Dankschee, Manni, fir da neia Schbagaat.

Heilix Blechle, jetzat isch de Kekskrümlere gar it vo Frangga, sondern a Schweschter vom Maulwurf. Ei verbibsch.

Kaasch id vrwaate, bis i mit Eddediere fetig ben! De andr Versio wär viel scheanr!

Und kannst net mit dem Umziehen warten, bis ich meinen Beitrag einstelle?

Also nochmal:
Y're darn tootin = absolute Zustimmung. Host mi? *g*

Essdedrui, i ziech mi omm, wenn i will, gell! Ond außrdeam hôz zmôl bressiert, weils uff dreihondrd zuegange isch. Abr s isch nomôl guetgange, grad no vôar dDier eigschnabbet isch! En dr allarledschd Säckonde - faschd wie beim Dscheims Bond!

Abbrobo dei Weschdalemannesch: Isch des iez Eimisch odr Bennzellweiniadatsch , des wo du dô schreibsch?

Bennzellweiniadatsch oder Eimisch LOL - ausgezeichnet!

Entweder/oder hätte sein können. In Wahrheit ist es eher ein transatlantischer Mischmasch.

Unweit von meinem jetzigen Wohnort wird aber sowohl Bennzellweiniadatsch als auch Eimisch gesprochen. Als Eindringling kann ich leider weder das eine noch das andere.

Essdedrui, weil du in deam Amäereka läebsch, nô vrzell i dr no a Gschichdle vo de raiseluschdige Schwôbe:

Wie dr Kolumbes selbexmôl uff des Amäereka nommkomme isch, isch a Ulmar em Ausgugg gwe. Wie däe die Indeanar am Schdrand xäeche hod, hod a nommgschrie: Heey, isch oir dô vo Ulm?? Nô hod oir zruckgschrie: Noi, bloß vo Nei-Ulm!


So, i flack iez ins Bedd! Gued Nachd!

*g*
Gute Nacht!

Oh du liabs Herrgöttle vo Biberach, hent ihr aber no a Graffl ghett gerscht Ôbad!

Gammelfloisch bei de Sengvegl - also ääächt!

Danke firs neie Heisle, manni! Gfellt mr guat so. I woiß net, was da dô mit Edidiera no hettsch besser macha kenna.
Bloß oi Wort haone et verschtanda:

endrnazenala

was ischn au dees? Sechschs mr?

(on wenn jetz oiner ebbas secht vo weaga 's dät dô henna schdenka, nô griaget r ois uff 'd Lapp! Sengvegele môg e sei, abber schdark bene trotzdem!)

endrnazenala - lass dich nicht vom ersten "e" verführen, Goldammer.

Goldammr, @ "endrnazenala":
des ledschde "a" isch a Addäcktivdäcklenaziõ
sBaseswôat kutt ussm Ladeinesche ond bedeit "zwischevelkesch".

Dô hôz amôl an endrnazenala Frieschobbe gea mid Hefars Wernar ond Schurnalischde uss ondrschiedlene Lendr. Ab zwaiefuchzg em Radio, schbädr oo im Fernsäeche bis anna semnedachzg. Kaschde nemma druff bsenne? Bisch du wirkle no so jong, odr wittu mid mier a bissle romkokäddiere?

Siechsch, Goldammr, wäe Englesch ka wie Essdedrui, waiß oo, dass ba dWäedr allat andrsch set als mas schreibt! Bloß mier schreibet, wie mr schwäzet. Ond des vrschdôd nô sogar a Amiweib wenn se bloß a bissle Bennzellweiniadatsch ka!!

So, jetz wär des andere Fäddle glescht. I hau zerscht iberlege miease, worom dr manni an Fadde macht, dean woane nô glei lescha darf. Nô isch mr sell mit dr Eddedierfunktion widdr eigfalle. :-)

Ja, des isch gschbässeg! Wenn oir ens Eddediere neibouschded, habba zwai Beidräg ond mueß de zwaite waidle omeddediere. Dô mueß ma se schnell ebbs einfalle lau!

Dankr schea, Dorisle! Iez siech is äesch, dass du die näddr Versio neikobbiert hasch! Des isch ja a Sach! Des wäeri dier nie vrgäeße!

O schad. Jetzt hett i doch gern glääsa, was dr Manne em andra Fädle gschrieba hôt.

Au, bvor e 's vrgäss: en guada Morgamorag wensch i no, ond danggschee Manne.

Ond jetz muaß i waidrschaffa. Ben i froh, dass baal Wochaend isch.

Oins no: Wisset Ihr oigendlich, dass der beriehmte schwäbische Holzschnitzer HAP Grieshaber am Sonndich hondert werra dät?

Dô haun i bloß gschriebe, dass mr dr bluesky ins Eddediere neibouschded had! Hasch nix vrbasst, neitronio! Dr Beidrag isch bloß id so schea formaddiert gwe!

Warom machat ui äbbl Sacha, wann ich ratza dua?

Guada Morga mitnand!

Mier handdi ratza lau. Was donnd mier id alls fier dei Säelehail: Däa wo schlôft, sendiged id!

Desch mr etz scho a weng peinlich gwä, dass 'd Esdedrei des no vor mir kabiert hôt...
Nadierlich woiß I da Hefer mit seim Friahschobba no! So a Jongschbond bin e jetz au net, dass e des net wißt! (Also zweiafuffzich em Radio hanes no net ghaiert, dô hôts mi no et geba. Abber an dia Fernsehversio erinner e me no guat, des hôt mai Vadder älleweil aguggat am Sonndichs.

Jaa, Goldammr, wies em Läo oft so schea haißt:
Däe wo läese kãã, isch klar em Vôetl!
- nix fier õgued, gell ;-))

du mit deira frecha Lapp, manni! Koi Sorg, i verschdeh an Schbass.

Ein herzliches Grüß Gott an alle in diesem gemütlichen Faden, von einer Krümlerin, die leider überhaupt nicht schwäbeln kann. Fränkisch und Rheinisch spreche ich auch mehr schlecht als recht, also bleibt mir kaum etwas anderes übrig, als euren Faden mit Hochdeutsch zu verunreinigen.

Weil ich nicht für so viel Verunreinigung sorgen möchte, verzieh' ich mich sogleich. Einen wunderschönen Tag euch allen.

P.S.: Wenn ich in diesem Faden bin, muss ich immer an Käsespätzle denken und bekomme einen Mordshunger. Bluesky assoziert mit der 'Schweschtr vom Maulwurf' anscheinend Karpfen. Bluesky, wusstest du eigentlich, dass es immer nur in den Monaten mit 'r' Karpfen gibt? [Franken ist schon ein aufregendes Land mit all seinen Karpfenteichen - es gibt kaum etwas Beeindruckenderes für einen Franken, als das Leben der Karpfen zu studieren. ;-) ]

@ Kukikramblar: immer nur in den Monaten mit 'r' Karpfen gibt?
Wenn des so wär, däz beim Kinese gal nie id koin Kalpfe ned gea! Schdimmt abr id, i hao dô scho an ganz an bsondrs guete gäesse!

Bei den Chinesen ist das ein wenig anders, zumindest bei denen, die sich nach der fränkischen Tradition richten. Bei denen steht Kalpfen nur in Monaten mit 'l' auf der Speisekalte.

Em Juli? So äbbes abbr au ...

So sind sie, die fränkischen Chinesen!

mid 'l'? Also oo im Fäblual?

No fleilich! Für flänkische Chinesen gilt: von Septembel bis Aplil und sogar Juli!
Bei chinesischen Flanken dagegen findet man den Kalpfen nur von Septembel bis Aplil auf der Speisekalte (und NICHT im Juli).

Bis spätel mal, ihl sympathischen Schwaben!

Es glüsst euch alle cookie clumblel.
:-)

Heidablitz! Isch dr des a Weaddr! Iatzt honne drei Stund braucht fr an Weag, wone normall a guada Stund brauch. Isch dr des a Gerutsche gwest! Ond mei armr Bua isch am Bâhof gschtanda ond hot warta miaßa.

Herrgttzack, wia schwätzatn ui hait?

Heid isch scheinz Kinesesch dLingwa Obr-Middl-Ondr-Franckha! Kãsch du des idd, Selima? Du bisch doch faschd uss däer Gegnd middeim 'viedl achd', odrid?

Wenni nur a so schwätze könnt (kennt?) wie ihr, desch gfällmr richtig!


P.S.: Wie heißt die Hauptstadt von Schwaben (64.000 dollar question)?

Augschburg, oo Dadschiburg keiße!

Aber nein, es ist doch

HANOI!

(Oder verwechsle ich jetzt da etwas???)

Des vrwäxleschd mid deam Eignungsdeschd fier die Freiwillige fier de Wiädnammkrieg selbexmôl - laudr Schwôbe, weil die des am beschde hand sage kenne :-(

Oder haißt die frenckhesch Haubdschdadd Fei-Werg-Li?

'Oder haißt die frenckhesch Haubdschdadd Fei-Werg-Li?'

Bingo! Ab heute heißt sie so! :-)))

(Was für ein klasse Faden, Manni!)

Mit dr Schweschtr vom Maulwurf moin i nadierlich di, Kuki, weil du ja vom Rheinland bisch, wia dr Kubus.

Nadierli woiß i, daß ma Karpfa bloß in de Monat mit r ißt. Wia mei Papa no glebt hat, sin mer jeds Jor amol nauf gfahre zu unsere Bekannte - odr was glaubsch woher i sonscht Bullach kenna dadat?

Bluesky, ich weiß, du hattest heute einen langen Arbeitstag, aber dass ich die 'Schweschter vom Maulwurf' sein soll, hatte ich schon geblickt. ;-)

So, so Bullach. Ist gar nicht soooooo weit. Wenn du mal wieder dort hinfährst, sag mir vorher Bescheid.

So schnell werd i wohl nemme nach Frangga komma, 's warn ja Bekannte von meim Papa; andererseits schpricht nix gega a Schwôba-Frangga-Treffa, vielleicht im März amôl? I hätt au under dr Woch Zeit, am Sonntag werds do ziemlich voll sei.

Ich habe auch nichts gegen Franken-Schwaben-Treffen, erst recht nicht, seit ich diesen Faden kenne. Eine Bedingung sollte jedoch erfüllt sein - bitte in einem Monat mit 'r'. ;-)

Gute Nacht, liebe Schwäbinnen und Schwaben!

Jô dô gugsch na, kaum warsch a bissle futt, scho kasch an Roman nochleasa.

Noi, meine Maniara honne it vrgessa: Danggschee Manni, fr den neia Fada.

Scheeeee, das d Schbagaad etz au no oba goht.

Hällouu effribaddi

un guddnaid Keksle

Koiner me dô?

I sing etz môl des Manniliad, nô kommdr gar?

Manni Manni Manni, in a ridsch Mäns Wöarld

En schena Ôbed wensch i.

ooo Zuggrschdickle, bin scho aufm Schprung

schee dassde nô dô bisch, fimpf Minuta bleibe no, grad fr di

war d Dag aschdrengnd? I hon heit it gschafft un hon an neia Gebbl gkaufd

Ja, 's war ôschdrengnd ond i be froh, dass jetz Wochaend isch, ond dass des amôl ois isch, an dem mir fascht nix vorhend.

An neie Gebbl? A Fahrrädle?

Wa moinsch, etz wommer alle wissat wa a Dings isch, moinsch d Selima erglärd uns etz au no, wia dia Bezoichnung Dingsbumms endschdanda isch?

Jô, a neis Rädle, un s'war deir

Moi Gab, vielleicht. Mir kennet se jô môl frôga.

's dät mi au endressiera. Abbr vielleicht woiß ja au dr Manne was drzua, wo jô ehm sei Hobby die Ädümologie isch.

Ja, ja, Moi Gab, 's hoißt ja au ned ommasoschd "Gutes Rad isch deier" oddr so ehnlich.

Ond 's hôt beschdemmd elfadrölfzig Gäng oddr so.

Jo d Manne, der schdoht gwies scho schdundalang aufm Balkon un rauchet.

Vzeisch mr, wenn etz abhau un zum Dings ins Neschd gang? Schlôf schee un dreim siass. Guads Nächtle, Zuggrschdiggle.

Bin no dô. S'hot a Hidrauligbremsa un sonsch no an Schniggschnagg un isch schwarz wia an Dindadolka. Wer woiß, vielleicht radle mol noch Schduagart nauf?

Etz aber endgildig: Guads Nächtle, Neutrinole :-)

Darfsch gern macha, nôch Schduegerd radla. Au, Hidrauligbremsa han i au am Rädle. Muasch vielleicht a bissle uffbassa am Ôfang, dia bremset wia d'Sau.

Schlôf schee!! Ond bis bald!

Moi Gab, Du schtellsch mr Froga! I hau in meim ädimologischa Wertrbuach nochgschaut, aber nedamol Dings schtod dau drenna. DAu werm amol auf da Manne warta mea. Wo hotse der denn haind vrzoga? Sonscht ischr doch äbbl am Aubad fleißig am schreiba?

Selimale, wa isch 'n los? Bräsenile Bettflucht??

Dr Manne isch vielleichd uffm Ballkoh eigschneid, wo 'n er zom Raucha draußa gwää isch.

I gang jetz en da Schneeschdorm naus on schipp 's Droddwah frei. Vielleicht als Friehschbord gar ned schlächd. Ond vielleit fend e jô da Manne onderm Schnee ...

Hao da Manne ned gfonda.

Hm, nau gugge mal, obr am End en osre Wächta stecka duad.

Schtickle, bass auf, wasd säsch! I gib dr glei bräsenile Bettflucht. I ben bis halbr neine en meira Kischta gflaggat :-)

Oh wia isch des schee, wemma so lang im Neascht flagga ka. Wenn i als frianer wach bin als mei Dings, no fange glei a zleasa.

D Manne isch schwear zom härlogga. Vielleicht gohts mit dem andre Manniliad:

Manni, itz a kraim

I muass etz butza ganga. Tschaule Selima, i komm schpätr wiedr. Guck au, ob d Manni des Dingsbumms ergläara ka. (Hoffendlich isch des nix Uaschdendix).

Middäer nuie Däffeneziõ vo 'Dings' kãses drbei einglich bloß om an Imberadief handle. Ond noi, des isch nix Uaschdendix (schad, gell Moi Gab?), jednfalls wemma vrheired sei, haddr Bfarar vo Berwang gMoid.

Boschkribbdom: jezmôl muessi mid am kriddesche Blick an mir naaluege, wenn du mi als "d Manni" ãredsch!

Sodele

Erschends: Leit, losed amol hear - des zwoite Manniliad fungkzionierd. Wemma des singt, nô dauchtr auf.

Zwoidens: Manni, nochdäm d etz andr nabgluagad hosch - hosch äbbs gfunda?

Id viil :-((     außrar Wambe   "Spiegel-User wissen mehr" :-((

Mein Zwerchfell ist zwar gut durchtrainiert, aber dieser Faden ist eine ganz schöne Herausforderung. Am liebsten würde ich laut schreien: HÖRT ENDLICH AUF, um mein bereits schmerzendes Zwerchfell zu schonen, doch ich sollte lieber bei mir ansetzen und weiter trainieren. (Ihr seid einfach nur klasse!)

Woisch Manni, weaga deinera Wambe, dô kaani au äbbs verzella:

Oiner vo maine Engkel(domols 5) isch bei uns in d Wanna gsessa un hot badet. I honnme nochem Duscha grad aigremd, no kommds:

er: Omaaaa
i: jôo
er: Oma, warum häng dô dei Fiedla so?
I honn dengd dWäld bricht zamma, wonne doch all schbordla dua un so. Reißme zamma un erglärem, je elder Leit d wärret, desdo me lossad d Schpanngraft no. No sagdr kloine Soicher zummer: It draurig sei, etz gits dô so Krema, dia bluschdered d Haut von unda auf. No honnes gwisst. Vrdaut honnes all noid.

Hei Kekslevrbreslr, schee dass d dô bisch

;-)

Moi Gab, desch dr a Gschicht! Mit deane Kendr haind machsch was mit.

Iatzt muane erscht mal auslacha, sonscht kâne nix mear tippa dauhanna ...

Woisch Selimale, er hôt fei scho reacht gkett. Mit denne heitige Dschobbs vo Schdualfurzr, verliarad d Hindera un d Beich scho a Schpanngraft.

I honn zwar so an Dschobb, abr auf d Schdual furza due it. Wenne des muaß, gange auf d Abord, an windige Däg au efters.

Abbr Moi Gab!!! A Dame secht doch so äbbes ned ... ond macha duat se so äbbes doch erschd rächd ned. Abbr mir sen dôhanna jô onder ons.

Tschulligung Neutrino, i woiß au it, wa me dô gridda hôt. Sonsch binne eigendlich eher schichdern un zrighaldnd. Nojo, i hon zwar au Hosaazig odr Koschdiem (dia ziae nia aa, zkald um d Knia), abr a Dama binne glaub koine.

Sonsch binne eigendlich eher schichdern un zrighaldnd.

Ond des soll i glaaba? I woiß ned ...

*ardignaschdand*
*mideaugaglimbr*

glaubschmrs etz?

Tja, velleicht hotze d'Moi Gab denkt "isch dr Ruaf erscht ruiniert, lebtses leicht ond unscheniert" ond mecht des iatzt amole em Indrnet ausprobiera. So reacht schenant kâ ise mr iatzt au nemme vorstella.

Moi Gab, kô i des no ammôl iebrschlôfa??

Selima, so äbbes glaab i au.

Hrrgttle, gosch Du friah ens Bettle, Schtickle! I hättdr iatzatle no gera ebbes vrzällt drvo, was mir haind kochat (a ungarischs Saurkrauträzept), aber wann Du scho a so miad bisch: Schlauf guad.

*gg*

Selima, Du muasch gnauer läse: hao i äbbes gsagt, dass i jetz glei ôfang mit em Ieberschlôfa?

Ned? So ebbes, fr mi hotze des aghorcht, alszob Du scho glei mim Ratza afanga mechta dädsch. Ond oigndle isch des ja au wichtig, ob Du des Wimprageglimpra vo dr Moi Gab iatzt fr d'Waurat nimmsch odr ned. Ond wall Du a so a genaus Schtickle bisch, des was Entscheidungen mit Hand ond Fuaß abliefra duad, honnemr denkt, daß Du des glei in Angriff nimmsch *gg*

I gang iatzt en mei Kuchl. An scheana Aubnd no.

*entschwind*

Selima, nadierlich isch des wichdig, ond nadierlich nemm i des au genau, abbr deswäga muaß i jô erschd a Nachd drieber schlôfa. Abbr ned glei. Morga friah weiß i vielleichd mehrer, abr au bloß vielleicht.

An scheana Ôbed au Dir, Selima. I komm grad aus dr Kuch, d' Pizza isch em Ofa.

I hon grad Koki Sã Schack gessa, midama Salod. I winsch eich an Guada.

I dua etz leasa i meim Buach odr ehr im Wöardrbuach weile allheck nôchschlaga muaß. s ka sei, dass e schbädr nommel reigugga dua.

Neitrino, hosch heit morga äbbs Schees kauft? Id dasse wundrfitzig wäar, s'indressierdme bloß.

Si ju leidr

Wann i jetz wisst, was Koki Sã Schack isch.

Klar, hemmr was scheas kauft: Salami, Schinka, passierte Tomata, Stahlstift, a Kantaleischde, a neis Händi, ...

Ben i bled ... Muschla!

Klar, hemmr was scheas kauft: Salami, Schinka, passierte Tomata, Stahlstift, a Kantaleischde, a neis Händi,

ond des hosch alles auf d'Pizza backt? Jo nau an guada Hunger.

Ha, des Nôchlesa war jetz gnau 's Richtiche fir mi, I be heit Ôbad irgendwie reacht gschafft gwäa, han an schafficha Dag ghett, on des hôt me jetz schee zom Lacha brôcht.

Moi Gab, wenn du nô môl mit deim nuia Gebbl uf Stuagert nei fahre dursch, nô muasch abber obedengt bei mir an Zwischaschdobb eilega on an Kaffee drenka, gell??

Pizza mit Händy belegt - wirklich abbeditãregend, muaß e saga!

Goldammer, dann isch 's halt a kommunikative Pizza.

Neutrino, das ist aber ein interessantes Rezept, werde ich wohl auch mal ausprobieren.

Heute musste ich etwas für meine neue Wohnung besorgen, die ich im März beziehen werde (blau-gelbes Möbelhaus). Hinter den Kassen befindet sich der Schweden Shop und ihr glaubt gar nicht, wie enttäuscht ich war, dass sie keine Schweden im Angebot hatten. Jetzt muss ich meinen Abend ganz alleine verbringen. Versteht ihr mich überaupt? Ganz alloi heischt des glaubi bei euch.

Eine geruhsame Nacht wünscht euch

die Schweschter von dem Bruder, der wo ausm Rheinland isch.

Editiererles: Goldammer, besonders dir einen schönen Abend nach dem Stresstag.

dange, Kekskrümlerle!

On sag, dätsch du denn wirklich an Schweda ausm Sonderãgebot ausm Subbermarkt wella? Des ich doch nix Reachts!

meine neue Wohnung ..., die ich im März beziehen werde (blau-gelbes Möbelhaus)
Breedleskriemel, Du ziagsch en a schwedisch Meebelhaus? Isch des dagsiebr ned a bissle ôruig?

I moi, Blatz hôt mr jô gnua, weil groß isch 's jô .... abbr i woiß drotzdem ned ...

Ich brauch doch Platz, um mich zu entfalten!

Und ja, tagsüber ist es ein wenig unruhig, dafür ist's aber nachts umso ruhiger. Außerdem kann ich riiiiiiiiiiiiiiiiiiesen Parties am Wochenende feiern...

Abbr die ganze Leit, die dô romrennet. Also, fir mi wär des nix. So hôt äbbe a jeds seine eigne Vorschdellonge vo ma gemieadlicha Drhoim.

@ 86: Wenn's Preis-Leistungsverhältnis stimmt - warum nicht?

@ 91:
Man gewöhnt sich an alles (mit der Zeit).

Dia Pardies kennat abbr erscht omma zehne am samschdichs ôfange, weil bis dô rennet jô dausede vo Leid rom.

Ha, enn's ginschdig isch, kennt mr sich des als Schwâb jô au ieberlega. Mir hend glei bei Schduegerd zwoi vo denne Haiser. Ois kennt dann dr Zweitwohsitz sei.

Und jetzt gute Nacht, ihr lieben Leut.

@94:
Überleg's dir mal mit dem Zweitwohnsitz.

Schlôf guad, Breedleskriemler.

Schlafen noch nicht, jetzt schau ich mir erst mal 'The Wind that Shakes the Barley' auf DVD an.
http://www.youtube.com/watch?v=J2V9meldnic

Schlaf du auch gut, neutrino.

Dann wensch i Dir viel Schbaaß.

I gang jetz au.

Mann, sen Ihr a verratzte Bande.

Mann, sen Ihr a verratzte Baggasch.

'z bled zom Edidiera. Iebersehed bidde des Poschding hondert, send so guad.

Morgääääääähn!

Guada Morga, Breedleskriemler.

Guada Morga,

mir gangat etz frühstügge, mei kleiner Knirps un ih.

(War das korrekt? Das mit der Assimilation klappt in meinem Alter nicht mehr so schnell.)

Dia Ôsätz sen scho môl ganz guad. I hett jetz gsagt, reschbegdiefe gschrieba:

mir ganget jetz friehhstigga, mei kloiner Knirps un ih.

OOOhhh, aber immerhin hat man mich verstehen können.

Also, einen schönen Tag, neutrino und restliche Schwaben!

Des wensch i Dir au!

Heidablitz, ui hond widdr a so vill gschwätzat, des kâne ned ällz nauchleasa. Nocht winsch i ui an scheana Daag. Bei os sott haind an wengale d'Sonn rauskomma. Wannz des duad, nocht wearmr a wengale ends Wäldle spaziera. Abr drvoor hot der liabe Herrgott d'Arbat gsetzat. Iatzt weard erscht amol mim T ebbs glearnat.

Dôhanna scheint d'Sonn scho vo ma wolgafreia Hemmel.

Nôchherd ganga mir zura Madineh mit Bildla vom HAP Griehaber, der wo heit vor hondert Jôhr gebora isch.

Bei os isch no a sottr Hoachneabl, abr 's schpitzgat scho bläilecht durch. Des werd scho no.

HAP Grieshaber - des däd mr au gfalla. Der isch Doil vo meira Abiturprüfung gwest.

Dr Grieshaber, des isch doch so a schwäbscher Matisse.

Zum Thema fränkisch-schwäbische 'relations': der Grieshaber ist - besser gesagt war - Träger des Dürer Preises der Stadt Nürnberg.

Dr Grieshaber hôt jô hier an dr Achalm gwohnt, gar net weit vo mir weg, dô ka i fascht nomgucka.

So, schee war's. Jetz semmr om a bissle Geld ärmer, abbr om en Grieshaber reicher ...

Der kommt aber nicht auf die Pizza, oder???

Noi, heit ned.

Etz (Neitrino, des hoißt etz un it jetz) honne abr lang gnuag gwarded. Isch des etz alls ieberschlofa? I moin, isch mei Repudazjohn widr retablierd? Lueged môl, i kaame au gscheidt un gschwolla ausdrugga. Binne gar doch a Dame?

Bei ons hoißt des jetz.

Kennsch Du ned des guade alde Word, wo dô hoißt "nau id huadla".

Wer so brässiert und dann no bhaubtet, i dät falsch schwätza, isch garandierd ned eigendlich eher schichdern un zrighaldnd.

I bliah hald auf, wenneme wohl fial uns hoimelig isch (wia mit eich). Nô falled halt au manche Schrangka un ma zoigt sei wahrs Gsicht. Nô et hudla, kenne au. Abr wia gsaid, du un i mir schreibd a bissle andrs. Abr mega due de allweil, wennda au hin un zua mit fremde Zunga schwätsch. Zom Beischbiel: Breedleskriemler. Hosch du no nia äbbs vomma Breedlesvrbreslr gheart?

So ôgärn e 's dua,abbr imuaß Dr rächt gää, ~vrbresler isch schau besser wia (schee, so en schwäbischer Gombaradief, gell) ~vrkriemler.

Au weia, kaum habe ich hier ein paar mal etwas geschrieben und schon bricht hier ein Schwabenstreit aus. Tut mir leid, ich wollte doch in eurem schönen 'Fädle' mit meinem Namen nicht für Unruhe sorgen.
;-)

No koi Sorg, Breedlevrbreslr. D Neitrino un i, miar schdreidat fei it, miar diskudiarad bloß (i leg me doch it mitere Juschdiz a). Bevore midm Neitrino schdreit, haue mr ersch selbr oine rundr.

Moi Gab, des will i säa.

Luag:
1
2
3
Bätsch!!!

(aua)

Jetz gugg au dô nô. Macht des Schbaaß?

Ond außerdem hoist des Loible ond ned Breedle, so!

Allmächt, etz kommt der Dadschiburcha anno daher. Etz wäds fei wergli richdich indressand do in dem Fahn, wenn gleich drei Schwohm disgudiern.

Also i dät saga: Bredlesvrkrimlere!
Schließlich handelt sichs dô om a Denge, net om an Denger.

Mei Dengs hôt mr iebrigens vorhin a netts Anekdötle vom HAP Grieshaber verzählt.
Meine Schwiegerleit hent doch friher a Bäckerei ghett, on dô waret dia Grieshabers au guada Konda. Mei Schwiegermuater (die hane leider nemme kennt, die isch gschtorba vor i mein Dengs kennaglearnet hao) isch mit dera Frau Grieshaber uf ganz freindschaftlichem Fuaß gschtanda. Eines Dags hôt se meira Schwiegermuater verzählt, ihra Mô häb ois vo seine Werk sehr guat verkauft, fir an wirklich guata Preis, on nô häb se denkt, jetz kauf er sich velleicht a ãschdendichs Audo - abber was hôt er dau? Er hôt sich a Pferd kauft! Des hôt nô do droba an dr Achalm, wo se gwohnt hent, sei Woid ghett. Vo dô ã hôt mei Schwiegermuater älls 'd Frau Grieshaber gfrôgt, wenn se ens Gschäft komma isch zum Eikaufa, "so, send Se heit mit'm Gaul ragridda vo dr Achalm?" Abber se häb äls gsait: "Noi, 's Reida fang e nemme ã!"

Ha, des isch a netts Gschichtle, Goldammer.

Bei dear Dischkrierarei vo deam Name vo däer dialäckdlose reilendisch-frengische Hoachdeitschschwätzare muess i ui iez doch uff pFengr klobfe ond zur Ordnong ãhalde: Im Läo wäed allad xet, dass Neme schdandaddmäßeg id ibrsetzt wäered. Also nix mid Bredlesvrkrimlare ond Laiblavrbreslare. Es bleibt beim õibrsetzte Kukikramblar, oo wenns a Anglezissmes isch, gell!!
Allad konnsäkwent bleibe ond sei klare Linje durezieche, dier Sieche!

Ond wenn des koi Nôma isch, sondern a Dädigkeitsbeschreibong odr a Dschobb?

Ja hört mal, ihr könnt euch nicht einmal darüber einigen, wie man SD3 schreibt und ihr wollt euch schon mit cookie crumbler befassen. Cookie crumbler ist doch was für Fortgeschrittene!

Übrigens, diese Webseite kennt ihr wahrscheinlich schon, aber ich stell mal den Link ein, falls sich unter euch Nachzügler befinden:

http://www.undinger.de/dictionairle/schwaebis...

Etz disgudierd die von dera Alm, wo'm Grieshober ins Wohnzimmer neischaun koh a no mit.
'Kukikramblar' du ich befoazuhng, wahls, wie der Manni scho gsacht had, a Anglizißmus is. (Des duht abba net ansteggn, fei kah Angst ham.) Unda neudrihno hat scho Recht, des is a Dschobb, des Bläzle Grümmeln.
An schöna Gruß
'vo däer dialäckdlose reilendisch-frengische Hoachdeitschschwätzare'.

Hee Breslmädle, des isch koi Alm. Mir sen doch ned bei dene Baira. Des isch a Berg, der hoißt Achalm.

Ond Kukikramblar isch a Dschobb-Name wie Beck, Schmid ond Millar! Ma konnt ja oo Semlbreslfabbrekant sage.

@ Achalm: Räechd hasch, neutrino! Ond äddemologesch kutt des vo AC Halm. Dô hand die Mäar amôl an Aushilsfmäar vo deam Mailand rauf kett, däe wo a räechta Fueßbaalnarr gwe isch ond allad vom AC Milano vrzellt hat. Nô hanze ihr Alp en AC Halm omdauft, weil se dean Idalenar a bissle vrarsche hand welle. Se hanz abr id bäes gmoint ond a Môezgaude mibbm kett!

Manne, sag i doch. Ond zom ma Baker dätsch doch au Beck saga, oddr? Siehsch.

Ond wia i die bewonder fir Dei edümologischs Wissa. *gg*

also manni, wenn 'd ãfangsch onser Achalm z verarscha, dô were glei abber môl ganz fuchtich. Des goht edda!!!!!!!!
Wo des doch dr scheescht Berg uff dr Welt isch, aoßer Achl.

Doch id dAchalm sondrn de Idalenar, Goldammr!!!
Wäe läese kaa, isch klar em Vôedl ;-))

neutrinole! Ond zom ma Baker dätsch doch au Beck saga.

A Dschobbname, des isch a Name däe wo vo am Dschobb kutt, wäed id ibrsetzt, luija!! Odr dädsch du zue deam englesche Boliddegar 'Kiechekrank' sage? Ond zue deam frienere damische amearekanische Bräsidente 'Gäorg Loffar Busch'?

Ha noi, abbr des isch jô au koi Dschobb gwä, dia krank Kirch. Ond schdadd Braimminischdr sagt mr jô scho au Bremjeminischdr, weil des dia Dschobbbezeichnong isch, on dia kô mr ruig iebrsetza.

Ond dua Du fei ned edidiera, wenn i grad am Andword schreiba be, gell.

AAUUUUAAAAAAAAAAAAAA, mein Zwerchfell!!!!!!!!!!!!!!!!!!!!!!!!!!!!!!!!!!!!!!!!!!!!!

Gute Nacht euch allen. Werde später mit Wärmflasche ins Bett gehen, in der Hoffnung, dass mein Zwerchfell sich dadurch erholt.

Schlôf guad, Breedlesbreslere, ond guade Besserung fir Dei Zwerchfell.

.-)

(= Des rechte Aach is scho zu.)

Boah, da gasch mal zwei wuche weg und den chunsch zrugg und den heisst das ganze scho Alemanne-Spagaat.
Momoll, findi guet.

U de ig han mir überleit, das ig mau luege wet, öb dir au Bärndütsch verstönd. Nid aus, aber sos paar wörtli äuä scho.

Kôsch Du so lôhm schreiba? Muaß mr des dann au so lôhm läsa??

Des chanig äuä scho.
Hanig ez zwöi wuche läng praktiziert u es isch mir nid ads läbige gange auso tüet dir das wou überläbe.
U süsch bisch du ja scho e grosse Giäu, lisisch haut s birebizeli weniger tifig. Dörfsch den defür au s paar Wörtli goge nacheluege ;-)

neidrino ädd 139, des kaa i doch id schmecke, wenn du grad am Andwôedschreibe bisch!!

Dô fellbr die Siddazjõ ein, dô wo dr Vaddr ond dr Bue haiß dischkrierd hand, ond allat wenn dr Vaddr ebbs räechd Gscheiz xet had, haddr Bue no a gscheidre Andwôed druff gwissd. Nô isch dr Vaddr bluetnaret wôere ond had de Bue ãgschrie: "Muesch denn du allat sledsch Wôed hau?" Nô haddr Bue ganz drucke xet: "Des kã i doch id schmecke, dass du nix mea sage witt!"

Ääääh, ja ......

grosse Giäu, lisisch haut s birebizeli weniger tifig

Wa au emmer des hoißa soll.

Heeey neutrino, iez bisch mr du ind Kwäre komme! Grad haun i d Gramaddek ausbessre welle ond schreibe: ... wenn dr Vaddr ebbs räechd Gscheiz xet kett had ...
Also: Blusbluskwambarfäkd wär bessr gwese, abr sNeitrinole habbe ja id lao!

Manne, bisch Du am End doch aus Bern? *gg*

Nãã, sooo langsam bene doch idd! Solldrs amôl zaige?

http://www.berndeutsch.ch/website/de_CH/home....

Da, teili, geisch mau da go luege.
Giäu schribets Giel.

Zom Edidiera zmendesch warsch z'lôhm.

Ond jetzt verabschied i mi ond wensch a guade Nachd!

P.S.: Fleckle, nôchdem e Giel ond tifig gfonda hao, isch 's ganga.

Heey Schnäefleckle, schea dass d mea amôl dô bisch. Mi haz scho blanged uff di! Wie gôz de Hôôr ond deam Ross?

Vo deam Berndeitsch vrschdand i faschd nix. Wie gôz dier drmidd? Du bisch vo Züri, odr?

@teili
:P

De Haar und em Ross gats guet.
Es het ganz vil Schnee anegrüärt, vilich chömmer mal go Skijörning mache oder so. Mal luege, winer tuet, wenner öppis zieh mues.

Etz honne eich scho widdr vrpassed. Abr zum Guadnachtsaga roichts nô.

Hei, Schneefleckle, i woiß warum d it dô warsch - d hosch ammend schneia miassa. Guet dassde etz wiadr dô bisch un nimme vom Himml blotzasch, nô kanne morga d Gebbl neama.

Schloofed guad ihr, ihr, ihr - mir falld nix me ei.

Moi Gab, du ond dGramaddeck! Es isch "däer Gebbl", also kaasch vileicht "de Gebbl" (Akkesadif!) nemma, Alde odr Nuie Schwäbische Räechdschreibong hee odr häe, wenns id zvil Schnäe had ;-)

Abrobboo mir falld nix me ei - Nô soddesch wirkle uff Archedeckdur omsaddle! Dô konndesch dr gladd die ganze Schdadickar schbare!

Luschtig isch dia Fasenacht,
wann mei Muadr Kiachla bacht.
Wann se abr koine bacht,
na pfeife auf dia Fasenacht.

Meim Bua sei Muadr bacht welle, hotze se grad vorgnomma.

Als Kend semmr als Maschgrar vo Haus zue Haus zoche mit Fasnachzschbrichla ond hand nô ebbs gschenkt kriegt, Kiechla, Guezla odr a baar Bfeneng.
Dei Fasnachzspruch isch dr bekanndesch gwe.
A andra isch so gange:

    I komm dahäe vo Weißehôere,
    Hau mei Weib im Bedd vrlôere,
    Hau se xuechd em ganze Haus,
    Ez isch die Hex beim Kemnat naus!

I bach au welche, abber erscht nächschta Daischdich.

@Goldammmer

De Migros verchauft imfall au Fasnachtschüächli. Und ich find si sind extrem guet!!!!

ok, i brobier se môl vom Migros, wenn da moinsch. Hôsch Recht, dene ihre Backwara sen bisher älle guat gwä, dia wo mr ausbrobiert hent. Abber i mach trotzdem welche selber, weil wie dia schmeckat koine, direkt außm Fett no hoiß en da Zimtzucker neidonkt on nô gessa...o Jesasle, dô lauft mr jô glei 's Wasser im Mund zsamma!

An de Manni: Au Herr Leahrar, des duad weh, morga kommi nimme me, iebrmorga nochamôl, abr middem Großbaba, Großbaba isch id so dumm un haud em Leahrar Nasa grumm (desch etz dschasst for kidding)

Manni, i glaub i hons schommal gsaid: i bin idda so inschdruierd wia andre. Waane woiß, honne mer selbr agaigned. I bin abr no learnfähig (frôg de Neidrino) un vor allem, i bin wissbegierig. Grammaddig und Reachtschreibig kanne glaub bloß in Hochdeitsch. Im Schwäbischa isch des alles a bissle rudimendär bei miar. Aber schliaßlich mussas in dem Forum au a Dumme gea. Wär jo schrägglich mit lauder bloß Gscheide.

Wär jo schrägglich mit lauder bloß Gscheide.

Ond no hättet di Gscheide ja nix mehr zom gritisiere, des wär jo au langweilig.

@ manni3, 159: I kenn de Sprichle anderscht, ond i komm vô Weißahoara:

Z' Weißahoara
hat dr Mã sei Weib vrloara.
We se fend't ond nemme brengt,
kriagt a gscheggats Goißle g'schenkt.

Kaum bischt amml a baar Wucha it en deam Fada, scho hant die Sprich, dass dr's grad grausa keet.

*reilatsch*
*romgugg*
*nomgugg*

'n Âbed mitnand. Griaß Gott, zwoisentle, mir hen ôs - glaub i - no nia gläsa, odr?

*ôreikommadua*

An guada Aubnd!

Selima? Selima?? I glaub, mir henn ôs schomôl gläsa, gell.

*ggg*

Ond wie gôht's, so schdroig?

*gg* Hrrgttzack, wanne des ieatzt no wissa däd ... Abr, woisch, i kamr nix vo Zwelfe auf Middaag merka. Hosch Du ebbes mit Fisik zom doa? Odr bisch lei bolitisch naitral? Hrrgottle, mei Hira isch so lear :-) Ond wo hättan mir se schomol gseacha hau? Bisch Du au eftrs z'Mencha?


Jau, i fial me wohl wia dr Mops em Habrstroah :-) Isch ja ned laang.

Etz, wo i ins Neschd gang, kommedr wiadr alle. I glaub fascht, dasser des mit Fleiß dond. D Dag, gôt, Dschonni Wôlkr kommt, dGab gôt ins Neschd.

Ai värry matsch houp ju will endschoi jor ivening. Babai

Guad Nacht, Moi Gab! Änd slieb well in jur Bettgeschdell.

Noi, selima, z'Menche be i zwar ab on zua, abbr ned sooo oft. 's letschd Môl isch schau wiedr zwoi Wocha här.

Fisik? Eher ned. Abbr sohschd be i en ällem neidrahl.

Moi Gab, des duad mr loid, abr woisch, ich ka ned mibmeim Gebbl end Arbat fahra ond bis i drhoim ben ond Holz gmacht han ond Essa gmacht han ond agspialt han ond Bloama vrsorgt han ... noch isch halt scho spätr.

Stiggle! Du bisch z'Mencha gwest ond hosch koi Wertle ned gsät?

Selima, bloß oin oinziga gotziga Dag ond i hao gschaffd ond echt koi Zeid ghett. Ond außerdem war e miad, weil e hao omma halbr fempfe uffstanda miaße, weil dr Zug om zea vor sechse gfahra isch ....

Ja, ja *schnief* Abr wartscheintz waere eh ned abkömmlich gwea ;-)

Ond dann hao e au wieadr noch Schduegerd miaßa en mei Birro, abr dô be e au erschd omma halbr sechse ôkomma. Ond war soo miad ...

Wenn e 's nägschd Môl mea Zeit hao, meld e me. Vrschbrocha.

A gude Nacht euch Schwohm!

Schlôf guad, Breedlesvrbreslere.

Teilchen, wenns geht lösch die Städte in deinem letzten Post im ZZ.

Na, noch nix mim Schlofn. Für an richtichn Guggigramla fängt die Erbet etz escht richtich oh.

Besser so, Flocke?

Viel Schbaaß beim Vrbresla.

sehr vil besser. S angeri isch ebe nöd offiziell.

So. I ben furt.

Guads Nächtle.

En scheena Âbed, Selima.

@neutrino: Noi, i glaub, mir kennad eis it. I ben au it oft in dem Fada, kã em Birro it so guat schreiba, abr i lies efdr ônd geara mit. Drom ken i eire Neema au a weng.

@selima: Guats Nächtle, schlauf guat!

Ond wo kommsch no her, zwoisentle. Glesa han i di scho amol irgendwo.

Blauhemmale, i komm vo Weißahora, dr Manni3 woiß gwieß, wo des isch, abr in bee scho lang z' Mincha. I war im Juni/Juli letscht Jauhr a paarm'l im Spagat, nauchd nemme.

Heey vierbfeneng, witt nô id amôl uff de Schdammdisch komme? Dô wäre mr nô endr Ibrzal, sDorisle isch oo a Schwôb!

Hanni schnell amol in dr Kart nochgschaut, bei Ulm, gell? I bin ô z'Mincha.

Blauhemmale, des isch bei _Nei_-Ôlm, bittschea! I hau a bayrischs Abidur! Abr d' Schdadd isch all Ôlm gwêa, ond Weißahora war's Schdäddle, Nei-Ôlm war irgendebbes drzwischa

Manni3, dankschea fr Dei Eioladông zom Schdammdisch, abr was send nauchd des fr Leit? Manchmôl fremdle i a bissale, sell mêant wissa! Ônd i bêê au scho a recht a alda Schääs, nauchd schdeer i no de Jonge!

vierbfeneng, jengr als i wäeschd uff jede Fall sei. Ond zwai andre käered oo id zue de Jonge, sondrn gand äer uff dRende zue. Ond nô hammr no a baar middlere so zwische dinn mid kleinre ond grôaße Kend. A räechd a guete Mischong middam Durchschnidd vo ibr femfedreißg, däd i amôl vrãschlage.
Drau de no! Mier hand allad a räechde Gaude! Wäesch scho säeche!

Boschgribbdomm: Kãsch du Schôfkopfe? Zelima ond i sueched no zwai Leid!

vierbfeneng, kãsch ja oifach komme ond oms Egg romschbizzle. Mier hocked ganz henda an am grôaße Disch, dô hasch oo õãgmeldt no Bladz, wennd zue eis nãhocke widd.

Selima, an guede Rutsch ond Fluech uff dr Audobã!
Nemm doch de Zug! Mier isch allad liebr gwe, em Zug schdau als uff dr Schdrôß rutsche!

Guata Morga beinand!

Manni3, i woiß no it gwieß, ob i mora Aubad z' Minchen bêê. Abr wenn i dau bêê, nau komm i! Ônd schaufkopfa kãn-e it, i hau des oimôl gschbield, aber dess isch scho a baar Jauhr her!

Ônd etzad rutsch i ins Birro...

schiergaarafemferle aka vierbfeneng

Ja, so a Huramentsweadr! Hot haind naacht doch glatt a Wächta mei Autole vrschluggt. Ausgraba haues miaßa.

Manne, dr Zuag isch mr oifach ds duir. I fahr ja ned an jeda Daag ond dau benne mim Auto, wo mr ja z'zwoit fahrat äbbl billegr. Ond i ben acht Johr lang mim Zuag auf Mencha nei, 25 km zom Bâhof, 130 km mim Zuag, wannr amol dau reacht komma ischt, und am Aubnd mear redour. Deam Mehdorn seine Schberenzla hau i lang gnua auskoscht. A Johr laang honne amol mitgschrieba, wieviel daß dr Zug z'Mencha spät akomma isch. En vier Wocha koin oinziga Daag ischr ondr zea Minutta Vrspätung blieba. Ond dann kommt no ebbes drzua: I kâ des auf niachtrna Maga so iebrhauptz ed braucha, wann mr Leid ens Ohr nei ratschat. I brauch endr Friah a Silentium.

So. Drom fahr i mim Auto!

Zwoi-Niggl, des dät me scho gfreia no an Mittlschwaub am Schtammdiisch zom seacha. Nocht hätt mr ja scho an Nordschwaub, an Datscheburgr, an Allgaier, a Wirtabergre (koi Ahnung, aus waas frm Gäu se genau komma duad) ond no an Mittlschwaub (odr wia se ui hoißat). Ond zwengs am Aaltr brauchsch dr wirgle koine Gedanka macha.

Heey schiergaarafemferle, dei Schôfkopfarekwalledäd wär grad räechd uff meim Niwo! I hau oo scho viele Jôr nomma gschbield ond a richdeg gueta ben i sowiso nie gwe. Bloß mib Freind wäeges dr Gaude uff dr Schihidde! En dr Wiedschaft haune mi nie draud, well die dau om Gäeld gschbild hand, wenns oo bloß femf-zeche-fuchze Bfeneng gwe send! Was des bedriffd, däded mier zwai jednfalls gued zemebasse :-))

Hoffndle haZelima ibrhaubz no Luschd mid eis Luscha!

Du wänn und wo isch da iz eure Heugarte eigentli?

Deesch not et fescht, Flöckle.
Mir miaßet jetz môl d candice frôga ob se mir ihre Leit driebert gschwätzt hôt enzwischa.

Heey Schnäefleckle, bisch du amend em Land? Des wär dr fei a Sach,  wenn du keemesch :-)

Desch äeschdamôl dr Schdammtisch môere zMinke!

Nei ich hängs no ide Schwiiz.
Wür ev. zum ne grössere Treffe is feren Usland cho.

Manne, knapps-fömpfrle, i han doch au scho seid Johr nemme gschbielat. Ond a Fux benne au nia gwest. Drom honne ja au nia om Geld gschbielat. Zuadeam honne i emmr aus Derweil schaufkopft ond hon a nia so fuxat romdiftlt, wear no was hau kennt. Des warmr emmr zâschtrengat.

's däd onz abr immer no oina/oinr feahla. Ewig schad. Mei Schwestr kôt velleicht - abr dia wohnt a so weit furt.

Nô frôge mr am Schdammdisch rom. dIrene wär doch oo so a Xellschafdsmensch - smueß ja id obedingt a Schwôb sei, odr? ;-)

Noi, wannd Irene an Schaufkoopf glopfa ka, benne dodal glickle. I hau zwar meiner Lebdag bloß mit Schwauba gschbielt, abr i kâmr ned vorschdella, daß dia Boirische andrsch deand.

Mir kôts ja au de andre beibrenga - was moisch? Dr Chiron ond Gameover hättn doch scho a reachts Poukrfeis fr zom Schaufkopfa (oigndla duad mr ja mim Poukrfeis pokra - i woiß - abr i kâ doch ned sâ, daß dia a Schaufsgsiicht hand, odr?)

Da Swabians

Hani no gfunde. Hani eu natürli nöd welä vorenthalte.

"It has been evident for a long time that, of all members of all the Germanic tribes, the Swabian is the most difficult to understand and the most mysterious.

In him the most intense contradictions are found. Often, in one individual, meet both extreme boldness and amazing timidity, rebelliousness and philistinism, winning kindness and resentful standoffishness, skillfulness and awkwardness, firmness and instability, mistrust and friendliness, soaring idealism and grounded realisticism."


http://www.schwaebisch-englisch.de/
;-)
Es het auno en Dix und Konjugationstabelle und so. Isch no e recht schöni siite.

Jo besser wärs, manni. Ned daß dr mea ebba dazwischa pfuscht beim edidiere, gell.

dazwischa pfuscht - Ja wie moisch iez dees, blues  ky? sDorisle hadd doch mea alls grichd!
*harmlosguggondlabalomabfeif*

Isch dô äbbr???

Bloß i, Moi Gab! Griaß di! :-)
Ietz mueß i do no ebbs naschreiba, dass i dean Fada no vorm manni seim Bäschtele verwisch.


Mir miaßet jetz môl d candice frôga ob se mir ihre Leit driebert gschwätzt hôt enzwischa.
I hao scho gfrogat; ond´s wear scho reacht (Pfingschda halt). Amend kennt mr au nachad no (odr ehnder) zur selima gao, abr i woiß it wo´s dahoim isch. Kosch mr ja amol mehla, ameisle.

Heit war i scho reacht am bibbra beim schneeschaufla ond bi o gherig lang im Auto ghockt - immr am Schneepflug hindahear...

I be jetz au dô.

Griaß Eich, Moi gab ond candice.

I be au dô.
I will no fir mein Schwôger zu seim Sechzigschda, der wo en drui Wocha gfeirat wurd, zwoa japanische Säga em Indernet bschtella. I be heilfroh, dass er mr den Tipp gea hôt - desch gar net so oifach, fir den ebbas zom fenda, wo er a Freid dra hôt. Er schreineret on schaffet gern mit Holz - hent ihr gwisst, dass die en Japan so subber Säga hent, dass mir Bada-Wirttaberger dia bei denne kaufat, wemmer ebbes ganz Bsonders en Sache Säga han wellet?

Des kô i fasch ned glauba. Wahrscheintz hend se des halt friar schomôl abkupfert. ;o)

I kenn bloß oi Säga, ond dia duat in dr Nacht neaba mir säga - i däds abr it gega a japanische eindausche wella, gloob i...

Ha, scho, Goldammer. I hau mit deane sogar scho gschaffat. Dia send wirkle ned zom iebrbiata.

candice, mache. Mir wohnat ned weid ausanand.

Selima, nô kôsch des Mehl jô nommdraga.

Stemmt eigntle, abr haind ned. I hau vorin gnua Schnea gschippt. I ben ietzt bloss froah, daßne em Haisle sei derf.

Bei ôs hôt's heit uff da Schne grägart, der isch jetz weniger, ond Wassr muaß mr ned schippa.

A guade Nachd wensch i allseitz.

Guats Nächtle, Stiggle.

I muaß no a wengale ebbs doa.

Griaß eich, Selima ond dr Reschd von der Weld.
Heid bêne nommea hoimgschloffa, 's war a rechts Eis auf de Schdraußa. Ônd brauchat it glauba, dass die Menchner an Schnea rauma dädad!
Moara Aubad kaan i it komma, i bêê außrhalb vo Minchen.
Abr i winsc b eich an scheana Aubad, au wen Eich it alle vrschdandat.
So, ônd jtzt gits no an Kakao, an bittra donkla mit a bissle am Wisgi denna.

Prost, sage da!

I muaß nocht bald aufheara, obwohl ne no ned ganz ferte ben. Abr sonscht isch des Aufschtanda morga widr so schwear.

Heey achzgbrozendfemfarle, deesch abr schad, dassdid kommsch. Nô äebe snäggschmôl. Wemmr de viete Schôfkopfar gfunde hand, machmr ebbs aus, gell!

Jezt bên i grad am edidiera gwea ônd hau me gwondrat, warom dr Leo dees it mega hat - d' Selima isch mr drzwischakomma, ônd ihr miassad meine Fehler leasa!
Dr Wisgi kâ nix drfir, den han i erschd schbädr drônka. 's war it viel, abr guat!

Ond fr da manni3: Freile brobier i des no amôle mid dera Schaufkopbferei, mei Vaddr däd se fraia, der war a guatr Schbielr, hat se alles merka kenna.

Deesch a guede Idee middeam Wisgi. Dô wäer i iez oo oin holle. Ond an schwaaze Lindt-Schocklad!

Ond an schwaaze Lindt-Schocklad!
Sölli chli ufelade?
Mi hend das Züügs tonnewiis im Huus.

Des bsondere an dene jabanische Säga isch, daß se auf Zug arbeide ond net auf Druck, wia onsere Säga.

Schad, daß net komma kannsch Zwiosentle. Ond was isch nochher mit dir, Selimale? Do, wos jetsch wonsch, isch ja nemme dr Mehdorn zuaständig, do kannsch ja mitm Alex fahre.

Bsschtm, Manni, dau git's no an schwarza aus Frankreich (Michel Cluizel)- 82% °ond schmilzt trotzdeam auf dr Zong! Der isch berfeggt zom Wisgi ond au zomma guada Obstwässerle.
Den griagsch en dem idalienischa Weilädale en der Schellingstrauß (i moi bloß zwegs morga Aunbad im Cadu...)

daß se auf Zug arbeide - also had doch mea dr Mädorn seine Fingr im Schbiel, däe Sackramendar!

Dia zwoi Sägana haon e jetz bschdellt. Desch mr reacht, dass ihr dia au kennat.
Jetzt gange nô au ens Bett - aber an Wisgi ema Kakao, noe, des dur e net.
I môg ôbads bloß no a Tass hoiß Wasser - wia an Tee ohne Tee dren halt.

Hanndr me scho wieder odream edidiera vrwischd- ihr send oifach z'schnell fr mi!
Miandr hald meine Feahlr leasa...

Vegale, des hoiße Wasser isch nau bragdisch d' Ibrschdagrong vomm weißa Tee - nôô viiel vorneamr!

Fr da Manni: Dr Schogladlada hoißt nauch am idalienischa Freiheidskempfr.

Ond dass dr Mehdorn ebbes rechts schaffd ("arbeitet"), dees glaub i no lang it!

Goldammer, du bisch ja wia dr Dalai Lama, der trinkt au allaweil a lauwarms Wasser. Ibrigens ham eam au onsere Brezga gschmeckt.

Zwoisentle, in dem Schbagat kann koiner koin Felar net macha, daß des amol klar isch, gell?

Blauhemmale, i dank dr schea.

Abr "Ibrschdagrong" muan e doch no korrigiera: des sett "Ieberschdaigrong" sei.

Jô, des han e scho efders ghert, dass en deane oschdasiadische Ernährongswissaschafda 's hoiß Wasser a wichdiche Roll schbield. Dôrom drenkts dr Dalai Lama wahrscheinlich. Abber desderwega dur i 's nedda - mir ischs oifach ãgnehm so.

Also, nô hol e mr jetz môl mein ieberschdeigerda weißa Tee on ver(keks)krieml me mit meim Buach ens Nescht. Morga friah haon e Weckdenscht - des hoißt i muaß 's Friehschdick fir de Jonge mache on mei Dengs duat drfier kocha.

Bis morga nô!

abrobo Brezada: wenn deam scho eire komische Menchener Brezlkrippl so gschmeckt hent, wia hett der nô erscht en de reachte wirttabergische Brezada gschwelgt!

*jetzaberganzschnellverschwend*

Veegale, recht hoschd! Dia schwäbische (it bloss die wirttabergische!) Brezga send vill besser wia de bayrische!

Abr oi Fraug han i nô: Warom isch dr Dengs eigentlich dr Dengs?

Dia schwäbische Brezga send vill besser wia de bayrische!

Ja, dau hosch wôr! I han no koine gscheite Brezga in dem Mincha gfunda - ond i bin scho lang do. Was anar gscheida schwäbischa Brezg am nächschta kommt, san de von dr Hofpfischterei, abr de san immer no meilaweit weg von de Schwoba. Dia beschte Brezga gibts natirli beim Brezn-Baur z'Datschiburg - ô wen di Wirtabergr des jetzt andersch seha.;-)

Warom drDengs drDengs isch? Vielleicht wäege deam Dengsbums? I waiß oo nemma so räecht. Des hanze dWeibr dô henna amôl so ausdenkt fier ierene Kerle. Dô beni iez zlagg, dass i em alde Fade nôchschlag, dô schdoz neima.

Die beschde Brezga geiz beim Fidelisbäck zWange, ond de beschde Läebrkäs oo.

Jetzat isch mr dr Manni dazwischa komma. Do ff. hams iber da Dings gschwätzt.

Mhmm.
Also isch dr Dengs dr Däätschmr (däätschmr am'l helfa dr Abbrad râtraa?)

geeeeenau! Dr Dengs isch dr Dätschmr.
Dätschmr heit kocha, wo i doch d' Kender morgends versorgt hao?

Iebrigens hoißt des Schprichle:
Barbara, dätsch mr môl den Abberadradra?
(on des älles mit ma reacht grollda RRRRRRRRR)

Iez haunen oo idendefidsiert:
dr Dings isch dr Dädschmr ond isch oo dr Konndschbr.

Nô geiz no dBlachevariande:
    Red  mr  vo   Debbich: Kaschmir femf Eiro leie?
    Red mr vom Obschd: Obschd mrs mea zruckgeisch?

Okee, also Butter bei die Fische: Ich freu mich auf den nächsten Stammtisch und wünsch Euch einen schönen heute abend.

Gell Selima, dô wäeba ganz hierewierbleg mid deane viele Vrbflichtonga in deane Schwôbe- ond Schdammdischschbagädr. Fanged ja all mid 'Sch' ãã ;-))

Butter bei die Fische - b  f  f  f  f  f ... - Schemschde gar koi bissle?

Noi! I ben halt sprauchbegabt :-)~ ... ond fr manche Sacha braucht mr Wertr, dia wo andre scheanr hond, z.B. brastig odr usselig odr Badhairday.

Abr schtemmt - mir isch manxmol schon ganz dremslat mit den ville Schbagätr - muane aufbassa, daßne me ned dren vrheddr.

ja, Selima, des fend i au, dass manche Werdr aus ma andere Schbrôchraum oifach sche on bragdisch sen. Mei Freindin von geganieber, die isch vo Bielefeld urschbrenglich, die secht zom Beischbiel "Pölter" zom Schlôfazuag. Des gfellt mr, obwohl e 's selber net sag. Oder wenn 's ra ned so ganz guat isch, nô secht se dôdrzua, se sei "klötterig".

Aber mit ebbes muasch mr jetzt a bissle helfa: was ischn an Badhairday, bidde schee?
Ach - dr leo isch oifach õschlagbar, do isch 's jô tatsächlich dren (wemmr die Werder oinzeln schreibt)! Hane jetz no et kennt ghett.

Badhairday - Bad hair dei waas? Ond sledschd Jôr? I kenn bloß: I wäsch mr jez Jôr uff Weinechde pFieß - obs brauchd odr id!

Odr moisch du Bädhäerdei?

edit: Ist zwar nicht mehr nötig, aber:

Siehe Wörterbuch: bad hair day

#245
Oiner vo meine Nôchhilfeschialer scheint sei Kerberpflege nôch dem Brinzip z handhaba...wo der dia Woch dô gwea isch, han e an d' Schuah ausdoa lao, weils so a Schmuddlwedder gwea isch - o du meine Giade, i be schier gschdorba, mô der seine Fiaß onder da Disch gschdreggt hôt en mei Richdong...on s' isch no sooo lang bis Weihnachda...

Goldammerle, dô hosch me an äbbs erinnert. Frianar, in de 70ger, alse au no vor de Schialr gschanda bin, dô hots a Mädle gea, die hot ammel sGundhaitsamt abhgolt, wemmers nimme ausghalta hon - dia honnse no badet un honnera a frische Wesch gschbendiert. Mi schiddelts heit no.

Un des mit dem hoißa Wassr, des drink i fei au. Wenne also mol noch Schduagerd nauf radl, kennte e denn schdatt em Kaffee au a hoißes Wassr kriaga?

Moi Gab ond Goldammer, bloß a hoiß Wasser kao i mir ja gar id vorschdella. I dua au geara ebbs hoiß dringa auf´d Nachd, abr an Dea hald. Kennd scho sei dass i zu g´schleckig bi fier a blanks Wasser. Nomen est Omen hald...

Kandiszuckerle, desch äbbs aus Ayurveda. I drink des efters im Gschäft un maischdens am Morga. Brobiers môl, skah dr bloß guad dua.

So, maine liabe Schwäbla, vu hinta un vorna un oba und unda un links un rechts ausm Ländle, i winsch eich a guade Nacht. Bis morga. :-)

Griaßdi, Moi Gab! Am Morga drink i immr zwoi Gläsr eiskalts Wasser glei nachm Aufschdea. Güld deas oo?

Jô klaro, solangs nass isch!

Schlôf guat. *bin weg* :-)

GUAT NACHT NEIDRINO !!!

's Schdiggle hôt's wohl ed ghaiert heit Ôbad.

Jô klar, Moi Gab, du griagsch au a hoiß Wasser, wenn d' midem Gebbl bei mir vorbeikommsch ufm Weg nôch Schduagert nei.

Komisch, wo isches denn, osr Schtiggle? Hait, wo i amole spät aufdauch, isch wartscheints neamats mear dau.

Doch. Abr au gleichzeitig in ferne Welta (im Fernseha (-:).

Hoi, warsch garet am Stammdisch?

Egal. I muaß iatzt ins Bettle. Morga muane ned auf Mencha nei ond dr Dengs kommt mear hoim ond bis dauna muane no ebbs gschafft hau, daßne dann au Zeit hau.

Egal. I muaß iatzt ins Bettle. Morga muane ned auf Mencha nei ond dr Dengs kommt mear hoim ond bis dauna muane no ebbs gschafft hau, daßne dann au Zeit hau.

Noi, du ja au et. Bisch immer no verstroht ond isch dr Bericht endlich fertig?

Heey Moi Gab, guete Môege!
Sei doch so guet ond lueg amôl bei eis em andre Forum in deine Meil!

's Schdiggle hôt geschderd Âbed en beruflicha Termin ghett. Heit Nâchmiddag au wiedr oin, der wo bis en da Âbed ganga kô. Ond fir die Zeid vo Samschdich bis Meedich meld i mi au scho amôl ab.

Dreibet ned so om ond bleibet saubr!

bleibet saubr ??? - odr äer: wäerez endle ???

Hey Selima ond Faschdafemfarle, dr Chiron wär endressiert drã, dassbrms Schôfkobfe beibrenget! Endroderreschdrischs Abschbazze middr Bumbl als Ruef kennt a no id!