Advertising
LEO

It looks like you’re using an ad blocker.

Would you like to support LEO?

Disable your ad blocker for LEO or make a donation.

 
  •  
  • Forum home

    Chat room

    --207--Alemanneschwobehôigaade # 207--

    Topic

    --207--Alemanneschwobehôigaade # 207--

    Comment






    Des isch s zwaihondrdsibd endrnazenal Alemanne-Schwobe-Schnierle,

    in deam wo ma allarlai Warianda vom Schwäbesche ond Alemannesche läese ond schreibe ka.



    ◎ Vo dedd kommebr ond jiez goz do hinna weidr.

    ◎ Do em Geburzdaxfade geiz a baar Hendrgrondemformadziona zue eisrem Fade ond zue eisrem Dialeckd.

    ◎ Do isch a frisch abbdeidede Landkarde midd am Haufe Middschreibarna ond Middschreibar

    ◎ Do isch eisr Wariandtewäedrbuechabbdeid vom 1.1.2022.




    Wäe gäere hibbled, soll des Fädele äeschd läese, wenn dr Zwaihondrdseggsar vool isch, gell ;-)










                        Land id lugg!


                        Nichlokkalassn







    Author manni3 (305129) 29 Apr 22, 13:14
    Comment

    Also i be guad dâ henna âkomma ond sag amòl uff dia enzwischa eigebirgerde Art *angemällbin* (©

    brele).


    Ond kâ ao glei beschdädiga, dasses Haglkernr send. Ond dia schlagad jâ nedd blooß de Wengerder 's Zuig zamma, des isch deane grad egal was dâ onda grad wachsd. Oddr geits bei eich am End gar nia nedd an Hagl? Des wär fir eich sauguad. ;-)

    #1Author opadeldok (1319435) 10 May 22, 17:21
    Comment

    Doch, erscht letschte Woch. Bei mir hots bloß trepfelt, abr driba in Byzanz wared Schdroße alle grea, bals so viele Blätter naghagelt hot.

    #2Author bluesky (236159) 10 May 22, 18:23
    Comment

    Schlossa kenn i bloss als hoechdeidschs Woed. Do hadz am End allardengs (dengs? hä?) -en.

    #3Author manni3 (305129) 10 May 22, 19:23
    Comment

    *aangemälldbin*

    :-)


    Danggescheen, Faadebabba !

    #4Author no me bré (700807)  10 May 22, 19:42
    Comment

    Manni, du hòschd nadierlich recht. Dia vo mir âgfierde Gwelle vo Dettinga schreibt ao vo Schlossen. Vom Konteggschd her war mir ao klar was gmoind isch, abbr ao uff hochdeitsch war mr der Begriff obekannd. Em Gegasatz zom Duda, der kennd dean. Uff dr andra Seit dät dr Schwâb des normalerweis abbr, analog zu geschlossen/gschlossa, gegossen/gossa, verschossen/vrschossa etc., als Schlossa ausschbrecha. Ond dâ drzua hao ne nirgends nix gfonda.


    Ond nadierlich hend me em Eifr des Gefechds maine Maniera vrlassa. I mechd me ausdrigglich deam Dank vom Brele an dr Fadababba fir dean nuia Fâda âschliaßa.

    #5Author opadeldok (1319435)  10 May 22, 23:15
    Comment

    Mir isches aus dem Lied "Wie lieblich ist der Maien" vrdraut, wo's hoißt:

    ....drum wollst du von uns wenden,

    Mehltau, Frost, Reif und Schloß'.

    Em aktiva Wortschatz hane-'s eher net. On i hett dr Blural au Schloßen gschrieba on et Schlossen.


    On danke fir's neie Fädele, manni! Schee hòschs gmacht.


    #6Author Goldammer (428405)  11 May 22, 17:24
    Comment

    DWDS haz oo midd ß, ond oo s Werb schloßen - also a langs ō.

    schlohweiß häb oo ebbs drmidd zom doe ond Englesch to sleet.

    Kluge Etym. WB hadz als vorwignd middldeidschs Woed.

    #7Author manni3 (305129)  11 May 22, 20:52
    Comment

    Do deana gohts om s nuje Buchschdabieralfabeht. S Maisle hadd gschrihbe: Aber ich buchstabier eh immer spontan, was mir grad einfällt.


    So mach is oo! Deana haoni mi idd draud, abr do hinna kanis ja schreibe:

    S wie in Selima, E wie in Selima, L wie in Selima, I wie in Selima, M wie in Selima, A wie in Selima ;-)

    #8Author manni3 (305129)  16 May 22, 11:50
    Comment

    Merssi bokule, Manni, fr da neije Schbaga! 🙂

    #9Author Moi Gab (456541) 16 May 22, 22:18
    Comment

    ädd Konjunkdif

    I hao do deana grad gschribe, dass in meir Kindhaid im Dialekt dr Konjunkdif oins (K I) ond zwai (K II) ganz normal ond iblech gwe isch.

    Wie isch des bei uib uss andre Regijona gwe? Ond isch des heid oo no so?


    zom Beischbl:

    K I : er moint, er häb guet aufpasst; du häbescht - er sei, du seiescht

    K II: er hedd gern ebbs trunken; du heddescht - er wär, du wärescht


    D Raudona vo Hannofr hadd nemle gschribe: Der Konjunktiv gehört nach meiner Beobachtung zu den sprachlichen Strukturen, die i.d.R. nicht spontan / intuitiv erworben werden, sondern erst im strukturierten Sprachunterricht in der Schule gelernt werden.

    #10Author manni3 (305129)  18 May 22, 15:19
    Comment

    Gäbale, i hoff dir góht's wiadr besser.


    Dr beschde Satz en dr Vereffendlichong vo dr nuia DIN-Norm ond dr Buchschdabierdafl isch der: "Die Anwendung der Norm DIN 5009 und der Buchstabiertafel ist freiwillig".


    Nâ isch 's jâ grad egal, wenn e weidr des vrwend wa ne glernd hao, engglusife Ärger, Ödipus ond Übel. Ond nedd zom Beischbiel "Umlaut Aachen". Dâ frógd dr oi dann, was an Omlaud isch, dr andr, ob Umlaut an Stadtdoil vo Aacha wär ond dr dridd, ob des dann zwoi "ä" sai miaßad. 😉 Em Zweiflsfall kennd e ao no 's NATO-Alphabet aus mainr Funkerausbildong rauskrama.


    I hao jetzat âgfanga maine Tourafoddos uff dr Rechner zom schaufla ond dia schlechde oddr ähnliche zom aussordiara. 'S erschde Brojeggd hao ne ferdich. Wer endressierd isch, der derf sich des ao âgugga: Floriansberg bei Metzingen


    Nâchdrag: Manni, dai Beischbiel isch absolud richdig ond ao bei os no em aggdifa Schbrâchgebrauch..

    #11Author opadeldok (1319435)  18 May 22, 15:28
    Comment

    I kenn dia Konkungdiv au, abber ehrlich: i woiß edda wann i des in agdiva Wordschatz iebernomma han. Vrschdanda han-e-s vrmutlich scho vor dr Schual. Also i glaub, mr lernt des scho intuidiv, abber velleicht erscht em Schulalder, des kööt durchaus sei. Abber was d' Raudona moint isch jò vrmutlich, mr dät des grundsätzlich ersch durch da Deitschonderricht kennalerna, on des isch Bafl.


    Schee, dei Galerie, opale!

    #12Author Goldammer (428405)  18 May 22, 16:30
    Comment

    Soo scheane Foddos, Obbale 😊

    #13Author manni3 (305129) 18 May 22, 18:30
    Comment

    Opale, wann des idd so weid wär, dau däde oo gera a wengale ambuliera!


    I bee heid beira Fortbildong gwea mid DoilneahmAr aus ganz Bayern - ond bei de moischde hadmr no soo schea heara kenna, wo dasse hearkommat (sogar bei deane ausm Ruhrgebiet;-). Deschmr a Feschd gwea :-) Oinr isch oo vo Fiassa - wann dear gschwätzt hot, honne abbl anda Manni dengka mea.

    #14Author Selima (107) 18 May 22, 19:15
    Comment

    Fieße - dees isch bloss viezg Killemeddr vo dahoi 😀


    Do semmr am Wuchenend efdr mohl naufgradled ond hand Brauns Rosmarie bsuechd, die wo uffm Teglbäerghaus Bedinung gwe isch. Sellemohle habba no zFueß zwai Schdund naufgao mieße, heid geiz an Lifd!

    #15Author manni3 (305129) 18 May 22, 20:48
    Comment

    Danke, Opale, fr dia gigandisch scheene Bildr. Sagamôle, kama vo dem Floriansberg bis zom See nabsäa?


    Mir gôhts vo Dag zua Dag bessr. Honn allno an bleeda Kopf (hihi, ihr brauched jetz abr id saga, des heije scho vorher ghett), war abr geschd wellawäag mit meim Briaderle und Schatz 10km wandra. Dodabei waramer au bei dem Allgeijer Kreitrgarta Artemisia. https://www.stiefenhofen.de/gesundheit-kraftq... Kennader den au?. Sauschee. Und a Lädale henn dia, do kenntma schdundalang drin rumgugga.


    So, jetz honne no äbbes Peinlich/Luschdigs zom vrzella: Wone heit morga i meim kurza Schlofzge, dErm vollbelada, dSchdiaga rabkomma bin, ischmer grad Schlofzgehosa nabgrudsched und i bin unda ohne dôgschdanda. Mei, da Schose hot sich schäbsglacht. Pffffft........

    #16Author Moi Gab (456541)  19 May 22, 12:57
    Comment

    Gäbale, i häb a baar Hosadräger iebrig, nâ kâ des nemme basiera. 😉 Noi an dr See kâ mr nedd nagugga, d' Alb verschberrd d' Sicht. Hechschdens mr dät a gaaanz langs Beriskob midnemma. 😉


    Den Kreitrgarda kenn e laidr ao nedd. 'S Allgai kenne iebrwiegend bloß vom durchfahra. So was ehnlichs geits en Salem ao, nennd sich Initiative SaatgutBildung. Dâ hao ne mid mainr Dochdr ao amól nâ wella, abbr war wega Corona dann no nedd meglich.


    Abbr en Fiassa/Fieße/Fissa hend mr faschd fuffzeah Jâhr lang jedesmòl an Hald gmachd, wenn mr nach Sidtirol gfahra send. En dr Aldschdadt hend mr emmr beim Woaze onsr Weißwischdfriehschdigg aignomma. Des war sauguad.


    Mai zwoids Brojeggd hao ne heit morga ao ferdiggschdelld: Neidlinger Wasserfälle Nähe Weilheim/Teck

    #17Author opadeldok (1319435) 19 May 22, 13:39
    Comment

    Hach, opale, dò mecht-i eigentlich scho lang amòl nã....velleicht pagge-s jò den Sommer mòl....wonderschee!

    I dät vielleicht vo oba ra nãwandra, vom Pargblatz Bahnhöfle hender Schopfloch aus. Mr muaß halt dann zom Schluss da ganze Albtrauf widder nuf....

    #18Author Goldammer (428405) 19 May 22, 15:07
    Comment

    Emmerle, empfehlenswert isch 's uff jedn Fall. Blooß, wenn 's a Weile nedd gregnat hòt nâ kâ 's sei, dass dr Wassrfall nedd fälld, sonder drebfeld. Nâ dät was fehla.


    Mai äldaschde Dochdr wird am Wochaende Vierzig ond i hogg grad mid rauchndam Kopf an ma Gedichd fir Ihr Geburdsdagkard. So richdig zfrieda be ne no nedd mid maim Erguss. Ond fir d' Vorderseide vo derra Kard hao ne ao no koi gscheids Modif. Abbr ondrm greschda Drugg kommad maischd dia beschde Idea. Hoff e wenigschdens.


    Wa moinad Ihr? Kâ mr des so lassa?


    Jâ, …., jetzat isch 's soweit,

    es geit an Schbruch seit aldr Zeit,

    dass d' Schwòba, wenn se Vierzich send

    au d' Gscheitheit glei erworba hend.


    Doch wenn mr 's gnau nemmd, merggd mr au

    der Schbruch gilt gar nedd fir a Frau.

    Doch weil so Schbrüch meischd gar nedd schdemma

    brauchd mr se nedd ernschd zom nemma.


    Drom druggad mr dr Dauma heit,

    dass an dem ganz besondra Dag

    am Morga duad 's an Donnerschlag

    ond Du bisch gscheit.


    Gell, des wär schee,

    's duad au nedd weh.

    #19Author opadeldok (1319435)  19 May 22, 18:05
    Comment

    Opale, des Gedichtle gfallt mer. I dät bloß a Gloinigkeit ändra: Drom drugge dr Dauma heit,


    Oh, un a de Neidlingrwasserfäll isches au schee. Vrgelzgott fr dia indressante Bildr.



    #20Author Moi Gab (456541) 19 May 22, 21:20
    Comment

    Gäbale, dangkschee. I hao no a bissle drâ gfeilt, abbr mai Greadifidäd war heit a wengale arg zäh am Fliaßa. Abbr jetzat isch ferdig ond die Enna- ond Außaseit vo dr Geburdsdagskard ausdruggd. Zugschnidda wird se morga.


    Dr Plural beim Daumadrugga isch iebrigens deswega, weil mai Frau ond i ons wegam Gschenk zsamma doa hend. Nâ kâ ne ihr Bedeiligong en dr Kard nadierlich nedd onderschlaga. 😉


    I hoff blooß, dass e morga Âbend durchhald. Mai Dochdr will dranai feira, weil se am Meedich wiadr schaffa muaß. I be hald ao nemme dr Jengschde ond brauchd dr Scheeheidsschlòf nediger als friehr. 😉

    #21Author opadeldok (1319435) 20 May 22, 20:19
    Comment
    Awa, opale, des schaffsch du!
    (On wennda am Sonndag nò voriebergehend net ganz so schee bisch, macht's au nix. Mir dòhenna meget de eddafall oinaweg.)
    #22Author Goldammer (428405) 20 May 22, 22:31
    Comment

    Emmerle, mid deam Eiwurf hòschd mr d' Nachd ond dr folgende Dag greddat. Ond du hòschd me ao no iebrzeigd, dass dr demboräre Verluschd dr eißerlicha Scheeheid zom verkrafda isch, solang dia wahre Scheeheid von enna kommd. 😉 En deam Sinn, wensch e älle a guats Nächdle.

    #23Author opadeldok (1319435) 21 May 22, 00:12
    Comment

    Hihi, da demboräre Verluschd dr eißerlicha Scheeheid isch bei mir inzwischa permanent. Abr sell ischmr grad wurschd. Weme id gfall, sälbr schuld 😉 Dia, wome ammel ausem Schbiagl aluaget, saitmer, wo's langgôht. I woiß id, wa dia hot, dia grinst ammel bloß.


    Es wird der bleiche Todt mit seiner kalten Hand

    Dir endlich mit der Zeit um deine Brueste streichen /

    Der liebliche Corall der Lippen wird verbleichen;

    Der Schultern warmer Schnee wird werden kalter Sand /

    Der Augen suesser Blitz / die Kraeffte deiner Hand /

    Fuer welchen solches faellt / die werden zeitlich weichen /

    Das Haar / das itzund kan des Goldes Glantz erreichen /

    Tilgt endlich Tag und Jahr als ein gemeines Band.

    Der wohlgesetzte Fuß / die lieblichen Gebaerden /

    Die werden theils zu Staub / theils nichts und nichtig werden /

    Denn opfert keiner mehr der Gottheit deiner Pracht.

    Diß und noch mehr als diß muß endlich untergehen /

    Dein Hertze kan allein zu aller Zeit bestehen /

    Dieweil es die Natur aus Diamant gemacht.

    (Hofmann von Hofmannswaldau)


    Eigentlich a firchdigs Gedicht. Moined er id au?

    #24Author Moi Gab (456541)  21 May 22, 09:32
    Comment

    Jâ, a schwere Koschd. Ond des uff nichderna Maga. 😉 Abbr dann halded mr ons hald an dia zwoi ledschde Zeila ond blendad dr Reschd oifach aus.


    Solang ons des Gsichd ausm Schbiegl âgrinst, wissad mr jâ, dass mrs selber send. Erschd wenn des grinst ond i gugg narrad nai, nâ wird 's seldsam. Abbr wen des amòl bassiara sodd, mach e oifach a Gegabrob ond schdreck dem d' Zong raus. Nâ isch der narrad ond i grins, ond d' Weld isch wiadr en Ordnong. Genial, oddr?

    #25Author opadeldok (1319435)  21 May 22, 10:14
    Comment

    Ein jegliches hat seine Zeit,

    und alles Vornehmen unter dem Himmel hat seine Stunde.

     Geboren werden und sterben,

    pflanzen und ausrotten, was gepflanzt ist,


    Mankmohl isch es scho schwäer zom aushalde, dass des dr Lauf dr Zeid isch!

    Abr s hilfd alls nix: nehmen, was ischd!

    #26Author manni3 (305129)  21 May 22, 10:50
    Comment

    Manni, so isch's. Ab ma beschdimmda Alder beschäfdigds oin, abbr mr derf nedd driebr vrzweifla, sonschd beaiträchdigd oddr versaimd mr sai aigne Gegawart.


    Kurz gsait: 'S Leba isch a Uffgab dia oim mid dr Geburt ohne Abgabetermin gschelld wird. Ond des isch ao guad so.

    #27Author opadeldok (1319435) 21 May 22, 11:37
    Comment

    Ihr sen jò heit richdich fillosohfisch on schwermiedich!

    I fend des Gedicht vom Gäbele au a weng gruselich en seira Ãschaulichkeit...abber es hòt au an Art morbida Scharm, wenner wisset was i moin...


    I han no a Fròg en d' Runde: en dr Familie (mir hen heit onser zo Oschdra an d' Kender on ihre Fraindinna vrschenkts gemeinsams Essa em Hirsch z'Gächinga ghett) isch a Fròg ufkomma:

    Gibt's an Onderschied zwischa ma Gütle on ama Schdickle? Also i moin jetz et onser Schdiggle dòhenna, sondern a bewirtschafdets Grondschdick außerhalb odder am Rand vom Ort - also, kennet ihr dia Ausdrick? On dädet ihr dia gleichbedeidend vrwenda odder fir ebbes Onderschiedlichs? Wenn letschderes, was isch dr Onderschied?

    (I han a Moinong drzua, dät abber vorab koin Eifluss nemma wella)


    (I han vrschbrocha dass i eich fròg on dät dene nò d' Diskussjoh vrlinka)

    #28Author Goldammer (428405) 21 May 22, 23:01
    Comment

    A Giedle isch a äjer kloina Baurehof. S heifegr Woed drfier isch Hoimad.

    Schdickle fier Grondschick kenn i ibrhaubzd id. I kaa also do gar idd weidrhelfe.

    #29Author manni3 (305129)  21 May 22, 23:07
    Comment

    I kenn oo bloss a Giadle, desch a glois Baurawerk, wiamr bei oos oo sät. Dr BesitzAr isch a GiadlAr.


    I moin, mr häb des friahner oo "Sach" ghoißa.

    #30Author Selima (107)  22 May 22, 09:00
    Comment

    Sach kenn i o.

    #31Author bluesky (236159) 22 May 22, 09:18
    Comment

    Mai Familie selber hòt kois ghet, aber vo maine Schualkamrada hend ainige Eldrn a Schdiggle ghet. I hao ab ond zua maim Fraind, wenn sai Vaddr eam des âgschaffd hòt, beim beim schora oddr Okraut jäta gholfa.


    Gütle wär mr jetzat nedd so gelaifig gwä, abbr en dem Zsammahang be ne schbondan ao uff an kloinra Baurahof komma.

    #32Author opadeldok (1319435) 22 May 22, 13:02
    Comment

    Gütle und Schdiggle honne i meiner Kindheit nia ghert.


    http://www.schwaebisches-woerterbuch.de/defau... sait des dazua:

    Schdiggle

    2. kleines Grundstück („Uff meim Schdiggle wachsad Moschdbaim)“

    Des leichdat mir logischerweise ei. Adhoc däte abr "mei Schdiggle" assan Doil vo äbbes vrstanda - vomma greßara Grundschdigg oder Gelände.


    Gütle hert sich fr mi eschdlich a.


    I war geschd wanderra. Im Wald, in da Schlierergegand (noi, diesmol hemmer uns id vrlaufa). No nia honne soffl Schmettrling auf oim Haufa gsäa. Pfauaauga und Weißling. Honn dabei an eich dengka miassa. Des war a Freid.


    Opale, dEdith isch neigierig und wett gern wissa, obda heit Kugla im Kopf hosch ? 😉



    #33Author Moi Gab (456541)  22 May 22, 13:35
    Comment

    Also des scheint hierrom regional zom sei mitm Gietle on em Schdiggle. Vielleicht eißert sich jò 's opale on 's Schdiggle no drzua?


    I seh's so: boides isch a glois Freizeitgrondschdick. Also koi wirgliche Landwirtschaft als Erwerb. Beima Gietle liegt dr Schwerpunkt ejer auf Freizeit, also a Gietle hòt zom Beischbiel uf jeden Fall a Hittle, a Wies, oft a Obschtwies, aber des muaß net sei. A Gietle muaß net õbedingt au an Nutzgarda em engera Sinn drbei han. Beima Schdiggle liegt dr Schwerpunkt ejer ufm Nutzgarda. En "Mietacker" wia's mei Neffe on sei Frau hen - also oifach en Aggerschdreifa wo eahne en Bauer em Friehjòhr herrichdet on sogar (nòch Wunsch) bepflanzt, on de weidere Pfläg on Ernde isch nò Sach vom Mieter - des wär a glassischs Schdiggle. En meim Hoimetdorf hen des frieher (wia's heit isch woiß-e et) d' Leit oft ghett, dass se vo ihre Ägger irgendwo an Schdroifa mit Gmies on Obscht fir dr Eigabedarf ãbaut hen - des isch nò a Schdiggle gwä. Abber es muaß net, wia's Gäbele moint, a Doil vo was Greßerem sei, mr kã au als oinzigs a Schdiggle han.

    #34Author Goldammer (428405) 22 May 22, 14:57
    Comment

    Kugla em Kopf? Noi, uff mi hòt neamerds gschossa. ;-)


    Dia Omschreibong fir an schwera Schädl (wenn e des richdig endrbeddierd hao) war mr bis heit no nedd bekannd. Aus logischdische Grend (i will main Fihrerschai no a Weile bhalda) send dia Kugla ao ausblieba.


    Abbr i hab emmerhea bis Ois en dr Nacht durchghalda. Nâ no mai Frau gschwend hoimgfahra, dann selbr hoimgfahra, drhoim zom rondrkomma no gschwend vor dr Fernsehr ghoggd, a Gläsle Wai aigschenkd ond om Viere end Kischd ganga. Also wia gsagd koine Kugla, abbr hondsmiad heit. Mr isch hald nemme dr Jengschde.


    Abbr emmerhin hao ne dord nach zeah Jâhr wiadr mòl an Badmindnschlägr en dr Hand ghet (mai Dochdr hót fir dia ganze Kendr glei dia kloi Schbordhalle midgmiedet ghet) ond mid ma Jonga a baar Ballwechsl gschbield. 'S isch no ainigermaßa ganga, abbr siehe oba: Mr isch hald nemme .... ;-)


    Abbr schdellad eich vor, vo iebr dreissg Leid (drvo dia meischde geborane Schwòba) warad außr mir grad no zwoi äldre en dr Lage mai schwäbischs Gedicht mid dr richdiga Ausschbrâch ond Bedonong zom lesa.

    #35Author opadeldok (1319435) 22 May 22, 14:59
    Comment

    Emmrle, wia gsait, Gietle isch mr bei ons no nedd ondrkomma. Abbr dia Schdiggla dia e en #32 erwähnd hao, send genau dia Nutzgärda gwäa, dia du beschrieba hòschd. Maischdens vo de Besitzer selber gnidzd, heifig abbr ao verpachdad. Glega send dia bei ons zwischa Ordrand ond de Waiberg Richdong Kapplberg ond Rodaberg. An Doil drvo isch allerdengs enzwischa durch a Neibaugebied nemme vorhanda. Ond an kloinr Doil isch en dr Zwischazeit ehr vom Nutzgarda zom Wochaendgrondschdick worra.


    Abbr jetzat was zu eirer ewenduella Erheidrong. Damid ihr wissad mid was fir oim ihr 's iebrhaubd zom doa hend guggad dâ nai: Moi


    Ond weil e grad mai dridds Brojeggd ferdig gmachd hao ao no des: Rundwanderung Jusi - Hörnle

    #36Author opadeldok (1319435)  22 May 22, 15:27
    Comment

    Ach des han-e iebersäha ghett. Schulligung. Komisch, i hett jetz denkt ghett dass "Gietle" echt vrbreidet isch.

    Hach, des Bildle mitm Käfer isch abber echt schee! I ben begeischert.

    #37Author Goldammer (428405) 22 May 22, 16:31
    Comment

    Emmerle, jetzat hóschd me abbr grad a weng ens schleidra bròchd. I hao mr iebrlegd, wo ne bei derra Wandrong an Käfer uffgnomma hao kennd ond hab dia Bilder no amòl âguggd. Koin Käfer drbei.


    Nâ isch mr aigfalla, dass du des Bild mid dem langhâârada Kerle moina kennschd. Der Käfer war an Döschwo

    alias Ente. .-))


    #38Author opadeldok (1319435)  22 May 22, 16:50
    Comment

    Ach du liebe Giede, isch mir des pheinlich!! An Döschwoh on an Käfer vrwegsla! On des mir, wo i doch bragdisch de gleich Generatzjoh ben wia der langhòòriche hibsche Kerle en dem Döschwoh! (Boah, der hett mir dòmols au gfalla...)

    #39Author Goldammer (428405) 22 May 22, 23:17
    Comment

    Weil e so schichdern be, lässd me des Gomblimend ganz leichd rödlich âlaufa vor Vrlegaheid. ;-)


    Laidr isch zwoi Monad schbädr d' Hälfde dr Prachd der Scher zom Opfr gfalla, weil e bei dr mindlicha Abschlußbrifong an aingermaßa guada Aidrugg hendrlassa hao miaßa. Ond weidre drei Monad schbädr, am zwoida Januar Anno Vieraziebzg morgens om Siebne, isch dr Reschd beim Friseer em Schduagerdr Haubdbahhof gfalla, weil me kurz druff dr Zug Richdong Daun en dr Eifel zwangsweis zom Bund endfiehrd hòt. Nâ war 's vorbei mid dr Scheeheid. Schnief. ;-)

    #40Author opadeldok (1319435) 23 May 22, 14:19
    Comment

    Die Zeiden endern sich....Mei Jonger hòt letschjòhr als Madde-on Biolährer z'Minsinga uf drAlb ãgfanga, on dem sei Mehne isch no a Schdickle lenger wia de dei selletsmòl! Schdell dr des amòl vor, oiner vo onsre Lährer hett so a Frisur ghett!


    (Mei graoße Schweschder, Lährere em Ruheschdand, hòt vor a baar Jòhr no gmoint, em Ref, wenner nòt tatsächlich vor de Schialer schdòht, mua-n-r abber dia Hòòr schbädeschdens abschneida! Bfeifadeggl. Hòt-r et gmacht on isch älles brima. I wett dia Mädla schwärmet reihaweis fir den mit seira rotgoldana Loggabracht!)

    #41Author Goldammer (428405)  23 May 22, 14:45
    Comment

    I wett dia Mädla schwärmet reihaweis fir den mit seira rotgoldana Loggabracht!)


    Dâ drvo kâsch ausganga, vor ällem mid derra Farb. Em iebriga, glaob e, sehn des viele heit eh nemme so eng wia friehr. Die heitige männliche Vorgsedzde send zom Doil wahrscheinlich selbr amól so romgloffa.


    Morga fahr e uff d' Alb ond gang mid mainr Enkelin nâch dr Schual en dr Archäopark Vogelherd. I hao ihra ledschd Jâhr amòl dr Aigang zum Mordloch (a Hehle bei Geislenga) zoigd, weil mr e grad en dr Näh warad ond gsait, wenn da Luschd hòsch, kennad mr näggschd Jâhr mòl nai ganga, wenn d' Wendrruah vo de Fledrmeis vrbei isch. Am Samschdich hòt se ihr Muddr gfrâgd, wann dr Opa kommd. Weil se ab dreissigschda Mai en dr Schual a Brojeoggdwoch zom Thema Steinzeit/Archäologie hend, wär 's doch gschiggd wenn mr dâ vorher no en dia Hehle ganga dädat. Nâ wär se richdig vorbereidad drfir. I hao dann gmoind no bessr ond omfassendr fir d' Vorbereidong wär d Voglherdhehle mid Ausschdellong, Erkläronga ond Ausbrobier- ond Midmachstadziona. I frai me druff, ond ao dâ driebr, dass se scho vorher a Endresse drfir hòt.

    #42Author opadeldok (1319435)  23 May 22, 15:59
    Comment

    So an Oba wia Di hädde oo gera ghett (odr bessr: mein Obas, diane boide gera ghett ghabt hab, häddn soddane Idea oo noo zuasätzle hau kenna).


    Fr mi war des ewig schad, wiase mei Bua sein wondrscheana Loggabracht rondrgsäblat hot en soara komischa Laune. Abr dr schdiftleskurze Mecki schdohtm oo. Lei sei Barttracht isch grad ned so meis. Abr i bee ja au lei sei Muadr ;-)

    #43Author Selima (107) 23 May 22, 16:04
    Comment

    Mir isch grad, nemlich ãlässlich meira Ãfròg zom Gietle on Schdiggle, ufgfalla dass-e-s zwoisentle scho ewich nemme gsäh han. Han gugget, seit März isch se nemme dòhenna gwä. Woiß ebber ebbes vora?

    #44Author Goldammer (428405) 23 May 22, 18:03
    Comment

    Vor a baar Däg hao ne 's no em Assodziadzonsfada glesa.


    Wega de Bärt denke emmer, dass dia Mode irgendwann genauso vrbei góht wia d' Oberlibbabärt, mit deane en de Achzger älle romgrennd send. Wa machad nâ dia ganze Barbrschobbs?

    #45Author opadeldok (1319435)  23 May 22, 19:26
    Comment

    Ah guat. Wenndase mòl widder siehsch, schaich se au dòrom, se werr vrmisst!


    Nòchdrag zom Thema Gietle / Stiggle: i han em WòtsÄbb-Jòhrgangsdschätt vo meim Hoimetdorf nòchgfrògt, endressande Ergenzong: A Gietle hoißt dòrom eher a Ledle (=Ländle) on isch eigentlich emmer Eigatum. A Schdiggle kã au pachdet sei.


    I vrmut enzwischa dass des Gietle tatsächlich reladiv eng regional em Großraum Reitlenga vrbreidet isch (a Reitlenger Fraindin kennts au, die han-e heit gfrògt); scheints ben i doch durch meine vieradreißg Jòhr Reitlenga maih brägt als-e denk.

    #46Author Goldammer (428405)  23 May 22, 19:51
    Comment

    Jetz hennamer alle sWort ausem Mund gnomma, sodasse garnixme zom schreiba honn. Echd luschdig - honn an Gedangka im Hirn, lies da näggschd Beitrag und scho henners davo. Sogar, des middem idpräsenta Senzla.


    Opale, deine Bildla sin geil (i woiß, geil saitma nimme - ischmr abr wurschd)

    #47Author Moi Gab (456541) 23 May 22, 20:32
    Comment

    Hach, meddeme soome roode Änddsche binnisch inn de Neinnzische alls noch erommgefaa (ßwaa awwa nedd meins, isch hodds nua fomme Freind ausgeleend gehadd) ... unn so langge Hooa hoddisch noch nii gehadd ...

    :-))

    #48Author no me bré (700807) 23 May 22, 20:41
    Comment

    Gietle on Schdiggle.


    Erschdamol: a Schdiggle isch oimôlig. :-)


    Die ander Bedeidong vo "Schdiggle" isch die i kenn isch di gleich wie die wo d'Goldammr au gmoint hot: a Nutzgärtle (en dem Derfle, wo i uffgwachsa ben, hen die "Kraugärda" (Krautgärten) ghoißa. I woiß net, ob "Kraugärda" a Sinonim fir Schdiggle war oddr ob des dr Noma vo dem Gewann gwä isch. Heit schdehn do Oifamiljaheisla druff.


    "Gietle" hao i ao scho ghert, abbr i woiß net, ob des en meim Hoimatdorf war oddr schbädr em Schdudijom en Diebenga. A rächde Vorstellung vo der Bedeidong vo "Gietlke" hao i abbr net. Vom Bauchgfiehl dät i des ehnlich wie d'Goldammr säha, also koi Schdiggle sondern greßr halt. On au net obediengt bloß Nutzgarda. Ob des aber au en Hiweis uff Eigatum (em Gegasatz zum Pachtgrondstick) isch, kent i net beandworda.

    #49Author neutrino (17998) 24 May 22, 09:40
    Comment

    scheints ben i doch durch meine vieradreißg Jòhr Reitlenga maih brägt als-e denk.


    Bei mir hend nei Jòhr groichd, dia ne em Aldkrais Nierdenga glebd hao, om vom "i han" uf "i hao" omgschuald z' werra. ;-)


    Erschdamol: a Schdiggle isch oimôlig. :-)


    Echd? Wo mr doch laufend vo denne beschossa werrad. ;-)



    #50Author opadeldok (1319435)  24 May 22, 10:02
    Comment

    Osr Schdiggle isch halt a Gschafthuabr - emmr ond iebrall!

    #51Author Selima (107) 24 May 22, 10:53
    Comment

    Danke Schdiggle! Mei Hibbothese isch weiderhin gschditzt, dass des mitm Gietle hierrom regional reladiv begrenzt ieblich isch.

    #52Author Goldammer (428405) 25 May 22, 14:19
    Comment

    'S war enrdessand ond schee geschdern nachmiddag.


    I be jâ eggschdra ondr dr Woch mid ra nâganga, weil 's am Wochaend oddr en de Feria wahrscheindz grammlt voll isch. Abbr so leer wia 's geschdern war, hedd e mr 's nedd vorgschdelld. Außer ons warad no drei andre Bsuachr dâ. Dia zwoi Dama, dia oi machd d' Kass on Enformadzio, dia ander s' Café, hend mr richdig loid do. Dia warad richdig froh, wo mr hendrher no a Schwädzle mid deana ghalda hend.


    Der Bsuachermangel ondr dr Woch fihrd hald drzua, dass dia Ausbrobier- ond Midmachschdadziona mid neamerds besedzd send. Schad, abbr vrschdändlich. Sie mechd obedengd no amòl, am Wochaend oddr en de Feria, nâganga. Gugga mr mòl, 's isch jâ nedd weid weg vo dâ wo se wohnad.


    Heit hao no ao no mai neie Foddogalerie ferdiggschdelld: Rundwanderung Tobelschlucht - Bodenbachschlucht .


    Dia hao ne heit morga scho amòl boschded ghet ond hao se hendr her vrsehendlich bei "abload" gleschd. Nâ wär der Lenk ens Leere ganga.

    #53Author opadeldok (1319435)  25 May 22, 14:24
    Comment

    Scheene Bilder, opale!

    Han grad guhglet wo die Schlucht isch.

    #54Author Goldammer (428405) 25 May 22, 18:25
    Comment

    Absolut be-eidruggende Bildr, Opale. Leidr a wengle zweit futt vo mir. Abr wahrscheinz bessr fr di. Da hettschme sonsch wia an Klotz am Fuaß. Laufsch du eigendlich immr ganz alloi? Alloi isch zwar räat schee, abr i draumes faschd nimme.

    Mir wared geschd dô https://www.komoot.de/smarttour/82139 laufa, henn abr no an Schlenkr dazuagmacht.


    Bai ße wei: Alle Babba dô hinna an schena Babbadag winsch!!!!

    #55Author Moi Gab (456541) 26 May 22, 10:08
    Comment

    Des isch abbr ao a scheene Ronde. Viel Wald, kloine Seea, älles grea ond dord gmiadlich laufa ond geniaßa. Was will mr meh?!


    Wega de be-eidruggende Bildr. Bildr vermiddlat hald emmr blooß a zwoidimensionahle Sichd, beaidruggend isch 's erschd richdig, wenn da midda drenna schdohsch. Abbr mir machd 's oifach Schbass, eich maine Aidrigg vo de ondrschiedliche landschafdliche, geologische, dobografische, doils ao bodanische Verhäldnis en mainr erweiderda Omgebong zom zoiga. Ond i frai me ao wenn e vo eire Toura les ond Bildr seh, von Gegenda, dia mir no obekannd send.


    I kennd mr iebrigends schlemmere Kletz am Fuaß vorschdella. ;-)


    Jâ, zur Zeit lauf e alloi. Vo maine Bekannde send dia oine koine Wandrer, dia andre kennad nemme oddr du muaschd se zom Wandra draga. Ond nâ gibd 's no dia Weddrfiehlige wo fembfazwanzg Grad z' wam ond fuffzeah Grad z' frisch send. Abbr i hao ao dâ d' Hoffnong no nedd ganz uffgeah, dass e amòl wiadr welche midziah kâ.

    #56Author opadeldok (1319435)  28 May 22, 13:35
    Comment

    Sedde scheane Wandronga kan i laidr nemma mache, do dond meine Fieß nemma midd. I bruuchd an Rollador, dass i alle femf Minudda ausgruebe kaa. Bloss s Ibaike gohd no, weil i drbei naahocke kaa ;-))


    Schdadd Foddos vom Wandre haoni a  Foddoräzl uss meir Wohnong.

    Wäe waiß, was des isch?

    #57Author manni3 (305129) 29 May 22, 11:13
    Comment

    I häb beinóh gsait, dass des a Makro-Uffnahm vo ra missgliggda Lippauffschbridzong isch. ;-)


    A Bliade bzw. Bliadaschdembl vo ra Orchidee?

    #58Author opadeldok (1319435) 29 May 22, 11:50
    Comment

    Haiß 😉


    Abr misslongene Libbeaufschbridzong mit Hyaluron wär oo a guede Idee 🤣

    #59Author manni3 (305129)  29 May 22, 12:44
    Comment

    Zwoidr Vrsuach: Amarillis? Abbr dia bliaht, wenn e me reachd erinnr, normalerweis em Wendr.

    Driddr Vrsuach: Klivie?


    Nâch drei Fehlvrsuach scheidad mr aus, gell.

    #60Author opadeldok (1319435) 29 May 22, 13:06
    Comment

    Oin Vrsuech gschdand i dier no zue - ausnamsweis, weils du bisch 😇

    #61Author manni3 (305129) 29 May 22, 13:13
    Comment

    I komm nedd druff. Ledschdr Versuach: Kâ mr 's essa?


    Ansonschda geb e ab an die holde, bodanisch bewanderde Damaweld.

    #62Author opadeldok (1319435)  29 May 22, 18:33
    Comment

    Esse duebas idd 😕


    Abr wisse mechd i scho, wievihl vo dr holde Dameweld in Schbiegl lueged ond ihre Libba kondrelliered 🧐

    #63Author manni3 (305129)  29 May 22, 21:26
    Comment

    Kännd dass eh Hibbisskuss senn ? ... nua soo fonn de Faab häa ... unn weill mass meddemene Kuss schreiwe kann ... :-)

    #64Author no me bré (700807)  29 May 22, 21:55
    Comment

    Noi, Bréle - koi Hibbi, koi Biss ond koi Kuss 😏

    #65Author manni3 (305129)  29 May 22, 23:07
    Comment
    I han koin blassa Schimmer...
    😯
    #66Author Goldammer (428405) 29 May 22, 23:17
    Comment

    Mir dät no Löwamaul aifalla, abbr des isch jâ koi Zemmrbflanz.


    I gang jetzat en d' Kisch, womeglich embfange dord dia geddlich Aigebong. ;-)

    #67Author opadeldok (1319435) 29 May 22, 23:26
    Comment

    Manni, asso, i woiß au id, wa des isch. I honn zersch as Akwarium dengkt. Abr jetz: schö donn ma langk o scha.


    I honn grad an Ahruaf in Englisch aufs Händi griagd - mein Ausweis sei missbrauchd worra. Wa binni froh, dasse koi Englisch id ka. Dia Dräggschbatza !! I honn oifach aufglegd.


    Oh, mei Kindrschdub: Boschurle au no.


    und Edith moint no, i sott am Manni saga, dassen Huckepack draga dät, wenner mitmr wandra giengt.

    #68Author Moi Gab (456541) 30 May 22, 10:13
    Comment

    D'Narbe vonra Lilie?


    Gäbale, aa komm, denen hättsch doch en Deim scheaschda Schwäbich vrzella kenna, was dass Du heit zmidaag kochsch. Dia häddn see oo gfreit ;-)

    #69Author Selima (107) 30 May 22, 10:16
    Comment

    A Lilie war aigendlich ao oine vo mai erschde Idea, abbr als Zemmerbflanz isch se mr bisher no nedd bekannd gwäa.


    Wenn mi a obekannde Nummr âruafd, gang e iebrhaubd nedd nâ ond lass dr Âruafbendwordr âschbringa. Wenn e grad zu ma Schbässle uffglegd be, nemme ab ond meld me en maim gebflegdaschda Schdandarddeitsch mit "Württembergische Fettschmelze und Häuteverwertung, Guten Tag", nâ isch 's glei erledigd.


    I hao am Wochaend maine zwoi ledschde Toura vom 11. ond 13. Mai bearbeidad ond hochglada. Bei dr ledschda isch mr sogar 's Emmerle mid ihre Schweschdra begegnad.


    Rundwanderung Hohenrechberg (Des war dr ledschde vo de drei Kaiserberg. Dr Hohaschdaufa ond dr Schduifa hao ne 2020 bzw. 2019 erschdiega).


    Rundwanderung Juxkopf - Hüttlenwaldschlucht 


    Bis zur neggschda Wandrong hend'r jetzat a Weile Ruah. ;-)

    #70Author opadeldok (1319435)  30 May 22, 11:00
    Comment

    Opale, pferleicht hoddr Manne an Liljenschdrauß fr sei Liabschde kofft ghet ghabt ond vordr Iebrgabe noch gschwind foddografiert.

    #71Author Selima (107) 30 May 22, 11:15
    Comment

    Woiß mr 's? So an Schdrauß vrschenkd mr abbr blooß an Dama von hohem Gebliete. ;-)

    #72Author opadeldok (1319435) 30 May 22, 11:25
    Comment

    Noi, des isch koi Lilije idd ;-)

    #73Author manni3 (305129) 30 May 22, 11:43
    Comment

    Na saggsches oos halt.

    #74Author Selima (107) 30 May 22, 11:50
    Comment

    Gnau Manni, sags uns !!


    Opale, merssile fr den schena Bildlaausflug.

    Wenne dia liabe gloine Vegala auf derre Dafl ahgugg, no regdsme grad wiedr auf - mir henn koine gloine Vegala me im Garta. Sin afanga bloß no große schwarze Kräa dô. Wa wellad dia bei eis? I honn dussa nix Essbares rumfahra und honn au koi Mischde me. Dafiar hots a elendlange Hegga, aus derras sonsch immr rauszwidscherrad hot.


    Opale, i nimm au sTelefon id ab, wenne dNummr id kenn. Abr diesmôl wars a Händinummr auf meim Händi und no honne halt gmoint, skennt äbber vo meine Großneffa odr Englkindr sei.



    #75Author Moi Gab (456541)  30 May 22, 16:08
    Comment

    Serschde Bild aglueget: Paprika?


    An Weihnachtsstern !!!

    #77Author Moi Gab (456541)  30 May 22, 20:08
    Comment

    DAu gugg naa, doch a Weihnachtsstern. Dean Ausschnitt hosch echt guad gweahlt ghett.

    #78Author Selima (107) 30 May 22, 20:16
    Comment

    Fenomenahl. Hädsch des Rädsel om Weihnachda rom gschdelld, wär e nadierlich soford








    ao nedd druff komma. ;-)

    #79Author opadeldok (1319435) 30 May 22, 21:41
    Comment

    Om Weinechde rom hadda abr oo no idd bliehd! S Foddo in #57 isch vom dridde Meez.


    Des send Scheahaida im Läebe, die wo ma normalarweis gar idd middkriegd. S isch a Aufnahm midd ar 84ar Brennweide ond ar Voersadzlinse mid +10 dpt.

    #80Author manni3 (305129) 30 May 22, 22:27
    Comment

    Soo siid ma mool, wiifill mee dassma meddeme Foodoabbaraad siin kann, alls wii medd dee eischene Aue ... doo kamma noch so genau soo eh Bliimsche aangugge, awwa soo wii off dänne Foodoos siid ma dass nedd ...

    :-)

    #81Author no me bré (700807) 30 May 22, 22:39
    Comment

    Dr Foddoabbrad ond dia reschdlich Ausrischdong alloi machad no koine guade Bildr. Abgseah vom dheoredischa Wissa iebr Blende, Belichdongszeit etc., isch des Aug firs Objeggd ond des Gschbier fir d' richdig Zeid dr Uffnahm endschaidend. Ond dia zwoi Sacha hòt dr manni ohne jeglichen Zweifl. I ziah main nedd vorhandna Huad.


    Nedd vorhandna isch gloga, i hao en maim Kloidrschrank no dr Huad vo maim Vaddr liega, den hòt 'r Âfangs dr Sechzger no ab ond zua beim Schbazieraganga draga.

    #82Author opadeldok (1319435) 30 May 22, 23:10
    Comment

    Nechd beni mibbm 9-€-ticked ind Gegnd vo dahoi gfahre, uff Fiesse. I be sogar dur des Doef gfahre, woni amohl zwai Johr lang Lehrar gwe be! Mei, isch des Allgai schea! S Panorama isch oo no s gleich: dr Braidebäerg ond dr Aggeschdoi vo Pfronde ond dr Seiling z Fiesse hand ausxäeche wie uff meine Kindrzaichnonga :-))

    Fiesse isch oo allad no räechd schea - hald volar Durischde. Noch drei Schdond hammr bFieß ond dHifde onz Kreiz drodz de vihle Bausa wäehdao, abr des bassd gued zue Fiesse. Nocha beni mea hoigfahre. S send gar idd so arg vihl Leid im Zug gwe ond i hao jezmohl an Fenschdrbladz kriegd, oo beim Omschdeige z Maisles-Doerf. Maisle, i hao dr gwonke - hasch mi xäeche?

    #83Author manni3 (305129) 02 Jun 22, 11:36
    Comment

    S'Allgei isch schee, des kane beschdädigga. Ibrhaubd isches bei eis im Sida schee. I dät näana andersch wohna mega.

    #84Author Moi Gab (456541) 02 Jun 22, 11:56
    Comment

    Em Allgai war e eher selda. I kenn 's also blooß vo kurze Uffendhald oddr vom Durchfahra. Abbr wenn e bei maine Wandronga, zom Beischbiel grad drledschd em Schwäbisch-Fränkischa Wald ällemòl dia Ordschafda mid ihre, sanfde sattgreane Hiegl, dia nedd bewaldad send, gseah hao, hao ne zua mr gsait: Der Âbligg erennerd me irgendwia an 's Allgair Albavorland.

    #85Author opadeldok (1319435)  02 Jun 22, 19:12
    Comment

    Des Bsondre am Allgaiar Albevoerland send hald dr Braidebäerg, dr Aggeschdoi, dr Seiling ond dr Teglbäerg am Horrezond, ond die send allad doo. Bei deane andre ehnleche Landschafda mueß i allad warde, bisses a baar bassnde Wolka geid ;-)

    #86Author manni3 (305129)  03 Jun 22, 01:46
    Comment

    Jâ, soddene Berg hend mr bei ons nedd zom biada. Abbr i hao soviel Fandasie, dass e se mr oifach, wenn e Lusch druff hao, em Hendergrond drzuadengk. ;-)


    Gäbale, des mid de Vegl wondrd me jetzat a weng.


    I wohn jâ en ma Induschdrievorord vo dr Großstadt ond bei mir vorm Fenschder fliagad ond zwitschrad zomendaschd Amsla, Maisa, Greaschbechd (der zwidscherd nedd, der lachd) ond no oi zwoi andre Arda, dia e nedd beschdimma kâ. Drzua nâ hoggd bei mir morgens ond âbends en dr Dämmerong a Kräakolonie mid a baar honderd Eggsemblar uff de Baim ond Dachfirschd ond verâschdaldad a Mordsgschrai. Dagsiebr siehschd von denne koine. Ond wenn dia gemainsam losfliagad, wird dr Hemmel schwarz.


    Aigendlich miaßd 's jâ grad omkehrd sai ond bei eich meh Vegl ondrwegs.


    I hao jâ neilich vrzehld, dass e mid mainr Enkelin ledchd Woch em Archäopark Vogelherd war. Am Daischdich hao ne erfahra, dass se mid dr Schualklass em Rahma vo ihrer Brojeggdwoch dr Dag druff ao dord nâ gangad. I hao abbr no nix ghert, dass se dr Lehrerin was erklärd häb. ;-)

    #87Author opadeldok (1319435)  03 Jun 22, 18:18
    Comment

    ädd oi zwoi andre Arda, dia e nedd beschdimma kâ - frog sEmmrle, die kennze aus.

    #88Author manni3 (305129)  04 Jun 22, 10:59
    Comment

    Desch schriftlich net ganz oifach. Was oft sauguat fongzjoniert isch dui Äbb:


    https://play.google.com/store/apps/details?id...


    Wenn a Vogl sengt, kã'sch's mitm Hendi ufnemma, eischigga, on dia schlaget dr Sekunda schbäder vor was se vrmudet was es gwä wär. Ganz oft schdemmt's. Wenn da näbaher schwätzsch odder a Audo vorbeifehrt odder oiner laut Holz sägt, sagt d'Äbb als Vorschlag: Homo sapiens


    Odder nadierlich wennda a Foddo heddesch...

    #89Author Goldammer (428405) 04 Jun 22, 11:16
    Comment

    Wenn da näbaher schwätzsch ...., sagt d'Äbb als Vorschlag: Homo sapiens.


    Schdemmd jâ ao. Der isch efders dr seldsamschde Vogl iebrhaubd. ;-)

    #90Author opadeldok (1319435)  04 Jun 22, 14:22
    Comment

    Uff meim Ballkooh uffm Ballkaah haoni ja a Gwirzmischong aabflanzd onz Bedrsill ond a baar andre hand ibrwendred.

    Jez kriegz Bedrsill lange Drihb midd Bliedeknoschba. Nocha haoni amohl guhgled, was uss deam wohl wäerd ond hao gfonde, dass sBedrsill zemle gifdeg wäerd, wenns Blieda dreibd ond ma solls uff koin Fall mea äeße. Des haoni oo no idd gwissd.

    I hoff, dass die baar Bläddla, die woni nechd uffs Frischkäsbrod dao hao, mi idd glei ombrenged. Bis jiez schbier i nix.


    I wäer hald an nuje Schdock koofe zom Äeße ond em alde beim Blieje zuluege ;-)


    #91Author manni3 (305129) 08 Jun 22, 09:13
    Comment

    Also i han a weng rescherschiert, manni. Was dò gifdich isch isch hauptsächlich 's Apiol. Desch des worom dr Pederling manchmòl frieher gega Menschdruatzjonsbeschwerda odder fir Abdreibonga vrwendet worra isch. Weil i jetz oifach amòl ãnemm dass du et schwanger bisch on au koine Menschdruatzjonsbeschwerda hòsch, glaub e et dass da Brobleme griegsch...


    (Des "harmlose" alde Liedle "Petersilie Suppenkraut wächst in unserem Garten, unser Ännchen ist die Braut, soll nicht länger warten" soll an Hiweis dòdruf sei, dass-es Ännchen ledich schwanger worra isch on mr des Broblem jò oifach ausm Garda lesa kennt....)

    #92Author Goldammer (428405) 09 Jun 22, 08:44
    Comment

    I gloob o idd, dass i mi glei gfäehrlech vrgifded hao.

    Abr sedde Sädz hammi oifach doddahl ibrraschd, weil i drvo no nie nix käerd kedd hao. Hasch du des gwissd?


    Das Kraut blüht in den Monaten Juni bis Juli. Während und auch nach dem Erscheinen der Blütendolden ist der Verzehr des Würzkrauts gesundheitsschädigend.

    Merke: Die Petersilie ist nicht mehr genießbar, geschweige denn essbar!

    Es hilft dabei auch nicht, wenn die Blütenschäfte regelmäßig entfernt werden, denn diese wachsen erneut nach und die restlichen Pflanzenteile enthalten sowieso das giftige Apiol in bereits hoher Konzentration.

    etc. ... - was du oo scho gschrihbe hasch.


    Ond noi, i hao meinr Läbdag no nie koi Menschdruazbroblehm idd kedd ond mei Bauch kudd idd vonar Schwangrschafd, äjer vo de Nudla ond Buddrbredzga. Ob doo dr bliejende Pedrsill veleichd hilfd? ;-)

    #93Author manni3 (305129)  09 Jun 22, 10:46
    Comment

    I denk uf soddiche Seida wird oifach brofilagdisch sehr deitlich gwarnt vor megliche Gfahra. Dass mr Leber- on Nieraschäda griega kann han i et gwisst. Abber dòdrzua brauchts au sicher maih wia a baar Blättla Pederling voma bliehenda Schdrauch.


    Ob's gega dr Budderbrezlbauch hilft - dò sen scheints die wissenschaftlichen Ondersuchungen no-et abgschlossa. Keedesch jò amòl a Feldschdudie mit n=1 Vrsuchspersona schdarda!

    #94Author Goldammer (428405) 09 Jun 22, 11:05
    Comment

    Brofilaggdesche Aussaga - des isch berujigend ;-)


    Die Feldschdudie mit n=1 haoni heid Voemedag glei amohl konsekwendt weidrgfiehrd - danke fier dErmondrong. Abschließnde Ergebnisse daured no a wenk. I wäers bei Voerligen noch ar lengre Vrsuechsraije omgejend vreffndliche ;-)

    #95Author manni3 (305129)  09 Jun 22, 11:19
    Comment

    'S hoißt jâ emmr, dass d' Dosis des Gift machd. Je nach Dosis hòschd andre Ergebnis. Em ginschdigschda Fall, wachsad dr hald Pederlingsbischel aus de Ohrwaschln. ;-)

    #96Author opadeldok (1319435) 10 Jun 22, 13:45
    Comment

    Wie em Obelix beim Troubadix 🙉

    #97Author manni3 (305129)  10 Jun 22, 14:51
    Comment

    Oh, potenfördernde Wirkung !! Hosch gläasa, Manni?


    Und a Bidde hetti no, Manni. Sobald da mit derra Schdudie fertig bisch, kennschmr bidde sErgäbnis zuakomma lossa? Da Schose hot nemmlich au a Ranzabroblem (so siebda/achda Monet däte saga).


    Boschurle au no, meine herzallerliabschde Schwäbla 🙂

    #98Author Moi Gab (456541) 11 Jun 22, 12:09
    Comment

    Des midd däer Schdudije kaa se no heezieche, mei Gäbele:

    Im Momend lihs i grad Scheiksbiers ZäsAr ond des schdirzd mi in arge Gewissnsneete:

    "Let me have men about me that are fat,

    Sleek-headed men, and such as sleep o' nights:"


    Was moinsch Du drzue, dass dr Schose ond i so belihbd send mid eisrar Figur???


    #99Author manni3 (305129)  11 Jun 22, 15:27
    Comment

    Bei deam Thema kenn e me nedd so aus. Abbr ois wois e, dass prägnande Beich nedd obedengd pregnant send. ;-)


    Ond beim Zäsar seine Gelage ond Orgia wär e, mangls Erfillong dr erforderlicha Griderija, sichr ao nedd aiglada worra.

    #100Author opadeldok (1319435) 11 Jun 22, 16:08
    Comment

    Hmm, wa moine do dazua? Well so a harmonische Kugl em Erdball ähnlt, so wanderfull daun tu örs isch? So schee zu eich zwoi basst? Mit Liebe agfressa worra isch? Mueß ersch a wengle driebr hirna.


    Opale, hedsch du au a Ränzle zom biata? No wäreder a begehrenswerts Drio.


    I lies grad "Der physiologische Schwachsinn des Weibes" vom Dogdr Möbius. Waffwaff, seeehr indressant und amüsant und lehrreich. Kennader des ?

    #101Author Moi Gab (456541) 12 Jun 22, 11:40
    Comment

    Gäbale, noi, mid ma Ranza/Ränzle kâ ne laidr (oddr fir mi erfrailichrweis) nedd diena. I be scho seid zig Jâhr beim gleicha Gwicht (70 +- 1) ond hab friehr gfressa wia an Schainadrescher.


    Wia ne friehr no Handball gschbield hao ond mr uff Auswärdsschbiel oddr -turnier warad, send mr efdrs uffm Hoimweg ondrwegs no zom Essa ganga. Wenn i main Dellr leer ghet hao, war e dann dr Reschdeverwerdr vo de Andre, dia ihr Bordzio nedd gschaffd hend. Oinr hòt dann dean Schbruch bròchd: "Wenn mr di nedd häddad, miaßdad mr ons gladd a Sau kaufa".


    Des Buach kenn e ao nedd. I kenn me also wedr midm fisiologischa no midm bsichologischa Schwachsenn aus. ;-)

    #102Author opadeldok (1319435) 12 Jun 22, 12:59
    Comment

    Zue deam Buech ond de Autor haoni grad wikipedalisierd ond a Nochfolgewerk gfonde:

    1905 veröffentlichte Max(ie) Freimann eine satirische Antwort auf Möbius’ Essay mit dem Titel Über den physiologischen Stumpfsinn des Mannes. *hihi*

    #103Author manni3 (305129) 12 Jun 22, 14:20
    Comment

    Mi dät dMoinat vo unsre Mädla indressiera, wennse sich denn dazua aufraffa kenntad des Buachs zom läasa. Vegale, wia wärs??


    Opale, schee fr di, wennda koi Ränzle hosch, abr au schad. S'hott so äbbes Beruigendes an sich, mit da Hand ibr so Erdbälle zom schdreichla.


    Mir griaded glei Bsuach vom Bua (der wo in A war). Er kommt mit Schatz und Kind un no bleibad se fr a Woch.


    Siejuuuuu !

    #104Author Moi Gab (456541)  12 Jun 22, 15:20
    Comment

    Von deam Buach haune scho efdrs amol gheart ond woiß so oogfähr, was denna schdodd. Abr i woiß idd, obneme aufraffa kaa, deam Herrn Mebijus seine Ergüsse zom leasa ;-)


    Vill Schbass, Gäbale, mim Bua ond seir Bagaasch.

    #105Author Selima (107) 12 Jun 22, 15:26
    Comment

    Mei Gäbele, a guede Zeid mibbm Bue ond seir nuje(?) Famille. S goht em scheinz gued. Des isch doch schea :-))


    Sedde Figura wie du oine hasch, Obbale, fend i oofäehr 😟

    Dr Fridz, mei Klareneddlespardnar, isch oo so oina: Wenn i de Kueche bloss aaluege, mueß i de Girdl a Loch weidr mache ond äer nemmd oi Schduck noch m andre ond bleibd schlank!

    #106Author manni3 (305129) 12 Jun 22, 23:04
    Comment

    I hao mr uffm Brojeggd Gutenberg.de grad dia Vorword zu de erschde Ausgaba vo deam Mehbius saim Buach durchglesa. I be ausm Kopfschiddla nemme rauskomma. Beim erschda Absadz vom Buach selber be ne dann ausgschdiega. Mi wondrd's blooß, dass dia Ergiss meh als oi Ufflag erlebd hend, d' Marie Curie war jâ zu der Zeid ao scho bekannd ond hòt deam saine Thesa durch ihr Forschung scho widerlegd ghet.


    Manni, i kâ jâ ao nix fir maine Gene. I be hald an guadr Verbrenner. Abbr i werd jâ eh en a baar Jâhr verboda. Mól gugga, ob e dann mai Gwich no halda kâ. ;-)

    #107Author opadeldok (1319435) 13 Jun 22, 00:24
    Comment

    Wennd zuenemmsch, muesch dein Schdoffwexlakku bloss ompohle ond di am Minus aaschließe ond sPluss erde ;-)

    #108Author manni3 (305129)  13 Jun 22, 11:39
    Comment

    Wenn e, als eleggdrodechnischr Laie, beim Ompohla nedd uffbass, kennd des ondr Omschdänd mai ledschde Kurzschlusshandlong gwea sai. ;-)

    #109Author opadeldok (1319435) 13 Jun 22, 13:05
    Comment

    Muesch nasse gäel-grea-gschraifde Sock aanemme als Erdongsschudzlaidar ;-)

    #110Author manni3 (305129) 13 Jun 22, 19:28
    Comment

    🙂 🙂

    #111Author twocents (460778) 13 Jun 22, 23:22
    Comment

    😉

    #112Author manni3 (305129) 14 Jun 22, 00:10
    Comment

    Bei dr Befolgong von soddane Radschläg isch mr mid Sichrhaid an Kranz uff'm Grab garandierd mid dr Inschrifd: "Er stand ständig unter Strom, aber nun ist er geerdet. Gute Reise! Ihre BG ETEM".


    ;-p

    #113Author opadeldok (1319435) 14 Jun 22, 02:01
    Comment

    I han mr grad schier s' Greiz vrlupft beim Bemieha, des Fädele aus dem Sumpf des Vergessens rufzomhola!


    Leitla, wa isch los? Mò sendr vrsumpft? Hoffentlich isch kois en dr Hitzewelle vrdricknet!


    I lass es zor Zeit ruich ãganga. Mr sen scho widder a baarmòl of dr Riläxliege am Linsabiehl gwä on hen Sonnaondergeng ãguggt. Des entschlainicht oin wia susch fascht nix.

    Momendan isch d' Sonn am weideschda rechts dieba wenn se nondergòht. Schbannend, was des fir a Schdregge isch zwischa de Ondergangspunkt vo dr Sonne, zwischa Winder- on Sommersonnwende. Han-e vorher no nia so gnau mitgriegt.


    Mit meira Nichde, die wo fir a baar Dag dò gwä isch, ben-e uf drAlb bei Hayinga gwä on mr hent kardiert - älle Bflanza ufgschrieba wo mr gfonda hen on beschdimma hen kenna. Mir sen schdolz wia Bolle gwä, weil's ieber zwoihondert vrschiedene gwä sen am End voma langa Dag. Wer's genauer wissa mecht, em Grossouwerdschädd drieba isch grad reladiev ruich, dòrom hen dr Wik o i a ausfiehrlichs Gschbräch dòdrieber laufa.

    #114Author Goldammer (428405)  22 Jun 22, 12:06
    Comment

    Ja dr Wahnsenn, ibr zwaihondrd! Saubr!!!!


    Des erinnred mi an a Wandrong vom Kenigsäe nauf ibrs Schdeinerne Meer zom Riemannhaus im Nazenalbark Berchtesgaden.

    S isch oir drbei gwe, däe wo se uff sei Briefong als Landchafzarchedeckd voerberaided had. Mier send zwar frie losgange, send abr bloss bis zuer Wassralm komme, voers schdockdonkl gwe isch, weil däe Kerle voer jedam Bflenzle ond Bleamle schdau bliebe isch ond in seim Bildrbuech de deidsche ond laddeinesche Name xuechd hadd ;-)

    #115Author manni3 (305129)  22 Jun 22, 13:04
    Comment

    😂

    Genauso lauft des.

    Mir sen segs Schdond em Gelende gwä on velleicht femf Killomeder gloffa. Ãgfanga hemmer iebrigns ufm Friedhof vo Hayinga. Friedhef sen meischdens wahre Paradiese fir Wildpflenzla. Uf de Weg, om d' Kapell rom, am Friedhofsmeierle on uf õbelegde Grabschdella isch a botanische Vielfalt, dò schlaggersch mit de Ohra.

    #116Author Goldammer (428405)  22 Jun 22, 13:34
    Comment

    Ibregenz zwecks schier s' Greiz vrlupft:


    Drom haoni eggschdra die Form --207--Alemanne... --207-- erfonde, dassba eis leichdr fendt. Dees Disain hadd soschd neamad. Lubfe mueßba abr drotzdeam mankmohl, do kaasch nix mache als reglmäßeg dräniere. Kieser soll gued sei fiers Kreiz .-)

    #117Author manni3 (305129)  26 Jun 22, 10:44
    Comment

    Manni, fir des Disain häddschd abbr scho an hochdodiarda Disainrbreis verdiend ghet. ;-)


    Wenn mr erschd mid dräniera âfangd ,sodd mr des abbr mid leichde Gwichd macha, sonschd isch 's ehr kondrabroduggdif. Ond dass i me nedd vrlupf, lupf e des Fädale hoch bevor 's widdr uf dr zwoida Seid vrschwendad.


    Des mid derra Schdudie vo dr Uni Diebenga, wo se feschdgschelld hend, dass d' Kendr en Badà-Wirddaberg emmr weniger Dialeggd schwädzad, hendr sichr midkriagd. Dâ drzua isch geschdern a Glosse en dr Schduagardr Zeidong kommà, wo des a bedroffana Muadr ao beklagd: Mama, da sind Feerde! 


    Ond i kembf ao weidr gega dia Wendmiehlafliegl vom Schualbedrieb â, ao wenn 's aussichdslos isch. :-(


    Boschd schgribbdumm: Des hao ne grad no uff dr Seide vom SWR gfonda: dialekt-studie-in-tuebingen

    #118Author opadeldok (1319435)  28 Jun 22, 11:08
    Comment

    Hehe. Aus dera Schdudje, wo sOpale vrlenkt hat:

    "In Bayerisch-Schwaben wird der Dialekt von den betreuenden Personen im Kindergarten viel häufiger als schön, als wichtig und als Vorteil angesehen als das in Baden-Württemberg der Fall ist. Und wird Dialekt bei einem Kind als positiv empfunden, so steigt der Anteil der Dialekt sprechenden Kinder."

    Prof. Hubert Klausmann, Universität Tübingen


    Danggschêa, Opale!

    #119Author twocents (460778) 28 Jun 22, 18:14
    Comment

    so, jetz honne grad mein oina Schläbbi, den, wone all Schaltjôhr môl nimm, hochgfahra und da Leo aufgmacht und war direggd agmeldat. Hä, wia ka des sei? I meldme immr ab und in Leo gange sonsch amml middem andra Schläbbi und i dem ware heit au scho uagmeldat im Leo-Wertbuach dinna. Hmmmmm


    Wars bei eich au so hoiß? S'Schenschde a da Rente isch, dassma dahoim da ganz Dag in da Undrhos rumrenna ka. Wenn meglich, däte abr am Liabschda middem Amoisel zämma Bfiaß in da Lech neihenga.


    D'Edith sait guats Nächtle und i sollme au räat abmelda (wo dia sich ibrall eimischd!)

    #120Author Moi Gab (456541)  28 Jun 22, 20:53
    Comment

    I ben heit uf drAlb gwä on han Bflanza kardiert. 's isch eigentlich ejer kiehl gwä.

    #121Author Goldammer (428405) 28 Jun 22, 21:33
    Comment

    Bei eis isch oo äjer kiehl. Abr uff meim Ballkooh uffm Ballkaah send heid moeges drodzdeam elf vo deane blaue Pronkwinda trikolor aufgange :-)


    Mei Gäbele, zue waas abmelde? Des due i nie - fier de Fall, dassbrs Dorrisle a PM schreibe will! 😉

    #122Author manni3 (305129)  29 Jun 22, 11:02
    Comment
    I wink dr grad, opale! Hòsch me xäh? Mir fahret mitm Nei-Eiro-Ticket nòch Fraidaschdadt.
    #123Author Goldammer (428405) 29 Jun 22, 11:43
    Comment

    Des wenn e friahr gwissd het, nâ wär e en maim Sonndichshäs mid ma Dransbarend als Verdredr der ordsâsässiga Bevelkrong am Bâhschdaig gschdanda. Ond wenn e des no meh friahr gwissd het, nâ het e ao no a Blâskapell organisiera kenna. ;-)


    I wensch eich viel Schbass ond a guads Weddr am Marktbladz mid saine Arkadà ond dr faschd oinzigardigà Schdadtkirch. Vielleichd no an Schbaziergang em Teuchelwald.


    Des send maine Erinneronga aus dr Schualzeit, wo mr em Schuallandheim waràd. Drnach war e glaob blooß no oimòl dord, so Âfang bis Midde dr Siebzger, als jongr Erwachsner.

    #124Author opadeldok (1319435)  29 Jun 22, 12:55
    Comment

    I dät eich dohinna so gäre äbbes Gscheits schreiba, abr sfalltmer nix ai - schö donn ma langk o scha 😉


    Ajoo, i lies grad "Irisblütenmord" vom Julian Biberger. Dia Gschicht schbielt dô, wone aufgwaxa bin und an Doil vo de Leit schwätzd wianes Maul gwaxa isch. Scheeeeeee!! In derra Gschicht kommt da Nachtfraul vor. Des erinnerradme dra, dassma uns Kindr immr eibläut hot, hoimzkomma, wenns dungkl worra isch.


    Homme grad gfroged, wia ma dia schwäbische Passahscha in a andre Schbroch ibrsetza kennt. Des gôht glaube id, do isch da ganze Scharm weg.


    Häff a naiß Deile, Schbätzla!


    D'Edith wett no äbbes wissa: Vegale, wia wars in FDS? Und, war da Zug grammlet voll?

    #125Author Moi Gab (456541)  02 Jul 22, 09:50
    Comment

    Gummoin mei häadsallaliibschdes Gäwwelsche !


    Isch hann jedsade wedda aangefang schwemme ße geen ... woo dii Doggdasch mas wedda äalaawe duud ... gudd duun duuds ! Heid wäa ma awwa ßefill Bedriib ... doo geenisch dann noom Wocheänn wedda ... moinns, wanns scheen rujisch ess ...


    Isch winsch da aach eh scheena Daach ! ... unn iwwahaubbds, Eisch allegaare aach ! :-))

    #126Author no me bré (700807)  02 Jul 22, 09:56
    Comment

    Schwimme wär a guede Idee - i waiß oo idd, warom i idd gang. S mißd mr grad ebbar an feschde Dridd ins Fihdle geah!


    Bréle, warom haz dr dDeckdre vrbote kedd? I glob, vo deam haoni gar nix middkriegd kedd - odr i haos meah vrgäeße.


    Mei Gäbele, Kadzezonga mag i fei gäere, kaasch mr oo a baar schicke 🤭

    Uff Franzesesch wäeba an Dialeckd schwäer ibrsedze kenne. Die hand ja faschd koi meah. Veleichd uff Ch'ti?? Frog amohl de Schose! Hadd däe an Dialeckd?

    #127Author manni3 (305129)  02 Jul 22, 10:21
    Comment

    Grad schee, dasses Brelele wiedrmôl reigluaget hot. Schwimma isch genial. I sott au môl wiedr. Abr irdgendwia hottmers zviel Leit.


    Manni, komm her, i gibder den gwinschda Dritt. Abr bloß, wenndamer au oin gibsch. No kenndamer zämma ganga. I honn ibrigens au nix davo middgriagd, dasses Brelele a Schwimmvrbod ghett hot. Dabei hoißts doch, Schwimma sei fr älles guat.


    I gang morga vielleicht wandra. Fuffzeah Kilomedr und sechhundert Hehametr. I giengd gern, abr fielme ibrhaubd id fit. Alts Weib halt 🙁


    Am Brele no a Nordwindle zuawirf und am Manni da Reschd vo da Zung rausheng. Meh goht id, honn älls de Katza gäa. Do Schose hettno a wengle Schogglad in seinr Siaßigkeitaschublad. Milka, wia wärs dodamit?


    Uff Ch'ti Manni ? Do dät abr dGegand id dazuabassa.

    #128Author Moi Gab (456541)  02 Jul 22, 12:07
    Comment

    Dofinowà?

    #129Author manni3 (305129) 02 Jul 22, 19:14
    Comment

    Gäbele, in Fraidaschdadt ischs schee gwä. Mr sen om den ganza Blatz mit de Arkada romflaniert (nachdem mr vom Bãhof nadierlich mitm Bus ens Schdädtle nufgfahra gwä sen, alles em Tigget inbegriffa), mr hen die schee Winklkirch en oim Eck ãguggt. Em gegaieberliegenda Eck isch d' Bolizei, au ema schena Winklhaus. Dòdrvor han-e (weil mr da Botanigerblick oifach et abschdella kã....) a endressants õgwehnlichs Gräsle en de Ritza zwischa de Bladda entdeckt. En Kaffee hemmer au no dronka, leider et en dem beschda Café am Blatze, des hòt Ruedag ghett.

    Also d' Zugfahrda waret insgesamt lenger als wia dr Ufenthalt en FDS. Abber so ischs jò au blant gwä. Mir hen ons bewusst die Gäubah-Strecke rausgsucht ghett, die isch landschaftlich sehr schee. Scho d' Fahrt ausm Schduagerter Kessl raus nòch Vaihenga nuf isch glasse. On nò durch mei Hoimetgegend: Herraberg, Nebrenga, Bondorf, Hochdorf on so weider - gwer durchs Obere Gai, on nò en Schwarzwald nei on ieber a baar schene Brigga. Dr Zug isch lodderleer gwä - wer will scho mittwochs vo Schduagert uf Fraidaschdadt nuf? Bloß a baar schbennade Rentner wia mir. Mr muaß halt ieberlega wo mr mit dem Nei-Eiro-Tigget nãfehrt on wann. Dr Zug vo Reitlenga nòch Schduagert war gut besetzt, abber et iebervoll.

    Also wemmer werdags fehrt on et grad uf de Brennpunktschdregga isch des scho a guade Meglichkeit zom a bissle romkomma em Lendle.


    Opale, desch etz abber echt schad mit dem Sonndichhäs on dem Dransparent on dera Blòskabell! Des hett mr scho gfalla!

    #130Author Goldammer (428405)  03 Jul 22, 15:50
    Comment

    Re #120: Bal du di ameldsch, werd a Kukie auf dem jeweiliga Rechner gsetzt. Wahrscheinle hasch du di auf dem alte Rechner net abgmeldet ghabt und warsch deswega glei dabei.

    #131Author bluesky (236159) 03 Jul 22, 17:25
    Comment

    manni, i han amòl a schwäbische Grammadikfròg, i ben grad a bissle vrnaglt on blick's et.


    Wemmer em Schwäbischa secht: es hòt ebbes zom essa on zom drenka geba - schreibt mr dò jetz essa on drenka gloi, weil des en dem Zammahang verbal zu vrschdanda isch - wie em Standarddeitsch: es gab etwas zu essen und zu trinken

    (so wär mei Schbròchgfiehl)

    Wenn des schdemma dät - wo dät denn nò des m herkomma?


    odder


    isch des wega dem zum a grundsätzlich andere Konschdrukzjoh: zum = zu dem, also muss a Subjekt folga: es hòt ebbes zom Essa on zom Drenka geba?

    (Des sieht nòch meim Gfiehl bled aus).

    Hingega bei "I ben zom Essa eiglada" - do sieht's richdich aus weil des eideidich die Mahlzeit isch zu dera wo i eiglada ben.


    #132Author Goldammer (428405)  03 Jul 22, 17:29
    Comment

    Also des isch a Overschämheid, bessr an bersönlichr Affroh, dass des beschde Café an Ruedag ailegd, wenn so hohe Gäschd aus Reitlenga Fraidaschdadt die Ähre gäben. ;-)


    Des mid dr Gaibâh aus Schduagard naus isch womeglich nemme lang meglich, wenn d' DB des durchbrengd was se vorhend. 'S wär ewig schad.


    Iebr des mid dr Grammadigg en Bezug uff "zom Essa ond zom Drenka gea" be ne ao scho efders gschdolberd. Maischdens hao ne s' Kloine ens Große abgänderd ond war mr drodzdem nedd sicher.


    Jouschden, ääh Manni, wir haben ein Problem. ;-)

    #133Author opadeldok (1319435) 03 Jul 22, 19:24
    Comment

    Die Frog isch mr oo scho efdr komme ond i entschaid mi ganz formalischdesch fierd Groeßschreibong, weils uff Hoechdeidsch oo so isch ond ma se leichdr midd Läese dued, obwohl i scho oo glob, dass des oifach dDialeckdform vom normale Infinitif isch.


    Weil abr Schwäbesch koi schdandardesierde Schbroch idd isch ond drom koi schdandardesierde Gramaddeck ond Rechdschreibong idd hadd, isch es oifach Gschmaxsach, ob ma midde Schdandards vom schdandardisierde Hoechdeidsch gohd odr idd, odr ob ma se an andre Schbrocha orjendierd. Ma konnd ja oo alls kloi schreibe wied Englendar in iehrem Insldialeckd ond Gremms Buebe im Wäedrbuech ond dr Schdefan George ond wie dr äeschd Endwurf vor Rechdschreibkommissjooh gwese isch (bissd Boliddickar dNoedbrems zoche hand, weil se Angschd voer am Folxaufschdand kriegd hand, die Hosescheißar.)


    Es beißze do hald die schwäbesch Kadz in Schwanz, weil mr im sogenannden "orthographischen Dilemma" [scheas Woed, gell! Haoni grad erfonde 😉 ] gefangen send:

    Mier kenned alls - sogar Hoechdeidsch! Ond des hammr jiez drvoo ;-((

    #134Author manni3 (305129)  03 Jul 22, 23:16
    Comment

    Ah, vielen Dank Jouschden...ehm, manni!


    Dò hòsch me jetz uf a endressande Schbur gsetzt: Kööt mr et nach Belege drfier gugga, dass des "zom" tatsächlich a oigene Infinidiv-Form isch? Also dass mr des et bloß glaubt, sondern woiß?


    Glar, on glei findich worra:

    Beischbiel: desch jò net zom aushalda (aso parallel zu: es geit ebbes zom essa)

    - als Aldernadive zom schdandardschbròchlicha "nicht auszuhalten" - was mr iebrigns jò au genau so saga kã : desch net auszomhalda

    Desch dr diregde Nòchweis fir "zom" als Infinidivkonschdrukzjoh. Weil, in dem Fall kãs gar koi Nomen sei - "es ist nicht zu dem Aushalten" isch definidiv Gwatsch.


    Uf dera Basis entscheid i mi nach de Rechtschreibregla, dia wo i oifach jetz amòl au fir dr Dialekt benitza dät, fir d' Gloischreibong, was jò au meim Schbròchgfiehl entschbricht.

    (Au wenn 's Fixle em Grossoverdschädd emmer - augazwinkernd - ieber mei Schbròchgfiehl läschdert: des schdemmt reladiv oft)

    #135Author Goldammer (428405)  04 Jul 22, 07:43
    Comment

    Himmale (#131), so wirds sei 🙂


    Grammaddisch scheinamer älle dia gleiche Broblem zhonn *hihi*.


    I war geschd wandra und heit binne ferdig, wai a Schnitzl. I glaub, i sodd môl wiedr in dWanna neiflagga.


    D'Edit hott grad gsait, i sottme nô beim Vegale fr den Ausflugsberichd bedangka. Des mit dem raussuacha?Raussuacha? vo de "läare" Bahne isch guat, abr am See faschd id meglich.

    #136Author Moi Gab (456541)  04 Jul 22, 10:19
    Comment

    Schdemmt, dò isch mr am See a weng bschissa drã. Wemmer halt en sora schena Gegend wohnt.....viel Schbass en dr Badwann! I holl jetz no Saidawirschtla beim Metzger, heit geits Linsa on Schbatza.

    #137Author Goldammer (428405) 04 Jul 22, 10:35
    Comment

    Zom Groeßschreibe vo de Infinidifr midd "zu/zum".

    I hao grad bei de Grimms xuechd, abr nix Dedaijierz zom Infinidif idd gfonde, außr dass es scho frieh a Näebeform "zun" geah hadd, die wo dr Schmellar oo erwehnd: S geid nix zun doa (zu tun). Des konnd a bairesche Abard vom schwäbesche "zum" sei. So eigfiegde Fuegeelemendr geiz ja eigentlich (sic!)* efdr fier a Mondgerechdmachong vo dr Schbroch.

    Die Grimms schreibed hald soweso midd ar in deam Fall wenig ergihbege englesch/franzesesch/iddaljenesch/etc. Kloischreibong. Die Sieche hanzes in deam Fall oifach gmached 😉


    • des isch a bildongsschbrochleche Indrjeckzjoo ond bedeided in deam Fall: Do lue häe! - Haoni oo im LEO gläerned, däe wo ja bekanndlech bilded 🧐
    #138Author manni3 (305129)  04 Jul 22, 10:49
    Comment

    Uff dr andre Seide vor Boind send ledschdns Baumkläddrar ondrwäex gwe - in voerschrifzmäßegar Monduur midd Helm ond Sichrhaizleina. Se send uff dBeim naufkäzed ond hand a baar ibrzellege Eschd rausgschnidde.


    Wieni zueglueged hao, isch mr des Woed häze eigfalle. Des isch bei eis brackdesch a Sinnenihm fier kleddre. Bei eis hadz nie koin Maibaum idd geah, uff dean ma hedd naufhäze kenne, bloß Epflbeim ond Zwedschga.

    Kenned dier des Woed oo? Grimms Buebe hanz idd, abr i hao drzue an Ardickl midd am Foddo gfonde. (Wäe Vrschdendnessschwierekaida midd deam außrschwäbesche Idiom hadd, kaa ja nochfroge.)


    Stolze 40 Meter hoch ist der Maibaum heuer in Petersthal. Es ist eine Fichte ohne Rinde. Wer oben ankommt, muss eine Glocke schlagen. "Das Klettern am Stamm hoch heißt Häzen bei uns im Dialekt", erzählt Reiser. Damit die Kletterer auch hinaufkommen, haben die Mitglieder des örtlichen Trachtenvereins einige Vorbereitungen getroffen: einen Brenner und eine spezielle Harzmischung nach eigener Rezeptur. Die sollen sich die Kletterer an Arme, Beine, Hände und Füße schmieren, für mehr Haftung am Maibaum. "Das ist das Entscheidende am Schluss, ob es dann klebt oder nicht. Ob man schnell ist oder langsam."


    

    #139Author manni3 (305129)  06 Jul 22, 16:48
    Comment

    Manni, i kenns id. Guats Nächtle und bisuh 🙂

    #140Author Moi Gab (456541) 07 Jul 22, 22:52
    Comment

    Des isch ja meah a Drenglarei do hinna! Gend bloss Obachd, dass dr ui idd anand uff dHeahnrooge dabbed 🙈🙉🙊



           Ond dees am vierzehde Geburzdag 😟



    

    #141Author manni3 (305129)  09 Jul 22, 08:27
    Comment

    Läts fäschd, Manni! Wemmr vielleicht au bloß zua Zwoit sin.


    Bai ße wei, Heahnrooge honne koine.

    #142Author Moi Gab (456541) 09 Jul 22, 10:47
    Comment

    Ja, geit's denn sowas? A Geburdsdagsfeschd ond koinr isch dâ? Des isch jâ faschd wia beim Hauard Karbfendalle der selligsmòl gsonga hòt: "Ich geb mir selbst ne Party, eine einsame Party ...".


    Scho viarzeah ischr worda? Nâ fladuliere recht herzlich zom Wiegafeschd, mid de beschde Wensch fir dia weidere Jâhr, dia hoffendlich no folgàd.


    I kenn iebrigens des häza ao nedd.


    Fir des dass e dr rechde vo denne drei Affa be, hao ne jetzt scho faschd zviel gschriaba. 😉


    Ui, doch no jeamerds raigschneid. Nâ kenna mr jâ scho faschd an Piggolo uffmacha ond âschdoßa.

    #143Author opadeldok (1319435)  09 Jul 22, 10:48
    Comment

    Schamäh dö sâ droa ! und scho simmer 3 😉

    #144Author Moi Gab (456541) 09 Jul 22, 11:03
    Comment

    No niggs narrads, wenn's bressiert!

    I wär etzt au dau. Fescht schaffa ônd fescht feira!


    Mir hand ja au no a bissle Zeit bis heit zAubads.

    #145Author twocents (460778)  09 Jul 22, 12:08
    Comment

    Sodale, d' Kehrwoch isch gmachd, aikaufd hao ne ao no ond me uff a rauschends Geburdsdagsfeschd aigrichdad. Ond wa isch? Nix! Koi Biffee, nix ond neamerds zom âschdoßa dâ. Wo gòht's aigendlich zur Kiche, weil uff de Feschdla fendad mr dord emmr dia maischde Leit zom schwätza.


    D' Kiche isch ao leer, na gugg e hald doch de Dama beim Kicka zua.

    #146Author opadeldok (1319435) 09 Jul 22, 20:18
    Comment

    Mir sen bis grad bei Kunst im Tuffsteinkeller in Honau gwä. A õglaublichs Brojekt on Iwent. I ben begeischdert.

    Wer was Gnaus wissa will:

    https://www.kunst-im-tuffsteinkeller.de/index.html

    On wer Bildla vo onsrer Tuhr sea mecht - bidde a Pe-em, i schick dr Link. I durs et dòhannarei weil au Bilder vo ons drbei sen.


    On dòdrieber hedde fascht dr Geburzdag vom Fädele vrbasst! I gradulier ons ganz herzlich on wensch ons on onserem Fädale älles Guade on a langs Läba!


    (De Dama guck-e heit glaub et zua. Gescht isches jò richdich schee gwä, abber heit hogg-e-me lieber no a weng naus on läs.)

    #147Author Goldammer (428405) 09 Jul 22, 20:55
    Comment

    ♫♬ ♫ ♪♫ ♪♫ Häbbi Böasdää duu ass, häbbi Böasdää duu ass ♫♬ ♫ ♪♫ ♪♫


    :-))

    #148Author no me bré (700807) 09 Jul 22, 21:05
    Comment

    Ah Vegale, des hettmr au gfalla.


    In Honau honnemôl werri gudd poteitous gässa. Desch abr scho meh ass fuffzg Jôhr her.

    #149Author Moi Gab (456541) 10 Jul 22, 14:18
    Comment

    Jedz beni amohl gschbannd, wenn se die äeschde dribr aufreged, dass des Siehe auch: In der Früh - #71 aigndle "gestanden haben" haiße mihßt 😏

    #150Author manni3 (305129)  10 Jul 22, 16:36
    Comment

    Der komische Vogl bestimmt net, bei dem isch sein ja richtig.

    #151Author bluesky (236159) 10 Jul 22, 18:10
    Comment

    S isch grad vierdl uff zwelfe, gell!!

    A scheane Fordfiehrong vo eisrem alde Thema desmohl uff Hoechdeidsch: Siehe auch: In der Früh 🤣

    #152Author manni3 (305129)  12 Jul 22, 11:45
    Comment

    Bevor e me om Vierdl nach Achde aka Vierdl Naine vor dr Fernsähr fläz ond de Dama beim Kigga zuagugg ond Daoma drugg, hao ne dengkd i muaß gschwend no was zur "Kunschd em Tuffschdoikellr" loswerda.


    I hao mr dia verlenkde Seit âguggd ond be echd vo de Sogga. Honau isch jâ gwiß nedd groß, abbr was durch a briwade Inidziadife dord uff d'Fiaß gschelld worra isch isch, isch allr Ehra werd. Send jâ nedd blooß dia Kellr endressand, sondern ao des was dia Kinschdlr älles zom biada ghet hend.


    Schad, dasses wohl s' ledschde Mòl gwä isch ond dass e des nedd vorher gwissd hao. Nâ hedd e mai Wochaendblanuong a weng andersch gschalded.


    Mi hòt am Middwoch vor vierzeah Dag s' erschd Mól en maim Läba a Zegge bissa. I hao 's erschd am Freidich feschdgschdelld, wo ne an kloina roda Hubbl uff maim Obrschenkl seah hao. Mai Dochdr hòt se dann am Samschdich mit dr Zeggakard am Schdigg rausghold. Jetzad hòt sich dia Bissschdell entzendat ond isch leichd gschwolla ond eitrig. I hao nedd drâ romdruggd, sondern a Zugsalb druff gmachd ond gugg was morga isch. Druggad mr d' Daoma, dasses koi Borreliose oddr a anders Glomb isch.

     

    #153Author opadeldok (1319435) 12 Jul 22, 19:39
    Comment

    Daome druck!

    #154Author manni3 (305129) 12 Jul 22, 20:56
    Comment
    Ach schad dasse des net frieher erwehnt han, opale!

    Also wenn die Redong sich graisfermich ausbreidet on womweglich nò inna widder heller wird, dasses en Ring gibt (letschderes muaß abber et sei), gòhsch zom Dokder on hollsch dr a Antibiotikum, sicherheitshalber. Han i den Sommer au scho ghett. Gega FSME bine gimpft.
    #155Author Goldammer (428405)  13 Jul 22, 08:01
    Comment

    Dauma drugg!!!


    D'Mädla henn gwonna. Sogar em Schose hots gfalla.

    #156Author Moi Gab (456541) 13 Jul 22, 09:56
    Comment

    I frog mi bloß, warum die den Ball immr do hi schiaßa, wo koine schteht?

    #157Author bluesky (236159) 13 Jul 22, 10:15
    Comment

    Hä jetz, hemele? Immer? Wenn des so wär, heddet se koine Dor ausm Schbielverlauf nãgriegt!

    Nobody isch perfekt! Au dia Mädla et. On sogar dr Manuel Neuer schießt ab on zua en Ball beim Abschlag glei ens Aus! (Ehrlich, des hòt me a weng gnervt, dass des dr flodda Merle glei a baar mòl bassiert isch!)

    #158Author Goldammer (428405) 13 Jul 22, 15:22
    Comment

    Nechd beni zBlaubeire im urmu beir Venus ussm Hohlefels gwe. I hao zuefelleg neima gläese kedd, dasse jiedz meah dahoi isch ond nemma zSchdueged. Dedd zuer Landesausschdellong haonis ja sellemohle idd gschaffd kedd.

    I be ganz lang bei iehr kocked ond irgndwenn isch a Fiehrong vorbeikomme. Däe Fiehrar hadd viehl vrzelld vo megleche Endrbreddazjona ond oine habbr bsondrs gued gfalle:

    Oimohl sei a Grubbe vo Hebamma do gwe ond die häbed soford xäeche, dass des a Darschdellong von ar frischbachene Muddr sei midd deane vo dr eigschossene Mill schdramme Brischd ond däer vor Geburd no groeße Vulva. Ond die zehje Schdrich uffm Bauch konnded bedeide, dass dGeburd im zehnde Monad isch.

    Was saged dier Mieddra drzue?


    Ond noa Nochdrag fierd Musickar: ondr deane ondrschidliche Fleeda uss Voglboinr isch oo oine uss Mammudelfeboi. Die hanze gmached, wie ma heid Alphernr machd: Gschbalded, auskeeld ond me zemebebbed. Ond uss däer kommed vrschidene Endrwalle, abr haubzächle a Halbtooschridd ond a Tritonus!! I fend des sensadzjonell :-)

    Was die scho voer dreißgdaused Johr fier a musekalesch Ghäer kedd hand. In de Schbirridjuels, die wo so cirka hondrd Johr ald send, hanze ganz ofd Pendatonick (wie zom Beischbl Schwing lou), do geiz kois vo baid. Ond in Backe backe Kuchen oo idd!

    #159Author manni3 (305129)  16 Jul 22, 11:13
    Comment

    I gang dò demnägscht mit meira Schweschder nã, des hemmer scho blant. I ben seit Jahrzehnten nemme dò gwä, i frai me scho.


    Wo i gloi war, isch mei Padaonkl Dekan vo Blaubeira gwä, on i ben oft bei dene en Feria gwä (mir hen jò dòmòls koin Familiaurlaub gmacht, des heddamir ons net leischda kenna, on des hett au logischdische Brobleme gea, segs Leit ema Käfer....also semmir Mädla en de Feria zo onsere Pada ganga).

    I han wonderschene Erinneronga an meine Feria deet...hach........e meim Hoimetdorf hòt's gar koi Oberflächawasser gea, deet isch dr Ondergrond vrkarschdet. Kennetr eich vorschdella wia i dia Bächla on den Blautopf schee gfonda han? On uf dr Rucka ben-e nuf on nagschbronga, on zom Rusaschloss gwandret mit meira Dande (dr Onkl hòt bragdisch koi Zeit ghett, der isch ällaweil em Birro odder en dr Schdadt odder en dr Kirch gwä), on morgends en dr Friah semmer ens Schwemmbädle hender dr Blau dussa gwandret on a Weile gschwomma.


    Dui Hibbothese vo dene Hebamma gfellt mr guat, obwohl i nemme woiß, ob is so ausgsäh han, wo meine Jonge gebora gwä sen...


    Des mit dene Fleda fend i au sauschbannend! Wenn i mir ieberleg, wie lang dia Leit selletsmòl wahrscheints braucht hen, bis se ebbes weiderentwigglt hen odder ebbes Nuis eigfiehrt, kã'sch drvo ausganga, dass-es Fleda zo dem Zeitponkt scho Jahrtausende gea hòt; de erschde hen wahrscheints bloß oin odder zwoi Ten ghett...i han amòl a Buch gläsa, dass d' Schbròch on d' Musik velleicht õgfähr gleichzeidich entschdanda sen - des hòt mir dodal eigleichdet.


    Sodde Fleda hen se doch teils nòchbaut, damit mr an Eidruck griagt, wia se do hent...dò gibt's glaub i sogar Cedees drvo.

    #160Author Goldammer (428405)  16 Jul 22, 14:29
    Comment

    Grad haoni no de ledschde Link uff wikipedia aaglueged: 3D-Modell der Venus vom Hohle Fels.

    Do hanze se vo alle Seida foddegrafierd ond ma kaa bFigur middr Maus in alle Richdonga drähje!


    A baar Dohnbeischbihl vo de Fleeda kaa ma häere. Do isch mr des mibbm Halbdoh ond Dridonus (drei Ganzdeeh, zwische Kward ond Kwindt) aufgfalle. In dr harmonesche Musek vor Klassik haißd a diabolus in musica, weil a wedr zue Dur no Moll bassd ond ibrhaubzd an Haufe Duranand in dr Harmonek zwische Tonika, Subbdominande ond Dominande aarichdt 🤬

    #161Author manni3 (305129)  16 Jul 22, 16:11
    Comment

    Dr Tritonus isch a glasse Deng. Em Kohr et oifach zom Dreffa, abber emmer schbannend on fir a Gensehautgfiehl guat!


    D' Edith secht no, dia Dreidehmodell sen jò sauguat!!! Au des Pferdle (Äffla hòt's dòmols et uf drAlb gea....) on des Mammut on dr Vogl onsoweider...i ben begeischdert!


    On i han jetz vo dò aus no en Link uf die gesamde Sammlong von Dreidehmodell gfonda, dò kãsch no viel meh vo dene Sacha ãgugga on au Dreideh-Ãsichda vo dene Hehlana wo se dia Sacha gfonda hen!


    https://sketchfab.com/ladbw/collections/ice-a...


    #162Author Goldammer (428405)  16 Jul 22, 18:26
    Comment

    Scheene Offnaame senn dass ... danggescheen fa die Linggs !


    nua graad dass Päadsche ess eh bissje schläschd ausgeleischd ...

    #163Author no me bré (700807) 16 Jul 22, 20:59
    Comment

    Emmrle, danke fier dean Link. Ooglaublech, was es do alls geid. So weid beni no gar idd komme gwe :-))


    Bréle, i fend des Ressle bei mier oo gued. Kaasch ja oifach mibbm Mausrad gräeßr mache, nocha wärz veleichd bessr.

    #164Author manni3 (305129)  17 Jul 22, 01:13
    Comment

    Zueschdend mießed dees gwe sei sellemohle! Heid beim Schdaubsauge isch mr eigfalle, dasses idd so kedd hand midd Aufraume ond dr Kehrwuche ond em Bodewische in deam Aurinjack voer viezgdaused Johr; des Figierle hanze drei Meddr dief ondr Schdaub- ond Dreckschichda vo andre Kulduerschdufa gfonde. Wie gued, dass die Wisseschafdlar uss Diebenge endlech a bissle hendr eahne häe aufraumed - ma mihßze grad scheniere voerem Bsuech. 😏

    Abr des Woed fier Schdaubschichd wäer i mier merke: Kulduerschdufe 😉

    #165Author manni3 (305129)  18 Jul 22, 17:51
    Comment

    Em Radio schbricht grad dr Brofessr Goldammer :-)


    manne, wann dia abbl schwäbisch-korrekt Kehrwucha gmacht häddn, däds heit koine Fleeda ond Frauafiegürla gea. Semmr froh, dasse ned allbot durchgwischt hand.

    #166Author Selima (107)  19 Jul 22, 06:34
    Comment

    I be jebmfalls froeh 😊


    Des send ja scheinz oo koine richdege Schwobe idd gwe, sondrn zuegwandrede Migrazjohshindrgrindlar uss dr Lewandte - so oi wie dr Ötz(i)demir, odr?

    Ondr archälogischmäßigar Berixichdegong däer hischdoresche Imformazjonsbeschaffongsmedhodick sobba veleichd oifach dKehrwuche ond dSchdaubsaugar ond die ganze heidige Abfallwiedschafd amohl khereg in Frage schdellen! Schbädere Gennerazjona vo Archälog*inna wend ja schließle oo no ebbs Nuis fende!

    #167Author manni3 (305129)  19 Jul 22, 10:44
    Comment

    Aigndlich hao ne heit meine Fuaßbeda wischa wella. Nach eire Aiwirf nemme jetzat, zom Behuf dr Erhaldong mainr Hendrlassaschafda, besser Kuldurschdufa, drvo Abschdand.


    Nâ kâ ne mid Fug ond Rechd saga:


    Bei mir kennadr vom Boda essa,



    ihr werdad emmr was fenda. 😉


    Abbr zruck zom URMU. I war 2014 mid ra Grubbe en Blaubeira, dr Orangisador vo deam Ausflug hòt ons abbr nedd dâ nâ gfiehrt oddr ao blooß druff uffmergsam gmachd. Kuldurbanause.


    Des werd e ao mòl uff mai Lischde setza. Des isch ja no om ainigs greßer ond ausfiehrlicher als wia dr Archäopark en Niederschdozenga. Zu deam hao ne erschd vor kurzem beim SWR Aktuell glesa, dass zom Säsohende d' Schließong droht, weil d' Gemeinde dia Koschda nemme alloi schdemma kâ. Dâ isch dr Lenk zu deam Berichd: Archäopark


    Des wär echd schad, grad amòl nai Jâhr nach dr Ereffnong em Mai 2013.

    #168Author opadeldok (1319435) 19 Jul 22, 13:44
    Comment
    Also manni, bisch sicher dass dia aus dr Lewante komma sen?
    I moin dia wäret scho a baar Jòhrdauset deet ãsässich gwä...also scho bodaschdendiche Älbler... (Dr Ötzdemir isch iebrigns vo Urach gebirdich...viel schwäbischer gòht's nemme! I fend au vo seira Art her isch der schwäbischer wia mancher mit wirddabergische Eldra on Großeldra)
    #169Author Goldammer (428405)  20 Jul 22, 00:11
    Comment

    Emmrle, aasesseg ond bodeschdendeg scho, abr irgendwenn send doch all dDonau raufkomme gwe, glob i wenegschdns. I moi ja oo de Hendrgrond - eischließlech Ödzdemier ond a baar ziggdaused Johr hee odr häe.


    Obba, ädd emmr was fenda - Do wäereze die Archäloge gfraie, dasse ebbs Gscheiz zur Brozeid krieged :-))

    #170Author manni3 (305129)  20 Jul 22, 10:13
    Comment

    Dr Ötzi aus Urach. :-))


    Neilich hao nen en ma Fernsehindrwjuh gseah. Dâ hòtr vrzehld, dass seine Schualkamerada eahm dr Schbidzmama "Gsälz" geah hend, abglaidat aus saim Vornama Cem - Dschem = Jam = Gsälz. Uff dia Idee muaß mr erschd mòl komma. Abbr Schualerbuaba warad jâ scho emmr erfendongsreich beim Namaerfenda fir Midschialer ond Lährer. ;-)

    #171Author opadeldok (1319435) 20 Jul 22, 10:56
    Comment

    Ach glasse, opale! Desch ächt a sauguats Gschichtle! 😂


    Mir hen oin en dr Glass ghett, der hòt Link ghoißa, des isch nadierlich 's Leftle gwä...abber desch bei weidem net so greativ wie Gsälz....

    #172Author Goldammer (428405)  20 Jul 22, 15:24
    Comment

    Em Schbrâchlabor ischs heit om des Wort "Brass" ganga. I verwend des ao ab ond zua. No efders sag e abbr Jäscht. Em fadàaiganà Schdandardwerdrbuach hao ne des abbr nedd gfonda.


    Zom Urschbrung vom Wort Jäscht ond vrwandschafdliche Bezieonga nach England hoa ne den Ardiggl en de Schduagerder Nâchrichda gfonda: Kann Spuren von Hefe enthalten.


    Was mr älles no selbschd em hoha Aldr no lerna kâ. Ob mrs ao bhalda kâ, isch dann dia andr Frâg. ;-)

    #173Author opadeldok (1319435) 21 Jul 22, 17:31
    Comment

    Gremms Buebe hand oo ebbs drzue:


    jäscht, m. schaum, neben gäscht, s. d. belege th. 41, 1432:

    o die glieder triefen

    voll angstschweisz! ach des achs! der laue brunn der dürren adern schwellt

    den jäscht der purpur-flut; mein blutschaum schreibt mein elend in den sand.

    Lohenstein in Wackernagels leseb. 2 (1876) 593;

    seht welch ein grüner jäscht auf mund und lippen sitzt.

    Hallmann Antiochus 31;

    der schmerz erregt mir jäscht und geifer,

    den spei ich dir ins angesicht.

    Günther 202;

    es heult sein (Bysanz') wilder hund dem adler in den klauen,

    und wirft dem Mahomet so jäscht als fluch empor.



    jästen, verb. schäumen, gären, vgl. 1DWb gästen theil 41, 1474: jästen, jäschten, jeschten, spumare, scheumen Schottel 1340; gieren, jästen, sieden, wie der neue wein, despumare 1325; des in dem keller jästenden mosts. Muralt pest (1721) 19; die feurige gästende gall in den zornmüthigen. Hohberg 3, 1, 396b.


    Dr Harper Etym. hadd

    yeast (n.)

    Old English gist "yeast, froth," from Proto-Germanic *jest- (source also of Old Norse jastr, Swedish jäst, Middle High German gest, German Gischt "foam, froth," Old High German jesan, German gären "to ferment"), from PIE root *yes- "to boil, foam, froth" (source also of Sanskrit yasyati "boils, seethes," Greek zein "to boil," Welsh ias "seething, foaming").


    sDWDS hadd

    Gischt m. f. ‘Schaum stark bewegter Wellen, aufschäumendes Wasser’. (älter) Gäscht, Gescht, frühnhd.jest, jäst, gest, mhd.jest ‘Schaum’ gehören wie mnd.gest, jest, mnl.ghest, ghist, nl.gist ‘Hefe’, aengl. (angl.) *gest, (westsächs.) *giest, später gist, engl.yeast ‘Hefe, Schaum’, anord.jǫstr ‘Gärung, Hefe’, schwed.jäst ‘Hefe’ als Abstrakta mit t-Suffix zu dem unter gären (s. d.) behandelten Verb. Die seit dem 17. Jh. bezeugten Formen mit -sch- sind vermutlich lautmalend, können aber auch aus dem seit dem 15. Jh. belegten, jedoch seltenen Verb gischen ‘gären, brodeln, schäumen’ übernommen sein. Die ältere Lautung hat sich in mundartlich Gest und Jest erhalten.



    I kenn des Woed idd, abr i haos amol ins Wäedrbuch aufgnomme, ond de Ötzi uss Urach oo ;-)


    #174Author manni3 (305129)  21 Jul 22, 18:21
    Comment

    Ond was hot des jetz midam Brass zom dua?

    #175Author bluesky (236159) 21 Jul 22, 19:36
    Comment

    Guggsch dâ https://www.duden.de/rechtschreibung/Brass


    ond dâ https://www.dwds.de/wb/dwb/j%C3%A4st#GJ00702


    Boids hoißt ondr andrem "Zorn oder aufschäumende Wut".

    #176Author opadeldok (1319435) 21 Jul 22, 21:19
    Comment

    I kenn wedr Brass no Jäscht.

    In de Biechr fendt dr Ngram Viewer, ibrs Mendleche waiß a hald nix:

    449811 Wut

    289278 Zorn

    002729 Brass

    000008 Jäst

    #177Author manni3 (305129)  21 Jul 22, 23:33
    Comment

    manni, nâ nemmschd des am beschda wiadr ausm Werdrbuach raus, weil i mir nedd âmaßa will a belaschdbare Gwelle zom sai ond dr Ngeam Viewer blooß no 000008 weidre Dreffer hót. Desderwega ischs nadierlich vellich oerheblich wia ofd des Wort Jäscht en maim wirddabergischa Omfeld vrwendad wird. Abbr Wirddaberg doild sai Schiggsal hald mid Bielefeld, des geit's jâ ao nedd.

    #178Author opadeldok (1319435)  22 Jul 22, 00:37
    Comment

    Obbale, schrifdlech geiz des Woed freile idd ofd, weils ja a regjonals Woed isch, dees wo hald bloss mendlech benudzd wäed, sozomsage schwädzmäßeg. Ond ibrs Mendleche waiß Guhgl nix. Des fendt zwar em Luddar sein Sadz "dem Volk aufs Maul schauen", kaas sell abr idd ;-)


    Des Woed bassd ond ghäerd ganz genao ond ideahldibbisch in eisr Wariandtewäedrbuech: "Des send Ausdrick, die wo idd all im Fädele vrschdande hand ond drom nochgfroged hand."



    ädd Wirddaberg ond Bielefeld: Haubzach dii geiz :-))

    #179Author manni3 (305129)  22 Jul 22, 00:59
    Comment
    I kenn dr Jäschd!
    "Des han i em Jäschd do!"
    I han des au em akdiva Wortschatz.
    Der Hindergrond isch dodal schbannend,danke fir dia Rescherschana.
    #180Author Goldammer (428405)  23 Jul 22, 07:32
    Comment

    Gottseidank be ne nedd alloi. Emmerle, du hòschd main Dag greddad. Sonschd hedd e heit âbend vor laudr Kummr ond aus Jäschd, dass e so alloi be, ens Kissa bissa. ;-)


    ädd Wirddaberg ond Bielefeld: Haubzach dii geiz :-))


    Manni, bisch dr dâ sichr? I zweifl manchmòl drâ, weil's jâ emmr hoßt, 's Läba sei an Draum. ;-) was me zu ra Gschichd aus maim Arbeitsläba fiehrd.


    I hao an Kunda (Amerikaner) âruafa miaßa, weil e no a baar Frâga zom klära ghet hao. Dr telefonische Kodaggd isch drvor emmr iebr sai Pardnerin gloffa. Des warad emmr erfrischende Gschbräch.


    Wia ne also âruaf, gòht er an dr Abbrad. I meld me also midm Nama vo maim Dienschdherra ond mid maim Nama. Er hòt's schainds nedd ganz verschdanda ond frâgd: "Wer bist Du?" Wia ne eahm des no amòl gsait hao, moindr: "Oh, sorry, das macht meine Freundin. Moment." Nâ isch sie an dr Abbrad komma ond hòt gmoind, dass ihr Fraind sich endschuldigd häb, weil r nedd gwissd hòt wer i be. I hao dann zu ihra gsaid, dass se eahm an scheena Gruaß saga soll ond, dasser sich koine Gedanka driebr macha soll, weil i des manchmòl selbr nedd wissa dät. Nâ hòt se sich schier weggschmissa vor Lacha ond hòt gsait: "Herr opadeldok*, haben Sie sich schon einmal überlegt auf die Bühne zu gehen. Mit Ihrem Humor gehören Sie dahin." Des isch nadierlich nagloffa wia Eel. :-))


    *(Name von der Red. geändert)

    #181Author opadeldok (1319435)  23 Jul 22, 16:14
    Comment

    *hihi*

    Wäe idd waiß, wäe a isch, isch! Descartes: nescio ergo sum - odr soo ...

    #182Author manni3 (305129)  23 Jul 22, 21:19
    Comment

    Oh, oh manni, a ganz schwers Gebied mid dausend Fallschdrigg fir mi,weil e weder Filosofie schdudiert no Ladein glernd hao. Mid ma klöina Ladrinom kennt e grad no diena


    Abbr bezieglich em Descartes sainr Erkenndniss kâ ne blooß saga, dass dia heitzdag vo ainige Leit em Omkehrschluss (nadierlich z' Orechd) omendrbreddierd wird en: I be, also denk e.


    Werch ein Illtum! ;-)

    #183Author opadeldok (1319435)  24 Jul 22, 01:07
    Comment

    I be ond denk mr nix drbei - hmm... klengd oo gued, odr?

    #184Author manni3 (305129)  24 Jul 22, 02:48
    Comment

    Desch a sauguade Fillosoffie, manni!

    Vo dera fillosofischa Richdong keet-e glatt a Ãhengere werra.


    I ben mit a baar Fraindinna (von onserem ekumenischa Frauagrais) a baar Dag en Isny gwä. Desch echt a arg netts Schdädtle!

    #185Author Goldammer (428405) 24 Jul 22, 16:19
    Comment

    #184 - I denk, alzo benne. Wanne ebbes glau ond denkmr nix, nochd bennes oo idd gwea ;-)*


    *sät dr Alfred DorfAr.

    I ben drhoimt gwea ond haumr saga lasse miassa, dassne scho Allgairisch schwätza däd.

    #186Author Selima (107) 24 Jul 22, 16:33
    Comment

    Voer vihle Johr hanze zIsny a sauguez Logo rausbrochd: In am roede Häez hanzes S vrschdeckd kedd. Äeschd a baar Johr schbädr haoni rausbrochd, dass des aingdle sLogo von am ganz am andre Oerd sei soll! Do beni fei schwäer enddeischd gwe!


    Maisle, bisch hald a läernberaide ond läernfäjege Fehl blihbe - mi gfraiz :-))

    (Bssd K I: däeb ;-)

    #187Author manni3 (305129)  24 Jul 22, 16:44
    Comment

    I kenn Jäschd au, abr bloß ausem Englischa (yeast).


    Mein Bsuach aus Franze isch wiedr weg, dafiar kommd morga da negschd. Freime, au wenne scho auf de Felga dahärkomm. S'kennt sei, dasse dia nägschde Däg scho wiedr koi Zeit frs Leola honn.


    Bei ße wei, jetz, woos doch des 9Eurotigget git - kenntamer uns im Auguschd idamôle irgendäbba zentral dreffa?

    #188Author Moi Gab (456541)  29 Jul 22, 13:17
    Comment

    Griaß eich älle midanander, i iebrleg mr grad, wo denn des geografische Zendrom vom schwäbischa Schbrâchkondinuum liega däd. I däd jâ gfiehlsmäßig saga irgendwo em Obrschwäbischa.


    Luschdigerweise war e grad vorgeschdern en dera Gegend. Mir hend an kloina, oidägiga Kegelausflug gmachd. Nach Warthausa send mr gfahra ond dann midm Öchsle ondr Dambf nach Ochsahausa. Des war echd schee. Iebrigends isch dr Vorschbann vo dr "Eisabâhromandigg" em SWR Fernseah en ra Kurv vo dr Öchsleschdregge dreht worra.


    Blooß dr Dransfer midm Regionaleggsbress vo Schduagerd iebr Ulm nach Biberach ond wiadr zruck war nedd so brigglnd. Zerschd isch dr Zug en Geislenga fasch a halbe Schdond schdanda blieba (âgeblich wega ma Iebrholungszug) ond uff dr Riggfahd isch dr erschde Zug ganz ausgfalla wega ma dechnischa Defeggd an ma Aischdieg. Ond dr nächschde Zug, a Schdond schbäder, hend se wega deam Defeggd mid wenigr Wäga fahra lassa. Glaobad mr 's a Sardeanabiggs isch an Sch...dregg drgega. I hao also dean Dag faschd fembf Schdond schdehendrweis en volle Zieg genossa. Jetzat woiß e wenigschdens, wia dr Schbruch "ßengk juh for drewelling wiss Deitsche Bahn" zom vrschdanda isch, mr muaß sich en dean Sadz hald blooß a "drodzdem" naidengga. 😉 Des Nai-Eiro-Tigged en Vrbendong midm erschda Feriadag hòt nadierlich dia ganze Siduadzioh no vrschärfd ghet.


    I frai me iebrigens wia d' Sau uff dr nächschde Dorschdich. Ab dâ kâ ne morgends endlich main Kaffee wiadr mid ma Schuggr Milch drengga ond mai Brod wiadr mid ma Buddr essa. Wega deam Antiidiot.. ääh -biotikum gega dean Zeckabiss, derf e drei Schdond drvor ond drnach koine Michbroddugd zu mr nemma. A Brod ohne Buddr isch oifach a fuuurzdroggane Âglegahait. Dia milchlose Kaffeesiduadzioh wär mid ra Esbressomaschee ond de richdige Bohna erdräglicher, abbr des dua ne mr wega deane baar Däg koine meh her. Des isch hald dia âerzogane schwäbisch Schbarsamkaid en mir. ;-)

    #189Author opadeldok (1319435)  30 Jul 22, 14:13
    Comment

    Dr manni hot amol a Karte zeichnet, wo nir alle herkomma. Abr do sen dia jetzige Wohnörter nadierlich net berücksichtigt. Mir ham uns amol inra Pizzeria en Buchloe droffa, des habe ganz gwandt gfunda.

    #190Author bluesky (236159) 30 Jul 22, 16:18
    Comment

    Die Karde isch ibregenz in jebm (jeedemm! - ond zwischedure abbdeidede) OP vrlenkd. Weil mr grad koi Schweizar ond Gsibäergar im Fädele hand, wäed dr gefihlde Middlponkd woll in, om ond herumm vo Ulm, Neiulm ond Weißehoere sei.


    S Broblehm wäed äjr sei, dass zwengs deam Neieirodicked am Wuchenend all Zihg grammle voohl send ond ondr dr Wuche hadd däer no schaffnde Bevelkrongsââdail wahrscheinz ebbs andrs zdond als zuenam Hoggeze zom komme.

    Luegebr amohl 🧐

    #191Author manni3 (305129)  30 Jul 22, 18:13
    Comment
    Opale, i glaub vor i mei Brot ällaweil fuurzdrogga iss, dät i en dr Vrzweiflong Margarine drufschmiera...
    #192Author Goldammer (428405) 30 Jul 22, 22:47
    Comment

    Do due i hald an Käs nauf, däe hadd oo fuchzg Brozend Fedd.

    Margarine haoni gar koine im Haus!

    #193Author manni3 (305129)  30 Jul 22, 23:58
    Comment
    I normal au net. Abber i dät vielleicht oine her en sora Siduazjoh. (De beschde Käs sen dia mit siebzg Brozent. Wobei des jò et absolut isch sondern uf d' Droggamasse bezoga...)
    #194Author Goldammer (428405)  31 Jul 22, 08:49
    Comment

    Mir hand scho laang koin Buddr mear em Haus ond nemmat, wanns sei muaß an Frischkäs aufs Brot. Wammr abr koine Milchbroduggd essa ka, hilft des oo nix. Dau däde dann Gmiasaufschdrich aufs Brot nemma.

    #195Author Selima (107)  31 Jul 22, 09:13
    Comment

    I frai me, dasser eich Sorga om mai Ernährong ond mai Wohlergeah machad. :-)


    So groß isch dia Verzweiflong abbr ao no nedd, dass e a Margrine uffs Brot däd. Dia hao ne scho als Kend nedd mega. Blooß dâmòls hot`s bei ons ganz selda an Buddr geah. Logisch bei seggs Kendr. Erschd ab de friahe Sechzger, wo maine drei äldeschde Gschwischdr nochanander vrheiradad ond ausm Haus warad, send dia Margrinezeida vorbei gwea.


    Zu deam Dhema fallad mr grad no dia friahre Werbeschbrich fir dr Buddr ai: "Buddr isch durch nix zom ersetza" ond "Nur Buddr hoißt ond schmeggd so".


    Ond en dr ällergreaschda Not schmeggd dia Wurschd ao ohne Brot. Nâ brauchschd ao koin Buddr nedd. ;-)


    Manni, du hòschd doch beschdimmd an Analogkäs gmoind, gell? ;-)


    Dia Fuuurzdroggahaid hao ne bisher hald a weng abgmildrad, endemdass e Domada, Babrigga ond Gurgga drzua gessa hao. Uff dia Idee, dass e mr aigndlich ao a Schdreichwurschd herdoa het kenna, be ne ao erschd geschdern, nâchdeam e des gschriaba ghet hao, kommá.

    #196Author opadeldok (1319435) 31 Jul 22, 10:41
    Comment

    Schowiedr fimbf Däg rum und i bin allno ausbuacht.


    Woiß äbber was an Hammihummi isch? (faschd so schee wia Daudauger :-) Des Wort schdammdt vo meim gloinschda Engkale (zwoiahalb Jôhr alt). Opale???

    #197Author Moi Gab (456541) 05 Aug 22, 12:09
    Comment

    Bischd em Rendnerschdress? ;-)


    Hammihummi? Wenn 's Hummihammi wär, wär e uff Gummihammer komma. Abbr zom Hammihummi fälld mr grad nix ai, weil .....


    ... I kâ nemme dengka

    des isch koi Witz

    mai Hirn droggned ai,

    weil e älles nausschwidz.


    I fend heit isch dr schlemmschde Dag, weil's dermaßa schwial isch ond nedd amòl dr Hauch vo ma Lifdle gòht.


    Mai jengschder Enkl, der midm Daudauger, wird Ende Oggdobr drei Jâhr alt. Er isch grad dr Moinong, dass an Hond nedd belld. Nâ hao nen gfrògd, was der Hond denn dann machd. Antwort: "Geräusche". :-)

    #198Author opadeldok (1319435)  05 Aug 22, 13:06
    Comment

    Mibbm Gummihamar isch mier oo so gange, Obbale.

    Veleichd senz ja Gummibäerla: Ham-Ham-Gummi ;-)


    Geräusche - aha! dr Obrbegriff :-))

    #199Author manni3 (305129)  05 Aug 22, 13:11
    Comment

    Fasch heddaders gfunga. Hammihummi = Haargummi 🙂


    Sodale, jetz sinnse wiedr fudd. Schee wars, ahschdrengend wars. Wenn dia dô sin, isch in nullkommanix ammel an Verhau und a supr Ägdschn in da Bude. Und i fiel me gmegad.


    Opale, i bin voll erschdaund, wa dia gloine Kind fr an Wortschatz draufhonn. Da unsr schwätzd wia a Buach und des in ganze Sätz. I war in dem Altr no räad dumm 😉


    So, etz dommer Wesch wäscha und a wengle butza. Da Schose rennt scho middem Daudauger rum.

    #200Author Moi Gab (456541)  06 Aug 22, 13:54
    Comment

    @ Vrhao - bei de Franzose isch des scheinz a Sack de Nöö 😉

    #201Author manni3 (305129) 06 Aug 22, 14:36
    Comment

    Manni, i lachme schäbs!


    Da Schose hottmer vrschbrocha, dasser heit mit mer lauft. Wa moineter, machter des?

    #202Author Moi Gab (456541) 07 Aug 22, 09:33
    Comment

    Ja, weil a Angschd hadd, dass d eahm sooschd sFihdle räechd vrhauschd 😉

    Ond wie n i di kenn, dädesch du krefdeg nâlange midd deim durchdränierde Kerbar!

    #203Author manni3 (305129) 07 Aug 22, 11:07
    Comment

    Kennet ihr des Wort Bitzich?


    #204Author Goldammer (428405) 07 Aug 22, 11:56
    Comment

    Nââ, i idd!

    ... abr Gäbeles Engkale (zwoiahalb Jôhr alt) fier "witzich" ond Obbales Engkala fier "Blidzliechd" 😏

    Ond i däbr denke "winzig", "a bidzle - a bissle"

    #205Author manni3 (305129)  07 Aug 22, 12:29
    Comment

    Noi, Vegale. Schliaß mi am Manni a - i kenns au idd.


    Da Schose isch geschd echt mitmer gloffa. Siaba Kilometr hemmer zämmabrocht.


    Und heit hotters erschmol sein E-Gebbl ausgfiahrt und sich beimer bedangkt: Ohne di hedde des id gmacht !!!


    Desch wiedrmol da Beweis: Bloß nia dHoffnung aufgäa, gell 🙂

    #206Author Moi Gab (456541) 08 Aug 22, 16:37
    Comment

    Also dei guade Tat fir heit kã'sch abhòga! Guat gmacht!


    Mitm Bitzich hoff i no ufs opale....


    ('s Zwoisentle on s' Amoisle machet sich arg rar....on 's breele! Kender, wo sender, wo wenter nã?)

    #207Author Goldammer (428405)  08 Aug 22, 21:59
    Comment

    Gäbele, des isch ja wie a klois Wondr: sibe Killemeddr gloffe ond s E-Baik ausbrobierd ond si oo noo wordreich bedankd! Des gfraibe fier di ond fier de Schose!! Herrliche Zeida fier uier gemeinsame Zwaisamkaid bräeched â :-))

    #208Author manni3 (305129)  09 Aug 22, 02:27
    Comment

    Herrliche Zeida fier uier gemeinsame Zwaisamkaid - oh Manni, dô honne scho lang drauf gwarded ghett. S'meg allso weitrganga 😉 honn scho gfrôgt: Wa dommer heit? Radla? Laufa? Woiß idda, hots koisa (wa jo koi noi isch).


    Umanandschiagka - kennader des au nô?

    #209Author Moi Gab (456541) 09 Aug 22, 09:53
    Comment

    Des vergangne Wochaende hòt richdig guad do zom durchschnaufa. I war bei âgnehme 24 Grad uff dr Alb ondrwegs ond ao uff ma kurza Schbaziergang zur Burgruine Helfaschdoi oberhalb vo Schdeislinga an dr Geige.


    Uf Hâârgummi wär e nedd komma. I brauch sowas ao nemme bei deane baar dia ne no uffm Kopf hao. Wenn mr mir vo oba uff dr Kopf guggd, kennd mr moina i wär an Ordnsbruadr, weil's aussiehd wia wenn e mr a Mensur häb rasiera lassa. ;-)


    Bitzich hao ne bis jetzt ao nedd kennd ghet. Als Erschds isch mr aigfalla, wia 's bidzld hòt, wenn mr als Jonge mid dr Zong, zom briafa ob no Safd druff isch, an boide Pol vo ra Baddrie ganga send. Abbr nâ hao ne den Ardiggl en de Schduagardr Nâchrichda gfonda: Was bedeutet bitzich? 


    En deam Ardiggl wird ao nachm "Blaua Anton" als Angschdfigur gfrâgd. Den kenne blooß zom âziah, bei ons wars entdwedr dr schwarze Mâ oddr dr Nachdkrabb er oin hola kennd.


    Umanandschiagka? Lieg e dâ mid Omananderschigga, also rom ond nom hedza, drneba?

    #210Author opadeldok (1319435) 09 Aug 22, 12:15
    Comment

    Bei umanandschiagka tipp i fiers Werb uffs hoechdeidsche "scheuchen". Im Allgai isch des globe "schuiche".

    Ond weilmr in LEO send: Geiz do an Kondexd?

    #211Author manni3 (305129)  10 Aug 22, 00:24
    Comment

    Genau, manni, des Wördle "omananderschoicha" isch mr geschdern nedd aigfalla.

    #212Author opadeldok (1319435) 10 Aug 22, 10:25
    Comment

    Umanandschiagka = rumschiagka = rumschlooga - rumdabba


    ma ka sich dabei dSchuah vrschiagka - henner no nia verschiagkade Sohla a de Schuah ghett?


    Mol säa, vielleicht schiagkad da Schose heit wiedr a wengle mitmer umanand 😉


    omananderschoicha - des kenn au, abr des duena mit näamerd



    #213Author Moi Gab (456541)  10 Aug 22, 11:10
    Comment

    "omananderschoicha - des kenn au, abr des duena mit näamerd" - ond do wäesch du iddamol roed 😉



    #214Author manni3 (305129) 11 Aug 22, 10:53
    Comment
    I glaub des deckt sich weitgehend mit dem was i schürgla nenna dät. Net so dr federnde, elegande Schritt, eher tendenzjell a weng õrund...
    #215Author Goldammer (428405) 11 Aug 22, 14:12
    Comment

    gschueched - vo Schueh? gschlurfed?

    #216Author manni3 (305129) 11 Aug 22, 17:08
    Comment

    Hei Schbätzla, a ganze Woch isch rum und koiner hot äbbes gschrieba. Iddamôl sHimmale hot da Fada glupfd.


    I hoff, ihr sin gsund und eich gôhts guat.


    I war jetz scho viarmôl middem Schose radla. 8, 11,67, 16,41 und 11,94 km. Älls hintarum, im Wald, zwischa de Hopfgärta und id am See entlang. Wunderscheee. Morga gôhts weitr.


    Jetz liese a meim Buach weitr. Bisuuuuu


    Edith moint no, i sodd eich vrzella, dasse a arms Weib bin. I honn dHeizeelrechnung griagd - 2,5 Daused, i kennt heila.

    #217Author Moi Gab (456541)  18 Aug 22, 20:29
    Comment

    Isch losse noch ganns schnäll eh Bissuusche fass Gäwwelsche doo ...

    :-)

    #218Author no me bré (700807) 18 Aug 22, 21:25
    Comment

    heizeel ist aber für eine längere Zeit! Ich habe keine Ahnung, was ich hier zahlen darf. Die abrechnung kommt erst im Oktober.

    #219Author renateheinz (1125123) 18 Aug 22, 21:40
    Comment

    Gäbele, idd bläere! Ond lueg idd uffd Schdrohmrechnong!! Du kasch de gfraie, dass dr Schose endlech midd dier radled - gemeinsame Zwaisamkaid, waisch scho! So schea kaas Aldar sei ;-))


    Grießdi, renateheinz! Bei mier kudze äeschd em Nofembr - do bini oo gschbannd!

    #220Author manni3 (305129) 18 Aug 22, 22:13
    Comment

    Stimmt, Natele, desch frs ganz Jôhr. Aber, s'isch drotzdem meh ass dobbled so viel wia sledschjohr. Dôda zuana, honne den Sommr meh Ausgabe ghett as sonschd und dôdavo nix frs Vrgniaga.


    Jo, Manni mei Darling, hosch räat. I freime. Desch echd an Grund sich zom freija.


    Märssi mei Brelele !



    #221Author Moi Gab (456541)  19 Aug 22, 11:34
    Comment

    Gäbale, isch allz okeeh am Seeh?

     

    #222Author twocents (460778) 20 Aug 22, 09:50
    Comment

    Worom frògsch, zwoisentle? Isch deet ebbes gwä was de beõruicht?

    #223Author Goldammer (428405) 20 Aug 22, 16:21
    Comment

    Do hots de ledschde Dag guat gregnet, etliche Schdroßa san gschperrt.

    #224Author bluesky (236159) 20 Aug 22, 16:35
    Comment

    Danke fir die Info, hemele!

    Baißewei, du wursch vrmisst!

    #225Author Goldammer (428405) 22 Aug 22, 18:13
    Comment
    #226Author Goldammer (428405) 26 Aug 22, 08:56
    Comment

    ... auch Landwirtschaftsminister Özdemir - dr Gsälz, i konnd mi allad no doedlache ;-)

    #227Author manni3 (305129) 26 Aug 22, 10:00
    Comment

    Des isch ja liab, daß mis Amymimile vermisst, abr des hot ja sein Grund warum i nemme im Krossower Dschäd schreib.


    Freili sen dia schwäbische Brezga besser als dia bairischen. I denk do an da Brezn Baur aufm Augschburger Schtadtmarkt. Dünne Ärmla abr net eigschnitta kwasi as Beschte aus zwoi Welten.

    #228Author bluesky (236159) 26 Aug 22, 12:38
    Comment

    Du muasch jò deswäga et em Grossowerdschädd schreiba, hemele, i han bloß denkt ghett, dassdade velleicht fraisch on velleicht au Luscht heddesch, di bei ehra amòl zmelda....weil i vrmude, dass-es Eimimimile et dr Grond isch worom du deet nemme schreiba mechdesch.


    Zor Reihafolg welches de beschde Brezla sen eißere i mi net...i fend abber dassmr jò durchaus de ganz Bandbroide vo Ausbrägonga (wega mir au die bairische) als Kuldurerbe ausweisa kennt, so en weida Horizont hett i dò scho....

    *ganzleiszomrselberflyschder* a Brezl ohne Ausbond...also i woß edda....


    #229Author Goldammer (428405)  26 Aug 22, 15:36
    Comment

    I fend die schwäbesche Bredzga o bessr - die knuschbrege dünne Ärmla ... hmm ...

    Ond se send oo lengr frisch wex em Fedd.

    Mei Kombromiss: die diefgfroerene vom Edeka jedn Moege sell frisch aufbache, midd Buddr ond Honk! Wenn se frisch send, send o die bairesche knuschbreg ;-)

    Dees mibbm gschniddene Ausbond gfellbr abr idd. Dr Bauch soll vo sell aufschbrenge.

    #230Author manni3 (305129)  26 Aug 22, 17:08
    Comment
    Dr Dengs secht: Gwatsch! Wemmer en schena Ausbund will, dirfatse et z'arg ãdrieba sei, on mr muaß-en schneida. Sonsch schbrengt'r net ebamäßich on et weit gnuag auf.
    Zora Brezat mitma wiaschda Ausbond secht'r Gribbl.
    #231Author Goldammer (428405) 26 Aug 22, 20:14
    Comment

    A Glick fier mi als Liebhabar vo naddierliche Voergeng in dr Nadduur dess Aufbladzens, dass dr Dengs koi Bredzga fier de Edeka z Menke idd ââschneide däff 😉

    #232Author manni3 (305129)  26 Aug 22, 20:59
    Comment
    #233Author Goldammer (428405)  26 Aug 22, 21:18
    Comment

    Bredzga mid Schmaily odr Afrekanarlibba - weam se gfalled ... Fier mi isch des hald a nedda Widz. Abr Du bisch de deine gwehnd ond i die meine.

    Komm liebr amohl zom Brobiere. Mei Faferidd isch grad mid Buddr ond Honk zom Friehschdick middam Kafee ond/odr ar Brise Salz, Kackau, Zimmd ond Kardamomm - zuer Zeid grad mid allem* 😘


    *Nochdrag am Samschdagmoege: Heid amohl bloss mid Salz. Des machd de Kafee mildr. Des drixt dZonge aus ond se schmeckd dBiddrschdoffe nemma ;-)

    #234Author manni3 (305129)  26 Aug 22, 22:46
    Comment

    Zimt im Kaffe mog i o. Abr Salz?


    I mog halt koine aufplatzte Brezga.

    #235Author bluesky (236159) 27 Aug 22, 10:44
    Comment

    Wahrscheinz hadd a jeda Beck sein indewidewelle Schnidd. Do kommba zom Beischbl mid so am Zickzackrädlar, dean wo ma zom Mauldascherausschneide häenemmd, a wondrscheas Däer-Weiße-Hai-Gebiss häerschdelle ;-)

    Des Zickzackbuddrmessr vo meir Mueddr iehrar Ausschdeier haoni laidr nemma, soschd däd is amohl brobiere!

    #236Author manni3 (305129) 27 Aug 22, 18:00
    Comment

    Morgen probiere ich das mit der Prise Salz im Kaffee aus! Wenn nur der Deckel nicht reinfällt!!!

    #237Author renateheinz (1125123) 27 Aug 22, 19:08
    Comment

    I mog in meim Kaffee bloß Kaffee denna hau. Koin Zimt, koi Salz, koi Milch, koin Zuggr. Außr 's isch a arabeschr Mokka. Dau deff Ingwer odr Kardamom denna sei. Ond Brezga isse faschd nianats, drfiar omsomear Laugasemmla - mit Weixlmarmelad aufm Buttr.

    #238Author Selima (107) 28 Aug 22, 11:54
    Comment

    @ renateheinz: Erst in die Handfläche und davon eine Prise nehmen 🧐


    @ Maisle: wie machschn des midd deam Ingwer - reibe odr a Schdickle (Schdickle? Hä?) schneide, ond dass dr däe idd eidrickned?



    PS @ Wokkabelar: Kenned dier sHonk uss 234?

    #239Author manni3 (305129)  28 Aug 22, 12:14
    Comment

    Dia hand dean neigrieba zom Bulvr enda Doopf ond nocht kocht (a arabeschr Kaffe weard ja direkt em Doopf dreiml aufkocht: Schwaarz wia d'Nacht, hoiß wia d'Hell ond siaß wia d'Liab.). Der isch gscheid scharf gwea dear Kaffe.


    Vom Honk, manni, haumrs schomml ghett. Bei oos sagtmr des idd, abr vo Dir kenne des ;-)

    #240Author Selima (107) 28 Aug 22, 12:27
    Comment

    I iebrleg grad, ob mr a Weldkuldurerbe oifach so verschbeisa, also gwasi vernichda, derf. 😉


    Wer wo ond warom d' Brezl erfonda hòt, nemmad jâ verschiedne Ordschafda fir sich en Âschbruch, luschdicherweis emmr mid dr gleicha oddr zomindeschd ähnlicha Gschichd. Ondr andrem ao Aldaried, wo jedes Jâhr dr Altenrieter Brezelmarkt schdaddfendad.


    Manni, Bruder em kulinarischa Gaischde, mi hend se als Jongr älle fir nedd normal ghalda, wenn e a Laugagebäck mid Buddr ond Honig beschdricha ond des mid Genuss gessa hao.


    A Prise Salz hòt mai Muadr ao en dr Kaffeefildr nai doa. Ond i mach's heit no mid ra Messerschbidze Natron.


    Ond außerdem ond iebrhaubd ond weil d' Brezel a schwäbische Erfendong isch schreib e grad, fir den Fall, dass e amòl Kenich vo Deitschland wer, an Gesetzesteggschd: Wer Brezla nâchmachd oddr vrfälschd, oddr nâchgmachde oddr vrfälschde sich vrschaffd oddr en Verkehr brengd, wird mid ....

    Weidr be ne no nedd komma. Vorschläg fir 's Schdròfmaß send willkomma. 😉


    #241Author opadeldok (1319435)  28 Aug 22, 12:34
    Comment

    Em Werderbuach isch dr Honk et denna. I han a weile romgrätselt on en nò mit Hilfe meines Gripses ausm Kondegscht erschlossa....


    I brieh mr dr Kaffee mit fascht kochendheißem Wasser uf (i lass es Wasser a weng schdanda, damit's a bißle abkiehlt, ganz schbrudelnd soll mr's jò et nemma, hanne mr saga lassa), lass-en a baar Minudda schdanda bis-r sich gsetzt hòt *) on gieß en nò en die vorgwärmde Milch nei ab. Koin Zugger. So mag en i am liebschda. Salz on Zimt kennde amòl brobiera.


    *) Kennetr des Schbrichle: wer hòts besser, dr Kaffee odder dr Tee? Dr Kaffee nadierlich, weil der derf sich setza on dr Tee muaß ziaga. (I han mr emmer vorgschdellt, wia sich dr Kaffee en a Loidrawägele neisetzt on dr Tee muaß'n ziaga..)

    #242Author Goldammer (428405) 28 Aug 22, 12:43
    Comment

    ... der werd mit Brezgaentzug net onder fünf Johr beschdraft.

    #243Author bluesky (236159) 28 Aug 22, 15:03
    Comment

    Maisle, d Grieche mached de Griechesche Kafè so wie dDirke. Do geiz schbezjelle ellegande hoechwandege Kubfrdebf midd ar Vrzinkong inna. Eisr griechesche Freindin had eis amohl oin gschenkd midd dr mendleche Bedihnongsââlaidong ond de Ausdrick fier die ondrschidleche Zuckarkonzendrazjona. Metrio haoni mier gmerkd. Em Sommr macheze an Kafè frabbè midd Nesskafeebulfar ond eiskalbm Wassr.

    #244Author manni3 (305129)  28 Aug 22, 15:30
    Comment

    Dia andre griechsche Kaffe hoißat glikko (siaß) ônnd skeddo (naggad, eigentle schmugglos).


    Honk kenn-e au, abr em ÔndRland saggba Honeg.


    Brezga sênd bessr wenn se dinne Ermla hand, abr ZMinchen giit's dia it. Abr drfier gangat dia midde digge Ermla guat als Kääsbrezg, mid Emmadaalr oder Bergkäs.


    I vrmiss es Gäbale!

    #245Author twocents (460778)  28 Aug 22, 16:27
    Comment

    Bei de diefgfroerene ond frisch aufbachene Menknar Bretzga send dErmla oo schea knackeg ond knuschbreg. Ond do uff dr Bruchschdell an Buddr ond a Honk - odr an Gorgonzola 😘


    Däe oi griechesch Freind vo meir griechesche Freindin hadd zue skeddo glob i ke orchi - midd nix xed ;-)

    #246Author manni3 (305129)  28 Aug 22, 20:34
    Comment

    Dr Tschemm liest bei ôns mit!

    Er will dBrezga zôm Weldkulduhrerbe macha ...

    #247Author twocents (460778) 29 Aug 22, 08:13
    Comment

    Faschtafünferle, gugsch #226, do semmer nämlich iberhaupts erschd auf Brezga komma.

    #248Author bluesky (236159) 29 Aug 22, 09:33
    Comment

    Nâu isch au recht.

    I glaub's halt erscht, wenn-e s en dr Onlain-Zeidông gfônda hau.

    #249Author twocents (460778) 29 Aug 22, 10:37
    Comment

    Ussm Link zuer SZ: "Schließlich wäre es das erste Mal, dass der Vorschlag eines Ampel-Politikers in Bayern auf Zuspruch stößt." *hihi*

    #250Author manni3 (305129) 29 Aug 22, 11:46
    Comment

    Heid haoni zom äeschde Mohl so an Schmeddrleng xäeche - uffm Oregano uffm Ballkooh uffm Ballkaah. Kennd dean ebbar?

    A ísch zemle kloi, so andrdhalb ẞandemeddr hoech. A hadd ganz ooscheinbar grau midd Bonkd ausxäeche, ond äeschd uffm Foddo in Nahaufnahm siechba sei ganze Farbebrachd ond seine weiße Semblfranze.

    #251Author manni3 (305129)  30 Aug 22, 20:13
    Comment

    Desch auf jebmfall a Bläuleng, pferleicht sogar der: https://de.wikipedia.org/wiki/Gei%C3%9Fklee-B...

    #252Author Selima (107) 30 Aug 22, 20:40
    Comment

    Des bassd zemle gnau! Veleichd isch es oo däe: https://de.wikipedia.org/wiki/Idas-Bl%C3%A4uling


    Dankeee :-))

    #253Author manni3 (305129) 30 Aug 22, 21:14
    Comment

    Zsammaglabbde Bläuling ausenanderhalda isch glaubi zemlich schwierich...dò gibts legion drvo on älle sen zemlich ehnlich..

    #254Author Goldammer (428405)  31 Aug 22, 11:20
    Comment

    Danke, danke! Fier mi isch des jebmfalls dr äerschd Bläuling, däe wo mir bewussd begegned isch. Jeda oinzlne vo deane Legjona hadd scheinz sei indewidewells Habidadd. Ibr oin haoni gläese, dass däer zom Beischbl gäere uff dr Menknar Schoddrebene voerkudd. Scheinz käerd mei aingdle fellig schoddrfreija Ballkooh uffm Ballkaah oo drzue. Odr se rieched de Menknar Schoddr im Beddooh vo meim Ballkooh uffm Ballkaah! Veleichd soddi des Foddo deane Plebejar vor Lepidopterologie schicke 😏

    #255Author manni3 (305129)  31 Aug 22, 14:22
    Comment

    Meglicherweis riachd der ao den ganza Schoddr den da en daim Panzerschrank uffbewahrsch. 😉

    #256Author opadeldok (1319435)  31 Aug 22, 14:48
    Comment

    Dr Fortpflanzongziglus von de Amoisablaileng isch fei hochendressant: https://de.wikipedia.org/wiki/Heller_Wiesenkn...

    #257Author Selima (107) 31 Aug 22, 15:57
    Comment

    Koi Wondr, däe isch ja oo myrmekophil.

    Des wär oo mea so a Woed fier de Was-es-idd-alls-fier-Wäedr-geit-Fade 😯

    Ond jeda vo deane myrmekophile Bläuling brauchd a andre Bflanze ond a andre Amaise! Ganz schea aufwendeg, abr oo ganz schea schduer ond ôôflexibl ond abhengeg.


    Obbale, dei Hibbedeese isch äjer ôôwahrscheinlech ;-((

    Laidr!

    #258Author manni3 (305129)  31 Aug 22, 17:08
    Comment

    Aus agduellem Ãlass hòt dr Dodokay ebbes uf Jutjuub vrlinkt, bragdisch en Nòchruf uf dr Gorbatschoff:

    https://www.youtube.com/watch?v=0KFwxKJflwo

    #259Author Goldammer (428405)  01 Sep 22, 11:19
    Comment

    Däe Lenk gohd zwar grad idd direckd - veleichd, weil Leo grad a bissle Kraislaufschdehronga hadd. Abr ma kanen oifach ind URL-Zeile kobbiere ond nocha loffda saugued - dankeeeeeeeemmrle :-)

    #260Author manni3 (305129) 01 Sep 22, 14:06
    Comment

    Riedlenga-Upflamöhr! :))

    #261Author twocents (460778) 01 Sep 22, 14:08
    Comment

    Also Upflamör gibt's jò echt. Desch a netts glois vrschlòfns Nescht hender Zwiefalda domma, dò isch en dr Nähe an alder keldischer Viereck-Wall on a schener Aussichtsponkt mit Alpensicht.

    #262Author Goldammer (428405)  01 Sep 22, 14:49
    Comment

    Upflamöhr klengd so franzesesch uff Einheimesch. Mi erinnredz an Böfflamott 😅

    #263Author manni3 (305129) 01 Sep 22, 16:44
    Comment

    Zom Tet-a-tet mit Böfflamott in Upflamöhr 🙂

    #264Author Selima (107) 01 Sep 22, 16:52
    Comment

    Ond zom Deßär Schaddemorella 😋

    #265Author manni3 (305129) 01 Sep 22, 16:59
    Comment

    Also Upflamör kommt von Ob-Pflummern. Onderhalb, also vo drAlb ra Richdong Riedlenga / Donau liegt des Schdädtle Pflummern, on Upflamör isch oberhalb drvo uf drAlb.

    #266Author Goldammer (428405) 01 Sep 22, 17:06
    Comment

    sWicki hald a andre Häekombfd fier wahrscheinlech:

    In däer exbonierde Lage ibrem Dal vo Zwiefalten midd am Haufe Näebl isches ibr deam Näeblmeer: Upf(=über)la(=dem)mör(=Meer).

    Böfflamotte isch die bairesch Schbedzjaledäd boef à la mode ond Schaddemorella seied vom Chateau Morel - wie so oft a äjer frogwirdege Volxeddemollegih.

    #267Author manni3 (305129) 01 Sep 22, 17:34
    Comment

    Idd vrschregga, dr Leo mobbt me grad, i hau me nomml âagmeldat.


    Uppflmehr kenn-e, i bee scho schbazieraganga. DSchrdauß auf Zwiefalta nâa isch au schea, voârallam wemm am Kloaschdr vorbei en Richdông Dôana feehrt.

    #268Author 2-cents (1365531)  01 Sep 22, 19:43
    Comment

    Korreckdurnochdrag (idd dass mi sGäbele schimbfe mueß): böff schreibze uff Franzesesch boeuf odr  bœuf.

    Voer laudr Ibrlege, ob is  œ nemme soll ond wo i des woll häebreng in am Engleschforom, haonis u vrgäeße 😟

    #269Author manni3 (305129) 02 Sep 22, 00:21
    Comment

    Also mit Vrlaub, manni, i glaub en dem Fall schwätzt d' Dande Wicki an Granadascheiß raus! Zo dera Zeit wo d' Ortschafda ihre Nama griagt hen, hòt gwieß koi Älbler so a Vorschdellong ghett wia a "Näbelmeer"!! I wett, dei Dande Senz (Jòhrgang achdaneizg, so hòt se doch ghoißa, odder?) wär dò mit mir einich.

    #270Author Goldammer (428405) 02 Sep 22, 20:45
    Comment

    Also mei Dande Senz (Johrgang 98) hadd nie a richdex Mäer xäeche kedd, bloss de Bodesäe, weil se amohl a baar Johr dedd gschaffed kedd hadd. Uff die Idee midd am Näblmäer wär die nie komme, do hasch räechd ;-)

    #271Author manni3 (305129)  02 Sep 22, 21:16
    Comment

    Heid isch meah a Bleiling dò gwe. I be mr idd sichr, obs dr gleich gwe isch. Abr jebmfalls hadd däe bFligl a bissle aufgmached ond des wäed scheinz a Kleina Sonnenröschen-Bläuling (Aricia agestis), oo Dunkelbrauna Bläuling oder Heidenwiesenbräunling gwe sei. Lenx isch a Foddo ussm Endrnedd ond rechz des mei. I haonen idd scharf vrdwischd, abr bFarb ond die gäele Fleck däded schdimme. Däe isch allad schnellr als mei Audofokuss gwe ond hadd mi drädzd: Wenn i denkd hao, jedzd isch scharf, hadd a scho meah zueklabbd kedd!

    Vom Oregahno als Lieblingsneckdarschbendar isch im Wicki allardengs idd dRed. Ond Amaisla bruuchd a oo idd - zom Glick: Die geiz uff meim Ballkooh uffm Ballkaah idd.


    Schmeddrlengsforschong isch a bsondrene moderne Ausfiehrong vo Jägar- ond Sammlarkulldur. Schbrichba Lépido'ptèrologie, odr, Maisle?? ;-)


    Handr uire [edit 7.9.2022 09:21] SonndaxMickdereame all doob? Wenn idd, nocha wäez fei Zeid, gell 😉


    Heid [edidd am 11.9.22 ommare halbe ois z Middaag] isch sBarablui wichdegr als dr Reame. De Reame sobba abr gued eifedde midd Adhäsionsreamefedd, idd dass a durchrudschd.

    #272Author manni3 (305129)  04 Sep 22, 00:26
    Comment

    Boschurle Schbätzla! I glaub, id sodd auamôle wiedr äbbas schreiba, nôchdeme a baar Däg faul im Neschd rumgflagged bin (die bled Kuah Corona hot sich uheiglada beim Schose und mir rumdruggd, Gottseidank simmer oftgnua gimbfd, so dasses id ägschdrem schlimm war. s'war sogar räat schee im Neschd - middamma Herbuach vom Jörg Maurer, "Beim Föhn brummt selbst dem Tod der Schädel", an Ohraschmaus!!!).


    Geschd hemmer sozusaga am Schose sein anniwersähr als Fäadraball gfeijared. Ganz ohne Kuacha, Kerza, Kind und Engkala 🙁 Scheißdreckle!


    Ansonschda hoffe, dasses eich guat gôht. Siejuuuuu leitr, .......


    @Manni: Schmädderling du gloines Ding, suachder eine Tänzerin, juheirassa, juheirassa, ooooh wie luschdig tanzt man da, tralala.....Kennsch des Liadle au no?


    @Senzle: mi fobbad da Leo au

    #273Author Moi Gab (456541) 16 Sep 22, 10:41
    Comment

    Meine Giede Gäbele!!

    Dò isch mr amòl a baar Dag a weng schdill on guggt et nòch dir - on was machsch? Fangsch dr Corona ei!! Hòt des jetz sei miaßa? On no mit soma beschissana Taiming, ieber em Schose sein Geburzdag!!!

    Abber jetz hendr wenigschdens eier Immunsischdem ufm agduella Schdand!


    #274Author Goldammer (428405) 17 Sep 22, 21:32
    Comment

    Mei Daumedrucke hadd kolfe: FCA-FCB 1:0 😊

    #275Author manni3 (305129) 17 Sep 22, 21:41
    Comment
    Ja, sonsch hett dr schene Manuel (der sieht scho sauguat aus, fend i) des Kobfballdor no neibròcht, des wär sicher Dor des Monatz worra!
    #276Author Goldammer (428405) 18 Sep 22, 00:44
    Comment

    Manni, i hau a lengwischdischa Frog: Wia sätmr "ui" auf Allgairisch? I hau ledschnds mit meine Eldra gschwätzt ond hätt "ui au" auf Allgairisch saga mechda, abrz "ui" ischmr idd eigfalla.


    Gasch heid bei deam garschdiga Weadr auf da Drachdaomzug?

    #277Author Selima (107)  18 Sep 22, 09:28
    Comment

    Zom Drachdeomzug gang i des Johr idd. S isch br zkald.



    Uff Allgaiaresch däd i sage:

    "Mier wensched dier an scheane Sonndag!" - " I ui oo!" (Dativ)


    Die zwaid Bersoo Blural Nommenadiv - oo als Heflechkaizform - isch oo "dier":

    I hao koi Audo. Dier (dr Dengs~ ond du) wäered woll zwai Audo hâo?



    S oo isch s Oschdallgaiar Schiboledd*: Bisch nechd oo beim Eikoofe gwe? ;-))



    *Mei Hiere wäed allad mendr! Jez haoni femf Minudda des Woed xuechd ond idd gfonde. No ben i ind Kuche gange ond hao a diefgfroerene Bredzge ond an Seml ins Oferäehrle gschobe ond beim Neischiebe isch brs eigfalle. No ben i waidle meah an Kombjudar zruck ond haos aufgschrihbe. Bessr schbäd als nie!

    In meim gaischdege Zueschdand ischs Endrnedd a wahra Säege: Do machz nix, wenn a Woed idd glei kudd - druck i hald a baar Minudda odr vihl Minudda schbädr uff Absenden. In am annaloge Gschbräch isch des beinlech und fihchdeg nerfig ond mankmohl wäer i richdeg nahred!!

    So, ond jiz gang i ind Kuche ond schalz Oferäehrle ei ;-)

    #278Author manni3 (305129)  18 Sep 22, 10:03
    Comment

    Du hosch as Schibbolettle em Reahrle gfonda? Do hosch abr a gebildets Kichaegwibment ;-)


    Iatz muane doch nomml nochfrooga:

    Schdandarddeitsch -> Norschwäbesch -> Allgairisch

    Ihr habt zwei Autos - Ui hand zwoi Audos - Ui hand zwai Audo (wann alle mednand per Du send)

    Sie haben zwei Autos - Ui hand zwoi Audos - Dier hand zwai Audo (wamr per Sie isch)


    Ond nomml a Frog: Wann des "oo" Oschdalgairisch isch - woißsch Du wiamr zom Beischbiel am Obrallgai sät?



    #279Author Selima (107)  18 Sep 22, 10:23
    Comment

    Schdandarddeitsch -> Nordschwäbesch -> OschdallgaiAresch

    Ihr habt zwei Autos - Ui hand zwoi Audos - Dier hand zwai Audo (wenn all middanand per Du send)

    Sie haben zwei Autos - Ui hand zwoi Audos - Dier hand zwai Audo (wemma per Sie isch)


    Oschdallgai oo - Obrallgai ou

    So schdòhz bei Kleiner Sprachatlas von Bayerisch-Schwaben, Karte 17

    #280Author manni3 (305129)  18 Sep 22, 10:43
    Comment

    Ookäääi, iatz hannes vrschdanda. Dei dridda Zeile endr #279 hadme a wengale vrwirrt.

    #281Author Selima (107) 18 Sep 22, 11:03
    Comment

    Aha! Dr äeschd Sadz isch a Sengelar, weil du dees zue mier sehschd. Dr zwaid isch a Blueral, weil i dees zue ui baid sag ;-)


    I wensch ui allmiddand jebmfalls an scheane Sonndag :-)

    #282Author manni3 (305129)  18 Sep 22, 11:16
    Comment

    Dier hônd heit scho hegschdwissaschaftliche Gschbräch dôhinna. Dô kan i id mithalta!


    Manni, wa soll des Zom Drachdeomzug gang i des Johr idd. S isch br zkald ??? Dengk doch a dia viele scheene Miedr! Do friared dia Maidla jo umsonsch!! Ziahde halt warm a.


    I will ibrigens naus! Naus naus naus. War lang gnua eigschberrt. Druggadmer bidde dDauma, dass da Tesch morga negadief isch.

    #283Author Moi Gab (456541) 18 Sep 22, 11:27
    Comment

    Noo a Ondrschid zwische Nord ond Sihd isch mr aufgfalle: wann - wenn


    Bei ui isch es scheinz wie im Bairesche: in baid Fell, Zeidfrage ond Kondizjonal, haißz bei ui wann ond bei eis wenn (dees haoni amohl mibbm dude dischkrierd)

    Hoechdeidsch: "Wann kommst du?" - Wenns dir recht ist, komme ich gleich!"

    Bei ui: "Wann kommscht?" - "Glei, wanns dir bassd!"

    Bei eis: "Wenn kusch?" - "Glei, wenns dr bassd!"


    Schdemmd dees fier di?

    #284Author manni3 (305129) 18 Sep 22, 11:33
    Comment

    Gäbale, meine Dooma send druggd. Kaasch idd heid scho an Deschd macha?

    #285Author Selima (107) 18 Sep 22, 11:34
    Comment

    dEdidd wodd em Gäbele no sage: Bei dear Kelde hand die Fehla soweso iehre Schdrickjacka bis nauf zom Hals zueknobfed ;-((


    I druck ui baid baide Daume fier de Deschd!!

    #286Author manni3 (305129) 18 Sep 22, 11:38
    Comment

    Korregdur zur#284: Bei oos isch des oo "dr" - alzo ohne -i-


    Abr ja, anschoschda schdemmt des.


    Alzo nomml, damides au ganz reacht hau:

    Schdandard: Ihr habt euch gefreut - Wir laden euch ein

    Nordschwäbesch: Ui handse gfreit - Oos ladmr ui ei/ Oos ladat ui ei [dau schwanke ond woiß idd was woher kommt - ds oine isch pferleicht ausm Rias vo meine Groaßeldra]

    OschdallgaiAresch: Dier handse gfreit - Eis ladet ui(b) ei

    #287Author Selima (107)  18 Sep 22, 11:40
    Comment

    Korreckduur:

    hochdt: Ihr habt euch gefreut. - Wir laden euch ein. - Das freut uns.

    OschallgaiAresch: Dier hand ui gfrait - Mier ladet ui(b) ei - Dees gfrait eis

    #288Author manni3 (305129)  18 Sep 22, 11:48
    Comment

    Amoisle (#285), sBroblem isch, dasses da Schose zeitvrsetzt vrwischt hot. Der sott au negadief sei.


    Abr, i will jo id jommerra. Dahoim isches au schee. Dô sin dier gwieß eiverschdanda (gell, i bin nô lernfähig 🙂)

    #289Author Moi Gab (456541) 18 Sep 22, 11:56
    Comment

    Jetz henn i gmoint, da Drachdaumzug tätns im BR übertrage - abr nix.

    #290Author bluesky (236159) 18 Sep 22, 11:57
    Comment

    Gäbale, so ebbes bleeds mid dera Korohna!

    I wensch Ui, das-Dr bald wieder ganz xond sênd!



    Nauchdrag zôm Dialeggdkondinoomm:


    Schdandarddeitsch -> Nordschwäbesch -> Mittlschwäbisch -> OschdallgaiAresch

    Ihr habt zwei Autos - Ui hand zwoi Audos - Ihr hand zwoi Audo - Dier hand zwai Audo (wenn all middanand per Du send)

    Sie haben zwei Autos - Ui hand zwoi Audos - Ihr hand zwoi Audo -Dier hand zwai Audo (wemma per Sie isch)


    Hoechdeidsch: "Wann kommst du?" - Wenns dir recht ist, komme ich gleich!"

    Bei ui: "Wann kommscht?" - "Glei, wanns dir bassd!"

    zMittlschwauba: "Wenn kommsch?" - "Glei, wenn's Dr basst!"

    Bei eis: "Wenn kusch?" - "Glei, wenns dr bassd!"



    #291Author 2-cents (1365531) 18 Sep 22, 11:58
    Comment

    Hemmale, dr Drachdaômzug kommt scho allaweil erschd am Aubad, nia laif. Hei vô dreivierdl achde bis dreivierdl zeehne.

    #292Author 2-cents (1365531)  18 Sep 22, 12:00
    Comment

    Okee, langsam hannes.


    Fassmr zamm (unds FFle ergänzt bidde)

    Stdt---Nsch-Msch-OAll

    Ihr-----ui-----Ihr----Dier

    Euer--uir----??----uir?

    Euch--ui----??-----ui(b)

    Euch--ui----??-----ui(b)


    Nochdrag: Gäbale, ach sooo. Nauchd drugge da Dauma, dassnr all boid morga neggadif send.

    #293Author Selima (107)  18 Sep 22, 12:05
    Comment

    Nominativ

    Stdt: ich, du, er, sie, es -- wir, ihr/Ihr, sie

    OAL: i, du, a/äer, se/sui, s -- mier, dier/Dier, se


    Akkusativ

    Stdt: mich, dich, ihn, sie, es -- uns, euch/Euch, sie

    OAL: mi, di, n/ean, se/sui, s -- eis, ui(b), s


    Dativ

    Stdt: mir, dir, ihm, ihr, ihm -- uns, euch/Euch, ihnen

    OAL: mr/mier, dr/dier, m/eam, r/iehr, m/eam -- eis, ui(b), eane


    Genitiv

    vo + Dativ


    Possessiv

    Stdt: mein, dein, sein, ihr, sein -- unser, euer/Euer, ihr

    OAL: meî, deî, seî, iehr, seî -- eisr, ui(e)r/Ui(e)r, iehr



    #294Author manni3 (305129)  18 Sep 22, 12:21
    Comment

    Dangkdr schea, manne. Desch a leahrreichr Sonndigvormedag gwea.


    Re Genediv: Oo bei Verba mit Genedivobjekt? Dau dädmr oos scho uir saga, alzo: Oos gedenkmr uir. Odr: euretwegen -> zwengs uir (analog zua meinetwegen -> zwengs meiner).

    #295Author Selima (107)  18 Sep 22, 12:30
    Comment

    Zwengs ui - do däd i de Dativ nemme.

    S Verb "gedenke" kenn i im Dialeckd idd.


    Genitiv kenn i gloob i bloss bei Neme: Senzls Ondrreck, Georgs Weib

    #296Author manni3 (305129) 18 Sep 22, 12:36
    Comment

    Schdemmt scho, Verba mid Genedivobjekt send scho reacht selda. Abr oo dr Schwaub duad amol a sodds Regischdr ziacha. Zmindescht endr Kirch - Gott drbarmse oosr.


    Ond Georgs Frau isch bei oos am Georg sei Frau.

    #297Author Selima (107)  18 Sep 22, 12:39
    Comment

    ädd "gedenken": Des wär nocha in am Dialeckdgschbräch midd herausgehobener hochdeutschen Zitataussprache: Am Veddranejohrdag gedenken mier däer toten Kammeraden.

    #298Author manni3 (305129) 18 Sep 22, 12:41
    Comment

    Ibregenz haoni no ebbs fierd HibblAr ;-))

    #299Author manni3 (305129)  18 Sep 22, 12:43
    Comment

    Dann schberr-e halt dau zua.

    Dr Manni hat ja dr Weegweisr nomm en da nuia Schbaaga scho aufgschdellt.

    #300Author 2-cents (1365531) 18 Sep 22, 14:40
    This thread has been closed.
     
  •  
  •  
  •  
  •  
  •  
  
 
 
 
 
  automatisch zu   umgewandelt