Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --204--Alemanneschwobefädele--204--

    Topic

    --204--Alemanneschwobefädele--204--

    Comment







    Des isch s zwaihondrdonddvierd endrnazenal Alemanne-Schwobe-Fädele,

    in deam wo ma allarlai Warianda vom Schwäbesche ond Alemannesche läese ond schreibe ka.



    ◎ Vo dedd kommebr ond jiez goz do hinna weidr.

    ◎ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ◎ Do isch a frisch abbdeidede Landkarde midd am Haufe Middschreibar ond Middschreibarna


    S abdeided Wariandewäedrbuch kudd glei als näggschda Beidrag.


    Wäe gäere hibbled, soll des Fädele äeschd läese, wenn dr Zwaihondrddreiar vool isch










                        Land id lugg!




          Nich lokka lassn









    Author manni3 (305129) 22 Jun 21, 14:36
    Comment

    Innerschwäbischs Wariandte-Wäedrbuech



    Sammlong vo ohgfäehr seggshondrdombfemf regjonal gebreichleche Wäedr

    Abbdeided im zwaide Driddl vom Juni 2021



    Des send Ausdrick, die wo idd all im Fädele vrschdande hand ond drom nochgfroged hand.



    In de nägschde Beidräg noch dr Frog kommed nocha Erkläeronga. Mankmol daured des oo a bissle lengr, bis des ganze Schbeckdrom ausdischkrierd isch odr bis all Beidräg drzue komme send, weil mr zwischedure no ibr ebbs andrs hand schwädze mieße. Do mueßba nocha hald a bissle schkrolle ;-)



    Dr Link goht direckd uff dean Beidrag, in deam wo dr Begriff zom äeschde Mol voerkudd. Die Zahl hendr deam Begriff isch bFadenommr. So siechba glei, wenn die gleich Frog schbädr noml aufdauchd isch.





    aablendre 50    äadala, äad dôa 147     ââsda 202    äbba 19    äbbl 1    abegheit 84    Abr 181    afánge 21    afánge, ahébe 94    afánge, ahébe 95    Afdrmädag 1    afis 98    Aftrmeede, -medig 36    agfurzged, apfuzged 0    ahébe, afánge 94    Ahle 12    Ahle, Deffenizjoo 196     ahnd 1    ahnd (s. blange) 105     Ahne, Ehne, Nahne, Nehne 21    allbodd 1    allebodd 38    allegaare 100     Allgai, blaus 58    Allmende 75    als, allad, immr 194     Alti Söcke 61    Amaisla, zwai (Gedichd) 26    am Doe sei (Vrlaufsform # 156 #206) 202    amigs 3    Anke, Buddr 45    Anke, Buddr 62    Anke, Gnack 25    APC 14    aobr, apr 32    Aschebe(r)scher 87    aufembde, emde 190    aufhauseg 154     ausbaldoferre 196    Ausdrag 197    aushausich 154    ausrichde, Leid 198    

        

    Baabl 189    Bachel 9    Bäeredreck 190    Bäeromenschdr, Radio 68    bägglat en Schdroah, dobblat 40    Bähmull 90    barmen 198    Baule, Böhle (s. oo Kadzebaule) 9    Bbünz 100    Belmeß, Kopf etc. 77    belza 191    belze kenne 191     Berda 189     Berda 21    BerwangarWeible, s 38    Bfose 97    Bfudzgar, pfuzzge 150      Bfutzga, Pfitzle, im Xichd 150     bhäb 189    Biberle 1    Bieche 102     Biewrl 44    Biibgockelar 190    Bise 44    bitzle 2    bizzle 84    Blaaz 21    blange 105   Blaokraud Ausschbroch 198    blutt 189     bluttfueß 56    bobbre, vrbobbrat 131     Bodschambr 49    Bodschambarle, Pisspott 198    Boi 83    Boi, Bai 83    Boi, Baie 84    Boid, Point 4    Boind 75    Bolle, Mausbolle aufgeschdelld, Bollehued, Bolledeere, Bollekaare 199    Bollekare, Bollewage vs. Laidrwägele 114    Bongert 75    Born 25      bosge, bozge 196     Bream 190    Brazzl 136    Bredla 94    s Breis, voll bis ans Breis 142     Breschdleng 47    Breschdleng 84    Breschdleng 182    Brezga, gscheide 52    Briegl, Seel, Gnauzawegga 103    Brot, Kipf etc. 21    Brotaaschnidd 21    Bolledeere 15    bruddle 137    bschieße 107     Bubabberlesgschäfd 108     buchle 97    Buddr, dr B. 10    Budl, Dudl 2    Budlwar 64    Budlwar 89    Buggelesdag 49    Buggl raarudsche - Warianda 192     Butzameggelar 53    ...-Budzl 145    Buzele 2    Buzeschdengl 71    

        

    chaib 1    cheib, Cheibe    Chaschde 9    Chile (mid "ch") 30    Chindsgi 96    Chlüpli, Glubbe 35    Chratte, Gelte, Trucke, Zeine 103     

        

    Däätschmr 5    Dabber, vrdabbed 185    daure 198    deiche, dunke (dünken)     dellele, rom-, ommanand- 103     Dibbl, Dubbl, dubbelich 4    die wo, die was 0    dirmelig, durmelig, drümlig, drimslig 130    Dix 3    dobblat bägglat en Schdroah 40    Doe, an Doe hao 117     Doggebaaba 3    Dogg, Doggebaabl 189    doggle 189    Dolga, a fedda 3    donderschlächdig 200    Dôpa 185     Dorpa, vrdorpt 185    dousheared, doosoereg, dollorig 22    dransschenigg 11    drädze 89    driele, rom-, ommanand- 103     drgneist 108    drimsle 1    drimsleg, dirmelig, durmelig, drümlig 130    druscho 25    dubbelich, Dubbl, Dibbl 4    dubbelich 178     Dudl, Budl 2    dui, die, d 44    Dult 66    dunke (dünken), deiche

        

    êahd, dreegsêahd 192        eahrakäsig, eahragrädich 193    Eberri 30    Efangelesche, Wieschdgleibege, Kaddolesche, 106     ei ( Ausschbroch) 29    ei - ai, leidtun - leiden 137     ei - ai, leidtun - leiden     eleige 3    eleige 3    emde, aufembde 190    emde, aufemde 202    Etter 123     

        

    Fägnäschd 42    Fägnäschter 66    faigge 89    Fazaneddle, Fazoleddle 143     Fehl 2    Fehl vs. Fäel 41    Fehlehockar 190    Fehn 28    feand, fern, fertig 197     fei 44    Fiedle 17    Fieß, Boinr 77    2Fildra    Fileiner 101     Fisternöllsche 12    flacken 22    Flädle, Knöbfla, Chnöpfli, Schbädzla 49     Fludde 199    Frauafürz 72    fretten, Gfrett 32    füdliblutt 21    fuudre, bfuudre 1    

        

    gä, ge, i gang ge 67    gach, gäch, gäh 17    gaddig 189     Gade 184     Gäder 184     Gäelfießlar 2    gampe, gumpe, gompe 3    Gass - uffd Gass lao, gao 112    Gatze, Gatzlmacher 100     Gaude, Schbass 17    Gaul, Haitar 140     Gebbl 76    Gefäss, Gfess     gfräß 199    geids no a Mill, hadds no a Mill 200    geil 194     gell 56    Gelte 44    gembresch 85    gempscheg, gempisch 85    Gfrett 32    gheie 84    Gischbl 192     Glepfer 147      Glibbertle 136     gliche wetsch mache 30    gloichig 195     Glufe 35    Glufa em Fidle 102    Gluhfe 113    Gluschd, Gluschda 150    gmiggd 109     Gnack 25    Gnauzawegga, Briegl, Seel 103    gniageled 186    gnieble, gniagla, gnuile,    knieble    184    gnuile, gnieble, knieble, gniagla    184    godzeg 87    Gôg, Koog 159     gompa, Gombe 83    gotzig 50    Graddl, Grattel, d 1    Graddl, Grattel, dr 86    Graddlar 68    grääddeg 147    grätig 12    Grette, Krette, dr 1    Grischbaum loba 73    Grischbele 192     Großschwäbisches Reich2    Gsälz 21    gsälza 59    gschderrig, schderrig, gschdäär, schderch 174    gschirra     gschwülm 84    Gsiberger, Xiberger 68    Gsibergerisch 65    Gugg, Guggl, Guggana 22    Gumpe, Gombe 3    Gumpedoschde 3    Gumpf 34    gschbässeg 1    

        

    hadds no a Mill, geiz no a Mill 200    Hääs 23    Häddele 76    Häelba 84    Häerdreggziaherei 176    Hägamark 148     Hagabuechena 197     Hagamoisa 197     Häggr, Hesche 113      Häggr - Versla 111     Hagamoisa 190    Hägl 1    hähl 1    hähl 2    Haipfl 25    Haipfl 25    Haitar, Gaul 140     Haiter, Heitr 8    Halbdaggl 87    hälenga 86    hälinga 67    hange, henke 153    Harras 24    Heckr, Hesche 34    Heffawetz, Hefleswetz 40     Heffawetz, Hefleswetz 136     heebe 190    Hegel 43    helfe, Denk mr helfa drã 94    helfe, afánge, ahébe, gao (Adverbien) 183     Hemad, Hemadlenz 2    Hengschd 126    Hennapfrupfa 23    henne 98    Herrgöttle vo Biberbach 70    Hesche, Heckr 34    Hesche 89    heuer, huir 77    hibbelig 102    hiere 72    hierewierbleg 72    hindrfihr 200     hingere 98    Hinichd 42    Hitsgi 61    hitzg 25    Hoaraheile 177    Hocketse, Hoigaade, Höck 3    Hocketse 22    Hoigaade, Höck 3    Hoigaade 22    Hoinze 1     Homml 1    Hommlbronz 36    Honoratiorenschwaben etc. 86    Hoschtub 93    Huerä- 1    Huaraflichdling 106    Huddl (Siech, Luedr) 202     hudle 199    Hugendubel (zSchdueged) 60    hüpf 71    hurrgle 118

        

    ibrlenggd 109     ine, ume, use 51    -ingen, Siedlongsgschichd 17    ipuffe 42    it 0    

        

    Jägrdoopf 7    Jochgaiar 156    jucke, schbringe 11    

        

    Kaddolesche, Efangelesche, Wieschdgleibege 106     Kadzebaule (s. oo Baule) 15    Kädzle am Bauch, aussäeche wies 87    käfele 80    kähl 1    kähl 2    kähl 189    Kandl, Kantl 151     Käpsele 1    Käpsele 68    Karess, auf d K. gao 1    Kaschde, Kasten 104    Käspappiletee 75    Kêaza 150     keija 174     kidzebolle 151     Kieanzl, Keanze 77    Kiechla etc. 97    Kiechle 75    Kipf 21    Kläbbar, Schläbberle 4    Klubbe, Glubb 76    knäschdeg 20    kneischde 20    knieble, gnuile, gnieble, gniagla        184     knitz 184    Knobbf 190    kobbe 76    koiz 91    Koki Sa Schack 5    Konjegadzioo Blueral 150     Konjonkdif I - II 130    Koog, Gôg 159     Kotze 86    Krattel, dr 15    krawuhl 189    Krette, Grette 1    Kuglfuehr 195     Kuhfliagets 91    

        

    Lacha 150    lagg, lack 22    ladderala Schdobb 29    Laibla 94    laid, leid 1    Laidrwägele vs. Bollekare, Bollewage 114    Lätsche, Schlueb 21    Land id lugg 19    Land id lugg 41    le, Suffix em Englesche 2    Lego, hesch me 59    lei 0    leid, nit eso leid 7    lêîs 96    Leisa 123    Laisa, Lêîsa, Albleisa 123    -les 91    lieben, mege 62    Loas 1    Loisa 32    lubfe 190    Luse 194     Luxemburgerli 87    

        

    Madlafitzeler 190    mängisch 3    Mäschkerla kommed 6    Mass, Maß 88    Matte, Mahd 75    Mecheler usw. 118    mege - i mag di 62meegig, oomigele 12    meichdale 22    Memmingar Mao 1    Memmingar Mâô 40    Menggenges 115     Mensch, s 2    Mensch, s 96    Migge 190    moanammoeges 192     Mojaschegga 11    Molle, Mollesaich 1    Mond (Ausschbroch) 40    Mondich 1    Mongale 1    Muggaseggale 190    Muggebixle 190     Muhagl 43    Mulle, Mulli 90    Mullela 94    Muni 1    Muswies 126     müntschi 100    Mutschl 85    

        

    nächt, nechd 1    Nahne, Nehne, Ahne, Ehne 21    Naka-Buzele 2    nannaäbbe 3    narred 12    naussaue 40    nebenzu 194     Nechzobed 42    neihägle 40    neima, neamads 18    neima, oimeds 184     neischobbe 194     nochschreie 198    noddle 200     nuf 123     nume 3    

        

    oimeds, neima 184     Ois 150     ommananddriele 189    Ômuaß 42    oomigele, meegig 12    Ôomuaß 45    Ortsschiiht, Woogscheile 109     oz 23    

        

    Pamir 72    Pe-, Pödädrle 154    Pfäläller 4    Pfitza, Bfitza 150     Pfitzle, Bfutzga im Xichd 150     pflöffla 45    pfupfre 2    pfuuse 7    pfuzzge, Bfudzgar 150     Plaffoh 34    pögge 2    Point, Bôid 4    pöschtele 50    

        

    R - Zonge odr Zäbfle 1    rääs 1    Radlar, brôte, Rezebbd 18    Randig, Rande 52    Ransch, auf dr R. sei 1    Randsch - uffd Randsch gao 112    Ranze 108     Ratscha schdadd Glogga 78    Rauch, ao-ou 75    raule 9    Rechdschreibdiskessioo ibr Ackzendr 49    Ribb, Ripp, s 96    Ribbschdigg usw..76    Ribbsmäel 50    riebeg 2    ringer 108     Risoddokoma 22    Roina 177    romdreggle, romdreedle, romdellele 139     romlöhrga 40    Rootzbibbr 44    Rotzbibbr 1    rueßle 194    Rugl 149

        

    Sach, s, d 104    sägg 92    säehr, Suirle 150     Samschdag-Samsdag 155    sauigle 22    Scharmidzl, Stranitze 22    Schaufscheiß nui drzue 190     Schbatzafischer 100     Schbädzla (etym) 21    Schbädzle, Flädle, Knöbfla, Chnöpfli 49    Schbagaat 21    Schbagaat, Schbädzla im Iddaljenar-Forum    Schbaage 38    Schbass, Schbass, Gaude 17    schbeie, schbedzge 91    Schbinnewedda 85    Schdäer, "Stör" 155    schderrig, gschderrig, gschdäär, schderch 174    Schdihble 197    Schdobb, ladderala 29    schdoggele 174    strabelig, schrabelich 203   schdrähle 191    schdrawanza 65    Schdreckise 9    schdruug, K II vo schdragge 32    Schebrkrä 110     Schegges 30    Scheiche 77    Schertele 189    schiergar 195     schladdig 186    Schlagg 192     Schläpperle, Kläbber 4    schleife, schliefe 87    schleife (SZ) 47    Schleifets 91    schlenggle 2    schliefe, gschloffe 87     Schliefkami 87    Schlueb, Lätsche 21    Schluata 189     schmecke (Gschmäckle) 95    schmutzige Dauschdech 3    Schnäe weckdoe    183     schnarchle, schnarchele 194    Schnäddrfiedle 130    schneie, gschneit, gschnia, gschnihbe 200     Schneller 147     Schnöre 45    Schobf, Schöbfle 82    Schoche nauslache 178    Schöpfli 82    schora 196    schtiepara, schtoipara 190     schuddle 134     Schuebad 37    Schumpen (Ausschbroch) 200     schwanze 12    schwerlich glaufa 32+#66    Schwobarädla 48    Seel, Briegl, Gnauzawegga 103     sehr, säer (sorry, sore) 21    seicht 44    selbandr, selwandr 200    Semml; Schdanga- 83    Spätzle-Shaker47, 48 Stotzen 203     Stranitze (1) 22    Stranitze (2) 23    Suddroi, Suddrai 194     süferli 27    Suggl 1    Suirle 44

        

    Tajine, Tatschine 48    Talpe 77    traibdeibl 27    trädze 89    tschambre 49    Tschingge 98    -tse 91    Tugnd, die gräeschd schwäbesch 31    

        

    Ufzgi 52    Uhudler 17    uibrois 30    uns-euch-ihr16    Urlesdag 17    

        

    Verchlinerigsform vo Verbe 33    verchrüglet 45    vrkirnt 108     verusse 42    Veßa, Vese 84    vrboama 177     vrdlda 44    Dôba,        verdôbed    185     vrdrenne (im Kondexd) 98     vrdrenne (Frog ond Andwoed) 99    vrdwarme 197     vrkaischdle, sich 103     vierdl, viedl noch, viedl ibr 1    vierezwanzgi gsi 9    Vierling, Virrling 195    vrhebe 23    

        

    wachele 194    wachle 33    Wäedam, Wäedig 77    Waihdag, Wehdag 151     waidle, wolle 191     Wagges 30    Waggl, uff dr W. gange 80    wallen, walen 86    wargele 89    wargele 118     Warglknui 118     Wassrschdelzle 156      "weder noch" 154    Wehdag, Waihdag 151     Wehrle 150     weisen 2    Weißbild 2    Weißbild 27    wiaschtgleibig 21    Wiebele 191     Wieschdgleibege, Kaddolesche, Efangelesche 106     wirglich (z.Zt.) 143     Woogscheitle, Ortsschiiht 109     wolle, waidle 191     Wullesau 23    Wurschdschbätzla 85    

        

    xesch 49    Xiberger, Gsiberger 68    

        

    Zeitbeer 190    Zigr 45    Zipprla, Zibarte 10    Zodder 197      Züber, Zubar 44    zwai-zwea-zwoa 0    zwe-zwo-zwöi 97    

       


    #1Author manni3 (305129)  22 Jun 21, 14:39
    Comment

    Wenn dr alte Fada voll isch, muaß ma den neia au hochlupfa.

    #2Author bluesky (236159) 26 Jun 21, 18:06
    Comment

    Ond saubr isch 's dâ henna. 'S riacht au so frisch gschdricha.

    #3Author opadeldok (1319435)  26 Jun 21, 18:25
    Comment

    Ganz neu, guet dass i grad oh inagfunda hòn :-)

    #4Author karink (659752) 27 Jun 21, 14:52
    Comment

    Dankschee Manni, frs bräbariara. Dankschee Vegale frs Numleida. Dankschee Karinkale* frs wiedramôle reiluaga.


    *Tu wa komm il fo ma Schollii?


    #5Author Moi Gab (456541) 28 Jun 21, 09:29
    Comment

    Mei, isch des schea!

    I hao grad a baar Hemedr gwäsche ond s isch koi godzex Babbiersackdiechle drbei gwe 😉

    #6Author manni3 (305129)  28 Jun 21, 10:59
    Comment

    Nò ma Schär Gäbele, sch'ai bösoa de kelkõ comme tua ki prã sò mal òn patiòs awek moa 🙂



    #7Author karink (659752) 28 Jun 21, 22:04
    Comment

    Danggescheen fass neije Fäädelsche, Faadebabba !


    *aangemälldbin* :-))

    #8Author no me bré (700807) 28 Jun 21, 22:10
    Comment

    I hoff ihr hend des geschdriche Oweddr guad ond ohne Schäda iebrschdanda. Dâ war des Gwiddr heit harmlos drgega. Abbr geschdern hao ne dengkd d' Welt gòht ondr. I hao ausm Feschder dia Baim, dia zeah Medr endfernd schdehn nemme gseah. Gott sei Dank war bei ons koi Hagl drbei. Abbr wo ne heit em Fernseah gseah hao wia 's bei dem Schdurm geschdern 's Kupfrdach vo dr Oper adeckt hòt, isch mr ganz andersch worra.



    #9Author opadeldok (1319435)  29 Jun 21, 21:51
    Comment

    Uja, haune scho mear da Omzug vrschlofa! So ebbes.


    Danke, manne-Schätzle. Guad hosch agnibft!

    #10Author Selima (107) 01 Jul 21, 15:03
    Comment

    Obbale, vo deane Ôôwäeddr isch bei mier uffm Ballkooh uffm Ballkaah bloss no a zemle schdarka Schdurm ââkomme, däe wo alle Blieda vo meir Klemmaddes grubfd hadd. Abr soschd isch nix bassierd ond die näggschde Knoschba send scho meah aufgange.

    #11Author manni3 (305129) 01 Jul 21, 23:51
    Comment

    @Karinkale: Schö swui a tõ serwiss wenneder helfa ka 🙂


    Desch allmählich firchdig mit dene Uwettr. Bei eis isches Gottseidank vrbeizoga. I hoff, mer bleibad alle vrschont.

    #12Author Moi Gab (456541) 02 Jul 21, 22:18
    Comment

    So, i han au amòl dò reigfonda. I han grad vorher denkt, vo dene Schwäbla hòsch au scho a Weile nix meh ghert...on nò ersch gmerkt, dass-e mr koi Läsezeicha gsetzt ghett han on dòrom et mitgriegt, wenn ebber ebbes gschrieba hòt....


    Bei ons ischs O˜wedder au ohne greßere Schäda abganga. Beim Jonga isch a Rägarohr vrschdobft gwä on 's Wasser hòt an dr Drepp on em Wohnzimmer a weng reidruckt. Se hen des Rohr abber nò freigmacht on 's hòt keine greßere Schäda geba. Dr Vrmieder war froh, dass se sich selber kimmert hen - bei dem z'Pfullinga isch nemlich dr Keller vollgloffa gwä.

    #13Author Goldammer (428405) 05 Jul 21, 11:43
    Comment

    Ah, 's Vegale war dâ. I hao me scho gwondrat, dass mr solang koin Piepser vo dr ghert hòt. Abbr wahrscheindz gòhts dr wia mir, dass da au nedd viel zom vrzehla hòschd.


    Außer vielleichd, dass e am Samschdich des Weddr gnudzd hao om amòl wiadr wenigschdens a baar Medr zom laufa. I be vo Manolzweiler durch dr Wald ond d' Waiberg Richdong Schnait zom Aussichdspongd Remsdalkino gloffa ond en ra großa Schloif wiadr zrugg. I war dâ no nia ond hao's blooß vom Herasaga kennd. Wia ne dord war, hao ne gmergd, dass e mai Händi em Audo liega lassa hao. So war's nex mid fodografiera. Schad :-(


    Wenn 's Weddr morga ainigermaßa sicher isch, mechd e vo Glems uff dr Rossberg zom Olgafels, Rossfels etc. zom obra Schdausee ond nadierle au wiadr zrugg. ;-)

    #14Author opadeldok (1319435)  05 Jul 21, 20:56
    Comment
    I glaub du moinsch 's Roßfeld. Dr Roßberg isch bei Gönninga on isch nadierlich au schee. Abber dei Ronde ufm Roßfeld isch uf jeden Fall a sehr schene Schdregge.
    Mir machet morga en Ausflug en dr Schwarzwald, nòch Schiltach mit dr ßibblain iebr d' Däler sausa. I vrzehl nò wia's gwä isch.
    Hoffentlich hebt's Wedder, wär fir ons boide et õgschickt,odder?
    #15Author Goldammer (428405) 05 Jul 21, 23:42
    Comment

    Guada Morga, i woiß nedd, ob me dia Wandrkarda (OpenStreetMap) vo de aischlägiche Wandrseida (outdooractive, komoot) âgloga hend. Dâ isch d' Red vom Rossberg midm Rossfeld ond em Rossfels. I glaub dia wellat me vrwirra. Hoffendlich schdand e am End nedd en Gönninga ond 's Audo schdoht no en Glems. ;-)


    Fir 's Weddr hilfd blooß Dauma drugga, vo Weschda soll heit nachmiddag scho dr Rega komma. I glaub no sodd e mein Hendra heit amòl friehr lupfa, dass des was wird. Dui Schdregge isch mit faschd dreiahalb Schdonda âgeah ond Fahrzeid kommd no drzua.


    Eich wensch e viel Schbass bei dr ßibblain, fir mi mid mainr Hehaangschd wär's nex. :-(

    #16Author opadeldok (1319435) 06 Jul 21, 06:59
    Comment

    Deine Karda hen et gloga, sondern i.

    Komisch, i han des bisher et gwißt dass der ganze Hehazug deet au Roßberg hoißt. Sorrie!

    Wennda uf deira Runde an dr Hoha Warte vorbeikommsch, gang au nuf! Dò hòt mr a wonderscheene Aussicht! Oiner vo de schenschde Aussichtspunkt uf dr Reitlenger Alb, dät i saga. Viel Schbass uf jeda Fall!

    #17Author Goldammer (428405) 06 Jul 21, 07:58
    Comment

    I hao allad no idd rausbrochd, was a ßibblain isch. A Drohdsailbââh vo Schduegerd uff Freiburg odr bloss biss zuer Neckarkwelle zSchwenninge ohne dean vrmalledeide Gäelfießlareifluss? Heddedr amohl fier an ôôwissede dranshilaresche onzogar dransisaresche Ballkaahbewohnar an Lenk?

    #18Author manni3 (305129)  06 Jul 21, 13:11
    Comment

    Dem Manni kan geholfen werden, ßibblain. ;-)

    #19Author opadeldok (1319435) 06 Jul 21, 18:12
    Comment

    Des isch ja dolll!!! Des mecht i oo amohl doe 😀


    Obbale, machsch midd? Schwendlfrei brauchschd ja idd sei, Du kasch ja idd raafalle wie bei am ausxedzde Wandrwäeg in de Bäerg, wenns dr dremsleg wäed. Du bisch ja feschd aagschnalled wie in ar Tobsuchzbeddschdadd in dr Bsichiaddrih 🤣

    Ond allad uff de Horrezond luege, nie noch onda - wie uffm Schiff bei am schdarke Säegang!


    Nochdrag: Veleichd geiz ja Tandemsidz! Nocha fahrebr middand ond i due dier sHendle hebe 😇

    #20Author manni3 (305129)  06 Jul 21, 19:06
    Comment

    Oh Manni, dâ kenndeschd mr hendrher zerschd amòl dia Jagg âziah, bei derra mr d' Ärmel henda zammabendat ond dann glei en d' Bsichiaddrih ond zwar en dia gschlossn brenga lao. I be als Kend uff Beam ond Leidra ond älles megliche kledderd, abbr mid ca. elf Jòhr hao ne a aischneidends Erlebnis en ma Schdoibruch ghet, ab dâ war's vorbei.

    #21Author opadeldok (1319435) 06 Jul 21, 20:15
    Comment

    Wirkle schad! Midd dier wäer i gäere gfahre!

    Veleichd machd ja ebbar andrs midd ond du waadesch so lang in de Wierdschaft!

    #22Author manni3 (305129) 06 Jul 21, 20:44
    Comment

    Isch dääd danne joo eja beim Waade inn de Wäadschaffd hällfe duun ...

    :-))


    ... dass missd schliislisch aach gemachd gänn !

    #23Author no me bré (700807) 06 Jul 21, 20:59
    Comment

    Des mid dr Wierdschaft isch fai a klasse Idee. Dâ hao ne au koi Hehaangschd, außer i wär mid 'm Audo onderwegs. Dâ häb i Angschd vo dr Hehe vo de Bromill, bis du vom ßibblaining zruggkomma dädschd. Abbr 's bréle däd wahrscheinlich soford aischreida, wann i Ausfallserscheinonga zoiga däd. ;-)

    #24Author opadeldok (1319435) 06 Jul 21, 21:16
    Comment

    Och, ma dääde waascheindsz sesamme änna drengge unn ma missde joo aach waade, biss de manni ßeregg wäa unn medd dämm aach noch aanschdoose ...


    ... unn danne kännde ma unns änna suuche, däa woo eh Daggsi hadd unn faare känned ...

    #25Author no me bré (700807) 06 Jul 21, 21:46
    Comment

    Daggsi isch en solche Siduadziona nedd des Schlechdaschde. Abbr wo landet mr dann en onsram Dulles? Em Hodell Californiah vo de Iigls (juh cän dschäck aut änytaim juh laik, but you cän never lief) oder em Hodell zur langa Dämmerong vom Hannes Wader? Oddr em Bedd em Kornfeld? Fròga iebr Fròga. An Deifelskrais. ;-)

    #26Author opadeldok (1319435)  06 Jul 21, 22:33
    Comment

    Re Manni #22

    I bin drbai Manni, mit diar uf dr ßipplain, jucheee 😛, bi dera i zwôr oh uf dr Laitung gschdanda bin...so eppas giits dò im Muntafu oh, glôbs, aber dia haßt andrsch, und dia ßipplain döt im Schwarzwald mueß viiiel kuuhler si :-)))🤩

    #27Author karink (659752) 07 Jul 21, 00:13
    Comment

    Semmr scho zue zwaid 😊

    #28Author manni3 (305129) 07 Jul 21, 10:41
    Comment

    Also des isch wirglich a Abenteierle gwä, sauguat!

    's hòt gregnet, abber des hòt ons komischerweis gar-et arg gschdert. Dr Ufschdieg zo de erschde zwoi Iebongsschdregga war sauschdeil on eigentlich des was ons am meischda gschlaucht hòt...mr sen halt nemme ganz jong. ('s Gäbele dät nadierlich nufschbrenga wie nix! Drotz em Alder. Dui isch halt fit wia a Turnschuh!)On nò no dr Aufschdieg zor letschda, lengschda Bãh. Dia ßibblains selber sen dodal schee (vorausgesetzt mr hòt koine Schdoibrucherläbnisse en dr Kindheit em Sischdem romgrummla...). Mr saust ieber dia Walddäla nom mitma schena Fahrtwindle on ra õglaublicha Aussicht of dr Wald, 's Bächle on 's Schdräßle vo oba. Am End wurd mr sanft abbremst. Oiner vo dr Grubbe isch am End z'langsam gwä on a Schdiggle widder zrigg nausgfahra ieber's Däle nei. Den hòt dr Gaid nò von dr Endblattform aus gholt, er isch selber naus on hòt sich on ihn reizoga, des isch zemlich normal, dass des bassiert, hen se gsagt. Kommt ufs Körbergwicht on dr Wind ã, zom Beischbiel.


    Wia isches denn ufm Roßfeld gwä, Opale? Hosch dei Ronde so macha kenna wia blãnt? Hòt's mitm Wedder no glangt?

    #29Author Goldammer (428405)  07 Jul 21, 13:05
    Comment

    I glob, wenn die Aufschdihg so aaschdrengend send, wäed des Abmdeijer äjer nix fier mi. I be gar nemma gued zFueß. Ond mäehr als an Killemeddr mibbm Rad isch a Gfredd! Bsondrs bergauf! I haomr grad eggschdra a Ibaik koofd, weil i de Frihdnsengl onz Maxemilljanäom nauf nemma backd hao ond schiebe mieße hao. Midde Haxe ond em rechde Knie gohz Radle ohne Moddohr nemma so, dass es a Fraid isch 😟

    I wäer hald nocha mibbm Bréle ond em Obbale ind Wierdschafd hocke - des gohd no 😏


    #30Author manni3 (305129)  07 Jul 21, 14:10
    Comment

    Genau, so dädetr's macha.

    Wobei ons dui Gaschdronomie en Schiltach et so arg vom Hogger grissa hòt....mr muaß abber drzu saga, dass es en vrrägneder Dinschdagnòchmiddag gwä isch on mir au dr Eidruck ghett hen, dass velleicht Corona 's oine odder andere Opfer bei de Gaschdronoma gfordert hòt....(grad han-e des no mitra Reschersche beschdädicht gfunda: des tolle Café wo mr am Margdblatz gfonda ghett hen on wo so zua ausgsäha hòt, isch wohl bis letschjòhr a weithin bekannds Schbitzalokal gwä mitra tolla Schwarzwälder....d' Wirde hòt's letschdn Herbscht coronabedingt ufgeba.....)

    #31Author Goldammer (428405) 07 Jul 21, 16:03
    Comment

    I hao's mid'm Weddr guad vrwischt, obwohl 's, wo ne am Zehne losgfahra be, gar nedd guad ausgseah hòt. Dâ send iebr Schduagert scho dia donkle Wolka reizoga. Abbr en Glems war schdrahlendr Sonnaschai. Dr Uffstieg vo Glems aus, vom Parkplatz am ondera Schdausee, zur Ebene beim Olgafelsa war echd hard. Dreihonderdfuffzg Meter Höhaonderschied uff knabbe drei Kilomedr Schdregge. I hao onderwegs bombd wia an Moiakäfer ond gega Schluss faschd älle dreißg Medr âghalda, om dr Puls ond Ademfreggwends a weng ronder zom kriaga. I war scho kurz vor'm uffgeah. Abbr fir's Durchalda be ne oba dann durch dia Aussichda vom Olga- ond de andre Felsa belohnd worra. Ond dr Puls war nach drei Minuda au wiedr onda.


    Dia Ronde war echd schee, viel Wiesa ond viel Wald. Mir send uff deane elf Kilomedr grad amòl drei Leit begegnat. Dr Abschdieg nach Glems iebr dr Grasberg isch nadierlich genauso schdeil wia dr Uffstieg, abbr bei Weidem nedd so âschdrengend. Mi hòt drbei zwar mai lenke Padellasehne a weng zwiggd, abbr des isch scho wiadr weg. Schad, dass des Wandrheim Eninger Weide vom Medich bis Dorschdich gschlossa isch, i wär gern nâghoggd ond hedd a was gessa ond drongga.


    D' Hohe Warte heb e mr uff fir a andere Wandrong. Damid sich's richdig lohnd, will e nadierlich au uff dr Aussichdsturm, ond dâ muaschd jâ dr Schliessl em Gschdiedshof hola.


    Abdait: I hao grad beim uff dr Seide vom Schwäbischa Albverai gläsa, dass mr fir dr Turm koin Schliessl meh brauchd.

    #32Author opadeldok (1319435)  07 Jul 21, 17:07
    Comment

    Schdimmt...desch habbich, der Ãschdieg...

    Wemmir ufm Roßfeld wanderet, machemr's ons meischdens oifach on laufet vom Geschdietshof Sangt Johann aus los, ehba nom....

    #33Author Goldammer (428405)  07 Jul 21, 18:19
    Comment

    Ond i hao in dr SZ grad an Ardickl ibr Aussichztirm im Schwarzwald gläese, midd Bildla drzue. Abr oo alls nix meah fier mi. Ond dr Baumwibflbfad zBad Wildbad wäed oo fiers Obbale nix sei!

    #34Author manni3 (305129) 08 Jul 21, 01:56
    Comment



    Dier kenned so langsam ââfange midd de Voerberaidonga zom Geburtsdaxfeschd 😍


    Ich ziddiere aus der


    Geschichte des Schwobe-Fadens



    Im Baiern-Faden (#0) fing es an.

    Da sich mit der Zeit viele Schwaben darin tummelten, entstand die Idee, unser eigenes Fädele aufzumachen. (Der Baiern-Faden hats übrigens zu keiner Fortsetzung gebracht - ohne uns *hihi*)

    Mit der Zeit wurde aus dem Fädele ein richtiger Schbage (Spagat - "Schnur", s. Vokabularsammlung) mit einem großen Einzugsgebiet. Manchmal haben wir sogar Besuch aus Amerika!!


    Die ersten Schreiber, sozusagen die Gründergeneration:


    04 Jul 08 13:26 Selima

    04 Jul 08 19:41 manni3

    04 Jul 08 20:21 candice

    04 Jul 08 20:41 bluesky

    09 Jul 08 11:50 Umzug in den 'Allgai-Oschdschwobe-Schbagaat' :-))

    11 Jul 08 10:39 twocents

    11 Aug 08 01:22 Snowflake

    11 Aug 08 06:42 Goldammer

    06 Sep 08 08:35 neutrino

    17 Sep 08 23:46 SD3

    29 Dec 08 23:07 Moi Gab




    Fier Nochforschonga im Archihf:



     0   1   2 3 4 5 6 7 8 9

    10111213141516171819

    20212223242526272829

    30313233343536373839

    40414243444546474849

    50515253545556575859

    60616263646566676869

    70717273747576777879

    80818283848586878889

    909192939495969798 99 


    100101102103104105106107108109

    110  111  112  113  114  115  116  117  118  119  

    120121122123124125126127128129

    130131132133134135136137138139

    140141142143144145146147148149

    150151152153154155156157158159

    160161162163164165166167168169

    170171172173174175176177178179

    180181182183184185186187188189

    190191192193194195196197198199


    200


    #35Author manni3 (305129)  08 Jul 21, 09:34
    Comment

    Ussm Nullarfade:


    OT Sollebr iets aingtlich an Schwoba-in-Baiern-Fade druss mache - odr wo bleibet die Baire... ?

    #24   Verfasser   manni3 (305129)   06 Jul. 08, 01:09



    Kommentar   

    Noi. liabrsch ned. Sonscht hängas mear d'Schluab ra.

    #25   Verfasser   Selima (107)   06 Jul. 08, 01:23


    #36Author manni3 (305129)  08 Jul 21, 09:58
    Comment

    I hao grad den Nullrfada glesa ond moin, uff Grond vo dr manglnda Bedeiligong vo Boira, dass dia âschainend nedd so dialeggdaffin send wia mir. Ond wenn dr dann au no vo ra schdrainenda Katz en ma overschämda Ton niwoloses Vrhalda vorwerfa lao muaschd, nâ isch fei letz.


    Dr Baumwibflbfad dät mr iebrigends nex ausmacha. Sobald wo a Glender drâ isch, hao ne kone Brobleme drmit ond kâ en dia diafschde Abgrend nagugga. Au iebr a schauglnde Hängebrigg kennde laufa.


    Abroboh Gländer, d' Schuagerder Dixieländ All Schdars hend fir "Ice Cream" an schwäbischa Teggschd ghet ond dâ hoißt's:


    Ond au em Wender

    schlotzat dia Kender

    des Eis vom Glender

    des koschd nix ond isch viel gsender.


    Wo fendat des morgige rauschende Geburdsdagsfeschd schdadd ond ondr welche Bedingonga? Masggabflichd, blooß GGG? Geit's an Dresskohd oddr hoißt's "Kamm äss juh ahr"? ;-)






    #37Author opadeldok (1319435) 08 Jul 21, 12:05
    Comment

    Abbrebooh Eis vom Glendr:


    Zue mier als kloina Bue hadd amohl in am saukalde Wenddr midd vihl Raureif a eldra Kerle voerem Kraomarlade bei dr Schdang zom Rossââbende xed: Wennd des Eis ààschläeckesch, kasch Dschechesch. On i Debb hao nocha dZonge schier nemma weckbrochd ond hao dazächle a baar Däg zemle vihl sch in meir Ausschbroch kedd 😢

    #38Author manni3 (305129)  08 Jul 21, 12:24
    Comment

    Dann reih i mi gladd en dia (Debba)reihe ei. I glaob, den Teschd hend mr älle amòl durchgmachd. Abbr a reachdr Debb isch der, wo's a zwoids Mòl machd.

    A baar Bildla vo mainr Wandrong uff dr Rossberg hedd em Âgebod: Rossfeldimbressiona.


    Bild Ois:Dia zwoi Schâf em Vordrgrond hend kurz vorher no (i war abbr nedd schnell gnuag)

    Bild Zwoi: uff em Olgafelsa knabb vorm Abgrond an Händl mid de Schädl austraga.

    Bild Drui: Blick vom Greana Fels uff Glems, dr ondereSchdausee ond em Hendrgrond d' Achalm.

    Bild Fembf: A bsondre Ard vo Laubsägearbeid.

     

    #39Author opadeldok (1319435) 08 Jul 21, 14:11
    Comment

    No ebbes ganz anders:

    An dr Uni in Hohaheim hen se a Titanwurz - de graischt Blum der Wält. Dui blieht bloß äll baar Jòhr on bloß fir oin odder zwoi Däg. On während dr Bliede schdenkt se wia Zau.

    Ganz ohne Geruchsbeläschdigong kennet'r se im Laifschdrihm ãgugga.

    https://gaerten.uni-hohenheim.de/

    (Dò fendet'r dr Link zom Laifschdrihm)


    Dia Bildla vom Roßfeld guggemr glei ã.

    Dass mir Geburzdag hen isch mir gar-et bewusst gwä! Meine Giede, semmir alde Säck on Schachtla worra!

    (Mit Ausnahm vom Fleggle des wo leider nemme so em Leo romschneit heizdag...i woiß no wia se sich amòl mit ihre Eldra so hòt romschdreida miaßa dass se mit siebzehne scho mitm Zug zo irgendwelche Leo-Iwent hòt fahra dirfa, on wo se's Abbi gmacht hòt on so...)


    (D' Edith moint, des wäret arg schene Bildla! On se dät sich a weng wondra ieber d' Nommer drei, wo doch am Greana Fels koi Glender drã isch, wia 's Opale des so schee hòt foddografiera kenna!)

    #40Author Goldammer (428405)  08 Jul 21, 14:39
    Comment

    Scheane Bildla hasch gmached, Obbale!

    Die Laubsäegearbad isch ja groeßardeg. Sogar an an Abschdellbladz fier dBierfläsche rechdrhand hanze denkd!

    S isch scho räechd felseg do doba. Des heddi gar idd denkd.


    I kenn d'Alb aingdle gar idd. I be bloss amohl noch dr Donauvrsickrong uffd Heuneburg naufkomme. Des obre Donaudahl isch a wondrbare Gegnd! I be doddahl ibrraschd gwe, wie kloi dr Fluss sei kaa ond wie felseg dZeidewend vom Dahl, weil i dDonau bis dedd nââ aingdle bloss vo däer Broohdwuschdwierdschafd an dr Schdoinrne Brugg zRegngschburg kennd hao ond vom Kloeschdr Weldeburg midd deam guede Bier ond de Hoechwassrmarkieronga in a baar Meddr Häeche. Do isch oo felseg!! !


    Z Menke geiz oo a so a Titanwurz. Die haoni oo bloss uff de Bildla ââglueged. Do hanze oo uff ar Dafl a Beschreibong kedd. I haos in dr Zeidong idd gnau läese kenne, abr i glob s häb kaiße, dass eddimologesch xäeche dr Name Titanwurz a Eifemissmus fier Riesefuuz sei.


    Vom Fleckle waiß i noo, dasse lang a Moddohrad xuechd hadd, bei deam wo dr Sidz niehdreg gnue fier sui gsi isch. I waiß abr idd, obse ois gfonde hadd! Irgnd a Jabbahnar sodd scho ois kedd hao. Die send ja oo idd so groeß.


    #41Author manni3 (305129)  08 Jul 21, 15:13
    Comment

    I be grad a bissle am Schdebre gwe ond hao glueged, wäe im allarärschde Schbägele scho amohl reiglueged kedd hadd. Manke send efdr komme ond manke bloss oi-zwaimohl.



    Ond bsondrs schea:

    scho im allaräersche Schbägele hadd ebbar aagfange midd *hihi*hibblele ... :

    He, do sott môl ebber an nuia Fada macha - aber I edda!

    #279   Verfasser Goldammer (428405)   21 Aug. 08, 12:07


    #42Author manni3 (305129)  08 Jul 21, 16:00
    Comment

    Jâ, Manni, schdoinig ond felsig isch's uff dr Alb scho (Viel Schdeine gab's ond wenich Brot). Des hao ne bei mainr Dochdr em Gardà gmergd, wo ne ihra gholfa hao d' Beet zum schora. Dâ bischd bei jedem Schbadaschdich uff a Hendrnis gschdoßa, 's warad abbr emmer blooß Schdoiner ond nia a vrgrabns Schadskäschdle.


    Vegale, beim Olgafelsa, beim Rossfelsa ond beim Wiesfelsa hedd i mi au nedd so weit vorwagd, abbr dr Greane Felsa isch dr oinzge wo a Glender ond sogar a Sitzbank hòt. Bei freie Felsa gang i hechschdens uff an schdarga halba Medr an dr Abgrond nâ. Me Nervakidzl bezieglich Hehe brauch e nedd.


    Drfier hao ne koi Broblem drmit mi en ra Hehle (zom Beischbiel d' Guschdav-Jakob-Hehle bei Grabaschdedda) durch an Schluf mid vierzich Zentimedr Durchmesser durch zom zwenga. Oi Fobie raichd jâ au. ;-)


    I hao gar nedd gwissd, dass se en Hohaheim au a Titanwurz hend. I kenn blooß dia en dr Wilhelma. Abbr dr Park vom Schloss Hohaheim isch oiner vo maine Lieblingsblädz ond zwar zu jeder Jâhreszeit. I ärger me blooß driebr, dass se seid ledschd Jòhr dâ oba iebrall dia Parkblädz gebiehrabflichdich, sogar am Wochaende, gmachd hend.

    #43Author opadeldok (1319435)  08 Jul 21, 16:12
    Comment

    Schdemmt, der Park in Hohaheim isch wirglich a wonderscheener Blatz! On fir meine botanische Schweschdra no drzunã a bsonders Eldorado fir alle megliche schbannende Gewägse!


    Endressant, dass du d' Guschdav Jakob Hehle erwehnsch...i han normal koine Brobleme mit Hehlana. I ben au en dr Falkenschdeiner schoml bis zom Siffõ dren gwä.

    Abber dui Guschdav Jakob, dui hòt me an mei Grenze bròcht selletsmòl wo i dren gwä ben.

    Des isch gwä wo meine Buba no gloi gwä sen, on dò hen se amòl beim Reitlinger Feriabrogramm ama Begang vo dera Hehle mitgmacht. Eldern waret au willkomma. I ben de oizig gwä wo mit isch.

    's isch au älles gut ganga, bis - des hen se ons henderher vrzehlt - oiner vo dene Buba wo drbei gwä sen (koiner vo meine!) am Ausgang a mords Theader gmacht hòt, weil wo se widder ens Helle komma sen, hòt's dò em Ausgangsbereich au Schbenna ghett - nix bsonders oder riesichs oder so, noi, ganz normale gloine Schbenna! On der hòt sich et vorbeidraut on hòt sich gweigret, au bloß oin Schritt weider zom ganga (beim Eigang hòt-r dia vrmutlich oifach iebersäha ghett!) On mir älle wo weider dren gwä sen hen halt bloß mitgriegt dass es nemme vorwärts gòht, ohne a Ahnong worom. I ben anra richdich enga Schdell gwä, on obwohl-e gwißt han dass nix bassiera kã on dass es bloß a glois Weile daura wird bis-e widder naus kã hòt me a ganz irratzjonale Angscht on Beglemmong packt on i han me richdich zsemanemma on ganz bewusst ruich on langsam atma miaßa, damit e et durchdreht han....also dui Hehle brauch-e glaub i net noml....


    No a schbròchliche Nòchfròg en die Runde:

    Wer vo eich kennt "schora"? Des han-e scho lang nemme ghert ghett on s' hòt me an mei Mudder erinnert, die hòt des gsagt.


    (Dòhanna wird's grad richdich finschder, i glaub mr grieget dr nägschde Räga. Hoffentlich durts heit Òbend wemmer ens Pergolabettle ganget et gar so wild....wenn's et windet, macht's et viel, abber wenn's je schdirmt kã's õgemietlich werra....)


    #44Author Goldammer (428405)  08 Jul 21, 18:23
    Comment

    "schora" kenn i idd, abr des hasch scho amohl gfroged kedd am 17 Jan. 20, 11:17 related discussion: --196--Alemanneschwobeschbage--196-- - #84

    #45Author manni3 (305129)  08 Jul 21, 18:35
    Comment

    Ach jegerle...mei lechrichs Hirn isch scho a Ärgernis manchmòl!

    *nòchgugg*

    #46Author Goldammer (428405) 08 Jul 21, 18:36
    Comment

    Wex de lechrege Hiere hammr ja des Wäedrbuech 🧐

    #47Author manni3 (305129) 08 Jul 21, 18:38
    Comment

    Abbrobboo Hiere

    Bei eis geiz a Werb "hiere" (behindern, im Weg stehen): "Due dean Schduehl weck - däe hiered mi beim Mobbe."


    Nochm Middaagäeße hadd mr mei Muedder de Aufdrag geah: Scheifele, Dischkehrar, Mobb!!

    Dued no ebbar mobbe? I idd! I Hao gar koin.

    #48Author manni3 (305129)  08 Jul 21, 18:41
    Comment

    I han seit a baar Jòhr widder oin, nach langer Zeit ohne.

    A subber guat's Sischdem womr dr Mobb direkt am Schdiel mittls Zentrifugalgraft em Oimer auswenda kã , genau so schdarg wia mr will, so dass mr nass odder bloß feicht mobba kã on außerdem erschdens koin Lomba maih vo Hand auswenda muaß, on zwoidens sich et bugga muaß, zom dr Lomba om dr Schrubber romwiggla.


    #49Author Goldammer (428405) 08 Jul 21, 18:51
    Comment

    Ui, Vegale, des kâ ne nâvollziah. En so ra Siduadzioh, wo nedd mòl woischd was los isch, wär's mir dâ drenna au nemme wohl gwea. Fir mi war mai, enzwischa jâ hinlänglich bekannds Broblem, nâch'm rauskomma aus dr Hehle eggsischdend, wo ne nach dem kurza Pfad vor derra Betonmauer mit dr acht Medr hoha senkrechta Loidr gschanda be. I hao's brobierd, abbr me als drei Medr gòht nedd, nâ bloggier e dodal ond kâ dia ledschd Schbrosse dia ne âglangd hao, schier nemme loslassa, weil e 's Gfiehl hab, dass 's mi nach henda wegziagt. Schee bled, gell?


    Hiere em Sinn vo behindra kenn i nedd. Ond an Mobb hao ne au nedd. Außerdem be i schdriggd gega jeglichs mobbing. Ond a Scheifale isch mr am liabschda mit ma guada Kraud ond ma Grombiarabrei. ;-)

    #50Author opadeldok (1319435)  08 Jul 21, 19:20
    Comment
    Aus der Tatsache dass du et heit no als Geribbe an dera Loider am Hehlaausgang hengsch, sondern ganz munder dòhenna schreibsch, schließ i messerscharf, dass du doch irgendwie widder deet nuf komma sei muasch....odder bisch durch d' Hehle zrigg?
    #51Author Goldammer (428405) 08 Jul 21, 19:51
    Comment

    I schreib d #48 nomohl deidlecher als


    Omfrog


    Bei eis geiz a Werb "hiere" (behindern, im Weg stehen): "Due dean Schduehl weck - däe hiered mi beim Mobbe."


    Wäe vo ui kennd des oo noo soo?


    #52Author manni3 (305129) 09 Jul 21, 02:06
    Comment
    I net. I dät dò hindera saga. Scheints isch bei eich des nd irgendwo uf dr Schdregge blieba.
    #53Author Goldammer (428405) 09 Jul 21, 07:47
    Comment

    I oo idd.


    I drengk grad an Egschdra-Kaffee aufs Fädale. Soddmr aaschdoaßa?

    #54Author Selima (107)  09 Jul 21, 08:16
    Comment

    Ja - Maisle: klinnnnggg ...


    ad multos annos, wie mier Laddeinar zom sage bfläeged 🧐



    Emmrle, des nd hammr wecklao, weil mier allad mibbm Hiere drââschdoeßed - auaa! - wenn eis ebbs hierd 😉

    #55Author manni3 (305129)  09 Jul 21, 11:24
    Comment

    ädd Atlas zur deutschen Alltagssprache


    I hao em Elspaß a I-Mehl gschrihbe, dass die grafesche Darschdellonga so ôôscharf sen, dass i die Simbohl schlächd ondrschaide kââ.

    Ond dass i außrdeam s alfabedesch Woedregischdr vermiss, des wos scho amohl geah hadd.

    Äer hadd freindlech gandwoerde ond gmoind, dasse am Âfang voer zwanzg Johr idd sovihl Gäeld kedd häbed ond dass o dKombjudar z langsam gwe seied, was zue eweg lange enervierende Ladezeida geführt gfiehrd hedd), abr dasse seid dr elfde Ronde d Karda in ar häechre Auflesong hand. Äer hadd oo om a Rickmeldong bäede ond i haonem begaischdred zruckgmehld!!


    S alfabedesch Woedregischdr häbeze grad nui eigrichd abr a bissle vrschdeckd:

    Ondr Thematisches Register

          ->   Suchregister


    --------------------------------


    In dr zwelfde Ronde gohts in 2f om Spreißel, Schiefer etc.

    Bei eis haißd des im Dialeckt Kleischbe.


    Grimms Buebe hand des oo

    1

    kleisper, m. splitter u. ä., mit nebenformen kleispe, kleiste.

    1) kleisper, splitter: es wil ie einer dem anderen ein kleiszber aus dem auge ziehen und hat selbs einen balken drinnen. S. Frank sprichw. 2, 20a. noch schwäb. kleisper m., splitter den man sich ins fleisch gestoszen hat Schmid 316, in Nördlingen kleisper und klisper holzsplitter, spreiszel Schm. 2, 364, südfränk. klisper Reinwald 2, 72.

    ...

    b) auch die bed. beider wird denselben ausgangspunkt haben, in einem worte etwa mit der bed. sich splittern, reiszen; das adj. wäre eig. leicht splitternd, brechend, wie etwa ein 'blöder faden'



    Noml a Omfrog: Kenned dier des oo?



    #56Author manni3 (305129)  09 Jul 21, 11:45
    Comment

    I erheb au mai Kaffeele uff dr Fadageburdsdag. Ond au uff Eich Grindongsmitglieder, dia emmer no drbei send ond mir durch eier Durchhaldevrmega main schbäda Aischdieg erschd ermeglichd hend.


    Vegale, 's gòht hald nix iebr dai messerscharfe weibliche Logigg. :-)


    Mir warad vier Leit. Zwoi Kollegina ond dr Fraind vo dr oina, der au dr Inidziadohr vo dem Abendeier war. Sei Fraindin hòt scho bei dem schmala Eigang zur Hehle Panik kriagd ond vrweigerd. Main Âgebod, dass i bei seiner Fraindin bleib ond er mid dr andra durch d' Hehle gòht, hòt'r nedd âgnomma. Also send blooß mai andre Kollgin ond i durch d'Hehle ond dia zwoi hend an dr besagda Loidr uff ons gwardad. Nâchdem i dia Loidr nedd hochgschaffd hao, abbr wenigschdens wiadr nonder, send dia zwoi oba wiadr zur Ruine Hofa zrugg ond mir zwoi, mangels ma andra Weg, querwaldein am Hang entlang zom Hehlaaigang ond dann zur Ruine. Ond deshalb häng i nedd als Knochakarle an dr Loidr. ;-)


    I hao vorher no nâch Bilder vo dr Loidr gsuachmaschiend ond hao feschdgeschdelld, dass an dr Loidr en dr Zwischazeid an rengfermigr Käfig âbrâchd worra isch. Wenn der damòls scho drâ gwea wär, hädd e me wahrscheinlich draud.




    #57Author opadeldok (1319435) 09 Jul 21, 12:06
    Comment

    Manne, bei oos hoißt des Schbelba odr Gleischbr. Da Schbelba haune meglichrweise vom a SchreinAr aus de Weschdliche Weldr aufgschnabbt. Abr Schbreißl ond Schiefr kenne oo.

    #58Author Selima (107) 09 Jul 21, 13:23
    Comment

    Obbale ädd mir durch eier Durchhaldevrmega main schbäda Aischdieg erschd ermeglichd hend.

    Lang gnue hasch ja brauchd, Kerle! Abr mier hand gäere uff di gwaaded 😉


    Maisle, Schbelbe kenn i idd. Abr die Weschdleche Weldr send ja  oo  au zemle weid im Ondrland donda 😏

    #59Author manni3 (305129)  09 Jul 21, 13:58
    Comment

    Also bei ons hoißt des am am heifigschda Schbreißl. I hao abbr au scho, seltener Schbreißr ghert. Ganz arg selta hòt au scho amòl jemand Kleischbr gsait, der war abbr sicher nedd urschbringlich aus'm middlara Neggrraum.


    I hao grad nâch "Schbelba" gsuachmaschiend ond wa dengkad'r wa ne als erschda Dreffr âzaigd griagd hao?

    Genau, an Verweis uff LEO --165--Alemanneschwäbeschs Schnierle--165-- ! Dia Beiträg 135 ff beschäfdigad sich midm Manni saim Kleischba em großa Zeah (mid iebrlebensgroßr foddografischr Darschdellong). ;-)


    #60Author opadeldok (1319435)  09 Jul 21, 15:32
    Comment

    So, jetz honne gwieß a Schdund braucht, bisse älls, wia sich's’ghert, nôchglässa ghett honn. Uffa! Ware scho so lang nimme dohinna? Vrruggd, wia dZit vrgôht. Mir honn am Mändig da Lothar begraba, grad schee wars, wenne des so saga derf. Jetz schdoht a Bildle vonnem bei mir aufem Schreibdisch. Mei, wa honne den Kerle mega und i bin id dia oinzig. Sottige sotts meh gäa auf da Welt. Bai ße wei Manni, oiner vo Lothars Buaba forschd ada Minkner Uni. Womeeglich kennschan? S’ischen scheena und gscheita Bua.


    Und no hommer auno Geburzdag! Dô binne grad froh, dasse des id vrbassd honn. Bonn anniwärsähr Schbätzlesfada! Häbbi bin, dasses de git. Häbbi bin, dasse eich Schwäbla honn kennalerna dirfa.

     

    Re Omfrog "hiere": I sieh des i dem Fall wias Vegale: Dua den Schduahl weg, der hinderradme beim Mobba. Asonschda kenne hiera als hirna.

    und Re Omfrog "Kleischbe“: Des kenni idda.

     

    Vegale, des mit derra Tyrolijänn zSchiltdach isch jô indressant. Isch des nei? I kenn Schiltach scho, do honne frianer immr Bsuach aus Gallia nahgfiahrt, wells so a netts Schdättle isch. Aber dia Tyrolijänn honne no noita kennt. Asso, i giengt au mit und dät mit eich fahra wella. Manni, sKarinkale und i dädade den Buggl naufdraga, wennda witt. Zua zwoit schaffa mir des, jäss wi känn!

     

    Und, wa Baumwibflpfäd agoht, wär derdo https://www.skywalk-allgaeu.de/ idamôle äbbes fr a Schwäbledreffa? (Jetz, wos mi da Gardaschau zIbrlinga wäga Corona nix worra isch.) Des dät doch sche zentral liega.

     

    #61Author Moi Gab (456541)  09 Jul 21, 15:48
    Comment

    Gäbele, an dr Menknar Uni kenn i koin scheena und gscheita Bua. Schö dirä mäm plü, an dr Menknar Uni kenn i ibrhaubz koin Bua - abr i kenn a scheena und gscheita Fehl - di Kenigin in iehrem Fach, bassndarweis glei oms Egg vo dr Keniginschdroß 😘

    #62Author manni3 (305129)  09 Jul 21, 22:48
    Comment

    Servus Schbätzla! I winsch eich an wundrschena Dag.


    sGäbale isch grad a wengle narred – I honn an ganza Roman gschrieba ghett, bin auf a falsche Taschda komma und bumms, älls weg! Außerdem hemmer die blede Schnegga mei ganzes Margrittle, womer mei Dechdarle geschengkd ghett hott, abgfrässa. Alle weiße Bliatablättla sin weg. Sin bloß no die gäale Herzla und da Schneggarotz ibrig. I ka nix, abr au garnix dussa lau – koiné Bliamla, koiné Kichagreitr im Hochregal – älls fressadze ab. Isch da Reschd vom Garda id guadgnua fr dia Blôggoischdr?


    Egal, nocher gemmar wiedr naus wanderra. Heit laufemer in dr Näh vo Obrschdaufa. Sletzschmôl waremer im Tobel bei Hittisau. Kennader des au? Schee isches det.

    Häff a naiß Deile! Siii ju J

    #63Author Moi Gab (456541)  10 Jul 21, 11:57
    Comment

    I wensch ui an scheane Daag - ond gex dein Zoere haoni glei amohl ebbs ondrnomme 🧐

    #64Author manni3 (305129) 10 Jul 21, 13:06
    Comment

    Scheißdreggle!!!

    I han dr Geburzdag vrpasst! Ben-i bled!

    Nòchdräglich frai i me nadierlich genauso wia älle andere dass-es onser Fädale gibt on dass des die langläbiche guade on fraindschaftliche Vrbindong zwischa uns gnipft, die wo sonsch nie em Läba zschdand komma wär.


    I kenn dr Schbreißl au als Schbreißl. Kleischba han-e velleicht schoml ghert...abber i han inzwischa so viel rom un nom ieberlegt, dass es au sei kennt, dass i mir des eibild.


    In die zwelfde Runde vom Atlas mua-n-e au bald neigugga! I han gmoint ghett, i hett me mòl en Imählwegger odder so eidraga, wo se oim saget, wenn's a nuie Runde gibt - des fongzjoniert abber scheints et.


    Gäbele, i moin dui Ãlag en Schiltach gibt's seit 2007 odder so...i moin dr Gaid häb so ebbes erwehnt.


    Wega de Schnegga: dia sen desjòhr oifach ganz glicklich mit dem nassa Sommer, Gäbele! I reduzier grad d' Populazjoh merklich, indem e bald jeden Òbend om d' Demmerong rom mit ma Eimerle on ma Gumminhandschuh a Ronde im Garda lauf on älle eisamml wo onderwägs sen, mit on ohne Heisla. I drag se nò zora Heck mitma Wiesagietle drhender en dr Nähe on kibb se deet nã. Dò ganget se nò lieber nei als zo mir zrugg. Dia wandret eh et õnaidich rom, also i fend des mergt mr wirglich, dass-es wenicher werret. Mr muaß des nadierlich scho laufend macha, sonsch wandret se en des bevelgerongsarme Gebiet scho vo außa nòch ond nòch widder ei.

    #65Author Goldammer (428405)  10 Jul 21, 15:35
    Comment

    Emmrle, brauchsch de id grehme wex em Geburzdag: Dei bersehnlecha Fädelesgeburzdag isch soweso äeschd am 11 Aug 08 06:42 - guggsch #35. Hasch also no gnue Zeid, dassd dr a scheane Ibrraschong fier eis andre ausdenkschd! I gfrai mi scho druff 🤩

    #66Author manni3 (305129) 10 Jul 21, 16:29
    Comment

    Hihi, Obale, scheanr Fond. 'S wiedrholtse halt allz ;-)

    Ond zwengschd benne konsischdent mit emine Aißronga *g*

    #67Author Selima (107) 10 Jul 21, 16:30
    Comment

    Konsischdend, sogar mibbm Schreinar :-)


    Dankdr schea fier dean Fond, Obbale! An dean Kleischbe kani mi scho no erinnre, bloss dass i ui des als Foddogschichd verzelld hao, haoni nemma gwissd. Ond dass des scho so lang häe isch, oo idd!

    #68Author manni3 (305129)  10 Jul 21, 17:08
    Comment

    Wa Manni, da Fädelesgeburzdag isch äeschd am 11 Aug 08 06:42 ? I glaub i bin bled, dasse des id gschnallt honn. Abr macht nix, feijerramer am 11. Auguschd halt nommel. Wär sauliab, wennda dôdafiar an Hibblkwozient setza kenndasch, dasse des id vrbass.

    Miad bin, bald dSchdiaga nauf ins Neschd gang.

    Bisuuuuuhs!

    #69Author Moi Gab (456541) 10 Jul 21, 21:08
    Comment

    Dr manni moint weil i ersch am 11. Auguscht es Fädale gfonda han.

    Dei indiwidueller Fädelesgeburzdag wär nòch dem Sischdem sogar ersch am 29. Dezember!


    I han grad a weng en dem alda Fädale romgläsa mitm manni seim Schbreißl. Desch wirglich nett gwä! On em Botzichle isches no richdich guat ganga....

    #70Author Goldammer (428405) 10 Jul 21, 21:17
    Comment

    Ond heid hadz DuSenzle sein indiwiduelle Fädelesgeburzdag. Dean feireze scheinz ganz inzgeheim 🙁

    #71Author manni3 (305129) 11 Jul 21, 08:40
    Comment

    Noml zom/zuer Kleischbe: I schehm mi ja heid no fier mei falsche Manni-Edemollegi  Kleinspan  😓

    Des kaa ja gar idd vo klein komme, weil Kleischbe koi nasahls ei hadd wies es hao mihßd, wenns vo klein kehm. Ond ibrhaubz wärs nocha a Klõĩschbãh

    #72Author manni3 (305129)  11 Jul 21, 09:39
    Comment

    Aalso, mein persenlecha Fadagebursdaag hett-e etzt scheigaar iebrsäa.

    Danngschea, Manni, frs Erennra!


    I hau me iebrigenz eggschdrig zweggs am Schwaubafaada beim Leo âagmeldat. 'S isch also au mei LEO-Geburdsdaag.


    Dr Schbreißl hoißba bei ôns Kleischba. Des han-e au grad em Fraugebooga em Schbrauchaddlass so êidraaga.


    Ônd etzt gang-e Breschdlengsgsälz kocha.

    #73Author twocents (460778)  11 Jul 21, 10:40
    Comment

    re #70: Vegale, i sags doch, i bin bled. 😉 und i honn au i dem alda Fädale rumgläasa. S'war schee, wo ammel no sPotzigle dabei war. I bimmer sichr, dassr allno bei eis mitliest. Moinsch id au?


    Senzle aka FaF, deine Gselzer sin fandaschdisch. Zämma, middem Densgs seim Zopf: u h i b r d r e f f l i c h !! S'lauft mer grad sWassr im Mund zämma (faschd hette Maul gschrieba, abr bloß faschd).


    Mir lenns heit langsam ahganga, nôchdem sich da Schose geschd a wengle zfeschd ahschdrenga hot miassa bei derra "keinebesonderenAnstrengungenerforderlich" Wanderung. Mr henns Auto am hegschda Punkt vo dem Parkuur abgschdellt ghett und des war a wengle Scheiße, zom Schluss niommel da Berg naufgräbsla zmiassa. Ma lernt nia aus.


    Luaged ihr heit aus sEndschbiel a? DEngkala indressiearz, no muene des wohl odr iblich au, gell.





    #74Author Moi Gab (456541)  11 Jul 21, 11:00
    Comment

    ädd Endschbihl: s raichd, wenn de hendrhäe in de Nachrichda häersch, wäe gwonne hadd ;-)

    #75Author manni3 (305129) 11 Jul 21, 11:48
    Comment

    Mir guggez scho ã.

    On wer gwonna hòt hersch wahrscheinz wennda nòch Schbielende a weng naushorchsch, dò brauchsch gar koine Nòchrichda...je nachdem obs hubet oder et, woisch wer gwonna hòt.

    #76Author Goldammer (428405)  11 Jul 21, 12:26
    Comment

    Wiane heid endr Friah aufgwacht ben, haune dengkt, daßd'EngländAr gwonna hand, ball nix zom heara gwea isch, geschd Aubnd/Nacht - oo id von de idaljenische Nauchbra a baar Haisr d'Schdroß nauf, die oo ihra Haus beflaggd hand. Abr hernachd ischmr eigfalla, daß dia ja erschd heid schbilat.

    #77Author Selima (107)  11 Jul 21, 12:32
    Comment

    Sinner au fr dia wo i bin ?

    #78Author Moi Gab (456541) 11 Jul 21, 16:15
    Comment

    Gäbele, wenn da fir dia gleiche bisch wian i, jâ. ;-)


    I be uff jden Fall fir dia, dia wo em Allgemaina wenigr Gwichd uff dia Hohe Kunschd des Schauspiels uff'm Fußballfeld legad.

    #79Author opadeldok (1319435) 11 Jul 21, 18:35
    Comment
    Mr kã vom Pergolabettle aus ganz deitlich hera wer gwonna hòt....
    #80Author Goldammer (428405) 12 Jul 21, 00:47
    Comment

    Entwedr hauna subbrguad gschlofa odr osre idaljenische Nauchbra send subbr riggsichtsvoll gwea. I gonns eahne. Abr de EnglendAr häddes oo gonnt.

    #81Author Selima (107) 12 Jul 21, 06:55
    Comment

    Also, bei eis am See wars ganz ruig. Ma hett grad moina kenne, dInsulaner heijed gwonna. Dabei hedde so gern "Viva Italia" in dNacht naus schreija wella.


    Mir isch kalt. Honn ganz frech mei kurze Hosa azoga. I glaub, des war a wengle zu obdimischdisch.

    #82Author Moi Gab (456541) 13 Jul 21, 14:16
    Comment

    Gäbale, hosch geschd an Heggr ghett? I bee geschd bei Dir vorbeigfahra (alzo wahrscheintz ned direggd, abr gneach) und hau ande dengkt.

    #83Author Selima (107) 13 Jul 21, 14:19
    Comment

    Amoisle, id dät de so gern môl wiedr säha wella. Miar Schwäbla soddet uns echt baldamole wiedr dräffa vormer uns nemma kennad - soferns da Kowid erlaubd . Kennme faschd scho selbr nimme im Schbia(gl. Wo bischen nagfahra? Rum oder num (hoimzuas odr weg)?


    I bin grad a scho wiedr a wengle narred - i honn a wichdige Dadei auf meim ägstärna Laufwerk gschroddet. I kenntme ins Fiedla beißa. Hrrgttzck abr au. Märd, fä schjee (i sag etz abr id wa des hoißt)

    #84Author Moi Gab (456541)  13 Jul 21, 14:32
    Comment

    Rom ond nom - bis hendrn Sää - dienschdlich middara Kollegin.

    #85Author Selima (107) 13 Jul 21, 14:57
    Comment

    Assoo :-)

    Da Schose und i wared geschd au in derra Richdung untrwäags. Wenner vrbeikomma wärad, wäramer iddamol dahoim gwäa.

    #86Author Moi Gab (456541) 13 Jul 21, 15:07
    Comment

    Nochd hosch nadierlech gar koin Heggr griaga kenna ;-)

    #87Author Selima (107) 13 Jul 21, 15:10
    Comment

    Hanoi 🙂

    #88Author Moi Gab (456541) 13 Jul 21, 16:33
    Comment

    Zôm Hanoi gang-e etzt essa.



    Gäbale, Püttah! (I hau Frentsch auffm Buhlbladdz "glernt". Naucham Jahur hett-e richdig guat schembfa kenna, abr it meah. Dann ben-e zôm Âhschdiddüüh Frôßäh ganga und hau da Reschd glernt. Okee, a klois Bissale vom Reschd.)

    #89Author twocents (460778) 13 Jul 21, 17:04
    Comment

    Ha wa'sch nâ des, hend mr a neie Forischdin au s Viednam? ;-)


    Schdichword Hittisau. I glaob dâ be i amòl vor fuffzg Jòhr durchgfahra, wo'ne mid a baar Kumbl a langs Wochaend en Balderschwang verbrâchd hao. Ansonschda war e mid meim Verai friehr lange Jóhr beim Skifahra en Schnepfegg, dia Alpinler send zom Skifahra zom Hirschberg ond i hao d' Loipa em Dal rond om Schnepfau osichr gmachd.


    Ond uff'm Pfänder war e anno '69 midm Fahrrad (Dreigangrädr). Mir warad zu vierd zelda en Allensbach ond oiner vo maine Kumbl ond i hend schbondan beschlossa, dass mr mid de Rädr nâ Züri fahra kenndat. Wo mr faschd en Frauafeld gwea send, hend mr omdischbonierd ond send abboga nach Bregenz. Iebrnachded en dr Juhe ond send mid dr erschda Gondl morgens mid de Räder nuff uff dr Pfänder ond dord mid ma sonnabeschienana Alpapanorama ond klarer Sichd beim Friehschdigga belohnd worra. D' Abfahrd henda na war a Höllaridd, weil mei Bremsnab so hoiß worra isch, dass sich's Fedd vrflissigd hòt. I war gottfroh wo mr, i glaob bei Fronhofa, widr uff ra ebana Schdregga warad. Vo Meersburg hend mr dann d' Fähre gnomma ond warad âbeds wiadr am Zeldpladz. Des war mid sechzeah mai erschder Urlaub ohne maine Eldra, wahrscheinlich kâ ne me deswega no an soviele Ainzlhaida erinnra.


    I mechd no ois âfiaga: . Schö swi desolee, mä schö ne parl pa frânsä. ;-)

    #90Author opadeldok (1319435)  13 Jul 21, 17:16
    Comment

    I hao uff dr Suach nâch ma Schbrichle, des wo en dr Zeid wo ne en Schdarnberg beim Bund ond mid m VaueffBee bei de Auswärdsschbiel en Minga war, emmr wiadr vo de Boira komma isch, wenn se gherd hend, dass mr Schwoba send. Ond zwar fangt's â mit: Noi, noi i gang alloi hoim, i woiß scho .... Weidr woiß e nemme.

    'S geit dâ wohl vrschiedne Warianda drvo.


    Uff jedn Fall be i dâ uff a Doggumend iebr "gsammelde Schbrich, Rednsarda, Läbnsweishaida, Liadr ond vieles andre aus Oberschwaben" gschdoßa vo ma Ludwig Michael Dorner. Des isch fembfhondrd Seida lang, i be also iebr dr Âfang no nedd nauskomma. Kennad ihr den oder sai Doggumend?

    #91Author opadeldok (1319435) 14 Jul 21, 20:15
    Comment

    I kenn des Schbrichle bloss als Noi, noi, i gang scho alloi hoi - ond nix weidr. Ond vo deam Dorner haoni no nie nix käerd odr gläese.

    #92Author manni3 (305129) 14 Jul 21, 20:32
    Comment

    Der hòt scho 1992 ond 1994 Biachr em Silberburg-Verlag zom Schwäbischa veröffentlicht. Des pdf.-Doggumend isch vo 2016, ond i fend's bisher endressand.


    Wen's nedd endressiert kâ jâ mòl des Doggumend âgugga, dâ isch dr Lenk: www.schwäbischer-dialekt.de


    Wen's endressiert kâ's bleiba lao. Oddr war's anderschrom. ;-)

    #93Author opadeldok (1319435) 14 Jul 21, 23:16
    Comment

    Hu-hu Duuuu-Senzleeee, dr Nochfolgar vom Lenkvrschieße isch gfonde 🤗



    Opale, konndesch oo no an Lenk fier des embfohlene pdf fende? S dääbe doch endressiere :-))

    #94Author manni3 (305129) 15 Jul 21, 00:04
    Comment

    Bei mir duads dr Lenk.

    Pferleichd settsch amôle a bissle weschdlich vom Balkaahn gâu probiera.

    #95Author twocents (460778)  15 Jul 21, 00:14
    Comment

    Komisch, bei mir fungdzionierd dr Lenk aiwandfrei. Abbr om des liaba Friedens willa, dâ isch dr kombledde Lenk: http://www.schwaebischer-dialekt.de/forschung...


    Gòht der?


    Edith: fiehrleicht ischd jâ eschdlich dr Iller an Gehaimdienschd ondrwegs, der dia Lenks nedd zualässd. ;-p

    #96Author opadeldok (1319435)  15 Jul 21, 01:02
    Comment

    Noi. I bêe moischdenz eschdlich dr Illr, bei mir gaht dr Lenk. Abr oine sênd eschdlich dr Isahr, also braggdisch scho aufm Ballkahn. ;-)

    #97Author twocents (460778) 15 Jul 21, 07:33
    Comment

    Danke, Opale, desch a amysanda Legtüre. Ond I hau scho ebbes glearnat ... nämmle wo daß dr Dibbl hear kommt:

    Deem sott ma au da Dibbl boora!

    Dem sollte man auch den Dippel bohren!

    »Dippel«:

    — Drehkrankheit bei Schafen und Ziegen verursacht durch die Bandwurmlarve

    — »Verrücktheit» bei Menschen


    Zwische IllAr ond Lech duads dr Lenk oo :-)

    #98Author Selima (107) 15 Jul 21, 07:43
    Comment

    Wenn i uff de Lenk klick, komm i bloss uff dean Beidrag do hinna zruck.

    Abr wennen ind URL kobbier, gohz ;-)

    Nocha kommi uff dSchdardseidde vom Förderverein Schwäbischer Dialekt e.V.


    Ond wo isch des pdf?

    #99Author manni3 (305129) 15 Jul 21, 08:45
    Comment

    Hosch Du da Lenk endr #96 vom Opale brobiert?

    #100Author Selima (107) 15 Jul 21, 08:48
    Comment

    Wenn i dean ââklick, komm i allad bloss uff #96 zruck - komesch 🥴

    #101Author manni3 (305129)  15 Jul 21, 09:32
    Comment

    Und wann dean Lenk amol brobiersch?


    Odr Du gosch auf www.schwäbischer-dialekt.de ... nochd auf "Schwäbisches" ond do auf "Forschung" ... dau kasch nau des PDF direkt agklicka.

    #102Author Selima (107)  15 Jul 21, 09:43
    Comment



    I hao alls ausbrobierd: nuija Tab, Adress kobbiere ...

    Jedzd haoni abgschbaichred: http://www.schwaebischer-dialekt.de/forschung...

    abr oo midd deam kudd nix :-((

    #103Author manni3 (305129) 15 Jul 21, 09:51
    Comment

    Jiez isch gange vor Hombeedsch aus (in dr URL) midd "Schwäbisches" ond do auf "Forschung" ... dau kasch nau des PDF direkt agklicka.


    Vrgäelzgodd zdausedmohl :-))

    #104Author manni3 (305129) 15 Jul 21, 09:55
    Comment

    ädd 63: Mei Gäbele, i hao Dein Ergr amohl em Martin gschrihbe. Ond falls a de Dialeckd idd vrschdohd, haoni no a Ibrsedzong vo DeepL drzuegschrihbe!

    S hadd fonkzjonierd 😊


    Veleichd sobba bei DeepL no Nuieidräg fier "narred" ond "Taschda" voerschlage?


    Dr Guhgldransleidar isch ibregens vihl, vihl mendr:

    sGäbale isch grad a wengle narred - I listen to a whole novel gschrieba ghett, am on a wrong Taschda comma and bang, it's gone!




    Nochdrag glei do hinna om femf noch viedl uff elfe am Freidag, dass i a nuje Bedraxnommr schbare:


    Zom Bäschdle an meim I-Baik bin i zue am Freind gfahre, weil däe a scheane läere Garasch hadd ond an Haufe Werkzuig. Bei mier voerem Haus mach i des idd so gäere, weil do a Nochbeire isch, a räechd a zanneds Luedr, die wo se wex jedm Dreck aufregd ond ussm Heislesfenschdr ibr die Rueschdehrong beschwerd.


    Kenned dier des Woed zanne, zanneg oo? Es kudd scheinz vo zahnen. dGrimmbuebe hanz, abr bei eis hadz die Bedeitong "keifen".

    #105Author manni3 (305129)  15 Jul 21, 15:38
    Comment

    Wo ne des "zannad" glesa hao, hao ne iebrlegd wa des hoißa kennd ond an so was wia bissig oddr zornig denggd. Nâch dainer Erklärong war e mid bissig jâ nedd gar so weit weg.


    DeepL hao ne neilich au mòl ausprobiert ond war iebrraschd om wieviel des bessr isch als Guhgl. Jetzat fehlad bei deane hald no dia Meglichkaida Schwäbisch - Deitsch ond Schwäbisch - Englisch ond jeweils omkehrd. Nâ däds bassà. ;-)

    #106Author opadeldok (1319435) 16 Jul 21, 11:24
    Comment

    Noe, des kenn i et.

    Fend's abber a schene Bedeidongserweiderong vom Urschrbringlicha!

    A Kend wo zahnet, kã au ganz schee keifich sei....


    Wobei, en meira Eddimologie isches au denna. Dò schdòht, dass es maih en die Richdong gòht, dass es bildlich alles megliche beschreibt, wo mr d' Zeh zoigt: heila, boshaft lacha, d' Zeh blegga, boshaft , reizbar, bissich, mürrisch sei on entschbrechend läschdera on keifa on so weider. Mitm Zahna vo de gloine Kender häb's nix zom doa.

    #107Author Goldammer (428405) 16 Jul 21, 11:29
    Comment

    Bei DeepL geids abbr au ab ond zua was zom Lacha.


    Des

    I read it in two or three sittings.

    wird so

    Ich habe es in zwei oder drei Sesseln gelesen.

    iebrsedzd.


    Neamerds isch berfeggd. ;-)

    #108Author opadeldok (1319435) 16 Jul 21, 11:41
    Comment

    Kenned dier des Woed zanne, zanneg oo? Es kudd scheinz vo zahnen. dGrimmbuebe hanz, abr bei eis hadz die Bedeitong "keifen".


    I kenn's au ônd däät's aklas "schembfa, narrad sêi" erklära.

    "'S Hergettle zannad" kenn-e als Schbrichle - wenn's blitzt ônd donnrat.

    I hett's vô "zürnen" abglaitat.


    "Zahna" saggba em Bairischa au, wenn ôis lacht - "do hot da Bua fei zahnt".

    #109Author twocents (460778) 16 Jul 21, 11:51
    Comment

    Obbale, wie soll DeepL ohne Kondexd oo wisse, dass du beim Läese idd im Sessl, sondrn uffm Hockar kocked bisch 🙄

    #110Author manni3 (305129) 16 Jul 21, 12:58
    Comment

    Bua, d'Braubaire hot me heid mear aazahnd. Hättsch grad moina kenna, os wermr de beschde Freindenna.


    ... So verwendetmrs dau, wone herkomm. Desch a aufgsetzt, vordrgrindigs Grinsa - koi echtds.

    #111Author Selima (107) 16 Jul 21, 13:17
    Comment

    "Zanna" (zornen?) ist ebbes andrs wia "zaahna" (Zähne herzeigen).


    "Zaahna" isch en meim Gai it so gebreichlich, i kenn's erschd vo de Baira.

    Das-d sAmoisle 's kennt, zoigt, wia kloitoilig sDialeggdkontinôomm isch. A baar Killomeddr, a nuis Wort ... 🙂



    D'Eddid hat grad en dr Sieddeitscha an Ardiggl zômma Projeggd vô dr bairischa Aggademih fr Wissaschafda gfônda: Di sammlat en ra Onlain-Databank allle Bayrische Dialeggd


    Dr Lenk zum Projeggd


    #112Author twocents (460778)  16 Jul 21, 14:10
    Comment

    Eeehrlich? I hao gar nedd gwißd, dass Sessl seit neischdem uff Inglish sitting hoißt. Blooß guad, dass DeepL des nedd mid Sittich iebrsedzd hòt, weil nâ häb i jâ an Vogl.


    Obwohl, 's geid welche, di des glaobad. ;-)

    #113Author opadeldok (1319435) 16 Jul 21, 14:23
    Comment

    "zahne" als echz odr ôôechz Lächle kenn i idd. Des isch fier mi bloss, wennd Kend Zeeh krieged. Do senze räechd ôômihgele.

    #114Author manni3 (305129) 16 Jul 21, 14:24
    Comment

    Nauchdraag zu #112:

    Dr schbrechende Schbrauchadlass isch ja laidr Geschichde, der duads nemme, weil se mit Adohb Fläsch Pläijer gschaffd hand.




    Opale, nia däät-e mr daua zôm behaupta, Du häbsch an Foogl. Abr direggd widrschbrecha mecht-e Dr au it ...



    #115Author twocents (460778)  16 Jul 21, 14:25
    Comment

    Dusenzle, wer wenn nedd du kennd des genau wissa. Neilich em Njuhstigger vom Poschdilljoh glesa:


    Zukunft zwei Cent: Günstige Hellseherin für besonders fortschrittlich befunden. ;-)

    #116Author opadeldok (1319435)  16 Jul 21, 14:41
    Comment

    Bscccchhhhddd, Opale, des soll koinr wissa ... 😉

    #117Author twocents (460778) 16 Jul 21, 14:47
    Comment

    Hä?? Waas soll i idd wisse? 😟

    #118Author manni3 (305129) 16 Jul 21, 15:50
    Comment

    Manni, i däd's dr jâ sagà. Abbr i hao`s shawn ferguson. ;-)

    #119Author opadeldok (1319435)  16 Jul 21, 17:35
    Comment

    Do deana hanzes meah fihchdeg wichdeg midd em Maisle seim Ausdruck a wengela.


    I moi, i wäer amohl bei Gelegnhaid dean Nodrddeidschissmes nee-nöö broblemaddesiere. Meim Gfihl noch geiz an Haufe Ausdrick ussm Norddeidsche, die wo middlarweile ganz ôôbroblemaddisch als omgangsschbrochlech ackzebdierd send ond wo koi Mendsch nochfroged odr se drââ schdehrd. Die sihdleche Ausdrick gelded abr ganz schnell als Dialeckd odr sogar komesch ond mendrwäerdeg.

    I hao mr scho mohl ibrleggd, ob i anschdadd nee odr nöö liebr ganz selbvrschdendlech noi schreibe soll odr nââ - middr Ââmerkong *süddeutsch für norddeutsch "nee".

    #120Author manni3 (305129)  22 Jul 21, 11:28
    Comment

    Mir rollds alawei Zêahneegl auf, wenn-e "läcka" heer. Des isch oifach grausig.


    Abr "A wengala a Düdla?" vo dieba gffellber 🙂

    #121Author twocents (460778) 22 Jul 21, 11:39
    Comment

    Mei Schwigrdochdr isch vo deam Berlin raa (abr soschd ische ganz okeeh ;-). Die sehd oo daurnd "läcka". Abr se ibrdreibz ond do wäez nocha leichd ironesch. Mankmohl denk i mier "läck-A ... läck waas??" 😮

    #122Author manni3 (305129)  22 Jul 21, 12:30
    Comment

    Manni, des kennad mr doch leichd erdraga, dâ schdeahnd mr doch driebr. Dia nerdlich vo ons brauchad des hald fir ihr Selbschdwerdgfiehl. Gnauso wia der Volksschdamm, der sei mandraardigs "Mia san mia" do drfir brauchd.


    Dia hend vo dem oifach a weng zweng. ;-)

    #123Author opadeldok (1319435)  22 Jul 21, 15:40
    Comment

    Dahoim sterbet de Sproch: Wird das Allgäu oberbairisch?


    https://www.br.de/mediathek/video/capriccio-k... ab 5:14


    Der Mann im Bild ist übrigens nicht unser manni, auch wenn sich die beiden Herren durchaus ähnlich sehen.

    #124Author bluesky (236159) 23 Jul 21, 16:25
    Comment

    Scho dr Diddl isch vihlsagnd: Dahoim sterbet de Sproch 😡

    Dahoi schdierbd dSchbroch!


    Danke fier den Lenk, Hemele!

    Endressand, ond des gloob i oo: ôôaufhalzam


    Es isch hald oo a Form vom Schbrochwandl.



    Ibregenz haoni no mäehr Hoor uffm Grend als dr Renn 😇

    Däe kudd vo Stiefenhofen, ronde viezg Killemeddr weschdlech vo do, wo i häekomm - abr scho Weschdallgai, wo a Weib a Wiib isch ond a Haus a Huus.


    #125Author manni3 (305129)  23 Jul 21, 18:49
    Comment

    Guada Meedemorga.


    I hau heit scho vor simmne zwoi nuie Werdr glearnat: Mottfuir ond Polter.


    Wann des koi guadr Wuchaaafang isch.

    #126Author Selima (107) 26 Jul 21, 07:08
    Comment

    Mottfuir haoni grad do deana vo dier gläerned :-) ond was isch a Polter? Des kenn i bloss uff Deidsch als poltern, Polterabend odr uff waterkandisch Polder - ond in dr Omgangsschbroch als er isch a Poldrar fier oin, däe wo beim kleinschde Ââlass laud schembfd ond gosched ond räechd wieschd dued.

    #127Author manni3 (305129) 26 Jul 21, 09:22
    Comment

    Hobbla - iatz hätt i dengkt, dass Du des ganz gwiiies woißsch, ball dia Meldong, von deri des hau, ausm siedlicha Oschdalggai isch:


    Landwirt legt unerlaubtes Mottfeuer

    EISENBERG. Am frühen Samstagabend wollte ein 73-jähriger Landwirt in Weizern bei Eisenberg aus gutem Willen Pflanzenabfälle vernichten, indem er ein Mottfeuer entzündete. Der Landwirt legte das Feuer allerdings unmittelbar neben einem ca. 3 Meter hohen Brennholzpolter, der neben einem Firmengebäude gestapelt war. Der Holzstapel fing beim Eintreffen der Feuerwehr und der Polizei bereits an zu qualmen. Der 73-Jährige hatte das Feuer weder angemeldet, noch hatte er Utensilien zum Ablöschen des Feuers dabei. Da das Feuer bereits auf den Polter übergegriffen hatte und das Feuer nicht ausreichend abgesichert war hat der Landwirt eine Anzeige zu erwarten. (PI Füssen)

    https://www.polizei.bayern.de/schwaben_sw/new...


    Em Duda schdohd des sei onomatopoetisch: https://www.duden.de/rechtschreibung/Polter

    #128Author Selima (107)  26 Jul 21, 09:33
    Comment

    Dr Duden hadd fier Polter an Lenk zu Holzstoß und do geiz a Bildle drfier. Des was ma do siechd, isch bei eis a Schbreiglbeig midd zwai ei, gell - idd ai ;-)

    #129Author manni3 (305129) 26 Jul 21, 11:17
    Comment

    Bei oos wär's a Holzbeig.

    Dia Bildondrschrift em Duda isch abr doch an Schmarra, odr? Desch doch koi [für ein Feuer] aufgeschichtetes Holz, odr? Desch doch oifach a Beig, vo womr d'Briegl holt, wammr a Fuir macha mechd.

    #130Author Selima (107) 26 Jul 21, 11:30
    Comment

    "Desch doch koi [für ein Feuer] aufgeschichtetes Holz" - so haoni des in deam Ardickl oo idd vrschdande, dass die des glei als Fuir ââzende wend, sondrn als Beig zom Drickne ond Lagre, wo mas Holz holled, wemma a Fuir mache will. So schreibsch du ja oo.

    Dibbischa Sadz vo meir Mueddr: Bue, gang ond holl a Holz - abr a bissle dalli!

    #131Author manni3 (305129)  26 Jul 21, 11:40
    Comment
    Also vor etliche Jòhr hen dr Dengs on i amòl e Reitlinger Schdadtwald en Polter Buchaholz erschdeigert. Des sen am Wegrand ufgschdabblde Buchaschdemmla gwä, wie gwagsa. Dia hemmer nò nòch ond nòch an Ort und Schdelle mit dr Keddasäg (dr Dengs hót egschra en Kurs gmacht ghett) en Rugl vrsägt on em Kombi hoimgfahra on deet gschbalda.

    Opale, i ben fei grad bei dir vorbeigfahra mitm Zug. I fahr zo meine Fraindinna nòch Regensburg.

    Glei druf isch mir des alde Schbrichle eigfalla, kennsch du des au?
    Zwischa Schduddgart on Cannschdadt, dò isch a TunNEL,
    wemmer neifehrt wirds donkl, wemmer rauskommt wirds hell.












    #132Author Goldammer (428405) 26 Jul 21, 12:05
    Comment

    Zue Beig hand Grimms Buebe drzu ondr andrem:

    beige, ahd. pîga f. und pîgo m., mhd. bîge.

    heute nur in der Schweiz, in Schwaben, Baiern und Östreich fortlebend,

    auch in die form beuge, beug, mhd. biuge übergehend. es wird darunter vorzugsweise ein geschichteter holzhaufe, scheiterhaufe verstanden,


    Ââmerkong vo mier: pîga, pîgo, bîge geid bei eis Beig (jonges ei), ond äebe idd Baig (altes ei)



    Zue Schpreigl hanze spriegel, sprügel, sprugel, sprogel, sprêjel, šprêgel, spreil

    (sprîl), vielleicht als weiterentwicklung oder auch angleichung an worte wie bügel, m. über den begrifflichen zusammenhang mit der sippe spreil, m. vgl. die erklärung: sprügel, gespaltene weiden oder haselstäbe,

    #133Author manni3 (305129)  26 Jul 21, 12:43
    Comment

    Ad Schbreiglbeig. Nadierle mit ei ond nedd mit ai, wia en Ei. Des war wohl an Seidahieb an mi grichded, gell. ;-) Wenn e dord gschrieba het "mit ai wie in Ai", nâ het me vo de nordische gar koiner meh vrschdanda.


    Vegale, jâ des kenne. Des isch ois vo denne Lombaliadla mid zig Schdrofa (nedd älle obedengd schdubarai), dia mr friehr en dr Besawirdschafd gsonga hend. Am End vo jeder Schdrof kommd no "holladihia holladiho holladihoppsassa holladiho". Abbr mir hend au gnuag scheene, normale Liadr em Reberdwoar ghet.


    #134Author opadeldok (1319435)  26 Jul 21, 13:07
    Comment

    Koi Seitehib, Obbale!

    Bloss a Klaarschdellong, weil des ois vo meine Lieblengsthema isch ond beim Schreibe allad a bissle ôôklar isch:

    In meim Dialeckd geiz de Ondrschihd ei/ai - abr hald idd in all andre schwäbesch-allemannesche, ond in dr Schrifdschbroch äeschd räechd idd.

    #135Author manni3 (305129)  26 Jul 21, 13:26
    Comment

    Des kaaane beschdädiga - deschm Manne sei absolutz Liablengsdema ;-)


    Ond faschd jedsmol erglärem nochd, daß des bei oos em Nordoschdschwäbescha a wengale andrsch isch - nämmle daß des alde -ei- bei oos a -oi- weard (Geiß -> Goiß) ond des nuie -ei- ebba a -ei- (Weib = Weib).

    #136Author Selima (107) 26 Jul 21, 13:39
    Comment

    Nedd blooß en daim Dialeggd, Manni. Mir wärs bis jetzt blooß no nedd uffgfalla, dass dia Schrifdschbrochler des Hennabroduggd wia en z.B. "Ei, der Daus" ausschbrecha dädad. AWWDIS. ;-)


    I hao au nedd nâchguggd, ob's iebr dia Ausschbrochswarianda vom Ei en LEO scho amòl a Diskussioh gäa hòt. Abbr egal ob Ei, Ai oddr Oi, Haubdsach 's schmeggd. :-)



    #137Author opadeldok (1319435) 26 Jul 21, 13:48
    Comment

    ... ond abbl noch a baar Wucha Karenz, duane da manne mit de groaße -A- aaschdichla, gell, Du AllgaiAr SchbrochmechelAr? ;-)

    #138Author Selima (107) 26 Jul 21, 13:52
    Comment

    Mir isch grad no aigfalla, dass doch scho mòl des "ei" beschbrocha worra isch am Beischbiel vo "leida" ond "loid doa". Liablengsdema vom Manni jâ, abbr au gschdidzd durch fondierds Wissa. I kâ blooß uff mai fondierde Halbbildong baua. :-(


    A weng am Fiaßle zupfa brauchd dr Manni doch, sonschd kriagdr Endzugserschainonga. ;-)

    #139Author opadeldok (1319435) 26 Jul 21, 14:07
    Comment

    Obbale, a baar Disskessjona zue ai-ei-oi fendschd ganz ôifach* im Wäedrbuech: ei ( Ausschbroch) 29ei - ai, leidtun - leiden 137 ei - ai, leidtun - leiden

    Dr ledschd Lenk isch zue am eggschdraschwäbeschallemanneschterriddorijale Fädele, drom uff Hochdeutsch ;-)


    * ôifach: Des wär oo noo amohl a Thema, dr Ondrschihd vom Ardikkl "ein" (a Audo) ond vom Zahlwoerd "ein" (bloss ôi Audo) 🧐

    #140Author manni3 (305129)  26 Jul 21, 14:50
    Comment

    Dia alde Diskussiohna send emmr wiedr endressand. Vor ällem dia ausm ledschda Lenk, wo dia Schrifd- oddr Hochdeidschler moinad si dädad bei de vrschiedne "eis" koin Ondrschied bei sich erkenna.


    I hao a Audo, abbr blooß oi oinzigs. Häb e zwoi, wärs ois zviel. ;-)


    Bei ois, zwoi fälld mr grad ei, dass dia oine mit drei ond dia andre mid drui weidrzählad. I glaub dia Grenze liegd vo mir ausgseah zwischa de Fildra ond dr Alb. Obwohl, em Beblenger Krais hao ne des au scho gherd.

    #141Author opadeldok (1319435)  26 Jul 21, 17:38
    Comment

    Dass ess eh Froo, dii woo graad nääwedraan offkomm ess ...


    Wii dääde Ija "brääd" wie in "in breitem Schwäbisch" deefiniiare ? ... allso nua dass "brääd" ...



    Falls zufällisch noch eh Iwwasäddsong debei abfalle dääd, do waäs nedd schaad dromm ... :-)))

    #142Author no me bré (700807) 26 Jul 21, 21:02
    Comment

    I fend des säehr gued, wie du des beschrihbe hasch, Bréhle - deam haoni nix hinnzuhzufihgen 🙂

    #143Author manni3 (305129) 26 Jul 21, 21:57
    Comment

    Bréle, 's duad mr loid, abbr maine nedd amòl rudimentäre Schbanisch Kenndnisse send aus de friahe Siebzigr ond roiched iebr Cerveza, Hamburguesa, por favor, playa etc. nedd naus. Ond des "broide Schwäbisch" blooß werdlich, an Hand vo ma Werdrbuach, zom imebrsedza driffd's wahrscheindz nedd. :-(


    Abbr daim Eidrag dord drieba kâ ne blooß vollomfenglich zuaschdemma.

    #144Author opadeldok (1319435)  26 Jul 21, 22:00
    Comment

    Obale, ßgeed joo aach mee omm eh Deefiniidsjoon fonn dämm "brääd" ... eh Iwwasäddsong känne dii Schbaanische beschdimmd sällwad !

    :-)

    #145Author no me bré (700807) 26 Jul 21, 22:04
    Comment

    Des hao ne scho begriffa ond i glaob, dass mir deitsche Muddrschbrochler, egal welchen Dialeggd mr schwädzad, des "broid" au definiera kennad.


    Abbr ob des "broid" jetzt ois zu ois ohne dia bassende Fremdschbrochakenntnisse en a andre Schbroch iebrdraga werra kâ, isch des Dilemma. Em Englisha ( au dâ hao i blooß no rudimentäre Kenntnis mangels Iebong) däd i zom Beischbiel "straight" em Sinn vo "ovrfälschd" (z.B. straight cockney) saga. Abbr au dâ be i mr nedd honderdbrozendig sicher, ob's des richdig dreffa däd.

    #146Author opadeldok (1319435)  27 Jul 21, 00:33
    Comment

    Handr dees scho xäeche? 🌻

    #147Author manni3 (305129) 30 Jul 21, 11:08
    Comment

    Bis grad eba no nedd. Isch des a Kurzgschichd en dr Emohdschsieschbroch dia dâ vrzehld wird? I hab se abbr nedd vrschdanda. ;-)


    Bei edwa neinaneinzg Brodzend vo denne Emohdschies miaßd i zerschd amòl a zeahfache Vrgreßrong macha ond dann dia Bedeidong ersuchmascheana. Dann woiß e zwar was des eigendlich bedeidad, abbr no nedd ob dr Vrwender des au woiß.




     

    #148Author opadeldok (1319435) 30 Jul 21, 13:37
    Comment

    Braucht man die alle????

    #149Author renateheinz (1125123) 30 Jul 21, 17:12
    Comment

    I mid Sichrheid nedd. I komm mid sowas aus: :-) :-( o nd ;-).

    #150Author opadeldok (1319435) 30 Jul 21, 17:30
    Comment

    Renateheinz - All idd, manke send vier- odr femffach :-)


    Obbal - Zehnfachvrgräßrong goht soo: STRG++++++++++++

    #151Author manni3 (305129) 30 Jul 21, 17:36
    Comment

    Opale, i glaub des sen oifach älle wo's gibt henderanander ufglischdet.

    Em Kondagt mit jonge Leiti han i mi an dia enzwischa zemlich gwehnt on fend se oft ganz bragdisch on witzich. I vrmut bei dr Bedeidong wemmerse guhglt kennet au Fäler denn sei...manche hen sich als zweggentfremdet eigebirgert, zom Beischbie des Äffle wo sich d' Auga zuhebt (i kann des am Läbbtobb et rebroduziera, weil e d' Abkirzong et kenn, bloß am Hendi, i schick se glei henderher) isch urschbringlich als ois vo dene drei kinesische Affa gmoint "nix säha, nix hera, nix schwätza", wird abber oft so vrwendet, dass es je nach Kondegscht zom Beischbiel hoißa kã "desch mr so peinlich, dass-e mei Haupt vrhilla muaß" odder au "was der dao hòt isch so bled, dass-e mei Haupt vrhilla muaß" odder au "dò kann-e gar-et nãgugga".

    I fend des an sauschbannenda Aschbekt vo dr moderna Kommunikazjonskuldur. Viele fendet des jò bloß bled....i erinnere me an dia ufghoizde Diskussjona vo de schdarge Gegner drvo wo se des em Leo eigfiehrt hen, dia hen fascht an da Ondergang des grischtlichen Abendlandes glaubt, wenn des jetzt bei Leo wia en jedem prollicha Onderschichtforum au ganga soll! Dia wo a weng päbschtlicher wia dr Pabscht sen halt, isch mei Moinong (in dr Hoffnong dass vo dene kois dòhenna mitliest on sich ãgmacht fiahlt.....)

    #152Author Goldammer (428405)  30 Jul 21, 17:43
    Comment
    🙈🙉🙊
    Dia drei moin-e.
    #153Author Goldammer (428405) 30 Jul 21, 17:49
    Comment

    Des mid dr Kurzgschichd war doch blooß an Dschoog. I be jâ nedd grondsädslich gega Smilies oddr Emohdschies.


    Editiert, weil e mein bladzda Kraga wiadr nâgrichded hao.



    #154Author opadeldok (1319435)  31 Jul 21, 00:20
    Comment

    Liebe Giede, Opale, desch jò scheißlich!

    (I han dein blatzda Graga no gsäh wo da'n no et grichdet ghett hòsch...)

    I kã jetzt guat vrschdanda worom du dò a bissle greizt reagiersch uf die Flut vo dene Denger.


    #155Author Goldammer (428405) 31 Jul 21, 09:57
    Comment

    Emmerle, i danggd dr fir dai Vrschdändnis. I moin ällaweil meh, dass a baar vo deane alde Daggl nedd blooß schdanda blieba send, sondern sich allmählich zruck endwigglad ond emmr kendischer werrad. I hao mr zwar selber a kendlichs Gmiad bewahrd, abbr kendisch vrhalda muaß e me deswega no lang nedd.


    I hoff dai Ausflug nach Regensburg war schee. Häddaschd mr vorher Bschaid gsait, wär e selbschdvrschändlich am Bâhschdeig gschanda ond häb dr em vorbeifahra gwonka. ;-)

    #156Author opadeldok (1319435) 31 Jul 21, 10:24
    Comment

    I vrschdand onder kendisch ebbes anders! Desch a Vrõglimpfung fir älle Kender on Jongbliebane, wemmer so ebbes als kendisch bezeichnet....on es vrharmlost au was dò abgòht, moin i.

    (On a kendlichs Gmiet isch ebbes ganz anders, des schdemmt!)

    In dr Wòtsäbb Grubbe vo meira alda Grundschulglass hòt's so ebbes ehnlichs au amòl gebba, et ganz so egsdrem, on zom Glick hen außer mir no a baar andere drgega ghalda on deitlich gmacht, dass des en dera Grubbe unerwinscht isch, nò hòt's zom Glick ufghert.


    I nemm de fei beim Wort! Wenne amòl widder uf Schduagert fahr, sag i dir Bescheid!

    #157Author Goldammer (428405) 31 Jul 21, 10:31
    Comment

    I hao dein bladzde Krage oo xäeche. Do kani scho vrschdao, dass du vo deane Schmailis äeschd amohl gnue hasch.


    Andrarseiz isches -vom Missbrauch ààxäeche - gronzädzlech abr so, dass ba hald in am Forum de Xichzausdruck ond de Tohnfall idd wahrnemme kaa, wenn oir ebbs sehd. A jeda Urtailsausdruck kaa vo de reine Wäedr häe zwai Bedeidonga hao: die woerdweäedlech on die ironesch-sarkaschdesch.


    Zom Beischbl dr Satz "Dees hasch abr gued gmached!"

    1. So kaa dr Vaddr de Bue lobe, wenn a dr Großmueddr iehr Lieblengsdasse ussm Sammlgschier rebbarierd hadd ond de ààbrochene Henkl midd am Seckondekläbar meah saubr nââbabbed hadd, dassba faschd nix siechd.

    2. A kaa dean Sadz abr oo sage, wenn dr Bue aufmerxamarweis dr Großmueddr iehr Lieblengskafeekanne ussm Sammlgschier holled ond drbei de Henkl am Dischegg weckschlehd. Do isches dr reine Sarkassmus ond bedeided genau s Gegedail vo deam, was dWäedr aingdle saged.


    In sedde Fäll send Schmailis hilfreich:

    1. "Dees hasch abr gued gmached!" 😀

    2. "Dees hasch abr gued gmached!" 🥵




    #158Author manni3 (305129) 31 Jul 21, 10:37
    Comment

    Hòschd rechd, a Kendskopf isch jâ eigendlich harmlos. Urschbrenglich hao ne au infantil gschrieba ghet.


    Manni, du hòschd au rechd. Gschriebane Ironie oddr Sarkasmus kommd nedd bei älle â, wenn mr koin Schmailie nemmd oddr "Achdong Ironie!" drzuaschreibd.


    Des negadife Lob däd uff neischbrochlich "Na, gaaaaaanz toll" hoißa. ;-)

    #159Author opadeldok (1319435) 31 Jul 21, 10:54
    Comment

    Hoi, vier daa hat kôis gschriba êm Schbaaga!


    Isch alz en Ordnông bei Ui?


    I gugg grad en dr Beh-Err-Meddjadeek da Gerschdl. Der isch mit seine Leit em Vauweh-Buss dDoana naagfahara,

    Dr erschde vo drei Doil gaht vô dr Kwell auf Rehgenschburg,ônd nadierle wedd au Schwäbisch gschwätzt.


    Schêa fend-e zErtingr Obrschwäbisch vom Merz Richard (wichdig: dUhrzeit ab 7:30!), ônd au z Ôlmr Schadtschwäbisch a bissale schbätr

    Da Merz heerba dau nomml, deesmôl mit am broitra Schwäbisch.

    #160Author twocents (460778)  04 Aug 21, 22:31
    Comment

    Bis zom Xondsinge zUlm haonis grad aaglueged. Doo isch scho doch a bissle gschderr ond idd so offe, wiena soschd uffd Leit zuegohd. A ganz Wuchenend bei däer däbm ganz gued ;-)

    Dr Gernschdl isch idd so an dr Landschafd endressierd. Mier isch aingdle dDonauvrsickrong ààgange. Abr des isch äebe sei Schderke ond sEndressand an seine Sendonga: Uff wildfremde Leit zuegao ond midd deane ins Gschbräch koomme.


    Danke fier dean Dibb, SuSenzle :-)

    #161Author manni3 (305129)  04 Aug 21, 23:21
    Comment

    Dr Gerschdl hao ne heit âbend au âguggd. Zua meinr Schand muaß e zuageah, dass de mei erschde Sendong mid'm Gerschdl war, obwohl mr dr nama scho bekannd war. I denk er legd hald sei Uffmergsamkeid meah uff d' Leit an sainr Schdregg, als uff d' Landschafd. Des hòt abbr au was. Grad zom Beischbiel dia heilsam Sängare, a wengale esoterisch, abbr sembhadisch.


    Dia SWR-Sendong iebr dr Glogga-Metz hao ne dàmols au gseah ghet. Mai Moinong isch, dia reachde Perla an Sendonga, dia dia vrschiadane Regiona vorschdellad, fendasch blooß en de Regionalbrogamm vo de effendlich rechdliche, egal ob BR (Gerschdl), SWR (Expedition in die Heimat), WDR (Wunderschön) etc., ond ondrhaldsam send se au no.


    A weng was anders hao ne au no enddeggd, em BR werrad Sonndich âbends grad dia Folga vo "München 7" wiedrhold, da hòt dr BR doch dadsächlich an schwäbischa Allgeir en oinr vo de (meah oddr wenigr) Haupdrolla emblemendiert. Des gfelld mr.

    #162Author opadeldok (1319435) 05 Aug 21, 00:13
    Comment

    Dr Ger nschdl schreibze ibregenz mit n ;-)

    #163Author manni3 (305129)  05 Aug 21, 01:27
    Comment

    Des fehlende "n" isch nadierle ovrzeihlich. No ovrzeihlichr isch, dass i nedd amòl a Ausred fir dean Fehlr hao. Zomòl i beim Nama Gernschdl bisher emmr glei an kloina Ernst, also a Ernschdl, als Assoziadsjoh em Kopf ghet hao. ;-)


    Herr Lährer, i hao gwieß nia nedd bei neamerds agschriaba. 😇

    #164Author opadeldok (1319435) 05 Aug 21, 09:38
    Comment

    (*zom zwoisentle nomtuschl*: des isch jetz a glarer Fall vo "von hinden durch die Bruscht ens Auge", odret? Vom opale, moin i...)

    #165Author Goldammer (428405) 05 Aug 21, 10:05
    Comment

    I hao des Getuschl fei gherd. (*mi erdabbd fiehl*) Abbr drodzem amòl behaubd: I woiß vo nex. Ond no amòl mein Lieblengsemohdschie 😇

    #166Author opadeldok (1319435) 05 Aug 21, 10:16
    Comment

    ädd bei neamerds agschriaba.


    Mier hand amohl in Relix a Schuelaufgab kedd, bei däer wo i zue de Froga idd die kloischd Eigäebong vo fondierdem Wisse kedd hao. Nocha haoni hald bei meim Freind, deam Sidznochbaur, middgläese ond a bissle omformelierd noch dem Muschdr "Godd isch allmächdeg" -> "allmächdeg isch Godd".

    Dr Lehrar hadd mi idd vrdwischd, abr bled ischa oo idd gwe: Meim Freind hadda a Ois geah ond mier bloss a Zwai. Ond i be oo idd so bled gwe, dass i gfroged hedd, warom bloss a Zwai. 😏

    #167Author manni3 (305129)  05 Aug 21, 13:49
    Comment

    Der isch abber nett gwä!


    (On off tobigg: sechsch du wirklich "a Ois" on "a Zwoi"? I dät dò "en Oiser" on "en Zwoier" saga. Bei mir sen Schulnoda maskulin. Mei Jonger hòt oimòl en seim Läba en Segser em Digdat gschrieba. On a Weile schbäder hòt mr bei de Mitarbeider en dr Kirch - er hòt zo dem Zeitpunkt als Kinderkirchhelfer gschafft - an dr Weihnachtsfeier "Schrottwichteln" gmacht - des hoißt, mr hòt als Wichdlgschenk ebbes eipagga solla, wo eim ghert on des wo mr am liebschda fir emmer loswär. Dò hòt-r sein Segser ausm Digdatheft rausgrupft, zsemagrollt on eipaggt. Mr hen nomgschielt wo dr Empfenger des auspaggt hòt, des hòt a saumäßichs Gelächder gea an dem Disch wo der Empfenger gsessa isch!)

    #168Author Goldammer (428405) 05 Aug 21, 15:48
    Comment

    Emmerle, i hao grad laud lacha miaßa. Daim Jonga hoggd offasichdlich dr Schalk em Nacka. :-))


    Ond womeglich wanderd der Segser emmer no ond bis en älle Ewichkeid beim Schrottwichdla en ganz Deitschland omanander. Wenn'r bei mir isch meld e me. ;-)

    #169Author opadeldok (1319435) 05 Aug 21, 16:13
    Comment

    Emmrle, i be do flexibl ond sag ganz schbondahn endwedr a Ois, a Zwai odr an Oisar, an Zwaiar 😉

    Nochdrag: Em Blueral abr uff jedn Fall maschkelihn; an Haufe Oisar, a baar Seggsar

    #170Author manni3 (305129)  05 Aug 21, 16:33
    Comment

    Des wär en saugladder Gäg, wenn der Segser bei dir landa dät, Opale! Jò, gibsch nò Bescheid!


    manni - isch die Flexibilidet wirglich so en deira Mudderschbròch gegäba, odder isch des deira Weltlaifichkeit gschuldet, die dei Schbròch ebba au mit gebrägt hòt

    D' Edith fendet dein Nòchdrag endressant!

    (Rebräsendiert dei Beischbielsatz deine friehere Zeignis?)


    #171Author Goldammer (428405)  05 Aug 21, 16:41
    Comment

    Däe Beischbielsatz rebräsendiert meine friehnere Zeignis zuer Helfde. Die zwaid Helfde schdemmd idd ;-)

    Des middr Weltleifekait konnd scho sei, die isch ja haubzächle uff Hoechdeidsch gloffe. Do haddr Schuelrath Wäed druff gleggd!

    #172Author manni3 (305129)  05 Aug 21, 18:31
    Comment

    No a Fernsehtip: Gipfeltreffen . Werner Schmidbauer trifft Eisi Gulp. Heit um Viertl nach Achte.

    #173Author bluesky (236159) 05 Aug 21, 18:54
    Comment

    An Segser hao ne nia ghet. Abbr gwenschd häb e mr ab ond zua scho welche. Ond zwar emmer dann, wenn mr vo de Hasa, dia uffm Wasa grasad gsonga hend. Dia Schdroph lauded:


    Hendr mainr Schwiagrmuadr ihrem graoßa Hemmelsbedd

    schdohd an ganzer Sack voll Segser.

    Wenn i no dia Segser hedd.


    Dr Eisi Gulp? An endressandr Typ. I kâ me no drâ erinnra, wia ne eahn amòl en de Achzgr em Fernseah gseah hao, wo ner no obekannd war ond als Akrobat uffdredda isch. Heit isch'r jâ iebrwiegend Schauschbieler.


    Schbädr Nâchdrag. DuSenzle, dangk schee fir dain Hieweis uff dia Sendong.


    I hao mr's uffgnomma ond geschdern àguggd. Des war echd endressand. Ond 's hòt en maine Auga bewiesa, dass zua ma guada "Endrwjuh" zwoi guade Leit ghehrad, dia sich au uff a richdigs Gschbräch eilassad. Iebr dia Person, oddr besser gsait dia Persenlichkeid, Eisi Gulp hòt mr dâ meh erfahra, als en jedem Lexikoh.


    En Vrbendong mid'm Schmidbauer isch mr dann eigfalla, dass e uff maim alda Rechner no an alda Midschnidd vo ma Uffdridd (Süden - Das Konzert) vo Schmidbauer-Pollina-Kälberer hao. Des kennd e mr au mòl wiadr àhehra.

    #174Author opadeldok (1319435)  05 Aug 21, 18:55
    Comment

    Opale, dr Dipp middam i Eis Gulp isch vom Hemmale komma, it vô mir.


    D'Läbenslinjen kâasch iebrigenz en au dr Meddjatheek vom BehErr abruafa.

    Dau sênd alls Sendônga vom ledschda Jauhr denn. A baar werrat emmr mol wieder wiedrhohld. Des siehba damnn em Abschbann am Broduggzjohnsjauhr.

    #175Author twocents (460778)  08 Aug 21, 13:04
    Comment

    I mecht bloß vrmelda, daßes bei oos em Wald koi Pilz ned gibt ... alzo fascht koi: lei a baar uralte Rotfuaßreahrleng ond an Goißbart und a baar Bovischtla. Abr soscht iebrhaupts gar nix.

    #176Author Selima (107)  08 Aug 21, 13:13
    Comment

    Uff meim Ballkooh uffm Ballkaah geiz ibregenz oo koi. I haos abr soweso idd so midde Bilz ond hald me nòò oifach an de Dill&Co. Do kenn i mi bessr aus ond be sichr, dass dò nix Gifdex idd drbei isch 😉


    PS. Die Sonnebloema hand ibregenz dMaisla xääd, weils Voglheisle (ma siechzid, weils hendrem Bedrsill ond em Rosmarin vrschdeckd isch) direckd ibrem Klemaddesschdock schdohd. In dean hanzes neigwoefe.

    #177Author manni3 (305129)  08 Aug 21, 15:30
    Comment

    Oh, Endschuldigong, wia hao ne eich vrweggsla kenna? Nâ góht mei Dangk nâch femf Däg an's Hemmale.


    I be grad älle baar Däg uff dr Alb zom Giaß-, Ernde- ond Vrtilgongseisadz, weil mai Dochdr mid Ihrer Familie em Urlaub isch. Blooß hao ne geschdern dr Hausschlissl drhoim vrgessa ghet ond be deswega nedd an dr Schlissl vom Garda nâkomma. Wia ne em Garda iebr 's Deerle kleddrd be, war e mid'm lengka Fuaß scho enna uff'm Boda. Bleederweiß isch mai rechdr Fuaß bzw. dia rechd Wade no oba en edwa 1,30m Hehe uff'm Rand en vom Gardadeerle ghängd. Gott sei Dank isch dâ grad koinr vrbei gloffa, des häb bleed ausgseha. I hao me dann selbr befreid ond hao me mid oinr Hand am Gardadeerle feschdhoba, damid e nedd omhagl ond mid dr rechda Hand mai Wade iebr dia Querschdang glubfd. Jetzat woiß e wenigschdens, dass e faschd no an Schbagad nâ griag.


    Ond weil e geschdern grad dâ oba war, be ne glei em Lonedal dia Fohlahausronde gloffa. Vor drui Däg war beim Kloschdr Lorch ond be dâ a weng gwandrd. Abbr egal ob Garda, Lorch oddr Lonedal iebrall war e beliebd ond heißbegehrd.


    Noi, nedd bei de Fehla, bei de Breama. ;-) Dia hend me schee vrzwiebld.


    I winsch eich älle an oglicksfreia Freidich dr Dreizehnde.

    #178Author opadeldok (1319435)  13 Aug 21, 13:59
    Comment

    Bisch scheinz a räechz Leichdgwichd, dass sGaardedäerle idd nochgeah hadd ond a baar Läddela aabroche send. Abr a Glick, dassd no sell rauskomme bisch ond idd waade mieße hasch, biss oir vorbeikudd, däe wo zuefelleg oo no a Keddesäege drbei hadd!



    ädd Breame:

    "Due deam Ross dean Breama von Ooge weck", haddr Baur zom Knäechd xed. Dr Knäechd isch a ganz a Bildeda gwe ond hadd xed: "Des isch idd däer Breame, des isch die Bremse!" Druff haddr Baur gmoind: "Du hasch abr guede Ooge!"

    #179Author manni3 (305129)  13 Aug 21, 14:27
    Comment

    Leichdgwichd isch reladief. Abbr schdemmd, 's Schwerschde an mir isch ab ond zua mai Kopf. ;-)


    Des Gardadeerle isch aus Schdahlrohr mid ma nedd so groba Maschdrâhd. Wenn's enna en dr Midde au so a eiserne Querschdrebe ghet het wia außa, ond dr Boda enna nedd diafr wia außa gwea wär, wär mr des nedd bassierd.


    Dr Knechd hót bessre Auga, dr Baur drfier greeßere Kardoffla. :-)

    #180Author opadeldok (1319435)  13 Aug 21, 15:08
    Comment

    Wo isch eigentle sMuggaseggale?

    #181Author twocents (460778)  13 Aug 21, 15:10
    Comment

    Schee, dassda 's Fädele widder agdiwiert hòsch, Opale!


    (Em manni fellt doch ällaweil a guaz Witzle ei zo ällem meglicha! )


    Dr Dengs isch gerscht Òbend au bei de Schnòga beliebt gwä, wo mr uf drAlb dr Sonnaondergang uf dr Riläxliege beim Linsabühl ãguggt hen - des macha mir en letschder Zeit efders, han-e des schoml vrzehlt? Also jedafalls fir mi war des recht bragdisch, dass dr Dengs a weng maih gschwoißlt ghett hòt beim Ufschdieg als wia i. Uf den sen se älle ganga!

    Er hòt gmoint, dia Flädermeis dia wo mir nòch als no sehet, wenn's demmerich wird, dädet ihrn Dschobb au nemme reacht macha, wenn se sovl Schnòga et gfressa heddet bisher!


    manni, guggsch du amòl dò, dr Märde vrzwatzlt grad mit dera Zwischaschbeicherfonkzjoh....


    I glaub, den soddesch a weng bsichisch entlaschda on zuschdemma, dass-r des Brojekt noml offlain nemmt....er macht's sicher sowwisso, aber er dät sich velleicht fraia....

    #182Author Goldammer (428405)  13 Aug 21, 15:12
    Comment

    Geschdern isch da Schmidbauer mitm DJ Ötzi wandre ganga. Denn hots als Kind fei au ganz sche herbeitlt.

    #183Author bluesky (236159) 13 Aug 21, 16:07
    Comment

    ... dass dr Dengs a weng maih gschwoißlt ghett hòt beim Ufschdieg als wia i.


    Des isch doch klar, wenn da de vo eahm hochdraga läschd. ;-) eknw aka scnr


    Hend 'r eich zur Belohnung die Perseida àguggd?


    Heit hao ne dengkd ghet, i fall vom Glauba ab. An bisheriger Nâchbr, der koi Endernet hòt ond au nedd will, rufd mr ab ond zua â, wenn 'r CDs vo dem Versandhandl mid'm A hao will. Geschdern Vormiddag krieg e vo DHL d' Âkindigong: Ihre Sendung wird gleich zugestellt (Zeitraum innerhalb von 15 Minuten). I hao no gwarded, nex wars, no be ne ganga, weil 's ao en Briefkaschda bassd, wia sonschd ao.


    Wo ne âbends drhoim war, isch an Zeddl em Briefkaschda gwea, i kennds uff dr Boschd àhola. I hao blooß denkgd: So an Sembl! Wia ne heit uff dr Boschd war (a Wardeschlang bis uff Schdròß naus), schdelld sich nach ra halba Schdond raus, dass dia Lombaseggl vo A... dia zwoi CDs en an Kardoh vo 50x30x10 cm nai paggd hend. Ja, send dia ao no ganz bacha?


    Mi wondrad no was anders. Bei mainr Dochdr wachsad Kohlrabi, gelbe Riaba ond Gurga so guad wia selda. I komm faschd nedd nâch mid'm Verwerda. Bis dia zruckkommad isch wahrscheindz nex meh dâ. Zu de erschde Kohlrabi hao ne no zwoi Schdanga Lauch kaufd ond a Gmias draus kochd ond eigfrora. Nâ hend se wenigschdens oi Mahlzeit vo dem was se âbaut hend. Komischerweis send Tomada no älle grea (abbr ohne Braunfäule) ond Zucchini bliahd erschd. Vielleichd send dia dann soweid, wenn se wiadr drhoim send.


    Gott sei Dank isch Dalmadzia bisher vo deane Bränd em Middlmeerraum verschond bliaba. I hoff, dass des ao so bleibd, sonschd miaßdad se dr Urlaub àbrecha. Des däd schbeziell mainr Enkelin iebrhaubd nedd gfalla, wo se scho em März uff dr Urlaub dord drebbld hòt.

    #184Author opadeldok (1319435)  13 Aug 21, 19:39
    Comment

    Abber d' Gelbarieba hebet doch fir dr Wender? Dene musch dr Dregg drãlau on se en en kiehla Topf (zom Beischbiel Schdeingut) em Donkla eilagra (odder en Sand eischichda on ens Donkle on en d' Kiahle schdella).

    Mir isch et ganz glar, was de in Bezug uf des Gmies wondret....dass-es uf drAlb so schee wagst? Dass-es so frieh drã isch? Sei froh, dass d' Zucchini ersch bliehet! Dia kennet en reglrechda Zucchiniterror ausieba! Emeim Bekanndagreis isch zom Glick zor Zeit neamerd wo mi äll ander Dag mit ohvergrohn Zucchini beläschdicht.....


    (On älles was recht isch....i han zwòr mit de Wanschtwächder seit Abril zeah Killo abgschbeggt, abber dr Dengs wiegt emmer no wenicher wia-n-i....seit'r em Januar en dr Glinik gwä isch, hòt'r nemme so arg zuagnomma. Isch-em abber et õrecht....also des mitm uf den Henden dragen macht'r eher em ieberdragenen Sinne.....Perseida hemmer leider bisher no koine gsäh. Bloß Flädermeis.)

    #185Author Goldammer (428405) 14 Aug 21, 15:28
    Comment

    Dia Perseida wärad en derra Nachd laud em Fernseah am Nord-Weschlicha Hemmel vo Zwoie bis Viere am beschda zom seah gwea. Dâ send'r abbr sicher scho drhoim, so wia i ao, em Neschd glega.


    D' Gelbe Rieba send nedd des Broblem, des hòt se gnuag âbflanzd. Sie hòt blooß gmoint ghet, dass e dâ, wo se z' eng beianandr schdehn welche rausnemma soll. Kiahl lagra gòht bei mir leidr nedd, en dr Wohnung isch nex kiahl ond donkl ond en onserm Keller (penedrande Gruchsendwigglong durch zwischaglagerde gelbe Sägg) will e nedd obedengd Lebensmiddl lagra.


    Mi wondret nedd, dass-es zfriah drá wär, isch 's jâ ao nedd, sondern dass-es grad des Jòhr vo dr Greße ond dr Menge vo de Jòhr drvor abweichd, bis eba uff d' Tomada ond Zucchini. I mach des scho seid seggs oddr sieba Jòhr em Juli/Auguschd faschd fembf Wocha lang. Abbr d' Tomada ond Zucchini hao ne om dia Zeid emmr welche voll ausgreifd mid hoim gnomma. Wahrscheindz liegd 's am Weddr des mr vo April â ghet hend, dementschbrechend schbäd send hald manche Sacha drà.


    Mid 'm Zucchiniterror hòschd reachd, wenn dia mòl am wachsa send, send se a Woch schbäder scho Mordsbriegl. I verschaff se hald wenn's zviel wird emmr glei zua ma Paprika-Zucchini-Gmias ond gfriers Bordziohweis ai.


    Gott sei Dank isch's nedd so wia en dr Dauerhidz vo 2018, dâ hao ne fir dr Gardà (koin Wassrâschluss, abbr a effendliche Wassrendnahmeschdell en dr Ordsmidde) iebr vierdausend Lidr Wasser em Kofferraum dransbordierd ond händisch 30 Medr dr Buggl nuff schloifa miaßa ond dann dia 20/30-Lidrkanischdr iebr an Medr en Hehe wuchda, oms en dr Dausendlidrtank nai zom schidda. Glaubschd mr, dass e hendrher ferdich wia Brod war? I hao mr, als guadr Schwòb, dann blooß dengkd, dass andre fir des Draining Geld en ra Muckibude zahla miaßed ond i hao 's omasonschd ghet. ;-)

    #186Author opadeldok (1319435)  14 Aug 21, 17:15
    Comment

    Bei Zuckini zuck i allad a bissle zruck, weil mr drzue jezmohl eifelld, dass do s ledschd Johr oir draa gschdoerbe isch, weil as uss aigene Saome zoche hadd ond nocha senze gifdeg gwe.


    Abr Zucchini mag i soweso idd bsondrs.

    #187Author manni3 (305129)  14 Aug 21, 20:57
    Comment

    Deswega nemmd mr au koin aigana Sama, sondern blooß kaufda. Da drmid isch scho oi Ursach vo Rückkreizonga ausgschlossa. Mai Dochdr schaffd bei dr ordsasässiga Baumschual ond Gardacendr ond hòt dâ ihr sichre Gwell.


    Mr sodd abbr au dâ uffbassa, dass mr 's nedd neba andre Kürbisgwächs nâbflandsd, nâ kennds durch Pollaflug au drzua komma. 'S geid no a baar andre Ursacha wia's zur Endwigglong vo de Gifdschdoff komma kâ (Hidz, Drockaheit etc.), deswega isch's am beschda, wemmer se am Bliadaâsadz âschneidad ond brobierd ob's biddr isch. Des gild au fir Gurgga.

    Wenn jâ, ausschbugga ond dia ganz Fruchd wegschmeißa. 


    Zucchini send nadierlich Gschmaggsach, abbr fir Ufflaif oddr a gmischds Gmias (zom Beischbiel Paprika) nemmes ab ond zua gern.

    #188Author opadeldok (1319435) 15 Aug 21, 11:02
    Comment

    Zucchini send biddr, wennse gifdeg send, dau hats Opale rechd.


    Dia schmeggad scho au guat, wenn se erschdenz em Sommr gerndat send (Säsoooh) ônd zwoitens no koine Briegl send, heggschdenzso fuchzeah Zandimeddr lang. Wemma se dann emme Olifaeel âadinschdat ond bloß a kloi issale Farb nemma ladd, hand se an ganz feina Gschmagg.


    Opale, i woiß it so recht, ob-ne "Reschbeggd" saaga soll zu Deinr Gaddabedreiôngsaggzjooh oder ob-e me driebr aufreeg.

    I fends eigentle a Zuamuadong, vo oim zr erwarda, dass-d r sich während dr Hauptsäsooh fembf Wocha om mein Gadda kimmrat, drmit i en da Uhrlaub kâa. Abr andrseits hoißts ja au: "Mit de Domme treibt ma d'Welt om."

    #189Author twocents (460778) 15 Aug 21, 11:15
    Comment

    Dusenzle, i behaubd (emmer em gedragana, leichd seifzenda Tonfall) vo mir scho seid ewige Zeida : "Ich bin einfach zu gut für diese Welt". ;-)


    Noi, i fiel me vo mainr Dochdr nedd ausgnidzd ond 's isch ao nedd ihr Ard, em Gegadoil, i hao `s ihra jâ selbr âboda. Abbr dia oinzig Meglichkeidfir a längre Erholungspause isch hald blooß en de Sommerferia. Sonschd schdohd se 's ganze Jòhr onder Schdrom ond schmeißd ihrn Lada faschd alloi, weil mai Schwiegrsoh uff Grond vo ra Erkrankung (Hämatochromatose) nemme älles macha kâ. I gönn ra ond ihrer Familie dia Zeid en Kroatia vo Herza, ao weil's eahm do onda a weng bessr gòht. Ond se hend ao Âschluss an Aiheimische dâ onda, weil se kroadische Bekannde vo dord hend.


    Also koin Grond zur Bsorgnis iebr mein Geischdeszuschdand. Obwohl, woiß mr's? ;-))

    #190Author opadeldok (1319435)  15 Aug 21, 12:12
    Comment

    ädd - woiß mr's? I hao amohl neima gläese, dass bedreffs Geischdeszuschdand uff a Selbschddijagnohse koi Vrlass idd sei 😏

    #191Author manni3 (305129) 15 Aug 21, 13:48
    Comment

    Eba, deswega.


    Abbr, wenn e des wär, was manche normal nennad, dann däd e gladd vrriggd werra. ;-)

    #192Author opadeldok (1319435) 15 Aug 21, 13:58
    Comment

    I ben seid geschdrn schwear debremiert. I hau d'Hälfte vo meine Domata rausgrubft. Dodal hee - Braufaile. Ennrhalb vo a baar Däg. I koot heila. Ond no koi oizigs Domädle isch richdig reif, wallnes so schbäd naus hab, weilz bis faschd enda June nei ende Nächt Bodafreschd ghett ghabt hat.

    #193Author Selima (107)  15 Aug 21, 14:36
    Comment

    Amoisl, dâ kâ ne midfiahla. Mir däd's dâ genauso ganga. Braunfaile kâ vreschiedne Ursacha hao, 's soll jâ midm Rega vo wo andersch eigschlebbd werra kenna. Deswega iebrdachd mr se am beschda. Außerdem kâ's an zwenig Kalium en dr Erde liega (Kaffeesatz ondrmischa ond mid Hornschbea bedegga soll a guads Middl sai), bei de Domada vo mainr Dochdr hòt's dia ledschde zwoi Jòhr gholfa. Abbr i dengk du kennsch de sicher bessr aus als wian i.


    I komm grad vo dr Alb ra. Gossa hao ne blooß dia iebrdachde Domada ond Gurgga, nâ war scho 's Gwiddr dâ ond ond hòt abglada. Dia erschde Domada send jetzat âfanga rot worra ond vo dr Braunfaile hao ne no nex gseah. Nâ hao ne no gschwend d' Boschd gsichdad, falls was wichdigs drbei wär ond ben begleided vo Blitz, Rega ond ma Mordsschdau vo Urschbring bis Ginga wiadr hoimgfahra. Dâ hend âscheinend dia ganze Ausflieglr wegam Gwiddr vorzeidich ond gleichzeidich ihre Ausfliag àbrocha.

    #194Author opadeldok (1319435)  15 Aug 21, 18:56
    Comment

    Hallo Dusenzle,

    schea dass es oine geit die mi ed vergessa hend. I läas fleisich bei eich mid, abr han oifach zwenig Zeid zom schreiba.

    I be zur Zeid kommunalbolidisch arg eigschbannd ond em Gschäfd gots au dronder ond driber.

    I vrsuach mi zu bessra ond ab ond zua was vom mr heera zu lassa.


    #195Author Muggaseggale (1004776) 16 Aug 21, 14:38
    Comment

    Des wär schee, Muggaseggale. On wenn et, bisch drotzdem et vrgässa! Wie konndescht du nur so ebbes ãnehmen!

    #196Author Goldammer (428405) 16 Aug 21, 15:27
    Comment

    Veleichd soddesch meah uff Sonneuehr omschdeige. Die geid a Rueh, wenns reanged ond zNachd. Die modesch Vierezwanzgschdundauehr loffd ôônerbiddlech weidr - do kusch doch gar idd zom Ausschnaufe 😕

    #197Author manni3 (305129) 16 Aug 21, 15:46
    Comment

    Dâ fälld mr grad uff, vom Gäbale hòt mr ao scho lang nex meh gläsa. A Lebenszaicha vo ra wär ao schee.

    #198Author opadeldok (1319435) 16 Aug 21, 17:22
    Comment

    Gäh-Ba-Leh!


    A-Mois-Leh!


    Breh-Leh!


    Schwäb-Leh!


    ...

    #199Author twocents (460778)  18 Aug 21, 14:56
    Comment
    schwäble, jawoll, da hanna!

    Liabe Griaß zwischanei mall wiidr.
    I wolldd eigenddlich auf Leo bloss no läasa, ond ao des bloss schboradisch, well wenne ebbes schreib, na werre hald doch fierwiddzig ond gugg efddrs, ob ebbr ebbes andworddadd. Ond des isch zeiddlich grad schwierig. Edz seid ledschdr Wuch hanne grad a bissle d'Luse, ond des oine odr andre mal wieder gschriiba.

    Machaz guadd!
    #200Author schwäble (951819) 20 Aug 21, 11:49
    Comment

    Jetz do schau her, au en Schbania hen se am Land Probleme mit de Turischda.


    https://www.sueddeutsche.de/panorama/ribadese...

    #201Author bluesky (236159) 20 Aug 21, 17:17
    Comment

    I han ejer dr Eidruck, dass d' Turischda a Broblem mitm Landläba hen....


    's Gäbele isch läbich on zabblt. I han se ufm Sohschlmidiakanal gfrògt.


    Velleicht endressiert eich a Gardagschichtle, han-e denkt: dr Schdar en onserem Garda desjòhr isch en ieber zwoi Meder hoher Kompasslattich (Lactuca serriola), der wo ema Schbalt zwischa de Bladda am Rand vo dr Pergola ufganga isch. Mr hent-en beim Õgrautrupfa vrschont, weil mr denkt hen, mòl säha was des wurd. Irgendwann hane-n beschdimmt.

    Wen's endressiert, worom der so hoißt, dem empfähl-e dr Artigl bei dr Dande Wiki

    (Bei ons zoigt-r iebrigns des Kompass-Vrhalda vo seine Blädder et, weil-r koi direkts Sonnalicht griagt.)

    Mir hen beobachdet, wie der gwagsa isch - en dr Haupt-Wachstumsphase etliche Zendimeder bro Dag. Enzwischa blieht'r seit Wocha, mit winzige, herzige, hellgelbe Blietla, dia wo nòch zo winzige herzige Puschdebluma werret. I han den no nia bewusst wahrgnomma, weil-r so õscheinbar isch. Seit i en kenn, sehe'n an jedem Eck schdanda - bloß so an hoha, brächtiga wia onsern han-e no nie gsäha bisher.

    #202Author Goldammer (428405) 20 Aug 21, 17:57
    Comment

    Turischde? Schdäddar hald ;-)


    Deesch ja endressand midd deam Kombassvrhalte. Des haoni no nie idd käerd kedd. Jiedz wäer i amohl luege, ob däe bei eis neima waxd!

    #203Author manni3 (305129) 20 Aug 21, 20:57
    Comment

    Hallo am Sammstach. Die Konflickte zwischen Stettern (Opp Turisten oder welche, disich aufm Lant niedagelassn habn, is egaal) und Lantbefölkerunk habn mich eamuticht, weil es dass auch in Frankreich gippt und gaap. Stendich vaklaachte eina den anderen, Ende 2019 wuade z. B. jemant zu fünf Monaten Gefengnis auf Bewehrunk vauateilt, weiler den Hahn Massell totgemacht hatte, dea ihm zu laut unt zu oft kreete. Gez gippts seit Ende Jannua 'n Gesetz, dass die Leute aufm Lant schützt: la loi sur le patrimoine sensoriel des campagnes. Wass man aufm Lant höat, siet oda riecht, iss numaal lentliche Kultua und somitt kullturelles Eabe. Egaal, ob's Massells, Kiachenglockn, Misthaufen, Kreissegen, Trecka, Esel, Feade oda Küe sint.

    #204Author Reeva (908916)  21 Aug 21, 14:03
    Comment

    "la loi sur le patrimoine sensoriel des campagnes" - des hanze gscheid gmached, bFranzose. So a Xedz fier de Schutz vo akuschdesche ond olfackdoresche Aigehaida vom Landläebe konndebr oo brauche als Bflichdleckdüere voer em Eizug - Ackzebbdanz vo de AGB däer Landgemeinde midd Ondrschrifd.

    #205Author manni3 (305129)  21 Aug 21, 15:14
    Comment

    https://www.zdf.de/nachrichten/panorama/hahn-...


    Des hen se bei eis au mache welle, hot abr net klappt.

    #206Author bluesky (236159) 21 Aug 21, 18:10
    Comment

    Boschurle, Schbätzla 🙂


    I machme etzamôl ersch ans Nôchläasa.


    D'Edith moint, sei jetz halba Zehne und i wär ferdig middem Nôchläasa.


    S'Gäbale moint, s'hei eigendlich damit grächnet, dasses an neija Fada gäa dät. Mei, no wäre wohl ällno am läasa.


    Schee henner eich undrhalta. Voll indressant. Bsondrs am Opale seine Gschichtla sin herzerfrischnd.


    Mir genn heit Middag laufa. Morga fahremer wiedr noch Eschinga, well da Schose am Dunschdig an Termin beim Dogdr hot.


    Siiijuuu, woiß bloß no noita wenn. Bisuuus und 🙂

    #207Author Moi Gab (456541)  24 Aug 21, 08:02
    Comment

    'S Gäbale war dâ ond koiner hòts gmerkd ghet. I hao heit main ledschda Aisadz bei mainr Dochdr uf dr Alb ghet. Se fahrad demnächschd los ond send dann, wenn's guad laufd, morga vormiddag drhoim. Ihre Aireise-Corona-Teschds send älle en Ordnong. Wahrscheinlich brengad ihre Bekannde vo dâ onda eahne, bevor se fahrad, wiadr kiloweis Trauba, Melona ond was 's sonschd no geit, vorbei. Dâ hao ne ledschdmòl scho faschd a Traubakur drmid macha kenna.


    An oim Domadaschdrauch send dia erschde scho schee rot, an de andre älle no grea. Dâ ka se en a baar Däg dia erschde ernda. Abbr 's beschde isch, dass an koim Schdrauch des bekannde Schadensbild zom seah isch.

    #208Author opadeldok (1319435) 24 Aug 21, 18:19
    Comment

    Aahla unn Schmaddsa fass Gäwwelsche ... unn fa allegaare aach !

    :-)

    #209Author no me bré (700807) 24 Aug 21, 21:07
    Comment

    Meine Aahla unn Schmaddsa abhol :-)))))))))))


    Mir henn heit Abrilweddr. Da Schose friard.


    Mein Mirabellabomm hot diesjôhr bloß zwoi Gläser Gselz gäa - ois fr mi und ois fr mein Lieblingsnôchbr, da Petr.


    Dafiar hennd Brummbära draga wia vrruggd. S'Gselz isch absolut sukkulent! Honns scho feschde vrschengkd. Da Reschd bhalte jetz selbr. Kennader eich vorschdella, dassda Schose no nia meine Gselzer brobiard hot? Der woiß id, wa em dô nausgôht. S..... .......r.


    I winsch eich a schees Wochaend! Hoffendlich kama morga wandra.

    #210Author Moi Gab (456541)  28 Aug 21, 13:45
    Comment

    I drugg dr d' Dauma fir's wandra, au wenn's Weddr nedd drnâch aussieht.


    A Gsälz vrschmäah? Des däd mr em Läba nedd aifalla. Außer bei de bridische Gsälzr, zom Beischbiel Oràschagsälz, wo no Schdiggla vo de Schala dren send. Des griag e, genauso wia Oràschad ond Zidronad ned nondr. Mai Muadr hòt fir Weihnachda emmr Lebkuacha ond Schdolla fir mi ohne des greisliche Zuig macha miaßa. Am liabschda isch mr abbr a gscheids Gwiddaschelee. Abbr 's geit jâ faschd koine Gwiddabaim meh bei ons en dr Gegnd.


    Wega de Mirabella, fälld mr grad ei, dass e grad heid morga em Zsammmahang mid derra "Semikolon-/Schdrichpunkddiskussioh em atlas-alltagssprache uff d' Werdr Reine Claude/Mirabelle ond Mrtel/Speis gschdoßa be.


    Also bei ons en dr Familie hòts iebrwiegend Renekloda ghoißa ond en mainr Omgebong hend älle, wenn's was zum maura geah hòt, vom Schbeis gschwädzd. Ond des warad älles Schwoba. Nâch derra Kard schaind des abbr nedd fir's ganze Ländle zom gelda.

    #211Author opadeldok (1319435) 28 Aug 21, 14:35
    Comment

    zom Beischbiel Oràschagsälz, wo no Schdiggla vo de Schala dren send


    Ond i mog des grad deswega. Nix liaba, wia an leera Joghurt mit am Leffele marmaleid drin.

    #212Author bluesky (236159) 28 Aug 21, 15:13
    Comment

    Isch hodd foahinn aach kalld gehadd ... doo hodd Lasannje gäbbd, weillma doodefoa de Baggoffe aanschmeiße muss unns dässweesche dann inn de Kisch scheen waam gänn duud ! ... unn geschmäggd hadds aach ... .-)

    #213Author no me bré (700807) 28 Aug 21, 17:02
    Comment
    I fircht des mitm Wandra kãsch fir heit gnigga, Gäbele.
    I lieg grad no em Pergolabettle on ringsom drepflt's on blätschert's.
    I sag au Schbeis zom Mertl. On Renekloda isch mr au gelaifich.
    #214Author Goldammer (428405) 29 Aug 21, 08:21
    Comment

    En osrm Garda hotz Rekloda- ond Mirabellabeim gea. Odr send des fr ui dselbe?


    Dr MaurAr hot frianr zwischa de Zieglschdoi an Schbeis doa - heid wearadse mibma Induschdriebäb ganz dinn zammabäbbt. Bei oos hot dVorratzkammr neabr dr Kuchl iebrigens oo Schbeis ghoißa.

    #215Author Selima (107) 29 Aug 21, 08:37
    Comment

    dVorratzkammr neabr dr Kuchl iebrigens oo Schbeis ghoißa


    Bei uns au.

    #216Author bluesky (236159) 29 Aug 21, 09:30
    Comment

    Genau, Foarradskaamr ond Merddl hoißadd Schbeis.

    Ond Reneclauden send bei ons Renglodda.

    #217Author schwäble (951819) 29 Aug 21, 09:39
    Comment

    I gib am Schwäble vellig rechd.


    Mirabella send ebbes andrs. Kloinr, it gar so safdig, a bissle wenigr Seire beim Kocha, ônd dSchdoinr gangat leichdr raus. Äher wia bei Zweddschga, it wia bei Bflauma.

    #218Author twocents (460778)  29 Aug 21, 11:01
    Comment

    Seltener Mitleser: Ich musste erst überlegen, warum der Speiss, also der Mörtel, in der Vorratskammer liegt. Jetzt habe ich es verstanden.

    #219Author renateheinz (1125123) 29 Aug 21, 12:45
    Comment

    Emmerle, bei derra Kälde em Pergolabeddle? Ihr send vo dr richdig harda Sord. Abbr 's hoißt jâ: Nur die Harten komm'n in Garten. ;-)


    I schdraib me weidr drgega, au wenn's me frierd, mai Haizong âzomschmeißa. Friehr hòt's emmer ghoißa: Wenn's de frierd, machschd dr hald warme Gedangga. Also sozomsaga autogene Erwärmung. I hao's brobierd ond i sag's eich 's hòt



    nedd fungdzionierd.


    Jetzat woiß e blooß nedd, ob maine Gedangga nedd warm gnuag warad oddr ob's Brindzieb als solchs vrgessa kâsch. ;-)

    #220Author opadeldok (1319435)  29 Aug 21, 14:03
    Comment

    Grimms Buebe hand zue Speise:

    mannigfache bedeutungen hat speise in gewerblicher sprache entwickelt, wobei der grundbegriff überall der einer mischung ist.

    #221Author manni3 (305129) 29 Aug 21, 14:07
    Comment

    Wahrtscheinz ausdr Zeit alz mr no Getreidebrei gschbeist hot morgnz, mittags, aubndz.

    #222Author Selima (107) 29 Aug 21, 14:19
    Comment

    Bei ons hòt mr au Schbeis gsagt, i han des immer als Abkirzung fir "Schbeiskammer" vrschdanda.


    Wahrtscheinz ausdr Zeit alz mr no Getreidebrei gschbeist hot..schdemmt, des glingt logisch.


    On des mit de Renekloda isch mr jetz au widder komma: i moin au, des wäret so graißere gelbe Pflomma. Wele leichder vom Schdoi ganget, Mirabella odder Renekloda, kennt i jetz et saga.


    Opale, i dät saga, schmeiß dei Heizong ã on mach dr's gemietlich!!

    I schbiel au scho mit dem Gedanka. 's schbricht nix drgega, außer ma dubbelicha Brinzip, dass mr des odder des et doa dirft weil mr's et õbedengt briicht, sondern no einiges aushalda miaßt bis-es richdich egsdrem wurd. Dò soddesch drieber schdanda!


    Des Schene am Pergolabettle bei Räga on Kelde isch, wemmer nachts vom Glo kommt, isches õvrgleichlich gmietlich, widder en des schene warme Nescht onder de digg Daunadegge neizomschlupfa!



    #223Author Goldammer (428405)  29 Aug 21, 15:24
    Comment

    Emmerle, häldschd me fir so an Brinzibiareidr? I halt's dâ eher mid ma Zitat vom Groucho Marx: "Ich habe eiserne Prinzipien. Wenn sie Ihnen nicht gefallen, habe ich auch noch andere.“ ;-)


    Dr Grond isch an andrer. Seit e ganzjährig drhoim be, send maine Gaskoschda om ainiges gschdiega ond mai Aikomma erheblich gsonka. I hao jâ, wo ne no gschaffd hao, em Wendr onder dr Woch dagsiebr nedd haiza miaßa bzw. d' Haizong war so eigschdelld, dass se blooß eigschalda hòt, wenn d' Raumtembradur onder 15° gfalla isch. Em Momend gâht's jâ no, abbr wenn's no kelder wird, schalde se nadierlich ai. Ond jetzat hoffa mr älle gemeinsam uff an scheena, warma goldana Herbschd. Den hend mr ons verdiend.


    Zom Pergolabeddle isch mr grad aigfalla, dass des friehr grad anderschdrom war, wo d' Leit no ihr Heisle außerhalb vom Haus ghet hend ond nachds froh warad, wenn se wiadr nei ens warme Bedd hend kenna. So ändrad sich d' Zeida. ;-) I hao des iebrigends selber als Kend, bei Familiabsuach en de friehe Sechzger uffm Dorf en der DDR, no kennalerna dirfa.

    #224Author opadeldok (1319435)  29 Aug 21, 18:48
    Comment
    I war grad em Addlas ondrwäags .... hammer des da hanna scho vlenggdd ghedd? (Schbeis/Merddl)

    http://www.atlas-alltagssprache.de/r8-f2b-2/
    #225Author schwäble (951819) 31 Aug 21, 11:02
    Comment

    Vrlenggd nedd, abbr druff bezoga. Abbr der Addlas isch echd a wahre Fondgruab. Oimòl gschend naigugga wella ond sch hängschd a Schdond oddr längr dren feschd.

    #226Author opadeldok (1319435) 31 Aug 21, 11:38
    Comment

    Opale, mach dei Heizung a, i magi id dasses de friart. Oder machs wia da Schose: Undrhemmad, Polohemma, digga Pullofr, warme Dräningshosa (uns Gäbale hogget allno barfiaßig und i de kurze Hosa dô *lach*).


    Asonschda, wa des Weddr bedrifft: Endlich wiedr Badwannawettr!!! Faschd so sche wia im warma Pergolabettle liega.


    Und, wa dSchbeiß agôht, des kenni au als Vorratskammr, diregd näba da Kiche. Do wared au sBaggbrett uns sWellholz dinna.


    Morga isch scho wiedr Sebdembr!! Bald kennamer Dracha schdeiga lossa. Moinader i sottme vrschdegga?





    #227Author Moi Gab (456541) 31 Aug 21, 14:34
    Comment

    Gäbale, i woiß jâ nedd wia da drhoim bisch, abbr dâ henna hòschd de no nia nedd als Dracha zom erkenna gea. ;-)


    Woisch jâ, wenn dia jugendlich Hidz nemma so arg vorhanda isch, nâ friehrt mr hald leichdr. I woiß nedd, ob da den Schbruch kennschd wo 's nedd omsonschd hoißd: Mr wird emmr eldr ond dr Arsch emmer kelder.


    I hao iebrigends genau des gmachd, a hoiß Bad gnomma statt haiza. Des hòt dann dr ganze Dag ghoba. Abbr iebrmorga muaß e d' Haizong eh âmacha, dâ kommd en äller Hergoddsfriah dr Kameafeger zom Abgas messa. Der kommd zwischa Siebne ond Neine, des hoißd i sodd scho am Seggse raus aus dr Kischd. :-(

    #228Author opadeldok (1319435)  31 Aug 21, 14:57
    Comment

    Bald kennamer Dracha schdeiga lossa. Moinader i sottme vrschdegga?


    Noi, mir fliagat liabr middanand!

    #229Author twocents (460778) 31 Aug 21, 15:43
    Comment

    I mecht au mitfliega!

    Sollemr dr manni ons Opale fròga ob se bereit wäret, ons schdeiga zom lassa?

    #230Author Goldammer (428405) 31 Aug 21, 18:05
    Comment

    Idd schlecht, Emmrle - Du hosch a Morzvrdraua en osre schalkhafte Herra.

    #231Author Selima (107) 31 Aug 21, 18:09
    Comment

    Drache schdeige lao isch ebbs andrs als Schwäbinna d Laiddr nazfhedze zom Ebflbrocke ;-)

    #232Author manni3 (305129) 31 Aug 21, 18:23
    Comment

    (nazfhedze - erinnert fascht a weng an covfefe..... 😀)

    #233Author Goldammer (428405) 31 Aug 21, 18:29
    Comment

    😀 😀

    #234Author twocents (460778) 31 Aug 21, 18:37
    Comment

    Manni, hòschd du ewenduell Vorfahra aus der Pfalz? ;-)


    (nazfhedze) I be grad am iebrlega hoißd des jetzat nuffhetza oddr nafetza?


    Lass me nedd em Schdich, i kâ koine drei erfahrane Dracha i alloi heba, wenn se amòl en Fahrd send.

    #235Author opadeldok (1319435) 31 Aug 21, 18:51
    Comment

      manche meinen

      lechts und rinks

      kann man nicht velwechsern

      werch ein illtum


    haddr Ernschd Jandl gschrihbe. In meim Fall senz dZaigefengr gwe 😕

    #236Author manni3 (305129) 31 Aug 21, 20:18
    Comment
    I moin, dia Lenx keedadd endrässandd sei ... em Fall, dassr nedd sowiso scho drfo ghäardd hand:

    Lexhelfer.dibs.badw.de
    Bdo.badw.de
    Dibs.badw.de Auch: https://badw.de/die-akademie/presse/pressemit...
    #237Author schwäble (951819)  02 Sep 21, 10:42
    Comment

    I kennd me nedd drâ erinnra, dass e des scho amòl gseah hedd. A endressands ond vielschdigs Brojegd. Vor ällem dia gschichdliche ond deils bolidische Aschbeggd, dia zur onderschiedliche Schròchendwigglonga en Geganda gfihrd hend, dia drvor no gleich gschwädzd hend. Au dia Karda hend den Vordeil, dass mr se lesbar vergresra kâ.

    #238Author opadeldok (1319435) 02 Sep 21, 15:48
    Comment

    Guada Morga Schbätzla! I hoff, ihr sin wohlauf.

    I wart scho auf da Kamifäagr. Der bringdmr gwieß Gligg und des doile nô mit eich!

    #239Author Moi Gab (456541) 06 Sep 21, 07:42
    Comment

    Des isch abr nedd, dass du des midd eis dailschd, Gäbele 🙂


    I kaas brauche. Nechd isch dr Kimmekehrar laidr no idd komme gwe. Do hadd mi a Moddohradlar vo meim E-Baik raagwoefe ond uff mei lenke Axl. Äer häb mi idd xäeche, hadda xed, am häelliechde Dag ond obwohl i oo no s Liechd âkedd hao. Wenns idd bessr wäed middem Wäehdam, mueß i woll doch no zom Dockdr zom Renndge ond Uldraschalle!

    #240Author manni3 (305129) 06 Sep 21, 08:56
    Comment

    Au vo mir an wonderscheena, guada Morga eich älle.


    Des "vielschdigs" en mainr #238 het iebrigends vielschichdigs hoißa solla.


    I hao am Freidichâbnd em SWR Fernseha dia Handwerkskunschdfolge "Wie man Käse macht" âguggd. Dr Schbrechr hòt dia ganz Zeit vo Käselaiber gschwädzd. Mir isch des Word Laib en dr Mehrzahl Laiber no nia begegnad. I kenn blooß oin Loib oder zwoi oder meh Loib Brot oddr Käs. Wa moinad ihr?


    Ledschd Woch be ne schier vrzweifeld. Mai Personalausweis laufd em Dezember ab, mai Gsonhaitskard au ond mai Fiehrerschai (dr alde graue) isch ab Neinzehnda Januar nemme gildig. Also brauche fier älles neie biomedrische Foddos. Onsern ordsâsässige Foddolada geits nemme. Dia Foddografa, dia no Passbildr machad send en mainr Omgebong offasichdlich rar. Dia maischde machad blooß no "Event"-Foddografie, so was wia Passbildr isch denne âschainend zu brofan. I hao dann, nach zwoi Schdonda suacha, en Fellbach doch no oin gfonda. I gfall mr abbr uff denne Bildr gar nedd. Des leit abbr nedd am Foddograf, der kâ ja nix fir mai bleeds Gsichd. ;-)


    #241Author opadeldok (1319435) 06 Sep 21, 09:00
    Comment

    Des leidt oo idd an deim Xichd, des leidt an deane blede Voerschrifda zuer Biomeddrih!

    #242Author manni3 (305129) 06 Sep 21, 09:30
    Comment

    I sag bloß ois:

    MANNI GANG ZOM DOKDER!!!!


    (meld me schbäder widder)

    #243Author Goldammer (428405) 06 Sep 21, 09:58
    Comment

    Des kennd nadierlich au sai. Abbr i hald me scho länger nemme fir fodogen, vor ällem wenn e nedd lacha derf.


    Des mid dem Ofall kâ ne guad nâchvollziah. I hao me drei Däg vor maim Fuffzigschda Geburdsdag bei ra Nodbremsong midsamd 'm Rad iebrschlaga ond be dann uffd dr rechd Schuldr glandad. I woiß no was fir Schmerza des warad. Nach ra Woch isch dr Bluaderguss erschd aus dr Schuldr en d' Bruschd rondrgloffa. Nâ wars a weng bessr. Dr Sanidädr hòt gmoind ghet, wenn e nedd so durchdrainierd wär, wär meh hehganga, mai Musguladur häb dâ ainiges ágfanga. Au wenn nix brocha ond koine Bändr oddr Sehna grissa warad, i hao no a guads halbs Jòhr koi Bädmindn meh schbiela kenna.


    Blooß bei mr hòt dr Modorradfahrer nix drfir kenna, wenn i z' bleed be zom bremsa. I hao zwar mid boide Händ druggd, abbr blooß oi Hand uff dr Brems (Vordrrad) ghet, dia andr Hand hao ne am Lenkrhörnle ghet. Wäre schdadd mid Fembfazwanzg mid Fembfadreißg km/h ondrwägs gwä, hedd 's vielleichd groichd, dass e widdr uff de Räder land. ;-)


    I däd saga gang glei zom Arzd ond lass drnâch gugga, sichr isch sichr. I drugg dr d' Dauma, dasses so glembflich ausgòhd wia bei mir.

    #244Author opadeldok (1319435)  06 Sep 21, 10:09
    Comment

    I sag bloß ois:

    MANNI GANG ZOM DOKDER!!!!


    I schliaß me am Emmerle âa. Laß nauchgugga, was hêe isch odr it.



    #245Author twocents (460778) 06 Sep 21, 13:16
    Comment

    Gee blooß bai de Doggda, manni !


    Isch hoff foa eh baa Joaa aach misse neije Foodoos hann fa de Bäasonaalauswais ... fonn de femf odda säggs odda soo Foodograafe, wooma mool doo hodde inn de Schdadd ess kään äänßischa mee doo ...nua soo eh Sofoadbillddängens imm Innkaafsßännda, wooma awwa hodd misse faschd eh Schdonn lang waade, weillse fa dii Bewäawunngsfoodoos fonn de Schuulabgännga soo eewiwsch hodde misse Beraadong mache ... fa eh Braggdigomm ...

    #246Author no me bré (700807)  06 Sep 21, 13:44
    Comment

    Seit ma Foddos en dr Drogerie ausdrugga ka, machen dia au Passfotos.

    #247Author bluesky (236159) 06 Sep 21, 14:13
    Comment

    I hoff dass die geballde Macht des Schwòbenfadens ausreicht, zom dr manni zom Dokder schaicha!

    (Lass ons au wissa was isch!)


    I kenn zom Thema Laib /Loib iebrigns au dr Blural als õvrendert:

    oin Loib, zwoi Loib, femf Loib - on zwòr egal ob's Käs odder Brot isch.


    's hemele hòt iebrigns recht, dr de-em zom Beischbiel biedet biomeddrische Passfoddos ã, dia wo mr direkt em Lada macha lassa kã. (Des kennt au a Erglärong drfier sei, worom d' Foddografa des nemme ãbiedet, des rendiert sich bei dera Kongurrenz nadierlich nemme.....)

    Dr Dengs on i hen letschjòhr fir onser letschdlich abgsagde Amerikareis au welche braucht, on dia hemmer direkt em Ròthaus macha kenna. Dò hòt mr se selber macha kenna ema Audomat, der wo ein durch des Brozedere durchglaidet hòt, on's Bild bloß akzebdiert wenn's de Griteria entschbricht. Des hemmer auch bragdisch gfonda.


    (On fir d' Xondheizkard hemmer neilich oifach brifade schene Bildla von ons rausgsucht on bei dr Kass em Indernetpordal hochglada on des hen se akzebdiert!)


    (On i han meiner Läbdag no neamerd droffa, dem wo seine biomeddrische Bilder gfalla hent! 😉 )

    #248Author Goldammer (428405)  06 Sep 21, 15:20
    Comment

    So i be wiadr drhoim. Dr Perso ond dr Fiehrerschai, Labba kâ mr jâ nemme saga, send beâdragd. I be mr vorkomma wia bei dr erkennongsdienschdlicha Behandlong beim Fengerabdrigg abnemma. ;-)


    Heit nachmiddag hao ne des nâchghold, was am Samschdich nedd glabbd hòt. I hao me mid ma Buach bei mir en dr Nähe an ma ruhiga Blädzle en d' Sonn gsedzd. Am Samschdich hao ne a kloine Ronde laufa ond me dann mid 'm Buach uff dia beriehmde Riläxliege am Lensabühl bflanza wella. 'S hòt nedd glabbd, weil d' Riläxliege, wo ne vom Parkbladz Kalkofa losgloffa be scho belegd war, nâ be ne a greßere Schloif Richdong Schloss glaufa ond dann durch dr Wald Richdong Lensabühl. Wia ne an dr Liege âkomma be, war se emmer no belegd. Na be ne hald, obelesa, en ra weidra Schloif ibr dr Gießdschoi zom Audo zruck. Fembfahalb Kilomedr hao ne eigendlich nedd laufa wella. Abbr sche war's drodzdem.


    Wega maim Fahradiebrschlag fälld mr grad no was nedds ai. Wia ne me nach ma Weile wiadr uffgrabbld hao ond Bolidzai dâ war, hòt dia Bolidzischdin, a kloine zierliche, zua mr gsait: "Sie sehn a wengale blass aus, moinad se kennad schdanda?" I hao zu ihra gsait: "Em Augablick goht's ond wenn's nemme gòht nâ senk e hald eahne en d' Arm." Dâ druff grinst dia ond sait: "Ha, des bissle Gwichd fang e au no uff."


    I be jâ midm Krankawaga vorsichdshalber en 's Krankahaus gfahra worra ond Bolidzei hòt dangkenwerderweis mai Rädle uff dr Wache fir mi verwahrd, bis e wiadr fit gnuag zom Abhola be. Wia ne a vier Däg schbäder mai Rad gholt hao, sait dr Bolidzischd: "Sie hädd e no nedd erwarded. Mai Kollegin hòt gmoind, dass mr Sie wohl so schnell nemme seahnd."


    #249Author opadeldok (1319435)  06 Sep 21, 19:27
    Comment
    Jetz lammegao! Bisch du am Linsabühl gwä!
    Also mir sen's et gwä wo dir dei Läseschdendle vrmasslt hen.
    Abber ebbes kã et schdemma: vom Pargblatz aus sieht mr noët, ob d' Riläxliege belegt isch. Ersch voma bissle weider dr Weg nuf.
    Dr Gießschdoi isch au a wonderschener Blatz, gell?
    #250Author Goldammer (428405) 06 Sep 21, 21:47
    Comment

    Emmerle, des hao ne oifach vrkirzd. Nadierlich siehd mr des nedd direggd vom Parkbladz aus, mr muaß z'erschd amòl dr Buggl nuff ond dann rechds abbiaga ond nâ siehd mrs oba am Hang an dr Waldgrenz. Mai Ronde, dia i gloffa be, kâsch dr dâ âgugga: Riläxliege. I hao ausm Gedächdnis dia Lag vo dr Riläxliege ond dr Ponkd wo ne se gseah hao markierd.


    Abbr guad, dass da nâchfrâgschd. Em Endrnedd kâ oim jâ oinr viel vrzähla. I wissd abbr ehrlich gsait koin Grond, warom i dâ henna a Schdorie vom greana Pferd vrzähla sodd.


    Dr Gießschdoi isch au a wonderschener Blatz, gell?


    Rechd hosch. Ond Breama warad au koine dâ. :-)

    #251Author opadeldok (1319435)  06 Sep 21, 23:46
    Comment

    Hoi, was isch denn los, dass kois meah schreibt?

    I komm vom See zrigg, abr sGäbale isch it drhoim gwêah. :-(

    Gfalla habbers drotzdem, au wenn Heifa Durischda ondrweags send. Die send mendr wia dSchauf beim Ommananddriala. I allaweil zmiddeschd denn. :-)


    Manni, wia gaht's Dir ônd Deinr Schuldr?

    #252Author twocents (460778)  10 Sep 21, 11:47
    Comment

    Manni, wia gaht's Dir ônd Deinr Schuldr?


    Des hao ne au scho fròga wella. Abbr nâ hoa ne gseah, dass`r em Schbrâchlabor am achda Sepdembr was boschdad hòt, nâ war e weng beruhigd.


    I hao dia ledschde Däg nedd viel erlebd ond kâ deswega a nedd viel vrzehla. Nedd amòl an Schwank aus mainr Jugend hao ne parad.


    I dreff me heit Âbend mid maine Keglbriadr ond -schweschdra zom Kegla nâch elf Moned Coronapause. Des isch dia lengschd Pause en iebr vierzg Jòhr gwea.


    I wensch eich an scheena Âbend.

    #253Author opadeldok (1319435)  10 Sep 21, 16:42
    Comment

    Endwarnong!

    S gohd aingdle ganz gued, bloss dasses hald bei beschdimmde Bewegonga allad no wäeh dued. Beim Radle gohz sAuf- ond Aaschdeige a bissle schwäer. Do mueßis Gwichd hald haubzächle uff de xonde Arm lege ond beim Fahre uffs Fihdle.

    dr Bluederguss kommd afange ins gäel Schdadijom.


    Zeschd haoni ibr de Onlainderminkalendar an Dermin in zwai Wucha kriegd kedd. Des isch mr abr a bissle lang voerkomme. Nocha haoni mein Hausarzd gfroged, ob i idd liebr ind Noedaufnahm im Krankehaus gao sodd. Äer hadd abr gmoind, äe ruefd sein Kollege sell aa, se däebeze scho seid vihle Johr gued kenne, wo se in iehrar Jugend im Christoph die Halbdoede vor Salzburgar Audobah middand eixammled häbed. No haoni glei nechd an Dermin kedd.

    S isch nix hee: dBoinr im Rendge send okee, dBendr im Uldraschall send okee! Die moderne Dechnick isch a Wondr. Beim Uldraschall kaa ma sell zueluege, wie se dees alls bewegd ond beim diggidahle Rendge kudd oo soford a Bildle uff de Monnidor ond ussm Druckar!!

    A habbr a Physiobehandlong midd Eis vrschrihbe ond Ibuprofen 600.

    D Rufe am Knie endwickleze voerbildlech - alls schwaaz ond schea drucke :-)


    Heid Namedag hammr eis zuefemfd droffe, laudr alde Seckl ond Schachdla, ond hand eis vo eisre ondrschihdleche Zueschdend vo Knie, Axla, Kreiz ond Hallux vrzelld. Mei Axl isch die gräeschd Nuijekaid gwe ;-)



    #254Author manni3 (305129)  10 Sep 21, 17:15
    Comment

    Guad zom hera, dass da doch Glick em Oglick ghet hòschd. Nâ wensch e dr guade Bessrong ond dass dai Schuldr bald wiadr schmerzfrei bewega kâsch.


    Mai Keglâbend geschdern war schee. Onsern Haufa nach elf Monad amòl wiadr zom seah, wo mr ons sonschd reglmäßig älle vier Wocha dreffad.


    So, jetzat schdòhd des Fädale wiadr iebrm Folgefädale, des dr Manni scho eigfädld hòt.


    A wondrscheens Wochaend eich älle.

    #255Author opadeldok (1319435) 11 Sep 21, 12:06
    Comment

    Geals Schdadium vom Bluterguß, nix he wammer et mitra Fissio on ama Ibu wieder nãgriagt - bisch noml drvokomma, manni!

    Jò, dia nuimodische Onlainterminkalender bei de Ärzt sen manchmòl en reachder Scheiß, guat dass-es dò a gloine Wittaminbeh-zwischamenschliche Konnektschn gea hòt!


    Mir sen gescht bei dr Hauzich vo meim Neffa on Padasohn gwä, mr hent en dr Eslsmiehle gfeiert - kennsch du vrmutlich, Opale, odder? Wonderschees Wanderlokal em Siebamiehladal, on a schene ombaude alde Schuier oder Schdall odder was des frieher gwä isch fir greßere Feschdla. D' Esel hent gschrieea, on d' Henna sen zwischa de Gäscht romgloffa ganz zudraulich, on dr Sörwiß on s' Essa isch sauguat gwä, on 's Feschdle richdich schee....alles beschdens. Bloß semmer heit zimmlich gschroddet. Abber des macht jò nix.

    #256Author Goldammer (428405) 11 Sep 21, 17:57
    Comment

    Riesaendlenzscheißdreggle, i honns Senzle vrbassed. Dbei ware scho schdendig am denkga, dassmr am Senzle sein Bsuach fehlt. Hrrrggtttzzzcckk nomôle abr au. Mir wared am Mittwoch und Dunschdig in Donau beim Schose seine Doggderra und geschd hommer da Donnrgettin ihren Geburtsdag gfeierrat. Siebzehne ische worra, siebzehne!!! Mei, wia dia Zeit vrfliagt (koi Wundr, gfallemiar auf koine Foddos meh. Opale, bisch id alloi).

    Des mit denne Durischda am See isch bald nimme schee. Koi Wundr id, fliagad dAwohnr aus und genn ins Hindrland, wenn dias Ertle ibrfalled. I honn jo eigendlich nix gega dLeit – jedr soll sich am See freija kenna, abr manchmôl kasch bloß no dAuga vrdrilla und flichda.

     

    Manni, wa machsch au fr Sacha! Froh bin, dasses so guad ausganga isch mid deim Ibaikufall. Werrme bei meim Kamiifäagr beschwera, das des Gligg woner het bringa solla, id bis noch Minka groicht hot.


    D'Edith isch nasaweiß und dät gern wissa, wa da grad fr a Buach liesch, Opale.

    #257Author Moi Gab (456541)  12 Sep 21, 12:00
    Comment

    Gäbele, beschwear di idd, es hadd ja graichd! S isch ja nix hee - idd amohl am Rad. A Bluederguss ond a Rufe am Knie käerd doch zue de normahle Läebmsomschdend bei de Buebe ond bei sedde Fehla, wie du oine bisch!

    Ond seid em Schose seim Ofall haoni oo allad an Helm auf beim Radle - i denk soo ofd draa! I be glei weidrgradled midd deam Wäehdam im lingge Arm. Richd em scheane Grieß aus ond a soll oo meah radle. S Drauma ibrwende!!

    #258Author manni3 (305129)  12 Sep 21, 15:43
    Comment

    Jô Manni, näggschjohr isches zeah Johr her. Geschd hemmarm a Ibaik bschdellt - des hoißt unsr zwoita Bua hot des gmachd. Isch middem rumgfahra, hottems erglärt, hotten berôta. Jetz wellamer môl säah, obr wirklich wiedr mitmer radlet. Schee wärs.


    I heddamôl a Frôg a eich. Hot oiner fo eich scho amole an Demenzteschd gmachd?

    #259Author Moi Gab (456541) 12 Sep 21, 20:26
    Comment

    I idd. Ma mueß idd alls so gnau wisse welle.


    Em Schose druck i dDaume fiers Ibaike! Des isch schea 🙂

    #260Author manni3 (305129)  12 Sep 21, 20:44
    Comment
    I, Gäbele.
    #261Author Goldammer (428405) 12 Sep 21, 21:56
    Comment

    Ônd, hasch bschdanda? 😛



    (DLIHIWK - Duabber loid, i hau it widrschdanda kenna)

    #262Author twocents (460778)  12 Sep 21, 22:05
    Comment

    Ja. Se hen gsagt, mei Hirn wär fir mei Alder ema sehr guda Zuschdand.

    's wär abber a Momentufnahm on kööt sich durchaus en Zukunft au endra.....

    Also, fir alle Zeida ben-e et ausm Schneider was a Demenz ãgòht, net dass-e moin, hen se halt gsagt.


    #263Author Goldammer (428405)  12 Sep 21, 22:35
    Comment

    Ond waas däze endre, wemmas wuußt, dassba demend isch? Geiz do Dabledda? I gloob idd 😕

    #264Author manni3 (305129) 12 Sep 21, 23:41
    Comment
    Es gibt enzwischa viele Meglichkeida wia mr's lindera on vrlangsama kã, wenn au net wegtherapiera, des gòht et, schdemmt. Abber fir mi isch d' Õgwißheit 's Schlemmschde gwä, älles besser als die dauernde Romgwälerei dòdrmit.
    #265Author Goldammer (428405) 12 Sep 21, 23:46
    Comment
    Gudda Morga, middanand!

    Däffi midd ra Schbraochfraog zwischanei hubfa?

    I bi grad iibr a Wordd gschdolbbradd, wo e kurz naochdengga miaßa han, was etz des nommal hoißdd. A Wordd, wo en meinr Kendheidd di oizig Bezeichnung fr "XXX" war, wo e kenndd hann!

    Wissadd Ihr, was "Zembblfranza" send?
    #266Author schwäble (951819)  13 Sep 21, 09:30
    Comment

    Wissadd Ihr, was "Zembblfranza" send?


    Fr mi ixsch dfes a Ponni.

    It des koi Ressle, sondrn dHaur. Abr koi dichdr Ponni, sondrn a bissle schebb, ôogleich, schdrehnig.

    Auf Schdandarddeitsch däbba se Simpelfransen schreiba.

    #267Author twocents (460778)  13 Sep 21, 09:52
    Comment

    I kenn des au.

    Bei ons hòt mr Simblsfransa gsagt, also mit ma s zwischem Simbl on de Fransa.

    Abber des war et irgendwie abwerdend odder bloß fir schdrehniche oder õgleich gschnittene "Ponni", sondern ganz allgemein on normal, also direkt sinnonim mit Ponni.


    (* em zwoisentle no a õnaidichs x on f abnemm*)

    #268Author Goldammer (428405) 13 Sep 21, 11:12
    Comment

    (* em zwoisentle no a õnaidichs x on f abnemm*)


    Danggschêa, Emmerle! Kenntesch mr bitte no a klois "L" geah? S Ressle isch nemmle dau, abr halt kloi.

    #269Author twocents (460778) 13 Sep 21, 11:19
    Comment

    Guada Morga midnandr.


    Also bei ons hòt's Semblsfranza ghoißa. Ond des war en de friahe Sechzger dr Schdandardschnidd (au Kochdobfschnidd gnennd) vo de aldeigsessane Friseer. Bei ons jonge Buaba eggschdrem obeliebd, wo mr doch ehr an Bürschdaschnidd odr an Seidaschaidl mid endschbrechendr Schdirntolle wella hend. Abbr se hend hald no nex anders kenna.


    An Demenzteschd hao ne no nedd gmachd ond au bis jetzat no nedd fir nodwendig erachded. Abbr an Online-IQ-Teschd hao ne vor vier Jòhr gmachd ond mir isch an IQ vo 168 beschdädigd worra. I schbiel dâ drmid en oiner Liga mid 'm Stephen Hawking, hend se gmoind. I hao beschlossa, des nedd ernschd zom nemma ond me liabr uff mai fondierde Halbbildong zom vrlassa. Des roichd mr. ;-)


    En dr Eselsmiehle war e, als Endeikehr bei ra Wandrong vo Waldabuch-Glashidde nach Leifelda, am nachmiddag ao scho amòl. Abbr dâ blooß em Café. Dia Kuacha ond Dorda warad sauguad.


    'S Siebamiehladal isch scho schee. Abbr an scheene Wochaende herrschd dr ewige Kampf Schbaziergänger gega Radler, boide doilweiß gleich riggsichdslos. Dia oine dabbad dr bledzlich vor`s Rad ond dia andre moinad sie mißdad ohne zom klengla mid Vollgas en zwanzg Zendimedr Abschdand an de Leid vorbeirasa.


    Gäbale, i les grad "Meine italienische Reise - oder wie ich mir in Sizilien einen uralten Cinquecento kaufte und einfach nach Hause fuhr" vom Marco Maurer. Des Buach hòt d' Braunbärin em "Schönes gesehen, ...-Fada" empfohla.


    So, ond i gang jetzat naus ond hoff, dass e main Musgglkader em lenka Arschbagga vom Kegla am Freidich durch Bewegong gnädigr schdemma kâ.

    #270Author opadeldok (1319435) 13 Sep 21, 11:54
    Comment

    *em zwoisentle glei amòl uf Vorrat 3 kloine l-l-l geb (on des send kloine äl, koine graoße Ih, et dassr moinet!)


    @opale: glar, em Siebamiehladal sott mr am Dinschdag Vormiddag odder so laufa, odder ama vrrägneda Novemberwochaend, et ama schena Wochaend im Sommer...

    #271Author Goldammer (428405)  13 Sep 21, 12:03
    Comment

    Emmerle, genau so ischs!


    A scheens Dal zom Laufa, abbr ohne Miehla ond Aikehrmeglichkaida, isch 's Schaichdal vo Aichdal-Neiahaus bis Dettahausa. Lang nedd so iebrloffa ond faschd no scheener. Ond no meh zom seah was dâ älles kreucht, fleucht oddr bliahd.

    #272Author opadeldok (1319435)  13 Sep 21, 12:16
    Comment

    Mier hand Semblfranza xed. In meir Erinnrong isch des abr a Fehleschnidd gwe: lange Hoor lenx ond rechz vom Middlschaidl ond hendanaa lang - in am Zobf odr in am Bferdeschwanz. Ond voana äebe Simblfranza.



    DuSenzle, deine vrschossene Lenx friehnr hammr bessr gfalle als so ordenäere Dibbfählar midd i ond l ond L. Die kaa ja a Jedz! Des isch nix ausgschbroche Indiwiduells uff am häechre Niwoh!

    #273Author manni3 (305129) 13 Sep 21, 14:00
    Comment
    Also fr mi war "Zembblfranza" wia frs Emmrle iibrhaubbz nedd abwärddndd ... es hadd daomls koi andrs Wordd gea. "Pony" isch mier erschdd schbädr als Sinonim gelaifig worra, ond hadz enzwischa komblädd ersedzdd.
    #274Author schwäble (951819)  13 Sep 21, 14:38
    Comment

    Erschmôl Haschlummigumm (auf Franzeesisch "pardon"), dasseme ersch jetz meld. I woiß id, wa mit mir und meinera Zeitverwaltung los isch, i brings oifach nimme auf dRoih.


    Wane Neis zom berichda honn? Auf da Donnergettin ihra Geburtsdagsfeier am Samschdig waramer familjamäßig wiedr môl älle zämma und jetzt hot sich rausgschdelld, dass oiner vo unsre Engkala (der, wo vor langer Zeit môl gfroget hot: Oma, warum hengd dei Fiedla dô so - wissader des no?) am Mändig possidiev teschdad worra isch. Guad, mr sinn jô außr meinerra Schwiegrdechdarra älle dobblat gimpft - abr dKind halt noita. Oh Manno!


    Wa den Demenzteschd agôht, hommer uns zämma middem Dok ibrlegt, obmr da Schose täschda solled. Grund, er beglagd sich ibr Gedächdnisvrluschd. Dazua momma abr au saga, dasser a Medikament nimmt, bei dem i de Nebawirkunga Gedächdnisverluschd schdôht. S'Broblem isch halt, dass da Siach id gnua Deitsch ka. Danke, Vegale, fr dei Antwort.


    Und danke, Opale, fr dei Antwort. Gfallter des Buach au?


    So, und jetzatle zua de Simplfransa. I sag heit no Simplfransa zua de Simplfransa.


    Heit hot da Schose Geburzdag. Drum sage jetz glei wiedr "Servus Schbätzla" sieju leitr!


     

    #275Author Moi Gab (456541)  15 Sep 21, 14:43
    Comment

    Nocha wensch i ui a scheane Schosegeburzdaxfeijer.

    Alls Guede im nuje Johr oo vo mier! 🙂


    Wie gohzm mibbm Ibaik? I hoff, dassm des gfelld. Des isch so schea, wemma beim Dabbe an leichde Schub vo henda kriegd - des Gfihl im Ondrbauch isch faschd so schea wie beim Gasgeah in am Borsche 😉

    #276Author manni3 (305129)  15 Sep 21, 15:36
    Comment

    Guat dass da's sagsch, Gäbele! I guck zor Zeit so selda ens Xichtsbuch nei, dass-e des deet beschdemmt vrpasst hett. Jetz hane-m no a schoajö annniwersähr gwinscht!

    #277Author Goldammer (428405) 15 Sep 21, 19:02
    Comment

    Manni, hosches gmerkt, bei da IAA zMinka war au mei fämilli vrdräata? Da Neffe isch mit am Zebbalin am Himml rumgfahra und an Engklbua war auf da Schdroß demonschdriara (augaroll - des mage id so, hon ammel Angschd, skenndam äbbes bassiara).


    Da Schose griagd sei Ibeik des Wochaend. Er hibblad scho. Sodda mir id au dôdamit afanga?


    Bei waffera Vrsicherung hosch du eigendlich dei Ibeik vrsicherrat? In da Hausratsversicherung?


    Boschurla au no an alle Schbätzla!

    #278Author Moi Gab (456541) 16 Sep 21, 10:10
    Comment

    I hao a Hausrazvrsichrong gnomme, wo s Rad drbei isch ond sogar oo ibr Nachd dussa schdao däerf, weil i koi Garaasch idd hao ond dKellarschdieg so schmahl ond schdeil isch. Koschd insgesamd 33,10 € im Johr.


    I hao de Zebbalin scho a baarmohl romfliege säeche ond hao jezmohl lihbevoll an di denkt 😍

    Fier a bersehnlechs Aahle ausrichde isch a zweid doba gwe, äer hadd mi idd richdeg vrschdande ond hadd gmoind: noi, äer dääb in dr näggschde Zeid idd uff Aalen im Oschdalbkrais odr Ahlen im Minschdrland komme.

    Mei bersehnlechs Ahle raich i dier jiez hiimidd nooch: Aaah ...


    Zwengs am Hibble guggschd 255 🧐

    #279Author manni3 (305129)  16 Sep 21, 10:40
    Comment

    Egal ob Ahla oddr Aala, wenn d' Dembradur om a baar Grädla heher wär, däd i mi gera an ma scheena Schdrand en dr Sonn aala. Abbr so bliebd mr nex anders iebrig als mai Kehrwoch zom macha. :-(


    Zom Buach kâ ne no nedd viel saga, i be no nedd so arg weid komma.


    Abroboh hibbla. I schiab des Fädale a weng nâch oba, 's sodd jâ no voll werra. Rein zur Vermeidong vo dr wirduella Platzverschwendong. ;-)



    #280Author opadeldok (1319435) 18 Sep 21, 13:43
    Comment

    manni, kenndesch du amòl des dò vom Eimimimile (middlerer Abschnitt, letschder Satz) on mein Kommendar von zwoi weider onda ãgugga, wenn da Luscht hòsch? I kã's et genau benenna, was mi an dera schigga Genidivkonschdrukzjo schdert, abber irgendwia isch se zmindescht arg õgwehnlich, odret?

    #281Author Goldammer (428405)  20 Sep 21, 16:28
    Comment



    Dei Korrektur isch gued. So dädis oo formuliere.


    I glob, dass es koin Genidiv fier Covid idd geid ond dass es oo idd gohd, dassba fier das Covid ond die Erkeltong die gleich Endung nemmd.


    außrdeam

    sollte man in der Zeit der Pandemie zu Hause bleiben

    sollte man in Zeiten der Pandemie zu Hause bleiben


    #282Author manni3 (305129) 20 Sep 21, 23:22
    Comment

    Hemmir tatsächlich fascht a Woch nix meh gschwätzt???

    Was ischn mit uns los?


    I hoff ihr sen älle wehla gwä!

    Mir kommet grad vom Wahllokal hoim. Mir wehlet emmer em ejemalicha Kindergarda vo onsere Jonge. Desch emmer a weng noschtalgisch, dò widder nãzomkomma on sich z' erinnera, wie dia dò als gloine Schdepsl romgschbrunga sen, mr erinnert sich an Kardofflfeschdla, Kindi-Olimpiadana, Faschingsfeschtla, Nikolausòbende on so weider...on jetz sen's gschdandane Manna!

    #283Author Goldammer (428405) 26 Sep 21, 16:56
    Comment

    Hemmir tatsächlich fascht a Woch nix meh gschwätzt???


    Jâ, hemmer. I woiß ao nedd, wa mid ons losch isch. Vo mir woiß e blooß, dass e zur Zeid a wengale âdriebsarm be, abbr zom wehla hòts geschdern groichd.


    Vor zwoi Wocha am Sonndich hao ne mid mainr achdjähriga Enkelin, uff ihrn Wunsch, a kloine Radduhr mid ra gmachd. I hao gmoind zur Fohlahaushehle wärads nâ ond zruck vielleichd seggs, sieba Kilomedr. Dâ hao ne me abbr verschädzd, 's warad sechzeah Kilomedr. Da war se ganz sche gschlauchd am Ende, vor ällem weil an ihrm Fahrrad dr erschde Gang nedd fungdsioniehrd hòt. Mi hòt's ao no naigschlaga, weil mr uffm Schoddr en ra Kurv 's Vorderrad weggrudschd isch. Isch abbr nix bassierd.


    I hao lacha miaßa wo se zu mir, em Lauf vo ra Onderhaltung, uff a Andword vo mir gsaid hòt: Opa, des war ironisch gmoind. ;-) I woiß abbr nemme om was's ganga isch.

    #284Author opadeldok (1319435)  27 Sep 21, 12:52
    Comment

    Z' Datschiburg hams da Perlachturm scho hergricht firs Turamichele. https://www.augsburg.de/webcam/ (Am zwoita Bildle sieht mas besser.)


    In meim Wahlkreis hot die Kandidatin von de Grüne des Direktmandat gholt.


    Sonscht gibts nix neis.

    #285Author bluesky (236159) 27 Sep 21, 19:58
    Comment

    Darf ein Mitleser seinen Kommentar abgeben: in meinem Landkreis ist der Kandidat der CSU der Glückliche.


    #286Author renateheinz (1125123) 27 Sep 21, 20:21
    Comment

    : in meinem Landkreis ist der Kandidat der CSU der Glückliche.


    Des vrscherft ja dAuswahl zBaiern ganz eggschdrem. :-).



    #287Author twocents (460778) 27 Sep 21, 22:15
    Comment

    (Huch? I han gescht ufm Hendi a Antwort an d' renate tibbt ghett.....wo isch dui bloß vrschwonda? Also d' Antwort, et d' renate)

    I ieberleg manchmòl, wie groß onser wirdueller schdiller Fännglub wohl isch...Tausende, Milljohnen em wewewe vrfolget womeglich diesen kuldurell on schbròchlich ãschbruchsvollen Ausdausch von högschdem Niwwooh....i glaub jetz ischs a weng mit mr durchganga.....

    #288Author Goldammer (428405)  28 Sep 21, 08:28
    Comment

    Emmrle, nix isch dau middr durchganga. Erinnrasch de no an osra Erwähnung en dem lengwischdischa Ardiggle iebr ds Dobblberfekt? Abr ball dia oos oobeeinflußt schdudiera mechdan, bleibas halt allweil schdomm. Desch wia midde Ednologa am Amazonas, bei de Inuit ond em Kongo :-)


    FFle, renate, mit deara Aussag gibtmr minimal ebbes iebrs sein Wohnort breis ;-)


    Mannile, wia gohtz Deine lädierte Boinr?

    #289Author Selima (107)  28 Sep 21, 08:36
    Comment

    Der Fanclub ist groß! Guten Tag.


    #290Author renateheinz (1125123) 28 Sep 21, 12:25
    Comment

    Maisle, danke fierd Nochfrog: so langsam wäez bessr: die Bluedergiss wäered hellr ond kloinr, dBewegongsfreihaid nemmd zue. I ka de Warmwassrhaah mid Lenks bediehne, abr sKibbfenschdr no idd - do duez fihchdeg wäeh. sRadle gohd oo allad bessr. I krieg Behandlonga midd Eis ond von am Freind, am Vichdockdr, haoni a echde Pferdesalbe kriegd, oine fier dRoss. Die menschlech sei äjer a Blazebo, hadda gmoind.

    #291Author manni3 (305129) 28 Sep 21, 12:27
    Comment

    On, hilfze?


    Ja, ameisle, i erinnere mi. I han jò selletsmòl sogar dera Autorin gschrieba. Se hòt abber niea reagiert.

    Jò, mir sen scho a schdudierenswerde Ednie, gell?

    #292Author Goldammer (428405)  28 Sep 21, 12:45
    Comment

    Abbr dia Salb nedd z' dick uffdraga, sonschd fangschd no 's Wiehera â. ;-)

    #293Author opadeldok (1319435) 28 Sep 21, 12:51
    Comment

    Obse hilfd, isch schwäer zom sage, weil bei mier gronzädzle alls zemle gued haild - midd ond ohne Salb 🙂


    Wex em Wihere: ma sollse idd schlucke - hadda xed 😀

    #294Author manni3 (305129)  28 Sep 21, 12:53
    Comment

    FFle, renate, mit deara Aussag gibtmr minimal ebbes iebrs sein Wohnort breis 😉

    D Aussag, wo ma it wohnt, isch genauer.


    Wex em Wihere: ma sollse idd schlucke - hadda xed 😀

    Pferleichd machd se lange Zêeh. Muach amole gâu luaga, Manni.

    #295Author twocents (460778) 28 Sep 21, 16:35
    Comment

    Bis jiez komm i midd Nochschleife middr Flex no soweid klar, dass i sBassklarneddlesmondschdick middsammd am Bassklarneddlesbläddle (wissed scho: die haoni in am Bassklarneddlesbläddlesaufbewahrongseddwi dinna) no so weid ins Maul neibreng, dass i no Tittflöhr druff schbihle kaa ond Alde Kammerahde! 😀

    #296Author manni3 (305129)  28 Sep 21, 17:55
    Comment

    Nò isch die Wäld no soweit en Ordnung....muasch-es abber em Aug bhalda! Schbädeschdens wenn Btittflör nemme gòht, soddesch den Roßdokder noml om Rat fròga....


    (I fròg me grad wia 's Zwoisentle den schäbsa Grinsi nãgriagt hòt....geits denn so ebbes wia kursive Grinsi??? Muaß-e doch glei amòl brobiera.... 😀 🙁 ....ha tatsächlich, jetzlammegao!)

    #297Author Goldammer (428405) 28 Sep 21, 18:06
    Comment

    Hihi, Emmrle, des haunemr vorin oo dengkt ghett. Goot a feddr Grinsr oo? 🙁 🙁 😀 😀


    D'Edith moint, 's däd ganga, abr mr siggds faschd net. Abrs ondrschreicha git an nedda Kraga umda Halz.

    #298Author Selima (107)  28 Sep 21, 18:10
    Comment

    Amoisle, jetz hald amòl schdill, dauernd vrschiesch du mir mei Edith....i will doch no Btittflör akuschdisch vrlinka.... (des isch et dr manni, on a Bassklarinettle on a Bassklarneddlesbläddlesaufbewahrongseddwi hòt der Mã au et, abber schee schbiela duat'r oinawäg)


    On 's nuie Fädele wär nò

    #299Author Goldammer (428405)  28 Sep 21, 18:15
    Comment

    *d' Dier zuamach on de nui ufmach*

    #300Author Goldammer (428405) 28 Sep 21, 18:19
    Comment

    Nâch'm àflexa soddesch abbr no mid dr Boliehrscheib driebr ganga. Nedd dass dr an ra Kanda no d' Zong uffreisch.  😛😉


    Dr Ledschde machd nâchher 's Lichd aus, weil


    Dâ goht's dann weidr. 


    Sabberment, jetzat be ne glatt iebrholt worra. Tja, Vegl fliagat halt schnellr. ;-)


    Wo isch dr Lichdschaldr? Ah, gfonda. Lichd aus.



    #301Author opadeldok (1319435)  28 Sep 21, 18:21
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt