*angemellbin* (odder so ehnlichl, © breele, des han-e au scho lenger nemme gsäh!)

*aangemälldbin*

:-)

Danggescheen ann de Faadebabba !

Feeschelsche, wannisch Zeidd hann, dann kimmrisch misch graad om eh baa annare Feeschelscha med ganns bunnde Fäddare ...

Auaangemälldbin :-)))

Vrgeltsgott, Manni frs zuavrlässige Beschdla. Bisch a Schätzle!

D'Edith hot am 25. a Imbfo frs Vegale: Geschd wared da Schose und sGäbale middem DAV an da Heuneburg beim Wandarra - da Schose hot hintrdrei 14000 Schritt aufem Schirm ghett un sGäbale 18000. Also machts doch a baar Hennadäbberla meh wia da Schose.

Bei eis kommt grad Zonn raus. I schiggse a eich weitr :-)))

*mit umzieh*

sGaebele, hoss mehr Schridd, weil du guerzere Baa hoss? ;-}

Genau Missi. Kirzarre Fiaß und muaß sellwäga meh Däbberla macha. Manchmal gohts fei scho ugrecht zua auf da Welt!

Vegale, desch so wundrschee dôdoba. I war do schommôl middem Schose, woner auf Kur war. Diesmôl simmer no den Rundwandrwäag gloffa. Swar so äbbes vo schee. Do war an ältarra Schreiner dabei, der hot alle Arta vo Beim kennt und hotmr au am Eichadorff seine Gedicht aufgsait, ois ums ander, Und desdo auno: http://www.handmann.phantasus.de/g_nisranders.html. I war baff, i bring gradno dia erschde boide Schrofa na.

Bin allno ibrwäldigd.

Wuiiii, Manni, ta räsooooo und i her au glei auf middem Jämmerla.

Am Samsdig gôhts ibrigens in da Wald, in dPilz (a gfihrte Tuur - mei Briaderle hott uns dô agmeldet). Genner mit?

Boschurle auno!! (wo isch au mei Kindrschdub?)

Okele. Nôch viar Dägla, momma nimme Fadaschbara und derfen aus da Vrsenkung hola.

Hei Schbätzla, wo sinner?

Drhoim.

Griaß De, Gäbale! Hand-er am Samschdig Pilz gfônda?

Nomml Danggschêa an da Manni fr den schêana Herbschdschbaaga!

I be scho do, abr i hao nix zom Sage außr dasse fiechdeg ondr dr Herbschdmiedekaid leid.

Vileichd oo oifach däer Herbschd dess Läebens ;-(

Oh, Manni, bei mir herbschdelleds doch au ganz gwaltig.

Senzle, dia Pilzwanderung isch wäga Pilzmangl abgsait worra. Dafiar waremer mit meim Bruader aufem Känzelewäg bei Brägenz wanderra. Do hemmer oin Steinpilz gfunda.

Mir wared heit am O... sein Geburdsdag feierra. 18 Jôhr alt ischer worra. So an scheena Bua!

Liebe Leute, ich brauche eure Hilfe. Neulich tu ich mich so schwer beim Einkaufen, ich will doch klimafreundlicher einkaufen (wollen wir das nicht alle?) und fuehle mich staending von einem schlechten Gewissen begleitet. :-{

Als Beispiel! Hab ja diese wieder verwendbaren Netze fuer Obst und Gemuese gekauft, jawohl, keine Plastikbeutel mehr, denke ich mir. Letzte Woche habe ich die Pink-Lady-Aepfel aus Chile da reingetan. Oh oh oh, dachte ich mir, das geht ja gar nicht. Hier wohne ich im Obstparadies am Bodensee und kaufe Aepfel aus Chile (die schmecken Mr. Anthropy halt am besten :-P). Jedenfalls dachte ich diese Woche, ich mache das jetzt richtig, habe auf die chilenischen Aepfel im Supermarkt verzichtet und bin dann von zuhause aus zum Obsthof meines Vertrauens hingelaufen, um Gala-Aepfel in einem -- TA-DA -- Plastikbeutel zu kaufen. Arg! Wie man's macht, ist es falsch.

Gäbbds dann kää Wochemaagd odda Bauremaagd bei Eisch ? Odda Hooflääde ?

Des isch doch a Hooflääde mit dera Plasdigbeiddl!

Muss wohl zu einem anderen Hoooooflääda .... das würde aber wiederum bedeuten middem Audo fahren ..... Arg arg arg .... frueher habe ich keine Gedanken drueber gemacht, so langsam nervt's mi a bissl.

Nimmschd a baumwollene Däsche midd odr an Jutesack, fillsch dEbfl omm ond lasch eahm sein Blaschdeckdrexbeiddl doo! Vileichd läerned ers so bessr odr du erdailschd eahm a Leckzjioo in Omweldbewussdzei!!

dEdidd moind no, dass i beim Eikoofe im Bio-Subbrmarkd aingdle alls oovrbackd in de Rucksack neidoe. DÄerd vo de Äerdebfl schiddle i nochem Ausbacke ind Bloemekäschde uffm Ballkooh.

Dia baar Blaschdiggugga, wo-ne no kriag, nemm e entweedr als Vrbackông em Kiahlschrank (zôm Beischbiel beim Aggrsalaad), odr dia greaßre fr da Abfall. Em Millkiebl han-e nemmle nauch wia voar a Blaschdiggugg.

Ja dia blede Blaschdigggugga! Ond des billige Blaschdiggglombb, wo d Kendr iibraal als Gschenggle griagad, zom Doil ao als "Giff awei" bei de Geburzdäg ... abr da muaß i mir selbr Äscha auf da Grend schdraia :-(

Wo meine Kendr no gloi waradd, hanni des durchaus au emmr mal wiidr kaufdd ...

Liff end lörn ....

Iiberhaubbdd, dia ganza Schenggerei machdd an Heifa Abfall! Wenne bloß sii, dass a Duschgel en dr Blaschdigg-Fläsch ao no en a durchsichdigga Blaschdiggfolie eigwigglad ond midd zwoi Mäddr lange Blaschdiggkorggaziahrlogga zuabonda wädd ....

Meine gloine Verbesserong em Alldag:

Babiergugga vom Beck nemme schdadd Blaschdiggmillbeiddl em Räschddmüll, des gadd ganz guadd., Senzle. Meine reschdliche gsammladde Blaschdiggeikaufsgugga send mr dao drfiir z schaad, well dia werrad langsam gnapp.

i nemm fr mi bloss no Soif ond feschdes Schampu, na hanne dao scho koine Blaschdiggfläscha mea.

Des isch ao wirgglich koi Vrzicht - des feschdde Schampu isch subbr, zwischanei ao a richdigga Haorsoif, des duadd meine denne Haor guadd! Ond i fend Soifa zom Duscha ond Hendwescha enzwischa oifach fiil angeneemr - i gönn mr au emmr mal wiidr richddigge Luxusoifa, handgemacht ohne Palmöl, i sag mal: Waschvergnügen wie noch nie! ;-)

a bissalle a Naochdoil bsondrs bei onsram hedda Wassr isch, dass ma hald am beschdda glei hendrhär wischa muaß, soschdd haddma em Wäschbegga ond en dr Dusche dia Kalggbiche ond brauch mea Essig dass saubr wädd.

Sodale, an scheana Feidigg ui alle middanand!

Etzd hab i widda was Nais gelernt. Feschdes Schampu! Wussd gar ned, dass's sowas gibd!

Dangge fier all eure Beidraege, ich seh schon, wo man was machen ka, machd man was, wo's ned gehd, gehd's halt ned!

Das naechsde Mal hol ich meine Ebbfl aasm Unverbackd-Ladn, do gibbs keine Plaschdiggbeidel ond die Ebbfl send aa von do.

Zom Hendwäscha nemm i au Soif, on zom Duscha gar nix. Seit viele Jòhr bloß Wasser. On i schdenk edda!

Feschts Schampu han i au ausbrobiert, et schlecht, schdemmt. Abber irgendwia isch mr's flissiche doch grad widder lieber - also momendan vrbrauch i grad ois, des wo mei Schweschder hòt liegalassa bei mir, on wenn des leer isch, lass e's Fläschle beim Õverpaggtlada widder uffilla. Dò derfsch deine eigene Fläschla on so weider mitbrenga, se wieget's dr on ziaget's Gwiicht an dr Kass ab, wenn da mitm ufgfillda Fläschle drher kommsch.

(Was ischn dr Onderschied zwischa feschdem Schampu on Hòòrsoif, Schwäble?)

Ah brima, danke!

So ois mit ra Essichschbielong han i vor Jahren schoml ghett, desch mr nò au irgendwann z'bled worra. (S....t han i au scho als saub...unst et vrschdanda....also bei mir koi Befirchdong wegga Werbong...)

@#23 Wenn das eine Werbung sein sollte, hab ich's gar net verschdande! ;-}

Heute hatte ich einen Kunden, der war offensichtlich "net von do", sprach aber ganz gut Deutsch, und das komische war, er sagte "han" und "oine". Er ist offensichtlich zu lange im Schwabenland gewesen! ;-D

Schees Gschichtle, Manni :))))

Dät eich wiedrmôl a "Guats Nächtle" winscha mega!!

Manni, gôhts dr guat?

Danngescheen !

Fonn mia gäbbs aach noch eh baa Gunnaachds-Bissuus fa allegaare !

:-)

Oh, geschd honnes nimme gsäa, abr waffer an scheena Dagesafang heit. Dankschee ihr zwoi boide!

Guada Morga au no liabe Schwôbawelt!

Grad honne ande dengkt :-))

Guada Morga Schbätzla! I hoff, ihr sen gsund und gfräß. Bei eis scheint heit a hegschd liabenswerte Herbschdsonn. I dät so gern wanderra wella, abr da Schose will id. Vegale, wia wärs? Laufamer zämma?

Boschurle au no :-))

re #34: S'dätme indressiara, wa sAmoisle dazua moint.

Machsch a Foto?!

Freime fr di, Vegale. I lauf in Gedangka mit :-)

Hoi Himmale, bisch auamôle wiedr dô?

I bin immr do, i hen bloß nix zum sage.

Assoooo

Sigschde, i schwätz au, wenne nix zom saga honn ;-)

Guada Morga au no! Alle Schbätzla an scheena Dag winsch. Zonn scheint scho.

Boschurle, Schbätzla! Geschd honne dohinna no äbbes geschrieba und jetz isches vrschwunda. Hä?

Manni, i honnde gfrôgd, obda soan Heimgebbl hosch, auf dem da auf da Schdell radla kasch und koi Angschd honn muesch dass da rabkeisch. Wellemer Gedankga mach, wia du de fit halta kasch, wenn des scheiß Knia nimme will.

Hach war des a scheener Herbschtdag. Mr sen en dr Sonne gloffa on hen Pilz gfonda (Budderpilz on Parasol)

Senzle, wia liab! Danke !

Hällow, Schbätzla!

Da Schose und i wared heit in Kißlegg. A nedds Schdädtle!

*wingk*

Was war der Anlass, Gaebele?

Aalass: zwischedure hald mea amohl a Bussi uff de Obrschenkl: Kiss-leg

Manni, auf dia Idee kahsch au bloß du komma ;-)

Missi, miar henn in Fuaßbisuuh a Bebimadraz abgholt. Beierra ganz nedda junga Frau. Dia hot gmoint sia hei jetz drei Kind und Bfamiliaplanung sei erfillt und sia brauchdze nimme. Andre henn des au gmoint *hihi*.

Bai ße wei, Fuaßbisuuh ischa ganza netts Schdätle.

Boschurle au no!

*Oahraschbiddz*

Z Gäbale braucht a Behbimadraddz!

(bischbr bischbr ....)

D' Sarah aus dr Bibl isch no elder gwä wia's Gäbele, wo se a Bebimadratz braucht hòt!

*zrickflischder*

[wischbr] Dr Schose vor Sarah isch abr oo a Baddriarch gwe! [/wischbr]

Lachme schäbs, i und nommel a Butzele griaga und des middem Schose zämma. Mai, wenn des Kind zeah Johr alt isch, no wäramer Achtzge. Nonoi, i bins id. I wirr bloß nommel Oma und deschmr au scho gnuag Freid!

Graddeladzjoo zuer Oma - ond vihl Fraid midd deam Budzele :-)))

Jiez weich idd aus: Isch dr Schose a Baddriarch odr idd??

Ja logo, Manni !

Guads Nächtle au no :-)

Graddulaadsjoon fass neije Buddselsche ! ... unn Gunnaachdsbissuss !

Senzle, des war ammel luschdig, wemmer mit unsre Gedderengkala eikaufa ganga sin und dia uns Papi und Mamie gruafa honn. Mei, do hot efders äbber da "Wa-so-alde-Elterra!!!-Bligg" drauf gkett.

Da Doc hei gmoint, sgä a großes Buzzale. Donnergeddin war sellmôls scho an räata Brummer - 4ahalb Kilo. Alle Kinder henn per Kaiserschnitt gholt werra miassa, wellse so riesig wared.

Guada Morga, Schbätzla! S'isch wiedramôle a dr Zeit, sFädale zlupfa, vors im Nirwana vrschwindt.

I winsch eich a schees Dägle. Am See schbitzlat grad Zonn durch dWolka; i dengk, swird an scheena Dag. Und, dasser au äbbes davo hend, schigge eich Zonn weiter.

Se isch akomma, danke!

Dr Dengs on i hen drmit agfanga, mehrmòls bro Woch morgends vorem Friehschdigg zom laufa (also et renna, sondern laufa!!) - vom Haus weg, hendanom oder d' Achalm a Schdiggle nuf. Des duat ons richdich guat. Letsch Woch hemmers dreimòl gschafft, geschdern semmer sowieso uf dr Alb gloffa, on heit frieh zwòr bloß a gloine Runde vo zwoi Kilomeder, aber besser wia nix on dr Graislauf hòt's eddafall uf Drabb bròcht.

I will nadierlich au a bissle abnemma....desch abber eher fruschdrierend gloffa bisher, des Bfond wo-n-e abgnomma han, han-e au widder zuagnomma....

Heit isch mr a Werdle vrkomma, wo-n-e scho lenger nemme ghert ghett han. Kennet ihr des?

A Bubabberlesgschäft?

I kenn baides idd, abr s Bubabberlesgschäft kudd beir nägschde Ausgab ins Wäedrbuech - ond gloichig vieleichd oo.

... und mir saits au nix, wedrs oi nos ander ...

Vegale wia hosch des bloß gschafft, dass da Dengs effdrs middr laufa gôht (#61)? Da Schose duat id danôch (odr sagemer amôl, sein innerra Sauhund hotts Kommando ibrnomma). Schad, wells wichdig fr an wer (moint au da Doc).

Au an scheena Ôbnd winsch!

Du bisch ganz schea raffenierd ;-))

goicheg - i globb, mei Vaddr hadd drzue glembfeg xed.

Raffenierd, Manni? --> intelligent !!! gwieft !!

Guada Morga au no :-)))

Guada Morga, Liablingschbätzla und an scheena nô!

Eier Alloiuntrhaltr ;-))

Noi, Gäbale, bisch it. I gfrai me jedsmool. wenne-e ebbes von Dr lies.

Bei mir isch halt grad lagg.

Am Senzle an Bisuu schick! Mir genn nocher mit meim Briaderle da Pfendr nauf und donn noch in da Pfendrdole Kässchbätzla essa. Mueß gwieß a eich Schbätzla denkga :-))))

Doch, Alloiuntrhaltr ;-)

Mir griaget heit Bsuach aus Gallia. D'Bettr sin gricht, sHaus isch buzd. I gfreime.

Ibrigens, se schnibfled am Nussbaum und an da Haimbuacha umanand - des hoißt, se schneidet bloß oiseitig weg, wa ind Bahn numhengd. I woiß id, wa des werra soll. Hon koi Imbfo, woiß garnix und dia Manna, wo da am werkla sin, wissed au nix :-(

Bei eis isch a wondrscheas Aldondjongweibrsommrweddr. Dr Nochbor schnibfled o an seir Heinbuechehecke rom, obwohl do no nie koi Zug idd gfahre isch, heggschdns dHond saiched ommanand.

Dond de räechde Reame nauf, gell!

Bohkuh Amüsemaa midde Galliar, Gäbele :-))

Hoffendlisch schnibbelese nedd ßefill an deem scheene Baam eromm ...unn ann de Hägg aach nedd !

Isch wisch Eisch aach fill Amiisemoo meddem Besuuch ! Bissuus !

Samschdigsreama? Des Wuchaend meamr alle naus - dia ledschde scheane Däg! I reiß heid dTomata raus. Hau de greane scho abgnomma. Zwoi Gurgka hengat no em Haisle. Nochd ischs rum.

Hand an scheana Dag, Schwauba-Schbätzla ond andre Schbätzla.

Des Degganäschdle in d'Nähe vo dr Heizung rucka. 'S Kätzle mogs doch gera warm.

Dò gòht die nemme nai wemmrs reloziert. 'd Addragzjo vo dem Blätzle isch grad, dass-es so abgläga isch henda em Schlòfzemmer henderm Gloiderschdender wo se kois so leicht fendet...mir hent an Kader en dr Nòchbrschaft, desch a ganz vorwitziger Denger, der schaicht onser gloine Mathilda ällaweil gern. Der kommt au mòl zor Katzaglabbe rei. Abber hendadomma ens Schlòfzemmer gòht der et....

Jo, halbseidig abschnipfla wärmr au liabr, Vegale. Aber, wa duene au, wenn dBah moint i sei jetzt dazua vrpflichded, des immr freizhalta, so dasses id die Kabl schdehrt? Zwar schdamme wahrscheinz vom Affa ab, abr in dBeim glettarra duene nimme, dôdamit honne for faschd sechzg Jôhr aufgehrt. Und, dasse jedz Johr des arsche viel Geld frs Drimma zahl, dodafiar binne id flissig gnua.

D’Maschda schdenn, s’Vrschdärkrkabl und dia Obrleidunga henged, ganz nô am Heisle danna. S’sieht absolut ugsund aus. Zapzarap (kenneder des au?), miar schdäahldenna Xundheit und da Schlôf. Ganz zschweiga, dass da Wert vom Heisle in Keller gôht. I woiß id, wia langeme no dra freija ka.

Vegale, mei Nichde hott au a fremde Katz ghett, wo allbott durch Glabba rei isch. Jetz sinn ihre Glabba brogramiert auf die Dschibbs vo ihre Katze und koi fremde kommt me ins Haus nei.

Awwa dii Ziisch unn dii Läädungge senn doch nedd soo hooch ... doo kännd ma doch dii owware fia femmf Meeda fomm Baam losse wii se senn ... wann dii Äschd schdabiil genuch senn ...

Wenns im Wendr an Haufe Schnäe hadd, send die Äschd idd schdabiihl gnue!

Ond wenn da Kaktus vors Degganeschdle stellsch? Dann ischs Kätzle no mehr verschdeckt.

Mein Gallierbsuach isch wiedr weg (loidr) und morga due da ganz Dag mit da Donnergeddin Franze lerna. Schee, des große Kind da ganz Dag fr me aloi honn.

Guads Nächtle und schlofed guad :-)))

Nämm noch Gunnaachdsbissuus medd !

:-)

Habe gemacht, brélele :-)

Scheen haschde dass gemachd, mon Gäwwelsche !

Guada Morga Schbätzla!!

Zonn scheint idd, i schigg eich abr wellawäag a baar Sonnaschdrahla num, wonner au sei meged.

Dannggescheen ! Faäänselld schaffes eh baa, sisch doasch dii digg Wollgedägg doaschdebämmfe !

Bei eis fangeze a schbitzla!

Bossoarle und guads Nächtle, Schbätzla!

I kamers vorschdella, Vegale :-)

Mir henn heit a oinigermaßa schees Wedderle ghett, obwohl da Barometr wiaschd azoigd ghet hott.

Oine vom Schose seine Nichda isch au in Kanada. Abr dia bleibd und läabt jetz dô.

Wettsch au sodde Heedschich, Gäbele? I keet mr des vorschdella, fir di welche zom schdrigga.

Ha dô däte id noi saga !!!! Abr bloß, wennda nix bessrs zom dua hosch :-))))

I dät zersch am Dengs seine ferdichmacha. On i schdrigg et so arg viel momendan. 's keet also a Weile ganga bis se ferdich sen. Hòsch an Farbwonsch? Neidral schwarz oder grao, odder velleicht donklblau odder burgunder? Weiß on helle Farba dät i et so embfähla, dia schmutzlet so arg.

Schwarz odr grau odr blau :-))) und sderf ruig a Jährle dauerra

Ischmer grad vorher eigfalla: a Kuglfuhr

Kennader des au?

I glob idd, dass i des scho amohl käerd hao.

abr Grimms Buebe hanz:

kugelfuhre, f. tolles treiben:

pfui! in häusern, drin vor zeiten

marder, iltis, mäus und ratten

ihre kugelfuhren hatten,

jezt unselge geister schreiten.

Just. Kerner dicht. 2, 326 (bärenhäuter).

bei Schmeller 2, 23 guglfuhr aus Selhamer, umdeutung von gaukelfuhre, mhd. gougelvuore, gogelvuore, auch schon gugelvuore Lexer handwb. 1, 1044.

Alles Rodscher!

Mier hand grad a Klassedräeffe vom Abeduur kedd. Ganz schea langweileg: Laudr alde Seckl ;-)

Wiaviel sendr denn no? Odr warsch alloi?

Also i fend alde Seggl endressant! I frai me uf onser nägschds Glassadreffa nägschjòhr!

On glar kenn i a Kuglfuhr! Hemmer des echt no-et en dr Werderlischde? Noe, hemmer et i han grad gugget. Wenn da se amòl widder abdeidesch, manni, nò durschs mit nei.

So sieh i des au. Môl säja, vielleicht saits Senzle no was dazua. Oders Schwäble, oders Amoisle.

Asso, sgitt doch nix indressandrs ass a alts Weib. Gugg doch mol mi ah (lachme schäbs)

Hellsch de dezent raus aus dera Diskussjo ieber alde Schachtla, gell manni?

Dr Hyazinth Wäckerle isch aus Augsburg, dia schwätzet scho andersch als die Diebenger. Em neizeahta Jòhrhondert beschdimmt no maih wia heit.

I han dene gschrieba, velleicht schigget se mr jò dia vier Seida.

Dô magsch wohl recht honn.

Wane eich noch frôga honn wella: Saged ihr au manchmal "jô, noi" ? Des macht mein Bruadr efdrs und mir isch aufgfalla, i dues au.

dAugschburgar schwädzed gwiiß ganz andrsch als dDibengar. Des send 140 Killemeddr Lufdlinje ond d Illar drzwische!! Oschdschwobe ond Wieddebäergar - andre Welda!

Fonn woo esses däa, däa wo dass inn de Numma hunnadswääjeswannsisch fazeel hadd ? Dass ess fa misch fasschd soo gudd se faschdeen, alls wänns änna fonn doo inn de Geeschennd geween wäa ... odda binnisch nua schonn soo lang doo im Fäädelsche debei, dassischs soo faschdeen duun ?

Scho glar, Manni. Bsondrs wemma ibrlegd, dasse vo oim Neschd zom andre (doilweis iddamole zeah Km ausanand) scho andersch gschwätz honn. Abr, Schwäbisch isch Schwäbisch und au em Wandl undrläaga. Wer find heit no äbber, wo woiß wiase 200 Jôhr frianer det gschwätzt (Lautsprache) honn? Swird id viel alteigsessane Tiebingr Familia gäa, dia wo des Schbrochguat a d'Nachkomma weitrgäa honn, sodasse heitno wia sellmôsl schwätzed. I honn halt nochama Tiebinger Dichdr vo Afang 19. Johrhundert gsuacht, wo in Mundart gschrieba hot und nix gfunda. Z'Tiebinga isch amole a Annaliese gmacht worra ibr da schwäbische Dialegt https://www.stuttgarter-zeitung.de/inhalt.spr... vielleicht wissad dia meh.

Bréle, der soll aus da Augschburga Gegend sei.

Dia werat halt en E-Mails drsoffa sei ... :-)

:-)

Emmerle, hasch ammend schwäbisch gschrieba ônd dia Kerle iebrfordrt?

Noi, abber i han se eiglada, dòhanna amòl reizomgugga, wenn se authendischs Schwäbisch erläba mechdet!

:-DDD

Wa au no a Idee wär, isch Tiebinger zfinda, wo sellmôls ausgwandered sin und underanand allno so schwätzad, wia frianer. (zAmerika vielleicht, do solls jo so äbbes gäa).

Assoo, wenn dia jetz dôhinna mitläased, no muene jô aufbassa, wane vommr gib. Asso, wia gsait, i glaub id dra, damma dô no äbber/äbbes find, wo middem Tiebingr Dialegd zom dua hot.

Bai ße wei: Meine Engklkindr schwätzed koi Schwäbisch me, des hoißd, dia schwätzad eahnr Badisch. *heil* (des soll idda heil hoißa, Ihr vrschdenn wane moin).

Des midde ausgwandrede Diebingar isch moine a ganz a guede Idee. Normalarweis isch ja so, dasse in sedde kloine Grubba brackdesch koin Schbrochwandl hand außr a baar nuje Wäedr uss dr Omgäebong.

Also i moin, fir dene ihrn Zweck dät's au heidichs Schwäbisch hier aus dr Region. Wichdich wär nadierlich au, wer dò en dem Manusgribt schwätzt - a Brofesser odder au a Bfarrer aus Diebenga (bei letschdere hett i sogar bassende Vorfahra aus Diebenga, bloß han-i dia nadierlich nemme kennt....) hòt au selletsmòl sicher sähr gebflägdes Honorazjoraschwäbisch gschwätzt, em Gegasatz zoma Gòg (=Wengerder) aus dr Weschdschdadt.

I dät dene des Manusgribt scho gern iebersetza, so guat wie-n-i's nãgriag, abber wenn se sich et meldet hen se Bech ghett.

I fircht, des gaht dtrotzdeam en dGritze. Dia went des scheinz au schwätza, abr gschriebaner Dialeggt kâa vo Leit, wo den Dialeggd it schwätzat, moischdenz it richdig ausgschbrocha werra.

I erennre mi an dWeebr vom Hauptmann em Deadr zAugschburg. Dr Hauptmann hat dau a baar Rolla em schlesischa Dialeggt gschrieba (zSchdigg schbielt zObrschlesjen). S isch grausig gwêah fr mi (mei Oma isch vo Schlesjen komma, ônd i woiß, wi ma's schwätzt.)

Off dobbick - uss de Wäebar isch mr blos oi Schdell no in Erinnrong: Das Aas gehert ärschlings uffgeknibbd!

Heit Morga honne mei Briaderle aus da Klinik abgholt und hoimbrôcht. (Er hot a Schlittaprothees ins linke Knia grieagt). No ischmer am Manni sei Gnia eigfalla und au, dasser scho lang nixme davo vrzellt hot. Und no dätme auno glei indressieara, wias seim ISG gôht.

Sodele, heit Ôbnd gange mit meim Briaderle seiner Zahärztin (koi Goschaglembnerre, des bassd idda zuama soa liaba Menschle) aka Schätzle zu Missis Konzert. Freime schô.

Vegale, hosch scho a Füße-Rücken?

Gäbele, meim Knie gohz amohl soo ond amohl soo. Abr s goht allad asoo ;-)

Was isch a ISG?

Ond was fier a Konzerd mached dMissi?

Danke fuers Kommen, Gaebele! *nochmal drueck*

Des war subba war des!

I tipp amole.

ISG - Illjosaggraalglengg, des,wo dHex neischiaßt

Fiaßrugga - fiehdbägg (it z hendre Fidla odr a Buggldäsch, sondrn Rickmeldong. Dia Englendr send hald gschbässige Leit.)

Isch bei ui aingdle oo so kald? Mines oi Grad hads om achde kedd ond jiez grad hads null!

DuSenzle, des konnz sei! I due jedn Moege a bissle durne ond des dued em ISG (wenns denn sIlljosaggraalglengg isch) gued :-)

Vegale, sSenzle bringz aufda Punkt! Wow, Senzle, da bisch absoluat a saugscheiz Mädle.

I war geschd in Friedrichshafa beima Konzert, wo sMissi auf da Biehne midgmusizieart hot. Gigandisch wars. Leitla, do henner äbbes vrbassed. Am Bro seim Dentischd hotz au sauguad gfalla und se hot gmoint, sia gieng wiedramôle mit.

Missi, ju are marwellas. Ai admayer ju!

Endwedr an Helm aufnemme odr dHoor dubbiere ond mit liddrweis Hoorfeschdegar an aigene Sichrhaizbolschdr uff de Grend schbreje ;-)

Indressant, Karinkale!

Guada Morga auno, Schbätzla!

Abbreboos Helm: Isch dr Schose mea amohl gradled? I denk offd an eahn, wenn i ibrleg, ob i jieds de Helm aufnemme soll odr idd, wenn i bloss kuuz zom Rewe nomm radle.

Noi, Manni. Turboscheißdreggle! :-(

Re: Füßerücken....das Wortspiel gefällt mir saugut aber müsste es nicht "Fütterrücken" heißen? ;-D

Missi, fier die wo Schweins- ond Kalbsfieß fueddred, isch des kubfd wie gschbronge ;-)

Fütterrücken isch logischerweise dausedmôl bessr! So weit hoz bei meim Schbatzahirn halt idda groicht *hihi*

Gäbele, Ai ebrischieid ße sofd d in juer Bronansieischn off "fiht" werri Matsch! Wandrfull 😁

Lods off Dreimillemeddrsondrahla UUUU

... eh bokuh de Bihse :-)

Biss uff de ledschde Sads, däe wo franzesesch isch, sodd des aingdle a jeds vrschdau. Mier send schließle in am Engleschforum, gell ;-)

Guez Nechdle ohlwissenasser!

Do magsch midd deir Schkebbses allardengs räechd hao. Wahrscheinz mießed die, die wo die ledschde zeje Johr idd reglmäßeg middgläese hand, a Aafrog bei Dschörmenn missing schdarde ;-)

Genau! :-DDD

Bai ße wei, der Fuzzi wo Diebenger Schwäbisch braucht, hòt sich doch no bei mr gmeldet. Der Tegscht isch scheints a Dialog zwischem Helderlin on seira Bflägere uf ma Waldschbaziergang. I han em gschrieba, er kenns amòl schigga on i gugg mr's durch.

I han en au gfrògt nòch a bissle Kondegscht (mr isch schließlich bei Leo!!), wa des fir a Brojegt wär, fir des er des briicht, on was er fir oiner wär. I be gschbannt wa-n-r secht.

Des haunemr glei dengkt ghett, alzne des gleasa ghett hau - Diebinga, Mitte 19. Jh.? Desch beschdimmt zwengsam Heldrlin. I moi, dr heidige Dialekt vo dera Gegend isch grad reacht fr dean Dialog, was as Dialegktale aagott. Schwierig dieft abr dr soziale Schbrochschdiel werra. Dau hatmr ja zwischa de Schichta reacht ondrschiedlech formuliert.

Genau des han-e au denkt. On em Hölderlin sei Schwäbisch war beschdemmt a Honorazjoraschwäbisch wo sich vo meira Muaderschbròch et so arg onderscheidet. Wenner Gòga hett schwätza lau wella, dò hett i glaub i meh Brobleme ghett.

I be gschbannt ob no ebbes romkommt vo deam.

A wäre doch nia in eire Schuala ganga. D’Wissaschaft, dere bis nab ins Loch gfolget bin, vo derra i, jung und bled wiane war, erwarded honn, dassemr mei pure Freid beschdädigd, hottmr älls vrdorba.

Nix isch so gloi und nixig auf da Welt, damma sich id dra freija kennt.

(frei nôch Heldrlin)

Guada Morga aunô, Schbätzla!

Hoi, Senzle, schee dassda dô bisch.

Schiergar? Noei, ganz dodal :-)

schiergar gäbbs bei unns glaawisch nedd ... schier/a allään schonn ... so wii in : do kännd ma joo schiea faßweiffele ...

Do honnes jetz auno gfunda: http://www.schwaebisches-woerterbuch.de/defau...

Guads Nächtle, Schbätzla!

Nämm noch eh baa Gunnaachdsbissuus dii Trebb medd enuff !

:-)

Schier ond schiergar kenn i freili au.

Vegale, da bisch a Käpsale! A scheene Devise fr me isch, dass nix so gloi und nixig auf da Welt isch, damma sich id dra freija kennt. Abr woisch, auswendig dahersaga kane des au nimme, des honne selbr ersch nomml gnau rescherschiara miassa.

Manni, dätsch bitte, wenn sich's môl abiadet, schiergar ins Weddrbiachle aufnäahma wella?

I honn nommel oi Werdle im Hirn ghett, abr des hot sich zwischaduere vrpisst und isch bisher nimme aufdauchd (*grrr*). Wemmars wiedr eifallt, melde me wiedr.

Wochaende! Zonn scheint. Druggedmer bitte dDauma, dassda Schose morga mitmer und de Pfendrkamerada an da Arga bei Flunau wanderra gôht. (Pfendrbah wird im Novembr amml gwardet).

Häff a neiß Deile, Schbätzla!

*Dauma drugg*

Vrgeltsgott, Missi. S'hôt nix gnizt (abr, s'hott jô au gschifft heita Morna!)

Schbrochfrog: Em Radeo kommt grad a Liad vo Sparifankerl, bei deams em Refraa hoißt "i bin a einschichtiger Maa". Des hotme iatz ganz drausbrocht, denn bei mir däd des 'einschlichtig' hoißa. Abr bei de Grimms fende oo bloß 'einschichtig'. Haune dau mol mear a Word erfonda odr kennt des doch no ebbr?

Also, mir sait an einschichtiga Maa nix. An einschlichdiga scho eher - oiner wo nochgit, oiner wo eilenkd.

Oischlichdig däd bei mir oifach, ned arg hell endr Bölmeß, einfältig hoißa - ond i hätt agnomma, daß des en deam Sparifankerl-Liad oo so gmoint gwäa isch. Abr iatz benne doch am zwaifla.

Baisewei: Da Reama nauf!

Dangkdr fr dia Reschersch, Reeva. Ond drwischt hoschme oo ;-) Schaugt so aus, alz häb i mir dau doch mear a Werdle zamboga. So wia mit 'ullern' - i war mir dodal sichr, daß des alz echts Wort git. Gits abr lei en meim Koobf - sooscht kennt des kois.

Vihl Vrgniege weidrhee ond oo vihl Erfolgbeim Middläese ond mankmohl oo Middschreibe, Reeva ;-)

Laut vorlesen, dann klappd das scho. ;-}

s`Wälderbähnle...jo des kenntma, obwohls scho lang nümm giiet...

Gäbele, kummsch mi denn oh mol bsuache ? I hon müesa zügle (geschdr zwoar ersch) ganz i^d Nöhe...

Abr gern, Karinkale. Abr morga fahremer scho wiedr gen Weschda.

Für länger glei ? :-(

Mir hupfed. Mein Bruedr isch in Eschinga im Krankahaus und no kommdr noch Bad Dürreheim in dReha. S'ka sei, mer sin nägschda Fr wiedr fr a baar Däg do.

Zügla hoißt umziaga, oder, karinkele? Des macht mi nadierlich au neigierich...

Wo mr heit en dr Kirch an de vrschdorbene Leit denkt hòt, isch mir onser Botzich eigfalla.....desch jò jetz au scho wieder a baar Jährla her, i woiß no, dass-r en dr Vorweihnachtszeit no als amòl reiguggt hòt obwohl's em nemme so guat ganga isch...ach des isch scho a liaber Kerle gwä, onser Botzich....

Ach, unnsa Boddßisch ... bei de Idalljenare im Gwassellßimma hannse imma noch eh Fäädelsche, dass woa aangefang gehadd hodd unn woo sisch imma noch halle duud ... dass freid misch imma, wannischs siin duun ...

Gunnachdsbissuus !

I denk oo efdr an de Bodzeg. Däe gohbr scho räechd aa!

Bei uire Wandronga denk i: Schad, dass i so ebbs nemma mache kaa: s Knie onz Schnaufe ;-((

Eh Feaddelpunnd ess eh Feaddelpunnd ... odda aach nua eh Feaddel ...

... eh Fialing hannisch doodefoa noch nedd gehead ...

... awwa filleischd ess dass bei de Schwoowe annaschda ... wannischne ess näggschdemool siin, kannisch mei schwäwwischen Schwooa frooe, obba dass känne duud ...

Fier a Vierdlbfond kenn i bloss a Vierdlbfond.

I oo.

GsD hotzme ned ens Bairische vrschlaga ;-)

I a Siach? I glob, i sodd amohl a ernschz Wäedle midd dier rede :-((

Also mei Schweschder moint, se häb des bei ons drhoim z' Ondriedenga au ghert wo mir gloi waret, des mit dem Virrleng. Komisch, i erinnere mi et - aber mei Hirn isch au a weng a Sieb.

I warde no ob's Gäbele ebbes zom saga hòt zom Thema, on nò kann i meira Nichde Bescheid saga dass des offabar et allzu weit vrbreidet isch heizdag.

(Odder velleicht gugget au no andre rei...'s Schwäble velleicht?)

I ben zwar net 's Schwäble, abbr i kenn Virrleng au net fir a Virdlpfond.

Asso, i kenn Virrlin idda. Bloß Vierling und des sin Butzela (dia nadierlich waxed ;-)

Hoi, a Schdiggle.

Bossoarle, Schbätzla!

Bossoarle, Gäbele :-))

Gunnoomend allegaare !

Och, isch hanns Schdiggelsche fabassd ... schaad ...

Vrbassd? Isch doch egahl.

I hao glei neizeh Minudda schbädr gandwoeded ond koi Reackzjiooh kriegd - koi Ondrschied zom Gäbele midd vierehalb Schdond schbädr odr dier midd zwaiehalb Däg schbädr :-(

Danne griischde weenischdens eh Gunnaachdsschmaddsa innahalwad fonn Minudde fonn mia !

:-o

Oh, Manni, caro mio, i bittde gnädigschd um Vrzeihung. Hette des gwießt, wär id so schnell vrdloffa.

Machd nix, mei Gäbele: Boo Abbrämidihle aweck Dreimillemeddrahla eggsklüsiwemaah puhr toa :-))

Schö mö weggs zweggs de Ahla!

Brauchsch de idda weggsa, Senzle. Miar doilet :-))

Boschurle Scheißerla und bonn schurnee!

Bonn schurnee ond bei eis hadz de äeschde Schnee.

Aingdle isches a Schnäe, abr däe reimze idd uff schurnee :-((

Schdellad eich vor, geschd honne an Läbkuacha griagt, mitamma Nikalausbildle drauf, so wia frianer - da Läbkuacha isch vonerra Bäggerei aus Lindaberg und schdellad vor, do schdôht drauf: BILD NICHT ZUM VERZEHR GEEIGNET. Heddad iahr des gwisst? Und, wa duan au di Leit, wo koi Deitsch läasa kenned?

Dia han oifach Bech ghett. :-(

Odr no an Reschd Vrschadnd, dann wissat se nemmle, dassba koi Babier frisst, ballma koi Goiß isch.

Die mießed des Babbier middfräeße, weilses ja zahld hand ;-)

Mei Dande Zenz (Johrgang 98) hadd denn sage kenne: Wenns gschluckd ond gschlonde isch, isch gleich was donde isch!

Abr die hadd scho läese kenne ond des Babbier heddse hegschdns aagschläecked, weil des gwihß mid Zuckar druffbabbed isch :-)

*hihi*

I hetts glatt gfressa, wenn se idda äääägschdra draufnagwiesa heddad.

Du bisch halt doch a Goiß! ;-))

Re #227 "Mei Dande Senz..." hohohohihihihihahahaha, lach me grad kugelrund...Danke, des hot min Tag grettat !

Alls Kinnd hoddisch dii aach gekännd ... dii Lääbkucheniggeläis medd de Billdja droff ... doo hodds glaawisch nedd droffgeschdann, dass ma dii nedd ässe solld ... isch häddse awwa aach eh nedd gäss ... dii waare fillse scheen fasse se ässe ...

:-)

Assso, wenner moinet, no vrzichde halt drauf.

Guada Morga auno, Schbätzla! Zonn scheint scho sauschee und ich winschmr, dasser älle an schena Dag honn.

Klôs Klôs Diggafiedla, lommer au an Epfl liega,

abr jô koin faula, sonsch fange a zu maula.

"Aua," schreit der Bauer, "die Aepfel sind zu sauer, die Birnen sind zu suess und morgen gibt's Gemues'."

I moi, i wäer me moanammoeges mea amohl rasiere, nocha kani zObed a baar frischkredzege Ahla aabiede ombfileichd a baar gladdbackede Fehla reizamsre ;-)

Wäe des no lihsd, voer a in sBedd flacked, deam wensch i a guez Nechdle. Wäes äeschd moenammoeges lihst, deam wensch i, dass a zue de frieje Vegl ond idd zu de frieje Wirm käed ;-)

Scheinz kehre zue de frieje Vegl :-)))) Wirm wille koine, mir sin deine Ahla liabr.

Guada Morga au no! Änd häff ühn bonne schurneee, herzallrliabschde Scheißerla!