzue?


    Emmrle, nemm no! Wenns idd raiche sodd, schdell i heizobed no an Nochschlag rei ;-)

    #176Author manni3 (305129)  16 Jul 19, 12:17
    Comment

    I moi, daß "schnarchala" a wengale wenigr Sägmäahl broduziert alz wia "schnarcha". Genauaso wiamr lei a wengale naaß weard, wanns reagnalat. Abr des haune dieba scho gsät.

    #177Author Selima (107) 16 Jul 19, 12:29
    Comment

    Do isch mer eigfalle, daß mei Babba immr ruasla gsagt hot.

    #178Author bluesky (236159) 16 Jul 19, 13:33
    Comment

    Schdemmt, Amosle. Abr wenn ôis "ganz schêa gschnarchalat" hat, isch-es Sägmaêahlhêifale doch wiedr greaßr.


    "Ruaßla" kenn-e au, abr des isch fr mi Schlaufa middamm geleegentlicha Schnabbr, also am Bissale Schnarchla.

    #179Author twocents (460778)  16 Jul 19, 13:34
    Comment

    Bei schnarchle ben i mier idd so sichr, dass des s gleich Brinzibb wie bei reangele isch


    d Konjegadzjoo isch hald leichdr mibbm l: äer hadd gschnarchled/gschnarched.


    Rueßle kenn i oo: Es isch äjer dief schlofe ond abbonzue an Schnarchlar doe.

    #180Author manni3 (305129) 16 Jul 19, 13:45
    Comment

    Du moinscht, s giit an Ôndrschied zwischa schnarchla ônd schnarchala?

    #181Author twocents (460778)  16 Jul 19, 13:50
    Comment

    Bei oos isch dau äbbl a -a- drzwischa: 's reagnalat lend, dr Baba schnarchalat hoileg, 's Buale graunzalat umanand.

    #182Author Selima (107)  16 Jul 19, 14:06
    Comment

    Genau des -a- drzwischa moin-e. Reangala, schneiala, doiggala, dentala, mächala ...

    Des zióigt fr mi a Abschwächông vom eigentlicha Werb âa.

    Ônd wenn-z Werb schnarchla isch, isch d'abgschwächta Form schnarch-a-la.

    #183Author twocents (460778)  16 Jul 19, 14:20
    Comment

    A Ondrschid zwische schnarchle ond schnarchele - des wäez sei :-))



    a Gedichdle uss meir Kendhaid, wenns eis beim barfueß Hoigau im Räege räechd am bFieß gfroere hadd:

    Es reangeled, es schneibeled, es gohd a kalda Wend!

    Do kommed die drei Basela onzaged, s sei a Send!

    #184Author manni3 (305129)  16 Jul 19, 16:38
    Comment

    Also i persenlich kenn schnarchla / schnarchela et. Abber des Brinzip, dass mr mit ãghengdem -ela a Werb abschwächt kenn i au, wia bei reangala on schneiela.


    Rußla hòt so wia i's kenn iebrigns nix mit gelegentlichem Schnarcha zom doa. Mei Mudder hòt des gsagt zoma gloina, kurza Schläfle - Nickerchen, oder denglisch Paoernäbb dät des etwa dreffa. Oder au wemmer morgends no a weng liegableiba kã vor mr ufschdòht on no so a weng em Halbschlòf leit - dò dät i au saga, i ruaßl no a weng weider.


    (I moi, manni, zom rußla köödesch en Werderbucheidrag macha, was moinsch?)


    I kenn des Liedle so:

    Es schneielet, es beielet, es gòht a kiahler Wend, es fliagt a schneeweiß Vegale uf's Kepfle jedem Kend.


    Desch bei ons sogar em Grundschual-Liederbuch gschdanda.

    #185Author Goldammer (428405) 16 Jul 19, 16:49
    Comment

    Mueß des idd haiße es fliagt a goldix Vegale ;-)

    #186Author manni3 (305129) 16 Jul 19, 17:32
    Comment

    'S Emmerle hot de Definitio vo Raula genau droffa.


    On dr Kachelmann hot des Schbrichle au amol zitiert, der zwoite Teil geht bei dem so: Buba habet Händschia a, 'd Mädla laufat gschwind.

    #187Author bluesky (236159) 16 Jul 19, 18:40
    Comment

    Raula? Des dond dKadzbaule, wennse hendr de leifege Kadza häe send.



    Offdobbick: Do deana suecht oir a Ibrsezong fier Siehe auch: ausschlaufen

    A moind drmidd abr ebbs ganz andrs als ausschlaufe *hihi*

    #188Author manni3 (305129)  16 Jul 19, 20:03
    Comment

    Schbätzla, i muassme fr a Weile vrabschieda. Mr fahred noch Gallia. Fallserme vrmissa dädet.


    @Vegale: "sölla mö fäh schjee" hoißt soviel wia "des gôhtmr saumäßig auf da Senkl". Des mueschdr abr id merkga, desch a wengle ordinär.


    Siejuu! Bassed auf eich auf und bleibed gsund und gfräß (Scharfässsss, egschdra frs Vegale)

    #189Author Moi Gab (456541) 16 Jul 19, 21:52
    Comment

    Guede Rais ond lass dean Goggl schea kräje - bisuuuh :-)

    #190Author manni3 (305129) 16 Jul 19, 22:02
    Comment

    A guata Rantsch wensch-e Dir ônd am Schoosa, ônd a scheane Zeit!

    #191Author twocents (460778) 16 Jul 19, 23:37
    Comment

    D' Fadalupfere isch en Gallia - dò lupfsch dr jò fascht an Bruch nòch ra ganza Woch!

    Senner en dr Hitz älle vrschmolza odder was?


    Em Pergolabettle braucht mr wirglich*) et so viele Degga wia schoml!


    *) wirglich em Sinne vo "zur Zeit" - i moin mr häbet des schoml gschwätzt, dass es dui Bedeidong gibt, gell?

    #192Author Goldammer (428405) 23 Jul 19, 07:58
    Comment

    I lubf midd ond wirkle haißd bei mier bloss dadsächle ond idd zuer Zeid.

    So viilfeldeg kaa Schwäbesch sei ;-)

    #193Author manni3 (305129) 23 Jul 19, 08:54
    Comment

    Oh Scheißerla, i honn heit Morga umma Zwoie scho reigluaget und bin vrschrogga, wone gsäa honn, dass bald a Woch nix ganga isch dohinna. No binne halt ins Neschd. Abr wenigschdens hottme koiner vrmisst. Swar sauschee in Frankreich und auf derra Hohzitt. Ganz glar, wia kennts au andersch sai, sGäbale hott vor da gsamta Hochzeitbagaasch beima Schbiel mitmacha miassadirfa, wo’s um Reagzionsfähigkeit ganga isch. S‘hott gfunzt. Hoiß wars, wia Zau.

     

    Sodele, jetz wird dWesch nausghengt und dia nägschd Maaschie agschmissa. Siejuuu (i hoff bald amole wiedr).

    #194Author Moi Gab (456541) 23 Jul 19, 12:09
    Comment

    Was woisch denn du wia arg mir di vrmisst hent??? Mir hent jò gwißt dass-es koin Wert hòt, wemmer fròget, weil du en Gallia bisch....

    #195Author Goldammer (428405)  23 Jul 19, 16:40
    Comment

    ... arg vrmissd - do kaasch räechd hao, Emmrle! I hao die ganz Zeid bläered, weil i idd gwissd hao, ob i mi jiedz rasiere soll fier kredzege Ahla odr idd. Also, was moinschd? Jidz lass i amohl die lengr do. Kiizr rasiere kanis allad no, wenns dr liebr isch :-)

    #196Author manni3 (305129) 24 Jul 19, 00:19
    Comment

    Asso, i honn eich vmisst. I denk eigentlich immr wiedr amole a eich. Und i freime oifach, welle eich i meim Läaba honn kennalerna dirfa.

    Manni, rasiear de ruig. Swird wiedr an schwitziga Da und no isches vielleicht agnehmr, wenn dBria ubremsd nablaufa ka (außr, da schwidsch id - so äbbes solls jo au gäa).

    Sodele, miar butzed heit und morga gôhts no wiedr an See.

    Siejuuuu :-))

    #197Author Moi Gab (456541) 24 Jul 19, 09:46
    Comment

    Seid mier eisr Volxbegeahre fier dBiina ond Schmeddrleng durchbrochd hand, geiz an Haufe Schmeddrleng uffm Sommrflihdr. Do haoni oin foddegrafierd. I hao amohl glueged, es send Dischdfaldar vo Affreka. Geiz die bei ui oo so vihl?

    andre Schmeddrleng geiz abr so gued wie faschd koi :-((


    #198Author manni3 (305129)  27 Jul 19, 12:30
    Comment

    Guad haschn eigfanga, manne. Nauchm Kohlweißling ischdr DischdlfaltAr bei oos dr heifigschte - ogfähr so heifeg wia dr gloine Fugs.

    #199Author Selima (107) 27 Jul 19, 13:24
    Comment

    Guad haschn eigfanga, manne. Des moin-e au!


    Sênd Dischdlfaldr it dia, wo en riesige Schwerm vô Schbanien zu ôns naufkommat?

    #200Author twocents (460778)  27 Jul 19, 13:45
    Comment
    #201Author manni3 (305129) 27 Jul 19, 14:16
    Comment

    Afrikka han-e schô gleasa ghett. :-)

    2009 sênd bsondrs viele ôndrweags gwêah, ôd dia dend iebr Schbanjen komma. drôn m

    han-e me erinnrat.

    #202Author twocents (460778)  27 Jul 19, 14:30
    Comment

    Schdell dr vor, obwohl onser Volgsbegähra no gar-et gmacht isch, geit's hierrom au Schmedderleng! ;-)

    Leider han i koin Sommerflieder, abber meine andere Bloama fendet se auch et schlecht. On uf dr Alb sieht mr als au viel. Dischdlfalder hòt's au, on gloina Fugs, on neilich han-e an Admiral gsäh.

    #203Author Goldammer (428405) 28 Jul 19, 11:09
    Comment

    Guada Morga zämma! I hau heit friah iebr schwäbescha Adjektiv auf -at nauchsinnierat ond wia mr dau auf schdandarddeitsch sät - dau gits so scheane: lätschat, dramhabrat, dosohrat/dorat, gschdenkat, gwambat, deppat, dromslat. Frdia git's koi schdandarddeitscha Schreibong, odr?

    #204Author Selima (107) 28 Jul 19, 11:14
    Comment

    Bei manche entschbricht es glaub i em -ig. I dät zom Beischbiel lätschich saga, et lätschat. Abber älle kammer et so saga - gwambat zom Beischbiel kammer et mit "wampig" iebersetza...


    I muaß geschdeha, dass i a baar vo deine Beischbiel et kenn on et vrschdanda han - dramabrat, dosohrat, dromslat.

    I bidde om Erleichdong!

    #205Author Goldammer (428405)  28 Jul 19, 11:30
    Comment

    Ja, des hannemr au scho dengkt - moischdns -ig, aber bei manche oo -ert, abr au des bassd idd reacht: wampert?


    Dramhab(a)rat - verträumt, nicht ganz da, dromslat/dremslig :-)

    Dromslat/dremslat - wenn man aufwacht und noch nicht ganz fit ist, dann ist man dremslat/dromsalt - ond dremslat no a wengale rom em Beddle, bis mr ganz wach ist; so wird's einem auch, wenn man sich schwindlig dreht.

    Dosohra/dorat - schwerhörig, taub (aber nicht, wenn jemand das echt ist, sondern eher, wenn jemand einfach nicht hören will)


    #206Author Selima (107)  28 Jul 19, 11:36
    Comment

    Ond wenn se oir oo im normale Läebe wie dremsleg vrhaldt, isches a Dremslar - (DremslAr uff Maislesch *hihi*)


    Erkläeronga fier die vrschihdene Forma haoni oo koine.

    Vihleicht send die Endonga vo lätschet, dramhabbet, dosohret/doret, gschdenket, gwambet, deppet, dromslat annalog zuer Endong vom reglmäßege Bardezibb berfeckd ibrnomme woere - nix Bessrs isch eahna scheinz in dr Zeid vor Woedbildong idd eigfalle ;-(

    #207Author manni3 (305129)  28 Jul 19, 12:36
    Comment

    Noi, manni, dui Hibbothese fiahlt sich et richdich ã....i denk, desch a oigaschdendige greadive, schbarsame (!) Idee, ebbes auszomdrugga dia wo em Schwäbischa oifach fir maih Werder entweder erfunda oder erhalda isch als wia em Schdandarddeitsch. Schdatt "der hòt a reachde Wambe!" secht mr oifach on kuurz: "der isch gwambet", odder schdatt "dera ihre Aohra döset wohl grad a weng!"- "dui isch dosohret". (Desch iebrigns en meira Etimologie als "dosohrig denna; i han des wia gsagt et kennt).


    On no a Beischbiel wo älle drei Warianda exischdieret: nackig - nagget - naggert

    #208Author Goldammer (428405)  28 Jul 19, 14:52
    Comment

    4 nackad

    #209Author manni3 (305129) 28 Jul 19, 19:49
    Comment

    Long taim nou sii ...

    I bi grad wenaig auf LEO, ond dann hanne au des alde Broblem:

    Am Hendi fungzionierdz grad middem Schwaobafädale nedd :-(

    Etz gange hald an da PC, dasse me ao mal wiidr bei ui melda ka!

    I hoff, dasser alle d'Hiddz guad iibrschdanda hand ... i moi ja: liabr gschwidzdd wia gfroara!


    Selima #204


    lätschat ... bei mir läädschig

    dramhabrat ... kenni nedd

    dosohrat/dorat ... bei mir doosoarig

     gschdenkat, gwambat, deppat ... sag i au

    dromslat ... bei mir drem(s)lig



    Frdia git's koi schdandarddeitscha Schreibong, odr?

    deppat ... han i scho als deppert gläasa

    gschdenkat keed villeicht "stinkend" odr sogar no ä'hr "verstunken" hoißa


    So scheane Werddr :-)

    "Du gwambbaddr Uhu, muasch du deine gschdengadde Sogga emmr auf da Boda keia? Raums auf! Bisch du doosoarig? Willsch dia etz noo drei Dää schdragga lãu? Bei deam Gschdããgg wäddmrs ja ganz dremslig! Pfui Deifl!"


    a kials Näachddle!

    #210Author schwäble (951819) 28 Jul 19, 19:54
    Comment

    dramhabbat hald i fier an bairesche Ausdruck. Bei eis dahoi habba des id xeed.


    No ebbs Regjonahls, Schwäble, vo dier ond deim Maah:

    Was fier a R hasch du - Zongeschbidzles-R wie d Iddaljenar ond dSchbanjar oder Gurgl-R wie bFranzose. Ond was fier ois hadd dei Maah?


    Ond was fier ois hasch du, Maisle?


    I hao a iddaljenesch R - abr mäehr grihbe als wibrierd.


    #211Author manni3 (305129) 28 Jul 19, 20:25
    Comment

    Nadierlech a spanesch Rrrrrrrrrrrrrrrrrrrrrrrrrr mibm Zongaschbitzle ond egschdrig laang. Geschd aufm Hoimweag vom Schbort haune midr Zara Leander gsonga ond mitra dia Rrrrrrrrrrrrr rolla lau. Ischdr dees schea.


    Zom dramhabrat: Des kaa sei, daß i des iebrnomma hau. I ben doch rechd laang vo Obrbairn omgeaba gwea.

    #212Author Selima (107)  29 Jul 19, 07:55
    Comment

    Jetz do schau her: En dr Zeitong schreibens ibr Davina Goldammer-Utz, a Auschdraliere, de a sauguats Eis macht.

    #213Author bluesky (236159) 29 Jul 19, 15:17
    Comment

    Naobadd allrseiz!


    Manni, dei Froag wägam "R", wo i des bilda dua, isch gar nedd so oifach zom Beanddwordda. Alsonz bei de moischdde Werddr moini dasses ausem Racha henda kommdd. Bei manche Werddr hanne gmerggdd, dasses mal so ond mal so sag: Rad zom Beischbiil.

    Bei meim Ma ischs eenlich.


    Guaz Nächddle, bi miad, schlaofadd guad!

    #214Author schwäble (951819) 29 Jul 19, 22:36
    Comment

    *beim R nicht mitreden kann*

    #215Author Miss Anthropy (700297) 30 Jul 19, 22:18
    Comment

    Herr Mahr, oo wennd a rhotisches R hasch, wie dAmmäerekanar hald so schwädzed, däffsch scho middrede - brauchsch di idd scheme :-))

    Es isch ja koi Schand idd, gell!


    Schwäble, dier läebed scheinz grad an dr franzesesch-schbanesche Grenz *hihi*

    #216Author manni3 (305129)  30 Jul 19, 23:02
    Comment

    Jetzt han i in dem "1x editiert"-Fada gmoint ghett, i wär ebbes Bsonders, weil i d' Nommer dreihondertois onderbròcht han, abber 's Ameisle on a baar andere hemmer mei Illussio grendlich gnomma....

    :-P

    #217Author Goldammer (428405)  31 Jul 19, 11:13
    Comment

    I hen au scho mol a 301 ghett, des bassiert, wenn d'Doris ebbs löscht.

    #218Author bluesky (236159) 31 Jul 19, 17:25
    Comment

    Jaja, genau - on en dem Fada isch zeitweis hoiß herganga, deshalb isches sogar bis dreihondertonfempf ganga, weil mehrere Eidräg glescht worra sen.

    #219Author Goldammer (428405) 31 Jul 19, 18:27
    Comment

    So voer a vier Wucha heddebr an Geburzdag zom Feire kedd - de elfde. Ja no, nocha breng i des Abbdeid vom Warjanddewäedrbuech hald mibbm hondrfemfeneizgeschde Schbage!

    A baar nuje Eidräg geiz scho.


    I wensch ui an scheane Reschzonndag. S Weddr isch gued ond do kennedr de Arbazreame zom Drickne ond Lifde naushenke 😉

    #220Author manni3 (305129)  04 Aug 19, 14:26
    Comment

    Kurzbesuch hier von Braunbärin :)

    Meine Mutter hat mich gerade "ausgeladen" - ich solle sie lieber nicht am kommenden Wochenende besuchen (sondern ein WE später): Seenachtsfest in KN! Es kämen tausende, sagte sie. Ich ergänzte die 10 davor :-) Geht jemand von euch da hin? Wie weit kann man eigentlich das Feuerwerk sehen, z.B. am Bodensee-Nordufer?

    Das letzte Mal, das ich das Fescht als Zuschauerin mitbekommen habe, war wohl 1981!

    #221AuthorBraunbärin (757733) 04 Aug 19, 15:59
    Comment

    Do miaschtas as Gäbele froga, odr dia MissA ausm Zählfada, dia wohnt au am See.

    #222Author bluesky (236159) 04 Aug 19, 16:26
    Comment

    Guada Morga. Grad ischmr a Werdle komma, des em Werdrbuach no fealt: Luse. I hau em Indrnet guggt. Oir aus dr Gneach vo Diebinga kennt des oo: http://www.cityinfonetz.de/homepages/boeckle/... Alzo koots fascht a gsamtschwäbeschs Wort sei. Moine.

    #223Author Selima (107)  05 Aug 19, 06:12
    Comment

    I kenn des idd. Abr Dibenge isch hald oo a bissle weid weck im Wieddebäegesche deana.

    #224Author manni3 (305129) 05 Aug 19, 07:45
    Comment

    Abr Nordschwauba doch idd!!!!

    #225Author Selima (107) 05 Aug 19, 07:49
    Comment

    i kenn's au. Ônd i schwätz siedlichr wia sAmoisle.

    #226Author twocents (460778) 05 Aug 19, 08:52
    Comment

    I kenn's au. I schwätz a Mischong vo Reidlengerisch on Korngai-isch.


    D' Etimologie isch wohl zom oine a zsamagschliffane on vrkirzde Subschdandiwierong vo "lustsam", "Lus(t)same", odder au von "los" = von einer Verpflichtung erlöst, vgl Englisch: loose

    #227Author Goldammer (428405)  05 Aug 19, 10:26
    Comment

    i kenns naddierlich au ;-)



    ... i hann nemlich grad d'Luse - odr bessr gsait, i hann mr d'Luse gnomma, ;-)


    dromm schreib i mal wiidr am PC bei ui da henna.


    Mir gadds guadd. Huir hanne a Tomaddadächle midd zwelf Bflenzla :-))) ond seidd a baar Däg ka e etz Tomadda holla. D'Zuchiini hat weiße Bleddr griagt, dia hanne grad midd ra Wassr/Milch-Mischong ei'gschbridzdd. Gugg mr mall, obs hilfdd.


    Liebe Griaß

    vom schwäble

    #228Author schwäble (951819) 05 Aug 19, 11:44
    Comment

    @Braunbaerin - Als zugereiste Schwaebin wusste ich natuerlich nichts vom Seenachtsfeschd in Konschdanz, hab's erst neulich durch diverse Zeitungsartikel (Feuerwerk trotz Klimanotstands) mitbekommen. Wo findet das Feuerwerk statt? Am Hafen? Dann wuerde man vom Nordufer aus nichts sehen.....erst bei Hagnau oder gar Immenstaad wuerde der Blickwinkel passen, aber bei der Entfernung duerfte selbst ein Riesenfeuerwerkspektakel ziemlich unspektakulaer aussehen.

    #229Author Miss Anthropy (700297) 05 Aug 19, 20:36
    Comment

    Des midd Empfernông isch it so arg. Letschd Jauhr han-e vô Langaarga aus a Feirwerk en dr Schweiz gseah, s isch wôndrschêa gweah. Abr i mâa au it so näh bei viele Leit sêi, dr Abschdand gfellber moischdenz guat. :-)

    #230Author twocents (460778) 05 Aug 19, 22:11
    Comment

    Des middr Embfernong isch äjer gued, wenn des schdemmd, was Vallendins Karl vrzelld hadd: Es riechd nichd alles gued, was krachd!

    #231Author manni3 (305129) 05 Aug 19, 22:33
    Comment

    Doo hodd de Feeschel-Fau Kaal wool räschd gehadd ... wanns grache duud hadds noch sällden gudd geroch debei ...

    #232Author no me bré (700807) 05 Aug 19, 23:02
    Comment

    Guada Morga, guada Morga, guada Morga, Sonnascheiiiiii! D'ledschda Nacht isch dir vrborga, noi, Du brauchsch idd eigschnabbt sei ...

    I hau heit scho an Ohrwurm :-)

    #233Author Selima (107) 08 Aug 19, 06:36
    Comment

    So frieh? Des wäed ja nocha a ganz schea langa Oehrwurm wäere ...

    #234Author manni3 (305129) 08 Aug 19, 09:04
    Comment

    Sodale, manni, danggdrschea, dassme em Fahradhelmfada ondrschdizzdd hasch ond ao no Belege fr'd fri'era Vrwendong von deam wiaschdda Werddle braochdd hasch.

    i maas oifach ned! Gibdd so Werddr, wo ma oifach nedd ma. i ma ao z Moischdde, wo midd "oddz" aufhäardd nedd - ägaal, obs midd "F" odr "k" odr "R" odr "Schm" a'fangdd. Oifach wiaschdd. Z oizige, wo i dao verwenda ka isch, wenns midd "gl" odr "Kl" a'fangdd. Gell, da gloddzaddr ;-)


    Wia gaddz ui dao drmidd?


    Guaz Nächddle!

    #235Author schwäble (951819) 08 Aug 19, 23:26
    Comment

    Wenn eldre Leidt so Jugndwäedr vrwended, kudz mr allad so voer, als ob se oin uff jong mache wend onze bei de Jonge eischleime wend ;-)


    Guez Nechdle :-)

    #236Author manni3 (305129) 08 Aug 19, 23:30
    Comment

    Des fende oo so ebbes von peinlich, wann so alde Seggl so auf jong machad ond se bei de Jonge aabiedrat. Bei oos em Landgreis hot des dr Greisjugndringschef so gmacht. I hau des alz Jugndlicha egglat gfonda.

     

    Bei oos hotmr so emmr mol mear "geil" für ebbes, was mr ganz bsondrs guat odr aufregnd gfonda hot, gsät, abr desch scho no alz arg oogwehnlech ond ganz schea frech aufgfaßt worra. Alz mei Jongr 's erschde Mol vom Kendrgarda hoimkomma isch ond zu irgndwas "geil" gsät hot, haue abr an Saatz gmacht. Dau hotzme richdig gschdellt. I haun no beada, daßr des idd sät, walle des idd mog. I haum drfiar "cool" bzw. "kuhl" alz Aldrnadive aabota. Hotr nochd oo so gmacht. Endr Schual hotr se nocht beschdemmt nemme so dra ghalda, abr en meir Anwesenheit hotrs laang nemme gsät. Alz Jugndlichr hotr nochd "endsgeil" gsät. Des hotme komischrweis gar idd gschdeart. Mit deam Bräfix hot des Werdle sei Wirkong dodal vrlora. Wias so Modewerdla abr halt auch generell got :-)


    Guada Morga. Reama ond so. Durch dBeim vom Englescha Garda kommat dia earschde orangschene Schdroifa.

    #237Author Selima (107)  09 Aug 19, 05:48
    Comment

    Hasch Du dNachd im Biroo vrbrochd? Odr bisch scho om viere aufgschdande gwe? Ond dr Dengs oo?


    Wenn isch des aingdle aufkomme midd deam gail fier saugued? En de Achzgar?


    Scheane Dag mibbm hoffndle richdege Reame :-)

    #238Author manni3 (305129) 09 Aug 19, 07:21
    Comment
    .
    #239Author schwäble (951819) 09 Aug 19, 07:40
    Comment
    Hoi. Etz gadds.

    End de Achzgr glaub i nedd, odr? Da wäar i ao no jong gwea. I moi ä'r en de Neizgr.
    #240Author schwäble (951819) 09 Aug 19, 07:41
    Comment

    Noi, noi, agfanga hat des schon ende Achzgr. Abr dau isches halt schon no a wengale schkandalös riebrkomma. Abr pferleicht benne en andre Greise ondrwegs gwea.


    I bee eh scho om Dreiviertl viere wach gwea. Nauchd hannemr dengkt, bis zom Weggrleida enara guada halba Schdond schlofe eh nemme ei, kane oo glei fahra. Ischas noo ruigr.

    #241Author Selima (107)  09 Aug 19, 08:02
    Comment

    I hau a wengale zom Bedeidungswandl vo deam Werdl em Netz gruschdlat (echt erschdaunlech - vo neidral zu obrpfui zu posediv zu langweileg) und des gfonda:

    http://www.sprachschach.de/geil-bedeutung-und...


    Erst zu Beginn der 80er Jahre des 20. Jahrhunderts ist geil im Wortschatz der Jugendsprache eingegangen. Hier hat das Wort die Bedeutung >sehr gut, großartig, beeindruckend, klasse<. Infolge des Sprachwandels, sind also nicht mehr nur Naturereignisse, wie grünende Pflanzen geil, sondern mittlerweile jegliche Dinge und Taten. Einfach geil.</p>

    https://www.galileo.tv/life/woher-kommt-der-a...

    #242Author Selima (107) 09 Aug 19, 08:22
    Comment

    Desch ja endressand, was du do alls gfonde hasch. Des Frieaufschdande hadze rendierd :-)) DANKEEE ...


    I hao des jedz amohle oo ens Warjandewäedrbuech aufgnomme. De Schbrochwandl seidt em Aldhoechdeidsche nemmebr oifach a bissle midd :-))

    #243Author manni3 (305129)  10 Aug 19, 20:44
    Comment

    Des lohntze moischdns - dr Aubnd isch halt meischdns arg kurz nocht.

    #244Author Selima (107) 12 Aug 19, 19:05
    Comment

    *des Fädele ieber des Allmachts-Sommerloch drieberlubf*

    Dass mir a Sommerloch hent, mergdmr au an dera Meldong ufm Es-We-Er, die wo von allergreschder Wichdichkeit on Brisanz isch, odret?

    D' Sigmaringer Schdròßameischderei hòt dr Schneepflugwettbewerb gwonna! Ha so ebbes!

    #245Author Goldammer (428405) 16 Aug 19, 15:41
    Comment

    Eggschdrehm brisannd: A Schnäebfluegrennaz im Auguschd *hihi*

    Was hanze als Schnäe gnomme? Rasierschaum uss dr Tube??

    #246Author manni3 (305129) 16 Aug 19, 20:28
    Comment

    Komischerweis isch des ohne Schnai ganga. Se hent an Geschicklichkeitsparkuhr fahra miaßa.


    (Also koi Park-Uhr omfahra, sondern an Parcuhr fahra, moint d' Edith, soll-e no saga....)

    #247Author Goldammer (428405)  17 Aug 19, 09:36
    Comment

    ädd Klammrausdruck: dr Grosche isch grad no kuuz (säehr kuuz) drvoer gfalle gwe, vor i d Erkläerong gläese kedd hao *hihi*

    #248Author manni3 (305129) 17 Aug 19, 09:47
    Comment

    https://www.br.de/mediathek/video/der-kaiser-...


    Der Monolog im schenschten Allgeierisch vom Jockel Tschiersch isch oifach schee!

    #249Author bluesky (236159) 17 Aug 19, 11:41
    Comment

    Iedzd kumm i oh nò mitma Link und würd gärn wisse, ob's Brelele waß ob des ufra wòhre Gschichd beruaht...


    #250Author karink (659752)  17 Aug 19, 22:48
    Comment

    Duud ma lääd, do kannisch misch nedd drann äainnare ... awwa isch hann Zeidongsberischde gefonn, woos dodromm geed ... ße senn awwa all ned ausseem Saalannd, unn nua ääna defonn fonn nääwedraan aus de Pallz :


    https://www.volksfreund.de/region/taeter-gefa...

    https://www.tagesspiegel.de/gesellschaft/pano...

    https://www.nwzonline.de/panorama/polizei-suc...

    https://www.nordbayern.de/ressorts/massen-gen...



    #251Author no me bré (700807)  17 Aug 19, 23:01
    Comment

    In deam Link https://www.welt.de/vermischtes/article275044...

    schdohz Gleiche wie im äeschde vom Bréle: Täter gefasst, Mörder nicht

    #252Author manni3 (305129)  18 Aug 19, 09:07
    Comment

    Hemmale, danke fr da Tipp en #249!


    Heitzaubad ôm dreivierdlelfe isch soweit, em bairischa Fernseah - Dr Kaisr vô Scheggseng.

    Laidr it en dr Meedjatheek :-(


    Drfier giiz êm Erschda no a baar Kluftingr:

    Seegrônd bis 24. Auguschd

    Herdzbluat bis 31. Auguschd

    Schuddzpadrohn bis 7. Säbdembr







    #253Author twocents (460778) 19 Aug 19, 20:29
    Comment

    Irgndwenn mueß i dean Sadz Onz siechd ganz drnoch aus, dass eis dr Gschbrächsschdoff no id so schnell ausgohd ;-)) ussm Indro scheinz doch amohl abbdeide ;-)

    #254Author manni3 (305129) 25 Aug 19, 21:54
    Comment

    Nää manni ... ausgeen duud unns de Geschbrääschdschdoff joo nedd ... nua manschmool essa eh bissjaa aarisch eelassdisch ...

    :-P

    #255Author no me bré (700807) 25 Aug 19, 22:06
    Comment
    I han heut frisch brobiert ghett des Fädale vo Schweden aus zom lubfa, abber dr Leo hôt es et agzebdiert, worom ao emmer.
    #256Author Goldammer (428405) 25 Aug 19, 23:28
    Comment
    Dr Dengs on i sen in Schweda em Urlaub uf dr Insel Tjörn. Sauschee. Heit hemmer a Wanderong ohne Wäg on Schdäg gemacht. Wonderschener wilder Wald, abber mr sen rechtschaffa he.
    #257Author Goldammer (428405) 25 Aug 19, 23:31
    Comment

    Danne lossd de Lejo Disch jo doch fonn Schweede auss erenn ... gudd soo ! Beschdimmd hanna fill Schbass ... unn saaschem Deim Dengs eh scheena Gruus !

    :-)


    Isch waa heid aach unnawääschs ... awwa nedd ganns soweid wägg ... aanschdrängend waas awwa aach ...

    #258Author no me bré (700807)  25 Aug 19, 23:39
    Comment

    Wenns Weddr gued isch, handr a Glik. Zue eis hanze sellemohle xed, Ende Auguschd sei scho a bissle schbäd. Mier send mibbm Vauwehbuss ondrwäex gwe ond do hadd eis d Kelde nix ausgmached. Abr zom Bade isch scho a bissle frisch gwe.


    S wäed wahrscheinz koi Bergolabeddle idd gea ;-)

    I wensch ui abr drodzdeam weiddrhee a scheane Zeid :-))


    #259Author manni3 (305129) 26 Aug 19, 20:37
    Comment

    Emmerle, schee! I wensch na no a guata Zeit em Uhrlaub!


    Hat eigentle epper sGäbale gseah en ledschdr Zeit?


    #260Author twocents (460778) 27 Aug 19, 16:52
    Comment

    Dees hertze richtig guad aa, Emmrle. Vill Schbaaß no ui zwua.


    I haumr heid drei Kircha zOogschburg aa guggt. So gneach ond doch so weit furt, wamrses idd vornimmt ond noofahrt. Heit hannes doa. Ond glohnt hotzes oo.


    Noi, seit Ende Juli daherinna nemme. Was dia wohl dreibt? Hoffendlech ebbs scheas midde Engala.

    #261Author Selima (107) 27 Aug 19, 16:57
    Comment

    Mei Gäbele, wo bisch du?

    Brauchschd a baar Ahla? I schdell dr oi midd zwai frischrasierde Bagge rei :-))

    #262Author manni3 (305129) 31 Aug 19, 22:32
    Comment

    Foagäschdann hannischs noch näwwedraan bei seim Schooße seine gesiin ... eh baa Noadwinndscha känndes wäaglisch häalogge !


    Baddschiss unn Bissuus !

    #263Author no me bré (700807)  31 Aug 19, 22:50
    Comment

    Do hadd oir an ade Fade ausgrabe: Siehe auch: "Dürfen" als Bitte oder Befehl - #96


    Ab 96 gohz om "als" in deär Bedeidong:


    "Als weiter!" = in etwa "Los, weiter! Nicht stehen bleiben!"

    oder...

    "Die hen als net aufghört" = "Die haben einfach nicht aufgehört (trotz Ermahnung)"

    Kennt man das auch in anderen Regionen?



    Also ii kenn des idd - ibrhaubzd idd.

    I kenn oo em Emmrle sei Formelierong idd:

    Als ich jung war, pflegte ich montags nach Stuttgart zu fahren.

    = Wo i jung gwä bin, bin i als mondags nach Schduttgart gfahra.


    Wäe vo ui kennd des odr idd?




    Näebebei: Bei mier däd des haiße uff Schduegadd (nei/nauf/naa/nomm) gfahre.

    #264Author manni3 (305129)  02 Sep 19, 12:32
    Comment

    Ii oo idd ond faschd hädde agmerkt, daß i alza Schwäbischneidivschbiekre des so idd sag. :-)

    #265Author Selima (107)  02 Sep 19, 13:12
    Comment

    Meine Giede, die Heardreckziagerei* en dem Fada han-e komblett vrgessa ghett!

    *) kennet ihr des?


    Zo dem "als" im Sinne vo "früher immer" - mr sagt des au oft em Zsammahang mit immer:

    Dr Karle hòt als emmer d' Schul gschwenzt....


    Dòdrzua kommt sogar ebbes en meira Eddimologie:


    Des isch au vrwandt mitm allgaierischa "allad", des meglicherweise au von "allwege" kommt - i han nemlich vorhin denkt ghett, dui Vrbindong "der hòt des als immer so gmacht" kommt mir wie a Vrdobblong vor, on erinnert me ans englische "always", mir hent jò scho efders Vrbindongslinia zwischem Schwäbischa on em Englischa feschtgschdellt.


    Also en dr Eddimologie schdòht dass mr des "als" als "adverbial gebrauchter Akkusativ (Neutr.) von all" vrschdanda kã. Schbannend, gell?


    Zom Thema uf Schduagert nei: I ben halt vo zwoi Warianda Schwäbisch brägt, manni! Zom oina des vo Ondriedenga, wo-n-i ufgwagsa ben, dò secht mr "uf Schduagert nei". Abber zom andera han i au no vo dr Familie her des Honorazjoraschwäbisch vom Schduagerter Raum druf, on dò dät mr "nach Schduddgart" saga....fir mi basst boides.


    Dschaßt for ße reckord: "uf Schduagert nauf" gòht edda, weil: Schduagert leit ema Loch.


    Iebrigns, 's Gäbele isch leabich on zabblt. Gescht hemmer ersch gwòtsäbbt.

    #266Author Goldammer (428405)  05 Sep 19, 12:05
    Comment

    "Als weiter!" = in etwa "Los, weiter! Nicht stehen bleiben!"

    oder...

    "Die hen als net aufghört" = "Die haben einfach nicht aufgehört (trotz Ermahnung)"

    Kennt man das auch in anderen Regionen?



    So fawänne mia dass "alls" aach ... "Alls weidda" ... "Dii hann alls nedd offgehead" ...

    #267Author no me bré (700807) 05 Sep 19, 12:20
    Comment

    *mich zurueck ausm Urlaub meld*

    Schee war's! Und teilweis net schee! Aber zum Glueck erinnert man sich an die schoenen Sachen und kann spaeter ueber die unschoenen lachen. ;-}

    Am Dienstag geht die Schul wieder los, Wahnsinn, ist der Sommer scho vorbei? :-{

    #268Author Miss Anthropy (700297) 05 Sep 19, 21:06
    Comment

    Ja, dr Sommr isch drbei, dass a vorbeigohd. I hao nechd an ganz Kihbl mid druckene Bleddr vo meine Zierwenda in Komboschd brochd.


    Erinnre di an die scheane Sacha, Herr Mahr, nocha gohz dr bessr ;-))

    Ond deine Kelbla ond dier wensch i a guez nuis Schueljohr :-)

    #269Author manni3 (305129)  05 Sep 19, 23:04
    Comment

    Hällou Schbätzla, dô wäre wiedr môl a wengle. Ka’s faschd id glauba, dasse eich ibr an Monet honn henga lo. Honn abr immr wiedr a eich dengkt und mr au efdrs vorgschdellt, wia sche des jetz wär, wenne middem Amoise Pfiaß in da Lech (i sag jetz mol Lech, welleme grad id a da andr Fluss erinnerra ka) neihenga dät. Schbrich, i honn eich vrmisst!

    Vrgeltsgott, Manni, fr deine Ahla. Dia sin immer erwinscht und werred als sehnlichschd erwardet. Bsondrs, wenn da Bluhs als moint er heb a Schdimm i meim Landdag.


    Wianer säanet, schdande voll hinterm Vegale seim „als“ (Als ich jung war, pflegte ich montags nach Stuttgart zu fahren. = Wo i jung gwä bin, bin i als mondags nach Schduttgart gfahra.) Und desch mei „Senzle“ dazua: Woane jung gwäa bin, binne als mändigs noch Schduagert naufgfahra – ma kennt aber au ammel saga.

    Und „Als weiter! Kenne au im Sinn vo: „S’goht immr weiter“ – Grad so wia unsr Fädale.


    Mei Nichte hottmer heit äbbes gwottsäbbd, wose id vrschdanda hot:

    „S’Bräschdlengsgsälzhäfele isch ibrs Schdiegaglendr en de Suttroi na gfloga.“

    Suttroi hemmer dahoim nia gsait. Kennad ihr des? I däts vo „sous-terrain“ abloita und mit Keller ibrsetza.

    Häff a neiß dei, Schbätzla! Bei eis schiffz – schad frs Tettnanger Bähnlesfeschd.

    #270Author Moi Gab (456541) 08 Sep 19, 13:02
    Comment

    Also wo i gloi gwä ben hòt mr des en Ondriedenga no hera kenna, "Suddrai" fir dr Keller.

    Also - i kenn's, benitz es selber aber et. Passifer Wortschatz, sozomsaga.


    ...wenn da Bluhs als moint er heb a Schdimm i meim Landdag. - Koi so schees Thema, abber a sauscheene Formulierong!


    Bei ons schiffz au scho de halb Nacht on dr ganze Dag. Em Pergoalbettle isch drotzdem gmietlich gwä, mr hent d' Winderdegga ghett, on glamm isch mei Daunadegge bloß obadruf gwä, et ondadonder. Ieber Dag dur-e se rei.

    Mir ereffnet dui Kaminfeierles-Säsong.

    #271Author Goldammer (428405)  08 Sep 19, 13:53
    Comment

    Ach scheen, es Gäwwelsche es wedda doo unn dii Sonn kommd raus ! :-)


    Mia hodde gäschdann eh bissje Rään ... eischendlich nedd genuch ...


    ... unn Sudderäng känne mia doo aach ... awwa nedd fa de Källa, sondann nua, wenn doadd unne weä woone duud ... fiileischd waas friija, zu Zeidde fonn meine Groosälldre ehmool annaschda ...

    #272Author no me bré (700807) 08 Sep 19, 14:41
    Comment

    Suderräh kenn i bloss uss dr normahle Archedeckduuhr. Im Dialeckd kudd des bei eis idd voer.

    #273Author manni3 (305129) 08 Sep 19, 21:06
    Comment

    Guada Dag (faschd hedde guada Morga gsait), Schbätzla! Kommed raus ausem Suderräh, Erdloch oder wonnr au als am Mändig sei megad und häffed a naiß Deile!

    #274Author Moi Gab (456541) 09 Sep 19, 12:42
    Comment

    Guada Morga, Schbätzla! Zonn scheit, da Kamiifäagr war dô (an nädda, junga Kerle), geschdrn Ôbnd ware mit äbber zamma, wone mag und i wirr nomml Oma! Ähätsch !!


    I winsch eich a schees Dägle :-)


    Und auno dankschee fr dia usichtbare Ahla und Bisuhs. I honns gfunda. I woiß, wone luaga muess.

    #275Author Moi Gab (456541) 12 Sep 19, 09:25
    Comment

    nomml Oma - Du hasch gued :-))

    Des hasch gued gmached, Graddelazjoo!!



    Emmrle, was hasch du aingdle mibbm Brexidd zom doe? Ond warom mießeze di obberiere? In dr Sihddeidsche mueß i läese: "Operation Yellowhammer" ist der Code-Name für die No-Deal-Planung der britischen Regierung.

    #276Author manni3 (305129)  12 Sep 19, 10:03
    Comment

    Ey Manni, du bisch da Beschdaschde! Dô muama erschmôl draufkomma.

    #277Author Moi Gab (456541) 12 Sep 19, 11:46
    Comment

    Also dia hen mi et gfrògt, ob se ihrn Scheiß so hoißa dirfet - I hett den Nama schitza lassa solla, desch mir jetz glar enzwischa!

    I muaß dia wega Rufschädigong vrglaga, glaub i.....

    #278Author Goldammer (428405) 12 Sep 19, 20:12
    Comment

    Herzlichen Glickwinsch, Gaebele!

    #279Author Miss Anthropy (700297) 12 Sep 19, 20:59
    Comment

    Merci Missile :-)))

    #280Author Moi Gab (456541) 14 Sep 19, 11:16
    Comment

    I ugg au widr amôle rêi.

    Gabale, des gfraitme, dass da wiedr dau bischt, ônd dass-dr's guat gaht!

    Ledschda Wuch ben-e a bissale ôndrweags gweah, scheane Sacha âagugga ônd nette Leit treffa.


    Ônd em Fernseah lauft ên dr Medjadeek no bis am Samschdig a Film, wo se richdig schêa Schwäbisch schwätzad..

    Dr Film isch a bissale arg läppisch, abr d'Schbrich sênd guat.

    #281Author twocents (460778)  17 Sep 19, 16:30
    Comment

    Hällow Schbätzla! I hoff s'gôht eich guad.


    Mir henn a wundrschees Wedderle, heit. Geschd ware (endlich wiedramôle) middam Schose und am DAV wanderra. Dô honneme mit a baar Pola undrhalta, dia wo Epfl brogged und in vrschdiedne Kischda gsammlet honn. Ihr dädat mit de Ohra schlaggerra, wenner säah dädet waffer scheene Epfl dô aussordierd werred, bloß wellse id denne Ahschbrich vode Keifr entschbreched. Wenn denn amôle unsre Obschdbaura ibrhaubd koine Middl meh gegas Uhgeziefr awenda dirfad, no hennse au nix me zom verkaufa und dLeit kaufed wellawäag des scheene, gschbrizde Obschd aus woiß da Geier woher. Jô, desch loidr dia andr Kehrseit vo da Medallje.


    Und vorgeschd binne auf da Schwenninger Heh (solang da Schose beierra lengarra Undrsuachung war) ganz alloi durch da Wald gschdiefled. Gnapp noinzeahdaused Schritt honne gmacht! Schee war's, i bin koiner Sau begegned, iddamôle ra Wildsau. Abr Schiss honne ghett, so alloi, Des war frianer id so und des finde schad.


    Henner des au, dasser eich nimme sichr fiahled, wenner aloi im Wald undrwegs sin?



    #282Author Moi Gab (456541) 19 Sep 19, 11:12
    Comment

    Naizeahdauset Schritt, Reschbegt! I komm au nòchra Wanderong, die wo fir mi lang isch, et uf maih wia dreizeahdauset oder so. Bisch oifach a fits Mädle!


    I dät me glaubi maih nachts en dr Innaschdadt oder ufm Bahof firchda als wia em Wald.


    Was i feschtschdell isch dass i beim Audofahra engschdlicher werr als wia-n-e frieher gwä ben.

    #283Author Goldammer (428405)  19 Sep 19, 16:41
    Comment

    Jo, nachts mage alloi au nimme vor dDiar. Und da Bahof zFriedrichshafa däte au koim empfäahla wella. Und beim Autofahra gôhtsmr au wia dir, Vegale.


    Schlôfet guat, Schbätzla!

    #284Author Moi Gab (456541) 19 Sep 19, 21:11
    Comment

    I merk, dass i ald wäer ond mankmal a bissle dremsleg, ond drom gang i uffm U-Bah-Bahschdaig nemma so neh an dr Kande, idd dass i no an Schwanzar doe ond uffd Glais flieg. Beim Radle kani oo nemma so richdeg schea gradaus fahre. Do schwanz i oo mankmol zemle weid hee ond häe! Audofahre due i scho lang nemma, brauchz abr oo idd in dr Schdadd.

    Midd Wandre isch bei mier soweso nix meah midd meim henege Knie, bsondres wenns auf ond aa gohd :-(

    #285Author manni3 (305129) 20 Sep 19, 11:25
    Comment

    Manni, kasch mitmr broblemlos wandra ganga - i dragde ! :-)))

    #286Author Moi Gab (456541) 20 Sep 19, 17:50
    Comment

    Dassbe du drehschd, glob i mea wenegr. I hao grad mea drei Killo zuegnomme ;-((

    #287Author manni3 (305129) 20 Sep 19, 20:55
    Comment

    Au weia, Gäbele, wenn de der beim Wort nemmt, hòsch a Broblem!

    :-DDD


    (D' Edith secht, i wär a baar Sekendla zschbät drãgwä mit mein witzig sei sollenda Kommendar....)




    #288Author Goldammer (428405)  20 Sep 19, 20:56
    Comment

    In manchen Laeden gibt's die "etwas anderen" Obst und Gemuese zu kaufen, so mache ich das. :-}

    Hast allerdings recht. :-{

    #289Author Miss Anthropy (700297) 20 Sep 19, 21:03
    Comment

    Obscht on Gmies? I blick's et - wo hemmir's vo Obschd on Gmies ghett?

    On wer hòt recht mit was?

    Odder bisch du em falscha Dschädd?

    #290Author Goldammer (428405) 20 Sep 19, 21:59
    Comment

    Vegale, sMissi beziaht sich auf mei #282.


    @Missi, ju ahr ei wanderfull pörsn, sätz wai ai laff ju sou matsch!


    @Vegale, s'isch ganz normal, dass du weniger Schritt ass i aufs Armbändle bringsch. Wenne middem Schose lauf, hot der au immr viel wenigr wia i. Des hengd mit meine kurze Fiaß zämma: i muess vielmeh Däbbarla macha wia iahr, dasse ans Ziel komm.


    @Manni: Wenn dei Gnia hie isch, derfsch abr idda zuanämma! Desch Gifd dodafiar. Machs wia da Schose und i: Seitmr in da Rente sin, hemmer oi Dagesmahlzeit gschdricha, des hoist, durch a Handvoll Niss und an Epfl odr a Banana ersetzt. Wemmer normal ässed, werramer fett, well am Schdoffwechsl sein innera Schweinehund en am räat schaffa hinderat. Und dreschd de, des middem alt werra hemmer au. Beim Schose a weng meh, ass bei mir. (Des hoißt, am Schose sei Fitness nimmt saumäßig ab, aberer sieht allweilno guad aus und bei mir isches grad rumdräht).


    Häff a naiß dei Schbätzla!



    #291Author Moi Gab (456541)  21 Sep 19, 10:33
    Comment

    Des mag velleicht a baar hondert Schritt Onderschied ausmacha, Gäbele, aber niemòls dädesch du uf naizeahdauset Schritt komma, wenn i bloß zeah- odder dreizeahdauset mach fir de gleich Schdregge. Soo gloi sen deine Däbberla nò au widder et, i ben jò scho mit dir onderwägs gwä!

    #292Author Goldammer (428405) 21 Sep 19, 17:51
    Comment

    Hällou Schbätzla! Heit hot oiner vo meine Pfenderfreind a Wertle gsait, wone id kennt honn: weifla


    Im Sinn vo ruggweis eischnaufa, z. B. wemma feschde blärad hot. Kennad ihr des au?

    #293Author Moi Gab (456541) 22 Sep 19, 13:05
    Comment

    Des Woed kenn i idd. Des isch abr scheinz s Gleich wie hegge.

    #294Author manni3 (305129) 22 Sep 19, 13:50
    Comment

    I kenn boide et....


    D' Etimologie on d' Grimmbuaba kennet "weifeln" als so ebbes wie schwingen, winden, schwenken, abber des basst jò dò et...

    #295Author Goldammer (428405) 22 Sep 19, 15:53
    Comment

    I kenns o it. Gechdern im Krimi hot tatsächlich oine mitgschpielt, dia Goldammer hoißt.


    Sag amol, manni, miaschdes du net längscht a neis Schbagäle knipft hau?

    #296Author bluesky (236159) 22 Sep 19, 16:21
    Comment

    Do isches: Siehe auch: --195--Alemanneschwobeschnierle-195--


    Idd dass dei Sonndaxrueh no gschdeerd wäed, Hemele ;-)

    #297Author manni3 (305129)  22 Sep 19, 16:37
    Comment

    Hegga isch dr Heggr hâu, also an Krambf em Zwerchfell.

    Dau schnaufba it aggdif êi, sondrn dLufft wedd en dLong neizooga.


    Weifla kenn-e ist, abr was es Gäbale dau bescgreibt, däät-e als gatzga beschreiba.


    Hoi, während i gschrieba hau, hat dr manni da Lenk zum nuia Fada gsetzt. Dannggschêa, Manni!

    Hasch heit Ammorga d Drachtafaihla âagluagat?

    #298Author twocents (460778)  22 Sep 19, 16:40
    Comment

    I mach etzt dau zua ...

    #299Author twocents (460778) 22 Sep 19, 19:13
    Comment
    #300Author twocents (460778) 22 Sep 19, 19:15
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt