Allgai-Oschdschwobe-Schbagaat 09 Jul 08 11:50 bis 21 Aug 08 22:53 - 6 Wucha, dô isch dBegaischdrung no groaß gwe - abr deam Anfang hat oo a bsondra Zaubr innegwohnet.

dr zwait Allgai-Schwobe-Schbagaat 21 Aug 08 21:58 bis 30 Dec 08 21:19 - 19 Wucha, des hat lang dauret, isch abr am End doch no guet vool woare.

dr dritt Allgai-Schwobe-fade gôôt ins nui Jôôr:

                                                Machet us allem, was ui begegnet, sBeschde druss!

Aha, ond weil des so lang dauret hot, hosch jetzat Fade gschriebe ond nemme Schpagat.

Das isch ez eh kein Fade meh, das isch ez en Institution ;-)

Heey Blauhemele, i hau mr no ibrleggt, ob i Faade mit zwai aa schreibe sott. I schdand oifach uff Tema mit Wariaziona!

Schea, dass D'trozdeam glei reigfunde hasch!

Grieß Di Schneafleckle, des isch ganz nädd vo Dier, dass des iez a Inschdeduzioo fier Di isch!

I wensch Dr a guets Nummkomme ins nui Jôôr ond bis demnägschd dô hinna.



bluesky, Dir oo a guets Nuis. Bis bald amôôl mea, vielleicht gôôts Dr o mea mibbm Schdammdisch naus!

Des hôsch schee gmacht, manni! Dank dr schee.

Moi Gab, kennsch du dr manni so richtich en echt? Oder bloß virtuell, so wia i?

(Vielleicht soddat mir 2009 môl a Allgai-Schwôba-Leo-Treffa uff 'd Fiaß stella?)

Dank schee, manni, dir au a guats Neis. Des geht sie scho mea amol aus.

Goldammerle, des mach ma ganz oifach: mir fallet bei dr candice zum Kaffetringa ei und fressat da Kühlschrank und da Keller leer. *gg* D'candice isch so ongfähr halbwegs zwischa Mincha ond Lindau.

Koi Angscht, candice, war bloß a Gschpäßle, mir bringet onser Sach scho selber mit.

Bei dr Candice eifalle, des muess oim easchd amôl eifalle!
Komplement, bluesky!

Ui all wensch i oo dôô hinna a guets nuis Jôôr!

        Land it lugg!

A guats Neis au vo mir. Dankschee Manni fiar dia nei Inschdidution.

Goldammerle: Noi, d Manni hon i no nia gsea, aber i woiss halt vom Gfiahl her, dass der äbbes Bsonders isch. I und mai Gfiahl liaget fascht nia danäba.

Und des mit amma treffa wär ächt amol schee (o du mei liabs Herrgottle, no sehat jo alle wi i aussiih - wellat ihr des eich wirklich adua?)

:-)

I wensch Eich au älles Guade ond a wonderbrächtigs neis Jôhr.

no sehat jo alle wi i aussiih - dess, wie i moi, gäb bei eis all a scheane Ibrraschung ;-[)

Geil, jez isch d Neutrino au dabei. Jez kann uns nixme bassiera, jez simmer au no rächtlich abdeggt.

Ibrraschung, Ibrraschung, i mag ibrraschunga :-)

Noi Moi Gab, dôhanna ben i ganz brifaad. Dô werd nix abdeggt.

Neutrino, ma ka's jô môl brobiera - nô, denn halt it :-)

Gega 's Probiera sch jô au nix zom Saga ;o)

Jô, Moi Gab, des dät a scheene Ieberraschong gea. Des war selletsmôl bei dem Mauldaschadreffa letsch Jôhr (kammer jô seit heit saga) au sauglatt. Sieba Leit, on koine zwoi hent sich vorher jemôls gseha ghett.

Kennt môl oiner vo eich dia Candice dô schonend druff vorbereita, wammer do fir an Aschlag uff se vorhent? Ond era vielleicht glei au a Alternadive abieta, falls es bei ehra negôht?

und i hommer grad vorgschdelt, i gang do na und driff mein nôchbar, oder mein bruadr oder womeeglich glatt mein Scheff

koi ahnung, woa d'Candice dahoim isch

wäar des weit wäg fo Eschinga?

I hab dr candice grad a Elektroposcht gschrieba, daß se do hanna amol rei schaua soll.

Genau woiß i's it, wo sie wohnt, abr i moi des miaßat im Dreieck Kempta, Memminga, Mindelhoim sei oder do hanna irgendwo.

An guata Abad mitanand, bsondersch bluesky - I hau dei Elektroposcht scho kriagt ;o) - ond a guats Neis. Des isch scho a Iebrraschung wann mr scho längr nimmr in dean Schbagaat reig'luaget hat ond z'mal schdeht do, wen i alls zum Hoigarta einglada hab. Abr bluesky, des hosch dr scho guat gmerkt, wo mr mi find.
A guate Idee find i des mitm Treff ja scho, abr ob alle mitanand bei mir naschliafa kennat, des woiß i it. No sott mr vielleicht wissa wer all's kommt?

Kommt natirli ganz drauf a, wann ma ons treffad. I tät amol ganz grob d'Pfingschtferia vorschlaga, du kasch außerhalb de Feria sowieso net ond dann derfats warm gnuag sei, daß ma se im Garta aufhalta ka (wenn i do richtig informiert bin).

candice,i kâ De beruiga, i komm et :-) ....

On zwar weil i zwoi drhoim hau, wo uff d' Schualferia ôgwiesa send, oimôl des neutrinitoond dann au des Co-neutrino, was de gleiche Beruf hôt wia Du. Ond do nutzet mir dia Feria moischtens. Außrdem sen dia Pfengschdferia en BW ond en BY ned deckongsgleich.

Hoi, was isch etz los? Was habt's eis mit deana gelba Käschtla g'macht?

Pfingschtferia find i a ganz a guate Idee. An Hoigarta in meim Garta wär ganz im Ernscht net schlecht...

@neutrino - Außrdem sen dia Pfengschdferia en BW ond en BY ned deckongsgleich.
Des dät nacha doch grad passa, odr it?

*f5*
Käschtla sent wiedr wias sei sollt. Gschbässig...

Candice, fendsch Du die Idee mit dene Pfengschdferia ächt guat? Dô hôsch 's ledschde Môl Luft zom Durchschnaufa vor em Endschburt. Ond i woiß vom Co-Neutrino, dass es dô langsdam ôfangt zum Zeignis vorbereita.

sommr wäar au schee

Zwoi Wocha send doch lang gnua ond mir tan da nia wegfahra. Des machat mr im Sommr. Also i fänd des ächt ganz guat.
Außrdeam: mit nette LEO-Leit, no dazua Schwoba odr gar Allgair zum Schwätza isch doch gwieß Entschbannung pur ;o)

Des Allgaierisch Schwätza dät i abr uib iebrlassa, weil i ja bloß a Neig'schmeckte bi...

On do hob i was Netts g'funda iebr "Urlaub im Allgai":

http://www.heimlich-im-allgaeu.de/html/griass...

Griaß di, Moi Gab! Kennat mr eis? Wo bisch nacha du her? Ond was isch fier di "Sommr"?

Hilfe, auf meim Bildschirm spinnt d Leo.

Candice, kennsch mi no noit. Bin von dô wo d Bodasee wiartabärgisch isch. Woana due aber do, wo se geale Fiass hen.

@ Außrdem sen dia Pfengschdferia en BW ond en BY ned deckongsgleich 
- Abr Pfengschde sell isch scho oo siebe Wucha - am siebe môl siebte Dag - nôôch Ôaschtre, odr?
Ond zwai Wucha lang mecht i mi äerlich gset mit ui doch id dräeffe, oo wenn dr all räecht nedde Leit send ;-))

I bi vo zwischa Buchloe ond Fiaßa ond Kempta ond Schongau.

@neutrino - Pfingschdferia san iebrigens des Joahr in BW ond BAY genau gleich...

*f5*

Ietz bin i abr scho enttäuscht, manni. Wo i mr doch scho g'nau iebrlegt hau wo i fier di a Zelt aufschtell...

Noi Candice, send se it. Des war so blant, abbr dui bade-wirttebergisch Landesregierong en ihrer ôerschepflicha Weisheit hôt se om oi Woch vrschoba, damit die Eiroba-Wahl ed mitta en d' Feria falla duat.

BY hôt 2009 vom 2. bis zom 13.09.: http://www.stmuk.bayern.de/km/rat_auskunft/fe...

BW vom 25.05. bis zom 06.06.: http://www.km-bw.de/servlet/PB/-s/11256auwkos...

OT OT OT - amôl ebbs ganz andrs:
Mechdedr id amôl a bissle ebbs fier uibr Franzesesch doa?
Dô wiißt i ebbs ganz Gmietlechs zum Hoigaate.

Ui,mei franzesisch ... des isch a Gschicht fir sich ... ond erschtens fascht ed vorhanda ond zwoitens schau lang vrjährt.

Neiluege kasch ja amôl, smaischd isch sowieso uff Deitsch, wells id so viel Franzose geit mid Endrässe am Deitsch. Es send sogar a baar drbei uss Schbass an dr Fraid, die wo ibrhaubs koi Franzesesch kennet.

I wer amôl vrbeigucka, abbr nemme heit.

Oooo Manni, etz musse de abr uhbedingd kenna lerna, di und dein adonisgleicha Aschtralkörper *megagrins*

Ja moi, dôô wäesch Ooge mache! - Gell bluesky?

Und d'Alemannä?

D'Alemannä ond d'Alleweibr däffet oo komme, abr bloss, wenn se ihre scheane lange gschnegglede Hôôr it gladdbegelt hand, gell!!

I dem EC Züri-Münche hets e kei Steckdose.... :D

Wänn wer das überhaupt?
Ich arbeite ebe grad dra, dasi mal für längeri Ziit wiiiiiit weg chan, vilich bini den gar nöd ide Schwiiz ;-)
Also mit mir nume halb rechne. Aber grundsäzlich hetti Interesse, selbscht weni en Dix mössti mitnä ;-)

Und wäe isch dr Dix? Dr Otto odr dr Lack de Dix?

Dix isch Schwiizertütsch für "Wörterbuch". Es leitet sich glaubs usem französische Wort dictionnaire ab.

Han nur gmeint falls da no s paar us de Bayrische Bergwälder aa z' chrüche chämted, die würdi vermuetli nöd verschtah; wobii, die mich den enöd ;-)

Schnäefleckle, die uss de bairesche Bergweldr brauchsch oo gar id vrschdau. Halt Di an eis Schwôôbe, dôô kriegsch nô scho des Weesndliche mit - uffs Ohwichdige vo deane andre Hindrweldlar isch doch gschisse, oddr?

;-)

Ha, jetz guck au dô na! Des nemmt jô scho richtichgehend Geschtalt a, des Treffa!
Moinet er ed, mer kenndat an Termin fenda wo s Neutrino au ka? Oder ischs dir grondsätzlich zviel, nomôl a Leo-Treffa, Partickele? Kööt jô sei.

Also, manni, mei Franzesisch ka mer au de Hasa gea; au wenn's echt nett aussieht en eirem neia Franzesisch-Plätzle - dô ka e et mitdoa.

Guada Morga Goldammer.

Au Goldammer, 's isch mer grondsätzlich ned z'viel, abbr obs an Pfengschde gôht, woiß i ned, zmôl bei dene Zähler d'Idee uffkomma isch, em Juni (Termin wega em Fleckle ;-)) a Treffa en Schduegert z'macha. Wenn des bassiert, nôchert wär mr des dann doch z'viel. I hau jô au no en Beruf ond a Familie, gell.

Hm, aso das weg em Juni, ich bin vermuetli denn ume, aber sicher isch nüüt. Es isch bis im Februar rein gar nüüt sicher bi mir.
Bis afangs März 2009 bini no ide Schwiiz, nachher eventuell nüm.
Wasi im Moment sege chan, isch, Juli 2010 wäri garantiert wieder ide Schwiiz.
Und wenni nöd ide Schwwiz bin, wers mer echli zwiit, zum uf BY/BaWü z cho.

ach iebrigens, isch a Haigarte oder Hoigaate oder wia au emmer ihr saget, isch des des wo mir hierrom a "Hockete" oder "Hocketse" drzue sagat?

F5 Flöckle, also nô mache mer 2010 doch eifach nomôl a Hockete, wenn da des Jôhr net schaffa dätsch! :-)

Bi eus gits "Höck", aber ich bruch das Wort so Guet wie nie. Vilich isch es vonere ältere Generation. Für Pfadi und so wirds zwar no hüüfig brucht, Leiterhöck und so.

Genau, Goldammer. Falls ihr mich denn no kennäd... ;-)

Oh Mädle, di vergisst mer net so schnell!

Goldammer, Du hôsch mr jetz grad 's Wort aus em Mund gnomme. I hau grad schreiba wella: "Wia kennt mr Di vrgessa?!"

Ich wird scho defür sorge dass ir mich nöd vergessed;-)
Ich wird eu den ab und zue e Chartä oder es Imel schribe, vilich hets ja Internet.
Aber naja, no staht nüüt fescht, also ich wird's eu den schono sege, bevor i endgültig abhaue.

"abhaue" war a guats Stichwort, des mach i jetzet ond gang no a bissle was lesa. I wensch Eich a guade Nacht.

Guat Nacht und schloofed au schee

Guete Môage, ond schdanded oo mibm richdige Fueß auf, nô weads a reachd a scheana Daag!

Guada Morga. En schena Daag? Bei dera Saukälte? Brrrr .......

I hoff, dass es no a weng schneit vor die richtige große Kälte ausm Oschta kommt, nô kööt mer wenigschtens no Schlitta fahra uff dr Alb. I woiß dô a Waldwegle beim Schloss Lichtaschtoi, dô ka mer so richtig schee da Wald na pesa....

No kelter? Jetz hôt's ja schau onder -8° ... *schittel*

Wenn Dier zom Schlittschuefahre gand, nô isch grad reacht ohne Schnäe: Uffm Säe zRiem hats voarnecht a richdeg scheas Schbiegleis ghett, glatt und klar, dassba bis uff de Bode nasäeche ka. D'Kind hand sogar an doade Fisch gsäeche. "Soooo lang!" hand se gschrie ond hand dHend ganz weit ussand gschdreckt. I hao nen id gseache, weil i mibbm Rad id uffs Eis welle hao ohne Schbaix.

Tönd nöd so weichbächelig. Es isch schön chalt und frisch. :D

Ihr mösstet ebe nächscht Summer chli meh im Büro si, den chönted Er Eu nächscht Winter au en anschtändigi Jagge leischte. Und suscht chömeder mal mit in Stall go usmischte, neui Häg baue, Ross ifange, Iis ufpickle, Wasser schleppe, den hender den schowider warm!

Mi friarts it. Hock drinna, liis a buach und frai me, dass es Winter isch. Nia ischas so schee drinna, wia im Winder.

So, bin jetzt öppe foif Stund dusse gsi und han fasch nöd gfrore.
Han versuecht, das Ross z longiere, aber er het mich komplett verrarscht und het mich ade Longe über de Platz gschleift und sich ide Egge versteckt.
Denn hani halt eifach mitere kaputte Longe und es par Viehüäterstecke en Hag (ja steck mal sonen Pfoschte in Bode, wenns gfrore isch!) dur d Egge baut, de heter sich nüm chöne verchrüche, ääätsch! ;-)

Also wenn i di reacht vrschdand, Schneafleckle, hasch du vrsuecht, dean Gaul z longiere, und des Ross hat probiert, di z ignoriere. Dasses Dier dô haiß woare isch, gloob i geare. Dô hezz gar koin Pfoschde ond koin gfrôerene Bode id braucht!

Ja, das Ross het sich immer id Egge gstellt, de Platz isch ebe eggig. Und den chasch ebe nüm so vil mache, wil wend mit de Peitsche den chli umefuchtlisch, den schlat er u.U. us, wil er sich bedrängt fühlt.
Den chaner stahbliibe und s Gras abem Bode gnage.
Den hani de Platz halt abgrundet, aber dadezue hani möse Pföschte in gfrorene Bode schlah.
Und ja, er het mi scho chli ufgregt. Er stellt sich extra id d Egge. Er rennt au dauernd i min selber baschtlete Hag (=Zaun) ine, wil er genau weiss, de Hag haltet das nöd us. Er macht sich nöd emal me d Müä, drüber z gumpe (springen), er secklet eifach vollgas dri und tschüss.
Das Tier isch igendwie intelligent;-)

"Das Tier isch igendwie intelligent" - Drom hat dr Schbieß oo frienr beim deitsche Milledeer, wenn a Reckrutt gset hat "Ich habe mir gedacht...", den aagschisse ond gschrie: "Überlassen Sie das Denken den Pferden! Die haben den größeren Kopf!"

Hano, der woiß halt daß er größer ond stärker isch wia so a kloina Schneeflocka.

Dass etz i allat an dLady Godiva denke muess ... ?

Schneafleckle, wennde schreibsch "longiere", haißt dees, dass du no gar id uff deam Haitar gridde bisch? Odr duebba oo zwischedure longiere neabam Reite?

Ich riite amigs sco druff, aber dasmal hani en nur longiert.
Weisch, im Winter chan er nöd uf d Weid, und de Bsitzer (das bin ja nöd ich, es isch ja nume mis Pflegross) gaht eigentlich nöd mitim go riite. Das Ross isch den amigs chli underbewegt und wet eifach mal chli tobe und seckle. Den lahni en amigs ade Longe chli seckle und tobe.
De Sinn da drin wär denn allerdings, dass er sich au bewegt und nöd nume frisst.
Mängisch gani nacher no go riite, aber es isch alles volle Iis gsi, han nöd welä, dass er mit mir obedruff uf d fresse gheit, bin den nur chli o spaziere. Den stolperet er wenigschtens eleige;-)

Dass etz i allat an dLady Godiva denke muess ... ?
Manne... :P

Dees isch iez scho ziemlich alemannisch-ausländisch, Schneafleckle. Kasch mr amol vrzelle, was des haißt:

amigs
nume
mängisch
eleige

amigs-> jeweils
nume -> nur
mängisch -> manchmal
eleige -> alleine

Vrgäelzgodd ;-))

Manni, heit goschmr abr frianer ins Nescht. Morga isch Mäntig. ;-)

Okay, Moi Gab, wenn du des moisch, nôô gang i iez!

Guets Nechtle!

Mora isch zwar Mondig, abr immr no koi Schul... ;o)

De Fade isch igendwiä am absuufe...

Schneefleckle Weißreckle, des lommer it zua, gell!

Nei, uf gar ken Fall.

dia schlôfat gar alle scho

Schiint so.
Ach, no Zwäng Siite. En Normale Mensch het dadefür wohl 1h oder so... aber lil Snowy het igendwie 48h. Ich schiin mich innerlich degege z wehre, das Buech au nur id Händ z näh.
*süüfz*
*michachnurr*
*mir"SCHAFFE!!!JETZT!!!sege*

Snowele, hoisst "Zwäng Siite" no ab wengle leasa?

nei, Zwänzg Siite lese, zemefasse und nahprogrammiere demits den au sitzt...

Wengle heisst "Weile", odr?

a wengle = a bissle (des ab war falsch, het a hoissa solla)

ok, mit dem z versteh ich des Zwänzg und no sin mr au dia Siite klar


Kuraasch, Schneefleckle. Du schaffsch des :-)

Ich muess. Grr.
Und i chume NÖD vorwärts. Ok, mini Konzentration isch, ehm, so guet wie nüm existent (debii bini ersch ca 12h wach.... irgendöppis lauft da chrüzfalsch) und ich bin ez au scho es guets Stück wiitercho. Aber die dumme Variable idene Progrämmli sind echt s hinderletscht, das choscht uu vil Ziit zum die alli ufenand abzstimme.

Snoufleikle,

a wengle haißt woatweadle "ein weniglein" -
isch des id nett?


PS Lôss deine Hôôr in Rueh, gell?
    Abr a Ranninggäg soll des iez oo id weare, vrschbroche!!

Mini Haar werded ez den büschelwwis usgrisse, wenn das Scheissprogramm nöd entli tuet......*grhrmpf*

*dureschneii*

Churzi Frag: Verschtöndir eigentlis Wort "Chratte"?

Schneefleckle, i hoff dai Sch...programm isch etz feärtig und du erleest.

An Chratte, isch des it an Krätte (sowas wie ein Korb z. B.)?

Des hätt i jetz au denkt, dass des an Krätta isch, an Korb.

Kennt ebber von eich des alte Hohlmaß "Semmere"?

En Krätta kenn i.

Semmere kenn i net.

Hei, griaß de Gott Ländle, hei, griaßt's Eich Gott Leid!

Do benne mear.

ächt et, neutrino? Vo dir hätt e des jetz no am eheschte erwartet.

Hai, selima! Wo bischn du gwea so lang?

Also, a Semmere isch a Krätta von era beschtemmta Greße, dia hen se friher beim Hopfazopfa ghett. Do sen dia Hopfazopfer drnoch zahlt worra, wieviel Semmera se zopft ghett hent. Wemmer a Semmere vool ghett hôt, hôt mer se en da graoße Sammelcontainer ausgleert on hôt vom Bauer a Märkle derfir kriagt. On soviel Märkle wia mer am Ôbad ghett hot, soviel hôt mer no abrechna kenna.

Goldammer, vielleicht weil weder i no soscht äbbr aus meinra Vrwandtschaft, soweit i woiß, en ra Geged uffgwachsa isch wo Hopfa wachst.

Irgedwia han i denkt do wo i moin du wärsch uffgwasa hetts au Hopfa ghett - no schtemmt des halt edda.
Em Obere Gäu, wo I her be, hôt's en meiner Kinderzeit no Hopfa geba, heitzdag au nemme.

I ben em Heggagai uffgwachsa, a baar Kilometer weschtlich von dr Grenz zom Strohgai, dô hôt's koin Hopfa gää.

Des nemmt mi Wonder, weil desch doch eigentlich a ganz ehnliche Landschaft wia 's Obere Gai. Woiß dr Gugguck worom 's bei eich koin Hopfa geba hôt.

Des werd wahrscheinli am Boda liega, Schpargel ka ma ja o net iberall abaua.

Hey, Selima, griaß di nôcha. I gfrai me, dassd mea dô bisch. Hoffendle sendr all baid mea xond hoikomme. Wenn mueschn mea schaffe?

Mir isch widder môl an Onderschied en onsere Sprôcha uffgfalla: des "mea" oder "mear" kenn i ed. Des muaß "widder" hoißa oder so, gell?

Danksche an alle frs herzlige Willkomma. 's isch au schea mear drhoim zom sei. Mei Bua (manne, älle drei semmr guad akomma) hot noch oinahalb Wucha gsät, er häb Hoimweah. Nach was?, honnen gfrogt. Nochm Brot, hot'r gantwortet ;-)

Goldämmrle, genau. Des hoißt auf hochdeitsch 'wieder'. Bisch Du ô scho mear dau? Hosch Du koi Hoimat?

Öppis zum lache:
Rammstein - Bayern des samma mia
;-)

Broscht !

A bissle ruah lôssa, a bissle schlôfa lossa.
Abr bitteeeee sWecka it vrgässa!!!

lossa? - lãu!!

Am gãu, am schdãu, am bleibe lãu kemmba de reachte Schwôbe!

Manne, iatzt machsch me abr fuxat. Du wearsch doch iatzt ned afanga wella, reachte Schwauba von faltsche Schwauba an a baar Wertla drenna zom wella. Nocht muasch me wartscheits au glei zua de faltsche stella, denn i gang hoim ond i stand vor dr Diar ond i lan ned lugg.

Selima, iez due idd glei aso kähl!

Des isch halt bloss a so a Schbrichle, des woma bei eis xet hadd, well mier halt a so schwätzet. Ond andre Schwôbe hand mier gar koi andre idd kennt. Bei eis isch ba heggschdns amôle uff Kembde nei komme, abr idd weidr ommanand. Ond dôô hand se oo no so drheagredd! Nou ofens mennt!

Jô Manni, i bin it närsch. I woiß mai Schwäbisch isch it so wia dais. Und ieberhaupt, leab ich etz schô ewig un drei dag im Ausland (Baden)und glaub, dass i scho viel vrgessa hon.

Woisch du no. was an fetta Dolga isch? Oder nannaäbbe? oder schäbs?

Des sin halt au (wia in Kiena) dia frschiedane Dialägte, gell.

Selima, du kaasches au guat :-)

Moi Gab, schäbbs kenni scho, an fette Dolga kenn i idd; und nannaäbbe oo idd, isch dees so ebbs wie an oin naabenze?

Manne, Du äbbl mit Deine Sprich. Des kô doch a so a oifach gstricktr Mensch wia i ned allwei riacha. Scho gar ned iebrs Internet. Ond wann a sottigr Spruch daudrvo kommt, daß ui en uire Alpadälr koin Horizont ned hond, nocht weards Zeit, dass mal a baar Schwauba ausm Doanariad, wo mr scho am Meede siggt, wer am Aftrmeede zom Kaffe komma duad, dass alzo amole a baar sottene weitsichtige Schwauba uiran Horizont awengale erweitrat ;-)

Also schäbbs kenn i au, di andere Sacha edda. Dätsch se môl erklära, Selima?

manni, worom hôsch du uff die a bei "gau, schtau, bleibe lau" so an Krengl druffgmacht? Wird des ergedwia bsonders ausgschprocha bei eich? I dät des ganz normal ausschprecha. Schee fend i au die Kombinatio: ebber schtau lau.

Goldammer, des muasch Du Moi Gab froga. I kenn au lei "schäbbs" en irar/seira Lischte.

Goldammer, *griaßdi :-)* dr Kringl übrm "au" moint, dass mr des mehr durchd Nas schpricht, wia dr Franzos halt.

Hey Goldammr, dea Kringl soll dees ãdeite, wias dKandiß scho gschriebe hat.
Aingdlich isch es bloss so ehnlech wie im Franzesische.
Bei eis kãã ma so guet wie alle Wokahle entwedr so klar ausschbreache wie dIdalenar oder eabe mibbm offene Zungehindrgrond, nôô kommeze tief ussm Hals.
z.B. Leib-Laib
ãgão - agão (angehen-abgehen)

Hey Selima - "nocht weards Zeit, dass alzo amole a baar sottene weitsichtige Schwauba uiran Horizont awengale erweitrat"
Ja nô komm doch graad, abr waidle! Sette Weibsbildr send bei eis geare xeache!!

desch etz scho an endressander Onderschied zwischa onsere Ausschprôchana.
Bei aos dät mer saga

ãgao - agao

also 's zwoite a ohne Nãs

des alte Schprichle, kennat 'r des:

a õãgnehm grea ãgschtrichas Gaardadearle

dädat ihr des anders auschprecha?

Asso, bevor i wiader umfliag un ins Nescht kei:

nannaäbbe hoißt: entlang hinunter oder von vorn bis hinten

an fetta Dolga isch: an digga Dintaflecka

Woiß oiner von eich, was a Doggabaaba isch?

dô wär i jetz nia em Leba druffkomma.

Doggabaaba: velleicht ebbas mit ra Pupp?

Moi Gab, du kennsch Wäedr ...

Do kâne deam Manne lei aus vollschtm Herza zuastemma, Moi Gab. Wo schwätzt mrn aso? I kâ des gar ned eiordna.

I tibb amol uff dBodesäegegnd.

Jô, a Doggabaaba isch a Puppa.

I komm echt vom See, bin vo Langâargâ. Dô wohne aber nimme. Dô wille abr wiadr na.

Un dia Wäedr, i woiß au it, wo dia bletzlich wiader herkommet. Honne gwieß als glois Kind sletschmol gkehrt. Des isch a Zoicha, dass e ald werr. Do kommat dia ganze Erinnerunga wiadr zruck.

Wa isch etz mit unserma Treffa? Isch des no in Planung? Weile sonsch an Pfingschda noch England gang.

Winsch eich an scheana Ôbend, woiß noit, wia lang e am Compjutr hocka bleiba derf.

:-)

Wia, a Treffa an Pfingsta? Wo nachhert ond mit weam? Ond warom? Dau hanne ja glei garnix mitkriagt.

Selima, du hasch garnix mitkriagt, weil du oo alat beim Randschle bisch, wemmr ebbs wichdex ausmache wend!

Ha, mir secht* widdr koinr was. Ond außrdeam benne ja scho laaaang nemme auf dr Rantsch. Oigndle benne scho eanr a reachtr Lätschabebe, was des Furtganga âgat.

*O-Ton mei Oma vom Rias raus!

Iatzt abr a guads Nächtle mitnand.

Selima, des war em bluesky sei Idee:

des mach ma ganz oifach: mir fallet bei dr candice zum Kaffetringa ei und fressat da Kühlschrank und da Keller leer. *gg* D'candice isch so ongfähr halbwegs zwischa Mincha ond Lindau.

:o)

Vo #7 - #35 isch des audischkeriert wora. Liesch es, na kennsch di aus. Kommsch au?

Also nô isch des jetzat fix, odr wia?

Ond wenn dCandice de Kielschrank ond de Kellar scho sell leargfresse hat, voar mier kommet? Dô schdandebr saubled dô!



Dô fellbr des Gschichtle ei, wie dr alt Mairhans im Schdäebe gläege isch ond seine Kind nix andrs als an guete Rôt vrerbe kenne hat: Wenn ui ebbar eiladt zom Äesse, nô saget nie drvoar: "Des brauchts id!" Hocket nã und fräesset. Ond hendrhäe sagedr: "Vrgelzgot! Des hez id braucht!"

Also manni, i han doch gseit, daß des bloß a Gschpäßle war.

Koi Angscht, candice, war bloß a Gschpäßle, mir bringet onser Sach scho selber mit.

Ja also wenn des jetzt ernscht werd, wia macher mes denn dann. Treffa mer ons wirkli zom Kaffee dringa ond am Oband duama dann grilla, ond zwischadurch macht jeds von uns an Schalat?

Des dadat bedeita, daß ma dô ibernachta miaßat. Ond welcha Dag kannt des dann sei? A Samstäg? Odr der Briggafreitag von Froleichnam?

Ha, sowieso benne dau drbei. Fr mi miaßt des ja iatzt ganz gneach sei. Ond 's neutrinole däd au komma mechta, wanne des beim Iebrfliaga reacht gseah han. Des isch dr a Sach!

Candice, so isch's reacht!

Also blues ky, i hao des zwar id ausdrickle xet, dass des vo mier oo a Gschbässle sei hazolle, ond i hao oo koin Schmaili xezt, abr gmoit haunes scho so.

Mier wärs liebr, wenn's ohne Ibrnachdong geng, also an Namedaag ond id so lang in dNacht nei. (dMueddr hagxet, i soll Obacht gea midde Fehla, ond bsondrs bei deane ussm Indrnett: Die däebe allat sGleiche welle. Was des gnau isch, haze abr id xet!)

Ond Candices, iez red odr schwätz amôl duu, was du drzue moisch! Schließle solls ja dei Kielschrank sei!

Boschkribdom
Sollebr Musekinschdrumendr mibbringe? I hed a Klareneddle.

I moi au, daß mr des ned iebrtreiba sottn. Zerscht amol auf a Kaffeele zammasitza, a wengale an Kuacha schnabuliera, a wengale ratscha, a wengale em Derfle gschauba ganga, daß mr drnoch mear en osre Kärra neibassad, und nocht mear gmiatle hoimwaggla.

I däd au an Kuacha mitbrenga. A Quietscherle hätt i au, abr des kâne nemmr schpiela, balmr dr Âsatz feahlt. Mem Saxophon wär's was andrs. Des kot no klappa, wanne no a wengale ieba däd. Abr ob dr Manne ond i dau zammakommat?

I wär au fir ein Dag ohne Ibernachdong. Kaffee on en da Ôbad nei oder middags afanga on nôchm Kaffee hoimgao.

Ond Candice, iez red odr schwätz amôl duu, was du drzue moisch!

I hätts ja it gsagt wanns it reacht wär. S´isch ja no a bissle hie, ond i weiß gar it vo wo ibrall eis nacha herkommat. Schickt´s mr halt amol a Elektroposcht.
I hao abr mei Familie no it gfragt, des sott i scho erscht no doa... ;o)

Wenn's deira Familie je zviel isch, kenna mer ons jô ao en deim Ort emma effentlicha Café treffa, wega mir!

Wenn's deira Familie je zviel isch, kenna mer ons jô ao en deim Ort emma effentlicha Café treffa, wega mir!

Odr bei dr Selima, isch ja net weg von dir.

Odr mir machas a so, wias mei Lehrmoischter allaweil gsagt hot: Kommetr nachm Kaffe dringa, no kennater zum Obendessa mea dahoim sei.:-))

Hihi, blues  ky, sag bloß!! Dei Läermaischdr wäed doch id amend a Schwôb gwese sei??? ;-))

Wanne bis dau na a Kuchl han, kot mr scho driebr reda.

Selima, i hau no nix gsait vo wäga em Komma, guck môl en Poschding nommer fuffzg. I woiß ächt no ned, i kô des Jôhr au kein Urluab macha an Pfengschda ...

*aschluabnaziah*

Wega warum jetz des?

Selimale, no brauchsch du an Kuchlmontär?

.. ball e me ommasoscht gfreid hon. Hätt mr halt scho arg daugt, ui mal mear zom seacha ;-)

bluesky, Monteur honne zwoi. Ds Pulver fr d' Innereia feahlt.

Ommasoscht? Des woisch doch no gar ed.

Aber du kentsch jô au amôl widdr uff hie komma.

Dau muaß zerscht mei Kärrale mear zammabäschtlt sei. Abr nocht kôt des guat sei. De negschde Ferien kommat beschtemmt.

Hendr des zerlegt? Abbr wieso au des?

Os doch ned!! A Gourmetservice isch mr neigrauscht. Er häb mi ned gseaha, hat dr sell gsät, ond drbei sei mei Auto au no road.

Hen dui Dr wenigschdens äbbes vo ihrem Madrial, reschbegdiefe Ladong gäbba?

Noi, 's war dr Chef im Dienstwagen. Der hot koi Ladung drbei ghätt.

Ned amôl des. 's wär halt wenigschdens a klois Droschdpfläschderle gwäa.

hoi, dô henna isch jô reglreacht lebich heid Ôbad! Griaß eich Gott, selima on neutrino!

Griaß de, Goldämmerle. I muaß no ebbes furchtig langweiligs macha. Dau muamr nebahär a wengale ratscha ,-)

En schena Ôbed, Goldammer.

mein bleder Kader hôt letschde Nacht mei Taschdadur gschrottet. Er hôt a baar Taschda rausgmacht on uf da Boda gschmissa - on 's a on Capslock isch todal kabutt - 's y on 's < hane widder nabrôcht. Desch an Scheiß, kanne eich saga!
Mei Klapptopp isch sowieso scho a weng aldersschwach, jetz ieberleg e mer grad ob e an ganz nuia (gebrauchda) kaufa soll...

Isch wohr? Dei Kudr hot oinzelne Taschda rausknuschdlat? Wann'r koi Katz wär, däd i'n an Hond nenna :-)

I mach ietzatle d'Klappe zua.

sott mer et glauba, gell? Hett i au nia fir meglich ghalda. I hett am am liebschda an Gnoda en Schwanz gmacht.

I guck jetz no "Fahr mal hin" em Dritta a on nô gang e au ins Bett.

Guads Nächtle zamma!

Guad Nacht, Selima.

Goldmmer, so en bledr Daggl, Dei Kader. Abbr Capslock isch sowieso dui ieberflissigschde Taschde ieberhaupt, uff die kô mr vrzihta

On Guad Nacht Goldammer!

Abbr Capslock isch sowieso dui ieberflissigschde Taschde ieberhaupt

Abr net am Klapprechnerle, dô hôts koin egschtra Ziffrablock.

Seit die Katz iebr den Schlebbdobb häegfalle isch, isch es a Klapprrechnarle ;-))

ja, uff Capslock kennt e scho verzichta, des nemm e echt net oft. Aber 's a bloß no wie tatschskrihn bediena kenna - er Nibbl isch nemich jetz au abgfalla inzwischa - desch echt a Afechtong!

Manne, sag bloß, bei ui hoißt des ed Gumpadoschde? Wia hoißt nacht em Allgai dr Dag vorm Ruaßiga Freitag?

Hond andre Schwauba no andre Näma fr dean Dag? Was sät mr en de Fasnetshochburga?

Gumpe alloi isch a räechz kalz Wassrloch innam Bach, wo ma bei ar Wandrung im Sommr bei dr Hitz in dr weiße Badhose neijuckt.


Gumpedonschdag scho.
Dô hauni ebbs gfunde beim BR:

Unsinniger oder gumpiger Donnerstag

Zum Auftakt der tollen Tage wurden früher vor allem fette Speisen gegessen. Manchmal wurde auch ein Schlachtessen gegeben. Deswegen heißt der Faschingsdonnerstag in manchen Regionen auch fetter oder schmutziger Donnerstag, wobei sich letzteres vom schwäbisch-allemanischen "Schmotz" für Fett herleitet. In Oberbayern ist vom "unsinnigen Donnerstag" die Rede und in Schwaben heißt er gumpiger Donnerstag. "Gumpen" ist schwäbisch für hüpfen oder springen.

Vrschdanded dier dean Tägscht odr sollen ibrsetze?

Manne, Schwauba send von Nadur aus sprachbegabt. Os vrschdand au hochdeitsch, au wemmr manchmal so deand als kôt mrs ned ;-)

Dean nassa Gompa kenne au. Mir isch des jetzt z'kompliziert mit deam nassa Gompa, deam andra Gompa und am Gompa. I vrklär dr des am Stammdiisch.

I kenn des als "schmotzige Dauschdech".

 "Gumpen" ist schwäbisch für hüpfen oder springen. Bei ôs hoißt des "gampe" wia's scho en dem Liadle hoißt:

"Auf em Wasa graset d'Hase ond em Wasser gampet d'Fisch;
liaber will i gar koi Schätzle, als en sodda Fledrawisch,
liaber will i gar koi Schätzle, als en sodda Fledrawisch."

gumpe, gompe odr gampe - die ladeinische Buechschdabe megets fier des welsche Idalenesch oder Schbanesch doa, dear deitsche ond easchd reachd dear schwäbesch-alemannische Wokalvielfald send se no nia id gwaxe gwe!

Scho dr Otfrid ussm elsässesche Weißeburg hadd anna 870 - uff Ladeinesch, vrschdodse - gjaumret: "Bisweilen konnte ich weder a noch e noch i noch u als Vokal einsetzen."

I kenn au bloß de nasse Gumpa, bei ois seht ma glumperter Donnerschtag.

Guata Morga mai liabs Ländle und alle Schbagater.

Wenn ihr eich an Chrischti Himmelfahrt treffat, ka i it komma - dô heirôted mai liabschte Nichta.

Und bei eis sagemer Gumbiga Dunschdig

Wois no noit, obbe heit Ôbad raigugga ka un dagsieber gohts it, weil d nia woisch un Angscht ho musch, dass da fliagsch.

Häf a nais dei all ôf ju

Tschieeers Dschonni Wôôka - hick

Bäääh, so äbbes drenget Ihr?

Noi, eher Kraun Rojal oder so - hick

odr Schiwass

Kraun Royal? Hert sich au net besser ô ...

Nô liabr scho en Oban odr en Lagavulin odr en Ardbeg odr ..... so äbbes halt

Kraun Rojal isch fei imma blaue Filzsäckle un isch läckr un isch deir un kasch hiar niana kaufa.

Bin jetz äs drank äs a pouscht un muaß ins Näscht - hick - schleep wäll :-)

I kenn Kraun Rojal ned. Muas e amôl gucka.

Schlôôf guad!

Des isch en kanadischer. Koi Wonder kenn i denn ned.

jetz guck ao dô na, Binschdringing em Schwôbafada, ha wer hett au dees denkt! tztztz

Bintschdringging war des net grad.

Pscht, i glaub, dui Moi Gab verdrecht nix.

Hôsch am Samschdichôbed Zeit?

I woiß et so recht... i be scho am Freidichôbad et drhoim, on nô miaßt e d' Familie nomôl versetza...Samschdichôbads de mir meischdens gmiatlich mitanand essa oder so.
Isch denn a Schdammdisch oder driffsch du 's Flöckle brifat?

Guckmôl em Schduagrder Stammtischfada.

Ond jetzet a guade Nacht.

gaaanz velleicht schtoß es schpäter no drzua, aber ohne Essa. Verschprech aber môl nix.

Guete Moage! Habt´s eis scho dia "Lautschrift" gseacha? I moi, da sott mr scho schwäbische Zeicha au no dazuadoa.

noe, wo gibts a Lautschrift - aha, jetz wo e schreib, sines.
ʁ ç ɔ ʏ̯ entressant - dia kenn i gar net. Muaß e môl no gnauer schtudiera

*drfadanufflupf*

au schubbs

au a wengale mithelfa dua.

         Miggwalt lupfba a Gaiß hendaromm! Gell?

Wammr a Goiß hot ond se lupfa mecht ;-)

Griaß de Manne!

Hällouuu ihr
dät gern a luschtige Datei ahänga, abr s'goht oifach it
so an Mischt
wia war des nommel mit derra Goissa? Hindarumm lupfa? Ka ma des au mitarra Datei brobiara?

Ma, ka blooß oine so bled sai und im Leo a Datei ahänga wella. Iiiiiiii

An Link kaasch halt mache uff die Daddei, isch dees nix?

Grieß di, Selima. Wie gôzdr Kuche? Ondeim Kare?

Mei woisch, Moi Gab, mr kâ net äbbl ällz wissa.

Manne, dia Kuchl hot zwoi nuie Beeda frd Deepf. Nocht kemmr scho mear zwoi Schachtla ausreima. Ond nexts Wochnend mear zwoi nui Schachtla midbrenga. Ond mei Kärrale sott hait a nuis Blinkerle griag hau.

Grad semmr eikoffa gwest ond natierle hot's em Suprmarkt koin gscheida Pädrling mear gea. Semmr durchs Städtle ganga - ällz zua. O dr Türk hot scho zua ghett. Abr se warat no em Lada ond ham aufgreimat. Wia se os gsea hond, wia mr vorm Lada gschtanda send ond iebrlegt hond - honds da Lada mear aufgmacht ond natierle honds an frischa Pädrling ghett ond o no scheane Mandarina. Ben i froa, daß dr Halil ned bloß an guada Grill hot, sondrn au an Päderling ond an Gschäfftsinn - ond miar osran Halil.

Des dät me etz endressiera was da mit dem Pederleng machsch, Selima? Mô kommt der nei odder druff?

Dô kaasch amôl seache: Dr Tirk isch halt no Mensch bliibe in dear heckdesche Zeit!

Goldammr, im Aschderix bolled sese dean Pädrling in d'Oare nei, wenn dr Drubadix sengt. Iez isch hald bloss dFrôg, wäe vo deane zwai sengt so, dassdr andr id mid aahäere kaa ;-))

Isch des wirkle a Frog, Manne? *g*

Noi, Goldämmerle, lan de bloß vo deam Allgaier Spaßvogl ned an dr Näs romfiara. A Lamm gits morga ond des werd ennara Pädrlingkruschte eibagglt.

des hert sich endressant a...Lamm en Pederleng

Etz hanne denkt i ben hier in dera Teschdversio wo mer editiera ka ... aber irgendwie glabbt des no net so ...

Hey Goldammr, in dr Teschdversio schdôd a t zwischem http:// ond dict.leo.org in dr URL. Iez deffsch dreimôl rôde, was gau des t amend bedeite kutt ;-))

Dassd id so lang romsueche muesch, haunes dr glei dô reikobbiert:
Siehe auch: dr dritt Allgai-Schwobe-fade

Iez haunis grad brobiere welle, des Eddediere, ond hao dean blaue Link mea rausnemme welle, abr iez kutt a donklroets "Error while creating the requested page" ond koi Korrekdur isch meglech :-((
Handses scho mea aagschaldd?

Boschgribbdomm drei Minudda schbädr:
Iez des isch abr echt komesch. Dean Bouschd kane mea eddediere! Dô frôg i mi doch!

okeh, also jetz bene in der Teschdversio on schick des dôhanna jetz môl teschthalber ab...
(eigentlich miaßt e des jô em Teschtfada macha, aber seis drom, i hoff, ihr verzeihets mer)

aaah, jetz haon'e des Schdiftle onna rechts gsea, mit dem wo e editiera kaa. Desch jô allerliabscht!
Wedda, des kommt bald en die offiziell Versio rei? Se sen jô ganz begeischtert!

Iez kaschde frei bei mier bedanke, dass i so lang gwaded hau, bis du des eddediere ausprobiert kett hasch, gell!!

@ "i hoff, ihr verzeihets mer" - mir vrzeiet als, solang du des Woat "Teschdversio" wie ses käet mit "schd" schreibsch ;-))

Selimale, do dafir, daß du no koi Kich hosch, kochsch abr recht egschklusiv.

Wo du des Rezept von dem Lammbrôta mit Petersilkruschte nei stella muasch, woisch ja wol, gell? :-)

Jô, bluesky, dô hôsch Reacht - wia kriagt se des wohl nô??

manni, jô, des war echt liab vo dr! Des hauni scho gwisst vor e de em Schwôbafada näher kennaglearnet hao, dass du gern hilfsch. Em Teschdfada hôsch mer au scho a baar mol ebbas zguat dao.

Hey bluesky, des egschglusive Koche wead amend uffm Schdoibode mibbm Holzfuir ond am Schbieß schdaddfende. Nô isch oo dKuche glei warm. Ond solang se no koin Moddoor hat, muess se dean Schbieß vo Hand dreibe ;-))

Und? Selima, wie ischez des Lemmle woare? I will bloss hoffe, dassde Knofl id vrgäesse hasch bei all deim Haufe Pedrsyll!

Manne, des git's doch erscht heit aubnd. Ond a Lamm ohne Knofl ... kâ i zmindescht ned essa.

bluesky, s Kärle schtreichsch mit Olivaeel ei, legsches mit rohe Kartofflscheiba aus wiara Daachdeckr, duasch gschälte Tomata draufvrdoila, legsch dia entbeinta Lammkeule drauf, dia d drvor zerscht mit Zitronasaft eigschmiert ghett hosch ond drnoch mit deam Bäz aus Semmelbrösla, Knofl, Pädrling, Zitronaschala, Salz, Pfeffr, Olivaeel eigmantlt hosch ond nocht duasch des Kärle ins Rohr ond wartsch, bis dasses durch isch - oinahalb Stond odr so. A Viertlstond vors fertig isch, duasch ebbes von dem Bazl, des bhalta hosch ond mit Pecorino vrmischt hosch, iebr ällz driebr schtreia.

Also Selima, wenndrs iez gar id andrsch dond, nô komm i hald heizôbed doch no naus :-)) Raichts so ommare semne?

Muaß ma do zwischadurch net amol mit a wengele Rotwein aufgiaße? Des kommt ma doch a weng drocka vor.

*sabber* Ich lad mich auch beim ameisl ein

ditto *g*

Mai bin i froh, dass iar au Knoofl ässat. Weil dônôch schtink i efters un des wäer sonsch a Broblem beim Träffa (i woiß no garid, obbe von eich aus iberhaupt au komma derf).

Manni, dank sche fiar dia Info, dasse an Link macha kennt auf unsrn Combjudr, aber i woiß it ob dô mei Eeeedi aivrschdanda wäer.

Un wone auf dain Link hon ganga wella, isch des komma:

Proxy Reply Content Error

i glaub, desch Englisch

Hey Selima, des duebr iez ächt laid, abr dei Dellefonat, dassdr scho gnue Leit häbet ond dSchdube scho grammlet vool sei ond des Lemmle id gar aso groaß gwaxe sei, hatme laidr-laidr nemma räechzeiteg erraicht. Ma willse nadierle neamad id aufdrenge, des waisch du ja grad vo mier bsondrs guet, abr du hasch grad a baar Minudda zschbät dellefonierd ond i ben scho ondrwäegs.

Manni, hosch scho in Koffrraum guggat? Dô hock i drin. Oiner meh odr wenigr....

@ 215 - Hey bluesky, ka des sei, dass du des middr Kochregl #1 ond #2 vrwäxlesch?

Kochregl #1: Ma soll deam Koch a Glas guete Wei gea!
Kochregl #2: Ma soll deam Koch bloss oi Glas guete Wei gea!

manni, bluesky: Kochwein und Wein zum Kochen müssen zumindest identisch und in ausreichender Menge vorhanden sein

Moi Gab, i fahr iez glei uff de näxschde Barkblazz, nô deffsch o voana näebe mi nahocke!

@ penguin - Penguin kling ja scho räecht audendesch. Konntesch dean ibrige Degscht o no richdeg schreibe, dassba de oo vrschdôôd? ;-))

manni, leider nicht. Ich kann viele Fremdsprachen verstehen, ohne sie sprechen (schreiben) zu können - Schabisch gehört dazu

Hey penguin, nô hasch du gar koin Dialeckt - hoachdeitsch uff dWelt komma? Wass id alls geit - ds-ds-ds - ja dô varexsch! A Wondr däer Naduur!

Ich bin tatsächlich dialektlos aufgewachsen, dafür gleich mit Fremdsprachen

@Moi Gab - Manni, hosch scho in Koffrraum guggat? Dô hock i drin. Oiner meh odr wenigr....

Ah, Du warsch des? Ietz han i denkt des war "dr zeisaheisr" vo dr "Haldawang´r Furzafang´r"!

A scheane G´schicht:

http://www.augsburger-allgemeine.de/Home/Nach...

Koinr dahoim?
Ah, hon i vrgeassa. Eis seids ja all mitanand beim Lämmle essa... An Guadn nachat! (Gfreist di reacht iebr so viel Gäscht, Selima?)

Candice, kennsch gar dia Firma Drutzel in Oaberginzburg?

Dankschee Manni fiars vorna naischdaiga diarfa. Mai hosch du a schees heilix Blächle un wia du ersch Audofahera kaasch!

Leit, beidr Selima gits (geits) a Meschuii

Moi Gab, iez sei schdill ond kau guet; ma globt gar id, was in oin neibassd ...

Osre Gäscht send grad mear furt. A wengale wär no dô. Ond, bluesky, brobier's aus ;-)

*aufraumagang*

*lätzleombend*
*hongrigguck*

Schea isch gwe ond guet haz gschmeckd, Selima. Ond uibr Bsuech isch oo ganz freindle gwe zur Moi Gab ond zue mir. Se hand egschdra all middand räechd wenig gäeßa, dass mier baid eis hand richdeg voolschlage kenne. I hao sogar no a halbs Pfond eibacke kenne fier de Hond.
Bloss dr Wei ... Abr nô breng i hald snäxschmôl an eigene mid, dean wo i nôô aloi sauf, vrschbroche!
Vrgelz Gott, Selima, ond des hezz iez abr wirkle id brauchd!

No ischs reacht, wanns gschmeckt hot ond gnua war. Des isch ja äbbl mei schlemmschta Angst, daß ned roicha kennt;-) Des honne von meine andre Vorfahra middlichrseits ond fiart äbbl drzua, daß mr me frogt, ob no wer zom essa kommt.

Guggat môl was mei Jonger heit em Indernet gfonda hôt:

http://de.youtube.com/watch?v=fTYMqVe-MMM

Goldämmerle, desch grad dia Datei, dia i hon ahänga wella.
Dankschee, dasse du etz raigschdelt hosch. :-)

I han da Eidruck, des Deng verbreitet sich grad im Schneeballsischdem. :-D
Isch's abber au wert, odder?

Isch abr bloß fir dia Schwoba was, die au wisset, was a roschtiga Geppel ond a Dohledeckel sen. Nana, i verschtaus scho.

Jô Goldammer, ss isches weart.

Guat Nacht

*Fade a bissle nauflupf*

*mitlupfondensallgaiwenk*
*radlagang*

Bei dera Kält ond Donklheit gosch Du radla? Wo git's n so ebbes?

Bei mir halt. *ggg*

I kô radla ohne dassne vo dr Schdell komm. Ond i kô drbei färnsäa *ggg*

I radlt au in dr Kält ond Dunkelheit, i hois ja net neutrino.

GsD net.

Guata Morga mai liabs Ländle und Aiwohnr,

jô radla isch ebbes guats un ma kas au im Dunkla un vorem Flimmerkaschda.
I mach sErscht, radl jedn Dag ins Gschäft un wieder hoim un muss saga, dass des smanchmol sScheenscht an maim Arbeidsdag isch.

Aufm staischonäri Gebbel hogget bloß no maine Enkl druf.

Un aufs Neutrino bin e au schtolz, wenn er au bloß aufm staischonäri Gebbel hogget un au koin Enkl vo mir isch.

Häff a nais Dei ôll of ju!

Von dauhanna au an scheana guada Morga! Frisch isch's

I mogs Radla generell ned so ôbedingt, ned dussa ond au ned drenna. I dua liabrsch Rollschuah fahra. Ond de Menchnr Radlr haue eh dick (nix fr ôguad, Manne ond Bluesky). Regla geltan offnsichtlich fr d Fuaßgängr ond Autofahrar, abr ned fiar d'Radlr. Was i scho Bluad ond Wassr gschwitzt hon zwengs dene Radlr!!

Bei ons isch's au frisch.

Ens Birro radla? Des wär bei onsrer Dobbografieh a bissle bled. Dô dät i jâ scho vrschwitzt ôkomma.

Abbr weil i beschlossa hau, dassne au em Wendr a bissle Bewegong brauch, hock i halt ab ond zua em Arbeitszemmer uff da Schtandschdrambler on guck drbei em Gombjudr a bissle fern.

Selima, des mit dene fahradfahrende Raudies war schau frieher ganz schlemm en Diebenga. Dôhanna gôhts, wega derra schau erwähnde Dobbografieh.

Hey neutrino - zwäeges "vrschwitzt ôkomma".
A frischa Schwaiß muffelet id, äesch dr alt!

Manni, hoschd reacht: I komm fascht immer fellig vrschwitzt im Birro a, abr schdinga due i it (vielleicht nôch Knofl)

un Selima, des mit dem Nixreschbegdira schdimmd fai it fr mi. I radl aschdendig. Abr die Schialr, dia mir vrgega kommet - desch manchmol a grimminelle Saurerei. Dia heidig Jugnd. Tsss....

Abr's Schlimmschte isch, dia sen it amol beleichded, un des isch grimminell - wa hon den dia Kindr fiar Eldara??

I hau jô au ned vom Schdenga gschwätzt, abbr i will halt ond kô au ned en meim Beruf vrschwitzt em Birro âkomma ond romrenna. Ond wenns rägert ben e au no nass ond die Biroklamotta au.

Noi, i fahr scho liabr mit em Audo ens Birro.

Faule Ausred. Mâ ka au en Azug in Birroschrank henga! I kenn des vonama Motorradfahrerscheff, un außrdem isch den da Gaischd viel aufnahmefähigr.

frierr aufschdanda mussma - des isch a Brobleem

Bei onsre Schrenk hâts koin Platz zom Klamotta neihängga. Dâ schdandet bloß Ordner drenna. Ond a Dusche hemmer em Birro au ned.

So viel frijer wär's gar ned. Ob i 8 Kilomedr mit em Audo odr mit em Rad en dr Schdadt fahr, dät wahrscheinlech weniger als a Viertelschdond ausmacha. Abr die Berg dôhanna ...

jô, un dô honne den Berg vor miar gsea un hon umdräht un bin zriggfahra un hons Audo gnomma.

I gib zua, bei miar isches ebaerdig un gladd - un sin au bloß no 5 Kilomeder, friar wareds 15 un hinderdrai binne au no grennd - aber des mache nimme wega maine Knia.

Un jetz gange ind Kischda, zum Leasa - d Gaischd in andre Welta vrsetza.

Schlof guad Neutrino un ich hoff dasses Trinitole dia Backfisch-Krise (oh Gott isch des a alds Wort) wiedr a bissle hinder sich hot un du au.

Fir di: :-)))))))))))))

Moi Gab, des mit em backfischla werd scho nô a Weile gau. Abbr em Wesendlicha isch des neitrinito scho reacht ond eigentlich a liabs Kend.

Des moine au, daß am Trinerle sei Jongr scho reacht isch. Was hotrn doa?

Selimale, mit dene Radler z'Mincha hosch wohr. I ärger mi au jedsmol iber dia richsichtslose Lackl.

Hey Selima ond Blues-ky, bloß well i a baarmôl sette damesche Fueßgengar, die wo id wisset, ob se linx odr rächts uffm Wäeg im Englische Gaate gao sotte, aagschrie hao ond oo a baar Autofahrarbeifahrar, die wo dDier uff de Radlwäeg aufgrisse hand ohne zum Luege, oo, ond im ledschde halbe Jôr ogfäer drei hiundhäewuslege Hond a baar Ribba broche hao ond nôcha de Achdar mea hao rausbiege miesse, brauch i mi vo ui no lang idd an ricksichtslose Lackl haiße lao, gell!! Dô waxe mr fei zemet, gell!! Gloobet ja id, wäe i bi, gelletle!!!!

Ah, ah, ah! Iatzt kommt mr des erscht. Des bisch äbbl Du gwest, Manne, der was so saubled oifach vom Fahrradweag auf d'Stroß gfahra isch ohne zom omgugga, der me gleichzeitig links ond rechts iebrhoolt hot an dr Ampl ond se vor mi nogschtellt hot ond bei Grea so lahmarschat losgeiglt isch ond mittlescht endr Stroß umanandgwagglat isch, daß mrn net hot iebrhola kenna, dean sei Radlramplaroat net kimmrat hot und mi alz Fuaßgängr an meira greana Fuaßgängrampl omgremplat hot. Duuuu bisch des äbbl gwest?! Nocht muaße me froga, wia Du des machsch, daß zmal zwischadren so lange blonde Hoor hosch ond dann widdr kuuurze ;-)

Iebrigens, Manne, gescht honne mit am Vrsichrungsvrtätr (isch dr deees a scheas Wörtle, ha?) vo drhoim delefonierat zwengs dera Adreßänderung ond daß nem dia mittara E-Mail schicka däd. Ohne daß nem gsät hätt, wone iatzt wohn, hott er gmoint: "Gell, ens Allgai sendr zoga, Frau Selima?!" Dau honne id schlecht glotzat, wia schnöll des afärba duad.

Bluesky, des isch reacht, daß au no eisichtige Radlr gea duad. Ma siecht ja äbbl lei dia Lackl, dia was oin de letzte Nerva koschtan.

Hey, Selima: "wia Du des machsch, daß zmal zwischadren so lange blonde Hoor hosch ond dann widdr kuuurze"

Dô nemmi allat a Bericke mit odr zwai, dass i die Landbommeranza a bissle vrohnsichre due :-))

Dau hosch me schea dragriaggt. Aber iatzt nemme. Znäxschte Mall, wanne mei Kärrale mear hon, schteige aus ond reiß dr Deine laaange blonde Hoor ra. Des globsch abr.

I hao abr oo no schwaaze ond gfuxete dahoi uff dr Bolledeere en dr Faasnachtdruche ;-))

Oi, war des schee, heit hoimradle. Abr d Autofahrr iberholetme immr no bei Gegavrkehr un hocketmr nô fascht auf d Schoß odr drucketme faschd in Stroßagraba.
Un wenne an dr Dankschdellaifahrt aufm Radweag fahr, kennte efters môl sLeaba lô, wenne it aufpassa dät, weil dia meischde Autofahrr me garit sehat, obwohl e beleichdet bin wian Chrischbaum. Binne gar zkloi? Un Manni, des mit denne Autodiara, des kenne fai au. Un wenn an Radl it ganz am Rand fahrt, no ka des an dene Lecher liaga, dias am Stroßarand hot. Abr eigentlich kanne garit mitschwätze, weile in d Provinz wohn un it in Micca.
Mai liab Herrgottel vo Bibrach, bitte gib dass mr nix bassiert beim Radlâ. Maine Engl dädet ewig bläerra.

Zom Radle geiz dô in dr Sieddeitsche an Ardickl.
- Ond wäe Hoachdeitsch kaa, isch klar im Vôertl ond vrschdôdn o.

Oi Manni, dankschee, des war indressant (isches immer no).

Scheene Dag ans Ländle un d Aiwohnr. Sänk Guddness its Fraidei.