Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --201--SchwobeAllemanneSchnierle--201--

    Topic

    --201--SchwobeAllemanneSchnierle--201--

    Comment







    Des isch s zwaihondredondäerschd endrnazenal Schwobe-Allemanne-Schnierle

    zom Hôigaate, Raadsche ond Dischkriere,

    in deam wo ma all grenzibrschraitede Warianda vom Schwäbesche ond Alemannesche läese ond schreibe ka.


    Ond a baar andre Dialeckd no drzue, weil wäe Luschd had, ka oo en andre Schbrocha wie Bladd odr sogar Schdandardneihoechdeitsch schreibe.


    I konnd mier voerschdelle, dass es oo fier Hoechdeidsch-Schbrechar a endressande Erfahrong sei konnd, wirklech fonedesch zom schreibe:


        Auf schtaigt dea Schtraal unt falent giißt ea fol

        dea Marmoaschale Runt,

        dii sich fäaschlaiant übafliißt

        in aina tswaiten Schale Grunt



    Also dond ui koin Zwang â ond schreibed mid. Mier gfrajeze ibr jedn, däe wo reikudd ond eis Xelschafd laischded :-))


    Ond schreibed ganz aso, wie ui dr Schnabl gwaxe isch - Haubzach so fonedesch wie meglech.

    Desch ja soo endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Penßilveinijadadsche nei.




    ◎ Vo dedd kommebr ond jiez goz do hinna weidr.

    ◎ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    Dedd geiz a Lischde mid an die femfhondred schbezjelle regjonahle Wäedr. 

    Do isch dr Lenk zue de Voergengarfädela.







    Mier hoigaated allad weidr, solangs no ebbs zom sage geid!

    Onz siechd ganz drnoch aus, dass eis dr Gschbrächsschdoff no id so schnell ausgohd, wenns oo mankmohl räechd riebeg zuegohd ;-))






    Land id lugg!







    Author manni3 (305129)  22 Jan 21, 01:43
    Comment



    Innerschwäbischs Wariande-Wäedrbuech



    Sammlong vo ohgfäehr femfhondrd regjonal gebreichleche Wäedr

    Abbdeided am 22. Janewar 2021



    Des send Ausdrick, die wo idd all im Fädele vrschdande hand ond drom nochgfroged hand.


    In de nägschde Beidräg noch dr Frog kommed nocha Erkläeronga. Mankmol daured des oo a bissle lengr, bis des ganze Schbeckdrom ausdischkrierd isch odr bis all Beidräg drzue komme send, weil mr zwischedure no ibr ebbs andrs hand schwädze mieße. Do mueßba nocha hald a bissle schkrolle ;-)


    Dr Link goht direckd uff dean Beidrag, in deam wo dr Begriff zom äeschde Mol voerkudd. Die Zahl hendr deam Begriff isch bFadenommr. So siechba glei, wenn die gleich Frog schbädr noml aufdauchd isch.









    aablendre 50    äadala, äad dôa 147     äbba 19    äbbl 1    abegheit 84    Abr 181    afánge 21    afánge, ahébe 94    afánge, ahébe 95    Afdrmädag 1    afis 98    Aftrmeede, -medig 36    agfurzged, apfuzged 0    ahébe, afánge 94    Ahle 12    Ahle, Deffenizjoo 196     ahnd 1    ahnd (s. blange) 105     Ahne, Ehne, Nahne, Nehne 21    allbodd 1    allebodd 38    allegaare 100     Allgai, blaus 58    Allmende 75    als, allad, immr 194     Alti Söcke 61    Amaisla, zwai (Gedichd) 26    amigs 3    Anke, Buddr 45    Anke, Buddr 62    Anke, Gnack 25    APC 14    aobr, apr 32    Aschebe(r)scher 87    aufembde, emde 190    aufhauseg 154     ausbaldoferre 196    Ausdrag 197    aushausich 154    ausrichde, Leid 198    

        

    Baabl 189    Bachel 9    Bäeredreck 190    Bäeromenschdr, Radio 68    bägglat en Schdroah, dobblat 40    Bähmull 90    barmen 198    Baule, Böhle (s. oo Kadzebaule) 9    Bbünz 100    Belmeß, Kopf etc. 77    belza 191    belze kenne 191     Berda 189     Berda 21    BerwangarWeible, s 38    Bfose 97    Bfudzgar, pfuzzge 150      Bfutzga, Pfitzle, im Xichd 150     bhäb 189    Biberle 1    Bieche 102     Biewrl 44    Biibgockelar 190    Bise 44    bitzle 2    bizzle 84    Blaaz 21    blange 105   Blaokraud Ausschbroch 198    blutt 189     bluttfueß 56    bobbre, vrbobbrat 131     Bodschambr 49    Bodschambarle, Pisspott 198    Boi 83    Boi, Bai 83    Boi, Baie 84    Boid, Point 4    Boind 75    Bolle, Mausbolle aufgeschdelld, Bollehued, Bolledeere, Bollekaare 199    Bollekare, Bollewage vs. Laidrwägele 114    Bongert 75    Born 25      bosge, bozge 196     Bream 190    Brazzl 136 Bredla 94    Bredla 94    s Breis, voll bis ans Breis 142     Breschdleng 47    Breschdleng 84    Breschdleng 182    Brezga, gscheide 52    Briegl, Seel, Gnauzawegga 103    Brot, Kipf etc. 21    Brotaaschnidd 21    Bolledeere 15    bruddle 137    bschieße 107     Bubabberlesgschäfd 108     buchle 97    Buddr, dr B. 10    Budl, Dudl 2    Budlwar 64    Budlwar 89    Buggelesdag 49    Buggl raarudsche - Warianda 192     Butzameggelar 53    ...-Budzl 145    Buzele 2    Buzeschdengl 71    

        

    chaib 1    cheib, Cheibe    Chaschde 9    Chile (mid "ch") 30    Chindsgi 96    Chlüpli, Glubbe 35    Chratte, Gelte, Trucke, Zeine 103     

        

    Däätschmr 5    Dabber, vrdabbed 185    daure 198    deiche, dunke (dünken)     dellele, rom-, ommanand- 103     Dibbl, Dubbl, dubbelich 4    die wo, die was 0    dirmelig, durmelig, drümlig, drimslig 130    Dix 3    dobblat bägglat en Schdroah 40    Doe, an Doe hao 117     Doggebaaba 3    Dogg, Doggebaabl 189    doggle 189    Dolga, a fedda 3    donderschlächdig 200    Dôpa 185     Dorpa, vrdorpt 185    dousheared, doosoereg, dollorig 22    dransschenigg 11    drädze 89    driele, rom-, ommanand- 103     drgneist 108    drimsle 1    drimsleg, dirmelig, durmelig, drümlig 130    druscho 25    dubbelich, Dubbl, Dibbl 4    dubbelich 178     Dudl, Budl 2    dui, die, d 44    Dult 66    dunke (dünken), deiche

        

    êahd, dreegsêahd 192        eahrakäsig, eahragrädich 193    Eberri 30    Efangelesche, Wieschdgleibege, Kaddolesche, 106     ei ( Ausschbroch) 29    ei - ai, leidtun - leiden 137     ei - ai, leidtun - leiden     eleige 3    eleige 3    emde, aufembde 190    Etter 123     

        

    Fägnäschd 42    Fägnäschter 66    faigge 89    Fazaneddle, Fazoleddle 143     Fehl 2    Fehl vs. Fäel 41    Fehlehockar 190    Fehn 28    feand, fern, fertig 197     fei 44    Fiedle 17    Fieß, Boinr 77    2Fildra    Fileiner 101     Fisternöllsche 12    flacken 22    Flädle, Knöbfla, Chnöpfli, Schbädzla 49     Fludde 199    Frauafürz 72    fretten, Gfrett 32    füdliblutt 21    fuudre, bfuudre 1    

        

    gä, ge, i gang ge 67    gach, gäch, gäh 17    gaddig 189     Gade 184     Gäder 184     Gäelfießlar 2    gampe, gumpe, gompe 3    Gass - uffd Gass lao, gao 112    Gatze, Gatzlmacher 100     Gaude, Schbass 17    Gaul, Haitar 140     Gebbl 76    Gefäss, Gfess     gfräß 199    geids no a Mill, hadds no a Mill 200    geil 194     gell 56    Gelte 44    gembresch 85    gempscheg, gempisch 85    Gfrett 32    gheie 84    Gischbl 192     Glepfer 147      Glibbertle 136     gliche wetsch mache 30    gloichig 195     Glufe 35    Glufa em Fidle 102    Gluhfe 113    Gluschd, Gluschda 150    gmiggd 109     Gnack 25    Gnauzawegga, Briegl, Seel 103    gniageled 186    gnieble, gniagla, gnuile,    knieble    184    gnuile, gnieble, knieble, gniagla    184    godzeg 87    Gôg, Koog 159     gompa, Gombe 83    gotzig 50    Graddl, Grattel, d 1    Graddl, Grattel, dr 86    Graddlar 68    grääddeg 147    grätig 12    Grette, Krette, dr 1    Grischbaum loba 73    Grischbele 192     Großschwäbisches Reich2    Gsälz 21    gsälza 59    gschderrig, schderrig, gschdäär, schderch 174    gschirra     gschwülm 84    Gsiberger, Xiberger 68    Gsibergerisch 65    Gugg, Guggl, Guggana 22    Gumpe, Gombe 3    Gumpedoschde 3    Gumpf 34    gschbässeg 1    

        

    hadds no a Mill, geiz no a Mill 200    Hääs 23    Häddele 76    Häelba 84    Häerdreggziaherei 176    Hägamark 148     Hagabuechena 197     Hagamoisa 197     Häggr, Hesche 113      Häggr - Versla 111     Hagamoisa 190    Hägl 1    hähl 1    hähl 2    Haipfl 25    Haipfl 25    Haitar, Gaul 140     Haiter, Heitr 8    Halbdaggl 87    hälenga 86    hälinga 67    hange, henke 153    Harras 24    Heckr, Hesche 34    Heffawetz, Hefleswetz 40     Heffawetz, Hefleswetz 136     heebe 190    Hegel 43    helfe, Denk mr helfa drã 94    helfe, afánge, ahébe, gao (Adverbien) 183     Hemad, Hemadlenz 2    Hengschd 126    Hennapfrupfa 23    henne 98    Herrgöttle vo Biberbach 70    Hesche, Heckr 34    Hesche 89    heuer, huir 77    hibbelig 102    hiere 72    hierewierbleg 72    hindrfihr 200     hingere 98    Hinichd 42    Hitsgi 61    hitzg 25    Hoaraheile 177    Hocketse, Hoigaade, Höck 3    Hocketse 22    Hoigaade, Höck 3    Hoigaade 22    Hoinze 1     Homml 1    Hommlbronz 36    Honoratiorenschwaben etc. 86    Hoschtub 93    Huerä- 1    Huaraflichdling 106    hudle 199    Hugendubel (zSchdueged) 60    hüpf 71    hurrgle 118

        

    ibrlenggd 109     ine, ume, use 51    -ingen, Siedlongsgschichd 17    ipuffe 42    it 0    

        

    Jägrdoopf 7    Jochgaiar 156    jucke, schbringe 11    

        

    Kaddolesche, Efangelesche, Wieschdgleibege 106     Kadzebaule (s. oo Baule) 15    Kädzle am Bauch, aussäeche wies 87    käfele 80    kähl 1    kähl 2    kähl 189    Kandl, Kantl 151     Käpsele 1    Käpsele 68    Karess, auf d K. gao 1    Kaschde, Kasten 104    Käspappiletee 75    Kêaza 150     keija 174     kidzebolle 151     Kieanzl, Keanze 77    Kiechla etc. 97    Kiechle 75    Kipf 21    Kläbbar, Schläbberle 4    Klubbe, Glubb 76    knäschdeg 20    kneischde 20    knieble, gnuile, gnieble, gniagla        184     knitz 184    Knobbf 190    kobbe 76    koiz 91    Koki Sa Schack 5    Konjegadzioo Blueral 150     Konjonkdif I - II 130    Koog, Gôg 159     Kotze 86    Krattel, dr 15    krawuhl 189    Krette, Grette 1    Kuglfuehr 195     Kuhfliagets 91    

        

    Lacha 150    lagg, lack 22    ladderala Schdobb 29    Laibla 94    laid, leid 1    Laidrwägele vs. Bollekare, Bollewage 114    Lätsche, Schlueb 21    Land id lugg 19    Land id lugg 41    le, Suffix em Englesche 2    Lego, hesch me 59    lei 0    leid, nit eso leid 7    lêîs 96    Leisa 123    Laisa, Lêîsa, Albleisa 123    -les 91    lieben, mege 62    Loas 1    Loisa 32    lubfe 190    Luse 194     Luxemburgerli 87    

        

    Madlafitzeler 190    mängisch 3    Mäschkerla kommed 6    Mass, Maß 88    Matte, Mahd 75    Mecheler usw. 118    mege - i mag di 62meegig, oomigele 12    meichdale 22    Memmingar Mao 1    Memmingar Mâô 40    Menggenges 115     Mensch, s 2    Mensch, s 96    Migge 190    moanammoeges 192     Mojaschegga 11    Molle, Mollesaich 1    Mond (Ausschbroch) 40    Mondich 1    Mongale 1    Muggaseggale 190    Muggebixle 190     Muhagl 43    Mulle, Mulli 90    Mullela 94    Muni 1    Muswies 126     müntschi 100    Mutschl 85    

        

    nächt, nechd 1    Nahne, Nehne, Ahne, Ehne 21    Naka-Buzele 2    nannaäbbe 3    narred 12    naussaue 40    nebenzu 194     Nechzobed 42    neihägle 40    neima, neamads 18    neima, oimeds 184     neischobbe 194     nochschreie 198    noddle 200     nuf 123     nume 3    

        

    oimeds, neima 184     Ois 150     ommananddriele 189    Ômuaß 42    oomigele, meegig 12    Ôomuaß 45    Ortsschiiht, Woogscheile 109     oz 23    

        

    Pamir 72    Pe-, Pödädrle 154    Pfäläller 4    Pfitza, Bfitza 150     Pfitzle, Bfutzga im Xichd 150     pflöffla 45    pfupfre 2    pfuuse 7    pfuzzge, Bfudzgar 150     Plaffoh 34    pögge 2    Point, Bôid 4    pöschtele 50    

        

    R - Zonge odr Zäbfle 1    rääs 1    Radlar, brôte, Rezebbd 18    Randig, Rande 52    Ransch, auf dr R. sei 1    Randsch - uffd Randsch gao 112    Ranze 108     Ratscha schdadd Glogga 78    Rauch, ao-ou 75    raule 9    Rechdschreibdiskessioo ibr Ackzendr 49    Ribb, Ripp, s 96    Ribbschdigg usw..76    Ribbsmäel 50    riebeg 2    ringer 108     Risoddokoma 22    Roina 177    romdreggle, romdreedle, romdellele 139     romlöhrga 40    Rootzbibbr 44    Rotzbibbr 1    rueßle 194    Rugl 149

        

    Sach, s, d 104    sägg 92    säehr, Suirle 150     Samschdag-Samsdag 155    sauigle 22    Scharmidzl, Stranitze 22    Schaufscheiß nui drzue 190     Schbatzafischer 100     Schbädzla (etym) 21    Schbädzle, Flädle, Knöbfla, Chnöpfli 49    Schbagaat 21    Schbagaat, Schbädzla im Iddaljenar-Forum    Schbaage 38    Schbass, Schbass, Gaude 17    schbeie, schbedzge 91    Schbinnewedda 85    Schdäer, "Stör" 155    schderrig, gschderrig, gschdäär, schderch 174    Schdihble 197    Schdobb, ladderala 29    schdoggele 174    schdrähle 191    schdrawanza 65    Schdreckise 9    schdruug, K II vo schdragge 32    Schebrkrä 110     Schegges 30    Scheiche 77    Schertele 189    schiergar 195     schladdig 186    Schlagg 192     Schläpperle, Kläbber 4    schleife, schliefe 87    schleife (SZ) 47    Schleifets 91    schlenggle 2    schliefe, gschloffe 87     Schliefkami 87    Schlueb, Lätsche 21    Schluata 189     schmecke (Gschmäckle) 95    schmutzige Dauschdech 3    Schnäe weckdoe    183     schnarchle, schnarchele 194    Schnäddrfiedle 130    schneie, gschneit, gschnia, gschnihbe 200     Schneller 147     Schnöre 45    Schobf, Schöbfle 82    Schoche nauslache 178    Schöpfli 82    schora 196    schtiepara, schtoipara 190     schuddle 134     Schuebad 37    schwanze 12    schwerlich glaufa 32+#66 Schwobarädla 48    Seel, Briegl, Gnauzawegga 103     sehr, säer (sorry, sore) 21    seicht 44    selbandr, selwandr 200    Semml; Schdanga- 83    Spätzle-Shaker47, 48 Stranitze (1) 22    Stranitze (2) 23    Suddroi, Suddrai 194     süferli 27    Suggl 1    Suirle 44

        

    Tajine, Tatschine 48    Talpe 77    traibdeibl 27    trädze 89    tschambre 49    Tschingge 98    -tse 91    Tugnd, die gräeschd schwäbesch 31    

        

    Ufzgi 52    Uhudler 17    uibrois 30    uns-euch-ihr16    Urlesdag 17    

        

    Verchlinerigsform vo Verbe 33    verchrüglet 45    vrkirnt 108     verusse 42    Veßa, Vese 84    vrboama 177     vrdlda 44    Dôba,        verdôbed    185     vrdrenne (im Kondexd) 98     vrdrenne (Frog ond Andwoed) 99    vrdwarme 197     vrkaischdle, sich 103     vierdl, viedl noch, viedl ibr 1    vierezwanzgi gsi 9    Vierling, Virrling 195    vrhebe 23    

        

    wachele 194    wachle 33    Wäedam, Wäedig 77    Waihdag, Wehdag 151     waidle, wolle 191     Wagges 30    Waggl, uff dr W. gange 80    wallen, walen 86    wargele 89    wargele 118     Warglknui 118     Wassrschdelzle 156      "weder noch" 154    Wehdag, Waihdag 151     Wehrle 150     weisen 2    Weißbild 2    Weißbild 27    wiaschtgleibig 21    Wiebele 191     Wieschdgleibege, Kaddolesche, Efangelesche 106     wirglich (z.Zt.) 143     Woogscheitle, Ortsschiiht 109     wolle, waidle 191     Wullesau 23    Wurschdschbätzla 85    

        

    xesch 49    Xiberger, Gsiberger 68    

        

    Zeitbeer 190    Zigr 45    Zipprla, Zibarte 10    Zodder 197      Züber, Zubar 44    zwai-zwea-zwoa 0    zwe-zwo-zwöi 97    

        




    #1Author manni3 (305129) 22 Jan 21, 01:47
    Comment

    Hoi, ben-e de Erschd em nuia Schbaaga?

    Schêa ischer worra, danggschea Manni, frs Bäschdla!

    #2Author twocents (460778) 28 Jan 21, 13:09
    Comment

    Au schaug na - dau haddr Fadababba schon meahr rechdzeideg vorgsorgt ghett. Dangkdrschea, manne frs Bäschdla.


    Emmrle, oo vo mir dia beschde Genesungswinsch fr da Dengs. Desch wirklech a bsondrs Ooglick, so ebbes iebhauptz z'ham ond nocht oo no grad iatz. I wensch em, daßrs bald hendrse brengt.


    Mannile, beidr Soif hau i an Lux dengkt ghett :-)

    #3Author Selima (107)  28 Jan 21, 13:13
    Comment

    Emmrle, i wensch em Dengs oo alls Guede. Des isch ja wirkle idd schea, des wona do hadd!


    Maisle, Lux - des isch br idd eigfalle, abr jiez wo dus seeschd: lux äderna (luzeat Eis - fier mi bidde Schocko odr Fanill)


    Opale, hasch du beir Saife an Lux denkd?

    #4Author manni3 (305129)  28 Jan 21, 13:21
    Comment

    Isch hann misch dii lädschd Zeid eh bissje raa gemachd doo imm Fäädelsche ... awwa eh neijes Fäädelsche fabasse ... nää, nää, dass geed nedd !


    Danggescheen Faadebabba ! *aangemälldbin*

    :-)

    #5Author no me bré (700807) 28 Jan 21, 13:57
    Comment

    O weh o weh, es hilft nix maih: I han gessa, i han en Kaffee dronka, i han a weng romdaddlt on ausgruht, on gschdresst on niedergschlaga ben-e heit au irgendwia et (desch de letschde Dag emmer a sehr brauchbare Ausred gwä!).

    I muaß dr Grischbaum abtakkla. D' Schachdla han-e scho rufghollt. Also mach-e-'s halt....

    #6Author Goldammer (428405) 28 Jan 21, 14:06
    Comment

    Emmrle, I hädddr no a Ausred: Da Grischdbaum duadmr am zwoida Februar (=Losdaag) abschmigga - ond dear isch erscht nägschda Afdrmeede.

    #7Author Selima (107)  28 Jan 21, 14:09
    Comment

    Gildet des au fir Wiaschtglaibiche?

    (Abber i han enzwischa scho ãgfanga....)

    #8Author Goldammer (428405) 28 Jan 21, 14:38
    Comment

    Ganz beschdimmt. I bee ja oo wiaschdglaibeg gwea - oo no endr Subbrdiaschbora. Dau hadd abbl des golda, was am ginschdigschda gwea isch for oin ;-)


    [Abr da Grischdbaum hot mei Muadr abble scho vial friahnr aagraumt. Kurz noch Dreikenig moischdns. Dia hat des nia vial längr ausghalda.]

    #9Author Selima (107) 28 Jan 21, 14:45
    Comment

    [Abr da Grischdbaum hot mei Muadr abble scho vial friahnr aagraumt. Kurz noch Dreikenig moischdns. Dia hat des nia vial längr ausghalda.]


    Meina au it. Drodzdeam hat se oimol bloß mêah s Schkeledd vom Baum nausbrocht - semtliche Naudla sênd auffam weag vom Wohnzimmer aufd Terrass abgfalla gwêah. :-))

    Der durre Hônd isch nau a Zeitlang auf dr Wies ommanadgläga, bisna oinr wegbraucht hat.

    #10Author twocents (460778)  28 Jan 21, 14:49
    Comment

    I dank erschdmòl ardigschd dem Schnierlesbabba fihrs nuie Schnierle.


    Manni, genau wias amoisle gsait hòdd isch mir Fiat Lux eigfallà, deswegà au mei Hinweis uff Dermasoft. Ond du hòsch me dann vrwirrd midm Mayers Gerry. Do druff nâ haune bei Unilever nâchguggd obb òner vo de obrschde Scheffs so ghoißa hodd. Dâ ware dann nomeah vrwirrd. ;-)


    Nadierle derfsch du au mid meim nigg schbielà, blooß miaßed 's dann nedd Opa del Dottore hoißa. Au do haune zerschd iebrlegà miaße. Mit Nix schbiela? Abbr dann isch dr Groscha gfalla. Do drbei send mr dann meine äldere Schweschdra eigfalla. Dia hend frieher emmr, wenns langweilig gwäa isch ond koim was eigfalla isch, was mr schbiela kennd, gsaid: Nâ ziah mr ons hald aus ond schbielad mid de Kloider.


    Des isch fei was gschiggds, wenn mr jemand prokura erdoilt hòdd. I hab a CD bei de wilde Weibr bschdelld ond hab grad a Middeilong glesa: "Ihre Lieferung wurde zugestellt. Unterschrieben von Briefkasten". ;-)

    #11Author opadeldok (1319435) 28 Jan 21, 14:53
    Comment

    ädd semtliche Naudla sênd auffam weag vom Wohnzimmer aufd Terrass abgfalla gwêah


    I hao mei E-Bijano gebrauchd koofd ond wieni gmerkd hao, dass des zwaigschriche e mankmohl ôôkondrollierd laud schbiehld, haoni die Kischde aufgmachd ond glueged, obs do ebbs zom rebbariere geid. S isch zemle vol Dannenodla gwe. Däe Voerbesidzar hadd scheinz Ende Janewar allaad no vihl Schdille Nachd ond Kinderlein kommed gschbihld. I haos nocha middam Schdaubsaugar ausxauged, abr des zwaigschriche e isch drvoo idd bessr woere :-((

    DuSenzle, die Läschd wäersch du middr Derrasse idd kedd hao - do geiz koi zwaigschriches e idd ;-)


    Dass mier die Saife Lux idd eigfalle isch, kudd veleichd vo deam, dass mier dahoi allad die Kloine-Einmaleins-Saife kedd hand. Räzlfrog en dr Schuel: Was isch achd mòl vier? zwaiedreißg a Saife!

    #12Author manni3 (305129)  28 Jan 21, 15:01
    Comment

    Ui hand d'Derraß zwoimal gschdricha? Wieson des? Oos hammr dia gar nia gschdricha. Abkehra hot dau groicht.

    #13Author Selima (107)  28 Jan 21, 15:14
    Comment

    Dr Manni hetts pferleichd gschdricha. Mier hand au bloß keehrt.

    #14Author twocents (460778) 28 Jan 21, 15:25
    Comment

    Dier hand ja scheinz oo ôômusekalesche Derrassa ohne Daschdadduhra kedd. Liebr Blockfleede gschbihld, die brauchba gar idd keehre - heggschdns durchwische, wemma zvihl neigschbedzged hadd ;-)

    #15Author manni3 (305129) 28 Jan 21, 16:08
    Comment

    Des brauchts it amôle. S lauft nemmle vo selbr raus. ;-P

    #16Author twocents (460778)  28 Jan 21, 16:19
    Comment

    Dia hand oo idd so an ookomoda Boga wia mei Saxophon. Desch abbl a Gschäft mim Ausbudza.


    Am Naazl hot dr Bass amol ganz komesch doa - so pfluddrat. Emmr widdr hotrs Wassr ablaufa lau. Isch abr idd bessr wora - bissrs amol genaor emschbiziert hat. Dau handm sei Kollega em dongkla Blech doch an Butzlabba en Drichtr naagschopft ghett!!!

    #17Author Selima (107)  28 Jan 21, 16:29
    Comment

    DuSenzle, es loffd scho ebbs sell raus, abr idd alls. Ond a nasse odr feichde Holzobrfläche sobba drickne, es sei denn du hasch a Blaschdeckblockflede fier femf Eiro. Die kaasch oo midd de Durnschueh in dWäschmaschihne stecke*. Ôausgwischd fanged die heggschdns zom schdenke aa - pfuddrdeifl 😈


    * Nochdraag: ond gued schleidre, nocha loffed hendrhäe Zechzehndl bessr!


    #18Author manni3 (305129)  28 Jan 21, 17:46
    Comment

    So, I ben oifach am Freidag Vormiddag nòch Honau gfahra, han's Gschäft drhoimt liega lassa, han en Honau en dr Mühle no Mehl on Haferflogga kauft on ben nò zur Echazgwelle gloffa. Wie vermudet hen d' Föhnergwella gschiddet, dia laufet bloß wenn's viel gregnet hòt on /odder schdargs Tauwedder isch. Wie im Moment. War schbegdagulär, i war ganz begeischdert.

    On an dr Echazgwell han-e a Bärle Wasseramsla beobachdet on foddografiert. Wonderschene Dierla!

    #19Author Goldammer (428405) 29 Jan 21, 13:56
    Comment

    Ui, dau benne neidisch - ich hau Wassramsla no nia em echda Leaba gseacha. Mi hot drfiar auf meim Schbaziergang ondr dr Wuch a SilbrreihAr aagschnarrt, wallem unbeabsichtigt zneach komma ben.

    #20Author Selima (107) 29 Jan 21, 14:03
    Comment

    Dia Wasseramsla seh i seit viele viele Jòhr emmer wieder an dr Echazgwell. Dia mießet dò seit Generazjona ãsässich sei. Wennda kommsch, gamer nã!

    #21Author Goldammer (428405)  29 Jan 21, 14:09
    Comment

    Wassramsla haoni s äeschd ond ledschd Mohl voer a baar Johr an dr Isar ondrhalb vo Minke xäeche. I hao nocha lang im Indrnedd xuechd, bis is rausbrochd hao, was des fier Vegela send!

    #22Author manni3 (305129) 29 Jan 21, 14:46
    Comment

    Leidla! I ben so gligglich! Dr Bua kaas Zongaschbitzles-Rrrrrrrrrrrrrrrr ... ond wia schea.


    Emmrle, i hätt eh scho laaang amol nach Urach wella ond da Ronda Berg nauf. Desch doch idd arg so weit weg von Dir, odr? Wann's mol mear got, nau mache des ond nauch zoigschmr Du dia Wassramsla.

    #23Author Selima (107) 29 Jan 21, 16:18
    Comment

    Glar, desch bei ons om s' Eck, Urach on dr Ronde Berg. Dò dät i glatt mit nuf, i war scho ewich nemme deet.

    Griagsch ao an Kaffee on an Kucha (vom Dengs gmacht, je nòch Jòhreszeit Erdbeersahne, Schwarzwälder, Heffazobf oder so).

    #24Author Goldammer (428405) 29 Jan 21, 16:22
    Comment

    Dau schlage ei! Des isch jetzt ebbes, auf desseme gfreia kaa.

    #25Author Selima (107)  29 Jan 21, 16:57
    Comment

    Nâ hòsch abbr heit vormiddag no dr scheene Doil vom Dag verwischd an dr Echazgwell. Dâ hòd jâ no d' Sonn gschiana.


    Am erschda Mai vor drei Jòhr haune mid meine alde Handballkumpel vom Eichakreizschbord ond ihre Fraua au a Wandrong gmacht. mIdm Zug nach Urach ond dann iebr dr Uracher Wasserfall, dr Rutschafelsa, Güterschdeiner Wasserfall onds Gestüt Marbach wieder zruck. Middagessa em Nadurfreindehaus Rohrauer Hitte. 's Weddr war a weng frisch, abbr nedd nass. Weil mr friah losgloffa send war no ed viel ondrwegs, abbr wo mr nâchmiddags wiadr am Brühlbach waràd war dr Deifl los. Mr hend dann no als Ausklang am Markdbladz vo Urach, drodz dr Frische em Freia Kaffee dronkà ond Kuacha gessà. An deam Café hängd außa a Schild mid ma Gedicht vom Manfred Rommel zur Laugabrezel. Kennad ihr des?

    #26Author opadeldok (1319435)  29 Jan 21, 17:35
    Comment

    Jetz kennes au :)))


    Merssile, Manni, fr da neije Schgaga.


    I woiß id, wa los isch, abr seiterra Woch ugfähr ziggt bei mir da Leo rum. Schdendig kommt dia Imbfo, dassen Fehlr aufdauchd sei und i's schbätr nommel vrsuacha soll. Grrrrrrrrrrrrrrrrrrrrrrrrrrrrrrr

    #27Author Moi Gab (456541)  29 Jan 21, 17:58
    Comment

    Opale: desch a ordentliche Ronde! Dò sender en dr Nähe vom Ronda Berg vorbeigloffa. On beima Gleinod wo kaum ebber kennt: em Rutschabrennele. Oder hendr des ãguckt? Ufm Weg vo de Rutschafelsa zom Nadurfraindehaus isch lingger Hand a Baumgrubbe midda ufm freia Feld - wemmer näher nãgóht, sieht mr dass des a Doline isch. Onna denna entschbringt a glois Wässerle - on vrsiggert glei faif Meder weider widder onna en dr Doline. Desch es kirzeschde Bächle wo-n-i kenn! En dem Kies onderhalb von dem Gwellale han i scho Bohnerzbebbala gfonda!

    Des Gschdüt wo-n-ihr durchgloffa sen war d' Außaschdelle Fohlenhof vom Marbacher Gschdüt. On glar, des Café ufm Margdblatz kenn i guat, dia hent guada Kucha, wia hoißt's glei noml....i han grad guggt, i glaub des wo-n-i moin gibts gar nemme.


    Odder hòsch du des Gedicht vom Romml gmoint, ob mir des kennet? Glar! I scho!

    (Der Tegscht isch sicher no urheberrechtlich gschitzt, so lang isch dr Romml jò no et dot. Deshalb schreib-e-'s et dò rei. Abber mr kã's guugla!)


    (D' Edith moint no, es häb zwòr zwischanei kurz d' Sonn gscheint bei ihrm Schbaziergang, abber se wär au beregnet on befeichdet worra, bsonders ufm Rickweg!)

    #28Author Goldammer (428405)  29 Jan 21, 18:45
    Comment

    Oh Mann, ihr mached meine Wandrschdiefl sMaul wässrig!

    #29Author Moi Gab (456541) 29 Jan 21, 21:10
    Comment

    Heid zNachd hadz mea a klois Schnäele gschneid - a ganz a klois, so wie dr Pudrzuckar uff am Fasnachzkrabfe ;-)


    Uff mein Voerschlag ussm OP, dassba oo uff Hoechdeidsch fonedesch schreibe konnd, hadze ja no koi Schdandardnuihoechdeidschschwädzar*e gmeldt. Was moined dier drzue ond was moinedr zue meir Ibrsedzong vom DseÄff Meyer seim Remesche Bronne ins Fonedeschdeidsche? Hadd des a baar abbgschreckd, weil se veleichd moined, des sei a Sack Relehg?


    Des Gedichdle isch ois vo deane baar, die woni mir uss dr Schuelzeid no gmerkd hao! (Schillars Fritze Glogge käerd do ibregenz idd drzue! Ond die Ibiche dess Kranikuss oo idd ;-)



    Frog ädd Schillars Fritze Glogge - des e vo Fritz e isch a Genidiv. Kennd dean ebbar? Geiz dean heid oo no, odr isch däe midd meir Dande Senz (Johrgang 1898 - wissed scho, die midde lange, weide, schwaaze Reck) ausgschdoerbe?



    #30Author manni3 (305129)  31 Jan 21, 13:09
    Comment

    Oh mei manni! Dei Perle mit dem Gedichtle hòsch vor mi Sau gschmissa, i han's glatt iebersäh!

    Desch echt guat, bsonders "Runt" hòt mr gfalla, an Dribut an dr Denglisch-Leo....

    I woiß et, ob dia Schdandardhochdeitschschwätzende ieberhaupz Luscht heddet, foneddisch zom schreiba. Vrmutlich moinet au a baar, se dädet so schwätza wia d Schriftschbròch....


    Den Genidiv kenn i et. I fircht desch außem Zeitalder Senz...i ben zwòr au a weng a alde Schachdl, aber oi Generazjoh jenger. Mei Großmudder war Jòhrgang neizehondert.

    #31Author Goldammer (428405)  31 Jan 21, 13:50
    Comment

    I schliaßme reuig am Vegale a: a mir isch des OP-Gedichtle au vrbeiganga. Haschlummigum!


    Und den Genidiv kenne au id, abr des liegt dôdra, welle a wengle ......... noi i sags id bin.

    #32Author Moi Gab (456541) 31 Jan 21, 14:03
    Comment

    [Gäbele] Du sollesch des idd amohl denke! Gell!! [/Gäbele]

    #33Author manni3 (305129) 31 Jan 21, 14:13
    Comment

    Idd?! Warom idd? 's Gäbale hot ja beschdemmt "z'jong ben" saga mega - ond hotz idd gsät, ballze hald a so eifiahlsam isch.


    Dean Genediv kenne oo idd. Abr I be ja sogar no a wengale jingr wias Gäbale.


    [Ond zua deam Gedichdle: Phoneddisch schreiba isch ja gar idd aso oifach. De wearadse oifach idd draua, ballmr oos dau scho sottende Egschberda send.]

    #34Author Selima (107)  31 Jan 21, 15:00
    Comment

    Des Gedichdle am Âfang haune gladd iebrlesa, abbr jetzat nâchgholt. Schdandardhochdeitsch zom schreiba scheid mr jâ no âschdrengender 'z sei als schwäbisch.


    Dr Genediv isch des nedd der, wo vom Dadiv gmeucheld worra isch?


    Vegale, ja des Gedicht haune gmoint. I hau 's scho reischreiba wella ond 's dann bleiba lau, aus genau dem Grond. Ond du hòschd nadierle au reacht, dass des dr Fohlahof vom Gschdüt war, iebr 's Hauptgschüt wär 's an weider Omweg gwea. Des Rutschabrennale hend mr gladd iebrseha, wahrscheinle weil ons dr Honger ond dr Duurschd oifach so schnell vorwärdszoga hend. ;-)

    #35Author opadeldok (1319435) 31 Jan 21, 16:45
    Comment

    Noch Rickschbroch mibbm Delingkwende haoni uff a nuje Middgliedr- ond Middgliedrinna-Häerkombfzlangkarde abbdeided. Die vrlenk i im näggschde Fade glei im OP.


    Schdemmz asoo, Opale?

    #36Author manni3 (305129)  31 Jan 21, 18:06
    Comment

    Dr Delingkwend bekennd sich schuldig. ;-)


    Ha Manni, bischd a Pfondskerle, so schnell ond faschd uffs µm droffa.


    I hau vorher no vergessa zom Schreiba, dass des Café am Markdbladz vo Urach dr BeckaBeck isch. Wia lang der die Filiale scho hòdd, woiß i abbr nedd.

    #37Author opadeldok (1319435) 31 Jan 21, 18:33
    Comment

    Ah okeh - i glaub i sott amòl widder uf Urach nei. Wemmer widder ens Café sitza derf. Allerdengs ieberzeigt mi dr Beckabeck maih mit seine Brot als wia mit seine siaße Sacha. On was mr bei dem no gfellt: Mei Nichde (dui isch Lährerin) isch amòl mit ihra ihrer Glass en dr Jugendherberg vo Urach em Schullandheim gwä vor zwoi Jòhr, on dia hen a Bedriebsbesichdigong beim Beckabeck uf drAlb doba gmacht (der hòt sei Hauptgschäft jò z' Böhringa, desch dr erscht Flegga wemmer vo Urach Richdong Ulm d' Alb nuf fehrt). Der hòt des dodal toll gmacht fir dia Kender, on se hen sogar ihre oigene Brezla bacha dirfa onder seira Ãleidong. Des fend i guat, dia Schdadtkender amòl mitm Beggerhandwerk hautnòh en Beriehrong brenga.


    (D' Edith vrdruggt no a Drenle on seifzt a weng...dò isch jò dr Botzich säligen Angedenkens no uf onsrer Kart vrewicht! Ach des war so a nädder Kerle, des...)

    #38Author Goldammer (428405)  31 Jan 21, 23:18
    Comment

    [Dau seifze a wengale mid. Dear fählt scho abbl no.]

    #39Author Selima (107) 01 Feb 21, 05:19
    Comment

    Ond sei Kreissäg ond die Schdüroporperla.

    #40Author bluesky (236159) 01 Feb 21, 06:18
    Comment

    Genau, hemele, an dia Schdiroporbebbala han i au denkt. On sein Igl on seine Zigarettla onderm Vordächle bei Räga.

    #41Author Goldammer (428405) 01 Feb 21, 08:34
    Comment

    Schdüroporperla *hihi*


    Ond die Kabbe, die wo em sEmmrle gschdrickd kedd hadd, ond die wo scheinz idd so räechd äschdemierd woere isch ;-)

    [ondr eis] Vo weam, schreib i jiez idd efndlech. [/ondr eis]

    #42Author manni3 (305129)  01 Feb 21, 09:37
    Comment

    Ei, wa moinsch, Manni? Mädla sin halt eifrsichdig, wenn andre Mädla so scheene Geschenkla mached.


    Ibrigens, des mit derra Kart hosch pfundsmäßig nahbrôcht!


    Jô, sPotzigle. Der hotmer fei scho a Vrmächtnis dôlôh - schdendig hotterme dazua animierd, Italjenisch zlerna, bisse damit agfanga honn und, wo ischer etz? *heil*.

    #43Author Moi Gab (456541)  02 Feb 21, 15:03
    Comment

    Mei Gäbele, idd heine! Frai di, dassdn droffe kedd hasch :-))

    #44Author manni3 (305129)  02 Feb 21, 15:15
    Comment

    A wondrbars Friehlengsweddrle hammr heid - Zonne scheind ond dr Dermomäddar hadd neî Grad uffm Ballkooh uffm Ballkaah :-)


    Opale, ädd faschd uffs µm droffa - des faschd habbr koi Rueh idd lao. I haos rebbarierd ond i denk, jiez isch ganz uffs µm droffa, odr was môîsch du?

    #45Author manni3 (305129) 04 Feb 21, 09:10
    Comment

    's Opale macht sich a weng rar...i hoff es isch älles en Ordnung em Neggerdal?

    Es wurd doch et mitm Hochwasser drvogschwemmt worra sei?

    #46Author Goldammer (428405) 04 Feb 21, 09:46
    Comment

    Ei, sVegale und sOpale wohned jo faschd im sälba Neschd. Manni, des hosch fei guad nabrôchd.


    I freime au dasses heit so schee isch und Zonn da Schdaub auf de Mebl hailaidad. Abr deschmr wurschd, i vrsau den schena Dag id mid butza!


    Boschurle au no und häff a naiß deile, Schbätzla!


    re Hochwassr: Wemma vo Eschinga noch Pforra fahrd, durchgwehrdma a wundrschene Sealandschaft.

    #47Author Moi Gab (456541)  04 Feb 21, 10:09
    Comment

    Kã'sch Pforra no a weng ieberregional vrschdendlicher ausdrigga? I dät gern gugga wo dui Seealandschaft isch.


    I gang Eikaufa. A baar Sächla wo i brauch on a nuis Audoblättle, Cola on Sahnejoghurt fir dr Dengs. An dr Bforde em Granggahaus kennet se me scho. "Ah, widder Sächla fir dr Herr Dengs!", saget se. "Mr gebet's weider!". Dia sen echt nett.

    #48Author Goldammer (428405)  04 Feb 21, 10:38
    Comment

    Pforra isch em Bairesche dr Bfahrar. Des wäeze abr idd gmoind hao - s bassd so gar idd in de Kondeggschd *hihi*


    Nochdrag ommare elf Minudda uff elfe: I haos in Guhgl Örß gfonde: 4 Killemeddr biss uff "Pfohren" ;-)

    #49Author manni3 (305129)  04 Feb 21, 10:44
    Comment

    An wondrscheana Morga mitanand,


    älles en Ordnong, dr Negger leit ällaweil no en seim Neschd aah Bedd, dr faule Siach.


    Manni, des hädds fei nedd brauchd, a µm liegd doch en dr Dollerands ond i hau eh mei Augamâßschdenderle vrlegd.


    I war die ledschde Däg drmid beschäfdigd a Buach (über dr Hegel) ferdig zom läsa, des i meinr Schweschdr amòl vorbei brenga will. Des hòd dr ganze Kopf brauchd, i mechd abbr drodzdem nedd behaubda dasse älles vrschdanda hau. I dröschd me drmid, dass scho gscheidre Kepf am Hegel gscheiderd send.


    Merke: Wenn mr an was gscheiderd isch, isch mr drodzdem gscheider. ;-)


    Emmerle, du hòsch me mid dr Echazgwell neigierig gmachd. Bei derra muaß i mi glaub au amòl vorschdella, noch denne Bildr diane gsäa hau. I be eh a weng bei meine Wanderonga uff Gwella fixiert, dr Filsurschbrong, dr Remsurschbrong ond dr Brenz- ond Blaudobf kennad me scho. On nâ geids no gnuag andre zom enddegga. Blooß bei dr Lauter woiß i no nedd welche. I be sozsaga an Gwellagoischd. Vielleichd au an Gwälgoischd. Woiß mr 's?

    #50Author opadeldok (1319435) 04 Feb 21, 10:53
    Comment

    Die Kwella kenni all idd biss uff de Blaudobf. Bei deam haddmi s Kloeschdr am maischde beeindruckd ond s Uergschichdlich Musehjom!!

    #51Author manni3 (305129) 04 Feb 21, 12:42
    Comment

    Gäbele, nedd ganz em selba Neschd, send Scho schdarke vierzich Kilomedr drzwischa. Ond s' Vegale wohnd au rechts vom Negger, etwa do wo uff derrea kard s' N vom Negger isch. Abbr des kâ se wahrscheinds selber bessr beurdeila.


    So, bei deam Weddr gang i jetzat a weng uff d' Gass. Bis schbädr.

    #52Author opadeldok (1319435) 04 Feb 21, 12:58
    Comment

    Opale, dò geit's hier en dr Gegend abber no viel zom Entdegga!!

    D' Lautergwell bei Offahausa uf drAlb isch au sauschee. On oba am Uracher Wasserfall die Gwell von dem Bächle wo fufzg Meder weiter nò dr Wasserfall nondergòht.

    Odder, et arg weit von deet, d' Giederschdeiner Wasserfäll.

    Dò köötsch a reachde Gwellatuhr macha en onsra Gegend!

    D' Brenz hòt en Topf? Ha dò sott-e direkt amòl nã! Wo doch mei Vadder en Heidaheim ufgwagsa isch.

    Hòsch du gwißt dass d' Urbrenz amòl viel weider em Norda entschbrunga isch, nerdlich vom heidicha Schwäbisch Hall, on a riesa Eizugsgebiet mit viele Näbaflissla ghett hòt? Des alde Durchbruchsdal en dr Alb kammer no guat säha.


    manni, du bisch am Gloschder on em Urzeitmuseum z' Blaubeira gwä on ET am Blautopf? Des kann-e fascht et glauba. Der isch doch glei beim Gloschder! Desch ois vo de schenschde Blätzla wo-n-i kenn. (On jò, es Gloschder on 's Urzeitmuseum sen au wirglich glasse!)

    #53Author Goldammer (428405) 04 Feb 21, 13:52
    Comment

    Boide Lautra hand an Kwelltopf.

    De kloi gfellber sauguat, des Täle isch wildromanisch. Ônd wenn se grad auf isch, giit's a guat Wiatschaft an der Kwelle. Zur Blau isch it weit, de kloi Lautr isch bloß knabb seggs Kilomeddr lang. Vô dr Lautrmendong auf Blaubeira isch au grad amle elf Killomeddr, am Kletzle Blei vorbei. ("`s leit a Klötzle Blei glei bei Blaubeura / glei bei Blaubeura leit a Klötzle Blei..." hat scho dr Meerigge gsait). Dr Blautopf mit deara alta Hammrschmiede ond nadierle z Kloschdr send wirkle sähenswert.


    De groaß Lautr kenn-e is so gut, abr gei em näggschda Täle isch d Wimsener Heehle (Friedrichsheehle), dr Urschbrong vo dr Zwiefaltr Aach. In dHeehle kaa ma a Schdigg weit midddam Bootle neifahra.



    D'Eddid moint:

    Woiß eigentle ebbr, wo die Bezaichnong "Aach" / "Ache" fr an kloinra Wassrlauf herkommt? Des giits ja au em Bairischa.

    #54Author twocents (460778)  04 Feb 21, 14:49
    Comment

    Jâ, Brenz hòt au an Topf. A weng kloiner als dr Blautopf, abbr genauso grea. direkt en Königsbronn. Dâ isch dr Georg Elser uffgwachsa. Ob i mi no bei älle Gwella em Ländle vorschella kò, woiß i nedd, abbr 's soll jâ au nedd en a Zwangshandlong ausarda. ;-)


    En des eisige Wasser vom Brühlbach oba an de Uracher Wasserfäll haune mein äldeschda Enkel, woaner so om de 3 Jòhr alt war, seine Fiaß nehehänga lassà. Der hòt se gar nemme rausdoa wella.


    Des mid denne Urflüss kâsch dr gar nedd reacht vorschdella. D' Quelle von dr Lone (des isch iebrigens au an Topf) zom Beischbiel isch en Urspring. D' Lone fließt iebr d' Hürbe en d' Brenz ond en d'Donau. D' Ur-Lone hòt abbr amòl, mid dr Tübinger Lone ond dr Canstatter Lone, 's heutige Neggertal bis nuff nach Heilbronn iebr 's heitige Filstal en d' Donau entwässert. Echt endressand.


    Vom Blautopf Kâ mr a scheene Wanderung nach Seißen nuff macha, vor ällem am erschda Juliwochaend. Dò isch jährlich 's Backhausfeschd mid frischm Holzofabrot etc. ond ma sauguada Schweinshaxa.

    #55Author opadeldok (1319435) 04 Feb 21, 15:32
    Comment

    An dr Wimsener Heehle war i au scho, abbr zum neifahra war koi Zeid meh.


    Ond jâ Aach/Ach geits grad om dr Bodasee rom viele. Spontan isch mr Bregenzer Ach eigfalla. Nâ haune bei dr Dande Wiki gluagd. Wenn mr Aach eigibd send's blooß a baar, abbr schdoht drfihr drbei, dass des vom althochdeitscha "aha" = Wasser komma dät. Wenn mr Ach eigibd send's meh. Also isch dia Schreibweis vor ällem em bayrisch/eschdreichescha ieblich.


    #56Author opadeldok (1319435) 04 Feb 21, 16:01
    Comment

    DWDS:

    Au, Aue ... ist als Ache, Ach, Aach, Aa in Flußnamen erhalten, öfter als -ach in Zusammensetzungen zahlreicher Flur-, Orts- und Flußnamen wie Aurach, Biberach, Lindach, Salzach, Urach oder -a wie Fulda, Schwarza. Außergerm. verwandt ist lat.aqua ‘Wasser’, so dass ie.*əkūā ‘Wasser, Fluß’ angesetzt werden kann.


    #53

    Emmrle, freile bin i am Blaudobf gwe - "idd" in 51 haißd "nicht". Ond die Gschichd vo däer scheane Fehl haoni nocha dahoi noml nochgläese :-)

    #57Author manni3 (305129)  04 Feb 21, 18:51
    Comment

    I han amòl wo gläsa, dass es au a Hibbothese gibt, des wär a keldischs Wort. Dia Kelde hen's jò au arg mitm Wasser on de Gwella ghett.

    D' Achalm (mei Hausberg) isch iebrigns au so a Flurnama. Dò entschbrenget jò au a baar gloine Bächla am Hang. On d' Echaz hòt wohl au amòl Achaz ghoißa.


    Desch jò jetz glatt was du ieber dr Brühlbach oberhalb vom Wasserfall vrzehlsch, Opale. Weil dò isch mir ebbes eigfalla vom eldera Goldammersoh', wo der gloi war - velleicht a weng elder wia 3, abber et viel. Der isch scho emmer gern en älle Wässerla nei on romgschdieflt mit naggede Fieß. Wo-n-er dò en dem Bächle romdao hòt on sein Schbaß ghett hòt, abber a wengele z'kalt isch halt nò doch worra mit dr Zeit, nò hòt'r zmòl, en seim õbegrenzda Urvrdraua en sei Mudder, zo mir romgrufa: Mama, mach des Kalde weg! Des zitieramr heit no gern!


    Vorhin ben-e noml beira Gwelle gwä: an dr Reißabachgwelle. Dr Reißabach isch a glois Seidabächle vo dr Echaz, bloß oinahalb Kilomeder lang. Desch meischdens a harmloses glois Rinnsal. Aber momendan macht's seim Nama alle Ähre. Em Gwellbereich hòt's mehrere Gwellbächla dia wo-n-i no nia gsäha han. Ois kommt vo ganz oba ra, vo onderhalb dr Näblhehle. Desch richdich toll gwä deet. Dr Dengs isch fruschdriert dass-r et hòt mitkenna. Er befirchdet dass bis er widder drhoimt isch, isch des schene Schbegtaggl scho lang widder rom on älles widder vrsiggert. Der isch z' Onderhause ufgwagsa (desch wo 's Reißabächle en d' Echaz neifließt), on hòt en dem Däle als Kend viel gschbielt, Raiberles on Indianerles dr Wald nuf Richtong Näbelhehle on so.


    (Ah manni, grad no gsäh...den Satz han-i flichdich on falsch gläsa...nadierlich! I han-en so gläsa: alle bis uf dr Blautopf!)


    On d' Edith moint no, d' Grimmsbuba moinet au, Ach kem vom aqua, on a gotischs Wort ahva gäbs au no. I firchd, des mitm Keldischa Urschbrung isch a netts, abber et arg wòhrs Gschichtle....

    #58Author Goldammer (428405)  04 Feb 21, 19:05
    Comment

    ädd Hibbothese gibt, des wär a keldischs Wort.

    # 57 "so dass ie.*əkūā ‘Wasser, Fluß’ angesetzt werden kann"


    Keldisch isch oo a indogermanesche Schbroch. S kenned ja oo baid direckd uff die indogermanesch Wuuzl zruckgâô.


    Meine Sädz soddesch du idd flichdech läse, sosch machsch no Schbädzla midd Wassr schdadds midd Aier ;-)

    I be a Bewondrar vom labbedare Schdihl vom Herrn K. beim Brechd ond oo vom Beckett: "To be really wortkarg one must know every word”.



    #59Author manni3 (305129)  04 Feb 21, 19:20
    Comment

    Allzo em Gälischa isch "Wissgi" zWord fr Wassr.

    #60Author twocents (460778) 04 Feb 21, 19:33
    Comment

    Harper: According to Barnhart, the Gaelic is probably a loan-translation of Medieval Latin aqua vitae, which had been applied to intoxicating drinks since early 14c. (compare French eau de vie "brandy").

    #61Author manni3 (305129) 04 Feb 21, 19:45
    Comment

    😀


    Meine Sädz soddesch du idd flichdech läse - I woiß, i woiß; 's isch mr au saumäßich pheinlich....

    #62Author Goldammer (428405) 04 Feb 21, 19:46
    Comment

    Do laufd mr grad 's Wasser en dr Gosch zamma.


    ♫♪ Wenn des Wasser em Negger Single Malt wär,

    hing i dâ mei Gosch dr ganz dag nei .... ♫♫♪


    #63Author opadeldok (1319435) 04 Feb 21, 19:53
    Comment

    Nochdrag zuer Henn ond iehrem Ai:

    Germanesch, Keldesch ond Laddein send alls indogermanesche/indoeiropäesche Schbrocha ond ma kaa drvo ausgao, dass jede Schbroch fier sich des Woed ussm Indogermanesche/Indoeiropäesche häerlaidde kaa, oo wenn a gegeseiddege Beeinflussong meglech isch. Aach kudd idd ("nicht!") aus lat. aqua, sondrn wie lat. aqua vo ie.*əkūā. (Des Schdäerele bedeided, dass die Form idd ("nicht!") dockemendierd isch, sondrn hibbdedischarweis rekonschdruierd isch.)


    #64Author manni3 (305129)  04 Feb 21, 20:11
    Comment

    manni!!! Sei idd so gemein zo mier! Muasch mr's idd äwwl nomòl neiwirga!

    (I han ie. als Abkirzong idd vrschdada ghett)


    Opale: dò dät dr Dengs au mit!

    #65Author Goldammer (428405)  04 Feb 21, 20:17
    Comment

    Emmrle, des isch doch idd (!) neiwirge, sondrn a ganz a samfda Ellebogekondackt ondr guede Freind, bloss so zuer Erinnrong - ond als Imbuls, dasse baid freindlech zuezwinkred 😉

    #66Author manni3 (305129) 04 Feb 21, 20:27
    Comment

    I schdell also feschd, dass dui Dande Wiki nedd emmr vollschdändig Auskonft geit. Gott sei Dank, dass mr dâ henna onser oigene Ensiglobädih namens Wikimannia oddr besser Mannipedia hend. :-)


    Des isch nadierlich au a scheene Gegend zom uffwachsa, wo mr dr Wald glei vor der Hausdier hòt. Mir hend ons do hald bei onsere Raiber ond Bolle- ond Cowboy ond Indianerschbiel- oder bei der Pfeil-Fange (des isch so a Art Schnidseljagd) em Ord, en de Gärda oddr en de Weiberg romdrieba. Erschd wo mr mal so 11-12 wared send mr au en dr Wald uffm Rotaberg oddr Kappelberg ganga. Dâ hedd 's ons en Onderhausa sichr no besser gfalla.


    Wo dr Manni grad dia Fehl vom Blautopf erwähnt, (Also wo i dord war, war dia nedd dò. Wahrscheinds war se em Urlaub.) fälld mr grad ei, dass i em Fehlatal au scho wandra war. Abbr komischerweis wared an dem Dag koine Fehla ondrwegs, zmindeschd koine reachde. ;-)

    #67Author opadeldok (1319435) 04 Feb 21, 20:27
    Comment

    "Opale: dò dät dr Dengs au mit!"


    Beim senga oddr beim neihengga?


    I erheb uff jeden Fall schbäder a klois Gläsle vo meim Glenallachie Speyside Single Malt uff sei Genesung.

    #68Author opadeldok (1319435) 04 Feb 21, 20:35
    Comment

    I han jetz maih ans Neihengga denkt ghett...mitm Senga hòt'r's et so....


    Dui wird am Schwarze Meer gwä sei, dò ische jò äls au mòl gwä, wenn i mein Merike richdich em Kobf han...


    manni, okeoke, des wär jò sogar onder Koronabedingunga mit Masga subber korrekt meglich! Ellaboga on Zwenkra....😉


    #69Author Goldammer (428405)  04 Feb 21, 21:12
    Comment

    *I han jetz maih ans Neihengga denkt khet...mitm Senga hòt'r's et so....*


    Des haune mr doch fasch dengkt khed. So an Fetz. ;-)


    I hau dia dia Gschichd vo dr scheena Lau jâ au frieher glesa khet, isch halt scho a Weile her ond i hab nemme ällas parat. Abbr des isch saugladd. I hau urschbrenglich nämlich vorher induidif "em Urlaub am Schwarza Meer" schreiba wella.


    So, jetzat flagg i me uff d' Kaudsch ond glodz a weng Snuuker. Abbr vorher no a Fròg an eich: Was machd oiner der ausschliaßlich gelbe Riabà verkauft? I be gschbannd, ob 'r druff kommàt.

    #70Author opadeldok (1319435)  04 Feb 21, 21:52
    Comment

    Meehragschäft? Mehr Gschäft?


    En dr Medjathehek lauftbiebrigenz bis morga zAubad no a altr Tatort, "Bienzle ônd die scheene Lau".

    Dia schwätzat no faschd richdig schwäbisch.

    #71Author twocents (460778) 04 Feb 21, 22:06
    Comment

    Fascht? Also i moin et bloß fascht.

    Dò kommet meira Erinnerong nòch a baar schene Ufnahma vom Blautobf dren vor. Vom Blot woiß i nix maih. Abber gfalla hen mir dia älle.


    (I komm uf soddiche Sacha niah druf. Gelbariebavrmargdong wurd'r vrmutlich et sei...)

    #72Author Goldammer (428405) 04 Feb 21, 22:13
    Comment
    *barging in*

    School was cancelled today. This afternoon I walked down to the local bookstore/cafe with my daughter and bought us muffins and hot chocolates to take home. Trying to make a nice mother-daughter day out of some extra free time. Restaurants in Michigan are open for in-person dining again, but I won‘t be doing that any time soon.

    We are supposed to get snow this evening.

    Have fun chatting!
    #73Author Amy-MiMi (236989) 04 Feb 21, 22:34
    Comment

    Wi aar, wi aar, Eimimimile!

    Hao naiß tu hier from juh, and satsch naiß njus! Saunds rialli gemütlich, ße tuh of juh sitting togeßer nibbling maffins end drinking hot tschocklett!

    #74Author Goldammer (428405) 04 Feb 21, 23:10
    Comment

    I'm sorry that my English is not as good as it might be.


    Some of my „far“ relatives live or lived around Michigan. I did not meet (haven't met) them, because i was a child as they visited Germany in the early sixties . The only thing i still have from that time is a Kennedy Half Dollar as a gift. Greetings from a new LEOnid.


    Oh, hot chocolates! I believe in miracles. ;-)


    PS. Au wenn des nedd dr CrossouwerDschädd isch, korregduhra send ausdrigglich erwinschd.

    #75Author opadeldok (1319435)  04 Feb 21, 23:22
    Comment

    Faschdafembferle. Nedd schlecht, vielleicht no a bissle ausem schwäbisch-alemannischa Schbrâchkondinuum nausbewega, nò hòsches wahrscheinds glei. ;-)


    Edith sait grad, des däd au fihr's Vegale gelda.


    Ond jetzat kommd des Schliggle vom besagda Single Malt, no gòht's ens Bad ond dann end Kischd. Guad's Nächtle mitanand.

    #76Author opadeldok (1319435)  04 Feb 21, 23:28
    Comment

    A²My³ - maffins änd hot Tschockoletz, wott a gudd aidieh for a maßßer-dooter-dei!! Kudd Ai bi ße Ankl of Dschörmeni? Ai wudd laik werri matsch tu partissipeit :-)


    Indschoi juehr Wintrtaim!

    #77Author manni3 (305129)  05 Feb 21, 00:58
    Comment

    Mier hand an Fehn. zMiddaag haz uffm Ballkôôh uffm Ballkââh bei ar scheane Friehlengssonne sechzeh Grad kedd.

    Maisle, wie gohz deim Billmes?

    #78Author manni3 (305129) 05 Feb 21, 16:23
    Comment

    Enschbrechnd. Gescht isch schlemmr gwea. Dau haddr Fehn bei oos zMiddag grad so reachd durchgschlaga, alzne bei meim Middagsschbaziergang gwea ben. Heid ischr scho am Vormedaag rom zambrocha, wiane mim Zwatzelino schbaziera war.


    Dangke där Nochfrog :-)

    #79Author Selima (107) 05 Feb 21, 17:04
    Comment

    So kaa ma se ibr an Zammebruch fraije - ond ibr s Zwatzelino :-))



    I hao grad an Barrmesahn ibr mei Kardofflgraddîî grihbe. A isch vom Dschowanni Ferrari. Aha, haoni mier denkd: s haißd zwar oo nix andrs als Hans Schmied, klengd abr glei vihl bessr, bsondrs wenns om an Barrmesahn gohd ond idd (!) om an Limmburgar;-)


    #80Author manni3 (305129)  05 Feb 21, 17:25
    Comment

    Gott sei Dank hend mir dò des Problem midm Fehn nedd. I wiaßt jetzat nedd amòl ob i Fehnembfendlich wär

    Ond an Fen haune zwar em Bad, abbr i brauchn nedd, weil i meine Hòòr lufddroggna lau. Zomindeschd zur zeid no, wer woiß ob des no gòht, wenne mei Grend no a baar Moned koin Friseer meh siahd. Wenn des eidridd no lasse se widdr waggsa bis zom Girdl. ;-)


    Also guad, nâ les i hald dia Fròg, "Was machd oiner der ausschliaßlich gelbe Riabà verkauft?", vo geschdern uff:


    Möhrchendising. ;-)

    #81Author opadeldok (1319435) 05 Feb 21, 20:03
    Comment

    Aua....der duat fascht waih.....

    😀 😀

    #82Author Goldammer (428405) 05 Feb 21, 20:56
    Comment

    Gott sei Dank blooß fascht. Sonschd hedd i jetzat womeglich no senga miaßa vo wega "heile, heile Segà ....".


    Dâ hend mr älle Gligg khet, sonschd däds drei Dag Regà, ond drei Dag Schneà gäà. Ond dâ will i nedd schuld sei.

    #83Author opadeldok (1319435) 05 Feb 21, 21:07
    Comment

    Möhrchendaising - boah EYY - saugued :-O

    #84Author manni3 (305129) 05 Feb 21, 21:23
    Comment

    Manni, i hau mr zerschd no ieberlegd, ob i des so wia du schreiba sodd. Abbr nâ haune dengkd khet, des gòht nedd, sondschd häld's no oiner fihr an Minchner Vorord. ;-)

    #85Author opadeldok (1319435) 05 Feb 21, 22:00
    Comment

    Opale, du bisch umwerfend! I han grad echt an Schocha nausglacht, des Nachts am halber elfe!

    #86Author Goldammer (428405) 05 Feb 21, 22:29
    Comment

    Obwohls eigendlich nedd zu meine Eigaschafda gherd, Damà omzuschmeißa, zomâl vrheiradete; scho gar nedd nachts om halber Elfe, dangge fihr des Komblimend.


    Jetzat klau i a Aussag, dia wo i vo dom Ameisl heit en mà andrà Fad glesà hau: *einhornrosaanlauf* (© by selima).


    Ond lacha kherd zu de nadierliche Lebensäuseronga, dia send au nachds om halber Elfe, bei einmaligem Vergehen nedd juschdizialbl. Sag i als jurischdischer Laie.

    #87Author opadeldok (1319435) 05 Feb 21, 22:51
    Comment

    Emmrle ädd an Schocha nausglacht: z HARR-HARR-Harlaching ?

    #88Author manni3 (305129) 05 Feb 21, 22:56
    Comment

    Manni, der war guad. :-) sogar en Gauting hend se deswega a Gaudi khed. ;-)


    Edith sagd no: Wenn's en Mincha a Schwabing geit, wârom geits no en Schduagert koi Bayring?



    #89Author opadeldok (1319435)  05 Feb 21, 23:06
    Comment

    Gauting :-) HAAR-HAAR

    #90Author manni3 (305129) 05 Feb 21, 23:15
    Comment

    manni: Fir die Assozjazjoh ben i et oft gnug z'Mincha gwä.....abber jò, so en die Richdong.


    Kennet ihr denn die Redensart, dass mr en Schocha nauslacht?


    Die eddimologische Reschersche isch iebrigns sauschbannend: einerseits "Schochen" = Haufen, z.B. von Heu - als Nebaform zum hd (das) Schock; andrereits ausm Rotwelsch on Jiddischa zchoken, was Hebräisch Lachen hoißt.

    #91Author Goldammer (428405)  05 Feb 21, 23:15
    Comment
    opa... du bisch dr Hammr!

    ... wenn i des mal so saga deff ... ao wenn i garedd em Schwaobalendle woon!

    ;-)))
    #92Author schwäble (951819)  05 Feb 21, 23:17
    Comment

    Emmrle, i kenns inklesif Eddemollegih, seid du eis des voer vierehalb Johr erkläerd hasch ond i des naddierle glei in eisrem Warianddewäedrbuch vrlenkd hao.



    Schwäble - ja grießdi!

    Nedd, dassd oo meah amohle aufdauchschd :-)

    Nocha gohz dr scheinz gozeidank gued, odr?


    Noi, mier wohned idd im Schwobelendle, mier wohned in Schwaben ;-)

    Des haddr Max em Nabbolium ààgschwädzd ond haddem de oizeg richdege Name geah :-)


    #93Author manni3 (305129)  05 Feb 21, 23:27
    Comment

    Dr Schocha haune zwar grad edd bräsend, abbr i hau wiadr amòl induidif gwißt wa gmoind isch. Dr Kondegschd hilfd ällamòhl.


    Schwäble, dangk dr schee. Scho wiadr *einhornrosa* (© by selima) âlauf.


    I hau heit scho druff vrzichdat zom senga ond des isch au guad so fihr älle bedeiligde, abbr 's gibt oin Ord wo i frei seng. Des isch en Freising. Do fahrt mr aus Mincha naus iebr d' Schleimscheißer... Entschuldigung d' Schleißheimer Schdròß, dâ send damòls™ no viele Wohnwäga gschdanda, des war anscheinend an Kämper-Hotschbodd. ;-)


    Dâ haune, als mei ordsâsässiger Rengerverei (leidr nemme eksischdend) no en dr Bundesliga gronga hòt, effdrs zom zuagugga nâfahra miaße wella. Am beschda war's nadierlich wenn dr VfB am Nachmiddag em Olümbiah-Schtadion gschbield hòt, egal ob gegad sechzger oddr dia òausschbrechliche. ;-)

    #94Author opadeldok (1319435) 06 Feb 21, 00:20
    Comment
    Dannggschea, manni, mir gadds ao als Eilien guadd, abr: Bessr gadd emmr ;-)

    Mea sage etz nemme.
    Guatz Nächddle allerseiz!

    (Emmrle, Schocha kenne nedd)
    #95Author schwäble (951819)  06 Feb 21, 00:20
    Comment

    ... effdrs zom zuagugga nâfahra miaße - ind Schlaißheimar Schdross zue de Wohnwäge vo deane Fehla mid de subbrkuuze Reck ;-)

    #96Author manni3 (305129)  06 Feb 21, 09:07
    Comment

    Oh Mann, du wiedr mitde Reck vo de Fehla! Abr dMiedr fählad no 🙂


    Monn Djö, des war etz fei an Schocha zom nôchläasa! Schbätzla, des mit denne Quälla und Tepf isch  so indressant. Dô giengde ibrall gern na. Miar wared Ledschjôhr mid meim Briaderle am Aachtopf und a da Rissquälla. Des war au schee. Isch halt a wengle weitr vo eich weg. Wa au no sche isch, sin dia Quellfliss vo da Arga. Dô umanand hôts fei au schene Wandrwäag.

     

    Opale, schee, dassda a wengle voddr vrzellt hosch – da bisch also an Wissgischlotzer. Des war mein Schose frianer au, bissers wegam Melle nimme dirfa hot. Da Schose war an Fänn vom Kraun Roaijal. Wenneme räat erinnera dua, no hot sSchdiggle dia Marke au kennt. Oh, lang isches her, dammers sellmôls vom Wissgi ghett honn (grad falltmer auf, dass der Wortschdamm auf „Wissen“ basiert, hmm, meh am Grind gratz).

    Und no schreibsch no, dassda a wengle Snuuker glodsch. Des hott ammel sPotzigle (rip) au gmacht. Oh mei. Da bisch abr id zuafällig am Potzigle sein Bua?

     

    #48 – klaro, Vegale. Luag dô: Pfohren bei Donaueschingen

     

    Sodale, i gang jetz an Kuacha bagga mit denne Niss vo unsrm Nussbomm (rip).

     

    Häff a naiß Aprähmidile, Schbätzla!

    #97Author Moi Gab (456541) 06 Feb 21, 12:31
    Comment

    Oh, Oh, bei mir dò hannà braud sich irgendwas zammà. Der Hemmel hòt a ganz komische gelb-orâschene Farb, wia em Sommr, wenn a Gwiddr mit Hagl uffziaht.


    Gäbele, Wissgischlodzer drifft's genau. I drenk den en homeobhadische Dosà. My ledschde Flasch hòt iebr zeah Jòhr ghobà. Ond wenn Wissgi, dann blooß schoddischà. Seit i Snuuker Ende dr achzger enddeggd hau, fend i den Schbord sauschbannend. I woiß jâ nedd, wia ald dr Potzig gwäa isch, abbr sei Jonger kennd i wahrscheinds nedd sei, dâ drfiehr ben i selber scho z' ald. Au vo dr Ördlichkeid her däd's nedd bassà, wenn i em manni sei Kard mid dr Herkunfd vo de Leo-Schwobà so âgugg, des miaßd so en edwa em Hohaloischà sei. Abbr des wär a luschdige Idee, die Leo-Forumsteilnehmerschaft verpflichdend en d' Erbmasse eifliaßa lassà däd. Nâ häbàd meine Jonge wenigschdens no was reachds, außer meine Schuldà. ;-)


    Em Iebrigà wär i drfier, dass mr aus der Argen den Argen macht. 'S hoißd jâ nedd omsoschd "es liegd so vieles im Argen". ;-)

    #98Author opadeldok (1319435) 06 Feb 21, 15:09
    Comment

    Bei oos oo. Des koot a gscheits Haglgwiddr gea. Mr derf gschbannt bleibe.


    Wanndr ebbs zom lacha braucha kennad: https://twitter.com/spconnolly/status/1357057...


    Hotmr mei Schweschdrle gschiggt :-)

    #99Author Selima (107) 06 Feb 21, 15:12
    Comment

    Desch koi Haglwedder. Desch Saharaschdaub. Harmlos. En onserem Familiadschädd wern grad Bilder romgschiggt, wer dr gelbschde Hemml hòt. Vom Hochrhein ieber Diebenga, Reitlenga, Schduagert, Maulbronn on Heilbronn - ieberall isch dr Hemml gelb.


    Weider em Norda isch's Wedder heit zemlich egsdrem mit Schnai, Eisräge on Schdurm mit Vrwähonga.

    #100Author Goldammer (428405)  06 Feb 21, 15:13
    Comment

    An dr Saharaschdaub haune gar nedd dengkd khet. Dangge Vegale, nâ brauche mei Gnigg nemme eiziahà.;-)


    I schdell scho amól a Dellerle her, wenn em Gäbele sei Kuachà ferddich isch. D' Schlagsahne däd nâ i beischdeira.

    #101Author opadeldok (1319435) 06 Feb 21, 15:29
    Comment

    Okeh, i mach en Kaffee drzua.


    (I han ieberlegt, ob 's Botzichle, RIP, on 's Nussbeemle, RIP, sich velleicht em Jenseits droffa hen on 's Botzichle em Schadda vom Beemle ausruaht on velleicht a baar rondergfallene Nissla gnaggt?)

    #102Author Goldammer (428405) 06 Feb 21, 15:38
    Comment

    Omei, Vegale, desch an scheena Gedanka. Des kenntemar guat vorschdella.


    Wa da Kuacha ahgôht, hoffe dasser äbbes worra isch. Mai Oijeruhr ischmr vreggd. Etz honnen halt Pii môl Dauma rausgholt. Da helzerne Zahschdochr, wone neigschdubfd honn, isch amôle saubr rauskomma.


    Also, her mit eich! Sdätme grad freija!


    Ibrigens, bei eis isch sHimmele jetz au gäal und nimme blau.

    #103Author Moi Gab (456541)  06 Feb 21, 15:49
    Comment

    Hoffentlich hòt onser hemele koi so õgsonde Farb!

    #104Author Goldammer (428405) 06 Feb 21, 15:53
    Comment

    Dô hosch räat, hihi.


    I gang jetz in Kellr. Idd zum lacha, zum Eisschrankinwentuar macha. Des schiabe scho lang vormer her.


    Iebrigens, morga fahramer wiedr noch Eschinga, môl säah, obs dia Pfohrenarseablatte allno git.

    #105Author Moi Gab (456541) 06 Feb 21, 15:59
    Comment

    Mei, dr Poddzig. Der feahlt scho au em Schbaaga.


    Schwäble, schêa, dass Da wieder amôle rêiggugt hasch! Wia miinsch des middam eilen? Bisch ammend nemme an dr Doana?

    (Manni, auz dr Schwaubakard isch am Schwäble sei Pongt it mit dooba, ônd der vom Muggaseggale au it. Dau wär am Eck zwischa Illr ônd Doana a reachdts Schwaubaneaschd ...)


    Gäbale, i gugg all auf d normala Uhr ônd rechne mr dann d Backzeit drzua. Odr i schdell mr da Weggr am Hendi. Abr a Baumnusskuacha dät me etzt au bizzla ...


    Dr Hemml isch ganz ôogsônd gelb, ônd i glaub, z kommt zôm Schneia. I bêe scho da ganza Daa dremsleg, ond wenne it gsoffa hau (ônd dann woiß, wohear dDremslegkeit kommt) dann reangats odr s schneit bald.


    Emmerle, da Schocha kenn-e bloß vom Leasa. Dr Huby hat a baarmol en seine Bienzle-Grimmi gschrieba: "Bienzle lachte einen Schochen."


    #106Author twocents (460778)  06 Feb 21, 16:11
    Comment

    Endressant. Bisher ben i scheint's de oizig wo des mit dem Schocha nauslacha agdiv e Wortschatz hòt.

    Schdiggle, falls da am Wochaend amòl drzua kommsch, reizomgugga, dät mi dei Schdeidment zom Schocha no endressiera.

    #107Author Goldammer (428405) 06 Feb 21, 16:19
    Comment

    Däe Saharaschdaub isch a gueda Düngar, sogarbiss uff Sidamäereka nomm, schreibeze.


    DuSenzle, wäred die Bonkt vom schwäble ond vom Muggeseggele direckd näebem Deine odr ondrhalb an dr Illar - uff dr bairesche Seidde? Odr konnd i ui drei oifach zue am Dreijarschocha annanandnâ schiebe?

    #108Author manni3 (305129)  06 Feb 21, 16:55
    Comment

    Du moinsdcht, bei Drei fengt dr Haufa âa? ;-))

    Gugg ens Poschdfächle ...

    #109Author twocents (460778) 06 Feb 21, 17:17
    Comment

    I hao mr grad zom Äerdebflsalaad vom edeka an Läebrkääs ââbròhde. Des due i efdr am Freidag, weil i ja amohl kaddolesch gwe bî ond nocha wäeze dr Babschd ganz fihchdeg ergre 😈

    #110Author manni3 (305129)  06 Feb 21, 18:01
    Comment

    Hot Dei Kalendr an Schluggauf?

    #111Author Selima (107) 06 Feb 21, 18:05
    Comment

    Noi, a baar Wäedr fähled: Des due i soschd aingdle efdr am Freidag ;-)

    #112Author manni3 (305129) 06 Feb 21, 18:28
    Comment

    I han mr gescht a wonderbars Fischgericht gmacht - Rotbarsch ufma Fenchlgmiesbettle. Abber et wegam Pabscht, sondern weil des ebbes isch was dr Dengs et mòg. I ess zor Zeit viele soddiche Sacha. Heit Òbend mach-e mr no ebbes mitra Sießkardoffl.

    #113Author Goldammer (428405) 06 Feb 21, 18:49
    Comment

    Wie gohz m denn, em Dengs, midd seim Keim? Gohd ebbs vorââh? Ziechze des no lengr hîî?



    Sießkardoffl, send des die, die wo uffm Ballkooh an Froschd vrdwischd kedd hand?? ;-)

    #114Author manni3 (305129)  06 Feb 21, 22:07
    Comment

    Em Grond gleich wia letschwoch: alle Werde sen ok, er isch fit on 's gòht-em guat, abber er isch gfruschdet vo dem saubleda Granggahausläba. No oi Woch. Er schbielt ällamòl mit dem Gedangga, sei Däschle zom pagga on sich a Taxi zom bschdella. Abber i glaub, er duat's letschdendlich doch et.....no oi Woch muaß'r denna bleiba.


    Noi, Sießkardoffl, desch so a nuimodischs exoddischs Zeix wo's frieher et zom kaufa gea hòt. Außa retlich, enna orãsch. I han se en Wirfl gschnidda, mitma bissle Eel en dr Heißluftfritöse bagga on mit Kreiderschmand gässa. War sauguat.

    #115Author Goldammer (428405)  06 Feb 21, 22:36
    Comment

    gfruschdet vo dem saubleda Granggahausläba - koi Wondr! Äer wäeze allad noo waigre, dass a midd am Hendy odr am Täblädd odr am Noutbuck ins Indrnedd gohd. On jiez ischm langweileg!

    Jaajaa: Manke Sinden beschdrafd däer libe Godd sofort ;-)


    [ondr eis ond idd weiddrsage] I will ja idd sage, dass es eahm räechd gschiechd, abr denke due is scho ;-) [ / ondr eis ond idd weiddrsage] 


    I wensch eahm a guede Bessrong :-)


    - ond dier a scheane Zeid midd deine Schbedzjahl-Lieblengs-Gerichde :-))

    #116Author manni3 (305129)  07 Feb 21, 00:28
    Comment

    Gescht isch mol mear dr Huabr Gerald komma mit a baar Schbrochgschichda. 's Dema send Fiisch gwea ond schbezjell, daßmr des en de obrdeidsche Varianda urschbrenglich middam langa -i- gschbrocha hot. Ond dadsächlech - bei oos schbrichdmr des oo heid no midam langa -i-. Er hod nochd oo no gmoint, daßmrs eba zwengsam langa - i- oo midam V- am Aafang gschrieba häb, ball em Obrdeidscha vorma langa Wokal a V- gschrieba wora isch wia Vooooogl odr Vaaaadr oo - em Gegasatz daudrzua weard Vater em Niedrdeidscha mit kurzm -a- gschbrocha [fattr]. Em Englischa dädmrs deszwega oo korregt mit f- schreiba.


    Des isch endressant gwea - haune no idd gwißt ghett. Heid endr Nacht ischmr abr dr Beruf eigfalla, der was d'Viiisch fängt. Hotmr dean frianr nocht oo laang gschbrocha? Des kanemr garidd vorschdella ... Viiiiischr?

    #117Author Selima (107)  07 Feb 21, 09:59
    Comment

    Des isch mier oo alls ganz nui - dankdrschea, Maisle!


    Zue deam Beruf: Ob midd F odr V odr am kuuze odr lange i: Jebmfalls VFiischAr ;-)

    Voerschdelle konnd i mir de Ôisilbar Viiisch ond de Zwaisilbar Fischar.


    Vo dahoi haoni äjer Fìsch als Viiiisch im Oehre. S hadd seldn an Fisch zom Äeße gea bei eis ond als Buebe hammr zom Schbass ond Schbord dFisch middr Hand ussm Bach kolled ond nocha meah schwemme lao.

    #118Author manni3 (305129)  07 Feb 21, 11:13
    Comment

    Also bei òns dò hannà sagd mr kurz Fisch ond Fischr. Viiiiischr haune no nirgends gherd. Wenne des so vor mi nâ sag, herd sich des faschd â, wia wenn an Saggse vo de Viecher schwädsd.


    Wo i nò em Gschäfd war, hòt me amòl a säggsische Kollegin gfrâgd: Was isch des kloischde Raubdier? I be nedd druffkommà. Nâ hòt se gsaid: Nu, Daschendiiiescher.


     

    #119Author opadeldok (1319435) 07 Feb 21, 11:34
    Comment

    Der Witz fongzjoniert au bloß uf Sägsisch! 😀


    Viisch isch mir au et gelaifich.


    I be gschbannt was-es Gäbele zo de Viisch zom saga hòt, als See-Schwäbe sozomsaga.

    #120Author Goldammer (428405) 07 Feb 21, 12:20
    Comment

    I glaub, fr da Viisch isch d' Illr d Schbrauchgrenz. Dr Âafang vom Dialeggdiebrgang enz Bairische ...

    Fanga duatn abr dr Fischr.


    Em Säggsischa gahts eher in Richdông Fysch.

    #121Author twocents (460778) 07 Feb 21, 12:51
    Comment

    So, etz ischmr grad dreimôl hindarranand da Leo ausgschdiega. Jetz schreibe des, wane schreiba honn wella, halt zerschd in Wörd:

    Assooo, s’i in Fisch isch fr mi kurz. Des honne mei Läabdag in dem Wort no nia deeehnt ghert. Und, mein Babbe war da Fischreiaufsäjer vom Wirddabergische Bodasee und fließnd Gwässer Bereich. Do sodde des schô wissa.

     

    Senzle, um auf den Kuacha zriggzkomma: Ab sofort luage au auf dia normal Uhr. Dia Oijeruhr hottme fei schee ahgsoicht. Da Kuacha isch furzdrogga worra, welle id gnau gwissd honn, wia langer im Rohr war. D’Oijeruhr honne teschdad: I honnse auf a Schdund gschdelld und nôch fuffzeah Minudda hotse scho bimmled. Blede Kuah, blede! (id du, Senzle! d’Oijeruahr!)


    Und d'Edith will am Vegale no saga, dass heit dia Seejalandschaft bei Pforra wiedr weg war 🙁

    #122Author Moi Gab (456541)  07 Feb 21, 16:28
    Comment

    Des isch jiez die nuijeschd Wersiooh vo eisrar Landkaarde.


    Schwobe-Alemanne-Middmachar/na-Grubbe


    Ibrbriefez, ob so jiez alls schdimmd. Korreckdura ka i leichd mache, weil i jiez meah waiß, wie des goht ;-)




    #123Author manni3 (305129) 07 Feb 21, 18:56
    Comment

    Danggschêa fr s nuie Kärtle! etzt ben-e dau, won-e nâagheer :-9


    (Bischbr) Muggaseggale scheibt ma ai bissle anderscht (/Bischbr)

    #124Author twocents (460778) 07 Feb 21, 19:04
    Comment

    Meis schdimmd 🙂

    #125Author Moi Gab (456541) 07 Feb 21, 19:05
    Comment

    Meis isch zemmle genau mei Geburtsgrangahaus. Des basst alzo scho so :-)

    #126Author Selima (107) 07 Feb 21, 19:19
    Comment

    Schdemmt.

    (mi fròg wia's Ameisle sei Geburtsgranggahaus so gnau erkenna kã wenn der Bobbl a bar Gwadratkilomeder abdeggt.....)


    (Gell, vom Ziggerle hòt kois vo eich no ebbes ghert en de letschde Jòhr, odder?)

    #127Author Goldammer (428405)  07 Feb 21, 21:41
    Comment


    om a Muggaseggale korregierde Fassong 


    Dankdr schea fier dei Bischbre, DuSenzle :-))


    Emmrle, sMaisle isch gwihß bei de Schidze ond bei deane zelld dr Middlbonkd vom Krais ;-)

    ... grazo wie bei mier ;-))


    Vom Zickarle haoni oo nix käehrd, ond vo iehrar goschege Nochbeire hendrem Karpord oo idd.

    s Zickarle haddze erfolgreich om die baar Fläschla Uhudlar druckd, die wo se eis hadd brobiere lâô welle, ond hadz liebr sell dronke ;-(


    #128Author manni3 (305129)  07 Feb 21, 22:25
    Comment

    Guada Morga Schbätzla 🙂

    #129Author Moi Gab (456541) 08 Feb 21, 08:10
    Comment

    Noml a Landkardeabbdeid, desmohl oo no mibbm Bseidonihm vom Herrn Mahr 🙂


    I glob, jiez hamr all, odr?


    Nocha: Gued Nachd :-)

    A baar Ahla lass i no do - die vo de waiche, frisch schambenierde achd Millemeddr! Die endfalded iehr Langzeidwirkong oo im Schlòf :-))


    #130Author manni3 (305129)  09 Feb 21, 00:16
    Comment
    I glaub jò.
    Bischn glasse Fadababba. Perfegde Karda on Ahla gleichermaßa. Mr isch oifach guat vrsorgt.

    Gescht ben-e Großdande worra. Mei Neffe on Padasohn on sei Denge hen a Mädle griagt. Ihr erschts Kendle.
    #131Author Goldammer (428405) 09 Feb 21, 07:55
    Comment

    Groeßdande - Graddeladzjioo :-))


    I nemm ââ, dass Dier scho bewussd isch, dass Groeßdanda in dr Famille faschd die gleich Fonkzjioo wie Groeßmieddr hand: dees Kendle vo henda ond vo voena noch Schdrich ond Fade vrwehne, gell :-))

    Fier dErzijong send dEldre zueschdendeg * hihi*


    #132Author manni3 (305129) 09 Feb 21, 08:32
    Comment

    Genau!


    Isch dei Dande Senz, Jòhrgang 98, so a Großdande vo dir gwä?

    #133Author Goldammer (428405) 09 Feb 21, 10:33
    Comment

    Die isch a normahle Dande gwe, die eldr Schweschdr vo meim Vaddr. Se hadd mi scho arg gäere mege. Se hadz bloss idd so zaige kenne, weil des in däer Famille idd so iblich gwe isch, bei meim Vaddr oo idd - beir Mueddr abr scho :-)

    #134Author manni3 (305129) 09 Feb 21, 12:06
    Comment

    Soll i die Eiladong im OP an die Hoechdeidsche mid deam fonedesche Gedichdle s näggschd Mohl no deidlechr mache oder soll is meah rausnemma, weil mr liebr äjer ondr eis bleibe wend?

    Mier isch oo scho dur de Grend gange, ob des Dhema idd oo an nuje Fade "fonetisches Doitsch" wäerd wäer.


    Was moinedr?

    #135Author manni3 (305129)  10 Feb 21, 13:52
    Comment

    Manni, i hau mr scho vor a baar Däg a Sätzle eifallà lassà ond uffgschriebà, abbr no koi Glegàheitd khet des amòl eifliaßa zu lassà.


    "Ois däte gern sagà wellà. Mir gfdälld des, dass dò henna älle willkomma send, egal ob âsässige oddr Exil-, Diaschbora-, Englafà-, Exglafà- oddr sonschdige Schwobà oddr Nicht-Schwaben, dia sich em schwäbisch-alemannischà verbondà fiehlad. Ond dass au koine Beriehrongsdängschd mid Badener, Pälzer, Kurpfälzer, Saarländer, ond so weidr ond so ford, beschdehn."


    Mr kennds au kierzr sagà: Schwaben rufen den Reschd der Weld. ;-)


    Großdandà haune koine meh kennaglernd. Von de Großeldera blooß oi Großmuader. Drfiehr ben e selber scho mehrfacher Großongkl. Kendr, wia die Zeid rast, mir fälld grad ei, dass mei äldeschde Nichde des Jóhr au scho sechzge wird.

    #136Author opadeldok (1319435) 10 Feb 21, 14:25
    Comment

    Hi, opadeldok. Nice to meet you.


    Bonnie is on my lap, watching the screen as I type. Sometimes paws have to check things out, the mouse needs to be licked (she is mostly Rat Terrier)...I'll try to send what I write. Last time I took too long on the iPad and my contribution to this thread disappeared.


    @manni: What kind of muffins would my Ankl of Dschörmenie like? Lemon poppyseed? Maybe wild berry?


    Korrektürchen für Opadeldok: distant relatives (or was "far" 6-Gang?)...I did not meet them (or haven't yet), because I was a child when they visited Germany in the early sixties...The only thing I still have from that time is a Kennedy half dollar as a gift. Greetings from a new LEOnid. (Dank di schee).


    @Emmerle: Kungradgjulashuns on beekumming a grate ant. Do we have to guess the baby's name? Sophie Charlotte? Hildegard? Alexandra? Or maybe you don't want to give it away.



    #137Author Amy-MiMi (236989) 10 Feb 21, 14:56
    Comment

    A²My³le :-))

    ẞe Ankle of Dschörmenie wudd priföhr ße werri mouschd A Merry Kän of òòl ßihs tibbikel A Merry Kän Maffins - perrhäbbs Bluhberry? Kòhs on Bluhberry Hill Ai faund mai ßrill änd ße Muhn schdudd schdill, wenn Ai faund juuh :-)) Pjua Nostaldschia :-)


    Wott ebaut ße Schnou? Häv jou a Schnoumän bilt or a Schnoubòlfait meid? Or mastid* jou ownly a lott wörk änd schowwl?



    *simpl paast of tu mast

    #138Author manni3 (305129)  10 Feb 21, 16:12
    Comment

    Manni, etzt hätt-e schiergar gschrieba, dass Da a Käpasale bisch - dia Kardde isch suhpr!

    Abr Dei Englisch kootschd scho no a bissale ieba ;-))

    #139Author twocents (460778) 10 Feb 21, 16:49
    Comment

    Englisch iebe? Zue waas? Dees send die gwehnd, wemma a Linguwafranckischd isch! Die send no ganz andre Sacha gwehnd uss Kihna ond Frôhnkraisch :-))


    Abr danke fier dees Kaardezaichnar-Käpasale(!) :-)

    #140Author manni3 (305129)  10 Feb 21, 17:41
    Comment

    Odder velleicht Schogladmaffins, sodde mit Schogladschdiggla denna?


    Eimimimile, se hoißt Liv Marie. I han dia Eldern a weng beneidet: dia hen a soukòrld Familiazimmer en dr Glinik wo boide Eldern on 's Kendle de erschde baar Däg zsema vrbringa kennet, mit technischem Support fir's Schdilla on Wiggla on so weider - des hett i mir au gwinscht, fai!


    (manni: was ich dich schon emmer fragen wollte on mi nie zo fragen gedraut han: Worom schreibsch du eigentlich A²My³le? 's hoißt doch et Eieimimimile? Isch des an ranningägg den wo i vrpasst han?)

    #141Author Goldammer (428405) 10 Feb 21, 17:47
    Comment

    (Emmrle, do isch d Âred scho indegrierd: Ey Amimimile. A Ranning Gägg isch des abr scho, seid mier eis kennegläerned hand :-)

    #142Author manni3 (305129)  10 Feb 21, 17:58
    Comment

    (Danke fir die Info! Woisch, mei Hirn isch a Sieb! Dò rutscht so manches durch uf meine alde Dag...)

    Iebrigns, i fend's guat wennda a nomòliche Eiladong an an etwas weidera Personagreis en dr Ãfang vom nägschda Fädale formuliersch. I dät's abber ohne genauere Schbezifikatzjona von andere Gegenda schreiba.

    Mir sen jò koi Exglusivglubb, so hemmer ons no nia vrschdanda.


    Eimimimile, i frai me emmer wennda uftauchsch on vrzehlsch! Dei Bonnie dät i gern amòl säha!

    #143Author Goldammer (428405) 10 Feb 21, 18:26
    Comment

    Wiggla. *gg* Zuerst dachte ich an wiggling, dann an Wiegen. Wieso technischer Support? Ist das denn schwer? Aber dann ist der Groschen gefallen, damit ist wohl Wickeln gemeint.


    Schogladmaffins, sodde mit Schogladschdiggla denna

    Meiner Meinung nach sind solche Maffins über die Grenze in Cupcakes geschwappt. Wer auf Tradition steht, der isst wie manni am besten Blueberry Muffins, sie sind tatsächlich herkömmlich.


    @manni: Der Schnee eignet sich für Schneebälle und Co. gar nicht, denn draußen ist es zu kalt und der Schnee zu trocken. Man kann den Schnee gar nicht dichtpacken. (Ist das richtig?) Schippen musste ich schon ein bisschen, aber wörk gibt es für mich momentan nicht, denn ich habe meine Stelle wegen der Pandemie gekündigt. H. hat auch Schnee geschippt, oder eher gesacht geschoben, was sehr schön war. Es war das erste Mal, dass sie freiwillig zu Hause geholfen hat. Am vorigen Tag hat sie gefragt, "What would you do if I shoveled the driveway?" gefragt. Sie wollte wohl etwas Taschengeld dafür bekommen, aber ich sagte bloß, "You would get thanks and sincere appreciation for helping me."


    *F5* Endlich habe ich ein gutes Foto von Bonnie gemacht und es verkleinert. Das schick ich dir. Oder ich hänge die Aufnahme irgendwo auf, wo du sie finden kannst. Falls das WLAN im Keller nicht mehr auf dem armen Fritz ist, könnte ich das jetzt machen, denn gerade schläft Bonnie vor der Heizung.



    #144Author Amy-MiMi (236989)  10 Feb 21, 18:28
    Comment

    's isch dene ihr erschts Kendle, on dò sen se halt no arg õsicher on nerfees wia selbsch die nadierlichschde Sacha wia Schdilla glabbet. Deshalb sen se richdich froh wenn d' Hebamm jederzeit vrfiegbar isch.

    I war au sogar beim Wiega ufgregt.

    #145Author Goldammer (428405) 10 Feb 21, 18:43
    Comment

    Eimimimi, dangkschee fihr dia Korregduhrà. Des "far" war koi "6-gier" mir isch für entfernd koi anders Word eigfallà. Again what learned. ;-)


    Bei meim erschda Nâchwuchs war i au no a Weile ósicher ond ganz vorsichdig, abbr des hót sich schnell glegd.

    Beim wiggla vo meim jengschda Enkl, der Ende Oktober a Jòhr ald worra isch, haune koine Brobleme khed. Er au nedd. Blooß des midm Schdilla hót wedr dâmòls no heidzdag glabbd. ;-)

    #146Author opadeldok (1319435)  10 Feb 21, 19:20
    Comment

    No, no, I agree, it sounds great. I would certainly want that kind of help if I were to have a baby. Actually, I sometimes wonder where the manual is for my 18 year old. *gg* It was mostly the Schwäbisch (Wiggling? They need help with wiggling, I mean, babies do that, don't they?) and the phrasing of "technical help" that was throwing me.

    #147Author Amy-MiMi (236989) 10 Feb 21, 19:24
    Comment

    Technical support was a bit tongue in cheek...dr Vadder isch Inschenjör. Mei Schweschder bsucht me grad fir a baar Dag, on mir sen ons einich, dass au erwagsene Kender zuweila digge Bedienongsãleidonga hen, dia wo mr et emmer zur Hand hòt....

    #148Author Goldammer (428405) 10 Feb 21, 22:20
    Comment

    Heid isch Gumpadooschdig - vrgessat ned ebbrn am Zengka z'ziacha!

    #149Author Selima (107) 11 Feb 21, 08:25
    Comment

    Abr bloss midd Maschge - ond hendrhäe bFengr midd Saife wäsche, gell!


    Dean Brauch kenni gar idd.

    #150Author manni3 (305129) 11 Feb 21, 11:05
    Comment

    Am Zengka ziacha? Des kenne au nedd. Ond wia soll des ganga onder Eihaldong vo anderthalb Medr Abschdand. Vielleichd mid ra Grillzanga?


    Em Gschäfd hend se frieher emmer d' Grawadda abgschnidda. Koi Gfahr fihr mi als nodorischem Grawaddaverweigrer.

    #151Author opadeldok (1319435) 11 Feb 21, 11:19
    Comment

    Kennadr idd? Bei oos isch des abbl an Riesaschbaß gwea endr Schual. Hotmr doch so Vrdreadr vom andra Gschlecht neachr komma kenna, ohne daß oim da ebbr ebbes ondrschdella hat kenna. Dr Alltagssprachadlas kennt's oo: http://www.atlas-alltagssprache.de/r10-f1/


    Ond am Ruaßiga Freida hondr noch oo id anandr eingsaut mit aagruaßte Weikorka? Ond am schmalziga Samschdig idd anandr liebvoll (!!!) oina gwischt?

    #152Author Selima (107)  11 Feb 21, 11:25
    Comment

    Des herd sich luschdig â. Abbr dia Bräuch hòt's bei ons nedd gäa. D' Fasnet war bei ons em Schduagerder Raum eh nedd so ausbrägd wia en andere Gegendà. Des liegd wahrscheinds au an de Nâchwirgongà vom schwäbischà Biedismus. Dâ isch jo Fasned bfui, bäh. ;-)



    #153Author opadeldok (1319435)  11 Feb 21, 12:05
    Comment

    I kennns genau aso wia sAmoisle des beschrieba hat.

    Gompadôoschdig, Ruaßigr Freidag, Schmalzigr Samschdig.


    Am Dooschdigaubad sênd dMäschgerer vô oim Wietshaus ens näggschde zooga. Des hat au den ganz Naachd daura kenna ônd isch am Freidig weitrganga.Dau hats da Schnaps dann au amôle en de Gschäfdr gêah.


    D'Eddid moint no, dass-d 's nadierle au Faasnachtskiachla geit!

    #154Author twocents (460778)  11 Feb 21, 12:17
    Comment

    Onz hadd oo Fasnachzschbrihch gea. Midd deane send mir Kend zom Fasnachzschbräeche vo Haus zue Haus zoche ond hand eisr Versle aufxed ond hand a bissle ebbs gschenkd kriegd.

    Sedde Versla hand mancke sell dichded, die maischde hand abr dradidzjonelle johrhondrdealde Versla gnomme. S bekanndeschd isch so gange:


    I komm dahäe vo Weißehoere

    Hao mei Weib im Bedd vrloere

    Hao se xuechd im ganze Haus

    Jeiz isch die Hex beim Kemnad naus



    Seidt i eisr Landkaarde zaichned hao, waiß i jiez wenegschdns, wo Weißehoere isch. S isch oo ahebe Zeid woere noch sibzg Johr!!



    #155Author manni3 (305129)  11 Feb 21, 12:54
    Comment

    Auf Di hanne ghofft ghabt ghett, FFle. Zwengschd oi, dia was ausm ähnlecha Kuldurgreis kommt :-)


    Kiachla hotz bei oos oo gea ond am Weibrfasching ischmr auf Laoenga zor Hexavrbrennung ond Hexadanz. Desch abbl an reachda Schbaß gwea.

    Beddla ganga haumr oos Mädla nia deffa. Meir Muadr isch des peinlich gwea. Haune nia vrschdanda. Hot pferleicht ebbs drmit zom doa, daß mei Muadr a Flichdlengskendle gwea isch.

    Bei oos hotmr hauptzächlech zwoi Schbriech ghett:


    I ben a gloinr Keeneg

    gibbmr net zu wenig

    lau me ned zu lang schde

    i muaß no a Haisle weiterge


    Luschdig isch dia Fasenacht (...) - des kennadr abr eh alle, odr?

    #156Author Selima (107) 11 Feb 21, 13:12
    Comment

    Des kenni oo. Do hadz zwaiarlai ledschde Zeila gea: fier de Dockdr ond de Bfahrar nò bfeiff i uff die Fasenacht ond fier d normahle Leidt hadz oo scheiß schdadd bfeiff dâô.

    Uff die äeschd Wersijoo hadd mei Mueddr Werd gleggd ond mi ausfiehrlech druff hîîgwihse!!

    #157Author manni3 (305129)  11 Feb 21, 13:17
    Comment

    So gnao kani mi nemma erinnre, abr i gloob, dass dr Gombeg Donnschdag dr Haubdfasnachzdag gwe isch, an deam wo mier zom Maschgre gange send.


    A baar Johr lang nochm Krieg hadz oo no gräßre Ackzjohna vo de Jugndliche geah. Die hand zom Beischbl a Aldweibrmiehle uss ar Drehmaschihne aufbaud, die wo a Bulldog ibr an Dreschmaschihnereame* ââdriehbe hadd. Oba hanze alde Weibr in de Drichdar neigwoefe ond noch ar lengre Krach- ond Rauchendfaldong send onda jonge Fehla ibr a Rudsche rausgjuckd ond hand midde Buebe danzd, wie dr Lomb am Schdecke!


    Sedde Breich send abr in de Fuchzgar so langsam eigschlòòfe. Die Erwaxene hand bloss no uff de Fasnachzbell vor Fuirwehr odr der Durnar gmaschgred.



    *Frienr hadz näebe de Wäefdagsreame ond de Sonndaxreame oo no Fasnachzreame gea - in dr guede alde Zeidt ;-)

    #158Author manni3 (305129)  11 Feb 21, 13:27
    Comment

    Also dr Schbruch ich:

    Z Weißahoara

    hat dr Mâa sei Weib vrloara.

    Wer se fendr ônd nemme brêngt,

    kriagt a gscheggats Goißle gschenkt.



    Luschdig isch dia Fasenacht,

    weil mei Muattr Kichla bacht.

    Wenn se abr kloe bacht,

    dann sch... e auf dia Fasenacht!

    (Dia andr Fariande habba bloß gsônga, wemma miaßa hat.)


    A Hex wedd eascht am Sonndig nauch dr Faasnacht (i glaub des isch de Alt Faasnacht) vrbrennt, middama Funkafuir. (Wiggi) Am Meedig drnuch isch iebrigenz dr Baslr Morgaschtraich.

    Wenn dHex vrbrennt isch, werat Scheiba gschlaga. Des send gliehende Holzscheiba, wo ma iebr a Kaddapult schleegt. Drzua werat au Versla gschbrocha:


    Scheib aus, Scheib êi, Scheib iebr da Rêi.

    Da Scheib soll am ....sei!

    (Dr erschde wo dau gnennt wedd, isch tradizjonell dr Birgrmoischdr.)


    Faasnachtsômzieg giets erschd seit ôogfähr fuchzig Jauhr, ôd Zomfthäs isch au relladif nui. Ieblich sênd Hemdglônkr gweah, abr kone Fleckleshääsa odr so ebbes.

    Set ôogfähr zwanzg Jauhr send Guggamusika aufkomma, au vom Alamannischa her.


    Opale, i glaub au, daas Faasnacht en de kaddolische Gegenda vrtreata isch - Schmalzkiachla sênd oifach it pietischtisch!






    #159Author twocents (460778)  11 Feb 21, 15:54
    Comment
    Also abber grad d' Fasnetskiechla sen bei ons drhoimt 's einzige gwä wo eigentlich älle Leit gmacht hen, au d' Piedischda. (Meine Leit waret koine.) D' Kender hen sich vrgloidet am Fasnetsdinschdag, on Fasnetskiechla hot's gea. Abber des ganze Zuigs mit Hexa onMasga on so , des hòt mr abglehnt.
    #160Author Goldammer (428405) 11 Feb 21, 16:36
    Comment

    Dr Ôndrschid isch, dass es bei de Rechtgleibige fembf Daag lang Kiachla geah hat, ond bei de Biedischda oin. ;-)


    Des ganze Fasnacht/Fasching/Karneval-Zuig isch scho en de kaddloische Gegenda vrankrat.

    #161Author twocents (460778) 11 Feb 21, 16:44
    Comment

    Des schdemmt sicher, Zwoisentle, dass des kaddolisch brägt isch.


    Jetz muaß-e abber doch no ebbes ãmerga. I ben vor Jahren amòl en Gammerdinga uf drAlb beima Fasnetsumzug gwä on han des ganz õguat gfonda wie dia des gmacht hen. Des hòt a abscheilichs Gschmäggle vo Gwalddädichkeit ghett, desch irgendwia en dr Luft gläga, älles onderem Mandl vo viel Luschdichkeit on Gelächder nadierlich, on emmer gega Fraua. Wia tibbisch des insgesamt isch woiß i nadierlich et.

    Dia hent zom Beischbiel ausm Zug raus emmer gezielt d' Fraua ãgmacht on vrschreggt, manche sogar rausgriffa on mitgschloift on uf en Holzschdegga gsetzt on a Schdugg mitgschloift, des muaß firchderlich waihdao han! I han des et bis zom Schluss ãgugga mega, i ben ganga.

    Manches vo dem Brauchtum kã ganz leicht en a ieble frauafeindliche Richddong abdrifda, fend i. Die Vrbrennong vo Hexa han i au no nia luschdich fenda kenna, wemmer da hischdorische Hendergrond mit ufm Schirm hòt....


    Also dòmòls en Gammerdenga bene widder ganz froh ieber mei piedischdisch brägts Hoimetdorf on sei Haldong zom Fasching gwäsa...

    #162Author Goldammer (428405) 11 Feb 21, 17:03
    Comment

    Dâ muaße em Vegale reacht gäa, bei ons drhoimt hòts au Fasnetskiachla geä. Ond wenn mei Muadr luschdig war hòt se am Dag druff no Berliner selbergmacht. Ond onser Familie war zwar wiaschtglaibig ond sozialdemogradisdisch, abbr nedd Piedischdisch. ;-)


    Ond am Fasnetdaischdig hend mr ons als Kendr au verglaidet. Fihr mei erschds Fasnetskoschdihm em Kendrgardà hòt mei Muadr aus ma karierda Schdoff an Schoddarock ond a bassends Mitzle gschneidert. Wahrscheinds war des dr Grondschdoi fihr mei schbädere Affinidäht fihr Schoddland ond schoddischà Wissgi.

    #163Author opadeldok (1319435)  11 Feb 21, 17:25
    Comment

    I hao grad an scheane Nadduehrfilm in dr ARD-Mediathek gseah:

    https://www.ardmediathek.de/ard/video/erlebni...


    Wildes Deutschland - Die schwäbische Alb

    Scheane Aufnahme vo de Bloema, Vegl ond Inseckda;-)

    #164Author manni3 (305129) 11 Feb 21, 23:25
    Comment

    Ja, der isch sauguat, den kenn i.

    A guaz Nächtle!

    Am Mondag derf dr Dengs hoim.

    #165Author Goldammer (428405) 11 Feb 21, 23:31
    Comment

    Do wäed a se fraije :-))

    Ond du muesch in deane drei Däg no schnell all deine Lieblengsschbeisa koche, die wo äer idd mag!!

    #166Author manni3 (305129) 11 Feb 21, 23:35
    Comment

    An wonderscheena sonniga Samschdichmorga winsche eich älle,


    i hau mr den vo eich embfohlena Film geschdern au âguggd. Wirglich guad, awa sauguad. Dia Bildr, dr Schnidd damid au a Gschichd draus wird, dâ h`t faschd älles bassd. Als Naduhrfilmr muaschd a ganz feis Aug hau ond a iebrdurchschniddliche Geduld, dass dr sowas glengd.


    Des faschd beziahd sich wiadr amòl uff dia Musigòndrmâlong, reschbegdihfe -iebrmalong, deils haune dr gschbrochene Degschd nedd verschdanda. Ond wennda nò a Schdigg zriggschbuala willsch zum nomòl âhera, nâ schbrengd dr Siach ganz an dr Âfang zruck. Nervig. Beim Vorschbuala machdr des en 30 Sekondaschbreng. Gohd eich des mid dr Musig au so, oddrliegds an mir? Vielleichd sodde me doch amòl nachma Heergeräd omdoa?


    Geschdern hót mr mei Dochder uff dr Alb am Delefon verzählt, dass mei Enkele mid seine 16 Monàd sei erschds dreisilbigs Word enddeggd hòt. Glei nâchm wachwerda saidr "Daudauge". Se hòt mr dann glei a Bild gschiggd, won'r midm Daudaugr (schbrich Schdaubsauger) en dr Kiche dr Boda saugd. :-))

    #167Author opadeldok (1319435) 13 Feb 21, 09:42
    Comment

    Mir scheint, des sen richdich guade Ãsätz, des muaß se kulidwiera, nò wurd aus dem amòl a reachder Hausmann, on d'Schwiegerdochder wird's ra amòl danka....

    #168Author Goldammer (428405) 13 Feb 21, 09:52
    Comment

    Wenner's bis dâ nâ nedd verlernd hòt. ;-)


    Dâ felld mr doch glei d' Jacqueline Boyer ei: "Meine Mama sagt eh' du einen Mann nimmst, schau' ihn dir gut an..." (Nimm dir einen Mann). ;-)


    Geschdern haune meine Berechdingsschei vo dr Bondesregierung fihr dia FFP2-Masga em Briefkaschda khet. Dr erschde laufd am 16.02. ab. Des isch ganz schee gnabb. Nâ muaße glei mal en dr Abodheg froga, ob se welche dâ hend.

    #169Author opadeldok (1319435) 13 Feb 21, 10:27
    Comment

    Opale, zom Zruck odr Voerwerz-Jucke in de Wideos haoni dier do a Bild gmached. Kasch oo ind Zuekombfd jucke - wie de widd ;-)

    #170Author manni3 (305129) 13 Feb 21, 10:38
    Comment

    Boschurle Schbätzla! I honn grad äaba des Filmle agluaged. Ächd, sauguad!


    Da Schose und i henn unsre Berechdigungsschei au geschd griagd, abrs Daadumm isch a wengle ginschdiger: 28. Feb.


    So, jetz hole glei mein Daudauger und renn a wengle durch dBude damit.


    Häff a naiß deile, Schbätzla! Zonn scheint 🙂

    #171Author Moi Gab (456541) 13 Feb 21, 10:38
    Comment

    Nochdrag no zu 167:

    Dees middr laudde Muhsegg in de Nadduerfilm gohbr oo so. Ma sodd no an Laudschderkereglar eggschdra fier dMuhsegg hao. Ond maischdns isch dMuhsegg bei de Nadduerfilm grausam nixsagnd ond bloss a Gereischkulisse. Frienr in dr guede alde Schdommfilmzeid hadds drfier eggschdralaude Filmbrojeckdor geah, die hanz genaosogued dâô ;-)


    #172Author manni3 (305129)  13 Feb 21, 10:50
    Comment

    Manni, dangk dr schee. I hau's am Fernsehr âguggd, der hòt koi Maus. So längere Sacha âzgugga am Rechner isch mr z'obegwem. Abbr vielleicht geit's am Fernseher au no an Drigg, den i no nedd gfonda hau.


    Gäbele hòschd reachd. Dâ haune me vrguggd, dr erschde luafd am 28.02. ab ond dr zwoide fangd am 16.02. â.

    #173Author opadeldok (1319435) 13 Feb 21, 11:04
    Comment

    I hau amò, so Âfang dr Neinzger, a Doku gsäah "Unser Wald" dâ waret iebrwiegend Naduhrgräusch zom hera. Wenn Musig (Kanon in D-Dur vom Pachelbel) hòt's zua de Bildr bassd ond war nedd uffdrenglich . Wenn dr Schbrechr gschwädzd hòt war a Ruah. En graue Vorzeita isch also ganga.


    I hau des dâmols au uff Videokassed uffgnomma, abbr koin Player meh. Ond wenn, dann däd'sch wahrscheinds nemme viel säah. I fend dia Doku abbr nirgends. 'S gibd einige mid dem Titel, abbr dia send 's nedd. :-(

    #174Author opadeldok (1319435)  13 Feb 21, 11:49
    Comment

    I han au vor a baar Dag ersch meine Masgakupõs griagt. De zwoide kammer leider ersch nägschwoch eilesa, des han i au bleed gfonda, nò mua-n-e noml en d' Abbodeeg.

    Was mi heit gnervt hòt...abber dò kammer halt nix macha...obwohl dia jò so dicht sei sollet om d' Nas rom, hòt's mir bei dem kalda Wedder dauernd furchbar d' Brill zuagnäblt. On zwòr au no em Subbermargd denna, weil die Brill ufm Pargblatz so kalt worra isch....

    #175Author Goldammer (428405) 13 Feb 21, 12:06
    Comment

    So onderschiedlich kennad Abodhegr sei. I hau grad en dr Abodheg âgruafa, no hòt se gsait: Brengad se glei boide Guadschei mid. Wo ne gsait hau, dasse andere au no was iebrich lassa welld, hòt se gmoind: Was se hend, des hend se. :-)


    Ond des midm Brill beschlaga gòhd mr genauso. I schiab se dann hald kurz uffd d' Schdirn.

    #176Author opadeldok (1319435) 13 Feb 21, 12:15
    Comment

    Nò gsieh-n-i nix maih, des gòht et.


    Also i glaub es geit koine wirgliche Engpäss mit dene Masga. Beim Aldi griagschse fir achdadachzg Zent s'Schdigg, on en jedem Subbermarkt au. Dò wern d' Abodeger au gnuag griega.


    Mei Neffe hòt vrzehlt, wo des grad ganz nei rauskomma isch mit dera Regl, hòt er enra Abodeg welche fir segs Eiro 's Schdigg gsäha! Desch echt Wucher. Wo i des meira Abodegere vrzehlt han, hòt se gsagt, des fendet sie richtich õhmeglich, sie vrkauft's uf dr Basis vo ihrm Eikaufsbreis, sie lehnt des ab, jetzt wega dr großa Nòchfròg do gschwen an Reibach macha on d' Leit ausnemma.


    Was mi echt nervt (© Obama bei dr Hauseigatimervrsammlong) isch dass se dia saudomme billiche "medizinische Masga" erlaubet, dia wo beschdemmt greschdadoils viel schlechder sen als di guade Schdoffmasga wo de meischde Leit benitzt hen bis vor kurzem. I han an Haufa soddiche, mehrlagiche, dia wo mei Schweschder (on doils au i selber) gnäht ghett hòt. Dia sitzet guat on sen echt dichder wia dia saudomme Einmaldenger, wo no drzuanã an Haufa Mill broduzieret.

    I seh scho au, dass se mit dera Beschdimmong dia dinne Schal odder rufglabbde Gräga on subber billiche Schdefflesmasga on so Zeix ausm Vrkehr hen zieha wella, abber bled isches drotzdem.

    #177Author Goldammer (428405) 13 Feb 21, 12:43
    Comment

    Opale, noml zom Zruckschbuele zruck:

    Do kaasch in dr Bedihnongsaalaidong (jajaa, i waiß: wäe lihst die scho! Neamad!!) odr em Indrnedd (dees isch glei weesndle ellegandr ond zeidgemäßr als a babbierene Bedihnongsaalaidong) luege, wie des uff deir Fernschdeirong gohd. Wahrscheinz däffschd bloss ganz kuuz die Rickschbuehldaschde drucke (brobiers oifach amohle aus, dees isch sogaar noo ellegandr als im Indrnedd sueche) - ond scho hasch oin Ergr wenegr im Läebe ;-))


    Zue de Dreisilbar vo de kloine Kend beim Schbròcher-Verb: Wieni am Voemedag bei mines achd Grad (em Momend hadz abr bluss seggs) zom Eikoofe gange be ond ibrleggd hao, ob i Hendsche âânemme soll, isch mr eigfalle, dass mr mei Mueddr amoohl vrzelld kedd hadd, dass mei äeschz Woed uss dr Kaddegorih 'sauschwäere Wäedr' "Hallula" (Handschuehla) gwe sei ;-)


    #178Author manni3 (305129)  13 Feb 21, 15:19
    Comment

    Maisle, gell, noch wieschdgleibeg hasch de doch idd frooge draud 😈


    Des Woed isch mr ibregenz äeschd dò hinna zom äeschdemòhl begegned. Mier saged efangelesch odr luddresch. Die Luddresche/luddresch isch scho a bissle abfelleg: Wenn oir idd in dKieche gohd odr sich uff andre Art oogleibeg benimmd odr sich kriddesch ibr de krischkaddolesche Glaube ausladd, kaa man midd am tadlnde Ondrton froge: Bisch jiez ganz luddresch woere?


    Mier konnded ja ganz ondr eis a kloine Omfrog mache, wo des ihblech isch.

    #179Author manni3 (305129)  14 Feb 21, 10:17
    Comment

    Manne, des wär nochd doch a ganz a weids Feld wora. Alz i Kend gwea ben, isch des indr Diaschbora nemme gar so schlemm gwea. Mei Baba alz Kend vo luddrischr Zuzogne ema rein grischdkatolescha Dorf isch allweil no vrbriegld worra aus deam oinziga Grond, daßr (ond seine Gschwischdr) luddrisch warat. I globb, dia warat reachd froah alz midde Flichdling nauchm Griag meanr Luddrische komma send (ond ballz Flichdling warad no mear Ausaseidr warat alz wia luddrische Schwoba). Ja, ja, dia guade alde Zeit!


    Da Begriff "wiaschdglaibeg" hab i, glaub i, vo Aldbaira glearnat. Pferleicht hand des de Grischdkatolesche bei oos rom oo dengkt ond frianr oo gsät. I kaa ma abr idd dra erinnra.

    #180Author Selima (107) 14 Feb 21, 10:26
    Comment

    I be ja in dr gleiche Alddarsgrubbe wie dei Vaddr, abr Briehgl odr so hadz bei eis idd gea!

    Ondr eis Kend isch des koi groeß Thema idd gwe, ob efangelesch odr Flichdleng. In eisrar Karl-Mai-Grubbe ben i dr Old Schaddrhand gwe ond dr Old Suhrehand ond dr Winneduu send Flichdleng gwe, dr Old Fihrehand sogar efangelesch ;-)


    Nochdrag: Inscho-dschih hammr ibregenz koine kedd ;-(

    #181Author manni3 (305129)  14 Feb 21, 10:39
    Comment
    Gudda Morga, middanand!
    Etz hanne scho diiba em Meisle seim Fada ebbes gschriiba ond muß etz auf meine Zwiebel frd Kässchbäddzla aufbassa, dasse nedd z schwaaz werradd.

    Machaz guadd!

    :-)
    #182Author schwäble (951819)  14 Feb 21, 11:17
    Comment

    Mei gleine Schweschder hòt als Kend a Indianerles-Gligge ghett, wo se en dr Nòchbrschaft gschbielt hen. I woiß et, ob se d' Nschodschi gwä isch, i mißt se glatt amòl fròga.

    Vo dera Gligge isch ieberliefert, mei Mudder hòt des zufellich ieberhert, dass dr Haiptling amòl a Griegsberadong eiberufa hòt, on urschrbringlich hòt-r se wella uf dem Abflboomm abhalda, wo se emmer nufgrebslt sen. Abber an dem Dag waret au no a bar Jengere drbei, on nò hòt dr Haiptling entschieda: "Also die Griegsberadong findet onna schdatt, weil d' Hälfde vo de Grieger et nuffkommt!" (Mei Schweschder wär abber bei dene gwä dia wo nufkomma sen!)


    "Luddrisch" hòt mr bei ons rom et gsagt, weil genaugnomma de wirddabergische efangelische Kirch a Mischform vo luddrisch on reformiert isch. En de erschde Jòhrzehnde dr Reformazjoh hòt's dò heiße Diskussjohna geba, gnaus woiß i jetzt grad nemme, abber des was an Kirchavrfassong rauskomma isch, isch et rein luddrisch. De Luddrische hent jò no viel maih Elemende vo dr kaddolischa Messe en dr Goddesdinschtliturgie, zom Beischbiel, dia wo em wirddabergischa Bredichtgoddesdinscht et vorkommet. Rein reformiert (also de Schweizerische Richdong, Calvin on Zwingli on so weider) isches abber au et. So a ganz bsondere Mischong halt, on de Wirddaberger sen innerhalb dr EKaDe au schdolz uf ihrn schbezjella Sonderweg.


    D' Edith mecht no saga, dass dr Dengs morga heimderf. No oimòl schlòfa....

    #183Author Goldammer (428405)  14 Feb 21, 11:24
    Comment

    I erinnrme no guad, daß i garidd gwißt hann, was dr Lehr vomr will. Am earschda Dag vondr segschda Glass, alzo em Gimnasiom, send alle Schialr abgfrogt worra, ob d'Data em Databladd (no) schdemmad ... Wohnort, Gschwischdr (dau haune a Ändrong agea mea), Religion. Dr Lehr frogt me: Religion? I sag, effangelisch. Er frogt, wella? I: ??? Er: luddrisch odr reformiert. I: Des woiße ned. Er: dann wahrtscheinz luddrisch.


    Bis dauna, hane garidd gwißt, daß dau oo no vrschiedne vo oos komische Ausnahma git. De kadolische hoddr idd gfrogt - remisch-kadolisch odr aldkadolisch ...

    #184Author Selima (107) 14 Feb 21, 11:30
    Comment

    Fellbr grad no dr Karl Mai ei, wiena als Kara Ben Nemsi am Muslim, däe wo gmoind hadd, äer kenn eahm idd draue, weil a wie sei Feind Krischd sei, erklärd hadd, dr andr sei efangelesch: Dees sei so wie midde Sunnidde ond Schihidde. Nocha isch dr Muslim doddaal berujigd gwe, dass es zwische deane koi rellegjöse Allijanz idd geid :-))

    #185Author manni3 (305129) 14 Feb 21, 11:57
    Comment

    Also des nemmt me au echt wonder...dass dia fir ihre Dadablädder dò no differenziert hent bei eich en dr Schual! Es hòt doch mit Sicherheit bloß oi effangelische Gmeinde geba.Velleicht war des jò bloß a weng a Schickahne vo dem Lährer.


    (manni, bisch sicher dass der grischdtliche Feind edr Effangelische gwä isch on et dr Kara-ben-Nemsi selber, on dr Feind dr Kaddolik? Dr Karle May war jò schließlich an Sagse....on dò isch mr eher effangelisch....)

    #186Author Goldammer (428405)  14 Feb 21, 11:59
    Comment

    Emmrle, so em Nauchhenein - ja. Des hert se arg wia Schikane aa. I war jebmfalz dodal iebrfordrt ond be road aaglaufa, ballne koi Andwort gwißt hau. Dear Lehr, der des abgfrogt hat, war oo so a arg milidärischr. Desch dr Schbortlehr von de Buaba gwea, dear aushilfsweise dau gwea isch, balldr Glasslehr grangk war am earschda Schualdag. Bei deam Schbordlehr hatmr nachm Aufruafa aufschdanda mea ond neaba da Blads schdeah. Alzr mi aufgruafa ghett hat (ond i aufgschdanda ben ond me neaba mein Blads gschdelld ghett han), hadr aufguggd - durchd ganza Glass guggd - nauchd ischr bei mir hänga blieba ond hot gfrogt: Stehst Du oder sitzt du? I ben no arg gloi gwea ond erschd schbädr no a wengale gwagsa. Abr alz Kend ischmr des nadierlech oagneahm gwea. Dau benne zerschdmol road aaglaufa.

    Bei oos hotz ondr de Nicht-Kadolika 99% ev-luth gea ond a Handvool Neiaboschdolische ond dia hand wartscheinz oo glei neiaboschdolesch agea. En meir Schual hotz koi gea - zmindeschd haune von koine gwißt. D'Nauchbra vo meir Oma send neiaboschdolesch gwea ond dia hadmr oo so bezoichnat ond idd evangelisch-neiaboschdolesch odr so. Reformierde hotz bei os gar koi gea.

    #187Author Selima (107)  14 Feb 21, 12:18
    Comment

    Des muaß a Allmachzseggl gwä sei, wennda mi frògsch! I mecht gar-et wissa, was der femfazwanzg Jòhr vorher gmacht hòt....

    #188Author Goldammer (428405)  14 Feb 21, 12:22
    Comment

    Ja. Redroschbegdiv bedrachded a VorgeschdrigAr. Alz Kend haune des no ned iebrrissa. Der hod no mear sottane GranadaschnidzAr brocht.

    #189Author Selima (107) 14 Feb 21, 12:59
    Comment

    So oin hen i au ghett. Der war sogar Konrektor. Der hot au efter erzählt, dasser de Panzer mitam Dosaeffner knackt hätt...


    Bis jetz han i gar net gwißt, daß do undr de evangelische verschiedene Richtonge gibt.

    #190Author bluesky (236159) 14 Feb 21, 13:08
    Comment

    Leo büldet, hemele! 's zoigt sich emmer wieder!

    #191Author Goldammer (428405) 14 Feb 21, 13:14
    Comment

    Emmrle, dr Karl May hadds wahrscheinz so formelierd, dass ba idd so gnau gwissd hadd, vo welar Seidde äer gwe isch. Schließle hadd a baid seine Biechr vrkoofe welle. Kwelleschdudiom mueß i jiez abr idd drzue mache, odr? Mier isch bloss erinnrlich, dass a a scheas Afe Marija kombenierd hadd, des wo se in Winneduh drei xonge hand, kuuz voer dr Winneduh in seim Schooß gschdoerbe isch *sniff*

    #192Author manni3 (305129) 14 Feb 21, 14:26
    Comment

    Genau, an des erinner i mi nadierlich au! (seifz....) Noi, Gwellaschdudium musch net macha, des erlass-e dr.

    #193Author Goldammer (428405)  14 Feb 21, 14:28
    Comment

    Am Samschdig isch a endressanda Sendong zua de Thema "Derf a Obrbair iebrhauptz an Zwiefacha schbiela?" ond "Was soll des sei, a fränkischa Tracht?" komma - dia Diddl haune nadierlih a wengale omformuliert ;-) Fr wens endressiert: https://www.br.de/radio/bayern2/programmkalen...

    #194Author Selima (107) 15 Feb 21, 06:39
    Comment

    Dankdrschea, Maisle, dees klengd endressand. I hao grad de Dexd gläese. dSendong häer i schbädr.


    Zue deam bairesche Klischee mit Läedrhose ond Dirndl haoni a scheane Gschichd erläebd:


    I hao ja friehnr a Weile in ar brofessjonelle bairesche Volxmusegggrubbe klarneddled. Do semmr oo a bissle in der Weldgschichd romkomme.

    Oimohl hammr an Dschobb uff Aruba kriegd, am karibesche Insele. Do hadd a amäerekanesche Firma iehre beschde Vrkeifar a Wuche lang vrwehnd midd Subbrhoddell ond ar karibesche Bänd. Zue däer Dradezzjooh hadd oo käerd, dass es uss deam Oerd vom näggschde Jòhresdreffe als Voergschmack an musekalesche Grueß geah hadd. Dees isch in deam Fall Berlin gwe.


    Also hanze a Berlinar Bänd xuechd. Wie dr Agend uff eis komme isch, waiß i idd, abr mier hand jebmfalls lang ibrleggd, ob mr d Drachd oo middnemme solled, odr bloss die schwaaz Hose midd am schwaaze Hued ond am weiße Hemad. Zom Glick hammr nocha dDrachd doch no eîpackd. dHilde hadd sogar fier jedn Dag a andrs Dirndl drbeikedd!! Des isch genao dees gwe, wie se die a Berlinar Bänd voergschdelld hand *hihi*


    Des isch ibregenz a schlaua Dschobb gwe: Nòchm Middaagäeße a halbe Schdond Bolka ond Lendlar ond Zwiefache gschbild ond Lilli Marleen - ond de Reschd vom Daag zwische Bar, Derrasse ond Mäehr vrbrochd ond glosed, was die karibesche Kollege so alls uff iehrene Schdihldramms vrââschdalded hand :-))


    #195Author manni3 (305129)  15 Feb 21, 08:08
    Comment

    ;-) So a nedda Gschicht. Hond nochd dia Grachledrne idd arg bäbbt am Hosaboda bei dera dropischa Hitz?

    #196Author Selima (107) 15 Feb 21, 08:44
    Comment

    Mei Läedrhose isch uss am ganz haudfreindleche ond ar doddaal aagneame waiche Wildläedrinneseidde von am jonge Elch. I hao die Hose ja bloss bei de Aufdridd ââkedd ond se hadd no idd krachd. Des donze äeschd noch vihle Johr, wemmas allad ââhadd ond brackdesch bloss fiers Bedd raadued. Do geiz a nedz Gedichtle ;-)


    sKlarneddlesbläddlesaufbewahrongseddwih isch ibregenz sellemòhle no a Klarneddlesbläddlesaufbewahrongseddwihle gwe ond isch idd so groeß ond schwäehr wie des heidege Bassklarneddlesbläddlesaufbewahrongseddwih. Des hadze bossedif beim Ihbrgepäck ausgwirkd ;-)


    #197Author manni3 (305129)  15 Feb 21, 08:58
    Comment

    Ha desch jò amòl a echts Draumdschöbble gwä!


    Juhuu, dr Dengs kommt nòchher hoim, am zwoi derfen abhola. I dur grad no a weng mei Kaos lichda, damit-r d' Wohnong wiedererkennt....on Kucha uftaua fir dr Kaffee....on schbäder a Kameefeierle ãmacha....

    #198Author Goldammer (428405) 15 Feb 21, 10:40
    Comment

    Juhuuuu, da Dengs kommt hoim. Bisch au scho middam Daudauger durch dBude grennt, Vegale? Desch fei a schees Gfiahl, wenns saubr isch.


    I honn grad a wengle brauchd, bisse älls nôchgläasa honn. Wa des Efangeelische ahgoht, honne des ersch gwissd, dasses des git, wone in dSchual komma bin. Dô hots i dem gloina Neschd am Bodasee zwoi leicht vrsetzt zämmabaute Schualgebeide gäa - vorna dia Kadolische und hinda dia Efangeelische. Dia hotma nia gsäa. Dia henn andre Schual- und Pausazeita ghett wia mir. I honn des als Kind id vrschdanda kenna (und vrschdands au heit no noita) und mr all ibrlegt, wa dia dô so äbbes bsondrs honn kenndat, dasse uns id honn säah wella odr vielleicht bessr gsait dirfa. Saubled.


    I lies grad am Ken Follet sei "Kolamm off Faijr". Do gôhts grad au um des Thema.


    Häff a naiß deile, Schbätzla.


    (Fallbmr grad ei: Manni, mir henn scho lang nimme zämma bieglat 🙁 )



    #199Author Moi Gab (456541)  15 Feb 21, 10:59
    Comment

    Griaß eich Gott älle mitanander,


    Wenn mr den Daudauger dâ henna no efders benudzad, gòht 'r vielleichd no en dr allgemeine deitsche Schbròchschadz ei.


    Manni, i glaub des mid de Hedschich hòt die Muadr falsch iebersedsd. Du hòsch Hallelujah gsait ond sia hòt Handschuah verschdanda. ;-)


    Komisch, bei ons war des mid de verschiedene Konfässiona iebrhaubd koi broblem. Weder uff dr Gass no en dr Schual. Dia oinzige Glegaheita wo des a Roll gschbield hòt, war Samschdich nachmiddags, wenn mir efangelische kickd hend und onsre kadholische Kamerada zur Beichte hend miaßa, egal ob se was boosgad hend oddr nedd. Dia andr Siduazioh war, dass onser neiaboschdolischer Schualkamerad nedd mid ons uff d' Gass hòt ganga dierfa, weil sei em Glauba feschder Vaddr gmoind hòt, mir däded sen Jonga vom reachda Weg fiahra.


    En dem Zammahang isch mr des Begriesongsliad vo d' Biermösl Blosn eigfalla, des bei ihre Kondserd emmer am Âfang gssonga hend. Dâ begriaßed se dia Âwesende in iahre Gegasädslichkeida mid (Auszug):


    Ja, wo san's den....


    ….und de Radlfahra und de Porschefahra,

    und de Evangelischen und de echtn Pfarra, …


    Ja seid's alle do?


    Na fang ma o.

    #200Author opadeldok (1319435) 15 Feb 21, 13:18
    Comment

    Guada Morga Schbätzla!


    Und Brelele, dôdamit bisch au du gmoint. Komm sofort raus aus deim Verschdegg! Wenn da moinsch, da kennschde klammheimlich dôhanna aus da Affähre ziah, no hoschde brennt! Mir hengad an dir! Und, wenn da id widd, dass i dôhinna a Tantrum schmeiß, no schousch jetz gfälligschd ap!


    Opale, der Daudauger isch fei scho i meim Wortschatz dinna. Solche Werdr werrad pflegd bis ins hoe Altr vom Erfindr. Mein Bua (isch 50zge) hoißt allno Giggoff 🙂

    #201Author Moi Gab (456541)  16 Feb 21, 10:37
    Comment

    Gäbele, i hao scho lang nemma begled. Vileichd soddebr ebbs ausmache? Abr idd heid! Heid isch Nähdaag - middr Hand, lang haonis voer mier häegschobe! I näh vihl liebr middr Maschihne.

    #202Author manni3 (305129) 16 Feb 21, 11:03
    Comment

    Was nähsch nò vo Hand, manni? Schdrempf schdopfa, Gnebf nãnäha? Des sen so dia Sacha wo i no vo Hand mach.


    Biegla soddemir au. Dr Dengs hòt bragdisch koine bieglde Hemmader meh. Mir bieglet äls au zsema. I biegle femf Hemmader, dr Dengs zwoi, so etwa. Abber Haupzach bieglt.

    #203Author Goldammer (428405)  16 Feb 21, 11:18
    Comment

    De Voerhang uss alde käklede (?) Schbidza vo de Kisseziechla vo meir Grooßmueddr rebbariere. Äer hanged voer dr Glassdihr in de Gang. Dr Schdoff isch soo ald, dass a scho schier vom Ââluege reißd ;-((

    Abr schea!!

    #204Author manni3 (305129)  16 Feb 21, 11:35
    Comment

    Ihr schwädzed vom schaffa. Fleißige Leid send'r. Ond mir machad'r a schlechds Gwissa, weil au no a baar Sogga zom Schdobfa dâ liega hau, abbr koi Luschd. Zom näha, außer Gnebf ânäha, haune gar koi Talend, Heit isch mei Moddo: Was du heit kâsch bsorga, hòt au no Zeid bis morga. ;-)


    I häb eigendlich Luschd zom nausganga, au wenn's nedd so schee isch wia am Samschdich bei ma ausdehnda Schbaziergang durch dr verschneide Schduagerder Wald , wo Sonne durch Bäum gschiena hòt.


    Gäbele, Giggoff isch wahrscheinds sei Nama, i schädz amòl Chrischdoff , nedd des englische Kickoff? Dâ fälld mr grad ei, dass me a jonge Kollegin vo onserem Bedriebsschbord vor a baar Jòhr zu ihr'm Polderâbend eiglada hòt, sie hòt's als Kickoff-Verâschdaldung deglarierd. Des wär eigentlich scho faschd an Grond gwäa zom nedd nâganga.

    #205Author opadeldok (1319435) 16 Feb 21, 12:40
    Comment

    Opale, Knebf näh i oo middr Maschihne ââ.


    Nochdrag ommare achd uff viedl ibr drui:

    I wäer allad jengr! Im Momend haoni a Feîmoddoreck von am Dreijäehrege ;-((


    Nochdrag ommare zwai voer halbe druje:

    Ond meine Fengr send oo dickr als wie die vo meir Mueddr - koi godzega Fengrhued isch groeß gnue ;-(

    ... außr fier de kloine Fengr. Abr midd deam ben i a bissle ôôglembfeg, seidd i nemma geige ;-((


    #206Author manni3 (305129)  16 Feb 21, 14:40
    Comment

    A Nähmaschin haune koine. Häb i oine, kennd i nedd drmid omganga. Mei Muadr hòt mr's zwar amòl zeigd, abbr des isch scho faschd sechzg jòhr her. Knebf werrat vo Hand âgnäht, mid Hälsle ond mid ällem Furz ond Feuerschdoi.


    Ond mid dr Feimoddorig isch nedd schlemm, wenn's a weng nâchläßd. I kenn Leid dia waret ihr ganz Leba lang Grobmoddoriger ond hends iebrlebd, obwohl se an handwerglicha Beruf ghet hend. ;-)

    #207Author opadeldok (1319435)  16 Feb 21, 18:10
    Comment

    I han zwòr a Nähmaschin, abber Gnebf näh i au von Hand nã. Bei mir hoißt des Hälsle abber Fießle.


    On den Ausdruck "mit ällem Furz on Feuerschdoi" han i bisher et kennt (gfellt mr abber saugut! :-D ) - des wär velleicht amòl widder a Omfròg wert: kennt des ebber?


    Kennet ihr Lecher so richdich schee schdobfa, mit zerscht Fädala lengs schbanna on nò Fädala gwer neiweba? I ben ganz schdolz dass i de no kann. I han ieberwiegend handgschdriggde Sogga (bei kaufde fir a baar Eiro dät-e den Aufwand et macha, dia schmeiß i gnadalos weg wenn se Lecher hen), on bei dene schdobf i d' Lecher emmer uf die Art. Je maih Iebergwicht mr hòt, deschdo schneller ganget en d' Sogga Lecher nei, han i leider feschtschdella miaßa. Mit a guads Motiv, d' Faschdazeit zom nutza, om a baar Killola ronderzgriega....


    Thema Feimoddorik on Handwerk: wo mei Graoßer em letschda Schualjòhr en dr Berufsberadong war, hen se en so en saudomma Motoriktescht macha lao, on wo-n-r sich dò a weng dubbelich ãgschdellt hòt, hen se gmoint, er wär fir sein Wunschberuf Audomechadronigger et so geeignet....zom Glick hòt en des et so beeindruggt, on heit ischr a gschdandener Altgsell on bildet selber d' Lährleng aus en seim Bedrieb.

    #208Author Goldammer (428405)  16 Feb 21, 18:57
    Comment

    Des scheene an so am Faschingsdienschdag ohne Fasching: D' Läda ham bis obends auf.

    #209Author bluesky (236159) 16 Feb 21, 19:28
    Comment

    D' Sogga wo heidzdag kaufsch send au nemme des, genauso wia d' Onderwesch. D' Sogga werrad schnell fadascheinig, au ohne Iebrgwichd. Bei mir liegds dâ drâ, dass bei mir so ziemlich genao vor ma Jòhr Schubbaflechde an de Hend ond Fiaß ausbrocha isch. I hab's zwar einigermaßa wiadr em Griff, abbr durch dia PUVA-Beschdrahlonga isch mei Haud so drogga ond rauh worra, dass des des Gewebe vo de Sogga schneller uffreibd. Ond Onderhosa werded nâch ma halbà Jòhr läbbrich. 'S isch hald älles nemme des oddr wia a friahrer Kolleg vo mr emmer gsait hòt ond zwar aus heidrem Hemmel, ohne Âlass: Des isch älles so maßlos draurig. ;-)


    'S Schdobfa mache genauso wia du. I hab vor a baar Jòhr en mei dâmòligs, rosa-hellgrau gschdroifds Sofa a Loch neibrennd. Nâ haune mr Fäda en dr bassendà Farb kaufd ond me em Kunschdschdobfa vrsuachd. Mr hòts's faschd nedd gsähà, wenn mr druff ghoggd isch. ;-) Noi, em Ernschd 's Ergebnis hòt mr lassa kennà, fihr's erschde Mòl.

    #210Author opadeldok (1319435) 16 Feb 21, 19:29
    Comment

    No scheener am Fasnetsdienschdag isch, dass d' Fasnet vorbei isch ond mr nemme uff faschd älle Brogramm mid flache Witzla konfrondierd wird. Abbr i woiß jâ Gott sei Dank wia mr a Brogramm wechsla kâ.

    #211Author opadeldok (1319435) 16 Feb 21, 19:36
    Comment

    N'ommend !


    Dass hoddisch gäschdann eischendlisch schonn wolle fazeeld hann ... bei unns geed joo sonnschd imme eh groosa Roosemoondaachszuch ... däa waa jo ausgefall ... awwa isch hann eh gaans glääna gesiih ... drei Faasebooze medemene Ziiwäänsche ... dii senn sogaa dreimool de Bäasch enuffa woo sonschd de Zuch nua äämool de Bäasch enunna geed ...

    #212Author no me bré (700807) 16 Feb 21, 21:21
    Comment

    Bei dreimohl de Bäerg nauf wäed dr Zuug glei dreimohl lengr onz geid a dreimohl so guede Kondizjôô ;-))

    #213Author manni3 (305129) 16 Feb 21, 23:31
    Comment

    Wenn dr Berg lang ond schdeil isch a guads Draining. Ond wenn dia drei dr Buggl âschliaßend mid'm Wägale wiadr narasàt, henda zwoi, dia en de Kurva d' Fliehgrafd ausgleichad ond vorna oiner, der d' Lenkschdang zwischa de ausgschreggde Fiaß hòt, hend se au no ihrn Schbass drbei.


    I hau geschdernond heit au mein Schbass khet.

    Vor onserm Haus isch a kloine Âlag mid Schbielbladz ond ma Haufa graoße Linda- ond Ahornbaim. Geschdern vormiddag haune send dâ zwoi Eichhörnla omanander ghobfd, a kohlrabaschwaarzs odn a rods. Des rode emmer dem Schwaarza hendadrei. Wo des rode dem schwarza z' näh komma isch, hòt's des schwaarze verschoichd. Des rode hòt abbr nedd uffgäa ond emmer mid'm Schwanz gwedlad.


    Ond jetzat grad wiadr genau des gleiche Schauschbiel. Mi däd endressiera, ob des Revierverdeidigong isch oddr a Balzverhalda. Wa moined ihr?


    Uff jedn Fall isch's luschdig denne zua z'gugga. Ond vielleicht geits demnächst schwaarz-rod gschdreifde Schdreifaeichhörnla. ;-)

    #214Author opadeldok (1319435) 17 Feb 21, 10:07
    Comment

    Grad haoni die Kafeebul f arbresl ommd Kafeemihle rom zemekehrd ond drbei isch mr däe alldäglich Aufdrag vo meir Mueddr an mi nochm Middaagäeße eigfalle: Scheifele, Dischkehrar, Mobb!


    Also an Mobb haoni idd in meir Wohnong, a Scheifele ond an Dischkehrar abr scho. Dued vo ui no ebbar mobbe?


    #215Author manni3 (305129) 17 Feb 21, 10:13
    Comment

    Noi, i bedreib koi mobbing. Abbr uff Grond dr no âhaldenda Siduadszioh ohne Friseer siah i aus wia an Mobb. ;-)

    #216Author opadeldok (1319435)  17 Feb 21, 10:16
    Comment

    dEdidd hedd no sage welle:

    Däe schwaaz mag hald koine roede idd - grazo wie in dr Bolledick!

    Also Schdraifehernla geiz scho. Vieleichd legezes ja uff gschbrenklede ââ :-))


    #217Author manni3 (305129)  17 Feb 21, 10:18
    Comment

    Kuahfelloichhernla?

    Glatt.

    #218Author twocents (460778) 17 Feb 21, 10:35
    Comment

    Kââ ma uss deane Kuahfellaichhernleskloggs mache? Die hand a vihl feinre Ondrwoll als Kieh! Des gäb a feinre Abbdeidwariande vo de häerkemmleche Kuehfellkloggs - fier sedde midd de feine Fießla wies Emmrle onz Gäbele ond dih :-)

    #219Author manni3 (305129)  17 Feb 21, 10:39
    Comment

    Haaald amòl. Ihr wissad doch: Man soll des Fell des Kuahfelleischhörnles nicht verteilen, ehe es erlegd ischd!

    Vor dr erfolgreicha Zichdong vo derra Ard scho zwoimal nedd. Des sag i dir, des glaobsch du mir. ;-)

    #220Author opadeldok (1319435) 17 Feb 21, 11:04
    Comment

    Ja-no! Schwaazweiße Aichhernla, die wo aussäeched wie Holschdoinar Kieh, geiz scho. Waromm idd oo schwaazroede?

    #221Author manni3 (305129) 17 Feb 21, 11:21
    Comment

    Also, wenn's dâ isch, geb i Bescheid. Ond dann nennad mr 's des Große Koalidziohnshörnle.

    #222Author opadeldok (1319435) 17 Feb 21, 11:29
    Comment

    Seit unsr Nussbomm gfällt isch, gits in unsrem Garta koi Eichhernle meh (dia Nussa, wone äggschdra liega honn lôh, sinn allno dô). Dafiar hotts jetz efders wiedr a glois Scheißheifle aufem Schuahabschdroifr vor da Terrassadiar. I bin no ammel wiaschd und (Nabu, des gôht de jetz nix a) und schdreu Pfeffr auf da Schuahabschdroifer. Des hilt ammel a Weile.

     

    Sodele jetz wille no die Frôga vom Vegale und Manni beantworta:.

    Re: Den Ausdruck "mit ällem Furz on Feuerschdoi" kenni au id (gfellt mr abr au sauguat!

    Re: Dued vo ui no ebbar mobbe? Noi, i mach des middem Daudauger. (und bieglfaul binne au worra)

     

    Vegale, wemma im Wintr dHemmader undr Pulli dragt, no roichts, wenn da Graga bieglat isch). I honn an Drigg, dassdia ubieglate Hemmader id budlig sin: S’Hemmd assa nassa zämma lega. Des hoißt: Knepf zuamache, sHemmad glatt schdreicha, dSeita eischlage, d'Ärml au und glattschdreicha und auf da Heizkerpr lega. Im Kindrzimmr bassed drei drauf, im Bad au. Im Bad honne soan Rehraheizkerper, dô kama so a Hemmad schee drumrum wiggla.

     

    Wa die lottrige Untrhosa und Sogga ahgôht – Buabe, ihr henn no dBehas vrgässa! Dia sinn au nimme des, wa se môl wared.

     

    Boschurle au no! Und Zonn scheint!

    #223Author Moi Gab (456541)  17 Feb 21, 13:21
    Comment

    Wa die lottrige Untrhosa und Sogga ahgôht – ... no dBehas ...! Dia sinn au nimme des, wa se môl wared.


    Ônd erschd dr Enhald vo dem ganza Zuig, der isch au nemme des, wan-rv vor dreißg Jauhr amôle gwêa iisch! *buggôndschnelldrvoorailfl*

    #224Author twocents (460778)  17 Feb 21, 13:29
    Comment

    Senzle, woisch du, wa an kadohlische BeHa isch?

    #225Author Moi Gab (456541) 17 Feb 21, 13:32
    Comment

    Noi, abr i bêe au luddrisch.





    D'Eddid moint om feembfvordreivierdlzwoi, se häb grad guhglat ... :)))))

    #226Author twocents (460778)  17 Feb 21, 13:37
    Comment

    Ônd erschd dr Enhald vo dem ganza Zuig, der isch au nemme des, wan-rv vor dreißg Jauhr amôle gwêa iisch!

    Juh dschaßt meid mai dei, Zwoisentle! 😀 😀 😀


    (Fir des Witzle mit dem kaddolischa Beha wär i anadomisch et wirglich geeignet....)


    I gang jetz mitm Dengs ens Reißabachdäle schbatziera.

    Hach isch des schee, dass des meglich isch!

    #227Author Goldammer (428405) 17 Feb 21, 14:58
    Comment

    Schö swie désoleeh, dass i des nodwendige Aksessoar für dia holde Weiblichkeid zom erwehnà vergessà hau. 'S isch hald so, dass i no nia oin dragà ond au scho ewig koin meh en de Hend khet hau. Deshalb kenn i mi au nedd en de agduelle Madrialkwalidähda aus. ;-)


    Viel Schbass beim schbatziera mid deim Dengs, Vegale. Hosch dr's durch dei erzwongas Dengs-Faschdà verdiend. Abbr lass de nedd vom Reißabach midreißa.


    D' Edith sag mr grad, dass mir dr kadholische BH als Modell Zauberflöde bekannt sei. ;-)

    #228Author opadeldok (1319435)  17 Feb 21, 15:20
    Comment

    Des isch a groeßs Dhema, dees wäed seid Johrhondrde in dr Konschdfillesofih ond de Feijedôôhs vo de Zeidonga lang ond braid dischkrierd. Dò geiz allad meah haiße Ussanandrsedzonga dribr: Form ond Inhald!


    So wie i die Inhäldr vo Behaas kenn, isch des allad no sGleiche wie voer dreißg Johr, bloss bForm isch em Wandl däer Zeid ondrwoefe ond ibr Gschmack kaa ma ja bekanndlech idd schdreide - odr dagelang ;-)


    A Milldrieße, die wo grad idd brodeckdif isch - ond des ische ja die allarmaischd Zeid - isch so groeß klôi, dasse in an Subbeleffl neibasse däd. Des Drommrom isch Fedd ond Bindegewebe. Ond die Bendl vo deam Bindegewebe wäered allad lengr ond lengr. S isch hald a naddierlechs Maddrijahl. Ma bruuchd bloss Nailonsaidda eizieche wie bei ar Geige. Die hadd ja heizedaag oo koi organesche Kadzederm meah.

    Bei de Mannsbildr isch ibregenz middr Alderong vom Bindegewebe grazoo. Dromm hanged ja mei Wambe oo vihl weidr naa als friehnr, wo des Beichle no schea fihrse rausgschdande isch ;-)

    Dr Ondrschihd isch allardengs: Wenn i de Girdl aufmach, felld bloss oir uffd Knie!


    #229Author manni3 (305129)  17 Feb 21, 15:38
    Comment

    Manni, dâ hilfd blooß ois, dr Girdl em sitza uffmachà, nâ felld'r nedd so diaf ond griagd koi so große Gschwendikeit druff. Nedd, dass dr a boidseidige Kniabrellong holsch ond am End nemme quaddla kòsch. ;-)


    #230Author opadeldok (1319435)  17 Feb 21, 18:31
    Comment

    Des isch a gueda Drick, dankdr schea.

    Mohl abwarde, was dBehadrägarna drzue fier Erfahronga vermelde kenned ;-)

    #231Author manni3 (305129)  17 Feb 21, 22:31
    Comment

    (mitm Gäbele on em Zwoisentle flyschder:) Henner ebbes gmergt, Mädla? Ieber dr Alderongsbrozeß vom Beha-Inhalt hen se sich des lengeren on detajiert vrbreidet, dia Herren der Schebfong, abber ieber dr Alderongsbrozeß beim Onderhosa-Inhalt sen se vrschemt wegganga on hen elegant zom weit õvrfenglichera Thema der mennlichen Beiche iebergloidet!

    #232Author Goldammer (428405)  17 Feb 21, 23:18
    Comment

    [Häergeräd eischalde] Hadd do ebbar an Widz ibr de Inhald vo kaddolesche Schiesser-Feinribb-Ondrhosa vrzelld? Lauddr, biddschea 😈

    #233Author manni3 (305129) 17 Feb 21, 23:35
    Comment

    (Zôm Emmrle bischbr) Ja, grad wia wenns a loddriggs Bindegeweeb bloß bis zôm Ranza naa geah däät ... :-))

    #234Author twocents (460778)  17 Feb 21, 23:36
    Comment

    Wia? Was? Eischbrong ääh Eischbruch eier Ähren. Des nennd mr fei a glassische Schuldomkehr. Wer hòt denn iebrhaubds den Beha ond sein Enhald ens Schbiel brochd? Ond i hau iebrhaubds nix iebr dr Zu- Oddr Omschdand vo meim Ranza gsaid.


    Abbr bidde, neigierige Blidz dianer send, drmid'r z'friada send, sage eich ebbes iebr dr Enhald vo meine nichtfeinrippische Ondrbuxa. Vor fembfazwanzg, dreißg Jòhr hend mr em Gschäfd dia jonge Weiber vor lauder Faszinadzioh em vorbeilaufa no uff mein Hendra globfd, des dädad se heid nemme. ;-)


    #235Author opadeldok (1319435) 18 Feb 21, 07:36
    Comment

    Oh Opale, no hosch jô a Gerrefiedla ghett (mein Kuseng, da Gerre, war an durchdrähnierta Turnr in seine Jugndjohr und hott dementschbrechand au a durchdrähnierts Fiedla ghett - absolut sauschee!


    Des erinnarad me an a andre Fiedlaschdori, erinnareder eich au no? I glaub s'isch guad fuffzeah Jôhr her, wo a mein Engkl, der in da Badwann ghoggd isch und zua mir (wone aus da Dusche komma bin, odr wars beim eikrema?) gsait hot: OMA, warum hängd do dei Fiedla so?? Jô Leitla, des hottme sellmols ganz sche zom lacha brocht und fr ewig mei Sälbschwärtgefühl gschädigd. Saubua, elenda!


    Opale, wa "des dädad se heid nemme" agoht: Kennsch jo faschd bei #me2 mitmacha.

    #236Author Moi Gab (456541) 18 Feb 21, 15:42
    Comment

    Leitla, da Schose hôt a neis Schbielzeig! Juhuu, Gloria Fiktoria, wiedewiedewittjuheirassa!


    Er brobiert sein neija Daison aus und schdrahlt ibrs ganz Gsicht. I honnem scho gsait, des sei Schbielzeig! Seis! Seis! hihi

    #237Author Moi Gab (456541) 18 Feb 21, 16:01
    Comment

    Also turnd haune, außer en dr Schual, nia. Des war nedd mei Deng. An Ball hòt emmr drbei sei miaßà.

    I hau vo dr Jugend bis zu de alde Herra Handball ond nebaher em Betriebsschbord Fußball gschbield. An andrer Bedrieb bzw. dem sei Bedriebsmannschaft em Fußball hòt me mid fembfadreißg àgworba ond do haune no bis vierzg kickd. Drnoch blooß no Volleyball, Badminton ond Kegla. Uffm Rad be i au häufig ondrwegs gwäa. Oinzig was heidzdag no gòht isch 's Kegla ond uff 's Rad hogga. Des Rad schdoht allerdengs seid drui Jòhr mid verheilde Schboicha em Keller. Jetzat woischd, warom mei Fiedle au dr Schwerkraft nochgeit. ;-)


    Opale, wa "des dädad se heid nemme" agoht: Kennsch jo faschd bei #me2 mitmacha.


    An #me2 kennd i mi blooß en Form vo ra Selbschdâzeig wenda. I däd jâ liaga, wenn i behaubda däd, dasses mr nedd gschmeichlad hòt, wenn dia Fehla om de zwanzg, bei mir aldem Daggl mid vierzge âglobfed. Des dädad se heid nemme, weil ..... siehe oben. ;-)

    #238Author opadeldok (1319435) 18 Feb 21, 16:27
    Comment

    An Daison? Auweh, dâ muasch abbr uffbassa, dassem der koi Schdigg vom Ohr abbeißd. ;-)

    #239Author opadeldok (1319435)  18 Feb 21, 16:41
    Comment

    I bligg ieberhaupt nix. Daison? Bliis enlaitenmi!

    #240Author Goldammer (428405) 18 Feb 21, 16:56
    Comment

    Dyson = ondr andrem Daudauger.


    Des hòt bei mir dia Assoziadzioh zom Mike Tyson ausglösd, der bei ma Boxkampf amòl seim Gegner a Schdigg vom Ohr abbissa hòt. Dâ drfihr isch zrecht diskwalifizihrd worra.


    Enaff enlaitend? ;-)

    #241Author opadeldok (1319435) 18 Feb 21, 17:01
    Comment

    Solang sEmmerle it illuminiert ish, derfs ruhig inlaitnd sêi.

    #242Author twocents (460778) 18 Feb 21, 17:29
    Comment

    ßengju Opale, jäs.

    #243Author Goldammer (428405) 18 Feb 21, 17:31
    Comment

    Ârlwais wiss greiht blescher, Vegale. :-)

    #244Author opadeldok (1319435) 18 Feb 21, 17:42
    Comment

    I hau ledschnds bei ebbrn so an Daisn gseacha. Liabs Herrgottle vo Bibrbach - desch a schbeisigs Drom! Os hammr lei a ganza langweiligs Vorwerkgerätle, des oo scho reacht betagt isch, abr allwail no guad duad.

    #245Author Selima (107) 18 Feb 21, 17:53
    Comment

    Solang's mei dreißig oddr meh Jòhr alder Kobold no duad, brauch i au koin nuia. Außr 's kommt amòl dr Heinzelmann uf dr Margd. Ihr wissad scho: Es saugd und bläsd der Heinzelmann, wo ... ;-)

    #246Author opadeldok (1319435)  18 Feb 21, 18:05
    Comment

    Daisn isch a Annagramm vo Disain. Dò waißba glei, wo d Brijoridäda bei dr Endwicklong gläege send ;-)


    Abr seis wies well - jebmfalls semmr vo deam Kaddelickegraisinnabäsching ààkomme, voer noo di Geheimnisse beim Aufknebfe vo luddresche Béhas zur Schbròch komme send ;-(


    #247Author manni3 (305129)  18 Feb 21, 18:17
    Comment

    (....on von de diwerse Greisa-Onderhosainhalde au....)

    #248Author Goldammer (428405) 18 Feb 21, 20:57
    Comment
    Onddrhosainhaldde?

    Ja Goddnaaachdd om seggse!
    Ihr hand a Gschwääz!

    Guaz Nächddle allemiddanand!

    :-)
    #249Author schwäble (951819) 18 Feb 21, 21:19
    Comment

    Ond jetzat (frei nâch Mondi Peithn) zu ebbes kombleddlich differendm. I ärgr me grad (amòl wiadr) iebr d' Grombiarà. I hau zom Âbendessa zu meim eigforana, selbergmachda Ledscho nach Ard vom Scheff, also vo mir, Salz-Grombiara macha wella. D' Hälfde vo de Grombiara, ledschd Woch kaufd, kòsch wegschmeißa. Vo außa siagsch nix, beim schäla siehsch blau ond des bis enna nei. Des isch mr jetzat scho a baar mòl bassierd, egal ob vom Feldverkauf oddr vom Einzelhandel jedweder Kolöhr. Dr gleiche Sch... mid de Zwiebla. I khed grad ...


    ...uff dr Sau naus.



    #250Author opadeldok (1319435) 18 Feb 21, 21:43
    Comment

    Blooe Grommbääre senn doch deijara alls wii gällwe ... fa wass haschde dii misse wäggschmeiße ? Odda hannse geschdunng ? Wäggschmeisse duunisch nua dii braune faulische odda dii griine Schdigga ann de gällwe ...

    Blooe Zwiwwele hannisch glaawisch noch kään gehadd ... nua roode ... doo fennischs imma schaad, dass beim Koche odda Dinschde dii Faab foadgeen duud ...

    #251Author no me bré (700807) 18 Feb 21, 22:46
    Comment

    Des mid de Zwiebla war missverschdändlich vo mir ausdriggd, dia wared nadierlich nedd blau oddr rod, sondern ganz normale Zwiebla . Dia send blooß, obwohl dòngkl ond kiahl glagert, außa schee ond enna braun. Oddr mr kâ se, obwohl obdisch en Ordnong, drodz scharfem Messer nemme gscheid schneida, weil se ällaweil ondr de Fengr wegfludschad.


    Dia Grombiara dia i moin send scho dia gelbe. Was grea isch an de Frichd vo de Nachdschaddagwäggs, wird eh weggschnidda. Abbr wenn vo ma Kilo gelbe Grombiara, wo des Fruchdfleisch außa gelb mid ma kloina blau Flegg isch, ond beim Schnidz schneida dann blooß no blau bis enna nei siehsch, no vrgòht mr ehrlich gsait dr Abbedid. Kâsch mein Fruschd mid derra Erklärong a weng nâchvollziah?

    #252Author opadeldok (1319435) 18 Feb 21, 23:10
    Comment

    Dass schonn ... isch maans aach nedd, wämma fomme Gemiis dii Hällfd odda noch meeh wäägschmeisse muss ... misch hodds nua gewunnd, dass dii bloo waare ... dass hannisch noch nedd gesiin odda geheead gehadd ... wannse fadoab waare, waare se imma groo odda braun geween inne ... dii Grommbäare wii dii Zwiwwele ...


    Awwa jedsade saanisch Gunnaachd unn winschda ehh gudde Naachdsruu ...

    :-)

    #253Author no me bré (700807) 18 Feb 21, 23:32
    Comment

    I kenn die Äedebfl midd de blaoe Fläeck oo, ond dZwihfl midde madschige Schdella in a baar Ring, die wo ma vo ussa idd merkd, oo. Ond ergre due i mi oo jezmohl - do konnd i bluednared wäere 😈

    #254Author manni3 (305129) 19 Feb 21, 01:51
    Comment
    Gudda Morga,
    alsonz dia blao-schwazze Flägga en de Kaddoffl kenne ao. I moi, deschd a Pilz.
    Dao hilfdd zAusschneida nix mea - sodde Kaddoffl muaß ma komblädd fuddkeia. Laidr.

    An scheana Da allemiddanand!
    #255Author schwäble (951819) 19 Feb 21, 08:30
    Comment

    Bis jiez haonis bloss ausgschnidde ond de Reschd gesse. I hao no koi Vrgifdongserscheinonga gemerkt. Nocha wäer i amohl guhgle. Wenns ebbs uis geid, schreibis ui glei.

    Jaa-jaa, a Äerdebfl isch koi Allgaiar Grais: bei deam waxed die blaoe Fläeck in zwai-drei Wucha vo sell raus - im Luxussfall ondr Farbvrendronga wie bei am Kamälijon ;-)


    Abbdeid zwai voer zehne

    Scho ebbs gfonde: https://www.plantopedia.de/kartoffeln-dunkle-...


    Schwarzfleckigkeit

    Es gibt Krankheiten, die die Kartoffelknollen auch von innen schädigen können. Je nachdem, wann der Befall festgestellt wird und wie stark er ist, können geschädigte Knollen graue, braune, bläuliche oder schwarze Verfärbungen aufweisen. Die entstehen neben Viren, Bakterien oder Pilzen auch durch Schlag oder Druck und können abhängig von Temperatur, Boden und Wasserangebot unterschiedlich stark ausgeprägt sein. Auch wenn diese Verfärbungen etwas unappetitlich aussehen, können sie großzügig herausgeschnitten und die betreffenden Knollen bedenkenlos gegessen werden, sie sind gesundheitlich völlig unbedenklich.


    Foddo


    #256Author manni3 (305129)  19 Feb 21, 09:55
    Comment

    An guada Morga liabe Leid,


    i hau geschdern uff d' Nachd no a weng nâchglesa ond ben uff widrschbrichliche Aussaga gschdoßa. Also bei deane Verferbonga kâ sich 's om an Pilz handla oddr au om Drugg- oddr Stoßschdella, wo dann chemische Reaggdziohna endschdandad. Dia one sagàd obedengklich, dia andre sagàd großzihgig wegschneida oddr wegschmeißa. I hau me fihrs wegschmeißa endschieda, weil des oifach oabbediddlich aussiehd.


    I seh grad, dr Manni war schneller, uff derra Seide war i au.

    #257Author opadeldok (1319435)  19 Feb 21, 10:11
    Comment

    Ab ond zua han i des au scho ghett. Den Wender aber bisher edda.On bei meine Demedderkardoffl vo drAlbra glaub i bisher no gar-et.


    Wenn des bei vrschiedene Eikaufsschdella bei dir emmer widder on so arg vorkommt, Opale, nò muasch velleicht amòl dei Lagerong gnauer ãgugga. Donkl, kiahl? Abber et em Kiahlschrank nadierlich.

    Wenn des a Pilz isch, kööt velleicht dei Lagerschdell vrpilzt sei on miaßt amòl grindlich on heiß saubergmacht werra?

    I fiehl mit dr! Kardoffla brauchtmr oifach, on wennse he sen wemmer se nemma will, desch uldimadiver Fruscht.


    #258Author Goldammer (428405)  19 Feb 21, 11:03
    Comment

    I hau dia Grombiara jâ erschd am Samschdich kaufd. Mei Problem isch, dass dr Keller nedd geignad isch fihr d' Lagerong. Dâ isch 's zwar kiahl abbr nedd dongkl gnuag, außerdem wird en de Nâchbrkeller Sach glagert, was nedd òbedengd guat riachd. Em Kichaschrank liegad se zwar dongkl abbr nedd kiahl. Desderwega kauf i emmer höchschdens zwoi Kilo, damid se koine Drieb griagad


    Dâmòls drhoim bei meine Eldra hend se em Keller en dr Katoffelhorde bis weit ens Friahjòhr ghoba. Dâ send em Herbschd zwoi Zendnr bschdelld worra.


    #259Author opadeldok (1319435)  19 Feb 21, 14:15
    Comment

    Leitla, dBude isch saubr! Da Schose hot middam Daisndaudauger gschbielt - so a schees Schbielzeig! I hoff, s‘hebd a :))).

     

    Asso, des Fennomehn, Opadokdrle bei de Kartoffla, honne no nia so grass erläabd. I machs wia sVegale, i kauf, wenns gôht, Demeter-Kartoffla/Banana/Gmias/Obschd – i bin an Demeterfän. Beim Edeka findma dô viel dafoo. Lagara duene mei Gmias im Dunklkellr, do honne au no an zwoita Kiahlschrank.

     

    Mi dätmôl indressiara, wias eich gôht beim Eikaufa. I gang grundsätzlich denn, wenns faschd koine Leit id hot = heit Morga: aufem Parkblatz zwoi Autola, am Fahrradschdendr oin gotziga Gebbl. Also gôht’s Gäbale beschder Laune ins Gschäft nei. Auserm Personal faschd niemand dô. Bin am Obschd, ganz aloi und hol fr da Schose a baar Demetr Banana. Schwubbdiwubb bäbbad a Frau ammer und holt au Banana (Augaroll, abr innerlich, id dassmas sieht), i gang a baar Schritt zrigg und se glotzdme a, ass obse beleidigd hed. Nägschde Schdazion: Oijer. I nimm des Oijrschächdale in dHand und dua meine sechs Oijer nei. Wer schdôht blezlich näba mir? A andre Frau und duats gleiche. S’Geschfd lär! Faschd koiner dô! Kennad dia id a baar Sekunda warta, bissi ferdig bin. Abr wissader wa am allerschlimmschda isch? Da Schose machts gleich und snervdan, wennems untr dNasa reib. Drum gange jetzt au bloß no alloi eikaufa.

    Sagedmer, bin i pingelig? Bini id normal? Wia isch des bei eich?

    #260Author Moi Gab (456541)  19 Feb 21, 15:57
    Comment

    Noi Gäbele, du bisch weder 's oine no 's andre. Des send dia andre, dia z' bled send, sich dia oifachschde Regla z' merka. I dreh me en solche Fäll om ond muschder se vo oba bis onda. Des hòt bis jetzt emmer gwirgd, nâ gehn se an Schridd zruck, wenn hendr denne nedd au so Bresser schdohd.


    Midm Eikaufa gòht des bei so friah am Morga no nedd. I brauch mei Âlaufzeid ohne Drugg ond Hegdig. I kauf meischdens onder dr Woch zwischa Oins ond Drei ei, dâ isch au nedd viel los.

    Fihr mi isches a Hegschdschrâf, wenn i älle zwoi Jòhr zum Check Up zu meiner Hausärztin gang. Nichderntermin om Vierdlneine. Nix essa, nix drengka, koi Zigarettle. Furchtbar.

    #261Author opadeldok (1319435) 19 Feb 21, 16:38
    Comment

    ädd snervdan, wennems untr dNasa reib. Drum gange jetzt au bloß no alloi eikaufa.

    Mei Gäbele, ond du vrzichdesch uff die gued Gläegehaid, dassdm ebbs ondr dNees reibe kaasch? Midd sedde feîfihlege Bardnarinna haonis laidrgoddes meinr Läebdag no nie idd z dond kedd.

    Jiez isch amend woll z schbäd fier eis zwai 😕


    Abr gang häe, drfier kaane dier a baar waiche Elfmillemeddraahla ââbiede :-))


    #262Author manni3 (305129)  20 Feb 21, 01:50
    Comment

    Mir bassiert des au ab on zua, Gäbele. I sag nò meglichscht fraindlich: kennded Sie bidde a bissle besser Abschdand halda? - on des hòt bisher emmer gut fungzjoniert.

    #263Author Goldammer (428405) 20 Feb 21, 12:43
    Comment

    Schbròchfròg des Tages:

    wer von eich kennt "schlebaucha"?


    (Mir hen heit en dr Familie drieber gschwätzt / dschäddet on hen feschtgschdellt, dass die eldere Generazjoh des no kennt, de Jonge nemme. I han au scho rescherschiert on endressande Sacha rausgfonda, abber des vrzehl i erscht, wenn ihr eich g'eißert hen.)

    #264Author Goldammer (428405) 21 Feb 21, 20:11
    Comment

    Koi Ahnong, was schlebaucha isch.


    Nocha haoni guhgled ond hau des Woed in am kloine nidreschdreichesche Wäedrbuech im Waldviedl gfonde, dreißg Killemeddr nerdlech vor Doane ond hondrd Killemedder hendr Bassao. Do frog i mi jiedz doch, wean s do ins Ausland vrschlage had, ebban vo donda odr ebban vo hoba, däe wo des Woed in dr Fremde eigschlebbd hadd ;-))


    Veleichd isch ja a Schwob gwe, deam wos sellemohle uff so ar Ulmar Schachdl so däermaßn schläechd woere isch, dass a liebr im Waldviedl blihbe isch, als dass a weidr uff des Rumenje nààgfahre isch.

    #265Author manni3 (305129)  21 Feb 21, 23:16
    Comment

    schlebaucha


    Alsonz, schbondaan däde saga, dasses nedd kenn - aaaabr, wia saidd mas?:


    'schlee baucha odr 'schlebb aucha odr schle 'baucha odr schlebb 'aucha odr .... ?


    Guaz Nächddle, allemiddanand!

    #266Author schwäble (951819) 21 Feb 21, 23:50
    Comment

    Veleichd isch ja ois vo deane franzesesche Wäedr wie Boddschamberle ond Droddwahr:

    sch... le beau chat

    #267Author manni3 (305129) 22 Feb 21, 00:05
    Comment

    "... feschtgschdellt, dass die eldere Generazjoh des no kennt, de Jonge nemme."


    Emmerle, du hòsch me jetzat uff d' Nachd no gligglich machd. I derf me no zu de Jonge zähla. Dangk dr schee. ;-)


    I hau's no nia nedd ghert khet.

    #268Author opadeldok (1319435) 22 Feb 21, 00:24
    Comment

    😀


    I lass eich no a weng schmora. Velleicht kennt's jò doch no ebber.


    @ Schwäble: 'schlee-baucha

    #269Author Goldammer (428405) 22 Feb 21, 11:49
    Comment

    Schleaha send schwear adstringierend, wann's no koin Froscht ghett hand - schlebaucha isch alzo, daßmr da Bauch eiziaht, wia's oim 'sGsicht zamziaht, wammr a Schlehabearle schlotzt.

    #270Author Selima (107) 22 Feb 21, 11:58
    Comment

    I kenn schleebaucha a it.

    Abr wenn am Amoisle sei Endrbreddazjoh schdemmt, dann isches ebbes wia Ranzareißa.

    #271Author twocents (460778) 22 Feb 21, 12:04
    Comment

    I sott no drzua saga, daßes nadierlech oo idd kenn.

    #272Author Selima (107) 22 Feb 21, 12:10
    Comment

    Abr Dei Leesongsâasatz isch schêa! :-))

    #273Author twocents (460778) 22 Feb 21, 12:16
    Comment

    Ja, dia gfalltmr oo - glingt dodal logisch, fende :-)

    #274Author Selima (107)  22 Feb 21, 12:18
    Comment

    Also leider muss i ufgrund vora Lautvrschiebong dera sehr greadiva on schena Lesong vom Ameisle a Absag erdeila.


    Mei Vadder hòt des zom Beischbiel benitzt, bei ihm hòt des so was ehnlichs wie "lechzen" ghoißa - a ganz schdargs, fascht kerberlich schbierbars Vrlanga nach ebbes wo er em Moment (no) et hòt griega kenna, zom Beischbiel wenn-r arg hungrich gwä isch on er ufs guade Essa no hòt warda mießa. En dera Bedeidung isches meine Schweschdra on mir vrdraut.


    Des scheint abber a schbezjelle Bedeidong zom sei. Meine Rescherscha en dr Eddimologie, beim Fischer on bei de Grimms Buba hen ergeba, dass es eigentlich "schlä(g)baucha" hoißt on bedeidet: keuchen, schwer atmen, es vor Anstrengung kaum noch schaffen - on dass-es vo de Dierla her kommt, von dene schdoßweise (Schläg...) Atemschdeeß am Bauch wenn zom Beischbiel a Gaul am Rande der Erschepfung isch. A alder Beleg bei de Grimmsbuba schdammt zom Beischbiel ausma Buch ieber Pferdegrankheida ausm 16. Jh: das rosz, welches mit dem hertzgespan beladen, wirdt math und krafftlos, uberkommet schmale eingefallene lenden und schlegbeuchet daneben.

    #275Author Goldammer (428405)  22 Feb 21, 14:23
    Comment

    Ngram Viewer hadd seit 1500 fier

    schlagbaucht,schlägbaucht,schlägbäucht,schlagbauchen,schlegbeuchet, schlägbaucha, schläbaucha:

    No valid ngrams to plot!

    #276Author manni3 (305129) 22 Feb 21, 14:34
    Comment

    Was ischn NGram Viewer fir a Deng? I han jetz grad koi Zeit weider zom gugga....

    #277Author Goldammer (428405) 22 Feb 21, 14:45
    Comment

    Dr Ngram Viewer, Beispiel Verzehrmenge,Verzehrsmenge suechd a Woed odr Wäedr in druckde Biechr, die wo im Indrnedd schdanded. Des wäered allad mäehr, seid allad mäehr alde Biechr diggedallesierd wäered. Ma kaa vrschihdene Schbrocha ond vrschihdene Johreszahla eigeah. Bei zwai odr mäehr Wäedr uff oimohl habba an scheane Vrgleich ibr die Brozendââgaba.


    Des haißd in deam Fall, dass a in koim druckde ond diggedallesierde Buech seid 1500 ois vo deane Wäedr schlagbaucht, schlägbaucht, schlägbäucht, schlagbauchen, schlegbeuchet, schlägbaucha, schläbaucha gfonde hadd. Komischarweis oo bei de Grimms idd. Vileichd suechd a idd in Wäedrbiechr.


    #278Author manni3 (305129)  22 Feb 21, 15:17
    Comment

    Ah okeh, danke.

    Abber du hòsch-es bei de Grimmsbuba scho gfonda, odder?

    Dò kommts onder schlägebauchen


    (On i glaub, dass der Wjuer net im Indernet gugget, sondern bloß bei vo Guhgl digidalisierde Biecher, odret? Moinsch de alde Buch-Ausgabe vo de Grimms sen bei Guhgl digidalisiert?)

    #279Author Goldammer (428405)  22 Feb 21, 15:52
    Comment

    ädd Moinsch de alde Buch-Ausgabe vo de Grimms sen bei Guhgl digidalisiert? - Waiß i idd. S wäed jebmfalls idd ââzaigd.


    Vo meim Vaddr (dr jengr Bruedr vo meir Dande Senz {Johrgang 98 - wissed scho} ) kennis oo idd, ond däe hadds gäere midde alde Wäedr kedd, zuer Fraid vo meir Mueddr !

    #280Author manni3 (305129) 22 Feb 21, 16:13
    Comment

    Em Bairischa WErdrbuach ischs oo denna:

    https://publikationen.badw.de/de/bwb/index#26621

    #281Author Selima (107) 22 Feb 21, 16:22
    Comment

    Jetzat woiß i au was schlebaucha, schlegbeuchen etc. isch, weiler 's uffglärd hend ond weil i heit selber schlebauchad hau. I be nix mai gwehnd.


    I hau mr a scheene Wandrtour ausguggd khet ond be nach Honau zur Echazgwell gfahrà. Dr Âfang vo dr Wanderong war a weng bled, weil faschd koine Wegweisr dâ wared. I hau me zwoimòl vrlaufa ond wiader omdreha miaßa bis den Einstieg en den Burgschdelleweg gfona hau. Nòch zwoi Kilomedr scharf lenks en d' Schlösslesschdeige abboga ond nâ ziagd sich's dr Buggel nuff. Ondrwegs haune drei-, viermòl kurz âhalda

    miaßa weil geschlebauchad oddr schlegebauchad hau bevor i am Schloss Lichtaschdoi âkomma be. Kurz uff an Schdoi nâghoggad, was drongka, a Zigareddle grauchd ond dann weidr gloffa. Ond wiane midda em Wald dr Rückweg über dr Ohafelsa zom Parkpladz laufa hau wella, isch der wega Holzfällarbeida gschberrd gwäa. Des häddad se au oba am Schloss scho nâschreiba kenna, dia Siach. Also wiadr zruck ond nomòl uff dr Plaa guggd. Aldernadive wär gwäa an der Bundesschdròß endlang, noi gwiaß nedd, oddr zruck wiane komma be. Uffm Rüchweg haune dann a Abzweigong gsäa, dia iebr an Alpinpfad zur Gwell zrickfiehrd, den haune dann au gnomma. 'S war drodzdem schee.


    Abbr wissad was mr jetzat dean?


    D' Fiaß weh. On morga haune beschdimmd an saggrischa Musglkadr.


     

    #282Author opadeldok (1319435) 22 Feb 21, 20:02
    Comment

    Wao, desch a kabidale Ronde! Schappoh! Dò hett i au Musglkader.


    Schad dass-e heit et dò gloffa ben - des wär doch luschdich gwä, wemmer ons begegnet wäret on ons a weng gmuschdert heddet on nò hett ons Intuizjoh eigeba, ha desch es Opale bzw. 's Emmerle, on nò heddamr ons begrießt, wia wemmer schoml ebbes mitenander zdo ghett heddet....

    #283Author Goldammer (428405) 22 Feb 21, 21:43
    Comment

    ädd Musglkadr - moined dier amend an Muschglkadr? ;-)

    #284Author manni3 (305129)  23 Feb 21, 01:16
    Comment

    Dr Grimm - ond au da Schmeller ibrigens - sen digitalisiert. Des woiß i bals en dr Zeitong gschande hot. En dr Schtaatsbibliothek hen se des gmacht.


    Schlagbauchen schdeht beim Schmeller allerdings net drin.

    #285Author bluesky (236159) 23 Feb 21, 09:29
    Comment

    Komesch, dass des schlägebauchen vom Grimm seine Buebe beim Ngram Viewer idd aufdauchd.

    #286Author manni3 (305129)  23 Feb 21, 11:14
    Comment

    Emmerle, des wär gwieß luschdich gwäa. Abbr no luschdicher wär's gwäa, wenn mr ons droffa häbad ond häddeds nedd gmergd. Ond du liesch dann henderher mein Berichd ond sagschd dann: Ach du warschd des? ;-)


    Manni, egal wianen schbrichsch oddr schreibsch, hòschd oin schbiersch des an de gleiche Schdella ond en dr gleicha Schdärge. ;-)


    I hau mr grad iebrlegd, dass i bei ons dâ hannà (uffdâhannàzoig) no nia jemand Muschglkadr sagà hab hera. Abbr beim luschdig ersetzad mr "s" au durch's "sch". Komisch, gell.



    #287Author opadeldok (1319435)  23 Feb 21, 11:22
    Comment

    Ond bei dr Coronamaschge oo!



    @281 - Maisle, i haos midd Woolwolle regeschdrierd :-))


    #288Author manni3 (305129)  23 Feb 21, 12:15
    Comment

    Dangkdrschea, manne. Desch a scheana Woll ;-)

    Em oba vrlengkta Bairischa Werdrbuach schdond alz Literaturhinweis iebrigenz:

    Schmeller 11,496.- Schwäb.Wb. V,873.- DWB IX,338 f.- W-ll/52


    Waschn des fra Schwäbischs WB? Gibt's des oo onlain? Woiß des ebber?

    #289Author Selima (107) 23 Feb 21, 12:49
    Comment

    Waschn des fra Schwäbischs WB? Gibt's des oo onlain? Woiß des ebber?


    Des dirft's sêi.

    #290Author twocents (460778) 23 Feb 21, 13:21
    Comment

    Wo siegsch du do an Hinweis aufn Schmeller, Maisle?

    #291Author bluesky (236159) 23 Feb 21, 15:12
    Comment

    I bêe zwar it sAmoisle, abr en Schbalde 1360, am End vom Ardiggl [(geschläg]b., grad obrhalb vo [schmalz]b., schdandat Liddraduurhinweise. Dr erschde isch der aufn Schmellr.



    D'Eddid moint no, dass-d se a bisslale hibbla däät ...

    #292Author twocents (460778)  23 Feb 21, 15:59
    Comment

    DuSenzle, d'Edidd däät a bissle hibble, wenn waas bassiere däät?


    Dr Konjenkdif ois - falls d n amohl brauche däädesch - fier d indireckd Red wär ibregenz:

    d'Edidd moind, se däeb a bissle hibble 😉


    [Nix fier ôôgued, gell ;-)]

    #293Author manni3 (305129)  23 Feb 21, 16:37
    Comment

    I woiß ned. I moin, daß des bei oos boids "däd" hoißa däd.

    Em Radio hotdr Lokalrebordar s FFle endrviewt ond rabbortiert, daßas FFle moina däd, se däd glei s Hibbla afanga, fallz dia 300 no gneachr komma däd.

    Odr: ..., daßas FFle moint, se fangt glei s Hibbla aa, fallz dia 300 no gneachr kommt.

    ... des däd oo ganga/ginget au.

    #294Author Selima (107)  23 Feb 21, 17:38
    Comment

    Des schdemmd scho: Se däd hibble, falls/wenn i s nuije Fädele vrgäeße däd.

    Abr wenn dEdidd em DuSenzle xed hedd: "I hibble scho!" nocha däd eis s duSenzle in dr indireckde Red middaile: dEdidd hadd gmoind, se däeb scho hibble.


    Des schrieb i abr alls so ausfiehrlech, weil i oifach de Konjenkdiv ois so gäere mag - oo uff Hoechdeidsch :-)



    FWIW: Do geiz a Mähdeckamend zom Endhibble ;-)

    #295Author manni3 (305129)  23 Feb 21, 18:08
    Comment

    I däd sagà, dasse au blooß däd sagà däd. Abbr was wois i scho? I be jo nemme em Dädsch-Vrei. ;-)

    #296Author opadeldok (1319435) 23 Feb 21, 18:22
    Comment

    Also mei Vadddr isch bei de Durnar gwe ond habbr erkläerd, dassba noch am ibrdrihbe lange Drähning leichd an Muschglkadr krieg, grazo wemma a lange Wandrong gmached häb!

    #297Author manni3 (305129) 23 Feb 21, 18:33
    Comment

    Mei Manni, was woiß i scho vo dr Eddid. ;-)


    Opale, bisch Ammend koi Däätschmer?


    I hau me grad enthibbla lâu - dr nägsche Frisseertermin isch ausgmacht. Ende Merz ...

    Bis dettnâa ben-e zuagwaxa wia a Schettlendponni.

    #298Author twocents (460778) 23 Feb 21, 18:35
    Comment

    Schick mr a Foddo, DuSenzle ;-))

    #299Author manni3 (305129) 23 Feb 21, 18:37
    Comment

    manni, d' Enthibblong hòt erschglassich fongzoniert. I be so ebbes vo erleichdert.


    I ben heit uf drAlb gwä, ganz en dr Nähe vom Lichdaschdoi, guat zwoihondert Meder nordweschtlich, Luftlinie, vom obera End vo dr Schleßlesschdoig, Opale, am sonnicha Siedhang vom Linsabiehl. Mr hent an Wolldebbich drbei ghett on a Middagsschläfle en dr Sonn gmacht. Ha, des war schee!


    Noml fir älle: dò gòht's zom neia Fädale!


    *dDierzumach on s'Liacht ausmach - et dasses dòhenna omasuscht Schdrom vrbraucht!*

    #300Author Goldammer (428405)  23 Feb 21, 18:37
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt