Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --200--Alemanneschwobeschbage--200--

    Topic

    --200--Alemanneschwobeschbage--200--

    Comment



    Des isch dr zwaihondredschd endrnazenal Alemanne-Schwobe-Schbage

    zom Hôigaate, Raadsche ond Dischkriere,

    in deam wo ma all grenzibrschraitede Warianda vom Schwäbesche ond Alemannesche läese ond schreibe ka.


    Ond a baar andre Dialeckd no drzue, weil wäe Luschd had, ka oo en andre Schbrocha wie Bladd odr sogar Schdandardneihoechdeitsch schreibe,


    Also dond ui koin Zwang a ond schreibed mid. Mier gfrajeze ibr jedn, däe wo reikudd ond eis Xelschafd laischded :-))


    Ond schreibed ganz aso, wie ui dr Schnabl gwaxe isch - Haubzach so fonedesch wie meglech.

    Desch ja soo endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Bensilveinijadadsch nei.




    ◎ Vo dedd kommebr ond jiez goz do hinna weidr.

    ◎ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    A Lischde mid an die femfhondred schbezjelle regjonahle Wäedr - frisch abdeided - kudd glei âschließnd im näggschde Beidrag. 

    ◎ Do isch dr Lenk zue de Voergengarfäde







    Mier hoigaated allad weidr, solangs no ebbs zom sage geid!

    Onz siechd ganz drnoch aus, dass eis dr Gschbrächsschdoff no id so schnell ausgohd, wenns oo mankmohl räechd riebeg zuegohd ;-))

    Abr drodz de zeidweilege Ruhebausa hammrs jedz doch scho uff zwaihondrd brochd. 😉






                        Land id lugg!







    Author manni3 (305129) 24 Nov 20, 00:03
    Comment



    Innerschwäbischs Wariande-Wäedrbuech



    Sammlong vo ohgfäehr femfhondrd regjonal gebreichleche Wäedr

    Abbdeided am 24. Novembr 2020



    Des send Ausdrick, die wo idd all im Fädele vrschdande hand ond drom nochgfroged hand.


    In de nägschde Beidräg noch dr Frog kommed nocha Erkläeronga. Mankmol daured des oo a bissle lengr, bis des ganze Schbeckdrom ausdischkrierd isch odr bis all Beidräg drzue komme send, weil mr zwischedure no ibr ebbs andrs hand schwädze mieße. Do mueßba nocha hald a bissle schkrolle ;-)


    Dr Link goht direckd uff dean Beidrag, in deam wo dr Begriff zom äeschde Mol voerkudd. Die Zahl hendr deam Begriff isch bFadenommr. So siechba glei, wenn die gleich Frog schbädr noml aufdauchd isch.







    aablendre 50    äadala, äad dôa 147     äbba 19    äbbl 1    abegheit 84    Abr 181    afánge 21    afánge, ahébe 94    afánge, ahébe 95    Afdrmädag 1    afis 98    Aftrmeede, -medig 36    agfurzged, apfuzged 0    ahébe, afánge 94    Ahle 12    Ahle, Deffenizjoo 196     ahnd 1    ahnd (s. blange) 105     Ahne, Ehne, Nahne, Nehne 21    allbodd 1    allebodd 38    allegaare 100     Allgai, blaus 58    Allmende 75    als, allad, immr 194     Alti Söcke 61    Amaisla, zwai (Gedichd) 26    amigs 3    Anke, Buddr 45    Anke, Buddr 62    Anke, Gnack 25    APC 14    aobr, apr 32    Aschebe(r)scher 87    aufembde, emde 190    aufhauseg 154     ausbaldoferre 196    Ausdrag 197    aushausich 154    ausrichde, Leid 198    

        

    Baabl 189    Bachel 9    Bäeredreck 190    Bäeromenschdr, Radio 68    bägglat en Schdroah, dobblat 40    Bähmull 90    barmen 198    Baule, Böhle (s. oo Kadzebaule) 9    Bbünz 100    Belmeß, Kopf etc. 77    belza 191    belze kenne 191     Berda 189     Berda 21    BerwangarWeible, s 38    Bfose 97    Bfudzgar, pfuzzge 150      Bfutzga, Pfitzle, im Xichd 150     bhäb 189    Biberle 1    Bieche 102     Biewrl 44    Biibgockelar 190    Bise 44    bitzle 2    bizzle 84    Blaaz 21    blange 105   Blaokraud Ausschbroch 198    blutt 189     bluttfueß 56    bobbre, vrbobbrat 131     Bodschambr 49    Bodschambarle, Pisspott 198    Boi 83    Boi, Bai 83    Boi, Baie 84    Boid, Point 4    Boind 75    Bolle, Mausbolle aufgeschdelld, Bollehued, Bolledeere, Bollekaare 199    Bollekare, Bollewage vs. Laidrwägele 114    Bongert 75    Born 25      bosge, bozge 196     Bream 190    Brazzl 136 Bredla 94    Bredla 94    s Breis, voll bis ans Breis 142     Breschdleng 47    Breschdleng 84    Breschdleng 182    Brezga, gscheide 52    Briegl, Seel, Gnauzawegga 103    Brot, Kipf etc. 21    Brotaaschnidd 21    Bolledeere 15    bruddle 137    bschieße 107     Bubabberlesgschäfd 108     buchle 97    Buddr, dr B. 10    Budl, Dudl 2    Budlwar 64    Budlwar 89    Buggelesdag 49    Buggl raarudsche - Warianda 192     Butzameggelar 53    ...-Budzl 145    Buzele 2    Buzeschdengl 71    

        

    chaib 1    cheib, Cheibe    Chaschde 9    Chile (mid "ch") 30    Chindsgi 96    Chlüpli, Glubbe 35    Chratte, Gelte, Trucke, Zeine 103     

        

    Däätschmr 5    Dabber, vrdabbed 185    daure 198    deiche, dunke (dünken)     dellele, rom-, ommanand- 103     Dibbl, Dubbl, dubbelich 4    die wo, die was 0    dirmelig, durmelig, drümlig, drimslig 130    Dix 3    dobblat bägglat en Schdroah 40    Doe, an Doe hao 117     Doggebaaba 3    Dogg, Doggebaabl 189    doggle 189    Dolga, a fedda 3    Dôpa 185     Dorpa, vrdorpt 185    dousheared, doosoereg, dollorig 22    dransschenigg 11    drädze 89    driele, rom-, ommanand- 103     drgneist 108    drimsle 1    drimsleg, dirmelig, durmelig, drümlig 130    druscho 25    dubbelich, Dubbl, Dibbl 4    dubbelich 178     Dudl, Budl 2    dui, die, d 44    Dult 66    dunke (dünken), deiche

        

    êahd, dreegsêahd 192        eahrakäsig, eahragrädich 193    Eberri 30    Efangelesche, Wieschdgleibege, Kaddolesche, 106     ei ( Ausschbroch) 29    ei - ai, leidtun - leiden 137     ei - ai, leidtun - leiden     eleige 3    eleige 3    emde, aufembde 190    Etter 123     

        

    Fägnäschd 42    Fägnäschter 66    faigge 89    Fazaneddle, Fazoleddle 143     Fehl 2    Fehl vs. Fäel 41    Fehlehockar 190    Fehn 28    feand, fern, fertig 197     fei 44    Fiedle 17    Fieß, Boinr 77    2Fildra    Fileiner 101     Fisternöllsche 12    flacken 22    Flädle, Knöbfla, Chnöpfli, Schbädzla 49     Fludde 199    Frauafürz 72    fretten, Gfrett 32    füdliblutt 21    fuudre, bfuudre 1    

        

    gä, ge, i gang ge 67    gach, gäch, gäh 17    gaddig 189     Gade 184     Gäder 184     Gäelfießlar 2    gampe, gumpe, gompe 3    Gass - uffd Gass lao, gao 112    Gatze, Gatzlmacher 100     Gaude, Schbass 17    Gaul, Haitar 140     Gebbl 76    Gefäss, Gfess     gfräß 199    geil 194     gell 56    Gelte 44    gembresch 85    gempscheg, gempisch 85    Gfrett 32    gheie 84    Gischbl 192     Glepfer 147      Glibbertle 136     gliche wetsch mache 30    gloichig 195     Glufe 35    Glufa em Fidle 102    Gluhfe 113    Gluschd, Gluschda 150    gmiggd 109     Gnack 25    Gnauzawegga, Briegl, Seel 103    gniageled 186    gnieble, gniagla, gnuile,    knieble    184    gnuile, gnieble, knieble, gniagla    184    godzeg 87    Gôg, Koog 159     gompa, Gombe 83    gotzig 50    Graddl, Grattel, d 1    Graddl, Grattel, dr 86    Graddlar 68    grääddeg 147    grätig 12    Grette, Krette, dr 1    Grischbaum loba 73    Grischbele 192     Großschwäbisches Reich2    Gsälz 21    gsälza 59    gschderrig, schderrig, gschdäär, schderch 174    gschirra     gschwülm 84    Gsiberger, Xiberger 68    Gsibergerisch 65    Gugg, Guggl, Guggana 22    Gumpe, Gombe 3    Gumpedoschde 3    Gumpf 34    gschbässeg 1    

        

    Hääs 23    Häddele 76    Häelba 84    Häerdreggziaherei 176    Hägamark 148     Hagabuechena 197     Hagamoisa 197     Häggr, Hesche 113      Häggr - Versla 111     Hagamoisa 190    Hägl 1    hähl 1    hähl 2    Haipfl 25    Haipfl 25    Haitar, Gaul 140     Haiter, Heitr 8    Halbdaggl 87    hälenga 86    hälinga 67    hange, henke 153    Harras 24    Heckr, Hesche 34    Heffawetz, Hefleswetz 40     Heffawetz, Hefleswetz 136     heebe 190    Hegel 43    helfe, Denk mr helfa drã 94    helfe, afánge, ahébe, gao (Adverbien) 183     Hemad, Hemadlenz 2    Hengschd 126    Hennapfrupfa 23    henne 98    Herrgöttle vo Biberbach 70    Hesche, Heckr 34    Hesche 89    heuer, huir 77    hibbelig 102    hiere 72    hierewierbleg 72    hingere 98    Hinichd 42    Hitsgi 61    hitzg 25    Hoaraheile 177    Hocketse, Hoigaade, Höck 3    Hocketse 22    Hoigaade, Höck 3    Hoigaade 22    Hoinze 1     Homml 1    Hommlbronz 36    Honoratiorenschwaben etc. 86    Hoschtub 93    Huerä- 1    Huaraflichdling 106    hudle 199    Hugendubel (zSchdueged) 60    hüpf 71    hurrgle 118

        

    ibrlenggd 109     ine, ume, use 51    -ingen, Siedlongsgschichd 17    ipuffe 42    it 0    

        

    Jägrdoopf 7    Jochgaiar 156    jucke, schbringe 11    

        

    Kaddolesche, Efangelesche, Wieschdgleibege 106     Kadzebaule (s. oo Baule) 15    Kädzle am Bauch, aussäeche wies 87    käfele 80    kähl 1    kähl 2    kähl 189    Kandl, Kantl 151     Käpsele 1    Käpsele 68    Karess, auf d K. gao 1    Kaschde, Kasten 104    Käspappiletee 75    Kêaza 150     keija 174     kidzebolle 151     Kieanzl, Keanze 77    Kiechla etc. 97    Kiechle 75    Kipf 21    Kläbbar, Schläbberle 4    Klubbe, Glubb 76    knäschdeg 20    kneischde 20    knieble, gnuile, gnieble, gniagla        184     knitz 184    Knobbf 190    kobbe 76    koiz 91    Koki Sa Schack 5    Konjegadzioo Blueral 150     Konjonkdif I - II 130    Koog, Gôg 159     Kotze 86    Krattel, dr 15    krawuhl 189    Krette, Grette 1    Kuglfuehr 195     Kuhfliagets 91    

        

    Lacha 150    lagg, lack 22    ladderala Schdobb 29    Laibla 94    laid, leid 1    Laidrwägele vs. Bollekare, Bollewage 114    Lätsche, Schlueb 21    Land id lugg 19    Land id lugg 41    le, Suffix em Englesche 2    Lego, hesch me 59    lei 0    leid, nit eso leid 7    lêîs 96    Leisa 123    Laisa, Lêîsa, Albleisa 123    -les 91    lieben, mege 62    Loas 1    Loisa 32    lubfe 190    Luse 194     Luxemburgerli 87    

        

    Madlafitzeler 190    mängisch 3    Mäschkerla kommed 6    Mass, Maß 88    Matte, Mahd 75    Mecheler usw. 118    mege - i mag di 62meegig, oomigele 12    meichdale 22    Memmingar Mao 1    Memmingar Mâô 40    Menggenges 115     Mensch, s 2    Mensch, s 96    Migge 190    moanammoeges 192     Mojaschegga 11    Molle, Mollesaich 1    Mond (Ausschbroch) 40    Mondich 1    Mongale 1    Muggaseggale 190    Muggebixle 190     Muhagl 43    Mulle, Mulli 90    Mullela 94    Muni 1    Muswies 126     müntschi 100    Mutschl 85    

        

    nächt, nechd 1    Nahne, Nehne, Ahne, Ehne 21    Naka-Buzele 2    nannaäbbe 3    narred 12    naussaue 40    nebenzu 194     Nechzobed 42    neihägle 40    neima, neamads 18    neima, oimeds 184     neischobbe 194     nochschreie 198    nuf 123     nume 3    

        

    oimeds, neima 184     Ois 150     ommananddriele 189    Ômuaß 42    oomigele, meegig 12    Ôomuaß 45    Ortsschiiht, Woogscheile 109     oz 23    

        

    Pamir 72    Pe-, Pödädrle 154    Pfäläller 4    Pfitza, Bfitza 150     Pfitzle, Bfutzga im Xichd 150     pflöffla 45    pfupfre 2    pfuuse 7    pfuzzge, Bfudzgar 150     Plaffoh 34    pögge 2    Point, Bôid 4    pöschtele 50    

        

    R - Zonge odr Zäbfle 1    rääs 1    Radlar, brôte, Rezebbd 18    Randig, Rande 52    Ransch, auf dr R. sei 1    Randsch - uffd Randsch gao 112    Ranze 108     Ratscha schdadd Glogga 78    Rauch, ao-ou 75    raule 9    Rechdschreibdiskessioo ibr Ackzendr 49    Ribb, Ripp, s 96    Ribbschdigg usw..76    Ribbsmäel 50    riebeg 2    ringer 108     Risoddokoma 22    Roina 177    romdreggle, romdreedle, romdellele 139     romlöhrga 40    Rootzbibbr 44    Rotzbibbr 1    rueßle 194    Rugl 149

        

    Sach, s, d 104    sägg 92    säehr, Suirle 150     Samschdag-Samsdag 155    sauigle 22    Scharmidzl, Stranitze 22    Schaufscheiß nui drzue 190     Schbatzafischer 100     Schbädzla (etym) 21    Schbädzle, Flädle, Knöbfla, Chnöpfli 49    Schbagaat 21    Schbagaat, Schbädzla im Iddaljenar-Forum    Schbaage 38    Schbass, Schbass, Gaude 17    schbeie, schbedzge 91    Schbinnewedda 85    Schdäer, "Stör" 155    schderrig, gschderrig, gschdäär, schderch 174    Schdihble 197    Schdobb, ladderala 29    schdoggele 174    schdrähle 191    schdrawanza 65    Schdreckise 9    schdruug, K II vo schdragge 32    Schebrkrä 110     Schegges 30    Scheiche 77    Schertele 189    schiergar 195     schladdig 186    Schlagg 192     Schläpperle, Kläbber 4    schleife, schliefe 87    schleife (SZ) 47    Schleifets 91    schlenggle 2    schliefe, gschloffe 87     Schliefkami 87    Schlueb, Lätsche 21    Schluata 189     schmecke (Gschmäckle) 95    schmutzige Dauschdech 3    Schnäe weckdoe    183     schnarchle, schnarchele 194    Schnäddrfiedle 130    Schneller 147     Schnöre 45    Schobf, Schöbfle 82    Schoche nauslache 178    Schöpfli 82    schora 196    schtiepara, schtoipara 190     schuddle 134     Schuebad 37    schwanze 12    schwerlich glaufa 32+#66 Schwobarädla 48    Seel, Briegl, Gnauzawegga 103     sehr, säer (sorry, sore) 21    seicht 44    Semml; Schdanga- 83    Spätzle-Shaker47, 48 Stranitze (1) 22    Stranitze (2) 23    Suddroi, Suddrai 194     süferli 27    Suggl 1    Suirle 44

        

    Tajine, Tatschine 48    Talpe 77    traibdeibl 27    trädze 89    tschambre 49    Tschingge 98    -tse 91    Tugnd, die gräeschd schwäbesch 31    

        

    Ufzgi 52    Uhudler 17    uibrois 30    uns-euch-ihr16    Urlesdag 17    

        

    Verchlinerigsform vo Verbe 33    verchrüglet 45    vrkirnt 108     verusse 42    Veßa, Vese 84    vrboama 177     vrdlda 44    Dôba,        verdôbed    185     vrdrenne (im Kondexd) 98     vrdrenne (Frog ond Andwoed) 99    vrdwarme 197     vrkaischdle, sich 103     vierdl, viedl noch, viedl ibr 1    vierezwanzgi gsi 9    Vierling, Virrling 195    vrhebe 23    

        

    wachele 194    wachle 33    Wäedam, Wäedig 77    Waihdag, Wehdag 151     waidle, wolle 191     Wagges 30    Waggl, uff dr W. gange 80    wallen, walen 86    wargele 89    wargele 118     Warglknui 118     Wassrschdelzle 156      "weder noch" 154    Wehdag, Waihdag 151     Wehrle 150     weisen 2    Weißbild 2    Weißbild 27    wiaschtgleibig 21    Wiebele 191     Wieschdgleibege, Kaddolesche, Efangelesche 106     wirglich (z.Zt.) 143     Woogscheitle, Ortsschiiht 109     wolle, waidle 191     Wullesau 23    Wurschdschbätzla 85    

        

    xesch 49    Xiberger, Gsiberger 68    

        

    Zeitbeer 190    Zigr 45    Zipprla, Zibarte 10    Zodder 197      Züber, Zubar 44    zwai-zwea-zwoa 0    zwe-zwo-zwöi 97    

        

    #1Author manni3 (305129)  24 Nov 20, 00:10
    Comment

    Weil im Leo irgndwenn noch a baar Abbdeidz a baar Lenx nemma gand, wemma se dur die ganze Fädela klicke will, haoni do noml all vrlenkd.


    Abr i glob, in Zuekombfd kani mier des schbare. Odr hadd vo ui im ledschde Johr irgndebbar no die Aufzellong brauchd? I jebmfalls idd 😉




     0   1   2 3 4 5 6 7 8 9

    10111213141516171819

    20212223242526272829

    30313233343536373839

    40414243444546474849

    50515253545556575859

    60616263646566676869

    70717273747576777879

    80818283848586878889

    909192939495969798 99 


    100101102103104105106107108109

    110  111  112  113  114  115  116  117  118  119  

    120121122123124125126127128129

    130131132133134135136137138139

    140141142143144145146147148149

    150151152153154155156157158159

    160161162163164165166167168169

    170171172173174175176177178179

    180181182183184185186187188189

    190191192193194195196197198199


    ZWAIHONDRD



    #2Author manni3 (305129)  25 Nov 20, 16:01
    Comment

    A Jubilääum !!! Und i bin die erschd Gratulantin - Bravo iahr Schwöble und Schwizr !!! Als Guete zum zwaihundredschda !!! 👏🎉🎁🍷🍺🍸🥧

    #3Author karink (659752) 05 Dec 20, 21:37
    Comment

    Oh, I just saw you in the Quasselzimmer list - two hundred editions of the Alemanne-Schwobe-Schbage! Congratulations!

    #4Author SD3 (451227) 05 Dec 20, 22:04
    Comment

    Eßdedraile, mei, schö di wiedr amol zum läsa. Ma hôt di letschdns schô vrmißt im Schwobafada. I kriag des allmol net so mit, well i sälbr manchmol dr Fada vrlür. Hoff es gôht dr guet !

    #5Author karink (659752) 05 Dec 20, 22:17
    Comment

    Gliggwunsch allegaare ! ... schonn zwäähunnad Fäädelscha !


    Danggescheen Faadebabba !



    *aangemälldbinn*

    #6Author no me bré (700807) 05 Dec 20, 22:33
    Comment

    Liabs Fädale,

    jubilieren graddulieren mechden mir dir heit,

    wenschen Sägen dainen Wägen, dainem Herzen Fraid!


    (Mit "dainem Herzen" sen mir gmoint, weil: mir sen jò des Herz on dui Säle vo dem Fädele)


    On d' Edith frait sich au saumäßich, dass-es eßdedruile amòl widder dòhanna rei gfonda hòt!

    #7Author Goldammer (428405)  05 Dec 20, 23:23
    Comment

    Grießdi, Eßdedruile,

    schea, dass d oo mea amohl vorbeiluegesch :-)

    I hoff dier gohz gued ond du kusch gued durch des Coronazuix!

    Ond dei egsdrehms Nordweschdschwäbesch isch oo a scheana Dialeckd ond wäed allad bessr 😉


    Emmrle, dank dr schea fier die hausmaischdrliche Aufraomarbada im voerege Fädele. I hao no ibrlegd, ob i des glei âgang odr no a bissle waarde. In deam Fall ischs Waarde fier mi oifachr gwe :-0


    #8Author manni3 (305129) 06 Dec 20, 11:05
    Comment
    Gudda Morga, middanand!
    I däd ao gäara gradduliera wella zom zwoihondrddschda Fädale. Ond: Danggschea, liabr manni!
    I griaß ui zwischanei ganz herzlich ond wensch alle a scheana Abfenzzeidd.
    Mir gaz guadd, i han bloss grad a baar andre Sacha, wo mi ziemlich zeiddlich ond geischdigg in Beschlag nemmadd. Nix richddigg Schlemms, koi Sorg!
    Sodale, jetzt mach i aus meinr Herbschdddeggorazio a Kirbissubb.
    An scheana Da, meine liabe Schwaobafädler!
    #9Author schwäble (951819) 06 Dec 20, 11:11
    Comment

    Sodale, jetzt mach i aus meinr Herbschdddeggorazio a Kirbissubb.


    No nix vrkomma lao! :-DDD

    #10Author Goldammer (428405) 06 Dec 20, 11:40
    Comment

    Wia schee, da Niggalaus hots Jubiläomsfädale im Sack ghet. Des hotter guad nabrôcht. Und lautr liabnswärte Leitla dinna und sEßdedruile dazua! Wa wellamer meh!? Dankschee Manni und Vegale und und und :-)))))

    #11Author Moi Gab (456541) 06 Dec 20, 14:06
    Comment

    Schnierle lupf! Boschurle ruaf! Wo sinner au (ihr sinner hihi)

    #12Author Moi Gab (456541) 10 Dec 20, 10:24
    Comment

    Heieiei, da henna ischs abr ruig!


    Bei mir isch etz z Greebschdde vrbei, hoffe mal ...

    Na seamr ons widr effddrs.

    Bei ons schmilzdd dr Schnäa scho widr - wahrscheinlich isch moara di ganz Brachdd scho widr fudd - ja mei, s isch wia s isch, nuddzdd alz nix.

    I hoff, ui gaz guadd ... bei mir isch soweidd alz em greana Bereich, ond etz werre no a baar Loibla bacha: Kibfla, Schogglaadloibla, Kanddudschiini, Anisloibla, Nussmaggroona. Des muaß roicha!


    An scheana Aobadd middanand!


    (manni, bisch a bissle grääddigg 😉?)

    #13Author schwäble (951819) 10 Dec 20, 17:24
    Comment

    Gräädeg? Nâ, wisoo?


    Do deana Siehe auch: Antworten (normale Aussagen) im Frageton - #20 gohz omm "Hats noch Milch" - "Gibts noch Milch"


    Do moind ebbar, "hats" sei schwäbesch-alemannesch. Abr bei eis im Oschdallgai haißd des uff jedn Fall "geids no a Mill".


    Was moined dier? Des wär veleichd a Dhema fier eisr Wariandewäedrbuech.

    #14Author manni3 (305129)  10 Dec 20, 18:23
    Comment
    "Gräädeg? Nâ, wisoo?"

    ... well en deam Smaili-Fädale hadd mes so deicht, als wäareschdd a bissle grädigg gwea.
    ;-)

    Zon "Haz/Giiz" hanne da deana ebbes gschriiba.
    #15Author schwäble (951819)  10 Dec 20, 18:55
    Comment

    Ahsoo - do deana scho ;- )


    "Haz no a Mill, s Kädzle? Gib r no mäehr, wenns no oine geid!"

    #16Author manni3 (305129)  10 Dec 20, 19:21
    Comment

    Hans blieb dô, da woisch jô id wias Wettr geid .....tralala


    Wa geids heit zom Nachtässa?


    Gibd und wird, so kenn i's au.

    #17Author Moi Gab (456541) 10 Dec 20, 21:41
    Comment

    Hätts no öppis ? So kenn i's im Bärnische. Also scho allemannisch, odr :-) ?

    z'Gsiberg isches giet's no eppas ?

    #18Author karink (659752) 11 Dec 20, 00:24
    Comment

    Boschurle, Karinkale und Reschd vom Schitzafeschd! I hoff eich gôhts älle guat. 🙂

    #19Author Moi Gab (456541) 11 Dec 20, 09:10
    Comment

    Karenkle, Gsiberg isch oo Alemannesch ( s. Karte )


    Wie i do deana scho uff Hoechdeidsch (dees kan i oo! Gell, do schdaunedr!) gschribe hao: Die schwäbisch-alemannische Region isch ist sprachlich reich gegliedert.



    Gäbele: Sell woll - dier oo? :-)

    #20Author manni3 (305129)  11 Dec 20, 09:10
    Comment

    Alles Rodschr, Mannile 🙂

    #21Author Moi Gab (456541) 11 Dec 20, 09:27
    Comment

    Also i kenn des scho boides: hòt's no (a) Milch odder gibt's (geit's) no Milch. I han so a Gfiehl, dass "hòt's no Milch" de elder Wariande isch on "gibt's no Milch" dr Vrmischong mit andere Dialektwarianda gschuldet isch. Han me au drieba g'eißert.

    #22Author Goldammer (428405) 11 Dec 20, 11:44
    Comment
    Gliggwunsch ah vo mia zum runden Faden, ihr Lieben!

    I solld hier echd öffdesamol neiluega! ;-)
    #23Author Miss Anthropy (700297) 14 Dec 20, 19:19
    Comment

    Abber obedingt, Missile!!!

    Bei ons isch heit Òbend a Hubschrauber a Schdond lang ieber dr Innaschdadt romgschrumblt. Emmer wieder an ra andera Schdell en dr Luft gschdanda fir a Weile. Mr vrmudet, dass d' Bolizei d' Ausgangsschberre kondrolliert hòt on de Schdreifa onna vrròda hòt, wo sich Audo romdreibet.

    #24Author Goldammer (428405) 14 Dec 20, 23:24
    Comment

    Abr ofcoorse, Missile. Dohinna kennamer uns dreffa, ohne äbber in Gfahr zbringa. Und du und deine Käbla sin uns wichdig, mir wellad nia und nimmr auf eich vrzichda.


    Froee Abfendszeit liabe Schbätzla, groß odr gloi. Bleibed gsund!


    Mir genn heit dWeihnachdsgschenkla vrdoila, wells jo nix wird mit unserm Familijadreffa. (Wers Gäbale kennt, woiß dasses meischd Biachr sin). I hommer ibrigens vo meine Englkindr gwinschd, dassemer als Weihnachtsgschenkle a Buach läased. *hihi*

    #25Author Moi Gab (456541) 15 Dec 20, 09:19
    Comment

    (Dr Hubschrauber war scheinz a Vrmissdasuche.)

    #26Author Goldammer (428405) 15 Dec 20, 09:26
    Comment

    (Hanzen gfonde? Isch em hoffndle nix bassierd!)

    #27Author manni3 (305129) 15 Dec 20, 09:46
    Comment

    (Des woiß i net. I han bloß dr Dwiit vo dr Reitlenger Bolizei gläsa, wo se des erglärt hen, damit d'Leit wisset worom der so lang ieber dr Schdadt romgondlt isch. Zwoi Schdond schbäder war dr Eisatz beendet, abber se hent et gschrieba ob se Erfolg ghett hen. Velleicht kommt no ebbes en dr Zeidong morga)

    #28Author Goldammer (428405) 15 Dec 20, 17:30
    Comment
    Mechdes Burzeldâchsgind anonüm bleim? 🤔
    #29Author Miss Anthropy (700297) 15 Dec 20, 17:54
    Comment
    Grad au gmergt. I gradulier dem annoniema Geburzdagskendle herzlichscht!
    #30Author Goldammer (428405) 15 Dec 20, 21:22
    Comment

    Na graddulier i oifach ens Blaue nei ond wensch glei no a guaz Nächddle!

    #31Author schwäble (951819) 20 Dec 20, 01:45
    Comment

    S'Geburzdagskind isch jetzd a alde Schachdl *hihi*

    #32Author Moi Gab (456541) 21 Dec 20, 22:38
    Comment

    Dass kann nedd senn, Mon Gäwwellsche !

    :-))


    Noodräschlisch aach ganns liiwe Gradulladsjoone ! ... unn Aahla und Noadwindscha ...

    #33Author no me bré (700807) 21 Dec 20, 22:50
    Comment

    An ihrm Geburtsdag sen die eldeschde Schachtla Geburtsdagskender! 😉


    #34Author Goldammer (428405) 21 Dec 20, 23:20
    Comment

    Die Seele kennd koi Zeidt :-)


    Häbbi Bördsdei, mei Schächdele 🙂

    #35Author manni3 (305129)  22 Dec 20, 03:12
    Comment

    I meim Herz honne zwoi Schächdala: Ois fr meine Liabschde und ois fr meine Schwäbla! Dankschee Schbätzla! (des hots ibrigens geschd Ôbnd bei uns zom Nachdässa gäa. Selbrgmachde Schbätzla vo da Beirin ihrem Hofvrkauf mit Bergkäs ausem Allgei. Ausem Baggofa (wia beim Manni) und gschmelzde Zwiebla driebr. Sogar em Schose hots gschmeggd.


    Sgôht dagega! Diesmôl simmer a Wihnäta ganz alloi, da Schose und i. Hauptsach dKind und Kindeskind bleibet gsund. Und welle jo Hundert wirr, hemmer no viel Zeit um uns älle zdreffa. So isches halt, wenn dBfämili so umfangreich worra isch. I woiß garnimme, obbe eich scho vrzellt honn, dammer diesjôhr im Feb nommel an Enkl griagd honn? Da groß Bruader isch achtzene und jetzt nommel a Butzele. Isch des id schee?


    Bleibed gsund, Schbätzla! und eire Schätzla au.


    Ibrigens, da Bodaseekreis isch etz an Hottschbôt! Im Langaarger Schbittl zom Heiliga Geischd isch (Scheiß)Corona(mach dassda Land gwinsch) ausbrôcha. 🙁

    #36Author Moi Gab (456541)  22 Dec 20, 10:40
    Comment

    Liebe Freunde der diversen alemannish-schwäbischen Sprachen, griaßt eich!


    Es ist schön zu sehen, wieviele von Euch, die ich persönlich kennengelernt habe, immer noch hier versammelt sind. Ich hoffe, es geht Euch und Euren Familien gut.


    Ich möchte Euch allen (ob wir uns kennen oder nicht), trotz Corona Einschränkungen, ein recht frohes Weihnachtsfest und alles Gute für 2021 wünschen, vor allem Gesundheit, und hoffentlich bald wieder ein normales Leben.


    Herzliche Grüße aus einer schneebedeckten Welt.

    #37Author SD3 (451227) 22 Dec 20, 19:44
    Comment

    Wenn du in einem Land mit Schnee bist, dann bist du nicht in Schwaben. Dir auch season's greetings.

    #38Author bluesky (236159) 22 Dec 20, 20:07
    Comment

    Stimmt.

    Ich danke Dir.

    #39Author SD3 (451227) 22 Dec 20, 21:59
    Comment

    Weihnechde midd Schnäe - des isch ja richdeg klassisch :-)


    I wensch dr oo a guede Zeid ond scheane Fejerdäg ui all middand in dr Famille! Ond wenns soweid isch, nocha oo no a guez nuis Johr :-)

    S wäed hoffndle in viile Aschbeckd bessr als s ald!

    #40Author manni3 (305129) 22 Dec 20, 22:09
    Comment

    Ojaa, Essdedruile, mir henn die au id vrgässa - so a liabs Mädle wia di!! Häff a werri merri Wienäta un bleib gsund!


    Guada Morga au no an alle Schbätzla!!!

    #41Author Moi Gab (456541) 23 Dec 20, 10:32
    Comment

    Oh, 's Eßdedruile leßt sich bligga! Schee!

    Dir au schene Weihnachda em Schneeland!

    Ons gòht's älle soweit guat. Oiner vo de Buba kommt mit dr Fraindin zo Weihnachda. Dia sen boide Reffrendar on seit d' Schula zu sen bragdisch isoliert, außer amòl gschwen eikaufa. Des fenda mr vrdrättbar, mit dene zamazkomma. Dr ander feiert in Karanteene - sei Fraindin war letschwoch mit ra Fraindin zsema, die wo nò posidiv teschdet worra isch. Se ganget heit (femf Däg schbäder) zom Teschda, abber a Ergäbnis griagetse ersch nägschwoch.

    Mr draget's mit Fassong.



    #42Author Goldammer (428405)  23 Dec 20, 11:31
    Comment

    Ja, 's Eßdedruile gugg mol mear dauhanna rei. Des gfreitme oo.


    Oos hammr am Wuchaend mit Freund bildlestschättet - bei deane hotz oo Haifa Schnea ghett. A reachts Wendrwandrländ. Abr pferleicht griagmr des ja oo no. Bei ooz hat dr Weddr zwengschd no an Schnea fr da earschda Weihnachtsdag aakindigt.

    #43Author Selima (107) 23 Dec 20, 14:39
    Comment

    I hao grad a Kardofflgraddäh gmached. Im Rezebd isch ebbs vo Mill gschdande ond i hao drfier a Wassr gnomme. Abr weils Emmrle gmoid kedd hadd, des sei nix, haoni eingedenk däer Dazache, dass d Mill soweso uss semnedachzg Bodzend Wassr beschdohd, die dreizeh fählende Brodzend ibrschlaxmäßeg im Kobf ausgrechned ond an halbe Teeleffl mäehr Schlagraom gnomme.

    S hadd saugued gschmeckd - dr Knofl ond Muschgaddnuss hanz rausgrisse. Die hedd a ganza Liddr Mill idd ersedze kenne :-))

    #44Author manni3 (305129)  23 Dec 20, 17:48
    Comment

    Liabe Leiddla,

    i däd ui na heidd scho glei scheane Weinachzdä wenscha. Dassr endschpanndd ond freelich z Nixdoa geniisa kennadd. Oifach a guada Zeidd hand, allemiddanand!

    Liabe Griaßla

    vom schwäble

    #45Author schwäble (951819) 23 Dec 20, 17:57
    Comment

    Scheene Feiertag, alle mitanand.

    #46Author bluesky (236159) 24 Dec 20, 09:07
    Comment

    I wensch Ui alle an scheana Hailiga Aubad ônd froahe Weihnachdsdääg. Ruhig wedds ja heier vo sell sei.


    Bleibat xond!

    #47Author twocents (460778) 24 Dec 20, 18:13
    Comment

    Isch winsche Eisch aach allegaare scheene Feijadaache und bleiwen gsunnd !


    🎄🎄🎄🎄🎄🎄🎁🎄🍾🍜🥩🍗🍾🍤🧁🍰🧀🍾🎄🎁🎄🎁🎄🎁🎄🎄🎄🎄

    #48Author no me bré (700807) 24 Dec 20, 18:37
    Comment

    I wensch ui oo all scheane Feijerdäg - so guez hald gohd in deane wirahle (hadd des ebbs mid Ahle zom doe - hmm) Zeita!



    à brobboh Wieruss - grad neima in am Leo-Fade gfonde ond fier gued befonde:

    "Heute Show" zur kostenlose Maskenausgabe an Corona-Risikogruppen:

    Schwäbische Querdenker sind hin und her gerissen: weiterhin Mundschutz verweigern oder etwas gratis abstauben?


    #49Author manni3 (305129) 25 Dec 20, 09:54
    Comment
    I lieg no gmietlich im Bett, dr Kader schnurrt näba meim Ohr on draußa schneit's. I lass es heit langsam ãganga. Mr hen schee gfeiert mit oim vo de Buba on seira Fraindin.
    #50Author Goldammer (428405) 25 Dec 20, 10:00
    Comment

    Frohe Wienäta, Schbätzla! Gsund bleiba, liab sei, Schwäbisch schwätza! Wa wellamer meh?


    Unsre Kind henn geschd mit uns Feißtaim-Heilig Ôbnd gmacht. Des war au schee.


    Manni, Manni, wer will do gratis äbbes abstauba? Der ka des, wenn Corona rum isch, gern bei mir im Heisle macha. Id dät sogar no da Schdaub fr en a Weile liega lossa! Binne id liab?


    Bai ße wei, isch no äbbes vom Kardofflgraddäh ibrig?

    #51Author Moi Gab (456541) 25 Dec 20, 10:40
    Comment

    Bai ße wei: Laidr idd, mei Gäbele ;-)

    #52Author manni3 (305129) 25 Dec 20, 11:04
    Comment

    Nochdreglech no scheane Feierdäg und em vorraus oo scho scheane Feirdäg - desch ja des Jahr a Folg vo Feirdäg und Wuchaend ohne End.

    Kirzlech hauneme mid meim Vaddr ondrhalda ond dau hottr ebbs vo "sellwandr" gsät ("wannr megat, kommadr d'sellwandr"). Desch a Werdle, des i lei no em bassiva Wortschatz hab. Ewig schad. Kennt des vo ui oo no ebbr?


    Abr pferleicht wärs ebbes fr osr Werdrbuach. Was moinatdr?

    #53Author Selima (107) 27 Dec 20, 18:36
    Comment

    Griaßde, Selima!

    "d'sellwandr" kenn i nedd. Was hoißdd n des?

    #54Author schwäble (951819) 27 Dec 20, 21:15
    Comment

    Des haißd wahrscheinz aingdle "selbandr" - zu zwait (du sell ond dr andr), du midd Âhengsl :)~

    "wannr megat, kommadr alle baid"


    Mir kudz scho bekannd voer. Abr sell xed haoni des globi no nie!

    Dr Duden haißz veraltet.


    Darschdellonga vo Anna-Maria-Jesus haißed zom Beischbl Anna selbdritt.

    #55Author manni3 (305129)  27 Dec 20, 22:37
    Comment
    Ach so, des giiz bei ons als "seldd".

    Kommaddr seldd zwoidd oder seldd dridd?

    Abr "sellwandr" kenne drodzdeam nedd ....
    #56Author schwäble (951819)  28 Dec 20, 01:07
    Comment

    D Buebe hanz oo bei Grimm II.6

    #57Author manni3 (305129)  28 Dec 20, 01:13
    Comment

    Genao: selbdritt - 1 = selbander (bei oos sellwandr gschbrocha).

    #58Author Selima (107) 28 Dec 20, 06:36
    Comment

    Bei am gegewäedege Hibblfackdor vo 5,08474576271 wäez allardengs (Dengs?? - hmm...) no a Weile daure. Abr wenns nocha so weid isch, uff jedn Fall :-)

    #59Author manni3 (305129)  28 Dec 20, 09:57
    Comment

    I kenn selbander au bloß passiv vom Herasaga, han sogar gar nemme gnau gwisst was es hoißt.

    Endressant a Gedanke en meira Eddimologie: dia saget, es gäb an Onderschied zwischa "zo zwoit" on "selbander" - wemmer secht, mr häb ebbes "selbander" gmacht, nò dät des dr oigene Beidrag ("selb") maih betona - also dass mr selber maih beidraga hett zo dem was mr mitenander gmacht hot. Dui subdile Bedeidong han i scho glei gar-et kennt....

    #60Author Goldammer (428405)  28 Dec 20, 12:02
    Comment

    Dia wärmr oo nui. Abr endressant, Emmrle.

    #61Author Selima (107) 28 Dec 20, 13:04
    Comment

    I hao uff dees hî noml bei de Buebe nochgläese ond ganz vihl regjonale Bedeidongsnijâßa gfonde. Abr s isch ja soweso schon lengr häe, dass däe Ausdruck in dr Alldaxschbroch im Schwang gwe isch - wenn idd amohl sMaisle sein Vaddr nemma richdeg vrschdohd ;-(

    #62Author manni3 (305129) 28 Dec 20, 13:33
    Comment

    Gschmarribäbb - i hau mein Vaddr genao richdig vrschdanda. :-P

    [I ond mein Liablengsbaba ned vrschdanda! Pffffffffff!]

    Ond wanne so reachd nochdenk, hot am Emmrle sei Gwelle pferleicht doch rechd. "Sellwandr" hottr zua deam gsät, dear was eigndle eiglada isch und der halt da andra no mitbrenga sodd.

    #63Author Selima (107)  28 Dec 20, 14:33
    Comment

    Des Nachts da war es besser,

    Da waren die Straßen leer;

    Ich und mein Schatten selbander,

    Wir wandelten schweigend einher.


    Hei, heit hemmer wiedr äbbes glernt. 🙂

    #64Author Moi Gab (456541) 28 Dec 20, 21:06
    Comment

    Ach, was fir a schener Vers, Gäbele! Wo kommt denn der vor?

    #65Author Goldammer (428405) 28 Dec 20, 23:18
    Comment

    Ui, Gäbale, desch schee. Dankdr schea - desch an ganza Kaschda voolr Aala weard.


    I haus intrnetgsuacht und ben drbei daudrauf stoaßa:

    https://www.wortkleinod.de/selbander

    Selbandr isch a Jubiläomskleinod dau denna :-) Ond des Gedichtle vom Heine Heinrich isch doo oo zitiert.


    Abr dia Seit isch iebrhaupt a scheanr Fond. Dau muane glei nooml a wengale gruschtla.

    #66Author Selima (107)  29 Dec 20, 07:34
    Comment

    Soo schea, mei Gäbele :-)

    Do schdell i dier glei a baar Ahla rei - oi vo de lange, waiche (13 Millemeddr schnäeweiß)


    Ond oo endressand:

    selbander < mittelhochdeutsch selbe ander (= er selbst als zweiter)

    er selbst als zweiter wär a andre Bedeidong - faschd s Gegedail - als wie die vom Emmrle seim Eddemollegiebuech, odr?


    #67Author manni3 (305129)  29 Dec 20, 07:57
    Comment

    Ja, deschmr oo aufgfalla.


    Ond no a Frog: Was schwätzmr denn oos fr a Neihochdeidsch? En meim Link schdoht, daß selbander v.a. em Middlhochdeidscha ond Friahneihochdeidscha vorkäm. Hernocht zidiertr Heine, Schiller, Keller, Eichendorff ond Feuerbach - schreibat dia no Friahneihochdeidsch?

    #68Author Selima (107) 29 Dec 20, 08:09
    Comment

    Wenns noch deam Buech goht, schwädzed mier "neuzeitliches Deutsch", abr oi diffrenziered weidr in middlere ond jingere Nuizeid, ond eisr Schwäbesch isch wahrscheiz uss dr allarnuijeschde Nuizeit - vrsedzd ond abbdeided mid Anglezissmesr, Germanissmesr, Bawarizissmesr ond Breißizissmesr *hihi*

    #69Author manni3 (305129)  29 Dec 20, 08:34
    Comment

    Neihochschwäbisch - hochsaubrs neihochschwäbesch schwätzsch Du. I schwätz neiniedrschwäbisch mit neihochschwäbische Eischbrengsl - middlrArweile.

    #70Author Selima (107) 29 Dec 20, 08:45
    Comment

    Dankeee! Des isch dr mohl a saubre daxonomesche Klassefickadzjoo :-)))

    Isch doch allad gued zom wisse, was ma schwätzd!

    #71Author manni3 (305129)  29 Dec 20, 08:52
    Comment

    OT Jiedz haoni a baar Minudda brauchd, biss i des Woed "daxonomesch" gfonde hao. I glob, dees haißba middlneierworbene Dehmenz ;-((

    #72Author manni3 (305129) 29 Dec 20, 08:56
    Comment

    Bitte, gern gscheacha! Daudrzua hommr se ja dauherinna ;-)


    Abr bass auf, daßdr ned dochno zvill Balkanesisch neigrauded, wo Du iatzt scho sooo laaang aufm Balkanbalkon leabsch. Obwohl - dia Gefahr isch ja nemme so groaß, balls dau mear andre SchbrachAr gitt alz BalkanesischschbrechAr.


    Solangdr des vill schwierigere "Klassefickazjoo" no so leichd iebrd'Libba aka Daschdadur got ...!

    #73Author Selima (107)  29 Dec 20, 08:57
    Comment

    Abbroboo Balkanesesch: Dr Hausmaischdr isch uss Saxe, ond dNochbeire midd deane nedde Kend, fier die woni dr Opanachbaa bî, isch ussm Hoechsauerland ;-)

    Se kaa abr laidr koi Bladd, woni dees doch so gäere häer.


    Nochdrag abbroboo Bladd: Midd am Freind, däe wo vo Fehmarn gwe isch, hammr efdr im jeweilege Dialeckd gschwädzd. Eisre hoechdeidsche Weibr hanze kugled voer Lache *hihi*

    #74Author manni3 (305129)  29 Dec 20, 09:08
    Comment

    Moagn zusammen,


    er selbst als zweiter wär a andre Bedeidong - faschd s Gegedail - als wie die vom Emmrle seim Eddemollegiebuech, odr?

    Ja, deschmr oo aufgfalla.


    Miä auch. Und dannoch, dass dizze (kuazes i, weiches s) Eäklärung bei "ich und mein Schatten" richtich gut passt, abba, bei "Rudenz und ich" dennkich eea, dea Rudenz hette meea getaan wie ich.

    Bei dem Feuerbach sintse völlich gleichberechticht, findich.

    #75Author Reeva (908916) 29 Dec 20, 09:23
    Comment

    Griaß Di, Reevale, schea, daßmear reiguggsch.


    Wahrtscheintz kaamrs "selbander" grad so dreaha, wiamr mog. Isch Dir des no a Begriff gwea, des selbander?

    #76Author Selima (107) 29 Dec 20, 09:38
    Comment

    Naachn paa Tagn Feiätachsappstinenns vom Peezehh waa miä widda danach, inn deen mia bekanntn Leo-Feedn zu leesn unt mein Semf dazuzugeebn.


    Jo, wascheints kammanns dreen wie man will, dass "selbander".

    Kanntich abba voaheea nich, musstich nachkuckn wie "unverpfichtet" übrigens auch ;-)

    #77Author Reeva (908916) 29 Dec 20, 10:01
    Comment

    Da Schose und i selbander, i und da Schose selbander, wiamas au dreht und wendt, selbander hemmer Wiehnäta gfeierad.


    So, jetz simmer in de Raunächt und i honn Wesch gwäscha, abr id dussa nausghengt. Also Wotan, id dammer moinsch, da miachsd bei eis durchs Häusle sausa. Heit wäsche nommel. Wia sieht des bei eich aus? Wäschad ihr zwischa Wiehnäta und Dreikenig koi Wesch id???


    Ibrigens, Amoisle, mei liabs Mädle und Mannile, mei liabs (noi, des kane jetz dohinna id schreiba), merssi, merssi fr dia Ahla. Dia kane meh denn jeh braucha, wenne das Schose aus dene viele schwarze Lecher rausziah, in dene ar sich ammel neibuggsierd.


    Häff a naiß Deile liabe Schbätzla!

    #78Author Moi Gab (456541) 29 Dec 20, 10:36
    Comment

    I wasch Wesch wenn a Maschee voll dreggade zsema isch on i Zeit han. Ob des zwischa Weihnachda on Dreikenich isch, isch mir wurscht.

    (Was kööt mir denn schlemmschdafalls bassiera, Gäbele? Dass me de wilde Jagd mitnemmt?)

    #79Author Goldammer (428405) 29 Dec 20, 13:46
    Comment

    Dr Wotan *hihi*


    Fellbr die Gschichd uss ar animischdesche Gegnd z Zendraalaffreka vo deam Missjoohskrankehaus ei. D Schweschdr erkläerd em kloine Michael, äer mieß allad s Obschd ond Gmies gued wäsche voer em Esse, weil do so kloine Vichrla draa seied, die wo oin krank mached. Se seied soo kloi, dassbas gar idd siechd. S Michele ibrlegd kuuz ond nocha moind a: Gell, Schweschdr, abr mier Krischde gloobed idd draa!

    #80Author manni3 (305129) 29 Dec 20, 14:47
    Comment

    Ruddschat guat nômm ens Nuie Jauhr, bleibat xônd ônd freehlich!

    #81Author twocents (460778) 31 Dec 20, 19:13
    Comment

    Eich alle a guads Neis.

    #82Author bluesky (236159) 31 Dec 20, 20:06
    Comment

    Dir au, hemele, on Faschtfemferle, on älle andere au: a guats nuis Jòhr, on ihr wisset jò:

    https://www.youtube.com/watch?v=EWE7IlpgnIA

    #83Author Goldammer (428405) 31 Dec 20, 20:32
    Comment

    Also gued, ausgmachd: koi Krachar dees Johr - danke, Emmrle fiers Draadenke ;-)


    I wensch ui oo all, dasses s nägschd Johr bessr wäed!


    An guede Rudsch :-))

    #84Author manni3 (305129) 31 Dec 20, 21:34
    Comment

    Isch winsch Eisch aach allegaare eh Gudda Ruddsch unn fill Gligg unn foa allem Gsunndhääd imm Neije Joaa !

    #85Author no me bré (700807)  31 Dec 20, 22:00
    Comment

    A guaz Nuis, allemiddanand!

    #86Author schwäble (951819) 01 Jan 21, 10:24
    Comment

    Noch däer Lischde hand die do heid Namesdag:


    Marie Judith / Maira / Josia / Mayara / Malea / Myra / Marlies / Sakura / Vasiliki / Billy / Maraike / Marianthi / Meira / Marei / Vassilios / Joschua / Marike / Mariela / Maija / Ulrike Maria / Mari / Marica / Cordula Maria / Josiah / Mariska / Mae / Maiken / William / Maria / Julie Marie / Jeschua / Mie / Euphrosine / Marigold / Mairi / Munja / Jule Marie / Anna-Maria / Evamarie / Luisa Maria / Gisela Maria / Belmir / Moira / Bianka Maria / Maybrit / Rosa Maria / Evamaria / Armen / Shayenne Mary / Sandra Maria / Marijana / Carmen Maria / Dejan / Maïwenn / Mariah / Marie Christin / Mare / Marline / Maresa / Maryse / Maria Theresia / Maie / Maribel / Marilen / Anna-Marie / Elisabeth Maria / Mary Jane / Immanuel / Maria Elena / Jessika / Malia / Teresa Maria / Fruzsina / Marissa / Marje / Maray / Merja / Meriem / Maika / Manuela / Manel / Marjan / Marietheres / Lisa-Marie / Marlina / Leyla / Marella / Helga Maria / Ria / Manou / Murron / Marita / Marie Astrid / Mariken / Anne-Marie / Lisa Maria / Ina Maria / Marie-Lou / Ela / Barbra / Elke Maria / Marlena / Elena Maria / Judith Maria / Mayra / Mariel / Majken / Joshua / Mylene / Lena Marie / Mascha / Marielena / Rieka / Maria Mercedes / Marialena / Majvi / Mary Lou / Marianna / Mariama / VassilikiMaria / Polly / Annemieke / Marja / Marie-Louise / Lena Maria / Marie Ann / Helena Maria / Jordyn / Marika / Marie Sophie / Mariola / Mariechelle / Marie Johanna / Marilou / Manolo / Mieke / Marliese / Marieka / Marielle / Mariana / Marlyse / Lydia Marie / Mariagrazia / Rigantona / Marisela / Mariele / Guglielmo / Mareile / Marlis / Vasili / Mietje / Lisamarie / Gina Marie / Mia Marie / Mareike / Marisol / Maila / Vilmos / Leila / Marija / Marla /



    #87Author manni3 (305129) 01 Jan 21, 11:00
    Comment
    A xunds Nei's allseitz!
    #88Author Miss Anthropy (700297) 01 Jan 21, 21:34
    Comment

    A guads Nuis oo vo mir!

    #89Author Selima (107) 02 Jan 21, 10:12
    Comment

    Mei Beidrag fir heit: ein Schmankerl regionaler Gleinkonscht.

    I han me schäbs glacht.

    #90Author Goldammer (428405) 02 Jan 21, 15:20
    Comment

    "Abr äerschd amohl holl i mier a Läebrkäsweggle" - moind däe an Läebrkässehml? 😈

    #91Author manni3 (305129)  02 Jan 21, 16:37
    Comment

    ... odda filleischd sogaa eh Flaischkääswääg ?

    :-))



    ... dii allabäschde hodd doomools mei Onngell Säbb inn seina Woaschdkisch hinnam Medsjasslaade gemacht ... foa allem waa kää Wägg drommromm ...

    #92Author no me bré (700807)  02 Jan 21, 17:12
    Comment

    A wengle schbät, abr vo Herza: A guats Neis, liabe Schbätzla ! Blebet gsund und munter un allzeit froh, wia dMaus im Habrschdroh!!!


    Dankschee fr eire Winsch. Die kennamer älle braucha !


    So luschdig, Vegale ! Der Läabrkäswegga erinneradme a mein englischa Bragdikant, wone môl ghett honn: Wenns im Penni ibrd Schdroß num Läaberkäswegga gäa hot, hottermr ammel des Feschbr gäa, wonem sei deitsche Mamma gmacht hot. *freitme heit no* hihi - sellmôls warer siebzehne und heit ischer dreißge.

    #93Author Moi Gab (456541)  03 Jan 21, 11:56
    Comment

    Am Samschdig hot dr Gerald Huabr, dr Dialeggt- ond Schborchaschbezjalischt beim Be-err, iebr "haii" (mit vokalisiertm -l-), bairesch fr glatt, gschbrocha ond gmoint _friarnr_ hättmr des em Schwäbischa oo kennt. So a Gschmarribäbb! Bei oos hoißt des heit no heal. Wannz heal dussa isch, sottmr vorsichdeg vor Diar gau.


    Guada Morga zom erschda Arbatsdag.

    #94Author Selima (107) 04 Jan 21, 07:17
    Comment

    Des heal haoni ibregens zwaimohl als "hähl" in eisr Wäerdrbuech gschriehbe. Hedda bloss neiluege mieße, däe Gschafdl-Huebar. Manglhafz Kwelleschdudiom! Abr mier Schwobe kommed allad zkuuz im BR :-(

    Vo deam Woed hammrs scho im äeschde ond zwaide Fädele (do midd Eddemollegih, weils sSchdickle* id kennd kedd hadd) kedd :-)

    Vileichd soddis midd deir Wariande "heal" noml vrlingge, dass es oo a Bair fendt!


    * Däe wäed sei Kwarrandähne in schblendid Aiseleischn uff seim Säeglbood zwische Lindau, Bregenz ond Konschdanz vrbrenge ;-)

    #95Author manni3 (305129)  04 Jan 21, 10:03
    Comment

    Globbsch Du, daß a Bair en an dezidierda Schwaubafada neiguggt? A Obrschtbair erscht? I globb idd. Pferleicht schreibem Huabr amol.


    Haunesmr doch dengkt ghabt ghett, daß mrs dau drvo schomml ghett ghabt ham. I bee lei zgschdingat gwea, daßne oba nauchluag.


    As Schdiggle? En Gwarandäne? Moisch?

    #96Author Selima (107)  04 Jan 21, 15:48
    Comment

    Als Ausred hald, dassn dr Kretschmann drodz Lockdaun uff de Säe zom Säegle ladd ;-)

    #97Author manni3 (305129) 04 Jan 21, 16:28
    Comment

    S'hôht gschneit :))))))

    #98Author Moi Gab (456541) 06 Jan 21, 11:34
    Comment
    's schneit äwwl no! :-D
    #99Author Goldammer (428405) 06 Jan 21, 11:50
    Comment

    Dò ooh 🙂

    A guets näus Jôhr, an allerschbôteschder, abr net mindr härzlichr Näujôhrsgrueß an di fließige Fädleschriebar !


    Am drießigschda Dezembr isch mis Poschdfach überkwellt vô LEO Benòchrichtigunga, und zwor dernige, dia mi per imeehl dra erninnern, dass as an näus Poaschding gêh hôt bi mina abonniarta Fäda...dia meischta waren Schwobafäda, agfange bi Nummer segsadachtzge kwer durch die Fädanummera bis zum hundertnünanünzger. I hôn mi gwunderet, well des jô volle Fäda sin, und wenn e am Link nohegange bin, bin i zmeischtends zmiz i da Fäda glandet, und es war luschdig zum läsa 🤭, was dô alls gschriebe worra isch...manche waren oh Fäda, dia i poaschded ket hôn im Länguadsch Läb mitra Fròg a d'Kommjuniti. A näue Iitrag war abr niana vorhanda...Sacha giits 🙄

    #100Author karink (659752) 06 Jan 21, 12:57
    Comment

    Guggus Karinkale, I honn dia Imeehl-Benôchrichdunga id agdiviert, grad welle id will, dass mei Boschdfach ibrquillt und bin froh driebr.


    Dir au a guads Neis, mit ganz viele liabe Kiah und Moggala 🙂

    #101Author Moi Gab (456541) 07 Jan 21, 10:11
    Comment

    S hadd oo gschneid. Schea siechz aus ;-)


    Dussa em Wald

    Haz a klois Schnäele gschneit

    Drom isch so kald

    Dussa em Wald


    Sommrzuig hî

    Sommrzuig häe

    Koof mr meinr Läbdag

    Koi Sommrzuig mäeh



    #102Author manni3 (305129) 07 Jan 21, 13:15
    Comment

    A scheas Gedichtle - hosch des sell gmacht?


    I be heid scho em Schnea gwea ... desch fei ganz schea rutscheg, worar feschtgfahra isch.

    #103Author Selima (107) 07 Jan 21, 13:21
    Comment

    desch fei ganz schea rutscheg, worar feschtgfahra isch.


    Also isches heal?

    #104Author twocents (460778) 07 Jan 21, 14:02
    Comment

    Gwasi. Wobei i moi, daß mr bei oos eanr zum Eis heal sät.

    #105Author Selima (107) 07 Jan 21, 14:41
    Comment

    #103: Noe, des hòt dr manni et selbergmacht. Desch bei ons en der Schul em Liederbuch gschdanda. On der Wolle Kriwanek hòt's au gsonga!

    #106Author Goldammer (428405) 07 Jan 21, 15:00
    Comment

    Jô, des isch a schees Gedichtle. I honn da ganz Dezembr scheene Gedichtla gläasa. Ois davo hôts Vegale bedroffa. So schee. Vegale, magsches id dohinna amôle vorschdella?

    #107Author Moi Gab (456541) 07 Jan 21, 15:25
    Comment

    Weels moinsch? Wenn-e's effentlich schreiba derf, gern!

    (Woisch, mei Gedächtnis isch a Sieb.....)

    #108Author Goldammer (428405)  07 Jan 21, 17:22
    Comment

    Grüß Gott mitanander, i les jo scho a Weile häalenga (mit Fraid ond Enderesse) mit, han me abbr ned draut, me azmelda. Heit hab e abbr an Grond, nämlich des Liad „draußa em Wald“ ond dr Muat (i woiß jo, dass er em Regelfall ned beißat) ghet, des doch z'macha, . Des hen mir als Kender au scho gsonga. Jetzt han e bloß a Frog: Miaßt des ned „hot's a klois Schneale gschnia“ hoißa? I kenn's seit meiner Kendheit blooß so.


    Also: schneia – gschnia analog zu schreia – gschria.


    Ibrigens em Wolle Kriwanek sei Blues-Version kenn i au, 's gibt au no oine von der Mundart-Pop-Rock-Gruppe „Wendrsonn“ ausem Rems-Murr-Kreis.

    #109Author opadeldok (1319435) 07 Jan 21, 20:32
    Comment

    Grießdi, Opale, dees isch abr schea, dass de draud hasch ond oo ebbs schreibsch. Des schdemmd scho, beiße dommr räechd seldn - ond wenn, nocha ganz freindschafdlech bloss a bissle, ganz hofele zom Schbass ;-))


    Jedz was des gschnia aagohd, kenn i des vo meim Vaddr im Oschdallgai als gschnihbe.

    Bei de Baire isch des ibregenz oo efdr so.


    I hao grad beim Grimm seine Buebe im Deidsche Wäedrbuech glueged, ond die hand oo schdarke Forma gfonde:

    2) die conjugation des wortes ist im mhd. wie im mnd. schwachformig; doch zeigt sich schon früher starke form: [Pyrenas] ninguidos, versniegun perga (für versnigan?) Prudentiusglosse bei Steinmeyer-Sievers 2, 435, 56; erst nach dem mhd. aber in häufigeren beispielen: und was ain kalte nacht und schnib darz. d. städtechron. 23, 70, anm. 1; dasz es in der zeit auf die stund schnib und kalt was. 429, 4; bis in die neuere sprache hinein, namentlich auch im part.: in einem winter, da es geschnihen hett.


    Also i sag aingdle allad s hadd gschneidt. Abr veleichd isch des oo bloss dr faddahle Eifluss von ar hoechschbrochege Omgebong. Im Dialeckd schwädz i aingdle bloss schreibendarweis do hinna ;-))

    Wo bisch du häe, dass du gschnia sehschd?


    Luegebr amohl, was die andre saged.

    #110Author manni3 (305129)  07 Jan 21, 21:14
    Comment

    Oh, Opale, desch abber nett, dass mir di mit dem Gedichtle reilogga hen kenna!

    Zom Thema gschneit - gschniea: en dera Gegend wo i ufgwagsa ben (Onderjeddenga zwischa Herraberg on Nagold) hòt mr boides saga on hera kenna. En dem Liedle han i allerdengs emmer "gschneit" kennt on gsonga. I gruschtl morga amòl des Liederbiechle raus on guck.

    I vrmut dass des reladiv gloidailich en vrschiedene Gegenda wariiert - mòl 's oine, mòl 's andere, mòl boides wie emeim Fall.

    I ben au gschbannt was die andere saget.

    (On nò geit's no a Wariande mit ma b denna: schneiba, es schneibt)

    Em manni seira Fròg dät i mi au no ãschließa: wo bisch du gnauers her? I tibb uf dr Großraum Schduagert.


    (...on was mi neigiericherweis nadierlich au no endressiert: bisch du ächt a Opa odder bloß en deim Nick?)

    #111Author Goldammer (428405)  07 Jan 21, 23:25
    Comment

    I vermut amol, des opa isch a Verschreibsler, Opodeldok isch a Rheumasalb, dia scho dr Schwejk selligsmol benutzt hot. Ansonschda: Griaß di.

    #112Author bluesky (236159) 08 Jan 21, 06:09
    Comment

    Griaßde, Opale :-) Schea, daßmr an nuia Mitratschr hand. I däd oo moina, daß Du so oogfähr ausm eschdlecha Wirdaberg kommsch ... vo dr Alb ra pferleicht? Du schreibsch "nui", "kloi", "woiß" (wia bei oos), abr "hen" - desch eanr weschdlech vo dau wo i herkomm.


    Bei oos hots frianr erscht gschneialat ond hernocht hats gschnia ghett (desch ja middlerweile ebbs seldns). Abr gschnieba kommt mr oo idd ganz oobekannt vor. Abr bei oos ischas ja erschdns idd weit zom manni seir Schbrochhoimat ond oo idd weit ends Bairische. Ond ball i iatz em manne seir Schbrochhoimat leab, basstse mei Schbroch oo scho aa (vide "idd" ond "oo" schdadd "nedd" ond "au").

    #113Author Selima (107)  08 Jan 21, 07:01
    Comment

    "oo" schdadd "au" isch a Oschdallgaiar Schiboledd, sozomsage. Uff däer Kaarde glaube/gloobe.

    Em Feldarwierde sei Frau isch ussm Ondrland gwe, dreißg Killemeddr nerdlech vo eis. Wenn r ebbs idd gfalle hadd, hadze "Au no!" xed. Midd deam habba se iehren Läbdag lang aufzoche. Nocha hadzes äeschd räechd ibrdeidlech ausgschbroche ;-)

    #114Author manni3 (305129)  08 Jan 21, 08:04
    Comment

    Noch dera Karte wäre ja garidd en Deinr Schbrochhoimat. Was schwätzat nocher dia dauhanna?

    #115Author Selima (107) 08 Jan 21, 08:21
    Comment

    An guata Morga, erschtmol dankschee fir dia herzliche Begriaßong.


    Erschtens: Manni, bei mir isch des Dilemma, i schwätz meh schwäbisch, als e schreiba dua. Ond wenn i des Schreiba amol ganz richtig fonetisch macha will, ben i emmer am verzweifla, kommt do jetzat uff des A oddr O a Dächle, an Kreis oddr was es sonscht no geit druff. :-(


    Zwoitens: Emmerle (derf i des scho so saga) reacht hosch. I ben quasi am Fuße des Wirtembergs gebora worra. Uff dr Alb dädats se me an Hecka.... nenna. I hab abbr au scho a baar Johr em 'Altkreis Nürdinga gwohnt. Ond laschd but not leaschd au fuffzehn Monat en dr Nähe von Minga.


    Drittens: Jo, i ben an echter, faiffacher Opa. Ond doher au dr Nick, weil i mir mei kendlichs Gmiat bewahrt ond mei Leidaschaft fir d' Augschburger Puppakischt an mei Dochdr ond mei Enkelin vererbt hau. Ond dia Enkelin hot me, wia se etwa drei war ond se me bsucht hen, gfrogt: „Opa, hosch du au dia Opodeldoks“. Klar doch. :-)

    #116Author opadeldok (1319435) 08 Jan 21, 08:44
    Comment

    Opale, wexem fonedesch Schreibe brauchschde idd vrkobfe. Des isch bei deam ibrweldegende Wockaalreichdom im Schwäbesche gar idd meglech, ond dDialeckdforschar hand drfier a Schrifdsischdehm, des wo koi Normalschderblecha idd läese kaa.


    Wenns missvrschdendlech sei konnd, kaa ma se mit Ackzend behelfe:

    - fiers a in "abfangen" kasch àfange nemme

    - fiers a in "anfangen" kasch âfange nemme. S Emmrle schreibd abr oo gäere ãfange, weils scheanr sei ;-)

    - s ie isch a bissle kriddisch, weil des e in "die" bei eis ja aigndle gschbroche wäed - als Schwa ə. Fiers lang i nemm i drom liebr ih, abr s mueß idd sei. Des machd a Jez noch seim Guschdo ond bis jiedz hammr eis allad no vrschdande :-)

    dRusse schreibedz mid o in deam Fehlename, dean wo se vo de Gote ibrnomme hand: Lioba - Liebe :-)



    Des isch a scheane Gschichd midd deim Nick :-))

    #117Author manni3 (305129)  08 Jan 21, 09:02
    Comment

    Mr ka nedd behaupda, dass LEO nedd bildat. Schbrâchlich ond au allgemein. Des mit derra Salb vom Paracelsus haune au no nedd gwisst.


    Apropoh Ondrland, frieher haune emmer denkt, dass dia Gegend ab Heilbronn drmit gmoint sei, abbr irgenwo isch amol gschtanda 's Ondrland dät scho ab dr Alda Waischteig en Schtuagert âfanga.

    Ond jetzat grad haune glesa, dass dr Dichter von dem Liad „Drunten im Unterland“ aus Zell am Necker war ond des isch no a baar Meter flussuffwärts vo mir. (Nebenbei sinnierend aus dem Fenster auf die Wellen des Neckars schau).

    #118Author opadeldok (1319435) 08 Jan 21, 09:49
    Comment

    sOndrland vom Allgai aus xäeche hadd frienr do âgfange, wos koin Schdachldrohd fierd Vihwaida meah gea hadd. Abr heizedag geiz oo im Allgai faschd koin Schdachldroht meah, weil se dKieh nemma uffd Waid ausdreibed, sondrn sGreafueddr mibbm Mähladar reimähed! Die däded mäehr vrdabbe als fresse, moind mei Kusâh, däe wo a ganz a moderna vollmaschinerierda Baur isch.

    #119Author manni3 (305129)  08 Jan 21, 11:05
    Comment

    (Dò dät me jetz endressiera, was es karinkele zu dera Hibbothese secht dass Kiah uf dr Weide maih vrdabbet als wia fresset! )


    Femffachopale, (glar derfsch du Emmerle saga!) i frai me dass i di rein ufgrond vo dene baar Sätz wo da gschrieba hòsch doch einichermaßa aggurat han vrorda kenna! Des vrblifft me emmer wieder.

    (Hecka..... - i fròg me wer älles vo onsere Mitschreiber woißt, wia des weider ganga dät.... 😀)


    Schdell dir vor, i war no nia emeim Läba ufm Wirtemberg! Abber kirzlich han-e ieberlegt, dass i dui gigantische Bildungslicke desjòhr endlich schließa mecht on han a Ausfliegle blãnt, on des gòht so: Dr Dengs on i dädet en Degerloch em Parkandraid-Parkhaus parga, mit de effentliche Vrkehrsmiddl uf Ondertürkheim fahra, von deet uf dr Wirtemberg wandra on zom Schluss em "Hallo Emil" eikehra. Dò schafft nemlich dr Soh' vo meira eldeschda Fraindin (mir kennet ons bragdisch vo Geburt ã. Wo-n-i gebora ben, hòt mei Muader meine Schweschdra zo dr Nòchbere gschickt, se dirfdet zugugga wia dene ihr Kendle badet wurd - on bis se hoimkomma sen hen se selber a Schweschderle ghett!).

    Also der Soh' isch dr Koch bei dene, on kirzlich isch onder dem Tiddl "Schduagert geht durch den Magen" a Jutjuhb Wideo erschiena wo der zoigt wia-n-r an Gaisburger Marsch macht, dò griagsch richdich Abeditt druf!

    So wär des a wonderschene Bildongs- ond kulinarische gloine Reise, hemmer ons denkt ghett...so ens Friehjòhr nei, wenn d' Gaschdheiser widder offa hend.


    I hett's Onderland au et õbedengt scho an dr alda Woischdaig ãfanga lassa en meira Vorschdellong...velleicht so ab dr Ludwigsburger Gegend...


    (Nebabei sinnierend ausm Fenschder uf d' Achalm guck....)

    #120Author Goldammer (428405)  08 Jan 21, 11:33
    Comment

    Hoi, a nuis Gsicht dau henna!

    Opadeldok, griaß De ônd herzlich willkomma em Schbbaga!


    (Etzt hett-e schiergaar "herin" gschrieba schdatt "henna". Des kommt drfoo, wemma zlang em Bairischa ôndrweags isch.)

    Opale, etzd mießdesch mr au a bissale helfa: "Deldok" schdaht fier was?

    Êm Wierttabergischa hette-e de au vrmuatat, irgendwo zwischa Ôlm und Schduagatt.


    Weil da gescht vom Wolle Kriwanek gschrieba hasdch, isch mr a Gschichtle drzua êoigfalla.

    Naucham Abbi ben-e mit zwoi Freindenna auf Englad gfaahra. Irgendwenn semmer auf ra Parkbank ghoggt, ônd i hau mit oinr zemma "Guggug, i han a UFO gseah!" gsônga. De Dritt isch vor Schenanz schier em Booda vrschlubft.

    Drbei war itamôle ebbr dau, wo ôns gheert hett. :-)


    Emmrle: Hegga.. (... brônzr?) :-)

    #121Author twocents (460778)  08 Jan 21, 11:49
    Comment

    Des mit dr Grabkapell isch fei a guade Idee. Des isch oiner vo meine Lieblingsblätz, vor ällem em Sommr âbends so ab sechse mit ma Buach ond was zom drenka an ra Säule gloint en der Sonn sitza, bis se fascht ieberm Stuagerter Oschta verschwendat. Om dui Zeit isch au nemme so viel onderwegs. Weil se sich dort no vor a baar Wocha schier z'tod dappt henn isch der Zugang zwengs Corona zur Zeit gschberrt. Uff dr Achalm war i oimal en de Achtzger mit meine zwoi Dechdr wo se no kloi waret.


    Em Hallo Emil ben i bis jetzt no nedd gwäa. Beim Vorgänger Cassiopeia oi, zwoi Mal.


    Zom Gaisburger Marsch sag i bloß ois, wenner guat isch kennt i dren bada. Außer dem vo meiner Muader haune aber blooß oimâl an guada kriagt ond zwar als i 15 Monat en Bayern en dr Diaschpora glebt hau. Do hâts en der Kantine vo dr Kasern am Starnberger See am Wochaende Gaisburger Marsch gäa. Nadierlich waret fascht älle am Wochaende drhoim, blooß i armer Hond hau Dienscht ghet. En derra Riesa-Kantine für a baar Hondert Leit henn sich vielleicht zwanzge, dreißge genauso arme Daggl wian i vrlaura. Des war nachem erschta randvolla Dellr mei Chance fir meh, ganz ohne âschdanda. Am Ende warets femf randvolle dellr ond i hau schier nemme laufa kenna.

    #122Author opadeldok (1319435) 08 Jan 21, 12:32
    Comment

    DuSenzle, Opodeldok haoni oo idd kennd, scheinz uss Mangl an Enkl ;-)

    Abr ma kâas guhgle!


    Dasses dean Wiedeberg geid, haoni oo no idd gwissd. I kenn Wiedebergar bloss im Blural ;-)

    #123Author manni3 (305129)  08 Jan 21, 12:39
    Comment

    Griaß di Dusenzle, des herin het'st scho a schtengan lossn kennan, sovui boarisch dat i grad no zammbringn. ;-)


    Zu deinera Frog. „Die Opodeldoks“ waret a wia emmer a vierdoilige Gschicht vo dr Augschburger Puppakischt vo 1980 en dr ARD. Gschrieba vom Paul Mahr.


    Manni, des hedsch wega mir nedd wegedidiera miaße. Mir Wirddaberger send doch firs Senga bekannt. I sag blooß Silcher ond Gotthilf. Ond solang se blooß luschdiga Liadla ond koine schwe..ische gsonga henn isch doch älles guad, oddr? ,-)



    #124Author opadeldok (1319435) 08 Jan 21, 12:54
    Comment

    manni, dò gugg nã! Leo büldet also au di no uf deine alde Däg!


    (schad, dass mr des naus isch was da wegedidiert hòsch...dät mi nochm Femffachopale seim Kommendar scho no endressiera....)

    #125Author Goldammer (428405)  08 Jan 21, 13:02
    Comment

    Opale, i mechd da Dialeggd id ôobedengt vrmischa ...

    ... oba em Noodfoi koon-e Bairisch scho aa! Ois andre waar jo a blääd noch dera langa Zeid do in Minga.


    (zômEmmerlebischbr) Dr Manni hat sênngemäß gschrieba, dass-d die Wierttaberger znachhd ôm Zehne en Gruppa en d Alphitta kommat ond Liadla sêngat (/zômEmmerlerbischbr)


    (nommzômEmmerlebischbr) schdermmt dr Hegga ... brônzr?(/nommlzômEmmerlebischbr)

    #126Author twocents (460778)  08 Jan 21, 13:09
    Comment

    Wo i grad am Manni sein Beidraag em Niagheertewerdrschbaaga gleasa hau, isch mr "Ruafa" wiedr êigfalla.

    Wär des ebbes frs Werdrbuach, oder kennt des außr mir koinr als Schwäbisch?

    #127Author twocents (460778) 08 Jan 21, 13:30
    Comment

    Noi, Dialeggd vrmischa wellat mr nadierlich nedd. Send mr doch froh, dass (no) so viele vrschiedene geit.


    Also des mit de Heggabrônzr oder au Heggasch... hot sei Bewandnis do drenn, dass en de Sechzger emmer meh a Audo ghet henn. Ond dia aus Schtuagert, Esslinga, Beblinga etc. dann älle nadierlich uff d Alb gfahra senn ond bei beschtimmte körperliche Regunga dene dann hender de Hegga nochgebba henn. Des hot de Albbaura abbr so was vo gar et gfalla. Seither geits den besagta „Kosenama“ fir os dâ honda.

    #128Author opadeldok (1319435) 08 Jan 21, 13:32
    Comment

    A Ruafa isch des vielleicht s gleiche wia a Schronda (Schrunde)?

    #129Author opadeldok (1319435)  08 Jan 21, 13:33
    Comment

    Des hot de Albbaura abbr so was vo gar et gfalla. Seither geits den besagta „Kosenama“ fir os dâ honda.

    :-))


    En de sechzgr Jauhr hat's ja auf dr Alb au no zwischa de Eggr Hegga geah.

    Die sênd dann mit dr Flurbereinigong Âafang/Midde siebzgr alle rausgrissa worra.

    En deara Zeit hand se au viel Aussiedlrheef außrhalb vô de Derfr zmiddeschd ên dEggr nêibaut, od fr dZuafarht da Feldweg teert odr beddoniert.


    A Ruafa isch des vielleicht s gleiche wia a Schronda (Schrunde)?

    A Ruafa (Riaf) isch a Wundschorf. Em Ardiggl, wo dr Manni vrlenkt hat, werrat au Schnearuafa erweehnt. Des sênd dia schderrige Flegga Eisschnea, wo ganz am Schluss beim Dauwedder no iebrig send.

    A Ruaf isch ebbes wo eher auf ebbes draufliegt. A Schrônda isch fr mi ebbes wo se êikerbt hat.



    #130Author twocents (460778)  08 Jan 21, 13:38
    Comment

    Ja genau, Schorf haune au gmoint. Schronda sen Hauteiriss vor ällem bei trockener Haut. Wia hât mei Muadr älleweil gsait: "Nedd so wia e sag, so wian e moin". ;-)


    Des mit de flurbereingte Hegga ond au Feldrain war en dr Rigorosität scho an Fehler. Des waret jo schliaßlich Schutz- ond Lebenszona für Kloiviecher ond Insekta ond hât au a weng dr Wendabtrag vom koschtbare Boda verhendert. Abbr se wellat jo anscheinend zumindescht die Feldrain wiader a weng meh Beachdong schenka.

    #131Author opadeldok (1319435) 08 Jan 21, 14:04
    Comment

    Rufa ond Schronda send globi allgemeinschwäbesch bekannd ond drom schdandeze wahrscheinz idd in eisrem Warianddeweädrbuch. Abr i kaas ja fier die nägschd Ausgab (Ausgab - Ausgäbele? hmm...) amohl voermerke, wenndr moined.

    #132Author manni3 (305129)  08 Jan 21, 14:20
    Comment

    Opale, des isch die Gschichd vonar Bergwandrong midd Ibrnachdong uff dr Hidde uffm Middag bei Immeschdadd. Die äeschd Bergwandrong fier mei Frischââdraude vo Hamburg. Die vrzell i jiez abr idd deddailierd ;-)

    #133Author manni3 (305129) 08 Jan 21, 15:12
    Comment

    Also ganz so schlemm isches et mit de Hegga - uf dr Reitlenger Alb zomindescht, wo mir viel laufet, gibt's no reladiv viele Hegga on gloine Gehelzla. Oft sen dia letschdere uf alde Läshaufa ufganga, wo d' Baura frieher d' Schdoiner ausm Feld glaubt (et glaobt, gell!) on an beschdimmde Blätz ufgheift hen. Sicher hòt's frieher no maih drvo ghett, des schdemmt.

    Kirzlich han i an Artigl drieber gläsa, i glaub des war sogar a Forschungsbericht aus Hohaheim, dass se des mit dem Wend jetzt gnauer erforscht hent on grad mitm Glimawandl on dene viele droggene Sommer isch des zemlich wichdich, dass mr widder maih Hegga on Baim am Feldrand bflanzt, weil nò dr Wend d' Ägger et so ausdriggnet, desch erschdaunlich, was des ausmacht!


    Rufa on Schronda: seh i au so wie's zwoisentle sehr schee bschrieba hòt. Fir dia alde Schneepflerra han i's abber bisher et kennt ghett.


    "Nedd so wie e sag, so wia-n-e moin" - meid mai dei! Sehr brauchbar, i glaub des mua-n-e en mein agdiva Wortschatz iebernemma! 🙂


    (Opale, gugg dr au amòl genisslich ã wia dei Erscheina onser Fädele beläbt!!)


    #134Author Goldammer (428405)  08 Jan 21, 15:35
    Comment

    In deam Sadz vo deir Mueddr schdeckd vihl Läebmserfahrong ond induidifs Schbrochvrschdendnis. Des kommba se efdr in a baar LEO-Diskessjona om Kaisars Bard wensche :-))

    #135Author manni3 (305129) 08 Jan 21, 16:10
    Comment

    Ui, i hau gar et denkt, dass i no uf meine alde Däg a beläbende Wirkung hau kennt.


    Meine Eltera henn scho a baar Schbrüch druff ghet. Mei Vaddr hot, wenns amol Schtreit onder ons Briader gäa hât: „Wenn jetzt nedd sofort a Ruah isch, nemme dr oi ond schlag dr ander drmit z'tod“.

    Mir hennns abbr älle überlebt. :-) Schläg hâts bei ons koine gäa.


    Uff dr Reitlenger Alb war i scho länger nemme. I glaob (nedd glaub *g*) z'letzscht uff dr Burg Lichtaschtoi, bei dr Onderhos ond bei Grabastetta ben i durch d' Gustav-Jakob-Höhle kraucht. Des letzschtere isch abbr fascht zeah Jâhr her, des kennt i, weil dr Zâh dr Zeit an meine Schultra nagt, heit nemme. I beschränk me jetzt halt uff Wanderonga mâl uff dr Ostalb (Drei-Kaiser-Berge), mâl en der Weilheimer Gegend (Limburg, Zipfelbachtal, Broitaschtoi), mâl em Lonetal oder ganz oifach bei mir en dr Gegend em Schurwald.


    #136Author opadeldok (1319435) 08 Jan 21, 16:36
    Comment

    Manni, du hâsch uff Grund von dem oina Satz mei Muadr richdig eigschätzt. Sie hât abbr au no a ghörige Portio Humor ghet. Ond Gedichte hât se au gschrieba mitm richdiga Gfühl firs Versmaß. A weng drvo hât se mir vererbt.

    #137Author opadeldok (1319435) 08 Jan 21, 16:43
    Comment

    Mei Muadr hot oo so Weisheita:

    Wear aubnds laang furt ganga kaa, kaa endr Friah au aufschdanda.

    Wann ned glei zom blärra aufhearsch, nocht schmiere Dir oina, daßd woißsch, warom d'blärrsch.

    #138Author Selima (107) 08 Jan 21, 16:45
    Comment

    Zu denne (nedd blooß LEO) Diskussiona gilt halt au meischtens der Satz vom Karl Valentin: "Es ist bereits alles gesagt, nur noch nicht von allen". ;-)


    Ameisl, ja genau dia zwoi Schbrüch senn au scho amâl vorkomma. Abbr selta, mir waret jo emmer brav.

    Hoppala, jetzat isch mr doch schier mei Scheiheiligaschei verrutscht. ;-)

    #139Author opadeldok (1319435) 08 Jan 21, 16:55
    Comment

    :-)


    Dau gugg, ich ruckdr dein Hoiligaschein mear grad ():-)

    #140Author Selima (107) 08 Jan 21, 17:01
    Comment

    Merci vielmols, des isch liab. Nedd dasser gar no nahaglt ond a Dalla kriagt.

    #141Author opadeldok (1319435) 08 Jan 21, 17:21
    Comment

    Buale, des kemmr ned vrantworta. Am End leichdedr nochd nemme ond ds Opale vrlofft se, wo's doch scho kuahnaacht isch.

    #142Author Selima (107) 08 Jan 21, 17:48
    Comment

    Guada Morga, Schbätzla und wellkamm Opadelokle!

    Kaum kaasch amôle id reiluaga, scho isch dohinna dHell los (schbrich, wenn i id dôbin, no sinner agdiev). Abr machd nix, Hauptsach, s'isch äbbes los. Und wenn nô a neis Opale dabei aufdauchd, no isches umso scheenr. S'erinnarradme a dia Zeita, wonô sSchdiggle mitgschrieba hot und wonô sPotzigle mit dabei war (mueß ammel nô annen dengka).


    "Ond laschd but not leaschd" isch eich au aufgfalla, dassda Opadelok au guad Schwinglisch ka?


    re Vegale #108: I moin des, wo dei Mamme fr de gschrieba ghett hot. Desch so liab, dammers Herz aufganga isch. Muasch abr id dohinna schreiba, wennda id magsch.


    re Himmale #112: Ju häff meid mai dei!


    Liabs Opala, mi freits saumäßig, dassda bei eis glandet bisch! Da wirsch säah, mir sin älle liab und nett und hilfreich. Des hoißt, wenndr môl äbbes vrschudschd, kahschde gern a uns wenda. S'Amoisle und da Reschd vom Schitzafeschd ruggeder älls wiedr ins Lot.

    #143Author Moi Gab (456541)  09 Jan 21, 11:34
    Comment

    Griaß eich Gott älle mitanander,


    dass jeamerds Buale zu mr sait, hôts scho lang nemme gäa. Dô fiehl i me doch glei om a baar Jährla jenger ond schtärker, i kennt grad an Grashalm rausrupfa. ;-)


    Mei Schiinglisch ond mei Denglisch send au besser als mei English. Des haune en de sechzger zwar en dr Schual ghet, aber do isch blooß onderkellert worra ond nôchher haune vergessa a Häusle druff zu baua. Abbr emmerhin haunes gschafft 1970 mit ma Schualkamerad uff seiner Herkules K50 Sport nach Cardiff zu fahra. Erhôt gar koi English gschbrocha ond hôt mi als Dränslätr braucht, sonschd wärs mit dr Onderhaltung a weng schwierig worra. Der Kerle hôt em Wendr drvor beim Schifahra en Tirol a Mädle aus Wales kennaglernt ond nach Briafwechsel übers Jôhr (iebersetzt vo mir) hôt er se bsuache wella. Gsagt ond doa. Des war a luschdige Fahrt, wenn mr dia zeah Platta am Henderreifa drbei vrgisst.


    En Deitschland hôts jo noi koi Helmpflicht gäa, aber uff der Insel scho. Mir henn also Helm drbei ghet ond se au scho ab dr Abfahrt draga. Blooß oimal scho en Cardiff fir an ganz kurza Trip hend mr se vergessa. Nadierlich semmer vrwischt worra. Dr Offissr hôt ons ermahnt mid folgenden dragenden Worden: „Yuo must wear helmets. Because if you have an accident i must pick up the pieces. I hau den Satz ond dem sei schelmisches Grinsa heit no vor meim geischtiga Aug wia wenns geschtern gwäa wär.


    Ach ja, wegam vrrutscha vo meim Scheiheiligaschei. Frieher hätt i den jâ no mid meine Hôôr verflechda kenna, heit gôht blooß no feschttaggera. Ja, ja, auch ich war ein lockerer Jüngling mit Haar! Oddr wars anderschrom? ;-)

    #144Author opadeldok (1319435)  09 Jan 21, 12:42
    Comment

    Also Gäbele, des Gedicht hòt mei Mudder et gschrieba sondern ufgschrieba. Desch vom Wilhelm Busch - ebbes dodal anders als was mr susch vonem kennt, Lährer Lempel on Max on Moritz on dui fromme Helene on so weider.

    Als jonge Frau hòt mei Muader a Biechle ghett, wo se dia Gedichde neigschrieba hòt, dia wo eahra gfalla hen. On des handgschriebene Biechle hòt se fir mi in a anders Biechle abgschrieba.


    Des Gedicht wo em Gäbele so gfalla hòt gòht so (on weil dr Wilhelm Busch scho lenger wia siebzg Jóhr dot isch derf i des dòhenna neischreiba):


    Wärst du ein Bächlein, ich ein Bach,

    So eilt ich dir geschwinde nach.

    Und wenn ich dich gefunden hätt'

    In deinem Blumenuferbett:

    Wie wollt ich mich in dich ergießen

    Und ganz mit dir zusammenfließen,

    Du vielgeliebtes Mädchen du!

    Dann strömten wir bei Nacht und Tage

    Vereint in süßem Wellenschlage

    Dem Meere zu.


    Wilhelm Busch


    Ersch grad gsäh: ach, desch amòl a romandischs Gschichtle, Femffachopale! (Wemmer amòl vo dene Bladde absieht....) On du hòsch als Drensleder dui Entwigglong vo dera Romanze hautnòh vrfolga kenna!

    #145Author Goldammer (428405)  09 Jan 21, 15:02
    Comment

    Vegale, merssile, gnau des honne gmoint ghett. Wenns vom WB gschrieba worra isch und id vo deinera Mamme fr di, not hotts wohl a weng a andre Bedeitung. S’isch abr wellawäag schee.

     

    Fimbfachsopale, desch fei idda schlimm, wennda nimme soffl Hoar aufem Grind hosch. No hotz scho koine in da Subb wenda kochsch. I bin ibrigns au a eldrs Semäschdr dôhinna – mit ällem, wa dôdamid zämmahengd: Graue Hoar, Falta, Hängebagga im Gsicht und sonschwo usw. …….. sVegale und sAmoisle und sSenzle sin dô no a wengle jingr (abr bloß a wengle, hihi).

     

    Morga genn da Schose und i middam Briadarle und seim Schätzle wanderra. Mr fahred mid zwoi Kärra und laufa dommer mit fimbf bis zeah Metr Abschdand. Mr wellad id bscheißa, sonsch wird des mid dem (Scheiß)Coronabekämpfa nianix.

    Bossoarle! Da Schose und i ässed heit Kässchbätzla mit Bergkäs, ausem Baggofa, wias da Manni macht.

    #146Author Moi Gab (456541) 09 Jan 21, 16:40
    Comment

    Gäbele awa, des mit de Hôôr macht mr nix aus, i han hau jô als Jonger bis zom Barras a Matte bis zom Girtl ghet, drfier wachset se jetzat halt an Schtella vo se nedd nágherat, halt blooß nedd bis zom Girtl . Ond Eitelkeit lässt halt wia älles andere au nôch.


    Kässchbätzla mach i au em Backofa. I woiß et wian ihrs machet, i môg se halt net wenn se fuurzdrocka senn. I röscht Zwiabla ond gwürfelta Schbeck em Topf â lösch se mit a weng Sahne ab, lass dô dren griebana Käs schmelza ond giaß des en zwoi Schichda über dia kochte Schbätzla en der Ufflaufform, nomml griebana Käs drüber, Backofa, fertig. Fir andere Warianda ben i abbr au offa. Halt a weng sämig miaßet se sei. Eich winsch i bon appétit.

    #147Author opadeldok (1319435)  09 Jan 21, 17:39
    Comment

    Des hert sich endressant ã als Kässchbätzleszubereidongsvrfahra. I glaub des brobier i glatt amòl aus!


    (Hòòr bis zom Girdl! Wao! I vrmut, dò bisch en deira Jugend ufgfalla wia an Roßbolla uf dr Kenigsschdròß, wenn i des amòl a weng deschbegdierlich ausdrigga derf....)

    #148Author Goldammer (428405) 09 Jan 21, 18:29
    Comment

    Leggr wars! A Schissl Salôt dazua, mmmmmmmmmmmmmmm

    Asso, frianer honne ammel dSchbätzla nochem Kocha middem Schaumleffel ausem Kochtopf gfischd, in a Schissl gäa, Spätzles/Reibkäs driebgschdreit, dia näggschd Lag Schbätzla middem Schaumleffel ausem hoißes Wasser gfischd, in dSchissl gäa, mit Käs bedeggt usw. Auf die ledschd Schicht sinn nô no gmschmelzde Zwiebla driebrkomma. Jetz machese bloß no im Baggofa. Dei Rezepd liasd sich guad (außerm Schbägg). Abr fr da Schose kennde des aumôl brobiara.

    #149Author Moi Gab (456541) 09 Jan 21, 18:42
    Comment
    (I fend grad den Schbegg a pfiffiche Idee)
    #150Author Goldammer (428405) 09 Jan 21, 18:50
    Comment

    Dô pflichde dr bei, Vegale. Fr da Schose, fr da Schose ! 🙂

    #151Author Moi Gab (456541) 09 Jan 21, 19:06
    Comment
    Wie lang backsch du deine Schbätzla nò nõ, Opale? Bloß bis dr Käs obadruf gschmolza isch?
    #152Author Goldammer (428405) 09 Jan 21, 19:22
    Comment

    So, i gan jetz aufs Schessloh und lies no a wengle i meim Buach weiter. Si juh!

    #153Author Moi Gab (456541)  09 Jan 21, 19:57
    Comment

    An guada Morga ällemitanander,


    noi Emmerle so arg uffgfalla ben i dô drmit nedd. Send jô no gnuag andre en de schbäde sechzger ond friehe siebzger drmit romgloffa. Blooß mei Ausbildungsleidr hot me môl zu sich bschdellt ond gsaid: „Also Herr … mir hend jô nix gega lange Hôôr, abbr pflegt miaßet se sei“. Woane dann gsait hau, dasse se jedn Morga wäsch, hôddr nix mei gwißt ond i hau wiadr ganga kenna. En meim graua babbadeggl isch no des Foddo dren. Ond wenne môl wiadr en a Vrkehrskondroll nei komma ben, hend dia meischde Bolizischda grinst, au dia jonge, dia dô no gar gebora waret, ond gsait: Des waret no Zeita. ;-) Leider isch der Babadeggl schbädeschtens ab nächschda Januar nemme giltig. :-(


    Zua de Schbätzla. Dia âgröschdate Schbeckwürfl ond Zwiebla lösch i vor dr Sahne no mit ma Schugger Riesling ab. Dr frisch gmahlene schwarze Pfeffer haune au nedd erwähnt ghet. Em Backofa lasses bei 170° etwa 20 Minuta bis dr Käse oba a weng a Färble griagd.


    Schessloh haune au scho lang nemme ghert. ;-) So hôts bei ons drhoim au no ghoißa. Ond bei dem Wort Schessloh fälld mr emmer gei dr Heinz Erhardt ei.


    So, jetzat miaßet i mi amol vrsuacha menschawirdig zu gschdalda, damit mr mi ondr Leit ganga lassa kâ. I fahr heit gschwend uff d' Alb zu meiner Dochdr. Mr woiß jô nedd obs en a baar Däg no meglich wär. Nadierlich ondr Eihaldong äller Hygienemaßnahma (jetzt haune grad scho Hyänenaßnahme gschrieba ghet). Noi so schlemm isch d' Familie vo meiner Dochdr nedd. ;-)


    I winsch ons älle an scheena Dag. D' Sunn scheint schau, uff dr Alb hoffendlich au.

    #154Author opadeldok (1319435) 10 Jan 21, 11:01
    Comment

    Schähßlôô hammier koine kedd, bloss zwai Kanebee!


    I schieb meine Kässchbadze ondrem Mache oo noch jedar Schichd mit Käs ins Roer ond nocha kudd die nägschd Borzjoo druff, wenn se feedeg isch. Am Schluss lass is no im Roehr ibrbache, bis die obr Schichd Käs schea middlbrâô isch. Dromm haißz mei iddalofihle Schwigrdochdr oo passerini al forno ;-)

    #155Author manni3 (305129)  10 Jan 21, 12:06
    Comment

    Bin zwar bloss ein austrofihla Lörka hier, aber bei Euch mitlesn is fast so unterhaltsam wie ein Witzefaden! :)

    #156Author Sir Pooh de Bear (687643)  11 Jan 21, 21:30
    Comment
    Do schdimm'i zu, isch abba anschdrenggender. ;-)
    #157Author Miss Anthropy (700297) 11 Jan 21, 21:39
    Comment

    Also i fend ons bei weiderem niwoovoller wie jeden Witzfada! I han scho a baarmòl fir a Weile ema Witzfada mitgläsa on ben emmer widder ausgschdiega, weil's frieher odder schbäder en a fir mi et erdräglichs Niwoo von Seichtheit abgleided odder ägglich ordinär wird odder boides zsema.


    (A weng schbäder:)

    Also d' Edith hòt gsagt, i soll no schreiba, seicht wäremr scho au äls amòl, abber ordinär et. 😉

    #158Author Goldammer (428405)  11 Jan 21, 22:13
    Comment

    Heggschdns eggschdraordinäehr, Emmrle ;-)

    #159Author manni3 (305129) 12 Jan 21, 02:33
    Comment
    Heggschdns eggschdraordinäehr, Emmrle ;-)

    Da stimme ich dir zu. 😉
    #160Author Miss Anthropy (700297) 12 Jan 21, 08:54
    Comment
    Genau. 😂
    #161Author Goldammer (428405) 12 Jan 21, 10:26
    Comment

    An saggrisch miada guda Morga ällemitanand,


    i han heit nacht so an wirrs Glomb draimt. A reachdr Alptraum. Am Schluss haune mei Auto nemme gfonda ond des hôt me dann uffwacha lassa. Normalrweis drehe me dann om ond schlôf weidr, aber was mach i Bachl? I denk ieber dia oinzelne Szena en dem Traum nôch. D' Nacht war romm ond i häng jetzat dô wia an Schibbasechzer.


    Bei de Schbätzla send mr ons jô zumindescht em Schichda einich. Wer schabt se denn vo uich vom Brett? Kâ sei, dass ihr des scho kennat, en dr Tjube geits zom Schbätzla schaba a luschdigs Video „making of Spätzle“ wo d' Oma Lutz ihrm Enkel 's schaba erklärt.


    Heit morga isch mir schbontan a Wort eigfalla des mei Schwippschwogr ausem Beblinger Kreis emmr gsait hôt: „neanich“. Außer dort haune des abbr no neanich ghert.

    #162Author opadeldok (1319435)  12 Jan 21, 10:28
    Comment

    Guada Morga, ui egschdraorinäre RatschAr ond ReileasAr!


    Bei oos hoißt des "nianats", opale.

    #163Author Selima (107) 12 Jan 21, 10:33
    Comment

    Ond bei eis haißd des "neanadz".


    Eisre Schbädzla fier dKäasschbadze wäered idd gschabed. sDuSenzle als Ondrlendare legd Wäerd druff, dass die Knebfla haißed. Abr mier saged Kässchbadze - in däer Wordkombenadzjiô maischdns sogar ohne des wieddebäergesche Dimminedifle ;-)

    Wemmas schabed däd, mihßbas ja drnoch no in kuuze Schdickla schneide. Die Arbad schbare mier midd am Schbadzehobl ;-)

    #164Author manni3 (305129)  12 Jan 21, 10:38
    Comment

    Ha Manni, ná senner jo dobbld faul, beim schaffa ond beim kaua. ;-)

    #165Author opadeldok (1319435) 12 Jan 21, 10:51
    Comment

    #156: Mir sen abr gar net witzig. Mir schwätzed halt so.


    Gehts eigentlich bloß mir so, daß i des Gedichtle vom WB recht sexistisch find?

    #166Author bluesky (236159) 12 Jan 21, 11:01
    Comment

    @ witzig - dWienar fendedz Schwäbesch-Allemannesche hald witzeg ond d auschdro-bajuwaresche Schdaadsmajoredäd machd gäere Widz ibr dGsibäergar ond dAllgaiar Schbrochmendrhaid im Tannheimar Tal. Abr ibr dTrollar scho oo.


    Bei deam Gedichdle gohz mier idd so. Was fendsch du do sexischdesch?

    #167Author manni3 (305129)  12 Jan 21, 11:11
    Comment

    Des mit dem "Ergießen". Wia alt warn dr alte Hageschdolz, wianer des Gedichtle gschrieba hot?

    #168Author bluesky (236159) 12 Jan 21, 11:37
    Comment

    Opale, jetzt wo du's sechsch kommt mir des neanich au bekannt vor. I ben jò ausm siedweschdlicha Zipfl vom Kreis Beblenga gebirdich. Onderjeddenga, wennda's gnau wissa willsch. Saga dur-i-s abber selber et.


    Des Wideo vo dr Frau Lutz isch ois vo meine orltaimfeevrits bei Jutjuhb, des vrlink i scho seit Jahren emmer amòl widder an älle megliche Leit!

    I selber - mr sotts et glauba - han ersch mit Midde dreißg vo meim Schwiegervadder glernt wia mr d' Schbätzla schabt. Mei Mudder hòt se ällaweil mitm Schbätzlesdrugger gmacht. Heit mach i se mòl so mòl so, wia mr's grad drnòch isch.


    Des Fänomen mit de blede Draim dia wo oim no en dr Dag nei nòchhenget, des kenn i au. Mr braucht a baar Schdond, bis mr widder en dr normala Welt ãkommt, wo's zwòr au gelegentlich amòl bled isch, abber bei weidem et so bled wia en de schlemme Draim.


    hemele: Des Gedichtle fend i erotisch, abber et sexischdisch.

    #169Author Goldammer (428405) 12 Jan 21, 11:43
    Comment

    Bloß kurz:


    Be ôos sagbba nêanads


    Schbäddzla Knebbfla

    I mach Schbäddzla, middr Schbäddzlakweddsch

    Fr Kässchbäddzla kommt emfall schichdweis nauf ônd wardat em Backrohr auf de näggscht Fuhre Schbätzla. Ganz am Schluss kommt Buddrzwiebl driebr.

    Schbegg kommt bloß en Krautschbätzla.


    Beim Gedicht kommtrs drauf âa, ob dEmbfengere da Schreibr au mâag/meega hat. Wenn ja, isches erodisch, wenn it, wedds seggsischdisch.

    #170Author twocents (460778)  12 Jan 21, 11:59
    Comment

    So gsäh kã mr abber nò de meischde Liebesgedicht a megliche sexischdische Bedeidong ãhenga....wenn de Angebädede des als õerwinschde Avãsa erläbt.

    #171Author Goldammer (428405) 12 Jan 21, 12:12
    Comment

    Ja. Gedicht leabat vô dr Endrbreddazjooh.

    #172Author twocents (460778) 12 Jan 21, 12:25
    Comment

    I däd dr den Artikl empfehla, Emmerle: https://sz-magazin.sueddeutsche.de/leben-und-...

    #173Author bluesky (236159) 12 Jan 21, 12:30
    Comment

    hemele: Des Gedichtle fend i erotisch, abber et sexischdisch.


    Emmerle ond Faschdafembferle, genau des haune au denkt. Mr sodd des jo au a weng ausm zeidlicha Kontegschd seha ond nedd mit onsere heutige Bewertdongsmaßstäb messa. Nôchher miaßdet mr jo dia ganze Minnegsäng en dr Giftschrank schberra.


    Apropoh Gesänge bei derra Gschicht vom Wolle seim Ufo uff dr Parkbank isch mr no was ehnlichs zu Cardiff eigfalla. Dort hôts selligsmôl an "German Bierkeller" gäa. Nadierlich mit dem Minchner LEObräu. Mir wared an dem Âbed dia oinzge Deitsche. A Dreimannkapell hôt gschpielt ond gsonga. Wia se mitgriagt hen, dass mr net vo dr Insel send, hend se gmoint mr solled doch was aus onsrer Hoimad senga. A weng schenand wara scho, send dan abr doch mt ma granadamäßiga Lambafiabr nach vorna ganga. Jetzat was senga mr? Preisend mit viel scheenen Reden? Noi, zlang ond ned ganz teckschdsicher. Guad, dann hend mr halt "Uffm Wasà graset Hasà" gsonga. Mid ma freindlicha Beifall, abbr emmer no schloddrige Knui, hend mr dann abdredda dierfa. Gott sei Dank hend se koi Zuagab hera wella. ;-)

    #174Author opadeldok (1319435)  12 Jan 21, 12:44
    Comment

    hemele, der Artigl isch hendr era Peiworl.

    Abber scho de erschde baar Zeila vrmittlet mir den Eidruck, dass des genau dui Siduatzjoh isch, die wo 's Zwoisentle gmoint hòt: nemlich dass-es dò om jemand gòht, wo mit dem - was au emmer en dem Artigl beschbrocha wird - et einich war.

    Dätsch du ernschthaft drfier blädiera, dass mr nix Erodisch-Poedischs meh schreiba derf, weil des au als "gega da Willa vom Gegenieber" enderbrediert werra kööt?

    Odder velleicht bloß so, dass dui gegenseidiche Eiwilligung vo de Partner exblitzit erwehnt isch? I wär ehrlich xagt nie em Läba drufkomma, dass mr "so eilt ich dir geschwinde nach" als drohende sexualisierde Gewalt enderbrediera kööt....


    D' Edith moint no: also was i durchaus au scho denkt ghett han war: geografisch-tobografisch miaßt's jò eigentlich scho hoißa: Wär ich ein Bächlein, du ein Bach...

    weil, 's Bächle fließt em Bach zua on et omkehrt....abber desch eher em padriarchalischa Zeitgeischt en dr Zeit vom Busch gschuldet als eme Sexismus, on vrzeihlich ema Gedicht ausm neizeahde Jòhrhondert, moin i.


    #175Author Goldammer (428405)  12 Jan 21, 13:47
    Comment

    Mi schtört des Wort Ergießen, des hert se - fir mi - doch zu sehr nach ner Ejak******* a.

    #176Author bluesky (236159) 12 Jan 21, 17:28
    Comment

    Des haoni mier beim nomohl Nochläese denkd, dass du des denkschd.

    Abr des hadd allad no nix midd am Missbrauch von ar Sibzehjährege zom doe, odr?

    #177Author manni3 (305129)  12 Jan 21, 17:42
    Comment

    @hemele: nadierlich hert sich des so ã! Abber worom isch des sexischdisch? frog i mi genauso wie dr manni. Isch a Ejakulazjoh per se sexischdisch oder was?? Odder dass mr drvo schreibt? I fend des a wonderschene bildliche poedische Omschreibong on Ãdeidong!

    #178Author Goldammer (428405)  12 Jan 21, 18:14
    Comment

    Do hen mir pferleicht onderschiedliche Asichta. Des mechte abr net in am öffentlicha Forum diskutiera.

    #179Author bluesky (236159) 12 Jan 21, 20:04
    Comment

    Okeh, agzebdiert, nò lassemr-s am beschda oifach ruha, eivrschdanda.

    #180Author Goldammer (428405)  12 Jan 21, 20:17
    Comment
    Henner die Pokalsensazjoh scho mitgriegt? Holzbein Kiel hòt Bayern nauskickt. Sauschbannends Schbiel ischs gwä.
    #181Author Goldammer (428405) 13 Jan 21, 23:52
    Comment

    No gibts heier koin Tripl-Sieger.


    Hät mi au gwundert.

    #182Author bluesky (236159) 14 Jan 21, 05:50
    Comment

    Näana isches so indressant wia dohinna. I hommer grad nommel des Gedichdle vom WB agluaget undme gfrôgt, wägawarome des wedr säxischdisch no erodisch gfunda honn. Jô, welle vonama ganz andra Gsichdspungd ausganga bin und wahrscheinz auno, wells Gäbale reinen Geischdes isch (gä, Manni). Des middem Ergiaßa und Zämmafliaßa honne assa Art Ossmohse zwischa sich ganz nôschdandende Persona empfunda. Me bewegad im Hira wohl andre Gedangka ass vielleicht da WB sellmôls und sHimmale heit. Abr, wia scho sVegale gsait hot, lemmer des Thema.


    Leitla, schneit und da Schnee isch kalt beim "midde naggade Fiaß da Milleimr reihola" und swared bloß Bfiaß nagged - i schweers !!

    #183Author Moi Gab (456541) 14 Jan 21, 09:36
    Comment

    Griaß eich Gott älle mitanander,


    jetzat hetts me schier vom Hoggr gschlaa, "Holzbein Kiel" haune no nia nedd ghehrt. :-))


    An gscheidr Schnee däd mr au amol wiadr gfalla, abbr bidde erschd nägschd Woch, weil i no Kehrwoch bis Samschdich hau. Ond wenn Schnee, dann so zwanzg, dreißg Zendimedr ond drnach femf Wocha eiskalt ond sonnig. Do macht an langer Schbaziergang en dr glitzernda Wendrwondrweld erschd dr reachde Schbass.


    Kennad ihr eigendlich au dia schwäbisch Form vo ra Eiladong: "Kommad au glei nachem Middagessa, drmit er zom Kaffee widdr drhoim send"?

    #184Author opadeldok (1319435) 14 Jan 21, 11:06
    Comment

    Zue deam bassd oo no des Gschichdle vo de arme (wahrscheiz schwäbesche) Baure, des wos sogar zue de Grimmbuebe in ihr Wäedrbuech brochd hadd:


    aber ihr wiszt, wer in den zähnen stochert, hat darum nicht immer fleisch gegessen

    Riehl novellen


    damit tritt er an die haustür und stochert in den zähnen, so dencken alle bauren, die vorüber gehen, er hat fleisch gegessen

    Weise erznarren


    #185Author manni3 (305129) 14 Jan 21, 11:22
    Comment

    Opale, die Eiladong kenn i au. Han se abber gwieß no nia e meim Läba ausgschbrocha! "I schweer's" (© Gäbele)


    "Holzbein Kiel" han-e au ersch gescht Òbend aus agduellem Ãlass vo meim Jonga glernt, wo-n-r ieber Wòtsäbb gfeixt hòt.


    So a fetts Schneele on nò a kalde Hochdruckwedderlag, des dät i au schee fenda. Mòl säha wia's nãwurd.


    Gäbele! Barfießich em Schnai! Uf die Idee kem i uf dr Erdawelt et!


    (Kennet ihr die Formulierong als Vrschdärgong fir a Negation, "...uf dr Erdawelt et...", mit Betonung uf ...welt ?)


    manni, desch jò toll dass mr bei de Grimmsbuaba en de Gwella au so schene Gschichtla fenda kã!

    #186Author Goldammer (428405)  14 Jan 21, 11:39
    Comment

    Gäbale! Schweschdr em Geischte! ... oder am naggada Fuaß :-) I loff oo allad no baarfiaßeg zom Briafkaschta ond zor Tonne.

    #187Author Selima (107)  14 Jan 21, 11:50
    Comment

    I bêee de dritt, wo ohne Schdrempf ônd Schuah en da Schneah gaht ... ;-)


    "Holzbein" han-e geschd zNaachd au z erschdmôl gleasa - i lach allaweil no driebr.

    #188Author twocents (460778) 14 Jan 21, 11:54
    Comment

    So sei, mir gewährat dia Bitte, en oosrm Bund die Dritte :-)

    #189Author Selima (107) 14 Jan 21, 12:01
    Comment

    Danggschea! :-)))

    #190Author twocents (460778) 14 Jan 21, 12:12
    Comment

    Barfiaßich em Schnee, gwehnlich ehr nedd, allrdengs nochma Saunagang barfuaß bis zom Hals em Außabereich en dr Schnee liaga, des isch scho ganga. Des reglmäßige sauniera vermiss i scho a weng. Des war bis vor a baar Jâhr mei Sonndagsriläckseischn, erschd zwoi Schdond Bädmindn schbiela ond nâ drui pflegde Saunadurchgäng mid scheene Ruhephasa drzwischa. Hendrher wia nuigebora.


    Irgendwo em Hendrkobf haune dia Erdawelt au gschbeichert, des muaß abbr scho arg lang her sei, dasse des ghehrd hau.

    #191Author opadeldok (1319435) 14 Jan 21, 12:20
    Comment

    (flyschder, zo mier) Mir scheint's bald, i ben fascht 's oinziche Woichai on de oinzich Warmduschere dòhenna....(flyschder, zo mier \off)

    #192Author Goldammer (428405)  14 Jan 21, 12:26
    Comment

    Emmerle, muascht nedd flyschdra. I bekenn me offa zom warm- oddr hoißduscha. Kalt goht blooß nâch dr Sauna oddr em Sommr an ma See wos a Dusche geit, drhoim nia nedd. Abbr Klobabier vorwärma duane fei nedd.

    #193Author opadeldok (1319435) 14 Jan 21, 12:33
    Comment

    Klobabier vorwärma - i schmeißme weg :-))))))))))


    Vegale, dia "Erdawelt"-Vrschdärkung kenni id.


    Opale, woisch, des middem nagged in Schnee neiflagga däte scho au, abr wellsemr jetz meine viele scheene Bämm wägada Elegdrifizierung vo da Bah gfällt honn (i heil allno), gôht des fei nimme. Abr, i kennd jô warta bisses Nacht wird - Amoisle und Senzle, machader mit?

    #194Author Moi Gab (456541) 14 Jan 21, 15:35
    Comment

    Em Gaischde scho, Gäbale. Abr en meir Realidäd miaßt i vom Haus naus andr Haubtschdross lang enda Garda hendresche ond des ... naggabudzlat ... ? I woiß ned?!

    #195Author Selima (107) 14 Jan 21, 15:42
    Comment
    Gäbele, ha dò heddet die Bahreisende doch amòl ebbes zom Gugga! 🤣
    #196Author Goldammer (428405) 14 Jan 21, 15:50
    Comment

    Grad haunes saga wella.


    Mädla, ihr miaßdet eich bloß draua. Dia oi goht schtolz erbobnen Haubdes en dr Garda ond ernded stürmischa Beifall vo de Vorbeifahrende ond bei dr andra muaß Bâh sogar no Sonderzieg eisetza wega dr gschtiagana Nâchfrâg. Ond boide kennat sich drbei dengka: So Leit, jetzat seahnd 'r endlich mâl was reachts. ;-)

    #197Author opadeldok (1319435)  14 Jan 21, 15:59
    Comment

    I wär de Dritt ônd dääts middr Inge Meysel halta (kennt dia no epper?):

    Dia ha zHamburg a Willa an de Elbe ghett ônd isch zNaacht allad naggad emm Fluss gschwommôma; zurugg isch se zFuaß gloffa.

    Irgend a Rebordrle hat se nau gfraugat, ob se koi Angscht hett, dass-d se epper siehght.

    Nau hat se bloß gmoint, wer dau nâaguggt, sei sell schuld.



    "Uf dr Eardawelt" kenn-e au it, abr "auf dr ganza Welt" scho.

    #198Author twocents (460778)  14 Jan 21, 16:06
    Comment

    Dia Gelassnheit feahltmr no. Abr i bee draa :-)


    [Ond glar kenne dia no ...]

    #199Author Selima (107)  14 Jan 21, 16:17
    Comment

    Nadierle kenna mr dia "Mutter der Nation", schbäder wars dann Muaddr Beimer.


    Ond wegam so nausganga, dät i saga, koi broblem, bei dr Masggabflicht kennd oin jâ eh koiner.

    #200Author opadeldok (1319435) 14 Jan 21, 16:21
    Comment

    Fellbr die Gschichd vo deane drei gaischdleche Herre in ar Kloischdadd ei.


    Dr kaddolesch Bfahrar, dr evangelesch Baschdor ond dr jidesch Rabbi hand middand an ekomenesche Sonndagnahmedagschbadziergang in dr Nadduhr gmached. S isch fichdeg haiß gwe ond se hand a Bad im Bächle gnomme, nackad.


    Zmohl isch dr ekomenesch Frauexangsvrei uff seim Sonndagnahmedagschbadziergangoms Eck komme ond fier die gaischdleche Herre isch z schbäd gwe, dasse a Hose aanemme hedded kenne. In dr Noed hanze iehre Hied foers Gschlechd kebbd, bloss dr Rabbi hadd sein Hued voers Xichd kebbd.


    Hendrhäe hand en die zwai krischdlene Herre gfroged, warom äer de Hued vores Xichd ond idd vors Gschlechd kebbd hadd, des sei doch ôôkeisch. Dr Rabbi hadd xed: Meine Gemeindeschäfla erkenned mi am Xichd!


    #201Author manni3 (305129)  14 Jan 21, 19:24
    Comment

    *gg* An dean haune oo dengkt ghett - abr i haunen nemme ganz zämma brocht ;-)

    #202Author Selima (107) 14 Jan 21, 19:28
    Comment
    Oh oh oh, do mussde mehrmols lache beim nachlesa! Sagd bloß, ihr seid ned widzich! ☺
    Hier versingga mer im Schnee, alle naggert Badende sen herzli wellkomma!
    #203Author Miss Anthropy (700297) 14 Jan 21, 22:21
    Comment
    Mei Schwòger schibbt grad zom zwoida mòl dia Schneebolla weg dia wo ene dr Schneebflug en d' Garaschaeifahrt reigschoba hòt. Des nachts om zehne, weil des Zeix sonsch gnadalos nãfriert.

    Bei ons hòt's heit kaum no ebbes drufgschneit.
    #204Author Goldammer (428405)  14 Jan 21, 22:30
    Comment

    Heit friah han-e me au mitma domma Gfiehl ausma Draum romgschlaga fir a Weile. I han draimt i wär ema Seminar iebers Draima. On des waret lauder so a bissle aldernadiev-esoterisch ãghauchde Leit, koiner hòt wega Corona ufbasst, koiner a Mask draga, zsema kuschlt hen se, gsonga hòt mr on oiner hòt gfledet, on 's Schlemmschde isch gwä: i han me et draut, ebbes zom saga, obwohl mir glar war, dass i des mießt, on i han me au net draut, oifach zom ganga....

    #205Author Goldammer (428405) 15 Jan 21, 10:12
    Comment

    An guada blauhemmaliga Morga, d' Sonn lacht (i woiß blooß nedd ibr was) abbr schee siehts aus.


    Onsr Ondrbewusstsei schbield ons en dr R.E.M.-Phase scho manchmâl Schdroich, s' isch abbr guad, dass mr sich nedd an älle erinnra kâ. Manche Draim send abbr au ganz luschdig, vor ällem wenn dr Körper des ausfiehrt, was dr Kopf draimt. Bei oim Draum war i beim kicka ond griag voram Dor a Flanke, i mach an Fallrickziehr ond vrwisch dr Ball richtdig voll. Obs a Dor worra isch, woiße nedd, aber mei Bedddegge isch zwoi medr weidr uff Boda glega.

    #206Author opadeldok (1319435) 15 Jan 21, 11:06
    Comment
    *sVegele mit meim Schneebilder rüberlogg* ;-)
    Edidd mannt no: Goronadraim sen doof! *midd Vegele midfiehl*
    #207Author Miss Anthropy (700297)  15 Jan 21, 12:14
    Comment

    Dangge dangge! Des war mei erschder erinnerder Coronadraum. Scheint's isch-es enzwischa als Maddrial fir Draim emeim Onderbewusstsei ãkomma....


    Deine Schnaibilder sen glasse! Meine Giede!

    (On der Zehlfada rast, dò wurd's eim glatt schwindelich!)


    Opale:

    Zo deim Gschichtle mit dem Fallrickzieher (desch echt sauglatt!) isch em Dengs der alde Witz eigfalla vo dem Mã der wo zom Dokter ganga isch on gsagt hòt: i draim ällaweil i wär an Gaul! Nò secht der Arzt: Do miaßet Se sich net beõruicha, desch ganz harmlos! No secht der Mã : Des saget Sie so! I han scho de halb Matratz leergfressa!


    (...em Zeidalder der Schaumschdoffmatratza velleicht nemme ganz zeitgemäß, abber drotzdem schee!)



    #208Author Goldammer (428405) 15 Jan 21, 16:23
    Comment

    Dr Karl Valentin hadd an Draum von am Wurm kedd. "Fier a Antn is des a wunderbarer Dramm!"

    #209Author manni3 (305129)  15 Jan 21, 18:05
    Comment

    Mir hots dreimt i sei aufema Schiff gwäa und do wared Leitla, dia honn Italjenisch gschwätzt und i honn älls vrschdanda. Bin aufgwached und homme gfreit. Deschmr scho lang nimme bassiert, dasse äbbes dreim, wome freit.


    Opale, dei fliagande Zuadegge hottme grad zom Lacha brôcht und Vegale, dei Madrazawitzle au.


    Missi, i dät denn amôle zom Badala komma. Oh, Scheißdreggle, nix isch, Corona 🙁

    #210Author Moi Gab (456541) 16 Jan 21, 19:22
    Comment

    Moinsch des wär et als erlaubder Schbort zom bezeichna?


    #211Author Goldammer (428405) 16 Jan 21, 19:50
    Comment

    Holzbein Kiel isch schea :-))

    Wahrscheinz kudd vo deane iehrem Jublgschrai däe Säeglarschbruch bei ar Ibrraschong: Ich glaub mein Kielschwein quiekt!

    #212Author manni3 (305129)  16 Jan 21, 22:43
    Comment

    Ach manni, dr Ententraum! Grad ersch wirglich gsäh. Des hen meine Eldern ufra Schallblatt ghett on des hemmir emmer widder gern ãghert. Hach war des schee, des amòl widder ãzomhera! "Ungefähr dreißg Zendimeder gelb" I lach me schebs.

    Danke!!

    #213Author Goldammer (428405) 16 Jan 21, 23:31
    Comment

    Emmrle, des gfraibe ja räechd, dass di des so gfraid :-))


    Ibregenz send jiez faschd all Aufnahma ab 1.1.2019 urhebarrechdlech frei - bis uff die, wo dLiesl (1892-1960) als Co-Autorin eidrage isch. dErbe send do jahrelang scharf drhendrhäe gwe.



    #214Author manni3 (305129) 17 Jan 21, 03:01
    Comment

    Manni, mir hôts au gfalla. I honn des id gkennt gkhett.


    Leitla, i hon zwoi Kilo Musklmasse aufbaut: D'Hosa glemmt und da Beha zwiggd.


    Und am Schose waxed Schdobbla im Gsicht und jedzmôl, wennen aluag, muene an Manni denkga.

    #215Author Moi Gab (456541)  17 Jan 21, 14:43
    Comment

    An guada Obend mitanandr,


    jâ, i woiß, am Obend werden die Fleißen faulig oddr so ähnlich. Sogar bei ons hots heit dr ganze Dag gschnia. Blooß koine solche Massà wia bei dr Frau Elchin. Dia Bilder send scho schee, abbr au blooß wenn mr des Zuig nedd schibba muaß. I ben grad no dromrom kommà, weil ab heit mei Nâchbere drà isch.


    Deswegà haune mr an faula Dag, mit a weng schmökra, a weng gruschdla ond viel Musigg, gönnd.


    Dr Antndraum isch a dibbische Fallentinsche Argumendazionskette. ;-) So ebbes en derra Art kenna au vom Fredl Fesl. Den haune amôl, do warer no gar nedd bekannd, mit seim Bühnapardner (Arhur hot'r glaube ghoißa) z Minga em Song Parnass gseha. Dia zwoi waret so klasse , mir hen vor Lacha schier d'Hos versoicht. Ond an Gsicht- ond Bauchmusgglkater haune hernâch au ghet. A schtarks Jôhr schbäder ben i wega seinr erschda Schallplatt egschdra nach Minga gfahra, weil e se en Schduagert nirgends griagt hau.


    Em Zammahang mit Karl Fallentin ond Liesl Karlstadt isch mr no a andere Verdrederin vom bairischa (bayrischa?) Humor eigfalla, nämlich d' Bally Prell, die Schönheitskönigin von Schneizlreuth. Do geits sogar a Wideo en dr Tube.

    #216Author opadeldok (1319435)  17 Jan 21, 18:50
    Comment

    Oh ja. Da Fesl moge hoiß ond innig. Vora baar Johr hanne sei Audobiographie gschengkt griagt - dia isch gleichzeideg luschdeg ond ooglaublech draureg. A oifachs Leaba hotr idd - agduell ond friahnr.

    #217Author Selima (107)  18 Jan 21, 06:50
    Comment

    De Fesl, dean mag i oo! Däe hadd an ganz an aigene Humohr.


    A andra vo deane bairesche Woedackrobade isch dr Willy Astor. Middm Radkäppchen und der böse Golf isch a berihmd woere. Des isch ussm SWR 21.06.2010 - scho zehje Johr häe.

    Was däe im Momend grad machd, waiß i abr idd. Däe isch ja schbädr vo de Woedvrdräjonga zemle uffs Giddahrschbihle ond Singe omgschdihge.

    #218Author manni3 (305129)  18 Jan 21, 11:32
    Comment

    Beim Willy Aschdor seine Sprachklemptnereia griag i abbl Zaahweah. Ganz schlemm des Liad iebr d'DonnrschbergAr Bruck. Uuuu, so vill "Reimde odr I frißde".

    #219Author Selima (107) 18 Jan 21, 11:36
    Comment

    Dr Willy Astor, richtig, bei deam war i woaner en Lombaburg em Forum uffdredda isch au scho. Bei deam war's dr gleiche, oba bereids beschriebne, Effegd wia beim Fredl. Des isch scho saugladd losganga. Er hot gradsei Brogramm âgfanga ghet, wo henda d' Dier uffganga isch ond no a verschbädede jonge Zuschauere ganz schenant reigschlicha isch. Er hots gseah, sei Brogramm ondrbrocha, isch vo dr Biehne rakomma, durch dr Saal nach ganz henda glofffa ond se dann, nadierlich mit launige, aber nedd blooßschdelende, Schbrich zu ihrm Bladz gfiehrt.


    Sei Brogramm war uffteilt en dr normalvriggde Teil ond en dr Teil woaner no an zwoita Gitarrischda drzua gholt hot ond wo's meah oms Gitarraschbiela ganga isch.

    #220Author opadeldok (1319435) 18 Jan 21, 11:54
    Comment

    Oin vo de scheanschde Schbrich vom Fredl Fesl fend i ja:

    Wos reimze auf Knorpl? Isartorpl.

    Beim Häere isch des no scheanr als beim Läese :-))

    #221Author manni3 (305129)  18 Jan 21, 13:34
    Comment

    So viel schad, daßdr Fesl nemme kaa. Der hot so an scheana Schalk - dau däd oos mear no arg guad.


    Meine Schweschdra ond i ham osrm Baba zom ledschda Ronda da KenigsjodlAr gsonga. I kaa dean abbl bloß mit viel Miah zEnd senga - bevorne zLacha aafang.

    #222Author Selima (107) 18 Jan 21, 13:38
    Comment

    I kenn blooß dr Sendlingertorpl. ;-) Ond dâ em schbeziella oms Egg nom 's Café Mozart, des war friehr emmr onser Frühstücks-Lokäschn wemmr zu de Auswärtsschbiel vom VfB bei de 60er oddr de Oauschbrechliche (also dia wo gega Holzbein Kiel nausgflogfa send) gfahra send. Geits des eingtle no? Zwoi Lokal, diane au no efters uffgsuacht hau, fallet mr do no ei Opatja ond Asado. Ja ja, en Erinnronga schwelg, so schön, schön war die Zeit.


    Em Fredl seine gschbrochene Eileidonga zua de Liadr z.B. vo de Sowosamma PoC waret sauguat ond efters längr alses Liad. Ond dr Kenigsjodler hend mr friehr bei de Geburtsdagsfeschdla, wenn dia reachte Leit beianander waret au ällamâl gsongà.


    Bei Sowosamma fallt mr au no glei d' Biermösl Blosn ei.

    #223Author opadeldok (1319435) 18 Jan 21, 14:01
    Comment

    A Freind vo mier isch Daxifahrar ond hadd vrzelld, dassn die amohl zue am Jahresdreffe eiglade hand, dass a eahne eggschdra sDaxifahrarlied sengd: Vom Mu in die Ottobrunner Straße

     Am Schluss häb a xed, des häbn a zemle groeße Daxirechnong koschd, biss a des Lied auswendeg kenne hadd.


    #224Author manni3 (305129) 18 Jan 21, 14:13
    Comment

    Café Mozart woiß i net, des isch am Beethovenplatz, odr? Des Opatja isch zua, scho lang, und grad les en dr Zeitong, daß Maredo Insolvenz agmeldt hot.

    #225Author bluesky (236159) 19 Jan 21, 19:05
    Comment

    Kaffeh Mozart am Beethofablatz, des wär scho faschd a bissle ôoâaschdendg, odr?

    S' isch jedempfallz en dr Peatakoftschdrauß, am Sendlengr-Tohr-Blatz. Opa..le hat se guat erinnrat.


    Am Beethofablatz isch iebrigenz s Kaffeh Mariandl.


    Des Opatija am Viggdualiamarkt giit's no, ônd a zwoits en dr Hochbrickaschdrauß.

    Z Asado isch bloßmeah zLaim.

    #226Author twocents (460778)  19 Jan 21, 19:18
    Comment

    Noi, scho am Sendlinger Dorblatz. Wenn mr vom Schdachus herkommt, am Sendlinger Dor rechts nei ond no glei lenks en ma Querschdräßle, wenn me mei Erinnrong nedd driagd. Beim Asado woißes nemme gnau, des miaßt irgendwo hendrm Wigdualiamargd en ma schmala Schdräßle gwesa sei. Ond beim Opatja woiße blooß no, dasses irgendwo en ra, mir fälld grad koi bessrer Begriff ei, Einkaufszone war.


    Sodele, jetzat haune a Deit mid dr Frau Schdockl, derra alta Ratschkachl oddr doch liabr mid dr Frau Orthmann oddr eher mid dr Frau Hofer? Dâ dät jo an Baurahof drà hänga. ;-)

    #227Author opadeldok (1319435) 19 Jan 21, 19:30
    Comment

    Ond wemmr grad beim Café Mozard send, glei oms Egg am Sendlengar Torpl: dr Sauter isch in Bensjooh gange ond hadd sei Foddogschäfd an Calumet vrkoofd. Wenn i des richdeg vrschdande hao am Tellefoo, loffz irgndwie ondr baid Neme.

    #228Author manni3 (305129)  19 Jan 21, 19:57
    Comment

    Schbätzla, geschd hot sFleckle Geburtsdag ghett. Wias em wohl gôht?

    #229Author Moi Gab (456541) 20 Jan 21, 21:36
    Comment

    Vileichd isch es no vrkadred ;-)

    #230Author manni3 (305129) 20 Jan 21, 21:50
    Comment

    Nòch meira Impfo hòt's heit Geburzdag. I vrmut, desch enzwischa a ausgwagsene Flock, koi Fleggle maih.


    D' Ami hent an brandnuia Bräsidenda. I gradulier vo Herza.

    #231Author Goldammer (428405)  20 Jan 21, 22:23
    Comment

    Ja, Graddelazjiôô!

    Des midd deam nuje Bräsedende isch abr oo heggschde Zeid woere!

    Ond dr ald hadd jiez Zeid, dass a an seim Hendikäbb arbeded. Äer häb 2,8, abr oi saged, äer däeb drbei bscheiße!

    #232Author manni3 (305129) 21 Jan 21, 09:21
    Comment

    Guada Morga midanander,


    schee, dass des Drama oddr au Drauma a End hòt. Abbr i glaub, des glengd dem nedd sei Hendikkäbb vo ma Kwodziend 2,8 uff an normala EiKjuh z' brenga.


    I hau jetzat drmit âgfanga meine ganze Ellppehs wiadr àmôl uff dr Bladdaschbihler zu lega ond nedd blooß des, i haunen au no eigschalda. Alfabedisch vo henda nòch firre. Also Zupfgeigahansel als erschde, ond glei isch a Liad drbei, des em Dialeggd vom geschdrigg oddr vorgeschdrigg Geburdsdag gehabd habenden Fleggle gsonga isch:

    Es het a Buur es Töchterli,

    mit Nama heißt es Babeli,

    es het zwi Zöpfli rot wie Gold,

    drum isch em au dr Dursli hold.


    'S isch zwar koi Geburdsdagsliad, abbr drodzdem midra nôchdräglicha Graddulazjo vrbonda.


    No was schbrâchlichs hendadrei. "Saumäßig" als Verschdärgong isch jô gang ond gäbe, abbr kaum me jeamerds verwendat "donderschlächdig". "Noddla" isch au so a Word. Em Werdrbuach haunes et gfonda.

    #233Author opadeldok (1319435)  21 Jan 21, 11:36
    Comment

    S'duetmr loid, opadeldokle, "donderschlächdig" und "noddla" kenni id. Abr, i gibs zua, i kenn id älls wama kenna sotta kennt. I sags ammel wiederamôle (Manni, Vegale und Co. bidde wegluaga!!!), i bin a wengle bled. 😉

    #234Author Moi Gab (456541) 21 Jan 21, 11:56
    Comment

    Noddla sät ma bei mir zum Rüttla, Schüttla.

    #235Author bluesky (236159) 21 Jan 21, 12:00
    Comment

    D'Edith hett no äbbes saga wella, vor sich's Himmale dazwischa drugg hot:


    "Bled, abr so liab"


    Des hottamole da Bua vo meinerra Kusine gnerft zua seinera Oma gsait: "Oma, du bisch so bled." Und, woner iahra Gsicht gsäa hot, hotter no schnell ahgfiagt: "Abr so liab".


    Hihi, dia Schdory bleibmr ewig im Melle!

    #236Author Moi Gab (456541)  21 Jan 21, 12:05
    Comment

    Send mr nedd älle a wengale bled? Desdrwega bea i au dô. Anderscht gsait: Ihr send schee bled, bei uich gfällt's mr. ;-)


    Uff bairisch dät's wahrscheinlich hoißa: My sides ear blade. ;-) Mi nadierlich mit eigschlossa.

    #237Author opadeldok (1319435) 21 Jan 21, 12:29
    Comment

    Noddla kenn i au: an ebbes romnoddla, wenn sich's vrglemmt hòt zom Beischbiel.

    On donderschlächdich nadierlich au.


    Mi dät no endressiera, wer vo de andere des noddla au kennt odder au et.

    En dr Eddimologie han-e gfonda: (an etwas) rütteln; intrans: wackeln (letschdere Bedeidong kenn i et); iterativ zum mhd. notten - sich hin- und herbewegen; ahd nutten - vibrare

    Des on no maih fendet-r au bei de Grimmsbuba


    Opale, wenn du sogar woisch wo es Fleggle herkommt, muasch du jò scho gefiehlde Jahrzehnde heimlich bei ons romlörka! Wie schee dass da jetz erkannt hòsch, wie schee bled mir sen on dass du dò saugut drzuabaßsch!


    My sides ear blade - isch echt sauguat!! 😀


    #238Author Goldammer (428405) 21 Jan 21, 13:55
    Comment

    noddle kenn i oo, donderschlächdig kenn i idd.


    Gäbele, i hao idd weckglueged ond mechd bloss m idddr allergräschde Fadeereffnar-Audoridäd wiedrholle: I hao dr vrbode, dass des ibrhaubzd denkschd, gschwigesch denn schreibschd, gell! Hald di gfellegsch drââ, sosch waxemr zemed!!

    #239Author manni3 (305129)  21 Jan 21, 15:48
    Comment

    Desh a guns a nooya shribe wise. Deeya gfultma.

    #240Author Selima (107)  21 Jan 21, 16:07
    Comment

    Fear a fonneddishay shribe wise dear anglishay oonfonneddishay shribe wise - days eesh hinder4 😈

    #241Author manni3 (305129)  21 Jan 21, 16:28
    Comment

    Fählt dò et velleicht a Nuller, manni? Ganz henda?


    #239: manni, i han denkt ghett, dass es Opale 's Gäbele mit ma sauguada bsichologischa Driggle ausgheblt hòt: nemlich dass-es ons älle flugs zora Gemeinschaft vo simbadische Blede erglärt hòt, on nò kã's Gäbele romdoa so lang 's will, es wär bled, es secht dòdrmit nòch dera Deffinizjoh nix weider als wia dass-es zo ons ghaiert, on desch jò harmlos, on drzuanã au no wòhr!

    (I han au et wegghert on han mr scho ieberlegt ghett wia-n-e reagiera soll, abber em Opale sei Inderwenzjoh nò so genial gfonda dass i drvo abgsäh han!)


    (yeds woods wurglic commblaydseert mitter shraybaray!)

    #242Author Goldammer (428405) 21 Jan 21, 16:43
    Comment

    Ubr oo midder 0 fair shtand ees ned.

    #243Author Selima (107) 21 Jan 21, 17:40
    Comment

    hindrvier - hindrfihr- "hinterfür" , verkehrt


    Im Schweizar Idiotikon kennedr uii sBassnd ausueche:

    • 1. Adv. und Adj., rückwärts
    • 2. Adv. und Adj., von vorn, von Neuem
    • 3. Adv. und Adj., verkehrt, von Sachen, Handlungen
    • 4. Adv. und Adj., irr-, wahnsinnig, verrückt, verwirrt, vernarrt, albern, närrisch



    Im DWDS geiz an Haufe Beischbl. A baar zuer Ââsichd:


    Kurz, Hermann: Der Sonnenwirth. Frankfurt (Main), 1855.

    Ihr schwätzt mir da recht hinterfür heraus, wie ein Mann ohne Kopf!


    [Pestalozzi, Johann Heinrich]: Lienhard und Gertrud. Bd. 3. Frankfurt (Main) u. a., 1785.

    Es dünkte sie nicht anderst, als er müßte hinterfür im Kopf seyn; sie wekte ihren Mann zur Stund auf, sagte ihm, was sie gesehen, und Morndes fragten ihn beyde, was es doch auch seye?


    [Pestalozzi, Johann Heinrich]: Lienhard und Gertrud. Bd. 3. Frankfurt (Main) u. a., 1785.

    Seine Frau sagte, sie seye einmal froh, daß er nicht hinterfür seye.

     

    Pestalozzi, Johann Heinrich: Lienhard und Gertrud. Bd. 2. Frankfurt (Main) u. a., 1783.

    Sie brachte ihm; er hatte die Augen fast vor dem Kopf und feuerroth -- das Haar über die Stirne herunter, und das Kamisol hinterfür am Leib.


    Pestalozzi, Johann Heinrich: Lienhard und Gertrud. Bd. 2. Frankfurt (Main) u. a., 1783.

    Es ist mir, ich sey im Schlaf; weist du auch, daß du das Kamisol hinterfür an hast?



    #244Author manni3 (305129)  21 Jan 21, 17:57
    Comment

    Ah, gates wag.


    I hau doch oifach blooß saga wella, dass miar a wengale normal bled send ond dia andre hald mea ônarmal bled. I hao mr scho iebrlegt ob i den Schbruch uff a Tihshört drucka ond 's Urheberrecht eitraga lassa sodd. Abbr no haune denkt, dia oine kennat koi bairisch ond ond dia andere iebersetzat wörtlich ond verschdehns nedd. Ond dr Bayer ders verschdoht haut mr oine uff d' Labb. ;-)

    #245Author opadeldok (1319435)  21 Jan 21, 18:07
    Comment

    Haunes doch gwisst, beim manni kâ mr ällaweil was lerna. I hab des nämlich als hendrfo... endrbredihrd.

    #246Author opadeldok (1319435) 21 Jan 21, 18:14
    Comment

    I au, Opale, i au, sonsch heddedes mit dem Nuller jò et gfrògt....


    I han me iebrigns echt gwondert dass so weniche donderschlächdich kennet. I hett des jetz ächt fir schwäbisches Allgemeingut ghalda on net fir so ebbes regional Begrenzts.


    Ameisle, Zwoisentle, kennet ihr des?


    D' Edith hòt ierbrigns no en dr Eddimologie nòchgschlaga. Zo dem -schlächdich moinet se: entweder weil's Nomen vo dem's abgleidet isch "Donnerschlag" isch, odder weil -schlächdich scheints au -artig heißa kennt, also "donnerartig"

    #247Author Goldammer (428405)  21 Jan 21, 19:07
    Comment

    Emmerle, was no vergessa ghet hau wega de gefiehlde Jahrzehnde dia i do henna mitles. Noi, so lang isches no nedd. I glaub so anderthalb, zwoi Johr seid i em Ruhestand ben. LEO benutz i scho längr, wenne mol a Fremdword gsuacht oddr braucht hau, abbr do ben uff a Forumsdiskussion zua ma gsuachta Word gschdoßa ond doduch au uffs Quasselzimmer ond ledschdendlich uff dr Alemannaschwobaschbaga.


    Ond jetzat wille au no saga, dasse dr manni bewondr fihr sei fundierte Kenndniss vo dr Schbroch ond dia Miah, dia des koschded des Innerschwäbische Wariande-Wäedrbuech zom eschdella ond bflega.

    #248Author opadeldok (1319435) 21 Jan 21, 19:27
    Comment

    Noi, i kenns oo idd. Irgendzwia moine, i häbs schomml gheart. Abr i woiß idd wasas hoißt.

    #249Author Selima (107) 21 Jan 21, 20:38
    Comment

    Emmrle ädd weil -schlächdich scheints au -artig heißa kennt


    Des wär nocha die Bedeidong wie bei Geschlechd, das Geschlechd däer Schdaufer ond die send all vom gleiche Schlag, dr jingschd Sohn schlägd aus dr Art, er schlägd idd noch em Vaddr.

    A Wondr, dass dRechdschreibreform sellemohle bei Eltern ond Geschlecht a Ooge zuedruckd hadd ond idd Ältern ond Geschlächt voergschrihbe hadd.


    #250Author manni3 (305129)  21 Jan 21, 22:23
    Comment

    Ach, jetz gòht mir a linguischdischer Gronleichder uf mit-em -schlächdich! Desch jò echt schbannend! Donderschlächdich schbannend, sozomsaga.


    Amoisle, 's wird oifach als Vrschdärgong gnomma. Wia emeim Sätzle oba. Des hòt dr Opaonsoweider glaub au glei wo-n-r's erwehnt hòt schoml erglärt, moin-i.

    (zfaul ben zom nufsgrolla)


    Opale, abber worom woisch du nòch aus welra Weltgegend des Fleggle herkommt?

    #251Author Goldammer (428405) 21 Jan 21, 23:09
    Comment

    I wär eigendlich scho drbei gwäa mir mei Schlâfmidz (wer kennt no dr Darmolmà) uffzomsetza ond ens Bedd zom ganga, abbr dia Frâg wille no gschwend beandworda. Ganz oifach, wenn da môl em Schwobabaschga henna bisch ond em manni seim Werdrbuach an Lenk âglicksch, nô kommschd oweigrlich en an Schbaga von zwoidausendschlagmedod ond dâ liasch de dann feschd ond lerschd Leid a weng, zomindesch wirduel, kenna. A Guads Nächdle fihr heid.

    #252Author opadeldok (1319435) 21 Jan 21, 23:57
    Comment

    Heid mach i amohl de Schbihlvrdäerbar fier alle Hibblar bei am Hibblkwozijend vo 1,19047619047619 ond dail ui midd, dasses do deana related discussion: --201--SchwobeAllemanneSchnierle--201-- weidrgohd, wenns do hinna vool isch.

    #253Author manni3 (305129)  22 Jan 21, 01:53
    Comment

    En guada Morga mittnand.


    *uffzeig* I kenn donderschlächdich nadierlich, au wenne's net obedengt agdief gebrauch.


    *weidrschaff*

    #254Author neutrino (17998)  22 Jan 21, 09:16
    Comment

    Guede Moege, Schdickle :-)


    *weidrschaff* - Segl flicke?

    #255Author manni3 (305129) 22 Jan 21, 09:50
    Comment

    Egschdrig fr da Manni ausm Allgair Bolezeibericht:

    RÜCKHOLZ. Am Freitagvormittag wurden die Feuerwehr Rückholz und die Polizei Füssen über die Rettungsleitstelle zu einem ungewöhnlichen Einsatz gerufen. Im Stall eines Bauernhofes hatten es gewiefte Schumpen irgendwie geschafft ein Bodengitter derart zu lösen, dass eine schmale Öffnung zum „Gülle-Kanal“ freigelegt wurde. Wiederum vier Schumpen haben es dann auf unerklärliche Weise fertig gebracht, durch diese schmale Öffnung in den Gülle-Kanal zu stürzen. Unter körperlicher Schwerstarbeit und kreativer Einfallsgabe konnten alle vier Schumpen von der Rückholzer Feuerwehr und benachbarten Landwirten lebend aus der misslichen Lage befreit werden. Eine Tierärztin versorgte im Anschluss die geschwächten Tiere. (PI Füssen)


    Isch des idd schea, wannd' erdliche Bolezei sich ordsieblech ausdrigga kaa?!

    #256Author Selima (107) 24 Jan 21, 09:49
    Comment

    Des dued richdeg gued!! *hihi* Dankdrscheah :-))


    Die hoechdeidsche Färse käed bei eis äebe hinda in an Schueh nei! Ess lehbe däer hochdiffrenzierde Wordschadz!!



    Ussm Rick isch ibregenz mei Dande Dora* häegwe! Bue, die hadd schaffe kenne!!


    * Die isch abr bloss ââkeired gwe, also vrschwägred, drweil dDande Senz (wissed scho: Johrgang 98) vrwandt gwe isch.

    #257Author manni3 (305129)  24 Jan 21, 11:24
    Comment

    Amoisle, dia Allgair Bolezei isch greit! I honn ledschdihn wiedramôle a schwäbische Schdellaazoig gläasa (woiß nimme wo), dia war au greit.

     

    Sodale, des wa em Manni sei hinder4 agôht, des honne glei begriffa gkett.

     

    Und, wa sei sosch waxemr zemed agôht - des wär no zom ibrlega *hihi*

     

    Jetz ab zua dem, wa am Vegale aufgfalla isch: #238, Opale, wenn du sogar woisch wo es Fleggle herkommt, muasch du jò scho gefiehlde Jahrzehnde heimlich bei ons romlörka! Deschmr au aufgfalla gwäa. Zuamôle am Opadeldokle sei Nummera (1319435) ziemlich nei isch und i eigendlich s’Schdiggle im Vrdacht gkett honn, dasser dô ikognitto wiedr in da Schbaga neigschlubfd isch.

     

    Abr des #252, Ganz oifach, wenn da môl em Schwobabaschga henna bisch ond em manni seim Werdrbuach an Lenk âglicksch, nô kommschd oweigrlich en an Schbaga von zwoidausendschlagmedod ond dâ liasch de dann feschd ond lerschd Leid a weng, zomindesch wirduel, kenna. erklärts und isch agzebdiert.

     

    Schbätzla, da scheene Schnee isch am vrschwinda – mei schees brivats Schba schmilzt!!


    Änniwei, häff a naiß deile!

    #258Author Moi Gab (456541)  25 Jan 21, 10:32
    Comment

    An guada Morga winsche eich,


    dia Dobblbelaschdong nix dau ond Haushald brengd me no om. Kreizweh.


    Gäbele, s' Schdiggle war doch en #254 höchschdselbschd ond in persona âwesnd. Ond Jurischda kommat doch nia nedd enkognito. Dia schiggad doch hechschdens an Briwaddedegtif vor. Des Haune so em Fernseh gseh.


    I hau geschdern en so ma Uraldschbaga (i glaub Nommr Nei) glesa woane eigendlich, zomendascht nâchm Vegale Ihrm Dengs, glanded be, em "eleggdronischa Kaschberlestheater". In so Lacha miaßa. Jetzat woiße abbr no gar nedd, ob i des Caschting beschdanda hau ond, wenn ja, wedde Roll i nô einemma derf.


    Fir dr Fall, dass eich amòl d' Schembfwerdr ausgehn oddr dasser welche vergessa hend, do griaged'r 's gsanglich vordraga:


    Madrigal


    No a Frâg, schbrichd mr Schumpen eileggd so aus Wia's grschrieba isch? I hab des no nia kherd khett.

    #259Author opadeldok (1319435)  25 Jan 21, 12:07
    Comment

    Assa gsungana herad dia sich garid so wiaschd a 🙂


    Wennda magsch, kennamer heit zämma jämmerla. I fiehlme heit garid wohl. Desch fasch ahtippisch fr mi. Mir isches grad a wengle ketzalig.

    #260Author Moi Gab (456541)  25 Jan 21, 14:09
    Comment

    I woiß wenigschdens von was mei Kreizwaih kommd, vom Bad on WC iggdschriem budzing. Heit kommad Böda drâ, no schbihre morga 's Kreizwaih nemme, weil mr d' Knui meah waih dean.


    i wensch dr guade Besserong, an Tee ond a weng nâliega hilft manchmol scho.

    #261Author opadeldok (1319435)  25 Jan 21, 14:46
    Comment

    Saugladd, Opale, desch a saugladda Tagdig! Abr mr koot oo am Wuchaend koi Bad ond koi WC idd budza, nochd miaßtmr am Meede d'Beda oo idd budza ;-)


    Schumpen sprichmr Schommmmba - wobei des -o- so Zwischadeng zwischa o und u isch, also a dongls u ... oder, manne, wia dädmr des auf gscheid beschreiba?


    Gäbale, ond wanda Tää dronga hosch ond schea danna flaggsch, nochd dengsch an manne sein schdubflada Bart, wianr reibt beim Ahla gea :-) Des hilfd no beschdimmd

    #262Author Selima (107) 25 Jan 21, 15:56
    Comment

    Also be i sozsaga enduidif mid meinera Vrmudong richdig glegà. I häbs au als Schommmmba (fihrleichd mit zwoi emm weniger) ausgschbrocha.


    Dr Haushald isch hald so a Sach, dia wone ab ond zua a weng z'lang brokraschdiniera dua. Ond wenn dann a schbondane gettliche Eigebong kommd, dass i des machà sodd, nâcherd mache's au. Wer woiß, wann die nächschd Eigebong vo derra Art kommd. Nacherd hogge dâ wia d' bayrische Regierong ond war uff dia gettliche Eigebonga vrgeblich.


    Sodele, ond jetzat geits a Manna en dr Form vo ma Kaffee.

    #263Author opadeldok (1319435) 25 Jan 21, 16:11
    Comment

    Haushaltsgschäft brograschdiniera - dò ben i au a Weltmeischdere.

    Kamming to ßink abaot itt: I schdell no a Wesch nã.....

    (Mei Manna han i heit scho ghett....)


    (...des mit dr bayrischa Regierong isch doch au ebbes vom Karle Fallendin, gell? I erinner me so donkl....)

    #264Author Goldammer (428405) 25 Jan 21, 16:23
    Comment

    Noi, desch dr Menchnr em Heeml vom Thoma

    #265Author Selima (107) 25 Jan 21, 16:28
    Comment

    I hoff ihr hend grad nedd ghert, dass i mi an baisa Seggl hau schembfa miaßa. Vo wega Kaffee. Durchgloffa warer, i hau blooß d' Kann nedd dronder gschtelld ghet. Bluadsauerei.


    Dr Minchner im Himmel isch vom Ludwig Thoma. Der hât sogar a Geldschdrâf drfiehr zahla miaßa.

    #266Author opadeldok (1319435)  25 Jan 21, 16:33
    Comment

    I hoff, du bisch mitm Ufbutza enzwischa ferdich on hòsch an nuia durchlaufa lao!

    ('luja sòg i !!!!!!!!!!)

    #267Author Goldammer (428405)  25 Jan 21, 16:42
    Comment

    Jâ, i be scho mid ma nuia Kaffee dâghoggd ond hau grad a Andword gschrieba ond no gschwend nebaher was anders gmacht, nâ schalded dia kischd uff dr Bildschirmschoner, zeigt mr aber schdadds de Bilder blooß an schwarza Bildschirm. Des hòddr abbr scho ab ond zua amol ghet. Schdecker vom Bildschirm raus ond wiadr nei hòdd bisher emmer gholfa. Heid erschd nachem dridda Mòl ond dâ hòdd der Siach mir a vellig andre Ufflösung, mid riesagroße Symbol, âzeigd. I glaub mei Grafigkard hòdd an Schuss. Nâchm Neischdard schdemmd wiader älles, abbr mei Andword war weg.


    I hau blooß no sagà wellà, dass i me wohl so allmählich beim bedreida Kaffeemachà âmelda sodd.

    #268Author opadeldok (1319435) 25 Jan 21, 17:42
    Comment

    Kaffee auf Rädern oder so en dera Art?


    (I dät an deira Schdell õbedengt brofilaggdisch a Dadasicherong ufra externa Feschbladde macha, wenn da so grafierende Brobleme hòsch...Fongzjoh ersch widder nòch diwerse Maßnahma, inglusive Neischdard, hert sich et guat ã ....selbsch wenn's bloß d' Grafikkart isch. Wer woiß wenn dr d' Kischt komblett zsemabricht!)

    #269Author Goldammer (428405) 25 Jan 21, 18:17
    Comment

    Emmerle, Du nimmsch mr braggdisch dWertr aud´s dr Daschdaduhr!

    Schnellschdenz sichra, am beschda dFeschdbatt schbiehgla, abr zmendeschd Data sichra (ônd dLäsezoicha vom Brausr).


    Iebr dSchômpa han-e me au saumäßig gfrait. Am allrbeschda gfellber d schdanarddeitscha Schreibweise ... 🙂


    Gescht zAubad isch êm BeeErr iebrigenz a Beidraag ieber Obr- ônd Ôndrjoch komma. Dau schwätzat oine no si richdig schê Allgaiarisch.

    I bêe als Schdebbsl efdr zObrjoch gweah zôm Schiifahra, ônd an a baar Sacha en-e me daatsächlich no erennrat. Voar allam an dSchdrauß vo Hendelang aufs Joch nauf. Abr au an da Lahnig mit seîra Schischual, an da Hoschb ônd an da Leewa midde Burtschrs.


    #270Author twocents (460778)  25 Jan 21, 18:59
    Comment

    Kaffee uff Räder wär abbr a deire Lesong. I muaß hald blooß nedd midm Hirn woandersch nâdenkà. No schlemmer wärs, wenn i mei Viardele neba 's Glas schidda dät. ;-)


    An dr Feschdbladde kâ 's nedd liega, dia isch erschd a Jòhr ald ond dia nemme au blooß fihrs Sörfa, E-Mail Ond ronderladà. Wichtige Sacha duane (mid ma Schdick) uff andere externe Feschdbladda ablega. Des isch koi Hexawerk. I hau an Wechselschacht an meim Rechner. Wenns Grafigkard oddr a anders Hardwärproblem wär, miaßde hald mòl dr Rechner zom Schbezialischda doa, i ben hald Bezug uff die Innereia a wengela bled. Abbr mr kâ jâ nedd älles wissa ond muaß nedd älles könna.

    #271Author opadeldok (1319435) 25 Jan 21, 19:16
    Comment

    Guede Moege allmiddand :-)


    S hadd an Haufe Schnäe ond heid Moege zwische Aufwache ond Aufschdaô isch mr no komme, was sMaisle zuer Ausschbroch vo Schumpen gschriehbe kedd hadd:

    Schumpen sprichmr Schommmmba - wobei des -o- so Zwischadeng zwischa o und u isch, also a dongls u ...hadd.

    Also bei mier isch des a nasahls O wie in Sômmrzuig, Sônndaxreame, Hômmlbrônz ônd Ôndrjoch: Schômbbe.


    Abbreboo Sônndaxreame: Dônd dWäefdaxkedda nauf ;-)

    #272Author manni3 (305129)  26 Jan 21, 08:18
    Comment

    Auweh zwigg, manne, dau machsch a Faß auf. Des -o- in Soomrzuig isch bei mir ganz andrsch alz bei Hommlbronz odr Sonndigsreama. Dr erschde Wokal en Schumpen isch am eheschda wia en Homml - dr Soich vom Homml alzo -bronz isch mear wiara -u- bei mir.

    #273Author Selima (107) 26 Jan 21, 09:18
    Comment

    I hao ja efdr scho gmoind, dass der Vockaalreichdom vom Schwäbesche ooschlagbar isch. dWarijaziôôsbraide scheinz oo :-))


    Ziss- ond dransdanubesche Warijaziôôna in deam Fall.

    Mol luege, was die Dranshilaresche moined!


    Nochdraag: ... ond obbse ibrhaubz ebbas moined ;-)

    #274Author manni3 (305129)  26 Jan 21, 10:46
    Comment

    Sômmrzuig hin, Sommrzuig her,

    kauf mir mei Lebdag koi Sômmrzuig mehr.


    I moin grad gar nix. Abbr i hab zu viele Kois. I kennt welche en guade Händ àgea.


    Em Âgebod hädd i koi Luschd, koi Geld, ond vor ällem koi Ahnong. ;-)


    Transdanubien ond Cisdanubien däd i grad no zammabrenga, abbr wo liegt Transhilarien? Transhimalaya? Transsibirien? Oddr am End gar Transsylvanien?

    #275Author opadeldok (1319435) 26 Jan 21, 11:32
    Comment

    I glaub, dr Manni moint d Xiberger. Jedempfallz sênd die vo dau aus iebram Berg dieba.

    #276Author twocents (460778) 26 Jan 21, 14:20
    Comment

    I moi, er moint dia iebr dr IllAr dieba, alzo oosre Schbrachkumpana vondr Alb, de Fildra ond am Hohalohischa äddzäddra aka s'Gäbale, s'Emmrle, s'Opale ... zom Beischbiel.


    Ond was moisch Du, FFle, als quasi GrenzbewohnAre?

    #277Author Selima (107)  26 Jan 21, 14:26
    Comment

    Genao, Maisle - i moi die uff dr andre Ill_rseite. I hao egschdra guhgled!

    #278Author manni3 (305129)  26 Jan 21, 14:47
    Comment

    Also i moin ebbes, abber ebbes dodal Langweilichs, so dass mr's fascht scho peinlich isch....


    Sômmrzuig, Sônndaxreame, Hômmlbrônz ônd Ôndrjoch, Schômbbe.


    Wenn i des vorme nãsag, hert sich des älles eigentlich gleich ã....entweder i ben z'bled om meine eigene subdile Onderschied selber zom hera, oder i han tatsächlich koine....


    (flyschder zom Amoisle: 's Opale isch fei weder a Älbler, noch oiner vo de Fildra, noch vom Hohalohischa....on i iebrigns au et, on's Gäbele isch vom wirddabergischa See....drans-Iller allerdengs semmer älle scho....)


    #279Author Goldammer (428405)  26 Jan 21, 14:55
    Comment

    Emmrle - meine dransillrische geografische Kenntnisse send leider ganz mendr ... faschd dodale Derra enkognita - muane zua meir Schand geschdeha. Drom honne oo egschdrig des "äddzäddra" hend na. Was sendn ui nocht fr Landfraua ond -manndr.


    Wia manne - koi A endr Illr? Noch wärmr se ja pfeilgrad einig :-)

    #280Author Selima (107) 26 Jan 21, 14:59
    Comment

    Emmrle, bei mier häeze s Ô vo Sômmrzuig, Sônndaxreame, Hômmlbrônz, Ôndrjoch ônd Schômbbe ja oo alls gleich ââ: a nasahls O hald. Haubzach, es kudd koi schdemmhafz S idd voer! :-))


    dEdth mechd em Maisle no sage, dass id des A eggschdra rauslao hao - dier zuer dransdanubesche Fraid :-)

    #281Author manni3 (305129)  26 Jan 21, 15:01
    Comment

    Aaah, ha scho, des hotme gfreit - Endsilbaentvokalisierere, was I alz Nordschwaub bee :)

    #282Author Selima (107) 26 Jan 21, 15:13
    Comment

    Schdemmt, Amoisle, des äddzäddra han-e ieberläsa ghett...duat mr loid.

    Also i be vom Gai (Oberes Gäu, siedeschdlich vom Hegga- ond Schlehagai; 's Schdiggle isch soviel-e woiß vom Kraichgau gebirdich, on 's Opale muaß selbr saga...middlers Neggerdal? On wia sich's Gäbele landschaftlich vrordda dät, ben-e au et ganz sicher...ganz schlicht See? Wirddabergischer See?

    *gschbannt ben was 's Opale on 's Gäbele saget*

    #283Author Goldammer (428405)  26 Jan 21, 16:14
    Comment

    Dangdrschea, Emmrle! Dau muaneme nauchhet amol iebr mein Adlas beiga ond aufdr Karta nauchfahra.

    #284Author Selima (107) 26 Jan 21, 16:30
    Comment

    Schdemmd, Emmerle, du lokalisiersch me richdig. I hau jâ scho gschrieba ghet, dass i am Fuaß vom Wirdaberg (aka Rodaberg) wohn ond vo meim Wohnzemmr ond vom Arbedzemmr dr Neckr en ca. 70 Medr vorbeifliaßa seh. Ond durch mein Geburdsord haune au no an Bezug zum Allgai. I be en dr Oberschddorfer Schtròß gebora worra.


    Also dass d' Iller sich hender dranshilarisch verschdeggt, dó wär i nia nedd druff komma. Abbr vo dr dordiga Schbròchgrenze hend se 's amòhl en oinera Folge vo "Expedition in die Heimat" gschbrocha. Gugg i gern â, vor ällem wenn's vo dr Kwien of expedischn präsendiert wird. ;-)


    #285Author opadeldok (1319435) 26 Jan 21, 16:52
    Comment

    I han mr amòl a ganz tolle Deitschlandkart kauft vom Bundesamt für Kartographie und Geodäsie on bei mir an dr Wand ufghengt, dò sen ganz viele so regionale Landschafda druf bezeichnet. Abber eba et älle. Em Gäbele sei Landschdrich dät dòdruf "Linzgau" hoißa. Drifft des, Gäbele?


    D' Edith moint no, des mit transhilarisch han i au et bliggt ghett!

    Schdemmt, Expedizjoh en die Heimat gugg i au gern ã.

    #286Author Goldammer (428405)  26 Jan 21, 16:52
    Comment

    I hao ja dIllar uff laddeinesch oo idd kennd. Mei Laddein isch a Meneschdrandeladdein. I hao dean ganze Dexd no voerkonzilliaresch uff Laddein läerne mieße ond dIllar kudd in dr ganze Mäeß idd voer, im Reckwijem äeschd räechd idd - bloss die iddaljenesch Audomarke Fiat. Was die fier die Schleichwerbong weldweid zahld hand, wäeba oo nie erfahre: Finanzackrobadische Geheimnisse dess Faddikahns!!

    #287Author manni3 (305129) 26 Jan 21, 17:31
    Comment

    *g*

    Endr Vulgata hotze dr Fiat sogar midra Soifamarke zämma doa beim Schleichwerba! Saubr sage do?!

    #288Author Selima (107)  26 Jan 21, 17:40
    Comment

    Die deidsch Ausdauschschielare z Amäereka haddze des oo a Weile gfroged, wasses in dr Kierche no allad häbed middm Gerry Mayer. Ob a vileichd so arg vihl gschbended häb vom Brofidd vo däer Saifefabrick??

    #289Author manni3 (305129)  26 Jan 21, 18:21
    Comment

    #286, Vegale: Mei Mamme schdammt aus da Ravensburger Gegnd und mein Babbe isch am See aufgwaxa und i au (ganz gnau zwischa da Schussa und da Arga. Grad auf da andra Seit vo da Grenz zum Linzgau.


    Wa mei Schwäbisch agôht, isch des eh nimme grischdallglar. Schliaßlich honne guad zeah Jôhr (bei de Gäalfiaßlr) mit da Scheesa zämmagschaffd und des hot fei Schbura hintrlossa.

     

    Mir isch heit wiedr vegalewohl. Woiß id, wa geschd loswar. Honn a Aschbirin gschluggd und bin ins Neschd ganga und des hot gholfa. Und wahrschein henn am Manni seine Ahla au no a wengle mitgholfa. 🙂

    #290Author Moi Gab (456541) 26 Jan 21, 18:45
    Comment

    Guada Morga Schbätzla! Wenne zom Fenschdr nausluag, isch älls Theorie. Da Räaga biesalat dia ganze scheene weiße Wundrwelt weg. Nixme mit sich nagged im Bulfrschnee ahla. Jetz isch dSchneedecke auf da Wiesa vreist und gratzig. Dô simmer am Manni seine Ahla liabr (im Gsicht und assa ahzoganna halt 😉)

    #291Author Moi Gab (456541)  28 Jan 21, 10:44
    Comment

    Guada Morga, i glaub heit räagnats au blooß oimâl. Liabr gar koi Weddr, als wia so ois. Blooß nedd ausm Feaschdr luaga, soschd wirschd rammdösig.


    So, gnuag bruddlat. Was posidihfs, en ma Monad ond drui Däg fangd dr Friehling â.


    Manni, des midm Gerry Mayer ond dr Kierch haune fei nedd verschdanda, was hòdd der mit Dermasofd zum doa?

    #292Author opadeldok (1319435)  28 Jan 21, 11:41
    Comment

    I wisst au no ebbes Posidivs: dr Räga duat dr Nadur guat! Zsema mitm Tauwedder isch vielleicht a wengale viel uf amòl, abber emmer no besser als z'drogga, moin i.


    En zwoi, drei Däg gang i amòl zur Echazgwell, die hòt so a baar Näbagwella, d' "Föhnergwella", dia wo bloß bei viel Räga on Tauweddr schiddet, dia sen beschdemmt schbegdagulär.


    Dr Dengs dät arg gern mit, abber der isch en dr Glinik scho ieber a Woch. Er hòt en saubleda Infekt mitma dodal seldana Keim, der wo mit Antibiotika indrafenös behandlt werra muaß, des kennet se leider bloß en dr Glinik doa. Desch a arger Scheiß, au weil i en net bsucha derf. Er fiehlt sich wohl (abgsäha vom Fruscht on seim schnarchenda Bettnòchbr....) on se hen's wohl au onder Kondrolle, abber ächt, so ebbes braucht mr eigentlich et. Mir telefonieret a Dutznd mòl bro Dag, des wenigschdens.

    #293Author Goldammer (428405) 28 Jan 21, 12:02
    Comment

    Me Emerle, des isch a reachdr Scheiß! Richt am Dengs bidde ganz herzliche Genesôngswisch aus - er soll bald wieder xônd ho´mkomma!

    I bêe ja nemme ganz des firdwelle Kaschbrle, oimôl hemmer einand ja droffa.



    #294Author twocents (460778) 28 Jan 21, 12:13
    Comment

    Des isch abbr au hefdich, dann winsch i deim Dengs a guade Bessrong, dass du eahn au bald wiadr gsond drhoim hòsch.


    Wennda zur Echazgwell gòsch muaschd abbr reachde Schuah âziaha, 's kennd rudschich werra.


    I flagg me jetzad a weng uff d' Kaudsch ond lass me vom Waldy Osterhaz beriesla. Couch uff schwäbisch gschriaba liesd sich a weng komisch. ;-)

    #295Author opadeldok (1319435)  28 Jan 21, 12:15
    Comment

    Bass auf, dasd Da it vor Schregg vô dr Kautsch râahaglaschd!

    #296Author twocents (460778) 28 Jan 21, 12:20
    Comment

    Glar dur-i guate Schuah ã fir d' Echazgwell, Opale! Kennsch du di?

    Des isch oiner von meine orltaimfeifrit Blätz uf dr Welt, die ganz Umgegend kenn i wia mei Hosadasch.


    Zwoisentle, danke fir den Tibb! Jetz han-e an wonderschena Ohrwurm! (En dera Wersioh isch aber des Schissle so dezent, dò haut's dr Oba beschdimmt et vo dr Kautsch!)

    #297Author Goldammer (428405)  28 Jan 21, 12:25
    Comment

    Grins. Noi, no koi Angschd. Bei mir gibds koine donkle Gschdaldà ond scho gar koine rode Ladernà. Ond fir dr Tango fehld mr Baby Miller. ;-)


    Dr Griminahltango haune geschdern ghehrd, heit isch a CD mit Swingtitel am laufa.


    Mit onser Genesungswinsch firm Emmerle ihrn Dengs send mr ganz knapp an ma Singron● vorbeigschrammt. ;-)

    #298Author opadeldok (1319435)  28 Jan 21, 12:29
    Comment

    Noi, persehnlich haune me dr Echazgwell no nedd vorgschdelld, abbr wirduell per Guhgl. Du hòsch se scho amòhl irgendwo erwähnt ghet.


    Oinr derf no was sagà, on dann ... Dâ gòhts weidr

    #299Author opadeldok (1319435)  28 Jan 21, 12:37
    Comment

    Dann däät-e zJubeläomsfädale etzt zuamacha ônd nômml êns näggsche Zemmr bitta ...


    Opadeldok, dangge fr zSchildle!

    #300Author twocents (460778) 28 Jan 21, 13:08
    Comment

    Opale, dr Gerry Mayer schdohd im fonedesche Zammehang mit FIAT im Padr Noschdr ond däer Saife Jeremiah - so wieni sMaisle vrschdande hao, schdemmz??

    Ond em Englesche wäerd Jeremiah ond Gerry Mayer gleich ausgschbroche ;-)


    So, des wäed dr ledschd Beidrag do hinna sei - ond nocha gammr nomm. Dr Opa vom Dockdr* hadz scho vrlenkd ;-))


    Was sagedr zue meir hoechdeidsche Wersjôh vom remesche Bronne?



    * Nix fier ôôgued - midd Nix sobba aingdle idd schbihle, jebmfalls uff Hoechdeidsh idd. Do hinna däef ma des scho, in am freindleche Rahme, gell :-)

    #301Author manni3 (305129)  28 Jan 21, 13:11
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt