Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --203--Alemanneschwobefädele--203--

    Topic

    --203--Alemanneschwobefädele--203--

    Comment

    --203--Alemanneschwobefädele--203--






    Des isch s zwaihondrdonddridd endrnazenal Alemanne-Schwobe-Fädele,

    in deam wo ma allarlai Warianda vom Schwäbesche ond Alemannesche läese ond schreibe ka.





    Einladung


    Besucher mit anderen Dialekten sind herzlich willkommen!


    Für Hochdeutschsprecher könnte die Erfahrung auch amüsant und interessant sein, ihre Sprache mit unmittelbarer Laut-Buchstaben-Zuordnung zu schreiben:


         Auf schtaigt dea Schtraal unt falent giißt

         ea fol dea Marmoaschale Runt, 

         dii, sich fäaschlaiant, übafliißt

         in aina tswaiten Schale Grunt;


    Wea wagt es, die tswaite Schtrofe zu übasetsn? Si fängt mit "Di tswaite gibt, si wiat tsu raich" an ;-)







    Imfo-Linx


    ◎ Vo dedd kommebr ond jiez goz do hinna weidr.

    ◎ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ◎ Do isch a frisch abbdeidede Landkarde midd am Haufe Middschreibar ond Middschreibarna

    ◎ Dedd geiz a Lischde mid an die femfhondred schbezjelle regjonahle Wäedr. 

    ◎ Do isch no a Link zue de alde Fädela.









                        Land id lugg!







    Author manni3 (305129)  27 Mar 21, 16:06
    Comment

    *gfunda han*

    *uf dr Schdell mit Hibbla ufher*

    *em Fadababba vo Herza dank* Du sorgsch fir uns wie eine Mudder ohne Bruscht!

    #1Author Goldammer (428405)  02 Apr 21, 18:20
    Comment

    Juhuu, i honns au gfunda! Mercile, Manni, mon Scherri 🙂


    Opale, wenndas Vegale näbame naschdellsch, no siehsch, dasses a jungs Goißle und i a alde Schachdl bin.


    I freime ibr jedn vo eich wo gimbfd isch.

    #2Author Moi Gab (456541) 05 Apr 21, 14:47
    Comment

    Opale, so, hòsch dr Omzug au bewäldicht? On de andere Schwäbla (on andere Leit on sailent Lörker aus älle Weltgegenda) au, hoffentlich?


    Also des mit dem oina Oi - desch jedes Jòhr a nuis. Velleicht isches der Dribut an dr Waldgnom. Mr hent au no nia ois vo dene alde et gfondene Oier em nägschda Jòhr gfonda. On mir ganget seit mendeschdens zwanzg Jòhr emmer an dr gleiche Blatz.


    Des mit dem ebbes eldera Kend - an Oschdra erwacht emmer des Kend im Dengse, sozomsaga.


    Gäbele, abber a leiblichs Kend mit Ende sibzg hòsch du au et! So a alde Schachdl bisch nò au widder et! 😀 😛



    #3Author Goldammer (428405)  05 Apr 21, 14:51
    Comment

    Okeee, mach aus Ende Afang, no bassdz. Vegale, hosch du erra alda Frau jetz grad ächd Zung rausghengd?

    #4Author Moi Gab (456541) 05 Apr 21, 14:59
    Comment

    Ja, abber bloß weil du's bisch!


    (On dass du a leiblichs Kend - i moin koi ãgnommns!!! - mit Ãfang siebzge hòsch, des hedde et denkt ghett! Mr lernet nia aus!)

    #5Author Goldammer (428405)  05 Apr 21, 15:02
    Comment

    Hihi, hoschme vrwischd. Dô binneder id schlecht auf da Leim ganga.

    #6Author Moi Gab (456541) 05 Apr 21, 15:05
    Comment

    Hoi hemele! Longtaimnoßii!

    I blick des net mit dem iebricha Käschdle em alda Fädale - i han emmer gmoint ghett, bei dreihondert isch Schluss!

    Wie kommsch du a Schdond nòchm Opale seira dreihondert an a dreihondertois-Käschdle???

    +neid+ +auwill+

    #7Author Goldammer (428405) 05 Apr 21, 15:18
    Comment

    So äbbes gits efder môl. Schee, dasses grad beim Himmale bassd hot.

    #8Author Moi Gab (456541) 05 Apr 21, 15:21
    Comment

    Schdemmt. Abber normal net nach Schdonden! Un's hemele hòt gschrieba: Oi Käschtle isch no iebrig - obwohl a Schdond vorher scho 's dreihondertschde gschiggt gwä isch! Des hòt mi gwondert!

    #9Author Goldammer (428405) 05 Apr 21, 15:28
    Comment

    Hosch rechd. An darwinscha Fählgriff?

    #10Author Moi Gab (456541) 05 Apr 21, 15:41
    Comment

    Z'erschd muaß e amòl em Fadababba mein ehrfürchdigschda Dank endbieda fir des Oschderiebrrachongsoi en Form vo ma neia Fädale.


    "Des mit dem ebbes eldera Kend - an Oschdra erwacht emmer des Kend im Dengse, sozomsaga."


    Ond des isch au guad so, wenn mr sich a kendlichs Gmiead bewahrd hòt. Nâ kâ mr au mid de Enkalà no Bleedsinn machà ond rombuablà.


    Des Dreihonderdoisekäschdle em alda Fada isch durch d' Leschong vo dem Schbämeitrag vo geschdern gwä, wo oiner widdr Führerschei vrkaufa wella hòt.

    #11Author opadeldok (1319435) 05 Apr 21, 15:43
    Comment

    Ach des han-i gar-et mitgriegt ghett, den Schbäm, Opale! Jetz isch mir des glar. Danke fir die Erleichdung!


    #12Author Goldammer (428405) 05 Apr 21, 16:13
    Comment

    Du hòschd jâ au geschdern was scheener's vorghet. 'S geit, mr sodd 's nedd glauba, au no a Leba außrhalb vom LEO. ;-)

    #13Author opadeldok (1319435) 05 Apr 21, 16:20
    Comment

    I hao do deana in deam Yuhudubschlauch mei nuijeschz Zeidraffarwideo eigschdelld.


    Ledschdlech loffz uff vier Monadd Beschäfdegong midd am Bloemeschdock ond in de ledschde Däg mibbm Bassklarneddle (wissed scho, do brauchba oobedengd a Läbble zom Aufdrage vo der Emullsjooh uffs Bläddleseddwih - abr des sei bloss am Rande bemerkd).


    I will dean Lenk oo an a baar Freind schicke ond hao fier die a Meeking-off gschrihbe. Zom Ibrsedze ben i z lagg. Kennez ja amohl mid DeepL odr em Guhgl-Dransleitar brobiere.


    Des Gschichdle zom Wideo goht so:


    Zum Geburtstag meines Sohnes Anfang Dezember schenkte mir meine Schwiegertochter eine Amaryllis-Zwiebel - eine noch sehr unentwickelte, damit ich viele schöne Fotos vom Wachstum von Anfang an machen kann. Das tat ich dann auch.


    Nach mehreren Tagen kam mir die Idee, davon ein Zeitraffervideo herzustellen. Also stellte ich die Kamera auf den Tisch und ließ sie automatisch alle halbe Stunde ein Bild aufnehmen. Da die Pflanze auch in der Nacht wächst, fasste ich schließlich auch noch den Mut, in der Nacht das Licht anzulassen.


    Das Ergebnis dieser Dezember-Amaryllis, die ich schon für die Neujahrsgrüße vorgesehen hatte, war nicht so toll, weil erstens die Kamera auf dem Esstisch ganz locker rumstand, nicht immer am gleichen Platz, und zweitens der Unterschied von Tageslicht bei trübem Wetter und der Glübirne sehr große Farbsprünge brachte.


    Aber der Ehrgeiz hatte mich gepackt und ich holte mir von Edeka noch eine Amaryllis, diesmal mit zwei Blütenknospen. Ich bereitete in einem fensterlosen Raum ein Fotostudio vor mit Lampen, dunklem Hintergrund und am Heizkörper festgeschraubter Kamera. Jede Viertelstunde ein Bild - vier Wochen lang.

    Doch die Kamera machte mir einen Strich durch die Rechnung, weil bei Zeitrafferaufnahmen die Darstellung auf dem Display nicht der Wirklichkeit entsprach. (Wer liest Bedienungsanleitungen schon vor dem Gebrauch!!!)

    Also nichts wars mit der Januar-Amaryllis als Überraschung zu Mariä Lichtmess ;-((


    Also nochmal vier Wochen lang einer Amaryllis beim Wachsen zuschauen. Sie bringts auf 2,5 cm pro Tag!

    Die Februar-Amaryllis verblüffte mich dann mit einem sehr eigenwilligen Wachstum: Sie trieb nicht die Blütenstengel nach oben bis zu einer Höhe von ca. 40 cm wie die beiden vorigen, sondern erstmal wuchsen die Blätter über den vorgesehenen Bildausschnitt hinaus auf ca. 60 cm. Dann erst kamen die Blütentriebe, aber nur bis auf 10 cm. Dann öffneten sich riesengroße Blüten - viel größer als bei den vorigen: meine ganze wohlgeplante Bildregie war im Eimer!!


    Na ja, das Ergebnis liegt vor - mit vielen Schwenks und Zooms, passend zu den überraschenden Wachstumskapriolen ;-)


    Die Tonspur zum Video war auch etwas aufwendiger als gedacht. Bordun (gleichliegende Töne) und Ostinati (sich wiederholende Tonfolgen) sind an alten europäischen und indischen Mustern orientiert und an meinen geliebten Kirchentonarten, hier dorisch, äolisch und mixolydisch.

    Die Klarinettenimprovisation schlauchte mich ganz schön. Ich machte 10 verschiedene Aufnahmen dazu. Dabei stellte ich fest, wie schwierig es ist, ohne Mitspieler oder Publikum allein vor dem Mikrophon zu sitzen und einigermaßen in den musikalischen Fluss zu kommen.

    Die Studiomusiker bewundere ich ab jetzt mit anderen Ohren!



    #14Author manni3 (305129)  05 Apr 21, 16:34
    Comment

    Desch õglaublich, manni!

    I ben schwer beeindruggt.

    Un des riehrt oin irgendwie ganz schdarg ã, des Thema Wagstum und Vergehjen, so omgsetzt...

    Wonderschee!

    #15Author Goldammer (428405)  05 Apr 21, 16:50
    Comment

    Dass die zwai dinne Bläddla hî ond häebendled, kudd ibregenz idd von am Wind. Des isch scheinz in de Gehne! Oi Wäeg daured in Wirklechkaid oogfähr zwai Schdond!

    #16Author manni3 (305129) 05 Apr 21, 17:22
    Comment

    Mei, i bin au beeidruggd. Parfää, parfättemã parfää !!

    #17Author Moi Gab (456541) 05 Apr 21, 18:56
    Comment

    Tolle Uffnahmà ond au d' Musigg. Am Âfang hòt's ausgsäah wia wenn dia Bläddla medronomardig dr Takt vorgebà dädat. Nâ send se abbr draus kommà, blooß du nedd.


    So a Amaryllis haune no nia gsäah, meinr Muadr ihre ond schbäder meine hend ällweil blooß zwoi große Bliada gleichzeidig ghet. I hau se abbr ombròchd, wia mei Clivie au. Also nedd mei Muadr, sondern d' Bloama. Wahrdscheinds zviel gossà. I hau oifach koin greana Daumà.


    Du brauchschd a Läbble fir d' Emulsoh? Nâ soddsch des au kriaga, dâ isch's: Bassklarneddlesbläddlesaufbewahrongseddwihschadullapflegeemulsiohuffdragsläbble. ;-)

    #18Author opadeldok (1319435)  05 Apr 21, 19:24
    Comment

    Och ... dass neije Fäädelsche ess schonn soo weid unn isch binn imma noch nedd aangemälld ...


    Isch hoff, Ija hodde unn hann noch scheene Feijadaache !


    Danggescheen, Faadebabba fass Innfäädele !

    #19Author no me bré (700807) 05 Apr 21, 19:34
    Comment

    Oh, dia Herrin iebr kloine Fedrbäll ond sämdliche Arda vo -iten war dâ. Knapp vrbassd.


    "Wea wagt es, die tswaite Schtrofe zu übasetsn?" - Knattersmann oder Ripp?


    I hau's amòl brobierd:


    Di tswaite giebt, si wiat tsu raich,

    Dea dritten walent iehre Fluht,

    Unt iede nimmt unt giebt tsuglaich

    Unt schdröhmt unt ruht.



    #20Author opadeldok (1319435) 05 Apr 21, 20:31
    Comment

    I schdand leider komblett ufm Schlauch, was "dia Herrin iebr kloine Fedrbäll ond sämdliche Arda vo -iten" bedeidet.

    Hòt des ebbes mitm breele zom doa? Abber wie?

    Rätsel ieber Rätsel....i kann abber drotzdem gut schlòfa....hoff-i zumindescht....


    #21Author Goldammer (428405) 05 Apr 21, 23:23
    Comment

    Feeschelsche, dass ess waahscheinds, weill isch dii gannße Feddabällscha fa inns Wäadabuuch inndraan duun ... doo hannisch schonn eh gaanßi Männg ßesammegriid ... awwa isch saan jedßade aach Gunnaachd allegaare !

    :-)

    #22Author no me bré (700807)  05 Apr 21, 23:32
    Comment

    Vegale, derf i dir vom Schlauch ra helfa? I les au ab ond zua en andre Fädà mid ond dâ isch vom breele au emmer wiadr an eidrag iebr Feddabällscha (aka Vegl) oddr Mineralia (Endong -it z.B. Pyrit) d' Red. I gang jetzat au en d' Kischd ond hoff, dass mr boide guad schlòfa kennad, ob der mannigfaldigen Rädsl, dia ons 's Leba so schdelld. ;-) A guads Nächdle midanand.

    #23Author opadeldok (1319435) 06 Apr 21, 01:05
    Comment

    Bei eis uffm Ballkaah hadz a bissle in dKirschblieda gschneid.

    #24Author manni3 (305129) 08 Apr 21, 08:30
    Comment

    I hau grad an Noschdalgischa ond hear a wengale Schwoißfuaß. Dia send - honne grad feschdschdella miaßa - ja dodal dia Brofeda gwea ond hand scho domols gsonga: Wenn d'Masga vrrutscht https://www.youtube.com/watch?v=n-_D-cVIsLk

    ... ond se wissat genao wia des isch/wann d'Masga vrrudschd/ ...

    #25Author Selima (107)  08 Apr 21, 09:44
    Comment

    Jô geil* Amoisle. Dia honne no noita kennt!


    *saitma des ibrhaubd no?

    #26Author Moi Gab (456541) 08 Apr 21, 11:02
    Comment

    Wissad ihr au, dass dia Bladde en ma vellig neia Schbedzialvrfahra uffgnomma worra isch, des bewirgd, dass se uff miese Âlaga besser klengd? ;-)

    #27Author opadeldok (1319435) 08 Apr 21, 11:14
    Comment

    Bei oos alde Laggl, Gäbale, scho :-)

    Schwoißfuaß ende Achzgr und hernocht Grachmusikoff send Kult gwea em wirddabergisch-bayrisch-schwäbischa Grenzgebiet. Dia send eigndle aus Schussariad - desch gwasi so middleschd zwischa Dir ond am Emmrle ond am FFle ond mir, odr?


    Ah, opale, Glang isch Schall ond Rauch - omda Gruuuuv got's dau. Haupzach 's schebbrt. Ond dia Bladda haddmr eh bloß braucht fr dia Zeit zwischa de Konzertla ...

    #28Author Selima (107)  08 Apr 21, 11:15
    Comment

    I war leidr nia uff ma Kondzerd vo Schwoißfuaß ond Grachmusikoff*, abbr i hau dei Boschding zom Âlass gnomma dia Schallbladd aus meim Bladdaregal zom ziaha. Dâ schdoht der Schruch henda druff. Nadierle goht's om dr Gruuuv, om wa denn sonschd. Ben i an alder Rocker (inkl. drzuagherigem Herschada) oddr et? ;-)


    *Zu der Zeit war i no mid dr Uffzucht vom Nâchwuchs beschäfdigd.

    #29Author opadeldok (1319435)  08 Apr 21, 11:37
    Comment

    Also dia waret bei ons scho au ãgsagt. Gnau, Amoisle, so kennt mr glaub-e saga, geografisch.


    (Wissetr was me lächert: bei dem Jutjuub-Filmle schdòht onda drã "Warnung für Erziehungsberechtigte: Explicit lyrics" 😀 😀)

    #30Author Goldammer (428405) 08 Apr 21, 13:45
    Comment

    Boschurle liabe Schbätzla! S'Wedderle bräsendiert sich scheee, Zonn scheint, und desch au guad so, well am Schose sei Heilixblechle jetz Zommerschlabba ahot.


    Mei Briaderle isch heit im Allgei zom Schneeschlabbalaufa. Hôts dô ibrhaubd no Schnee?


    Amoisle, wa dia Achzgerjohr agoht - do binne grad ersch wiedr aus Gallia zruggkomma. Det hennze dia Pjee püã id kennt. Sellmôls honne am Scho Dassɛ̃ seine Liadr drällerad.



    #31Author Moi Gab (456541)  09 Apr 21, 08:45
    Comment

    Heit bräsendiert sich 's Wedderle nemme ganz so schee. D' Achalm isch weiß gwä heit frieh. I mag's nemme säha.

    I wett jetz uf d' Alb zom Bflenzla kardiera, abber solang se onderm Schnee sen, hòt des koin Wert.


    Geschdern hemmer abber d' Zeit vorem Wedderomschlag no guat gnitzt: mr sen em Ermsdal an Weg gloffa wo mr no nia gloffa sen. Vo Metzinga-Neuhausa aus da Weiberg nuf, durch 'd Schdraiobschtwiesa on zom Schluss durch dr Wald uf dr Hofbühl nuf. Wonderschene Ausbligge en's Ermsdal nei on gen Weschda Richdong Rammert, Scheebuch on sogar Schwarzwald. Isch richdich schee gwä.

    #32Author Goldammer (428405) 12 Apr 21, 17:52
    Comment

    Bei mier baueze grad voerem Ballkooh: Dr Herr Greafenk hadd ussm Säegwerk a baar Läddela kolled fiers Beddgschdell ond bFrau hadd im Beddegschäfd a Bolschdrmaddrejahl fiers Wuchebedd middbrochd :-)

    #33Author manni3 (305129) 12 Apr 21, 18:09
    Comment
    Achwienett 🥰
    #34Author Goldammer (428405) 12 Apr 21, 18:26
    Comment

    Griaß eich Gott,


    i ha vorher scho âgfangà ghet zom Schreiba mid ma Zidad: "Iebr ällen Gibfeln ischd Ruah" ond en dr Zwischazeid sen ihr mir zvorkommà.


    I hau geschdern an ganz an faula Dag eiglegd, weil i am Samschdich en Schrondorf a Ronde em Wald dreht hau. Dâ send mr faschd koine Leid begegnad, blooß oiner, den i zledschd bei ma Schualausflug en de 60er gsäah hau. Ihr kennad den sichr au. Dâ isch a Bild vo eahm:


     Schwarz-Gelb


    'S isch abbr koi Dortmunder.


    Manni, hend dia au, wia sichs ghehrd, an Roda Ponkd an ihrer Bauschdell? ;-)

    #35Author opadeldok (1319435)  12 Apr 21, 18:43
    Comment

    Dr Lurchi :-))

    #36Author manni3 (305129) 12 Apr 21, 22:00
    Comment

    Wone um de nein Jôhr alt war, hot da Lurchi bei eis im Garda gwohnt und isch ammel, wenn Zonna gschiena hot, auf da Terass ghogget und hot sich gsonnet. No honneme näban nagsetzt und bin ganz ruig gwäa, uner isch id abkaua. Domôls hots au no dia Salamanderschuah gäa und sLurchi-Hefdle. Henner des au kennt?


    Leitla, i hon dSchnauze voll vom nochem Impftermin suacha. Und dSchbärchschdundahilf vo unserm Dok hottmer vrzellt, dasse d'Imbfo griagt heijad, se dädat weniger Imbfschdoff griaga ass vorgsäa. Opale, Doktrle, magschde id erbarma und s'Gäbale und da Schose imbfa? I kämt au zuadr.


    Vegale, schee dei Wanderung! I bin Ledschwoch im Deggahausertal vom Hegschda übr Ilmasee und zrigg (17,2 km) gloffa. Uglaublich, wia schee doch uns Ländle isch. I dengks so oft und freime all aufs Neije driebr. Am See kasches zrzeit faschd id aushalta, so drugged sich dô dia Leit. Koinr hot Masga auf, obwohl Masgabflichd isch. Auslacha donnse oin, wenn da mid Masga annana vrbeilaufsch. I gang nimme an See vor.


    Geschd waramer eikaufa. A de Kassa hennse jetz i dem Lada Drennwänd aufgeschdelld ghett, dass dia Warteschlanga vonanand abgschirmd sin. Ächd guad. D'Kassierarre war au froh driebr. No gugge ammer runtr und sieh den Kindrwaga middem Gloikind grad näbamr schdanda. No honne gmoint, des Kindle hot abr nix davo, iddamol an Sichrheitsabschdand derfs honn. Mei, hot die Muaddr bleg glotzd, wose sich des bewussd gworra isch.


    Häff a naiß Deile, Schbätzla!

    #37Author Moi Gab (456541)  13 Apr 21, 09:39
    Comment

    Lurchi, Unkerich ond Hopps dr Frosch, klar kenne die. Des Hefdle hòt's damòls blooß gäa, wenn a Baar neie Schuah vom Salamander-Gschäfd fällig wared. Dâ war damòls em Ladà au no a Röntgagerät em Eisatz fir d' Passgenauigkeit vo de Schuah. Heit ovorschdellbar.


    Wegam imbfa muaß i leidr passà. I war zwar fuffzich Jòhr em Gsondhaidswesa beschäfdigd, abbr mangels "höherer Weihen", i hau koi Aprretur ond au koi oinzigs Silvester an'ra Unität gschdierd, hòt's zom Arzt nedd greichd. I verfieg blooß iebr a fondierde Halbbildung. :-( Ond i muaß jâ selber, aldersmäßig, no a Weile wardà, bis e drâ be.


    Nâ warsch abbr schdramm ondrwegs, iebr 17 km send fei ed schlechd. Ond en ra scheena Gegend hòt mr au was drvo, gsondhaidlich ond fir's geischdige Wohlbefendà. I vrmeid hald au dia Hoddschbodds wo an Haufà Leit ondrwegs sei kenndat ond gang au faschd blooß ondr dr Woch zom Laufà. Am Samschdich war a Ausnahm, dâ haune gwissd, dass en der Gegend (Schorndorf, nedd wiane gschriaba hau Schrondorf) ) emmer wenig los isch ond d' Leit beim eikaufa send.

    #38Author opadeldok (1319435) 13 Apr 21, 10:49
    Comment

    Opale, id dät wellawäag mein Arm nagged macha und bei dr naheba. Etz mommer bloß no vo äbba da Imbfschdoff hergriaga ;-)

     

    Leitla, wisseder au, dass heit fr dSchbanjer Friddigg da dreizehnt isch?


    "Trece y martes, ni te cases ni te embarques" Gell Brelele, des woisch du au 🙂

    #39Author Moi Gab (456541) 13 Apr 21, 13:12
    Comment

    Gäbele, hòsch-es au schoml bei andre Impfzentra brobiert als beim nägschglägana? Hierrom isches zom Beischbiel so dass mr z' Diebenga leichder an Termin griagt wia z' Reitlenga.

    On du brauchsch halt Geduld, Geduld, Geduld. Mei Jonger (der wo Lährer isch) hòts au eeewich brobiert, äwwl all baar Schdond widder on efders om Middernacht on so, emmer widder, Dag fir Dag, on bletzlich hòtr an Termin gfonda fir dr Oschdersonndich om naine. Den hòtr sich nadierlich grallt on isch jetz wenigschdens s' erschtmòl gimpft.


    D' Edith hòt grad gläsa, dass ab nägschwoch älle ieber 60 Impftermine griega kennet - also Gäbele, dò dät i uf jeden Fall die Woch no gräfdich on õgfähr dreißg mòl bro Dag brobiera. Wenn nägschwoch die ganze Jongsenjohra uf dia Termin neiganget, wird's glei widder eng!

    #40Author Goldammer (428405)  13 Apr 21, 15:11
    Comment

    Was dier do fier an Duranand hand ... - so ganz ôôkäbselemäßeg ;-(

    #41Author manni3 (305129) 13 Apr 21, 15:22
    Comment

    Vegale, dankschee fir dei Edith.I hau's no nedd glesa ghet. Dâ isch dr Lenk drzua:


    Stuttgarter Nachrichten -Impftermine


    Ond des isch an Auszug vo dem Ardiggl was dei These onderschdidzd:


    "Das Ministerium rief insbesondere alle über 70-Jährigen dazu auf, in den kommenden Tagen Impftermine zu buchen. „Durch die weitere Öffnung ab Montag ist wieder mit einem starken Andrang über die Website und bei der Hotline zu rechnen“, so Lucha. Eine Terminvereinbarung bleibe aber auch für sie nach dem Wochenende weiter möglich."





    #42Author opadeldok (1319435)  13 Apr 21, 18:44
    Comment

    Vegale, geschd honne so dSchnauze vollkett, dasse bockad honn. Sprich, ich honns näaname brobiert. Heit, wone nôcham Wanderra hoimkomma bin (mir wared wieder in da Ratzahausner Gegend) honnes wiedr vrsuacht. Deschs Ergäbnis, seitem halba Sechse:


    Wartungsarbeiten

    Wir aktualisieren zurzeit das System. Bitte probieren Sie es in einigen Minuten erneut.


    ôôkäbselemäßeg!!! Manni, des schdimmt.


    i probiers morga wiedr.


    An scheena ôbnd Schbätzla!


    #43Author Moi Gab (456541)  14 Apr 21, 21:37
    Comment

    Isch hodds noch gaanedd brobijad meddemenem Däamin ... isch binn imma noch inn de lädschd Grobb, dii woo draankomme duud ... awwa immahinn ess mei Mamma gimmbpfd gänn ... se hadd sogaa schonn dii zwädd griid, graad dii foasch Woch ... doo kannisch misch weenischdens wedda hinndraue, oone Befiaschdungge hann se misse ... dass ess doch aach schomool wass wäad ...


    Isch wisch Eisch aach allegaare eh scheena Oomennd !


    #44Author no me bré (700807) 14 Apr 21, 21:59
    Comment

    Hoi, scho wiedr drei Däg rum und koinr war dô? No fang i halt a.


    Da Schose und i henn an Impftermin am nägschda Dunschdig 🙂


    Außerdem honne a firchderliche Ahla- und Bisuhla-Karenz. Wenn dô nix gôht, kanneme id impfa loh!!! Hilfe!!!


    #45Author Moi Gab (456541) 17 Apr 21, 16:34
    Comment

    Dädsch vomier oo a Ahle nemma? Odr gebmr se gegaseideg a Ahle?


    Ond: Gliggwonsch zom Dermin! I hau leidr no koin. Dr DerminrechnAr moint, i sodd mein zwischam 20. Abrill ondam 21. Moi hau. I woiß ned ... I bee schgebdisch.

    #46Author Selima (107) 17 Apr 21, 16:58
    Comment

    I glaub, 's Gäbele nemmt bloß schdupfiche Aahla....sonsch dät i jò au welche beischdeira. Abber mit ma schdupficha Damabärtle kã i leider et diena....


    #47Author Goldammer (428405) 17 Apr 21, 17:33
    Comment

    I raich oo no a baar Seggs-Millemeddr-Ahla noch. Die kennebr uff dreimohl zwai aufdaile, nocha kredzedze bessr :-)

    Ond an Glickwonsch fier dean badewieddebäergesche Derminvolldreffar!


    Bei mier hadd es midd deane Dermin hervoragnd klabbt biss uff des, dass s I-Mehl an Hesche kedd hadd ond oo noch dr Buechong no a baar Däg hendrhäe Erinnronga gschickd hadd, dass i mi aamelde kenn.

    #48Author manni3 (305129)  17 Apr 21, 17:37
    Comment

    I au am Doschdag. Voraus gsetzt, dr Doktr kriagt gnug Impfschtoff.

    #49Author bluesky (236159) 17 Apr 21, 18:47
    Comment

    Guat, guat, guat, hemele!

    Opale, wie sieht's bei dir aus? Kommsch weider mit dr Terminsuche? Odder ischs Pordal emmer no vrschdopft?

    #50Author Goldammer (428405) 17 Apr 21, 20:31
    Comment

    Hello agän, ei säi hello agän ....


    Bei mir isch nex verschdobfd. ;-) I hau no gar nedd drnâch guggd. I mach's grad wia mid'm Koâfför. Wo dia Âfang März wiadr hend uffmachà dierfa, hau ne z'erschd amòl dr gebeideldà, holdà Damàweld dr Vordridd glassà ond ledschd Woch âgruafà. Am kommendà Dorschdich derf e, nach siebà Monad, kommà. 'S isch jetzad au dringend nedig, i sieh aus wie a (so hòt jemand vor einiger Zeit irgendwo en ma Leo-Fada gschriabà) "Kreizong vo ra explodierdà Globirschd ond ma uffbladzdà Sofakissà"


    I ruaf nächschd Woch bei meiner Hausärzdin â ond fròg mòl nach ma Termin, dui kennd me ond i woiß wo'ne drâ ben.


    Ond jetzad iebrleg e mr grad, was e mid dem âbrochnà Sonndich no âfangà kâ.



    #51Author opadeldok (1319435)  18 Apr 21, 12:17
    Comment

    Also, wa dia Ahle ahgôht :

    Amoisle - Dädsch vomier oo a Ahle nemma? Abr glardoch, Amoislaahle sin äbbes Bsondrs und dôdrauf dät i nia vrzichta wella !

    Vegale - I glaub, 's Gäbele nemmt bloß schdupfiche Aahla.. Des kane so id schdanda lo. I nimm deine Ahle au vo Herza gern.

    Abr, i gibs zua, am Manni seine Ahla sin äbbes ganz was Außergwehnlichs. Des monner doch aisäa.


    Unsr Imbftermin isch au beim Hausarzt. Deschmr dausedmôl liabr.

    Geschd, beim in Schwarzwaldfahra ischmers auf oimôl ganz uwohl worra, dasse rausfahra und me ibrgäba honn miassa und nimme hon weitrfahra kenna. Deschmr jetz scho efders bassiert, dass mrs urbletzlich schlechd gôht. Bin grad froh, dammer den Imbftermin honn und e des a Dok vrzella ka.


    Opale, sin eigendlich da Daudaugernamaerfindr und dei Dochtr wiedr vo da Kuar dahoim? Und wia hoddenes gfalla?


    Häff a naiß deile, Schbätzla!

    #52Author Moi Gab (456541) 19 Apr 21, 15:27
    Comment

    Gäbele, wenn dr des scho efders bassierd isch ond 's nex mid ma vrdorbnà Magà zom doa hòt, soddesch scho drnâch gugga lau.


    Ond mid Hoißhonger uff saure Gurkà, dihrfd 's jâ au nedd vrbondà sei. ;-)


    Noi, vo der Dochdr haun e no nix gherd, dass se wiadr zruck wär. Dia Dochdr mid'm Daudaugerschbezialischd isch mei zwoide Dochdr, dia wo uff dr Alb wohnt. Dâ haun e au am Wochàend nuff fahrà wellà, abbr 's isch rà am Samschdich nedd so guad gwä, nâ hend mr 's vrschobà. Au wenn 's ihr Dochdr (dia wird en vierzeah Dag acht) nedd gfraid hòt.


    Drfihr haun e geschdern a kloine Waldwandrong gmachd. War guad so, bei deam Weddr wo mr heit hend.

    #53Author opadeldok (1319435) 19 Apr 21, 16:38
    Comment

    Jò, Gäbele, dò soddesch drnòch gugga lao, des kennt vom Ohr her komma, a Innaohrgschicht mitm Gleichgwicht oder so.

    #54Author Goldammer (428405) 19 Apr 21, 17:12
    Comment

    Boschurle Schbätzla! Zonn scheint scho. I schubse vom Schwarzwald zua eich num 🙂

    #55Author Moi Gab (456541) 20 Apr 21, 10:44
    Comment

    Isch ââkomme uffm Ballkââh - vrgäelzgodd :-)

    #56Author manni3 (305129) 20 Apr 21, 16:29
    Comment

    Jetz doch net am Doschdig - Impfterminchaos.

    #57Author bluesky (236159) 20 Apr 21, 19:17
    Comment

    Jetzat doch nedd am Dorschdich - Koâfförtermin bladzd, blooß mid Negatif-Teschd meglich. Uff dia Schnelle nedd machbar.


    Abbr 's geit au no erbauliche Sacha. I hau heit mei Enkelin, dia wo demnächschd ihr'n achda Geburdsag hòt, am Delefo ghet, ond se gfrògd, wa se sich wenschd. Ergebnis laud ihrer schrifdlichà Wonschlischde: "A ferngschdeierts Audo, a ferngschdeierts Flugzeig, a Omkleidekabine, a Täbbledd, a Tabledd, a Dorde, an Floischkäswegga ond viele Iebrraschonga". I häb me schiergar weggschmissa vor Lachà. :-) Sie hòt abbr glei drzua gsait, dass des mid dem Täbbledd ihre Eldern eh nedd erlaubàd. Mei Dochdr hòt mr gsait, dass se sich a Pferdebeddwäsch winschd. Des bassd, weil se au gern reidad. Ond nach 'ma Buach, fihr dia kloi Leseradd gugg e au no.


    Dui Edith hòt mr grad en Ars.. dabbd, dass e me beim Gäbele au fihr dr Sonnaschei bedangka kennd. Was i hiermid, mid Asche uff meim Haubd, nâchholà mechd.


    A guad's Nächdle midnander.

    #58Author opadeldok (1319435)  20 Apr 21, 22:45
    Comment

    A Täbbledd? Gib iehr hald s dêî ;-)

    #59Author manni3 (305129) 20 Apr 21, 23:16
    Comment

    Himmale, re Impfterminchaos: Schdelldr vor, mei Freindin hot iahra Freindin vrzellt, dass i koin Impftermin griaga dät ibr 116117. No hot dia sell gmoint, obs sei kennt, dasseme a wengle bled ahschdell! Wahrscheinz war des so *hihi*.


    Opale, guggamole, ob des äbbes fr dei Enkldechdarle wär: https://www.hugendubel.de/de/buch_kartoniert/...





    #60Author Moi Gab (456541) 21 Apr 21, 16:31
    Comment

    Opale, i hett dò a baar Fròga:

    zowas braucht a achtjährichs Mädle a oigene Omgleidekabine?

    Soll des a dransbortdabls Modell sei wo se mitnemma mecht wenn se wonãgóht wo se sich velleicht omziaga will?

    A ufblòsbare velleicht?

    On des Tabledd (also net 's Täblett), hòsch des bloß als Gägg en die Lischde mit neignomma?

    Odder war's en Gägg vo eahra?

    On d' Omgleidekabine womeglich au?

    Eddafall isch des a wonderbare Lischde. 😀

    #61Author Goldammer (428405)  21 Apr 21, 17:41
    Comment

    Re #59 Manni ! 🤣😂🤣

    #62Author karink (659752) 21 Apr 21, 17:56
    Comment

    Gäbele, dangkschee fihr den Tipp. I hau mr 's âguggd. Des Bild vorna druff deischd gwaldig. Des isch a Buach fihr Erwachsene zur Pferdeernährong. Schade.


    Vegale, des mid dr Omkleidekabine hau ne se au glei gfrògd ghet. Begrindong: Wenn se em dunkla uffschdanda muaß ond sich âziahgd, nâ guggad dia Leid älle durch's Fenschder rei. Gegafròg: Abbr du hòsch doch deine Rolllädà hondà? Andword: Ja, trotzdem.


    Ond jâ außerm Täbbledd au a Tabledd. Fròg: Abbr ihr hend doch Tabledd em Haus? Andword: Sie will a oiges fihr ihr Zemmer, wenn se mòl Bsuach hòt ond des andre brauchad ihre Eldrà.


    Ihre Winsch hòt se mr genau so digdierd. Am beschda war dr Floischkäsweggà. :-)


    Ond des Täbbledd brauchd se meglicherweis au blooß als ihr oigas Schbadzabredd. ;-)

    #63Author opadeldok (1319435) 21 Apr 21, 19:10
    Comment

    Okeh, des leichdet mr jetz ei mit dem Tabledd.

    Des mit dera Omgleidekabine wenicher...abber wennse moint....dät's dò abber et velleicht a Schbannische Wand? Die dät wenicher Blatz wegnemma on ließt sich zammaglabbt henderm Schrank vrschdaua, zom Beischbiel wenn dia Gescht dò sen, dia wo se mit Hilfe von ihrm Tabledd bewirda mecht....

    #64Author Goldammer (428405) 21 Apr 21, 21:30
    Comment

    Ganz normale Voerheng voer de Rolläde dädez doch oo, scheanr senze oo, ond fier dRaumackuschdick senze oo gued! A Fenschdr midd Rolläde dussa ohne Voerheng hinna siechd doch greislech aus!

    #65Author manni3 (305129) 21 Apr 21, 21:36
    Comment

    Bei ihrà treffad zwoi eigentlich positive Eigaschafdà uffanander. Oinerseits isch se wissbegierig ond saugd Enformationà förmlich uff, andrerseits hòt se a bliehende Phandasie. Ond des mid dr Omkleidekabine isch a Broduggd vo dr Phandasie, abbr des wird ra mei Dochdr oddr mei Schwiegrsoh scho erklärà, warom 's nedd gòht ond au nedd nedig isch.


    Mi als Opa fraid hald, das se d' Luschd zom Lesà vo mir geerbd hòt. Ond ihr Muadr onderschdidzd des au voll, obwohl se als Kend selber nedd so endressierd am Lesà war, was sich enzwischà vollkommà ens Gegadoil gwandld hòt. Ond an Phandasie hòt's mir au nie gmangeld. ;-)


    Wia hòt scho dr André Heller gsonga: "Die wahren Abenteuer sind im Kopf und sind sie nicht im Kopf, dann sind sie nirgendwo". Dâ isch was wâhr's drâ.


    Manni, Gardenà hòt se doch au.


    #66Author opadeldok (1319435)  21 Apr 21, 21:55
    Comment

    Ibregenz: Wünsch send idd drzue do, dasse erfilld wäered. Se send drzue do, dasse oim bewussd wäered ond dassbas kenneläerned.

    #67Author manni3 (305129) 22 Apr 21, 01:02
    Comment

    Ruaft mi vorhin dr Doktr a, oc i schnell vorbei schbringa kennt. Ihm sei oiner abgschbrunga ond er hätt a ibrigs Schbritzle fir mi. Hab i nadierli gmacht.

    #68Author bluesky (236159) 22 Apr 21, 13:51
    Comment

    I gradulier. Desch jâ faschd wia an Sechser em Loddo. :-)


    Ond i hau meim Audole an Sadz naglnuie Sommerschiahla schbendierd. ♫♪ Dr Wendr ischd vergangen, i seh des Maien Schein. ♪ ♫

    #69Author opadeldok (1319435)  22 Apr 21, 15:16
    Comment

    Des habe scho letschtenz mit meiner Doktare vereinbart, daß se me jederzeit aruafa ka, i wohn ja net weit weg. Daß se me tatasächlich aruafa, dodrmit habe jetz aber au net grechnet.

    #70Author bluesky (236159) 22 Apr 21, 16:08
    Comment

    Hasch gmoind, se häb dier sBlaue vom Heml vrschbroche *hihi*

    #71Author manni3 (305129) 22 Apr 21, 16:42
    Comment

    Opale, jetz han-e an Ohrwurm...abber en schena!

    ...ich säh die Bliemlein prangen,

    des ischt mein Herz erfrait!

    Des hòt mr en dr Schual no gsonga zo meira Zeit....hach...


    Gradulazjoh, hemele! Guat gmachet! D' Doktere on du!

    #72Author Goldammer (428405)  22 Apr 21, 17:23
    Comment

    Des isch au a scheene, eigängige Melodei, genauso wia "Wie schön blüht uns der Maien". Frieher hòt mr allgemein me gsonga z.B. uff Wanderonga, en dr Besàwirtschaft etc., da kâ i dir glei no an andra Ohrwurm sedzà, wia wär's mid "Wir wandern heut ins Schwabenland"


    Refrain:


    auf rauher Alb, in steiler Höh,

    im Schwarzwald und am Bodensee

    im Remstal und am Neckarstrand

    wie bist du schön mein Schwabenland

    mein Schwa-a-abenland.


    Kennad 'r des au?


    D' Edith sait grad i häb Buchschdabà dâ obà vrwechseld. I lass jetzat abbr die Melodei grad so schdanda.

    #73Author opadeldok (1319435)  22 Apr 21, 19:42
    Comment

    Sacklzement, der Impfschtoff hot vielleicht rei ghaut. Jetzt war i 48 Schdunda ziemlich k.o.

    #74Author bluesky (236159) 24 Apr 21, 13:52
    Comment

    War des die Erschdimpfong? Welchen Impfschdoff hend se dr vrabreicht?


    I wart jâ no uff en Termin.

    #75Author opadeldok (1319435) 24 Apr 21, 18:28
    Comment

    'S erschtmol. AZ henn se ghett. Des war dia Sonderzuteilung fird Hausärzte de se im Impfzentrum nemme verimpfa ham derfa. Hab i mi freiwillig gmeldt. I nimm ja eh Blutverdünner, do ischs Risiko überschaubar.

    #76Author bluesky (236159) 24 Apr 21, 19:34
    Comment

    Mier hadz sBayerische Impfzentrum middaild:

    Die Daten für (Name) wurden aufgrund der abgeschlossenen Impfungen gelöscht.

    Hinweis: Ihre Daten werden zur Dokumentation dieser ärztlichen Behandlungen gemäß der gesetzlichen Vorgaben im digitalen Impfarchiv gespeichert.


    Gleschd abr gschbaichred - a endressanda Voergang *hihi*

    Des bedeided im ginschdegschde Fall, dasses annenimisierd hand, odr??

    #77Author manni3 (305129) 25 Apr 21, 09:28
    Comment

    Des isch scho a weng widerschbrüchlich. I hau grad amòl dr Suachmaschee dr Uffdrag gäa "digitales Impfarchiv" zom suachà; null Dreffer.


    Blooß "digitaler Impfpass", der wär, für den der's will, uff'm Händy als Impfnachweis gschbeicherd oder "digitales Impfqotenmonitoring", dâ werdàt beim RKI däglich dia vrabreichde Imfschdoffardà ond ond dia Aldersgrubbà vo de Embfängr gschbeichert. Uff'm digitalà Weg meldát des abbr blooß fembf Bundesländer, dia andere machàd's per E-mail oddr so ond 's RKI muaß des dann händisch digitalisierà. Genauer schdoht's en dem Ardiggl vo dr WiWo:


    Digitales Impfquotenmonitoring


    An scheena Sonndich eich älle.

    #78Author opadeldok (1319435) 25 Apr 21, 10:34
    Comment

    I find des scho vrschdendlich.

    Im Impfzendrum wo se de gimpft hen, also en dene ihre Dadabanka, isch dr Vorgang glescht worra.

    Abber du mechdesch jò velleicht - wenn dr dei Impfbiachle odder des Blättle wo da griegt hòsch vrlora gòht odder irgendebbes - no a Meglichkeit han, vo irgendwo da Nachweis zom griega, dassda tatsächlich gimpft bisch!

    I denk, dòdrzua gibts des Archiv.

    Bei andere Impfonga isch des jò bei deim Dokder agdakundich. Abber bei dera Impfung em Impfzendrum wär dr Nòchweis dodal vrlaura, dass da ieberhaupt deet warsch, wenn se älles leschet on annonimisieret on du dei persenlichs Blättle vrliersch.


    I han me ehrlich gsagt schoml gfrògt wie i an en Impfnòchweis komm, wenn-e mei popelichs Impfbiachle amòl vrlega dät. I ben eher beruicht, dass-es dò offasichtlich a Archiv gibt.

    #79Author Goldammer (428405)  25 Apr 21, 11:27
    Comment

    Vegale, dei erschder Satz isch klar. Abbr a ominehsàs Impfarchiv, des em Endernedd gar nedd fendásch, kâsch em Bedarfsfall jâ gar nedd âschbrecha.


    Endressand em Zsammahang mid'm Verluschd vom Impfpass isch des dâ - https://www.br.de/radio/bayern1/impfpass-verl... - dâ schdoht au nex vo ma Archiv. ? Frògà iebr Fròga.

    #80Author opadeldok (1319435) 25 Apr 21, 12:28
    Comment

    I erinner mi seligsmoö bei dr Schluckimpfung isch au nix gschpeichert worra. Ma hot bloß a Zettele mitkriagt, daß ma do war. Impfbiachle hots au no net gäba.


    Re Archiv: Wenn Beamte a Archiv ausmischta miassn, hoists immer "Kemma des wegschmeißa?" - "Ja, aber machmer vorher no a Kopie drvo"

    #81Author bluesky (236159) 25 Apr 21, 13:20
    Comment

    Opale, an des Archiv kãsch vrmutlich genau so wenich dranã wia an d'Agda vo deim Dokder. Des wär jò noml schener, wenn dò jeder nei keet, on des wett i au net. I denk, wennda an Nòchweis brauchsch, kã'sch de an irgendebber wenda der wo dia Dada ausm Archiv hollt on dr des Deng ausschdellt.


    On glar, wennda kei Impfbiechle hòsch odder au wennda's et drbei hòsch, griagsch an Zeddl, wo's drufschdòht. Dòdrmit kã'sch nò wohl en nuia Impfpass macha lao.


    Also wenn i nòch meira zwoida Impfung des Schreiba au grieg, odder dui Mäl, nò erkundige i mi was des mit dem Archiv uf sich hòt.


    hemele: bisch sicher, dass bei dr Schluckimpfung dr Dokder wo se dir gea hòt koi Info drvo gschbeichert hòt?



    #82Author Goldammer (428405)  25 Apr 21, 16:27
    Comment

    Des wois i nadierli net, i war ja no ganz kloi. I ka mi bloß an den Zettl erinnere, der dann dahoim in d' Schatull glegt wora isch, zua de wichtige Dokumente.

    #83Author bluesky (236159) 25 Apr 21, 16:47
    Comment

    Dò hòschd me falsch verschdanda. I hau jâ nedd gmoind, dass des effendlich eisehbar wär. Abbr dia Eggsischdenz vo so ma Archiv miaßd doch bekannd sei. Edwa so wia's Punkderegischdr en Flensburg, dò kâ au nedd jeder nei. Abbr sei Eggsischdenz fendasch em Endernedd ond au wia mr seine Datà bei Bedarf abfròga kâ. Ond irgendebber wird's scho wissa, wär mir a weng zweng.


    I hau grad en meim Impfbuach nâchguggd, mei erschde Impfong war em Mai 1962 d' Polioimpfong ond 1965 d' Pockaimpfong, dia send dâmòls allgemein vom Gsondhaitsamt durchgfiehrd worra.


    #84Author opadeldok (1319435)  25 Apr 21, 17:47
    Comment

    Vielleicht hoißt des bloß offizjell anders, Opale. I brobier amòl ob i dò ebbes rausfind.


    Abdeid: Also bisher han-e bloß uf dr Seide vo dr Regierung gfunda, dass koi zendrals Impfregischder blant isch, em Zsammahang mit dem digitale Impfnòchweis.


    Abdeidabdeid: Uf dera Seit vora Grankakass sen ausfiehrliche Informazjona zom Thema Impfbiechle. Dò sieht's so aus, dass tatsächlich des Biechle dr oinzige Nòchweis isch wemmer zom Beischbiel en dr Arztbraxis nemme fendet, gega was mr scho gimpft isch. Dia empfählet, vom Impfbiechle emmer a agduelle Kopie zom han, falls-es amòl vrlora geht.

    Wemmer also den digitala Impfnòchweis, den wo's irgendwann schbäder desjòhr geba soll, et han mecht, sott mr in dr Tat sei Impfbiechle et vrliera.


    https://www.sbk.org/beratung-leistungen/vorso...


    (Dò schdòht zom Beischbiel der Satz denna: "Sind frühere Impfungen nicht mehr in Erfahrung zu bringen, gelten diese als „nicht geimpft“."


    On was des fir a Archiv sei soll, bleibt rätslhaft.

    I wer bei meira Zwoitimpfung uf jeden Fall drnòch fròga.




    #85Author Goldammer (428405)  25 Apr 21, 19:19
    Comment

    Vielleicht hoißt des bloß offizjell anders, Opale.


    Vegale, des wär jâ dr Hammer, wenn en ma offizjellà Schreibà a inoffizjelle Bezoichnong vrwendàt werra dät. :-(


    Wenn uff dr Seide vo dr Regierung (i nemm amòl a, dass d' Bundesregierong gmoind isch) schdòht, dass koi zendrals Impfregischdr blant isch, hoißd des nedd, dass beim Manni en Bayern koi "Lex Söder" eggsischdierd, oder? ;-)


    Gott sei Dank, hend meine Eldra, des Impfbuach uffghobà bis i erwachsà war ond fiehr meine Sachà alloi verandwordlich war. Ond 's Bundeswehr-Impfbuach hau ne au uffghobà.


    Woisch doch, 's Haus verlierd nex. Bei dr digatalà Schbeicherong, womeglich en ra Klaud, be i mr nedd so sicher. Dia Klaud hoißt Klaud, weil mr dr dâ dia Data klaud. ;-)


    Vielleicht wär 's abbr sinnvoll, wenn i meine zwoi Impfbiachr amòl en oin gelbà Imfausweis iebrdragà lau dät. Mòl mei Hausärzdin fròga, ob sie oddr wer sonschd des machà dät.


    A guads Nächdle eich älle.

    #86Author opadeldok (1319435) 25 Apr 21, 23:46
    Comment

    #73 Opale, noi, des haune no idd kennt, abr oos send do oo ned drmit gmoint, wannemir dia geographischa Beschreibong durchlies ;-) Drfiar seng i gera am Hiazinth Weggrle sei "I ben a Schwaub, a Schaub ben i ..."

    #87Author Selima (107) 26 Apr 21, 05:40
    Comment

    Jò, Opale, d' Bundesregierung han-e gmoint ghett.


    Abdeidabdeidabdeid: I han gescht no a Mäl gschrieba an ebber vo dr "Gesellschaft zur Förderung der Impfmedizin mbH", des sen dia wo die Impfnòchweisäbb machet. Die Antwort:

    ein offizielles Impfregister gibt es in Deutschland (noch) nicht, obwohl von den Experten längst gefordert. Insofern werden die Impfungen bislang „nur“ in den Impfpraxen oder Impfzentren selber gespeichert. Wo die Daten aus den Impfzentren verbleiben und wer wie darauf zurückgreifen kann, ist noch nicht klar.


    Nò vrweiset se nadierlich no auf ihr grad in dr Entwicklong befindliche Äbb, mit dera wo mr ufm Hendi (au ohne zendrale Schbeicherong, die Kommunikazjoh vrlauft vrschlisslt direkt zwischam Arzt on em Pazjend, bzw. geblant isch au, zwischam Impfzentrum on em Pazjend) seine Impfdada noml extra sichra kã, gewissermaßa a digitale Kobie vom Impfbiechle.


    Velleicht wen die Dada aus de Impfzentra no a Weile ufghoba (em manni seim ominesa Archiv) bis glar isch, wie's dò weiderganga soll mit em Nòchweis. On dass dia Leit, dia wo so a Äbb nutza mechdet, au ema halba Jòhr no ihre Impfdada griega kennet, falls se ihr Biechle vrlora hen.

    #88Author Goldammer (428405) 26 Apr 21, 08:17
    Comment

    Vielleicht hòt dr Dichdr vo dem Liad 's Allgai oifach em Bodasee zuagschlagà oddr er hòt's nedd erwähnd, weil'r koin Schdreid mid'm bayrischà Allgai zweggs Vereinahmong risgiera hòt wellà. ;-) Oddr er hòt's nedd erwähnd, weil'r liabr alloi dord wanderd ond koine Massà aloggà hòt wella. Woiß mr's?


    Vegale, dò hòsch de abbr richdig neighengd bei deine Rescherschà. Jetzat send mr a wengale schlauer, au wenn offasichdlich no einiges en dr Schwebe isch. I selbr brauch's ond will's uff'm Händy nedd, mir roichd's wenn's em Geldbeidl isch. Den vrgess e seldener als mei Händy. ;-)


    I woiß, dâ ben i a weng auld-skuuld. :-)

    #89Author opadeldok (1319435) 26 Apr 21, 09:46
    Comment

    Mir isch amòl dr Gelbeidl gschdohla worra - mei, des isch so ebbes voma firchderlicha Gschieß gwä bis-e älles widder nei ghett han, Ausweis, Labba, Bankkarda on so weider. (On an Haufa Geld hòts au no koschdet....)

    Mir wär's recht wenn meine Impfdada wo hinderlegt sen. On wenn ebber dui Klaod häggt on nò woiß dass i gega des on des gimpft ben - souwòtt? Des wär mr gradegal.

    #90Author Goldammer (428405)  26 Apr 21, 10:12
    Comment

    Hallo Schbätzla, i hon soffl schreiba wella und jetz hogge dô und woiß nixme. No gemmer halt dSchdiaga nauf, weitrläasa i meim Buach.


    Schlofet guat.

    #91Author Moi Gab (456541) 29 Apr 21, 22:00
    Comment

    Nämmschd eh baa Aaahla unn Noadwinndscha medd, dii Dräbb nuff !

    :-)

    #92Author no me bré (700807) 29 Apr 21, 22:27
    Comment

    Dr Bairesch Rombfonk feired de femfesibzgeschde Geburzdag vo seim Koer ond hadd grad a Konzerd brochd midd ar Musegg vom Verdi. Dr Dirregend Howard Arman hadd zom Frack a Frackhemed midd Pinguinknebf!! Dr briddesch Senß of Jumer isch oifach ôôschlagbar ;-)

    #93Author manni3 (305129) 02 May 21, 11:24
    Comment

    Heit feierrad mein Schwiegrsohn Geburzdag. Desch soan nädda Kerle, soan liaba Babbe, soan fleißiga Schaffer ...


    Boschurle au no! Zonn scheint id und i honn koin Bock zom daudauga 🙂

    #94Author Moi Gab (456541) 05 May 21, 12:24
    Comment

    Hoi, i hau scho gmoint ihr häbàt älle a Schweigeglübde abglegt. I hau abbr au nex zum vrzählà, zur Zeit kâsch jâ eh nix Weltbewegends ondrnemmà bei deam Weddr. 'S hoißt jâ au: Schdille Menscha send emmr ruhig. Des merkd mr an mir. ;-)


    Heit hòt jâ mei Enkelin Geburdsdag, abbr weil heit ihr Oma kommt, gang i morga uff d' Alb nuff. An scheenà Dag eich älle.

    #95Author opadeldok (1319435) 05 May 21, 16:39
    Comment

    Boschurle Schbätzla! I hoff, ihr sin älle gsund.


    I gang heit middem Schose ins SB-Glinikum zor vorschdazionära Beschbrechung, weller am Mändig obberiard werra soll (Leischdabruch-o-pe). Druggadem doch bidde dDauma, dass älls glabbd wias vorgsäah isch. I glaub er hot Angschd.


    Opale und du? Hosch du Angschd vor da Oma vo deim Enkale, dassda dAlb nuff abhausch? Bai ße wei, wia isch dei Bruzldagsgschenkle akomma?

    #96Author Moi Gab (456541) 07 May 21, 08:47
    Comment

    I ond Angschd? Kâ gar et sei, wo doch em wirddabergischa Wappà dren schdoht, dass mr "furchtlos ond treu" send. ;-) Abbr weil i mi an dia Kontaktbeschränkongà halt (blooß oi Person aus ma andrà Haushalt), gehnd mr halt om an Dag vrsetzt, zom Enkelkend seim Geburdsdag.


    I hau zwoi Gschenk fihr se ghet, a Kendrkochbuach ond dia Pferdebeddwäsch. Wo ne âkomma be, isch se grad an ihre Mathe-Hausuffgabà ghockt. I hau dann gsait, dass se jetzt 's erschte Gschenk kriagt, 's Kochbuach, ond 's zwoide geits erscht wenn d' Hausuffgabà gmachd send. Wia ne âbends am Achde ganga be, warad Uffgabà no emmer nedd ferdig. Abbr iebrs Buach hót se sich scho amól gfreit ghet.


    Des mid de Hausuffgabà, schbeziell en Mathe, isch oft a Drama. Vor ällam dann, wenn se am Vordag okondrolliert zviel Zucker erwischd hòt, nâ leidad ihr Kondsendradsjoh derart, dass se Sachà, die se eigendlich kâ, nemme zamma kriagd. Dâ brauchschd dann viel Geduld on guade Nerva. Des gòht nedd emmer ohne Tränà ab.


    Meine Dauma send druggd fihr dein Schose. Neamerds lässd sich gern operierà, abbr a Leischdabruch-OP isch jâ an Routineeigriff. Ond was sei muaß, muaß hald sei. I denk, dass eahm an eiglemmder Bruch, ohne OP, nedd obedengd liabr wär.

    #97Author opadeldok (1319435) 07 May 21, 10:16
    Comment

    Gäbele, i druck eahm oo baide Daume!


    Midd dr Angschd seis so, haoni amohl neima gläese:

    Angschd häbeze baid, dr Feigleng ond dr Held. Dr Feigleng loffd drvoo ond dr Held gohd dure!

    #98Author manni3 (305129) 07 May 21, 11:09
    Comment

    Am Sonndagnamedag kani mi endlech, so wies aussiechd, mea ganz legahl midd meine andre Freind uss zwai vrschidene Haushald midd meim Bassklarneddle* zomm Musegge dräeffe! Ganz legahl midd zwai mäehr als zwai Wucha alde Schbridza!


    *Des Bassklarneddlesbläddlesaufbewahrongseddwih mid seggs Bassklarneddlesbläddla - drei send hilzene Bassklarneddlesroehrbläddla ond drei send Konschdoffbassklarneddlesblaschdeckbläddla - nemmi naddierle midd! 😄

    #99Author manni3 (305129)  08 May 21, 03:32
    Comment

    Graduladzjoh. Ond wenn da heit no dei Bassklarneddlesbläddlesaufbewahrongseddwih schee boliersch, nâ hòsch morga an ganz bsondrà Uffdridd ond deine Freind werrad neidisch druff. ;-)


    Viel Schbass beim Musegg machà.

    #100Author opadeldok (1319435) 08 May 21, 09:39
    Comment

    Ui - des gfreitme fr Di, manne.


    I mach morga a Fahrt zua meir Muadr - en Begleidong, dasse mol mear ihran Urengkl siggd. Benne gschbannd wia des weard. Abr daudrmit mache zwoi Miadra ond mir sell a Freid.


    Gäbale, hotz guad glabbd? I haus zschbäd gleasa zom Daumadrugga, abr drfiar drugges am Meede.

    #101Author Selima (107)  08 May 21, 17:11
    Comment

    Jô Amoisle, älls isch guad glaufa und i honn ibrall dabei sei dirfa. Wa hoißt dirfa? Miassa! Un des bei de Coronaeischrenkunga. Koi Sau me ka i de Grankaheisr Franzesisch. Dia sin jetz ganz indrnazional. Lautr junge Dogder und Dogderra. I honnse älle gfrôgd, woher se sinn. Also: Russland, Tirkei, Kroatia und obberiard wirdr voarra Thailänderre. Der tirkische Anäschdesiearzt (aus Ischdambul) isch bei Gott an hibscha Siach. I homme mit älle undrhalta. Sogar em Schose hotts gfalla. Er hot gmoint, so grindlich und vorsorglich hei ma sich no nia imma Grangkahaus ummen kimmerrad.


    Amoisle, bisch du Oma worra? Des ka doch garid sei! Dodazua bisch du doch noch viel zjung!! Isch des Buzzale vo dem netta Bua, demr sellmôls in Buchloe kennaglernt hon?


    Opale, i hettr no an Pferdewäschlabba und a Pferdehandduach fr dei Engkale. Wennda magsch. 🙂


    Mann, i hoff da hosch an schena Nôhmiddag ghett (und au drahdengd, dassda immr sche dSchbugga rauslaufa losch).


    Sodale, am Schose sein Koffr isch pagged. I honnem au scho vrgliggarred, dasser id middama Bsuach rechna derf wäga Corona. No hoddr gmoind, er sei doch koi Bebi me (hihi).


    Also, morga abem Achde bidde dDauma drugga.

    #102Author Moi Gab (456541)  09 May 21, 15:53
    Comment

    Guat, isch gebongt, machamr.

    Schreib ons nò au a Bulletäng wias em gòht.

    Wie lang mua-n-r noml denna bleiba?


    Mir hen heit endr Pergola gessa on Kaffeedronka, on 's isch ons fascht zwarm gwä, mr sott's et moina.

    (Schlòfa demr no-et draußa. Mir machet des wenn's ons ieberkommt, on desch no-et bassiert bisher)


    (I han me au gwondret dass es Amoisle Oma sei soll...i han erschmòl d' Generatzjona ausrechna miaßa zom glar griega wia des älles zsemahengt)

    #103Author Goldammer (428405) 09 May 21, 16:11
    Comment

    Vegale, normalrweise sodder a baar Däg bleiba, abr er wird (wäga Corona?) glei am Zieschdig entlossa, mid der Brämisse, dasser vierazwanzg Schdunda nonschdobb erreichbar sei muass un innrhalberra halba Schdund zum Notdienschd gfahra werra ka. *hä???* - isch id grad beruigend, gell.

    #104Author Moi Gab (456541) 09 May 21, 16:19
    Comment

    Awa, machdr koin Kobf. Dia miaßet sich hald jurischdisch absichera, dass se älles dent zom beira Komblikazjoh die Sach em Griff zom bhalda. Abber Komblikazjona sen sehr selda.

    #105Author Goldammer (428405) 09 May 21, 17:26
    Comment

    Doch, doch - i be scho zwoi Johr Oma und ja, deschas Buzale vo meim Bua :-)

    I kaa morga scho omara fempfe mim DAumadrugga afanga, daßr guad vorbereided isch ...

    #106Author Selima (107) 09 May 21, 18:32
    Comment

    I fang oo räechzeideg midd Daumedrucke aa - ond des isch koi Schbucke idd, sondrn a Kondenswassr!!

    #107Author manni3 (305129) 09 May 21, 22:01
    Comment

    So - mitara gloina Vrschbädong, ballne earscht no hau's Wasser aalaufa lassa mea, nochd da Kaffää gmacht hau ... abr iatzt: *daumadrugg*

    #108Author Selima (107)  10 May 21, 05:21
    Comment

    Mei, iahr sin Schätzla Schbätzla 🙂


    Jetz ischer erschd am Dreie eiblaant und i soll erschd am Sexe aruafa. Mei isch des no lang........


    Se henn sich an Daschaibrsetzr bsorgt, dasse sich middem undrhalta kennat. Isch des id liab?


    Okee okee, Manni, des hoißt Kondenswassr :)))))))

    #109Author Moi Gab (456541)  10 May 21, 11:46
    Comment

    Deimm Schoose alles Gudde !


    Hädde se sisch nedd bässa eh Dellefoongonnferännsschalldong midd Dia besooje solle fass Iwwasäddse ? Danne wischde aach imme, wasse graad amm Duun senn ...

    #110Author no me bré (700807) 10 May 21, 11:54
    Comment

    No heddenna au glei a baar Tipps gäa kenna, gell.

    #111Author Moi Gab (456541) 10 May 21, 12:22
    Comment

    Sodele, Vrgeltsgott an alle Daumadrugger und Daumadruggerinna!! Da Schose isch wieder dahoim. I honnen heit Morga gholt. War wohl glar, dass älle Krankgaschwescherra un Bflägerinna blärad honn, woner ganga isch.


    Ahla und Bisuus an eich alle und au no a schees Dägle und id vrgässa, am Dunschdig isch Babbedag!!!!

    #112Author Moi Gab (456541) 11 May 21, 11:57
    Comment

    Wia guad! Des gfreit oos älle, dassas Daumadrugga gholfa hot onr widdr en Deir Obhut isch. Wearschn schon reachd vrwehna, gell?

    #113Author Selima (107) 11 May 21, 12:11
    Comment

    Des isch ja schea, dass alls so gued gange isch ond s vereinigde Daumedrucke so gued kolfe hadd!!


    Vrwehne mueschdn scho räechd, idd dass es eahn no blanged ond äer meah ins Krankehaus zue däer bläerege endrnadzjonale Krankeschweschdrnschafd will. Gib no obachd, dass a dier idd ôôdrei wäed, gell!!

    #114Author manni3 (305129) 11 May 21, 12:43
    Comment

    Oh, i glaub dò isch koi Gfahr. Dr Schose woißt sehr guat, was-r an seim Gäbele hòt! Dui schdicht dia Schweschdera no ällaweil leicht aus! Dò kennetse lang blärra! 😀

    #115Author Goldammer (428405)  11 May 21, 16:36
    Comment

    Ganz schdolz hotter vrzellt, dass älle brobiert heddad, in Franze middem zschwätza. Oine heban sogar in da Nacht a dem naggeda Fuaß, wo undr da Degge rausgluaged hot, kitzlet! *hihi*.


    Boschurle au no!



    #116Author Moi Gab (456541) 12 May 21, 09:32
    Comment

    manni, Gäbale, I hau geschd sooooo an ui dengka mea, alzne bieglat hau - a Leinagloid, des wasmr ja no bieglfeicht biegla muaß - ond des hot so guad grocha ... :-)


    Wia gozam Dengs derweil, Gäbale?

    #117Author Selima (107)  19 May 21, 16:14
    Comment

    I glob, dAusschdeir vo meine Groaßmieddra isch eggschdra uss am flexes Duech gwe, dasse beim Begle ebbs Guez zom rieche kedd hand - ebbs andrs als bloss Kuehbfladdra wie beim Mischdbraide :-))


    I hao nechd oo no in de alde Klarneddlesfoddos gschdebred ond a Klarneddle gfonde, des woni vor ôôgfäehr viezg Johr uff Naxos zwische de Schnorchlgeng mibbm Sackmäessr gschnibfled kedd hao uss Riesenschilf (Arundo donax), des wo do wie Ôôkraud waxd ons uss deam wo ma oo Bassklarneddlesbläddla schnibfled. I hao a Wideo drmidd gmached :-)

    #118Author manni3 (305129)  19 May 21, 16:36
    Comment

    Wonderschee, manni!! Dr Raising Jutjuub-Schdar!

    (Abber ernschthaft, desch a wonderschees Musiggle!)


    I han heit a richdich indressande Dokumendazjoh vom deitscha archäologischa Inschdidut uf Jutjuub ãguggt. Dr Tibb schdammmt vom Norbert vom Grossouwerdschädd drieba. Es gòht om dui Erfindong vo de Hosa. Richdich schbannende Gschicht on sauguat gmacht als Wideo. Kann's bloß hoiß empfähla.


    D' Edith dät iebrigns gern wissa ob beim Opale älles en Ordnong isch? Er dät sich a bissele rar macha en letschder Zeit? Se dät sich ieber a Sainoflaif fraia!

    #119Author Goldammer (428405)  19 May 21, 16:49
    Comment

    Tach zusammen!


    Heute habbich diss hiea im schönsten Pottdeutsch gelesen:

    "Hömma! Frühlink, du ollen Eumel, wo bisse am bleiben?"


    Das iss allmehlich ne berechtichte Fraage, findich.

    #120Author Reeva (908916) 19 May 21, 17:29
    Comment

    Griaßde, Reeva! Desch a neddr Fund. Auf Schwäbisch wär des oogfähr:


    "Heidablitz, Friahleng, Du laggr Seggl! Wo drialsch omanand? Schiggde, Huramendr!"

    #121Author Selima (107) 19 May 21, 17:36
    Comment

    Ach Reeva, desch echt schee formuliert!

    #122Author Goldammer (428405) 19 May 21, 17:43
    Comment

    Auf schweebisch izzes (z= stimmhaftes s) abba minnestens genauso nett.


    Aufer Suche nach Norberts Link im Krossowerschet habbich auch seinen Link zu den The Heimatdamisch gefunden, die ich biss jetz nich kannte. Stücke von Van Halen, Iron Maiden, Lady Gaga, Guns n" Roses, AC/DC usw. ma gans anders und auf bairisch.. Mia gefellts.

    #123Author Reeva (908916)  19 May 21, 17:57
    Comment

    A kalda Friehleng hadd ebbs midde Eishailege zdond. Die send zwar uffm Kalendar scho vorbei, abr weil dr Babschd (die kaddolesch Kieche meah, klar, die mueß doch ibral ihre Fengr dinn hao!!) anno fuchzehondrdzwaiedachzg die ganz Datomszellarei om zeje Däg vrschobe hadd, schdemmz henda ond voena nemma ond koi Mensch waiß, ob jiez Zoffi odr dr Bonefats dKiehlschrankdier aufglao hadd 😕

    #124Author manni3 (305129) 19 May 21, 18:26
    Comment

    Kaum schwädzd mr vom Esel, scho isch'r dâ. ;-)


    Griaß eich mitenand. Koi Sorg, i be grad blooß mid laudr Gruschd bschäfdigd. Bei meim Händy gòht dr Akku ziemlich schnell en d' Knui. No haune a baar Däg schdondalang Teschds glesa ond verglicha. Wo des, wo ne dann bschdellt hau, kommà isch hau ne gmergd, dass mei SIM-Kard z' groß isch ond au koine Sollbruchschdella zom vrkloinra hòt. Also a neie bei meim Brovaidr bschdella miaßa. Bis die dâ isch schdudiere grad dia honderdsechsadreißichseitig Bedienungsâleidong. Mir schwirrd dr Schädl. Abgseah dâ drvo isch's au a weng ogschiggd, dass des grad jetzat kommd, weil d' Inschbeggdzioh/TÜV/AU vo meim Auto au den Monet mit iebr sechshonderd Eiro drâ war.


    'S duad mr leid, dasse eich middeilà muaß, dass dr Mai des Jòhr em März war ond ond em April dr März. Deswega isch jetzat grad dr April. Ab Juni schdemmd dann wiadr älles. ;-)


    I scherr au scho mid de Huf, dass e endlich oine vo meine plante Wandronga macha kâ.

    #125Author opadeldok (1319435)  19 May 21, 18:59
    Comment

    Opale, jetz hanneme garnimme gmeldet uf dei Läbenszeicha, obwohl's me gfrait hòt.


    Dei metreologische Analiese des erschden on zwoiden Gwartals 2021 hòt mr schier an Knopf ens Hirn gmacht, abber i han's nò doch no kabiert. 😀 😀

    #126Author Goldammer (428405) 21 May 21, 14:52
    Comment

    Vegale, des midm Knopf em Hirn wär abbr nedd guat gwäa. Dâ drmit laufàd scho gnuag andre rom. ;-)


    Apropoh Vegala, geschdern gugge zufällig zom Fenschder naus ond seh an Vogl, wia ner ganz gschäfdig an ra Linde romfladdert, faschd wia an Kolibri, ond sich bedient hòt. Des war an Buchfink, der sich offasichdlich en dr fihr eahn zuschdändiga Baumart vrdoa hòt.


    I schdand jetzat au uff dr Impflischde bei meiner Hausärztin. I be gschband, wann se mr âruaft. Bei BionTech sen se grad bei ra Wartezeit vo zwelf Wochà. Abbr mr isch's eh egal, i nemm des was dâ isch. Ferdig, Aus, Äbbfl.

    #127Author opadeldok (1319435) 21 May 21, 17:51
    Comment

    Des isch ibrhaubzd sGscheideschd was ma doe kaa: Nemme was isch! S isch ja nix andrs idd dòò!

    #128Author manni3 (305129)  21 May 21, 20:57
    Comment

    I hau grad eba wiadr amòl a Folge vo dr Serie "Handwerkskunst" em SWR Fernseah âguggd.


    'S isch om d' Planung ond Herschdelong vo Heißlufdballon ganga. I hau nedd älle Folga gseah, abbr dia, dia ne gseah hau, send emmr endressant gwäa, egal ob's om 's Glockà giaßa, oms Meblreschdauriarà, om Monschdranzà herschdellà, om's Bier brauà oddr eba om Heißlufdballon gangà isch.


    Wenn's wen endressiert, dia Folga sen en dr Dande Wiki (abbr no nedd aktualisierd) uffglischded ond en dr Mediathek ond uff dr allseits bekanndà Röhre abruafbar.

    #129Author opadeldok (1319435)  21 May 21, 22:53
    Comment

    Meine Schweschdera hen ieber da Familiadschädd au drvo gschwärmt, des mit dem Balloh muaß echt endressant gwä sei.

    I han vo dr Mediathek amòl die vom Schumacher ãguggt, die war au sauguat!

    #130Author Goldammer (428405) 21 May 21, 23:15
    Comment

    Scheane Grieß vom Bréle!

    S goht r meah ganz gued ond se isch jiedz in dr Reha.

    I haonr gschrihbe, se soll se rondom scheah vrwehne lao. Hoffndle haldeze se drââ!

    #131Author manni3 (305129) 26 May 21, 11:49
    Comment

    Das freut mich ganz besonders!

    #132Author renateheinz (1125123) 26 May 21, 12:02
    Comment

    Hoi renate! Desch abber schee, dass du dòhanna au mòl reiguggsch!

    Ehm, woisch, mei Hirn isch a Sieb, 's isch mr jò a weng peinlich....bisch du frieher schoml dògwä?

    Falls et, Grießgottle! Falls jò, wellkammbägg!

    #133Author Goldammer (428405) 26 May 21, 13:45
    Comment

    Nein, ich lese hier nur mit, mich hat die Nachricht sehr gefreut, wir haben Bréle im Quasselzimmer vermisst, und jetzt wisst ihr auch, wer da so mitliest!

    #134Author renateheinz (1125123) 26 May 21, 14:53
    Comment

    'S brele hot scho mea beim LEO gschrieba.


    D' Renate wohnt scho im Schwobaland, se isch bloß net von do.

    #135Author bluesky (236159) 26 May 21, 15:18
    Comment

    Hau ne 's eich nedd gsait, dass ab Juni 's Weddr wiadr en d' richdig Reihafolg kommd? Sogar scho zwoi Däg friàhr. Ausgiabige Aggdiffidäda, außer kloine Schbazierwandrongà, em Freià waràd jâ en dem "Wonnemonàd" faschd nedd meglich.


    Mei Fruschd mid meim neià Händy gòht no weidr, wedr mei Brovaidr, no dr Händyherschdellr, no dr Autoherschdellr hòt mr bisher weidrgholfà, wian i a Blauzàh-Verbindong herschdellà kâ. Om so willkommànr isch mr des kommende scheene Weddr.


    A weidrer Schdimmongshebr war grad ebà em SWR-Fernseah "Expedition in die Heimat - Inseln im Fluß". Echd endressant. D' Anna-Lena Dörr hòt iebr dia Rheininslà vo dr Pfalz bis zom Middlrhein berichdàt. I sag's eich, wenn i amòl ovrmuadàt zom Reichdom komm, was nadierlich nia nedd bassierd, kauf i mir a Insel. ;-)


    Mei Vaddr hòt, zig Jòhr Loddo gschbielt ond meinr Muaddr emmer am Freitagâbend gsait: "Morga bisch a reiche Frau". Nòch vierzg Jòhr hòt se 's eam nemme glaubd. ;-)


    #136Author opadeldok (1319435)  28 May 21, 21:54
    Comment

    Ich spiele kein Lotto, eher wird man vom Blitz getroffen, Abb. ähnlich .


    #137Author renateheinz (1125123) 28 May 21, 22:12
    Comment

    Doo waa de manni eh bissje foaeilisch ... graad binnisch dehääm ... dii Reehaah duud dii näggschd Woch easch aanfange ... awwas schdimmd schonn ... vill schreiwe duunisch dii Daache doo nedd ... ßess immommänd alles soo aanschdrängend ... awwas geed offwäads ...

    #138Author no me bré (700807) 28 May 21, 22:18
    Comment

    Bréle, wenn's ällaweil offwäads geed, nâ hòschd au a possidifs Ziel vor de Augà. I druckk dr älle vrfiegbare Daumà. Ond am End schdeigscht aus derra Malääs wia Phenix aus dr Asche. Ond wenn's a schdadzionäre Reha sei sodd, dann winsch i dir a scheene Omgäbong midd nedde Leit om de rom.



    #139Author opadeldok (1319435) 29 May 21, 01:06
    Comment

    Danggescheen ! ... jo, foaraussischdlisch wäadss drai Woche daure ... unn ßess fiiiil Walld drommromm ... isch waa schomool dooad, fah jemannd ße besuuche, doomools. woo dass alls noch meeschlisch waa ...

    #140Author no me bré (700807) 29 May 21, 09:26
    Comment

    Mei Nichde isch grad uf Bsuch un mr sin botanisiera gwä. A baar Sächla wo mr net gwißt hen, hemmer breßt on machet Herbarbelege, dia womr nòch Schduagert zo de Brojektfuzzis schigget, dia grieget's raus.

    Zom dia breßde Pflenzla ufgläba braucht mr so gummierde Bäbberla dia womr voma lange gummierda Babierband abschneidet.

    On ròdet amòl womr des Babier on die scho abgschniddene Bäbberla neido hen?

    Ha glar, en a Herbarbelegbäbberlesbabierlesaufbewahrongsedwile!

    #141Author Goldammer (428405)  29 May 21, 21:42
    Comment

    Des isch ja mohl a ganz a endressanz Beheldarle. A Aufbewahrongseddwihle - des machd mi doddahl aufgreggd. Wie die die Herbarbelegbäbberlesbabierla do woll ondrbrenged, dass des oi Herbarbelegbäbberlesbabierle idd am andre Herbarbelegbäbberlesbabierle feschdbabbed? Hasch a Foddo?

    #142Author manni3 (305129)  29 May 21, 23:21
    Comment
    Ha dia bäbbet ersch wemmer se ãfeichdet, wie frieher d' Briefmarga. Oine vo meine Schweschdra hòt a Roll mit zwoihondert Meder so gummiert's Babier kauft, des roichd logger fir ons älle bis mr ens Grab singget on no fir die nägscht Generazjoh Hobbibotaniker.
    (I muss zugäba, eigentlich isches maih a Herbarbelegbäbberlesbabierlesschächdale als wia a Herbarbelegbäbberlesbabierlesedwile, so dass koi Feichdichkeit nãkommt.)
    #143Author Goldammer (428405)  30 May 21, 07:48
    Comment

    Des glingt ja endressant, was ui dau machat. I hau des wartzscheint iebrleasa, waschn des fira Brojeggt?

    #144Author Selima (107) 30 May 21, 09:22
    Comment

    Des isch des Brojeckd vo deam markdbeherrschnde Monobolischde ondr de Herbarbelegbäbberlesbabierlehäeschdellar zuer Omsadzschdaigerong im Seckdor Herbarbelegbäbberlesbabierla. De Name vrlenk i jiedz idd, idd dass dr ganz Fade ond mier all wäx Werbong vom Dorrisle no gschberrd ond eggskommunikadzjonierd wäered ;-((

    #145Author manni3 (305129) 30 May 21, 12:22
    Comment

    Guggschdu, Ameisle,

    desch des Brojegt


    Desch uf Neideitsch a ßittißenßaienßbrojegt, des gibt's abber scho viel lenger wie des schigge Wertle egsischdiert!


    Gescht hemmer noml a baar Hendvoll Komboscht vo unserem Familia-Grillfeschdle uf dr Alb mit hoimbrocht, des sodieramr grad en d' Herbarbreß nei.

    #146Author Goldammer (428405)  31 May 21, 11:51
    Comment

    Aah, a schbannanda Sach. Dangdr, Emmrle. Schad, dass des bei oos ned git.


    Mei Muadr isch ja glernda Drogischdin ond zua dera dereinscht aaschbruchsvolla Ausbildong hot oo ds Aalega voma Herbar gheart. Mei Muadr ond i hond a photographischs Herbar aaglegt (Photographiera ond Photolabor hot oo zur Drogischdaausbildong gheart). Drom haune zua soebbes a reachta Affinnidäd (komeschrweis zom Photographiera gar idda).

    #147Author Selima (107)  31 May 21, 16:38
    Comment

    Mei beide eldere Schweschdra, boide au Biologinna on schbezjell botanikbegeischdert (on nadierlich, näbabei erwehnt, au en dem Brojekt tädich), fiehred seit Jahren von de meischde Bflanzafoddo wo se machet, a inzwischa sau-umfangreichs digidals Hebar - des hoißt, se leeblet älle Bflanzafoddo mit entschbrechnde Informazjona, was druf isch, wo on wann se's gfonda hen on so weider.

    Des hoißt, wenn dia zom Beischbiel gugga wellet, wo se a bschdimmde Bflanz schoml gsäha hen, gebbet se da ladeinische Nama als Suchgriterium ei on 's fendet sofort älle Bilder vo dera Bflanz, wo se en de letschde Jòhr gmacht hen. Desch echt dodal endressant on oft schbannend! (...nadierlich bloß wemmer so ebbes grondsätzlich schbannend fendet....)

    #148Author Goldammer (428405) 31 May 21, 22:16
    Comment

    Genjal - mit ui kootmr guad Fachsempla. Mei Dengs isch oo so a Bflanzafuggs ond oosra Bflanzabibliothek isch globbe faschd dia greaßschd Deilbibliothek, diamr hand, ball - egal woomr naafahrat, dr bassnde Bflanzafiahrar muaß mid.

    #149Author Selima (107) 01 Jun 21, 06:00
    Comment

    Do geiz a Äpp. Dr Kriddikar in dr SZ isch ganz begaischdred ond Plancke Max oo:


    Wer nur noch am Smartphone hängt, verliert den Kontakt zur Natur, heißt es. Aber auch das Gegenteil ist möglich, wie die Naturbestimmungs-Apps beweisen: Massenhaft stehen Leute in der Landschaft und halten ihre Geräte vor Bäume, Blumen und Vögel, um herauszufinden, mit wem sie es da zu tun haben.

    Genau darum ging es den Entwicklern der Flora-Incognita-App, die im Jahr 2018 startete. Aus drei Perspektiven fotografieren Laien eine Wildpflanze und erhalten einen Vorschlag samt Art-Beschreibung. Weil die automatische Erkennung so weit fortgeschritten ist, sich Millionen Beobachtungen angehäuft und viele Nutzer anonymisiert ihren Standort angegeben haben, ergaben sich für die Wissenschaftler nun ganz neue Möglichkeiten. "Wir haben uns gefragt, ob wir mit den Daten aus nur zwei Jahren Flora-Incognita-Nutzung ähnliche großräumige ökologische Muster erkennen können wie mit Daten aus der Langzeit-Kartierung der deutschen Flora", sagt Jana Wäldchen vom Max-Planck-Institut für Biogeochemie (MPI).


    Maisle, veleichd kaasch ja ibr die Äpp deir Foddoaffinidäd a bissle uffd Schbreng helfe - ond brackdesch sei konnz oo fr de Dengs :-)~

    #150Author manni3 (305129)  01 Jun 21, 12:13
    Comment
    I kann voll beschdädiga dass dui Äbb sauguat un alltagstauglich isch. Mr derf ihra bei seldenere Sacha et emmer alles glauba, abber i benitz die viel, meine botanische Vrwandte au, on selbsch wennse manchmòl drneba liegt, bringt se oin vielleicht uf die recht Schbur.
    #151Author Goldammer (428405) 01 Jun 21, 15:55
    Comment

    I hau abbl no koi Schmartfoun und vrlassme allweil no liabr auf meine Biachr onds Nochleasa. Häldmr oo mein Belmeß fitt.


    Abr dear Noma vo dera MPI-WissaschaftlAre gfalltmr - wammr Wäldchen hoißt muamr ja fascht ebbes mid Bflanza macha.

    #152Author Selima (107)  01 Jun 21, 16:57
    Comment

    I vrlass me dò oo ganz uff mein Billmes. Wenn däe sehd "Kenn i idd", nò globm i dees ;-)

    #153Author manni3 (305129)  01 Jun 21, 18:06
    Comment

    Das oine dõ on das andere nicht lassen, isch mei Dewise. D' Äbb isch oine vo mehrere Informazjonsgwella, on wiexagt, als dr Weisheit letschder Schluss derf mr's net nemma was se behaubdet. Oft ziag-e nadierlich Biecher au zu Rate. Die Dreffergwote von dr Äbb isch abber insgesamt sehr gut, muß-e saga.

    I nemm halt et uf jedes Schbatziergengle Biecher mit, on mit dr Äbb kann-e halt ohne viel Ufwand onderwegs ebbes rausfinda was me grad gschwend endressiert. Odder zumindescht a Foddo macha on schbäder drhoimt gugga was se moint.

    Au fir Vegl han-e ehnlich guade Äbb, seit-e die efders onderwägs nach Voglschdemma fròg han-e viele drzu glernt.


    Fir so Sacha fend i oifach a Schmartfohn saubragdisch on wett's nemme missa.


    D’ Edith moint, i häb me velleicht mit meira Glammerbemergung von vor a baar Dag a bissle bled ausdriggt on mecht’s a weng andersch saga: Em Amoisle sei Formulierung hòt fir mi suggeriert, dass mr sein Belmeß gondsätzlich besser fit halda kã wemmer koi Schmartfohn benitzt – on des fend i net. Mr kã ’s Schmartfohn au recht schmart nutza, on nò isches a Bereicherong on zusätzliche Gwelle vo Informazjona, ohne dass-es d’ Nutzung vom Belmeß in irgendoiner Weise schmälert. Grad dui Äbb Flora Incognita, mit dera wo i onderwägs Bflanza beschdimm, isch dòdrfier a guats Beischbiel. I lern dòdrmit zom Beischbiel au emmer wieder dr wissaschaftliche Nama von Bflanza wo i bloß dr Drivialnama woiß. I muss me drmit ausenandersetza, ob i dr Vorschlag vo dr Äbb fir blausibl halde, indem e drhoim no Biacher on Indernetbeschdimmungsschlissl benitz. On weil-e’s emmer drbei han, beschäfdige i mi mit viel meh Bflanza als wia wenn-e bloß bei beschdimmde Gelägaheida genauer nãgugga dät, nemlich sodde wo i ganz gezielt Beschdimmungsbiecher mitnemm odder Bflanza zom schbäder Beschdimma entnehm (was mir mit seldene sowieso net macha derf on sott). I hoff, es Amoisle isch mr net gram weil-e des so vrkirzt on a bissle narret gschrieba ghett han.

    #154Author Goldammer (428405)  01 Jun 21, 18:20
    Comment

    So, jetz wette aumôl wiedr a wengle äbbes schreiba. Mei Dechdarle war dô mit drei Kind (oinahalb und elf Jôhr alt). Mei, dô war Läaba inda Bude. Schee wars - Kind sin so äbbes uglaublich Erfillendes. Wa denne a Liabe gibsch, kommd brombd wiedr zrugg. Schad, dasse wiedr weg sin.


    Wa dia Bliemlas- und Pflänzlas-Äbb ahgôht, dia hot mei Wanderschweschdrle Irmi (Bfreindin vo meim Briaderle) ammel au dabei. S'Irmile isch diesbezieglich au versieart. Inzwischa woiße, dankerra, wa Hirtadäschla, Gänsefingrkraut, Waldmeischdr, Ehradreu, Naddrwurz, Alpine Gänsegresse, Frauaschua, Pfaffahiatla und und und sin. Miar schwirrd da Melle. Se hottme au dazuabrôcht, gwisse Bliamla und Bflanza zässa. Henner schommal Veilcha odr Gänsebliamla odr Lewazahbluama brobiard? Am Dunschdig hemmer Brennessla gsammled. Dia meine honne gwäscha und gloi gschnitta und in Frischkäs neigmischlad. Wahuuu, des honne mega, des wirre etz efders macha, au wenn da Schose moint i dä schbinna.


    Iahr Schbätzlemacher, henner schomôl Brennesslschbätzla odr Bärlauchschbätzla gässa? Da Schose hott sich gwaigerrad - er däa koine gräane Schbätzla ässa -gôhts no? hihi - kane vrschdanda, i honn als Kind aumol zuanerra Dande gsaidt, iahre dreggade Schbätzla (wared wohl Läabrschbätzla) däe id ässa. Dia Schbätzla vo meinerra Mamme seijed saubr.


    Wias wohl am Brelele i da Reha gôht? I hoff, se bringadze vom Raucha weg. Gell, Mannischerri.


    Oh, fasch heddes vrgässa: Miar wared am Mändig auf da Lindauer Gardaschau. Womidde wiedrmôl an sPotzigle dengka muass. Ob sei Frau no in dia Lindauer Wohnung kommt?


    Häff a naiß Deile!!!

    #155Author Moi Gab (456541)  05 Jun 21, 15:18
    Comment

    Du als Nichdrauchar hasch leichd schwädze ond i mach meine Kässchbadze mid frischgmahlenem Dinklmäehl. Des geid oo a scheane Farb ond an bsondrene Gschmack.


    Am Bäerlauch isch ledschdns oir gschdoerbe, weil s gar koi Bäerlauch idd gwe isch, sondrn Maigleggla 🥺

    #156Author manni3 (305129)  05 Jun 21, 22:27
    Comment

    Ja, zFreising isch dear her gwea. Mir isch des vellig schleirhaft, wiamr an Bärlauch middam Maigleggle vrwegsla kaa.

    I hau en dera Saisong z'erschde Mol Bärlauchkässchbadza (oo aus Dinklmeahl) gmacht. Oos hotz arg guad gschmeckt.

    #157Author Selima (107) 06 Jun 21, 09:25
    Comment

    Manni, i willde fei id ärgarra. S'isch bloß, welle wahrscheinz adr heng. Mei Scheesa raucht au (und id wenig). Mei Freindin, dGrischda, raucht. Mein Lieblingsneffe rauchd. Meine Buaba henn boide grauchd. Meim Briadarle sei Frau hot grauchd und shotterra sLäaba koschd. Da Schose und i henn grauchd. I woiß, wia schwer des isch, damit aufzhera. Abr jetz sage nixme zua dem Thema. I willmers bei dir jo id vrscheißa. Vrschbrocha! I lossde dôdamit in Ruah, wemmers au schwer fellt.


    Bei ße wei, re Du als Nichdrauchar - i find des so schee, dass du id dschendarasch. I ka des nemlich id vrbutza. So an Schrott.


    Amoisle, gell soddige Schbätzla schmeggad id bloß, dia sinn au no a sait for soar ais.


    So, i gang jetzt Sacha packa. Mir fahred heit no in Schwarzwald. Da Schose hot morga an Termin.


    Häff a neis deile herzallerliabschde Schbätzla!


    #158Author Moi Gab (456541)  06 Jun 21, 10:31
    Comment

    Also des mua-n-e nägschjòhr õbedengt amòl brobiera mit dene Bärlauchschbatza. Han i bisher no-et gmacht, abber des hert sich wirglich guat ã.

    On wisset-r wia-n-e des mach damit e's et vrgiß?

    I lass me vo meim Mälbrogramm (noi, et Dinklmäl, elegdronischs Kaschberlestheadermäl) drã erinnera!

    Weil, en Babierkalender fir nägschjòhr han i no-et, on i schreib die wichdichschde Sacha ganz altmodisch emmer no en a Biechle aus Babier on Babbadeggl nei.



    #159Author Goldammer (428405)  06 Jun 21, 11:25
    Comment
    Servus ihr Schwaben, war neulich aufm Katamaran nach Konstanz und musste an unseren schönen Ausflug denken. Ich hoffe, ein Schwabentreffen ist bald wieder möglich!
    #160Author Miss Anthropy (700297) 06 Jun 21, 11:28
    Comment

    Des sieht brinzibjell net schlecht aus, moin i.

    (I denk allerdings als au en letschder Zeit, wemmer jetz älle ausgfallene Zsammakinft nòchholla wett nòch on nòch, des dät reglrecht en Schdreß ausarda....des mua-mr logger ãganga....)

    #161Author Goldammer (428405) 06 Jun 21, 11:32
    Comment

    Desch a guada Idee, Emmrle - alzo se sell a getaimte E-Meil schreiba.


    Z'Konschdanz benne oo scho längr nemme gwea. Des wär scho amol a Sach.

    #162Author Selima (107) 07 Jun 21, 05:45
    Comment

    Lindau, wär au schee. Do isch dGartaschau, gradso wia in Iebrlinga. Koschd halt a wengle Eitritt.


    2. Imbfong heit!!

    #163Author Moi Gab (456541) 10 Jun 21, 20:00
    Comment

    oh Gäbele, guat guat! I hoff, du hòsch koine arge Näbawirgonga. I han halt widder a weng Fieber ghett,, abber bloß oin Dag.


    *'s Opale vrmiss*

    Dädesch ons a sainoflaif zukomma lassa wella? Warsch letschthin amòl uf drAlb odder sonschwo schees?

    #164Author Goldammer (428405)  10 Jun 21, 20:39
    Comment

    Jô, Opale, wo bisch au? Mer vrmissad de! A sainoflaif, seis au no so kurz, wär werri matsch aprischieitet.


    Vegale, i fielme wia durch da Floischwolf dreht - grad so wia bei da Erschda. Da Schose vrschbiert nix. Seiam gegennt. Er will heit Rasa mäa.


    I honn vor a baar Wocha a Lemmnkörd-Gläsle aufgmacht und jetzt muesse jedsmôl beim Friehschdigga ans Amoisle denkga. Wa hoißt miassa? I dues freiwillig. 🙂



    #165Author Moi Gab (456541) 11 Jun 21, 09:20
    Comment

    An guada Morga liabe Schwobagmeinde, 's duat mr loid, dass e me a Weile nedd bligga lassa hau, abbr außer meine derzeitige Probleme hädd e eich nex erhebends âbiata kenna ond blooß mid meckra ond bruddla haune eich nedd uff d' Nerva ganga wella. Nex weldbewegends, älles blooß technischer Nadur. Pechschdrähne hald.


    Große Aggdziona bzgl. Wandronga wared bei deam osichra Weddr jâ au nedd dren. Gega a weng Rega beim Wandra häbe jâ nex, abbr en ma Gwiddr mog i nedd en dr Pampa omanander laufa.


    I hau geschdern vormiddag mei Impfong kriagd (Johnson & Johnson). Znächschd war älles guad, abbr âbends om Siebne war e uff oin Schlag hondsmiad ond 's isch mr dermaßa kalt worra, dass e am neine mid leichdem Schiddelfroschd me ens Neschd vrzoga hau. Heit morga om Seggse rom wach e schwoißbadad ond badschnass uff ond war ferdig wia Brot. En dr Zwischazeid isch's bessr ond i hoff, dass des älles an Impfreaggdziona war.


    Iebrigens ben e wohl mid meiner Weddrprognos vo Ende Mai gwaldig schiaf glega, abbr i hau feschd drâ glaubd, abbr offasichdlich nedd feschd gnuag. ;-)


    I hoff, dass e bald wiadr amòl was zu eirer Erheidrong ond Erbauong beidraga kâ.


    I hau no saga wella, dass e komischerweis weder geschdern âbed no heit morga Fiabr ghedd hau.

    #166Author opadeldok (1319435)  11 Jun 21, 10:19
    Comment

    I schmeiß amol gschwend a "Griaß Gott mittnand" en 's Fädele.

    Ond schaff dann au scho glei weidr.

    #167Author neutrino (17998) 11 Jun 21, 11:23
    Comment

    Grießdi, Schdickle!

    Abr jiez däffschd Feirobed mache und di om die wirkle wichdege Sacha im Läebe kemmre - dei Weib ond dei Boot 😉

    #168Author manni3 (305129)  11 Jun 21, 22:22
    Comment

    Hoi, sSchiggle! Wia nett! Gell, dassmer aber id sKabriolee wägam Bootle vrnôchlässigschd!


    Manni, bischmer wiader guat?

    #169Author Moi Gab (456541) 12 Jun 21, 10:06
    Comment

    Gäbele, freile! Wie kusch du ibrhaubz zue däer Frog?


    Ond a scheas Wuchenend ui all - Reame on zoo :-)

    #170Author manni3 (305129) 12 Jun 21, 10:36
    Comment

    re Wie kusch du ibrhaubz zue däer Frog?


    Ha, welle no gau woiß, wias mein Bua ammel gnervt hotte, wenn bettlat honn, er solls schdegga. Wa, sage etz aber nimme. Will jô, dassda mr guad bleibsch.


    Schees Wochaende, Schbätzla! Zonn scheint scho.

    #171Author Moi Gab (456541) 12 Jun 21, 10:40
    Comment
    Gebeten, äh, Gäbele, (stupid Schlaufon!) s'neggsde Mol, wo du'n Lindau bischd, sogsd fei Bscheid, do treffma uns aafn Kaffee!
    #172Author Miss Anthropy (700297) 12 Jun 21, 10:45
    Comment

    Bssd, Gäbele, do brauchschd fei zeeschd an Frenkischkurs (Frenkisch isch fei ebbs andrs als Franzesisch - bloss zuer Erinnrong, gell), dassde dr Herr Mahr oo vrschdohd *hihi*

    #173Author manni3 (305129)  12 Jun 21, 11:03
    Comment

    Guat, Opale, dassda gimpft bisch! On des mitm Fieber hòsch wohl ganz heimlich en dr Naacht abgwigglet, wo da gschwitzt hòsch!

    Em Jonga sei Fraindin hòt endlich ihr Wunsch-Lährerschdell griagt - war a arge Hengepardie fir se, se isch scho ganz gnervt gwä on hòt gmoint se fendet gar nix odder bloß ebbes wo dia zwoi net zsema wohna kenndet, ganz jottwedeh em Botzichlendle odder so.

    Zom des feira ganga mir nägschwoch mit dr ganza Familie en dr Hirsch uf Gächinga zom Essa - on mr sott's et moina, dr Dengs, dr eldeschde vo ons älle, isch dr oinzich wo no en Tescht braucht! Weil sei Impfong no koine zwoi Wocha her isch! Älle andere sen entweder voll gimpft odder genäsen.

    's erschde gaschdronomische Auting wurd des, mr fraiet ons volle Hebl!

    #174Author Goldammer (428405)  12 Jun 21, 12:14
    Comment

    I hau nedd gwissd, dass des so nervauffreibend sei kâ mid ra Lährerschdell. I hau gmoind, dia fehlad iebrall. Abbr nâ ischs jâ guad fier se ausganga, sozsaga "Was lange gärt wird endlich Wut" oddr so ähnlich.


    I muaß jetzt hald vierzeah Däg warda, bis e ohne Teschd irgendwo nâ derf. I hau bisher (ond jetzt au no nedd) no koin gelba Impass ghet. Wo ne vorgeschdern zu meiner Ärztin ganga be, hau ne meine ganze seid dr Schual ond Bundeswehr ond drnâch gsammelde Impfnâchweis mitgnomma. I hau jâ vorher glesa ghet, dass die gelbe bei de Ärzt oddr de Impfzentra ausgeba werda dädat. Pfeifadeggl, 's warad koine me dâ ond d' Arzthelfere hot mi âgraunzt, weil e koin midbrochd hau. Soll i mir den etwa selber drugga? I hau abbr nex gsait, weil e gseah hau, dass dia eh scho uffm Zâhfloisch drherkommat. Abbr irgendwann muaß e hald no amòl nâ, wenn se wiadr welche hend, ond des nâchtraga lassa.


    Vegale, als was autesch de denn beim Gaschdronom? ;-)

    #175Author opadeldok (1319435)  12 Jun 21, 13:03
    Comment

    Gäbele, des gfreitme, daß Du amme dengksch.


    Ond: Oos semmr gescht essa ganga ... zom SieddirolAr. So schea ischs gwea - aufdr Derrass hogga, a guads Bierle drengka, guad essa ond da Herrgott an guada Maa sei lassa.

    #176Author Selima (107) 12 Jun 21, 15:57
    Comment

    Opale, als Fän vom Gaschthof Hirsch en Gächinga, nadierlich! 😛

    Es gòht doch nix ieber en guada Landgaschthof wo zora Metzgerei ghert! Iebrigns, wennda amòl en dera Gegend wandra gòhsch, desch echt a heißer Tibb! Dr Inbegriff voma guada schwäbischa Gaschthof ufm Lãã'd!


    Grad hòt me mei Jonger gfrògt ob "strabelig" a schwäbischs Wort wär on wie i des definiera dät.

    I han's em gschrieba, abber mi dät jetz endressiera ob ihr des au kennet on wie ihr's definiera dädet.



    #177Author Goldammer (428405) 13 Jun 21, 10:57
    Comment

    Also mei Auting beim Wirt wär als erschdes mei Bekenntnis zom Honger ond zum Duuurschd. ;-)


    I hau mr grad dia Webbseit vo dem Landgaschdhof âguggd ond feschdgschdelld, dass sich dia Schbeiskard scho amòl, au vo de Preis her, nedd schlechd liest. Wenn e des richdig sieh, hend se abbr koi Außagaschdronomie.


    Em henderschda Henderschdieble vo meine Erinneronga an mei Kendheid, kommd mr des so vor als ob des mei Muadr frieher gsaid hòt. Em Senn vo widerschbenschdich oder sich schdraiba, vor ällem wenn's om d' Hààr ganga isch. Abbr en mein aggdifa Wordschatz isch's nedd eiganga. Em Gegasatz vom "Jetzt mach mr no dr Babbà nedd schdrubelich".

    #178Author opadeldok (1319435)  13 Jun 21, 16:36
    Comment

    Bei oos em Nordoschdschwäbische (fr da Manne vulgo ondrländesch) kenndmr des idd, strabelig. Wannz am opale sei Bedeidong hot, also widrschbenschdeg ... hmmm, dau wißde iatz so aufdSchnell gar koi schbezjells Dialegdwort.

    I globb, oos semmr oifach so omgenglech, daßmr dau koi Word ned braucht.

    #179Author Selima (107) 13 Jun 21, 17:18
    Comment

    Tach am früen Sonntachaabent,

    Selima, kannzema kuez saagen, wazzes inner Sütirlola Küche zu essen gippt? Ich waa in graua Voazeit öftas in Sütirol schifahn. Da hattich imma den Eindruck, dazzes da entweda wass richtich Italjenisches gaap oder wass Defftiges, wasse auch in Östereich oder in Baijean auffen Teller kriss. N sütirolisches Resstorant is mia in Deutschlant noch nie begechnet. Iss dass jez so wie iches im Gedechniss happ, entweda italjenisch oda alpenlendisch, oder ham die jez erleesene Mischungen aus unt Melanschen aus beiden Küchen kreieat?

    #180Author Reeva (908916) 13 Jun 21, 18:15
    Comment

    So dodal ondrschiedlich wie am eschdreichischa Dirol weards net sei. Dia hand halt Schlutzer, Spinatspatzeln, Käseknödel, Speckknödel, Südtiroler Marende (mit Schüttelbrot und Südtiroler Speck) ond: Pizza, Tiramisu und Caprese :-)

    #181Author Selima (107) 13 Jun 21, 18:22
    Comment

    Dankee. Allso auch jez noch so eenlich wie beim Schifahn voa eina kleinen Ewichkeit. Nich nur abents im Gasthoof, auch auffer Piste oben im Schnellrestorant mittachs konntich wehlen zwischen Spagettis und Bratkatoffeln, Tieramissu und Puddink.

    #182Author Reeva (908916) 13 Jun 21, 18:48
    Comment

    I war iebr zeah Jâhr em Herbschd zom Wandrà en Südtirol en Eppan bei Bozen. Ond kennd no d' Hirtamakkaroni âfiahrà. Ansonschda kommd's a weng druff â en welcher Gegend mr sich uffhäld. En Bozen selber isch d' Gaschdronomie iebrwiegnd italienisch orientiert, außarom Meran, Eisacktal etc. ond eba dia Ordschafda om Bozen rom eher klassisch regional, wobei die Köch sich enzwischa au Âregonga aus dr italienischa Küche ghold ond ihr Reperdwoar erweiterd hend.


    Des kâ mr en dem Lenk ganz guad seah: Südtiroler Gerichte



    #183Author opadeldok (1319435)  13 Jun 21, 19:19
    Comment

    Opale, bloß ganz kurz grad: se hend letschden Sommer uf jeden Fall an Außasitzblatz ghett, i denk den wernse scho weiderhin bedreiba. Kã'sch jò gegäbenenfalls amòl ãrufa. Em Kreis Reitlenga derf abber enzwischa au in d' Innagaschdronomie widder ufmacha.

    #184Author Goldammer (428405) 13 Jun 21, 20:13
    Comment

    Danke, Oppadelldock. Füä die Innfoamazjonen zu den vaschiedenenStetten und Gegenden und voa allem füä den Supalink!


    Ich waa immer im Aahntal oder in dea Nehe von Brunneck.

    #185Author Reeva (908916) 13 Jun 21, 20:28
    Comment

    re #177:


    Vegale, i kenns au wias Opale, ass schdräbaligge Hoar. Des honne am oiganna Leib vrschbiert!


    Guada Morga, Schbätzla!

    #186Author Moi Gab (456541) 14 Jun 21, 10:26
    Comment

    Also i kenn's scho au allgemeiner, des schdrabelich, als widerborschdich, õgschickt zom draga odder so (zom Beischbiel a Reisichbischl wo oinzlne Schdeggala rausschdandet). Bei de Hòòr ben-i mir net so sicher ob des net au maih mit schdrubbelich zom doa hòt, was zo struppig ghert. Schdrabelich gòht nòchm Eddimologischa Werderbuch uf strampeln zrigg on hòt urschbringlich a Kendle gmoint, wo zabblt.

    Mir saget's au vo de Kätzla, wennse em Arm zabblet on nonder wellet.

    #187Author Goldammer (428405) 14 Jun 21, 11:29
    Comment

    Dass an Zsammahang von schdrabelich mid schdramplà geah kennd, war mein zwoidr Gedankà. Mir isch enzwischa au eigfalla wieso. En meinr Lehrlingszeit hòt an Mitlehrling vo mr ausm Hohalohischa bei dem oina Liad emmr gsonga: "jo, er lebt no, er leit em Bedd on schdrabbeld no".


    Mei Muadr hòt des scho eher em Sinn vo widerschbenschdig verwendat, weil d' Hââr wega de nadierliche Wirbel gmachd hend was se wellàd ond nedd des was dr Kamm oddr d' Bierschd vorgeba hend.


    Em Schbrâchlabor isch's heit scho om "etwas extra machen (mit Absicht)" gangà. I be dr Meinong gwäa, dass des en onserer Regio eher "mit Fleiß doa" hoißt ond es "extra machà eher vo Reigschmeggde verwendeàt wird. I be dann korrogierd worrà, dass des Neigschmeggde hoißà dät. Wa moinàd ihr?

    #188Author opadeldok (1319435) 14 Jun 21, 12:35
    Comment

    Des mit dem schdrabbeliga Butzale ischmr hindrdrei au no komma. Des kenne au.


    Und des mit denne schdrabbelige Hoar hot ammel mei Schweschder zuamer gsait und dia muasses wissa, dia isch Frisööse worra. I honn heitno schdrabbelige Hoar.



    #189Author Moi Gab (456541)  14 Jun 21, 12:47
    Comment

    schdrabelich kenn i idd! Des isch im Oschdallgai s Gleiche wie beim Maisle im Nordoschdschwäbische. Sogar wemma des "elich" (*hihi*) durch "bleg" ersedze däd, däd is idd kenne. Mier felld oo koi andrs Woed idd ei. Ond wies Maisle glob i oo, dass mier im Oschde ganz allgemein idd so ôômigele sei kenned, dassbr so a Woed bruuchded ;-)

    #190Author manni3 (305129)  14 Jun 21, 13:35
    Comment

    Schdrabelig kenn i net, abr Neigschmeckte.

    #191Author bluesky (236159) 14 Jun 21, 13:51
    Comment

    I be iebrigens nedd korrogierd worra ond be au no nedd korrodierd, sondern korrigierd. ;-)


    Jâ Manni, ihr send dia Brävschde. :-)

    #192Author opadeldok (1319435) 14 Jun 21, 14:07
    Comment

    On schdragget bei eich echt wirglich wòhr de gloine Bebi regungslos en ihre Bettla denna? Also schdrablet dia nia au bloß a weng?

    #193Author Goldammer (428405) 14 Jun 21, 15:07
    Comment

    Bebi send Butzala, ônd dia schdrampflat. Schdrabelig kenn-e it.


    Reigschmeggde send vo auswerts ens Dorf odr ens Schdädtle oder ens Gai komma.

    D Richdong zu oim her isch rauf, raa, romm, riebr, vo oim wegg isch nauf, naa, nomm, nieber. Neigschmeggde send en a andrs Gai omzooga.


    Em Opale seim Liad en #188 wedd dr Holzmichl bsônga.



    #194Author twocents (460778)  14 Jun 21, 15:48
    Comment

    Em Opale seim Liad en #188 wedd dr Holzmichl bsônga.


    I hau des mit Fleiß nedd gschriebà, weil e me schenierd hau zuazomgebà, dasse sowas kenn. ;-)


    Reigschmeggde send vo auswerts ens Dorf odr ens Schdädtle oder ens Gai komma.


    Genau so hau ne des dann au erklärd.

    #195Author opadeldok (1319435) 14 Jun 21, 15:59
    Comment

    Wias FFle sät, Butzala schdrampflat - dau semmr se eineg, oos Oschdschwauba.


    Oba Graf von Deldok, i kenn des oo als Neigschmeggde - des koot abr dr bairesche Eifluß bei oos sei.

    #196Author Selima (107) 14 Jun 21, 16:19
    Comment

    On wia wär nòch 's Adjegdiv? schdrampfelich?


    I schdell mr grad Siduazjohna vor wo-n-e schdrabelich sage dät....zom Beischbiel wemmer a Katz firsche (also mitm Kobf vornaweg) en a Dransportbox neidoa will, nò hòt se uf oimòl gfiehlde zeah Fiaß mit dene se schdramblet on dia wo se zor Seide nausschdellt, so dass se et neigòht. (Deshalb dur-i d' Katz emmer hendersche en d' Dransportbox wenn se zom Tierarzt muaß)


    Odder: I brobier a baar Schdeggla Reisich oder gloine Äschtla en an Sack neizomdoa, on weil se so schdrabelich sen on a baar Äschdla ällaweil an dr Seide nausschdandet, griag e-s et n&atilde.


    Also fir mi isch des a Werdle mit dem i beschreib, dass sich ebbes durch Zabbla oder Nausschdella vo Einzelteile drgega wehrt, dass mr des macha kã was mr sott. Also zom Zabbla/Nausschdella muaß no des Widerschdendige drzua komma, des Sich-Wehra gega ebbes.

    Deshalb basst's au fir Kätzla dia wo vom Arm ronderzabbla wellet.

    #197Author Goldammer (428405)  14 Jun 21, 17:03
    Comment

    On wia wär nòch 's Adjegdiv? schdrampfelich?


    Da giiz koi Addjeggdiv, bloß as Werb.

    Kochelich giits ja au it, wenn ois kochd.

    #198Author twocents (460778)  14 Jun 21, 17:06
    Comment

    Wenn scho, nò miaßt des kochich hoißa!


    Wia dädesch du nò des beschreiba, wennda a schdrabelichs Bindale Reisich hòsch on saga weddesch wia des isch?

    "I griag des net en dr Sagg nei weil an dr Seit oinzlne Äschdla nausschdandet" ?

    (I dät oifach saga: Desch amòl schdrabelich! On dòdrmit wär älles xagt)


    Ihr dent mr loid mit eirer vrarmda Wersjoh vom Schwäbischa!

    😛

    #199Author Goldammer (428405)  14 Jun 21, 17:47
    Comment

    Wartscheintz semmr os Oschdschwauba idd bloß dia Brävschde, sondern oo no dia Ordndlichschde - bei oos gits koine zrzauslte Reisigbindl, koine zwiderne Butzala ond zrwuschlte Frisurana oo idd - allz glatt gschdrieglat dau herom :-P


    Oddr kaase ebbr da Manne middara BoJo-Frisur vorschdella?!?

    #200Author Selima (107)  14 Jun 21, 18:09
    Comment

    Also des kööt i scho....rein theoreddisch, nadierlich....

    #201Author Goldammer (428405)  14 Jun 21, 18:11
    Comment

    Mei, Du hasch a aufhaisiga Fandasie!!! *gg*

    Womeglich no gleichzeidig middama 10-Tages-Schdrubblbart?!?

    #202Author Selima (107) 14 Jun 21, 18:19
    Comment

    Genau!! Barthòòr kennet au wild en dr Gegend romschdrabla on dr Kerle insgesamt schdrabelich macha!

    (Obwohl i andrerseiz et glaub, dass-r arg schdrabelich doa dät wenn 's Gäbele a baar 10-Tages-Ahla beinem abhola wett.....)

    #203Author Goldammer (428405)  14 Jun 21, 18:21
    Comment

    Ha, wo sennds denn, dia Egschberta zom Dhema Mehrtagesbaartaahla? Gäbale?! Manne!?

    #204Author Selima (107) 14 Jun 21, 18:25
    Comment

    Wenn scho, nò miaßt des kochich hoißa!

    Schdemmt.


    Wia dädesch du nò des beschreiba, wennda a schdrabelichs Bindale Reisich hòsch on saga weddesch wia des isch?

    (I dät oifach saga: Desch amòl schdrabelich! On dòdrmit wär älles xagt)

    Des Huarazuig isch au so graddlig! Dau isch au allz gsait.


    Ihr dent mr loid mit eirer vrarmda Wersjoh vom Schwäbischa!

    Wenegschdenz vrschdaht mr ons au außhalb vom Gai. 😉



    Zua de Ahla en diwerse Schdadien vo dr Bartlenge kâa-ne nix saga. Not mai Ssörkess, not mai Mankihs.

    #205Author twocents (460778)  14 Jun 21, 19:00
    Comment

    ädd vrarmd: sehd oine, die wo idd amohl s alde onz jonge "ei" ussandhalde ka 🥴

    #206Author manni3 (305129) 14 Jun 21, 21:10
    Comment

    Not mai Ssörkess, not mai Mankihs. 😅

    #207Author Miss Anthropy (700297) 14 Jun 21, 21:25
    Comment
    Tuscheh, manni! Jetz hòsch mr's abber gäbba! 😀
    #208Author Goldammer (428405) 15 Jun 21, 07:02
    Comment

    Gäere gschäeche, Emmrle!

    Ess wahr mier  ain  ein Vergnihgen 😊




    Schbrochleche Omfroog

    Grad isch mr uff meim Ballkooh uffm Ballkaah beim Rauche ond Kafeedrenke no zue de Wariannda vo eisrar Mueddrschbroch eigfalle, dass es oo Ondrschihd beim Akkesaddif maschkulin geid.


    Bei eis im Oschdallgai sehbba "dr Vaddr schembfd də Bue".

    S Emmrle däd sage (wenni des räechd in Erinnrong hâô) "dr Vaddr schembfd dr Bue".

    Wie isch dees bei ui andre midd deam Akkesaddif maschkulin?

    Ond kennd ebbar veleichd a Landkaade drzue?



    Ibregenz haoni "schdrabelich, schdräbelich, strabelig" fiers näggschde Abbdeid (ond idd Abbdaid, gell) vo eisrem Innerschwäbische Wariande-Wäedrbuech voerxäeche 😉


    #209Author manni3 (305129)  15 Jun 21, 08:54
    Comment

    Manni, da bisch da Beschd!.


    Bai ße wei, geits womeglich a baar schdräbalige Ahla? Des wär fei matsch aprischieitat.


    Häff a nais deila, Schwäbla! Zonn scheint. Mir fahred heit in Richdung Dorisles Hoimed.


    (sGäbale schempfd da "Bua" id wäge dem, waner gschrieba hot, noi noi - hihi)

    #210Author Moi Gab (456541)  15 Jun 21, 09:31
    Comment

    Also "da Beschd" (Nommenaddif) ond "da Bua" (Akkesaddif) klengd gleich bei dier?

    Falls du oo schea klar andwoedeschd, schdell i a baar scheane 4-Millemeddr-Ahla fier di ei, mei Gäbele 😉

    #211Author manni3 (305129)  15 Jun 21, 09:44
    Comment

    Bei oos: Dr Baba schempfd da Bua - midma reina a

    #212Author Selima (107) 15 Jun 21, 09:46
    Comment

    Da Babbe schempfd da Bua - so hoißt des (boidsmôl mitemma vrschluggda a). Woisch Manni, desch oifach und wa oifach isch, ka sich sGäbale guat merkga. So oifach isch des. Guad erglärt? Kriage jetz a baar Ahla?

    #213Author Moi Gab (456541)  15 Jun 21, 09:55
    Comment

    Also, om ährlich zu sei (sae), i selber dät vellleicht sogar eher saga: dr Vadder schempft da Bua. Abber "dr Vadder schempft dr Bua" isch mir au gelaifich - i glaub des isch eher die mehr lendliche, schdärger ausbrägde Wariande vom hiesicha Dialekt, velleicht saget se e meim Hoimetdorf so, odder uf drAlb. Beim Schreiba dòhenna neig (naig) i glaub a weng drzua, dr (!) Dialekt eher a weng zom vrschdärga. Schwätza dur-i jò so a Mischong von Dialektwarianda aus meira Familiaherkonft (Honorazjoraschwäbisch vom Bildungsbirgertum ausm Schduagerder Raum) on dene Gegenda wo i ufgwagsa ben on gläbt han, Onderjeddenga, Diebenga, Mägerkinga uf drAlb, Reitlenga.

    #214Author Goldammer (428405) 15 Jun 21, 10:17
    Comment

    Bei eis im Oschdallgai sehbba "dr Vaddr schembfd də Bue".


    Om den Akkesaddif maschkulin auszomschbrechà miaßt i mi jâ middà em Satz uff dr Kopf schdella. ;-) Nâ bleibe liabr bei "Dr Vaddr schembfd dr Bua". I be faschd honderdprozentich vom "Honorazjoraschwäbisch vom Bildungsbirgertum ausm Schduagerder Raum" brägd worra.


    Zom "schdrabelig/schdrabelich" hao ne au no was gfonda

    Wörterbuch Schwäbisch - Deutsch ond dia Hauptseite zom Werdrbuach Schwäbisch - Deutsch

    isch au reachd endressant.


    No zwoi andre endressande Lenks zom Schwäbischa em Endrnet:


    Schwäbisch - Englisch (dr Autor bekennd sich abbr drzua a Raigschmeggder zo sai.)


    Schwäbische Grammatik


    Beim ledschdà Lenk hao ne, onder andrem, folgndes gfondà:


    "naa = hinunter, na = na, nanu

    ABER: Âhnong ("Ahnung")

    Die Doppelung als Anzeiger vokalischer Länge ist in Sprachen mit einer regelmäßigen Unterscheidung vokalischer Länge und Kürze durchaus üblich. Wir verweisen auf das Beispiel des Estnischen und des Mongolischen."


    Jetzat isch hald so, dass i wedr Estnisch no Mongolisch kâ. Kennd mr jeamerts vo eich drmit aushelfà? ;-)

    Lassàt eich abbr nedd vo dem Zitat abschreckà, dia Seite isch wirklich endressant ond fundiert.



    #215Author opadeldok (1319435) 15 Jun 21, 11:08
    Comment

    "Dr Vaddr schembfd dr Bua". I be faschd honderdprozentich vom "Honorazjoraschwäbisch vom Bildungsbirgertum ausm Schduagerder Raum" brägd worra.

    Dódrmit wär mei Hibbothese vom lendlicha Akkusadiv bereits widerlegt.


    Deine Lenk gugg i mir no amòl a, bloß net heit. I ben a weng abgschlafft, au geischdich. Dr Dengs on i - mir sen nemlich ewiche Kender - sen heit em Draumland bei dr Bärahehle gwä, desch a ganz beschaulicher Freizeitpark mit Fahrgschäft ieberwiegend fir gloinere Kender. Wennda dò werdags nãgóhsch, sen fascht bloß Familia mit Kendergardakender dò. On halt so Leit wia mir wo nia erwagsa werret. Mir sen insgesamt femf mòl Riesarad gfahre, on drzwischa nei Ziegle, Oldtaimerle, Wasserrutsche, Riesarutsche, wo da mit Maddana nonderrutschesch... Em Märchenwald semmer au gwä. Hach, desch schee gwä. Aber he ben-e drotzdem.

    #216Author Goldammer (428405) 15 Jun 21, 18:44
    Comment

    "Dr Vaddr schembfd dr Bua".


    Bei mir drhoim däät-e "də Bua" saaga. Z'Olm dieba eher "dr Bua". I woiß abr etzt it, ob d'Illr odr dDoana dSchbrauchgrenz isch.



    "naa = hinunter

    Aso sends Reigschmeggde ônd koine Neigschmeggde.

    #217Author twocents (460778)  15 Jun 21, 20:46
    Comment

    Dau muaßsch amol a Feldschdudje macha ond erscht zNei-Ulm warta, bisa Baba sein Bua schempft, ond hernocht Bassanda froga, was bassiert sei, ond hernochd iebr dDoana nom ond dau ds selbe nomml durchziacha.


    Nauchdrag: Grad hanne woandrsch "Stotzen" gschrieben und jetzt benne oosichr, ob des iebrhaupts a schdandarddeitschs Werdle isch. Was moinat ui?

    #218Author Selima (107)  16 Jun 21, 05:37
    Comment

    I moin it. "Schdotza" ond "schdotzig" kenn-e bloß aussam Dialeggd.

    Dr Duhda moint, es sei en dr Schweiz gebreichlich.

    #219Author twocents (460778)  16 Jun 21, 11:17
    Comment

    Abr fr ebbes ganz ebbes andrscht: Schlegel.

    #220Author Selima (107) 16 Jun 21, 11:21
    Comment

    Dau hasch mr grad mei Eddid vrhhaglat 🙂

    allrdengs en dr Bedeitông Hentrfuaß.


    I hau nemmle zwischadurch dSupp gau ômriahra.

    #221Author twocents (460778)  16 Jun 21, 11:22
    Comment

    Ond des bei deam scheana Weadr ...

    #222Author Selima (107) 16 Jun 21, 11:23
    Comment

    Des wedd a Wischisswaß, dia wedd erschd gessa, wenn se kalt isch.

    #223Author twocents (460778)  16 Jun 21, 11:25
    Comment

    *gg* so kaas gau - ich hau mei 222 gschrieba vor Deim Subbaedid (ond war aufs Hagla bezoga). A Subb gatt allweil ond wannz kalt isch earschd recht.

    #224Author Selima (107) 16 Jun 21, 11:27
    Comment

    Also jetz muss-e doch no nòchfròga was bei eich Schdotza sen.

    I vrschdand dò dronder a et grad schmeichlhafde Bezeichnung fir Fiaß (em schwäbischa Sinne, also "Beine"). Des wär jò vo dr Bedeidong et arg weit vo de Hinterschlegl weg.

    On was isch jetz des ganz andere, zo was ihr Schdotza saget?


    Was-e no drzua gfonda han isch "Gefäß" - scheints bsonders fir Milch - , Bottich, Zuber, oder au Baumschdumpf. Vo dene Sacha ebbes?


    #225Author Goldammer (428405) 16 Jun 21, 15:22
    Comment

    Baumschdômpf isch guat!

    A Schdotza isch a Schdompa (abr et en dr Bedeitông vô ZIehgaar).

    Ebbes kurz', eher kredffiggs, feschdes.

    Wenn ois schdotzige Fiaß hat, sends des koine Giraffahaxa.

    Wenn ois schdodzig isch, isches a kloigwachses krefdigs Muschglpakeht.


    Ädd #224:

    A Subb gatt allweil ond wannz kalt isch earschd recht.

    Des isch ois vô de schwäbische Axiohm! Et ommasôoscht hoißba ôns au Suppaschwauba.

    #226Author twocents (460778)  16 Jun 21, 15:27
    Comment

    Also i fend, dò isch doch a gewisse Vrwandtschaft zwischa Schdotza fir en Schdomba (im Sinne von Baumschdumpf) on gräfdiche hendere Gliedmaßa.

    (I moin bloß, weil's Amoisle gsagt hòt des em Duden wär fir ebbes ganz anders...)

    Wo allerdings des mit dem Gefäß herkommt, des basst irgendwia et drzua.

    #227Author Goldammer (428405)  16 Jun 21, 15:30
    Comment

    So ischs. A Schdotza isch ebbes kurz'-broits - wiara Beton- oder Steinpoller: https://de.wiktionary.org/wiki/Poller

    Insofern hot des scho Ähnlechkeita midama Haxa. Abr i dengk en earschdr Linje an Beddo odr Stoi odr Hoolz.


    Wammr Bildr suacht, kommat oo ganz vill Brillis (alzo Ring mit glenzige Schdoila) - abr des haune idd weidr rescherschiert, wia des zammabasst.

    #228Author Selima (107)  16 Jun 21, 15:34
    Comment

    Beim schnell Guhgfla han-e gfônda, dass-d "Stotzen" dia Kralla sênd, wo da Schdoi (Brilli) auffam Ôndrgrônd haltat.

    Ob alle Kralla so hoißat odr bloß a beschdemmda Form odr Konschdruggzjooh, dese woiß-e au it.

    #229Author twocents (460778) 16 Jun 21, 15:44
    Comment

    Ah, danke - pferleicht hot dia a nordoschdschwäbeschr Goldschmied erfonda, dia Schdotza frd Brillis.


    Wanne mol drzeit hau, rescherschiere oo no, ob Niederstotzingen ebbs mit Schdotza z'doa hau koot. Odr ob des lei mei Volksedimologie isch.

    #230Author Selima (107) 16 Jun 21, 15:47
    Comment

    Was-e no drzua gfonda han isch "Gefäß" - scheints bsonders fir Milch - , Bottich, Zuber, oder au Baumschdumpf.


    Wanne mol drzeit hau, rescherschiere oo no, ob Niederstotzingen ebbs mit Schdotza z'doa hau koot. Odr ob des lei mei Volksedimologie isch.


    Emmerle, Amoisle, Ihr sênd oifach Käpsala:

    'Z Wappa vo Niedrschdodzenga isch a "Trink-Stotzen" 🙂


    #231Author twocents (460778)  16 Jun 21, 15:53
    Comment

    Heidablitz - desch glatt!


    Ond Dangke firrs Rescherschiera ;-)

    #232Author Selima (107) 16 Jun 21, 16:09
    Comment

    Also Stotzen hao ne, em Standarddeitscha, bis grad eba en dr Wiki zom Wappa vo Niederstotzinga no nia gseah, ghert oddr glesa.


    Bei de Schdomba be i mir sicher, dasses bei ons d' Boiner send. Des dauchd ondr andrem uff bei Sätz wia "der mid de gschdombade Fiaß" oddr "kâsch deine Schdomba nedd wo andersch nâschdella".


    Bei Schdodza hao ne an a Vrbendong zu Schdudza dengkd ond ben au bei de Fiaß glandet, weil's friehr, wo ne no Fußball gschbield hao, en dr Abwehr emmer dann ghoißa hòt "Heddsch doch dein Schdudza neighoba", wenn mr a Gegador kriagd hend. Abbr des kâ au an Zirklschluss vo mr sei.

    #233Author opadeldok (1319435)  16 Jun 21, 16:41
    Comment

    Bei de Schdomba be i mir sicher, dasses bei ons d' Boiner send.


    Bei ons it. Boinr send Knocha, des was em Hochdeitscha "Beine" send, hoißba Fiaß. Dia gand nauf bis zôm Fiedla.


    Dr Lenk han-e voar vrgessa ghett: NiederSTOTZingEN


    Eddemiolohgisch kennt Stotzen au mit stutzen zeemahenga. Odr wa moinat d Obrgermanischda?


    D'Eddid hat bei de Grimmbuaba ebbes gfônda.

    #234Author twocents (460778)  16 Jun 21, 18:08
    Comment

    Dia Grimmbuaba send halt oifach a Schau. Iatz wissmr dia Zammahäng und kennat guad schlaufa heid aufd Nacht.

    #235Author Selima (107) 16 Jun 21, 18:18
    Comment

    Bei ons it. Boinr send Knocha, des was em Hochdeitscha "Beine" send, hoißba Fiaß. Dia gand nauf bis zôm Fiedla.


    I woiß doch, bei ons isch's au nedd andersch. Au dâ gilt wiadr amòl: Nedd so wia ne sag, sondern so wia ne moin.

    #236Author opadeldok (1319435) 16 Jun 21, 18:48
    Comment

    Schdombe send zom Rauche ond send nix andrs als ààgschniddene Zigahr.

    Ond däe ganz Dischkurs kudd oo glei ins Wäedrbuech nei!


    Die Ausred vom Obbale midd moine ond sage heddi denn in dr Schuel gued brauche kenne 😉

    #237Author manni3 (305129) 16 Jun 21, 20:53
    Comment

    Ond wia hoißt mr bei ui a Berson, dia was a weng kurz isch? Bei oos hoißtmr dia scho oo gschdompat.

    #238Author Selima (107)  16 Jun 21, 21:13
    Comment
    Ja, so dät i au saga (on moina wia-n-e's sag... 😉)
    #239Author Goldammer (428405) 16 Jun 21, 22:15
    Comment

    Ja, gschdombed. Des hadd ebbs vo ondrsedzd.


    Mei Onkl Bebbo hadd oo an Schdombe kedd, obwohl a idd grauchd hadd: Deam hanze im Krieg de Voedrfueß weckgschosse, abr de Fäersche hadd a no kedd. A wenk kombled isch a hald.

    #240Author manni3 (305129) 16 Jun 21, 22:38
    Comment

    Zua de gschdumpate Leit kehr i au.


    Und Kickschuah henn Schdotza - moine 🙂

    #241Author Moi Gab (456541) 17 Jun 21, 10:45
    Comment

    I sag on moin des wäret Schdolla. Was sagsch du, Fußballschbezjalischt Opale?

    #242Author Goldammer (428405) 17 Jun 21, 13:05
    Comment

    I ben dau ja bekanntlech koi Schbezjalischt, aber moin oo, daßdes Schdolla send (saga duanes idd, ballz dauhanna bei mir drhoimt eh grad kois hera däd).


    #243Author Selima (107) 17 Jun 21, 13:29
    Comment

    (dschaßt for ße rekohrd: I han "saga" dò im Sinne von "dòhenna schreiba" gmoint ghett. Irgendwia fiehlt sich des doch eher wie schwätza ã fir mi dòhenna.)

    #244Author Goldammer (428405) 17 Jun 21, 14:35
    Comment

    [I hätt au bloß a Witzle macha wella ... deschmr scho glar gwea, wia Du des gmoint ghab hasch.]

    #245Author Selima (107)  17 Jun 21, 14:40
    Comment

    [ah ok, nò woiß-e des jetz au..... 🙂]

    #246Author Goldammer (428405) 17 Jun 21, 14:45
    Comment

    Tach

    Ich kennz alles nua vom Noaden: Stumpen sint was Kleines, Dickes, Rundes, egal wofonn - zum Beispiel auch die kuazn Reste von dicken Keazen.

    Stutzen im Fußball sind die spezjellen Strümpfe füa die Spiela. Unt ich maine, füa die Stollen sacht mann manchma auch Noppen im Westfelischen.

    #247Author Reeva (908916) 17 Jun 21, 17:25
    Comment

    Hoi Reeva!

    Schee, de zom säha!

    Also Kerzaschdimbla gibt's bei ons nadierlich au.

    Secht mr bei eich au zo kurze digge Fiaß (also egschdra fir di: Beine sen gmoint) Stumpen?

    #248Author Goldammer (428405) 17 Jun 21, 17:34
    Comment

    Hai Goltamma, glaichfalls!


    Wenn eina kuaze stemmige Baine hatt, hatta Stampfa. - noamale Baine haißn auch Schochen.unt Füße sint Mauken. Wenn die stinken, sints Schwaißmauken.

    #249Author Reeva (908916) 17 Jun 21, 17:51
    Comment

    D' Reeva hòt reacht. An de Kickschdiefl (en meiner Kendr- ond Jugendzeit hòt mr no Böller drzua gsait) send heitzsdag an dr Sohl Noppa, onderschiedliche je nach Geläuf. Meine erschde en de friahe Sechzger hend no Aluschdolla zom Schrauba ghet. Ond Schdudza sen die Wadàschdrempf onder deane d' Scheaboischidzer schdeggat.


    Ond Mauken, des hao ne geschdern erschd glesà, send drei Fließgewässer (Große Mauken, Mitllere Mauken ond Kleine Mauken) z' Minga. Ob dia schdenkat kennd vielleichd dr Manni sagà. ;-)

    #250Author opadeldok (1319435)  17 Jun 21, 18:05
    Comment

    I haos no nie groche.

    Bei de Neme vo Wassrleif midd am knabbe Meddr Braide ben i idd so bewandred.

    Mie raichd dr Eisbach midd zirka vier Meddr, dass i mi mibbm Maisle dedd dräeffe ka, wenns räechd haiß isch, ond dean wo mier nocha gemeinsam eidambfed, wemmr bFieß ins Wassr neihenked 😉

    #251Author manni3 (305129) 18 Jun 21, 12:44
    Comment

    Grad en dr Sieddeitscha gfônda: En Eeschdrreich isch a Schdômpa a Ozwickta (kleiner Mensch) 🙂

     

    #252Author twocents (460778) 18 Jun 21, 16:48
    Comment

    An gschdumbetta Mensch, do kehre au dazua.


    Und - Manni luag weg - i bin a bissle arg bled: Kickschuah henn koine Schdotza! Dia henn Schdolla! Merssi, Vegale. (Abr Schdotza kenne vom Kicka, woiß bloß nimme, wa des war).


    Leitla, i bin ganz arg draurig. Mein liaba Kuseng, da Lothar, hôt ALS und isch jetz im Hoschbitz.

    #253Author Moi Gab (456541) 19 Jun 21, 09:18
    Comment

    Ach je, Gäbale, desch a ganz a schlemma Sach. A liabr Kolleg von meim Dengs hot des oo ghett. Desch wirkle arg draureg.

    #254Author Selima (107) 19 Jun 21, 14:55
    Comment

    Bei Hoschbitz fellt mir emmer glei 's Botzichle ei....

    ach Gäbele, desch wirglich draurich.

    #255Author Goldammer (428405) 19 Jun 21, 15:02
    Comment

    Des isch wirkle draureg - do leided ma midd!


    Dr Botzeg fellbr oo ei

    ... ond a Freindin, die wo jahrelang do gschaffed hadd. zWeihnechde semmr midd iehr gange ond hand Weihnachtsliedr xonge. Des isch jedzmohl a ganz a bsondre innige Schdimmong gwe. Schea!

    #256Author manni3 (305129) 19 Jun 21, 22:16
    Comment

    Heit sin da Schose und i offiziell, aufem Babier*, fuffzg Jôhr vrheirodet. Des war sellmôls innera Freischdund - i midderra Leahrerskollegin und da Schose middama Millidärskolleg und Freind hemmer uns aufem Rôthaus droffa, gheirôdet und sinn no wiedr schaffa ganga. Am Ôbnd hemmer zamma a wengle gfeieret. Leitla, wo isch bloß dia Zeit na??


    *(d'kirchlich Drauung war a baar Johr schbätr, wo mei Mamme gsait hot: Am Sonndig kommeder, do isch fei eijer Hochzeit in da Kirch)


    Boschurle au no.

    #257Author Moi Gab (456541) 21 Jun 21, 10:17
    Comment

    Wao, meine herzlichschde Glickwinsche dem Jubelpaar! Ihr sen glasse.

    On, ganget-r heit Òbend nòchm Gschäft au a weng feira?


    (On des wia des mit deira Muader on eirer kirchlicha Hochzeit gwä isch, des isch fei de schdeilscht Hochzeitsgschicht wo-n-i jemòls ghert han!!! 😀😀😀)

    #258Author Goldammer (428405) 21 Jun 21, 10:30
    Comment

    Deane herzliche Glickwensch mechd i mi doch gladd âschliaßa.


    Des mid dr kirchlicha Hochzich gfälld mr au. Ond wenner nedd nâ ganga wäred, wärad r wahrscheinlich en Abwesaheid traut worra. Dâ hedd hald dei Muadr 's Ja-Wort gea. ;-)


    War des dann fir dr Pfarrer sozdsaga Blaind-Deit-Trauong?

    #259Author opadeldok (1319435) 21 Jun 21, 10:56
    Comment

    Blaind-Deit-Trauung, des bassd. Ohne jegliche seelische und moralische Vorbereitung. Mir henn iddamôle zur Kirchagmoind ghert, wellmer id orstasässig wared. Ob mei Mamme (dr Herr habse seelig) dô wohl da Pfaffr beschdocha ghett hot? Unsre zwoi große Buaba wared ibrigens au dabei - dia wared det scho im Kindrgarta!


    I mechdme au no nochdräglich fr eier Mitgefiehl bedanka. Des hilftmr a wengle. I homme heit ibrigens per Whoatsäpp au no bem Lothar bedangkt fr sei Freindlichkeit und Hilfsbereitheit undem gsait, waner fr an tolla Mensch isch und dassen sGäbale scho immer und allno bewunderred - i hoff, skommd beiem a und freiten.


    Häff a naiß deile, Schbätzla!


    D'Edith moint no, mir giengdat heit Ôbnd näana na zom Feira. Des machmer, wemmer wieder älle Kind und Kindskindr auf oimal dreffa kennad.


    D'Edith dät jetz am liabschda middem Amoisle und em Mannischerri und älle vo eich, wo midmacha wellad, Bfiaß in Eisbach henge. Und se giengd au gern middem Senzle in See nei - hoddze no hindrhear gschria 😉


    #260Author Moi Gab (456541)  21 Jun 21, 12:39
    Comment

    Beim Fiaß en dr Eisbach neihänga wär e au glei drbei. Vor ällem, weil mr en Schduagerd so ebbes nedd hend. Dr Nesàbach, der Schduagerd eidolt durchfliaßt, däd, selbschd wenner oberirdisch wär, koin Vrgleich zur Isar oder ihre Bäch aushaldà. Ond en dr Neggr kâsch d' Fiaß au nedd neihänga lao, au wenn'r direkt vor meinr Hausdir vorbeifliaßt, weil's blooß bedonierde, schdeile Böschung send. :-(


    Bei dr Hidz vo de vrgangane baar Däg häb e des guad brauchà kennà. Des war faschd so wia 2003 beim Hoch Michaela, dâ hao ne no en Schduagerd em Kessl gschaffd. Des isch schier nedd zom aushaldá gwäa ond hòt me schbondan drzua bròchd Dr Tegschd zom ma Blues zom schreiba.Der erschde Vers fing so:


    I kâ nemme dengga, des isch koi Widz

    Mai Hirn droggned ai, weil e älles nausschwidz

    Mai Hemd isch badschnass maine Hosà au

    Oh wian i des hass i schwidz wia d' Sau

    Du doch au, komm gib's zua, du doch au

    Komm lass ons gao

    En 's Freibad, an 's Meer, an See

    I glaub dâ wärs jedzd schee.


    Leider isch dr Wolle Kriwanek drei Moned vorher gschdorbà, sondschd hädd e den ganzà Teggschd deam gschiggd ond gfrògd, wa ner drvo häld. So wird der Blues wohl nia uff a Biehne kommà. :-(


    Abbr zomindeschd dr erschde Vers isch jedzd einer begrenzda Anzahl vo LEOniden bekannd. :-)

    #261Author opadeldok (1319435) 21 Jun 21, 15:48
    Comment

    Also der gfellt mr guat!

    I moin em Wolle Kriwanek hett der au gfalla.

    Guat dass de'n ganz oder ons vreffentlicht hòsch!

    ....

    Mir kommt grad so a Fantasie.....dr manni on's Opale.....imbrowisierenderweise zsema....dr manni mitm Bassglarineddle (des dät doch schee bassa fir en Bluhs!), mit em ausm Bassglarineddlesbläddlesufbewahrongsedwile entnommene Bassglarineddlesbläddle en dr Lapp....'s Opale schwätzt odder sengt sein Bluhs drzua....hach, des kööt i mir ganz erhebend vorschdella.....

    #262Author Goldammer (428405) 21 Jun 21, 16:11
    Comment

    Gäbale, Dir und am Schosa herzliche Gliggwensch zuer Goldana Hochzeid!

    Fuchzg Jauhr kâa ma ruhig au zwoiml feira - heit zu zwoit ônd z neggschd Môl dann mit dr Famihlie!


    Mit gfallat ja Deine "alde" Hochziga - d'schdandesamtlicha ond de kirchlich - sauguat. 🙂


    #263Author twocents (460778) 21 Jun 21, 17:28
    Comment

    Mir gfallts au, Opale. Des fei geil!


    Und Vegale, dei Fantasie isch au geil.


    Merci mei liabs Senzle.


    Woiß äbber äbbes vom Brele?

    #264Author Moi Gab (456541) 21 Jun 21, 21:00
    Comment
    Ahh, gut, dass ich heit vorbeischau! Herzlichen Glückwunsch an Gäbele und deinen Schose! Ihr seid glasse!

    Frag mich ah die ganze Zeit, wie's Bréle wohl geht.
    #265Author Miss Anthropy (700297) 21 Jun 21, 21:25
    Comment

    Glickwonsch, mei Gäbele, ond EggschdraAhla - schmuhsege seggs MillemeddrAhla, die kredzed nemma soo 😉

    #266Author manni3 (305129) 21 Jun 21, 23:23
    Comment

    Also, wenn e me nedd gwaldig deischt hao, hòt's brele em oin oddr andrà Fadà aus ihrer Reha was boschded. I denk scho, dass se sich au no amòl irgendwo bemerkbar macht.

    #267Author opadeldok (1319435) 21 Jun 21, 23:51
    Comment

    manniiii....

    mei Hibblfagdor hòt mit 1,1194029851 deitlich sei Wahrnehmongsschwelle ieberschridda....i ben scho ganz nerfees....

    #268Author Goldammer (428405) 22 Jun 21, 08:24
    Comment

    Fänkyou Missi und Manni! Jetz peilamer dia nägschde fuffzg Jôhr gliggselige Ehe a 😉


    Missi und Manni, wenne des so lies, moine grad dô het da Woalt Dissne au was damit afanga kenna. Schad, dasser nimme isch, sonsch hettem des grad gschdeggt.


    Middam Vegale mithibbl.


    Boschurle au no 🙂

    #269Author Moi Gab (456541) 22 Jun 21, 10:59
    Comment

    An guada Morga winsch e eich,


    jetzt kennat mr a baag Däg duchschnaufa, bevor d' Hidz zruckkommd.


    Mai Hibblfaktor liegd bei 1,11111111111


    Wenn e an Schnaps dâ hedd, dät e a Ronde ausgeah.

    #270Author opadeldok (1319435)  22 Jun 21, 11:22
    Comment

    Leitla, schdellet eich vor, grad hot dBrieafdrägerre a Gliggwunschurkunde vom Minischdrpräsidenta und a Gliggwunschschreiba vom Birgrmoischdr brôcht. Jô wia geil isch denn des? I bin ganz vo de Sogga! (Griag heit wohl des Grinsa nimme ausem Gsicht :-))))))))))

    #271Author Moi Gab (456541) 22 Jun 21, 11:51
    Comment

    Des vom Schdoimair daured no, weils biss vo deam Berrlihn raakudd ;-))


    Ibregenz haoni ebbs gex Hibble dao ... abr sueche mießedr sell, wenn dr nemma hibble wend. Wäe no gäere a Weile hibble will, weil des die schdeife Glenkr ond die heedt Muschgeladduhr lockred, soll hald mibbm Sueche no a bissle waadte *hihi*

    #272Author manni3 (305129)  22 Jun 21, 15:03
    Comment

    Ha desch jò echt nett vom Kretsche on vo eirem Birgermoischder, Gäbele!

    Schad, dass dr Dengs on i vrmutlich koi so a Urkunde griaga werret - dò miaßt dr Dengs nemlich segsaneizg drfir werra on i vieradachzg, on des isch bei ons boide ejer fròglich...abber nadierlich, mr woißt nia.

    #273Author Goldammer (428405) 22 Jun 21, 15:20
    Comment

    Gäbale, wa machschd dann fir a Gsichd, wenn dr Minischdrpräsident bei uirer Nâchfeier uff oimòl uffdauchd. Des machd mr, glaub e, ondr Brominende so. ;-)


    Mai Vaddr hòt au amòl an Brief aus Bonn vom Bonndeskanzler, damòls dr Willy Brandt, kriagt. I woiß blooß nemme warom. Geburdsdag? Kennd sai. An ma Geburdsdag vom Vaddr hòt uff jeden Fall mól 's Delefo gschelld ond i be nâganga, nâ war dr Oskar Heiler drâ ond hòt graduliert. Klar, waràd jâ älle drei en dr gleicha Pardei ond dr Heiler ond maine Eldra Mitglied em FKK-Verband.


    I war dâ jâ no an jonger Kerle ond be am Delefo faschd ens schdoddra komma wo ne ghert hao: Heiler, isch dei Vaddr au dâ?

    #274Author opadeldok (1319435)  22 Jun 21, 16:23
    Comment

    Glückwunsch Gäbele.


    I hab grad as zwoite Schbritzle kriagt, jetz bine miad.

    #275Author bluesky (236159) 22 Jun 21, 19:20
    Comment

    Ah, guat zom hera, hemele!

    Leg de nã, bis morga isches velleicht scho rom!

    I han mittlerweil mein digidala Impfausweis ufm Hendi.

    Heit Òbend fir de ersch Kohrbrob nòchm monadelanga Kirchakohrloggdaun brauch-e-n glei.


    Endressant, Opale! Dr Hailer on deine Leit mitenander em Effkahkahvrband!

    #276Author Goldammer (428405)  22 Jun 21, 19:41
    Comment

    Obbale, Heiler haoni nochschlage mieße. Wennd Häberle gschrihbe kedd heddesch, heddis glei vrschdande 🤣

    #277Author manni3 (305129)  22 Jun 21, 19:50
    Comment

    Prima, Himmale! Des freitme 🙂 und, wia gôhstdr heit.


    Wa Effkahkah ahgôht, dô ware de ledschde Däg au agdief. I het koim dDiar aufmacha dirfa im Efakoschdiemle. Abr beim Schose dirfadr ruig schella, der isch dia meischd Zeit ahschdendig azoga. Rennad ihr bei derra Hitz dahoim a manchmal nagged rum?



    #278Author Moi Gab (456541) 23 Jun 21, 10:44
    Comment

    Manni, hòschd reachd. Des hedd e glei drzus schreiba kenna, dass des dr Darschdeller vom Häberle war. Dia Skedsch send jâ dâmòls blooß em wirddabergischa SDR zeigtd worra. Dr Willy Reichert war drgega heifigr en dr gesamda ARD zom seah ond deswega au bekanndr.


    Mai Lieblingszitat aus ma Skedsch vo denne isch:


    Häberle: I hab geschdern ihr Frau en dr Schdadt droffa. Sie hòt me abbr nedd gseah.

    Pfleiderer: I woiß. Si hót mr 's verzehld.


    Gäbele: Effkahkah hoißt jâ Freikörperkultur, weil mr 's em Freia machd. Drhoim lauf e blooß âzoga rom. Sogar onder dr Dusche. Blooß wenn e amòl vo jemand a Komblemend griag, dann gang e âbeds barfuaß ens Bedd. ;-)



    #279Author opadeldok (1319435)  23 Jun 21, 11:26
    Comment

    Gäbele, mir wohnet ebaerdich on zomindescht doilweis mit Eiblick vo außa..i dät me dò et wohlfiahla.

    #280Author Goldammer (428405) 23 Jun 21, 11:38
    Comment

    I hao liebr a lockre Odnrhose ond a weiz Tischörd ââ. Die sauged de Schwaiß audomadesch auf ond i brauch koi Handduech idd. Bloss alle baar Schdond wexle, auswrenge ond zom Drickne in Zonne henke ;-)

    #281Author manni3 (305129)  23 Jun 21, 12:17
    Comment

    Vegale, hòt eier Kohrbrob glabbd? Oddr hend 'r älle durchanander gsonga nach der langa Abschdinenz?


    Weil bei mir grad a Blues-CD vom B.B. King laufd, fälld mr ai, dass e eich die zwoid Schdrof vo maim "Summertime Blues" nedd vorendhalda will.


    I draim vomma Gledscher,

    vom ewiga Eis.

    Doch des schmilzt jò au scho,

    selbschd dord isch's zu heiß.

    I hao a Idee, dò fäld mr was ai.

    I heng maine Fiaß en an Oimer Wasser nai.

    Des isch fai, komm gib's zua des isch fai

    Komm häng's mid nai

    en d' Oimer, en d' Kiebl, en d' Tebf

    ond schidd no ebbas Ibr d' Kebf.


    Dia dridd Schdrof folgd, wenn 'r megad, bei gegebenem Âlass. ;-)

    #282Author opadeldok (1319435)  23 Jun 21, 12:36
    Comment

    I be a weng knatschig, abr net so schlimm, wia beim erschda Mol.

    #283Author bluesky (236159) 23 Jun 21, 14:02
    Comment

    Guat, hemele!! Erhol de voll gut.

    Opale, i zumindescht hett a großes Indresse am dridda Vers. I fend dr Tegscht scho so genial...wia des ersch mit Musik wär? I glaub i dät dahiiinschmelza....wia dr Gletscher....


    #284Author Goldammer (428405) 23 Jun 21, 15:12
    Comment

    Solangs bloss vo dr Impfong isch, wäez schnellr bessr, als wennd wex am Schreid knatschig bisch 😉

    #285Author manni3 (305129) 23 Jun 21, 15:58
    Comment

    Also guat, wenne so bauchbenslad wer, kâ ne deam vielfacha Wonsch ainer ainzelnen Dame oifach nedd widerschdanda. ;-)


    Doch nò duat's an Schlag

    ond i wach uff.

    Hock no emmer em Gschäfd,

    gang no emmer schier druff.

    Koin See en dr Näh,

    koi Eis en Sichd,

    koine Fiaß em Kiebl,

    blooß Schwoiß em Gsichd.

    Ond nò fälld mr ai,

    dass i no hoimradla muaß

    änd thät's se riesn whai

    Ai'v gatt se Summertime Blues.


    Ergänzong zwoi Jòhr schbäder (2005):


    Ond zwoi Jòhr schbäder

    dr gleiche Scheiß.

    'S isch wiadr mòl Sommr

    ond wiadr so hoiß.

    Hock wiadr em Gschäfd,

    dr Urlaub vorbei.

    I will en Rente

    am beschda glei.

    Doch nò fälld mr ai,

    dass i no Jòhre schaffa muaß

    ond wiadr isch's soweit;

    i hao dr Summertime Blues.

    #286Author opadeldok (1319435)  23 Jun 21, 18:17
    Comment

    Opale, wenn du id talentiert bisch, frisse an Bäasa! Oifach geil.


    D'Edith mecht eich no saga, dass bei uns grad schnell dWelt undrganga isch. In da Schdroß schdoht Bfeierwehr und bumbed Keller aus.


    Immer schee alles zuapflaschderra und mords Diafgarasche baua. I frogme wia lang des no so weitergôht bisse dô amole aufwached. I meim näherra Gai hots alloi scho 11 Schdigg.



    #287Author Moi Gab (456541)  23 Jun 21, 19:47
    Comment

    Schbätzla, mein liaba Kuseng isch heit Nacht friedlich eigschlofa. I woiß, dô, woner jetz nahgôht, hotters schee. Der muess iddamôle ins Fägfeier, des war en durch und durch guata Mensch. Det kämte gern au amôle na, woiß bloß id, obbes vrdient honn. Draurig bin und froh bin, dasser nimme leida muess.


    D'Edith mecht no ahmergka, dass heit mei liabschde Scheesa Geburtzdag hott. Bon anniwersähr, Scheesale!!

    #288Author Moi Gab (456541)  24 Jun 21, 13:06
    Comment

    Grießle an dScheße ond Glickwonsch zom Geburzdag 😚

    #289Author manni3 (305129) 24 Jun 21, 16:10
    Comment

    Desch dear mim ALS, oder? Dann isch guad, dassr hat einschlaufa kenna.

    #290Author Selima (107) 24 Jun 21, 16:26
    Comment

    Jo, Amoisle, genau der. Er hot sich gega jegliche lebnserhaltende Maßnahma gschberrt ghett. Am Ôbnd hotter äbbes "Beruigndes" zum schlofa wella und isch no nimme aufgwacht.


    Vorgeschd honne no middem gwoatsäpdt. Er hot sich no entschuldigd beimr, dasser nimme richdig schreiba ka. No honnem gsait, dasser des au nimme muaß, welle eh woiß, wa er mr antworta dät. RiF, mei liabs Lotharle.

    #291Author Moi Gab (456541) 24 Jun 21, 17:15
    Comment

    Jedz haonis doddal ibrläese ond äeschd jedz midkriegd, dass dei Kuseng heiznachd gschdoerbe isch. Schea, dass a hadd riebeg eischlofe kenne. So an Doad wensch i mier aingdle oo. Bloss dr Wäeg bis dedd nââ kâ räechd lang ond schmäezhafd sei - ond fier bFamille ond bFreind oo. I wensch ui all an guede Abschid!

    #292Author manni3 (305129)  24 Jun 21, 17:43
    Comment

    Ja, des wensche ui oo - an guada Abschied vonam guada Vrwandta. Draureg isch des abbl no, abr wann nix offa blieba isch, isch des a guada Sach.

    #293Author Selima (107) 24 Jun 21, 17:48
    Comment

    S'Brele hot sich gmeldet. S'isch wiedr dahoim!

    #294Author Moi Gab (456541) 25 Jun 21, 21:29
    Comment

    Gunnoomend allegaare !


    Joo, doo binnisch wedda ... unn de Muschgellkaada ess änndlisch wägg ! :-))

    #295Author no me bré (700807) 25 Jun 21, 22:15
    Comment

    Nocha gohtz dr ja scheinz gued! Wie schea!!

    Glickwonsch zom Muschklkadar ond dass a meah weck isch 😉


    Ibregenz gohtz jez bald do deana weidr.

    Mier hand nemle grad an Hibblkoeffezend vo 1,013513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513513514

    #296Author manni3 (305129)  25 Jun 21, 22:49
    Comment
    *bréle (vorsichtig) umknuddel*
    #297Author Miss Anthropy (700297) 25 Jun 21, 23:11
    Comment

    Mitknuddel. Mir fahred nocher in Dorisles Hoimet, morga, am dritte Geddrkind sein zwelfta Geburtsdag feijerra. I kas kaum glauba, dass des Mädle jetz scho an beinôh Tieneidschr isch.


    Häff a neiß Deile, älle Schbätzla, zämma, mitanand, alloi, dô und det!

    #298Author Moi Gab (456541) 26 Jun 21, 11:04
    Comment

    Ach wie schee!

    's Breele isch widder dò!

    Grießgottle on guat dass da widder drhoimt bisch! Hoffentlich guat rehabillidiert!

    #299Author Goldammer (428405) 26 Jun 21, 15:37
    Comment

    *zuamach on nomlots*


    *kurz noml durchfeg* (Mei Großmudder hòt als gsagt: wemmer ausm Haus geht, muaß sauber sei, sonsch kennet d' Engele net walda - on des wellamer jò gwieß net, dass dia net waldet!)

    #300Author Goldammer (428405) 26 Jun 21, 15:40
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt