Ja mei Manni, a jedam es Seine...

Dankdrschêa fr da nuia Schbagaaat! Schêa isch-er worra.

"Haben als hätte man nicht." - 1 Kor 7,29-31 - hm ...
Was moisch du zue deam Schbruch?

Gschwind vorm Aubndessa no a 'Griaß Gottle' dauherinn.

S däffed fei oo die rei, die wo z lagg gwe send, dass se em alte beim Aufraume hedded helfe dääde, gell!


Ädidd: Schea, dassd reiluegesch, Delima :-))

Machsch Du Daureffömpfa odr isch des iatzt Zufall gwest?

Ah, alzo doch Zuafall - Odr moisch Du gared mi? I kenn an Deli ond o was Lima isch, abr Delima? A peruanischs Schbezialidädareschtora???

Was me dra erinnrat, daß i eigentle erschtmal no an Hongr hau.

Du bisch do dackriesch schnell, dass i nemma zom Äededdiere komma be, D̸ Selima!! Duebr laid!

Jiez abr: ● ●
Ond nomôl: ● ●

'n Âbed ond danggschee Manne.

Môl a ganz a andre Frôg:

Was dommr denn an eisrem Geburzdag??
Wie feire mr dean??


`(`'•.¸*¤*¸.•'´)
..¤: ____:¤..
`(¸.•'´*¤*`'•.¸)

Grießdi, o du klois Faschdõsichdbars ;-))

Also i hao an meim a Gläsle Wei drongga ..

Hasch du scho vôergfeired? Nô bisch ja scho em Dräning!! ;-))

I hao dich gsagt an meim, net an onsrem ...

Soll i Dr a baar Kuhdibbs gäba?

Moisch, dass des helfe däd bei am Doosôerege wie mier??

Bei am was?

Dankschee Manni, auf di isch hald Vrlass. Bisch un bleibsch da Beschd.

Schdiggle, i due etz, wanne efdr dua: Zschbäd graduliara!

Schwoiösanniversär, schwoiösanniversäre peti Binstrückschuätt, schwoiösanniversär!

un n'Ôbnd Amoisle un Senzle!

Danggschee Moi Gab. Des hâsch schee xonga.

So, iatz isch ebbs em Maga - iatz kâne mear gradaus denga.

Ond Griaß Gottle au an ds Senzle, ans Schdiggle ond ans Gäbale.

Ond a herzligs Vrgelt's Gott an da Manne - dean dosohrata Kerle.

Was hoschn fiar an Wei, schdiggle? Nocht däde mr da gleicha virtuell aufmacha.

Griaß Eich Moi Gab, Selima, Schdiggle!
Wei isch guat, was fr oiner?

(Schdiggle: Doosohrad, doarad isch mer, wemmer it gscheit heara kâa. Wemmr it heara maag on it duat,was oim âgschaffat werd,isch mr bêischdig)

Was willsch en fir oin? Fange mr oifach â: rot, weiß, rosé?

Vielleicht däd's helfe, Manne, kem uff en Vrsuach â.

Hedsch gar au no an Wisgi? No däte au komma - hon scho soooooooooooooooooo lang koinme drunga.

Heit isch kaalt, nocht liabrsch an Roada.

Au ja, an roada!

Hennr des au mitgriagd, dass die Tächnograta aus Brissl vorgschlaga henn, aus Rot- un Weißwei Rosé zmacha? Mai Dings hot sich faschd vrschluggd wonnr des ghert hot.

Okee, en siziliasnische Primitivo vielleicht?

Ond fir d'Moi Gab en Lagavulin oder en Ardbeg?

Boide, ersch da oi, nô da andr.

Moi Gab, solle se doch mache. Des macht mir nix aus, 's sott bloß richdig deklariert werde miaße. Soll des Zeig dann kaufe wer will. I net ...

Also nô schenk i mier an Wisgi ei. Dean bandschde Rosee mag i idd, ond den eschdreichesche Glyckoolwei vo de Uhuudlar oo id.
Broschd!

Okee, ond i mach au koin Cuvée draus ...

Lagavulin: |_|
Ardbeg: |_|

*ineschneii*
Um was gats?
Aha. Salatsauce. ;P

● ●

Au ja - Primitivo isch guad!

Hey ❄ :-))

● ● Selima !!

Jiz gôz abr zue dô hinna, wenns ebbs zom drenke geit ;-))

Jetz wenn i wisst, wie mr dâhanna Weigläsle macht.

Uff jeden Fall schenk i jetz ei:

*eischenk*
*nâschdell*

Eha, manni, obachd! Feind loosd mid!
Na kriegsch hald nix vo meim nadurreine ond garandierd glickolfreie, biologische Uhudlar! So! Ietz bi i dr "hab"!
Ond ietz geng i glei d´Schdieg nab, des hasch drvo!
Alle andre wensch i a gueds Nächdle (ond Dir oo, manni, i ka nia lang bees sei... ;-))

Ja, den chömeds us allne Löcher kroche.
Leider tendier ich dezue, de Name vo minere Lieblingssorte Wii immer z vergesse. Janu, er wär so gold-gelb und süäss. Falls das öppertem öpis seit.

Des weard a Samos sei - brrrr - da schittlts me glei saubr.
Dankdrschea schdiggle -> Ÿ

gold-gelb und süäss? Honegwassr?

Ÿ Ÿ

Isch nix woere...

Hmmm, vilich. Samos hemmerin Griecheland immer gha, de hani au sehr gern gha.

Sauternes? Banyuls?

Manne, des send doch Sektgäsle ...

candice, des erennert an a Mischong aus Mondrian ond Kle en schwarzweiß

Ha? Zickarle, wennd a baar Läerzaiche brauchschd: (One Abschdand vôerem Schdrichbonkd)

&#8202 ; I I schmal
&#8201 ; I I =n= noecbdg
&#8194 ; I I breit

● ● ●

Kei Anig ;-)
S chunt zwar relativ selte vor, dasich Wii gern han, also tät ich guet dra, d Näme vo de guete z lerne, aber ich chas igendwie nöd.
Riesling zum Bischpil, hani nöd gern. Ussert als Suppe.

Fleggle, Du bisch a Banaus! Zmindeschd was Wei âgeht.

Ond i vrabschied mi jetz, no a bissle mit em Co-N. schwätze. I wensch Eich a guade Naachd!

Jap, dem schliaß in mi vollinhaltlich â - Guads Nächtle!

Was, mann. Nüüt gaht über e gueti Rieslingsuppe. :P

● ●

Dschuldigung Schwäbla, bin grad woandrs vrhoggat un etz sage guad Nachd.

Dreimad äbbs Schees :-)

">Da. Guggst Du Rezept.

Mõisch du des?  


Alle Schläfar a guede Nachd!

Eich das: http://www.ciao.de/Die_beste_Cremesuppe__Test...
Aber vermuetli chunts nöd so mega druff a.

*langsamufstahn*
*diegmüätlichiRundiverlahn*

*useschneiiimisChüälschränkli*

Sagat môl, sen ihr no ganz bacha? Dô isch mr grad môl a weng AFK, on nôch schreibet ihr scho fascht da ganza nuia Fada vool, machat a feichdfrehliche Paardi on was net no alles!

*A Gläsle raoda nemm*

(on dankschee manni fir da Geburtsdagsfada!)

Griaß Deau, Veegale! Ganz bacha semmr glaub alle it :-), abr so lang dass'd mer da Roada trenkat, gaht's ôns guat. Lass en Dr schmegga!

Ônd i gang etzt au Richdong Bett - Guat Nacht beianand!

Broschd, Emmrle!
Bisch no dô, odr hanze di scho ondre Disch neixoffe?

Gued Nachd, DuSenz!

I han no "Fahr mal hin" ãguckt em dridda Brogramm. Dô hen se's vo ma richdich nedda Flissle ghett, die "Alb", mô von Bad Herrenalb nôch Karlsruah nei fließt. 's Schdiggle kennt die Gegend velleicht - I war meiner Lebdag no nia deet. Hôt sich abber schee ãgseha.

Jetz gange au Richdong Bett - ebaerdich, wia-n-er wissat.

Ja, Vegele, des han i mer au denkt, do duasch a bissle Fernseh luaga ond no sans glei sechzg Pfoschda, abr so sans halt wenns umsonscht was zum saufa - eh dringa - geit.

Flocke, an Riesling duad ma dringa net in d'Supp. Vielleicht moinsch ja an Tokaia, des isch a sißer Woi odr dein Nolli Prat was'd allaweil ibrs Risotto giasch.

Z Griecheland uff Paros hammr allad an ganz an dicke, schwäere Sießwei dronke, an Rôede mid am ganz aigene schdarke Gschmack. Dean hadd dr Baur no in ächde Schôfsschleich an de Fieß aufkenkd kedd, mid am hilzene Drähãne em Hals zom Rauslao!! Däe had eis saugued gschmeckd. Nô hammr eis a baar Fläschla abfille lao ond handn mid hoi gnomme. Abr des isch räechd gschbässeg gwe: Scho ondrwäex hadda eis nemma richdeg gschmeckd ond dahoi hammrn garnemma nabrôchd ond handn schließle bloß no zom Koche häenemme kenne. Eisre Freind isch genauso gange. Dô haz nô a Weile viel dicke Rôedweischü gea :-))

Des isch allaweil so Manni, daß dr Woi bloß dô guat schmeckt, wo er dahoim isch. I war amol auf La Palma, bei so am Ausschteiger ausm Bairischa Wald, der hot do Feriawohnunga ghabt ond an recht an guatn Rose obaut. No hani mr au a paar Fläschla mit gnomma ond dr hôt no gsagt, daß der dahoim net schmeckt - i habs eahm net glaubt, er hot abr recht ghabt.

Happy First Jubilee, Alemanni chatters!

[psscht, sdedruile]sechsadraißg schtund z'fria, morga mittag.

*g* Vielen Dank für den freundlichen Hinweis, bluesky. Ist das sehr schlimm, wenn meine Glückwüsche etwas frühzeitig ankommen? Man kann sie trotzdem in dem Sinne entgegennehmen, in dem ich sie übermittle, oder? Du weißt ja, wie es ist: Ich befinde mich in einer anderen Zeitzone. Du wirst wohl nicht von mir verlangen, dass ich die Uhrzeit ständig umrechne, hoffe ich. Eine solche Auflage wäre auf die Dauer ziemlich anstrengend, wenn nicht zu sagen verwirrend. :-(

Morga Schwäbla un an scheena Dag eich alle.

Desch etz da Kauntdaun fr da Anniversär.

I gang heit Ôbnd scho aufn Geburzdag (sieba wirdr). Drum binni wenn's dô hinna losgôht id dbei um morga Ôbnd wohl au id (Hrrgttzck).

SD3, deine Winsch sin scho räachd, abr annemma duemrs ersch wenn's so weit isch. Guggsch halt nommel rei, mir freied uns, wenn da dbei bisch, immr, gell.

Guede Môege, Allemendlaondweibla vo heana ond deana vom grôeße Wassr (de Bodesäe moin i).

Ond dankdr schea, ßd³, em Name vo deam Fade fier deine guede Wensch vo uff dr andre Seite vom Adlandeck - däe soll ja oo zemle grôaß sei, wasba so häed. Weil du so weid wäck bisch, gelded die Wensch scho oo a bissle zfrie. Bei deane Embfernonga ka ma ja nie so gnau aaschädze, wie lang dBoschd brauchd, oo wenn se eläckdresch isch ;-))

Jo, Sackzemänt, do hab i aascheinend ä Pardy verpasst gescht z'obed. Do defür kann i hytt zu de rechte Zytt ä Glickwünsch-Liedli aastimme, gell:

Wie schee, dass due gebore bisch, mir hätte di sunscht sehr vermisst. (Mitm Alemannisch stimmt de Reim nimmi, so ä Sch...)

Gimow, des isch bloss a kloine Dräningsronde gwe nechzôbed.
Dr richdeg Dermin isch môere!

Also ganz riebeg bleibe ond de Weckar schdelle!

Zack! Erschta Aubndratschere! :-)

Abr zwischanei benne ebbs schnabuliera. Bis nauchet.

Hasch du koched odr dr Dengs? Ond was haz gea?

I - 's isch ja soscht koir dau. An Brokkoli hanne mr brauta mit dricknete Domada ond a wengale am graichrta Bauch ond Haifa Knoblauch :-) Ond an Riesahafa Radlr

Du hâsch Radlr brôta?

O tempora, o mores ...

Ja, hosch Du des ned gwißt? I braut mr jedn Aubnd an Radlr - dean fange mr z'Mencha auf dr Leopoldschtroß am Iebrgang zur Martiusschtroß - des isch ganz oifach, balls oim äbbl direkt vord Motorhaub fahrat von henda rechts - ond am Aubnd wears en Lehm packt ond brauta.

Abbr des muaß jâ mehr wia oinr gwäsa sei, weil Du jâ en Riesahafa drvô gmacht hâsch. Hâsch glei a ganze Grupp Radlr drwischt?

Noi, abr dear heit war a Mordsbrocka. Hot au arg tranig gschmeckat. Des war nix gscheits.

Du muasch jâ au ned älles erlega, was Dr vor d'Flinte .... äääh .... d'Modorhaub fahrt. Grad so, als ob's morge koine Radlr me hett.

Abr, Schdiggle, es ischd guada Waidmannssitt - daßmr a waidwunds Tier erlest ond mitnimmt - I kâ des ned entscheida, was mir vord Motorhauba fahrt.

Muasch Dr hald en Daimler kaufa, der hât a gscheide Zieleirichdung uff dr Modorhaub.

I glaub - des weard mr iatzt z'ôabediddlich. Ned zwengsam Daimler ;-)

Wer hat denn drmit âgfanga? ;o)

Okee, Themawexl: wieviel Knoblauch hâsch denn an den Broccoli nâdoa?

Zwoi Megazeaha auf oi Dellrle. Mehr hanne nemmr ghett.

Mhm, ond jetz fend mr De au em Donggla, odr? *gg*

Ond jetz vrabschied i mi mâl. I wensch Dr a guade Naachd!

Ja, iatzt fend i me selm sogar ohne Brill ;-)

Wensch dr au. I be nocht au glei furt.

Also, nô schlôfa mr môl guat en onseren Schbagaat-Geburtsdag nei!
God Naacht mitanand!

No werds no langsam Zeit, daß ma s'Dringa herricht.

*BierondSektondWeißweiondOrangasaftindaKialschrankschtapel*

Wenns esdedruile morga fria aufschtoht, isch no grad recht.

Guada Morga ond a scheas Feira os alle!

Dangdrschea, Hemale, frs Kiahlschrankauffilla.

Guede Môege, dier Geburzdagxmidfeirar!

Mid deam Sekd haon i scho môl ãgschdôeße.
Hasch an guede vrdwischd, Hemele, dank dr schea!

Jiez haddr Bildschirm zwar a baar Fläeck, abr s Glas isch no ganz ond a fonxionierd oo no!
Also nôcha: Uff a guez zwaiz Jôr mid eis alle, ond:

            Land id lugg!



                                 Ÿ Ÿ

Mensch manni, i ben doch dr öhrli Böhrd!! Muasch du jetz ausgrechnat heit so friah uffsei!
Guda Morga on herzlichen Glückwonsch ons alle Schbagäätler on wer sonsch no reiguggt heit!
An Seggd dreng e jetz abber no et, der bizzlat mr z arg vor am Friahschdigg em Maga rom!

Guada Morga Schwäbla un alles Guete un Liabe frs Kommnde.

Hebdmr au a bizzle Äbs auf dammr auno morga aschdoßa kenned.

*leaving some worms*

That's sort of an anniversary present, I guess.

Jiez isch mr grad ganz kuuzfrischdeg no a Idee komme:

Mier konnded

heid zMiddag genau om 11:50 

all middand bouschde ond ãschdoeße!

I gang glei end Werkschdadd ond richd a Kischde vol Sinkronbenkdla häe!

Wär schea, wenn dr Zeid hedded!!

Jetz rätsl-e scho a wengale rom wega dr Amy-MiMi ihrm Gschenkle. War des jetz schbezjell fir mi als öhrli Böhrd gedacht? Aber was dent au ihr mit Wirm?

ok, manni, môl seha ob i des riichda kã. I schdell mr schomôl an Desktob Wegger.

Emmrle, i glob scho, dass die Wirm fier di als örli-worm-fressez Vegele send. Ond vo mier aus kasch o gäere all bhalte, i max id!!

Mier konnded

heid zMiddag genau om 11:50

all middand bouschde ond ãschdoeße!

Da dädet si d´Schialar gfreie wann i saga däd "I mueß hietz gao, mibbm Sekt aschdoeße" ond hendrhäer räechd luschdig wäer! ;-)

Abr i denck an uib.

http://www.stuttgarterjunxx.de/images/geburts...

Nô schlag i vôer, mier mached all middand oo no a


 kloine Nôchfeier om 19:50 heizôbed!



S Hemele had ja de Kielschrank gozeidank volgschdelld. Ond äer had an grôeße, an amäerekanesche :-))

Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ

Herzlichen Glickwonsch, Schwôba, Alamanna, Boira, Wahlboira on suscht au älle mô mitdeant ond mitleasat on a Freid drã hent, mitzomfeira!

1 Jôhr Schbagaat - des muaß doch gfeirat werra!

I schdoß z' allererscht uf da manni ã, der mô den Schbagaat ens Leaba grufa hôt on-d-an au ällaweil durch 's rechtzeidige Konschdruiera vo ma nuia Zemmerle am Leabe erhelt!
Proscht!
Weider so!
Bisch an Schatz!

Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ Ÿ

____________$$$$$
__________________$$$$$_$$_________________$$$$$$$$
_________________________$$______________$$$$$$$$$$$
_________________________$$$____________$$$$$$$$$$$$$
__________________________$$____________$$$$$$$$$$$$$$
__________________$$$______$$__________$$$$$$$$$$$$$$$
_______________$$$$_$___$$$$$$$$$$$$$$$$$$$$$$$$$$$$$$
____________$$$$____$____$_$$$$____________$$$$$$$$$$
_________$$$$$_____$$_____$$$$$$$$$$$$$$$$$$$$$$$$$$$
______$$$$$________$_______$$$$$$$$$$$$$$$$$$$$$$$$
____$$$$________$$$$________$$$$$$$$$$$$$$$__$$$
_$$$$_$$$$$$$$$$$$$$__________$$$$$$$$$$$
$$$$$$$$$$$$$$$$$$$____________$$$$$$$$$
___$$$$$$$$$$$$$$$$_____________$$$$$$$
______$$$$$$$$$$$$$______________$$$$$
__________$$$$$$$$________________$$$
_____________$$$$$________________$$$
________________$$$_______________$$$
_________________$$_______________$$$
__________________$$______________$$$
__________________$$$_____________$$$
___________________$$$____________$$$
____________________$$____________$$$
_____________________$$___________$$$
_____________________$$$_$$$$$$___$$$
______________________$$$$$$$$$$$$$$$$$$$$$
____________________$$$$$
___________________$$$
__________________$

Ha!!!!!!!!!
I war de erscht!

Uff d' Sekond gnau! I han egschdra mei Sischdemuhr noml singronisiert!

I will an Sinkronpunkt aus deim Kischdle, bidde!

Broschd, Emmrle!   ●  ●

Ond dank dr schea fier dein Dank ;-))


Ond nomôl:   ●  ●

:-D
Dô brazzlet's jô no so vo Sinkronpunkt! Dank dr schee!

De andere sen womeglich älle am Schaffa on kennat net oder hent net drãdenkt....

So, i muaß au widder - mei Lasanje isch demnägscht ferdich on i muaß no an Tomadasalat drzua macha.

Ond heizôbed geiz nô noo die kloi


Nôchfeier om 19:50


mid alle andre, die wo jiez koi Zeid id kedd hand.


Em Kielschrank vom Hemele mießd ja no ebbs denn sei. So viel vrbudzed mier zwai jiez grad id!!

Jô, wemmir den Kiahlschrank vom Hemmele jetz schao leermachat, nôch hemmer schau am Middaag an Mordsdulloh, des hôt koin Wert!

Bis schbäder nô!

  Bis heid zÔbed zue däer kloine Nôchfeier om 19:50 !!  


Die Schwôbe ond Allgaiar ond Alemanne vom LEO-Team send oo herzlech eiglade, gell!!






Zom ledschde Schdand däer Dinge:
Die Sinkronbonkd send fedeg, a ganze Kischde vol haon i gmached.
Schea senze wôere: gschliffe ond gschmirgled mid am zwaihondrdzwanzgar Babier, ond gschbrizzd mid am hôechglenzede ond senddeire Klawierlagg - jiez drickneze grad en am schdaubfreie Reinschdraum!

Zum Wohl, Schbagäätler! Herzlichen Glückwünsch zum Jahrestag!
Ich gratuliere auch namentlich dem manni, dem draiwing forß biehaind ä wennr-ebl inßtitjuschön.
I wünsch eich allen alles guete firs neie Jor.

(War das jetzt zeitlich in Ordnung, blauhemmale? *g*)

PS Was ist denn aus Habaderer geworden?

PPS Vor einem Jahr habe ich mir einige Tage lang über den Begriff "Oschdallgaiar" den Kopf zerbrochen. "Oschdallg," habe ich mir gesagt, "wie ist es bloß möglich, dass ich von der Gegend noch nie was gehört habe? Wo kann das sein? Vermutlich dort unten in Südtirol, wo ich mich nicht so gut auskenne!"*g*

Perfekt, esdedruile!

Morga.

Danke, bluesky. Bin erleichtert.
Ich muss jetzt fahren, also wünsche ich dir einen schönen Tag noch.

Den Termin am fimf nôch dreiviertl Älfe honne vrpasst un den am zea for Achde wirre vrbassa. I nimm etz schoamôl an Schlugg odr zwoi odr drei odr *hick*

Danke dfiar dannr so schee agrichd honn!

*nomml* *schlüüüüürf*

Mr gohts wiem Gäble: des erschte Aaschtoße um zeh vor zwelfe hab i vrbasst und de nägschte Zyttpunkt isch au nit meglich, do hab i scho ebbis vor.

Drum nimm i mr au grad ä Schlückle und wünsch allene, dass do herinne witter so aagnähm gschwätzt wäre ka...

Alla wodre! (Wer des nit veschtande hett: des war Franzesisch.)

Koiner dau? Soll-e d' Seggtfläsch aufmacha?

So, jetz bene gschbannt ob dô heit ôbad ieberhaupt ebber zom Feira kommt - susch muaß-e doch no mim manni alloi am Hemmale sein Kiahlschrank leerdudla!

___
.- \
/ _ \
| / \ \
\| \ \
\ \ \
\ \ \
\ _\ \
\ / \
\| |
\ ~ |
\.__ ~ \
\ \
\ \
\ \
\ ._=_\
\/ >
` \\\
. \\\\ .
. |||| . .
_________________
<_________________>
\ _________o___ /
\ o . /
\ . /
\ /
| |
| |
| |
| |
___| |___
_-- --_
-----------

Allawodre, alle mitanand!

Heit z' Midaag ischx mt der Schbagaat entganga, abr etzt kôot-e mitfeira. Abr alloi macht's koin reachda Schbaas it.

Manni, nommôle dankschea fr dia Idee middam Schbagaat,i glaub, alle, wo drbei send (ônd gwea send) hand a Ôoz-Gaude drbei ghett! Ônd es send lauter nette Leit drbei, Alamanna halt...

also nôcha: uff viele Jôr!

???
Was soll etz au dees sei, manni?

On i will oin vo deine scheene polierde Sinkronpenktla!

Emmerle, Manni, prosit!

ônd Pinktla mâa-n-e au!

● ● ●

Prosit, tusentle! On nomôl Prosit, manni!

Jetz môg e au an Segt middrenga! ôbads isch mr 's reacht.

Des hedd a Säckdfläschle beim Eischenke sei solle. Abr die isch exbledierd ;-((

S isch mr abr nix bassierd :-))


Mier mached eis drodzdeam an scheane Ôbed, gell!!


● ● fier ui!!! ;-))

Dankdreschea,i hätt au no a baar Käsblätzla zômSeggt drzua...

au ja, des môg i au. No her drmit!

Die bassed ja ganz gued!! *krackkrackkkrackk*

● ●

So, jetz kannt i au no schnell mit aschtoßa. *pling* &#x9F;

Ÿ Ÿ Hemele ;-))

Hemmale, prosit!

Leid, 's duadmr loid, abr i be grad earscht vo dr Arbat komma ond muaß iatzt earscht ebbs kocha - soscht falle glei no um.

Hebbatmr a Gläsle auf.

Griaß Gott.

Selima kochsch a bissle mehrer? I hao Hongr.

Ond jetz isch scheintz neamrds me dâ .... d'Selima en dr Kich ond dr Recshd scho weg ...

So, jetz schlambert mr so langsam drher!
Also, grieß Gottle hemmale, Schdiggle, Ameisle!
Velleicht guggat r jô noml rei - i guck au nochher noml vorbei.

Sodale, i wäer ietz oo da. Isch id friachr ganga...
Isch no a Sekt do zom Aschdooße? Odr soll i en Kellr gao no oin hola?

noe, noe, s hôt no!

Zom Wohl!

Ÿ pling Ÿ

Goldammr, wa hoißt dâ So, jetz schlambert mr so langsam drher?

I muaß halt au äbbes schaffe, be doch net em Beamdevrheldnis ... *gg*

Zickarle, brauchschd id en Kellar, bloß id huudle. Liebr Uhuudle! s Hemele had no gnue en seim amäerekanesche Kielschrank!

So, iatzt benne au mear dau - mit meim Schissale Kizir (Bulgur mit Gmias) - Schdiggle, wannd so ebbes mogsch, 's schdad no gnua en dr Kuchl.

Broschd ond Sangdee ond Egészségedre ond Dschiers ond Skol ond Salud ond ...iebrhaupds vorallem auf di, manni, eisern Schbagaad-Babba! Auf Dei Wohl!

          \|||/
         (o o)
,~~~ooO~~(_)~~~~~~~~~,
|        Isch ja         |
|        Schbidze       |
|        hier !           |
'~~~~~~~~~~~~~~ooO~~~'
        |__|__|
         | | | |
       ooO Ooo


Broschd!!

● ●

Kandiß, des hosch guad gsät! Deam schliaßeme â! Broscht - auf ôs ond auf da Manne em bsondra!

zua de andre: hand ui gmerkt, was dia kandiß ällz fr Schbrocha kâ. Heiligsblechle, dau schnallsch ab ;-)

Selima, magsch id amol bei mir koche? I gloob Du bisch viel kreativr wia i. Des klingd emmr so guet.

Ja, die isch muldilingwal! Reschbäckd, Zickarle!

● ●

Bschdimmde Wertr (so vier odr fempf) mueß mr hald in jedr Schbrooch kenne... ;o)

Ond was fier vier Wäedr send des? Zelima wär sichr endrässierd ;-)

Bulgur hao i glaub no nia gässa.

● ●

Na, bittschee ond dankschee ond Pfietdi ond so ebbs - odr hosch Du scho mea a was Ooaschdendigs denckd, manni?

Des 'scho mea' will i amôl igneriere, Zickarle!!

Ond Schdickle: Uigur -> Bulgur! Bisch Du a Menschefräeßar? Die send fei jiez en der EU!! Die däff ma nemma äeße! Des hanze zBrissl vrbode! (Die hand ja oo nix andrs zdond :-((

Manne i glaub Du vrwegschlsch Bulgur ond Bulgar. Des sott mr fei bessr ausanandrhalde.

@ bessr ausanandrhalde: Schmeckeze id so gued?

Send die Uigure net Kinese...?

Om Gooz wille, Zickarle, sag des bloß id laud!! Sosch kriegsches mid baid zom doa! Des isch ja no schlemmer, als wie wemma an Eschdreichar zom Baire mache däd!!!

Jo, dau schdimme am Zuckrschdiggle zua, a baar Wertr sottma en andre Schbraucha scho kenna ;-)

Zuckrschdiggle, ja mei, woisch - wia ses âheart ond wia's schmeckt, send zwoi baar Schdiefl.

Schdiggle - echt? I ko^tme en Bulgur (grobr Woizagriaß) neihocka! Dear schmeckt mir a so guad ond der got so schnell - en 10 Minuta isch ällz ferte - des isch doch a Sach, odr?

Juppie, un prosit!

Manni, du kasch dohinna idda *krackkrackkkrackk* macha. Des gôht fei id. Frôg môl s'Guimauvle, wa fär krackkrack auf Franzesisch hoißt! Asso Manni, du Schdrolch!

Wissats di andre?

Allawoddree

● ● ● ● ● ●

Isch scho gued, dass i a ganze Kischde vol gmached hao!

Gäbele, noi, des waiß i idde. I waiß bloß, dass uff Franzesesch dKwäersomme fuchze geit ;-)

Ha jetz isch jô reacht ebbas los dôhenna! Schee!

"Schbagaat-Babba" - des fend i guat, des merk-e mr!

I komm gar nemma richdeg mit Zelle mid!!

● ●
● ●

Neihogge? Gibt des koine Flegga?

Wissats di andre?
Hoißt des id dassdr manni a Liegabeidl isch?
(Hao ned i gsehd...)


Selima, Bulgur ond Kußkuß mag i oo räechd geare, abr i woiß nia wia mrs variiere ko...

Ond ietz hoa i mea a Rondevuuh mibbm Rodschdifd... :-(

Noi, neidrenole, des geit a waiche ond gschmaidege Haut!!
Ond de Bulgur muesch hald hendrhäe gued wässre!

● ●

Zuggrle, noi, da Manni isch koin Luagabeidl. Gwießid.

Fär krack-krach machdma id im Fada. Dô muama zwoi dazua sei. Des gôht dohinna idda.

Kusskuss (Bulgur), isch leggr. Des kahme als Tabbullee ässa odr zuama allgearsicha, marokkanischa, tunesischa Eintopf särviera. Mei Dings kochd des manchmôl un alle schläggad sich d'Fingr danôch ab.

*gg* O-be-dingt. O-be-dingt.

I hau da Manne gmoint. Abr 's basst au auf des vo dr Moi Gab!*gg*

Couscous kenn e, abbr des isch doch ned 's Gleiche, odr?

candice, i hoff fier Di, dass es en neddr Rodschdifd isch.

Noi, 's isch ned 's Gleiche - abr schmeckt scho ähnlich. Couscous ist ganz fei gmohlnr Woiza, der hernocht feicht grieba weard, wo noch kloine Kigala rauskommat. Feinr Bulgur isch reladiv grobr Griaß (dau machtmr Kizir draus odr Jongfrauaschengala z.B odr oifach a Beilag), grobr Bulgur isch Woizaschrot (braucht mr eanr fr Eidepf).

Aha, Woiza halt. Abr des sott mr bessr drenka.

Amoisle, dankschee, dassdamr d'Erklärung gschbart hosch.

So, ond jetz vrabschied i mi. I wensch allseitz a guade Naachd!

Nix, heit drinkamr koi Woiza. Schampanjr.

Mei, frianr, hommr bei de Geburdsdagsfeira amml an Lorã Pärrije rosé drunga. I woiß scho garnimme wia des schmeggd.

I sag etz au guad Nachd.

Schlôf schee Schdiggle un alle andre au!

Ja, i ô iatzt!

Grad honne erfahra, daß mei beschta Freindin (au a Allgaire) ihr Buzzale griagt hot. I muaß haila vor Fraid.

Pfiagottle ond Guad Nacht!

Also sag i au Gut Nacht.
Grad isch bei ons no an richdich gwalddädicher Schauer ra ganga - s hôt pratzlet wia d' Sau - abbr bloß fir a Minut oder so. Grad reacht fir a schene frische Luft - mr lassat 's Feaschder offa em Schlôfzemmer.

edit
Mein herzlicha Glickwonsch, Selima! Scho widder a nuis Erdamenschle! D' Schwôba schderbat no et so glei aus!

Nô grieß doch des nui Schwäble vo eis all, Selima!

I wensch ui a guede Nachd, ond nô dräeffebr eis mea moanammôege als Zwaijäerege ;-))

So, jetz bin i mea dô. Gschbachtelt hob i ô.

Selimale, i wois net ob du nochliesch, kannsch uns des net amol vorkocha? I hab so a Kuskus amol in Sidfrangreich gessa, irgendwia muß des net gschei ausquolla gwesa sei, weil es in meim Maga allaweil no mehra wora isch. Des isch fei a saubleds Gfihl!

Manni, du kasch dohinna idda *krackkrackkkrackk* macha. Des gôht fei id. Frôg môl s'Guimauvle, wa fär krackkrack auf Franzesisch hoißt! Asso Manni, du Schdrolch!

Ka-mer eich nit emol allei lo, ohne dass-er do unaaschtändig wäre?
Ihr kriege jetz nix meh zum Drinke, dass ers nur wisse. Gän mr mol selle Flasch her, die ruem i jetz mol äwägg.

Selima, hesch noch e weng vun diinem Bulgur iebrig? Fier ä guete Grundlaag, meini. Un dann spendier i erscht emol ä Rundi Egschpresso, dass-er widder zu Verschtand kumme...

Guede Môege allmiddand!

Bleamle, däe Eschbrässo had gued dao, i hao faschd koi Schädlwäe id.
I hoff, ui andre gôz oo gued.
Selima, gibm dean ibrege Bulgur, wäsche soll an nô sell!

Guada Morga!

Dr Gimov (i woiß wirkle ned, wia mr des sät) got oifach an mein Kiahlschrank ond bedientse sell.

Hemale, des mit dem Couscous isch bibioifach - des schtodt auf dr Packung henda drauf. Dau kâ nix schiaf gau.

Manne, ond woisch, was des witzige mit dem nuia Schwäble isch? D'Muadr isch a wirttabergischa Allgaire, dr Vattr a Badener ond leaba deans endr Schweiz - Des Kendle isch gwasi dr Alamanne schlechthin ;-)

Selima, fäld bloß no, dass du als ondrlendesche bairische Allgaiare s Doddle macheschd :-))

Tja, des got zwoimal ned ...

Ond dr Dengs? Odr dr Bue?

I woiß eigentlich gar nix - will bloß amol "Guada Marga" sage.
Ha doch, no ebbes: Am Mittwoch send mir z'Schtuegert gwea. En dr Staatsgalerie. Do hot so a bleede Aufsichts-Kuah gmoint, i sei z'näh a so a Bild na. - Ha, die schpennt doch!
Mei Begleitong hot gmoint, reg di et uff, s'hot jo koin Eitritt koschtet. ;-)
(Staatsgalerie Stuttgart Mittwochs und Samstags freier Eintritt!)

Au ned - ond zwar o zwoimal bzw. dreimal ned (dr oi isch koi Schwaub ond schwätza kennas boide ned recht).

meibi - bisch Du a nuir odr a umdeeftr Alamannaratschr. Wia au emmr - Griaßde.

grießdi, meibi! Wo kusch nô du häe - so õgfäer??
(Es isch ja id, dass ba neigier wär, ma frôged ja bloss ;-))

Selima schwätza kennas boide ned recht - mach dr nix druss, so ebbs kudd en de beschde Familla vôer, sogar en dr meine!
Mei Bue habbr doch dadsächle amôl dSchdaigrong vo 'Geier' erkläre welle: Geier-Aasgeier-Allgeier! So a frecha Honzkribbl!
Abr äer sell isch zGräflfing en ar Klineck uff dWeld komme ond i haonem nô dFingr dr Raije nôch aufzaiged: kloina Finger-Ringfinger-Gräflfinger! Bue, dô hadda Ooge gmached ;-))



Boschgribbdom: zMinke send die Binackedeka (*) ond die andre Musäom am Sonntag faschd frei, bloß oin Oiro vrlangeze!

(*) Boschgribbdom zwai: Dr Jozef Filser, kgl. Abgeorneter im Barlamend, had amôl laud Ludwig Thoma en am Brief de Name so erklärd: De hoaßt Binackerdäk, wei lauter nackerde Weiber drin hengan.

Echt? Des koscht enzwischa am Sonndig au a Geld? Saubr, sage, saubr!

Noi, i machmr nix draus. I haus boide gera:-)

Heid am Schbädnammedag were mal gugga ganga, ob's henda auf da Waald zua a Mädesüß git. I hau gleasa, daß des au an guada Sirup git.

Des koschd oo a Geld am Sonndag, ja, abr doch en Grenza, die wo oo a Schwôb grad no soo dolleriere kã! I gang efdr am Vôemedag nei, dô send no id so vil Leit dô, lueg mr oi oder zwai Bildr en Rue ã ond radle nôcha en an Biergarde :-))

Hoi meibi! Mir hen uns doch neilich erscht im CC drieba troffa!
Schee, dass d' dôhanna rei gfonda hôscht!

Mädesüß-Sirup, Selima, - des hert sich endressant ã, des muasch nôch vrzehla wia der worra isch!

Ja, des isch dr Stoiber-Euro, der hot des eigfihrt under greschter Mißachtung vom Willen vom Bayernkenig Ludwig. Der hot nemli am Sonntag Eintriit frei verfigt fir seine Untertanen.

Däe Schdoi-Bär isch mr scho allad wie a engschdirniga Wadlbeißar vôerkomme - Wolf-Ratz-Hau-se sed doch scho alls :-((

Dear eidrignete, gschtaubte Siach isch des gwest - noch wondrt me nix mear.

Isch dô äbbr?

Warscheinz isch m mea amôl nix eigfalle ond a had xed:
Dass ... äääh ... kosded ... eeeh ... ??? ... ööö ... Öyro odr Mark?? *miterleichdrongdesadzabschließeonddieflufdhollenôchdäeranschdrengong*

Ond däe Broddekollfiarar isch a Franckh gwe ond had vrschdande 1 € !!

Ja, Gäbele, i!

Gäbele, gugguuu ;-))

on i
huhuu, Gäbele!
(on huhuuu, manni!)

bssssd! Dô binni ;-))

Vegele un Manni, couscous eich :-)

Jiez ben i scho mea zlang em Krosseouwrfade vrsombfd. Des isch so schwäer ond langsam, des Engleschschreibe! (Isch des a scheas Wôed, mid schsch :-)))

Gäbele, isch des jiez Deitsch gmoind, des kusskuss? Hoffndle :-))

dôdrvo ben i jetz amôl ausganga on han me gfreit....was köt's denn sonschd no heißa???

Des mechte scho au hoffa, sonscht hätts Gäbale wohl an Hongr ond hätt ui em Dampf gara mechta.

So, un i couscous s'Ameisle grad mit.

An Schmatzr, wa sonsch?

Un jetz couscous i eich guddnaid. Bin so miad, dassesmr da Melle schdängid aufd Taschdadur haut. Aua. *schnarch*

Schlauf guad, Gäbale-Mädale.

Du nemmsch mr 's Wort ausm Mund, Gäbale! I gang heit au friah ens Nescht - mir isch au a weng kalt on i nemma Semfkissale mit.

Schlôfat älle guat!

Nô schlôfed all gued ond xond!

Ond jiez flack i enggildeg oo nã!

Guede Môege allmiddand!

Ja Vegele, was ischn los heid? Wo bleibsch denn? Hasch vrschlôfe??
Abr vielleicht magsch oo oifach koine Wirm nôch all deane Schbätzla em Scharmidzl vom Kreizweisfade ;-))

[edit 8:23] - Jiez haon i di grad scho mea dô deana gsäeche! Grießdi!!

Griaß Gott, falls äbbr en dr Geged isch.

Ja, grad!

Bisch net middem Rädle ondrwegs?

Hai!

Hai haon i koin xäeche, wieni grad gradled be! Abr an a baar Schdella isch dr Isarradwäeg ganz he, ausgschwemmd vom Hôechwassr. Dô haon i omdrage mieße!

Wie handrs Jubeläjom hendr ui brôchd?

Griaß Gottle mitnand. I ben grad so flott gloffa, daßmr iatzt d'Obrschenkl bitzlat.

Isar aufwäez hanze grad renadderierd. Dô will i nô môere nãluege, wie se die kenschdle ãglegde Sandbenk durch dSchtremong sell nadderierd hand. Des isch richdeg endrässand, wie se däe Fluss vrendred, wenn a däff!!

PS Obrschenkl bizzle? Bei mier juckz Fiedle!!

Vôer a baar Jôr isch dr Vrdrag midde Isar-Ampr-Wäerk ausgloffe. Nô hand all Naddurvrbend an de Schdoibar nãbenzd, dass a mäer Wassr fier dIsar rausschended in deane Vrhandlonga zu de nuie Vrdräg, ond id alls in Eläckdrokanal neiloffd. A bissle mäer seis scho wôere als vôer!

Brauchsch net radle manni, kannsch au so luega.

Du lagga Siech, du vrfiererischa ;-))

Hai candice, wia gâht's Deim Rodschdifd?

Selima, wa sausch au so schnell omanand?

Manne, hao e doch gwisst, dass Du radle warsch.

Grad beni hoikomma gwese ond hao de Kafee dronke kedd
ond an Käskueche gesse kedd ;-))

Ah, Schdiggle, woisch, i be ned so dr Schbaziergängr - wann loff, muane scho an Zâ drauf hau.

Dann darfsch De abr au ned beschwäre, dass d'Obrschenkl bitzlet.

Honne me beschwert? Ned ällz wasne sag isch audomaddisch a Beschwerde;-)

A bissle Bizzle en de Obrschenkl isch doch ebbs Scheas, gell??

*postingvombescherdebuchindasbemerkungsbuchumheft*

Ond so en lange Erikadiv schreib i net en dr âschdendige Kuldurschbrâch, weil mr des wahrscheintz nemme rächd läse kennt.

Ha, scho. 's Bitzla isch nix Ô-â-gneams;-)

Ond dem Erikadiv schhbendier i no a 'w'.

's kommt druff â, wia mr "bitzle" deffiniert.

Iiiii woiß ned, ob des leichtr isch wia auf schwäbisch. 'zmindescht duaschdr Du mit deam Hochdeitscha scheintz ned so leicht *g*

I wiißt nix Bitzligs, was ô-â-gneam wär.

neidreno, jiez haon i dier äggschdra viel Zeid lao, dassd dein Druckfläeher ausbessre kasch, abr noi!! äer liest id nomal durch, was a gschriebe hadd!! Wie oft haddr Läerar dier des scho xet!

Do fellbr däe Witz ei, wie zEschdreich en Galizie die Jude oo Familleneme hand hao mieße. Nô isch dr Kon hoikomme ond Zara had ganz aufgregd gfroged: Nu, wie haißma denn jez? Äer: Schwaißloch! Sui: Nu hezd ned kennen gebm a bissl Geld fier an schenern Namen? Äer: Nu was glaubsd, was mich had gekosdt nur dieser eine Buchschdabe!!

I hao scho zwoi odr drei Mâl von 220 Volt oine bitzelt kriagt. Des war ôâgnehm.

Noi, des britzlt.

Manne, odr der, der wo bei dem Hondezichdr Schindler en Jagdhond kauft hât, der nix daugt hât. Nâch drei Woche hâtr en Briaf an den Zichdr gschriebe:

"Sehr geehrter Herr Schindler,
das 'w', das in Ihrem Namen fehlt, hat Ihr Hund zuviel."

Ond jetz gang i en d'Kich. Bis nâchher vielleicht!

@ 233: Hã??

Dear Witz fonktioniert, wann Jagdhond durch Schweißhond ersetzsch, manne.

Guads Kocha, schdiggle.

I absentier me iatzt au a wengale ond schaff a wengale ebbs.

Ãhã!! Dankdr schea ond a guez Schaffe!

*nomâlreischbick*

Abr wenn mr glei Schweißhond sage dät, wär's no flachr. A bissle mitdenke derf scho sei ;o)

Schweißhond! ... middenke B f f f f f f f f f f f f f f f.... Ond was isch nô des??

Schdiggle - Hai candice, wia gâht's Deim Rodschdifd?

Der isch scho genauso erschöpft wia i, abr em Gegesatz zu mir ka i´n oifach mibbm frischere Exemblar ersetze... :-(

Mei oinzige Abwexlong vom Korrigiere isch zwischadurch a baar Zeugnisbemerkunge schreiba.

*Ond weidr gohts: "Der nixnutzige ond faule Saukrippl vo Schülar had allad bloß gschwätzt ond d´Läerar gäergred, isch hald a räechtr Siach ond..."

Ha, des wär abr no wenigschtens amol a Beurteilung dia schtimma dät, odr?

Wann dätsch no du radle wolla, manni, vielleicht radlte mit - wenn i derf.

Ja, Hemele, luegebr dIsar zue zwaid ã!
Om elfe neima an dr Isar? Wie bassz dier gued - am Flauchar beim Schindarschdadl? I hao grad de Schdaddblã id dao.

Elfe? Noi, do schtande dann wahrscheinle grad auf. No miasmas zu unterschiedliche Zeita aluege.

Also gued: Om elfe aufschdau, om zwelfe uff Môege äesse:

Ommare ois ondr dr Widdlschbacharbrugg, Sidseite, uff deir (rächde) Isarseite, täerda Radwäeg in dr Sonne?

@184 +185
I bee et omdaift, i be zemlich "nui" dohenna. I schwäzz schwäbisch, wer des et verstoht - i kaa's et macha! - Vielleicht fehlts halt au a dr schwäbischa Ortografi. (!!)
Ond i bee sozusage "vo dr Alb ra"

@188
hallo Goldigs ammerle, griaß di!

Hoi maybe!
So, ebber vo dr Alb ra, desch jô endressant!
Mir sen heit uff dr Alb droba a wengale gwandrat, bei Hayenga dieba, 's war wonderschee, so schene Wiesa mit ma Haufa wonderschene Schmedderleng!

N'obed, Goldammer,
ond no bisch du gar et müad ond kaasch no E-maile ond Quasselzemmer schreibe?
I bee heut aufm Hohezoller gwea! Koine Schmetterling, aber wonderschee.....
die Aussicht uff "onser schees Ländle".
Scheena Sonntig!

Waisch meibi, middr Schdandardesierong vom schwäbesch Schreibe hammrs id a so. Jeda schreibd, wien as grad denkd, dass es am beschde zue seim Rägjonaldialeckd bassd. Des isch doddal endrässand, weils dô so viele Wariannda geit. D Schwôbe send ja a ganz weid vrbraideda Schdamm, dô geiz de ondrschiedleschde Ausschbrôcha. Waad no, bisd Schweizar ond Badenar vorbeikommed ;-)) Bloß a saubrs 'sch' isch eis all wichdeg!! Abr des kãsch ja soweso gued!!

Also nôcha: Schea dassd midmachschd! Hock no häe zue eis! Mier hand no koin gfräeße ;-))

Noi, mir fressat bloß Kas- ond Krautschbatze, griaß di.

Manni, du bringsch mein ganza austiftlda Tagesablauf durchanand, abr guat, i versuch dô zum sei, vielleicht wartsch a paar Minuta, i muaß glaub i no d'Kette aufpumpa.

Ha manni,
Angscht, dass ma mi fressa könnt, hau i et. - Uff dia Entfernong isches sowieso aumeglich. - Ond ob du so an Brocka verdaua kenntscht, isch au no a Frog!
Jedafalls dank i dir schee, dass du mir erlaubscht do zom mitmache. (Bisch du dr Big brother, dass du do so vill zum saga hosch???!!??)
Reacht scheene Griaß von der Alb

Jess, gib no Obachd, Ai äm wôtsching ju ;-))

Manni, jes ju cän. - Ar ju Obama?

Meibi, neou, Aim nodd. Hu isch ßiss??

Hemele, jiez schlag amôl du ebbs vôer. I hao koin ausdifdlede Dagesblan ond i bi doddal fläggsibl.

Manni, mir dads tauga umara viere an dr nemlicha Schtell. No fahr ma nach Hinterbriehl ond auf dr andera Seite zruck, ha?

Hemele, des isch mr nô doch zschbäd. Dô haon i scho ebbs andrs vôer. Ommare viere will i mea dahoi sei.
I hao hald gmoid ondrdax, id gege Ôbed :-(

Ha, so onderschiedlich san d'Leit, viere isch bei mir nachmidog, ned ôband. Halber zwoi?

Okey, halb zwai!
Bis môere nôcha, gued Nachd!

*fädlenufflupf*

au wenn se alle no schlâfe ...

Guda Morga, Schwôba!
So, Schdiggle, hôscht scho gfriahschdigglt?

Guede Môege, Schwäbla!

Oo scho gfrieschickd, durned, grauchd ond dBachkandade "Wer nur den lieben Gott lässt walten" käed. Heid amol id vo Rillings Helmuth ond seir Gächingar Kanderei odr Richdars Karle, sondrn mibbm Suzuki ond em Bach Collegium Japan. I hao amôle a Endrvju mid deam Suzuki käed, däe kã fei gued Deitsch, sogar s Zongeschbidzleserr hadda nãbrôchd!

Môere mach is wie dier ond schdell mr de Weckar, dass i oo amôl dr äeschd be ;-))