Ond no a kloine Redroschbeckdiefe zue eisrem Hoigaate:

Allgai-Oschdschwobe-Schbagaat
09 Jul 08 bis 21 Aug 08 - seggs Wucha
dô isch dBegaischdrung no groaß gwe - ond deam Anfang hat oo a ganz a bsondra Zaubr innegwohnet.

dr zwait Allgai-Schwobe-Schbagaat
21 Aug 08 bis 30 Dec 08 - neize Wucha
des hat lang dauret, well a baar im Urlaub futtgrandschled send.

dr dritt Allgai-Schwobe-Fade
30 Dec 08 bis 01 Feb 09 - grad amol femf Wucha
Des isch zmôl räecht waidle gange. I glob, es sodd efter ebbar a Lemmle oder a Seile brôte, nô geiz o ebbas zom Vrzelle.

Ond nô hammr oo no agfange ausmache, dassbr eis amôl dräeffe wend. Dôô kennedr ebbs drzue läese.


Also nôcha, en dHend gschbezget ond nô backmrn aa, dean nuie Schbagaat!

En wondrscheena guada Morga wensch i Eich.

Dir, Manne, a herzlichs Dankschee fir des scheene neie Fädle.

Ersch môl Maniara zoig:

Willkomma im Fada liabschde schesä! Jetz isch da Schbagaad nô greeßer. Und jetz, wo mr de hond, lommer de nimma ganga, gell.

Dankschee Manni fiar den neie Fada! (unsre Fäda sin jô Gottseidank nô "woaijöhr" frei - hoffs môl wenigschdens)

Guado Morga Njutrainou! Jetz hosch drs Wochaend vrdient.

An scheena Dag an mai liabs Ländle un dAiwohnr, an alle dia scho dô sinn un alle dia nô kommet. Manni, kennsch môl a Lischda macha vo de Pouschder un Pouschderinna in dem Fada, nô kennt i des spoichera un bei Bedarf oifach aifuaga un so namedlich alle griaßa, wells alle vrdiant hon.

So desch jetz an reachta Roman worra. Bin id belaidigt, wenn rn id leasat. Schreiba isch seliger als leasa.

Moi Gab, i han's ned glesa. *gg*

Oukeih, dô muaß e den oder die Schesä au no begriaßa. ... obwohl i zu dene badische Schweschdra on Briadr a zwieschbältigs Vrhältnis hao. A Drauma aus dr Schualzeit ... ;o)

Guete Moage an all, die wo dô läeset!


In de Diddl haun i iez egschdra Alemanne neigschriebe, dass se die Niedr-, Hoach- ond Hexscht-Alemanne vo Raschdadd ond Hagenau iebr Freiburg, Schdrosburg, Basl ond Bäern bis zue de Walsar grad aso willkomme deichet wie dSchwôbe vo Wieddebäerg, vom Ries ond uss deane zur Zeit ondr bairischar Vrwaltung schdandende ond ondr dr ondrdrickerische Dommenanz vo dear rechzlechische Fremdherrschafd schmachdende Schdammesgebiete.

Endrnazional boliddesch aufgschbliddred äebe, abr kulderell oins in dr Vrschiedehait, gell! Zomendeschd in deam Fade dôô henna!



PS neutrino, fang bloss koine Hendl mid de badische Briedr ond Schweschdra aa dô henna, sosch sedzdz a baar uffs Fiedle odr uff de Grind, gell!!

danke, manni, des hôscht schee nabrôôcht.

Des Wortschbiel mit sche-sä isch mer oifach 's Hirn raa komma, dô han i net viel derbei denkt. Vielleicht ben i a hälengas Schenie?

"woaijöhr"-frei - von wega! I woiß vo mendeschtens oire linksteichischa Perso wo durchaus älls môl do reiguckt - on glaub bloß et, dass dui de oizig Perso isch wo dô mitliest!

Manne, psssschd, eigendlech be i en derra Beziehong an Grenzgänger. Gebore en Bada (weil dort dômôls 's negschd gscheide Granggahaus war), uffgwachsa en Wirdaberg, uffs Gimnasiom ganga widdr en Bada, bei dr Kreisreform 1973 mit em Hoimatdorf zwangsbadensiert worda, em Wesendlicha en Wirdaberg schtudiert. Ond jetzt schaff e en Wirdaberg ...

Ond i hao nix gega dia Badenser ... Ond i setzt jetz ned wia a Freind vo mir nôch: "zmindescht nix wirksams" *ggg*

*nôchsidawenk*

*nochnordazrickwenk*

Heey neutrino, mier gôz a bissle wie dier, bloss hald midde Baire.
I suechmr allad sbeschd raus, skutt ganz uff de Kondegschd aa, wie ma so schea im Leo set: Fier die oine komm i uss Baiern, fier die andre ben i a Schwôb, ond fier dOndrlendar ben i mea a Allgaiar - grad wie s brauchd! Deesch fei komod!

Heidablechle, manni, etz hanne wella no dia Dächla uff meine o druffmache vo meim letschda Poscht, han denkt: wonderbar, mir hent jô jetz dia schende Editierfunktio, un nô kommsch du mir derzwischa!

Manne, 's Broblem bei mir war, dassne en dr Schual fir manche dr "Sauschwôb" war, em Schdudium wega meim Audokennzeicha dann dr Gäälfiaßler ... Abbr i han's ieberschdanda ... ond faschd koine bleibende Schäda drvodraga.

Hey Goldammr, mid Rächtschreibfälar semmr id so ackrad, ond midde Ackzendr sowiso id.
Däe alemannesch 'Dudle' isch no id vom Rad fier Alemannische Rächdschreibong ond alle bedailegde Anrainerschdaade als allgemein vrbendle axebdierd wôere, soviel i waiß.

Mier vrschdanded eis oo aso, gell!

neutrino - @ faschd koine bleibende Schäda 

Dr Niedsche, däe isch a Sax, hadd xet:
Was me id ombrengt, macht me schderkr!


Ond wo a räechd had, hadda räecht!

Manne, genau. Was isch scho so a klois Drauma.

Mei neutrino, kaaschmr wirkle laid toa mid deine zwai Draumadr, oim gäälfiaßlerische ond oim sauschwäbische. Wäa dWahl had, had de dobbled Kwahl!

Iebrigens ond àbbroboo laid doa:

Im Franzeeseschforum semmr ledschdns druff gschdoaße, dass des franzeesesch Woad laid - hässlich, unschön ussm Deitsche kommt (engl. loath - abgeneigt, unwillig, gr. alitein - sündigen).
Des Woad had vo seir Wuzl häe nix mid leiden zdond.
Drom saged mier uff Schwäbisch, wo se no viel ussdr middlhoachdeitsche Ausschbrôch kalte hat, des oine als "laid" ond "laidr", des andr als "leide".

Fier alle Nichtschwôbe: ai und ei send zwai ganz vrschiedene Kleng bei eis. Des e isch faschd a Schwa ə.

Endrässand, gell??

So, jetz no sreschtliche Woart zum Sonndag:

Wissatr aigendlich wias Schwobaland entschdanda isch? Des hot môl an Arbaitskolleeg (an Baijer) zu miar gsaid:

D Hannibal isch ibr d'Alpa komma. Nô hotr gsaid: Alle Fuaßgrangke un alle Gschlechtsgrangke abschdaiga. So ischs Schwobaland entschdanda.

I hon nô drauf na gwisa, dass dBaijer a diabischs Bergsvolk sinn. I hoff, koin Baijer liast des jetz.

Neutrino: It weit vo mir giats a Schdadt, dia isch halb badisch, halb wiartabärigisch. Woisch du wia dia hoißt?

Goldammer: I glaub, du bisch a ächds Scheenie un it bloß a häalingas.

Moi Gab, des isch jô so äbbes vo leicht: VS.

On jetzet woiß i au, en welchera Gegend Du wohnsch. ;o)

ätt neurtino: Jô,jetz gosch nô a bissle siadlicher un d bisch bei miar - dô wonne wohn (dô gits au an koksada Fiarschd, sagd ma). Dia Gäalfiaslr, di i kennaglernt hô un mit denne i zamma schaff, sin ôlraidt un dommr nix, abr mai Herz isch am Bodasee, dô wonne aufgwaxa bin un dô, wonne wiedr na will, odr au it, weil dKindr alle hiar wohned un dEngkl au un drumm jetz mai Herz zrissa isch un, weil mai Dings jô au nô was zum saga hôt.

Moi Gab,jetz muasch abbr uffbassa, derf mr bei Eich au so iebr Eiren Firschd schwätza? ;-)

Hosch reacht. Dô kennt ma miar was ahänga. I hoff, s'hôt koinr sonsch gleasa. Sonsch miaßde zua diar komma, wegga d Frtaidigung.

Mai Dings ruaft, i muss ins Näschd. Schlôf schee un draim siaß!

Sii ju laidr Alligeidr

Wenn i ui so lies, nô isch die middlhoachdeitsch Ausschbrôch im Schwäbische amend doch id so endrässand, wie i allad gmoit hau ;-((

Au, i mach doch koi Schdrôfrecht. Abbr i kenn notfalls welche, die des machet.

Schlôf Du au guad!

... in a wail grogodail.

Manne, i fend's endressant, abbr i vrschdand laidr ieberhaopts nix dôdrvo.

I han's sau wirklich endressant gfonda, manni, mi fasziniert so was scho emmer.

Hey neutrino,
Äddemollogie isch hald so a klois Hobby vo mier. Ond iez haun i gmerkt, dass oft die ondrschiedlech Ausschbrôch im Schwäbische an Tibb geit, wenn uff Deitsch zwai Wäedr homofon send, abr id sGleiche bedeided. Bekanndeschde Beischbiel: Seite-Saite, Leib-Laib, wos sogar em Hoachdeitsche no ondrschiedle gschriebe wäed. Oder lieb, wo ma bei eis schbricht li-eb ond id liib.

Dr Familiename Rauch hadd a andrs au als dr Rauch, däe wo ussm Kamee kutt. Dr Familiename kutt also vo rauh wie in Rauhnacht ond Allerleirauh, was alls mit Rauh=Pelz zom doa hadd, s. de alde Name Rauchwar fier Pelzwaren. (Des isch a beliebte Falle en de Dollmädscharpriefunga!)

Iez haz deane Weißbildr dodaal dSchbrôch vrschlage, dass des a Rauchwar isch, wasse dô aingdlich als Nerz odr Bersianar an se naakenkt hand, ob als Kraage odr als Mantl, gell!

Manne, i fends jô endressant.

Ond mir em Sieda schbrecha jô no meh so aus, wia 's orschbrenglich war:
Em Ladeinische werd jô des Wort fir Vaddr grad so ausgschbrocha, nemlich pater mit korzm 'a', wäährend des Wort fir Muadr, also mater mit langem 'a' ausgschbrocha werd. Mir hen also em Gegasatz zu dene Norddeitsche die orschbrenglich Länge vo dene Wokahl beibhalte; mir sauget kwasi scho mit der Muadrmilch nadierlicherweis a bissle klassische Bildong ei.

Dia Weibsbildr hond koine doade Viechr um da Haalz!

I ben grad am Metzgr ausbrobiera en dera nuia Gegnd. Aufs Wochnend däd e ammol widdr an Ossobucco macha mechta. Benne gschbannt, ob'ne so Boischeiba griag ond wenn, wia's send.

*emselimalewenk*

Au, am Wochaend hen mir no nix vor. Wann solle mer dô sei?

Selima, hasch scho de Metzgar zHurlach am Kraisvrkeer brobiert? Däe metzget sell ond haz Flaisch ussm Gai.
Abr a isch amend a bissle zweit wäck vo ui. Dô muesch so weit fahre mid deim Kerrele. Wennd nix fendsch, frôg i amôl meine Freind, die wo bei ui ganz en dr Nehe wohnet.

Schtickle, wanndschdes drausch ... I woiß ja no ned, ob dia guade hond.

manne, noi, Hurlach isch mr zweit. Abr ganz gennerell bruchte no a baar Adressa dauhanna fr d'Oir odr Erdäpfl ond Geggala. Wann dei Freind dau an guada Baur wißat, des wär a Sach. Erdäpfl werds dauhanna velleicht gared gea, odr? Em Schdädle hots zwoi Metzgr dia wo sell Viechr ausm Gai schlachtat ond beim oina warne bislaang recht zfrieda (da andra hanne no ned so reacht vrsuacht, wall der weitr weg isch). Am Freidig hommr Fajitas gmacht mit ara durchwaxna Rendrlende - dia war a soooo guad abhanga - ein Wahnsinn. Des hätte fascht a so essa mechta.

Isch dô äbbr???

*miomguck*

I glaub net.

Ond jetz gang i radla ...

vorm Radla uff d wôg, noch m Radl uff d wôg - jô nix dringka, des vfälschts Ergäbnis.

a Err nochschmeiß

I will mi abbr gar ned wiega ...

hosch du d Combjudr uff m Lenkrad schtanda?

Abr ondrwäegs biesle ...

Noi, abbr i han koi Luschd me ghett zom Radla, weil dôdrvo 's Kopfweih au ed weggôht.

Manne, i han doch en Schdandschdrambler em Arbeitszemmer schdanda. Ond dôdrenn werd gwiieß ned bieselt!!

Oh du arms Häsle, bisch gar wettrfialig?
Mir isches geschtern schleacht ganga und heit morga hot me sFrihstick it mega.
Aber etz isches bessr.
Komm, i hex dr dia Kugla aus m Kopf weg

Hä, hon ihrs grad vom Biesala?

Ooo schaad, mai Ding hôts Buach gschabbt. Jetz gemmr in Kischda.

Schlôfet guat.

Si ju tumorrou

Noi, i ben eigendlich ned weddrfiahlig. Wahrscheints han e bloß z'viel gschafft. Vielleicht ben i allergisch uffs Schaffa? Isch des dann a Beruafsgrankheid?

Guad Nacht, Moi Gab. Oi Frôg no: Kô Dei Ding ned ohne Di ens Nescht ganga ond Du bleibsch no a bisle dô?

Schmeiß nô a Enn nôch.

Noi, mai Ding isch dô a bissle komisch. Bin schô froh, wenne a bissle an Combjudr hocka derf.

Babai

Hôsch scheint's dei Ding schlecht zoga ... ;o)

Du, Manni, luag amol do na. Ob de am End recht hot?

Hallo zämme jetz hann i grad kumme welle well i geseä ha das mei moigab do isch
ha si aber schowidder vobasst

Hallo schesä. Älles ohkeh em badische Doil vom Ländle?

Hallole neutrino,
klar isch bei iis alles ok :-) sónzig wa mi uffregt isch mi internet sísch nit grad s´schnellscht do kennsch sganz huus näbeher butze bis do mol d´siite nochgladä hätt.

Hmm, isch wahrscheints koi schwäbisch-alemannischs Internet. Vielleicht isch 's au ois aus Bern *gg*

Bern *g* sell dät mr no fähle eps uss dä schwiiz abr d´gschwindigkeit lott druff schliässe dass es sii kennt *gg*
i wohn z´mittä i dä wallachai ohne dsl bi scho froh dammer iibers handynetz gau kenned sísch weng schneller wiä isdn.
isch ä gueti geduldsiäbung.

Ohne DSL? Mei, wia haltsch denn des bloß aus?

En welchra Wallachei wohnsch denn? Wenn's ned saga willsch, isch des au oukei.

des isch diä wallachai wo ä bizzli südlicher vo dä moigab isch
i bi umzinglet vo turischde-attraktione, di nähschd isch d´wuetäschlucht un d´suschwänzlibahn
s´kranke debei isch das bi mir am huus drano d´fernleitung vo dä telekom lauft (wenn i diä bloss azapfä kennt :-))
moigab hätt dsl aber diä wohnt jo au i dä fürschderesidenzschdat i bloss im schtädtedreieck
woäsch i schaff mit de gab zämme, isch ä ganz ä liäbi, mir zwei halted dä dä seeschwäbisch-badisch-allemanisch dialekt hoch

Aah, dui Wallachei ...

So, un jetz gang i amôl. I wensch Dr a guade Nacht

wünsch i dir au ä guets nächtle
mo hört äh liest sich widder mol

Liabe Giade, sen ihr abber môl gschwätzich heit ôbad!
Jetz hanne a ogfähre Vorschdellong mô du bisch, schesä!
Dô komme äls durch wanne mei Schweschder bsuach. I fahr dô nô bei Blumberg nuff nôch Fützen ond vo dô 's Dal na Richdong Tienga.

*am Doile no a guats Nächtle winsch on dass sei Kopfwaih weggôht iber Nacht*

Wallachei? I kenn bloss a Wallach-Ei - gnaugnomme sen des maischdns zwai, ond a Waichei - manchmôl isch des oo a Dings. Dass ma dô oo wohne kaa, will mr id räecht eileichde.

*g* so han i des no gar niä gseä
im winter sag i au gern sísch klei sibirie, selli wo genau wissed wo ech wohn monnet do ka nimme vill oder gar nint me kumme in zukunft bin i glaub weng vorsichtiger mit minne usdrick, de wallach ka mit sinne eier zwar nint me afange aber i bruchs i dem fall au nit *g*

goldammer - z´fiätze wohnt mi bescht freundin dä bin i gern
aber do fahrsch doch abi oder nab mosch bi zollhuus noch de schiene i de kurv rechts abbiege, sell isch e tolli schtreck, kurvig un steil un schneller wie dä buckel uffi oder nuff

Isch dô äbbr?

Nô gange halt suudoka

*reischleich*
Jô Moi Gab, dô ben e.

*dNeitrinoaastrahl*

Bisch kaputt vom Schaffa? Kopfweh weg?

's war weg ...

Ond ja, au a bissle kaputt. War ôschdrengend heit.

Mi machedse au ferdig. Manchmol frôg e me, wa dia Großkopfede ohne mi dädet. Un immer alle gleichzeidig und immer alle soford.

Uffbassa, vielleicht be i jô oinr vo de Großkopfede ... ;o)

Dees woiße fai schô, abr dees war jô it auf di gminzd.
I vrschdand me jô eigendlich guad mi dene Großkopfede un s'isch a Gnuagduung zwissa, dass se au auf oin agwiesa sin. Abr, des sage fai id laut. *ggg*

Egendlich gher i ned zu de Großkopfede, hegschdens zu de Middelkopfede ...

un i gkehr it môl zua de Dickkepfigge

Zu dene gher i manchmôl scho.

Sodale, dr Dings ond mei Jongr ond i hond ausgfeirat.

Dem T gradulier i au no ganz herzlich.

Jô hoi Selima, dô war a Feir? un ohne mi un ohne sNeutrino un ohne dManni?
Isch nô äbbes iibrig?

abr i hoff doch etz schwäer, dass des T it fr Tier schtoht. Nô wär gar des Dings nô a Diarle?

Dankschee, Schtickle, wer i'm ausrichta.

Moi Gab, scho, isch scho no an Haufa iebrig. I glob ned, daß mr dia in deam Reschtaurô leer gfressa hond.

Noi, des T schtoht fr sein Noma. Ond dr Dings fangt oigndle au mit D a. Velleicht sotte mr no a sabschditjut ausdenka für mein Jonga. Abr wellz schwäbische Wort däd n mit T afanga?

Wenn des T fir Tier schdanda dät, nochher wär d'selima a Dierlesmuadr.

I glaub, so a Wort geit's ed.

Mechtsch Du mir amole dei Zong rausstrecka, Schtickle? *wasabitubeaufmach*

Ond ganz abgseacha daudrvo - secht mr bei ui wirkle Dierle zua ma Viechle?

Jô, un des Ossoobuckoo, honner des im Reschdaurand gessa?

Ah, noi! Hasch ned aufbasst, Moi Gab. Des git's am Wochnend.

Bitte aumôl am Wasabi schlecka mega dät. Zung isch scho draußa. Aaaaaaaaa

Doch, ab ond zua secht mr au Dierle, abbr des isch dann liab gmoint. Oddr mitloidig, wenn mr secht "arms Dierle".

On mei Zong lass e schee drenn.

Mai, am Wochnend kaane it komma. Dô dummr kloine (menschliche)Dierla odr Viechr hiada.

Manno, Zit isch rum - ab ind Kischda zum Leasa. Guad Nacht ihr zwoi. D Schesä kommt heid it, dia muaß sich ums Häs kimmera. Desch a Narrische.

Schlôfet guat.

Guad Nacht, Moi Gab!

*umanandwenk*
*mi a bissle omlueg*
Nô schlôfts mea guat!

@schesä
Jô, genau dia Schdregge isch mai Liablengsschdiggle vo der ganza Fahrt. Bei Zollhaus gôhts abber scho nuff uf da Buggl, on dô wo's am hechschda isch, do wo dr Lutz-Wurschdland sei Fabrikle hôt, dô gôht a Weagle rechts nuff an da Wald, dô hemmer scho manchmôl a Pinklpäusle gmacht on uff der andere Seit ens Daal naguckt, wo d' Sauschwänzlesbah romsauschwänzlet. Nô ischs no a Dreiviertelschdond uf Laufaburg nei, wo mei Schweschder wohnt.
Friher isch mer jô durch Fiatza durchkomma, on dô war emmer so a netts Lebensmittellädle, dô hanne au als môl ghalda on was eikauft, bloß weils so a netts Lädle isch. Geits des no?

Amol nei luag. Mei, bei dr Selima gibt's immer so guade Sacha zum essa. Vielleicht sottet mr onsarn Hoigascht a bissle modifiziera. Z'erscht fallet mr bei dr Candice ei ond hernoch iberfalle mr d Selima.:-D

Candice, hosch jetz du scho mit deine Leit gschwätzt? Odr machsch des erscht nach de Zeignis.

Also i glaub, bluesky, dia miassa mer no a baar Dag en Ruah lassa mit ällem was nôch de Zeignis kommt. Se isch voll em Schdress.
Dein Blô fir onser Feschdle hert sich guat a! Zerscht zur candice on nô no zum Ameisele - des wär schee! ;-)

Schaad dass i nemma dô dussa wohn, soschd heddedr mi oo no bsueche kenne, zom Onkraut zubfe ... eeeha... i moi zom Brennessl-, Giersch-, Sau rambfar- ond Lewezaasalat mache!

Ui kennat me gared iebrfalla, wanne sell bei dr candice ben;-)

Abr em Ernscht. Da gschaubmr, wia's em ond oms Haisle ausgschaubt, wann's soweit isch. Hait kâne des noned sa, ob des got. Em Moment hond lei zwoi schmaale Gäscht Blaaz endr Kuchl. Ond wann i iatzt sa sott, wear vo ui schmaal gnua wur - noi, des kennatdr vo miar ned vrlanga, daßme sell zwischa Skylla ond Charybdis stell.

... also i bi jednfalls id schmal gnue, dass i zwische die Skilla und Karibbdis neibasse däd. Ond vom Tübb häe wäremr oo andre Weibr liebr!

I het dô môl a Frôg. Nôchdem jô etz dia narrisch Zeit komma duad odr gar schô dô isch. Bei miar d'hoim gitts a Zumpft, dia hoißt d'Pfäläller. Wissat ihr, wassen Pfäläller isch??

Schmaal? Wenn i mir's des so richdig ieberleeg ... ond an mir nondergugg ... i glaub, Du moisch et mi ... Schaad.

Pfaläller? Des hao no nia ghert.

Em Endrnätt geiz alls!

manni, hosch du mei #49 glesa?

Jô dô glodsch, wa dô so ells in derra Guggle drin isch. Sogar d'Pfäläller.
Un wenn d Pfä lälled, no duad oim d Schädel wee.

Etz honne dfalschgschrieba Guggle edidiare wella, un s'isch it ganga. Des hoißt fei Guggl.

etz gôots wiadr

I hao des trotzdem no nia ghert.

Du kommsch aus Langaarga? Dort en dr Näh hao i amôl Vrwandschafd ghett. A Dande vo meinera Muadr.

Guggamol naa. Womeglich simmer gar vrwandt. Gell, Langaarga isch schee! Dô hôts fei friar koine Audo gkedd. Abr, i glaub, desch heid nimme so. Mr henn do a Heisle, do wohnd mai Neffe drinna.

Am See fend is ieberhaubd em wesendlicha schee

Muss wegg un bin scho weg. Eich alle no an scheena Obend. I gang schnarcha.

I wensch Dr a guade Nachd!

Was a Lällar isch, waiß i. Abr was isch dPfä? Dr Feen? Dean hammr necht ond heit zMinke kett! Schea warm, so gege siebe bis achd Grad.

Ond blues ky, was moisch iez du middeir hondrdois ond neineviezg? Dr Grosche isch no id gfalle!

Ja do hanna halt: Siehe auch: Alemanne-Schwôbe-Schbagaat - #49

Do isch a Link, wo d'Teeleedy moint, daß Zither von Sitar kommt, do hätt i halt dei fachkundiga Moinung gwußt.

Heey blues  ky, i waiß oo bloss, was in de Biechr schdôd. Ond im hoachdeitsche "Gscheidle" schdôd:
pers. sihtar    'Inschdrumennd mid drei Saita' kommt ibr gr. kithara (s. Gitarre) in de eirobäische Schbrôcha. Uss lat. cithara nemmt Notker anna 1000 an deru citherun Bsalm 32,2 - ... - 1678 taucht Cyther ond Zitter auf.

Ond waisch du amend, was fier Museginschdrumendr Zagen sind? Weil ja oo im alde Deschdament schdood: sVolk Israel schritt droggenen Fußes durchs Mäer mid Zittern ond Zagen?

Onnô haun i no a Gramaddegfrôg an die Säehase, des isch mr scho efdr aufgfalle:

Un wenn d Pfä lälled, no duad oim d Schädel wee.

Mached dier koin Ondrschied im beschimmde Ardickl zwische maschkulin ond femmenin?
dr Schädl - d Hand - s Ôarewadschl

Moi Gab ond Schtickle, 's duad mr loid, daßne letzschdns so ohne Muh ond Mäh oifach vrschwonda ben. Abr i ben am Aubnd en letzschtr Zeit äbbl a so ausgschluzgat, daßne oifach ganz bletzle ends Bett muaß. Hait bene scho widdr lei a Lätschabebe ond wear me baald ondr mei Plümo neigruschtla.

Selima isch schau reächt. I be neilich au zwoi- oder dreimôl mit em Läbtobb uffm Bauch uff em Soffa eigschlôfa.

Kô bassiera, mir schaffet hald au äbbes dagsieber.

So, do wäre. Honnit friar komma kenna, honn Arbt mit hoim nemma missa, weil dr (des r isch firn Manni) Chef mir it gsait gket hot, dass dees bis Fritig fertig sai muass. Un i honnit friar afanga kenna, weil dia Kindr, dia heit un morga bei uns schlofet, erscht mol schlofa hon miassa.

Selima, i bin etz so miad, dasse au gleich mai Kopfkissa küss. Dr Dag war heit lenger als sonsch un sonsch gange friar in d Kischta.

Manne, warum hosch bloß soo lang zua gugged, dasse immr d Ardickl falsch gschrieba honn? Etz wisset alle wa i fr an Duuubel bin. An Sexer (noi, desch it aschdängig)i moin an Sechser hedde vrdient in dr Rechtschreibung. I bin hald oifach bessr in eläkdrisch und mechanisch.

Un s Neutrino honne au vrpassed. Märd.

No gange halt ins Nescht.

Ah jo, des honne auf dr Indernedseita fu de Pfäläller (Feenbloser) gfunda:

http://pfaelaeller.com/Bilder/Langweilig/Home...

I hon bloß 4 m gschaffd, vrdrag hald au it so viel.

Abr etz guad Nachd, bevor mr d Dinda ausgoht.

Vrpassd? Noi, i be doch no dô!

Beim erschda Vrsuch drei Medr, beim zwoida 57 Medr.

Dia siebnafuffzig Medr wared scheints Glick ... dia andre Vrsuch waret deitlich niedriger ...

Jessas noi, isch dees amôl dubbelich!
Beim dritta Versuch 33 Meter - jezt hanne koi Luscht meh.
Schees Wochaend uich alle!
(Velleichd gugge au nomôl vorbei ob ebber dô war)

Griaß Gottle mitand!

Iatzt muane doch au amol gugga, ob ebbr dau war ;-)

Goldämmerle, hot dubbelig mit Dibbl zom dua? Odr was hoißt dees?

I hock me iatzt mit meim Grapfa vor da Kombudr ond schaff a wengale ebbes (ned daßne bis iatzt nix doa hätt - lei halt end dr Kuchl ond em Schtädtle ond so weitr).

Selimale, dubbelich kommt nadierlich vo Dubbel.

Was isch denn a Dibbel?

Schtickle, an Dibbl isch in etwa a Depp, a wengale weniger bleed alz wia tolpatschig. Hoggsch mear auf Deim Schtandschtramplr?

Alos isch Eier Dibbl 's gleiche wia onser Dubbl.

Noi, i hogg ned uffm Schdandschdrambler, dô kennt i jô ned poschda. I hogg grad em Wohnzemmer ond frei mi, dass der Vau Eff Bee mit 3:1 gega Lewerkuhsa fiehrt.

Ond glei muaß i widdr en d' Kich ganga ond em neidrinido helfa, des wo em Co-N. a Menie mit drei Gäng kocha duat.

Ja, sappradi! Jetzt fallt mr nix mear ei. Dr Sticklele kocht am Co-Stickle a 3-Gänge-Menü? Ja, so isch's recht!

Hot's Co-Stickle Geburtstag?

Noi, abbr 's neidrinido hôt em Co-N. z' Weihnachda '07 ganz viele Guadschei gschenkt, uffgmachd wia en Atzventzkalendr, jeda Monat a neis Dierle, zom Beischpiel "zwoi Môl Audo aussauga" oddr "zea Môl Sacha en Kellr draga"; dia Gutschei geldet emmer oi Jôhr. Ond dô war em Sommr ledschd Jôhr au amôl dren gschdanda "zwei selbr kochde Menie". Ond ois werd halt heit gmacht.

Reschpekt! Des isch a guade Idee gwest. Am T däd des ned eifalla ;-)

Was gibt's'n?

Vorschbeis: mediterrane Tomadasupp mit Krem fräsch
Haubtgang: Schweinefilet mit Schbätzla ond ra selbr gmachda Soß
Nôchdisch: Baggener Schoglad (des isch a Art Schogladpudding noch ema Rezebt vo ma Schduegerder Schdernkoch, was drledschd môl en dr hiesiga Zeidong abdruggt war.

Ond jetz muaß e widdr em Koch helfa ganga.

Okee, i nimm des sell. Wann isch's essa ferte? Roicht's wanne bis ommara simmne dau ben? ;-)

Gutes Gelingen nauchet!

Däd bassa. Mir wardet au bis omma vierdl achde. Kommsch alloi oddr brengsch no äbbr vo Deine Liabe mit?

Einwandfrei, 19 c.t. Os drei semmr glei dau. Mir hättn an chilenischa Kaberne Sovinjô (an 2006er Viña Tarapacá) drbei. Odr hättn dr liabrsch an Grünen Veltliner aus dr Wachau mega (an 2006er Smaragd)?

Also an Dibbl isch an Dubbl isch an Depp - so oifach isch des.

So gurmeh-mäßige Sacha gibts dô bei eich heit! Mir machet bloß an Nudelsalat - aber an ganz schicka mit Schengga, Salami, verschiedene Gmias on Zeigs dren. Dô muaß e jetz môl afanga.

An guata älle mitanand! An Gruaß ans Co-Schdigle au!

I hon bloß 4 m gschaffd, vrdrag hald au it so viel.

Des isch luschtig. Abr wann i ietz 76 Medr gschafft hau (beim sechsta Versuach), hoißt des ietz, dass i reacht viel vrdrag? Des wär mir nei...

An Guada an´d neutrino-fämili. Bei eis hat´s heit mea Kässpatza gea...

Selima, hend Ihr Eich vrfahra? Du warsch doch scho dôhanna bei ohs, Du sottsch dr Wäg doch fenda. Ja, ohkeh, i woiß, em Donggla siaht alles anderschd aus.

Abbr 's hôt scho no dô, Ihr kenned ruig no komma.

Ond mir schbannd dr Ranza. Dr Nôchdisch bschdeht z' zwoihonderd Brozend aus Kaloria ...

candice, hmmm, Kässpätzla, ois vo meine Liablengsessa.

Goldammer, 's war au a bissle Guhrmôô-mäßig ;o)

Hey neutrino, Zelima haze id vrfahre! Die isch dahoi vrhocket, well i mid am Fleschle Wisgi vorbeikomme bi. Abr die isch - hixx - iez glei lääährr, die Flesche ... moini ... on nôô-ô kommebrrr...brrrp - alllmidd ...brrbs ...dschulligong ... middand aagkurfet bei ... alle deane bosi- ond negi- ond nööidrooone ond nuidrinoss ... hihi*hi*g*g*g* .-)) ... bei ui dôô - ubbs - hoim ... swäeddr doch räachd sei - odr ... ? ?        ?

              ??

?

Dô honne jô wiedr mol alls verpassed. Guhrmehmenies, Kaloriabomba, Kässchbädzla, Wisgi. I glaub, i gang etz Zä budza, sonsch musse no dr Kialschrank blindera - zmidda in d Nachd.

Manno, un d Leit honne au vrpassd. Schowiedr märd.

So etz warte no a Sekund, ob no oiner do isch, wenn it, honnes wohl it vrdient.

I wäär scho noo dô ...
            Hasch no an Wisssgi?

Miasd grad dnôch suacha. Abr fir di däd i des. I gang au in Källr fr di.

Manni, wia schreibe des etz, wenn's koi dr d odr s, sondrn an Akkusadiev isch? dr Kialschrank blindera isch jo eigendlich falschn.

Lang kaane nimme bleiba, unsre Engkelkindr schtenn immr gearn fria auf. *seufz*

En meim Aggesadif wär des: "I hau de Kielschrank blendred ond de Wisgi aloi gsoffe!"
Nôch dr alt Regl: Schreib wied schwädschd!

Abroboo Kellar: Beim Wisgi haltis midde Schodde ond Iere: Handwarm endfalded a sei vools Aroma!

Hosch scho reacht, abr, wenner in dr Näh schdoht, no ischer ammel so schnell gsoffa. Id vo miar, vo maim Dings!

Abroboo: unsre Engkelkindr schtenn immr gearn fria auf.
Hasch scho amôôl mid Wisgi brobiert als Guet-Nachd-Dronk fier die liebe Kloine?

Id vo miar, vo maim Dings! - Vrgonnschms id? Muesch hald midmache!

I gonnem des fai scho. Däd au middringa, wenne no it immer am nägschde Dag so ugearn aufschdanda däd.

Un des mit dem Schlofdrunk hetsch mr au friar saga kenne.

Moi Gab, abr heit isch Samstag! Dô kennedr all middand flacke bleibe, du, dei Dings ond uire Engklkend!

Iebrigens, fier dKend duez oo a Moschd!

Heid isch Samsdag??? Aaasoooo. Dai Word in Goddes Ohr.

Moi Gab, i moi abr drozdeam, i flack iez ens Bedd.

Gued Nachd! Bis môare! Dô isch oo mea a Dag!

Guads Nächdle, Manni. Schlof guad. I gang au.
:-)

So an Haufa zom Lesa am friha Samschdich Morga!

zom Thema Aggusadiv: also i moi, i häbs au scho ghert, dass manche Leit da Aggusadiv wia da Nominadiv bildet:
I han dr Kiahlschrank blenderat oder
I han letschtlich dr Dengs môl widder gseha
oder so.
I selber sags et so, abber wia gsagt, i moi i häbs scho ghert.

@manni
woisch was dei scheeschts Wort gerscht Ôbad war?
"vrgonnschms" !!
Oi Vokal emma Wort mit 11 Buchschdaba, des mua mr erscht môl nagriaga! I wett, des hen et viel vo onsere "sailend riiders" kabiert!

Vrgelzgodd, Goldammer, fier dei Komblement! Waisch, i schreib hald oifach, wieni schwetz. Abr du kaasch des scho oo ganz guet ;-))

Zom Aggesadif: I hao oo scho Leit so schwetze häere, wie du schreibsch. Des isch ja oo ganz okei, ond die solle o so schreibe, wie eane sMaul gwaxe isch. Mei Frôg isch ja vielmäe gwe, ob die oo beim Schwetze koin Ondrschied machet - des däbe scho arg wondre, wenn die all d Kielschrank blendred schdaz de Kielschrank! Was moisch du drzue?

Grad lueg i beim Fenschdr naus ond siech, dass's schneit.
Dô fellbr des Gschichdle vo Mairhofars Hansl ei, wiena beim Äeße kocket isch ond a räechte Rotzglocke naakenkt had. Nô had dMuedr zuenem xet: Bue, schneiz! Ond äe had beim Fenschdr nausglueget ond xet: Nãã, s reanget!

Stickle, des war abr nedd, daß Ui no ebbes iebrig lau hond. Hot's os doch kurz vor Stuggart no mitam Stau derwischt.

Manne, I woiß ja ned, mit weam Du gescht dean Wisgi niedrgmacht hosch. Mib mir jedenfallz nedda. Selbscht wanne drhoim gwest wär, an Wisgi hätt i nia dronga. Des Zuig isch nix fr mi ;-)) An Pisco sour - des hätt mr mitnand schluza kenna!

Selimale, ha bisch Du am End Richdong Schduegert en Arkänsoh en dem Amerika gfahra? Weil bei ons en dr Ggend isch gwiß koi Schdau ned gwäa.

Stickle, ja freilig war i vor Stuggart em Schtau. Moisch Du i kenn me ned aus? Dau send halt mal widdr a baar so Siedländr mit ihrane Elkawä ohne Wendrroifa dia gloine Buggl endr Alb ned nauf komma. Ond zack hosch an Rickschtau bis enz Allgai.

Haind bleibe liabrsch drhoim. Ronomadom isch ällz eigschneid ond i hau ällz scho em meim Kialschränkle, wasne brauch. Dau sitze doch bessr en meim Sessl ond gugg am Schnea beim Falla zua.

Selima, nô lueg no waidle dem Schnäedreibe zue. Lang wäez nemma daure, hanze em Radio grad xet: "Die Schneefälle ziehen sich an den Alpenrand zurück!" So an komesche Ausdrugg haun i oo no nie käet: Schnäefell ziecheze zruck!!

Bloß schad, daß i dann haind koin Grapfa ned griag, währendze dr Schnea iebr os zua de Alpa zrickziacha duad.

An scheana Dag, manne, Stickle ond älle andre Alamanna.

"vrgonnschms" !!
Oi Vokal emma Wort mit 11 Buchschdaba, des mua mr erscht môl nagriaga! I wett, des hen et viel vo onsere "sailend riiders" kabiert!

Absolutely right, Goldammer! This "voyeur" puzzled over it for quite a while, then gave up, only to read, "I gonnem des fai scho", which, of course, made everything perfectly obvious. :-)

Heit vormittag hots au a wengale gschneit, 's bleibt aber ned liega.

vrgonnschms = Vergönnst du es ihm :-))

Bei ohs hôt's koin Schnee. 's isch bloß kalt.

Z' Reitlenga hôts a kloi weng gschneit ghett ieber Nacht, abber des isch älles widder weg.

ZMinke haz aufkäet zom Schneie: Rückzugsgefechte beendet,
dBõid vôer meim Balkon isch abr weiß wôere.

Was isch "dBõid"? Do komm e jetz et druf.

Heey Goldammr, a Bõid isch a kloine Wies neh am Haus, maischdns "Point" gschriebe. Dô haun i an Lenk gfonde, wo se des Wôet uf Bairesch häenemmet.

also des haune jetz echt no nia ghert ghett. Danke fir 'd Uffklärong.
Schdiggle, kennsch du des? (wo mir doch so ogfähr ausm gleiche Schbrôchgebiet sen)

Vielleicht isch des bei ui deana dr Waase?

Pfargelzgott, Goldämmerle, daß du des gfrogt hosch. I hau des vorin au ed vrschtanda, abr koi Zeit mear ghett zom Froga, wallne an mei Arbat mia hon.

Ond: Pfargelzgott, Manne, fr dia Drklärung. Iatzt woißne au endle, was Point hoißa sott. Des honne me scho längr mal gfrogt. Hendr Doanawertt gits nämle a Derfle, des was Schweinspoint hoißa duad. Als Mädle, wia mr mitr Musik mal em Doanawerttr Gai warat ond auf dia Kapell vo Marxheim-Schweinspoint droffa send, hau imr denkt, was doch fr komische Nema git - de oine hoißat se noch am Kommunischt ond des en Schwoba ond de andre hond an halb deitscha halb englischa Noma. So ebbes.

Iatzatle muane mear en mei Kuchl gugga.

En am Baireschwäedrbuech gfunde:

(die) Point, -point
ausgesprochen „Boid”
Altform: die Beunte

ahd biunt(a)

1. kleines Haus (im Gegensatz zum Bauernhof mit Grundstück);
2. eingebundene eingezäumte Flur und damit von der Gemeindeflur oder Allmende ausgegrenzt, oft Besitz eines Grundherrn

Mundartlich Pointe(n) "eingezäuntes Grundstück", korrekte Schreibung Beunde oder Beunte (von ahd. biunt(a) aus *bi-wanta-, Zusammensetzung aus bei und Wand) . Das urbairische Wort Point hat nichts mit englischen point (aus dem Französ., aus latein. punctum, beruhend) zu tun!
Ackerpoint, Feldpoint, Irlpoint, Ulpoint,

*ausdrkuchlendaschpagatneiruaf* Aha!

Saggrment, was dr Manni als woiß.

Au vrgälsgott vo miar, Manni. I hon au id gwisst wa dBõid isch.

Asso i muas scho saga, der Fada isch fei inschrukdiv. Do ka so manchäbbr allweilno äbbs drzua lerna. Un des ummasonsch.

Wenn i etz Schwiarigkeida honn mitm Schreiba un Schwätza, no liagd des do dra, dammrmr des austrieba hot in dr weiderfiaranda Schual (abr ganz gschafft honzes it). Drum binni au koin schwäbischa Purischt.

Honnr als Kind eigndlich au Schläpperle draga? Des waret so dia erschde Holzklepfer mit ohne Rieama an de Fersa.

Iebrigans hots bei uns au gschnaiat (waffr an scheena Schprung vo naggede Fiaß zum Schnee).

Waisch, blues  ky, je mendr s Kuzzeitgedächdnis wäed, omso bessr wäeds Langzeitgedächtnis, vrheldnesmäßeg!!

Ja, Moi Gab, die Schläpperle hand bei eis Kläbbar kaiße, weil se kläbbred hand beim Gao. Ondrem Balle hand se a Glenk uss Läedr kett ond mei Vaddr had die säel gmached, weils nôchm Kriag nix gea had, bsondrs koi Gäeld!

entressant, manni. So alde Werdr gfallat mir.

F5
@Moi Gab
Jô, Schläbberle hemmir au gsagt zu Sandala ohne Reama henda rom.

I fends dô henna au reacht lehrreich. Erschdaunlich, was dr Leo oim älls so no beibrengt.

Goldammer, i hao dBõid au no nia ghert ghett.

Moi Gab, au Schläbberla kenn i net, bloß Schläbbla, abbr des isch wiedr äbbes anders.

Dasses koi Geld gea hot, des woisse au no. I hon mol drei Johr hindranand a Doggababa zua Weihnachda geschengkt griagt, dia vorher scho meine Schweschdera gkehrt hot. Aweile vor Weihnachda ische vrschwunda, un an Weihnachda warse widr do.

No hots ammel an Dellr dazua gea, mit Bredla un Oraascha, un wenn d den Dellr it no am selbiga Dag lear g(fr)eassa hosch, no honns dGschwischdr dua.

Guads Nächtle iar wundrbare Leid.
I gang etz in d Kischda zum Leasa

Sii ju tumorrou :-)

Om viedlibrachde gôsch du scho ens Bedd??

Zom Läese kaa i idd ens Bedd gao! Sobald i en dHorrezondale komm, schlôf i ei!

Hmm, kô des dôdrô liaga, dass i ned en dr Nôchkriagszeit uffgwachsa ben? Ja, 's war nadierlich scho nôch em Griag, abber erschd schbädr.

Oh, manni, des däd mr abber schdenka! Wo i doch nix gerners dur als ôbads em Bedd no lesa. Manchmôl au so lang, dass mei Dengs no secht, ob i jetz ned endlich s Liacht ausmacha dät, er well schlôfa.

Friahrs honne au äbbl em Bedd gleasa, manchmol bis en dr Friah. Haind duane des nemmr. Sonscht vrbasse ja 's Zammaschneggla mim Dings - dees got ned.

Guads Nächtle!

's Nächtle, Selimale. Netts Zammaschneggla! :-)

Zammaschneggla isch au a scheens Wort.

Dr Wiet vo Taining zKäendte donda hôt ennam saukalte Wendr zue eis xet:
Dô miaßz zueweschlieffn!
Mei Weib, die wo vom Norddeitsche ra kutt, haz zwar id vrschdande, se isch nô abr scho vo säel druffkomme.


Schlôfet xond, kuglrond, wie zwai kloine Budlhond!

Dr Orginalsatz isch im Sengular!

Manchmôl Lesa (ao oft boide), manchmôl Zammaschneggla - mir kennat 's oine doa on 's ander et lassa!

I han, en aller Freundschaft nadierlich, a Schdreitfrôg mitm bluesky:

On zwôr gôht's om Folgendes:

Eich isch sicher älle die Form von Reladivsatz-Konschdrukzjo gelaifich:

Der, wo des gsait hôt, isch bled.
Des isch die, wo mein Jonga so versegglt hôt.
Ach, dô isch jo des Deng, wo e so lang gsuacht han!

Dädat ihr saga, dass des em Rahma vom Dialekt richtich isch, odder isch des, au wemmers öfters môl hera ka, grondsätzlich falsch?

I moi, 's wär em Dialekt richtich (schließlich gibts an ganza Haufa abweichende Grammatikschdruktura em Dialekt),
on dr bluesky moint, es sei falsch.

Was moinat ihr?

Alzo fr mi isch des Dialekt.

Dialekt, on dôrom et falsch, oder?

Genau. Dialekt ond drom richtig.

Selima, deam blues  ky, däe wo ja oo mecht, dass ma bei seim Nigg bluskai set, obwohl ma ja oo id Kandinskai ond id Dschaikoffskai set, drau i bei sedde Frôga id ibre Wäeg - oo wenn a a Datschiburgar Schwôbemedrobollischd isch, däe wo scho alloi vo dôhäe ainglich zuenam gscheide Schwäbesch vrpflichded sei sott ;-))

Iatzt, wo'ne nomml dribr nauchdenkt hon: Wanne ganz genau ben, nocht sagat mir "der, was so saubled dia Kischt, was sotte Heckl vo Nägl rausstanda hot, vor des Haisle, was'm Sepprle Baur seira Oma gheart hot, gstellt hot, isch a Bluadsseggl ond deppatr Siach".

Manne, ja woisch, en deane Hauptstädt dau kriagt mr halt automatisch mear Bildung ond dia Bildung legt se iebr dia Neidiflängwitsch ond nocht weard dau halt a so a Kapitalitätsschwäbisch draus. Des derf mr deam Bluesky jetzt au ned zom Strick dreaha.

hihi...

Kapitalitätsschwäbisch - des muaß so ebbas ehnlichs sei wie Honorazjoraschwäbisch, oder?

Wann des de Schtuggarter ned scho fr sich pachtet hättn, hätt i des Datscheburgerische a so gnennt. Abr so honne mr ebbes andrsch ausdenka miaßa ;-)

I willem ja oo koin Schdrick druss dräe, deam blues  ky, abr manxmôl ibre Schdrick jucke lau, des scho ...

"Kapitalitätsschwäbisch" - du moisch doch amend id des Kabbedaledäzschwäbesch ;-) ?

Sgôt uff achde zue! Wo isch dGoldammr im Nachdhäs ond em Buech ondrem Arm?
Odr send dEngkl mea dô, die wo koi Rue id gent voar dsene?

Der Fußballtrainer, der wo jetzt do hanna schafft ond der wo von Geislinga her isch ond der om Afang au allaweil "der wo" gseit hot, do hot ma dann halt glei gmerkt dasser aus de diefschde Provinz kommt.

Mir hot mei Papa allaweil gset, der wo set ma net ond des habe mer halt gmerkt.

"glei gmerkt dasser aus de diefschde Provinz kommt. -
odr dass es a Tirkizissmus isch: "Üzgünüz, DERWO seçtiğiniz bu kullanıcı profilini size açmadı."

Abr Tirkizissme fend i brsenle id so schlemm wie Anglizissme - se send hald oo rarer!
Odr wie gôz dier, blues  ky? ;-))

Du manni, des mitm Buach onderm Arm am achde ond mit de Enkele, des war 'd Moi Gab, ned i!!!
Meine Jonge send 18 on 16, on i hoff, se machat me no a Weile net zur Oma.... ;-)

Aaah, Goldammr, nô haun i ebbs vrwäxlet, dschulligong! Siechsch, so xieni! I hao bloß bis hondrdoisedachzg zruckbleddred ...

'n Ôbed midnand.

Isch dô neamerds mea dô?

Scheints echd ned.

Ha, dann gang e hald au wiedr.

Iez bleib hald no a bissle, doa id so hudle!

I gang amôle uff de Balkoo ond rauch oine. Nô lueg i mea dô rei, ob du komme bisch.

He Schdickle, it gau - i bi no do!

Okeeh, abr bloß weil Ihr's sen. ;o)

Ha manne, wa rauchsch en Dua? Muaß jô a Riasa-Rohr sei, wenn's so lang dauret ...

Des wemmr oo hoffe, dass du egschdra wäeges eis no a bissle bleibsch. Sosch wärebr gladd eigschnabbd ;-))

I hao mr grad oo no a klois Miesli gmached, Schocko-Amaranth mid Soja Schocko-Mill!

SRauche dauret id so lang bei däer Kelte!

On candice, erschd sagsch, Du wärsch dô, ond dann isch doch nix. Pffffffff.

Manne, Soja-Milch??? I ben jô scho koi Milch-Fän, abr Sojamilch? Dô schiddelts mi.

Aah, hôsch edidierd. 's Co-N. moit au, 's sei kalt beim Raucha. Abbr wen mr moit mr miaßt raucha, dann muaß mr au leida.

Des isch äebe gar koi Mill! Des sobba oo gar id so sage, des isch vrbote vo dr Ä-Uh. Mill däff bloß a Mill vo Viechr sei! Soja-Drink - "drink" isch ganz schwäbisch, gell!

Beim Rauche kutz haubdsächle druff aa, de Niggodien-Schbiegl id ondr a gwiß Môß sinke zum lao. A groaßa Genuss isch des im Moment idd, ond in dr Wietschafd beim Schôfkobfe defsch oo nemma! Bfui Deifl!

Abbroboo Schôfkobfe: Wäe ischn zMinke ond hedd Luschd uff an wechendlene Schôfkopf?

Manne, i woiß des mit dr Benennong. Abbr wenn's ned wen rau Vrordnong aus Brissel drennschdanda dät, dät die Bezoichnong Milch wahrscheintz gega 's Gesetz gega da ôôlaudara Weddbewerb vrschdoßa.

Ond Drink, des kommt wahrscheints dôdrvo, dass ds äbbes zum Drengga isch. 's kommt jô scho en deam Liedle vor: "Drink, Drink, Brüderlein drink, lass doch die Sorgen zuhaus ..."

Manne, erschdens be i ned en dr boirischa Haubdschdadd, on zwoidens kô i koi Schôfkobfa ned.

Die zBrissl hanz soo deffeniert: was id uss Dudda kommt, isch oo koi Mill. Drom isch die vom Lewezah oo koine!

Schaad, nuidrino! Abr ma kaa hald id alls hao!

Schôfkobfa kennd mr jô lerna, abbr zwoihondert Kilomedr hi on's gleiche wiedr zruck zom Kardaschbiela fahra ... i woiß ned

Dô hasch oo mea räecht. Des isch z'weit. Ond was moint dKandis, des Zuckarschdickle? Wo bleibschn?

Abr, jetzet gang i. I wensch Dr a guade Nachd.

Etz bi i mea do, abr umma neine hao i moine kind a bissle aschiabe miasse beim ins Bett gao.

Mei, manni, bi i froh dass i nimmr raucha dau. Scho iebr drei Monat etz. (Na fascht, bis auf de drei odr vier, wann i reacht narrad wor...)


Ond Schofkopfa ko i scho, abr Minka isch a bissle weit...

I hao no a kloins Gedicht (dassdr it eigschnappt sei miasset weaga mir):

Die Liebe in Schwaben

I hou amôl oin kennd khedd,
der hôdd oine kennd khedd,
dia hôdd a Kend khedd,
dees hôdd se aabr idd vo sällam khedd,
deer hôdd nemmli nimme kennd khedd,
sie hôdd aabr nou an andara kennd hkedd,
deer hôdd no kennd khedd.
ônd wenn se deen idd kennd hedd,
na hedd se koi Kend khedd.

Schlofts guad!

Hoi, des isch a netts Gedichtle, candice. Bin amol gspannt, ob unsere geheime Mitleser des au verschtandet.

Jô, dô benne au gschpannt - hey SD3, was saischt?

(I han des Gedicht iebrigens kennt ghett :-D)

Manne! Do saggsch ebbes! Schofkopfa - des hätte scho längscht amol widr mechta. Mei, wia i no jong war, an jeda Samschtag hammr an Schafkopf klopft. Bloß om Geld duane ned spiela. Ond wanns bloß Pfenne send, i ko noch nemme denka.

Fählat no zwoi. Moisch, d'Irene kas au? Nocht däd bloß no oinr/oina feahla.

candice, des Gedichtle, des i no ned kennt hab, isch genial. Mal gschauba, ob i des auswendig learna ka.

candice, des isch a sauguete Gschicht, on so mibba ussm Läebe.

En dr voarledschd Zeile kommba oo schreibe:

ônd wenn se deen idd kennd khedd hedd,
na hedd se koi Kend khedd.

Was moisch?

Selima, wennd id om Gäeld schbiele willsch, nô nemmebr halt Zendhelzla. So hanz meine Eldre oo allat gmacht.
Am Schdammdisch frôge mr amôl rom. Vieleichd wends dr Chiron ond dGemower ja läene!! Des wär a Môazgaude!
Wenn dIrene no midmachd, semmr femf, des wär grad räechd, dô ka allad oir zom Rauche naus!!

Damid des mit dem Rhythmus seim Brudern au no naus got, kot mr ja no a schwäbischa Dopplvrneinung nei doa:

ônd wenn se deen idd kennd khedd hedd,
na hedd se ô koi Kend ned khedd.

Selima, wennd id om Gäeld schbiele willsch, nô nemmebr halt Zendhelzla. So hanz meine Eldre oo allat gmacht.
Am Schdammdisch frôge mr amôl rom. Vieleichd wends dr Chiron ond dGemower ja läene!! Des wär a Môazgaude!
Wenn dIrene no midmachd, semmr femf, des wär grad räechd, dô ka allad oir uffs Heisle odr zom Rauche naus!!

*gg* Ieatzt woiße au, was bassiert, wann zwua gleichzeitig ebbs pouschtn ond oinr vo deane abbs Nuis gschrieba ond dr andre sei alts editiart hot. :-)

I han des Gedicht ausm Gerhard Raff seinere
"Eiserne Razio fir furchtlose on treie Wirttaberger" kennt ghett

( http://www.amazon.de/Eiserne-Ration-furchtlos... )

on dô schtoht dr Schluss au so drenna:

Ond wenn se den net kennt kett hett,
no hett se au des Kend net kett.

Halloho, dô binne widdr(wenne so dua alsob, nô merkt gar koiner net, dasse geschtern it do war).

Zuggerle, desch fei a schees Sprichle, honne it kennt ghett.

Kennetr au Herrn Schtumpfes Zupf und Zieh Kapella?

Allnô koiner dô? Nô hole hald mei Weschgelda un gang Wesch aufhenga.

I be doch dô.

Dia Gloine iebersieht mr halt leicht, des ben i gwehnt.

Galdammer, des Gedicht han i scho mal kennt ghett, aber i hao 's scho wiedr vrgessa ghett.

Hosch gkehrt wia mr grad an Schdoi vom Herza blotzet isch? Schee, dass du dô bisch. Nô kanne heit Nacht wohl schlofa, weile nämle morga un ibrmorga id dô sei ka. Des wär zlang gwea fr mi ohne ei, no hette gar a Karenz ghett. Morga hemmer a Gschäftsässa. Gôsch mit?

Ech bi au mol wieder do
Hallo zämmed
@ Goldammer, ech monn sellen Ladä miästs no geä.
war scho länger nimme dä wird mol widder ziit däzue

@ moi gab stell selli zoanä uff z´siitä un vozell mr wa mr morgä zum esse gräeget

neutrino mr sinn doch alli nit die greschde nu die beschde :-)

http://www.alemannisch.de/gruppen/rg_brige/br...

des isch jetz zwar en badische link aber do isch seller Kend kett Spruch au drin, wennr ganz abi oder nab scrolled

Hällouu liabschde schesä. Desch fei an scheena Link, honne glei ind Pfafforita eigfiagt. Hôt etz a bissle daured bisse älls gleasa ghett hon.
Schmatz dr oin.

ge gab guet :-)
un garnit badisch eigentlich well sísch alemannisch

un wa giits jetz morgä z´sesse?=????

s'Schdickle hoggt wôl aufm Schtramplr, schesä schtôt wôl mitm Manne vor dr Diara un rauchet un i folg etz meim Dings un bin schô fut.

Huhu schesä!

Moi Gab, klar komm i mit. Wann soll e wo sei?

ge gab guet :-)
un garnit badisch eigentlich well sísch alemannisch

un wa giits jetz morgä z´esse?=????

sin mr die onzigschde wo no do sin gelz

ge gab guet :-)
un garnit badisch eigentlich well sísch alemannisch

un wa giits jetz morgä z´esse?=????

sin mr die onzigschde wo no do sin gelz

Au noi, ond wiedr amôl d' Moi Gab vrbassd.

I woiß it. Zunga? bäh. Wemme morga dra ârinnersch frôge gar obmr an Fisch hô gkennat. Schloaf guad. Neidrinole, du auuuuuuuuuuuuuuu

huhu hallole neutrino

s´neutrino kunnt zwische d´gab un mich no fallts garnit uff
yippi un de mops wird eiersüffig *grins*

kasch glaubä das i di dra erinner ech is nint wa andri scho i de gosch ka hon äbbä pfuideifel

neutrino sell isch die eifachschd ufgab do drinnä d´gab vobasse

Zong môg i au ned.

schesä, isch Du denn Oier? ;o)

un de mops wird eiersüffig?? Muaß mr des vrschdanda? Oddr war des en Insaider-Tschouk?

jo ich iss aaier
abr eiersüffig isch eifersüchtig :-)
d´gab un ich hon fir di doale kollega en spitznamme des isch on de vo der mont immer er mues zerscht dra kumme un gli sofort wiä e kind aber suschd en ganz liebä

jo ich iss aaier
abr eiersüffig isch eifersüchtig :-)
d´gab un ich hon fir di doale kollega en spitznamme des isch on de vo der mont immer er mues zerscht dra kumme un gli sofort wiä e kind aber suschd en ganz liebä

siäd us wi ich stottre dät, dueni aber suschd nit ko ahnung wieso do alles doppled kunnt aber hit isch au widder furchdbar langsam des indernet des koomische

Also dô em wirttabergischa duat des Enterned ganz normal.

i bi mitm handynetz im internet ha doch ko dsl, des bruuchd weng länger bis z´siite glade sinn un manchmol wirfts om usi
kennt si dasses am wetter au weng liit manchmol kumm i garnit inni i des net
isch guet das der storm scho vobei isch woas gott wo i suscht wär :-) viiliicht bi de bayre? *grins*

Sozusaga "Vom Winde verweht" ... nôch Baira ...

Abbr bei Eich dôhonna miaßt's doch DSL gäba.

dsl giits scho sogar schdellewiis i minnerä ordschaft mit knapp ibber fiifhunderd iwohner, nu wohn ich so abseits z´mittä i dä felder am waaldrand do hond siis bis jetz no nit na brocht un i glaub au no nit dra dasses mol kunnt s´wäred fascht 2 km nu weggä om huus

Ha, wenn Du au midda en dr Pampa wohna muasch, quasi weitab vo jedra Zifilisazjo.

jo stimmt scho beschwer mi au nit mecker nu manchmol rum nimm i gern in kauf i han halt immer mei rueh bruuch mi um konni nochbr kümmr isch fei suscht echt schee bi mir i sag immer i kennt neckig ums huus ummi renne un johle des det konn mensch mitgreäge

I ben jô au uff ma kloina Dorf mit so om dia sechs- bis siebahondert Eiwohnre groß worda. I woiß, wia des isch. Abr jetz en dr Schdadd isch's au schee. I wihn jô am Schdaddrand glei am Wald ond ned middladren-

schdaddrand wär au no ok isch viilicht au besser weggem ikaufe
i bruuch halt immer s´auto goht au mol mitm fahrrad aber bim dreckwetter kan i nit d´sbahn oder ubahn nemme so wie selli i berlin sich des vorschdelled wedd abr trotzdem neäne anderschd wohne bin i eifach scho z´lang gwehnt

sodele i gang jetz au mol is neschd wedd morgä weng friener uffstau danni no eps griichdet greag un ab morgä sott i mi au mol widder um mi fasnethäs kümmre s´goht däggega am friitig isch kappäobed i wünsch dr eps neutrino scheeni woch no falls i nimme so schnell kumm allä andre au ä gueti untrhaltung un fir alli narre ä glückseligi un wi mir sagät narri narro
abr erschd mol ä guets nächtle

Pschd,i nemm au emmer 's Audo. Abbr i be halt schnell en dr Inneschdadd (wo i au schaff). Ond i kô nodfalls au mit dr Strôßabôôh nai fahra.

Narri Narro ond a guade Nacht, schesä.

@ 243 schesä: ech is nint wa andri scho i de gosch ka hon
@ 245 neutrino: schesä, isch Du denn Oier? ;o)
@ 246 schesä: jo ich iss aaier

schesä, i gloob allat, dô hasch ebbs id ganz midkriegt, hihi    ;-)°)