Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    206--Schwobeschnierle--206

    Topic

    206--Schwobeschnierle--206

    Comment




    Des isch s zwaihondrdondseggsd endrnazenal Alemanne-Schwobe-Schnierle,

    in deam wo ma allarlai Warianda vom Schwäbesche ond Alemannesche läese ond schreibe ka.



    ◎ Vo dedd kommebr ond jiez goz do hinna weidr.

    ◎ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ◎ Do isch a frisch abbdeidede Landkarde midd am Haufe Middschreibarna ond Middschreibar


    Eisr Wariandewäedrbuech haoni abbdeided mid Schdand 1.1.2022.




    Wäe gäere hibbled, soll des Fädele äeschd läese, wenn dr Zwaihondrdfemfar vool isch, gell ;-)










                        Land id lugg!


                        Nichlokkalassn







    Author manni3 (305129) 06 Jan 22, 00:11
    Comment

    Innerschwäbischs Wariandte-Wäedrbuech

    Abbdeided am 1. 1. 2022





    Sammlong vo ohgfäehr femfhondrd regjonal gebreichleche Wäedr

    Des send Ausdrick, die wo idd all im Fädele vrschdande hand ond drom nochgfroged hand.

    In de nägschde Beidräg noch dr Frog kommed nocha Erkläeronga. Mankmol daured des oo a bissle lengr, bis des ganze Schbeckdrom ausdischkrierd isch odr bis all Beidräg drzue komme send, weil mr zwischedure no ibr ebbs andrs hand schwädze mieße. Do mueßba nocha hald a bissle schkrolle ;-)

    Dr Link goht direckd uff dean Beidrag, in deam wo dr Begriff zom äeschde Mol voerkudd. Die Zahl hendr deam Begriff isch bFadenommr. So siechba glei, wenn die gleich Frog schbädr noml aufdauchd isch.





    aablendre 50    äadala, äad dôa 147     ââsda 202    äbba 19    äbbl 1    abegheit 84    Abr 181    afánge 21    afánge, ahébe 94    afánge, ahébe 95    Afdrmädag 1    afis 98    Aftrmeede, -medig 36    agfurzged, apfuzged 0    ahébe, afánge 94    Ahle 12    Ahle, Deffenizjoo 196     ahnd 1    ahnd (s. blange) 105     Ahne, Ehne, Nahne, Nehne 21    allbodd 1    allebodd 38    allegaare 100     Allgai, blaus 58    Allmende 75    als, allad, immr 194     Alti Söcke 61    Amaisla, zwai (Gedichd) 26    am Doe sei (Vrlaufsform # 156 #206) 202    amigs 3    Anke, Buddr 45    Anke, Buddr 62    Anke, Gnack 25    APC 14    aobr, apr 32    Aschebe(r)scher 87    aufembde, emde 190    aufhauseg 154     ausbaldoferre 196    Ausdrag 197    aushausich 154    ausrichde, Leid 198    

        

    Baabl 189    Bachel 9    Bäeredreck 190    Bäeromenschdr, Radio 68    bägglat en Schdroah, dobblat 40    Bähmull 90    barmen 198    Baule, Böhle (s. oo Kadzebaule) 9    Bbünz 100    Belmeß, Kopf etc. 77    belza 191    belze kenne 191     Berda 189     Berda 21    BerwangarWeible, s 38    Bfose 97    Bfudzgar, pfuzzge 150      Bfutzga, Pfitzle, im Xichd 150     bhäb 189    Biberle 1    Bieche 102     Biewrl 44    Biibgockelar 190    Bise 44    bitzle 2    bizzle 84    Blaaz 21    blange 105   Blaokraud Ausschbroch 198    blutt 189     bluttfueß 56    bobbre, vrbobbrat 131     Bodschambr 49    Bodschambarle, Pisspott 198    Boi 83    Boi, Bai 83    Boi, Baie 84    Boid, Point 4    Boind 75    Bolle, Mausbolle aufgeschdelld, Bollehued, Bolledeere, Bollekaare 199    Bollekare, Bollewage vs. Laidrwägele 114    Bongert 75    Born 25      bosge, bozge 196     Bream 190    Brazzl 136    Bredla 94    s Breis, voll bis ans Breis 142     Breschdleng 47    Breschdleng 84    Breschdleng 182    Brezga, gscheide 52    Briegl, Seel, Gnauzawegga 103    Brot, Kipf etc. 21    Brotaaschnidd 21    Bolledeere 15    bruddle 137    bschieße 107     Bubabberlesgschäfd 108     buchle 97    Buddr, dr B. 10    Budl, Dudl 2    Budlwar 64    Budlwar 89    Buggelesdag 49    Buggl raarudsche - Warianda 192     Butzameggelar 53    ...-Budzl 145    Buzele 2    Buzeschdengl 71    

        

    chaib 1    cheib, Cheibe    Chaschde 9    Chile (mid "ch") 30    Chindsgi 96    Chlüpli, Glubbe 35    Chratte, Gelte, Trucke, Zeine 103     

        

    Däätschmr 5    Dabber, vrdabbed 185    daure 198    deiche, dunke (dünken)     dellele, rom-, ommanand- 103     Dibbl, Dubbl, dubbelich 4    die wo, die was 0    dirmelig, durmelig, drümlig, drimslig 130    Dix 3    dobblat bägglat en Schdroah 40    Doe, an Doe hao 117     Doggebaaba 3    Dogg, Doggebaabl 189    doggle 189    Dolga, a fedda 3    donderschlächdig 200    Dôpa 185     Dorpa, vrdorpt 185    dousheared, doosoereg, dollorig 22    dransschenigg 11    drädze 89    driele, rom-, ommanand- 103     drgneist 108    drimsle 1    drimsleg, dirmelig, durmelig, drümlig 130    druscho 25    dubbelich, Dubbl, Dibbl 4    dubbelich 178     Dudl, Budl 2    dui, die, d 44    Dult 66    dunke (dünken), deiche

        

    êahd, dreegsêahd 192        eahrakäsig, eahragrädich 193    Eberri 30    Efangelesche, Wieschdgleibege, Kaddolesche, 106     ei ( Ausschbroch) 29    ei - ai, leidtun - leiden 137     ei - ai, leidtun - leiden     eleige 3    eleige 3    emde, aufembde 190    emde, aufemde 202    Etter 123     

        

    Fägnäschd 42    Fägnäschter 66    faigge 89    Fazaneddle, Fazoleddle 143     Fehl 2    Fehl vs. Fäel 41    Fehlehockar 190    Fehn 28    feand, fern, fertig 197     fei 44    Fiedle 17    Fieß, Boinr 77    2Fildra    Fileiner 101     Fisternöllsche 12    flacken 22    Flädle, Knöbfla, Chnöpfli, Schbädzla 49     Fludde 199    Frauafürz 72    fretten, Gfrett 32    füdliblutt 21    fuudre, bfuudre 1    

        

    gä, ge, i gang ge 67    gach, gäch, gäh 17    gaddig 189     Gade 184     Gäder 184     Gäelfießlar 2    gampe, gumpe, gompe 3    Gass - uffd Gass lao, gao 112    Gatze, Gatzlmacher 100     Gaude, Schbass 17    Gaul, Haitar 140     Gebbl 76    Gefäss, Gfess     gfräß 199    geids no a Mill, hadds no a Mill 200    geil 194     gell 56    Gelte 44    gembresch 85    gempscheg, gempisch 85    Gfrett 32    gheie 84    Gischbl 192     Glepfer 147      Glibbertle 136     gliche wetsch mache 30    gloichig 195     Glufe 35    Glufa em Fidle 102    Gluhfe 113    Gluschd, Gluschda 150    gmiggd 109     Gnack 25    Gnauzawegga, Briegl, Seel 103    gniageled 186    gnieble, gniagla, gnuile,    knieble    184    gnuile, gnieble, knieble, gniagla    184    godzeg 87    Gôg, Koog 159     gompa, Gombe 83    gotzig 50    Graddl, Grattel, d 1    Graddl, Grattel, dr 86    Graddlar 68    grääddeg 147    grätig 12    Grette, Krette, dr 1    Grischbaum loba 73    Grischbele 192     Großschwäbisches Reich2    Gsälz 21    gsälza 59    gschderrig, schderrig, gschdäär, schderch 174    gschirra     gschwülm 84    Gsiberger, Xiberger 68    Gsibergerisch 65    Gugg, Guggl, Guggana 22    Gumpe, Gombe 3    Gumpedoschde 3    Gumpf 34    gschbässeg 1    

        

    hadds no a Mill, geiz no a Mill 200    Hääs 23    häbig 205     Häddele 76    Häelba 84    Häerdreggziaherei 176    Hägamark 148     Hagabuechena 197     Hagamoisa 197     Häggr, Hesche 113      Häggr - Versla 111     Hagamoisa 190    Hägl 1    hähl 1    hähl 2    Haipfl 25    Haipfl 25    Haitar, Gaul 140     Haiter, Heitr 8    Halbdaggl 87    hälenga 86    hälinga 67    hange, henke 153    Harras 24    Heckr, Hesche 34    Heffawetz, Hefleswetz 40     Heffawetz, Hefleswetz 136     heebe 190    Hegel 43    helfe, Denk mr helfa drã 94    helfe, afánge, ahébe, gao (Adverbien) 183     Hemad, Hemadlenz 2    Hengschd 126    Hennapfrupfa 23    henne 98    Herrgöttle vo Biberbach 70    Hesche, Heckr 34    Hesche 89    heuer, huir 77    hibbelig 102    hiere 72    hiere 204    hierewierbleg 72    hindrfihr 200     hingere 98    Hinichd 42    Hitsgi 61    hitzg 25    Hoaraheile 177    Hocketse, Hoigaade, Höck 3    Hocketse 22    Hoigaade, Höck 3    Hoigaade 22    Hoinze 1     Homml 1    Hommlbronz 36    Honoratiorenschwaben etc. 86    Hoschtub 93    Huerä- 1    Huaraflichdling 106    Huddl (Siech, Luedr) 202     hudle 199    Hugendubel (zSchdueged) 60    hüpf 71    hurrgle 118

        

    ibrlenggd 109     ine, ume, use 51    -ingen, Siedlongsgschichd 17    ipuffe 42    it 0    

        

    Jägrdoopf 7    Jochgaiar 156    jucke, schbringe 11    

        

    Kaddolesche, Efangelesche, Wieschdgleibege 106     Kadzebaule (s. oo Baule) 15    Kädzle am Bauch, aussäeche wies 87    käfele 80    kähl 1    kähl 2    kähl 189    Kandl, Kantl 151     Käpsele 1    Käpsele 68    Karess, auf d K. gao 1    Kaschde, Kasten 104    Käspappiletee 75    Kêaza 150     keija 174     kidzebolle 151     Kieanzl, Keanze 77    Kiechla etc. 97    Kiechle 75    Kipf 21    Kläbbar, Schläbberle 4    Kleischbe, Gleischbr, Schiefr 204     Klubbe, Glubb 76    knäschdeg 20    kneischde 20    knieble, gnuile, gnieble, gniagla        184     knitz 184    Knobbf 190    kobbe 76    koiz 91    Koki Sa Schack 5    Konjegadzioo Blueral 150     Konjonkdif I - II 130    Koog, Gôg 159     Kotze 86    Krattel, dr 15    krawuhl 189    Krette, Grette 1    Kuglfuehr 195     Kuhfliagets 91    

        

    Lacha 150    lagg, lack 22    ladderala Schdobb 29    Laibla 94    laid, leid 1    Laidrwägele vs. Bollekare, Bollewage 114    Lätsche, Schlueb 21    Land id lugg 19    Land id lugg 41    le, Suffix em Englesche 2    Lego, hesch me 59    lei 0    leid, nit eso leid 7    lêîs 96    Leisa 123    Laisa, Lêîsa, Albleisa 123    -les 91    lieben, mege 62    Loas 1    Loisa 32    lubfe 190    Luse 194     Luxemburgerli 87    

        

    Madlafitzeler 190    mängisch 3    Mäschkerla kommed 6    Mass, Maß 88    Matte, Mahd 75    Mecheler usw. 118    mege - i mag di 62meegig, oomigele 12    meichdale 22    Memmingar Mao 1    Memmingar Mâô 40    Menggenges 115     Mensch, s 2    Mensch, s 96    Migge 190    moanammoeges 192     Mojaschegga 11    Molle, Mollesaich 1    Mond (Ausschbroch) 40    Mondich 1    Mongale 1    Muggaseggale 190    Muggebixle 190     Muhagl 43    Mulle, Mulli 90    Mullela 94    Muni 1    Muswies 126     müntschi 100    Mutschl 85    

        

    nächt, nechd 1    Nahne, Nehne, Ahne, Ehne 21    Naka-Buzele 2    nannaäbbe 3    narred 12    naussaue 40    nebenzu 194     Nechzobed 42    neihägle 40    neima, neamads 18    neima, oimeds 184     neischobbe 194     nochschreie 198    noddle 200     nuf 123     nume 3    

        

    oimeds, neima 184     Ois 150     ommananddriele 189    Ômuaß 42    oomigele, meegig 12    Ôomuaß 45    Ortsschiiht, Woogscheile 109     oz 23    

        

    Pamir 72    Pe-, Pödädrle 154    Pfäläller 4    Pfitza, Bfitza 150     Pfitzle, Bfutzga im Xichd 150     pflöffla 45    pfupfre 2    pfuuse 7    pfuzzge, Bfudzgar 150     Plaffoh 34    pögge 2    Point, Bôid 4    pöschtele 50    

        

    R - Zonge odr Zäbfle 1    rääs 1    Radlar, brôte, Rezebbd 18    Randig, Rande 52    Ransch, auf dr R. sei 1    Randsch - uffd Randsch gao 112    Ranze 108     Ratscha schdadd Glogga 78    Rauch, ao-ou 75    raule 9    Rechdschreibdiskessioo ibr Ackzendr 49    Ribb, Ripp, s 96    Ribbschdigg usw..76    Ribbsmäel 50    riebeg 2    ringer 108     Risoddokoma 22    Roina 177    romdreggle, romdreedle, romdellele 139     romlöhrga 40    Rootzbibbr 44    Rotzbibbr 1    rueßle 194    Rugl 149

        

    Sach, s, d 104    sägg 92    säehr, Suirle 150     Samschdag-Samsdag 155    sauigle 22    Scharmidzl, Stranitze 22    Schaufscheiß nui drzue 190     Schbatzafischer 100     Schbädzla (etym) 21    Schbädzle, Flädle, Knöbfla, Chnöpfli 49    Schbagaat 21    Schbagaat, Schbädzla im Iddaljenar-Forum    Schbaage 38    Schbass, Schbass, Gaude 17    schbeie, schbedzge 91    Schbinnewedda 85    Schdäer, "Stör" 155    schderrig, gschderrig, gschdäär, schderch 174    Schdihble 197    Schdobb, ladderala 29    schdoggele 174    strabelig, schrabelich 203   schdrähle 191    schdrawanza 65    Schdreckise 9    schdriale 205    schdrolle 205     schdruug, K II vo schdragge 32    Schebrkrä 110     Schegges 30    Scheiche 77    Schertele 189    schiergar 195     schladdig 186    Schlagg 192     Schläpperle, Kläbber 4    schleife, schliefe 87    schleife (SZ) 47    Schleifets 91    schlenggle 2    schliefe, gschloffe 87     Schliefkami 87    Schlueb, Lätsche 21    Schluata 189     schmecke (Gschmäckle) 95    schmutzige Dauschdech 3    Schnäe weckdoe    183     schnarchle, schnarchele 194    Schnäddrfiedle 130    schneie, gschneit, gschnia, gschnihbe 200     Schneller 147     Schnöre 45    Schobf, Schöbfle 82    Schoche nauslache 178    Schöpfli 82    schora 196    schtiepara, schtoipara 190     schuddle 134     Schuebad 37    Schumpen (Ausschbroch) 200     schwanze 12    schwerlich glaufa 32+#66    Schwobarädla 48    Seel, Briegl, Gnauzawegga 103     sehr, säer (sorry, sore) 21    seicht 44    selbandr, selwandr 200    Semml; Schdanga- 83    Spätzle-Shaker47, 48 Stotzen 203     Stranitze (1) 22    Stranitze (2) 23    Suddroi, Suddrai 194     süferli 27    Suggl 1    Suirle 44

        

    Tajine, Tatschine 48    Talpe 77    traibdeibl 27    trädze 89    tschambre 49    Tschingge 98    -tse 91    Tugnd, die gräeschd schwäbesch 31    

        

    Ufzgi 52    Uhudler 17    uibrois 30    uns-euch-ihr16    Urlesdag 17    

        

    Verchlinerigsform vo Verbe 33    verchrüglet 45    vrkirnt 108     verusse 42    Veßa, Vese 84    vrboama 177     vrdlda 44    Dôba,        verdôbed    185     vrdrenne (im Kondexd) 98     vrdrenne (Frog ond Andwoed) 99    vrdwarme 197     vrkaischdle, sich 103     vierdl, viedl noch, viedl ibr 1    vierezwanzgi gsi 9    Vierling, Virrling 195    vrhebe 23    

        

    wachele 194    wachle 33    Wäedam, Wäedig 77    Waihdag, Wehdag 151     waidle, wolle 191     Wagges 30    Waggl, uff dr W. gange 80    wallen, walen 86    wargele 89    wargele 118     Warglknui 118     Wassrschdelzle 156      "weder noch" 154    Wehdag, Waihdag 151     Wehrle 150     weisen 2    Weißbild 2    Weißbild 27    wiaschtgleibig 21    Wiebele 191     Wieschdgleibege, Kaddolesche, Efangelesche 106     wirglich (z.Zt.) 143     Woogscheitle, Ortsschiiht 109     wolle, waidle 191     Wullesau 23    Wurschdschbätzla 85    

        

    xesch 49    Xiberger, Gsiberger 68    

        

    zanne, zanneg 204    Zeitbeer 190    Zigr 45    Zipprla, Zibarte 10    Zodder 197      Züber, Zubar 44    zwai-zwea-zwoa 0    zwe-zwo-zwöi 97    

        



    #1Author manni3 (305129) 06 Jan 22, 00:15
    Comment

    *angemällbin*

    #2Author Goldammer (428405) 10 Jan 22, 17:46
    Comment

    *angemällbin*


    Dito.


    Em ledschda Fada hòt 's Schwäble gfrâgd, ob jeamerds des Word Brendd fir Blechwanna kenna dät. Woiß jeamerds was?

    #3Author opadeldok (1319435) 23 Jan 22, 18:48
    Comment

    Obba, zue deim ledschde Woed Schäffle, Schaff fellbr dr Schäfflardanz ei, däe wo alle siibe Johr zMinke aufgfierd wäed.

    Ond Brennd kenni idd, oo wenn die Frog em Schwäble uff de Fengr brennd ;-)

    #4Author manni3 (305129)  23 Jan 22, 22:57
    Comment
    I kenn au bloß Zuber.
    #5Author Goldammer (428405) 23 Jan 22, 23:01
    Comment

    Manni, Dschuldigong, i hao blooß gmoind, falls koinr meh en dr alde Fada naiguggd, schreib e dia Frâg hald no amòl en dr nuie Fada nai. Du hòschd se jâ scho em alda beandworded ghet.

    #6Author opadeldok (1319435) 23 Jan 22, 23:38
    Comment

    Nix zom Endschuldige! Zue Brennd haoni oo genau uss deim Grond nomohl gschriibe ;-)


    Aingdle ischbrs om de Schäfflardanz gange. Vo deam wäesch wahrscheinz scho ghäerd hao, odr?

    #7Author manni3 (305129) 24 Jan 22, 00:56
    Comment

    In meira Eddimologie isch an langer Artigl ieber "Brente, Brante, Brenke" als Bezeichnung fir a greßers Gefäß aus Holz (em Onderschied zoma Fass weider als wie dief). Zom Urschbrung woiß mr et viel, es kööt ewentwell sogar a keltischs Wort sei. 's meischde aus dem Artigl fendet mr au bei de Grimmsbuba onder "Brente".

    #8Author Goldammer (428405) 24 Jan 22, 10:21
    Comment

    Vrgeltsgott, Manni, frs Fadabaschdla und vrgeltsgott, Opale, frs numleita.


    Und "Brend" kenne fai au id, abr dafia Zubr, Wanna und Gelta. Hots Schwäble id nocherra "Blech"wanna gfrogt ghett?

    #9Author Moi Gab (456541) 24 Jan 22, 15:53
    Comment
    Z schwäble woiß sell nemme so genau, was es moindd, ob Hoolz oddr Bläch oddr boides...
    Es saidd auf jeda Fall "danggschea" fr uire Anddwodda, bsondrs ao em Emmrle frd Edimologii von dr Brenndd.
    #10Author schwäble (951819) 24 Jan 22, 16:22
    Comment

    D Heidi Biebl vo Obrschdaufe isch midd 80 gschdoerbe. Die isch 1960 die äeschd deidsch Goldmedalljegwinnare in dr Schi-Abfahrd gwe.

    A Ardickl in dr SZ 

    A scheas Foddo in Keilhosa, midd am wahrscheinz sellgschdrickde Bulofar, ohne Brille ond Helm ond midd am scheane Schlusssadz:

    Nach ihrer Triumphfahrt rätselte die Nation: "Wer ist Katzeborle?" Biebl klärte später schmunzelnd auf: Nach ihrem Coup durfte sie aus einem Übertragungswagen mit der Mutter zu Hause telefonieren. "Das war für mich das Allerhöchste, wir hatten doch kein Telefon, keinen Fernseher und nix", berichtete sie, "und am Schluss dachte ich an unseren geliebten Kater und sagte: Grüß mir de Katzeborle."


    #11Author manni3 (305129)  24 Jan 22, 20:57
    Comment

    Wass, soo lang ess das neije Fäädelsche schonn ... unn isch duun misch jädsade easchda aanmälle ?


    *aangemälldbinn*


    Danggescheen Faadebabba !

    :-)

    #12Author no me bré (700807) 24 Jan 22, 21:04
    Comment

    Manni, dannggschêa frs Fädle, ônd frs Gschichtle.


    Dr "Borle" isch em Ôndrland dr "Baule", middam offana "a". Mei Breslauar Oma hat abr allawei vom "Katznpaule" gschbrocha, weil se da "Baule" it kennt hat. 🙂

    #13Author twocents (460778) 25 Jan 22, 00:13
    Comment
    Der Kater, Baole, bei ons ausgschbrocha wia dr iddalienische Vornama "Paolo" iddalienisch ausgschbrocha, abr vorna dett midd "B" ond henda naus midd amma zuana, kuzza "e".
    #14Author schwäble (951819)  25 Jan 22, 14:27
    Comment

    Baule ond Kadzebaule hammr ibregenz scho seid an de zwelf Johr in eisrem Wäedrbiechle. Jedz kuddz oo no a dridz Mohl nei :-)

    #15Author manni3 (305129) 25 Jan 22, 14:38
    Comment
    Oh, manni, sorryle, du hasch ja d'Ausschbraoch scho wondrbar erglärdd ghett: "Ond im Wôed Brautschau isch es des zwaite au! Des eschde isch donkl, des zwaide hell wie en "blau, schau, Frau, miau!""
    ... da hädd i nemme midd meim bissle Iddalienisch ã'gea miaßa ;-)))
    #16Author schwäble (951819)  25 Jan 22, 16:00
    Comment

    Paolo isch a wondrbars Beischbihl, weil vihle Norddeidsche drzu Pa'òhlo saged. Im Bayern-Klassik hanze sogar a Schbräechare, die wo koin aaschdendege iddaljenesche Diffdong zemebrengd ond basso continu'o midd Knacklaud ausschbrichd 😯

    #17Author manni3 (305129) 25 Jan 22, 18:24
    Comment

    I hao gar nedd gwissd, dass d' Heidi Biebl no glebd hòt. Wenn e scho amòl en Obrschdaufa gwäa wär, hädd des wahrscheinlich mai Bildongsligge gschlossa. Em Februar wär se oisaschzg worra.


    Wo ne des geschdern glesa hao, hao ne a Schdond lang ibrlega miaßa, wia dia ander Medalljagwennere 1960 aus Oberschdaufa ghoißa hòt. Wo ne nâ nemme dra denggd hao, isch mr 's siadighoiß aigfalla. D' Barbi Henneberger war's. En dia war e als 11 jähriger Bua total verschossa. I kâ me no dra erennra, dass e dâmòls reachd draurig war, wo ne gherd hao, dass se bei Dreharbeida tödlich verogliggd isch.

    #18Author opadeldok (1319435) 25 Jan 22, 18:56
    Comment

    D Barbi Henneberger isch fier mi oo so a Schwarm in meir Jugnd gwe! Die isch die Allarellegandeschd uff de Schi gwe. I be oo draureg gwe, dasse in däer Lawine omkomme isch. Dasse vo Oberschdaufe gwe isch, haoni idd gwissd.

    #19Author manni3 (305129) 25 Jan 22, 19:35
    Comment

    Die isch mr jetz gar koi Begriff....aber dass-e vo dr Heidi Biebl schoml ghert ghett han, isch mr glei eigfalla heit frieh wo-n-e des gläsa han.

    (I war mit elf en dr Pjär Brieß vrschossa....)

    #20Author Goldammer (428405)  25 Jan 22, 21:28
    Comment

    Dr Pjär Brieß isch hald idd Schi gfahre, sondrn uff seim Iltschi gridde. Wahrscheinz isch dr des nähjer gwe. In deam Aldar wäeschd hald a räechde Bferdenärrin gwe sei, wie des tibbisch fier die jonge Fehla isch ;-)

    #21Author manni3 (305129)  25 Jan 22, 22:00
    Comment

    Schdemmt.

    😊

    Die Dag hanne amòl die Winnetuhmelodie ghert, nò isch mr sofort widder eigfalla wie sich des Schwärma fir dr Pjär Brieß enna denna ãgfiehlt hòt...

    (so a schees Musiggle wo eich dia Emozjona där Juhgend widder brengt, hen ihr fir d' Barbi Henneberger edda! Ätsch!)

    #22Author Goldammer (428405)  26 Jan 22, 08:23
    Comment

    Drfier haoni mier vo ihr die baralelle enge Schifiehrong onz Wedle ààglueged ond seiddeam loff i oo ellegand uss dr Hifte raus ond nemma so braidlaiseg wie frienr. Ond du wäesch des idd kenne - du wäesch idd amohl wisse, was Wedle isch 😉

    #23Author manni3 (305129) 26 Jan 22, 11:41
    Comment

    Doch!! Woiß i! Ãsätz drvo han i, nòch dr Fahse vom Bflugboga on em Parallällschwong, en meine beschde Zeida amòl zoigt....allerdengs woiß i nemme ob i des bsonders ellegant aus dr Hifde raus nãgriagt han...i wag's zom Bezweifla....

    #24Author Goldammer (428405) 26 Jan 22, 11:53
    Comment

    Emmerle, so wia 's dir midm Pjär Brieß ganga isch, war 's bei mir mid dr Marie Versini. ;-)


    Dr Hifdschwong beherrsch e ao, abbr blooß eim Dwischddanza ond nedd beim Schifahra. Dâ hao ne die Pischda blooß mid viel zviel Kraft- ond Kandaeisatz bezwonga. Nach maim ledschda Alpinschiaisadz en Wanga em Allgai Âfangs dr Nainzger hao ne so a diggs Knui ghet, dass e vor Schmerza zwoi Dag schier nemme laufa hao kenna. Des war dann 's Ende vo ra Karriäre, dia eigndlich nia âgfanga ghet hót. ;-)


    Obwohl, wenn's no gnuag Schnee uff dr Alb gea dät, kennd e mr scho vorschdella ab on zua uff a Loipe zom Langlauf zom ganga.

    #25Author opadeldok (1319435) 26 Jan 22, 12:31
    Comment

    Wenners scho grad vom Schifahra henn, no mage au mitschwätza. I honn als Kind* und Grundschialare** an Friggsbergale* (vielleicht gradmôl 4m hoch) und am Schlossbuggl** (2m hoch) sSchiifahra glernt und immr, wennes Buggale dunta war, miderra "Grischdiana" abgschlossa. Schbätr, in de Tiens honnes bis zom Schdemmschwungboga brocht. Wedla honne nia kenna. Dodazua wared die große Berg zweit weg zom Nahlaufa. Abr, im Schdudium hemmer an Schikurs macha miassa. Mei war der Schileahrer scheeeeee. Gunnar hotter ghoisa. Blond warer, groß warer. Und bei dene viele, große, schene Mädla i meiner Glass, hetti gloiner Furz nia a Châs beiem ghett.


    D'Edith hot grad gsait, i sei fei scho an arga Schdoffl. Haschlummigum Schbätzla und


    Boschurle au no!!!



    #26Author Moi Gab (456541)  27 Jan 22, 09:56
    Comment

    D Heidi Biebl hadd an iehre Schi scho die nuimodesch Langreamebindong kedd. Des isch no faschd koi Sichrhaidzbindong gwe - bloss voana ische bei ar schdarke Hee- ond Häedrähjong aufgange, an dr Fäersche isch in deane Läedrschueh nix aufgange außr dr Achillessehne!! Grausam!

    I hao als Kend no die ald Kandaharbindong kedd. Die habba omschdelle kenne vom Flachlandloffe, wemmr zom Schibuggl gange send, zuer Abfahrd, wemmr doba gwe send. Am Schluss nochm Schuss hand mir oo an Krischdl gmached - wies Gäbele :-))



    Änd nau for sammßing komplihdli differend:

    Grad isch mir uffm Radwäeg so a Eleckdroschkuhdar endgege komme, schnell ond mibba uff dr Bââh hadda hee ond häegschwanzed. I hau gschelled ond haomr denkd: Fahr hald idd so vrruckd midd deim Radlrudsch!

    Ond nocha haoni mier denkd: Radlrudsch! - hoi, was isch do fier a neddz Woed aus den unergrindlichen Dihfen meineß geheimnissvollen Langzeidgedächdnisseß aufdauchd. Des isch mendeschdns femfesechzg bis sibzg Johr häe, dass i des s ledschd Mohl xed hao.

    Hand dier des oo xed?

    #27Author manni3 (305129)  27 Jan 22, 13:22
    Comment

    Radlrutsch kenn-e erschd seit a paar Jauhr, ausm Eeschdreichischa.


    Die Halbichrhaizberndong han-e als Kend ghett. Dia hat als Kablzugbendong funktioniert, dHalterông vo de Schuahschbitza isch getrennt gweah vo dr Fersahalterông.Wemma gschdirzt isch, hat se des vordre dreieggige Medalldoil dreaht, ond d Bendông isch aufganga. Dr Drauht, wo henda om dFerse rômganga isch, isch am Schi ennara Art Fiehrong gweah. Ma hat en an de hendre Häkla aushenga kenna ônd midde Schi dann langlaufa kenna.

    Dia Bendonga wo ma neuischdeigt ond middr Ferse en dr hendra Halrong êiraschdat, hats erschd den den Siebzgr Jauhr gêah. Zeitgleich hats Konschdschdoff-Schnallaschischdiefl geah schdatt de alte lädrne mit Schuahbendl.


    #28Author twocents (460778)  27 Jan 22, 14:07
    Comment

    Radlrudsch kenn e ao no. Hao 's abbr glaob seid Âfangs dr Sechzger nemme sagd ghet. Des warad abbr ehr dia Holzroller mit Hardgummi an de Räder. Main erschda Roller mit Lufd en de Roifa (Ballohroller?) hao ne so em de Naizeahsechzg/-oisasechzg kriagd.


    Maine ersche Schi warad ao mid ra Kablzugbendong, abbr ohne des dreieggige drehbar Doil. Dâ war blooß so a keilfermigs Eisadoil vorna, des mr no mid Schrauba en dr Broide an d' Schuahgreße âbassa hòt kenna.


    Des warad damòls ao no lange, kalde ond schneereiche Wendr, wo mr bei ons mid de Schi oddrm Schlidda vom Rodaberg durch d' Weiberg bis en Ord ronderfahra hòt kenna.

    #29Author opadeldok (1319435) 27 Jan 22, 14:49
    Comment

    Klar kenn i a Radlrutsch! Wo i kloi war han i oine ghett (also mir hen DIE Radlrutsch gsagt). Mei Fraindin hòt an richdicha Roller mit Gummireifa ghett, om den i se gliehend beneidet han.

    On was mr au no eigfalla isch: a Gschichtle wo i als Kind gläsa han, wie "Murks das Schwein" sich a Radlrutsch baut hòt aus Riebascheiba on Bohnaschdegga. Wo se ferdich gwä isch, hòt d' Muader gfrògt wo-n-r jetz nãfahra dät. Er hòt gmoint: noch Schweinfurt! Nò hòt d' Muader gsagt: om dr Goddes Willa, en Schweinfurt kommet alle Schwein furt! Nó hòt-r 's glassa on hòt dia Riebascheiba zom Òbendessa bròda.


    (Was isch a Chrischdiana bzw Krischdl??)


    Mei große Schweschdr hòt als Kend vo ebber al alds Baar Schi g'erbt mit dem mir no a Weile em Flegga (Ondriedenga) uf de Biggala romgrutscht sen. Des wared oifache Holzschi, on i moin mitma vrschdellbara Ledrrieama henda om dr Fersa rom. Vorna waret Metalldenger fir d' Fußschbitze, abber dia waret no-et zom Vrschdella. Also no Vorgengermodell vom Kablzug on vrschdellbare Schbitze.

    #30Author Goldammer (428405)  27 Jan 22, 14:55
    Comment

    Chrischdiana isch an Schischwong gwer zom Hang, abbr nedd wia dr Schdemmboga. Wenn da d' Kanda richdig aisedschd, no hend dia, wo am End vo dr Pischde schdandat a Fraid wenn se a Ladong Schnee abgriagad. :-)


    Abbr des kennad dia Allgaier Schikanona wahrscheindz bessr erklära. ;-)

    #31Author opadeldok (1319435) 27 Jan 22, 15:04
    Comment

    Radlrusch haone heid zom erschda Mol gleasa ... ond gheard haones no gar nianed.


    Apropos Werdr, dia oim bletzle em Kooopf aufpfloppad:

    Endr SZ vom ledschda Freidag isch a Schdiggle iebr d'Muddrschbroch ond dau dren a Annegdödle iebr a Wolfskendle (des send dia vrlassne deitsche Kendla nauchm zwoita Weldgriag, dia was vrwildrat durchd baltische Wäldr zocha send ond, wanns Gligg ghet hand, vo litauische, lettische odr estnische Familja aagnomma worra send). Des Mädle isch fempf gwea, wias ena sodda Familje komma isch ond vo dau aa lei no liddauisch gschwäzt hot. Alz alda Frau ischrar vorma Schaufeeschdr bletzlech "Hampelmann" eigfalle. Ond dau hotze aagfanga emmr mear deitsche Werdr in ihram Hiera zom fenda ond hot mear Deitsch glernat - au wennses nemme so guad schbrecha glearnat hot wia zLiddauische.

    #32Author Selima (107) 27 Jan 22, 15:42
    Comment

    Desch a endressants on riehrends Gschichtle, wo mr net so genau woiß ob's draurich isch odder net, gell?

    #33Author Goldammer (428405) 27 Jan 22, 16:32
    Comment

    Scho. I schdell mr bei soddene Gschichta dia Berson en ihrar Siduazjo vor - alzo des gloine Mädle, hongrig, voolr Angschd, draureg (d'Eldra, wanne me rechd erinnre, vrhongrat - auf jedmfall doad) ... Dia send ofd vo de Baura vrjagd wora, vill send omkomma ond a baar hond eba Gligg ghett. Ond dann schdelle mr dia alda Frau vor, wia dia laang vrschidde Erinnronga so fetzalesweis meahr hochkommad. Des schdelle mr zemmle zwieschbäldeg vor - ein Wechselbad der Gefühle, wiamr auf Hochdeitsch sät.

    Bei meir Reschersch zua oosre Ahna benne auf a Gschwischdrbärle gschdoaßa, deane ihrane Eldra em friah 19. Jh. andr Diphus gschdorba send - enrhalb vo oim Moanat. I hau no an Berichd gfonda, daßmr daumls Haisr vo Diphusgrangke dau oifach zuagmaurat hot ond dass oft d'Kendr längr gleabt hond alz wia d'Eldra ond daßmr em ganza Schdädtle des Gschroi ond Gjaumr vo de vrhongrande Kendr gheart hot. Bua, dau haunes Buach zuamacha mea ond zom Heila nausgau.

    #34Author Selima (107)  27 Jan 22, 17:11
    Comment

    Desch jò furchbar! Moinsch des schedemmt echt? I kann mr des fascht et vorschdella.

    #35Author Goldammer (428405) 27 Jan 22, 18:42
    Comment

    Des isch ja furchbar - des vo de baltische Wäldr ond des vo de zuegmaurede Diphusgrangke.

    #36Author manni3 (305129) 27 Jan 22, 19:25
    Comment

    I kaamr des scho vorschdella, dass des so war. Des war halt a Zeit, womr gegs so aaschdeggnde Kraakheita ned viel hot macha kenna, außr meglichschd vrhendra, dassmr se aaschdeggt. So vill andrsch wia vor zwoi Johr isch des oo idd. Zuagmaurat hotmr halt idd.


    Abr pferleicht hädde des allz garidd schreiba solla. Desch wirgle nix Scheas.

    #37Author Selima (107) 27 Jan 22, 20:08
    Comment

    Die Gschichda erinnred mi oo an d Schwabenkinder. Des isch oo schlemm gwe, wenn oo idd so eggschdrehm, ond no idd so arg lang häe. S hadd äeschd aufkäerd, seiz 1921 z Wieddebäerg dSchuelbflicht fier ausländische Kind geah hadd.

    #38Author manni3 (305129)  28 Jan 22, 12:13
    Comment

    Manni, guck dô https://www.youtube.com/watch?v=HOUxMVbW1h8


    Im Baurahausmuseum zWolfeck, hots a Ausschdellung dazua gäa. Und um Wolfegg rum gits an Wandrwäag vo dene Bauraheef, wo dSchwobakindr wared.


    Kennsch du au dia Gschichd vo da Leni? Des hot jetz nix mit de Schwobakindr zom dua. Do gits a Filmle dazua. Des hoißt "Leni muss fort". Desch au firchdig.

    #39Author Moi Gab (456541)  28 Jan 22, 13:50
    Comment

    Dean Film ibr dSchwobekendr kenn i, dean vo dr Leni idd. Wenn Du schreibschd, äer sei fichdig, lueg i dean idd aah -(

    Abr danke fier dean Hiiweis.


    Wuchenendreame nauf, ond dSchnäekedda oo!

    #40Author manni3 (305129) 29 Jan 22, 10:30
    Comment

    Hei Schbätzla! Häppi Kräppdei tudei 🙂

    #41Author Moi Gab (456541) 02 Feb 22, 09:42
    Comment

    ädd Kräbbdei - bei eis isch heidd Mariä Liehmess, ond ma wickled de Griff vo de Keeza in Kräbbbabbier ei, dass oim s haiße Wax idd uff bFengr drobfnet - moinsch du dees? ;-)

    #42Author manni3 (305129) 02 Feb 22, 13:04
    Comment

    Kräbbdei? Muaß mr heit Kräbb backa? I hao abbr koin Grâ Marnjeh em Haus fir a âschddendige Kräbb Süssett. ;-)


    Mariä Lichtmess. D' Ami hend, ondr Bezug uff dia deitsche Bauraregla, draus dr Graundhogg Deih gmachd.


    On däglich griaßd 's Murmeltier. ;-) Em Iebriga an scheener Film. :-)

    #43Author opadeldok (1319435) 02 Feb 22, 13:30
    Comment

    koin Grâ Marnjeh em Haus - jaajaa, dr Grâ Marnjeh hadd de groeße Nochdail, dassba dean scho voerem Kräbbbache oo ohne Mäehl ond Mill ond Wanill konsemiere kaa ;-)

    #44Author manni3 (305129) 02 Feb 22, 13:39
    Comment

    Hihi, dau falltmr mei Zwatzel ei. MIddeam haune neilech Pfannakuacha bacha - dau willrmr abbl helfa. Alzo derfr d'Oir end Schissl doa, da Joghurt (i hau doch abbl koi Milch em Haus) und nadierlech hernocht da Joghurtleffl abschlecka. Alz ledschdes kommt ds Meahl end Schissl. Derfr oo doa, dr Bua, und wiane da Meahlbottich wegschdell, schdeggdr da meahliga Leffl enda Mond - Buale, dau haddrs abr guggad, dass des a arg druggna ond idd arg gschmaggiga Sach isch so a Meahl *g*

    #45Author Selima (107) 02 Feb 22, 13:53
    Comment

    I mãg Mehl roh! Ebbes vom Beschda am Erwagsasei isch dass mr älle Zutada on dr Doig en älle Schdadien der Entschdehong brobiera derf ohne dass oim ebber dranai schwätzt!!


    Lichtmeß, bei Dag eß', d' Kunkl vrgeß'


    jaajaa, dr Grâ Marnjeh hadd de groeße Nochdail, dassba dean scho voerem Kräbbbache oo ohne Mäehl ond Mill ond Wanill konsemiere kaa ...genau, on ob nò ieberhaupt ãschdendiche Gräpp rauskommet odder bloß Fetza em Kaiserschmarrn-Schdil, isch et sicher.....



    #46Author Goldammer (428405)  02 Feb 22, 14:42
    Comment

    ob ãschdendiche Gräpp rauskommet odder bloß Fetza - des hanged zemle sichr drvoo àà, wievihl vo däer aafangs vohle Fläsche nòchm Bache no ibreg isch zom Dribrdreĩfle ;-)

    #47Author manni3 (305129)  02 Feb 22, 15:38
    Comment

    Ooh, Emmrle, dau schwädze eahm garidd drei. Der deff gera allz brobiera - da Sempf, da Essig, ds Meahl ... allz wasr mog :-)

    #48Author Selima (107) 02 Feb 22, 15:45
    Comment

    Wenn i a Flasch Grâ Marnjeh kaufa däd, däd dia wahrscheindz oâbrocha en mai Erbmasse aiganga. I mâg gar koin Likehr. Mir isch a gscheids Vierdale liabr. Kräpps däd e jâ mega, abbr ehr dia rezende. En siaß ällerhechschdens mid Äpflbrei.


    Leit, mir fälld grad ai, dass en nedd amòl ma Monad dr medeorolische Friehlingsâfang isch. I frai me druff. :-) Nâ gòht `s (hoffendlich) wiadr me naus. Dr erschde Gschmack hao ne mr ledschda Daischdich scho gholt. Des Weddr war ao zom drhoim hogga viel z' schee, na hao ne a kloine Wandrong gmachd. A baar Foddo geit's ao ond zwar dâ: Wanderung Rosenstein bei Heubach (Schw. Gmünd)


    I hao abbr nedd älle Hehla, dia dâ no send âgugga kenna. 'S "Finschdre Loch" isch wega de Fledrmeis mid ma Giddr verseah ond dia andre hao ne nedd gfonda. Ond dia handvoll Leid, wo ondrwegs warad ond i gfrâgd hao, hends ao nedd gwissd, weils ao koine Aihaimische warad. Dia Hehla send, glaob i, nedd so eggsblidsid ausgschilderd, damid se nedd jeder glei fendat. Isch ao guad so.


    #49Author opadeldok (1319435)  02 Feb 22, 15:50
    Comment

    Genau, Manni und Opale, heit bagged dBfranzosa Gräbb. Maria Lichtmess = la Schândlöhr


    An Grân Marnjeh brauchdma id dazua, wenns älle ässa dirfa solled. A Fläschle Bier in Doig nei, roicht.


    Vegale, i honn immr jeden Doig ubagga gschleggad, bisse des mitgriagt honn https://www.test.de/Keime-im-Mehl-Krankheitse...

    #50Author Moi Gab (456541)  02 Feb 22, 16:11
    Comment

    Gäbale, dan dirfdsch au koin ôogewschna Abbfl meah essa.


    Em Deggscht schreibat se vô ferdig kaufdam Doig, dasd dau dKeim sênd, ômd em Meahl.

    Wenns Meahl meichdalat odr gar kâumalat, vrwend e's nemme. Sonschd muaß dr Kerbr ebbes zôm Doah haui, voar er se en a Allergieh flichdat.

    #51Author twocents (460778) 02 Feb 22, 16:24
    Comment

    Gäbele, en dem Fall fircht i, dass i mi au net nòch dene ihre Empfählonga richde. Koin Doig essa wega Escherichiakohli, et en Wald wega de Zegga, koi Eis wega de Salmonella on so weidr on so fort...i reschbegdier des, wenn ebber vorsichdich isch wie du, abber i wer weiderhin Toig essa.


    Ameisle, so a Mamma odder Großmudder het i mir gwinscht, wia du se oine bisch!


    Opale, wonderschene Bilder! Mei Lieblingsbild isch des von dem Benkle em Schnee mitm Blick ens weide Land naus, on onna leit koin Schnee.

    (Velleicht soddesch de doch irgendwann amòl middra gscheida Wanderäpp odder ra guada Kart ufm Hendi afrainda? En dr Oupen Schdriht Mäp sen dia Hehlana älle genau eizeichnet.)


    Mir fellt grad a saudomms Witzle ei, des wo bloß uf Schwäbisch fonkzjoniert: D' Bollizei helt en Audofahrer ã, der wo en Schlangalinia uf ra gloina Landschdròß fehrt. Se schdaunet et schlecht, wo se sähet, dass der a Dutznd Heahner em Audo dren hòt dia wo no so gaggret on fladdret. Se fròget en was des om dr Hemmls willa sei soll - nò nuschlt der: MEI KUMBL HÒT GSAIT, WENN DA BSOFFA BISCH MUASCH EMMER HENNA ROM FAHRA!

    #52Author Goldammer (428405)  02 Feb 22, 17:39
    Comment

    Emmerle, i lach me grassd schebb ibr den Witz. Bleeda Henn! ;-))



    Du hasch iebrigenz da Schemml en de Niss vrgessa.


    Abr i halts dau mit de Baira:

    Ißt, schdirbst. Ißt ned, schdirbst aa. Oiso ißt.



    #53Author twocents (460778) 02 Feb 22, 18:36
    Comment

    Der Hennarumfahrawitz isch gigandisch! Merci, Vegale.


    Senzle, wenne a Nuss honn mit dem weißa Pferd dinna, no isse se id. Isch doch glar, i iss koine Tierla.


    (und ibrigens, dDoigschissla schlegge ammel allno aus - abr psssst 😉)


    Und so a Omale, wias Amoisle (hmmm, sAmoisle ka doch no garid Oma sei, so a jungs Mädle, wias isch) hette au gern ghett. I honn koine vo meine Großmiaddarra kennalerna dirfa. Des gôhtmer heit no ab. Aber sSchlimmschde dabei isch des, wa die Zwoi vrbasst honn, wellse mi id kennaglernt honn. Heddad dia des gwisst, wäre bschdimmd id so fria gschdorba.


    Und am Opale sein Link honne grad au agluaget. Mei, bei derra Wanderung wäre au gern mitgloffa.


    Häff a naiß Deile, Schbätzla! Ibrigens, bei uns scheint Zonna. I schigg eich äbbes davo nauf und numm!





    #54Author Moi Gab (456541) 03 Feb 22, 11:01
    Comment

    Mei Gäbele zwäeges deam weiße Ross, des wo du idd esse widd, muesch fei Obachd geah!!


    In deam Ardickl-Link von DuSenzle in #53 schdohd hald laidr oo dr Satz: Leider sind Schimmelpilzgifte in Nüssen nicht mit bloßem Auge erkennbar. Auch können sie laut Niedersächsischem Landesamt für Verbraucherschutz und Lebensmittelsicherheit an betroffenen Nüssen nicht gerochen oder geschmeckt werden.

    #55Author manni3 (305129) 04 Feb 22, 13:20
    Comment

    I sag doch scho emmr: 'S Läba isch läbnsgfährlich. ;-)


    Dass mr dr Schemml beid e Niss nedd riachd, isch mr nei. Bei Hasl- ond Paraniss hao ne den scho grocha, abbr wahrscheinds hao ne blooß a bsonders feis Näsle oddr i fang selbr scho 's schemmla â. Weiß uffm Kopf be ne scho. ;-)


    Gäbale, onser Schwâbaländle isch oifach z' groß. Wenn 's so a Fläche wia 's Fürstentum Liechtenstein häb, kenndat mr ons z' Fuaß älle en dr Midde dreffa. Guad, dr Manni wär mid saim I-Baik nadierlich am schnellschda. ;-)


    Emmerle, des mid dr Äpp gòht mr ao scho a Weile em Kopf rom, abbr i hao me no nedd endscheida kenna zwischa de verschiedene Âbiadr (komoot oddr outdooractive). Ledschdendlich basierad dia Karda bei älle uff dr Oupen Schdriht Mäp. Ond Goggl Mäps kâsch firs Wandra vrgessa. I war geschdern dr ganze Dag mid lesa vo vrschiedne Teschds ond Ardiggl zu dem Thema, beziglich Vordoil, Nâchdoil, Bedienbarkeit ond Koschda, beschäfdigd ond tendier jetzat ao eher zu komoot. Regischdrierd hao ne me abbr no nedd. Des isch zwar koschdalos, abbrm i däd no endressiera, welchas Gebiet dia jeweilige Kardaregiona, zom Beschbiel d' Alb, omfassad, dia mr dâ kaufa miaßd. Des isch mr bisher vrborga blieba.

    #56Author opadeldok (1319435) 04 Feb 22, 15:16
    Comment

    Also wennda d' Oupen Schdriht Mäbb schoml ufm Hendi hòsch isch scho viel gholfa. Die han i jòhrelang benitzt, ohne a Wanderäbb zom han. I han mr glaub-i irgendwann koschdabflichdich ebbes kauft, wo-n-i zukinfdich fir weidere Karda nix meh zahla muaß, odder a baar wenigschdens frei han - abber fròg me net, i woiß des gar nemme so gnau.


    Als Wanderäbb nutz i jò au komoot, dò han i mir fir omde zwanzg Eiro der a weng maih a Abbgreid kauft, i muaß zugebba, i han me dò ohne selber zom rescherschiera uf mei Schweschder verlassa, dia wo emmer saugrindlich rescherschiert, vor se ebbes kauft. I glaub mit dem Abbgreid muasch nò fir d' Karda on Regiona nix meh zahla - abber au dò, i woiß-es nemme so ganz genau. Mei Hirn isch a Sieb.

    Falls da komoot nemmsch, lass me au wissa wia da dò nò hoisch, nò kenndamr - wennda magsch - ons gegaseidich befrainda on jeweils säha was es andere so macht. Wemmers fir Frainde freischaldet, mr muaß des net, mr kã des fir jeden Schbaziergang einzeln entscheida, wer's säha kenna soll.


    Geschdern hemmer a absolut neis Hailait entdeckt, kann i õeigschrenkt on hefdich als Wanderziel empfähla: dr Floriansberg nordeschdlich von Metzinga. Mir sen vom eschdlicha Ortsausgang von Grafaberg aus nãgwandert, dò kommt mr no an dene Arboreten vorbei, dia wo's dò em Wald hòt (Pflanzonga von vrschiedene Baim aus alle Weltgegenda, wonderschee on sau-endressant wemmer sich a weng fir Baim enderssiert).

    Vom Floriansberg aus hòt mr tatsächlich 360° Rundblick on kã vo de Kaiserberg (Staufen, Rechberg, Stuiben) bis zom Hohenzollern älles ãgugga was es Schwòbalendle nerdlich dr Alb zu bieda hòt. Desch ein õglaublich schener Blatz zom en d' Weide gugga. Dò soddesch echt amòl nã!!

    #57Author Goldammer (428405)  04 Feb 22, 15:31
    Comment

    Vom Albdrauf ra siehd mr jâ an Haufa Berg en dr Reitlenger/Metzenger Gegend. D' Achalm ibrsiesch nedd ond dia kennd mr ao. I woiß ao no dr Jusi bei Kohlberg, abbr von weidem kennd e nedd saga welcher Berg des isch. Ond dr Floriansbeg hao vom Nama her no nedd kennd, ben abbr uff dr B313, wenn e hoimwärds fahr vo Metzenga Richdong Nierdenga, scho zigmòl drâ vorbeigfahra.


    Herd sich endressand â, ao des midm Arboretum. Dâ kenn e dia en Esslenga-Serach ond en Schduagard. Faszinierend send fir mi die Riesa-Mammutbeim, dia da em ganza Ländle en de Wäldr sieschd. Dia send älle aus dr Wilhelma-Saat (s. Wikipedia). A Lot (ca. 15g) von denne Sama hòt jâ dr Kenig Wilhelm I. von Widdaberg 1864 bei de Ami bschdelld. Dia hend mid dera Maßaihait nix âfanga kenna ond hend gmoint des isch a Pfond. Schdadd ca. 3.000 Sama hòtr dann ca. 100.000 ghet.


    Dr Floriansberg isch uff jeden Fall nodierd. Ond om dia Äpp kimmre me ao no. An Usernama muaß e mr hald no aifalla lassa, i hao sch zviel drvo en vrschiedne Fora vrbrauchd. ;-) Dangk dr schee fir dia Tipps.


    Mir fällt grad no ai, dass e en dr Metzenger Gegend scho seit ma Weile d' Höllalechr hoimsuacha will. Abbr 's richdige Wandrjâhr fangd jâ erschd â.

    #58Author opadeldok (1319435)  04 Feb 22, 19:23
    Comment

    D' Höllalecher sen au schbektakulär on lohnet sich õbedengt. Mr kã se an a Wanderong rond oms Rossfeld eibaua, dò kommt mr au an a baar schene Aussichtsfelsa vorbei. Bisch du et letschjòhr schoml ufm Rossfeld gwä? I han so ebbes em Hinderkopf...


    Mammutbeim hòt's dò au en dem Arboretum on ejer wia net sen dia au aus dera Wilhelmasaat.

    Dr Floriansberg sieht mr guat vom Jusi aus, iebrigns, on omkehrt.
    #59Author Goldammer (428405)  04 Feb 22, 21:26
    Comment

    Wenn i die Foddos vom Obbale siech ond uire Ondrhaldonga liis, wäer i ganz neidesch uff die Tuhra, die wo dier mached. Bei mir gohd so ebbs laidr nemma midd meine alde Fieß ond Knie. I kaa me bloss no erinnre an meine Bergtuhra uffm Karnesche Häechewäeg ond im Rosegarde. Mohl luege, wieni im Friehleng beinand be, obs no fier lengre Ibaikausflihg dIsar nauf ond naa leidt. Hondrdfuchzeh Killemeddr send im Akku dinn. Des däd glange uff Freising ond de Dombäerg nauf odr uff Wolfratshause zue am Merkl-Schdoibar-Gedächdnisfriehschdick ;-)



    Nochdrag fier Mei Gäbele: Eleckdroradled dr Schose jiedz aingdle?

    #60Author manni3 (305129)  05 Feb 22, 09:57
    Comment

    Manni, i drugg dr Dauma, dass da em Friahleng, ond driebr naus, guad beinand bisch ond des en Âgriff nemma kâsch. Scho alloi wega deam besagda Friehschdick. ;-)


    Emmerle, dai Henderkopf liagd nedd. Em Juli war e uff m Rossfeld, allerdengs uff dr Weschdseite. Vo Glems zom Olgafels hoch, am Trauf endlang iebr dr Rossfels, Greaner Fels, bis zom obara Schbeicherbecka ond iebr dr Grasberg wiadr nonder nach Glems ans ondere Schbeicherbecka zom Audo.


    Wo ne grad dia Kard vom Rossfeld no amòl âguggd hao, isch mr aigfalla, dass e dia Tour zu de Höllalechr scho amól vorpland hao, vo St. Johann iebr d' Hohe Warte zu de Lechr. Ob e dann durchs Längatal oddr iebr dr Olgafelsa zruck lauf, entscheid e dann nach Tagesform. Mr isch jâ nemme dr Jengschde, zomindeschd nedd jeden Dag. ;-)


    Was dia Mammutbaim âbelangd, hòschd ao rechd. Dia vo Grafaberg send erschd 1912 bflanzd worra, wia ne geschdern no glesa hao. I be audomadisch drvo ausganga , dass dia älle vom Kenig wärad, weil bisher iebrall, wo ne welche gseah hao Schildr uffgschdelld warad, dia sich uff dia Wilhelm-Saat bezoga hend.

    #61Author opadeldok (1319435)  05 Feb 22, 11:53
    Comment

    Mir gehts wia am manni, halt oifach a alts Gschdell. Radle kann e au nemme, bal i auf koim Saddl me sitza ka. I bin abr net neidig um eire Toura. Mir glangts, wenn i an Rundblick von dr Zugschbitz nemma ka.

    #62Author bluesky (236159) 05 Feb 22, 12:31
    Comment

    @opale: noi mit de Mammutbaim han-e t recht ghett wenn dia ersch 1912 bflanzt worra sen, weil i han gschrieba ghett: "eher wie net", was hoißt: wahrscheinlich.

    En dr Nähe vom Seebachtal (zwischa Sondlfenga on Reicheneck) wo mr neilich gloffa sen isch au oiner, den miassamr demnägscht au amòl bsucha. Der isch abber au ersch 1902 bflanzt on deshalb au koiner vo dr Wilhelmasaat.


    Hemele on manni: i denk als no an onser Radtierle em Allgai vor Jahren. Dò geit's a flotts Bildle vom Hemele ufm Rädle! Das waren Zeiten....

    #63Author Goldammer (428405)  05 Feb 22, 15:54
    Comment

    I kenn die Mammudbeim vo Kallifornie. Do hadd eis mei Freind sei Kabrio glihe ond mier hand Draifßrutrih gmached, wie alle Durischde.

    Mibbm Wilhelm seine Beim wäed des no idd gao. Do mießedr no a baar hondrd Johr warde. ;-)

    #64Author manni3 (305129)  05 Feb 22, 16:27
    Comment

    Sodele, mai Kehrwoch hao ne gschaffd ond dui mi ao.


    Emmerle, ond i be guade fembf Minuda vorm Bildschirm ghoggd ond hao mr iebrlegd, ob des so rom oddr andersch rom hoißt. Ond scho hao ne 's falsch rom vrschdanda. I hao dia Wendong "eher wie net" no nia ghert ghet. I muaß me bezieglich Grafaberg ao no amòl korrigiera, dia Sama send 1912 komma, abbr dr alde Doil vo dem Arboretum isch erschd 1914 drmid âglegd worra.


    Manni, en Neuweiler (Kreis Calw) schdoht oinr vom Wilhelm seine Baim. Dr dickschde en Deutschland mid 4,10m Bruschdhehadurchmessr. Dâ dät 's ganga, abbr se hend koi Loch nai gmachd. Miaschdaschd hald a graoße Keddasäg midbrenga. I zweifl abbr drâ, dass dr Baum des iebrleba dät. ;-)

    #65Author opadeldok (1319435)  05 Feb 22, 17:02
    Comment

     Dò geit's a flotts Bildle vom Hemele ufm Rädle! 


    Kenn i des? I kannt mi jetz grad net dra erinnere.

    #66Author bluesky (236159) 05 Feb 22, 17:55
    Comment

    I suchs morga on schigg dr's brifat. Woiß ebber no wann des gwä isch?

    I moi abber mir heddet selletsmòl Foddo romgschiggt.

    #67Author Goldammer (428405) 06 Feb 22, 00:26
    Comment

    Im Juni 2011. I hao dr ois vo dr Bank gschickd!

    Nochdrag: des uffm Rad haoni oo gfonde - schick i glei!

    #68Author manni3 (305129)  06 Feb 22, 01:55
    Comment

    Ihr kennst mr ruhig alle Foddos schigga, der Locky-Virus hot alle Bilddateia verschlisselt und i kann kione me aschaua.

    #69Author bluesky (236159) 06 Feb 22, 10:22
    Comment

    Ah, des hanne ersch grad gsäh. Han dr grad bloß dia baar gschickt. I muaß amòl gugga, ob i mei Dropbox no benitza kann, nò mach-e dò en Ordner nei on schigg dr da Link.

    #70Author Goldammer (428405) 06 Feb 22, 11:48
    Comment

    Du kasch o oifach a ZIP-Datei erschdella. Des isch a beschdanteil vo Windows. Geht ganz oifach.

    #71Author bluesky (236159) 06 Feb 22, 17:06
    Comment

    Okeh, i mach me mòl schlau wie des gòht.

    D' Edith moint:

    Also i han so en Zip-Ordner gmacht, abber der hòt, wenn i en an a Mäl heng, emmer noch 143 MB wie dr Ausgangsordner - entweder i mach ebbes falsch odder weiß dr Gugguk.

    #72Author Goldammer (428405)  06 Feb 22, 17:33
    Comment

    Seltsam, bal eigentle geht des automatisch. Du wählsch dia Dateia aus, also blau markiera, dann im Kontekschtmenü "Senden an" und "ZIP-Datei" auswähla. Des wars.


    Aso, an Ordner kasch net komprimiera, bloß dia Dateia im Ordner.

    #73Author bluesky (236159)  06 Feb 22, 17:49
    Comment

    I hao no zwar no nia was selber zibbt, abbr weil e jâ bei eich emmer ao was drzualerna kâ, hao ne grad gsuachd. Ond des gfonda:


    Einige Dateitypen (beispielsweise Bilder im Format JPEG) sind bereits stark komprimiert. Werden mehrere JPEG-Bilder in einem Ordner komprimiert, unterscheidet sich die Größe dieses Ordners nur minimal von der Größe der ursprünglichen Bildersammlung. (Quelle support.microsoft.com)

    #74Author opadeldok (1319435) 06 Feb 22, 17:53
    Comment

    Do hosch wohr, opale. Des kennts sei.

    #75Author bluesky (236159) 06 Feb 22, 18:01
    Comment

    Wemma d Kombremierong von ar ZIP-Daddei schdaigred, kriegba a Reißvrschlussdaddei. Die klemmd nocha mankmohl, gell!

    #76Author manni3 (305129)  06 Feb 22, 18:43
    Comment

    Wenn da a Zip zviel kombrimiersch, hòschd hendrher a Zipperle. ;-)

    #77Author opadeldok (1319435) 06 Feb 22, 19:30
    Comment

    Ja, ond des isch saubleed, bsondrs wennd drengend uffs Heisle muesch ond midd deim Zibbrle de Reißvrschluss idd aufbrengsch ;-(

    #78Author manni3 (305129) 07 Feb 22, 10:47
    Comment

    Heit entdeckt, dr Duden hòt an Bereich mit ganz nedde gloine Podkaschdla. D' Nommer hondertvierazwanzg beschäfdicht sich mit dr Bedeidong vo de Dialekt.

    #79Author Goldammer (428405) 07 Feb 22, 18:41
    Comment

    Was isch jetz eigendle mit de Foddos?

    #80Author bluesky (236159) 07 Feb 22, 19:48
    Comment
    Sorry,i ben saimich. I guck morga drnòch.
    #81Author Goldammer (428405) 07 Feb 22, 22:37
    Comment

    Däe Poddkaschd zom Dialeckd fanged ja scho gued aa:

    Liebe Hörinnen und Höra - Hörinnen, Hörà *hihi*


    Des send meah so zwai norddeidsche Schnaddrgens, die wo se oo no eibilded, des sei Schdandarddeitsch!

    #82Author manni3 (305129) 07 Feb 22, 23:58
    Comment

    Dr Hendsche-Fade goht ibregenz meah weidr: related discussion: schnäi - Variationen des Gedichts vom 12. Dez. - #113 *hihi*

    #83Author manni3 (305129) 08 Feb 22, 10:45
    Comment

    Abbr Manni, oine vo deane norddeidsche Schnaddrgens drägd doch dr urschwäbischa Nama Auberle. Am End schdammd se no vom Karle Auberle, deam großardiga Erfender ab. Grinder der Firma Auberle & Co. KG .


    Nâ däd e säga: Sauberle, Herr Auberle. ;-)

    #84Author opadeldok (1319435) 08 Feb 22, 11:00
    Comment

    Z Schnaddrgensle Auberle schwätzt ja em Beidraag au a bissle schwäbisch - ab ônd zua isches "r" arg weit henda em Hals 🙂

    I glaub, da erschda Satz hat se braf auswendig glernt.

    #85Author twocents (460778) 08 Feb 22, 11:11
    Comment

    Schea ibregenz, DuSenzle, dass du dean Fade meah naufgschuggd hasch, weil a gar so scheâ isch :-))



    Nochdrag:

    I hao dean Abrle gar idd kennd. I komm ussm Eiflussbereich vom BR. Do geiz nix Schwäbeschs idd!

    Jiez haoni grad dean Film ibr de Audoââdrib uss Saumischd vo dr Firma Auberle & Co. KG ââglueged. Däe isch ja mea ganz ackdewell midd dr Uckrainekrise ond Nordschdrihm zwai. Dr Puhdinn wäeze saubr ergre ond dr Habeck wäeze ins Feischdle lache :-)

    #86Author manni3 (305129)  08 Feb 22, 19:04
    Comment

    Hällou Schbätzla, schee eich zläasa! Irgandwia vrbasses allweil, wennr dohinna agdiv sind. Abr macht nix. Nôchläasa isch au schee.


    re Nochdrag fier Mei Gäbele: Eleckdroradled dr Schose jiedz aingdle? vo meim Mannile: Kloi gotzigs môl!!! Augaroll.....


    re Dò geit's a flotts Bildle vom Hemele ufm Rädle! Das waren Zeiten.... i siehs no vor mir. A schees Koschdiemle hots Himmale sellmôls ahghett. (wared dia Bildle id vo mir? me am Melle gratz... i miaß amôle suacha.)


    Ibrigens, bin heit in Dorisles Hoimat. Do hemmer grad so a Weddarle, dasse dWesch dussa zom Droggna aufghengkd honn. Wia gôhts eigendlich am Dorisle? Scho lang nixme ghert odr gläasa.


    So jetz gange dBedda frisch beziaha. No gange middem Schose zom Ohraarzt (dHerhilfa kontrolliera lossa - bai ße wei, henner au so äbbes?), no goht da Schose no zua seinerra Lieblingsfrissesse (dia, middem viela Holz vor da Hitta) und no fahramer wiedr nab an da See.


    Siejuhhhhh leitr ........



    #87Author Moi Gab (456541) 09 Feb 22, 11:45
    Comment

    I han heit a dewaschteting messidsch bezieglich vo meim Elegdrorädle griagt: i han's em Oktober bschdellt on d' Auslieferong isch fir nägschwoch vorgsäha gwä. Heit hanne ãgrufa ob älles glar gòht - noe, ieberhaupt et!!! Neier ãpeilder Liefertermin isch Woche 20!! Desch Midde Mai!!! On i daube Henn han scho ãgfanga ghett, mi druf zom fraia.

    #88Author Goldammer (428405) 09 Feb 22, 13:07
    Comment

    Des isch abbr schad. Dâ däd i mi ao ärgra.


    I hao me fir heit, uff Grond vom âgsagda scheena Weddr, ao uff a blande Tour gfrait ghet. Hao abbr beim blana ganz vrgessa ghet, dass e heit main dridda Empftermin ghet hao. Dâ komme grad her. Na sodde vielleichd nedd obedengd a Tour ondrnemma. Abbr i muaß nedd so lang wia du uff d' Omsedzong vom maim Wonsch warda.

    #89Author opadeldok (1319435) 09 Feb 22, 13:30
    Comment

    Dann winsch i dir, dass da et viel Näbawirgonga griagsch.

    I han bei meira zwoida Impfung (em Impfzendrum vo Mariaberg) glei ãschließend en botanischa "Begang" vo mehrere Schdonda mit meira Nichde gmacht on em Fehlatal bei Gammerdenga (wonderschene Gegend!!!) ieber hondert Arda kardiert. Schiddlfroscht on Fieber han-e ersch òbends griegt....dò han i die Impfung aber so ebbes vo ausdrixt, gell?

    #90Author Goldammer (428405)  09 Feb 22, 15:07
    Comment

    Bis jetzat isch no nex. Bei dr zwoita Empfong be ne blooß nachmiddags so hondsmiad worra, dass e am Fembfe en 's Neschd be ond am näggschda morga no a weng miad. Meh war nedd.


    Em Fehlatal war e vor a baar Jâhr em Sommr mid ma befreindada Ehebaar Wandra. Dord isch 's wirklich wondrschee. En Gammerdenga send mr gschdarded. Kurz bevor d' Fehla en d' Lauchert fliaßt, send mr dann en Wald hochgloffa zu dem Felsa, wo da ens Laucherttal Richdong Hermendinga nagugga kâsch. Dâ isch onda an der Laucherd, wenn e me richdig erinner, a ziemlich große Forellazuchd. Iebr Heddinga, wo mr was gessa hend, send mr an dr Lauchert endlang wiadr zruck nach Gammerdenga. Dord hend mr ons no mid ma Eis beim Iddaljehner belohnd. Schee war's. Vielleichd laufe dia oddr a ehnliche Schdregge dâ oba no amòl.

    #91Author opadeldok (1319435) 09 Feb 22, 16:11
    Comment

    Sodale, jetz wille au no a wengle jämmerla. Mir henn uns geschd beim am Seenabfahra an Schdoischlag auf dWindschutzscheibe eigfanga. Nadierlich mei Schuld, welle dônumm und id dettnum gfahra bin. Abr wa solls, i bin eh wellawäag immr a allem schuld. Abr i sieh des id so eng, Noi, des machdmr ammel ersch rechd bewusst, waffer a Machd i honn, hihi.


    Nocher hemmar an Termin bei Karglaas. Do binne mol gschbannt.


    Häff a naiß Deile, Schbätzla! Zonn scheint scho am See. Gnua zom nauf und num schigga! 🙂

    #92Author Moi Gab (456541)  10 Feb 22, 11:30
    Comment

    Du bisch gar-et an dem Schdoischlag schuld, dò isch bloß dr Vordermann schuld, der wo eich des Zuig uf d' Scheib gschbratzt hòt, odder dr Berg, vo dem wo der Schdoi uf d' Schdròß rondergfalla isch.

    Wer woiß, velleicht wär eich uf dr andra Schdregge oiner hennanei gfahra, oder frondal en eich nei, on dass des jetzt et bassiert isch, isch weil du desmòl dônumm und id dettnum gfahra bisch!

    #93Author Goldammer (428405) 10 Feb 22, 15:18
    Comment

    Mei Gäbele, wenn mei Dande Senz (Johrgang 98, wissed scho!) Englesch kenne hedd, heddse gwihß xed: Schidd häbbms, änd Schtoun tuh!


    dIddaljenar schdelled Schildr auf midd Caduta massi. Des haißd, ma brauchd a Moez Massl, dasss oin idd driffd.

    #94Author manni3 (305129)  11 Feb 22, 09:14
    Comment

    Vegale, gradso honnes am Schose erglärt. Des wars gloinere Ibl. Bisch fei scho ganz sche auferra Wellalenge mit mir 🙂


    Jo Manni, Schidd häbbns! Der Schdoischlag isch grad det, wo da Tüff und sGsetz a Reparradur id zualosst, nemmlich in ße draiver's fild of fjuu. So hottsmer der junga Ma vo Karglas vrgliggerrad. Ergo, nix mid fligga, dia ganz Scheiba muaß ersetzt werra 🙁 Abr, er hot gmoint, mir solled des ersch nochem Wintr macha lossa. S'dä nix bassiera, außer dammer womeglich nommel an Schdoischlag griagad.


    So, heit schiffds bei eis. Da Schose und i wellad butza und danoch gemmr uns teschda lossa.


    Sijuleitr ......


    Oh, Dande Senz hotte me grad ins Fiedla dretta, i hei äbbes vergesse! Assooo, Haschlummigumm!


    Boschurle au no 🙂

    #95Author Moi Gab (456541)  11 Feb 22, 09:36
    Comment

    Sodele, i be wiadr on dr de lebige. I hao dr geschdrig Dag, als Embfreaggdzioh, iebrwiegend mid Schlofa vrbrâchd. Des midm Schdoischlag hao ne zwar geschdern glesa, abbr i war z' miad zom schreiba. Mir isch abbr beim Lesa schbondan genau des gleiche wia em Emmerle durch dr Kobf ganga.


    Außerdem send mr bezieglich dr Schuldfrâg, ond dass du an ällem schuld wärsch, glei amòl wiadr Schwoißfuaß mid "Oinr isch emmer dr Arsch ond r woiß et mòl warom" eigfalla.


    I hao am Middwoch a weng main Klaiderschrank ausgmischdat, Dschiens wo mr nemme bassad, Hemda dia e em Läbdag nemme âziah ond so weidr. Dâ drbei hao ne an nahezua brähischdorischa Fond gmachd. Em henderschda Egg isch no mai Hardschala-Aggdakoffer, dean e mr Anno '70 en dr Ausbildong kaufd hao, glega. Ond dâ warad Sacha dren, dia sogar no älder send. An Heimatkundehefder ond an Hefder iebr onsern vierzeahdägiga Uffendhald em Schuallandhaim en Hallwanga bei Fraidaschdadt aus em Jâhr 1967. Älles handgschriaba. Mit Tages- ond Schbeiseblän fir jeden Dag, Uffsädz iebr d' Ausflieg, Besichdigonga, Geländeschbiel, Vordräg ond Schbielâbend. Dâ isch mr ganz weahmiadig worra, wo ne drâ dengkd hao, was fir a obeschwerde Jugend mr doch ghet hend.


    'S schenschde war abbr des Gedicht, des mai Muadr nach maine Erzählonga (sie isch jâ nedd drbeigwäa) fir main Hefder vrfassd hòt.


    Wecken, aufstehn, Morgensport,

    waschen, Frühstück, dann gings fort.

    Große Fahrt - im Omnibus

    Waldspaziergang - nur zu Fuß

    Kniebis, Triberg, Mummelsee,

    mal ins Tal, mal auf die Höh'

    um teils im Wald, teils in der Flur

    zu lernen was aus der Natur.

    man freute sich schon unterdessen

    auf das gute Mittagessen.

    Tischedecken, Dienst in der Küche,

    von dort ganz liebliche Gerüche.

    Nach dem Essen - gar nicht schön -

    zum Mittagsschlaf aufs Zimmer gehn.

    Nachmittagstee, Berichte machen,

    Briefe schreiben und so Sachen.

    Abends eine kleine Stunde

    Spiele noch in froher Runde -

    nun marsch ins Bett - und stille sein,

    schön war die Zeit im Schullandheim.


    Maim Lehrer war iebrraschd ond eam hòts gfalla ond er hòt gmoind des häb e guad gmachd. Weil e me abbr nedd mid fremde Fedra schmigga hao wella, hao nem gsait, dasses vo mainr Muadr schdammd. Nâ wr er no meh iebrraschd.

    #96Author opadeldok (1319435)  11 Feb 22, 13:12
    Comment

    Opale, wia geil ischen des! Den Fund derfsch jetz abr id entsorga. Wiedr nei in Hartschalakoffer ins hinderschde Schrankegg. Des zoigsch mol deine Engkala!


    Und, bai ße wei, s'isch saubr!!! Desch so toll zom säa, wa da Schose fr a Freid a seim Daisn hott. Jahuuuu!


    Und jetz gemmer uns täschda lo.


    Siejuleitr....

    #97Author Moi Gab (456541)  11 Feb 22, 14:14
    Comment

    Hach, opale, wienett! So Sacha sen doch schene Erenneronga.

    I glaub i han koine Hefder meh aus dr Grondschual. Schad, mein Heimatkundehefder hett i au gern no.

    Schuallandheim em Schwarzwald...wia alt bisch dò gwä? Odder isch des indesgret? Wenn ihr no en Middagsschlòf hen macha miaßa, wahrscheinlich reladiv jong fir a Schullandheim.

    Des Gedichtle vo deira Muadder isch allerliebscht.


    Gäbele, worom lasset-r eich teschda? Gibt's an schbezjella Ãlass? Dr Dengs on i miaßet ons am Sonndich teschda lau weil er am Meedich en wichdicha Arzttermin z' Schduagert hòt wo mr oin braucht. I derf deet neddamòl mit nei. I lass abber sicherheitshalber au oin macha, velleicht henses enzwischa jò ao a weng gloggret on i kann doch zmindescht zom Geschbräch drzua.

    #98Author Goldammer (428405) 11 Feb 22, 15:11
    Comment

    Indesgret? Noi, worom? Ons hert doch dâhenna eh koinr zua, weil se ons gar nedd verschdehn. ;-) Ond mid deane Âgaba kâ sich ao koinr a Bild iebr mai echde Idendidäd macha.


    Des Schuallandheim war kurz vor maim vierzeahnda Geburtsdag. Ond des mid dr Middagsruah war wahrscheindz wega de Lehrer, dass dia ao amòl a Schdond ihr Ruah ghet hend vor de Jonge. Solang mr koin Krach en derra Zeit gmachd hòt, war des ao egal, ob mr gschlofa hòt oddr nedd. Maischdens hend mr Kardda gschbield.


    Drhoim hend mr jâ älle scho lang koin Middagsschlòf meh gmachd. Nach dr Schual ond de Hausuffgaba bisch uff d' Gass ganga zom Kigga, zom Dischtennis oddr Dischfußball schbiela oddr, wenn da a weng Daschageld iebrich ghet hòschd, ao amol a Ronde Flibber schbiela. Oddr manchmòl, also ganz selda bis gar nia, an Bledsinn âschdella. ;-)

    #99Author opadeldok (1319435)  11 Feb 22, 16:53
    Comment

    Manni, dätsch amol schaua? related discussion: Nidel

    #100Author bluesky (236159) 11 Feb 22, 17:11
    Comment

    Vegale, da Teschd heit isch bei boide negadiv ausgfalla. Mir henn uns teschda lossa, well ois vo de Engkala am Mändig in da Schual possitiv teschded worra isch und mir am Sonndig kurz miderra zämma wared.



    #101Author Moi Gab (456541) 11 Feb 22, 18:50
    Comment

    Aha, Gäbele, so isch des. On gòht's em Enkele soweit guat?


    Opale, nò dirfdesch so alt sei wia mei nägschdeldere Schweschder.


    #102Author Goldammer (428405) 11 Feb 22, 23:15
    Comment

    Obbale, des send ja scheane Gschichda, die wo du do vrzellschd! So an alde Koffr däd i oo gäere amohl fende. Abr fier so ebbs ben i laidr z ofd omzoche! Bei mier kaas heggschdns a Ibrraschong sei, wenn i zmohl mei Brille meah fend, die woni voer ar Schdond neima nããglegd hao ;-)


    Gäbele, des isch doch aingle räechd aagneahm, wenn a so gäere sauged schdadd radled. Also i radle liebr, will mr des mibbm sauge aber nomohl in Rueh dur de Kobf gao lao ;-)

    #103Author manni3 (305129)  12 Feb 22, 00:27
    Comment

    Manni, hòschd scho en dr Schbiegl guggd, ob se dr uff dr Nâs hoggd? ;-)


    Wenn se dord nedd isch, nâ bischd wahrscheindz scho fembf mòl sehenden Auges an deara vorbei gloffa, ohne dass da se wahrgnomma hòschd. I erinner blooß an dia Sach mid mainr Gnebflesdschiens, an deara e selligsmòl fembf mòl vorbeigloffa be, obwohl se klar sichtbar am Kloidrschrank ghängt isch.


    Der Koffr hòt iebrigens ao scho vier Omzieg hendr sich. Also irgendwie häng e scheindz drâ. Womeglich sodd e amòl a des Vrhäldnis zu deam Koffr diefabsichologisch beleichda lassa. ;-)

    #104Author opadeldok (1319435)  12 Feb 22, 01:21
    Comment

    Asso des mit dem Äbbes id finda wa eigendlich "offasichdlich" do isch, hemmar em Puhmuggl zverdangka. Des isch fei so an Siach. Der dreibd seine Schbäßla mitmr, wenn da Dag lang isch.


    Am Engkale gôhts guat! Gottseidank. Denk ande Vegale, wennda am Mändig middem Dengs zSchduagerd bisch. I bin denn nemmlich middem Schose bei amma wichdige Artztermin zVillinga.


    Eigendlich wäre heit gern middem Bruadr laufa ganga. Abr er hot sich bis jetz noita gmeldet. Wird wohl nix. Mol luaga, obbes schaff, da Schose ausem Haus nauszjaga.

    #105Author Moi Gab (456541)  12 Feb 22, 12:32
    Comment

    Es goht a kalta Wind, do werd er drin bleiba.

    #106Author bluesky (236159) 12 Feb 22, 12:59
    Comment

    Himmale, sieba Kilometr ischer mitmr gloffa. Gell, do bisch vo de Sogga 🙂

    #107Author Moi Gab (456541) 14 Feb 22, 18:59
    Comment

    Soo weidd ? Wass hoddschdem defoa faschbrosch gehadd ?

    :-)))


    Isch hodd heid ungefäja ääna gannsa sesammegrieed ... zuminnischdens wass drauße aangeed ... drinn häddisch waascheinds noch eh gläänes bissje mee ...

    #108Author no me bré (700807)  14 Feb 22, 21:39
    Comment

    zFueß haoni oo no oin zemebrochd. Sihbe däd i nemma packe 😟

    Bin ii froeh om des Ibaik!!

    #109Author manni3 (305129)  14 Feb 22, 22:41
    Comment

    Manni, warum wonsch au so weit fudd? I bimmer sichr, dassda Schose mit dir zämma ibaika dät.


    Brelale, i honnem nix vrschbrocha, er hots ganz ummassonsch gmacht.


    Boschurle au no!

    #110Author Moi Gab (456541) 15 Feb 22, 15:38
    Comment

    Du brauchschd hald oo a Ibaik, nocha kennedr middand eleckdroradle. Des däd a doch vihl liebr als midd mier!

    #111Author manni3 (305129)  15 Feb 22, 18:25
    Comment

    Bei ons windet's no net. Uf Amrum un Helgoland (dia boide han i als Remminiszenz an schene Urlaub en dr Dewede-Wedderäbb als Favoridda gschbeichert - es endressiert me als wia's bei dene isch...) hen se scho a rode Schdurmwarnung. Hoffentlich gòht des guat bei dene!

    #112Author Goldammer (428405) 16 Feb 22, 12:22
    Comment

    Mir macht des au Anschd, wenns so wiaschd bloset. Und i hoff au, dasses näana äbbes duat.

    #113Author Moi Gab (456541) 16 Feb 22, 14:03
    Comment

    I hoff, ihr send nedd älle vom Winde verweht. ;-)


    Geschdern isch en dr Landesschau em SWR Fernseah an Berichd iebr a Aggdzioh en Zaininga uff dr Alb komma, dia sich Zwoi en ra Bierlaune eifalla lassa hend, om d' Kambanje vo dr Landesregierong a weng uff d' Schibb zom nemma: THE DÖRF


    Dia Idee hend se scho Âfang Dezember ghet, abbr an m ir isch des bisher vorbeiganga gwäa, obwohl e dâ oba am 21. Dezember bei schdrahlendem Sonnaschai ond a weng Reschdschnee uff am Römerschdoi war.

    #114Author opadeldok (1319435) 18 Feb 22, 11:45
    Comment

    THE DÖRF - dës gfëllbm Öbädëldök önd ëm Männï 😏

    #115Author manni3 (305129) 18 Feb 22, 12:10
    Comment

    Dâ druff schmier e mr jetzat a Hönigbröt zu maim Käffee. ;-)

    #116Author opadeldok (1319435) 18 Feb 22, 12:28
    Comment

    Was woll dr Cräshmän drzue moind?

    #117Author manni3 (305129) 18 Feb 22, 15:00
    Comment

    Der höggd en dr Villa Räitzenstöne änd grinsd sich öin.

    #118Author opadeldok (1319435) 18 Feb 22, 15:46
    Comment

    I han grad en Uraltglassiger vom Dodokay onem Gretsche wiedergfonda on me gringelich glacht. Den mit (onder anderem) dr Gerlinde ihrm griehrda Kucha. Kennet ihr den?

    Wer Luscht hòt, dò wär-er

    #119Author Goldammer (428405) 18 Feb 22, 16:58
    Comment

    Glar kenn i den. "Schlofat nackig ...

    #120Author bluesky (236159) 18 Feb 22, 17:59
    Comment

    Em Bairnzwoi isch heitzmiddaag a ganza Schdond zor Muaddrschbroch komma:

    Zeit für Bayern Magazin zum Tag der Muttersprache

    Kleine bayerische Dialektgeographie

    Magazin zum Tag der Muttersprache

    Moderation: Gerald Huber

    Wiederholung um 21.05 Uhr

    https://www.br.de/radio/bayern2/programmkalen...


    Es kommat alle bairische Dialekte vor ond alle send endressant. Werse abbr lei da schwäbischa Beidrag aaheara mechd - 's send dia ledschde zeah Minudda.

    #121Author Selima (107)  19 Feb 22, 13:26
    Comment

    Dank dr schea, Maisle :-))

    Isch oo scho in dr Mediathek.

    #122Author manni3 (305129) 19 Feb 22, 16:28
    Comment

    The Dörf gfällt au äm Gäbäle. 🙂

    #123Author Moi Gab (456541) 20 Feb 22, 13:00
    Comment

    Do deana gohts om des Woed "midd dem Schtuhl kippeln".


    I hao no denkd, do geitz a Woed, abr s isch mr idd eigfalle.

    d Oedipa hadz gwissd: mibbm Schduehl gautsche!

    Des hand Grimms Buebe oo.


    #124Author manni3 (305129)  23 Feb 22, 18:29
    Comment

    Gautscha isch so a schees Wertle. Hetsch halt mi gfrôget, Manni. Dodrin ware môl an Experte (man merke, i honn id dschenderrat). Middm Schduahl gautscha honne ammel in da Schual gmacht - bismes oimal jesasmäßig hindanab gschlaga hot. Wahrscheinz honne sellmôls dabei äbbas abgriagt 😉


    Gambla isch au a schees Wertle. Dô ware au an Schbezialischd. Des kane fei heit no.


    Guada Morga au no 🙂


    I gang heit middem Schose zur CT. Druggedem au bidde dDauma, dasse nix Wiaschds findet.


    Siejuuuu......




    #125Author Moi Gab (456541) 24 Feb 22, 07:40
    Comment

    Hihi, bei deam Fädle zom Schduahlkibbla ischmr oo glei gautscha eigfalla - abr dau hot Ediba scho ganwortet ghett. I mag "gautscha" oo - da heardmr da Schduahl glei midschdeahna.


    Gäbale - dDaoma send druggt.

    #126Author Selima (107)  24 Feb 22, 07:45
    Comment

    Mei Gäbele, dDaome haoni äeschd jiedz drucke kenne. I hoff, s hilfd rickwirknd!!


    Was isch gamble? Des kenn i idd!

    #127Author manni3 (305129) 24 Feb 22, 23:41
    Comment

    *sing* "Aufm Wa-asa grasat d'Hasa/Ond em Wassr gamblat d'Fisch/Lieber will i gar koi Schätzle/Als an sotta Flederwisch"

    Vo dau kenn i des Werdle. Bei mir isches oo idd em agdiva Wortschatz. Wannes richdig woiß, hoißt des "spielen". Koot sogar vrwandt mit engl. to gamble sein, odr?

    #128Author Selima (107)  25 Feb 22, 06:53
    Comment

    Mid em Schduahl gaudscha, au ja, des hòt onsr Lährer ond maine Eldra ao nedd leida kenna.


    I kenn 's gambla eher als gamba. Dâ drzua geits an Ardiggl en de Schduagerder Nâchrichda: Uf em Wasa


    Ond sobald 's Weddr a weng beschdändiger isch be ne efders wiadr nedd drhoim 😉


    I hao mr den Ardiggl selbr erschd hendadrai durchglesa ond feschdgschdelld, dass uff gaudscha ao no Bezug gnomma wird.



    #129Author opadeldok (1319435)  25 Feb 22, 07:57
    Comment

    Gudda Morga au!

    Danke opale fir dia boide Link! Hach, des waret no Zeida, wo's Äffle on s' Pferdle no em Fernsä komma sen! *schwelg*

    On der Artigl isch au sehr endressant! Bsoders au da Schluss fend i witzich: ,A Ma isch Gold wert, onn wenn’s dr greescht Scheraschleifer isch!‘ (I woiß allerdengs et, ob i des so onderschreiba dät....)

    @Ameisle: en meira Eddimologie schdòht au a Vrbendong zom Englischa, allerdengs et mit gamble, sondern mit jump.

    #130Author Goldammer (428405) 25 Feb 22, 11:06
    Comment

    Em Grimm seine Buebe hand ebbs zue

    gampel, m. lustiges springen und treiben, schweiz.: wie junge hunde in lustigem gampel um die mutter .. tanzen.

    ond

    gampeln , verkleinertes gampen (s. d.).

    1) es ist tirol., besonders von kindern, jungen katzen, hunden die sich im scherz herumbalgen

    ...

    2) auch nd. gampeln gaukeln u. ä., in Osnabrück z. b. von einem der mit dem messer 'herumvagiert', wornâ gampeln, der wiederholt nach etwas greift um es zu erlangen (wie ein kind z. b. nach der mutter),

    ..

    3) dem rein hochd. gampeln dagegen entspricht vielleicht mrh. gambeln (auch gammeln, gumpeln) umherschlendern

    ...

    4) erwähnenswert auch nd. ampeln gleich dem gampeln - hampelmann mit mhd. gampelman - s. gampen.



    https://www.etymonline.com/search?q=jump

    Similarities have been noted to Swedish dialectal gumpa "spring, jump," German dialectal gampen "jump, hop," but OED finds no basis for a relationship.

    #131Author manni3 (305129)  25 Feb 22, 15:59
    Comment

    Isch hodd dochmool fazeehld gehadd, dass misch alls moins eh Feeschelsche wach gemachd hodd, weills soo laud gesong hodd ... dii läddsche baa Joa waa fonn däa Seidd aus Ruu geween ... nua Laabblääsa odda dii fia Soade Millabbfua ...

    ... heid moin hannischs wedda gehead ... swaa noch nedd häll ... awwas hadd gedßwischadd und gedßwischadd unn gedßwischadd ...

    :-))

    #132Author no me bré (700807)  26 Feb 22, 10:34
    Comment

    An guada Morga bréle,


    wenn da ons des jetzat vorzwidschersch, kâ dr 's Emmerle wahrscheindz saga was fir a Vegale des isch. I erkenn blooß Amsla ond Grinschbechd. ;-)

    #133Author opadeldok (1319435) 26 Feb 22, 10:49
    Comment

    Zôm Zwiddschra kâan-e au niggs saga.


    "Gautscha" kenn-e frs Schduahlkibbla, au fr zSchaukla auf ra Wibbe.


    "Gompa" kenn-e als Bezeichnông fr an Taich (Miehlegompa), indem au dFisch gompat - it bloß em Necker.

    Wenn ois ommanandhamplat, dann "gigampfa"d-s, s'isch "gempschig". Em Bairischa sait ma "gampisch" drzua.

    #134Author twocents (460778)  26 Feb 22, 10:58
    Comment

    "gigampfe" kenn i oo, "gempschig", "gampisch" kenn i idd.

    Ond gembresch isch scheinz a bissle ebbs andrs, konnd abr vrwandt sei.


    Bréle, kaasch vo deam Vegele koi Aufnahm idd mache? Nocha dädebr scho rausbrenge , was des isch!

    #135Author manni3 (305129)  26 Feb 22, 11:08
    Comment

    Gampa, gampla, hampla - des hot frianer sGäbale als Schialare gmacht. Da Schduahl war zhoch, Bfiaß wared zkurz zom auf da Boda zlange, also hottmase nonschdobb geschlengkarred, bis da Leahrer ammel gsait hot: Mädle, loss des Gampla gau, s'Gampla wirdr scho vrgau... (abr id, dasser jetz moinat, der hebme id leida kenna. Mir honn uns fei mega).


    Boschurle au no! I gang jetz glei a wengle wanderra.



    #136Author Moi Gab (456541) 26 Feb 22, 12:47
    Comment

    Nää, nää, Offnaame gäbds känn ... isch binn dann jo noch im Hallbschlooof ...

    #137Author no me bré (700807) 26 Feb 22, 13:41
    Comment

    ädd noch im Hallbschlooof - no wach hald auf! Du hasch in deam Momend doch nix Bessrs zom doe*. d Abbradduur kasch ja scho voerem Ins-Bedd-Gao häerichde 😏


    *Ond zObed vihl drenke, dassd an oerdelena Druck uff dr Bloose hasch. Meir Erfahrong noch schdohzes doo leichdr auf 😊

    #138Author manni3 (305129)  26 Feb 22, 14:23
    Comment

    Vegl wo laut zwitschret en de Gärda sen reladiv oft Rotkehlchen. I schdaune emmer widder, wie laut dia deant, dòdrfier was fir gloine Dengerla se sen. On dia sen au em Winder dò. Uf dera Wiki-Seide fendesch au a Saond-Dadei, dò kã'sch jò mòl neihera, ob's so ehnlich duat. Wobei dia sehr variandareich senget, also genau gleich glengts bei koine zwoi.

    Mönchsgrasmücke han-e au no denkt ghett. Abber dia sen Zugvegl on eigentlich no-et zrigg. Abber manche ganget jò au gar nemme.


    Ansonschden kann i no schdarg die Äbb dò empfehla. Wemmer die schdardet, macht se sofort a Ufnahm vo ma Voglgsang, mr kã nò a beschdimmts Inderwall auswehla on eischigga zom Analysiera en a wissaschaftlichs Inschdidut. I benitz die viel.

    Wennda die benitzsch, brauchsch au et am Òbend scho a Abberadur nãrichda! 😉


    Erschdaunlich en jedem Fall, dass se so friah scho mitm Senga ãfanget. Senga den se jò ersch, wenn sie Friehlingsgefiehle griaget on ãfanget, ihr Rewier, wo se Jonge ufziaga mechdet, abzomgrenza gega d' Riwala. Abber sei kã's scho - d' Amsla hert mr manchmòl sogar scho Ende Januar. I han allerdings heier no koine ghert.

    #139Author Goldammer (428405)  26 Feb 22, 15:12
    Comment

    Vegale, du bisch und bleibsch a Käpsale (Manni, du au du au 😉)


    Bei eis hogget seit a baar Däg dia digschde Vegl im Veglheisle - Elschderra, Raba ... dia mon sich reglrechd undrs Dächla nabzwinga. I honnam Schose scho gsait, er soll koi Fuaddr me nei dua. No hotter gmoint, dia wellad au läaba (augaroll).


    Bai ße wei, mein Bruadr, Bfreindin und i henn uns geschd im Baindter Wald verlaufa. 28taused Schritt honne zämmabrocht. Isch des id geil?

    #140Author Moi Gab (456541) 28 Feb 22, 09:46
    Comment

    Meine Giede Gäbele, so erfahrene Wandersleit wia ihr vrlaufet eich! Henner koi Kart odder Onlainlandkart drbei ghett?? Achdazwanzgdauset Schritt isch et schlecht, Reschbekt! (Abber 's isch dr vrmutlich nix anders iebrichblieba, als dia Schritt zom laufa, wennda hòsch en dei Bettle hoim wella on et em Wald iebernachda.....)

    #141Author Goldammer (428405) 28 Feb 22, 11:57
    Comment

    Abr logo hemmer a Kart und Händikart dabei ghet. Abr irgendwia hot nix zämmabasst. Mordsviele Wäagkreizunga, Biagunga und die Beschilderunga im Wald dazua wared id grad da Hit.


    Abr schee wars. Zonn hot gschiena, gwindet hotts und der Wald isch oifach gigandisch. Da Baindter Wald kehrt zom Altdorfer Wald. Wundrschee.

    #142Author Moi Gab (456541)  28 Feb 22, 13:54
    Comment

    Do fellbr ei, was mier a Englendar, a bassjonierda Wandrar, von ar Eifiehrongswandrong midd am ooerfahrene Wandrar im Leikdischdrickd vrzelld hadd.

    S isch a driebs Weddr gwe, abr a hadd zom Glick an Kombass drbei kedd. Drodzdeam senze schdondalang gloffe ond irgendwia hot nix zämmabasst. Mordsviele Wäagkreizunga, Biagunga ...

    Wie se nocha zObed endlech doch neima no a Häerberg gfonde kedd hand, hadda beim Bier dKombassschachdl middr Kuuzââlaidong nomohl ââglueged ond gmerkd, dass a uff dr Nohdl Nord ond Sihd* vrwexled kedd hadd ;-)


    * Bloss so a Gedanke - konnd ja sei: Vileichd fahred die Englendar uss am ehnleche Grund oo all uff dr falsche Schdrohßeseidte?

    #143Author manni3 (305129)  28 Feb 22, 14:29
    Comment

    Kennt jemand von eich "schürgeln" ... also genauer: "schürgla"?

    I han's vom Dengs, meine Schweschdra kennet's et. En meira Eddimologie schdòht, dass mr's em Raum Biberach kennt - dò hòt dr Dengs abber koinerlai Vrbindonga nã.

    Mi dät's echt endressiera, ob des ebber vo eich au kennt.


    #144Author Goldammer (428405)  03 Mar 22, 00:10
    Comment

    I kenns idda.


    Boschurle au no 🙂

    #145Author Moi Gab (456541) 03 Mar 22, 07:47
    Comment

    Ii oo idd - schmurgla - schurigla ... schürgla abr idd.


    An scheana Daag :-)

    #146Author Selima (107) 03 Mar 22, 07:51
    Comment

    Schürgla häb mr jetzat so ao nix gsait. Abbr des https://www.dwds.de/wb/dwb/schürgeln ond des https://idiome.de-academic.com/2747/schurigeln hòt me a weng schlauer gmachd.


    Welche vo deane dord gnennte Bedeidonga hòts denn bei daim Dengs.


    Ansonschda kenne no "Das Schürbeln" von Schobert & Black. ;-)


    #147Author opadeldok (1319435) 03 Mar 22, 12:02
    Comment

    I kenns au net.

    #148Author neutrino (17998) 03 Mar 22, 12:03
    Comment

    I oo idd.

    #149Author manni3 (305129) 03 Mar 22, 16:01
    Comment

    Schürgla kenn-e au it.

    Abr em Schbaaga hemmer's scho ghett.


    Scheinz semmer allmiddanand a bissle vrgesslich. 😉

    #150Author twocents (460778)  03 Mar 22, 16:39
    Comment
    Zwoisentle, bisch a Käpsele!
    (manni, seinerzeit hòsch gsagt, du dädesch's kenna, bloß net selber vrwenda)
    #151Author Goldammer (428405) 03 Mar 22, 17:00
    Comment

    Des isch dDante Guhgl gwêa.

    I hau bloß "schürgeln" eigêah, dann isch auf dr erschda Seite a Dreffr beim LEO gwêah: Schwäbeschalemannescha Woedwexl--159-- - Chat room - LEO

    Dau hau e nau no em Schbaaga da Beidrag gsuacht ...

    #152Author twocents (460778)  03 Mar 22, 17:21
    Comment

    Emmrle, schurigle kenn i, abr schürgle kenn i idd.

    #153Author manni3 (305129) 03 Mar 22, 18:29
    Comment

    An guada Morga eich älle,


    bei deam Kaiserwedder hao ne aigendlich naus en d' Nadur wella, abbr i woiß nedd ob des nedd a weng gfährlich isch zur Zeid. Dia Baim send 's, dia mr a weng Sorga machad. Meglicherweis schmeissad se no mid Äschd, abbr jetzat schlagad dia ao no aus.


    Was monad ihr? Kennd e me mid maim Fahradhelm ewenduell en dr Wald draua?

    #154Author opadeldok (1319435) 04 Mar 22, 10:04
    Comment

    Nimm a Eishockaytormannuniform, die geiz grad im Sondrââgebohd, weil dEishockayweldmaischdrschafd romm isch ond dr Friehleng kudd.

    #155Author manni3 (305129) 04 Mar 22, 12:53
    Comment

    Opale, mir wärs liabr, da radlesch im freia Gelände. Wart no a wengle, bis alle lotterige Äschd nablotz sin.

    #156Author Moi Gab (456541) 04 Mar 22, 18:23
    Comment

    Dass wäa wass, manni ! Wamma soo off de Schdroos rommlaafe dääd, dääde ämm dii Maschgefaweischara ganns fonn allään aussem Wääsch geeh !

    #157Author no me bré (700807) 04 Mar 22, 19:44
    Comment

    I hao 's iebrlebt ond be wiadr drhoim. :-)


    Manni, deine Radschläg befolge no oimâl. En dem Uffzug be ne dermaßa em Wald uffgfalla, dass se me aifanga wella hend, ihr wissad scho, dia weißgeklaidede Herrschafda mid derra Jagg, wo d' Ärmel so lang send. Abbr, weil dr Waldboda no a weng gfrora war, hao ne mid maine Schliddschuah durch dia Schluchd no abhaua kenna. ;-)


    Gäbale, mai Boschd vo heid morga war blooß a Schbässle vo wega auschlagende Baim. Em iebriga be i so vrwaichlichd, dass e bei denne Dembradura gwieß nedd uff 'm Rädle ondrwegs be. 'S war dia kloi Wandrong, dia ne vorigs Jâhr nach mainr zwoida Imbfong, nach faifhonderd Medr abrocha hao.


    A baar Bildla hao ne ao gmachd: Edenbachtal bei Welzheim



    #158Author opadeldok (1319435) 04 Mar 22, 20:52
    Comment

    Wie gued, dass du no so a flodda Schliddschuehfahrar bisch. I mihßbr ja soschd eweg Voerwirf mache, dass i di in so a ôôââgnehme Weißkiddlgfahr brochd hao!


    Scheane Bildla hasch do gmached. Endressande Sacha geiz do, zom Beischbl dBaldachinbildong in ar Hohlkehle! Vo deam Fennemehn haoni no nie nix käerd kedd!

    #159Author manni3 (305129) 04 Mar 22, 22:59
    Comment

    Manni, dia Bildla sin schee. Dô muene dr beibflichta. Abr gfährlich siehts det fei scho aus. Guckamôle s'erschde Bild gnau a.

    Zonn scheint allno. Isch des id schee? Wenigschdens äbbes woribr ma sich freija ka in derra Welt.

    #160Author Moi Gab (456541)  06 Mar 22, 14:39
    Comment

    So gfährlich war des gar nedd. Grad an derra Schdell auff dem Bild isch 's zwar schmal, abbr 's war gar nedd so rudschich wia mr 's vermuada kennd. Ond a Haldeseil fir älle Fäll isch jâ ao no dâ.


    Mi schdert bei deam Bild von dr Schdernwarde blooß mai aigner Schadda, der so brominend em Vordrgrond zom eäh isch. 'S sonschd nedd so mai Ard me selbr so en dr Vordrgrond zom drängla, abbr so hend 'r me wenigschdens so amòl gseah, wenn ao blooß von henda. ;-)


    Zua dem Baldachin fälld mr grad no an Kumbl vo mr ai. Bei ra Schdädtereis nach Hamburg en de Siebzger, hòt der abends vor am Essa no an kloina Schbaziergang en dr Omgebong vo onserm Hodel gmachd. Beim Essa hòt 'r nâ vrzehld, dass 'r a nobels Hodel en dr Näh gseah hòt ond zwar mit ma Baldrian iebr 's Droddwar vom Aigang bis zur Schdroßakandl. Dâ drmit nemmad mr eahn bis heit emmer no uff d' Schibba, wenn mr an so was vorbaifahrad. :-)

    #161Author opadeldok (1319435)  06 Mar 22, 17:10
    Comment

    Desch wirglich a tolle Gegend, Opale! Hent mr sauguat gfalla, deine Bilder.

    #162Author Goldammer (428405) 06 Mar 22, 17:34
    Comment

    Bisch no onder dem Baum durchkrabbelt oder isch des gar net so eng, wias ausschaut?


    Onsr Nochbaur selligsmol aufm Land hot se an Pivallon en de Garda gschdellt.

    #163Author bluesky (236159) 06 Mar 22, 17:59
    Comment

    Der Baum isch mr ehrlich gsait ao erschd uffgfalla, wo ne maine Foddos uff em Rechner ghet hao. Ensofern dierfd der mir koi Broblem, außer a weng dr Kobf uff d' Seite naiga, gmachd hao. Des Haldeseil isch ogfähr uff Bruschdhehe gwäa.


    Hòt der Nochbaur om den Pivallon rom als Sichdschudz ao Korifäa bflanzd oddr wenigschdens an Parwenü uffgschdelld? ;-)


    Em Iebriga fraid me des, dass eich dia Bildr ond dia Gegend gfallat. Dr Schwäbische Wald isch a Gegend, dia wo ne selbr erschd wiadr nei entdegg. Ond der liegd ao a weng näher vor mainr Hausdier, was bei de augabliggliche Schbritbreis ao a Roll schbielt.


    Emmerle, ebbas was e scho lang fròga will. Warad ihr scho uffam Rodaberg en dr Grabkappel ond beim Gaisburger Marsch em Hallo Emil?

    #164Author opadeldok (1319435)  06 Mar 22, 18:17
    Comment

    Noe, opale, des hemmer irgendwia no et uf d' Roihe griagt. On dr Jong vo meira Schulkameräde, der wo den guada Gaisburger Marsch em Hallo Emil gmacht hòt, hòt sich mittlerweil selbschdendich gmacht on hòt a Cafféé en Fellbach ufgmacht.

    #165Author Goldammer (428405) 06 Mar 22, 20:34
    Comment

    Gfäehrlech, no-ja, Gäbele ... Se hand a Sail gschbannd zom Eihebe ond was bassiere kââ isch, dassba an halbe Meddr nààfelld ins flache Wassr midd am waiche Ondrgrond.

    Bisch du nie in de Bäerg gwandred, zom Beischbl uffm Hailbronnar Wäeg?


    --------


    Jedz haoni äeschd nochm Sende die ganz Ondrhaldong vo 161 bis 165 xäeche, weil i idd uff Efffemf druckt kedd hao 😕

    #166Author manni3 (305129)  06 Mar 22, 20:54
    Comment

    Am Manni Zung rausheng. Des Soil honne garid gsäa ghett. Und aufem Hailbronner Wäeg ware no nia. Abr, wennda den mitmer laufsch, gange mit. Mit dir dätemr älls draua.


    Ibrigens, älle, dene, wo sellmols am Schose dDauma druggd honn: Merssi bokuuuu!. Se henn nix wiaschds gfunda.





    #167Author Moi Gab (456541) 07 Mar 22, 16:46
    Comment

    Guad, dass da Beschaid gibschd. Nâ kà ne maine Dauma jetzat wiedr loslassa. ;-)


    Uf em Heilbronner Weg war e no nia ondrwegs ond des wird vo mir, aus hinlänglich bekannden Grinden, ao nedd nâchgholt. Ao wenn's mid Sichrhaid a iebrwäldigends Erlebnis wär. Dâ däd e eher no dr Jakobsweg laufa, der isch zwar länger, abbr mr kâ nedd so diaf nahagla.


    Ledschdendlich bleib e lieabr uff deam Weg, der wo mr am bekanndaschda isch ond uuf deam e ab ond zua ondrwegs be - uffm Holzweg. ;-)

    #168Author opadeldok (1319435) 07 Mar 22, 17:39
    Comment

    No kani ja des Daumedrucke meah loslao, Gäbele ! Schea dasses scheinz kolfe hadd ond dass es eahm gued gohd :-))


    Uff de Hailbronnar Wäeg kan i midd dier nemma gao - wex de Fieß ond weil mrs scho mankmohl uffm Ebene a wenk dremsleg wäed.

    Im näggschde Läebe, do packmrn nocha, mei Gäbele 😉

    Do gand veleichd no a baar andre oo midd - mohl luege 😊

    #169Author manni3 (305129)  07 Mar 22, 18:00
    Comment

    Em nächschda Leba dät e ao midganga. Erschd rechd, wenn e als Gams reinkarnier. ;-)

    #170Author opadeldok (1319435) 07 Mar 22, 18:32
    Comment

    Di dommr nocha am Bart kraule 😏

    #171Author manni3 (305129) 07 Mar 22, 19:37
    Comment

    Auja, dô freie me jetz scho drauf!


    Guats Nächtle! I gang glei dSchdiaga nauf.

    #172Author Moi Gab (456541) 07 Mar 22, 20:47
    Comment

    Em Gäwwelsche dii Dräbb nuff noo eh Noadwindsche schigg !

    #173Author no me bré (700807) 07 Mar 22, 21:01
    Comment

    Em nägschda Leaba kaane oo mear aufd Berg graksla ... idd so flink wias opadeldok-Gämsle, aber midkomma duane auf jedm Fall!

    #174Author Selima (107) 08 Mar 22, 07:21
    Comment

    Di dommr nocha am Bart kraule 😏


    Jâ, jâ, i woiß scho. Mit dr oina Hand kraula ond en dr andra Hand d' Scher. Ond schwubbdiwubb isch mai scheener Bart an Rasierbensel oddr zierd an Drachdahuad.


    Obwohl, dr Dräger vo deam Huad mit maim Gamsbard däd beschdimmd dr erschde Breis gwenna bei ra Gamsbardbrämierong. ;-)

    #175Author opadeldok (1319435) 08 Mar 22, 11:14
    Comment

    Des moinsch au Du.

    Middama Gamsbart vom Kêaza gwennsch niggs.

    A reachdr Gamsbart wedd aus Haur vom Buggl gmacht.

    #176Author twocents (460778) 08 Mar 22, 14:22
    Comment

    Kennsch Du em Obba sein Buggl?

    #177Author manni3 (305129) 08 Mar 22, 18:13
    Comment

    Dangksche, Dusenzle. Wiadr amòl was glernt. :-)


    Manni, so (schlemm) wia uff dem Foddo siaht mai Buggl nedd aus, ao wenn em Aldr d' Hââr iebrall besser wachsad als uff'm Kobf. Zua ma opagamsbart roichad dia onzelne, dia dâ henda wachdsad lang nedd aus. I däd se jâ rausrubfa, abbr i komm nemme iebrall nâ.


    Wenn e so an Buggl hedd, kennd mr, wenn e aushäußig be, saga: 'S Äffle isch heit nedd drhoim. ;-)

    #178Author opadeldok (1319435) 08 Mar 22, 19:12
    Comment

    Deesch' abr a bsondrs schêas Bildle, Manni. Wennz oim langweileg isch, kâa ma Zebbfla flechda. *kniggs*

    #179Author twocents (460778)  08 Mar 22, 19:27
    Comment

    An guada Morga midanander. I hao me am Middwoch wiadr amòl als Gams betädigd ond a kloine Wandrong zu de scho amòl erwähnde Höllalechr gmachd. Wen 's endressierd, kâ sich dâ a baar Foddo âgugga:

    Wanderung St. Johann - Hohe Warte - Höllenlöcher - Rossfeld 

    'S isch blooß schad, dasses bei maine Ondrnehmonga emmer so diesig isch. I häb bei de Panoramauffnahma scho gern amòl a bessere Fernsichd.


    I wensch eich an scheena Freidich.

    #180Author opadeldok (1319435) 11 Mar 22, 09:10
    Comment

    Boaah, so schee Opale!


    Scho wiedr scheint Zonn, scho wiedr wetti mit eich wandra wella, scho wiedr wohneter alle so weit wäg 🙁

    #181Author Moi Gab (456541)  11 Mar 22, 10:31
    Comment

    Scheane Bildla!!

    ädd diesig? Des isch dr Gued-Weddr-Donschd. Ond an Fehn wäez hald bei ui seldn hao. Noedfalls däd dr Filtr "Dunscht entfernen" helfe, abr i fend, des brauchz idd.

    #182Author manni3 (305129) 11 Mar 22, 18:50
    Comment

    Heit isch diesig. Des hoißt, in da Lufd. Da Saharaschdaub machd bei eis an ganz gäala-goldiga Schimmr.


    Boschurle au no.


    Lautr Leit, wone kenn, henn bletzlich Corona. 🙁

    #183Author Moi Gab (456541) 15 Mar 22, 12:18
    Comment

    I han me vorhin au zersch gwondert ieber den gelb-graua Hemml, bis mr der Saharaschdaub widder eigfalla isch.

    #184Author Goldammer (428405) 15 Mar 22, 12:39
    Comment

    Mei, wanns doch endle mol reagna däd. I dad a Freidadänzle macha ... vor älle Leid.

    #185Author Selima (107) 15 Mar 22, 13:00
    Comment

    Dr Hemml isch gelb, 's sieht aus wia em Sommr kurz voaram Haagla. Kähl.

    Amoisle, heit Nammedaag ônd moara solls rengna. I richd scho amôle zHendi her zôm Di beim Danza filma :-)


    I hau heit iebrigenz de viert Imbfong kriagt - desmool Baiontegg. Etzt fehlber nommeah Dschonnsnn ond des nuie Zuig.

    #186Author twocents (460778)  15 Mar 22, 14:02
    Comment

    I au, zwoisentle. Au Baiontegg. I hoff, dass mei Immunsischdem nò, wenn-e-'s irgendwann griag, so guat drenniert isch dass-es et schlemm wurd.

    #187Author Goldammer (428405) 15 Mar 22, 14:20
    Comment

    Ui send scho z vierte Mol gimpf??? Was fr Abschtänd muamr denn iatz hau zwischa de Empfonga? I hau em Janoar erscht mei dritta griagt.


    Bei oos ischs dongkl orange dussa. Gschbenschdisch - uuuuh. Dr Dengs hotmr grad aus dr Haubtstadt vrmeldet, dassas doo scho reagnat.


    FFle, des Gschbässle dädedr genna - abr so weit weard Dei Kammera idd roicha ,-)

    #188Author Selima (107)  15 Mar 22, 14:24
    Comment

    Drei Monat, Ameisle. I han de dritt scho Ende November griagt. On em Dengs sei Dokder hòt gmoint, es wär scho guat wemmer ons a vierde holet.

    On bei mir kommet d' Eischläg au näher, Gäbele. Vorher hòt mei Neffe em Fämilidschätt gschrieba, dass sei Padakend, mit dem wo er am Sonndich zsemagwä isch, posidiv teschdet isch. Der (dr Neffe) isch gescht beim Geburzdag vo seira Muader, meira Schweschder, gwä, wo i au gwä ben....mòl säha....hibbla dur-i amòl no-et.

    #189Author Goldammer (428405)  15 Mar 22, 14:33
    Comment

    I hau mei Corona-Achdrbaah am Freidig/Samschdig ghett - erscht bosidif, nauchd neggadif endr PCR. Abr des handr wahrtscheinz dieba scho gleasa. Dassne dia Draurfeir von meim Ongkl vrbasst hau ... ewig schad. Gange halt wannrs nägschde Mol schdirbt.

    #190Author Selima (107) 15 Mar 22, 14:55
    Comment

    Oh mei Amoisle.


    D Deggdre habbr heit friah erklärt, dass-d z Immunsischdeem vier Kondaggt middan Fierus braucht, drmits wirkle fitt gnua isch ônd middra Infeggzjooh guat ferddig wedd.

    Die dritt Imbfong han-e Âafanfg Dezembr ghett - dau hand se dr Abschdand zwische dr zwoita ônd dritta Imbfong wechendle reduziehrt. Drei Moanat sollat's sêi.


    Dussa isch gschbenschdisch, wia's Amoisle scho gschrieba hat. S wedd allaweil donklr, ômd sLiacht isch orantsch.

    #191Author twocents (460778)  15 Mar 22, 15:28
    Comment

    Ond dia Batschlacha auf dr Schdroß sen alle gelb.

    #192Author bluesky (236159) 15 Mar 22, 16:38
    Comment

    Da Schose und i grieaged dia Vierde negschda Monet.


    Amoisle, ganz mein Humor (Gange halt wannrs nägschde Mol schdirbt.) I honn scho immr gwisst, warumme de so mag.


    Sodale, mir roichts, i gang jetz wanderra.


    Fasch heddes vrgässa: mein Bua isch positiv 🙁. Gottseidank buschderrad, aber wellawäag gränkale.

    #193Author Moi Gab (456541)  16 Mar 22, 12:16
    Comment

    Viel Schbass beim Wandra. Abbr komm nedd en Rega, sonschd kommschd gelb-rod gschdroifd wiadr hoim. ;-)


    I hao geschdern außrblâmäßig uff d' Alb zu mainr Dochdr fahra miaßa; se send beim Haiza uff Holz ond Kohlebrikedd âgwießa.


    Schdellad eich vor, em Alb-Donau-Kreis herrschd dr Kohlanodschdand (SWR Aktuell hòt neilich driebr berichdad), ihre ganze Gwella fir Kohle send versiegd, doilweiß hend dia seid drei Monad koine Kohla me gliefrd kriagd. Ond die maischde Brennschdoffhändler hend scho längr eh blooß no El ond dergleicha em Âgebod ond en Schduagard hòt's no oin oinzga Brennschdoffhändler der ao no Kohla vrkaufd.


    Nâ hao ne hald bei deam honderd Kilo Brikedd glada ond ens Nodschdandsgebied nuffgfahra. Nedd dass no ois vo de Kendr Krank wird. Vor ällem dr zwoiahalbjärhrige Bua, an Fetz wia ner em Buach schdòhd, ziahd sich dauernd d' Hausschuah ond Sogga aus ond laufd barfuaß mid eiskalde Fiaß omanandr.


    Âbends, beim homfahra, hòt's mid regna âgfanga ond hòt den ganza Schdaub vo dr Sahra aus dr Lufd direkt uff mai Wendschudzscheib gwäscha. Grad saubr gwischd ond fembf Sekonda schbädr scho wiadr an gelb-roda Schlonz uff dr Scheib. Rega, Schlonz ond d' Scheiwerfr vom Gegaverkehr ergebad a blendende Fahrd. ;-) Erschd en Geislenga war's wiadr bessr.

    #194Author opadeldok (1319435)  16 Mar 22, 14:19
    Comment

    Dia Zeehohhzwoibilanz mecht-e gar it sêah: Zweggs woi Zentnr Bricket hondrtfuchzg Killomeddr durchs Land kutschiera. 😉

    #195Author twocents (460778) 16 Mar 22, 15:07
    Comment

    Reachd hòschd. Näggschdmòl duane a Kilo en dr Ruggsagg ond lauf dia Schdregge. Nedd, dass e nedd meh wia a Kilo schaffa däd, abbr mai Veschber ond mai Drengadse brauchd jâ ao Bladz. ;-p

    #196Author opadeldok (1319435)  16 Mar 22, 15:15
    Comment

    I hao voer a baar Wucha ond grad no reachzeideg voerem Saharaschdaub meim Schlombf a Räegedächle schbendierd kedd 😉

    Aigndlich haonis baud, weil vo däer Aiche, ondr däer wo mei Rad barkd, allad so ôôendfernbare Naddurharzdrebfla raakommed. D Rennowierong vo deam schwaaze Schlombf isch räechd aufwendeg gwe.

    #197Author manni3 (305129)  17 Mar 22, 12:13
    Comment

    A Klareneddlesschlômbf! 🙂


    Deff der em Bassklareneddlessbläddleseddwih schlaufa?

    #198Author twocents (460778)  17 Mar 22, 13:05
    Comment

    Däe schlòòfd nie! Däe isch allad wach ond wenn ebbar mein Rad schdibidze will, blòòsed a ganz laut tatü-tatü-tatü (a Kwart aufwäez) 😏

    Abr veleichd sodd i eahm doch a Klarneddlesschlompfbeddle baue. Dr Maischdr Eder hadd em Pumuckl ja oo a bassnz baud 🙂

    Odr was moined dier?

    #199Author manni3 (305129)  17 Mar 22, 14:03
    Comment

    Mach des Manni, mach des. Da bisch halt scho an herzensguata Mensch.

    #200Author Moi Gab (456541) 17 Mar 22, 16:13
    Comment
    *winkend durchtrott*
    Grüße euch!
    War lange nicht mehr hier, das sollte ich dringend ändern.
    *guten Vorsatz fürs neue J.... äh.... für St. Paddy's Day mach* 🤪
    #201Author Miss Anthropy (700297) 17 Mar 22, 20:22
    Comment

    *DavontrottendemHerrnMahrfromUhshinterherwink*


    I hoff, dass es dier ond deine Kelbla, die wo wahrscheinz jez scho groeße Schumpe send, gued goht :-))


    #202Author manni3 (305129)  17 Mar 22, 22:08
    Comment

    Manni, inzwischa mueß daHerrMahrfromUhs zuer R....a naufluaga!

    #203Author Moi Gab (456541) 18 Mar 22, 16:07
    Comment
    Ja, Minimus hat mich tatsächlich eingeholt!
    Ich habe aber auch nun zum zweiten Mal etwas Bandscheibenmaterial verloren und bin somit bestimmt etwas geschrumpft. :-P
    #204Author Miss Anthropy (700297) 18 Mar 22, 22:09
    Comment

    Õglaubliche Auschdellong, dò sott mr direkt nã!

    #205Author Goldammer (428405) 21 Mar 22, 14:46
    Comment

    Emmerle, dâ drzua hao ne Ende Januar em SWR den Berichd gseah: Häkeln für die Weltmeere 


    Ond wikipedia woiß ao no was drzua: Margaret Wertheim


    Isch wirklich endressand wia echd des aussiehd ond wieviele an dem Brojeggd mithäglad.

    #206Author opadeldok (1319435) 22 Mar 22, 08:46
    Comment

    Gell? Danke fir dia Links.


    Velleicht endressiert eich onser alljährliche Wanderong zor Braunsel on de Märzabecher [Link wunschgemäß vom LEO-Team entfernt]. Des isch älljòhr widder a wonderscheens Hailait.

    #207Author Goldammer (428405) This post was edited by the LEO Team. 22 Mar 22, 10:43
    Comment

    Wundrschee, Vegale. Und waffer a schees Mitzle da Dengs aufhot !!!!


    Bei uns ischs Karbachtal fr dMärzabechr berihmt. Aber, do kasch id na am Wochaend. Desch wia am See - wenn id aufbasch, vrdabbadse de.

    #208Author Moi Gab (456541) 22 Mar 22, 18:35
    Comment
    Genau dòrom ganga mir so wo werdichs nã...
    #209Author Goldammer (428405) 22 Mar 22, 19:21
    Comment

    Genau dòrom ganga mir so wo werdichs nã...


    Genau deswega ben i ao iebrwiegend ondr dr Woch ondrwegs. Wenn da dâ oim begegnaschd send 's moischdens Aihaimische oddr eba so ainsame, auswärdige Welf wia i, dia durch d' Gegend schdroifad. ;-) Ond grad en sodde Begegnonga hao ne Leid droffa, dia des ähnlich seahnd wia i ond ao a weng was vrzähla kennad, was da nedd so oifach em Endrnedd fendaschd.


    Ond, bevor e des vrgess, Emmerle, daine Bilder send oifach obeschreibilich schdimmongsvoll ond schee. I moin, bei dr Modifauswahl kennd e no ainiges von dr lerna.


    D' Braunsel hòt mr iebrhaubd nix gsait, obwohl e 2008 iebr längre Zeid zwoi- bis dreimòl en dr Woch dâ onda en dr Gegend gwäa be.

    #210Author opadeldok (1319435)  22 Mar 22, 23:30
    Comment

    Vielleicht soddesch egsdra amòl deet nãganga, opale, damit die schene Gegend fir di a weng a posidivere Konnodazjoh griagt als wie sich's geschdern ãghert hòt....


    Eirer gewogena Aufmerksamkeit empfohla: a Schbròchfròg wo i ens Labor gschdellt han:

    Siehe auch: Genaue Bedeutung von "in Kenntnis setzen"


    (D' Edith merkt no ã dass i 's Dorisle beda han, den Link zo onserer Wanderong widder rausznemma, weil mir bletzlich bewusst worra isch, dass i eigentlich koi Bildle vom Dengs im Wewewe romgeischdra lassa mecht....)

    #211Author Goldammer (428405)  23 Mar 22, 09:49
    Comment

    Schad! Abr i vrschdands. Kenndesch id dia Bildla vom Dengs sell aus dera Seerie rausnemma?


    Eddid:

    Scho z schbät.

    Abr s hat me gfrait, dass-d e da Dengs wiedr amôle gseah hau.

    #212Author twocents (460778)  23 Mar 22, 10:51
    Comment

    Die oifachere Lesong isch dass i dir (on andere Indressenda) den Link gern brifat schick. I will bloß et, dass-r so generell dennaschdòht.


    edith: Ach...i han jetz denkt ghett, du häbschs no-et gsäh on welldeschs no. Nò brauchsch dr Lenk vrmutlich nemme brifat, oder?

    #213Author Goldammer (428405)  23 Mar 22, 10:55
    Comment

    Emmerle, i hau deine Bildla scho gsäh. Drom fend e's ja au so schad, dass se nemme dau send. DrOpa hat scho Recht - die send wirkle guat!

    #214Author twocents (460778)  23 Mar 22, 11:05
    Comment

    I hao die Bildla laidr idd xäeche, dääz abr gäere. Kââschbrs schicke? Biddööö 🙂

    #215Author manni3 (305129)  24 Mar 22, 12:06
    Comment

    re Link in #211: Vegale, i bin au frs Erschde. Well, sich in sälbr in Kenntnis setzen isch grad so bled, wia sich sälbr beleahra. Des gôht id. Denn scho eher sich in Kenntis setza lossa odr sich beleahra lossa (vo äbbr anderm).


    Geschd waramer in da Wangener Gegnd wandra. Koi Sau außr uns (und a baar dragdorfahrende Buaba) war undrwäags. Mir kennad untr da Woch bloß am Mittwoch ganga, well unsr liabschde Wandrkamradin bloß mittwochs frei hot. Am Wochaend suachamr uns wenigr ibrlaufene Geganda aus.


    Vegale, jetz binne am Adamsbuggl Nr. 4 (wenn da vrschdohsch, wane moin 🙂) Mag garnimme aufheara damit.


    Boschurle au no!

    #216Author Moi Gab (456541)  24 Mar 22, 13:23
    Comment

    Gaebele, wenn ihr scho am Middwoch im ned ibrlaufenden Gegand wandern gwea seid, wo wolld ihr denn am Wochaend no hie?

    #217Author Miss Anthropy (700297) 24 Mar 22, 14:47
    Comment

    Egal wo, Missi, bloß id am See. Mir laufed no im Hintrland, weil dia ganze Hintrlandbewohnr an da See fahred.

    #218Author Moi Gab (456541) 24 Mar 22, 16:29
    Comment

    Emmrle, danke fier die Bildla. Ja, wondrschea! Die Oeschdraijerschilfa vom ledschde Johr hammr egg-schdragued gfalle . Die send ebbs ganz ebbs Bsondrs;-))

    #219Author manni3 (305129) 24 Mar 22, 17:45
    Comment

    Gell? Dia han i onder dem Schdoi vrschdeggt ghett on desjòhr guckt ob se no dò sen. Des hemmir als Kender scho manchmòl gmacht, wemmer an Oschdra em Wald d' Oier gsucht hen.

    #220Author Goldammer (428405) 24 Mar 22, 21:37
    Comment

    Ach so, des isch Absichd gwe! I hao scho denkd kedd, die häbedr s ledschd Johr idd gfonde kedd ;-)

    Es send also Zwischemahlzeidreschde zom Rißaikle ond de Bode midd Kalch ond lebmsmiddlechde Farba donge. Säehr omsichdeg ;-)

    #221Author manni3 (305129)  25 Mar 22, 01:19
    Comment

    Hon heit wiedrmôl meie Liablings-Manni-Liadr agloset.


    https://www.youtube.com/watch?v=JkhX5W7JoWI


    Manni Manni Manni , oalweis fanni https://www.youtube.com/watch?v=ETxmCCsMoD0

    #222Author Moi Gab (456541)  29 Mar 22, 12:42
    Comment

    Mier isch grad Windsor Castle ibre Weg gloffe ond i hao me gwondred, dass die Englendar so a Moezdrom Kaschde a Cast-le haißed - hmm... .

    Komesche Voerschdellonga vo kloi ond groeß hanze scho. 🥺

    #223Author manni3 (305129) 01 Apr 22, 18:41
    Comment
    Und ich hab mich an die "Kässels" hier in Deutschland erstmal gewöhnen müssen. 😉
    #224Author Miss Anthropy (700297) 01 Apr 22, 23:23
    Comment

    Schneiiiiiiiii


    wo's wohl schdägd, unsr Fleggle ?



    (gugg Manni, do related discussion: [fr-de] Etymologie von Wörtern, Redensarten, Namen Nr. 20 bisch wortwertlich gnennt 🙂)

    #225Author Moi Gab (456541)  02 Apr 22, 09:48
    Comment

    Hey ❄ - konndesch de scho mea amohl kuuz melde 🙂



    (Saubr ziddierd, midd Qwelleââgab. Kobbibeischde kennebr middlarweile) 😏


    #226Author manni3 (305129)  02 Apr 22, 11:15
    Comment

    I han bletzlich feschgschdellt dass i sofort an Hefepudding brauch als Saulfuhd.

    Am halber zehne ischer ferdich, d' Wanillsoß han-e scho.

    Kennet ihr Hefepudding? En woicher Hefedoig kommt en a Alu-Puddingform mit Deggl on wurd a Schdond em Wasserbad gart. Geit a wonderschee zarts Puddingle mit ra Ãdeidong vora hellbrauna Gruschde außarom....mr ißt-en mit Wanillsoß drieber.....mmmmh...zom Neiliaga. Des mache aber et, sonsch vrdrugg e'n. I vrdrugg en lieber mit dera Wanillsoß....


    (Dr Dengs isch heit oberiert, 's isch älles guat ganga hòt dr Dokder gsagt, wo-n-r ãgrufa hòt, morga kannen bsucha. Abber he ben-e drotzdem. So a Dag schdrengt ã wia a graoße Wanderong uf drAlb.)

    #227Author Goldammer (428405) 04 Apr 22, 20:55
    Comment

    Des isch ja a guede Nochrichd vom Dengs seim Obbraddöhr. Jeds wensch i a guede ond gschwinde Erholong :-))

    #228Author manni3 (305129) 04 Apr 22, 21:31
    Comment

    Des globbedr, Emmrle, dass de dees vellig himacht. Desch an sealischr Schdress. I wensch am Deng a guada Erholung vondr Obrazjo ond Dir von Deim PartnArschdress.

    #229Author Selima (107) 05 Apr 22, 07:44
    Comment

    Guad Besserung au vo mir - älleboide!!

    #230Author Moi Gab (456541) 05 Apr 22, 08:13
    Comment

    Dr Dengs isch drhoim on hòt mit Abbeditt an Wurschtsalat mit Kardoffla gessa. Dr Schbaziergang zor Echazgwelle vrschieba mr widderongsbedingt uf morga. Es sei denn 's hert no a bissle uf mit rägna.


    (Dui minimaliwasife Herzschirurgie isch absolut an Säga!!!)

    #231Author Goldammer (428405)  08 Apr 22, 16:32
    Comment

    Hoddr an Schdent kriagt, oder was? Auf jeda Fall a guate Besserong.

    #232Author bluesky (236159) 08 Apr 22, 17:45
    Comment

    Des gfraibe, dass alls so gued gloffe isch 🙂


    Die minimalinwasife Eigriff send a Säege, do hasch räechd!

    #233Author manni3 (305129) 08 Apr 22, 17:49
    Comment

    Och, de Dängs ess imm Granggehaus ? Wannisch dann noch wass fommene Schdännd lääse, wääsisch waascheinds, om wasses geen duud ... ich winschem alles Guude unn foa allem eh guddi Bässarong !

    #234Author no me bré (700807) 08 Apr 22, 18:05
    Comment

    An Wurschtsalat! Dear gfalltmr, Dei Dengs, Emmrle. Weidrhin a guada Bessrong.

    #235Author Selima (107)  08 Apr 22, 18:14
    Comment
    A nuie Glapp, hemele.
    Mir gfellt'r au, Ameisle!
    #236Author Goldammer (428405) 08 Apr 22, 20:53
    Comment

    Voernechd beni d Isar naufgradled. Fuchzeh Killemeddr, do isch a Kioschg - des isch grad sovihl, wies dKondezjioo onz Fidle zuer Zeid ohne Gwald häegend. I hedd gäere ebbs dronke, ond a hadd oo a lange Lischde mid Gedrenk ond no oine midd Brozeida kedd, abr a hadd zue kedd. Uff a Dafl in am Sidzegg ondrem Sonnedach hadd a gschribe kedd: "Eh i mi äega, is ma wurschd."

    So a Siech, so a bairescha!!

    #237Author manni3 (305129)  15 Apr 22, 14:12
    Comment

    Danke dass da's Fädale aus dr Vrsenkong ghollt hòsch, manni!

    Schitt häbbns...abber desch scho a bsondrs saudommer Schitt wo dò ghäbbnt isch, mit dem Gneible wo zua ghett hòt!

    I erinnere me an a Wanderong, zo dera wo mir onsern Jonga beschwätzt hen, wo-n-r eigentlich scho en dem Alder gwä isch, wo mr nemme so gern mit de Alde en dr Landschaft romdappt, on hent-en mitra Rascht ema Gaschthaus glockt wo er a Cola griaga dät on so weider....fròget et wia grädich on õlaidlich der ufm Rickweg gwä isch, nachdem mr rausgfonda hen dass des zua ghett hòt....

    #238Author Goldammer (428405) 15 Apr 22, 20:37
    Comment

    Was isch denn des fir an Seggl, der Kioschgbedreibr? Oddr isch des a bsondre Ard vom bairischa Humor?


    Mir isch sowas ao scho bassierd. Vor a baar Jâhr war e mid ma Kumbl ond sainr Frau am erschda Mai a kloine Wandrong macha. Älle erreichbare Wirdschafda an dr Schdregge warad zua. Am erschda Mai? Wia kâ des sai? Grond: Montag - Ruhetag. An des hao ne bei dr Blanong vo derra Wandrong nadierlich nedd dengkd ghet.


    Ledschd Woch, am Middwoch war e iebrigends uffm Floriansberg. Sche dâ oba, mid ra herrlicha dreihonderdsechzg Grad Aussichd. Wia ne dann beim Arboredum mid de Mammud- ond Nadlbaim war, kommd mr uff derra Lichdong edwa dreißg Medr endfernd a Frau mid zwoi Kendr ond ma großa Hond endgega. Oâglaind! Also dr Hond, nedd dia Kendr. 😉 Der Hond isch glei aggressiv uff me los mid Gebell ond Geknurre. I be blooß schdanda blieba ond hao gwarded, dass dia ihrn Hond zriggruafd. Awa, dâ isch koi scharfs "Aus" oddr "bei Fuß" komma. Wo der Hond dann ao no an mr nuffgschbronga isch ond nach mr gschnabbd hòt, isch mr 's a weng mulmig worra. Dia isch en äller Seelaruah dahergschlenderd komma ond hòt den Hond schier nedd ondr Kondroll brâchd. Mir hòt's, was selda vorkommd, gladd d' Schbrâch vrschlaga, sonschd het dia daub Sche... einiges vo mir zom Hera griagd. Wenn e main Hond nedd ondr Kondroll hao, derf e den ao nedd frei laufa lao. Scho gar nedd em Wald.


    Dia Woch war e am Middwoch bei de Neidlinger Wasserfäll wandra. Leidr warad wega Schdoischlag- ond Felsabbruchgefahr a baar Weg ondrhalb von dr Ruine Reußaschdoi gschberrd. Dr Omweg war mr dann z' weit, sonschd wär e dâ ao no nuff.


    Ond am Donnerschdag war e en Kohlberg wandra. Iebr dr Jusi onds Neuffener Hörnle om dr Schdoibruch rom ond iebrs Dal wiadr zom Jusi nuff. Bildr hao ne zwar vo deane Toura gmachd, abbr no nedd uffm Rechner. Mòl gugga wann e drzua komm. Jetzat muaß e erschd main Ruaf als beschdr Kehrwöchner der weschdlichen Hemisphäre verteidiga. ;-)


    Falls mr sich vorher nemme liest, wensch i eich älle scheene Oschdra ond a erfolgreiche Neschdlessuach. :-)


    PS: Bei maine Blanunga be ne dâ druff gschdoßa: Dettingen an der Erms - Mediathek. A Sammlong vo Anekdoda ond Beidräg zur Gschichde vo Dettinga.

    #239Author opadeldok (1319435)  16 Apr 22, 14:36
    Comment

    Bei sedde Hond denk i mier scho mankmohl, i mieß endlech an Bfeffarschbrey koofe. dHond häbed ja a bsondrs embfendleche Nees, do däz idd vihl brauche - ond fiers Fraule mihßd dr Reschd oo no raiche 😏

    #240Author manni3 (305129)  16 Apr 22, 15:54
    Comment
    Meine Giede opale! Was fir a daube Henn!!!
    Schad dass-es dir d' Schbròch vrschlaga hòt! I glaub dera hett i en dem Fall so ebbes von da Marsch blòsa, dui hett ãschließend en koin Schlabbschuah meh neibasst!
    (Mi frait's wenn du uf meine Wandervorschläg zriggkommsch on se dr gfallet!) D' Edith moint no: bei ons ben i dr Has. I derf fir de graoße Buba inglusive em Dengs d'Neschtla on Oier vrschdegga. Suacha miasset dia nòch.
    #241Author Goldammer (428405)  16 Apr 22, 22:06
    Comment
    Emmerle, alz Guadde fr da Dengs!
    Ond allemiddanand:
    Frohe Oaschddra!

    (Mir gaz guad, falls ebbrn endressierd, i hau bloss gradd an Haufa anders Zuig zum doa ond weanig Zeidd zom Läasa ond Schreiba. A Lemmle isch drozdeam bacha, des muaß oobedenggdd sei, saidd d'Jugend, Deko giiz huir koina, neddamal Oir hammr gferbdd, heidanei ... muaß amalle au ohne gau...)

    Machaz guadd!
    :-)))
    #242Author schwäble (951819) 17 Apr 22, 01:27
    Comment

    Dr Gerhard Polt onzei Bue sinkronesiered a jabbanesche Soap-Opera-Serie uff Bairesch. S send oo Eschdreichar drbei ond Saxe!

    „Die Vroni aus Kawasaki“ ist von nun an auf der Plattform Servus TV On zu sehen, frei empfangbar sind die zehn je fünfzehn Minuten langen Folgen vom 14. Mai an.

    I haos do bei dr FAZ gläese.

    In deam Ardickl isch oo a Meiking-off drbei. Die hand scho an Moezgschbass im Schdudijo kedd. Vileichd send die Ebbisoda ja oo so luschdeg wie dees ganze Meiking-of.



    #243Author manni3 (305129)  22 Apr 22, 09:24
    Comment

    Em zwoita Radiobrogramm vom Bairischa Rondfonk kommt grad Liddradur endr Muddrschbroch - heid dr Walsr ond dr Schdadlr, dia boide an ihrama Sea-Allamannisch schwätzat. Desch amol a guada Idee! Dr Schdadlr hot au grad vrzellt, wia schwear des isch, sein Dialekt z'vrschriftlicha.


    https://www.br.de/radio/bayern2/programmkalen...

    #244Author Selima (107) 24 Apr 22, 12:51
    Comment

    Dank dr fier den Tibb, Maisle. Schea isch dees. :-)


    Desch endressand, die zwea send fuchzg Killemeddr ussanand gebore ond aufgwaxe. Dr Walsar vom Bodesäe seed "gsi" ond dr Schdadlar uss schwäbisch Mesopotamien (zwische Rhein ond Donau) seed "gsai" - neihoechdeidsche Diffdongierong uff Alemannesch ;-)

    Dr Walsar hadd vrzelld, dass dr Dialeckd weidgehend vrschwonde sei ond a bloss no midd drei Leid in seir Mueddrschbroch schwädze kenn: midd seim Weib, seir Dochdr ond mibbm Schdadlar. Des kani mier gar idd so richdeg voerschdelle. Wien i s ledschd mohl in meim Heimaddoef beim Klassedräeffe gwe be, hanze all Dialeckd gschwädzd, oo d Kend ond dEnkl.

    #245Author manni3 (305129)  24 Apr 22, 17:41
    Comment

    Au, schdemmt, dr andr isch ja garid vom Sää. Deam sei Schwäbisch hotmr bessr gfalla. Idd zwengs am Dialegt, sonderm vom Vordrag hear. Des isch vill nadierlichr vorkomma alz wia beim Walsr. Dear glingt abbl so dozierend ond betont i-ben-a-dichter-ond-hau-ebbs-wichdigs-zom-saga-mäßig.


    Ond i haumrselbe dengkt ghett. Des kaa doch idd sei, dass bei deam rum kois mr reacht Dialekt schwätzt. Dauherom ond bei mir drhoim schwätzat scho no meanr Dialekt.

    #246Author Selima (107) 24 Apr 22, 18:35
    Comment

    Veleichd, weils zWassrburg so viel Zuezochene geid. Dr Marde isch 1927 gebore, do hadd Wassrburg 1142 Eiwohnar kedd, 1970 - 2209, ond heid 3825. Ond die Eiheimesche wäered oo vihl Turischdedeidsch schwädze, weil se deane Suweniers vrkoofe wend. "Zahlreiche Hotels, Pensionen und Privatquartiere bieten mehr als 1700 Gästebetten."


    Nochdrag am Mädag om halbe zehne: Des wäed ja beim Gäbele am Säe oo so sei. Des isch wahrscheinz oo räechd durischdesch ond mid am Haufe Reigschmeckde.

    Gäbele, midd weam schwädschd du dahoi im Dialeckd? Send deine Nochbaure no echde Säehase?

    #247Author manni3 (305129)  24 Apr 22, 22:25
    Comment

    I hao mr den Rondfonkbeidrag jetzat ao âgherd. Endressand. Vor ällem, dass dr Schdadler ao dia gleiche Broblem mid dr fonedischa Schreibweis hòt wia i. ;-)


    Leidr isch 's schbädeschdens ab de Siebzger uffkomma d' Dialeggd fir "bäh" z' erklära. Grad so, wia dia Ilselore en derra Gschichd vom Schdadler. Wia kâ mr blooß seine Wurzla verdränga wella? Blooß, weil mr moint, dass mr dann foiner ond gebüldater dâherkommd? Pfeifadeggl, a bleeds Gschwätz bleibd a bleeds Gschwätz! Abbr nedd mid mir, i schwätz schwäbisch bis zom kiahla Grab.


    Nadierlich pack e mai scheenschdes Schrifddeitsch aus, wenn me an Auswärdiger sonschd nedd vrschdanda däd. Mr isch jâ koin Omensch. ;-)


    I be jâ aigendlich nedd nâchdragend, abbr jetzat muaß e doch no was nâchdraga. I erheb jetzat mai Glas uff dr Siebzichschde vo maim (onserm) Bindestrich-Ländle. ;-)

    #248Author opadeldok (1319435)  25 Apr 22, 19:22
    Comment

    Dò schdoß i glei au mit ã!

    (Mit was schdoßamr ã, opale? Gewissensfròg: mit ma schena Wirddaberger Drollinger odder mit ma Kaiserschdiehler?

    #249Author Goldammer (428405) 25 Apr 22, 21:04
    Comment

    Oh Emmerle, dâ erwischd me heit vellig uffm falscha Fuaß. I hao grad koin Wai em Haus. I kâ blooß mid ma guada Härtsfelder Landwoiza (vo ra Familiabrauerei en Dunschdlkinga) drgegahalda. S' Härtsfeld ghert jâ ao no zom Ländle, 's isch dr ledschde Zipfl vo Bada-Wirddaberg vor Nördlenga.


    Abbr gega an Drollenger oddr an andra guada Roda (Kaiserschdiahler, Merloh, Pinoh Noar etc.) häb e ao nix aizomwenda. Zom Wohlsai. ;-)

    #250Author opadeldok (1319435)  25 Apr 22, 21:25
    Comment

    Vom Hald aus Dunschdlkinga! Iatz laume gau.

    #251Author Selima (107) 25 Apr 22, 21:39
    Comment

    Eba. Gell dâ glotzschd. Des isch seit a baar Jâhr mai Liablengswoiza. Fir a reladif kloine Brauerei hend dia ao a Mordspaledde an andre Bierschbezalidäda. Ond 's isch ao a scheene Gegend dâ henda en deam Zipfl. 'S kloschdr Neresheim ond d' Burg Katzaschdoi isch jâ ao glei drneba.

    #252Author opadeldok (1319435) 25 Apr 22, 21:46
    Comment

    Abr scho. Desch mei Gai - alzo z erweiderde Gai. Z'Neres em Gloaschdr benne oft gwea ond beim Firschd z'Dischinga am Wald schbaziera. Ond wiane gloi war, benne sogar no mim Härtsfeldbähnle gfahra - vo drhoimt bis auf Neres nauf.

    #253Author Selima (107) 25 Apr 22, 22:02
    Comment

    Vo deam Bähnle hao ne friehr ao scho ghert ond gläsa ghet.


    Ond grad eba les e des dâ: "Zwei Abschnitte wurden von einem Verein als Museumsbahn wieder aufgebaut und 2001 bzw. 2021 fertiggestellt. Die Museumsstrecke von Neresheim bis zum Bahnhof Katzenstein am Härtsfeldsee misst 5,5 km. Bei der Eröffnung eines dritten Abschnitts bis zum Bahnhof Dischingen wird sogar ein Regelbetrieb im Stundentakt in Erwägung gezogen." Quelle: Wikipedia


    Vor a baar Jâhr hao ne ao amòl zom "Rock am Härtsfeldsee" gao wella, abbr nâ war dia Lischde vo de Bänds doch nedd ganz mai Fall. Des Jahr em Juni fendat 's wiadr schdadd, abbr ao dâ isch nich fir mi drbei. I glaob i wer ald. ;-)

    #254Author opadeldok (1319435)  25 Apr 22, 22:20
    Comment

    Härtsfeld-Museumsbahn nimmt Strecke zum Härtsfeldsee in Betrieb

    https://www.presskurier.de/181/haertsfeld-mus... mid Foddos

    #255Author manni3 (305129)  25 Apr 22, 22:27
    Comment

    Ui, danke manni fir den hervorragenda Service. I be jâ eh an Fän von Museumsbahna, vor ällem mit Dampf betriebane. Mit dr Schwäbischa Wald-Bâh (aka Wieslaufbâh) vo Schorndorf nach Welzheim be ne scho gfahra. A tolls Erlebnis ond Eisabahromantik pur.

    #256Author opadeldok (1319435)  25 Apr 22, 22:38
    Comment

    I hao ledschdns gläese, dasse o dSchdaudebah weschdlech vo Augschburg meah in Bedrihb nemmed, ond dass des jeds efdr voerkudd bei schdillglegde Bahna. No haone mier denkd, luegesch amohl, ob des midd Maisles Härtsfeldbähnle oo dr Fall isch - ond siehe da!! :-))

    Vileichd geiz ja die Schwäbsche Eisebahne ibr Meggebeire-Durlesbach inklusif mibbm Konduckdör-an-Ranze-nah oo bald meah *hihi*

    #257Author manni3 (305129)  25 Apr 22, 23:19
    Comment

    Dâ wär e obedengd drfir. Nâ kennd e grad en Schduagerd aischdeiga ond iebr Ulm ond Biberach bis Durlesbach fahra. Nâ wär e dord wenigschdens ao amòl gwäa. Allerdengs miaßt e mr dann erschd an Goißbock kaufa.


    Wia war des en deam Liad? Gòht an Schaldr, lubfd dr Deggl, guada Morga Lomba... ;-)


    Jetzat wensch e a guats Nächtle allrseits. Schlofat gsond ond kuglrond bis morga friah zur Kaffestond.

    #258Author opadeldok (1319435)  25 Apr 22, 23:47
    Comment

    Mim nuia Museumsbähnle semmr oo schomml gfahra - zuama Geburdsdag vo meim Baba - organisiert vo seinr Musikkabell. Dia hond nochd oo gschbielt. Desch a luschdiga Fahrt gwea.

    #259Author Selima (107)  26 Apr 22, 07:45
    Comment

    I hao jezamohle s nägschd Schnierle bouschded. related discussion: --207--Alemanneschwobehôigaade # 207--

    Wär doch bled, wenn do hinna zmohl a groeße Raadschorgije ausbräeche däd ond i däz idd merke, weil i grad beim Ibaike be ;-)


    S geid ibregenz oo Ibaik mid Reame, abr i brauch n idd naufdoe - s mei hadd a Kedde an ar Achdgangschimanohnabe.

    #260Author manni3 (305129) 29 Apr 22, 13:20
    Comment

    Wiaso braucht ma bei am ibeik no a Gangschaltung?

    #261Author bluesky (236159) 29 Apr 22, 13:35
    Comment

    Weils koi Mopped isch, sondrn dr Moddohr bloss a brozenduale Ondrschdidzong isch bis zue 25 km/h. Wemma langsam dabbed, fehrz langsam, wemma schnell dabbed fehrz schnellr, wemma idd dabbed, ondrschdidzds oo idd.

    #262Author manni3 (305129)  29 Apr 22, 14:24
    Comment

    I griag meis demnägscht. I han scho befirchdet ghett, dass-es sich no woiß wia lang vrzegert. Letschjòhr em Ogdober han-e-'s bschdellt ghett, em Februar hett's komma sodda, uf Ende Abril hense me em Februar vrdreschdet.

    Vor Oschdra hense gsagt, 's wär en Schduagert, on sobald's en Reitlenga wär, briechdet se's bloß no zsemabaua. I hibble scho rom. Fascht no maih wia beima nuia Fädale (on dò mua-n-e jò desmòl gar-et hibbla, dank onserem guada Fadababba!)

    #263Author Goldammer (428405) 29 Apr 22, 21:49
    Comment

    Des Ibaik wäerd dr gfalle. Des isch soo a scheas Gfihl, wemma dabbed ond nocha kudd a sambfda Schub vo henda ondrs Fihdle ;-)

    Faschd wie beim Gaasgeah in am Porsche 😉

    #264Author manni3 (305129)  30 Apr 22, 13:13
    Comment

    Sodele, jetz willeme au amôle wiedr melda, nochdehme ibr a wochlang auf da Schnorra gläaga bin. So bees hottsme scho johrzehndelang nimme vrwischd ghett. War doch glar, koi Sau me mit Masga inde Gschäfd, koi Sau me hot aufbassed und dLeit sin an oin nagschlubfd, do hot iddamolme bees luaga gholfa. Ausglachd binne worra, welle allno dMasga ahghett honn. Prombd hennses Gäbale ahgschdeggd. Noi, koi Corona idda, hots Labor nochem Doggdrteschd gmoint. Sin jo bletzlich gnua andre Vira undrwägs gwäa.

     

    Abr gnua mit Jômmerra – bin wiedr einigrmaßa auf de Fiaß. 😊

     

    Dangkdrsche, Amoisle, fr den Link in 242. Waffer an Ohraschmaus!!! Honne eich id schommel vrzellt ghett, dass da Martin Walsr mitmer verwandt isch? Hert sich guat a, gell. A Bäsle vommer isch middama Bruader vonem vrheirodet. Im Walsrhof, sWasserburg, honne an Danzkurs gmachd. Do ware no an junga Hipfr. ( I glaub, i wiedrholme 😉)

     

    Manni ziddiear: Dr Walsar hadd vrzelld, dass dr Dialeckd weidgehend vrschwonde sei ond a bloss no midd drei Leid in seir Mueddrschbroch schwädze kenn. Schdimmd fr Langaarga au. D’Kindr underranand und d‘Engkl schwätzad koi Schwäbisch me. Se vrschdanded me bloßno (wa scho viel isch).

    Gäbele, midd weam schwädschd du dahoi im Dialeckd? D’Inhaberra vomma alteigsessana Lada schwätzds no perfegd middmer und meine alde Schualkammerada vo sellmols und dia alte Leitla vo frianer, dia halt, wo no läabed.

    Send deine Nochbaure no echde Säehase? Jo, mein direggda Nochbr vo näabadanna isch vo Eriskirch. Dia junge Leit vo schräg geganiabr und dia vom Eckhaus a da Friedrichshäflrschdroß wohned det scho in da dridda Generation. Dia kenne abr nimme.

    Zrigg zom Walsar, der hôt fr mi a wengle an schweizerischa Eischlag, faschd so, wia mei Scheesa: gsi, numma und da Schdadlr: gsai, gsai wäar. I dät halt gwäa odr gwässa wäar saga.

     

    Jetz no an Hammr aus Amoisles Link: Der Bodensee ist eine schöngeratene Ausbuchtung des Rheins! Wia geil isch denn des?

    So, jetz honne abr gnua rumgfaslet. I dätme jetz a wangle nalega wella. Ahschdrengend wars (isches gwäa, hihi).

    Siejuuu, Schbätzla!!!


    D'Edith moint no, i sott eich saga, dasse ledschd Nacht ausnahmsweis wäga schlechdr kerperlichr Vrfassung id aufem Bäasa undrwäags gwäa sei.

    #265Author Moi Gab (456541)  01 May 22, 11:43
    Comment

    I hoff jeidz bloss, dass dier meah bessr gohd ond du di bald ganz erhollesch, dassd meah uff am normale oifache Bäeseme reide kaasch ond koin dreieckede midd Hilfsbrobellar idd brauchsch. Guede Bessrong, mei Gäbele! :-)


    Dankd dr schea fier dein ausfierleche schbrochleche Schdadussberichd. Des isch ja scheinz schbrochlech a räechd a vihlfeldex Egg bei ui, an Haufe Wariandda uff engem Raum: gwe, gwäe, gwässa, gwai, gsi, gsai.

    Ond draureg isches scho, dass dr Dialeckd direckd am Säe vrschwendt. Muesch zom richdeg Schwädze ind Däefr zwanzg Killemeddr im Inland fahre!

    #266Author manni3 (305129) 01 May 22, 12:14
    Comment

    Schea, daßde mear gmeldt hosch, Gäbale, ond oo no a guada Bessrong vommir. Des middr Rheinausbuchdong hotmr oo gfalla :-)


    So - bei oos fangt glei ds Maibaumaufschdella a. D'Schwalba liegat scho alle bereit. Pfiazui.

    #267Author Selima (107) 01 May 22, 12:52
    Comment

    Saubre Dradedzjioo: Schwalba schdadd Liebherr ;-)

    #268Author manni3 (305129) 01 May 22, 14:34
    Comment

    Abr schwear schaffa hands mea, d'Kerle. Des isch no richdeg schbannend worra, wia dr Boom linksnom auf dia mächdiga Linde nomgrauda isch. Faschd wär ihne dr Weddrhahn endr Linde hänga blieba.

    #269Author Selima (107)  01 May 22, 16:37
    Comment

    Gäbele, was machsch au du fir Sacha!

    Du bisch abber et de erscht vo dera wo-n-i her dass se wiaschde Wiira ufgablet (sic!), wo abber koi Corona sen. Mr isch nix maih gwehnt.

    Mi hòt iebrigns no kois domm ãgmacht em Lada, wenne no a Mask ufhan. Zom Glick.


    (zor Wallpurgisnacht: velleicht gäb's fir's Gäbele on andere elder werrende Hexa wia mi ganz am Pulls där Zeit bald E-Bäsa? Ekologisch korrekt on mitma Schub wia beima Porsche odder so?)

    #270Author Goldammer (428405)  01 May 22, 17:19
    Comment

    Moinsch pferleicht gar an Feuerblitz?

    #271Author bluesky (236159) 01 May 22, 17:31
    Comment

    So ebbes en der Art, ja.

    Abber en dr Ausfiehrong fir Muggel. 😀

    #272Author Goldammer (428405)  01 May 22, 18:03
    Comment

    Beim Manni saim Vergleich vo dr Beschlainigong vo saim I-Baik ond ma Porsche hao ne lacha miaßa. Beim Porsche isch nix mit ma sambfda Schub. Beim richtig Gas gea kriagschd an Schlag ens Greiz ond Mundwenkl ziagds dr bis zu de Ohra hendanomm. Ond 's Emmerle dät bei derra Beschlainigong drmit rechna miaßa, dass se henda vom I-Bäsa rudschd. ;-)


    I hao iebrigens am Dorschdich des scheene Weddr fir a kloine Wandrong em Schwäbischa Wald durch d' Tobelschlucht ond d' Bodabachschlucht hergnomma. Dia zwoid isch wia an Urwald, was omfliagd, ond wenn 's no so dick isch, bleibd liega bis d' Natur ihr Werk do hòt. Blooß der Doil, der gwer iebrm Pfad leit wird rausgsägd.


    Uffm Waldweg zwische deane zwoi Schluchda isch mr a ganzer Schwarm Zitronafaldr ondrkomma. So wia des ausgseah hòt warad dia mit dr Balz beschäfdigd. Des hòt me drâ erennerd, dass e neilich en Neidlenga a a kloine Pause uff ma Bänkle midda en ra Schdraiobschdwies gmachd hao. Dâ drbei hao ne an ganza Schwarm Tagpfauaauga beim gleicha Schbiel beobachda kenna. Dia Viechr send abbr so was vo kamerascheu ond i viel z' langsam zom foddografiera. Schad.

    #273Author opadeldok (1319435)  01 May 22, 18:17
    Comment

    Des isch mir au scho efders ufgfalla, dass d' Schmedderleng sich et gern foddografiera lasset. I han sogar scho g'argwehnt, dass dia a Art segsda Sinn fir Kameras on Hendis entwigglet hen - se bleibet grad so lang sitza, biss mr se em Objegdiv hòt on scharf eigschdellt, on a halbe Sekond vor mr abdruggt, flieget se uf on schreiet "Ätsche Gäbele!", on bloß weil mr de Schmedderleng ihr Gschroi mit onsere menschliche Ohra et hera kann, griagt mr des et emmer mit.....

    #274Author Goldammer (428405)  01 May 22, 18:31
    Comment

    Genau so isches. I glaob, i hao no gseah wia mr oinr no d' Zong rausgschdreggd hòt. ;-)

    #275Author opadeldok (1319435)  01 May 22, 19:06
    Comment

    Mier isch so ebbs s ledschd Johr midde Libella ondrkomme, abr i haos vrdwischd!


    Des isch a Bildle vo dr Braudschau ond des vo dr voerzochene Hocheiznachd am Naamedag. Die hanz nemma vrwaarde kenne, bis donkl isch 🥰

    #276Author manni3 (305129)  01 May 22, 21:43
    Comment

    Scheene Billdscha ... haschde dii sällwad gegnibbsd, manni ?

    #277Author no me bré (700807) 01 May 22, 21:50
    Comment

    Sell knibbsd, klar :-)


    Ond d Dagpfaueooge send bei mier uffm Ballkooh uffm Ballkaah ganz hofele.


    DEdidd mechd ui no sage, dass in dr Nommr zwaihondrdseggsesibzg a Zedd in dr Hochzeiznachd fähld ond dass die Libella wahrscheinz Blaue Jungfra seied 🧐

    #278Author manni3 (305129)  01 May 22, 21:52
    Comment

    Wenn e dia Bildr seh, werd e ganz neidig. Hòsch du a bsondre Hybnosedechnigg oddr send se dressiert, dass dia sich so, faschd wia a Foddomodell, bräsendiarad? ;-)


    Mit mainr alda Schbieglrefleggs ond maim 200mm Tele wär des no ganga, abbr dia hòt an Defeggd. I glaob des lohnt sich nemme dia zom rebariara lassa. Vor ällem isch des mit de Kloibildfilm ao a nedd grad a billigs Vergniaga. I hao zwar no a handliche Digidalkamera, abbr dia hao ne faschd nemme em Gebrauch, weil se em Vergleich zom Händi wesentlich schlechdere Bildr lieferd.


    Bei de Libella war abbr hendrher blooß no höchschdens oine a Blaue Jungfr.😉😇

    #279Author opadeldok (1319435) 02 May 22, 09:09
    Comment

    Do mibbm Händy hasch scheinz räechd. Dr Schäff vom gräeschde Foddogschäfd zMenke hadd xehd, s Gschäfd midde middlbreisege Kameras gohd allad schläechdr, weil die bessre Händy des oo alls kenned, was die kenned.

    #280Author manni3 (305129)  02 May 22, 14:39
    Comment

    "DEdidd mechd ui no sage, dass in dr Nommr zwaihondrdseggsesibzg a Zedd in dr Hochzeiznachd fähld"


    Aigndlich nedd! Du hòschd de blooß an die Vorschläg ghalda, dia sch voreinger Zeid gmachd worra send. Wahrscheindz send se eich älle scho bekannd, 's send dia Vorschläg Zur Vereinfachung der deutschen Sprache.

    ;-)

    #281Author opadeldok (1319435) 03 May 22, 13:25
    Comment

    Falls es ebber endressiert: onser heidicher Schbaziergang. Schneggawedder. Schnegga sen wonderschene Dierla, wemmers genau bedenkt!


    https://www.komoot.de/tour/757721243?share_to...


    #282Author Goldammer (428405) 03 May 22, 22:33
    Comment

    Indressande Vichrla handr xeah - allarhand Schnegga, ronde ond schbidzege ond milljohne Johr alde :-)

    #283Author manni3 (305129) 03 May 22, 23:13
    Comment

    So an Haufa scheene Schnegga, vor ällam dia dia "zweibeinige Langbein-Rothausschnecke" dr ladeinische Nama will mr grad nedd aifalla. ;-)


    Bei Schnegga fälld mr emmr der Witz ai, wo drei Kerle Schnegga gsammeld hend. Ond dr oine, an Estreichr, am Endkoine midbrochd hòt. Uff dia Frâg, wa gwea isch hòt'r gsait: Kaum hob i ane gseng, husch, husch, weg woans.

    #284Author opadeldok (1319435) 04 May 22, 14:30
    Comment

    Hihihi, dear hotmr oo gfalla, bsondrsch ballne an eeschdreichischa SchneggaforschAr kenn ...

    #285Author Selima (107) 04 May 22, 14:57
    Comment

    D Eschdreichar send scheinz no a bissle reackzjoonsretardierdr als dBäernar ;-)

    #286Author manni3 (305129) 04 May 22, 19:16
    Comment

    Dia soddn amol a Schneggalesfangombedischn macha, dia BärnAr ond dia EeschdreichAr ... Abr vorher mißtmr briafa, welle Schnegga mr nimmt. Pferleicht send ja dia BärnAr ond dia Eeschreichische SchleimAr oo langsammr alz wia osre pfeilschnelle schwäbische Schneggla - wear woiß?!

    #287Author Selima (107)  05 May 22, 07:31
    Comment

    Wenns bei däer Schneggalesfanggombedischn oo om Nussschnegga gohd, mechd i oo midmache ;-)

    #288Author manni3 (305129) 05 May 22, 11:49
    Comment

    A gloine Herde vo schwedische Zimtschnegga mit Kardamom keet i no beischdeire zom Fanga...

    #289Author Goldammer (428405) 05 May 22, 18:55
    Comment

    Au jaa! Wiefs häe! Dees send jahreszeidleche Erscheinongsfoma vo Kockeskrockedda - mmhmmm ... :-)

    #290Author manni3 (305129) 05 May 22, 21:06
    Comment
    *durchwink*
    Was für tolle Bilder! Ich liebe Schnecken. 🥰
    Auch ein Glücksfund, der Salamander!
    #291Author Miss Anthropy (700297) 05 May 22, 21:57
    Comment

    Mir dät scho a alt-wirddabergische Schnegganudl mid Zibeba ond ma Zuggrguß roicha.


    Emmerle, i be iebrigens geschdern wega ma Geburdsdagsgschenk fir mai Enkelin, dia heit ihrn neinda Geburdsdag ghet hòt ondrwegs gwea ond an dr Schmitte vorbeigloffa. Sieht vo außa nedd schlechd aus. I hao me abbr nedd draud nei zom ganga ond z' fròga ob an Gaisburger Marsch ao em Âgebod isch. ;-)

    #292Author opadeldok (1319435) 05 May 22, 22:14
    Comment
    Ob's den Gaisburger Marsch dò no gibt, woiß i net. Maira Fraindin ihr Jonger hòt sich inzwischa selbschdendich gmacht on sei eigas Lokäle en Fellbach ufgmacht. Soll arg nett sei.
    #293Author Goldammer (428405) 05 May 22, 22:36
    Comment

    Jâ, eba. Abbr nedd direkt en Fellbach, sondern en Fellbach-Schmida. Dâ häb e an Lenk drzua: https://geheimtippstuttgart.de/schmitte/

    #294Author opadeldok (1319435) 05 May 22, 22:57
    Comment
    Ach jetz kabier i's. Du bisch voll abbtudeit!
    #295Author Goldammer (428405) 05 May 22, 23:06
    Comment

    Main zwoidr Vornama isch "Reschersche". ;-) Nedd omsoschd fangad Delefonad mid maine Jonge efders mid "Babba, du kennsch de doch aus" â. ;-))

    #296Author opadeldok (1319435)  05 May 22, 23:17
    Comment

    Des Fädale a wengale* hochhola dua. Ond zwar mid dr Fròg, ob ihr des Wort "Schlossa" (Schlossen) kennad. I hao des neilich em Archiv vom Dettinger Webuffdridd glesa. Em maim Bekanndakreis, älles Urschwoba wia i ao ond en maim Aldr, kennd des ao koinr. Nedd amòl a Wengerdersdechderle.


    *Da drzua fälld mr grad was ai. Mai Enkldochdr hòt ledschd Woch ihrn neinda Geburdsdag gfeierd. I hao a Gliggwonschkärdle baschdld, mit ma greimda Dreizeilr.


    Emmr luschdig, emmr heidr

    ond jedes Jóhr a wengale gscheidr;

    so machsch weidr.


    Beim "a wengale" hòt se me gfrâgd, was des hoißd.


    I glaob, i grind demnägschd a Birgerinidziadive mid dr Forderong: Schwäbisch als Pflichdfach in Kindergärten und Schulen in "ẞe Länd". ;-)

    #297Author opadeldok (1319435)  10 May 22, 11:48
    Comment

    Isch duun "Schloose" känne ... odda fillmee, bei unns senn dass Haachelkäana ... se misse nedd besonnaschd groos senn, nua hadd ... unn laud wanns offkomme duun ... sess awwa glaawisch mee fonn meim Babba komm geween, allso aussem Mooselfränggische ...


    ... unn wass ess dass bei Eisch ?

    #298Author no me bré (700807) 10 May 22, 12:09
    Comment

    Ich kennz oo idd. Abr bei oos rom hotmr ja auch koin Wei. Dau ischs z'kalt drfiar.


    Abr des mim "wengale" hotme iatz scho a wengale schockiert. Des arme Mädle. Muaßrar a wengale a Opalesschbroch beibrenga :-) I legme arg ins Zuig bei meim Engkale, dassne mim egschdrig Schwäbisch schwätz. Nochd kaanr zwengschd dia dibbische schwäbische Nasale ond a reachds rollnds R. Ball, wasmr in deam Aldr idd ausschbreacha learnd, learndmr hernocht arg schwer nomml.

    #299Author Selima (107) 10 May 22, 15:56
    Comment
    #300Author bluesky (236159) 10 May 22, 16:28
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt