Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --202--Alemanneschwobefädele--202--

    Topic

    --202--Alemanneschwobefädele--202--

    Comment







    Des isch s zwaihondredzwaid endrnazenal Alemanne-Schwobe-Fädele,

    in deam wo ma allarlai Warianda vom Schwäbesche ond Alemannesche läese ond schreibe ka.






    Einladung


    Besucher mit anderen Dialekten sind herzlich willkommen!


    Auch für Hochdeutschsprecher könnte die Erfahrung amüsant und interessant sein, ihre Sprache mit unmittelbarer Laut-Buchstaben-Zuordnung zu schreiben:


    Auf schtaigt dea Schtraal unt falent giißt

    ea fol dea Marmoaschale Runt, 

    dii, sich fäaschlaiant, übafliißt

    in aina tswaiten Schale Grunt;







    Imfo-Linx


    ◎ Vo dedd kommebr ond jiez goz do hinna weidr.

    ◎ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ◎ Do isch a frisch abbdeidede Landkarde midd am Haufe Middschreibar ond Middschreibarna

    Dedd geiz a Lischde mid an die femfhondred schbezjelle regjonahle Wäedr. 

    ◎ Do isch no a Link zue de eldre Voergengarfädela.


    Ond zue guedar Ledschd kudd no dr Allgaiar Ââfeijerongsruef, däe wo [last nɪçt ˈlɔkɐ] bedeided ;-)





                        Land id lugg!


    Author manni3 (305129)  23 Feb 21, 18:10
    Comment

    Im Schmeller Band 2, Spalte 496 find i nix.

    #1Author bluesky (236159) 23 Feb 21, 18:41
    Comment

    Enthibblat ...


    Danggschêa, Manni!

    #2Author twocents (460778) 23 Feb 21, 18:41
    Comment

    So a schees nuis Fädele, manni!

    I ben gschbannt, ob dia Horda vo Hochdeitschschbrechnde on andere Dialegdiger ons jetzt d' Bude eirennet! Fraia dät me's scho, wenn de oi odder dr ander sich bligga lassa dät - vo dene dia wo scho lang heimlich äls reigugget, odder vo dene dia wo ons ganz nei endeggt hen!

    #3Author Goldammer (428405) 23 Feb 21, 18:42
    Comment

    Im Schmeller Band 2, Spalte 496 find i nix.


    Dau kâa sAmoisle wahrscheinle nigss drfier.

    #4Author twocents (460778) 23 Feb 21, 18:42
    Comment

    Nadierlich net, des hab i abr au nie behauptet.

    #5Author bluesky (236159) 23 Feb 21, 18:50
    Comment

    Dangkschee Manni fihr dr neie Fada ond dâ drfihr, dasser'n glei obaghalda hend. Sonschd hädd i womeglich dr Fada vrlaura.


    Des midm Musglkadr (dei giedigs Eivrschdändnis voraussedznd bleibe drbei) kommd hald drvo, wenn mr z' lang uff dr faula Haud omanandrleid. Bis jetzat gòht's no, abbr 's fangd bei mir emmer erschd am folgenda Âbed â.


    Dia Bedonong beim Dädsch-Vrei isch uff nemme glega, i war also scho a Weile Midglied.


    Emmerle, des hender genau richdig gmachd. D' Âzahl vo de Bsuacher dirfd wahrscheinds genauso iebrschaubar gwesa sei, wia bei mir geschdern. I hau au scho was neis bland. Dr Draufgang Hossinger Leidr en Albschdadt. Blooß ob i scho morga zom Draufgängr, nedd Draufgänger, werd, hängd vom Vorhandasei eines ewenduellen Muschglkadrs ab.


    Jetzat haune doch glatt Musglkadr falsch gschriaba. Manni du hòschd me âgdscheggd. Abbr zom Bossa lasses grad schdanda.

    #6Author opadeldok (1319435)  23 Feb 21, 19:16
    Comment

    Re "Schmeller": https://www.bavarikon.de/object/bav:BSB-MDZ-0...

    ...

    dau wär's dren.

    #7Author Selima (107) 23 Feb 21, 20:27
    Comment

    Eh neijes Fäädelsche ! Danggescheen Faadebabba !


    *aangemälldbinn*

    :-)

    #8Author no me bré (700807) 23 Feb 21, 20:30
    Comment

    Dedith isch scho miad ond will no gschwind nauchschiaba:

    Dangke, FFle, frs Zitat. I hau a wengale romgsuacht, abr koi digidala Ausgab gfonda. Schad.


    Ond o a herzligs Dangkeschea an da FädalesschniarAr.

    #9Author Selima (107) 23 Feb 21, 20:31
    Comment

    D' Hossinger Loider kenn-e et, Opale. Wo gnau ischn des? Vrzehlsch nò wia's dò gwä isch.

    Du bisch abber echt dichdich, wennda äll ander Dag (vorausgsetzt dr Musglkader - i gher au zo dera Fraktzjo, baißewei - erlaubz) an kombledda Albaufschdieg nufgrebslesch!

    #10Author Goldammer (428405)  23 Feb 21, 20:47
    Comment

    Fihr heit haune des vrworfa. Dr Musglkadr isch zwar nedd so schlemm wiane dengkd hau, abbr i lauf scho a weng orond. Morga soll jâ au no an scheener Dag.


    Meine Wanderonga, dia jâ em Wendr a weng seldener schdaddfendad, haune aus Wanderfiehrer vom Albverei oder ander ma andra Verlag oder vo einschlägige Seita ausm Endernedd, z.B. vo dâ:


    Hossinger Leiter


    En dem Fall liegd dr Wanderparkplatz uf halber Schdregge zwischa Lautlinga ond Laufa an dr Eyach, also weschdlich vo Ebinga.

    #11Author opadeldok (1319435) 24 Feb 21, 16:03
    Comment

    Jiez haoni grad a Riesen-Heureka kedd: :-))


    Do deana hadd dr Marte vo Kallifornia ibr dEddemollegih vo impfe gschrihbe, ond i waiß jiez endlech, wieso mei Vaddr mankmohl Obschdbeim aufgemded hadd, ond wies sei kaa, dasses des gleich Woed zSchleswig Holschdein doba oo geid, obwohls soschd neanaz bekannd isch!!

    Des kudd ussm Laddeinesche impute / imputāre.


    Des Woed ziechze uff däer Karde ja biss in Schwaazwald nomm. Kennd dees ebbar vo ui, odr isch es amend außr Gebrauch komme?


    #12Author manni3 (305129)  26 Feb 21, 09:02
    Comment

    Laut dera Kart wär des jò eigentlich scho mei Gegend.

    Abber i kenn's net, abber des kennt au drmit zdo han, dass i oifach zweit weg ben vo dr Themaddik. I han nie nähers mit dr Obschtbaumbfläge zdo ghett on au niemand kennt wo Obschtbaim ghett hòt.


    (Abber desch echt endressant, dass des die urschbringliche Bedeidung von impfen isch!)

    #13Author Goldammer (428405)  26 Feb 21, 11:39
    Comment

    I kenn "embda", mei Vaddr hat's gsait, wennr vom Bêim Pfropfa gschwätzt hat.

    (Auf dr Kart bedriffds da kloina Huggl siedlich vo dr Dôana ond rechts vo dr Illr.)


    Z Pommern hoißts "enken" ônd an dr ôndra Ems "enken".

    #14Author twocents (460778)  26 Feb 21, 12:30
    Comment

    Bei emden hädd i eher an Heumacha (Öhmd) dengkd. Abbr was woiß i scho, be jâ nedd en dr Landwirdschafd uffgwachsa.

    #15Author opadeldok (1319435) 26 Feb 21, 12:52
    Comment

    Laud Karte wär des bei oos drhoimt oo so grad vrbroided. Mei Baba hot abbr allweil "belza" drzua gsät. Abr des koot oo daudrvo komma, wall seine Eldra ausm Rias send.

    #16Author Selima (107) 26 Feb 21, 13:07
    Comment

    Opale, s zwaide Hai haißd bei eis Âûmad - dò mueßba âûmade.

    DuSenzle, an dr ôndra Ems "enten"

    #17Author manni3 (305129)  26 Feb 21, 13:35
    Comment

    Ehmda / öhmda firs zwoide Hai kenn i nadierlich au.

    I han em März goldene Konfermazjoh emeim Hoimetdorf Ondriedenga (keetsch du des vrorda, Opale? Isch abber glaub et so oifach zom erkenna....). Wenne drãdenk, fròg i a baar vo meine Glassakamerada on -kameradinna, ob se des kennet.

    #18Author Goldammer (428405) 26 Feb 21, 13:39
    Comment

    Wenn me mei Erinnrong nedd deischd, miaßd des en dr Herraberger Gegad sei.


    I glaub en dia Richdong haune scho amòl a Radldour mid 'ra Kollegin gmachd bzw. macha wella. En Holgerlinga send mr gschdarded ond hend iebr Maura, Ehninga ond Herraberg Richdong Nagold en 'ra Schloif wiader zruck fahra wella. Kurz hender Herraberg hòt se koi Luschd me khet, weil's ihra z' kalt ond wendig war. Nâ hend mr hald omdrehd ond send dr gleiche Weg wiadr zruck gradeld. Obwohl 's Weddr scho morgens bekannd war, hòt se hald koi warme Radkloidong drbei khet. Wa widd dâ macha?

    #19Author opadeldok (1319435)  26 Feb 21, 14:01
    Comment

    Erschmôl „merssi bokuhle“ Manni fr sneije Schbägale!! und au fr dia Ahla, dia wone no im Vorschbaga gfunda honn!

    I honn jetz sage und schreibe a Schdund brauchd, bisse älls nôchgläasa ghett honn. Ersch honne gmoind ghett ihr heddad seidem 23zigschda nixme gschriebe, bissi Dubl gmergd honn, dasses scho längschd a neis Fädale gitt – auno dankdrschee, Vegale. Irgandwia ränntmer schdendig dZeit fudd. Merdale! Grad hottme mei Briadarle agruafa, obbe mid zom wandra will – no honne noi saga miassa, wellemr scho ewig vorgnomma ghett honn, heit Birro zmacha. (sieht grad so aus, assob dô au sLeola dazuaghert). An Briafwahlschei honne au scho beadragd und jetz wille no meine Imails beantworta, vorse schdaubig werrad.

    Ibrigens, i find, dasses zuanämand schdaubiger wird im Haus dinna. Isch des bei eich au so? Am meischda fallbmr des im Bad a da Badwann und a de Bodafliasa auf. Odr binne frianer blind dafiar gwäa?

     

    Vores vrgiss: schlebaucha honn i id kennt, abr dafiar „emda“ (des hott frianer da Bauer Sauter auf da andra Seit voda Schdroß gmacht (do, wo’s frianer a große Wiesa mit Epflbeim ghet hot und sGäbale assa Kind in da Hennascheiße rumdabbed isch und wos jetzt lautr Heiser hot). Und g’öhmdad hennse ammel bei da Verwandschaft in da Hell (Höll bei Tettnang, id dia vom Dante) auf da Wiesa.

     

    Häff a naiß Reschddeile, Schbätzla!

    #20Author Moi Gab (456541)  26 Feb 21, 14:26
    Comment

    Schee, dass da drodz Schdress reiguggd hòschd, Gäbele.


    En Schduagert hòt's jâ scho emmr meh Schdaub gäa als außerhalb. Abbr i moin au, dasses en de ledschde baar Jòhr me worra isch. Vielleicht hängd des bei mir abbr au drmid zamma, dass i seid zwoiahalb Jòhr meh drhoimd be ond deshalb meh Schdaub uffgwirbld wird. I sodd me langsamer bewega. ;-)


    Edwa so, wia der, iebr den se amòl an kurza Berichd em SWR Fernseha brochd hend. Der laufd emmer on iebrall bewussd langsam, en seiner Wohnung brauchdr fihr zeah Medr, i glaub, a halbe Schdond. Sacha geits.

    Abbr jedem Dierle sei Blässierle.


     

    #21Author opadeldok (1319435) 26 Feb 21, 14:56
    Comment

    Opale, s zwaide Hai haißd bei eis Âûmad - dò mueßba âûmade.

    Genau, D'Haiad ôid d'Âumad.


    DuSenzle, an dr ôndra Ems "enten"

    Ja, schdêmmt. Scho bleed, wemma beim Leola (danke, Gäbale, fr des Wertle!) gschddeert wedd, weilma ebbes schaffa muaß ...


    #22Author twocents (460778) 26 Feb 21, 15:32
    Comment

    I hen mi au scho gwundret, wo der ganze Schdaub herkommt, des war doch friar net so viel.

    #23Author bluesky (236159) 26 Feb 21, 15:41
    Comment

    Vielleichd, weil dr Feischdaub draußa vrboda isch ond sich deswega en de Wohnonga vrschdeggd. ;-)

    #24Author opadeldok (1319435) 26 Feb 21, 15:56
    Comment

    Däe kudd vor Sahara.

    40 Milliona Tonne Schdaub em Johr flieged zom Denge zue de Amazonasweldr nomm. Abr zue eis oo. Dur de Klimawandl wäez scheinz mäehr.

    https://de.wikipedia.org/wiki/Saharastaub

    #25Author manni3 (305129) 26 Feb 21, 16:11
    Comment

    Des kennd a Erklärong sei, Manni.


    Abbr nâ handeld sich's om an Kamäleonssand. Sobald 'r bei mir isch, bassd'r sich dr Omgebong â ond wechsld sei Farb en grau. ;-)

    #26Author opadeldok (1319435) 26 Feb 21, 18:06
    Comment

    I horchmr grad an Vortrag zur Ortsnamensforschung en Bairisch-Schwauba a ond dau isch grad dia WS agea worra. Pferrleicht endressierts wen daherinna:

    https://www.geschichte-bayerns.de/ortsnamen

    #27Author Selima (107) 27 Feb 21, 09:16
    Comment

    Nadierlich indressiert uns des. Uns indressiert älls, wa vo dir kommt. Schliaßlich bisch jô au unsr gscheids Amoisle 🙂


    Boschurle tullemond auno! S'Gäbale gôht heit im Allgei wanderra (bei Karsee). Da Schose will id mit. Wett id äbber vo eich komma und aufen aufbassa?

    #28Author Moi Gab (456541) 27 Feb 21, 09:45
    Comment

    Gummoin allegaare !


    Kanna nedd off sisch sällwad offbasse ? Däa ess doch schonn eh Groosa ... unn bissisch doo wäa, bisch Duu beschdimmd schonn wedda fomm Wannara ßeregg ...

    :-)

    #29Author no me bré (700807) 27 Feb 21, 10:03
    Comment

    Mei Gäbele, so wie i dean kenn, will däe idd Deidsch schwädze ond Schwäbesch oo idd - on i kââ idd Franzesesch ;-((

    #30Author manni3 (305129) 27 Feb 21, 10:37
    Comment
    Meisle, dannggschea fr dean Lengg! Wemma dao onddr "Ortsdatenbank" guggadd, geiz no mea ebdressandde Täggschdde. Subbr!

    Ond "emdda" kenn i ao no ... des hadd mei Babba bei de Ebbflbeim gmachdd.

    A scheas Wochenende allemiddanand!
    #31Author schwäble (951819) 27 Feb 21, 11:46
    Comment

    Maisle, dank dr schea fier dean Lenk zue de Oerdsneme ;-)

    I hao glei bei meim Geburzoerd nochglueged ond do schdemmd alls midd deam ibreî, so wieni s seid sechzg Johr im Kopf hao :-)

    #32Author manni3 (305129)  27 Feb 21, 14:03
    Comment

    An guada, scheena Märzamorga liabe Schwoba ond au Neddschwoba,


    heit isch medeorologischer Friehlingsâfang, 's góht langsam berguff. :-) Allerdengs soll's am Freitag scho wiadr zeamlich frisch werra, höchschdens 4° C. :-(


    Mir fälld zom heidiga Dag grad an Schbruch ei, dean mir als Kender am erschda März emmer gsait hend: "Märzagâs hòt Dregg an dr Nâs". I woiß abbr nemme warom, 's kennd vieleicht so was ähnlichs wia en April schigga gwäa sei. Kennd des jemand vo eich?


    Machàd eich an scheena Dag on dengkad bei ällem was 'r deand drâ: No nedd hudla.



    #33Author opadeldok (1319435)  01 Mar 21, 10:06
    Comment

    Desch jetz glatt, Opale...i han me so donkl erinnert, abber i han gmoint, i häb's mit "Aprilagãs" em Kopf.

    Nò han-e oifach amòl Märzagas guuglt on tatsächlich ebbes gfonda.

    En de Schduggarder Nòchrichda hòt amòl ebbeer den Schbruch au so wie du zidiert ghett, on dòdruf hòt a Läserin gschrieba:

    "Ich kenne den Spruch so: Märzadubbl hot Dreck of em Buckl, Aprilagas hot Dreck of dr Nas."


    Scheints gibt's boide Wersjohna.


    Orginalmeldong


    (...dò kommt au no a Gschichtle aus dr Kadegorie "Augamòßschdenderle sucha", enra Wariande wo i no net kennt ghett han....)

    #34Author Goldammer (428405) 01 Mar 21, 11:45
    Comment

    Dangkschee fihr den Lenk, Emmerle. :-)


    Des midm Augamòßschdenderle haune nedd gfonda, au nedd mid 'ra Suachmaschee. Wenne "Augenmaßständer" eigeb gibt's Dreffer, abbr uff schwäbisch koine. Hòschd mr an Lenk fihr des Gschichtle?


    Mid solche Begriff wia Augamòßschdenderle, Feierâbendschablon, Nockawellabeleuchdong hend se friehr glaub älle Lehrling vräbbled oddr zomendeschd hend se 's brobierd.

    #35Author opadeldok (1319435)  01 Mar 21, 13:08
    Comment

    Koi Wonder dass du nix gfonda hòsch. Dò gibt's nix zom fenda.

    I han den Begriff "aus dr Kadegorie Augamòßschdenderle" schbondan als Oberbegriff fir den Tübb vo Gschichtla kreiert, dia schilderet wia mr frieher d' Lährling vrarscht hòt.

    Nockawellabeleichdong han i iebrigns au no net kennt ghett.


    D' Edith moint iebrigns no: mei Jonger isch jò Kaeffzettler, den han i grad gfrògt, on er hòt gsagt dass des au emmer no ieblich isch en de Werkschdädda. Er selber hòt als Lährling amòl em Lager nochm Siemens Lufthaken gfrògt.....

    #36Author Goldammer (428405)  01 Mar 21, 15:15
    Comment

    Jetzt wenn i no wißet, was Mäzadubbl odr Aprilagas sen...

    #37Author bluesky (236159) 01 Mar 21, 15:42
    Comment

    An Dubbl isch a dommer, bleder Mensch, on a Gãs isch a Gans, also a Schempfwort fir a blede Frau - also des Schbrichle isch oifach a dschendergerechde Vrarschong vo Fraua on Menner. I glaub maih Tiefsinn isch et drenna.

    #38Author Goldammer (428405)  01 Mar 21, 15:48
    Comment

    Emmmerle, hat dr Bua au nauch ma Schraubaziahr fr Lenkshendr gfraugt?

    S Päckle Ibidom odr Haumiblau kennsch gwieß au.

    #39Author twocents (460778) 01 Mar 21, 16:00
    Comment

    Da Kiebl Abfallschdrom ond d'Bogaschnur idd vrgessa ;-)

    #40Author Selima (107) 01 Mar 21, 16:07
    Comment

    Ah, jetzt, ja! I hau des "...dò kommt au no a Gschichtle... uff dia Serie vo dr Zeidong bezoga.


    Genau, dr Siemens Lufthâka wird au uff jeder Bauschdell, wenn mr nedd woiß, wia mr was uffhänga kà, emmr wiader gern gnomma. ;-)


    Fihr's Päckle Ibedomm ond Haumeblau en dr Abodhek zom hola, hend me meine äldere Briadr als Kend au scho schigga wella.


    An Beschongshobl ond Ausgleichsgwichd fihr Wasserwâg hädde au no em Âgebod. ;-)

    #41Author opadeldok (1319435)  01 Mar 21, 16:22
    Comment

    Do hammer doch scho amol an eigene Fada ghabt, fiar dia ganze Sacha.

    #42Author bluesky (236159) 01 Mar 21, 16:36
    Comment

    An Freind vomr hands amol, alsr Ferijenarbat aufdr Bauschdell gmacht hot, da Jacklhammr hola gschickt. Er isch idd von dau gwea, hat abr dia Grondbrenzipija vo osrar Schbroch scho einigrmaßa guad vrschdanda ghabt. Jebmpfalz ischr nondr ond hot romgfrogt, ob ein Jakob Hammer anwesend sei.

    #43Author Selima (107) 01 Mar 21, 16:37
    Comment
    #44Author bluesky (236159) 01 Mar 21, 16:39
    Comment

    Des Päggle Ibedomm hòt's au en

    meira Kindheit scho gea, i glaub desch obsolet. Obwohl es kööt sei dass des so guat abglagret isch mittlerweil dass-es widder fonktzoniera kööt....

    #45Author Goldammer (428405)  01 Mar 21, 16:39
    Comment

    Ibedomm haz bei eis oo gea - ond de Schdroßehobl ;-)

    #46Author manni3 (305129) 01 Mar 21, 16:43
    Comment

    Meine Giede, hemele, desch jò glatt! Dò han i jò no onder meim alda Nick des Augamòßschdenderle selber beidraga! Hach, vor dreizah Jòhr, sott mr's glauba!

    #47Author Goldammer (428405) 01 Mar 21, 16:44
    Comment

    Ibidumm und Haumiblau kenne au no. Des honn meine eldre Schweschdarra beimr brobiart, Denne binne abr id auf da Laim ganga. Abr, i honn des sellmôls scho so wiaschd gfunda, dasse des nia nia nia bei meine Enkgala teschda dät. (aber, am erschda Abrill: "Dussa hotts Vegala mittama Räagaschirm " vielleicht scho. Des hot scho bei meine Kindr gfunzt ;-)


    Boschurle au no. 🙂

    #48Author Moi Gab (456541)  02 Mar 21, 09:59
    Comment

    Manni, an Schdroßahobl gibts ja wirklich, bloß eba koin Böschungshobl.

    #49Author bluesky (236159) 02 Mar 21, 11:50
    Comment

    Däe achdjäehreg Nochbersbue hadd baid idd kennd, ond isch midd am alde Schdroßebese ohne Boerschde zfrihde gwe ;-)

    #50Author manni3 (305129) 02 Mar 21, 14:19
    Comment

    Gäbele, nachdem sich koiner erbarmd hòt, dein Schose zom onderhalda, haune no fròga wella, ob da drozdem em Allgei wandra warschd. Ond wenn ja, wia war's? Erzähl.

    #51Author opadeldok (1319435) 02 Mar 21, 22:01
    Comment

    Guck, Opale, det simmer gwäa (viel zom säah hots id gäa) https://www.outdooractive.com/de/route/wander... mir sin abr anderschrum gloffa und henn links unta a dem Wäagzipfl agfanga. Schee wars, sWetter war guad (a wengle kalt und windig) und mr sin koiner Sau begegnat. Bloß auferra großa Wiesa hemmer a baar junge imma Audole ohne Nummerraschild gsäa - dia sin auf derra Wiesa wias Rennfahrer Biebale ummankurved. Deschmr scho efders i dem Doil vom Allgei aufgfalla, dasse de Junge auf de Wiesa Audo odr Moddorrad fahred. Besser ass auf da Schdroß, gell. Se mached halt Grach.

    Siebzeahdaused Schritt binne gloffa, ada frischa, coronafreia Lufd – während andre sich am See ade Alaga rumdruggd honn. Abr jedr wieaner moint.

     

    Da Schose hot dahoim solang Gräbb gmachd ! Des war fei a scheene Hoimkommsibrraschung!!

    #52Author Moi Gab (456541) 03 Mar 21, 11:22
    Comment

    Ha desch jò richdich glasse! Dr Schose isch scho a lieber Kerle.

    Scheene Ronde! Mir laufet zur Zeit so Rondena mit etwa zwoi bis vier Killomeder.

    #53Author Goldammer (428405) 03 Mar 21, 11:38
    Comment

    Vegale, er wird ibrigens am 10. Mai obberiard. Mir hen am Mändig midda Dogderre gschwätzt. Desch fei a netts Mädle. Dia hots middem Schose kenna (hihi).

     

    I bin guadr Hoffnung (nommel hihi), dasser hindrdrei wieder midlaufd. Wer woiß, vielleichd griagder no au nommel a Kuar? Des dätme saggrisch freija. Do giengde wiedr mit.


    (Fr älle, wo sich jetz vielleichd äbbes frôged: Da Schose hot an Leischdabruch. No noida schlimm, abr immrhin)

    #54Author Moi Gab (456541) 03 Mar 21, 11:57
    Comment

    Von denne Schosakrepps hätte oo gera a baar gnascht :-)


    Em Radio isch grad a Beidrag komma zum Maibaumschdreid von Aldusriad - des isch so nett gwea. Alzo idd dr Schdreit - dear isch mendr. Abr wia schea hond dia schwäbisch gschwätzt!?!?! Oir hot gmoint, daß dear, dear was da Schdreit aazettlt hot, an [brezgamat] macht. Des honne leidr idd vrschdanda. Woiß vo ui ebbr, was der gsagt ghett hat? Sinngemäß miaßts "Aufstand/Tumult" bedeida.

    #55Author Selima (107) 03 Mar 21, 13:54
    Comment

    I kenn des et. Hòt des ebbes mit Brezla zom doa?


    Gäbele, des wär subber wenn dr Schose noml a Kur griega dät. Dò miaßetr eich drom vrschdreida wenn se's et vo selber ãbiedet.

    #56Author Goldammer (428405)  03 Mar 21, 14:47
    Comment

    An Brezgemad kenn i idd, oo idd als Rednsard. I hao guhgled ond des Orgenal isch zHaidehoim. Des isch zemle weid weck vo eis - ond sogar dransdanubisch! I denk abr oo an "Aufschdand".

    #57Author manni3 (305129) 03 Mar 21, 16:02
    Comment

    I blick's et, manni. Was hòsch guuglet? Vo was isch's Orginal vo Haidaheim?

    #58Author Goldammer (428405) 03 Mar 21, 16:28
    Comment

    Der Brezgenmarkt findet jedes Jahr am Palmsonntag im Hungerbrunnental im Ortsteil Heldenfingen der Gemeinde Gerstetten statt - des isch im Landkrais Haidehoim. Haidehoim isch a bissle abroximadif, abr bessr zuer Orjendierong. Des kenn i bessr als Heldefinge ;-)

    #59Author manni3 (305129)  03 Mar 21, 20:30
    Comment

    I kenn den dr Brezgamarkt en dem Zammahang au nedd. I kenn bloß dr Bretzelmarkt vo Altariet bei Neckrdenzleng. Abbr vielleicht goòht des doch zruck uff dr Hongerbronna vo Heldafenga (siehe Tante Wiki: Hunngerbrunnen Heldenfingen ), wo 's friehr ällamòl bluadige Händl gäa han sodd.


    Hendr's iebrigens ghert, wia 's vor edwa 'ra halba Schdond zischd hòt? Des war des Hefeweißbier des i mir eivrleibd hau. I hau mr des vrdient. Dâ ben i vo meiner heitiga Wandrong hoimkomma.Kleine Lauter-Blaustein-Herrlingen Edwa 14 km vo Herrlinga ieber Weidach zur Lautergwella ond uff dr andra Seid vo dr Laudr wiadr zruck iebr's Schloss Obrherrlinga bis zom Audo. Arg viel meh hädds nedd sei dierfa. Abbr schee war's drodzdem.


    Gäbele, dei Ronde herd sich au nedd ogschiggd â. Firleichd miaßt i meine Kreis em Sommer amòl a weng ausweida. Allgei, Pfälzer Wald etc. 's gibd no so vielzom entdegga, woa 'ne blooß vom durchfahra kenn.


    I druck älle vier Dauma fir die Oberadzio vo deim Schose. An Leischdabruch isch an reachdr Sch..., dâ derfsch nix lubfa, kòsch nedd rechd gwaddla, nedd radfahra, eigich derfsch gar nix doa, was Schbass machd. :-(


    Edith said mr grad, dass dr manni schneller war, oddr i z' langsam, weil z' viel gschriaba hau. ;-)

    #60Author opadeldok (1319435)  03 Mar 21, 20:36
    Comment

    Ach dass des an Brezgamarkt sei soll han-e zerscht et kabiert. Dò woiß d' Etymologie ebbes drzua: Ein Brezgenmarkt ist ein "fruchtloses Hin- und Herreden, unnötiges Geschrei". (Worom, des schdòht leider et dò....)

    #61Author Goldammer (428405) 03 Mar 21, 22:48
    Comment

    Wass mussisch lääse ... de Schooße muss obbariajad gänn ? ... danne wischischemm alles Guude unn dassa sisch schnäll eahoole duud !

    #62Author no me bré (700807)  03 Mar 21, 23:04
    Comment

    No ebbes zom Hendergrond vo dem Schdreid en Altusried vom BR: Altusried - Maibaumstreit 


    Des fälld fihr mi onder dia Rubrig: Kaum zom glauba.

    #63Author opadeldok (1319435) 03 Mar 21, 23:41
    Comment

    Liabs Herrgottle, ui send oifach ooschlagbar. Brezgamargt isch gwasi a Zwergaaufstand odr a Schdurm em Wassrglas odr so ähnlech! Des haune idd kennt ghett ond drom idd gscheid vrschdanda. I vrneigme en Dankgbarkeit :-)


    Dear Schdreit z'Altusriad isch bizarr. Huir schdoht lei a glois Ersatzbaimle ond dear Hirsch (aka Nauchbr) vrklagt d'Gmoind, ball d'Schdara aus acht Meddr Empfernung auf sei Derraß "gwerscheißat" (O-Ton dr Aldusriadr Vorsitznde vom Drachdavrei, der was da Maibaum aufschdellt (wammrn aufschdella deff)).


    Bei oos schbrichtmr Heidenheim iebrigenz Hoidna ond d'Leid send Hoidnmr ond oos vorallm a Läschd gwea, ballze abbl oosre Baggrsea belagrt hand, obwohlse a soa scheas Wellabad ghett hond.

    #64Author Selima (107)  04 Mar 21, 06:44
    Comment

    Bei dr Reschersche zom Brezlmarkt ben-e iebrigns no uf a andere endressande Redensart im Zsammahang mit Brezla gschdoßa: "Brezla macha" bzw. "Brezla bagga" als euphemischdischer Ausdruck fir "Schderba" (en Ahnlehnong an die gfaldade Hend voma Vrschdorbana) - kennt des ebber von eich? I han's no nie ghert.


    Wisset ihr, dass-es a sauguat gmachts on fundierts Sachbuch ieber Die Brezel gibt? "Gelungen geschlungen", rausgeba vom Museum der Brotkultur z' Ulm (des heißt scheints inzwischa Museum Brot und Kunst). Des han i grad widder rausgruschtlt ausm Biecherregal, i glaub des dur-i als "Liegebuch" *) en's Wohnzimmer odder en d' Kiche lega fir a Weile.


    *) Liegebuch - a Buch wo wo rumliegt, so dass mr's sieht, on wo mr nò äls mòl zur Hand nimmt on a weng drin romliest.

    #65Author Goldammer (428405)  04 Mar 21, 11:51
    Comment

    Noi, I kenn's au nedd. Ond gfaldade Hend weggad bei mir au koi Assodziadsoh zu de Brezla. Vor dr Bruschd verschrängkde Ärm scho eher.


    I hau des grad brobierd. Bei mir liegd audomadisch d' recht Hand uff'm lenka Oberarm ond d' lenk Hand onder'm rechda Oberarm. Wenn I des omgkehrd macha will, muaß i me richdig kondzendriera, 's glabbd aber erschd nâch a baar Âläuf. Brobierad's mòl aus, fihrleichd send ihr gscheidr wian i.

    #66Author opadeldok (1319435)  04 Mar 21, 12:18
    Comment

    (Velleicht schdòht des au falsch en dr Eddimologie on es isch weil mr frieher de Dode d' Ärm so ieber dr Bruscht kreizt nãglegt hòt? Des wär scho eher brezelich. Mit de gfaldede Hend hòt's wenig gemeinsam, des schdemmt.)


    Bei mir isches grad andersrom. Wenn i d' Ärm iebergreiz, kommt bei mir die link Hand uf dr rechde Oberarm on die recht Hand onder dr linke Oberarm. Vielleicht hòt's mit dr Hendichkeit zom doa? I ben Linkshendere. Andersrom gòht bei mir abber au zemlich leicht. Vielleicht weil i vom Schreiba, Schdrigga on soweider gwehnt ben, Sacha andersrom z' macha als wie i's vo dr Hendichkeit her dät?

    #67Author Goldammer (428405) 04 Mar 21, 14:58
    Comment

    An dr Hendichkeit kâ's liega. I be Rechdshender. Abbr, i glaub, 's Schdrigga fang i deswega en dem Leba nemme â, 's langd wenne a beschdriggends Wesa hau. ;-)

    #68Author opadeldok (1319435) 04 Mar 21, 16:05
    Comment

    Ja freile leiz an dr Hendekaid. I be Baidhendar* ond wexle alle zeje Seckonda aa, wele Hand oba ond wele onda isch ;-)



    [i gibs tzue] S isch alls vrschdonke ond vrloge - es send bloss Schbrihch ;-) [/i gibs tzue]


    #69Author manni3 (305129) 04 Mar 21, 18:44
    Comment

    Des mit em Ärm vrschränka mach i mol so on mol so, aber moiner doch so.

    #70Author neutrino (17998) 04 Mar 21, 18:56
    Comment

    Ess Schdiggelsche ! Do freiisch misch awwa ! ... unn griis mia ess Koo-Schdiggelsche !

    :-))

    #71Author no me bré (700807) 04 Mar 21, 19:28
    Comment

    Ja, wenn ihr älle so multivrschränkingmäßig ònderwegs send, nò ben i hald a weng dubbelicher. ;-)


    Wa i no vergessa ghet hau zom erwähna, bei meiner geschdrigga Wandrong ben i midda em Wald uff a Schneeglögglespopuladzio droffa, dichd an dichd, vo guad fuffzg Medr Länge ond zwanzg Medr Broide. Des hòt richtig gleichdet em Wald. Oifach schee.

    #72Author opadeldok (1319435) 04 Mar 21, 22:34
    Comment

    Opale, des endressiert mi jetz saumäßich. Köötsch du mir velleicht dr genaue Blatz vo dene Schneegleckla beschreiba?

    Wilde Schneegleckla sen nemlich arg sälda em Lendle, 's geit bragdisch bloß a baar Vorkomma von wilde Schneegleckla (also et aus de Gärda vrwilderde).

    I ben jò em Kartierbrojekt vo Bada Wirddaberg aktiv, on i dät gern rescherschiera, ob des Vorkomma agdakundich isch odret...so ebbes endressiert au dia Brojektleider emmer!


    (Mir sen heit bei Buddahausa gwä on hen a gloine Wanderong zo oim vo de weniche riesiche Schneeglecklesvorkomma gmacht, des zieht sich ieber en riesicha Waldhang ieber a baar hondert Meder, desch ebbes vom Schenschda was i nadurmäßich kenn em greßera Umfeld!)

    #73Author Goldammer (428405)  04 Mar 21, 23:14
    Comment

    Emmerle, des isch zwischa Weidach ond Hohaschdoi gwesa, vom Schdreckaverlauf her, aus'm Gedächdnis ògfähr do 48°26'43.1"N 9°53'04.8"E. Des däd au vo dr Zeid woan i des Foddo uffgnomma hau en edwa bassa.


    Oms Foddo hochlada uff irgendwelche Seida haune me nei Lebdag no nedd gkimmert, sonschd däd i des gladd macha.


    #74Author opadeldok (1319435) 05 Mar 21, 00:25
    Comment

    Foddo hoechlade kaasch do:

    https://www.bilder-hochladen.net/

    Es werden Bild-Dateien im Format .gif .jpg und .png bis zu einer Größe von 6 Megabyte unterstützt.


    Nocha klickschd uff "Bildlink" on koppiersch die Adress als URL zwische d Aafiehrongszaiche vo 

    ˂a href="URL"˃ Name ˂/a˃ ond bei Name geisch an Name deiner Wahl ei. (Die Forml muesch vo Hand uff dr Daschdadduhr eigeah)

    #75Author manni3 (305129)  05 Mar 21, 11:59
    Comment

    Siggschde, Opale, unsr Manni isch an Hansdampf in älle Gasse. Wemmer den id heddad, wär da Schbaga halbsoschee.

    Verschrengka duani meine Ärm grad so wia du. Bin au Rechdshendare (und des isch wedr vrschdungka,no verloga).


    Woma au scheene Bliamla aluaga ka, isch det: https://gipfelglueck.org/karbachtal Do geits Märzabechr noch und necher. Wundrscheene Wandrung.


    Boschurle au no 🙂


    #76Author Moi Gab (456541)  05 Mar 21, 12:41
    Comment

    Do deana related discussion: Nette Ortsnamen V - #134 haoni grad ebbs ibr dEddemollegih vo Lugdunum gschrihbe ;-)

    #77Author manni3 (305129) 05 Mar 21, 12:51
    Comment

    Manni, dangk dr schee. I hab vorher scho a weng rescherschierd ond ben da drbei au uff dein Vorschlag gschdoßa. Jetzat haune grad dia Bilder vom Handy uff dr Rechner iebrdraga wella, no schbennd dr Âschluss vom USB-Kabl am Handy ond brichd dia Iebrdragong oifach ab. Femf Âläuf haune brauchd bis älles iebrdraga war. I glaub i muaß me nach ma neia Schmardie omdoa, weil dr Akku au blooß no zwoi Däg ohne Benudzong hebd.


    Meine Bilder send doilweis greßer als 6Mb. i hau me dann fihr abload.de endschieda. I brobier's nochher amól wia's fungzionihrd.


    Edith said grad, dasse wiadr was glernd hau. Nämlich, dass meine Schneeglöggla Märzabecher (oddr au Große Schneeglöckchen) send. :-)

    #78Author opadeldok (1319435)  05 Mar 21, 13:08
    Comment
    #79Author opadeldok (1319435)  05 Mar 21, 13:20
    Comment

    Ui - sooo scheane Märzabechr.

    #80Author Selima (107) 05 Mar 21, 13:31
    Comment

    Wenne grad scho drbei be, no zwoi Bildr vo meiner Wanderong Echazgwelle - Schloss Lichdaschdoi und zruck.


    Schloss Lichtenstein


    Echazquelle


    #81Author opadeldok (1319435) 05 Mar 21, 14:14
    Comment

    Manni, i honn numgluaged

    Wahau, Opale. Geile Bildla!

     

    Da Schose und i henn grad unsr CoronabledeSchellagangweg-Teschdergäbnis griagd – mir sin negadiv!!! Juhuu. (Unsr Dechdarle schaffed zTannem in da Kindrgräbsnachsorgglinik und isch am Mändig possitiv teschdad worra und am Sunndig hemmara a baar vom Schose seine Gräbs vrbeibrocht. Amoisle, shot loidr nimme fr de groichd).

    #82Author Moi Gab (456541) 05 Mar 21, 15:03
    Comment

    Gäbele, isch der Schdandordiebongsbladz en dr Nâchbrschafd vo dr Klinik no em Gschbräch oddr hót sich des erledigd? I hau dia Petition drgega au onderschrieba ghet.

    #83Author opadeldok (1319435) 05 Mar 21, 15:23
    Comment

    Soffiele woiß, isch dô no nix greglat. I ka me no guad dra erinnera, das det frianer Bfranzosa giabd honn, wose no zEschinga wared. Dia Glinik gits jo erschd seit 1995. Wahrscheinz isch deswäaga jetz bei de Deitscha BeWe dia Idee gwäa, det weitrzmache.

    #84Author Moi Gab (456541) 05 Mar 21, 15:29
    Comment

    Geschdern in queer hen se au ibr den Maibaumdischbut berichded. Des isch a Herzogener der se dribr aufregt, daß d'Pfegl zeha Meddr quer scheißen.


    Opale, du kasch dia Bildla au a weng komprimiera, des machsch mitm https://www.irfanview.de/ der koscht nix.

    #85Author bluesky (236159) 05 Mar 21, 15:38
    Comment

    Nadierle an Herzogener, wa denn sonschd. Dâ ziehad se uffs Land ond wellat de Leit Vorschrifda macha wega de Geggl, wega de Kircha- ond Kuahglogga, wega de Mischdhäufa ond so weidr. 'S gleiche bleede Volk wo's Heisle neba dr Flugbladz baud (dr Baubladz war jâ billig) ond sich dan iebr dr Fluglärm beschwerd. Greizgrabbasack no amòl.


    Dem Granadaseg.. däd i grad saga, er soll denne Vegl hald Wendla âziaha.


    Dr Irfanview haune no uff'ra andra Feschdbladde druff. Abbr des abload woane jetzt gnomma hau, gòht bis 10 Mb ond greeßer send meine Bilder eh nedd.

    #86Author opadeldok (1319435)  05 Mar 21, 16:14
    Comment

    Schene Bilder, Opale! Vo de Märzabecher, vom Lauderdäle on vo dr Echazgwell on em Lichdaschdoi.

    (Märzabecher mua-n-e de Kardierer et egsdra melda, die sen en dr Regl bekannt on au et so ganz sälda. Abber nadierlich et mender schee!)

    (Falls da den Schdandort vo dene Schneegleckla em andera Lauderdal Bei Buddahausa amòl gnauer wissa mechdesch, geb-e-n dr gern durch. Buddahausa isch sowieso a Ausfliegle wert, dia hen an endressanda hischdorischa Rondgang em Flegga wo sich mit dr Geschichde vo dr jüdischa Gemeinde deet befasst. On an arg schee am Ortsrand glägana, romandischa jüdischa Friedhof. On a Miehle mitma Miehlalädle wo da älle Sorda Mähl on Nudla on Müsli on anders schees Zeix kaufa kã'sch)


    I han eich jetz au a baar Bilder vo geschdern en en Dropbox-Ordner neikobiert. Brobieret amòl ob des fongzjoniert, den ufzmacha on dia ãzgugga:


    https://www.dropbox.com/sh/91kumz24wuoq3l0/AA...

    #87Author Goldammer (428405)  05 Mar 21, 16:26
    Comment

    Deine Bilder send au toll, vor ällem dia Nahuffnahm. Dâ haune, wenn e des richdig sieh, au den Onderschied zwischa deine ond meine Glöggla gsäh. Dia deinige hend blooß drei, längliche, Bliadabläddla ond die meinige (also d' Märzabecher) hend meh ond a weng broidere. Richdig?


    I hau mr grad bei dr Dande Murmel dia Omgebong vo Buddahausa âguggd. Vo oba gsäh scheindz au a ergiebigs Gebied zom laufa. Hau mr au scho was ausgsuachd. Vo Buddahausa durch dr Wald dr Buggl nuff, grobe Richdong Äbflschdedda ond oba en ra Schloifa Richdung Wassrschdedda zruck iebr d' Buddahausener Eichhalde. Des kâ mr jâ je nach Dagesform au no a weng vrlängra. Däd i uff der Schdregge au an de Bleamla vorbeikomma?

    #88Author opadeldok (1319435)  05 Mar 21, 17:28
    Comment

    Noe. I schick dr en Link mitra Kart als Pe-Em. I will die Info ieber dia Schneegleckla et so offa ens Wewewe schdella. Se sen scho a Seldaheit, on 's gibt die komischschde Leit wo zom Beischbiel Orchidea ausgrabet on vrscherblet, also i ben dò inzwischa vorsichdich. Wen's vo de Schwòbafädler sonscht no endressiert, kã den Link gern au han.

    #89Author Goldammer (428405)  05 Mar 21, 18:51
    Comment

    Des seah i genauso. 'S gibd hald leider Leit, denne nix heilig isch. :-(


    Des haune au au vorgeschdern en Herrlinga wiadr dengkt, midda em Wald lassed se leere Enerdschiedosa mit de Fliegel ond Rotzdiacher liega. Derjenig hòt se doch voll dâ nâ draga kenna, no wird'r doch fihr dia leer Dosa au no a weng Grafd hau. I verschdand des nedd.

    #90Author opadeldok (1319435)  05 Mar 21, 19:17
    Comment

    I hau iebrigenz meine Eldra gfrogt, ob si an Brezgamarkt kennat. Ja sowieso, hands gsät - wann oir an Mordsaufstand macht, nocht machdr an Brezgamarkt.


    Isch des ned endressant? Meine Eldra kennat des ganz selbvrschdändlech ond von ihne zua mir ischas vrlora ganga!?!

    #91Author Selima (107)  06 Mar 21, 18:24
    Comment

    Dann warsch du hald drhoim z' brav. Hedsch als Kend hald ab ond zua an Uffstand gmachd, nâ häddad se des fierleichd an de weidrgeba. ;-)

    #92Author opadeldok (1319435) 06 Mar 21, 18:57
    Comment

    Abr selbschtvrfreilich ben i brav gwea, so brav, dass mei Omweld for Langeweile allweil eigschlofa isch ... aaaaaaaaaaabr meine zwoi Schweschdra, des send rechde Dreibauf gwea ond dau war gwasi jedn Dag Brezgamargt. ;-)

    #93Author Selima (107)  06 Mar 21, 19:22
    Comment

    Jojo, dia Gschwischder (bsondrs dSchweschderra) kennad fei scho Siacha sei. Des hotma ganz gwieß gmergd, wemma so brav gwäa isch wias Amoisle und i.


    Wa die Rotzdiacher, wo im Wald rumfahred ahgôht, deschmr au scho aufgfalla. Dia werrad wohl meischd frs butza vo äbbes gnomma. I honn au scho im Wald biesaled und nia Tempodaschadiachle zom Dropfa wegbutza brauchd - dô duats au a baarmôl schittla. Und wennz scho ubedingd sei muaß, au vrbiesalade Rotzdiachr brauchd ma id oifach liega lossa.

    #94Author Moi Gab (456541) 07 Mar 21, 14:48
    Comment

    Schneidzdiechr zom Fidlebudze - ma konnz ja oo eigrabe. S flacked gnue Schdäecke zom Grabe rom :-((


    Also bei eis däba a Schweschdr, die wo a Siech isch, a Luedr haiße. Des wär in deam Fall oogfäehr bedeidongsgleich ond idd schlemm gmoind, oo wenns in andre Konndegschd mendr sei konnd!

    #95Author manni3 (305129)  07 Mar 21, 16:14
    Comment

    ... odr Huddla. A Huddl kaa bloß a Frau sei ond Siacha send abbl männlichen Geschlächts ... Seggl ond Dibbl oo. Dau isch osr Schwäbesch dodal dschendroogerecht.

    #96Author Selima (107)  07 Mar 21, 16:24
    Comment

    Worom? Des vrschdand i net. Es gibt fir Menner on Fraua vrschiedene schbezifische Ausdrick zom Schempfa - Seggl on Daggl on Siach fir 'd Menner, daube Henn, Luder on Huddl (des kenn i iebrigns net) fir d' Fraua - wo isch dò d' Õgerechdichkeit?

    #97Author Goldammer (428405)  07 Mar 21, 17:55
    Comment
    Guddanaobad middanand!

    Alsonz "Huddl" ond "(vrkommes) Ludr" isch bei mir ao bekanndd ond en dr Gegend en onsr'r Generazio ao no em Gebrauch - isch abr mea middama Augazwenggra.

    A ganz a wiaschdr Ausdrugg isch fr mi "Matz". I glaub, des hau ich no nia iibr ebbrn (alsonz iibr a Frau) gsaidd. Ma häardz abr mangchmall no, wenn ao selldda. Kennadd Ihrs?

    Guaz Nächddle, allemiddanand!
    #98Author schwäble (951819) 07 Mar 21, 18:44
    Comment

    Ja, freili. Des war erst neilich in Kratzers Wortschatz in dr SZ.


    https://www.sueddeutsche.de/bayern/dialekt-ba...

    #99Author bluesky (236159) 07 Mar 21, 19:51
    Comment

    Matz kenne, abr eher aus'm bairischa Dialeggd. Ond siehe da, der Begriff hòt au verschiedene Bedeidonga.


    Bairisches Wörterbuch - Matz, die


    Ond d' Huddl kenne au. Dâ gibt's sogar a Liad, wo oine dren vorkommd (Wendrsonn - Strümpfelbach).


    Dr Refrain gòht so: Mei Schätzle kommd aus Schdrempflbach ond jetzt Knudschd er rom mid so'ra Huddl aus dr Schdadt.I kennt blärra, wenn i mei Schätzle so seh.

    #100Author opadeldok (1319435) 07 Mar 21, 20:07
    Comment

    Matz auf dia Art kenne id. I kenn halt da Hosamatz und desch äbbes netts.


    Huddl kenne au id. Vielleicht wells bei eis bloß brave Mädla geit? I zvorderschd danna !


    Schlôfed guat, Schbätzla!

    #101Author Moi Gab (456541) 08 Mar 21, 21:44
    Comment

    Matz kenn i scho. Des isch a ganz a wieschz Woed!

    #102Author manni3 (305129) 08 Mar 21, 23:30
    Comment

    Hosa-ond Hemdamatz kenn i au, abbr des kennad jo Kender beiderlei (i lass jetzat mal diversen weg) Gschlechds sei. Em bairischa isch abbr "dia Matz" ausdrigglich nur weiblich ond gar nedd siaß.


    'S schdoht obedengkd außer Zweifel, dasses dâ henna blooß brave Mädla geit, iebr d' Rangfolge derf dia vereinigde holde Weiblichkeid dann alloi endscheida. ;-)


    Huddla haune dâ henna uff jeden Fall no koine gsäa.


    I hau mr grad iebrlegd, ob dia Huddl au vo dem Hudl (an Lomba zum aushudla, wenne me richdig erinner) kommd. Also sozusaga a Lombadier, abbr des isch eigendlich z' harmlos ond reichd an dia Bedeidong vo 'ra Huddl no nedd nâ.

    #103Author opadeldok (1319435)  08 Mar 21, 23:33
    Comment

    An Hosematz kenn i idd, aber an Hemadlenz. Zue deam hadz a Versle gea, abr des fellbr nemma ei. Des habba xed, wemma am Kend, des wo im Nachdhemad romgschbronge isch, uffs Fihdle dädschled hadd ;-)


    Nochdrag om viedl ibr zehne bezijiongsweis om viedl elfe:

    Nechzobed beim Beddgao isch mr im Nachdhemed no a Schbrichle - vorzudragen im Guggarzwaitôô, däe middr kloine Derz abwerz - eigfalle. Weil dr Kombjudar scho aus gwe isch, haonis uff an Zäedl gschribe, dean wo mr grad zuefelleg meah ondr dOoge komme isch:

    Nackadbudzl-Hemadschdudzl

    Bei deam habba s Kend oo am Fihdle dädschle däefe. Des hand dKend gäere meege ond hand gjuchzged drbei ;-)

    #104Author manni3 (305129)  09 Mar 21, 01:12
    Comment

    Hosamatz kenne ond da Piepmatz oo.


    Edit: related discussion: dr zwait Allgai-Schwobe-Schbagaat - #188

    Haune vorin scho nochguggt, abr gmoint, Du häbsch ebbs andrscht gmoint, wall des ja dr ...schdudzl isch ond idd dr ...lenze :-)

    #105Author Selima (107)  09 Mar 21, 10:20
    Comment

    Weil dEdidd nemma an die Gramaddeckfählar drââkudd, mießedr sell in #104 dean Akkesaddif in an Nommenaddif omwandle ;-)


    Ond des d bei Nackad singba in deam Fall midd, dasses bessr uff Hemad reimd ;-)

    [die Kunschd des sauberen Reimens!!]

    Des isch ja scho faschd a ââschbruchsvools Schrifddeidsch!

    #106Author manni3 (305129)  09 Mar 21, 10:23
    Comment

    Du moisch "Reimde odr ifrißde"?

    #107Author Selima (107) 09 Mar 21, 10:27
    Comment

    Hosamatz kenn i au. Desch a Kend wo en dr Onderwesch romlauft. Odder (i glaub) au, wenn's a kurz Schbielhesle ãhòt odder so.


    @opale: guggscht du dò, zemlich weit onda bei dene Bilder fendesch a Bild vora Hudl. D' Eddimologie sieht en Zsammahang mit dem Schempfwort. Urschrbringlich eher in dem Sinn wia Lumpen / Lump. On dass bei Schempfwerder fir Fraua glei no der õsiddliche Tadsch drzuakommt, isch jò leider durchaus et õgwehnlich. Wemmer a Frau blitzschnell schlecht macha mecht, secht mr, se wär õsiddlich. Beima Mann gilt des bei manche (i fircht bis heit) als et so ãschdeßich, wenner's et so gnau nemmt mit dr Siddlichkeit.

    #108Author Goldammer (428405) 09 Mar 21, 10:56
    Comment

    Maisle, des haißba uff Nui-LEO-Deidsch boëdick laißenz ;-)

    #109Author manni3 (305129)  09 Mar 21, 11:14
    Comment

    https://woerterbuchnetz.de/?sigle=DWB#1 Grimms Buaba henn dô au äbbes dazua zom saga. Allrdings hot dô Hudl bloß oi d.


    I kenn no "sich verhudla" odr dWoll wo sich verhudlad (= vrheddarra)


    Bei Grimms Buaba gits sogar an "Hudelarzt" - uiiii

    #110Author Moi Gab (456541)  09 Mar 21, 12:29
    Comment

    Emmerle, haune guggd, an besser abbildada Hudl kennd mr sich nedd vorschdella. Insgesamd scheene Bilder ond Erkläronga. Ond fihr di Kender sicher a Erlebnis ond lehrreich fihr die Erkenntnis, dass Schaffa damòls no a mühsammrs Gschäfd war als heit.


    I war iebrigens am Samschdich en Buddahausa ond ben dia besagde Schdregge gloffa. Bei de Pfadfender haune dann abbr nedd gwißd, was i drvo haldà soll, dass dâ sämdliche Zua- ond Durchgäng zom Schachà mid Drassierband abgschberrd waràd. Dâ fihrd doch dr Wandrweg voll nuff ond uff dr andrà Seid wiadr na!?


    Send zwar Audo dâgschdanda, abbr neamerds om dr Weg, den i hädd frâgà kennà. Nâ haune omdrehd ond be hald an kloina Omweg gloffa, bis i wiadr uff'm richdigà Weg war, der durch dr Wald nonder zom jüdischa Friedhof fihrt. Wiane am Parkpladz zruck war ond i an dem Brückle no a baar Foddos gmachd hau, hòt me a einheimische, dia grad vorbeigloffa isch, âgschbrocha ond hòt mr no a weng was iebr den Friedhof ond 's dörfliche Lebà vor de Nazi erzähld. Des hòt se abbr selber au nedd erlebd, weil sicher au erschd nâch'm Kriag geborà isch. Abbr endressand war's ond hòt sich authendisch âghehrd.


    I häb dâ scho no a weng babbla kennà, abbr d' Sonn war henderm Berg ond dr Wend isch uffkomma ond nâ isch arschkald worra (4° C). Na haune me hald en mei Audole neighoggd zom uffwärma beim Hoimfahrà. Abbr schee war's.

    #111Author opadeldok (1319435)  09 Mar 21, 15:33
    Comment

    Des fraitme, Opale.

    Zor Zeit sen manche Waldweg wega Baumfäll- odder sonschdiche Forschtarbeida gschberrt. Odder weil se Froschtschäda repariera miaßet (zom Beischbiel kammer zor Zeit leider et zo dr Pfullinger Underhos nufwandera weil se's Schdräßle repariera miaßet. Des hòt em Dengs gschdonka, weil uf d' Underhos schdeiga ois vo dene Sacha gwä isch, wo-n-r em Grankahaus scho fir die paradiesische Zeit drnòch blant ghett hòt....) Abber bled fend-e wenn se nò koi Schild nahenket wo so ebbes drufschdòht....

    #112Author Goldammer (428405) 09 Mar 21, 16:34
    Comment

    Ach soo - hudle midd bloss oim d!! No idd hudle!!

    Des isch ja ebbs ganz ebbs andrs ond schdohd in eisrem Wäedrbuech: Siehe auch: --199--Alemanneschwobefädele--199-- - #111

    #113Author manni3 (305129)  09 Mar 21, 18:41
    Comment

    Des hengt jò abber wiexagt älles zsema, manni, weil a Hudl mit dera wo mr hudlt an nasser Lomba isch, on des wiederom zom Begriff Lomp odder Lombamensch odder Huddl fiehrt onsoweideronsofort.....

    #114Author Goldammer (428405)  09 Mar 21, 19:46
    Comment

    Genau, des war jâ au mei Gedankagang en dr #103, grad weil hudla ond Hudl scho em Wördrbuach dren sen abbr dui besagde Huddl no nedd., abbr dr ediemologische Zammahang sich oifach uffdrengt.


    'S kâ abbr sei das dui Huddl (midd zwoi "d") eher em middlera Neggàrraum ond em Remsdal geläufiger isch.


    Abbr beschäfdiga mr ons doch nedd weidr mid emaginäre Huddla, dias dâ henna gar edda geit. Mir send ons doch einig, dass dâ blooß brave Mädla âwesend send, au wenn se manchmòl mid'm Gegadoil kokeddieràt. ;-)

    #115Author opadeldok (1319435) 09 Mar 21, 23:11
    Comment

    Mier kudd des a bissle gschbässeg voer, dass hudle (langs u) ond Huddl (kuuzs o) des gleiche Schdammwoed hao solled. In meim Dialeckd wär mr des fremd ond i däd uff zwai vrschihdene eddemologesche Wuuzla dibbe. Abr scheinz isch des ja in uirar dranshilaresche Schbrochwarijedäd andrschd als bei eis.


    Nochdrag: Dr Lexar (Mittelhochdeutsches Handwörterbuch von Matthias Lexer) kennd zwar a Hudl schlechte person, hure ond hudeln schnell u. oberflächl. etw. machen, abr midd zwai d hadda nix.

    #116Author manni3 (305129)  10 Mar 21, 01:28
    Comment

    Alzo noch gaddr Neggrraum odrs Remsdal bis auf d'Doana nom :-) Bei oos ischas oo ganz glar a Huddl midam ganzam kurza u.

    Huddl kaa bei oos oo anerkenned sei - wann a Weiß(!)bild zom Beischbiel arg gwieft isch, noch kaamr saga: Bua, desch a Huddl!

    #117Author Selima (107) 10 Mar 21, 05:48
    Comment

    Ha! Z Amoisle isch felleichd a Huddl! 😉

    #118Author twocents (460778) 10 Mar 21, 06:18
    Comment

    Ach endressant, Ameisle! Des fend i wirglich schbannend, dass des au so a posidive Vrwendong hòt!

    #119Author Goldammer (428405) 10 Mar 21, 08:52
    Comment

    Sedde Wäedr hand wie a jede bewerdnde Aussag zwai kondräre Bedeidonga: die direkt ond die indereckd-meddaforesche. Drom kuddz ja in am Forom allad uff de Kondegschd odr wenegschdns uffs Smaili ââ.


    ädd Weiß(!)bild - du hasch scheinz a Ellefandehiere :-))



    Nochdrag:

    des middr Huddl als Lob: Geng des in uirem Vrschdendnes oo midd Luedr?

    I haos scho ofd on de Fengr kedd, abr jezmohl haonis nocha doch liebr idd gschrihbe.


    sFleckle isch mr oo eigfalle: Im Schweizardeidsch isch ja huere- a zemle normale vrschderknde Voersilbe.

    Bei eis geng des abr oo: Dean hasch ja schea ibrs Oehr kaue! Du bisch mr so a Hueresiech! ;-)

    #120Author manni3 (305129)  10 Mar 21, 09:55
    Comment

    Desch wahrtscheintz a Fall wia mim Hond. Wann i oin an Hond hoiß, isch des moischdns negadiv - wann abr sag "Bua, deeesch a Hond. Was derse draut!" - nochd isch des eahnr bewondernd. Mim Luadr goht des oo. "Duuu bisch a Luadr, FFle" hoißt, daß se ganz schea frech ond gwieft isch. [Ond dau merke, daßmr do oi Silbe (deeeesch odr Duuuu) abbl arg laang schbrecha muaß, daßes bosediv werd.]


    Huara... ond Huaraments... isch bei oos oo vrschdärkend. Du Huaramentsseggl, Du, hosch Du so an Huarascheiß iebr mi vrzelld?!


    Re Elefandahiera - mei, en dem Gschwollschädl isch halt idd bloß Vakuum ;-)

    #121Author Selima (107)  10 Mar 21, 10:13
    Comment

    Wahrscheinz hasch des in dr Schublad "hoeche Brijoridäda" im Ordnar "allarheggschde" àgleggd, wie oo "-Ar" ;-)

    #122Author manni3 (305129) 10 Mar 21, 10:32
    Comment

    Als Vorsilbe odder Zusatz, glar, dò kennt mr des scho au em posidiva Sinn. Abber so fir sich gnomma sen dia ãschdeßiche Schimpfwerder fir Fraua doch eher net em posidiva Sinn in Gebrauch, moin i, dò isch die Huddl scho a Ausnahm, odder?

    I han zom Beischbiel no nia drvo ghert, dass mr "Hur" odder "Schlambe" posidiv vrwendet, au mit ma noo so langa Duuuu drvor oder an Haufa Smailies drzua.


    (War des net dr Willy Reichert, odder dr Oscar Heiler, wo en dem oina Häberle-on-Pfleiderer-Sketsch gsagt hòt: " A Faaakuum, a Faaakuum, des isch, des isch....i han's em Kopf abber i kann's net saga!")

    #123Author Goldammer (428405) 10 Mar 21, 10:46
    Comment

    Des schdemmt, Emmrle. "Mei, Duuuu bisch a Huar" kaa gar nia bossediv sei.

    #124Author Selima (107) 10 Mar 21, 10:49
    Comment

    "Du (Riese-)Arschloch - du wäeschbr so a Arschloch sei!" oo idd. Ond des dädi oo bloss zue am Mannsbild sage.

    #125Author manni3 (305129)  10 Mar 21, 11:21
    Comment
    #126Author Goldammer (428405) 10 Mar 21, 14:16
    Comment

    Uss dr SZ zom Dhema alemannescha Schbrachgebrauch:


    Eine positive Begleiterscheinung hat die Ära Löw für all jene Mundartsprecherinnen und -sprecher, die sich als hinterwäldlerisch verspottet fühlen. Sein alemannischer Heimatdialekt, der sich aufs Unheilvolle mit dem schwäbischen Einschlag aus den Stuttgarter Jahren mixte, vermochte seinen Cool-Faktor nicht entscheidend zu schmälern. Im Gegenteil, es war eine Zeit lang unter Vorgesetzten fast schon schick, von der Belegschaft "höggschde Konzentration" zu fordern. Selbst gelegentliches höggschd konzentriertes Nasepopeln an der Seitenlinie wurde ihm verziehen, jedenfalls von manchen.

    #127Author manni3 (305129) 11 Mar 21, 00:03
    Comment
    Höggschd konzentriertes Nasepopeln

    *gg*

    What a missed opportunity! Why did I never teach my students the word Nasepopeln?
    #128Author Amy-MiMi (236989) 11 Mar 21, 03:07
    Comment

    An guada Morga,


    höggschd konzendrierds Nasenpopeln wird au em Audo an dr roda Ambel emmer wieder gern demonschdrierd. Doils so diaf versongga, dasse nedd mergat, wenns grea wird.


    Dâ fälld mr a Gschichd vo 'ma Bekannda ei, der wo bei dr Bolizei war. Bei ra Großverâschdaldong en dr Schleyerhalle mid hohem Verkehrsuffkomma an dr Kreizong isch'r em Schdroifawaga gsessa. Nadierlich hòt sich dr Verkehr en älle Richdonga gschdaut, weil wiadr älle en Kreizong neigfahra send ond der Querverkehr blockierd hend. Nâ hòt'r zom Mikrofo griffa ond iebr dr Laudschbrecher folgende Durchsag gmacht: "Bitte halten Sie bei Stau die Kreuzung frei. Das gilt auch für Sie im roten Passat, der Sie gerade in der Nase popeln". Der so âgschbrochane isch hender seim Lenkrad emmer gloiner worra.


    Mei Frau isch mid em Schdroifawaga ghoggd on isch schier nabrocha.

    #129Author opadeldok (1319435) 11 Mar 21, 08:43
    Comment

    A²My³le ;-)

    Wie dädesch du dees uff Amäerekanesch sage? Midd am dexanesche Zongeschlag odr uff Ebonix?

    #130Author manni3 (305129)  11 Mar 21, 10:19
    Comment

    *nixblick*.....texanisch? Wia kommsch du beim Eimimimile uf texanisch? On was isch Ebonix, bliiiß?

    (I glaub dia Ami saget ganz schlicht pigg wòns nous, odret? Also, nouspigging als Nomen)


    Des Gschichtle isch sauglatt, Opale!

    #131Author Goldammer (428405) 11 Mar 21, 12:22
    Comment

    Fihrleichd moind dr manni des dâ: Ebonics

    #132Author opadeldok (1319435) 11 Mar 21, 12:30
    Comment

    Wega'm Häberle ond'm Pfleiderer hängd mr au seid ewige Zeida ebbas em Kobf, i glaub 's isch aus dr Friedenskonferenz.

     

    Häberle: I han geschdern en dr Schdadt ihr Frau droffa. Sie hòt me abbr nedd gseah.


    Pfleiderer: I woiß, sie hót's mr verzählt.

    #133Author opadeldok (1319435) 11 Mar 21, 12:39
    Comment

    😀


    Hòsch recht, Opale, des moint-r beschdimmt, dr manni, onser Längguitschfriek!

    #134Author Goldammer (428405)  11 Mar 21, 12:46
    Comment

    Genaoso isches, Opale!


    Ond wie dädesch du des Höggschd ibrsedze, Emmrle? Oifach oi Adwerb ussm Wäedrbuech, weil des fier di soweso schdandardschbrochlech isch? ;-)

    #135Author manni3 (305129)  11 Mar 21, 13:10
    Comment

    Was mi iatz nadierlech bschäfdigt: Warom isch d'Omadeldok em Schdroifawaga ghoggt? Isch dia oo Bollezischdin gwea?

    #136Author Selima (107) 11 Mar 21, 13:29
    Comment

    Des han i mi au gfrògt, Ameisle. Han me bloß et draut...


    Höggschd? Ganz oifach: mouscht konßendreided nouspigging.

    Desch oifach a Subberladiev.

    #137Author Goldammer (428405) 11 Mar 21, 13:36
    Comment

    Dia Weiberleit mòl wiadr, wonderfitzig wia se send. ;-)


    Noi sie war koi Boledzischdin, des isch scho iebr dreißg Jòhr her ond dâ hót's grad erschd âgfanga ghet mid dr Ausbildung vo weibliche Bolidzischda. Sie hòt blooß dia Bolidzischda älle em Reitvrei kennaglernd. Ond durch's Turnierreida hend dia des Küka onder Ihre Fiddich gnomma ond au ihre Bolidzeibferd em Schdall vo dr Beriddna reida lassa. Ond dia Freindschafda hend doils ghoba bis ens Erwachsanaalder. Durch des hòt se dann au bei'ra großa Reidverâschdaldong midde dr 80er mid denne nach Schduagerd nei fahra dierfa ond hòt iebrall freia Zudridd ghet. Ond i hab drhoim uff onsre Jonge uffbassd.


    mouscht konßendreided nouspigging


    Also i häb do heily konßendreided nouspigging gnomma, 's sodd jo au hoch nuffganga. ;-)



    #138Author opadeldok (1319435)  11 Mar 21, 15:19
    Comment

    Ah, dangge Opale, jetzt wissamer Bescheid!


    I hett ebba bei "haily" dr Subberladiv vrmißt. Des wär jò wertlich "hochkonßendriert" on net "höggschtkonßendriert", moin i.

    #139Author Goldammer (428405) 11 Mar 21, 15:52
    Comment

    Emmerle, dâ hòschd au wiadr reachd....


    ...obwohl, ward amòl gschwend....


    ..i hau grad nâchguggd. LEO biadat fihr höchst u.a. "highly" â. Abbr d' Schdeigerong vo "highly" wär jâ "highest" was lt. LEO "allerhöchst" wär. Ond des tobbd dann mei "heily" ond dein Moscht ääh dei "mouschd". ;-)


    Einiga mr ons uff "haieschd konßendreided nouspigging".

    #140Author opadeldok (1319435) 11 Mar 21, 16:18
    Comment

    Deam Dank schliaßeme aa, iatz kaane heid aubnd guad eischlofa :-)

    #141Author Selima (107) 11 Mar 21, 16:19
    Comment

    Opale, i glaub haiescht kã mr ebba et adwerbial vrwenda, was en onserer Konschdrukzjoh abber erforderlich wär. Mòl säh was dr manni, äß ai sedd dr Länguitschfriiknamberwòn, drzua moint...verlleicht gòht's jò doch. Odder verlleicht gugget s' Eimimimile noml rei on erleichdet ons.

    #142Author Goldammer (428405) 11 Mar 21, 16:26
    Comment

    Koi Ursach, mr hilfd womer kâ. ;-)


    Nâ maches heit âbend so, wia a friehere Kollegin emmer gsaid hòt, wemmer se globd oddr sich fier was bedangkd hòt: Jetzt ganga heit âbend gladd barfuaß en's Bedd.

     

    Edith moind, nâ miaßdet mr hald dr Satz omschdella uff "nouspigging wiss haieschd konßendreischen".


    Was mr machet wenn's nedd klabbd, des seahn mr dann wenn's nedd klabbd. Des klabbd emmer.

    #143Author opadeldok (1319435)  11 Mar 21, 16:28
    Comment

    Geniaaal, Opale!

    So fläxibl em Dengga wär i jetz widder et gwä, zom uf die Omschdellong vo de Werder z'komma.


    (Der Ròtschlag isch guat, richdich bragmaddisch!)

    #144Author Goldammer (428405) 11 Mar 21, 16:53
    Comment

    I will me nedd mid fremde Fedra schmigga, der Schbruch isch vo dâ: Des klappd

    #145Author opadeldok (1319435) 11 Mar 21, 16:58
    Comment

    Ah jetzetle. I han mr so en Wideoglibb von "Das letschde Wort" uf Jutjuhb ˜guggt. Desch echt guat gmacht! 😀


    D' Edith dät gern no wissa ob des a Orginalzitat vom Kretsche isch odder bloß guat erfunda? Woisch du des?

    #146Author Goldammer (428405)  11 Mar 21, 17:11
    Comment

    Also i denk, des hòt dr Andreas Müller em Kretschmann en dr Mund glegd. Abbr 's kennd zom Kretschmann bassa, wia dr Hendra uff dr Topf. ;-)

    #147Author opadeldok (1319435) 11 Mar 21, 19:38
    Comment
    I did write something, but it disappeared (I blame the iPad).

    Some serious nose picking. That‘s what I would say, though I can‘t say it in either AAVE (aka Ebonics) or a Texas accent.

    It‘s sunny but windy today. I saw the first crocuses today, though not in our yard. It rained last night and the snow is almost gone.
    #148Author Amy-MiMi (236989) 11 Mar 21, 20:20
    Comment

    Riallie? ßiries äs dransleschn for höggschtkonzentriert? Indreßding! Höggscht indreßding indied!

    #149Author Goldammer (428405)  11 Mar 21, 21:03
    Comment

    Om dr Gottes Willa, dâ werdat jâ fihr mi mid meiner fondierda Halbbildung wiadr Mordsfallà uffgschdellt.

    serious = ernsthaft/ernst gemeint; seriously = seriös. Abbr nose picking isch doch en koim Fall seriös ond au nedd ernschdgmoind. Falsche Freind meglicherweis? Mir brommd dr Schädl. I gang ens Bedd ond dengk morga nomòl driabr nâch oddr ihr erlösad mi en meinr Hilflosigkeit. A guads Nächdle midenand.

    #150Author opadeldok (1319435)  11 Mar 21, 22:30
    Comment

    (Opale, i han me doch au gwondert wia's Eimimimile uf ßieries komma isch! Mòl säha ob mr dò no a weng maih Glarheit neigrieget)


    (I heng me jetz glei wenn's Middernacht isch noml hender da Impfterminsörwiß wega ma Termin fir dr Dengs. I han heit en Insaidertibb griegt, dass mr kurz nòch Middernacht am beschda en Termin griaga dät, weil se do de neie Termin eischdellet. Mòl säh obs glabbt. Was-e mach wenn's net glabbt...onsoweider siehe oba....)


    (D' Edith lesst ausrichda: s' hòt glabbt)


    #151Author Goldammer (428405)  11 Mar 21, 23:59
    Comment

    I hao oifach gwaarded, bisse mier Derminvoerschleg gmached hand. De äeschde haoni gnomme - heid (also gnaognomme nechd) zMiddaag ommare viedl uff zwelfe.

    #152Author manni3 (305129)  12 Mar 21, 02:00
    Comment
    It‘s not a translation; it‘s more like what I think someone might say in English.

    Congratulations on the vaccine appointment.. (I think I read that correctly.) I managed to get Herr MiMi an appointment last week. Thank you Pfizer-BioNtech. My brother-in-law got the Moderna vaccine a week earlier in a different county. He has a condition that puts him at higher risk, if I‘m not mistaken. My sister-in-law is eligible due to her occupation (agriculture), but she is one of those people who wants to wait. *sigh* Thanks to the Biden administration, I will be eligible soon, far sooner than at first predicted. Hopefully I‘ll be able to sign up through the county health department as easily as I was able to register Herr MiMi. Going through the pharmacies was not working at all, and just made me feel desperate.
    #153Author Amy-MiMi (236989) 12 Mar 21, 04:51
    Comment

    Boschurle, Schbätzla! Haili indressante Gschbrächsthema henner ghet.


    Vegale, hott des "I heng me jetz glei wenn's Middernacht isch noml hender da Impfterminsörwiß wega ma Termin fir dr Dengs" klabbd mid dem Goischdrschdundatermin? Sozusaga fingr in the nouse! Kaschmer des empfäahla?


    Den Tip hot mr geschd mei Freindin Natale gäah. I wills heit Nacht vrsuacha fr da Schose. I hedd gern, dasser vorem Opee-Termin gimbfd wird.


    D'Edith will no em Aimimile zu dem I did write something, but it disappeared (I blame the iPad) äbbes sage: Des bassierd em Gäbale allhägg, desch fei ägschdrimli närfig.

    #154Author Moi Gab (456541)  12 Mar 21, 10:48
    Comment

    Wie xagt, d' Edith hòt's jò scho vrmeldet: jò, 's hòt glabbt. En Code han-e allerdengs scho ghett - hòsch du des scho oin fir dr Schose? Wenn net, muasch äll halb Schdond brobiera, weil ohne Code brengt dr des om Middernacht au net viel. Dò schaldet se halt de nuie Termin frei fir dia wo scho en Code hen.


    I hab au no ieber em Eimimimile sei Lösung "ßieri-eß nohspigging" nòchdenkt on i glaub i vrschdand's jetz besser: ßieri-eß im Sinne von "ernschthaft, ganz bei dr Sache, des was oin grad hauptsächlich on am meischda beschäfticht", on so basst des nò scho guat fir so en Hansl wo en seim Audo hoggt on en dr Nas poblt als gäbs nix Wichdigers uf dr Welt.


    On ja, Eimimimi, hòsch richdich vrschdanda, dr Dengs hòt a waxxinehschn appointment. Indreschding dass bei eich Beschäfdigung in dr Landwirtschaft zor Impfung berechdicht - weil des sischdemrelewante Tätichkeida sin, odder worom?

    Hierzuland isch's Alder (on dòdrmit 's Risiko einer schweren Erkrankong) 's Haubtgriterium, on nò no Leit mit beschdimmde Vorerkrankonga odder Behinderonga, die deshalb a erhehts Infektzjonsrisiko hen, on sodde wo von Berufs wega heifich mit viele Leit zammakommet zom Beischbiel Pflegepersonal in Heime on Krankaheiser, on neierdings Lehrer on Lehrerinna on Beschäfdigde in dr Kinderbetreiung. Vrmutlich kommt d' Bolizei em Außadinscht au bald drzua.

    #155Author Goldammer (428405)  12 Mar 21, 15:06
    Comment

    Wuchenendlechschbrochwisseschafdleche Omfragereame nauf!!



    Do deana Siehe auch: gschaftln gohz am Schluss zue om die Formelierung bist scho wieda am Gschaftln?

    Se dond grad rom, ob des midd deam am Ebbs-doe-Seî oo a genuihn-dradedzjenells Auschdrobawaresch sei. Normalarweis haißba des im LEO ja rheinische Verlaufsform.


    I hao mi gfroged - ond jiedz frog i oo ui, ob des oo a dradedzjenells Schwäbesch isch. I sax scho efdr, abr i bi ja in so am dreifeldege Hoechdeidsch-Bairesch-Allgaiaresche Omgangsschbrochgebrauchläebmskonndexd, ond i konndz idd sage, ob mier des friehnr dahoi oo xed hand.



    Was moined dier? Isch des a nuija Rheinizissmus odr isch des bei eis scho allad im Gebrauch?



    #156Author manni3 (305129)  13 Mar 21, 08:59
    Comment

    Doch, des kenn-e als gebreichlech.

    I bêe am Kocha, er isch am Ommanandgruschdla, mir sênd aim Fuddgâuh ...

    #157Author twocents (460778) 13 Mar 21, 09:55
    Comment

    :-) I bêe am Kocha


    Genau des isch mr als erschdes au eigfalla. Am Ganga, am Schaffa, am Schreiba, bei ällem wa da doa kòsch iebraus gebreichlich.


    Wia lang des scho em schwäbischa gebreichlich isch woiße nedd, abbr als Kend haune vo meinr Muddr efders ghert: I hau grad koi Zeid, i be am Kocha. Ond des isch scho iebr sechzg Jòhr her.

    #158Author opadeldok (1319435)  13 Mar 21, 10:04
    Comment

    Mir isch des au absolut vrdraut. Älle dia Beischbiel vom Zwoisentle on Opale ("am Omenandergruschtla" gfellt mr bsonders.....weil i des emmer gern dur.) I glaub net dass des a eigschlebbdr Rheinizismus isch.

    #159Author Goldammer (428405)  13 Mar 21, 10:47
    Comment

    Beim Omenandergruschtla fälld mr doch assodsiadihf a anders schees Word ei: Àmenoschlubferle. :-)

    #160Author opadeldok (1319435) 13 Mar 21, 11:06
    Comment

    I vrwends oo ganz selbvrschdändlech, walls so bragdisch isch ond a Ligge fillt, dia osr Dialegt ond osra Omgangsschbroch ghett hot. I moi, dass des idd dippisch frd allemannische Varianda isch. Aber i wißt iatz ned, wiamr des nochbriafa koot.

    #161Author Selima (107) 13 Mar 21, 11:11
    Comment

    Frog amohl dei Mueddr ond dein Vaddr.


    Mier isches grad so, dass dr uerschbrenglech Sadz wär:

    "Ruef biddschea schbädr nohml ââ - i be grad beim Koche!"


    #162Author manni3 (305129) 13 Mar 21, 11:23
    Comment

    Desch guad meglech. Abr dädmr oo saga: Du, i be grad beim Ganga? Ond: I be grad beim Gärdla? Dau moine hätte friahnr "I dua grad gärdla" gsät.

    #163Author Selima (107) 13 Mar 21, 11:27
    Comment

    Manni, des isch fei ed nedd vo dir, des Emmerle en deam Gschafdl-Fada a Ulmer Schachdl z' hoißa. Dia isch doch gar ed vo Ulm. ;-)

    #164Author opadeldok (1319435) 13 Mar 21, 13:46
    Comment

    Noi, desch wohr. Dau hammer andre dauherinna, dia oo idd ganz, abr faschd von Ulm send. Mid UlmAr muamr ja grundsätzlech abbl ond iebrall rechna.

    #165Author Selima (107) 13 Mar 21, 13:48
    Comment

    Schdemmt, abber - danke drotzdem fir dein ridderlicha Eisatz, Opale! - dr manni hòt net mi a Ulmer Schachdl ghoißa sondern er bezieht sich auf den vrmudeda Vrbreidongsweg vo dem bsondera schbròchlicha Fänomen nòch Siedoschda iber dia Ulmer Schachtla

    (Odder war dei ridderlicher Eisatz au mit tangintschiik zom Vrschdanda? On du hòsch velleicht bloß drauf abheba wella dass i velleicht koi Ulmer Schachtl, abber a Reitlenger [alde] Schachtl sehr wohl ben?? )

    #166Author Goldammer (428405)  13 Mar 21, 14:17
    Comment

    tangintschiik - batt so what from. Sorri ei kudd nod risisd.

    #167Author opadeldok (1319435)  13 Mar 21, 14:25
    Comment

    Du wäeschbr so a ausgfuxda Siech sei, Opale ;-)

    Abr sEmmrle hadd scho gmerkd, was Du aingdle drmidd moinsch, dasse gar idd vo Ulm sei 😏



    Maisle, veleichd geiz oo no andre Bräbbesitzjona: i be grad ondrem Gaô

    Des wär uff jedn Fall oo a gengege Subbschdandewierong, odridd?


    #168Author manni3 (305129)  13 Mar 21, 14:40
    Comment

    Secht mr des tatsächlich? Onderem Gao? Desch jò dodal schick! I vrschdands zwòr, abber selber dät i's et so saga.


    @Ameisle: I moin es isch au net drom ganga, dass des (bloß) tibbisch alemannisch isch. Abber uf jeden Fall et exglusiv rheinisch, sondern en de diwerse sieddeitsche Dialekt genauso urwigsich vorhanda.

    #169Author Goldammer (428405)  13 Mar 21, 14:51
    Comment

    Beim Grimm seine Buebe dauchd auf:

    under dem singen Wilw. v. Schaumburg 9,

    wachsen Guarinonius 869,

    essen Luther

    #170Author manni3 (305129) 13 Mar 21, 15:00
    Comment

    "Ondr" em Sinn von "beim" kenne scho: "Ondrm Kocha ischmr eigfalla, daßne d'Wäsch no macha muaß" (om amol ganz diaf ind'Glischeekischd zom greifa)*.


    Noi, Emmrle, des hanne au idd behaubta wella, dass des dippisch schwäbisch isch. I moin, dasses bei oos zmindescht en meir Jugnd wohl no ned ieblech gwea isch. Zmindescht kaneme no erinnra, daß i des mit Vrwondrung zur Kenntnis gnomma hau, daß des git, alze beim Schdudeom mit ganz ville Warianda der deutschen Sprache en Beriehrung komma ben. Moine - beschwöra kanes ned.


    * I hädd oo schreiba kenna "Ondrm Holzhagga ischmr komma, daßne no a Kischd Bier bsorga muaß" ;-)

    #171Author Selima (107)  13 Mar 21, 15:07
    Comment

    Wie wär's mit a baar moderne Wariandana:

    Onderm Kocha isch mr eigfalla, dass e no a Kischt Bier brauch.

    Onderm Holzhagga isch mr komma, dass-e no d' Wesch macha muaß.


    Endressant, manni, deine Fundschdigge bei de Grimmsbuba!


    #172Author Goldammer (428405) 13 Mar 21, 15:19
    Comment

    Odr: Ondrm Sörfa ischmr komma, daßne meine Imeels no tschekka muaß :-)

    #173Author Selima (107) 13 Mar 21, 15:36
    Comment

    Was schlemm wär, wenn oim ondrm Babbla eifälld, dass mr besser sei Gosch ghaldà hedd.


    I be vielfältig, nedd wega meine Faldà (jâ wega denne au), sondern weile em Âmeisl seine vier Glischees älle erfillà dät. Ihr derfat jetzat au Mohsiöh Plissee zo mr sagà. ;-)

    #174Author opadeldok (1319435) 13 Mar 21, 17:11
    Comment

    Was schlemm wär, wenn oim ondrm Babbla eifälld, dass mr besser sei Gosch ghaldà hedd.

    Wem sagsch du des, Opale, ehm, Mösjöhblisseele, wem sagsch du des.....


    (I komm irgendwia bloß uf drei Glischees beim Ameisle....)

    #175Author Goldammer (428405) 13 Mar 21, 17:45
    Comment

    Do deana hadd oo no oir die Karde ussm Schbrochaddlas eigschdelld:

    http://www.atlas-alltagssprache.de/runde-2/f18a-b/

    #176Author manni3 (305129) 13 Mar 21, 23:41
    Comment

    Näebem/ondrem/beim Schdaubsauge kaa ma koi aaschbruchsvolle Muhseg idd häere. Voerem/hendrem/schdadzem Schdaubsauge gohz abr gued. Grad kudd dBachkandade ;-)


    Nochdrag ommare sibzeh Minudda noch viedl neine, odr ma konnd oo sage ommare halbe neine:

    Ibregenz isches grad a bissle am Schnäeräegeschauerle ;-)

    #177Author manni3 (305129)  14 Mar 21, 08:13
    Comment

    Hoofendlich hòschd an Flyschdergaugauger, sonschd haud 's deine Nâchbrà jâ am hellichda Sonndichmorgà aus dr Kischd.


    Bachkandade zom Hera naebm Schdaubsauga gòht scho, muaschd hald dia Musig so laud machà, dass dr Schdaubsaugr nemme herschd. ;-)

    #178Author opadeldok (1319435) 14 Mar 21, 14:51
    Comment

    dr SchdAubsAugAr hadz A idd uff vierhondrdfemfedreißg Herz (alde Schdemmong) ;-((

    #179Author manni3 (305129) 14 Mar 21, 15:18
    Comment

    Dezibbl schlägt Hertz! No herrschd au Schdimmong, abbr a ganz a andre. ;-)

    #180Author opadeldok (1319435) 14 Mar 21, 15:28
    Comment

    Bei eire „hochgeischdige näebem/ondrem/beim Diskussjona“ isch mr schbondan des dazua eigfalla:

    Ondrm Sofa isch au in da Schdub.

    S’bassd zwar id, abr i honns wellawäag schreiba wella.

     

    Scheißcoronaterminbuchung – i komm iddamôle so weit, dasse an Vrmiddlungskood griaga kennt.


    Boschurle au no.

    #181Author Moi Gab (456541) 14 Mar 21, 17:44
    Comment

    Mei Gäbele, des isch ergrlech!


    I kaa dr laidr idd weidrhelfe midd dem Dermihn. Bei mier uffm Ballkaah hadz subbr klabbd!

    #182Author manni3 (305129)  14 Mar 21, 17:55
    Comment

    Gäbele, i drugg dr Dauma, dasses bei eich bald klabbd.


    I be wahrscheindz no gar ed drâ, i fall nedd onder dia Personàkreis, dia wo zersch'd drâ kommed. I hald me hald en de Aggdiwidädà zruck, bis i au drâ be.


    Ondrm Sofa isch au en dr Schdub, des muaße mr merga. ;-)

    #183Author opadeldok (1319435) 14 Mar 21, 18:11
    Comment

    Ondrem Sofa isch dr zwaid Sock!!!

    #184Author manni3 (305129)  14 Mar 21, 18:48
    Comment

    Bischd sichr? I glaub dean haune neilich beim Schdaubsauga eigschnorchlàd, des h`t so komisch pfuudzgàd. ;-)


    Abbr i hau neilich a halbe Schdond nach meiner Knöpflesdschiehns gsuachd, vo derra i gwieß gwißd hau, dasse se zwoi Wocha drvor en dr Wäschmaschee ghet hau. Sämtliche Schränk, en älle Zemmr, d' Bieglwäsch, älles a baar mòl durchgsuachd. I hau me meh als oimòl fir bleed erklärd ond dann uffgebbà.


    Ond wiane a weng schbädr en 's Schlâfzemmr lauf, zom 's Fenschder vom Lüfdà zuamachà, ond me dann omdreh, was hängd dâ am Kleidrschrank, vor dem i vorher scho femfmòl gschdanda be? Genau, mei Knöpflesdschiehns! Kâ mr wirglich so bleed ond blend sei?

    #185Author opadeldok (1319435)  14 Mar 21, 19:08
    Comment

    Ja, Opale! Ond des wäed mibbm Aldar allad mäehr ;-((

    #186Author manni3 (305129) 14 Mar 21, 19:36
    Comment

    Oh Manni, du raubschd mr jegliche Hoffnong.


    Du woisch doch:


    Oba fit ond onda dichd

    mehr winsch ich mir vom Alder nichd. ;-))

    #187Author opadeldok (1319435) 14 Mar 21, 19:56
    Comment

    Opale, des isch des Zeigs, wo oin vrsegglad. Meine Gloidr donn des schdendig. Immr grad des, wone aziah will, hogged imma Eck und lacht sich schäbs. Do hot gwieß da Sigmund mol äbbes driebr gschrieba.



    #188Author Moi Gab (456541) 14 Mar 21, 20:56
    Comment

    Dr Sigmund hòt was iebr meine Knöpflesdschiehns gschrieba? Moinsch i sodd me amòl en a Bsiechoanneliese begebà? Nòchher fendàt dia nò raus, dass dia Dschiehns mei Iebr-Ich send ond i au no a eroddischs Vrhäldnis drzua hau. Oddr am End gar deine Gloidr on dmeine Dschiehns a hoimlichs Verhäldnis middanander hend? Om dr Goddes Willa. ;-)


    #189Author opadeldok (1319435) 14 Mar 21, 23:37
    Comment

    Opale, wer woiß, wa die nachts duan wemmir boide schlôfed? Dô muene erschmôl driebr nôchhirna. Abr wia hoißzd? Wia da Herr so sGscherr. Meine Gloidr sin gwieß ahschdendig, wia i au. Kasch du des au vo deine Knepflasdschiens behaubda?

    #190Author Moi Gab (456541) 15 Mar 21, 15:21
    Comment

    Worom soll des õãschdendich sei, wenn a Gnepflesdschiens on a Gloidle ebbes mitenander hent? Desch doch vellich agzebdabl! Was sender denn so vrglemmt??

    (I fròg me allerdengs was dòdrbei rauskomma dät, wenn se et gscheid vrhiedet...... a Dschiensreggle velleicht?)

    #191Author Goldammer (428405)  15 Mar 21, 16:53
    Comment

    Veglae, du bisch dia Beschd. Di nämmamr als Gotta und da Manni als Gette. Bisch eiverschdanda damit, Opale?

    #192Author Moi Gab (456541) 15 Mar 21, 18:02
    Comment

    I be midd ällem eivrschdanda, wenn's dr Wahrheidsfendong diend. Kloidrbrodugdzio durch nadierliche Textilfordbflanzong, des hòt was. Mr woiß hald nia, ob was gscheggads, was gschdroifds oddr was karierds drbei rauskommd. ;-)

    #193Author opadeldok (1319435) 15 Mar 21, 19:16
    Comment

    Emmrle, an am vrklemmde Reißvrschluss däz drbei jebmfalls idd schaidre ;-)

    #194Author manni3 (305129) 15 Mar 21, 19:32
    Comment

    Ond jetzat fihr ebbes kombleddlich differendes, 's werd abbr a weng längr. Vielleichd hòt jemerds vo eich no a Idee. 'S gòht om Folgendes:


    Mei Dochdr hòt me heit dr halbe Dag beschäfdigd. Sie gòht Ende März en a Muddr-Kind-Kur ond muaß zur Uffnahm an Corona-Deschd middbrenga, der nedd älder als 48 Schdonda isch. 'S isch a weng bleed, weil d' Âreis am Meedich isch. Eigendlich dädat se an PCR-Deschd bevorzuga, abbr se wärad au middm PoC-Deschd zfrieda, der derf abbr nedd älder als 24 Schdonda sei.


    Sie schaffd dagsiebr, also muaß hald wiadr amòl dr Vaddr eischbrenga. I hau midd dr Krankakass delefoniehrd ond 's Indernedd durchforschdàt ben abbr no uff koi Ergebnis kommà.


    An PCR-Deschd ohne Symptome muaschd selber zahla (ca. 150 € x 3 =450 €). D' Krankakass iebrnemmd die Koschda nedd. Seid'm 08.03. hòt jeder Biergr oimòl wechendlich Âschbruch uff an koschdalosa PoC-Deschd. Blooß wo kriagschd den am Sonndich her? Z' Nierdenga geit's a Deschdschdadzioh, abbr do Muasch de vorher âmelda midd ma Kohd. Wo da den Kohd hergriagschd schdohd abbr nedd drbei. Noch faschd femf Schdond Reschersche ware so schlau wia vorher.


    Nâ brobiere's hald morga beim Gsondheidsamd. Wenne dord iebrhaubds durchkomm. Abbr ia hau jâ sonschd nix zom dau (moind mei Dochdr), i dua's jâ au, abbr dia ald Gschichd vom Pontius ond Pilatus nerfd hald drodzdem eggschdrem.

    #195Author opadeldok (1319435) 15 Mar 21, 20:24
    Comment

    re: Wo kriagschd den PoC-Deschd am Sonndich her? Ha, vielleicht vo dem Doc, wo a dem Sonndig Dienschd hott. Ende März isch schneller assma dengkd und i moin dô dirfdad dia Plän vo wär a dem Wochaend Dienschd hot scho schdanda. Guggamôle, ob da des rausgriaga kasch und no ruafsch dia Praxis a, erklärsch und frogsch, obse des macha dädad. I däts jô macha, abr i bin koin Doc und i honn koi Praxis id. 🙁


    D'Edith moint no, i sälbr sei au am vrzwatzla. I komm oifach näana durch, dasse fr da Schose an Termin buacha kennt - wedr znacht noch da Zwelfe, no morgns in allr Hergottsfriah. Oh bitte, liabe Schwäbla, druggedmr do dDauma, dasses heit amôle glabbd.



    #196Author Moi Gab (456541)  16 Mar 21, 12:02
    Comment

    Gäbele, des kã'sch em Moment vrgessa, mit dem Aschdrazenekascheiß. Termine sen momendan Manglware. Brobiers weiderhin, velleicht hòsch jò Glick. Abber leg dr a gude Kuddl zua.

    Moinsch net dass se velleicht en dera Kur a Impfong fir dr Schose organisiera kenndet? Wenn-r als Pazjend dò isch?


    Opale, i rescherschier amòl a weng. Erschde Idee: z' Diebenga isch jò grad a Modellbrojekt am Ãlaufa, dò kã mr sich ieberall teschda lassa on no derf mr en d' Läda on Gaschdronomie - i vrmut dass dia au am Sonndag teschdet. I woiß, es isch scho a weng weit, abber wenn's de oizig Meglichkeit isch?


    Guggsch du dò: https://www.tuebingen.de/


    Wenn-e no ebbes anders rausfind, meld-e me noml.


    Noml a Idee, falls-r des no et dscheggt hen: wo isch den ihr Kur? Es isch doch mittlerweile so, dass en viele Ort Abodehka Schnellteschds abiedet, odder a regionals Schnellteschtzentrum. Nò kennt se jò am Ãreisedag deet gschwend no en Tescht macha!


    Odder: Hòt se (oder hòsch du) denn en dera Kurglinik amòl ãgrufa, ob dia a gude Idee hen? Sie isch jò net de oizig wo dò ama Mondag ãreist, des Broblem hen doch die andere Fraua au! Veilleicht wisset dia in dr Kurglinik ebbes!


    Abodeek mit Sonndagsdinscht velleicht? Mr miaßt allerdengs rausfinda, ob die zo dene ghert dia wo Teschds abiedet. Dòhanna fendesch Abodeega wo Teschds ãbiedet. Nò muasch bloß no gugga ob vo dene em Umgreis vo dr Dochder oine Sonndagsdinscht hett.



    #197Author Goldammer (428405)  16 Mar 21, 14:52
    Comment

    Hallo Mädla, dangkschee fihr dia Gedanka dian 'r eich gmachd hend. Des mid'm Margdbladz en Diebenga haune geschdern scho âguggd ghet. Lt. Reidlenger General-Âzeigr send dia Teschd abbr blooß vo Meedich bis Samschdich. Ond des wär fihr den PoC-Teschd z'lang.


    I hau vorher no mid dr Corona-Hotline vom Landratsamd Esslenga delefoniehrd ond der sehr nedde Mensch hòt sich richdig Zeit gnomma fihr meine Froga. Ond des obwohl dia grad mid Sichrheid mid Âfròga iebrlaschded send. Echd vorbildlich. Jetzat be i a weng gscheidr. 'S geit zwoi Meglichkeida fihr PoC-Teschds, entweder an Arzt aus 'ra Lischde vo Ärzt vo dr Kassaärzlicha Vereinigong wo Teschds durchfihrad ond der au Sonndagsdienschd hòt oddr Abodhega mid Sonndagsdienschd. Dridde Meglichkeid PCR-Teschd am Samschdich en Diebinga bei CeGat om 65,00€ pro Teschd. Ergebnisgarandie ennerhalb vo 8-24 Schdonda. I kâ meinr Dochdr dia Meglichkeida nenna, wa se nâ machd isch ihr Entscheidong.

    #198Author opadeldok (1319435) 16 Mar 21, 15:20
    Comment

    I dät echt bei dera Glinik amòl ãrufa! Dia kennet doch et d'Leit am Meedich eibschdella mit sora broblemaddischa Vorbedengong!


    #199Author Goldammer (428405) 16 Mar 21, 16:28
    Comment

    Vegale, des Broblem isch, dassda Schose id assa ugimbfda ins Grangkahaus will. Des kane vrschdanda. Und, wa dia Terminbucherei ahgôht siehz jetz so aus:

     

    Aufgrund des Impfstopps für das Vakzin von AstraZeneca besteht derzeit in Baden-Württemberg keine Möglichkeit zur Onlinebuchung von Impfterminen.

     

    Scheißdreckle

    #200Author Moi Gab (456541) 16 Mar 21, 20:20
    Comment

    Glar, des kann i au vrschdanda. Abber wenner's nimme schaffet vorher, wär's vielleicht ganz guat wemmer scho em Vorfeld glärt, ob'r wenigschdens glei gimpft werra kann wenn'r deet ãkommt.

    #201Author Goldammer (428405) 16 Mar 21, 21:04
    Comment

    Desch echd a bleede Siduazioh fihr eich, abbr des mid dem AZ-Embfschdoff isch jâ au nedd zom vorherseah gwesa. Zerschd zuagsagde Lieferonga halbiera ond jetzt dia sach mid de Bluadgrinsl. Des ghert nadierlich scho abglärd. An verandwordlich handelndr Arzt wird, au zom Eigaschudz vor evtl. Regressfordronga, wenn was schiaf gòht, zur Zeid den Schdoff nedd embfa.


    Zua der Sach vo meinr Dochdr, d' Âreis isch erschd Middwochs. Nâ isch wenigschdens des Broblem glesd. I hau'ra dia Enformadziana weidr gea ond guad isch. Ond nâ haune no an riasa Schdreid middr griagd, weil se zo zigschda Mòl a Neiddebadde midd mr fiehra hòt wella. Des muaße jetzat erschd mòl sagga lassa. I be gschaffd.

    #202Author opadeldok (1319435) 16 Mar 21, 21:48
    Comment

    Oh je, desch jò Schreß pur. Kender kennet oim scho emmer no onder d' Haut, so ald se au sen....erhol de guat, mach ebbes Netts on drenk an Tee (odder an Wisgi, wenn des besser basst....)

    #203Author Goldammer (428405) 16 Mar 21, 22:10
    Comment

    Ojee, Opale. Do hosch mei ueigschrängds Mitgefühl. Soäbbes isch firchdig. Des erinnerad me a oine vo meine Schweschderra. Dia hott frianer äll gega mein Bruadr gschdängkerrad. Der hot des, der hot sell, der holt albott - augaroll !


    Nimms id so schlimm und häff wellawäag a naiß Deile.


    Vegale, am Schose sei OP wird jetz oifach vrschôba und ersch denn durchgfiahrt, wenner gimbfd isch.

    #204Author Moi Gab (456541) 17 Mar 21, 11:43
    Comment

    Desch au a Lesung, Gäbele. Guat.

    #205Author Goldammer (428405) 17 Mar 21, 11:59
    Comment

    I hau grad no ebbes zu ônsrer Diskussjoh neilich gfônda, ob "am-Ebbes-Doa-Sei" gebreichlich isch, nadierle em Addlas zur Alldagsschbrauch - dau scheelat se Ebbfl.


    #206Author twocents (460778)  17 Mar 21, 12:49
    Comment

    Schea, DuSenzle! I haos grad eidrage. Des kudd nocha mibbm näggsche Abbdeid :-)


    Nochdrag: I hao grad ibr de Prof. Elspaß nochgläese, däe wo dean Addlas mached. Dea isch zledschd 8 Johr zAugschburg gwe ond jiedz seid 8 Johr zSalzburg:

    Rufe auf eine W3-Professur für Germanistische Linguistik an der Rheinischen Friedrich-Wilhelms-Universität Bonn und auf eine W3-Professur für Deutsche Sprache der Gegenwart an der RWTH Aachen (abgelehnt)

    Uff Bonn ond Aachen hadd a idd welle. Vileichd isch a Schifahrar ond/oder Bergschdeigar ;-)

    #207Author manni3 (305129)  17 Mar 21, 18:41
    Comment
    #208Author manni3 (305129)  20 Mar 21, 02:55
    Comment

    Oh Manni, deine Bildla sin so scheeee.


    Mir henn a wengle a Schneele am Seele, aber, sroichd idda um sich drin zwala. Schad.


    Opale, i hoff, da hosch de wiedr beruigd. Am Manni seine Ahla und am Brelele ihre Bisuhla mitdr doil. (des däte fei id mid jedm, gell).


    Boschurle au no und häff a naiß deile. I gang heit Nomiddag mit meim Briaderle a da Waldburg wanderra.

    #209Author Moi Gab (456541)  20 Mar 21, 09:47
    Comment

    Bei eis hads oo a klois Schnäele gschneid, ond zom Wahle raichz fier die, deane wos idd uff dMenge Schnäe aakudd, sondrn uff dDembradduhr ;-)


    dKrockussr send jebmfalls belaidegd ond henked dLädsche naa ;-(

    #210Author manni3 (305129)  20 Mar 21, 10:14
    Comment

    Nôjô, se scheinad ehar verglemmd, ass beleidigd.


    I honn in dem Schneele meine Wandrschdiefl butzed. Dia wared dreggad wia Zau. Mein Babbe hot frianer amml meine dreggade Schuah butzed, wellese sonsch assa dreggada azoga hett. Da Schose duat so äbbes id fr mi. I butzem aber jetz seine Schuah au nimme (isch a wengle gloga, dWandschdiefl butzem manchmol schonno, in dr Hoffnung, dasser no mitgoht 😉).


    Bind dann mô weg.

    #211Author Moi Gab (456541)  20 Mar 21, 12:20
    Comment

    *henderdreiruf* Viel Schbaß!


    ...wellese sonsch assa dreggada azoga hett.... han i jetz schbròchlich endressant gfonda, bsonders des "assa".

    I dät dò ããsda saga - kennet ihr des au?

    Desch a Wort, des mr gar-et mit oim nicht-schwäbischa Wort iebersetza kann. Es bedeidet "im....Zuschdand" - also ããsda dreggad - im dreggicha Zuschdand.

    #212Author Goldammer (428405)  20 Mar 21, 13:07
    Comment

    Nôjô, se scheinad ehar verglemmd, ass beleidigd.

    Dr Manni isch halt koi Grogusvrschdeahr ... :-)


    "Âasda" ken-e it, i däät "aso" saga.


    Sonscht woiß-e grad niggs - mi käst grad allz zemmle âa.



    #213Author twocents (460778) 20 Mar 21, 13:48
    Comment

    I kenn des ohne Buechschdabedrääjar als "ââsad". dBedeidong isch äjer in dRichdong "soweso". Schwäer zom ibrsedze!

    #214Author manni3 (305129)  20 Mar 21, 15:32
    Comment

    Zu ããsda dät mi jetz echt des Scheedment vom Opale endressiera, weil mir glaub-i a zemlich ehnlichs Schwäbisch schwätzet.


    (a weiders Beischbiel isch mr no eigfalla: ããsda ganz = unversehrt, in einem Stück, komplett)


    #215Author Goldammer (428405)  20 Mar 21, 21:14
    Comment

    Dschast for se rekkord: Mir isch des wia am FFle oo vellig oobekannt.


    Guada Morga. Heid isch no Wendr, am Migda solls mear Friahleng wera.

    #216Author Selima (107) 21 Mar 21, 09:27
    Comment

    Dankschee, Amoisle, fr dia Imbfo „am Migda solls mear Friahleng wera“. No kane endlich amôle dia neije Bäbbr aufd Milleimr bäbba. Auf dene Bäbber schdoht nemlich druff: Nicht bei Kälte ännebäbba“. No hettamer des au erledigt.

     

    Mei „assa“ entschbrichd zua 100% am Vegale seim „"ââsad"

     

    Senzle, dei „mi käst grad allz zemmle âa“ driffd beimr au zua. Des binne sonsch garid gwehnd vommer. Abr, i glaub, i bin zrzeit au id ganz bacha. Geschd Morga warsmer grundlos zum blärra. Abr dafiar war die Wanderung bei Bad Waldsee (id bei da Waldburg) richdig schee.

     

    Opale, älls Rodschr bei dir??

     

    Häff a naiß Deile, Schbätzla! Mir fahred heit wiedr in da Schwarzwald.

    #217Author Moi Gab (456541)  21 Mar 21, 10:40
    Comment

    Dschaßt for ße record: ããsda, net ããsad


    I ben dò emmer no fasziniert, velleicht fend-e irgendwo no ebbes raus ieber des Wertle. Meine Schweschdra on meiner Nichde isches au vrdraut. Se moinet, mei Mudder häb des oft gsagt.


    's gibt so Zeida, wo d' Welt sich insgesamt bleed afiehlt on mr ãkäst isch on 's oim zom Blärra isch. Niedrich henka, meischdens gòht's widder vorbei.


    (net jede Reschersche fiehrt glei zom Erfolg....Asda Großeries brengt me et wirglich weider....)

    #218Author Goldammer (428405)  21 Mar 21, 12:06
    Comment

    ããsda, net ããsad - i bin bleed


    Bin denn môl weg.



    #219Author Moi Gab (456541) 21 Mar 21, 12:41
    Comment

    An scheana Sonndichmorga midenand,


    i wär dann au m`l wiadr do. Dr Kopf haune mr au scho zerbrocha iebr dia Werdr. Alsoi kenn se ehrlich gsagd nedd, fihrleichd weil mr en Schduagerd doch meah vom Honoradzioraschwäbisch beeiflussd worra isch.


    Bei ããsda wäre nia uff Zuschdand komma, i hädd des eher fir a vrknabbds ällderweil ghalda.


    D' Edith hodd me grad dra erinnrd, dasse no saga wella hau, dasse em Manni seine Vöglfoddo ällaweil toll fend. Middm Handy kriage so was nedd nâ. Ond mei alde Schbieglrefleggs-Yashika duads nemme. .-(

    #220Author opadeldok (1319435)  21 Mar 21, 12:49
    Comment

    Ach, desch wirglich endressant, Opale.

    I moin, mei Familie (on onser Schwäbisch) isch jò au zemlich vom Honorazjoraschwäbisch brägt. On meine Schweschdra hen gmoint, ihne wär's au no vo meira Mudder vrdraut. Velleicht isches abber au aus meim Heimetdorf Onderjeddenga. Nägschda Sonndag han i dò mei Goldene Konfermazjoh - leider bloß als coronakonformer Masgagoddesdinscht mit Abschdand on ohne Singa on so. 's geselliche Dreffa, also d' Femfasechzgerfeier, wird nòchghollt. Velleicht kann-e abber dò a baar vo meine Schulkamerada fròga ob's ebber kennt.

    #221Author Goldammer (428405) 21 Mar 21, 14:16
    Comment

    D' goldane Konfermazjoh isch bei mir scho vorbei. Nâ hoffe, dasses bei deinra drodz Masga a scheaner Goddesdinschd wird. I hoff du kòsch dein Konfermazjohsschbruch no, falls den uffsagà muaschd. ;-)


    I hedd no a baar Goldene Konfermazjohna feira kenna, mei Vaddr hòt me zuasädzlich au no ab on zua konfermierd.


    Leit, i sag's eich kommad blooß nedd nach Schduagerd, dâ grassiert a hechschdâschdeggende Wariande vo Idiotie. Dâ forderad se vo dr Schdadt dr Bau vo Seilbahna kreiz ond quer durchd Schadt on uff älle Hiegl, Fahrradlifd, weil se z' faul send zum dr Berg nuff radla, jeder will sei eigene Âwohnerschdróss, älle femf Medr an Zebraschdoifa, weil se z' faul send fuffzg Medr bis zom nächschda z' laufa. Grad isch no oine dâherkomma midm Vorschlag an Lifd fir LKW vom Neggrdal uff d' Fildra nuff zom bauà. Soviel Hirn hòt dr Herr gar ed, woaner dâ raschmeißà miaßd om älle zom dreffà. I hald's echd nemme aus, 's geit blooß no Egoischdà ond Bleede. Noi, 's isch bald nemme mei Schduagerd.

    #222Author opadeldok (1319435)  21 Mar 21, 14:47
    Comment

    Ufsaga muaß-e-n-et, mein Schbruch. Em Gegadoil, i grieg-en noml nui ufra Urkunde ausghendicht.

    #223Author Goldammer (428405) 21 Mar 21, 15:19
    Comment

    Emmerle, hasch gmerkd, dass-d z heot zAubad auf dr Alb a Erdbeeba gêa hat?

    Z Ebbizendrôm isch zAlbschdadd gwêah.

    #224Author twocents (460778)  21 Mar 21, 20:33
    Comment
    Noe. I han's gläsa, au dasses scheinz Leit en Reitlenga gmerkt hen. I ben om die Zeit am Kombjuder gsessa, abber 's isch mr naus. Es kã et arg dramaddisch gwä sei.
    #225Author Goldammer (428405) 22 Mar 21, 00:40
    Comment

    Hasch gar idd gmerkd, dassd efdr Dibbfählar gmached hasch, weil dDaschdaddur ondr de Fenger hee ond häegrudschd isch?

    #226Author manni3 (305129)  22 Mar 21, 00:46
    Comment
    Schdemmt, jetz woda's sagsch....
    #227Author Goldammer (428405) 22 Mar 21, 08:11
    Comment

    An guada Morga midanand,


    hòt eich mei Gebruddl vom Sonndich so vrschreggd, dass'r eich nix meh zom sagà drauat? I hau me enzwischa scho wiadr ondr Kondroll. ;-)

    #228Author opadeldok (1319435) 25 Mar 21, 10:57
    Comment

    I glaub so vrschreckt semmer et, Opale. Zumal en wirdueller Kondrollvrluscht eines Schwòbafadateilnehmers (et dass i drmit grechnet hett! bloß rein hibbodhedisch) velleicht eher endressant als wia bedrohlich wär..... 😛



    #229Author Goldammer (428405) 25 Mar 21, 15:46
    Comment

    Dos kaa ma drLotte, am Uhu-Weible, in dr Laif-Webbkämm beim Briede zuluege:


    http://uhu.webcam.pixtura.de/


    Wemma de Laudschbräechar eischaldt, häerba oo, was se hî ond da drzue zom Sage hadd.

    I haos in am Ardickl vor SZ gfonde:


    #230Author manni3 (305129)  25 Mar 21, 17:52
    Comment

    Toll, manni!

    Dankdr schee! I han den Link zwòr scho lang e meira Webkämlischde, abber desjòhr no et neiguggt ghett.

    D' Lodde isch grad ganz geschbrächich.....

    #231Author Goldammer (428405) 25 Mar 21, 18:06
    Comment

    :-) Ond i haus heid friah em BR gheart

    #232Author Selima (107) 25 Mar 21, 18:36
    Comment

    D Lotte schwätzt tatsächle viel. Pferleichd däät se se iebr mein Duschvoarhang gfraia.

    #233Author twocents (460778) 25 Mar 21, 18:45
    Comment
    #234Author Muggaseggale (1004776) 26 Mar 21, 07:21
    Comment

    Absaluut wanderfull. Vrgeltsgott fr dia scheene Links, Manni und Muggi!


    Senzle, so an schena Duschvorhang hette au gern. Bringschen amôle mit, no derfschde au bei eis duscha. Da Schose hett gwieß nix dagega.

    #235Author Moi Gab (456541) 26 Mar 21, 09:03
    Comment

    Des mid de Uhu haune no gar nedd kennd. Des Projekt isch echd a tolle Sach. En dem Video vo dr Beringong vo de Jonge ledschds Jâhr, wo dr kloine dauernd mid'm Schnabel klabberd, said'r nâ zuanem er sei a weng an Schdreidhammel. I hab lacha miaße.

    #236Author opadeldok (1319435) 26 Mar 21, 11:48
    Comment

    Frogme grad, ob dLodde un da Leo au Uhudler dringkad?

    #237Author Moi Gab (456541) 26 Mar 21, 12:24
    Comment

    Muggaseggele, i han grad amòl en den Link neiguggt, desch echt indressant! Alloi scho des Kabidl "Ein kleiner Überblick" isch richdich schbannend.

    #238Author Goldammer (428405) 26 Mar 21, 16:14
    Comment

    Woane die Kard onder "Die deutschen Dialekte im Detail (Stand 1900)" no amàl âguggd hau, isch mr grad eba uffgfallà,dass ganz obà rechts an der Weichsel a kloine schwäbische Schbrâchinsel eizechnet isch. Komisch, von Weichselschwoba haune em Gegasatz zu Donau- oder Banater Schwoba no nix ghert.

    #239Author opadeldok (1319435) 26 Mar 21, 17:17
    Comment

    Im Wikipedia-Artigl ieber den Landschdrich (der hoißt Kulmerland) han-e an Abschnitt gfonda wo velleicht a Schbur isch:

    Im 18. Jahrhundert siedelten im Kulmerland zahlreiche protestantische Exulanten aus dem Salzburger und Berchtesgadener Land, aus Friesland und den Niederlanden. Sie erhielten Ländereien nach dem sog. Holländerrecht, welches sie vom Frondienst und vom Zehnten befreite, ihnen Glaubensfreiheit und eine Reihe weiterer Privilegien einräumte. Sie prägten noch bis vor dem Zweiten Weltkrieg auch die hier gesprochene Mundart.

    Em Berchtesgadener Land schwätzt mr jò et wirglich schwäbisch, abber velleicht waret au a baar Schwòba drbei....

    #240Author Goldammer (428405)  26 Mar 21, 17:51
    Comment

    Frei noch Andi Möller: "Salzburg, Berchtesgaden - Hauptsache Schwaben!" ;-)

    #241Author Selima (107) 26 Mar 21, 18:00
    Comment

    Dr Andi Möller isch nedd dr oinzge der sowas nâbrengd. Vorgeschdern beim Schbiel vo dr U21 schwädzd dr Oberschwafler vo de Schbordreporder, Matthias Stach, iebr dr Mateo Klimowicz folgendes: "... der in Córdoba, also in Griechenland geboren ist". So a Gschwädzgebabbl, der isch en Buenos Aires gebora, was genausowenig en Griechenland isch.


    Emmerle, vielleicht send des au Abkömmling vo dem urschwäbischa Schdamm, der em 3. Jàhrhonderd en dr Siedweschda razoga isch ond dia hend sich blooß en dr Richdong verdoa ond hens bis 1900 gar nedd gmerkd.


    Gäbele, dâ des jâ Eifeler Uhu send, drenkad dia wahrscheindz eher Bier (Nordeifel) oder an Pfälzer Wei(Südeifel). ;-)

    #242Author opadeldok (1319435)  26 Mar 21, 18:43
    Comment

    Schdimmd Opale, da hosch rechd.


    I honn allno koin Impftermin fr da Schose. Geschd hots all khoisa "se befindad sich ima virduella Wartezimmer, hennze Geduld, se werred bald weitrgloided. Binne endlich mol weitrgloided worra, hotts khoiss, senn koine Termin verfigbar, brobieradses schbätr nommel, binne in da Terminvrgabe glanded --> ischan ubekannta Fehlr aufdräata.


    So an Schrott. Wenne bloß dradengk, dasses Leit git, dia sich bei vrschiedne Imgfzentra an Vrmiddlungskood bsorgad, dasse jo äbba an Termin griaged und, wenns gnuag vo denne Egoischda gitt, no ka des jo id funza. Merdale.

    #243Author Moi Gab (456541)  27 Mar 21, 14:43
    Comment

    Du woisch jò: brobiera om Middernacht! Älles parat han on nãgrichded, so dass da om Middernacht bloß no dr Baddn ãgligga muasch.

    Oifach weider brobiera!

    #244Author Goldammer (428405) 27 Mar 21, 15:31
    Comment

    Do deana isch voer a baar Däg oms Oha ond Öha gange ond dassba des oo zue de Ross xed hadd, wenn se hand schdau bleibe solle. Nech zObed isch mr no a Aldernaddive drfier eigfalle: Brrr! Des hadd mei Onkl Franz kuuz voerem Schdadldoer zue seim äeschde naglnuije Bulldogg xed. Däe hadz zwar idd vrschdande, abr s hadd eahm oo nix ausgmached. Bloss s Schdadldoer isch hendrhäe hîî gwe 😉



    Do haoni ibregebz a Hibblbrems eibaud 🙂

    #245Author manni3 (305129)  27 Mar 21, 15:55
    Comment

    Wa, du hòschd scho bäschdld. Nâ griagschd grad, wie sagd mr heitzdag, a Fleißbienle.


    Isch doch klar, warom dr Bulldog des nedd vrschdanda hòt, der haldet blooß uff a kurpfälzischs Brrr. ;-)

    #246Author opadeldok (1319435) 27 Mar 21, 17:02
    Comment

    Däe hedd wahrscheinz sogar uff a nuideidschs Schdobb idd kebd ;-)

    #247Author manni3 (305129) 27 Mar 21, 18:00
    Comment

    Manni, du hosch doch amôle an Voglschdimmalink dohinna reigschdellt (odr war des sVegale?). Hosch den no? Kaasch den nommel reischdella? Biddeee.


    Honn heit wiedr ganz feschd ans Amoisle denkga miassa. MIr henn Grindwehweddr am See. Hommer denkgd, hoffendlich bleibd wenigschdns sAmoisle davo vrschont.


    Mir wared heit auf em Ratzariadr (Ratzenrieder) Panoramawäag wanderra. Grad schee isches gwäa.

    #248Author Moi Gab (456541) 28 Mar 21, 20:32
    Comment

    Gäbele, i woiß grad au nedd, welchen Lenk dr Manni oddr 's Vegale reigschdellt hend. Abbr i war amòl uff dr Suach nach ma Schbechd ond ben dâ fündig worra: Vogelstimmen


    Apropoh Ratzariad, dord hòt d' Fuaßball-Nadzionalschbielàre Melanie Leupolz beim TSV ihr Karriere âgfangà. Heit schbield se en London beim EffZeh Dscheldsie.


    #249Author opadeldok (1319435)  29 Mar 21, 01:03
    Comment

    I hao dean Link grad idd barad, abr s konnd däe vom Obbale gwe sei. I glob, dr mei isch sellemohle vom Maisle komme.

    #250Author manni3 (305129) 29 Mar 21, 01:40
    Comment

    Gäbale, i hau scho vrschiedne Lenk brobiert - wianes halt grad gfonda hau. Dau isch oir, dau schdoht oo abbl genau drbei, wo's Vegale aufgnomma worra isch. Ball, Vegla hand oo Dialegt ond a irischs odr franzesischs Blaumeisle duad pfelleicht ganz andrsch als wia Dei Ratzariadr Blaumeisle :-)


    https://www.xeno-canto.org/explore?query=blaumeise


    Ond schea, daßd'aame dengkt hosch, wann oo dr Grond idd gar arg so schea gwea isch. Bei oos isch koi Grendweahweadr gwea. I bee bloß miad gwea.


    Dr Bua hot vomiar a Bulldoggbuach griagt (bloß guad, daßnr no id leasa kaa - des Buach hoißt nemmle "Der Traktor") ond mit deam Buach lerndr grad so reachd Nordoschtschwäbisch schwätza, ballnem dia Bildlesgschichtla vo dr Baire ondm Baur ond de Kiah ondde Mietzala ond de Henna ond de Biebrla ondm Fahrsilo vorschbiel: "Baur, d'Kiah hand Hongr. Bring a Fuadr rei" "Jaaa, Baire, komm scho! 's Fuadr isch scho aufdr Bulldogschaufl." Ond hernocht schbieldrs nooch. A so a Freid!

    #251Author Selima (107)  29 Mar 21, 05:50
    Comment

    "Der Traktor" *hihi* - allad no bessr als "Der Trecker" ;-)


    Sag amohl zu deir oschddransdanubesche Ausschbroch: Sesch du zue "Bäuerin" wirkle Baire ond zue "Freude" Freid? I däz grad andrschdrom sage: sAijergeld isch fier dBeire ond wenn dHenna vihl leged, hadze a Fraid.


    Grazo wie des Inseckd a Amaisle isch ond a Meisle isch a kloine Maus ond a Maisle isch endwedr schwaaz odr blao odr du :-)

    #252Author manni3 (305129)  29 Mar 21, 08:50
    Comment

    Heieiei, Du edidiersch ebbs rom ;-)


    Ja, i sag Baire. Bei dr Freude ... hmmm ... des kootmr oo Fraid schreiba, hosch recht. Abr ganz sichr ischas ds Oirgeld, was d'Baire griagt. Ond nadierlech hoißt des bei oos Amoisle. Woisch ja altes ei wie in Geiß = Goiß, neues ei wie in Weib = Weib.

    #253Author Selima (107) 29 Mar 21, 09:07
    Comment

    Ja, i waiß :-)

    Ond dSchweizar mießed allad a bissle lache, wenn a Deidscha a Müsli will wie dKadz, wo dr Dockdr Birchar doch sMüesli erfonde hadd ;-)


    bssd: a jongs ei bassd bessr zuenam jonge Weib ;-)

    Zom Schwäbesche haoni drzue grad nix gfonde, abr zom Bairesche, wos ja im Brinzibb gleich isch.


    "Haiaiai"-Boschkribbdom : Midd deam Dhema hammrs ja scho efdr kedd ond es isch fier mi allad mea ibrraschnd ond schier ôglaublech, dass des scheinz bloss in meim Dialeckd no so deidlech isch: "I waiß, dr Schnäe isch weiß" - ond dr Allgaiar Bfahrar bäeded om dEinhaid des Hailigen Gaischdes.

    #254Author manni3 (305129)  29 Mar 21, 09:32
    Comment

    I hau mr grad iebrlegd, dass'e a Mischong vo eich zwoi schwädz. I woiß, dass d' Beire a Fraid hòt, wenn d' Henn oi oddr zwoi Oir (oddr Oiàr) legd. I woiß au, dass Goiß koine legd. Ond dr Schnai isch bei mir au weiß. Drgega dät sich bei mir meim, scheinz eher wia maim ond schainz âhera. Beim hailiga Gaischd ben 'e au drbei, des andre wärad dia ohailige Goischdr.


    Ach ja, ond a Meise isch a Maisle ond a Ameis isch a Amoisle. ;-)

    #255Author opadeldok (1319435)  29 Mar 21, 10:04
    Comment

    Mei, dankschee Schbätzla, ihr sin so liab!!!

    #256Author Moi Gab (456541) 29 Mar 21, 10:35
    Comment

    Opale ,echt die Einhait des Hailigen Gaischdes?

    I dät die Ainhait des hailigen Gaischdes saga.


    On iebrigns: Heureka! I han des Mischderium von "ãsda" bzw. "assa" geleest: des isch a "als" em Sinne voma Vrgleich. (wie bei: Ich hab das Auto als gebraucht[es] gekauft") Beim "assa" isch es l vrlora ganga, während beim "ãsda" irgendwie a d drzuakomma isch (velleicht a vrschliffaner Artigl? "als den ganzen / die ganze / das ganze"?)

    I han sogar a Gedichtle drzua gfonda:


    Asa warm und asa kalt,

    asa jung und asa alt,

    asa ganz und asa hee,

    und asa urasiert am Kee,

    ob des im Norda oiner woißt,

    was asa bei uns Schwòba hoißt?


    #257Author Goldammer (428405)  29 Mar 21, 11:07
    Comment

    Vegale, richtig! Des haun'e hendrher au gseah, dass'e dia Ainhait ondrschlagà hau. Zom edidierà war's z'schbäd.


    Asa em Senn von "Als warm ond als kalt" bzw. "Mòl warm mòl kalt"?

    #258Author opadeldok (1319435) 29 Mar 21, 11:19
    Comment

    ....on zu de Voglschdimma han i seitma Jòhr dui absolut geniale Lesong fir onderwägs gfonda, fir hendiaffine Leit, wo ihr Kaschberletheader drbei hent wennse onderwägs sen (des han i seit einiger Zeit emmer, weil i's als Wanderkart benitz, on wiexagt zom Bflanza on Vegl beschdimma):

    (wemmer onderwägs koin Empfang hòt kammers au schbeichra on schbäder drhoimt beschdimma.)


    Vegl: die Äpp hoißt BirdNET, mr macht a Audioaufnahm mitm Migrofon, wehlt den Abschnitt aus wo dr Ruf vom Vogl druf isch on schickt des an dene ihrn Sörfer (desch a wissenschaftliche Koobertazioh von Cornell Lab of Ornithology und der Technischen Universität Chemnitz.). Dia saget nò was-es isch odder zomindescht a Vrmudung. Funkzjoniert subber gut.


    Bflanza: ehnlichs Konzept, mr macht Bilder on schickt se zur Beschdimmung ei. Die Äbb hoißt Flora Incognita, desch au wissaschaftlich begleidet.


    Bei beide Äbbs kammer au no weidere Informazjona zo dene Bflanza odder Vegl ãgugga wemmer mecht.


    I fend dia boide absolut genial.


    D' Edith secht zo dr Nommer zwoihondertachdafufzg: noi, "mól kalt mòl warm" isch ebbes anders - desch a zeitliche Aussage, dass ebbes zo dr oina Zeit kalt on zora andera warm isch.

    Des "asa" bzw. ãsda" bezieht sich oifach uf en Zuschdand:

    I han des Audo asa 'braucht kauft - I han's em gebrauchda Zuschdand kauft.

    I eß mei Supp am liebschda asa hoiß, der Dengs lieber asa lauwarm - i eß d' Supp em hoißa Zuschdand, dr Dengs lieber em lauwarma Zuschdand.


    #259Author Goldammer (428405)  29 Mar 21, 11:27
    Comment

    Ädd Bflanza beschdimme:

    Mier hand amohl a Bergwandrong am Kenexäe zom Schdoinrne Mäer nauf gmached. Des isch dr Nadzjenalbark Berchdesgade. Do hadz Bleamla gea, die wo i scho johrelang nemma xea kedd hao, die wo mr abr uss meir Kendhaid im Allgai no gued in Erinnrong gwe send.

    Mier hand eweg brauchd fier dean Wäeg, grad dassbr no voerem Donklwäere zuer Wassralm komme send. S isch nemle oir drbei gwe, däe wo se uff sei Briefong als Landschafdsarchedeckd voerberaided hadd. Däe isch bei jedam Bflenzle schdao blibe ond hadd de deidsche ond de laddeinesche Name in seim Biechle xuechd.

    I glob, däe hadd gar koin Blick idd kedd fier die wondrbare Bloemewisa in ierar Vilfald volar nedde Bleamla. S isch eahm bloss uff de Name druffaakomme ;-((


    Sei Briefong hadda jebmfalls bschdande ;-)


    #260Author manni3 (305129)  29 Mar 21, 12:23
    Comment

    Mr kã boides, manni, des gòht durchaus (wemmer velleicht net grad uf a Briefong lerna muaß!). Fir mi isch des wie so a Art Sahneheibchen uf dr Fraid an de schene Bliamla, wenn i nò woiß odder lerna kã wie se hoißet.

    I glaub des hòt ons Mädla mei Mudder mitgeba. Die hòt a riesa Fraid an de Bliemla ghett on an bliehende Wiesa, on se hòt viele gwißt on an ons weidergeba wie se heißet. Vrmutlich hòt se uf die Art dia diwerse botanisch begeischderde schdudierde Biologa (et weniger als vier bei ihre Kender on Enkl) inschbiriert.

    #261Author Goldammer (428405) 30 Mar 21, 09:28
    Comment

    Gudad Morga Schbätzla! Henners scho gsäa? Dussa, aufem Trottwoar, rennad die gloine Vegale mit Sonnaschirmla umanand!!!

    #262Author Moi Gab (456541) 01 Apr 21, 09:50
    Comment

    Bei eis fliegeze baarweis ond wexleze aa, wäe im Schadde vom andre fliege däff ;-)

    Ond nocha machd dr obr a schnelle Kurfe ond schreid Abbrill Abbrill - däe Saulaggl, däe ausgschemd - ond lached räechd drecked ;-(

    #263Author manni3 (305129)  01 Apr 21, 11:29
    Comment

    Jetzat häng i scho dr ganze Dag am Feschder ond gugg nâch deane gloine Vegalà mid de Sonnaschirmlà, i hau abbr koine gseah. Fihrleicht weil's bei mir vorm Haus koi Droddwar geit, wo se flanierà kenndàt.


    Drfihr send uff de Beim d' Eichhernlà mid kloine Rucksäcklà ghoggd. I glaub dia hend bei dem scheena Weddr an greßera Ausflug pland.

    #264Author opadeldok (1319435) 01 Apr 21, 18:37
    Comment

    I han beim Õgrautrausdoa aus Vrsäha an Rägawurm mit Gommischdiefela ausgraba....

    #265Author Goldammer (428405) 01 Apr 21, 18:57
    Comment

    Gotzeidank isches koi Dausadfiaßlr gwêah. Schdell dr voar, der hett seine Schdiefala vrloara ônd du hettsch em helfa suacha miaßa!

    #266Author twocents (460778)  01 Apr 21, 20:22
    Comment

    Dâ siehschd scho an dr Ausrischdong, wie ernschd dei Bodàaufloggerungsbeaufdragder sein Dschob nemmd. Womeglich hòt'r au a Hiatle ond Heedschich dragà.


    I be geschdern en Seeburg a Ronde glaufà, z'erschd am Mahnmal dr Buggl durch dr Wald nuff ond nâ durch d' Trailfinger Schlucht an dr Erms entdlang wiadr zruck. Vo dâ aus am Cafe Schlößle dr andr Bugglnuff ond oba endlang am Drauf zom Abschdieg nach Seeburg. A scheene Ronde ischs gwäa.A baar Fodos haune au no gmachd. Ondr andrem au von a baar Bleamla am Wegrand em Wald, vo dene i ned so gnau woiß, wasses fiehr welche send. Bei oim hed i schbondan Krokus gsait, abbr sicher ben i mir nedd, weil se an de Schdengel ond Bläddr so hââig waràd.


    Wenn's wen endressierd, dâ sen a baar Bildla: Erms Seeburg

    #267Author opadeldok (1319435)  01 Apr 21, 20:35
    Comment

    Wunderschene Bildla, Opale! On a zemlich große Ronde!

    *bewunder*!


    Dia hòòriche Krokus - des sen Küchaschella (des hòt iebrigns nix mit ra Küche zom doa, des kommt vrmutlich vo dr Kuhglock, so sieht's jò au entfernt aus. Au dr ladeinische Nama "Pulsatilla" kommt vo "pulsare" = läuten.)

    Desch a Lieblingsblum vomr.


    Des Blauschdernle isch Schneestolz, des muß ausma Garda ausgwandert sei. Mei Schweschder hòtme beròda, zersch han i gmoint, des wär a Scilla bifolia, Blauschdern, des wär a botanische Sensazjoh gwä on i hett en dem Fall gnau wissa wella wo da des gsäh hòsch.

    Isch des en dr Nähe vo Seeburg gwä?


    Des wo grea blieht isch a Nieswurz (scheinz hòt mr dòdraus wirglich a Niesbulver gmacht, schdòht emeim schlaua Biechle).


    En dem Bachbett nebam Wäg en dr Trailfinger Schlucht weider oba ka mr Wagaleis em Geschdein säha - desch frieher dr Weg gwä, on dò sen vor Jahrhonderde d' Kärra d' Schdoig nuf on nagfahra. Fendet mr abber bloß wemmers woiß on suacht. I han se oimòl gfonda on s' nägschmòl nemme, dò han-e dr rechde Blatz irgendwia vrsaimt.

    #268Author Goldammer (428405)  01 Apr 21, 21:08
    Comment

    Ach so groß isch dia Ronde ('s isch jâ eher an Achder) eigendlich nedd, des send 7,5 km, 's gòht hald zwoi Mòl dr Buggl nuff. Mir isch glei am Âfang an älderer Mâ, i hau denkd a weng älder als i, begegned, er hòt me âgschrocha weil'e grad was fodografierd hau. Wo mr ons a weng iebrs laufa ond Gegend onderhaldà hend, hòt sich rausgschdelld , dass 'r dreiàdachzg isch ondr mr ons wahrscheindz nomòl begegnad, wenn 'r Trailfenger Schlucht wiadr nuff laufd. So war's dann au. Nomòl a weng gschwädzd ond Ade gsait. em weiderlaufà haune gmerkd, dass i mein Schdreckaplan beim Fodografiera vrlaura han. Wian i zrucklauf zur Ermsquelle, won'er au glagà isch, haune erschd gseah, was der fihr a Tempo beim laufà druff hòt. Wenn mr mid dreiàdachzg no so an Schridd druff hòt, Reschbeggd. I hau me iebrigends gwonderd, was rechds vo dr Erms so dobfeba ond bolzgrad fiehr an Wall isch, des mid de Kärra kennd a Erglärong sei.


    I hau doch gwißt, dass du als Forumsbodanigerin (ond -Ornidhologin) a Hilf fihr solche Frògà bisch. ;-) Bei der greanà Pflanz, wo vo de Bliadà jâ blooß d' Knoschba sieschd, haune z'erschd an a Wolfsmilchgwächs denkd. Älle drei Pflanzà send am Hang em Wald kurz vor'em End vo dr ganzà Schdregge. I hau's em Schdreggaplâ no egschdra (dem schwarzà Schdrich beim Word Bleamlà Folgà) markierd: Seeburg Bleamlà



    #269Author opadeldok (1319435)  01 Apr 21, 22:37
    Comment

    A schene Runde hosch dreht, Opale. Ibrigens, wone heit* mei Hosa azôga honn, honne a di dengka miassa. Woisch warum? S'isch oine mit Gnebf.


    Manni, welle grad drahdenk: Wia gôhts deim Knia?


    *D'Edith moint, des sei geschd gwäa. Auga roll.

    #270Author Moi Gab (456541)  02 Apr 21, 00:48
    Comment

    Gäbele, eigendlich war's, wo du des gschriaba hòscht, scho no heit, weil dia Uhra jâ overschämderweise am Wochaend om a Schdond vorgschelld worra send. Also gschriaba om 00:48h Sommerzeid isch gleich 23:48h reel taim, dâ drmit send mr beim 01.04.2021.


    I mâg iebriegends meine Jeans mit Gnebf, i hau meine Gnebf emmr schneller zughet als andre Ihre Reisvrschliss. Ond mr kâ sich nix eiglemma, wenn's beim zuamachà mòl bressierd. Des isch fei koi Witz, des isch ma Bekanndà bassiert, d' Besatzong vom Reddongswagà hòt ean befreià miaßa. Oâgnehm sowas. Abbr heidzdag fendàsch jâ faschd koine Gnebfleshosà meh. :-(


    Mei Knui zwiggd me au scho seid a baar Dag, 's isch abbr drodzdem gangà midm laufa geschdern. Abbr i hau jâ blooß minimale Schädà en de Knui, obwohl i mei Lebà lang eigendlich Schbordardà ond Nebadädikeità bedriebà hau, dia 's Knui iebr 's normale Maß belaschdad hend. Meglicherweise isch abbr au a ausgebrägde Musguladur des, was d' Glenk drodz Belaschdong vor'm Verschleiß a weng bewahrd. Blooß dia haune, weil seid ca. 6 Jòhr koin reachdà Schbord meh, au nemme so wia friahr.:-(( Abbr 's Gwichd bleibd em normalà Rahmà.


    So, ond jetzat dua i was fihr mei Scheenheid ond gang end Kischd. Ob's was nidzd, seahn mr morga. ;-)

    #271Author opadeldok (1319435)  02 Apr 21, 02:10
    Comment

    Mei Gäbele, dank dr Nochfrog! Em Knie gohz grad ganz gued. I due hald liebr radle als gao. Em Momend haoni äjer Läschd mibbm Schnaufe. dMelledihbege uffm Bassklarneddle (wissed scho, zom Schbihle brauchba Bassklarneddlesbleddr ond zuer Aufbewahrong vo deane brauchba a Bassklarneddlesbläddlesaufbewahrongseddwih. So a Bassklarneddlesbläddlesaufbewahrongseddwih haoni amohle ois sell bäschdled. Wenn mi idd alls deischd, haoni des irgndwenn amohle sogar midd Foddolenk erwehnd, dass i a so a Bassklarneddlesbläddlesaufbewahrongseddwih sell bäschddled hao - gloob i jebmfalls ... ) wäered alld kihzr ;-(

    #272Author manni3 (305129) 02 Apr 21, 09:45
    Comment

    Manni, i kame no guad dra erinnera a sellmôls, wo da des bäschdled hosch. Dia andre gwieß au. Wone geschd middem Rädla gfahra bin honne au a di dengka miassa. Dô isch an wundrscheena Arbeitshendscha am Wegrand gläaga. Honnen abr id aufghebd, wega Corona(du blede Kuah) und so.

    Geschd hettme fasch oine a da Kreizung ibrfahra. I und mein Gebbl henn Vorfahrd ghett, se isch rechts mit ihrem Audo am Schdopp gschdanda. I bin links vonerra komma, dua mein Arm naus, wias sich ghert, welle links abbiaga honn welle. No fahrt dia bleed Kuah los. Und, welle imr damit rechna, dasses au blede Autofahrer gitt, honne grad no bremsa kenna. Gohts nô???, honne gschria. Siah durchs offne Fenschdr: Ohhhh....... grrrrrr


    Opale, wenn dein Bekannta sich äbbes wertvolls neiglemmd hot, no hotter aber doch koi Undrhos aghett? Oder? Well, dia hetts doch erschd vrwischd, moinsch id au?


    So, i gangs jetz ins Bad und luag, wane ammer no richda kennd. Hott dein Schlôf äbbes brôcht, Opale? Meiner idda 🙁


    Boschurle au no an älle Schblätzla, groß und gloi 🙂

    #273Author Moi Gab (456541)  02 Apr 21, 10:43
    Comment

    Guada Marga,

    i hau no nedd en Schbiegl guggd, abbr i glaub nedd dass dr Schlôf äbbes brôcht hòt. Seggs Schdonda hend wahrscheindz nedd groichd. So lang dasses roichà däd, kennd i gar nedd schlôfa. ;-)


    Nâ hòschd abbr a guade Reagdzioh ghet, des isch jâ des, dass mr em Verkehr emmer au fihr dia Penner ond Idioda middengka muaß.


    Also so genau hau'ne beie ahm nedd nâchgfrâgt. Abbr, wenn mr am Sonndichnachmidag ganz schnell wiadr vor dr Fernseher zom Forml Ois gugga will, kâ's au mid Ondrbux bassiera. Sei Frau hòt den Vorfall iebrigens beschdädigd. Mir kâ des abbr nedd bassiera, i hald oifach dr Fernseher â ond konzendrier me uff dr Erfolg vo Erledigong ond Abschluss dringender Geschäfde. ;-)

    #274Author opadeldok (1319435) 02 Apr 21, 12:06
    Comment

    Gäbele, du bisch mit on ohne Schlòf äwwl schee! Glaub mir's!


    ('s Opale han-e no nia en ächt gsäh, dòrom kã'n-e bei dem nix saga zo dem Dhema.... 😛)


    Dankdrschee fir die Vrordong vo dene Bleamla! I vrmut, dia Blauschdernla sen vo dene oberschde Gärda nufzus ausgwandert, desch jò net wirglich weit. Manchmòl draget d' Amoisla d' Sama en dr Gegend rom. (Drechsch du au manchmòl Sama en dr Gegend rom, Amoisle?)

    Dia Nieswurza - des sen et d' Gnoschba, dia bliehet so.


    manni, jetz wo da's sechsch....i glaub i han au so a donkle Erennerong an des Bassklarneddlesbläddlesaufbewahrongseddwih, also i moin, dòdrã dass du dir so a Bassklarneddlesbläddlesaufbewahrongseddwih amòl selber baschdlet hòsch. Hòsch-es et sogar selletsmòl drbei ghett, also i moin jetz boides, des Bassklarineddle on des Bassklarneddlesbläddlesaufbewahrongseddwih, wo mr ons bei mir zo de Mauldascha droffa hen?


    (zo mier\) Was ben i froh dass-es heitzdag so ebbes bragdischs wia kobbieändpeischt gibt! Sonsch wär des doch a mords Bubabberlesgschäft, dauernd Bassklarneddlesbläddlesaufbewahrongseddwih zom tibba....(zo mier\off)


    #275Author Goldammer (428405) 02 Apr 21, 12:14
    Comment

    Nâ hoffe amòl dasses koi Helleborus foetidus war, grochà haune jedenfalls nix. ;-)


    A selber bäschdlads Bassklarneddlesbläddlesaufbewahrongseddwih isch doch abbr z' schad om des oifach so omanandrliega zom hau. Do sodd mr doch zur Schonong vo dem Bassklarneddlesbläddlesaufbewahrongseddwih no a Bassklarneddlesbläddlesaufbewahrongseddwihschadull bäschdlà ond fir Pflege vo dr Bassklarneddlesbläddlesaufbewahrongseddwihschadull soddsch nò au a gscheida Bassklarneddlesbläddlesaufbewahrongseddwihschadullapflegeemulsioh hau. ;-)

    #276Author opadeldok (1319435) 02 Apr 21, 12:32
    Comment

    Doch genau des, Opale. Schdinkende Nieswurz. Scheinz riecht's Laub õãgnehm. Mir ischs au no nie ufgfalla.

    #277Author Goldammer (428405) 02 Apr 21, 13:16
    Comment

    Manni, bidde ins Werderbuach aufnäahma:


    Bassklarneddlesbläddlesaufbewahrongseddwihschadullapflegeemulsioh


    und id bscheißa! Jedn Buachschdaba oinzln tibba!


    Vrgeltsgott Vegale, dassda immr wiedr mein Horizont erweidersch."Bubabberlesgschäft" honni noita gkennt.

    #278Author Moi Gab (456541)  02 Apr 21, 13:58
    Comment

    Gäbele, des Bubabberlesgschäft schdohd fei seid em Emmrle seir Frog am 09 Jul. 13, 16:59 im Wäedrbuech. Hasch des ibrläese beim Wockablaauswendegläerne?


    Drfier kudd abr dBassklarneddlesbläddlesaufbewahrongseddwihschadullapflegeemulsioh idd in eisr Warianddewäedrbuech, weil a jez sBassklarneddlesbläddlesaufbewahrongseddwih kennd ond oo waiß, was a Schadull ond a Bflegeemulsioh isch ;-)

    #279Author manni3 (305129)  02 Apr 21, 14:39
    Comment

    Dò kennt-e jetz jò die Diskussjoh von vor 8 Jòhr noml ufgwärma on 's Opale no fròga, ob des denn schbontã saga kennt was a Bubabberlesgschäft isch?

    I glaub, seinerzeit war-e reladiev alloi mit meim Werdle.

    #280Author Goldammer (428405) 02 Apr 21, 16:34
    Comment

    Des Bubabberlesgschäft hett e nedd kennt, wenn e 's nedd em femfjähriga Geburtstagsfada scho glesa hett. Ond jetzat hogg e dâ ond griebl drüber nâch, was i fir a Schbezialword dâ drfir hett. Gruschdgschäft? Fitzelesgschäft?

    #281Author opadeldok (1319435) 02 Apr 21, 17:21
    Comment

    Fitzelesgschäft dät glaub i des am beschda dreffa was i onderma Bubabberlesgschäft vrschdand.

    Mittlerweile ben i am Ieberlega, ob des net velleicht selber erfondener Familiaschargõ vo ons drheim gwä isch....

    #282Author Goldammer (428405) 02 Apr 21, 18:18
    Comment

    Familiaschargõ? No lesch is fei meah uss dr näggschde Auflag vom Warianddewäedrbuch. Des isch nemle a serieehs ond lingwischdisch zuevrlässex Wäedrbuch ;-)

    #283Author manni3 (305129) 02 Apr 21, 18:39
    Comment

    Noi, nedd rausnemma. 'S Vegale hòt doch em Geburdsagsfada scho zwoi endernadzional anerkannde Fondschdella beibròchd ghet (Fehsbugg ond wehwehweh.dausend Schdoiner). Ond i glaub nedd, dass dia zu ihrer Verwandschafd gherat. ;-)


    Mr kennd jâ brobiera dia Bassklarneddlesbläddlesaufbewahrongseddwihschadullapflegeemulsioh em Kilkenny-Buch dr Rekorde als längschdes schwäbisches Word eitraga zom lassa. Mir felld koi längers ei.

    #284Author opadeldok (1319435)  02 Apr 21, 18:55
    Comment

    Dhaaatsächlich, Opale! So weit han-e nemme gläsa ghett! Noi, desch koi Vrwandtschaft. Also denna lassa.

    #285Author Goldammer (428405) 02 Apr 21, 19:13
    Comment

    Des haoni doch bloss em Schbass gschrihbe - zwaida Abrill, zwaida Abrill ;-))


    Se non ä wero ä ben drowado, haddr Dschordano Bruno xed!

    #286Author manni3 (305129)  02 Apr 21, 19:40
    Comment

    Manni, mir hend doch dei Zwenkra gseah ghet.


    Dai Zidad lesd bei mir a Assodziadsioh aus, nämlich moltofill. ;-))

    #287Author opadeldok (1319435)  02 Apr 21, 20:36
    Comment

    I hao heid a Zeidraffarwidejo von ar Lewezaahknoschbe uff meim Ballkooh uffm Ballkaah gmached. De ganze Voemedag isch Zonne idd rauskomme ond die Bildla haoni all rausgschnidde. dBliede isch äeschd zMiddaag aufgange.


    https://www.youtube.com/watch?v=8twQPEnI7B4


    Ond als Hommaasch an a Freindin, die wo voer a baar Wucha 92-jäehreg gschdoerbe isch, haoni no a Muhsegschbuer ondrlegd. Bei däer Freindin hammr eis all vier Wucha zom middand "schbihle" droffe - imbrowesierd, kreaddif, kommenickaddif. Do haoni amohl an Reckordar middloffe lao.


    #288Author manni3 (305129)  03 Apr 21, 01:25
    Comment

    Wunderschee, manni, d' Bilder on ganz bsonders au die Musik! I ben entzickt!

    Dia Bilder on die Musik basset so guat zsema...i han's glei zwoimòl agugga on ahera miaßa.

    (Des Schildle mit "koi Sonne" hòt me a weng gschdert)

    Dò kommt so ganz näbabei raus dass du a Jutjuubkanäle bedreibsch! Jetzlammegao. I han de abboniert.

    #289Author Goldammer (428405) 03 Apr 21, 09:46
    Comment

    Des Schildle isch jiez aingdle oo fehl am Bladz. Abr jiez isch scho dinna :-(


    I hao ja dKammera scho ommare halbe semne eigschald. Do isch grad Zonne rauskomme. Abr glei druff hadzes eidriebd ond die Knoschbe haze koi Bissle idd grierd bis halbe elfe. Äeschd hendrhäa haoni dean lanweilege Voemedaag rausgschnidde ;-(


    Jutjuubkanäle bedreibe isch a bissle zvihl xed. Voer a baar Jor haoni scho amohle kuuz midd Zeidraffar romgschbihld mid Wolka ond Mâô, abr seiddeam isch des jiedz mei äeschz Widejo seid Langem. I kenn me do no gar idd richdeg aus ;-(

    Immrhî haoni noch am lange Sueche de guede uralde Muwimeikar gfonde :-))

    #290Author manni3 (305129)  03 Apr 21, 11:37
    Comment
    (rausgnomma)
    #291Author Goldammer (428405)  03 Apr 21, 22:22
    Comment

    (Heddsch sodde dinlau! Jiez kani die ganz Nachd idd schlofe, weil i mier allad ibrleg, was des Vegele do woll zeschd neiglegd hadd ond noch mea rausgnomme hat! O Räzel dess Lebens...)

    #292Author manni3 (305129)  04 Apr 21, 05:24
    Comment

    Oh Manni, so obrturbosauschee hosch des gmachd. Wenn mein Schose wisst, wia arge de bewunderra, no wärer gwieß neidisch.


    Frohe Oschderra, Schbätzla!!!

    #293Author Moi Gab (456541) 04 Apr 21, 09:53
    Comment

    Gagaack, gagaack, dr Has hòt glegd hòt mei Muadr emmer am Oschdersonndich gsait wenn se ons Jonge morgens gweckd hòt. An guada Morga ond scheene Oschdra eich älle.


    Manni, a schees Zeidraffrwideoh hòschd gmachd. Mid ma moderna ond gscheida Eggwibbmend isch so was meglich. Mei Kamera ond mei Handy kennad so was nedd. Außer i hogg me no ond drugg älle 3 Sekonda uff dr Auslesr.


    Dr guade, alde Muhviehmäker war scho a Sach. Mid dem haune au amòl a 15 Minuda Wiedoh baschdld vo oim vo onsre Südtiroluffenthald. Haubddarschdeller d' Berg ond Wanderweg, Nebarolla meine Kumbl, mid viele Bilder, a baar Wideohseggwenza ond bassender Musigg (iebrwiegnd vom Sigi Schwab). Heheponkd ond Schlussakkord: Die drei Zinnen. D' Zammaschdellong ond dr Schnidd hòt faschd drei Däg brauchd, aber 's hòt se glohnd ond meine Kumbl hend sich gfrait, wo jeder a DVD vo mr griagd hòt. Wa glaubadr wia schdolz i war, wia d' Dochdr vo oim, dia en dr Werbebrâsch gschaffd hòt, gsait hòt, dass des fir a Erschdlingswerk vo ma Nichtprofi a saugaude Arbed gwäa wär. A baar Tipps häb se mr abbr au no gäa kenna. Nâ wars abbr scho z'schbäd.

    #294Author opadeldok (1319435) 04 Apr 21, 11:29
    Comment

    Ha Opale, du bisch au a Käpsale! Des wissamir scho lang.


    Waren da Oschdrhas großziegig bei eich? Mir hotter nix brôcht 🙁 aber i war wahrscheinz au id brav.


    So a Oschderra ohne Engklkindr wo im Garta rumrennad und suached wille nägschjôhr fei nimme.


    Und, ibrahaubd, honne allno koin Impftermin fr da Schose. S'ganze Weggrschdella middla in da Nachd und friah morgens hot au nix gholfa. Wenigschdens ischer jetz auf da Lischda vom Hausarzt.


    Wia isches denn bei eich? Sinner scho gimbfd?


    Boschurle au no und häff a naiß Deile!



    D'Edith moint no, s'gä zwar scho an neija Schbaga, abr se dä wellawäag hoppla wella! (jo, hoppla, id hippla - s'ei jô schliaßlich Oschderra!)

    #296Author Moi Gab (456541)  05 Apr 21, 10:01
    Comment

    Mr kã au mit erwagsene Kender (weit ieber siebzg, vier zwischa 27 on 30; Dengs on de Jonge mit Ãhang) em Wald romsaua on Vrschdeggerles doa. Wonderschee isch gwä, wo älles gfonda war (bis uf des oine Oi wo mr halt nemme fendet, desch jedes Jòhr 's gleiche!), semmer en dr Sonn uf dr Pigniggdegge gsässa (jeder Haushalt hòt sei eigene Degge ghett) on hen Eier on Sießzeig on Äbblpai gessa on Kaffee dronga. Keet mr heit schon nemme, 's soll no schneia!

    (En gloiner Tibb, Gäbele: i han mr vor a baar Wocha, wo-n-i alles blant han, ebbes bsorgt was mir dr Has brenga soll. Weil dr Dengs hett vo selber au et dr&atide;denkt. So sen halt manchmòl dia Schosana on Dengser!)


    I ben emmer dr Has, on schdell dr vor, Opale, i muaß au emmer schreia! Gagaack, gagaack, dr Has hòt glegt! I woiß gar nemme wo i des her han, wahrscheinlich hót's mei Mudder au gsagt.


    Impfschdadus: Dr Dengs on i sin gimpft, (i ieber mei Ehraamt); von de jonge die beide Lährer.

    #297Author Goldammer (428405) 05 Apr 21, 11:49
    Comment

    Mir hòt dr Oschderhas au nix brôcht. Obwohl mr jâ grad gar koi Schâs hend zom nedd brav sei. Firleichd liegd 's au drâ, dass e nemme an dr Oschderhas glaub. Meglicherweis isch des au dr Grond, dass e nedd meh Kender hau, weil e irgendwann mòl nemme an dr Schdorch glaubd hau. ;-)


    Uff's impfa muaß e no a Weile warda. I hau am Middwoch, wo ne bei meiner Hausärztin a Rezebd fir meine Jodeltabledda ghold hau, mòl nâchgfrâgd. Se griagad demnäggschd die erschde Dosa (achdzehn pro Woch) ond dann gòht's nach de iebliche Kriteria, Risikopatienda, Alder etc. ond irgendwann komm dann i drâ.


    Vegale, nâ hend'r jâ an echd scheena Oschdersonndich ghet. Abbr zwoi Sacha hau i nedd vrschdanda. Kender weit iebr siebzg? Fir so ald het i di nedd ghalda. Ond ihr fendat jedes Jòhr 's gleiche Oi nedd? Wieviel Jòhr suachad'r denn scho nachdem oina Oi? ;-))

    #298Author opadeldok (1319435)  05 Apr 21, 12:46
    Comment

    Oi Imbfong haoni ond die zwaid krieg i am Donnschdag.


    I wäer nocha bald - wieses fier an bruschdlose Fadebabba käerd - im nuie Fädele Siehe auch: --203--Alemanneschwobefädele--203-- de Oeschdrhas schbihle ond ui a baar Bleamla midd Muhsegg ins Forom schdelle ;-)

    I be grad no drbei, Ennergih ond Kuraasch zom akkemeliere. Veleichd brauch i oo zeeschd a Middaxschläfle. I hao a lange Nachd zuer Voerberaidong hendr mier ;-)

    #299Author manni3 (305129)  05 Apr 21, 13:44
    Comment

    Ha, nâ freia mr ons uff dia Iebrraschong em neia Fädale. Ond du hòschd dr mid Fug ond Rechd a Middagsschläfle verdiant :-) Mir seahnd ons dann uff dr andra Seid.

    #300Author opadeldok (1319435)  05 Apr 21, 14:14
    Comment

    Oi Käschtle isch no ibrig ond des laß mr net leer.

    #301Author bluesky (236159) 05 Apr 21, 15:12
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt