DuSenzle, wenegschdns läebschd no - dees isch scho amohl sAllarwichdegschde :-)

Des isch a scheane Gschichd midd deane oi- ond zwaigriffige Wassrbeheldar!

Ond uffm Omschlag vo deam Schbrochadlass isch rechz a neddz Woed: Zigr - des hadd mei Vaddr oo xed :-)

Merssile Schbätzla, frs umziah und Diara zuamacha, dassda alte Schbaga sei Ruah hot. (i honme uabsichtlich davor druggd).

Zigr, Manni. Wias wohl am Ziggerle gôht?

Vegale, oi Deng zom Drage = Monogammii, zwoi Denger zom Draga = Bigammii. Dankdersche, Vegale, jetz honne des au verschdanda.

Häff a naiß Deile meine Liabala! I flaggme jetz in dWanna 🙂

Ha, sowas abbr ao! Jetzat hendr geschdern âbend des alde Fädale àgschlossa. I hao doch heit morga no 's Klavier riebrschaffa wella.

Wega deam Schdaubsaugr geb e em Emmerle reachd, so a Glomb, womeglich no mit Kamera, brauche ao nedd. Mai alder Kobold verrichded emmer no klaglos sain Dienschd.

Emmerle, viel Schbass beim Raffla ond Schdrigga am Hochrhein.

Scheißdreggle, i han gar-et gwißt dass mir a Glavier hen....sonsch hedde's no en dr Schubkarra mit neipaggd, obadruf. Was machemr jetz?

Na sengad mr hald, uff irgend an Ton werra mr ons scho ainiga kenna. Uffm Kamm blâsa kâ ne nemme, i hao blooß no Birschda. ;-)

Also, des middem Glavier umziah iebrnimm i jetz. Hauruck. Hoppla, nabblozed. Maaanniiiii, kasch des nei schdimma? Oh, des duatmer so loid, jetz abr au.

Wenn 's he isch, kenndat mr jâ d' Berta Panislowski aus Mässedschuhsidz fròga ob se no ois iebrig häb. ;-)

Tatsächlich fehlt dr Beitrag #75 im ledschda Fädle.

'S Gäbale hòt jâ nedd drzua gschrieba, wo ra des Glavier naghagld isch. Wahrscheinlich no voram Schlisslloch. Oddr sia hòt uff dia schirurgisch Dechnigg dr minimalinvasiva Glavierverpflanzong zruckgriffa ond 's isch ra drnach erschd aus de Fengr glidda. ;-)

Assoo, de mit dem hiena Glavier isch fr mi idda so schlimm. I het eh bloß alle meine Entla drauf glimbberra kenna. Wichdig isch, dassem Manni sei Glarinettle hoil numkomma isch.

Mir friarts ... isch eich au kalt?

Hoffendlich nedd blooß des, sondern ao 's nodwendige Zubeher, des en oim Word älles nennt, nämlich Bassklarneddlesbläddlesaufbewahrongseddwihschadullapflegeemulsioh. ;-)

Jâ, mir isch ao kalt.

Oh mei, zwoi Fehlr honne i meim kurza Beitrag - i schem me.

Opale, wa machamer nâ, wemmar boide friared. Warme Gedangka bringads id, des honne scho brobiert.

Noi, warme Gedangka hend ao bei mir nix gholfa. Nâ hao ne me en d' Badwann glegd, des war zerschd ao nedd bessr. Nâ hao ne hald, en Goddes Nama, heiß Wassr nailaofa lao. Des hòt echd gholfa. ;-)

Jetzat isch's mr warm ond fir dr Reschd vom Dag brauch e drfier koi Haizong me.

Guade Idee. Des honne geschd so gmacht 🙂 jetz honneme in an Debbich gwigglet. Desch au sche.

Häff a naiß iwaningle !

Kneischda saitmer grad garnix. Nia ghert, nia gläasa. S'lait vielleicht dôdrah, wella a wengle ...... bin. Honns id ausgschrieba, welle da Manni id ärgarra will.

Waiß scho: "wella von a bissle weschdlechr als du bin!"

s Drââdenke haoni dier ibregenz oo vrbode, du Mallefidzfehl 🙄

Zonn scheint, Manni! I schickse der num - vom Weschda in Oschda.

Geschd ware wandra im Hintrland vom See. Elf Kilometr, ohne Kniaschutz. Des wird wiedr. Juheirassa, juheirassa!

Häff a naiß deile, mei frend!

Gäbele, Zonne hadd de ganze Dag gscheind - DANKEE. Endlech meah mid Genuss uffm Ballkoo rauche ;-)

sKnie wäed scho meah. Gib no obachd uffd Ibrlaschdong ond due a bissle hofele schdaigre. Du duesch gäere a bissle ibrdreibe, ond des isch bei so ebbs kondrabrodeckdihf, gell!!

Emmrle, die kloine Zäeche dond scheißlech wäeh, wennse ebbs hand - die sodded a Schdoeßschdang hao. I wensch mr jebmfalls oo efdr oine. Mier bassierd des mankmohl dahoi uffm Wäeg uffs aige Heisle, weil i do koi Liechd idd mach ;-(

Vileichd hilfzdr, wenndn midd am Hansablaschd feschd an de Näebezäche nââbebbeschd.

Isch hann graad ääwe fäschdgeschdälld, dassisch noch gaanedd aangemälld binn ... doodebei es dass Fäädelsche schonn faschd eh gannsa Moonaad alld ... tsss ...

*angemälldbinn*

Danggescheen, Faadebabba !

:-)

BeehÄss : mia hodd heidd meddach beim Schwemme dii Sonn inns Gsischd gschiin !

Oh sBrelele war wiedramôle dô. Eeeeendlich!!!

Leitla, i schbial wiedr vo Hand. D'Schbialmaschi bumbd nimme sWassr ab. I glaub, i hett dô a Idee: Wenn scho sWasser dinna schdoht, no kane des jo grad nommel fr an Schbialgang näama. Des wär doch sche Wassr schbara. Wa woineder?

Boschurle au no!

Gummoin, mon Gäwwelsche !

Gummoin, allegaare !

:-)

Du hòsch 's Wichdigscht vrgessa: ons zom saga ob's glabbt hòt! Wia sen dia Sagrileg-Nudla worra?

(I kauf au am liebschda dia vo Drochtlfenga uf drAlb. I mòg oifach koine Nudla ohne Eier denna, dò kennet d' Iddaljener saga was se wellet!)

Gued senze woere. I hao efdr brobierd ond bei alldende haonis aagosse!

Am Gombadooschde haune koin am Gomba ziacha kenne, weil-e mid laudr Breisa ond Bairn ond sonschdige Ooemformierde beinand gwea ben. Abr am Ruaßiga Freidig haunem Bua ondm Dengs ond am Bua seim Baba an schwarze Schdroifa ens Gsicht gmolat. Dauherum macht des kois. Machdmr des bei ui oo idd?

Ond - gescht hammrs drhoimt (also wo i halt herkomm) vonde Scheddrhexa ghett. Kennat ui Scheddrhexa?

Des haune vorgeschd oo so gmacht - so hammrs endr Schual oo scho gmacht odr - wahlweise - midrar Faschingsfarb. Abr Korka warad bragdischr. Ischdr des abbl a Schbass gwea, bsondrsch endr Middlschduaf alz gschickts Middl om gwisse Endevidua gneachd zom komma :)

Ja, a Scheddrhex isch zom oina a reachd lauda Frau odr oo Mädle, frech ond vill am romschäddra eba. Abr Schäddrhexa hoddmr bei oos oo zuade Elschdra gsät.

An dean Brauch mibbm Rueß im Xichd kani mi no erinnre. Dahoi hald. Jidz zMenke haonis nemma midd seddene Breich zom doe.

Scheddrhex kenn i idd, abr a baar Weißbildr midd ar scheddrege Schdimm. Die schneidt ins Drommlfell nei wie a hoechduurege Kraissäege. Bei eis im Side kenn i dees aingdle bloss vo alde Fraua, abr im Norde geiz an Haufe jonge, die wo so schwädzed: obrtooreich ganz voena im Mond ond koi Resonanz in dr Gurgl ond dr Longe. Fihchdeg! Em ledschde Sommr haoni dBank im Nimfeburgar Park wechsle mieße, weil in so a zwanzg Meddr Abschdand zwai jonge Fehla so gschäddred hand!!

I fend des endressant, wia kuldurabhängeg des isch, was Leid fra Schdemmlaag hon. Ledschde ich ebbs em Radio drzua komma, dass Fraoaschdemma ende ledsche Jahrzehnt bei oos dongklr wora send - zmendescht bei Fraoa, dia en beschdemmde Schdellonga send. Zom Beischbiel dr Bärbegge ihra Schdemm ist defenediv diafr worra, hod dia WissaschaflAre gmoint ghett.

Dean Beidrag em BR honne nemme gfonda, abr drfiar des: https://sciencenotes.de/tiefergelegt/

Zor Bärbegge schdoht dau nix denna, abr drfiar harde Data zom generella Phenomehn.

Deesch endressand. Dassba midde kloine Kend vihl häechr schwädzd, kennebr ja all. Ond wemma zue seim Dengs odr seir Dengare ebbs Zäerdlechs sehd, sehba des midd ar häechre Schdemm, gell Budzi :-)

Vo dohäe leiz uff dr Hand, dass dBäerbecke mibbm Lawrow midd ar diefe Schdemm schwädzd!

"Huir" - ja freile, wie denn sôschd?

Vo Wiggeschbach isch däe Wick scheinz idd *hihi*

Wo behaubded däe des?

sEdiddle haddn gfonde ond eahm oo scho gandwoeded ond a Langkaade beiglegd ;-)

👍 von meiner schwäbischen Verwandtschaft kenne ich es nicht, aber vielleicht sind die zu Verhochdeutscht.

Auwezwigg, dau hanne da Beidrag vrlengka wella ond hau ds Brofil vrlenkt. Dau haune no idd gnua Kaffe ghet.

Wik, die Vrwandtschaft kaa ja aus deam gelba Kardadoil sei. Nochd bassd des oo :)

Dangkdrschea, manne. Desch allad bragdesch, dass Du dia Karda barat hosch.

Die Verwandtschaft (väterlicherseits) wohnt in und um Stuttgart, ich bin der erste in der Familie, der in Baden geboren wurde. Die jüngeren Geschwister sind dann aber wieder nach Schwaben (Stuttgart, Ulm) ausgewandert, und ich habe wenigstens in Stuttgart studiert :).

Aber ja, mein Schwäbisch könnte besser sein.

Nocha kaasch ja gäere efdr bei eis do hinna middläese ond schreibe. Do däded mier eis all räechd gfraije :-)

Am beschde schreibsch im Dialeckd, dean wod kaasch ond so gued wienen kaasch. Eisr Brinzibb isch: So fonetesch wie meglech 😏

Aba du kannzja auch hochdoidsch fonetisch schreibm, dass macht auch Schbaß *hihi*

Danke manni fir die Karda! Dòdrbei isch mir no glar worra dass nadierlich "heute" au no en die Wortfamilie neighert:

heute - an diesem Tag

heint - zu dieser Nacht

heuer - in diesem Jahr

Mei Pe-eM han-e grad gschickt.

Em "Schbrachatlas Baden-Württemberg" den wo i zo Weihnachda griegt han, isch zwòr koi Kart denna abber heuer isch em Text kurz erwähnt, es wär en dr Midde on em Oschda vo Ba-Wü vrbreidet.

I fiehl me jò direkt gschmeichlet...abber noi, i ben komblett ieberfordert...han dr scho gantowrdet.

Danke fir den Link!

Dr Dengs on i hen ons Corona eigfanga. I ben arg reduziert on geischdich au et fit. I brobier des mit dem Maddrial wenne widder besser beinander ben.

A so a Mischt. Guade Besserong.

Boschurle, Schbätzla,

nersch bin! Honn grad a ganze Schdori gschrieba ghett und woische? Wägg 🙁 (het wohl eh koi Sau indressiert)

Guade Besserung Vegale!!

Bei ße wei: Opale, wia gôhts deim Greiz?

Und wällkamm, Wik! Draude bloß id, nixme zom schreiba, dohinna. Bada ghert zuar großa Allemannnischfamilije. I woiß des, i honn do faschd vierzg Johr gläabt.

Deam schliaßeme aa: A guada Bessrong, Emmrle.

[I hau d'viert Schbritz schon verschafft - oo widdr bloß a schwearar Arm.]

I wär dann ao amòl wiadr dâ henna. Erschd mòl guade Besserong ans Emmerle ond ihrn Dengs.

Gäbale, dangke dr Nâchfrâg. Maim Greiz gòhts wiadr guad. Des isch hald so, wenn mr bei so ra Schafferei älles blooß aus dr vrlodderda Riggamusgguladur raus machd ond koi Onderschdidzong vo de no meh vrkimmerde Bauchmusggla meh hòt. Siggspägg war amòl. ;-) I hao die ledschde drei Wocha bei mir Tabula rasa gmacht. Ainige schberrige Sacha zom Schberrmill naus gschdelld, mai, durch des wiadr zugänglichs Bicherregal, ausgraimd ond budzd ond Biachr, dia ne gwieß nemme les, genauso wia ainigs technischs Glomp, was e nemme brauch, ausordierd. Dâ warad no Biachr aus de Sechzger ond Siebzger drbei (Engelmann, Wallraff etc.), Des hao ne älles em Lauf dr Woch mid zwoi Fuhra, onderbrocha vom Schdreik, zom Wertstoffhof brâchd. Dia Biachr het e neamerds zuamuada kenna, weil se em Lauf dr Jahrzehnde so vrrauchd warad, dass da se hechschdens no als Niggodinpflaschder heddsch hernemma kenna. ;-)

Zom Thema "huir", i kenns zwar, vrwends abbr nedd aggdif. Heier verwend e abbbr efders beim schwätza.

Scheddrhex als Begriff hao no no nedd kennd, abbr drodzdeam kenn e a baar vo deane.

Sodale, jetzat mach e dia näggschde Däg Bauch- ond Riggamusggla a weng fit, drmit e main vieradreißg Kilo schwera, schberriga ond ohandlicha alda Rehrafernseher am Daischdich maine 73 Schdufa na draga kâ. Des isch dann vorlaifig s' ledschde Doil was zom Werdschdoffhof muaß.

Ach ja, en de Pausa vo mainer Schafferei hao ne dann no Biacher glesa, dia scho längr druff gwardet hend, dass se ferdich glesa werrad. Ond oi neis, des mr mai äldeschde Schweschder neilich zom lesa midgeah hòt. Fir mi a Buach, des mr bis zur ledschda Seite nemme aus dr Hand lega will. Dia Autorin vo deam Roman "Leas Spuren", Bettina Storks, hao ne vorher no nedd kennd. Der Roman schbield uff zwoi Zeitebana, doils 1940 em besedzda Paris, doils 2016 en Schduagrd ond Paris. Dia Schduagrdr Hauptfigur machd a Erbschafd vo ma Wildfremda aus Paris, dia se abbr mid deam saim Engkl doila muaß. Des Erbe kommd abbr blooß onder der Voraussedzong zuschdande, wenn dia boide vorher dr Verbleib vo ma Gegaschdand (NS-Raubkunschd) ond ra evtl. no lebenda Person klära kennad. Dâ drzua miaßad se ao doilweis en dr jeweils oigna Familiagschichd romschdochra ond schdoßad drbei uff familiäre Widerschdänd. I hao dean Roman endressand gfonda ond er hòt mr gfalla.

Emmrle, jiez wäez abr so langsm Zeid, dass de du xond ond mondr meah do hinna meldschd, gell! I druck ui jebmfalls ganz krefdeg dDaume!!

Obbale, ben i froeh, dass i die Raumarei hendr mier hao, seid i voer sibzeh Johr von am Baureheisle uffm Lechfeld midd so a zwaihondrdfuchzg Kwadraadmeddr eischließle Holzwerkschdadd ond voolgschdelldar Bolledeere in a dreißg Kwadraadmeddrabbardmendle zMenke uff dr Ballkaahseite zoche be :-))

Sellemohle isch oo no mei Kreiz bessr beinand gwe!

Emmrle, alls Guede ond a baldege Schdaigrong vom Klabbrekaizfackdor fier ui baid :-)

Jebmfalls schea, dass du di gmeldt hasch - einigermaßn berujigend :-))

Emmerle, uff jedn Fall hòt dai Aiwand en dr # 64 bewiesa, dass dai Kopf no funktioniert.

Jetzat drugge blooß no d' Dauma, fir an rascha Fordschridd bei dr Entglabbrifizierong vom Reschd.

Des isch, glaob i, faschd a Novum, dass des Fädela uff dr zwoida Seite vrschwonda gwäa isch. Abroboh "faschd a", deand ihr grad bis Oschdra a LEO-Faschda ailega?

I hao mr geschdern middag beim Bäcker an ganz indigniaerda Blick aigfanga. A Kundin hòt a Brot vo geschdern wella. D' Vrkaifre hòt gsait, dass se blooß frischs häb. Nâ war die Kundin leichd sauer. I hao dann zu deara gsait: Kaufad se 's Brot vo heit, nâ isch's morga ao vo geschdern". Bei deam Blick hedd e aigentlich uff dr Schdell dot omfalla miaßa. D' Vrkaifre hòt sich abbr a Grinsa nedd vrkneifa kenna.

Bei dr Hofpfischderei hams an eigena Lada wo se bloß die ibrig bliebene Laibe verkaufa.

Hier auch, kein extra Laden, 30 min vor Ladenschluss zum halben Preis. Was dann noch übrig bleibt, wird mäusesicher verpackt.

So isch nâ ao wiadr.

Wenn e dia Kundin 's neggschd mòl seh ond 's geit wiadr koi Brot vo geschdern, geb e dean Tipp an se weidr. ;-)

Wobei, des erinnert mi annan Kolle von friar. Der hot Verwandtschaft droba em Pott. Wia er dia amol bsucht hot, wollter dene Semmeknedl macha. Also iser in a Bäckerei on hot nach alte Semmla gfrogt. De Verkeifere hot zu ihrm Schef en dr Backstube gruafa (Ma muaß se des mit wachsender Panik en der Schdimme vorschdella): "Scheff, da will einer Brötchen von gestern!"

Heit morga isch's mr wiadr amòl bassierd, dass e mai Kaffemaschin aigschalda hao ond d' Kaffekann nedd naigschdelld. Wo ne mr mai Läbenseliggsier dann hola wella hao ond dia Kaffeelacha uff dr Arbeidspladde gseah hao, isch mr schbondan nausgfahra: Heidanei, du bisch ond bleibsch an Allmachdsbachl.

Nâ isch mr aigfalla, dass e des "Heidanei" scho ewig nemme ghert oddr selbr gsait hao. Isch oddr war des bei eich ao em Gebrauch oddr isch's blooß regional begrenzt?

Wann des aus Hoidna kommt, no wondrtsme ned, dassmrs bei oos (alzo dau wone aufgwagsa ben) oo kennt. Em Fasching hoißt: Jessas, Jessas, heidanei/Werd schon nix bassiert sei!

Wammr narrat isch, hoißts eianr: Heida'blitz!

Dr Kaffee vo Hand uffbriaha, mid ma Melitta-Filter, hao ne friahr ao no gmachd, sogar beim Bund en Schdarnberg uff dr Schdub. Maine bayrische Schdubagnossa hend sich a Inschdändware mid hoißam Wassr iebrgossa ond hend des als Kaffee bezaichnad. Kuldurvrgessane Banausa.

I hao's faschd vrmuadad, dass des uff Wirrdaberg begrenzt isch. Des Jessas, Jessas, heidanei... gòht abbr no weidr mid "Noi, noi, 's isch nix bassierd ...", oddr?

:) Genao.

Ond ballne a Beidebayre ben, hotz 'heidanei' oo ens Bayrische gschafft.

"Wirr" - des isch veleichd dEddemollogih 😏

Dia Vorsilbe Heiden- als Vrschdärgong isch em Schdandarddeitsch bei Heidenspaß, Heidenlärm, Heidenrespekt, Heidenarbeit etc. ao gebreichlich. Abbr uff Heidanei ond ewenduelle Fälschonga (z.B. Heidenhinein) hend mir 's Urheberrechd. ;-)

Zwiderhandelnde werdat erschd ens Ländle glassa, wenn se an Satz wia "Heidanei, jetzt fahrad mr glei nach Heidaheim nei" ogschdroifd rausbrengad. ;-)

Kreiznei hao ne abbr bei ons no nedd ghert, abbr gschbierd, wenns mr ens Kreiz nei gfahra isch.

Des Kreiz muaß jâ ao fir manchs bei de Fliach herhalda zom Beischbiel Kreizgrabbasack (hòt mai Vaddr efders vrwendat) oddr dr schwäbische Gruaß en Vrbendong mid kreizweis ond iebrzwerch, abbr ao mid ra bosidifa Bedeidong wia kreizbrav oddr kreizehrlich.

Dr Schbruuch mim Antoneus hoißt bei oos

Heiligr Antoneus, greizbravr Maa,

backme am Zipfl ond fiahrme dranaa

:)

Zibfl? So a Woed hedd mei krischkaddolesche Dande Senz garnie idd in Mond gnomme !!!

Nochfrog: Ond? Hadz kolfe?

Wia? Hot Dei Dande Senz koi Regg aghett? Und hot der Rogg koin Roggzipfl ghett, an dem Du abbl ghängt bisch? Alzo eahrlech!

[I beemr o garidd sichr, obs idd pferleicht dr (Hoar)Schibbl war.]

Koi Ahnung, obs gholfa hätt. I be ja nia grischtkadolesch gwea ond alz Wiaschdglaibiga hauneme idd draud, an Antoneus zom Froga.

Maisle, dr Konndeggschd machz!

Des mag fier di als Frau ja andrschd sei, abr fier mi isch in dear Siidwazjioo jebmfalls klar, dass do koi Rockzibfl, Caprivizibfl, Kosackezibfl, Sackduechzibfl idd gmoind isch. Ond wenn du zue mier sehschd "du Zibfl", isches meah andrschd.