Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --205--Alemanneschwobeschnierle--205--

    Topic

    --205--Alemanneschwobeschnierle--205--

    Comment




    Des isch s zwaihondrdondfembfd endrnazenal Alemanne-Schwobe-Schnierle,

    in deam wo ma allarlai Warianda vom Schwäbesche ond Alemannesche läese ond schreibe ka.



    ◎ Vo dedd kommebr ond jiez goz do hinna weidr.

    ◎ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ◎ Do isch a frisch abbdeidede Landkarde midd am Haufe Middschreibar ond Middschreibarna

    ◎ Do isch eisr Wariandewäedrbuech.




    Wäe gäere hibbled, soll des Fädele äeschd läese, wenn dr Zwaihondrdvierar vool isch, gell ;-)









                        Land id lugg!


                        Nichlokkalassn






    Author manni3 (305129)  11 Sep 21, 00:30
    Comment

    Gfonda!

    #1Author Goldammer (428405) 16 Sep 21, 11:20
    Comment

    Frächdax 😉

    #2Author manni3 (305129)  18 Sep 21, 09:29
    Comment

    Ui, desch iatz abr schnell ganga!

    #3Author Selima (107) 28 Sep 21, 18:30
    Comment

    Sodele, i wär jetzat au dâ. I hao driaba no 's Lichd ausgmachd, weil's no an fir an 301er Bladz ghet hòt.


    Ond em Fadababba no a vrgelts Gott fir's Baschdla.



    #4Author opadeldok (1319435) 28 Sep 21, 18:48
    Comment

    Obbale, des middr Boliehrscheibe isch a guede Idee! I hao me scho gwondred kedd, warom beim Budze dr Bechar voolar roede Kondenswassr isch 🥺

    #5Author manni3 (305129) 28 Sep 21, 19:52
    Comment

    I hao ibregenz allad gmoind, des Schdickle (Schdickle? Hä?) vom Sidni Beschä däeb Tit fleur haiße 🙄

    #6Author manni3 (305129)  29 Sep 21, 16:09
    Comment

    Do deana gohz grad om Katzlmachar ond dEddemollegie vo deam Woed.


    Allgaiar Schuelarwitz:

       Bfarar: Wer isch Gott?

       Sebbl: a Gatze vo Heml ond Äerd

       Bfarar: Falsch! Er isch dr Schöpfer von Himml und Erd!

       Sebbl: Sag i doch!!


    #7Author manni3 (305129)  02 Oct 21, 10:27
    Comment

    Dankschee, Manni, vrs neije Fädale


    und


    dankschee, Opale, frs Numleida



    #8Author Moi Gab (456541) 02 Oct 21, 16:21
    Comment

    Danngescheen fa dass wunnascheene neije Fäädelsche, Faadebabba !


    *aangemälldbinn*

    :-)

    #9Author no me bré (700807) 02 Oct 21, 20:32
    Comment

    Henner älle dr Herbschbluhs odder was isch los?


    Also i ben a weng lou-enerdschie de letschde Dag. Gescht hemmer ons gega d' Gribbe impfa lassa on des hòt ons a weng omghaua desjòhr - des hemmer bisher et so ghett. Heit isch a weng besser, abber schbriehend vor Energie on Tatendrang ben-e drotzdem et grad....

    Mr sen letschde Nacht au vo dr Pergola reizoga zom Schlòfa.....wenn's noml a baar Däg goldenen Oktober gibt, ganga mr velleicht noml naus. Abber em richdicha Bettle wars scho saugmietlich letschde Nacht....

    #10Author Goldammer (428405) 06 Oct 21, 12:08
    Comment

    Herbschdbluhs? Noi, ehr nedd. Des was du lou-enerdschie nennsch, hao ne ao scho seit vierzeah Däg. I nenn's hald âdriebsbein ääh âdriebsarm. Abbr 's lässd grad a weng noch. Firleichd, weil e am Meedich bei mainr Friseerin war ond me so gfraid hao, dass se nâch ma Besitzerwechsel no dâ isch. Wäsch gwescha ond uffghängd, Kiche budzd ond 's Bedd frisch bezoga hao ne heid scho.


    Am ledschda Freidich hao ne em SWR Traumziele (Schottland) âguggd. Des isch fir mi ao a Draumziel gwea. Abbr vo dem hao ne me scho faschd vrabschiedat. `S isch hald nemme dr ginschdigschde Urlaub. Dr Brexid kommd no drzua. Ond mid maine rudimendäre Englishkenndnis drau e me, vor ällem alloi, ao nemme. Andrerseids sag e mr, dass mai English mid siebzeah, wo ne en Wales war, ao nedd bessr war. Ond mir send drodzdem durchkomma.

    #11Author opadeldok (1319435)  06 Oct 21, 15:45
    Comment

    *reinplatz. in die Runde wink*


    Ich habe eine Frage for manni. German has the word dunkel, is/was there a cognate in English, along the lines of thunkle? My students and I think there should be, and wir versuchen, das Wort in die englische Sprache reinzuschmuggeln.


    Wishing all of you a nice day.

    #12Author Amy-MiMi (236989) 06 Oct 21, 16:51
    Comment

    Du meinsch, analog zu denken - think, danken - thank oder so?

    Also Guhglhits gibt's koine en die Richdung.

    Ob dr manni wohl so dief en die Schbrachgeschichde eitaucha kã dass-r dò ebbes zutage fördert? Also iii woiß et....

    Velleicht miaßet-r des oifach erfinda odder enthülla, ("unvent", wie d' Elizabeth Zimmermann, säligen Angedenkens, emmer gsagt hòt, wenn se a nuis Schdrickmuschder odder a Technik erfonda hòt on gmoint hòt, velleicht häb sie des gar-et erfonda, sondern bloß aus bisher õbekannde Gwella ausgraba)....also so wie mir seinerzeit brobiert hen, des schene Wort "dangerös" ens Deitsche eizfiehra, was abber bisher leider no-et wirglich gelunga isch....

    #13Author Goldammer (428405) 06 Oct 21, 18:47
    Comment

    A²My³, griht Ju :-)


    Tu ßiss Etimolledschi didnt Ai samßing Konwinzing faind. ẞe ounli Kogneit tu Inglisch Ai faund iss a Oldsäxan dunkar änd ße ounli L appiers in a Oldnetherfranconian duncal (8. ßendscheri) . ẞe Frisian Kogneiz häf olwiss a "r" ät ßi End. Newwer soh Ai ßäer in änni Längwitsch a /θ/ ohr /ð/. Ai äm werri sorri.

    Newwerßeless faind Ai Juer Aidia werri dscharming. Wott a Pitty Ai kuddnd faind a Pruuf 🙁


    Ai houp ßät it tu Ju änd Juer Habbi gudd gohs 🙂


    #14Author manni3 (305129)  06 Oct 21, 19:30
    Comment

    Opale, zua deim Draumziel Schottland kanedr saga, dassda des au bei eis honn kahsch. I bin amôle mit zwoi schoddische Firmagäschd vo Eschinga an Bodasee nabgfahra. Irgendwo auf da Schdregg hottdr Dschonn bletzlich gschria: Ardschi, lukk, lukk, itz laik houm! No honnermer dengkt, ha jetz woiße au, wias det aussieht.


    Am Eimi-Mimile wink. Und alle a guats Nächtle winsch (ob dinna odr dussa).


    D'Edith moint, heit sei wiedr Badwannaneiflaggawedder. Des wirre au mache. I willsmer mit da Edith id vrdärba. Eigendlich heddamer heit wandra solla, abr da Schose hot gsait "noi!" und dô hôt sich mein innra Sauhund ahgschbrocha gfiahlt und i war ibrschdimmd. Ojee.


    I hoff, eich gôhts älle guat. I sälbr bin a wengle daun. Honn jetz scho drei Däg lang Grindweh und hoff, dass dafiar sAmoisle vrschont bleibt.


    Häff a neiß deile, Schbätzla!

    #15Author Moi Gab (456541)  06 Oct 21, 21:31
    Comment

    Hemmer ghett heit. Mir sen uf Schduagert on sen mitm Riesarad gfahra, en dr Margthalle omenandergloffa (i han gfillde Dattla griegt on dr Dengs a Schdigg Salami vo de Schwäbisch-Häller Metzger), on nò mit dr Zagge (Zãhradbãh vo dr Schdadt nuf nòch Degerloch) widder nufgfahra, wo mr's Audo pargt ghett hen.

    Des war a wirglich schees Ausfliegle!

    Opale, du kennsch d' Margdhalle sicher odder? Desch fir mi ois vo de absolude Hailaits vo Schduagert.

    Des Riesarad schdòht suscht ufm Wasa beim Canschdadder Volgsfescht, abber des fellt jò noml aus, on dòrom hen se's uf dr Blatz vor-em Neia Schloß nãgschdellt. Die Fahrt war echt wonderschee!


    #16Author Goldammer (428405) 07 Oct 21, 21:21
    Comment

    Des middem Riesarad middla in da Schdadt isch bei eis in da Ziddig* gschdanda. Hoschen vo oba runtr irgndwo sSchdiggle gsäa?


    Schdellad eich vor, i bin heit ohne Masga in da Edeka neigloffa. No hottme des liabe Mädle vo da Bäggerei drauf aufmerksam gmacht. I honn ersch a Weile braucht, bisse dscheggd honn, wase moint. Fange jetz au scho a middem vrwirrt wärra?


    *Oh, i glaub Ziddig isch a Werdle, desmar dScheesa beibrocht hot.


    Schlofed guat!

    #17Author Moi Gab (456541)  07 Oct 21, 22:31
    Comment

    Des ohne Maschge isch mr oo scho so gange. I hao jiez in jedar Hose oine im Sack ond im Anerack oo!


    No a baar Ahla (12 Millemeddr, weiß) nochdräglech fier di :-)



    #18Author manni3 (305129) 08 Oct 21, 01:00
    Comment

    Juhuuu, wiedramôle a baar Woich-Birschda-Ahla. No ka da Dag bloß schee werra.


    I mach heit wiedr an Bio-Epfl-Walnussa-Kuacha. D'Niss sin vo unsrm Walnussbomm (rip, mein Liaba, dBah hotten jo ledschda Wintr gfällt :-( , kennt allno heila) un dEpfl sin vo userm alda Epflbomm (ugschbrizd - koin Epfl isch makkllos). Der Kuacha isch geil, sait mein Bruader. I ibrigens au. Jetz bloß nix Falsches dengka! I moin da Kuacha!


    Häff a naiß deile, Schbätzla!


    D'Edith moint no, seit der Bomm nimme vor unsrm Haus (d.h., vorem Badfehnschdr) schdôht, hei se da Nochbr vo da andra Seita vo da Bahlinie middem Fernglas glotza säa. Nägschmôl dei sem Zung raushengka!

    #19Author Moi Gab (456541)  08 Oct 21, 11:17
    Comment

    Griaßts eich.


    Bei oos hoz Birna vom oigna Baum ond Niß vo fremde Baim gea. Aufm Weag zom Schbielblatz semmr an ganz vill Nußbaim ond -straichr vorbeikomma ond dr Zwatzl hotz ja idd so arg weid zom Boda ond hotze alle aufghebbt. Dia hammr bis grad eba gknackt.


    Manne - Bluadwirscht bzw. an rechda Blonza ... deeeees wär's . Abr leidr machd osr oizigr Metzgr koine guade Bluadwirschd. I werrmr hald welle vo drhoim midnemma, wanne znägschde Mol danna ben. Ond dann gitz oos erschde gscheide Graut ond an fedda Blonza fr mi! Kardoffl egal en welchr Form ond nadierlech a guads Bier ... abr i mogs allweil a wengale herbr alz wias IrrseAr isch.

    #20Author Selima (107)  08 Oct 21, 18:27
    Comment

    Au ja, a gscheids Kraut ond Leberwürscht drzua. I mog ja liabar Semmeknedl.

    #21Author bluesky (236159) 08 Oct 21, 19:38
    Comment

    (zo mier:) Wia kommt jetzt 's Ameisle uf Blonza, en Bezug uf dr manni? Fragen ieber Fragen.... (zo mier/Ende)


    Bisch sicher, dass ihr dia Niss hen holla dirfa? Bei ons isch ersch en dr Zeidong gschdanda, dass se oin vrwischt hent, der wo onderma graoßa Nussaboom am Ufläsa war. Dem hen se dia Niss wo-n-r scho gsammlt ghett hòt weggnomma on se em Eigatimer zrickgea on eahn wega Diebschdal ãzoigt - allerdengs hòt der scho Niss em Wert vo femfhondert Eiro em Audo ghett....sovl hòt eier Zwatzl beschdemmt et ufgläsa....

    I han denkt, dass mir au scho manchsmòl a baar Pfond Niss wo ufgläsa hent, ohne z' Ieberlega, dass dia ebber gheret....


    (Kennet'r des Schbrichle: Uf Sauergraut on Blonza, muaß mr gottsallmächdich bron.........................nawasser saufa!)

    #22Author Goldammer (428405) 08 Oct 21, 20:39
    Comment

    [zom Emmrle] Guggsch do ond 138 [zom Emmrle/End]

    Blued- ond Läebrwirschd iss i am liebschde am Freidag, dasse dr Babbschd räechd ergre mueß ;-)

    #23Author manni3 (305129) 09 Oct 21, 01:45
    Comment

    Emmrle, dia send aufm Gehschdeig gflaggad ond hand allezam no en oi Hand basst. Des wear ebbs gwea, wannze do da Zwatzl ond sei alda Oma abgfiahrt häddn. [I moi, des lofft beschdemmt no ondr Mundraub.]


    Bei Dir, manne, dädrse zwengscht no ärgra, von mir drwarteddr eh nix andrsch.

    #24Author Selima (107) 09 Oct 21, 10:18
    Comment

    Emmerle, bei ons derf se jeder "wildwachsende Waldfrüchte in ortsüblichem Umfang" aeigna. Schdeht en dr bayrischen Verfassung, Art. 141,3.

    #25Author bluesky (236159) 09 Oct 21, 10:30
    Comment

    Maisle, däe gfraize, dass du als Wieschdgleibege am Freidag koi Weißwirschd idd isschd. Dass du oo an de andre Däg koi isschd, ischm wahrscheinz wurschd. A kaa se ja idd om alls kemmre!

    #26Author manni3 (305129)  09 Oct 21, 10:33
    Comment

    Manne! Es goht doch om Blonza - ond idd om dia komesche andre Wirschd.

    #27Author Selima (107) 09 Oct 21, 10:39
    Comment

    Send Blonza aingdle Bluedwirschd? Des Woed isch idd in meim Wockabelahr.

    Ond i moi dBluedwirschd uff ar Schlachdbladde, frisch gmedzged ond haiß midd Läebrwirschd, die wo zom allgemeine Amüsemaah iehre graue Masse ibr de Disch schbridzed, wemma idd Obachd beim Aufschneide geid - ond mid am Kesslflaisch ond Kraud.


    Nochdrag: I glob, Blonze hammr dZaublòhdr kaiße, midd däer womr gfueßbaled hand.

    #28Author manni3 (305129)  09 Oct 21, 10:54
    Comment

    *doogavrdreah* Dr Dudn! Zerscht moindr, dass 'vrlocha' schweizArisch sei, ond iatz sätdr, dass Blonza eeschdreichisch sei:

    https://www.duden.de/rechtschreibung/Blunze

    Dz Lauenga ischdr Faschengsruaf "Blunz blauz!" - ond kommt vo dera Gschicht, wia d' Lauengr da greaschda Blonza em Gai hand macha wella. Nochd handz abr koin Schlachtkessl ghett, wo der Blonza neibaßt hätt. A ganz groaß Gscheidrle hot gmoint, dass Doana grad so dampfa däd, dau kootmrs doch neihengka. Des hand alle a gscheida Idee gfonda ... dengkt -> doa. Abr dia ausdr Nauchbrgmoind (I woiß nemme gwieß, ob des d'Foimengr odr d'Echabronnr warat) hand des midgriagt, da Blonza aagschnidda ond midgnomma. [Hernacht wartscheintz omgfillt ond en gloinere Derm gfilld.]

    #29Author Selima (107)  09 Oct 21, 11:11
    Comment

    Blooß ganz kurz, i be glei ondrwägs.


    Manni, guggsch dâ: Blunzn

    #30Author opadeldok (1319435) 09 Oct 21, 11:14
    Comment

    s DWDS hat zue Blunze

       1. [besonders A, D-Südost, D-Mittelwest] Blutwurst

       2. [umgangssprachlich, abwertend] dicke, plumpe Person


    Dier send scheinz uss Sidoschd ond em Obba seine Baire oo, on i be äjer uss Sidweschd ;-)

    #31Author manni3 (305129)  09 Oct 21, 11:18
    Comment

    Mir isch's jâ blooß oms Bild ganga, abbr du kâsch au des nemma Bluètwurscht


    Südweschdlicher goht's faschd nedd. ;-)

    #32Author opadeldok (1319435) 09 Oct 21, 11:25
    Comment

    Endressant, dui Blutwurschtdiskussjoh!

    Bei ons hòt mr no zwischa Blutwurscht (ohne Schbeckschdiggla) on Griebawurscht (mit Schbeckschdiggla) onderschieda. Ob jetzt Blunza an Oberbegriff isch odder bloß fir oine vo dene zwoi Warianda gilt, kennt-e leider et saga.


    @hemele: i moin so a Regl gäbs bei ons au. Abber des dät nadierlich et bedeida, dass mr ufra Boomwies älles an Niss eisammla derf, was dò velleicht enra schdirmischa Nacht rondergfalla isch! Was die "ortsiebliche Menge" genau isch, isch nadierlich a dehnbarer Begriff....

    Abber des vom Amoisle on seim Zwätzele dät sicher en jedem Fall koi Broblem gea!

    #33Author Goldammer (428405) 09 Oct 21, 17:33
    Comment

    Obbale, ond mier isches bloss oms Woed gange. Was a Bluedwuuschd isch , waiß i. Ond dass dier drzue Blonze saged, haoni middkriegd. In deim Lenk zom Schwiizardüütsch kudd Blonze idd voer.

    #34Author manni3 (305129) 09 Oct 21, 17:41
    Comment

    Nadierlich ka ma net oifach an Baum abernda, bloß weil er aufra frei zuagänglicha Wies steht, bal der ziemlich sicher jemand ghert. Du kasch abr auf mundraub.org luega, wos Beim zum freia ernta gibt.

    #35Author bluesky (236159) 09 Oct 21, 19:13
    Comment

    Manni, maine zwoi Lenks wared a Antwort uff dai #28: "Send Blonza aingdle Bluedwirschd?"


    Abbr nâ hao ne hald dai Frâg falsch vrschdanda. Kâ bassiera.

    #36Author opadeldok (1319435)  09 Oct 21, 19:43
    Comment

    Scho alls räechd, Obbale. Dschulljong!

    Mei Kuuzzeidgedächtnes hadd grad an Rihsewaxdomsschub: s wäed allad kiizr 😕

    #37Author manni3 (305129)  09 Oct 21, 21:04
    Comment

    Manni, solang da no woisch, wem da deine Ahla zuakomma lossa muasch, und i woiß, dasse nahheba muass, isch dia Welt no in Ordnung.


    Häff a naiß deile, Schbätzla! Zonn scheint und i schiggse eich numm, dasser eich au dra freija kennad 🙂

    #38Author Moi Gab (456541) 13 Oct 21, 10:02
    Comment

    Mei Gäbele, dWelt isch no in Ordnung, weil mier zwai des wissed :-))

    #39Author manni3 (305129)  13 Oct 21, 10:52
    Comment

    Ond in deam kloine Biergarde am kloine Säe isch dWeld oo no in Oerdnong: femfezwanzg Kiillemeddr eleckdrogradled, s freie Inddrnedd fonkzjonierd, Zonne scheind, dKaschdania mached an Kraach, wenn se uff de Disch falled oddr uff mein Grend, ond sDonkle vom Hackarbschorr schmeckd. Glei bschdell i mier an Gmieseindobf midd viel Äerdebfl ond Flaisch - am Freidag, dasse dr Babschd räechd ergre mueß 😛


    sLäebe isch schea ond soo kaas weidrgao: de Corona-Buuschdr ond dGribbeschbridzze haoni ohne Näebewirkonga oo seid nechd. 🙂

    #40Author manni3 (305129)  15 Oct 21, 16:16
    Comment

    Manni, em eins-zu-eins-Gespräch am Be-Zwoi kommt grad dr Kinschdler von dr Imperia. Der däddr gfalla.

    #41Author Selima (107) 15 Oct 21, 16:34
    Comment

    I grieg nägschn Februar a Elegdrorädle. I frai me scho. Dui Dräbblerei uf dem gschengriegda alda Gebbl vo meira Schweschder gòht mr enzwischa uf d' Nerva....

    Dia Rädla hen halt a Lieferzeit zor Zeit, hondert Brozent vo de Fahrradhendler hen beira Omfròg dia Dag gsait, dass se Liefervrzegeronga heddet on maih vrkaufa kenndet, wenn's gengt.

    (Mei schees Rädle isch mr vom Hof glaut worra, wo-n-e's amòl õabgschlossa ieber Nacht vrgessa ghett han...des isch nòch dera Dschin-Brobieirerei beim Jonga en dr Schdadt gwä, dò wo-n-i's Rädle hoimgschoba han. Wo-n-e drhoim war, ben-e bloß no nei ens Haus on ens Bett, on am andra Morga isch s' Rädle weg gwea....)

    I moin, desch arg nett vo meira Schweschder gwä, dass se mir ihrn Vor-Elegdro-Gebbl gschenkt hòt, abber - se liest jò et dòhenna mit - es isch scho a weng a Glomp....


    Hert sich nòch ma gmietlicha Nòchmiddag ã manni! Isch dir wirglich a Kaschdanie uf dr Meggl gfalla, odder war des dichderische Freiheit deines Beidrags? I argwehn letschderes....abber en schena Glepfer hett des sicher doa!


    Gribbeschbritze hemmir au scho, se hòt me desjòhr a weng omghaua fir en halba Dag...wegam Buuschder miaßamr no fròga. On Pneumokoggaimpfong lassa mr au no macha.


    #42Author Goldammer (428405)  15 Oct 21, 17:04
    Comment

    On Pneumokoggaimpfong lassa mr au no macha.


    Dia hat mir mei Hausärztin scho vor zwoi Johr nei ghaut. Grippe hen i am Mondag ghett. Was isch mit Girtlrose ond Keuchhuaschda?

    #43Author bluesky (236159) 15 Oct 21, 18:00
    Comment

    sEmmrle moind: On Pneumokoggaimpfong lassa mr au no macha.

    I oo! In a baar Wucha, hadd dDeckdre gmoind. I hao de Imbfschdoff scho im Kiehlschrank.

    #44Author manni3 (305129) 16 Oct 21, 09:51
    Comment

    Deand ui iatz oo schos Impfbiachlesprahla afanga. Mei Muadr heit oo scho. Da haunes abr ganz loggr eigschdeggt. Girdlrose ond Gelbfiabr hot sia ned ghett ;-)

    #45Author Selima (107) 16 Oct 21, 16:29
    Comment

    Bisch du amend a hommebadesche Imbfschkebbdickare?

    #46Author manni3 (305129) 16 Oct 21, 18:23
    Comment

    Wia kommsch iatz Du vo meir Fempfavierzgd auf so a Frog, manne?!

    #47Author Selima (107)  16 Oct 21, 18:35
    Comment

    I han et brahla wella! Bloß vrzhehla. 🙁

    #48Author Goldammer (428405) 16 Oct 21, 21:03
    Comment

    Maisle, "s Impfbiachlesprahla afanga" hadd mi missdrauesch gmached.

    Fier mi isch oo bloss vrzelle gwe.

    #49Author manni3 (305129) 16 Oct 21, 21:53
    Comment

    Wanne so vill Vrwirrung ond draurege Gsichdr vrursach mit meim Vrsuach a Witzle z'macha, duadsmr loid. Kommd nemme vor.

    #50Author Selima (107) 17 Oct 21, 10:33
    Comment

    S isch hald mei äeschde Assoziazioo gwe. Mier duez laid - dier brauchz idd laid doe! Dass i a bissle a lengre Laidong hao, kudd in ledschdar Zeid laidr efdrs voer 😟

    #51Author manni3 (305129) 17 Oct 21, 10:49
    Comment

    Dät gern a baar Ahla abhola mega. Wenns denn welche gäb.


    Freime middem Vegale auf Erädle. Da Schose hot sais und isch no koi gotzigsmol draufghogget. Isch des id bled?


    Guats Nächtle, Schbätzla und dreimad äbbes Schees.

    #52Author Moi Gab (456541) 17 Oct 21, 23:02
    Comment

    I hed a Hambfl frischgschniddene weiße Schuhrwoll zom Ààgeah. Ma konnz als biologesche Fillong fier a Nòdlkissad häenemma odr als Budzwoll odr als biologesche Horndingar uff humanischdischar Basis.


    Außrdeam konnd i no so a vierzg Kwadradßandemeddr sorgfeldeg bearbaidede hondrdachzgar Schmirglhaud fier Kredzahla zuer Vrfiegong schdelle.

    Also, wäe* will, kaa se gäere bedihne ;-)


    *Mei Gäbele, wie wärs midd eis zwai Hibbsche? 😊

    (Hibbsche - hä?? hibb, hibble? Geiz do a eddemollogesche Vrwandtschafd? Glei amohl Grimms Buebe froge!)



    Boschkribbdomm: Dank dr Fisio ond ar ächde Bferdesalb fier Ross vonam Freind, dea wo Dierarzd isch, ond meine allad no wirkmächdege Selbschdhailongskräfde wäed mei Axl allad bessr. Die ganze Bluedergiss send bis uff zwai kloine blaue Mãõsa weck ond de Hebl vom Kibbfenschdr kani endlech meah midd Lenx dräje 🙂


    #53Author manni3 (305129)  22 Oct 21, 10:07
    Comment

    A baar hondertachzger-Schmirglaala dät i gern nemma...au wenn ich et so persenlich als Hibbsche eiglada worra ben wia manche Gäbala....


    Dui Woll brauch i et. I han mei Nòdlkisse gmacht, wo-n-e siebzeah gwä ben, nòchma Hòòrschneide-Iwent bei ons drhoimt, wo mei Schweschder on i onsere boide dòmòliche Fraind (uf eigena Wonsch, wohlgemerkt!!) ihre Hòòr gschnidda hent. I han dia abgschniddane Hòòr vo dene boide Buba ufghebt, on zsema hen se grad a wonderschene Fillong fir a Nòdlkisse gea. Des han i heit no.


    Boschdsgribbdom: des frait me fir de, manni! 's isch doch älles nix, wemmer dr Hebl vom Kibbfenschder et reacht romgriagt!

    #54Author Goldammer (428405)  22 Oct 21, 22:04
    Comment

    Asso, i wär denn au bereit fr dia Schmirglahla - fallzes Vegale no äbbes ibrigglossa hot. Kenntse seelisch und moralisch braucha. Bin a wengle bled drauf. Am Dunschdig hemmer unsr Grippeimpfung griagt und seit geschd jucktzme und beißtzme am Hals. S'nääääääärvt. S'wird doch id an Floh sei.


    I hett au no a Glas voll mit Hoar. Wundrscheene Logga vo meim Bua. Dia hebe auf, wellese bhalta mag.


    So, jetz macheme wiedr a mei Arbet. Häff a naiß Ifaningle, Schbätzla!

    #55Author Moi Gab (456541)  23 Oct 21, 19:19
    Comment

    Bhalde mege isch a gueda Grond fier Aufhebe! Do kaama nix drgege sage!!


    Ifaningle *hihi* - moinsch du Sowahrle?

    #56Author manni3 (305129)  23 Oct 21, 23:27
    Comment

    Gnau Manni, Sowahrle, so honne des gmoint ghett. Mir zwoi hibbsche Maindsalaik vrschdenns uns halt, gell.


    Bonn schurrnee, mo Scherrile 🙂


    D'Edith moint no, i soll jetz mei Gosch halta und me ans Schaffa macha. Woiß dia id, dasse selbr woiß, wane zom Dua honn? Geschd und heit aufs Wanderra vrzichda, des falltmr fei scho schwer. So a schees Herbschdwedderle!!

    #57Author Moi Gab (456541)  24 Oct 21, 12:07
    Comment

    ans Schaffa macha - du als Rendnare? Am hailege Daag Sonndag? Hasch meah an Zusadzdschobb zom Schwaazgeldscheffle fier de Schdrombf ondrem Kobfkissad? 😉

    #58Author manni3 (305129) 24 Oct 21, 13:25
    Comment

    So, ausgschafft fr heit. Kennte jetz bitte sofort a baar Ahla griaga, vore dSchdiaga naufgang und ins Neschd vrschwind?

    #59Author Moi Gab (456541)  24 Oct 21, 23:34
    Comment

    Gäere! Bei de Aahla isch heid Selbschbedihnong ond so vihl ma will. S send gnue dò :-)

    #60Author manni3 (305129) 25 Oct 21, 00:17
    Comment

    Vrgeltsgott, Manni. I schiggdr dafiar Zonna num, bei eis scheintze scho. 🙂

    #61Author Moi Gab (456541) 25 Oct 21, 12:41
    Comment

    I ben heit in Seeburg bei Urach gwandert. Dr Ãlass isch gwä, dass e am Sonndag beim Abschlussgoddesdienscht vo meim Prädikandaseminar aus Vrsäha a Xangbuch han mitlaufa lassa on des heit en des Kirchle vo Seeburg zriggbròcht han. On weil's so schees Wedder gwä isch, sen dr Dengs on i no d' Trailfinger Schlucht nufgwandert on ieber dr Littstoi nòch Seeburg zrigg. Nò isch mir eigfalla dass es Opale a ehnliche Wanderong glaub i amòl des Friehjòhr au gmacht hòt, gell, Opale?

    I brobier amòl ebbes aus: mei Wander-Äbb schlecht vor dass i a Tuhr andere zoiga kã wenn i mecht. Brobieret amòl ob des glabbt mit dem Link dòhanna.

    #62Author Goldammer (428405) 27 Oct 21, 20:14
    Comment

    Funzt, Vegale. No bisch du also bei Komoot. Da Schose und i sin bei Strava. Schene Wanderung, wonner dô gmacht hon. S'Weddr war jô heit gigantisch. I war heit mit mein Bruadr und seinerra Freindin in Eeschdreich wandra, 10,87 km, bei Linganau. Muaß mol gugga, obbe des au andre (außr denne, wo bei Schdrava sin) zoiga ka.


    I honn jetz scho da dridde Dag an Dullikopf. Sagmer all, hoffendlich bleibz Amoisle vrschont.


    So und jetz luagemer dei Wandrung nommel a. :-)



    Und ans Karinkale honne au dengka miass - i honn de Schbinat im schene WMF-Topf abrenna lossa. Mei, hot des gschdunka. Mei hot des Gäbale schrubba miassa. Wissader no, dass sKarinkale mol äbbes imma ausgliahna Topf hot eibrenna lô?

    #63Author Moi Gab (456541)  27 Oct 21, 20:43
    Comment

    Au scheißele, ãbrennder Schbinat - des schdenkt wia Zau. I schbrech aus Erfahrong....

    #64Author Goldammer (428405) 27 Oct 21, 21:02
    Comment

    Kaa mier idd bassiere, weil i nie koin Schbinaad idd mach. I fend die gschwollene Ondrarm vom Pobbai wieschd! Die däded ja in koin Hemederml meah neibasse ond bloss kuuzermlege Tihschörz im Wendr? Ond so a schiefe Läädsche? I waiß idd ... ;-((

    #65Author manni3 (305129)  28 Oct 21, 09:09
    Comment

    A Manni, bisch etz grad so schnägig wia da Schose? I honn Bogg draufghett und so a baar Schaltjohr mol Schbinat ässa, hot no koim Kerle gschadet. Odr henn ihr Angschd, ihr dädat schnellr roschda, wäga dem wengle Eisa, woner mit dem Leffale Schbinat zua eich näahmet? I schdellme freiwillig zur Vrfiegung zom Roschd wägbolieara. Schrubba kane, da Topf isch wieder saubr.

    #66Author Moi Gab (456541)  28 Oct 21, 10:08
    Comment

    Schrubbe? Amend midd Schdahlwoll?? An mei zarde Haud lass i im Eggschdrehmfall bloss an Sisal- oder Kockeshendsche!!

    #67Author manni3 (305129) 28 Oct 21, 10:28
    Comment

    (Mir isch grad ufgfalla, dass e's Opale scho a weile nemme gsäh han...han grad guckt...seitm 9. Oktober isches vrscholla dòhenna....s wurd doch nix sei?

    Isch der no woanders em Forum onderwegs, woiß des ebber?)

    #68Author Goldammer (428405) 28 Oct 21, 10:33
    Comment

    Mir isch grad ufgfalla, dass e's Opale scho a weile nemme gsäh han...han grad guckt...seitm 9. Oktober isches vrscholla dòhenna....s wurd doch nix sei?


    I han-en ledschd êm Assozjazzjoohsfaada gseah, voara Wuch ôogfähr.

    twocents, wo seit ma Môanat nemme dau e m Schbaaga gschrieba hat - des schdeert abr scheinz nêamad ;-)


    #69Author twocents (460778)  28 Oct 21, 12:19
    Comment

    Vegale, i bin grad sälbr bloß no in unserm Schbaga untrwäags. Ka also nix dodazua saga. Abr ludschig, hon grad selbr "Opale wo schdeggschn au" schreiba wella. Komm, mr sagezem zämma boide lauthals:


    OPALE, WO SCHDEGGSCH? MIR VRMISSAD DE!!!


    Manni, i homme vrschrieba. I het bolliera saga solla. 😉

    #70Author Moi Gab (456541)  28 Oct 21, 12:23
    Comment

    OPALE, WO SCHDEGGSCH? MIR VRMISSAD DE!!!

    #71Author Goldammer (428405) 28 Oct 21, 15:16
    Comment

    Om Goddes Willa, dâ werd e jâ ganz vrlega, wenn e so vrmissd werd (ihr wissad doch: Schdille Leid send emmr ruhig). ;-) Ond a wengale schäma dua ne me ao, dass e eich so hänga lao hao. Asche uff mai Haupd. I hao me en ledschder Zeit, wenn e nedd ondrwägs war, amol wiadr intensiver, also nedd blooß als Hendrgrondberieslong, mit mainr Schallbladdasammlong beschäfdigd. Ond desdrwega blooß schboradisch rai guggd ond nâ isch mr nix gscheits eigfalla, des e het schreiba kenna. :-(


    I hao des "heimliche Rufen der Damen" geschdern âbend no glesa, war abbr z' ferdig weil e dr ganze Dag onderwegs war. I war beim Geburdsdag vo maim jengschda Enkale, der isch Zwoi worra. Er hòt iebrigens omgschuald vom Gaugauger- zom Baggerschbezialischd. Des erinnert me an dr Zwatzelino vom Amoisle. ;-)


    Emmerle, eier Gsangsbuachronde isch faschd idendisch midm erscha Doil vo mainr Seeburgronde. I hao em Ord onderhalb vom Burgbergfelsa parkd ghet, weil dâ dr Aischdieg en d' Wandrong war ond ben grad anderschdrom gloffa. Nâ send 'r sicher ao an derra Riläggsliege vorbeikomma. Abbr ehrlich gsait, eire am Linsabühl liegd scheener.


    Heit hao ne a Wandrong gmachd zur Hägeles- und Brunnenklinge bei Kaisersbach en dr Nähe vom Ebnisee. Des isch scho gigandisch was d' Nadur älles ferdichbrengd, riesige Felsaabrüch dia aussehn, wia wenn se bolzagrad hochgmaured ond verbudzd worra wärad. Dâ send zwoi Bilder: Felsen 1 ond Felsen 2.


    An scheena Âbend winsch e eich älle.

    #72Author opadeldok (1319435)  29 Oct 21, 20:39
    Comment

    Opale, jetz simmer abr froh, dassdade gmeldet hosch. Da derfsch uns id vrnochlässiga, sonsch griagamer Debressjona.


    re Schallbladdasammlong: Dia unsrige hot unsr Donnrgeddin (dia isch jetz au scho siebzehne worra) blinderrat. So äbbes freitme, wenn a jungs Goißle no äbbes bei uns alde Gnackr (i honns vom Schose und miar) findet.


    re Baggerschbezialischd: Unsr Jingschdr wird im Februar zwoi, der fahrt grad auf an Martobickör* ab.


    *komm grad id auf dia deidsch Bezeichnung. Manniiii, swird all schlimmr mit mir 🙁


    S'isch argschad, dass eijr (du und sVegale) Wandrgegnd so weit weg vommer isch. I dät eich so gern ibrallna hindrherdaggla!


    #73Author Moi Gab (456541) 30 Oct 21, 12:00
    Comment

    Gäbele, noi blooß koine Debressjona, höchschdens ab ond zua a weng dr Herbschdbluhs oddr besser "Melancolia in Novembre" isch erlaubd.


    Fir mai Bladda- ond CD-Sammlung zom Vererba muaß e mai Hoffnong uff maine Enkl sedza. Dr Gschmack änderd sich jâ hoffendlich midm Aldr. Wo ne am Dorschdich mai Enkalin gschwen zom Reitonderricht gfahra ond wiadr abghiold hao, war a CD vom Ulrich Roski am laufa. Sie isch henda dren ghoggd ond hót bei de Tegschd bloß dr Kopf gschiddld ond grinsd. Nâ hao ne hald vrsuchshalbr em Bach seine Brandaburgische Konzerde aiglegt, dâ war se abbr gar nedd embfenglich drfir. Dr Vrsuach mid Humble Pie isch nâ einigrmaßa ganga. ;-)


    I kâ zwar koi franzesisch, abbr aus "Marto" laid i oifach amòl dr Bresslufthammr ab.

    #74Author opadeldok (1319435)  30 Oct 21, 12:38
    Comment

    aus "Marto" laid i oifach amòl dr Bresslufthammr ab - wahuuu, des isches. marteau piqueur - der Presslufthammer. Er hot soan gloina, gäala, Bosch schdôht drauf.


    Bonn soaree Schbätzla!!!

    #75Author Moi Gab (456541) 30 Oct 21, 18:42
    Comment

    Boschurle Schbätzla!!


    Jetz gôhts glei naus ind Natur. S'schene Weddr ausnitza. Freime. Jölleridüüüüüüüüü 🙂

    #76Author Moi Gab (456541) 31 Oct 21, 10:11
    Comment

    An guada Morga, viel Schbass drbei. Wie schallt's von dr Höh? Holleröhdullijöh


    Abbr ihr gehnd jâ sicher nedd uff dr Watzmann. ;-)

    #77Author opadeldok (1319435) 31 Oct 21, 10:59
    Comment

    Opale, danke dass da de gemeldet hòsch! Woisch, wemmer dòhenna irgendwann zor Schdamm-Mannschaft ghert, erwegst dòdraus au a gewisse Vrbflichdong, ab ond zua a Läbenszeicha zom senda - es kã jò kurz sei, bloß "I läb on zabble no" odder so...sonsch isch mr, bei dem Durchschnittsalder wo mir hen, halt leicht a bissle besorgt, es kööt ebbes sei...


    (Off tobbig: wisset-r was oine vo de saubledeschde nuie Vrenderonga em Deitscha isch, onderm Eifluss vom Englischa - des etabliert sich abber on mr kã's nemme rickgengich macha - dass "besorgen" mittlerweile im sinne von "es macht mir Sorgen" vrwendet wurd, wia es englische "worry". "Es besorgt mich, dass immer noch so viele Menschen nicht geimpft sind" hòt dr Schbahn zom Beischbiel kirzlich amòl gsagt. Wie xagt, i fend's bled on vrwend's et so, abber es isch wia es isch...Schbrache isch em Wandel, ob's mir basst odret.)


    On ja, die Riläxliege hemmer au gsäha, on au gsagt, mit dera vom Linsabiehl kommt se et mit. Ja, desch a schene Ronde, egal wia rom mr se macht. Isch jò au als Bremiumwanderweg ausgwiesa.


    Dei Wanderong mit dene tolle Felsa isch au wirglich schee! Desch amòl a endressande Gegend, vo dera wo i absolut nix gwißt han!



    #78Author Goldammer (428405)  31 Oct 21, 16:33
    Comment

    dass "besorgen" mittlerweile im sinne von "es macht mir Sorgen" vrwendet wurd


    Dä wäre mr net so sicher. I kennt mr vorschdella, daß es a veraltete, nicht mehr gebräuchliche Form isch. Was sagen denn em Manni seine Grimms Buaba drzua?


    Jetzt hots von mir au a Läbenszeichen.

    #79Author bluesky (236159) 31 Oct 21, 17:26
    Comment

    Woisch, wemmer dòhenna irgendwann zor Schdamm-Mannschaft ghert, erwegst dòdraus au a gewisse Vrbflichdong, ab ond zua a Läbenszeicha zom senda


    Guat, das-e des etzt woiß. :-P

    Ônd wer legd d"Schdamm-Mannschft" feschd?

    #80Author twocents (460778) 31 Oct 21, 18:11
    Comment

    Desch rein gfiehlsmäßich, zwoisentle. I kã's dr au et genau sichdemmadisch definiera.

    Danke fir dei Läbenszeicha, eddafall, on fir des vom hemele.


    #81Author Goldammer (428405) 31 Oct 21, 18:51
    Comment

    Welles moinsch? Des vom Dôoschdig?


    I schreib it so oft, weil-e niggs bsonders zôm vrzeehla woiß. Jedempfallz nigss, was-ne imma effendlciha Endrneddforom vrzeehla mecht.

    Ônd dia Ômmanandbleedelei, wo's friahr geah hat, isch selta worra dau henna. Schaad ...

    #82Author twocents (460778) 31 Oct 21, 19:02
    Comment

    Ônd wer legd d"Schdamm-Mannschft" feschd?


    Des sen de, de allaweil do sen.

    #83Author bluesky (236159) 31 Oct 21, 19:10
    Comment

    Des sen de, de allaweil do sen. On was isch allaweil? Wia lang muamr fähla damit mr von allaweil en gelägentlich nomrutscht?

    I lass des lieber so wage gfiehlsmäßich.


    I han bei de Grimms-Buba gugget, hemele. Also reflexive Vrwendung wie "sich besorgen" hòt's frieher geba - a luschdichs Beischbiel (dò hòt velleicht a Wiaschtglaibiche en a guatkaddolische Familie eiheirada wella odder so ebbes?):

    wir besorgen uns, es möchte ein heidnisches weibsbild in die familie kommen.


    Abber schbeziell die Konschdrukzjoh "es besorgt mich" (analog zo so Forma wia "es reut mich" ) han-e et gfonda.


    Bledla mir nemme sovl wia frieher amòl zwoisentle? Desch mir bisher et ufgfalla odder bewusst worra. Des kommt au mòl widder.

    #84Author Goldammer (428405) 31 Oct 21, 19:52
    Comment

    I bin allaweil do, au wenn i bloß gelegentlich was schreib.

    #85Author bluesky (236159) 31 Oct 21, 20:07
    Comment

    Dr Duden hat oo no zwai vraldende Formelieronga. Kaa sei, dass dr Schbahn do ebbs verwexled mibbm Daddif ond Ackesedif.


    Kurzwersiooh

    Gebrauch fier baid Wariandda:   gehoben veraltend


    1. Beispiel: es ist/steht zu besorgen, dass …

    2. Beispiel: ich besorgte mich, wie ich ihr mein Beileid aussprechen sollte

    #86Author manni3 (305129)  31 Oct 21, 21:00
    Comment

    Noe, manni, desch et bloß dr Schbahn, des han i scho efders ghert. I glaub, desch a forlsfrend-Iebersetzong ausm Englischa "It worries mi ßät...."

    #87Author Goldammer (428405) 31 Oct 21, 22:18
    Comment

    I hau iebrigez dr "Schbrechebda Schbrauchadlass" vo Baiern wiedrgfônda. Des isch unrschbreglech en dr BLO âagsiedlt gwêah, abr dett Ende 2020 êigschdellt worra, weil-r mit Adoohb gloffa isch. Dess giits ja nemme.

    #88Author twocents (460778)  01 Nov 21, 07:36
    Comment

    Dankdr fier dean Link, DuSenzle.


    Wennd ibregenz s N mibbm rechde onz B mibbm lenke Zaigefengr nemmschd, isch bVrwexlongsgefahr kloinr 😉

    #89Author manni3 (305129)  01 Nov 21, 12:00
    Comment

    Wennd ibregenz s N mibbm rechde onz B mibbm lenke Zaigefengr nemmschd, isch bVrwexlongsgefahr kloinr 😉


    Oddr 's Iebrgreifa iaba, wia an Bianischd. ;-)

    #90Author opadeldok (1319435) 01 Nov 21, 12:54
    Comment
    #91Author Moi Gab (456541) 01 Nov 21, 22:38
    Comment

    Ja, do fass i mi an Kopf! Wäe suchze so ebbs aus?

    #92Author manni3 (305129) 01 Nov 21, 23:32
    Comment

    Ich finde es unmöglich.


    #93Author renateheinz (1125123) 01 Nov 21, 23:49
    Comment

    Dean Schpruch midd "alles außer Hochdeutsch" haoni fier witzig ond kuraschierd kalde. Abr "The Länd"??? Warom idd glei "ẞe Lend"?

    #94Author manni3 (305129)  02 Nov 21, 08:21
    Comment

    "Mir kennad älles, außer Hochdeitsch" hao ne au bessr gfonda. Des war Werbong mit ma Augazwenkra, abbr meh a ennerdeitsche Werbung. Wenn e des richdig verschdanda hao, soll sich jâ "The Länd" global, wenn nedd gar endrgalagdisch, auswirga. ;-)


    Dâ geit's an Ardiggl en der Schduagerdr Zeidong: Das sagen Stuttgarter zu „The Länd“.


    I hald's dâ, wia emmer, midm Ulrich Roski: Man darf das alles nicht so vebissen seh'n 

    #95Author opadeldok (1319435) 02 Nov 21, 09:58
    Comment

    Abr "The Länd"??? Warom idd glei "ẞe Lend"?


    Wengeschdenz isch hêndram "THE LÄND" moischdenz no gnua Blatz fr a Graffiddi-"LE" -- THE LÄNDLE 🙂

    #96Author twocents (460778)  02 Nov 21, 10:28
    Comment

    Ond nocha gammr zom Folxdanz mid Ländler - humms-da-da ;-))

    dBaire hand fier so ebbs "Läbbtobb ond Läedrhose".

    #97Author manni3 (305129) 02 Nov 21, 19:06
    Comment

    I fend's gar-et so schlecht. Es soll jò indernazjonal d' Leit ãschbrecha - also i woiß zwòr et, ob des dadsächlich irgendwo ãkommt wo dia gesuchde Fachgräft sitzet on sich velleicht informieret wo se nãkenndet...abber fir dia fend-e's scho ganz bfiffich. Land hoißt au uf Englisch Land, on 's ä mit Dipfala wird mit Deitschland assoziiert. Fir ons Eiheimische kammer a -le dranãhenga wia es zwoisentle scho gmerkt hòt...

    Uf der Indernetbräsenz fendet mr a Imitschfilmle, des fend i au recht guat gmacht.


    (On noi, dr Kretsche zahlt mr nix fir mei Moinong, es isch - sehr zom Vrdruss vom Dengs, der wo's au bescheuert fendet, - mei oigene)


    On was dr Sloogn schoml erreicht hòt: er isch bereits nach weniche Dag en äller Munde on weckt Emozjona, on desch schließlich des was-r soll.

    #98Author Goldammer (428405) 02 Nov 21, 21:44
    Comment

    Emozjona - ja: Feißpahm  🤦



    Es geid so Momende, in deane wo ma oifach fein raus isch als bairescha Schwob 🤗

    #99Author manni3 (305129)  03 Nov 21, 01:27
    Comment
    Schdemmdd, manni.


    Kommentar
    Abr "The Länd"??? Warom idd glei "ße Lend"?

    Haubbddsach, es saidd neamaz "s'Elend"


    ;-) Leider isch des Schbässle nedd auf meim Miischdd gwaxa ...
    #100Author schwäble (951819)  03 Nov 21, 13:17
    Comment

    Njuhs from ße cäbitäl off ße Länd: In „the Länd“ eröffnet „the ratskeller“.


    Ardiggl vo dr Schduagerr Zeidong vo geschdern. Dia vom Ratskeller hend dia Idee abbr âgeblich scho vorher ghet.


    I fròg me blooß ois. Wenn dia Kampanje vo dr Landesregierong Bada-Wirddaberg "The Länd" vom Begriff Ländle abglaidet isch, was jâ aigendlich 's Schwobaländle moint, fiehlat sich dann d' Badner iebrhaubd midgmoind?

    #101Author opadeldok (1319435) 03 Nov 21, 14:25
    Comment

    Hand ße bad Ensers oo ebbs zom Moine in ß Eländ??


    Ibregenz schdohd Enser idd im LEO-Wäedrbuech ;-((

    #102Author manni3 (305129)  03 Nov 21, 17:46
    Comment

    Jez kuckich ma widda hiarain und wass seïch? - the Länd/the ratskeller!


    "Watn Blötsinn!" hetten Tante Matta unt Tante Hettwich gesacht,


    "Kea, Kea, Kea!" Onkel Gerrat.


    "Die hamse nich meah alle aufe Latte" saggich.


    Wennse vorrann machen wolln mitn intanazjonalen Fachkreften, hettense lieba was was richtich englisches neemen solln als dizze Schnappsidee. "Wir können alles. Außer Hochdeutsch. Und Englisch."


    21 Milljonen Euro hatt das Ganze gekostet.

    "Nicht einmal ein Viertel der Befragten fanden es wichtig, dass ein Bundesland überhaupt einen Slogan hat. Und mehr als 70 Prozent sagten, dass es besser wäre, auf einen Werbespruch zu verzichten, als einen schlechten auszuwählen."


    https://www.sueddeutsche.de/politik/baden-wue...


    Nich böse sein, wenner "nich alle aufer Latte" zu happich findet.


     

    #103Author Reeva (908916) 03 Nov 21, 18:35
    Comment

    Manni, jetzat hao ne a Weile griabla miaßa bis e hendr "bad enser" komma be. :-)


    I hao näggschd Woch an Dermin zur Uffrischembfong vo mainer Dschohnsn & Dschohnsn Embfong, desmòl mid BaionTech. I hoff, dass e se verdrag.



    #104Author opadeldok (1319435)  03 Nov 21, 18:37
    Comment

    Nimm dr fir hernoch liaber koi Wanderung vor. I war zwoi Dag miad.

    #105Author bluesky (236159) 03 Nov 21, 18:51
    Comment

    Wenn's beim miad sai bleibd, isch guad. Dâ hao ne Iabong dren. Mai Muadr hòt friehr emmer gsaid: Du bisch ao von Beruf miad. ;-)


    Reeva, nedd vrallgemainra. Mir Schwoba send a vielfäldigs Völkle. Wia vielfäldig, seah ne jedn Morga em Schbiegl. ;-)

    #106Author opadeldok (1319435) 03 Nov 21, 19:01
    Comment

    Du bisch ao von Beruf miad.


    Hihi, des hot meine au gsagt.

    #107Author bluesky (236159) 03 Nov 21, 19:04
    Comment

    Reeva @ alle aufer Latte - moinsch du Latte ma chiato?

    Chiato isch abr oo idd im LEO-Wäedrbuech. Isch des regjonal fier chinato - midd Kinarinde gwirzt? Dees konndesch amohl als Nuieidraag voerschlage: Kinesische Rindemill(ch) ;-)

    #108Author manni3 (305129)  03 Nov 21, 19:26
    Comment

    I han dia Dag drãdenkt ghett dass du a Auffrischong brauchsch, Opale, weil da Dschonsn griagt hòsch.


    Refa: Kea Kea muasch mr bidde no iebersetza!


    (per Gedanga-Assozjazjoh bezieglich sich net õmiddlbar erschließende Dialektwerder isch mr 's breele eigfalla....des han-e fei au scho a Weile nemme gsäh....isch des anderswo em Leo-Länd onderwegs, hemele? Du bisch dò maih ufm Laufenda wia i.)


    #109Author Goldammer (428405) 03 Nov 21, 20:25
    Comment

    (zumier) I kôot etzt schreiba, dass-d s Brele bei de Assozjazjohna ôndrweags isch, abe sEmmerle schwätzt it mit mier. Etzt kaan-e au schreiba, dass-d am Reefale sei "Kea Kea" wahrscheinle auf Schwäbisch "Kerle, Kerle" hoißt. (/zumier)


    Guatamorgamiddanand.

    #110Author twocents (460778) 04 Nov 21, 07:06
    Comment

    Guedemoege, DuSenzle :-))

    Ja was geiz denn meah zom Bruddle in allar Häergodzfrieh?

    #111Author manni3 (305129) 04 Nov 21, 07:57
    Comment

    @ Oppa

    Mit "se" maintich nich eua vielfäldigs Völkle, sondan die vonner Regierunk und die Futtzis vonner Weabeagentuua


    @ manni

    Latte ma chiato kennwer nich bei uns unt waswa nich kennen, gippts nich.


    @ Goltamma***

    Muzzich*** nich mea übbbasetzn, das hat tussents schon ealedicht - Kea odda Keer odda Keha/r isson Unniwersaalwoat, kamman neemen, wemmann fawundat den Kopf schüttelt unt die Welt nich mea vasteet oda wemman sich aufrecht "Kea, ey, was tuuße da, dassis gefealich!" oda einfach wenn aina ainem aufn Keeks geet oda oda oda...


    Ich wünsche allen einen schönen Tach!


    ***Zua Eainnerunk:

    das a bedoitet gans oft nich a, nich e unt nich r, sondan was dazwischen [ɐ] oda auch [ə], weisich oft sellba nich so genau.

    das Doppelzett iss weils schwea iss, mitn noamaalen Buchstabn den kuazn Wokaal zusammen mitnem stimmhaftn S zu schraibn, [z] mussmann sagen.

    #112Author Reeva (908916)  04 Nov 21, 08:26
    Comment

    "Kea" haoni no nie idd käerd. Wo sehba dees? Des isch a räechd a brackdesch Woed.


    Hammier aingdle oo so a Woed? Määnsch? Hã? Hee? Boa-Ey isch ja idd so richdeg Schwäbesch, odr? Jadòleckschbedochgleiamaasch isch fihl z wullgäer. Meir Mueddr isch des idd ibr dLibba komme. Die hadd denn sage kenne Jadòleckschbedochgleiinfengrgschnidde.


    dEschdreichar hand midd "Oida" a scheas Unniwersaalwoed.

    Doo erkläerz oine ganz gued ond ammesant - uff Englesch :-)



    Reevale , dier oo an scheane Daag :-)

    [zue mier] Revale? Hä? Reval? Haoni oo scho amohl grauchd! [/zue mier]

    #113Author manni3 (305129)  04 Nov 21, 09:12
    Comment

    OT - dRaudona vo Hannofa schwenkd jedz oo grad om uff Schwäbesch: Zahlt isch im Bus *hihi*

    #114Author manni3 (305129) 04 Nov 21, 09:43
    Comment

    Äï, manni, ich happ grade gesucht, opp ich ne Höaprobe von "Kea, Kea, Kea/Kea, ey***...usw." finde unt happn paa Filmkes von Jürgen von Manger angespielt, gans ficks, so aufe Schnelle, happ abba nix gefunden. Unt lenga wolltich mich nich mit dem aufhalten. Dann fiel mia ein, dass dea Grönemeyer eima "Ker" sinkt, in saim Liet vonner Körriwuast. Minute 1:12/1:13 so ungefeea: "Kea, schaaf is die Wuast, mensch dass gipptn Duast."

    https://www.youtube.com/watch?v=Cgsk-kxLWeM


    Dea Grönemeyer kommt ja aus Boochum unt das Doitsch im Pott untaschaidet sich nich viel von dem im Saualant.


    P.S.: Siiße die Tootn doat im Taal, das sint die Raucha vonn Revaal! waa früa maason Spruch.


    P.P.S.: Dea Grönemeyer sinktes sogga zwaima: "Kea, wat iss das füane K...", Min. 1:39.


    P.P.P.S.: Kennter den Ausdruck "Ich krichse"? dea im Liit voakommt. Ich krichse, wennich soo nach Hause komme".


    #115Author Reeva (908916)  04 Nov 21, 09:57
    Comment

    Abrobboh "Bruddla", dâ isch mr vorhin aigfalla, dass des Word "Brägla" dâ henna no nia gfalla isch. Fir mi isch des gleichbedeidend mid bruddla. Oddr sehn ihr, sofern 's eich bekannd isch, an Onderschied zwischa deane zwoi Begriff?


    Reval, ohne Fildr! Des hao ne friehr, bis midde dr Siebzger, ao grauchd. Ond nâ hao ne, ohne drvor driebr nâchzdengka, schbondan nach maim Friehschdiggspause-Zigarettle gsait: So, des war dai ledschde. I hao dann anderthalb Jâhr nemme grauchd, bis e mai Frau, dia grauchd hòt, kennaglernt hao. Ond irgendwann em Lauf dr Zeid war e wiadr drbei, abbr nemme mid Reval.


    Den Schbruch mid de Rauchr kenn e so:


    Siehst du die Gräber dort unten im Tal?

    Da liegen die Raucher von Reval.

    Siehst du Gräber an anderen Orten?

    Das sind die Raucher der anderen Sorten.


    Des "Kea" hao ne schbondan ao als Kerle endrbredierd. Dr Jürgen von Manger aka Tegtmeier hao ne ao Midde ddr Siebzger em Renitenz-Theater en Schduagerd gseah. Der war echd guad. Dangkschee fir dia Erinnerong. Also eahlich, ääh Dingens. Ich sach ma "Mensch bleiben". ;-)

    #116Author opadeldok (1319435)  04 Nov 21, 12:57
    Comment

    Sihsch du die Gräber dord im Land?

    Dees send die Rauchar däer Rothen Hand.

    aka

    Sihsch du die Gräber dord im Ländle?

    Dees send die Rauchar vo Roth-Händle.


    Ond do geiz no vihle andre

    #117Author manni3 (305129) 04 Nov 21, 13:18
    Comment

    As brele isch nächtens im Zählfada onderwegs.

    #118Author bluesky (236159) 04 Nov 21, 13:31
    Comment

    Zwoisentle, wia kommsch jetz au du druf dass i et mit dir schwätza dät? Han i ebbes iebersäha? Egal wia, desch a Mischtvrschdendnis! I schwätz emmer mit dir! I han's iebrigns ghert, was du zo dier gsagt hòsch...danke fir d' Nochricht ieber 's breele on d Erleichdong zom Kea!


    Reefale, danke fir die Erglärong on den schena Cörriwurscht-Song! Hòt mr jetzt richdich gfalla!

    (Ich krichse erglärt sich ausm Kontegscht. Uf Schwäbisch dät des oifach hoißa: I grieg!)

    (Meine Jonge saget "Alder" an soddiche Schdella wo mr bei eich Kea secht. Abber desch gewissermaßa Neischwäbisch.)


    Brägla hoißt fir mi ebbes anders, Opale. Maih en die Richdong: langatmich romschwadroniera. Dr Bfarrer kã zom Beischbiel beira suboptimal gelungena Bredicht vo dr Kanzl ronderbrägla. Des hoißt no et dass-r schempft odder bruddlt, bloß dass-r langweilich drherschwätzt.

    Mei Etimologie hòt iebrigns boides:

    ausgiebig, endlos reden, lamentieren, nörgeln hoißt's dò. Außerdem kã's no hoißa: in Schmalz backen - des han i au net gwißt. En dera Bedeidong kommt's von lateinisch frigere, braten, on isch also mit de Pommfritz vrwandt...scheint's gibt's au bräglde Schbätzla - des hemmir heit zom Middagessa ghet, iebriche Kässchbätzla vo geschdern kurz ufbròda en dr Bfann.


    hemele, danke au dir fir d' Nòchricht iebers breele. Schick se doch amòl rom!


    #119Author Goldammer (428405) 04 Nov 21, 14:53
    Comment

    Hällou Paschdala (Schbätzla) , moinader des dä ma global au vrschdanda mega? Oida!!!


    Schee, dass eich mei #91 so schee schwätza hot lossa. I war dia ledschde Däg rundumduhr beschäfdigt. Jedn Dag fr 6 Leit kocha, isch fei au Sauarbed, wone nimme so räat draufhonn. Abr jetz isch mein Bsuach wiedr weg und scho fähltermer. D'Dechdr mit Kind und Hund wared dô. Loidr isch da gloine Brässlufdhammrbedienr grangk gwäa und hot me blärrad als glachet.


    Morga dommer butza. I glaub, s'isch nedig. Olda!!

    #120Author Moi Gab (456541) 04 Nov 21, 15:25
    Comment

    Gäbele, a baar Däg 6 Leit bekocha? Betreibsch du dia beriehmde Albergo e Rischdorande da mamma? ;-) Ond hòt sich koine vo daine Gäschd amòl als Kichahilfe âboda?


    I hao am Meedich ao fir mindeschdens 6 Leit kochd. Edwa 4 Lidr Domada-Baprika-Zuggini-Gmias. Dâ war e ao a baar Schdond mid Schnipfla, emmer wiadr omriahra ond nâchher s' Gschirr schbiala (i hao koi Schbialmaschee) ond uffraima beschäfdigd. Des a baar Däg hendranander däd e nedd durchhalda, wega dr Dobblbelaschdong Beruf ond Haushald. ;-)


    Mai Vordoil vo deam Uffwand, dia 6 bekochde Leit beschdehn ausschliaßlich aus mir, weil e des Gmias bordzionsweis aigfrora hao. Des raichd mr fir a baar Wocha. Dâ brauch e blooß no jedesmòl endschaida, ob e Reis, Grombiara oddr Nudla drzua mach.


    Häv a nais deele âll of juh (oddr miaßde "juh gaiß" oddr bessr "Juh gaiß änd gäls" sagà?) I moin blooß, wega "ße Länd" ond so. ;-)


    P.S.: Mir isch grad no was durch dr Schädl ganga. Ob dia Betreibr vom "The Ratskeller" uff englischschbrâchige Gäschd vrzichda wellat. Weil dia kenndad jâ moina, dâ dädad Radda romschbrenga oddr serwierd werra.

    #121Author opadeldok (1319435)  05 Nov 21, 10:32
    Comment

    Dean Widz mibbm "Rat-house" kenni seid Jahrzendn vo meine ammäerekanesche Deidschschielar. Die fahred oo uff Stänten zom Schifahre ond gand alle zeje Johr uff Länd-shut zuer dHochzeid, fuuzed bei jedar Audobaah-Aus-fart, maided de Wank, de Hausbäerg vo Garmesch ond mached an groeße Boge om jedn Not-Exit ;-)

    #122Author manni3 (305129)  05 Nov 21, 10:54
    Comment

    Hi hi, Manni, du kâsch me doch nedd oifach so am friaha Morga zom Lacha brenga. :-))


    I schdell mr grad vor 's däd a Ordschafd gäah, die Ausfahrt hoißd. Des däd a schees Kaos uff de Schdròßa gäah.

    #123Author opadeldok (1319435)  05 Nov 21, 11:03
    Comment

    I han amòl a briddische Fraindin ghett, die hòt zwoi Jòhr en Hamburg gwohnt, weil ihr Mã beruflich deet gwä isch, die hòt sich ällaweil schebs glacht, dass älle Kender en Deitschland õscheniert Va(r)ter zo ihrm Daddy saga dirfet! 😀


    #124Author Goldammer (428405) 05 Nov 21, 18:06
    Comment

    Jetz machich ma wie die Schwaben und nenne Goltamma Fögelken.


    Also Fögelken, ich wolltir noch saagn, dasse innem jugentlichn Alta auch in Westfaaln manchma nich "Kea", sondan "Alta" sagn. Wennse zum Beispiel ein'n aufne Gefaa aufmeaksamm machen wollen "Alta, ey, wass machse denn da, höa auf damitt!". Sie saagn abba nie "Alta, Alta, Alta", wennse kopfschüttelnt nich mea vastehn, was da grade appgeet. Dann, wemman auch "Mein Gott"/ "Mannomann" / oda "Meine Güte" saagn könnte. Happ ich jedenfalls noch nie gehöat.

    #125Author Reeva (908916) 05 Nov 21, 18:59
    Comment

    Wen's indressiert: mr sen heit noml em Seeburger Tal gwä, desmòl uf dr andera Seit vo Seeburg. D' Landschaft hòt en sehr schena, schdimmungsvolla schbätherbschtlicha Scharm ghett. Dr Dengs hett solla a Kapp mitnemma, es isch a kalder Wend ganga. I han en Schal zom ieber dr Kopf nemma ghett.

    #126Author Goldammer (428405) 07 Nov 21, 18:01
    Comment

    Emmerle, wirklich scheene, klasse Bilder, dia d' Herbschdschdimmong richdig riebr brengad. :-)


    Wia ne uff dr Kard gseah hao, hend'r eich dr schdeile Uffschdieg gschbard. Dord wo ihr gschdarded send, be i ao vorbeikomma ond hao uff oinra vo deane Bänk mai Veschbrpause gmachd. Blooß bei mir war's warm ond sonnig, obwohl's Ende März war. Abbr dr März war jâ des Jâhr bekanndlicherweis dr vorwegnommene Mai. ;-)

    #127Author opadeldok (1319435)  07 Nov 21, 18:36
    Comment

    Sodale, seit Zwelfe be ne frisch buhschderd; bis jetzat gòht's mr guad.


    Urschbrenglich hao ne heit bei deam scheene Weddr no amòl nauswella. I häb dâ zwoi Aldrnadiva ghet. Bei Böhringa zur Burgruine Sperberseck oddr bei Welzheim durchs Edabachdal. Boides zwoi kloine Toura om dia 5 - 6 Kilomedr. Abbr i glaub, 's isch bessr, wenn e des om a baar Dag vrschiab. Jetzat setz e me halt schdill en a Eck ond ward ab was bassierd. ;-)

    #128Author opadeldok (1319435)  09 Nov 21, 14:16
    Comment

    Opale, des hosch guad gmacht. Mir sinn ersch Midde nägschda Monet dra. Den Termin wirre wohl id vrgässa, a dem Dag isch nemlich no äbbes anders los. I sag eich abr id wa ;-)

     

    Geschd honne erfahra miassa, dass oiner vo meine ugimbfde Bekannte (mr hen koin Kondagd ghett middem) im KraHa glandet isch. I kas id vrschdanda, abr jedm des seine. Des erinneradme a den Oina, womr vora Woch beierra Wanderung droffa honn. Der isch auferre Alp auferra ganz langa Bank ghogget und mir henn uns dazuagsetzt – biddschee, a da frischa Lufd und mid gherigem Abschdand. Und wellarme so bled aglotzd hot, honne zuanem gsait: „Koi Angschd id, mir sin älle vollschdendig gimbfd.“ No sait der doch ganz gehässig: „Des sin dia Allrschlimmschde, des sin dia greschde Schbreddr.“ Hä?

    Mir bassed auf, halded uns zrigg und genn näana na, wos viel Leid hot. Allmehlich muasch Angschd griaga, dassde vo soma Ugimbfda agriffa wirsch.

    Unsr Italienischlehrare hôt heit vrzellt, dasse imma Kurs oine ghett hot, wo gsait hot, sia sei gimbfd und, wose zum zwoitamôle vonerra vrlangd hot, sia miass jetz endlich da Nôchweis bringa, hots sich rausgschdelld, dasse garid gimbfd und au id teschdad war. Ha isch des id uvrscheemd?

    #129Author Moi Gab (456541)  09 Nov 21, 16:09
    Comment

    Guada Morga, Schbätzla! Und häff a naiß deile, wonner au sin 🙂



    #130Author Moi Gab (456541) 11 Nov 21, 09:48
    Comment

    Gudda Nachmiddag, Schwäbla! 's isch sonnich, on i gang glei no "dr Friedhof richda" - de vrfraurene Sommerbleamla vom Grab vo de Schwiegereldern radoa, 's Resle zriggschneida, 's Lemple on a Gschdeck nãdoa. Weil mei Schwiegermudder kaddolisch gwä isch, heddedes eigentlich scho uf Allerheilicha macha sodda.....abber se isch scheints selber dò et so schdreng gwä, on schließlich hòt se jò en Evangelischa gheiradet!

    I schigg em Opale on em Gäbele en Lenk zo meim letschda Schbaziergang, mit Foddo - wer's sonschno mecht, bidde saga, abber so ganz allgemein em Wörldwaidweb brauchet meine Rondana jò au et schdanda. I schiggs echt gern, abber i mecht neamrd zuschbämma, on vom Gäbele on em Opale woiß-e halt gwieß dass se's endressiert.

    #131Author Goldammer (428405) 12 Nov 21, 15:39
    Comment

    Awa, Emmerle, mach dr koin Kopf, i fiehl me koineswegs zuagschbämmd. Em Gegadoil, i frai me emmr iebr scheene Foddos vo andre. Ond manchmal ao iebr maine, wenn mr 's oine oddr andre glonnga isch. Ao en dem Lenk, wo da gschickd hòschd, send wiadr tolle Herbschdmotif drenna.


    I be am Middwoch om Druie middags ens bedd krocha, weil e uff oimòl hondsmiad worra be ond be am Siebne wiadr uffgwachd. Zerschd hao ne dengkd, 's wär morgens ond i häb 14 Schdond gschlofa, 's war abbr erschd abends. Vo Elfe bis halb Naine hao nâ nom´òl pennd. Des war wohl d' Empfreaddzioh.


    Weil e me geschdern dann fit gfiehlt ho, hao ne oine vo denne âgschbrochne kloine Toura macha wella. Ondrwegs hao ne feschdgschdelld, dass e main Rucksach midm Gedränk ond dr Tourakard drhoim vrgessa hao. Uffm Wandrparkbladz isch ao dr Touraplah ghängd, dean e abfoddgraierd hao, nâ be ne losgloffa. Nâch edwa fembfhonderd Medr, hao ne gmerkd, dass e doch nedd fit gnuag be fir dia knabbe 6 Kilomedr ond hao àbrocha.


    Abbr wenigschdens hao ne no a baar Schridd en dr Sonne doa. Ond wia ne zrucklauf, fliagd uff oimal an Reiher middla durch dr Wald. Da isch zwar an kloinr See en dr Näh, abbr uff mi hót der koin bsonders fischreicha Aidrugg gmachd. Scho seldsam, oddr?


    Jetzat pack e no mai Kegldasch ond mach me uff d' Socka. Mir hend onsern vierwöchiga Kegltermin ond geahnd heit vorher no essa. I winsch eich an scheena Âbend.


    #132Author opadeldok (1319435) 12 Nov 21, 17:43
    Comment

    Opale, i bin ganz meinr Deinung 😉 mi freits au und fr mi hot des mit Zuaschbämma nix am Hals. Mol a Frog: Wenn du laufsch, laufsch du immr ganz alloi?


    Sorry Schbätzla, woisch au mei Kindrschdub blieba! Boschurrle und häff a naiß Deile 🙂

    #133Author Moi Gab (456541) 15 Nov 21, 12:49
    Comment

    Opale, i bin ganz meinr Deinung 😉


    Gäbale, hòsch de dâ am Robert Gernhardt seim Dorlamm meint ... âglehnd? ;-)


    Om dai Fròg zum beandworda: Maischdens. Außr am 01. Mai mit maine Kumpl vo mainra friehra Handballgrubbe ond ihre Fraua. Ond friehr an Hemmlfahrt (abbr ohne Laidrwägale) mit de Kerle. Des hao ne abbr uffgea, weil deane emmr meah 's Saufa wichdigr worra isch als 's Laufa.


    Em iebriga send dia älle meah Âkindigongsweldmaischdr. Dia Fraua hend bei ma Dreffa zom Essa, nâchdem e vrzähld hao wo ne wandra war, gmoind, dass mr en deam Kreis a kloine Wandrgrubbe grenda kennd. Ghert hao ne nix mai. Außr wo ne a baar Monad schbädr amòl vrzähld hao, dass e Sonndichs uff dr Limburg (Weilheim/Teck) war. D' Reagdzioh war: "Hòsch ons nedd wenka seah, mir warad uff'm Broidaschdoi (Ochsenwang)". Gfrògd, ob e midgeangd, hòt me neamerds. Des Thema war fir mi dann erledigd, faschd, a baar weidre Monad schbädr, hao ne wiadr vrzehld, dasss e ondrwegs war. Nâ isch aus deam Personakrais d' Fròg komma: "Ja, wia ganz alloi?" Wa soddsch dâ no saga?


    Abbr ao reachd, nâ brauch e em Tempo ond bei dr Auswahl vom Ziel uff neamerds anders Riggsichd nemma, als uff mai Kondizjoh. ;-)

    #134Author opadeldok (1319435) 15 Nov 21, 14:29
    Comment

    I han me a weng õglar ausdriggt, glaub i: i han denkt, wenn i d' Lenk zo meine Schbaziergengla (Wanderonga sen's jò fascht et...) õgfrògt an no maih Leit vrschigg als wia eich boide (Opale on Gäbele) dädet dia des velleicht als Pe-eM-Schbäm empfinda - also dòrom: i schiggs gern als Pe-eM au no an andere als wia eich boide, abber bloß uf Nòchfròg.

    #135Author Goldammer (428405) 15 Nov 21, 14:36
    Comment

    Na, also wenn e den schdeila Zigg-Zagg-Uffschdieg (den i jâ nagloffa be) vo dr Trailfngr Schluchd nuff uff d' Höhe âgugg, dann isch des scho meah a Wandrong als an Schbaziergang.

    #136Author opadeldok (1319435) 15 Nov 21, 14:46
    Comment

    Ok, wennda moinsch...fir mi definiert sich, wird mir grad bewusst, a Wanderong eher ieber d' Lenge vo dr Gesamtschdregge. Ebbes onder femf bis segs Killomeder isch fir mi ejer a Schbaziergang. D' Ãschdrengong bezieh i scheints en mei Beurdeilong wenicher ei als wie du. Abber des muamr jò au et so genau on bhäb definiera....

    #137Author Goldammer (428405) 15 Nov 21, 14:53
    Comment

    Beinaah häddischs Fäädellsche nemmeeh gefunn ... awwa nua beinaah ... suuche hoddischs schonn miss ...


    Isch binn nämmlisch graad off eh schwääwisches Wäaddsche geschdoos ... unn hodd wolle noogugge, obbs schonn doo inn ummsamm Waarijanndewäadabiischelsche drennn es ... unn sess drenn ... wänns aach eh bissje annaschda geschriib gäwwe duud ... wass joo aach kää Wunna ess...


    Isch winnsch Eisch all noch eh scheena Daachun fill Noadwinndscha !

    #138Author no me bré (700807) 19 Nov 21, 13:42
    Comment

    Desch glatt, wemmer dem Lenk im Assotzjatzjoh-Fädele nòchgòht....


    pfuz|gen, (Präteritum: pfuz|gte), Partizip II: (ge)|pfuzget

    Anmerkung

    Da es sich um ein rein schwäbisches Wort handelt, ist das Präteritum eine eher theoretische Konstruktion.


    In der Tat theoreddisch! 😀


    Danke, breele! On ieberhaupt, dassdade amòl widder hòsch säh lassa dòhenna!

    #139Author Goldammer (428405) 19 Nov 21, 15:37
    Comment

    Jô, Brelele, mir hennde fei scho vrmisst! Abr i vrmiss au no a baar andre dohinna (mi sälbr au manchmôl) 🙂

    #140Author Moi Gab (456541) 20 Nov 21, 20:08
    Comment

    Iddamôlme sHimmale isch dô zom da Fada lupfa. Alle gennse fremd. No mach i da Leo halt au wiedr zua 🙁

    #141Author Moi Gab (456541) 25 Nov 21, 20:43
    Comment

    Schneee, Schneee! Abr sroicht no noita zom sich drin wala!

    #142Author Moi Gab (456541) 26 Nov 21, 11:31
    Comment

    Guada Morga.


    Gäbale, damid da nedd zur Allloiondrhaldere wirschd, gsell e me oifach drzua. 'S isch scho a weng schdill grad. Abbr 's gibd meglichrweis oifache Erkläronga drfir. LEO-Faschda, Schweigegelübde, zviel zom schaffa oddr, wia bei mir, oifach nex gscheids oddr luschdigs zom vrzehla.


    Liabe Schwäbla, egal wa ner deand, hend a Fraid drbei.


    Ond, Gäbale, dain Schneee zom dren wala griagschd nâ am Wochaend. :-)



    #143Author opadeldok (1319435) 26 Nov 21, 12:01
    Comment

    Nää, nää, dii Aadgenosse solle bleiwe woo se senn ... zum Aangugge sennse ma mee alls genuch ... awwa nedd wamma doaschlaafe missd ...


    ... ach joo, off de Schdrooß, de Schdraidiinschd ess schonn ehbaamool doraschgedfaa heid moin ... zomm Gligg ess awwa aach noch niggs eronnkomm ...



    Wäa wälschen hann well, deem gännischene nadialisch ... wann's nua nedd bei mia omm Wääsch ess ... :-))


    #144Author no me bré (700807) 26 Nov 21, 12:11
    Comment

    Bréle, i gea dr rechd, wenn's om dr Schnee en dr Schdadd gòht, dâ wirds glei an wiaschdr Madsch. Abbr außerhalb uff de Feldr, em Wald oddr en de Waiberg, dâ fend e dr Schnee schee. Ond mid de reachde Schuah machd mir des Schbass durch dr Schnee zom laufa, vor ällem, wenn d' Sonn druff schaind.


    Abbroboh reachde Schuah, so Muunbuuds wia en de Siebzger/Achdzger hao ne scho ewig nemme gseah. Geit's so klobige Denger iebrhaubd no?

    #145Author opadeldok (1319435)  26 Nov 21, 12:28
    Comment

    Joo, isch hann foa eh baa Joah misse eh baa kaafe ... essenn wälsche medd soo Kunnschfäll drenn unn am Rannd ... isch hannse zumm Gligg bishäa nua äämool misse aanduun ...


    Oooh, graad fangese aan se falle ... unn isch binn foahinn graad easchd fomm Innfaafe seregg komm ... soo frii geenisch joo sonschd nedd ... nua heidd ...

    #146Author no me bré (700807)  26 Nov 21, 12:49
    Comment
    I kã grad bloß am Hendy tibba. En saudommer Baggerfahrer hòt schreg geganieber beira Bauschdell d' Schdròß ufbaggret on wohl 's Glasfaserkabel hegmacht. Mr sen vom Indernet, Telefon on Fernsai abglemmt. Voll dr Schdress, echt wòhr! I komm mr vor wia ambudiert....
    A baar Fleggla (also Artgenossa) hemmer scho rariesla säha. D' Muhnbuuds miaßa mr no-et rausdoa drwäga.Mr heddet au gar koine.
    #147Author Goldammer (428405) 26 Nov 21, 20:54
    Comment

    Oh, Emmerle, des isch nadierlich eißerschd be...scheida. :-( Grad weil mer heidzdag uff des älles meh oddr wenicher âgwiesa isch. I drugg d' Dauma, dasses schnell rebarierd wird.


    Bei der Glägaheid fälld mr ai, dass bei mir vielleicht au no was ausfalla kennd. Mai Vermiedere hòt vor a baar Däg bei mr gschelld ond gmoind se däd en mainr Wohnong gern was renowiera. I hao dann zu ra gsait, dass 's oinzige 's Bad wär, weil dâ dia Kachla (aus de Fuffzger) scho seid a baar Jâhr oine nach dr andra von alloi rahaglad. Des hao ne ra ao scho bei maim Aizug vor faschd zwanzg Jâhr gsait ghet, dass dia faschd älle los send ond sich blooß no an de Fuga gegaseidig hebad. Weil 's deane abbr z' deier war, isch nex gmachd worra.


    Jetzat fälld ra Ende Novembr ai, dass se des obedengd no des Jâhr gmachd hao will, weil se was bei dr Schdeier absedza will. Em Wendr, en dr Heizperiod (d' Gastherme miaßd ao abbaud werra) a Woch oddr längr ohne Heizong ond warms Wassr? I komm ausm Kopfschiddla, wenn e drâ dengk, grad nemme raus.


    I glaub abbr nedd, dass se iebrhaubd an Handwerker fendat, der des no en deam Jâhr en Âgriff nemmd. Bessr gsait, i hoff.

     

    #148Author opadeldok (1319435)  27 Nov 21, 11:56
    Comment

    Gib uff jedn Fall Obachd, dass se idd an Handwerkar fendt, däe wo des no en deam Johr so weid en Âgriff nemmd, dass a dGasdherme abbaud ond nocha zOeschdre soweid isch, dass a se mea eibaue kaa 😕

    #149Author manni3 (305129)  27 Nov 21, 12:59
    Comment

    I häb dâ a Idee. I mach ra dr Vorschlag, dass e solang en d' Ludwig-Suite em Hodel Vier Jâhreszeida gang.


    Drondr mache 's nedd, i be jâ schliaßlich nedd irgendebbr. ;-)

    #150Author opadeldok (1319435) 27 Nov 21, 13:14
    Comment

    Obaale., äasaddsweis kännsche jo dass Bänndhauss Gaade Onsommbel im Bairische Hoof foaschlaan ... dääd dass nedd aach basse, fa soo eh Rännowiarongs-Iwwawinnderong ?


    Da kännd ma Disch aach besuuche komme unn ma dääd sisch need off dii Fiis drääde ... unn de needische Gsondhäädsabschdannd innhalle ... allegaare off äämool ...

    :-)))

    #151Author no me bré (700807)  27 Nov 21, 13:37
    Comment

    Abbr hallo, ao nedd schlechd. Dâ kennda mr richdig Bardiii macha. Freie Schbeisa ond Gedränge* fir älle. Zahla duad's jâ mai Vermiedre.


    Obwohl, schdilechdr wär d' Ludwig-Suite fir mi scho, weil ohne main Schwan gange nirgends nâ. ;-)


    *Edit: Nedd, dass Missverschdändnis uffkommad. Des Gedränge dâ oba däd nadierlich aus Grinden dr Higiäne en Gedrängge omgwandld werra. ;-)



    #152Author opadeldok (1319435)  27 Nov 21, 14:03
    Comment

    Opale, nochdememe umsonsch auf den vo dir vrschbrochana Schnee am Wochaend gfrait ghett honn, waramer halt wandra. Kalt wars, schee wars und mer sin a mords Schdiggle vomma Mädale aufem Pony durch da Walt gleidet worra. Schee, dasses soddane Kindr au no git, wo d'alte Leitla durch da Wald lotsed. I honnera dafiar zeah Eiro gäa. Mei, hot dia sich gfreit.


    Mir wars abr id räat, dass des Mädle ganz alloi umma halb Fimfe rum wiedr durch da Wald zrugggridda isch. Meine Mitwanderer honn gmoint, i breichtmer doch do koine Sorga macha. Se senn abr denn doch mitmer am End vo da Wanderung nommel zua dem Mädle hoimgfahra, danne ruig honn schlofa kenna.


    Opale, i druggder dDauma, dass dei Vrmiaterre auf dia Schnelle koin Handwerkr findt.


    Vegale, funzt dei Indrnet wiedr?


    #153Author Moi Gab (456541) 29 Nov 21, 16:24
    Comment

    Und ich wollte noch sagen, das meine Heizungskünstler seinerzeit an einem Tag die alte Therme aus- und die neue eingebaut haben. Ich habe vorher ca. 30 Liter Wasser für mich bereitgestellt, das habe ich überhaupt nicht gebraucht!!!

    #154Author renateheinz (1125123) 29 Nov 21, 17:35
    Comment

    Gäbale, des mid dem Mädle hosch reachd gmachd, des hädd mir au koi Ruah glassa. Au wenn's em Wald weniger finschdre Gschdalda hòt als en dr Schdadt, a Pferd kâ leichd wega irgnd ebbas erschregga ond scho liegsch honda.


    'S duad mr loid, dass mai Schneevorhersag nedd aidroffa isch, i hao me abbr au blooß uff dr SWR verlassa.


    Wegam Dauma drugga fir d' Handwerkr, gennschd mr edwa mai Wendrresidenz em pura Luxus nedd? ;-)


    @renateheinz Dia Therme alloi wär nedd 's Broblem, abbr 's gòhd jâ haubdsächlich om neie Kachla (Fliesen) ond, wenn mr scho drbei isch, a neie Badwann. Ond des schaffd koinr en oim Dag, vor ällem, wenn ewenduell zwoi Handwerksbedrieb drâ bedailigd send. Wia gsagd send d' Kachla ond d' Badwann mid Sichrhaid scho om dia sechzg Jâhr ald. I däd saga, dia hend dr Ruheschdand verdiend, oddr?

    #155Author opadeldok (1319435)  29 Nov 21, 19:49
    Comment

    Opale, nadierlich genni dir und deim Schwan so a Wendrresidenz!


    Sche, dassda dohinna reigluaget hosch, Renatale.


    I winsch eich älle an schena Ôbnd. I sott no a wengle lerma. Sie ju leiter ............ Manni, wia gôhts nommel weiter?

    #156Author Moi Gab (456541) 29 Nov 21, 20:41
    Comment

    Das ist dann eine Großbaustelle!!!

    Moi Gab hat mich überholt.

    #157Author renateheinz (1125123)  29 Nov 21, 20:41
    Comment

    Mei Gäbele: Schimmlreiter? Gaschdarbeiter? Blidzableiter feschdschraufe durch an Schiffsmaschdarbeiter? Irgnd so ebbs isch des moine gwe, odr?

    Sieh ju leidr ond dier ond de andre a Ahle geidr ;-))

    #158Author manni3 (305129)  29 Nov 21, 21:05
    Comment
    @ Gäbele: noe.
    I ben gnervt.
    #159Author Goldammer (428405) 30 Nov 21, 00:03
    Comment

    I honn heit fellig assimtonisch kalte Fiaß. Vielleicht dätmer jo sAmoisle awengle vo seinera Hitza abgäa wella.


    Manni, des Sieh ju leidr ond dier ond de andre a Ahle geidr isch arg schee!!! Des bassd.


    Häff a naiß deile, älle mitanand!



    #160Author Moi Gab (456541)  30 Nov 21, 13:27
    Comment

    Sauwetter dussa, dBadwann ruaft 🙂

    #161Author Moi Gab (456541) 04 Dec 21, 10:06
    Comment

    Bischde imma noch inn de Baadwann, Gäwwelsche ? Hoffendlisch haschde genuch waam Wassa noolaafe gelossd ... nedd dassde daa eh Fakälldunng hoolschd ... dass Huddselische, wass ma sisch beim soo lange Baade hoole kann, dass geed noona ßeidlanng ganns fonn allään wedda wägg ...

    :-))


    Wiise ija wass Schuunischdel senn ? Isch hodd joo gemännd, dasses doodofoa aach eh hochdeiddsches Woad genn duud, Schuhnichtel halld ... dass hadd awwa graad moo ßwää Dräffa em gannse deidschschbroochische Inndanädd ... unn beise alle ßwää schdeed gleisch debei, dass Schniiasänggel gemännd senn ...

    ... dii ään fonn dänne Sääde ess fonn Lanndsleidd fonn mia ... awwa scheinsds aus de Inndanäddschdäänzeidd ... unn seidddeem nemmeh aggdualisiad gänn ... ße duud reschdisch inn de Aue wee ...


    Inn de neihochdeiddsche Wäadabiischa hannischs dii Schuunischdel nedd gefonn ... unn iwwahaubbd, Nischdel allään aach nedd ... wii heise dii Denga bei Eisch ?

    #162Author no me bré (700807)  05 Dec 21, 17:41
    Comment

    Also Schuhnichtel hao i no nia nedd ghert oddr glesa. Meglichrweis isch's blooß an Schreibfehlr ond vor dir no koim uffgfalla. Bei Schuunischdel send mr nadierlich glei Schuahneschdl eigfalla. Maischdens hoißds abbr bei ons Schuahbendl.


    Em Gäbale hao ne aigndlich no nâchruafa wella, dass se nedd so weit nausschwemma soll. Vielleicht isch se no ondrwegs. ;-)


    I hao grad gsuachmaschind ond fembf Dreffer beim Suachbegriff Schuhnischdel (mid Schuunischdel koin) ghet. Älle ausm Saarland.


    Zwoi drvo send dia:


    Schuhnischdel 1


    Schuhnischdel 2

    #163Author opadeldok (1319435)  05 Dec 21, 18:00
    Comment

    Danggescheen ! ... dass mass medd -sch- schreiwe kännd, häddisch jo aach droff komme känne ... bei unns wäads gleisch ausgeschwäddsd ... allso dass -ch- unn dass -sch- ann soora Schdell ...

    #164Author no me bré (700807) 05 Dec 21, 18:55
    Comment

    Dâ driebr hao ne me ao gwondrt, weil em Saarland, en dr Pfalz usw. normalrweis 's ch als sch gschrocha wird. (Sozumsaga "Isch han misch aach gewunned). ;-)


    Laufd dai feirigr Fuchs jetzat wiadr normal? Bei mir gòht 'r efders en d' Knia wenn e zviel Tabs ond zuasädzlich no Offisdokumende offa hao. Nâ laufd dr Arbeidsschbaichr am obra Âschlag ond d' HDD bleibd bei hondert Brozend hänga. Na hilfd blooß ois, mid 'm Taskmänedscher älle Âwendonga schliaßa ond nei schdarda. Ond em feiriga Fuchs dia vorherig Sidzong wiadr herschdella. Dann hebd's wiadr a Zeid lang.

    #165Author opadeldok (1319435)  05 Dec 21, 19:17
    Comment

    Isch hann nua eh Bruchdääl fonn de Däbbs off ... graad ess allaneedischde ... fa annschdännisch se schaffe dääds längschd nedd lange ... unn moije geeds bei de Onngl Doggda ... de Räschnadoggda ...

    #166Author no me bré (700807) 05 Dec 21, 20:10
    Comment

    I hoff, dein Räschna hot koi Corona id, Brelele!

    #167Author Moi Gab (456541) 05 Dec 21, 21:18
    Comment

    Nää ... wiis aussiin duud esses alldasbdinngdii Unnfadrääschlischkääd fonn de inngebaudd Haddwäagommbonäände medd de Aanfoaderonge fonn de heidisch Weischwäa, dii woo alle baa Woche nei geabbgelaad genn duud ... hadd de Räschnadoggda gemännd gehadd ...

    #168Author no me bré (700807) 05 Dec 21, 22:06
    Comment
    Schuhneschdl isch mir gelaifich.
    Schuhbendl au.
    Indernet isch no he.
    Mr läset viel, i schdrigg, on mr schbielet Miehle on Schach am Kameefeier. Äll baar Dag heng-e-me en d' Wardeschloif vo Wohdafohn on erfahr nix Nuis.
    #169Author Goldammer (428405) 05 Dec 21, 23:19
    Comment

    I kenn bloß Schuabendl.


    Vegale, id vrzwazla!


    Brelele, bins scho garnimme gwehnd gwäa, di zom läasa. Muaß grad sHirn ahschdrenga, dasses vrschdand 😉


    Mei Wanddrubb hottme geschd mitgnomma inna Abfendsmäss imma gloina Neschd (zPfärrabach). Ghalta hot dia Mäss an kohlrabaschwarza Pfarrer middama pfeffriga Temprament. Mei, des war fei scheeee 🙂

    https://www.oberschwaben-tipps.de/pfaerrenbac...

    #170Author Moi Gab (456541)  06 Dec 21, 13:35
    Comment

    Komm grad von meiern Doktare. Eigentle hab i bloß a Rezept braucht. Aber weils grad a Fläschle frisch agschdocha ghett hen, hab i jetz a da dritta Schuß.

    #171Author bluesky (236159) 06 Dec 21, 18:44
    Comment
    Guat, hemele! So isch beim Dengs au ganga.
    #172Author Goldammer (428405) 06 Dec 21, 20:09
    Comment

    Es schneialat, es beialat, es gôht an kiahla Wind.

    D'Mädla ziagat Hendscha a, d'Buaba laufed gschwind.

    #173Author Moi Gab (456541) 08 Dec 21, 14:13
    Comment

    Dussa em Wald haz a klois Schnäele gschneid:

    Drom isch so kald, dussa im Wald.

    Sommrzuig hîî - Sommrzuig häe:

    Koof mr meinr Läebdag koi Sommrzuig meah



    DuSenzle, des isch ja a ganz a scheane Idee, dass du dean Hendschegedichtfade meah raufkolled hasch. 🥰

    Däe isch wirkle oir vo de allarscheanschde Fäde im ganze Leo woere . I haonen mier nohml ganz durchgläese ond mi keschdlech ammesierd🙂

    #174Author manni3 (305129)  09 Dec 21, 10:19
    Comment

    Manni, welcher isch denn dr "Hendschegedichtfade"? I kennd grad was zom Lacha braucha.


    I be a wengale draurig. I hao vor anderthalb Wocha am Samschdich gseah, dass vor maim Fenschdr, en zeah Medr Endfernong, a rots Aichhernle en ra Aschdgablong von ra Linde sain Kobel frisch baud ghet hòt. Ond hao des a Woch lang beobachded. 's war zwar scho emmer vor mir wach ond ondrwegs, abbr middags zwischa zwoi ond drei isch's en saim Kobel verschwonda ond hòt no a Weile rausguggd, bevors sain Aigang vo enna zuagschdobfd hòt. Ond seid 'm Daischdich isch 's Loch offa blieba ond dr Kobel allmählich zammagfalla. Entweder hend 's dia neigierige Kohlmeisa gschderd, dia emmer ens Loch naiguggd hend oddr 's isch irgendwo ondr d' Räder komma. :-(


    Ond i hao me scho druff grait ghet, dasses meglicherweis näggschd Jâhr jonge Aichhernla zom beschdauna gäb.


    En dem Zsammahang hao ne en dr Wikipedia den Ardiggl zu de Aichhernla glesa. Dâ schdandad ao dia verschiedne Dialeggdausdrigg fir dia Viechla drenna. Ondr andram hoißd 's dâ en Wirdaberg däd mr "Eichhalm" drzua saga. Des hao ne bei ons no nia nedd ghert.


    Vielleichd kennd 's Emmerle was drzua saga, wenn ihr Endrnedd wiadr gòhd.


    Emmerle, falls da uff daim Handy midlieschd, i hao dâ was zu Totalausfäll bei Telefo, Endrnet etc., ond was dr Verbrauchr en solche Fäll macha kâ, gfonda . Vielleichd woisch des älles scho, abbr der Lenk schadad jâ nex:


    https://www.ndr.de/ratgeber/verbraucher/Telef...


    #175Author opadeldok (1319435)  09 Dec 21, 17:36
    Comment
    #176Author manni3 (305129)  09 Dec 21, 18:46
    Comment

    Es Figgsje laafd wedda ... es hadd ei neijes Räschnasche griid ... doodebei waa dass allde noch neddemool folljäärisch geween ... soo junng unn schonn nemmeh fidd genuch ...

    #177Author no me bré (700807) 09 Dec 21, 18:47
    Comment

    Brelala, no kasch jo wieder loslega. Freitme 🙂


    Opale, frianer honne allhägg irgendäbba a Eichhernle gsäa. Jetz? Näanameh 🙁

    #178Author Moi Gab (456541) 09 Dec 21, 22:36
    Comment

    Bréle, abr heb die Klubbe lieber auf! Ma waiß nie, wemma se meah brauche kaa 😉


    Aichhernla geiz bei eis an Haufe. Im Friehleng fresseze dAijer vo de Amsla in dr Buechehecke vor meim Ballkooh uffm Ballkaah - die Mallefitz!!

    #179Author manni3 (305129)  10 Dec 21, 00:23
    Comment

    I fang etz heit schomôl middam Beatma vom Fädale a. Id dassmrs vrreggd!


    Gits vielleicht auno a baar Ahla dazua? (erbidde eine wohltätige Schbende)

    #180Author Moi Gab (456541) 11 Dec 21, 11:53
    Comment

    Gäbale, du bisch doch ehr dia graddzige, viermillimedrige gwehnt, oddr? I woiß nedd, ob da mit maine ograddzige, weil geschdern âbend frisch rasierde, nullmillimedrige zfrieda wärsch.


    Weil's du bisch, griagsch an Dreierpack gradis zur Prob. Abbr nedd älle uff oimâl vrgeida. Iebr ewenduelle Abonnemah-Koschda miaßdad mr ons dann hald ainich werra. ;-)

    #181Author opadeldok (1319435) 11 Dec 21, 15:54
    Comment
    I dät so a Gratisbreble au wella...abber desch jò scheint's a Egsglusivãgebott bloß fir's Gäbele....

    Heit han-e per sms a Witzle gschiggt griegt, vo de Wohafonler:

    Lieber Kunde,

    die Störungsbehebung dauert leider länger als erwartet. Wir informieren Sie sofort, wenn es Neuigkeiten gibt.

    Ihr Vodafone-Team

    Desch sauglatt, gell? 🤣
    #182Author Goldammer (428405) 11 Dec 21, 22:44
    Comment

    Ond? Hanze di scho imformierd? 😏

    #183Author manni3 (305129) 12 Dec 21, 09:13
    Comment

    Emmerle, noi des war koi Egsglusivãgebot, selbschdvrschdendlich isch des a Englusivâgebot fir älle dia 's brauchad ond wellad. 'S Gäbale hòt hald zerschd drnach gfrâgd. Des Dreierpäckle mid dr Gradisprob isch Richdong Achalm ondrwegs. Abbr Achdong, 's kennd a wengale gradza, weil e me heid no nedd rasierd hao.;-)


    Dai Âbiadr machd abbr luschdiche Witzla, dâ kommsch sichr nemme aus'm Lacha raus. Dia brengad's ao no ferdich, mid dr Lesong vom Broblem bis zom Vierazwanzigschda zom warda, dr des no als bsondere (esbeschiällie for juh) Weihnachdsiebrraschong zom vrkaufa ond dann no dain ondrwirfigschda Dank zom erwarda.


    Also kundaoriendierdes handla ond informiera isch des, wodafon dia offasichdlich koi Ahnong hend.

    #184Author opadeldok (1319435) 12 Dec 21, 12:00
    Comment

    Heit han-e êm Auto an Radjoh-Beidraag iebr Alphernr gheert. Dau hand zmendesch zwoi Allgair gschwätzt (ab 10:00, ab 15:30). II hau it allz gheert, i bêe irgndwenn drhoin gweah. Dr Reschd horch-e mr morga âa.


    A Hailait:

    "Z Probleem isch, dass abr numma em Allgäu, em Obrallgäu, sondrn, kaasch saga, au nabbwärts, Ulm zua, was woiß i, Biebrach dau unda iebrall, da giiz bald meah Alphorngruppa wia em Allgäu."

    #185Author twocents (460778)  13 Dec 21, 00:39
    Comment

    Dean haune au ghert ond me so arg gfreit iebr dean Albhornbaur aus Obrschdaufa ond seim saubra Dialekt.

    #186Author Selima (107) 13 Dec 21, 05:33
    Comment

    Schea! Die schwätzet wie dahoi :-))

    #187Author manni3 (305129) 13 Dec 21, 14:35
    Comment

    Heit haoni midd meine Freind meah amohl gmuseged. S Bassklarneddle midde Bassklarneddlesbläddla im Bassklarneddlesbläddlesaufbewahrongseddwih haoni oo im Bassklarneddleskaschde uffm Gepäckdrägar vo meim Ebaik drbeikedd. Beim Hoifahre isch scho räechd kald gwe: a halbe Schdond bei null Grad - brr. I hao zwar guede Hendsche, abr an baide Daume hadz me doch saubr durnegled! Middlarweile senze abr mea zom brauche :-)


    Jedz loos i no a bissle Euroradio-Weihnachtstag im Radio - die ledschd Schdond vo Sofia (des isch zBullgarije ond idd zIschdambuhl, gell).


    I lass ui no a baar frischgwäschene waiche Zwelfmillemeddraahla do!


    Guez Nechdle :-)

    #188Author manni3 (305129) 19 Dec 21, 23:05
    Comment

    ädd "bruddle": Des geiz scheinz oo midd Bräfix, haoni grad in dr SZ gläese: "rombruddle"

    SPD-Fraktionschef Andreas Stoch. "Anstatt nur rumzubruddeln, erwarte ich von einem Ministerpräsidenten [gmoind isch dr Kretschmann], dass er, sollten ihm Informationen fehlen, selbst auf die Bundesregierung zugeht, ... "

    #189Author manni3 (305129)  20 Dec 21, 15:42
    Comment

    Glar gibts rombruddla! Hòsch du des net gwißt ghett? Wie dätsch denn du saga, wennda wega ebbes rombruddlsch?


    I ben nòch ieber drei Wocha seit Freidag widder onlain.

    On a weng em Schdress. Heit miaßet no a baar Päggla uf d' Boscht, on dr Jong hòt mr grad gschrieba, er hät et drãdenkt dass-r die Woch Schbädschicht hòt on dr Grischbaummarkt mit de regionale Hendler scho zuahòt bis-r hoimkem, kööt i eahm on seira Fraindin (die hòt koi oiges Audo, weil se mitm Bus ens Gschäft fahra kã) a Grischbeemle kaufa....also fahr-e halt gschwend deet n&atilde on kauf ois.


    (Zo dem Romgebruddl vom Schdoch: i moin, genau des häb dr Kretsche doa. Er isch uf jeden Fall bei dene gwä dia wo Druck gmacht hen wega dem Egschdratermin vo de Minischderbräsidenda on em Scholze morga!)



    #190Author Goldammer (428405)  20 Dec 21, 15:54
    Comment

    Deeschd etzt glatt. A Scholz isch niggs andrs wia a Schuldes, a Birgrmoischdr (Schultheiss).

    #191Author twocents (460778) 20 Dec 21, 17:55
    Comment

    An Schulz hand Zozi oo scho amohl kedd. Däe sei sogar scho Birgarmaischdr zWürselen gwe, schdohd in Wikipedia ;-)

    Abr Würselen isch scheinz idd so groeß wie Hamburg. Drom haddas oo zue nix Gscheiz brochd!

    #192Author manni3 (305129) 20 Dec 21, 23:04
    Comment

    Heid am Moege hadd mei Bedrsill uffm Ballkooh uffm Ballkaah so ausxäeche. Dean wäez schea gfroere hao - brrr ...

    Ob däe woll no schmeckd?

    #193Author manni3 (305129)  21 Dec 21, 10:48
    Comment

    Eahnr idd. A scheas Bildle ... au wammr idd neibeißa mog.


    I hau grad mid meir Muadr gschwädst ond ihr vrzählt, daßdr Dengs häbig sei. Des däd im Variedädawerdrbuach oo no feahla.

    #194Author Selima (107) 21 Dec 21, 11:13
    Comment

    Wenn's Trauba wärad, kenndasch an Eiswai ernda. Ob des bei Bedrleng au so isch, woiß e nedd. Muaschd ausbrobiera. ;-)


    I be wenigschdens halbwegs wiadr ondr de Lebende nâchdem e dia ledschd Woch kombledd ausgfalla be ond drei Däg mid 40° Fiabr en dr Kischd glega be. Nebahehla dicht ond an Dag schbädr uff de Bronchia. Abbr i hao Iabong dren ond maine Hausmiddala, dia mr wiadr uff d' Fiaß helfad, weil e des friehr doils zwoimol em Jâhr, em Friehleng ond em Herbschd, ghet hao. Weil mr abbr heidzdag nedd woiß, ob's blooß Erkäldongssimbdom send, hòt mai Hausärztin heit morga an PCR-Teschd abgnomma.


    Uff'm hoimweg be ne an deam Plakat vorbeikomma. I be mr abbr nedd sichr, ob des Doil vo dr Landeswerbong isch oddr vo de Gegner. Em Endrnedd hao ne nex drzua gfonda.


     

    #195Author opadeldok (1319435) 21 Dec 21, 11:47
    Comment

    re I hau grad mid meir Muadr gschwädst ond ihr vrzählt, daßdr Dengs häbig sei - Mei, Amoisle, do hosch abr Gligg. Des kennte vom Schose id behaupta 😉


    Opale, des "zwoimol em Jâhr elendig grank sei" honne au kennt, wone no meine Mandla dinna ghett honn. So hundselend, dasse bloß no auf älle Viere me futtbewega honn kenna und des ammel vo heit auf morga.


    Dankdrschee, Manni, fr dia Ahla. Wennse koinr sonsch will, nimmese älle.


    Freime, dassem Vegale sein Indrnet wiedr funzt.

    #196Author Moi Gab (456541) 21 Dec 21, 12:21
    Comment

    A scheas Foddo, Obbale! Ond so bassnd dKwelleaagab: mattundjung.de *hihi*


    Ond waas isch häbig??


    Mei Gäbele, kaasch all nemme onz geid grad frischgschniddene eggschdrakredzege drzue: 0,45 Millemeddr 😉

    #197Author manni3 (305129)  21 Dec 21, 12:21
    Comment

    Okele, de Eggschdrakredzege ad Schdirn an, de andre as Kinn. Mercile!


    Häbig isch: liab, guat zuam honn usw..... so wia du halt, Manni 🙂

    #198Author Moi Gab (456541) 21 Dec 21, 12:32
    Comment

    mmmhh ... 🤗


    Edidd moind, des konnt so wie "meegig", "mihgele" sei ;-)

    #199Author manni3 (305129)  21 Dec 21, 12:35
    Comment

    Wias Gäbale sät ... ond i hau wirgle so a Gligg mid meim Dengs.

    "Meegig" ond "mihgele" dia send mir iatz wiedr nui.


    Daß dia letzschd Runde vom Alltagssprochaadllas herussda isch, hondr des schon midgriagt? https://www.atlas-alltagssprache.de/zwoelfte-...

    ... ond a nuia Ronde gitz oo: https://www.atlas-alltagssprache.de/runde-13-...

    #200Author Selima (107)  21 Dec 21, 13:21
    Comment
    #201Author manni3 (305129) 21 Dec 21, 16:16
    Comment
    Guddamorga middanand!

    https://www.atlas-alltagssprache.de/r12-f2f/?...

    Da hanna vrmiss i da "Gleischba" ... oder wia sagadd Ihr zom "Schbreisl"?

    Liabe Leidd, i bi grad seldda auf Leo ond da henna bei ui em Fädale.
    I wensch ui ond uire Familien a guadda Zeidd ... bleibadd xond ond freelich und fendadd emmr ebbes zom danggbar sei!
    #202Author schwäble (951819) 23 Dec 21, 08:52
    Comment

    I oo ond i bemmr zemle sichr, dassne dean (Gleischbr bei oos) aagea hau.

    #203Author Selima (107) 23 Dec 21, 08:54
    Comment
    Ja gell, i moin nemlich au, abr gwiis woißes au nemme.
    #204Author schwäble (951819) 23 Dec 21, 08:58
    Comment

    I wensch ui älle ond eire Familia scheene Feirdääg ond an guada Aafang 2022. Bleibadd xond ond freelich und fendadd emmr ebbes zom lacha!

    #205Author Muggaseggale (1004776) 23 Dec 21, 09:34
    Comment

    I schlieaß me de Wensch vom Schwäble ond vom Muggaseggale âa.

    Schêa, das-d R wiedr amole neigluagat hand en da Schbaaga!


    Ônd ja, da Gleischba han-e au âageah ghett!

    Abr sLoible hat's en da Atlas gschafft!

    #206Author twocents (460778)  23 Dec 21, 10:42
    Comment

    De Kleischbe haoni oo aageah. I hao me no gued an dean vo voer seggs Johr erinnred. Scheinz isch eahne des zue dialeckdmäßeg gwe, obwohl des beim Grimm seine Buebe schdohd - odr dr Läehrleng (Äerschdsemeschdr) hadd bei dr Auswerdong gschluhdred:


    kleisper, m. splitter u. ä., mit nebenformen kleispe, kleiste.

    1) kleisper, splitter: es wil ie einer dem anderen ein kleiszber aus dem auge ziehen und hat selbs einen balken drinnen. S. Frank sprichw. 2, 20a. noch schwäb. kleisper m., splitter den man sich ins fleisch gestoszen hat Schmid 316, in Nördlingen kleisper und klisper holzsplitter, spreiszel Schm. 2, 364, südfränk. klisper Reinwald 2,



    #207Author manni3 (305129)  23 Dec 21, 11:31
    Comment

    Dass dr Gleischba/Gleischbr, drodz eire Aiträg no en deam Atlas fehlt (i hao den Begriff fir an Schbreisl abbr ao erschd vo eich kennaglernd) isch nadierlich a Odeng. ;-) Ond 's Loible isch faschd genauso eng regional begrendzd wia 's Guetsle.


    Weihnachda kâ komma, mai PCR-Deschd vom Daischdich war negadief ond vo mainr Erkäldong rekonwalesdzier e ao allmählich. Heit muaß e no d' Gschenkla vrpacka ond morga be ne bei mainr Dochdr uff dr Alb ond am Sonndich bei mainr andra Dochdr ond maim Jonga.


    I wensch eich älle ao a baar scheene Weihnachdsdäg mid eire Familia. Gmiadlich, frehlich, besinnlich - wia's eich grad daugd.

    #208Author opadeldok (1319435) 23 Dec 21, 11:43
    Comment

    Mibbm AllgaiAr Wockabelar hanzes idd so. Se hand oifach Laible wecklauo. I moi, i sodd amohl a Brodeschdmeil uff dees Salzburg nomm schreibe!!

    A Guezle isch bei eis ibregens koi Laible, sondrn a Bombonn.

    #209Author manni3 (305129)  23 Dec 21, 12:05
    Comment

    Bei manche Leit sen Guatsla Bredla! Bei andere sens Bombola.

    (Õvrgesslich dr Dodokay mit seim Glip wo d' Mergl sich ieber Bombolesbabierla ausschbricht...i han bloß grad koi Zeit zom den sucha. Kennet ihr den?)

    #210Author Goldammer (428405) 23 Dec 21, 16:13
    Comment

    manni, #209:

    A Guezle isch bei eis ibregens koi Laible, sondrn a Bombonn.


    Bei ons isch a Guazle enddwedr a Guazle odr a Bombole odr a Ziggrle. (i han eeeeewig brauchdd, biss mr a Liachddle aufganga isch: dass a Ziggrle a "Zückerchen" isch.

    #211Author schwäble (951819) 23 Dec 21, 22:45
    Comment

    Ziggerle! Des han-e lang nemme gheart!

    Guazla isch dr Obrbrgriff fr Schogglaad, Bombola, Ziggrla ond Loibla.

    #212Author twocents (460778)  23 Dec 21, 23:53
    Comment

    Bei oos - odr zmindescht bei mir isch des a wengale andrsch - a Guatsle isch sineniem mit Bombomle. Loibla ond Schoglad send bei mier oigne Kattegoria.


    Abr aigndlech wotte ui lei a scheana Feierei wenscha, wias oo emmer bei ui ausschaugt.

    #213Author Selima (107)  24 Dec 21, 09:23
    Comment

    kleisper, m. splitter -- dass ess bei unns eh Schliwwa ... Guddsja senn Bomboms (dass Zuggazeischs medd Geschmagg fa se luddsche) unn dii Weinaachdsbläddsja senn halld Bläddsja ... annare Bläddsja gäbbds ess gannse Joa, noomedaas fa bei de Kafee, wamma es ässe maan ...


    🎄🎄🎁🎄🍾🥩🍗🍾🍤🧁🍰🧀🍨 🍩 🍮 🥂🍾🎄🎁🎄🎁🎄🎁🎄🎄

    #214Author no me bré (700807) 24 Dec 21, 10:16
    Comment

    Des isch gmoint, brele: https://www.atlas-alltagssprache.de/r12-f1a/?...


    Weiter onda gibts au an Eintrag fir an Schbreißl.

    #215Author bluesky (236159) 24 Dec 21, 10:41
    Comment

    Schwoiö Noäll, Schbätzla! S'gilt jô heit au no. Henner au gsunga? I honn "S'dreibt da Wind im Wintrwald, Bfloggaherd wia an Hirt......" meine Engkl aufgsagt. Kennader des au no?


    I honn so sauguate Engklkindr. Des ka koi Gschenk id toppa! Bin häppi vo Kopf bis Fuaß und um da Ranza rum 😉

    #216Author Moi Gab (456541) 26 Dec 21, 11:23
    Comment

    sauguate Engklkindr - des bassd doch brima zuer Weihnachzgschichd :-)

    Glorija in exzellsiss Dejo!


    Scheane Reschdweihnechde no :-)

    #217Author manni3 (305129) 26 Dec 21, 11:39
    Comment

    Merci Manni! Abr a baar Ahlegschenkla däte fei scho näahma wella. Se dirfed au uvrpacked sei.

    #218Author Moi Gab (456541) 26 Dec 21, 13:59
    Comment

    Und scho wiedr drialat da Schbaga vor sich na 🙁

    #219Author Moi Gab (456541) 29 Dec 21, 12:30
    Comment

    Zom Droeschd schick i dier a baar halbkredzege Ahla. Abr idd driele beim Reibe, soschd beiß* i di ind Nees 😉


    *abr koi Angschd: i däd ganz hofele beiße 😘

    #220Author manni3 (305129) 29 Dec 21, 13:00
    Comment

    Und scho wiedr drialat da Schbaga vor sich na 🙁


    Nedd blooß der. I ao. I hao abbr ao nex bsondrs zom erzähla.


    Außer, dass e mai Schdeiererklärong obedengd no dia Däg macha muaß. 'S Finanzamt hòt mr a Erinnerong gschiggd mid ra Schdrafâdrohung bis zu fembfazwanzgdausnd Eiro. Dia kriagad maine ganze Aikinfd, an deane sich gar nex gänderd hòt, doch sowieso audomadisch middaild ond ledschd Jâhr hao ne grad amòl neizeah Eiro erschdadded kriagd.


    Dia Formular ändrad sich ao jedes Jâr ond werdad komblidsierdr ond mai Aber drvor schdeigerd sich emmr meh. I kennt grad senga: "Oh jes, Ai'm se greid Bretendr Brokraschdinaidr". ;-)

    #221Author opadeldok (1319435) 29 Dec 21, 13:35
    Comment

    Darf ich die Zahl mal für mich übersetzen: 25 000 Euro????? Das ist doch bestimmt ein Automat, der das jedem Steuerzahler schickt.

    #222Author renateheinz (1125123) 29 Dec 21, 15:21
    Comment

    Seid i en Rente be, isch mei Einkomme ondr dr Meldebflichdgrenz ond i hao mei Schdeijernommr lesche lao. Des Frailein vo dr Schdeijer hadd gmoind, wenn i mea amohl dribr komm, soll is iehr hald sage. Aber weil mei Hiere allad mäehr schrombfd ond scheinz midd allar wenegr Wäerdr auskudd, konnd i soweso idd mäehr als an Aafengarkurs fier a Hoechdeidschbasiswockabelar ( < 100 Wäerdr) odr an Oschdallgaiargrondkurs (~ 500 Wäerdr) geah. 🙊🙉🙈

    Do beschdohd also koi Gfahr idd, dass i die Mendeschdeikommegrenzladde reiß 😉

    #223Author manni3 (305129)  29 Dec 21, 16:02
    Comment

    Gell, manni mir send scho arme Deifl. Fuffzg Jâhr hòschd drei ond redlich daim Dienschdherra diend ond als Aldrsvrsorgong kriagschd grad no a Nâsawassr. ;-)


    Abbr mid m andra schdellsch dai Lichd ganz schee ondr dr Scheffel. Oddr kokeddiersch am End blooß drmid? 😉😇



    #224Author opadeldok (1319435) 29 Dec 21, 16:49
    Comment

    Graad binnisch doo iwwa eh - fa misch neijes - schwäwwisches Wäadsche geschdoos ... isch hanns doad auss dem Lingg errausgobiad :


    SCHWÄBISCHES WORT

    SCHDRIALA

    Ist ein Synonym für ein heimliches Durchsuchen und Durchwühlen von beispielsweise Schubladen oder Handtaschen hinter dem Rücken des Eigentümers – einfach aus

    Neugierde. Im Raum Kaufbeuren, Oberstdorf oder in Höchstadt nennt man es “struhlen“. ...



    Inn unnsaremm schjeene Schwääwisch-Allemannisch-Fränngische Wäadabiischelsche hannischs nedd gefonn ...

    #225Author no me bré (700807) 29 Dec 21, 17:06
    Comment

    I hao des Word "Schdriala", glaob e, no nia ghert ghet. Abbr i hao beim drnâch suacha an Ardiggl ( schdriala en dr SZ ) vo 2010 en dr SZ gfonda, wo 's hoißt:

    "Fast 10.000 Vorschläge waren eingegangen. Erst nach intensiven Beratungen einigten sich die Jury-Mitglieder auf die Siegerworte. Als gesamtbayerisches Wort wurde das verstärkende "fei" zum Sieger gekürt. Für Altbayern lautet das Siegerwort "dantschig" (liebreizend), für Franken "Gnärzla" (Anschnitt von einem Brotlaib) und für Schwaben "schdriala" (herumsuchen, heimlich durchwühlen)."


    Ao schee, dass en dem Ardiggl ois vo maine schwäbische Liablengswerdr dren schdohd: Amenâschlupferle.


    En Ochsahausa (LK Biberach) hoißt schdriala ânähernd des, was beim Amoisle struhla hoißt.


    Mr lernd oifach nedd aus. LEO bildad halt doch ällaweil. Ond fir dr manni isch's, wenner 's nedd kennd, a Wordschadzerweidrong. ;-)



    #226Author opadeldok (1319435) 29 Dec 21, 18:29
    Comment

    Des isch mr oo scho lang nemma begegned - so an die fuchzg Johr 🧐

    #227Author manni3 (305129) 29 Dec 21, 18:32
    Comment

    I han des meiner Läbdag no nia ghert, schdrieala. Also em Obera Gai (wo-n-i ufgwagsa ben) on em Raum Reitlenga-Diebenga (wo-n-i enzwischa lenger wohn als wia dò wo-n-e ufgwagsa ben) on uf drAlb (wo-n-i a baar Jòhr gläbt on gschafft han) isch des et gelaifich. Abber d Eßzett moint mit Schwaben wahrscheinz au et dia Gegenda.... 😀


    Mir sen heit drotz Rägawedder an dr Echazgwell a weng gloffa on hen d' Wasseramsel amòl widder fliega gsäh.


    #228Author Goldammer (428405) 29 Dec 21, 20:41
    Comment

    Zuer Aawendong a Beischbl: Dier send also an dr Echazkwelle ommanandgschdrieled!


    Zuer grimmbuebische Absichrong midd scheane alde Beischbihl:

    strühlen, auch strielen, verb., 'stöbern, wühlen, durchsuchen'. ein obd. wort, litterarisch selten und nur zwischen dem beginn des 16. und dem des 18. jahrhunderts belegt, in den mundarten bis heute. die meisten belege zeigen die form strielen, der diphthong -ie- ist als entrundetes üe aufzufassen: strüelet alle winckel aus ...


    - damit sie kundtschaft mache und ursach habe, hin und widder in die heüser zu strielen

    - da strült er als umb und fand uber einem handfasz ein schüssel

    - jedoch musz er (der schweinehirt) auch gut auf den füszen sein, damit er denen strühlenden und immer guter weyde nach ... schweiffenden schweinen könne vorbiegen

    - ein überausz subtiles übel, welches die innerliche gehaimbnussen desz hertzens durchstrielt


    [Was des woll fier a subtiles Übel isch, des wo die innerliche gehaimbnussen desz hertzens durchstrielt - hm...]

    #229Author manni3 (305129)  30 Dec 21, 02:13
    Comment

    Dr Deifl odr d'Versuchong? Odr glei dr Pfarr beidr Beichte?


    Manne, I lad de hegschdbersenlich drzua ei, mid mir zamma da Englischa Garda nochma Blätzle zom Ratscha zom durchschdruahla - wannz mol mear a scheanrs Weddr hot ... drmit dir des idd bloß noch fuchzg Johr zom earschda Mol mol mear begegnat, sondrn dassas oo glei no bragdesch aawendesch :-)

    #230Author Selima (107) 30 Dec 21, 07:39
    Comment

    Do gfrai i mi ganz fihchdeg druff. I breng oo a Dermoskannde fiers Kafeele midd :-)

    #231Author manni3 (305129) 30 Dec 21, 13:45
    Comment

    Em Radio kommt grad a Kendrhearschbiel ond dau kommt a Kräe vor, dia wo Allgairisch schbricht ... desch fei nett zom zuahorcha

    #232Author Selima (107) 30 Dec 21, 14:14
    Comment

    Rumdchriala kenn i au.

    #233Author bluesky (236159) 30 Dec 21, 14:48
    Comment

    ... genauer Weschtallgaiarisch (vo Weilr-Simmrberg isch dr Jockel Tschiersch, der was da Raba gschbrocha hot).

    #234Author Selima (107) 30 Dec 21, 14:59
    Comment

    Hemele, soll i "Rumdchriala" jeds als nuis Woerd ins Wäerdrbuech aufnemme odr gild des als Groeßschdaddwariande? 😏

    #235Author manni3 (305129) 30 Dec 21, 18:13
    Comment

    Schriala kenni au id. Abr dafiar schdrolla. Umanandschdrolla = rumschdroinerra - wia als Kind.


    I dät gern no a wengle middam Schose dussa rumschdrolla wella. I hoff, r gôht mit.


    Honn grad gluaged, Grimms Buaba kennad des au https://woerterbuchnetz.de/?sigle=DWB#5



    #236Author Moi Gab (456541)  31 Dec 21, 13:59
    Comment

    I fend des schdrolla fei idd :-((

    Isch des a Wariandeform vo schdriele?

    #237Author manni3 (305129) 31 Dec 21, 15:00
    Comment

    Wennda strollen eigibsch, fendesch's.

    Dr Artigl isch mr a weng zkurz. Nix ieber d' Herkunft, zom Beischbiel, abber dr Bezug zom englischa stroll schdòht denna.


    #238Author Goldammer (428405) 31 Dec 21, 16:18
    Comment

    I schdrial, schdroll oddr schdruahl heit nirgends me rom, ao en koine Schublada ond Handdascha.


    I lass dr Dag ond 's Jâhr wia emmr mid Musigg ausklenga. Silveschdr isch oinr vo denne Däg wo ne âbends blooß Klassik wia Bach, Vivaldi ond Händel (om Zwölfe zom Jâhreswechsel laufd dann d' Feuerwerksmusik) hear.


    Weil: Als Schwâb brauchsch koine Böller. Mir send sowieso 's ganze Jâhr dr Knaller. ;-)


    I winsch eich älle, ob Schwâb oddr nedd, an guada Rudsch en 's neie Jâhr. Mir seahnd ons uff dr andra Seit wiadr.

    #239Author opadeldok (1319435)  31 Dec 21, 20:44
    Comment

    Alles Gudde winschisch Eisch allegaare ! Fill Gligg unn foa allem, bleiwenn gesonnd !

    #240Author no me bré (700807) 31 Dec 21, 23:56
    Comment

    A guads Neis, Schwäbla.

    #241Author bluesky (236159) 01 Jan 22, 08:47
    Comment

    I wensch Ui alle a guats ônd voar allam xonds nuis Jauhr!


    "Schrdiahla" kenn-e als "schdruahla", ond "schdrolla" en der Bedeitông, dia sGäbale giit, kenn-e gar it.



    #242Author twocents (460778)  01 Jan 22, 12:44
    Comment

    I wensch ui oo alls Guede fiers nuje Johr ond dass dr in alle kriddesche Siddwadzjona fiel Schwein hand - sedde wie die, die woni heiz Nachd zom Seckd gschenkd kriegd hao 🥰

    #243Author manni3 (305129) 01 Jan 22, 15:57
    Comment
    A guaz Nuis an alle! ... au vo mier.

    Ond "schdriala" kenn ich au.

    An scheana Aobad no, allemiddanand :-)
    #244Author schwäble (951819) 01 Jan 22, 17:39
    Comment

    I sigg scho - ui send guad nomm komma. Hoffmr dassas so bleibt em Reschd vom Johr.


    So ebbes - as schwäble sät schriahla ond as FFle sät schdruahla, wo dia doch so gneach beinand hearkommat (oddr idd?).

    Dädme mol endressiera, wiase dia -ia- und die -ua-Ausschrochena vrdoilat.


    [Desch abr so oogwehnlech - a Schweinrs zom Schambanjr om Middrnacht ... aufhaisig däde faschd saga.]

    #245Author Selima (107)  01 Jan 22, 17:47
    Comment

    Bonn Anneeee an alle meine Schbätzla und Scheißerla!! (und frs winscha ischas fei noita zschbät, des derfma in Gallia da ganz Monet Januar - sait da Schose. Aber des honne glaub schommel gschriaba).


    Opale, wa des Als Schwâb brauchsch koine Böller. Mir send sowieso 's ganze Jâhr dr Knaller. agoht, do dazua kanne no saga: I honn au koine Gnaller odr Böller braucht, i honn selbr an Knall.


    Grad hotme mein Bruadr zom Schdrollaschdriahle abhola welle. Abr i hogg no im Schlofzge dô. Scheißdreckle abr au!

    #246Author Moi Gab (456541)  03 Jan 22, 12:08
    Comment

    Vo mir ao no a guads neis Jâhr an älle.


    "i honn selbr an Knall."


    Gäbale, nâ send mr scho zu zwoid. Liabr a weng an Knall hao, als dr Schuss nedd ghert.

    #247Author opadeldok (1319435)  03 Jan 22, 14:24
    Comment

    Ein Gutes Neues Jahr!

    #248Author renateheinz (1125123) 03 Jan 22, 15:03
    Comment

    Also bei ons en dr Nòchbrschaft hen offabar au zemlich viele Leit en Knall, sovl Bellerscheiß wia dia uf was woiß i fir obskure Kanäl bsorgt on en dr Silweschdernacht abgschossa hent....dò hett-e weißgott so Leit wia 's Gäbele on 's opale dausetmòl lieber om me ghett mit ihre Knäll vo dene wo mr nix hert on dia wo se eigentlich so liebenswert machet wia se sen.....abber velleicht han i halt au en Knall?? Fragen ieber Fragen.....

    (D' Katza sen zemlich sauer on durchenand gwä. 's Mathildchen hòt genau des Blätzle en dr Wohnong gfonda wo mr am weideschda vo älle Fenschder on Diera nòch draußa weg isch. Deet hòt se sich nãghudderet, des arm Dierle!)


    Eich älle a guats neis Jòhr au no vo mir!


    (Ob s' Gäbele wohl no schnell ausm Schlòfãzug en d' Wanderglamodda ghupft isch? Odder hòt se's heit sei lao?)

    #249Author Goldammer (428405)  03 Jan 22, 18:16
    Comment

    Noi, Vegale! S'hottem bressiert. Er hot scho morgens am Achde agleitet ghett, honn nix ghert. No hottamer a Woatsäpps gschrieba ghet, honns id gläasa.


    Zitat vo meim Dechdarle: Mama, wozu hast du überhaupt ein Händi, wenn man dich nie erreichen kann?

    Idamôle Schwäbisch schwätza duets, des Lua...... Abr, i will jô nix saga, shott mit meim Schwiegrsohnschbätzle (an megaliga Badenzer) unsr neis Biachrregal aufbaut. Mei, des riachd leggr! Kennt allbloß schniffla. Frianer henn dBiachr au so grocha.


    Am See honnse au bellarad wia dia Wilde. Anscheinend isch des Freiheit. I lommer doch id des Rächd näahma zum Tierla verschregga. Fr mi hert sich des ah wia Kriag. I frôgme, wias de Flichdling dôdabei gôht.


    Häff a naiß Deile, Schbätzla. Bei uns isch halba Zehne und allno dunkl.

    #250Author Moi Gab (456541) 04 Jan 22, 09:32
    Comment

    Neis Biecherregal...des hert sich uf jeden Fall subber ã, ganz õabhengich drvo wia's riecht!

    I han seit Corona - also seit fascht zwoi Jòhr - vor, meine Biecherregal amòl grendlich durchzmischda on auszomsordiera was-e nemme brauch on will, damit-e von dene Biecher en zwoider on dridder Reihe wegkomm. Ben abber irgendwie bisher no-et drzua komma. 's Läba hòt sich irgendwie entschlainicht, seis vom Alder odder von Corona, i grieg em gleicha Zeitfenschder nemme sovl erledicht wie frieher. Isch abber au recht, i mach mr koin Schdreß.

    #251Author Goldammer (428405) 04 Jan 22, 10:52
    Comment

    Bei eis isch Haileg Drei Keneg a Feijerdag.

    Wie isch dees jedst aingdle: Deff se dr Baldasar midd ar Schuehkrem schwaaz aamohle, odr isch des Bläckfeißing??

    #252Author manni3 (305129) 06 Jan 22, 01:55
    Comment

    Manni, des kaneder leidr id beantworta.

    #253Author Moi Gab (456541) 07 Jan 22, 22:04
    Comment

    I hao ibregenz do deana a abbdeidede Wersiooh vo eisrem Wariandtewäedrbuech vreffndlechd - abr fei bloss zom Luege, gell! Gschriibe wäed no do hinna, bis s wirduelle Babbier gar isch!

    #254Author manni3 (305129) 10 Jan 22, 17:23
    Comment

    Danke, Fadababba!

    ("angemällbin" derf mr abber, gell!)

    #255Author Goldammer (428405) 10 Jan 22, 17:47
    Comment

    Emmerle, was duasch, wenn drManno "noi" sagt odr schreibt?

    #256Author twocents (460778) 10 Jan 22, 18:14
    Comment

    Dr Manni dät des doch gar nia nedd ibrs Herz brenga, noi zom saga. Ond ibrhaubd, dät dr Manni en sainr Dialeggdwariande "noi" saga? Ond solang 's brele koin Aischbruch erhebd, zom Beischbielwega Uhrhebrrechdsvrledzong, derf 's ao schdanda bleiba. Dschassd mai dusenz. ;-)


    Wega de Schdernsengr ond em Baldasar isch's hald en Bezug uff d' "bolidiggl correggdness" zwoischneidig wia emmr. Em Wiki-Ardiggl ibr d' Schderndengr schdoht en deam Absadz was dren: Debatte um Blackfacing.

    #257Author opadeldok (1319435)  10 Jan 22, 18:29
    Comment

    ädd 255: Guggsch 🙄

    #258Author manni3 (305129) 10 Jan 22, 19:29
    Comment

    Also mit Frechdax kanne läba. 😛

    @zwoisentle: I fircht des dät nix endera.....

    #259Author Goldammer (428405) 10 Jan 22, 20:12
    Comment

    Emmerle, des fircht e au ...

    #260Author twocents (460778) 10 Jan 22, 20:43
    Comment

    1Mo 50,19

    #261Author manni3 (305129)  10 Jan 22, 23:19
    Comment

    An guada Morga midnander,


    wia ne geschdern 's Fenschder zom lifda offa ghet hao, isch draußa a Mordsgekrächze losganga. Neigierig wia ne be, hao ne nadierlich gugga miaßa. Hoggd en dem Lendabaum uff dem vrlassana Eichhernleskobl a fremdr Gaschd, 's kennd an Bussard oddr an Falke gwä sei, ond wird von zwoi Kräha von zwoi Seida zerschdmòl bedrohend âkrächzd. Des hòt den zwar beeidruggd, abbr er isch drodzdem hogga bliaba. Wia se eahn nâ âgriffa hend, isch 'r gflichdat ond dia Kräha glei hendadrei. Het me scho endressierd, wia der Luftkampf ausgòht, abbr se warad glei aus maim Blickfeld vrschwonda.


    I hao so an Luftkampf vo ra Krähe ond ma Raubvogl scho amòl beobachdad, wo mr bei ma Keglausflug uffm Main vo Würzburg nach Veitshöchheim gfahra send. Der Kampf hòt guade fembf Minuda dauerd, bis der Raubvogl gmerkd hòt, dass er koi Schâs hòt.


    Abroboh Eichhernleskobl: I hao en dr #175 gfrâgd ghet, ob jemand dia âgeblich wirddabergische Bezeichnong Eichhalm fir Eichhernla kennd. Wahrscheindz isch 's iebrlesa worra oddr oifach ondrganga. Woiß jemerds was?

    #262Author opadeldok (1319435) 11 Jan 22, 11:14
    Comment

    I be koi Wieddebäergar, drom haoni idd druff gandwoerded - ond oo weil i dean Name fier Aichkätzla naddierle idd kenn.


    Des midde Kräa ond kloinre Raubvegl haoni oo scho beobachded. Do hanzes schwäer, die Bussard!


    #263Author manni3 (305129)  11 Jan 22, 11:36
    Comment

    I kenn Oichhalam fr Oichhhernle.

    #264Author twocents (460778) 11 Jan 22, 11:41
    Comment

    Dangkschee fir eire Andworda. I woiß jâ, dass mir Wirddaberger ondrrebräsendiert send dâhenna, zomendeschd aggduell. ;-)


    Dusenzle, isch des Oichhalam a Dibbfehl? Des herd sich so osmanisch â. I hao grad gsuachmaschint: halam = meine Tante. Dai Dande isch also a türkischs Aichhernle? 😉😇

    #265Author opadeldok (1319435) 11 Jan 22, 14:05
    Comment

    Opale, Eichhalm sait mir nix. Dabei binne vom Wirddabergischa Bodaseedoil.

    #266Author Moi Gab (456541) 11 Jan 22, 15:54
    Comment

    Opale, des isch a Haalam, koi Halaam. S ledschde "a" isch ôobedoont ônd wedd faschd wia a Schwa ausgschbrocha.

    dSuachmaschiena fendat allhui a glatts Zuig. Odr liegts doch am Nußlikehr wo da z'friah hasch âafenga drenka? ;-)


    Gäbale, bisch halt doch scho faschd a Gelbfiaßler ...

    #267Author twocents (460778)  11 Jan 22, 16:01
    Comment

    Geiz im eschdleche Dail vom Bodesäe Gäelfießlar? Des glob i idd. Bei deam viile Wassr wär ja glei die gäel Farb weck ;-)

    #268Author manni3 (305129)  11 Jan 22, 16:19
    Comment

    *gschwendreiguck*


    Mir sagt Eichhalm au nix. Bei ons hoißt des au bloß Aichhernle.

    #269Author neutrino (17998) 11 Jan 22, 16:20
    Comment

    I ken wedder Eichhalm no Eichhalǝm, on i ben ausm Herza vo Wirddaberg. Endressant isch des abber!


    En Luftkampf vo Kräha on Raubvegl han i au scho beobachdet. Dia Kräha kommet vo oba ra em Schdurzflug wie a Schduka, dò kã dr Raubvogl bragdisch nix macha.


    opale, en Bussard isch om einiges greßer als wie a Krähe, on dr Falk eher gloiner - wia war denn die Greßarelazjoh bei dene wo du em Garda gsäh hòsch?


    D' Edith moint, d' Grimmsbuaba kennet als Sinonim firs Eichhernle no "Eichermel" oddr "Eichhermelin", on onderm Schdichwort Hermelin fendet mr, dass des a Vrkleinerongsform von Harm isch on es bis ens 18. Jòhrhondert die Form "hälmichen" drfier geba hòt. Des kennt's sei, odder?


    D' Edith noml: SCHDIGGLE! Long taim nou see. Gòht's eich guat?

    #270Author Goldammer (428405)  11 Jan 22, 16:26
    Comment

    Endressant isch des fir mi ao, vor ällem, weil grad mir Wirddaberger Schwâba des, was mr âgeblich kenna miaßdad, gar ed kennad. Abbr manche Begriff geand hald, leidr, em Lauf dr Zeid vrlora, wenn se nemme agdif vrwendat werrad. Gottseidank haldad mir a weng drgega ond, wenn mr ebbas nedd selbr wissad geit's jâ no

    d' Grimmsbuaba ond diahend jâ ällaweil a megliche Erklärong parad.


    Der raiberische Vogl war, wenn e me nedd vrguggd hao, uff jedn Fall nedd greßr, abbr ao nedd arg viel kloinr wia dia Kräha.

    #271Author opadeldok (1319435) 11 Jan 22, 19:48
    Comment

    Schdickle, dier ond deine ganze Addompardicklaahengsl wensch i no nochdräglech a guez Nuis!

    Kaasch ja bei Geläegehaid mea amohl reiluege, wennd grad in ar gschbrächigre Fahse bisch. Do däd i mi gfraie 😉

    #272Author manni3 (305129) 11 Jan 22, 21:32
    Comment

    Hoi! ZSchdiggle isch da gweah!


    I hau heit beim Fene êikauft ônd "Laible" mitgnomma. Bacha hat se dr Sinz vo Duurach - pferleichd erklärt des dSchreibweise. 🙂

    #273Author twocents (460778) 13 Jan 22, 15:46
    Comment

    Genau! Durach, des isch bei Kembde ond do geiz Laibla.

    Fene - isch des dr Feneberg, geiz dean no? Hadze däe gege de Edeka ond de Rewe halde kenne?


    Voerem Fene(berg) seim Schaufenschdr isch amol a Buele gschdande ond hat sehnsichdeg uff dGuezla ond dLaibla in dr Auslag glueged. No isch a Weible vorbeikomme ond haddn gfroged, ob a koi Geld drbei häb fier Guezla ond Laibla ond obse eahm a baar Zehnarla schenke soll. No hadds Buele xed: A Geld heddi scho drbei, abr i drau me id nei: Dr Babba had xed, dr Feneberg frissd alle Kloine!

    #274Author manni3 (305129)  13 Jan 22, 16:50
    Comment

    Was? La(o)ibla? Isch denn scho wiadr Weihnachda? 😉


    Egal, lass se dr schmegga.

    #275Author opadeldok (1319435) 13 Jan 22, 17:24
    Comment

    Weihnechde isch äesch midd Liehmess vorbei - jebmfalls bei eis Räechdgleibege, hedd mei Dande Senz (Johrgang 98, wissed scho) xed. Do bauba oo dKribbe àà! Bis dedd nãã schmecked oo dLaibla - wenns no oi geid ;-)

    #276Author manni3 (305129)  13 Jan 22, 17:34
    Comment

    Dr Babba had xed, dr Feneberg frissd alle Kloine! :-)


    Manni, dr Fene isch middlrweile middam Edecka vrbandlat. Sonscht wär er pferleichd sell gfrassa worra.S Hauptsorddiment haddr vom Edecka, abr allawei no sei ôiges Sach drzua.

    Z Biozuig hoißt "VonHier", ônd er kaufts tatsächle em Umkrais vo hondrd Killomeddr om Kembbda rôm êi. zM moischde isch sauguat.

    Sei oigana Metzg hat er au no - dr Uhrschbrung isch ja a Metzerei zKembbda gwêah. Be de Beck schafft'r wohl middam Sinz zeema.


    Z Minchen giits enzwischa vier Fenes, oinr drvôo isch auffam Weag zum/vom Birro.


    I glaub, dia "Laibla" send a Marggeddinggegg ônd ma kâa se s ganz Jauhr kaufa - i muaß amôle aufpassa.

    #277Author twocents (460778)  13 Jan 22, 17:48
    Comment

    I hao im Indrnedd glueged: die send scheinz schdabiil! 80 Filljala zwische Ulm, Menke, Garmisch ond em Kloine Walsartal ond a aigene Bio-Abdailong!


    Bei eis im Doef haz an Bäeremillar BMA gea, däe hadd abr om 1990 omxaddled ond vrbachded Immobilja an Subbrmerkd.

    #278Author manni3 (305129) 13 Jan 22, 19:27
    Comment

    An BMA hats ômÔlmrômm au geah, dau hemmr abr komischrweis it eikauft. Zwoi Heisr weitr hat dFrau Behm ihr Lädale ghett, dau ich dMuaddr mid ôns Kender nâaganga. Abr i moin, dass-d s den Laada bis heggschdenz neizeahhondrtsiebzge geah hat, dann isdch dFrau Beehm en Rente ganga. Zu deara Zeit hats em Schdädtle no eddliche kloen Läbnsmiddllädale ghet, ond oin a bissle greaßra - dai Goißakaare. Der hat zÔlm âagfaga ônd eddliche Filljahla ômÔlmrômm ghett. In der Frau Beehm ihram Laada isch dann a Handarbeitslaada nei, ond wia dBesitzre en Rente isch, habba des Haus renowwiert, seitdem isch dau a Abbodeak.


    Em Nauchbrschdädtle hat en de Siebzgr a Aldi aufgmacht, ond viele send dau nâagroiflat. Zweggs fembf Joggort zwanzg Kilommder gfahra ... meinr Muattr war des z bleed.

    Dr Kaisr hat dann em Schdädtle an Subbrmarkt baut, dann isch des dr Laada zôm Êikaufa worra. Schbätr war des dr Tenglmâa (der hat da Kaisr iebrnomma), dann isch dr Fene komma. Der hat vor drei Jauhr nui baut, ond em alda Subbrmarkt isch ledscht Jauhr a Korohna-Imbfzendrom êigrichdat worra. Etzt wedd dau enmme gimbft, abr s isch no Deschdzendrôm.

    #279Author twocents (460778)  14 Jan 22, 10:48
    Comment

    Boschurle liabe Schbätzla!! Heit wirds wiedr schee. I schigg eich schomml dia erschde Sonnaschdrahla numm und nauf !!

    #280Author Moi Gab (456541) 16 Jan 22, 10:35
    Comment
    Danggschea, Gäbale, ich dua no a baar von onsre Schdraala da hanna drzua ond schiggs weiddr an da oder dia Näggschda wo's liisdd.

    #281Author schwäble (951819) 16 Jan 22, 10:52
    Comment

    Se send all aakomme - dankeee!

    Seid zwai Minudda voer achde senze oo uff meim Ballkooh uffm Ballkaah: elf Grad em Momend :-))

    A so a Hidz - ond es wäed no wermr wäere bis Naamedag om zwai! Dr Omickron wäze ergre ibr die hoeche Dembradduhra *hihi*



    Ibregenz: Wäe idd gäere hibbled, brauchze idd ergre 😏

    #282Author manni3 (305129)  16 Jan 22, 11:14
    Comment

    Dankschee Mannischerii! Dobbled gnäht elt bessr, gell!


    re Dr Omickron wäze ergre ibr die hoeche Dembradduhra - Abr, Manni, wenner doch aus Affrika schdammt, no magers doch hoiß der bleede Siach. Odr honne dô äbbes vrwäxled?


    Um a Ahle bettl!





    #283Author Moi Gab (456541) 17 Jan 22, 14:38
    Comment

    Griaß eich Gott älle midanandr.


    Gäbale, bis jetzt hòt âscheinend koinr dai haimlichs Rufa ghert. Nâ kriagschd hald ois vo mir.


    Dr Omickron kâ mid mir nex âfanga, i kâ wedr alt- no neigriechisch. 😉


    Manni, weil i jâ als Wiaschdglaibigr uffgwachsa be, herd bei mir d' Weihnachdszeid hald midm seggsda Jänner uff. Mr kâ sich dâ drmid schliaßlich scho friahr uff Oschdra fraia. ;-)


    Geschdern war dr Handwerggr zur Wardong vo mainr Therme dâ. Er hòt gmoind, dass a Wardong ohne vorher nodwendige Rebradura nex brengd. A baar Doil hend âscheinend dr Geischd uffgäa. Heid hao ne dr Âruaf vo derra Firma kriagd, ob se am Freidich en ra Woch zur Rebradur ârigga kenndat.


    Des mid de Kachla kommd dann em Sommr drâ.

    #284Author opadeldok (1319435) 18 Jan 22, 16:47
    Comment

    Danksche, Opale, griagsch au ois vo mir 🙂

    #285Author Moi Gab (456541) 21 Jan 22, 21:00
    Comment

    I be grad in am alde Fade dribr gscholbred, dass oir noch "aufgehangen" gfroged had bei am Gedichd:


    Noch unverrückt, o schöne Lampe, schmückest du,

    An leichten Ketten zierlich aufgehangen hier,

    Die Decke des nun fast vergess'nen Lustgemachs.

    - Mörike, Auf ein Lampe


    Bei de Grimmbuebe haoni ondr hängen gfonde, dass des scheinz a Vrschmelzong vom Bardizibb vo hangen isch.

    Nocha haoni weidrxuechd ond es geid dadsächle a alz Verb hangen. Des isch s indransediv Verb zom dransedive hängen.

    Die heiteg (nord)hoechdeidsch Form isch: 

    Ich habe die Wäsche aufgehängt. Sie hat den ganzen Tag auf dem Balkon auf dem Balkan gehängt.


    In meim Dialeckt wär des no faschd genau in dr alte Form:

    I hao dWesch aufghenkt. Se isch de ganze Dag dussaghanged.

    henke, had ghenkt - hange, isch ghanged


    Des send so Momend, wo i a ganz a diefs Glicksgfiihl in mier gschbier, wie i ibr mein Dialeckd midd johrhondrdealde Schbrochforma vrbonde bi.

    So ebbs isch fier Norddeidsche rar. Die kenned so ebbs idd, weil se äeschd seid femfhondrd Johr Hoechdeidsch schwädzed. Die vrschdanded ja idd amohl s Berfeckd mid hat/ist gehängt.



    Fier des schea Gfiihl schdell i glei an Haufe Ahla rei 😘


    #286Author manni3 (305129)  22 Jan 22, 00:55
    Comment
    manni, da frai i mi midd. Deine schdachligge Ahla lass i abr em Gäbale ond deine andre viile Fehns. I ma bloss gladdrassierdde Eias. ;-)))

    An scheana Samsdigg, allemiddanand!
    #287Author schwäble (951819) 22 Jan 22, 10:52
    Comment

    Manni, des isch wia midm Rendfloisch. Z'erschd wirds uffghanga, wenn's guad abghanga isch, nâ kannsch 's abhänga.


    Des Glicksgfiihl, wenn dr Rooschdbròda aus ma guad abghangana Floisch uff dr Zong vrgòht, isch ovrgleichlich on obezahlbar. ;-)


    Ond was isch jetzat? Während e des gschriaba hao, hòt sich bei mir a saumäßigs Glischda genau uff sowas aigschdellt. Mir laufd scho 's Wassr en dr Gosch zamma. Wo kriag e ao jetzat an so an Rooschdbroda her?


    ♫♪ I wensch eich äll a scheenas Wochaende, Wochaende, Wochaende- So schee, wia 's scheener gar nedd werra kennde ...♫♪ ♬

    #288Author opadeldok (1319435)  22 Jan 22, 11:01
    Comment

    Doo ess graad eh Beidraach gelaaf ... iwwas Schwääwische unn iwwas Allemannische unn iwwas Dijaläggdgonndiinuuum ...


    https://www.3sat.de/gesellschaft/laendermagaz...

    https://www.3sat.de/programm

     ... Zur Heimat gehört die Sprache, also oft der Dialekt. Ein ganz besonderer Dialekt in Baden-Württemberg ist das Alemannische, das an der Universität Freiburg dokumentiert und erforscht wird. Das Alemannische hat mittlerweile auch sehr populäre Botschafter wie Christian Streich, den Trainer des SC Freiburg oder den Comedian Cossu. ...


    #289Author no me bré (700807) 22 Jan 22, 14:26
    Comment

    Manni, des gfraitme au und dankschee fr dia Ahla.


    Und wa des hanga ahgôht, dodazua kanne a Schdiggle fomma Liad singa:


    Obrhalb vo Mochawanga, Mochawanga, Mochawanga,

    siehtma no dia Gnocha hanga, Gnocha hanga, Gnocha hanga,

    vom Babdischd seinr Kuah.


    Kenndes äbbr vo eis?


    D'Edith moint no, det kennadses au https://www.lumpenlieder.de/Liedl_aus/liedl_a...

    Abr, do hoißt da Babdischd Hugo.


    #290Author Moi Gab (456541)  22 Jan 22, 15:04
    Comment

    Des Liadle isch urschbrenglech pladdeitsch - dau isches ôozglatt!


    Z Fiddjoh kâan-e it âaloosa, i woiß drôm au it, ob sLoadle schêa gsonga isch ...

    #291Author twocents (460778) 22 Jan 22, 15:17
    Comment

    Senzle, ich hon scho immr gwisst, dassda a Gläwerle bisch.


    Honn heit scho a de dengkt. Oifach so. Dengksch au manchmol a mi?

    #292Author Moi Gab (456541) 22 Jan 22, 15:22
    Comment

    Freile. Sogar efdr amôle. :-)

    #293Author twocents (460778) 22 Jan 22, 16:03
    Comment

    Des isch ao saugladd. Dia Mochawangr Wersioh hao ne nedd kennd, abbr dia bladddeitsch scho. :-)


    Gäbale, danggschee fir den Lenk zu de Lombaliadr. Hao ne doch grad eba dâ drenna dr ganze Tegschd vo deam Liad "Droba uff dr rauha Alb" amòl wiadr lesa kenna. Des hend mr friahr en de Besawirdschafda, wia zig andre schwäbische Liadr, no auswendig gsonga.


    Oinr vo ons hòt des dâ Willi Seiler - Dr Gsangverei auswendig kenna ond solo vordraga. Mir warad abbr koin Gsangverei. Zu ons hòt vor ällem 's End vo deam Liad bassd. ;-)

    #294Author opadeldok (1319435) 22 Jan 22, 16:55
    Comment
    Em Fall, dass ui mal langweilig isch ... oder oifach so ... i fends saunädd! Bloss giiz des laidr no nedd auf Schwäbisch.

    https://wordle.at

    https://www.powerlanguage.co.uk/wordle/


    Guaz Nächdle :-)
    #295Author schwäble (951819) 22 Jan 22, 23:52
    Comment
    Gudda morga middanand,

    heidd hädde mall wider a schbraochlicha Fraog:

    Wia saidd ma bei ui zon ra (Bläch-)Wann? I moi em Schrifddeiddscha däd ma "Zubr" oder haldd 'Wanne" drzua saga. Kenndd ebbr no "Brendd"? Saidd ao bei ons heidd kaum mea ebbr ... abr als Kennd war des ganz normal.
    #296Author schwäble (951819)  23 Jan 22, 13:26
    Comment

    A Brendd kenn i idd. Zubar hald i oo scho fier seldn. I moi, des habba fier a Holzwanne xed, wemma idd Schäffle gnomme hadd.

    #297Author manni3 (305129) 23 Jan 22, 14:28
    Comment
    I iibrleg grad, ob a Schäffle z Gleiche isch wia a Brennddle ...
    #298Author schwäble (951819) 23 Jan 22, 14:55
    Comment

    I kâ me no an mai Kendrzeit erinnra, wo dia wenigschde Haushald a Wäschmaschee ghet hend. 'S hòt fir älle Bardeia em Haus a Gmeinschafdswäschkiche gäa, mid ma Wäschboddich, wo Wäsch dren kochd worra isch ond Zenkwanna, zu deane mr Zuber gsait hòt.


    Brendd on Schäffle kenn e nedd.


    Abbr zom Schäffle hao ne folgendes gfonda: Wiki - Schaff.

    #299Author opadeldok (1319435) 23 Jan 22, 18:39
    Comment

    Ond em ibriga däds dann dâ hanna weidr ganga:


    206--Schwobeschnierle--206

    #300Author opadeldok (1319435) 23 Jan 22, 18:42
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt