Tuat mr leid, I han mi midm Zimtzuckerkeksle onderhalda. Ond eigentle schau i mir d'Mondlandung â, i war ja domals no kloi.

Morga Schwäbla, s'Blauhimmele isch scho dô (s'wars erschd im Fada un draußa lachtsme a).

Auf in den Kampf, morgns simmr fit!

Dr Dag sell weard schea - nocht wensche ui, daß uir Dag au schea werd.

Dank schea, Selima, dei Dag oo!

Jiez haon i uff zeje Killemäddr voana ond henda glei dreimôl aufbombe mieße! Dr Nãmedag fanged also dôdrmid ã, bloß one die viele Weibr :-((

Kennded mi vielleichd wäer a bizzle dröschde? So hendr dr Ohre kraule odr so? I hao so an Sch***-Dag ghett wia no seldn. Am Morga an groeße Krach mit dr Fehl, aufm Wäeg zom Schaffe isch mr d´Karre hie gwoara, en dr Schuel hao i nix wia Äerger ghett (abr id mit dia Schüelr, dassmr da koine Oscholdige en Verruf kommet), dahoim gloi an nekschde Krach mibbm Bua ghett, ond ietz khennd i mi bloß ens Bett lega ond blärra...

*d'candicehendrdeOhrakraul*
*iebrsKepflestreichl*

Heile heile Säga, Zuggerle. Ich vrschdande de, mein Dag war au sch.... Wenn da blärra magsch, i blärr mid.

Äddid: Schdiggle, hosch doch gwieß zwoi Hend. I heb au na.

Oh Kendr, bloß net blärre. Mei Dag war au ned so doll, mei Schdiefvaddr isch en Grangekaus, aber drfier scheint d'Sonn, mir hen zom Esse, a Dach ieberm Kopf ond ons gâht's em Wesendliche bessr als dr Mehrheit vo onsre Mitmensche uff onsrem scheena Blanede.

ßink bossidiff!

*edidier*
*moigabauhendrdeOhrakraul*

Haile, haile Säege,
Drei Dag Räege,
Drei Dag Sonneschei,
Nô wäez glei mea bessr sei!

Gell, Zickarle,
ond all andre, die wo s oo brauche kenned :-))

Ibrigens: Die Jonge brauched hĩ ond daa an räechde Krach. Des machz grôeß ond schdark!

Dr Nidsche had xed: "Was mi id ombrengd, machd mi schderkr!"
Ond dô gib i eam räechd!!

Des mid deim Schdiefbabbe duadmr loid.

Un mid dem wa da saisch, hosch au rächd. I gang etz abr wellawäag ins Neschd un ziah d'Degge ibr da Kopf.

Un danke frs Graula. I graulde au môl, wenn's brauchsch.

Moi Gab!! So kâsch net oifach abhaue!

Dankeich schea. I moi, sgohd scho a wengele bessr. Ond i due oo alle andre ganz lieb schdreichle ond kraule wos brauche kenned.

http://img15.myimg.de/trost000428ac73.gif

Machsches hald aso, Gäbele:


http://www.krumbacher-viecherei.de/data/galle...

I leih ui o no zwoi Hend zom hendr de Ohra gruschtla. Mei Dag lei a wengale âschdrengand - abr soscht ganz en Odrnung.

Nâ isch rächd, Selima.

Ja, mei. Do honne ja sell reacht wene drzua doa. Des isch vo alloinigs so gworra.

I kã au no helfa graula, wenn-r net inzwischa scho älle boide ondr dr Decke schdeggat - manchsmôl hilft a weng blärra au, no sott mr 's au oifach dao.

Ihr arme Seela, a guade Naacht wensch e uich, on morga fangat-r oifach widder vo vorna ã mit ma nuia, õvrbrauchda Dag!

I be weideschtgehend widder ufm Damm heit. No a wengle schlapp, aber koi Vrgleich mit gerscht. I hao de ganz Naacht gfraora, obwohl's jô dussa wirklich et kalt gwea isch. S war wonderschee, mô-s nô heit so richtich schee hoiß worra isch!

Noi, Du hâsch au Dei Deil drzua beidrage, dass es so gworra isch.

Ond jetz wensch i Eich alle a guade Naachd.

Guads Nächtle, beschts Schdiggle.

Dir au no an scheana Aubnd, Vegale, ond weitrhin a guada Genesung. I mua iatzt au aufhera.

I gang nô oo.

Ui all wensch i a guede, erholsame Nachd :-))

So, heit be i môl widder dr örli börd.
Godda Morga älle mitanand!
An guada Dag älle mô gerscht gjomeret hend, on de andere nadierlich au!

Hier isch's no richdich warm dussa, so dass as Lifda gar et viel brengt...
des wurd a hoißer Dag! Dô geits beschdemmt au Gwidder schbäder.
I han grad scho kurz en d' Zeidong neiguckt on glesa, dass es heitzudag sieba môl mai haglat als no vor a baar Jôhr!

An guada Morga au vo dauhanna - de Starnbergr hond me heind ned ärgra wella, alzo kâ des lei a guadr Daag werra.

I wensch ui des sell!

de Starnbergr hond me heind ned ärgra wella - Senze all schnellr als sechzg gfare, weils koin Nuischnäe kedd hadd bei ui dussa? Hmm...!

I hao grad an nuie Haitäckmantl fier mei Rad koofd: Käflarrijinfôßd! Glasschäeba däebe dô nemma durekomme. - Bue, dô ben i gschbannd.

A Haitäckmontl für Di odr fürs Radl? Host kei Buid davo?

Des Käflar - DuPont schreibz Kevlar™ siechba id, des isch s inwendig Drägarmaddrijal!!

Käflarrijinfôßd habe ich schon kapiert (nach viel Rätseln!), nur war ich mir nicht hundertprozentig sicher, ob Du Reifen meinst. Jetzt weiß ich's. Danke! Schönes Radeln wünsche ich Dir - ohne Platten. :-)

Morga. Hab grad aufs Wetterradar glueget, do kommt vielleicht was reidruckt von Weschta.

Also momendan sieht's Regaradar zemlich harmlos aus. Heit friah hôt's brudaler ausxea.

Kongrätjuleschns, Eßdedrui, also i han des "Käflarrijinfôßd" et vrschdanda ghett!

Jo, hot se alls me aufglest odr ausgrengt.

Dean Käflarrijinfôßd kã ma bis uff seggs Bar aufbombe. Bei drui haoni aufkäed, dr Raife isch dô scho schdooihed!!

Des denk i au, dass des roicht, sonsch duasch dr womeglich no was ã, wenn dia Steß so õdempft noch oba weitergea went... :-P

Räechd hasch, Emmrle.
Komescharweis waxd dHornhaud am Fiedle viel langsammer (Langs-Ammer, was isch nô des fier a Vegele?? A Vrwanda vo dier?) als am Fäesche.

*sfädlenauflupf*

Tach, Kumpels! Wie isset eusch? Misch isset joot!

Zelma berfäckd auswäez - dô lue häe!!

Was dommr? - bFieß wäe :-(
Wenns gão id wär, gĩngs!

Wat hasse hück jemaht, manne, dasse Fußweh häss?

I dua grad dia Route plana, dia was mei Jongr ond i em Auguscht loffa mechtn.

manni, mi due bFieß heid gscheid wäeh. D´Karre isch hie, ond heid hammr Wandrdag ghett. Also bi i zwanzg Kilometr hiegradled (iebrn Berg numm), mit die Schüelr gwandret, ond na mea zwanzg Kilometr hoimgradled (nomml iebrn Berg numm).
Ietz bi i reif fierd Kischde!

*edit* Ond dia schbreched da so? Ka i nur sage: "You be careful out among the [English] Preißn." (I schbendier an Uhudlr beim näkschde Dreffa wennerbr saga kennt aus wealcham Film des isch - abr ährlich sei ond id oifach guhgle!)

Griaß Gott mitnand.

Selima, welletr em Rheiland odr Ruhrgebiet wandre gange?

Bisse jeck, teilsche? Em Schwobaländle nadierle!

Abbr wieso iebsch Du dann Fremdschbrâche?

Balle me ganz generell fr Fremdschbrocha endressier. Drom learne manxmol welle ond dia muaßmr noch au ieba.

Brauchsch en Lehrer drfier? I wisst dâ äbbr ...

Woisch, deam horche scho äbbl gaanz genau zua :-) Ond manxmol lonnemrs au no glei ausanandglamiesra.

Ond, daugt der was als Lährer?

Des globbe scho. Was moisch Du? Liestses halbwägs audendisch?

Deins odr des vo dem Lährer?

Kaschberle, meis nadierla. Daßes er kâ, isch ja eh glar.

I gang iatzt en mei leers Bettle. I be miad.

Doch, Deis liestse zemlich audendisch.

Ond jetz vrabschied i mi au. Guad Naachd!

Guede Môege, allmiddand!
Heid mach i amôl de äeschde, weil i nemma schlôfe kã :-)

Ädidd om simne: Z Obrschdôef häbed se bsondrs schläechd gschlôfe die Nachd: Sidwind direckd uss dr Sahara bei simnezwanzg Grad!!! Hanze grad im Radio xed.

Os semmr GsD weit gnua weg vo Obrschdorf. Guada Morga.

*nauflupf*

Heit machts wirkli warm, 33°!

An scheena Gruaß a älle Schwäble ond so weiter...
Aber s'sieht mir so aus, als ob dahenna laudr Leit send, wo sich perseenlich kennet.
Kam ma do mitdoa?? So als 'reigschmeckt?

Nurr koi Angscht: A baar kennatze, ballmr se vor kurzm mal droffa hand. Abr os hammrse au drvor scho guad ondrhalda. Os semmr äbbl froah, wann a baar nuie mitmischand - soscht red ma ja doch bloß em Kreis :-)

Mi kennd oo koinr, ond trotzdeam schwätzeds mid mir ond send räechd freindli - meischdens jedafalls. ;o)
Also, due nua mid schwätze, Kosei (so hoisch Du nämmli fier mi auf Schwäbisch ;o)).

Also, fir mi wärscht eher Kãsei, aber i dät me au freia, wenn'd dôhenna mitdao dätscht. Mir hen jô au môl dôhenna ãgfanga, mô mr aos no et so kennt ghett hent. Des wurd nôch scho mit dr Zeit!

Also, nõ gschwätzt, wia dr dr Schnabl gwachsa ischt!

*nauflupf*

Willkomma kaseioisazwanzgzea

pee ess: iahr sin so liab!

nomml nauflupf

*wägghupf*

Griaß Gott.

Isch se jetz ganz on gar wegghupft?

'n Ôbad, Schdiggle! Hôts heit bei eich au so donderschlächdich greanget wia en Zuffahausa (des hen se jô õscheniert ausgschlachdad en de Nôchrichda ieber Porsche "Der Himmel weint über Porsche" on so Gesilze!)

Dr Hemmel hât wäga Porsche iebr ganz Schduegert blärrt.

Leidla, was isch'n mit'm manni los? Seit heit friah om sechse isch 'r nemme dôhenna gwea, desch jô ganz õieblich!
Hoffentlich hôt's an et vom Rädle ragschla oder so ebbes!

Vielleichd heilt 'r au wäge em Porsche.

Edith: Ond jetz verabschied i mi. Guad Naachd.

Also des glaub i ährlich xagt edda, dass dr manni wegam Porsche so heilt, dass-er nemme tibba kã!

I vrzieh me jetz demnägschd au zom Buchseidaraschla...

Dr manni ond i, mir waret heit aufm Schtammtisch gwea.

Noi, vom Rädle hazbe id ragschla. I be gued hoikomme!

Guez Nechdle!

Selima: You mentioned elsewhere a thread in which the use of some problematic terms was discussed. I would like to read it. Would you mind providing a link? Thank you!

Ond,hent-r an scheena Schdammdisch ghett?
Waret edressande Leit dô?

SD3:
Siehe auch: grammar nazi
Die ältere hitzigere Diskussion ist leider nicht mehr verfügbar.

Sonscht han i heit nix zom saga.

Guada Morga.

Goldammr, woisch Du scho äbbes wäge morga Âbed: Siehe auch: LEO-Stammtisch Stuttgart

Noe, i muaß es no mit meim Dengs glära. Velleicht mach-e-s au so, dass e no drhoimt mitess on schbäder drzua schdoß. Mô des Kalfer Eck isch woiß-e jô, dô ware mr schoml, gell? Isch des des en dera Fuaßgengerpassasch?

I wensch ui jednfalls an scheane Schdammdisch!
Dr Robert haze ja nechd scho a bissle eigschdammdischled bei eis. Vileichd kudd a ja. Äe hadz no id gwiß gwissd.

Ach so, der macht Schdammdischhobbing!
Nô semmer jô gschbannt. War dr arizonadeux eigentlich au bei eich? Der isch doch dô oimets (!) en dr Minchener Gegend, odret?

Deam isch desmôl oo id ausgange!  
Des mit Schrödingars Kadz isch abr a Gschichd, die wo se scho lengr hĩziechd: Dô gôze ã :-))

Selima, thank you.

Dô machat sich wieder älle rar....also dur-i des jetz au!

*mi rar mach*

Aufs Gäbele wart, odr is scho Schtiag nauf?

Himmele, faschd!

un du, wo bisch?

Griaß Gott mitnand

Das ist auch schon alles, was mein Schwäbisch hergibt. Da ich von Zeit zu Zeit gerne bei Euch vorbeischaue (heimlich mitlese), möchte ich etwas fragen, wenn ich darf.

In einem schwarzwälder Hotel bestellte ich zum Frühstück 'nasse Milch' weil ich keine Kondensmilch im Kaffee mag. Ich erntete nur ein verständnisloses Lächeln. Könnt Ihr mir bitte sagen, ob es den Begriff 'nasse Milch' bei Euch gibt oder ist das nur eine Eigenkreation meiner Verwandschaft? (nasse Milch ist H-Milch).
Wer anders als Ihr könnte mir das erklären?

Ich freue mich auf Eure Antwort und wünsche Euch allen einen schönen Abend und ein schönes Wochenende.

Dô bin i!

Chaostranslator, das ist eine Eigenkreation deiner Sippschaft - nie gehört, und ich könnte mir auch nichts drunter vorstellen. Nasse Milch? Milch ist immer flüssig, es sei denn, es handelt sich um Trockenmilch.

Ich würde an deiner Stelle fragen, ob du normale Milch haben kannst anstatt Kondensmilch, dann aber bitte Frischmilch und keine H-Milch oder Extended-Dingsbums-Milch.

hallo bluesky,

vielen Dank für Deine schnelle Antwort - und dann noch auf Hochdeutsch :-) Also, nächstes Mal werde ich nach normaler Milch fragen.

Und ich dachte wirklich, weil 'nasse Milch' von 'Eingeborenen' verwendet wird, ich hätte was Tolles gelernt :(
Sippschaft finde ich auch ganz toll - werde ich aber nie sagen, nur denken.
Ist schon klasse, dass man bei LEO auch Deutsch übersetzt bekommt.
Ab jetzt werde ich wieder nur noch ab und zu 'reinspingsen'.

Dir noch einen schönen Abend und ein schönes Wochenende.

Mir kennat eba alles - sogar Schriftdeutsch.

Sei vorsichtig mit dem Begriff "Hochdeutsch". Was mir schwätzet is Oberdeutsch, friar Hochdeutsch gnannt - im Gegasatz zu Niederdeutsch.

I häd ô sage kenna Bagasch odr Mischpoke (des Wort isch mr vorher bloß net eigfalle (-:). Ond kannsch gern amol mea eineschpinxa, mir bringat dir au no Schwäbisch bei. Guads Nächtle.

O Himmele, etz warsch doch no dô.

Hallo Kaosibrsetzr! Schee, dassda bei uns amôl reiluagsch.

Himmele, mei kloine Bagasch isch widr môl dô. Heit - ä - geschdrn warez 2, heit sins nôch 4. I muaß ins Nesch, sonsch binne id fit.

Schlôf schee un bittschee, id dädn scheena blaua Himml braucha. Kommsch?

Gäbele, ibr de Wolka isch immr a blaua Himml. :-)

... abr drfier saukald - brrr!!

I gang ins Bedd! Guez Nechdle, Hemele - ond ui andre oo!

Ja ja, kaum ben-e weg nô gôhts dôhenna los! On sogar no mit seldane Gäscht!
Du kenntsch de au nebaã em CC môl wieder blicka lassa, Kaosiebersetzer!

"Nasse Milch" - des fend i herzich. I kã mr guat vorschdella, wia dui Bedienong guckt hao muaß mô da des gsait hôsch!
I fend iebrigns "Sippschaft" koi so schlemms Wort dass mr des et saga sondern bloß denka kennt! So mit ma Augazwinkera kennt i des zo meine Leit scho saga, on neamerd dät deswega beleidicht sei.

Hemmele, i gher iebrigns zo dene Leit, mô nix gega dui Extended-Dingsbums-Milch hen. I kauf die efders. Isch des jetz dekadent oder schlemm oder so was? I fend die schmeckt wia Frischmilch.

Im Prinzip isch gega die ESL Milch au nix zum sage, wenn ses nau grad hischreiba däte ond net als Frischmilch ausgebe. Des isch fir mi a arglischtige Täuschung ond do bin i hochgradig allergisch dagege.

I hao scho als Kend koi Mill it mege. Bloß in dr Form vo Käs ond Buddr, ond so mag i se heid oo no. Ond an dMueddrmill hao i koi Erinnrong mea. Die habbr scheinz abr gschmeckd - so gäere wie i die Fabricka oo heid noo siech ;-)) Mier isch oo dr Eschbrässo liebr als dr Kabbedschino, oo wenn däe an Schockokabuzze had.

Guede Môege, all middand!

I warde uff dBachkandade:
"Es wartet alles auf dich", Kantate zum 7. Sonntag nach Trinitatis, BWV 187 (Emma Kirkby, Sopran; Barbara Osterloh, Alt; Klaus Mertens, Bass; Heinrich Schütz-Ensemble; Monteverdi-Orchester: Wolfgang Kelber);

En guade Morge.

On dâ wardesch Du druff? Kommet dia alle bei Dir vorbei?

Scho mea fudd! Ãgneame Geschd! Brenged ihr Schdendle on gand glei mea, one dasse nãhocked ond se glei säel zom Frie-schdickle eiladed ;-))

Griaßeich, all middanand.
Manni, i hoff meine Geschd dia moara kommed, send oo agneam. I hao se nemmli no nia gseacha, allad bloß em LEO gschwätzt. Ietz bi i abizzle aufgreagd ond schwäer bschäftigd alls zom richda fier dean Bsuech.
Wäer em Iebrkreizfada gnau gläeasa hat, ka si oo dencka wäer do kutt. Des isch d´heudige Preisfrage. Ond? Wissdses?

I scho, abber i han's jô sowieso gwisst. I kenn dia boide jô, on i kã dr vrsichera dass die ganz liabe ond õkomblezierde Leit sent. I wensch uich viel Schbass mitanand!

I kâ des beschdädige, was d'Goldammr gschriebe hât.

I les do ja sowieso mit ond i bin dr ganz schee neidig, daß du di mit ihr drifsch.

I hoff, Du bisch oo a bizzle neidig, dass sei si mit mir dreffad, Hemmele... ;o)

Land fei no ebbs vo deam Uhuudlar ibreg, dean däd i scho no amôl gäere brobiere ;-))

Fier di hao i allad no a Fläschle, manni, ond in a baar Wucha gäeh i eh Nachschub bsorge...

Nô bin i ja äeschd amôl berujigd, Zickarle, ond schald dKischde fier heid aus ;-))

Guez Nechdle, all middand!

*nauflupf* No gar koiner do gwest heit?

Scho, abr a jez lueged bloß vrschdole rei ond ladddFengr wäck vodr Daschdaduur! Schaad!

I bin do.

Brauchst du zufällig ein Murmeltier, Hemmele? Ich bin sauer, denn es hat die Brokkolipflanzen aufgefressen und auch die Blumenkohl angeknabbert.

*Noch müde sei. Tee trink.*

Griaßde, AmyMiMi, sottmr dauscha? I hätt a baar Schnecka a-zom-bieta - dia Mischtviechr hond mr mein ganza Dill zamgfressa.

Griaßde, Selima. Gerne. Mistviecher (a.k.a. baar Schnecka) nehme ich an. *Selima Dill aus meinem Garten schenk* Ich frage mich, wo die Schwalbenschwänze sind. Normalerweise fressen sie mir den Dill auf, aber ich gönne den ihnen, denn ich mag Schmetterlinge.

Isch mir reacht :-) Oi Pflänzle honne grettet ond en an Doopf doa;-) Abr des isch no reacht mickre. Dei Murmeltier ka bei os ansonschta fressa, was mecht, osr Garta isch no a Bauschtell - dau hot's no koin Brokkoli.

Schea iebrigens, daß dau herinna reiguggsch ond ebbs schreibsch.

Vo Weschta ziagt a Regawand rei, z'Schtuagat regnts scho.

Woher witt jetz au du wissa, obs en Schduagert reanget? ;-)
Bei aos reangets no et, on en Schduagert kã's au net so schlemm sei, dr dwd hot no koinerlei Warnong dussa.
On d' Webcam vom Schduagerter Schlossplatz zoigt, dass d' Leit det ohne Schirm romlaufat.

http://www.stuttgart-tourist.de/DEU/ipunkt/we...

A²µ³ on Zelima, wenn i ui so schwädze siech vo uirem Zifr em Garde, ka i bloß sage: Ben i frôe, dass i koin mea hao! Nix hao isch a griebege Sach!!

D Murmala gend ibrigenz a guez Fedd gege aufgribbslede Fäescha en de nuie Wandrschue!!

Hanoi, Vegale, do derfir hot ma a Regaradar.

En Schduagert isch dr ganz Dag no so guat wia nix ronderkomma, außer vielleicht oi, zwoi Minudde lang a baar Dropfa, zmindescht en dr Inneschdadt ond em Norde war des so.

Hi, Neutrino. Hier haben wir Wolken, aber bis jetzt keine Dropfa.

@manni3: Kannst du bitte übersetzen? Zifr, griebege, aufgribbslede Fäescha

*edit*

Tut mir Leid, das war unhöflich. *Hemmele wink*

Hi Amy. I iebrsetz mâl, soweit i kâ:

Zifr = Ungeziefer
aufgribbslede Fäescha = aufgescheuerte Fersen
griebeg = ?

Gued hasch droffe, Schdickle :-))

ribbsle isch moine a Dimmenediv vo reibe. [Mei Vaddr (*1902) had no xed: I hao a Blôdr am Fäesche! Die nuie Schue hand gfigged. Abr des kã ma heid nemma sage - jaja, dr Schbrôchwandl!]

griebeg = geruhsam, ruhig

Gezịẹfer, das; -s, veralt. Ungeziefer (schreibed die Breiße vo Leibzick im DWDS)

Ond weil em Schwäbesche no vil vom Middlhôechdeitsche ond frie Nuihôechdeitsche ibrkomme isch, breng i noo, was die Grimm-Buebe Jackl ond Willi schreibed:

1) verschiedenartig gedeutet wird die stellung zu dem verbreiteten ungeziefer (s. d.).
a) JACOB GRIMM erklärt ungeziefer als unthier

2) sinnliche und übertragene verwendungen.
a) innerhalb der sinnlichen verwendung zeigt sich deutlich, dasz bei geziefer -- zum theil in bewusztem gegensatz zu ungeziefer -- nicht nur lästige thiere, sondern auch angenehme und erfreuliche vorschweben: schönes geziefer. in zahlreichen fällen ist überhaupt an eine solche gliederung unter dem gesichtspunkt des angenehmen oder nützlichen gar nicht gedacht. diese letztere, bei der der einflusz von ungeziefer mit zu würdigen ist, beherrscht allerdings den neueren gebrauch mehr und mehr.

Ond jetz wensch i a guade Naachd.

I oo :-))

Ond wieso funktioniert jetz des mit dem Link zum Regaradar net?

Edit: jetz gots.

Toller Link, Hemmele. Aber warum ist Kahler Asten auf der Karte? Die meisten gekennzeichneten Orte sind große bekannte Städte.

Danke, manni3 und Schdiggele.

Guede Môge, Allefehla ond Allemanne heanar- ond deanarseiz vom schwäbesche Mäer ond Adlandek!

A²µ³ - de gladzkobfede Aschde halded se mid achdhondrdviezg Mäddr ofd fier de hegschde Bäeg vo Nordrhein-Weschdfale ond vo däer ganze Regiõ, obwol dr Langebäeg an dr Grenz zue Hesse no drei Mäddr häechr sei, sed sWikipädia. Abr s isch a bermanende Wäeddrschdaziõ vom Deidsche Wäeddrdinschd druff, drom isch a so bekannd und uff jedar Langkaade eidrage!

He Leidla, mir sen jô voll uf die zwoit Seit naghaglat gwea!
Ha so ebbes! Mô send-r denn älle?

Griaßdi, Vegale!
Do simmr, dr Bsuach ond i - en scheana Gruaß iebrigns - ; auf d´Terrass.

Bis schbäedr vielleichd...

Viiieele scheeene Griaß zrick!
On viel Schbass weiderhin!

I wär oo mea dô vom Museggmache. Phrygisch im Siebeachdldackd - grad schea isch gwe:-))

*schubs*

Danke, manni. #117 habe ich auch verstehen können (nachdem ich den Artikel auf wikipedia gelesen habe).

*candice viel Spaß wünsch* Bald läuft das Zählrunter aus, oder?

A²µ³, des gfraid mi, dass dei Schwäbesch allad bessr wäed :-)) So schwäer isch es gar id, abr schea, gell :-))

Iez schald i die Kischde aus ond flack ins Bedd!
Guez Nechdle, Schwäbla vo heana ond deana (die gleiche wie in hondrdzibze!)

Ganz schnell an scheena Gruaß an meine liabe Schwäbla. Dannrme id vrgässat un id moinat mi geits nimme. Mi geits schonno änd wärri suhn, ai will bi bäck.

Häff a naiß Dei alle zamma :-)

ha des freit me jetz aber, dass des Gäbele môl wenigschdens kuurz reiguckt!

Guda Morga älle mitanand!
's isch a wonderschener Morga, on i han grad beschlossa, dass-e etz a weng wôga gang en dr frischa Luft.

Ja gozeidank isch s Gäbele no wol ond mondr!

An scheane Dag ui all!

So, wôga gehsch du, am end mit dene Schischtek ohne Schi?

Noe, des Schdecklesgebembere kã i net leida. I gang oifach so. I han mr eigentlich vorgnomma, des einigermaße reglmäßig z' doa, aber irgendwia ben-e doch meischdens z' faul...

Emmrle, wenn du des reglmäßeg mache widd, isch es am beschde, du machschd es zue am Dail vo deim Môegeriddewal:
Aufschdau, zom Bisle gau, Ze budze, Bue en d Schuel schicke, nei end Laufschue ond wôke, dusche, frieschdicke, Libba schmenke, em manni guede Môege schreibe dô hinna ;-) Ond nix drbei denke (koi "jiz sodd i abr aingdle - due i heid?". Grad so wie beim Zebudze, dô frôgesch di doch oo nemma jez Môl!)
Oimôl endschide ond nô fended des oifach schdadd!

Oddr Du nemmsch dr an Bartnr. Am andra, der was se auf oin vrlaßt, kâ mr ned hänga lau. Nocht drabbtmr sein ennra Schweinehond ond goht halt doch.

Griaßt's eich, Schwäbla!

Des mid deam Bartnar isch oo gued! I ka laidr id komme - mei Knie ...

An Riesascheiß machtr auf jedn Fall ;-) Woisch, i hau mr sogar vorm Losschicka vom Boschding iebrlegt, ob des an Loasahond isch odr dr Hond vo dr Schellasau, abr i hau's halt ned gwieß gwißt.

Neamads do?
I bi ganz alloi, ond bis gar nimmr gwohnd, nach a baar Däg zu achd. S´isch so schdill em Haus...richdig fad.

Des kenn i oo, Zickarle. Ma waiß gar id, wie ma drmid omgao soll, mid däer Rue. Was fier a Glick, dass es eis dô hinna geid, dô hasch doch wenigschdns a bissle a Ãschbrôch :-))

Do hosch räechd, manni. Ond? Woisch was? Hasch was Endressands zom vrzäehle?

Uff Baiernvier - meim abselude Lieblingssendar - kudd grad a Oraddoreom vo Hendls Schorsch. A scheane Musegg. I hange die ganz Zeid ondrem Kobfhäerar außr i be beim Rauche uffm Balkoo. Ond die sengaz uff Englisch. Wemma die Englendar so rede häed, däba doch faschd id globe, dassba in däer Schrbrôch oo ebbs andrs senge ka als Wôdschellwiduwißßedrankenseilar ond Hannisagglrous ;-))

'n Âbed.

Ik bün allhier ;-))

Ha, bisch Du en Igel oddr was?

Hannisagglrous???

Griaßdi, Schdiggle!

Ietz hao i so gward, dassdier mr mei Eisamkeit a bizzle vrtreibd ond ietz bi i zmiad zom Kombjuderiere. I gloob i mueß a Mitzle Schlof nochhole.
Abr an Uhudlar hods no, manni. ;o)

Hannisagglrous - oo bekannd als 2:18 ;-))
Hasch scho mea alls vrgesse???

Schdiggle, liebr dr Igl als dr Has middr bluedege Nes am Schluss!

So schad, jetz han-e des Ziggerle vrbasst heit Ôbend! Aber scheints ischs jô schee gwä mitm Bsuach.

f5
I han scho au frôga wella wega dem Hannisagglrous, aber jetz han-e mrs noml aghert on woiß-as widder.

Schlâf guad candice.

Neamad mea dô! Nô flack i oo nã.

Guez Nechdle, dier schwäbesche Budlwar ;-)

Habe grad gfunda

Abr vorsichtig, machts eich d'Fingr net pappet.

toll, bluesky!
I han me echt kugelich glacht grad, als erschts am Morga. On jetz gange wôga. Mei Dengs macht solang 's Frihschdigg. Heit war eigentlich dr erscht Dag wo mai Graoßer hôt alloi uffschdao wella ohne "Weckdenscht" vo de Alde - aber sicherheizhalber hann-e mr an Wegger gschdellt, on siehe da: er hôt zwor wia beschbrocha zwoi Wegger gschdellt ghett, aber boide neba-m Bett ghett, on nôch hôt-r oifach boide abgschdellt!
I han-an nô noml gweckt. Heit Ôbad duat-r oin vo dene Wegger uf da Disch a Schdigg weit weg vom Bett, so dass-r richtich rausmuaß zom den abschdella.

Hemmele - :-D
Abr wia mr Bäbber schreibt, ka er si it entscheida...
Bloß no heid ond moara! (Bi i hie...!)

*eddid* Guede Morge, Vegale (fallsdi scho ausgwogd hosch)!

Guede Môege, Schwäbla!

Hemele ;-))

Midd deane Weckar isch des ofd so a Sach. Oimôl haon i ganz frie aufschdao welle, dass i in Rue mein Raisebrowiand häerichde ka ond gmiedle frieschdicke. Nô haoni de Weckar uff halbe femfe gschdelld. I hao drodzdeam vrschlôfe, weil en id eigschalded kedd hao!!
Ond oimôl hadda klingled on i haonen ausschalde welle, abr äe hadd oms Vrrecke koi Rue id gea - bis i gmerkd hao, dass es des Hendi gwe isch, des wo gschelled had!

Emmrle, däer frie Wôker brauchd koin Wurm id frieschdicke!

... ond brauchd oo koin zom Kafee! A Käskueche isch dô bessr, des wäer i jiez glei amôl brobiere :-))

an guada, manne.

Dankdr schea, Selima! Es had glei kolfe - i hao an räechd an guede kedd ;-))

Grad isch mr mea im Henkel-Fade aufgfalle, wie des Schwäbesche (jednfalls des, wo i dahoi be) die alde Forma ussm Middlhôechdeidsche ibrlifred had:
dWäsch aufhenke (mid k) - nô hanged se (mid g)!

Ja, wo hangedr mea all rom? Henked hald amôl uire Dellefonr auf ond lueged dô rei! I mach oo ganz freindles Xichd :-)))))))))))))

Ja, dau hosch wahr, manne: Ui send gwasi Urviechr - sprachlich gseacha.

Ha jo, so gatts mir.

I wär jiez mea dao!

Ich no ebbar kommenekabl, vo ui andre Urviechr??

I wea au mea dô. Sakerment des gibt mea an Muschklkadr morga.

Vo was kriegsch jiez du an Muschglkadar? Vom Radle odr vom Danze? Odr hasch du Walblackad bäbbed?

Noi, Rase gmäht, ca. 700m² doils zwoi Schpanne hochs Gras. I sag ders, Male...

Om Gozwille, des kenni. Dô hedschde midd am Balkemäjar leichdr dao! Wäeschd abr koin kedd hao, odr?

Noi, i ha koin. Des isch wirklich a Trümmle wo i braucha kennt. Heiar isch abr ô wirklich a Wachswettar, 's letscht Johr han i bloß drei Mol mäha mau.

Bei ar Naddurwise ond mid Isigardening mäba bloß zwaimôl. Abr middam normale Rasemäjar isch des a fiechdix Gfredd!

In däer Zeid wo du jiez in a schea warms Endschbannongsbad neiflackeschd, flack i ens Bedd!

Guez Nechdle!

'S isch au a Naturwiese, mia hams Gras vorm erschta Schnitt imr hoch wachsa lau, was do als bliat! I han mr au imr an Balkamäjar gwinscht, weil zum sensa han i koi Zeit ghet, abr do war dr Babba taub. Ja mei...

I radle etz durchd Gegnd un hoff dbei no äbbs vom Gschnittnagrasgruch zvrwischa.

Danke Himmale!

Griaß Gott Schwäbla. Winsch eich an scheena Dag un hoff, danne heit Ôbnd dbei sei ka (geschdrn hemmr Sommrfäschd ghett im Gschäfd)

So, baggmrs a. Letschtr Schualdaag. Megaschdaus. Abr dia schderat me hoffndle ned. Heggschnds auf dr B12. Ond morga: Schaufla.

An scheana Dag ui.

Vo mier oo an scheane Dag!

Selima, allad noo schaufle? Wievl Mäddr handr no?

Himele, hasch du amend alls middr Säeges vo Hand gmäd? Nô glob i gäere, dass des an môez Muschglkadar geid. Isch drs id ins Kreiz gschosse odr ind Bandscheiba?

Gäbele - ond alle andre oo - bis heid zÔbed nô!

Ned vill, abr wammr ällz vo Hand neischaufla ond vrdichta muaß, nocht daurat des halt. Und zwischen domols ond heind hammr ned schaufla kenna. Endwedr hots greagnat odr mr hond andre Termin ghett.

700m2 mit dr Seages isch allerdings a Heldataat. Heind zmindescht. Friahnr war des normal. I hau mein Garda friahnr au äbbl mit dr Seages gmäht, balle emmr a Bloamawies han haba mechta. Abr der Garda war vill gloinr ond d'Hälfta war eh frs Gmias.

Mier had dr Knäechd vo meim Onkl s Mähe middr Säeges beibrôchd. S Wichdegsch sei, hadda xed, s Wedze: Allad wemma mied wäed odr ebbs wäe dued, schdôba nã, gruebed aus, lueged ind Gegnd ond wedzd drbei in Rue ond ganz lang sei Säeges. Wenn ebbar vorbeikudd ond oin schdau siechd, kã ma drbei no vôer se nãmurmle ond ibr dean Scheißschdal vo deane nuie Säegessa schimbfe, an dean wo ma koi gscheide Schneid nãbrengt ond die wo ma eweg wedze mueß, bis se mea einigrmaßa dond ;-)

Dr Muschklkater isch gar net so schlimm wia i gmoint hab. Ond noi, i han net gsenst, dia Sens isch mr z'kloi - i moin den Winkl zwischa Schtiel ond Sensablatt, do muaß i mi imr so buckla. I han an Benzirasamäjar gnomme, den braucht ma bloß schiaba.

Mid Benzinrasemäjar haoni oo gnue Erfarong im hoeche Gräs. Des isch id õbedingd leichdr, weil die allad vrschdobfed ond aagwirgd wäered. Fier dKurblwelle isch des gar id gued, ond ãschdrengend isch des oo :-((

A-wa, manne, om gmähte Wiesla brauchtma se koine Gedanka mear macha.

Waad no, Selima, bis bei ui s Gräs waxd, wo dr jiez no an bfläegeleichde Kieshaufe hand! Des waxd allad schnellr als ma moid!!

Des isch mir scho glar. Abr i hau ja lei gmoint, daß Du doch dei Schluab ned rahänga muasch, wo Deine Wiesla bis zom jiengschta Daag scho gmäht send.

Dô hasch oo mea räechd!
Also: I hao meine gmäde Wiesla allad gnomme wie se komme send ond wäers oo weidr so halde, so langs hald no gôd ;-)

[zue mier] Isch zwar alls Ãgab, abr vileichd globzes ja ;-)) [ / zue mier]

*nufflupf*

Jetz isch dr erscht Auguscht scho fascht rom on koiner hôt heit was xait dô henna....
Isch uich älle 's Hirn vrbäbbt en dr Hitz?
Mir fascht gar...

S Hiere vrbäbbed ond dr Schwaiß lädsched uss de Schue bei jedam Schridd ...

dr Schwaiß lädsched uss de Schue bei jedam Schridd
Pfui Deifi! Also so schlimm wie hier in den letzten Tagen.

Ja so sans d'Schwoba, imr was zum mekera. Wenn's kalt is isch nix ond wenns warm is isch ô nix. War doch ganz âgnem heit, derfsch die halt net viel bewega.

Des arme Ameisele hôt schaufla miaßa, di isch bestimmt weg gflossa.

S Fleckle will eis warscheinz middr Nes druffschdôesse, dasse in dr Schweiz allad am äeschde Auguschd ihren Nazenalfeirdag feired, weil se anna zwelfhondrdoiseneizg Ãfang Auguschd an Bondesbrief aufgeschriebe hand.

Nô also no a guede Schdond lang an scheane äeschde Auguschd, Fleckle :-))
Abr nôcha geisch mea a Rue, gell!

Genau.

De text wonich poschtet han, wer den übrigens die zweit Strophe vo eusere Nationalhymne gsi.

Hmm, was winschd mr jetz au zom Nazjohnalfeirdaag?

Fleggle, i wensch Dr, dass De en scheena Daag ghett hâsch.

Des isch a guede Idee, ebbas winsche, Schdickle.

Fleckle, i wensch dr, dassd deine scheane lange, gschnegglede Hôr id im Feierwerk ãbrennd hasch!!

Guda Morga!

I ka me haid fascht ned riahra. Ui globbat gar ned wo, dass mr ällz Muschkla hot. Abr Gott sei dank deff mr gegaiebr vo dr Kirch am Sonndig ned middr Rittlrplatt omanandr doa. Dr Dengs hätt dau nix kennt. Abr i hau gsät, dass des ned gott. Alzo deffe haind meine Dodeslinia nauchjaga.

I wensch ui älle an scheana Daag.

I wenk amâl zwoi Mâl Richdong Balkan. *gg*

I schbiers au vo geschdert en de Schuldra a bissle. Abbr i hao nix gschafft, bloß a kloine Radtour mitt em neidrinito gmacht, so om de vierzg Kilomedr. Abbr eigetlich war des viel z'hoiß drfier ...

*richtungHollandwink* Des isch wohl wahr. Am Vormedaag hammr en dr Sonn gschaffat ond dau warmr kurz vorm Hitzschlag. Was deandr heit?

Zerscht dur-e no am Fleckle an schena erschda Auguscht ghett zom han winscha (desch grammadegalisch a bissle gwagt, zugeba..) on dass se weidrhin a guade zfriedane Zeit vrbrengt in ihrm Exil.

Nôch mach-e a Friahschdigg. Mir hen heit eigentlich feschdlich branscha geha wella ima richdich luxuriesa Lokal, als Feriaufftakt on fir de Jonge zom ihre Zeigniss feiera. Aber mei Dengs hôt so an saudomma Wirus eigfanga on leit zemlich malad en seim Bett - jetz hemmers halt vrschoba. On i muaß jetz doch a Friahschdigg macha.

Drnôch mach-e-s wia du, i han au no liegabliebas Schreibdischgschäft mô-n-e me nôch halt heit drom kimmer.

Guade Morge Goldammer.

I muaß au no an Schreibdisch. :o(

So, jetz hao i den Widerschbruch ferdig. Mâl gucke, was d'Schdadt jetz moint ...

Ameisl, ond heid Âbed dreffe mr ons mit Freind, wo seit a baar Jâhr en England wohnet, wo abbr grad uff Hoimatbsuach ond uff em Weg en Urlaub dâ send. 's Weddr seiht leid net drnâch aus, als ob mr naushocke kennt ... Obwohl, kenne kennt mr scho, gmiatlich wär's hald ned so.

Schdickle, hasch koin Haizschdralar inschdalierd? Sosch muessba hald ebban hao, an dean wo ma nãschlieffe kã ;-)

Ja, ich han en schöne Tag gha, messi :)

@manni
Fleckle, i wensch dr, dassd deine scheane lange, gschnegglede Hôr id im Feierwerk ãbrennd hasch!!
S füürwerk het us drü Vulchän beschtande, wil de erscht Auguscht isch da kein Fiirtag. Usserdem muesch mit Fürwerk extrem ufpasse, wil's het sit 2 Mönet nüme gregent da.

Mini Haare sind z.T. übrigens enere Rasierklinge zum Opfer gfalle, ich bi "ausgerutscht und hingefallen", d Notfallufnahm hets den zemegnähit.
Isch den no interessant worde, d Fremdsprachekenntniss messed sich ja ua dadrin, öb mer e Sprach inere Stresssituation no chan. Has den nüme so guet chöne, aber "ich bin ausgerutscht auf der Erde. Die Erde war durchnässt" (*gg*) hani den schono chöne sege.

Was??? Om Gozwille - du hasch Hôechdeitsch schwädze mieße, ond des in ar Schdrässsidewaziõ?? Abr du hasches scheinz gued hendr di brôchd! Die zwai Sädz send jednfalls korräckd ond brauched koi correckduriddo!
I wensch dr a guede Bessrong:

    Haile, haile Säege,
    Drei Däg Räege,
    Drei Däg Sonneschei,
    Nô wäez scho mea bessr sei :-))

I hoff, dass deim Grind weidr nix bassierd isch!
Isches denn a grôeße Wunde ond hasch vil Hôr obfre mieße? Warscheinz kasch mid de ibregblibene des Loch mea zuedecke, odr?

Lol, nei das isch nur die hochdütschi Übersezig devo, die chönd da im mim Exil nix deutsches Sprach.
Allerdings hani eu schomal woni im Spital gsi bin, bi mir diheime sonen Bader Chrankebrüäder gha (das gits no vil bi eus, mir zaled ine halt me als die Dütsche) und de hani den aber gar nüme verschtnade.

Mir hend das eso:
Haile haile Säge
drü Tag Rege
drü Täg Schnee
unds tuet em XY nüme weh

Ado sisch glaubs so 7-8 Santi lang oder so. Aso nöd esooooo tragisch. S het scho weh tah und ich bin en Tag spöter zimli benomme gsi, aber glaubs kein Schhädelbruch oder so.
Und ja, em chas guet zuetecke :)

drü Täg Schnee hilfd naddierle bei am Fleckle bessr!!!

Dô muesch ja an ganz scheane Rumblar kedd hao - siebe-achd ßandemäddr!! (Mier brauched ibrigens ganz dringend a grôeß 'ß')
Gozeidank in dr Braide ond id en dr Diefe!
Dô wäesch scho a ganze Weil schea damesch gwe sei!
Gozeidank koi Schädlbruch! Abr Gehirnerschiddrong raichd ja oo - wenn ebbs dô isch zom erschiddre, wie bei dier. Bei mier wärs id so arg viel ;-))

Eures komische Betazeiche da hanich ebe nöd eso im Griff :D

Ja, Gott sei Dank bini vorne use gheit, nöd hineuse, seb wer den nämli s Betonmürli gsi :S

Bei mier wärs id so arg viel ;-))
Chunsch ez nöd doof übere oder eso :)

So und ez gani is Bett. De Don Pascuale oder winer heisst schlaht chli ah ;-)

Ond i fall iatzt vom Schreibdiisch direkt ens Bett. I hau a so d'Näs vool. Zeit weard's dass die drei Dääg Urlaub kommat.

sEmmrle wäed no beim Wôke sei. Nô wensch halt i als Eeschda ui all an scheane Dag :-))

Nocht isch ja ô scho ällz gsagt. Da Reama nauf!

Wie machschd jiez du des mibbm Reama? Schdadd dr Bäddõbladde?
Odr de lange, weide Rock naufbende zom waidlenere Hindranandrollschueloffe?

Gschmarri, Roock - bei deam Weadr hot mr koin Roock a. Letschd Wuch honne oin a-ghätt - Ällabätsch *gg* Ond Rollschuahloffa duane ned, wanne schaff. Da Reama nauf auf Keilreamascheib, drmits a reachta Iebrsetzung gitt. Dauherinna semmr doch schliaßleg bei de Iebrsetzr, odr ebba ned?

Ond wia gots am Muschklkater, Selima? Am schenschta ischs ja, wen dr Schmerz langsam nochlosst, gell?

"Was bedeutet Schwabing?

Schwabing wurde 782 erstmals als Suuapinga erkundlich erwähnt. Die Bedeutung des Namens leitet sich vom Namen Swapo = Schwabe ab."

Aha! Frühe Kolonialisierung der Barbaren.

bluesky, jiez fang abr bloß id no mibbm Illig ond em Vennemann ã, sosch hasches beir Selima vrschisse ;-))

Abbrobboo Rock ledschde Wuch: Na bidde, gôd doch, Selima! I schädz, koin lange weide ond oo koin kuuze enge, sondr ebbs in dr Midd. Hasch räechd, fier de Ãfang duez des gäere ;-))

Foddo?? *liebabrlischdegblenzle*

Hemale, i hau haind gar ned drzeit ghet zom gschbiera ob-e an Muschklkatr hau. A so an hieradreada Gschmarralesdaag honne haind ghett.

Manne, middleng ond bodalaang ond kornbluamablau isch dear Roock gwest - ond a Bildle git's ned, ball auf älle Bildr vo miar a Zensur isch ond außrdeam hosch'n scho gseacha ghet amol.

Iiii??? Diii??? Im Rock??? Siechsch so xieni :-(((

dÄdidd moid a halbe Schdond schbädr, des häb abr scho lengr häe sei mieße, wo däe Gägg no id ranning gwe sei, odr?

Des isch wohr - a guads Johr isches wohl hear.

Griaß Gott.

Grießdi, Schdickle. Bisch scho lang nemma dô gwe! Was hasch so driebe?

Selima, im Biergaade mibbm Grägg?

Erschd geschderd war e dâ.

Sonsch hao e gschafft, wie sich des ghert. Ond am Wochaend be i mit em neidrinido Fahrrad gfahre, dann hao i a bissle was am Schreibdisch doa miaße, dann hen mr Freind droffe ond so weidr. Weil 's gibt au a Läbe außrhalb vo dene gelbe Käschdle ;o)

Gradled bin i oo! Am Wuchaend in dr Hidz. Heid isch scheanr gwe, ãgneam frisch, nô mueß i id so schwidze. Abr de Vôedrraife mueß i scho mea flicke! Des mueß a räechd a klois Lechle sei, dLufd wäed bloß ganz langsam wenigr.

Mir au, bei iebr 30 Grad ...

Ond jetz vrabschied i mi. I wensch Dr a guade Naachd.

Manni, i han gmoint, du hosch jetz an riinforsd Kevlarroifa?

Däe isch henda druff. Voana haon i no koin. Ond dr vôedr ladd dLufd :-((
I haonen ledschdns scho hussa kedd ond nix gfonde! I wäers amôl môere mid vil mäer Druck brobiere!

*nauflupf*

Dr manni werd beim Radl rebariere sei.

Heid no id, Hemele. S ladd so langsam Lufd, dô bin i õrebbaried zom Museggmache gradled ond oo mea õaufbombd hoikomme :-)

N'Ôbnd Schwäbla. Koiner dô? Macht nix, bin glei wiedr futt. Da Kombjudr schbinnt. Meine ganze Autlugg-Dateia sin futt. S'Ding hôt scho sMaischt wiedr druffglada, abr schreiba duats wia an Kaugummi. Vrgässat me id!

I vrgiss di doch idd! Koir vrgissd di!
Hasch an Kaugommi ibreg? I moi, i schlodz grad a bissle zvil Schocklad beim Warde uff di ;-)

Wenn Dr dr Schoklad zviel isch, nâ kâsch mir was abgäbe.

Däe isch nix fier di, des isch a Herrenschocklad!! Däe Ardickl däd doch id schdimme on du mießdesch gladd noi sage, karackdarschdark wie i di kenn!

I ess Herre- ond Dameschoklad. Weil 's gibt jâ koin neidrale.

Jiez dô lue häe!! Zmôl ischdr die Gendrdiskussiõ wurschd!! Abr mi schdondalang kujonniere welle wex em maschgeline Ardickl bei deane iddalenesche Subschdandivr uff -no am End henda dedda! Nix dô, i hao mei Leckziõ jiez gläened. Bischd a gueda Läerar gwe! Vrgeldrsgodd!!

Abbr wenn's doch koin neidrale Schoklad gibt. Dâ muaß mr halt flexibel sei. Bloß was de Schoklad âgeht nadierlich.

I als Kaddelick konnd ja mea zom Beichde gao, ond nô wär mei Gwisse mea saubr ond rein. Abr wie widd du des mache als Broddeschdand middem kaddegoresche Embaradiv vo Kanz Emmanowel? Dô kusch du doch in an õauflesbare Konflickd - oder jednfalls soddesch du in dean komme: Däer geschdirnde Himl ibr mier ond dr maschkoline Schocklad in mier!! Des gôd doch id zemed, Flägsebilledäd hi oder häe! So a moralesche Ambewalenz kan i id ondrschdidze, des geng mr ganz gex de Schdrich!

Abbr wenn's doch koin neidrale Schoklad gibt. Dâ muaß mr halt flexibel sei. Bloß was de Schoklad âgeht nadierlich.

*edidier* Ond jetz vrabschied i mi. Guad Naachd!

Dr Kant Immanuel hett beschdemmt au en Schoklad gnomme. Ond außrdem: wenn's doch koin neidrale Schoklad gibt!

Abbr jetz ben i weg ...

Des isch gscheid, ma mueß oo amôl vrzichde kenne. On mid am guede Gwisse schlôfe isch bessr als mibbm Schocklad räechd dick wäere!

Gued Nachd!

Iebrigns deisch du di, manni, wenn da moisch mir Evangelische ködat et beichda ganga! 's isch zwôr bei os koi Sagrament, aber jeder evangelische Grischdamensch kã jederzeit zom Pfarrer ganga on a Beichde ablega. Desch bloß net so inschdiduzjonalisiert bei os - on zugebenermaßa au net so ieblich, des schdemmt scho, aber ganga duats schao!

Hmm, was habbr denn dô mei Mamma selbexmôl mea alls vrzelld ...

des wissat viele Kadolische bis heit net, on en dr Generazjoh vo deinera Muader scho glei gar et, dô muasch ra koin Vorwurf macha!
Drom sag i dir's jô jetzt - du woisch doch schao lang: Leo bildet õgemein!

Ond dr Pfarrer kâ bei ons koi Abbseluzjoh erdeile.

Ond jetz ben i endgildig weg. Guad Naachd.

Koi Abbseleziõ?? Siggsches, i hao mr doch glei denkd, dass dô a Hôgge bei däer Sach isch!

[edit] So, jiez häer i abr auf mid deam Gschwädz ibr sedde Sacha, die wo fier manke wichdeg send!

Kã-n-er et, Schdiggle??? Ja was isch denn des sonscht, wenn-r oim vor am Abendmahl dui Vergebong zuaschbricht?
I han jetz egschdra sogar nomôl e meim Evangelischen Erwachsenenkatechismus nôchglesa, do schdôht au in Bezug auf die Einzelbeichte:
"Hat der Beichtende sein Bekenntnis beendet, dann spricht der, der die Beichte hört, ihn von seiner Schuld los. Wer einem anderen die Vergebung zuspricht, tut dies nicht aus eigener Vollmacht, sondern im Auftrag Christi."

*ineschneii*

Aso ich denke, Absoluzione tuet eim Gott scho persönlich erteile. Und zwar bi allem, wem er ihn ufrichtig um Vergebig bittet.
Chan aber mengisch no nützlich si, wenn eim das en Mensch no zuespricht.

Ok, manni, Ende der ekumenischen Onderweisong fir heit!

Guta-n-Ôbad Fleckle!
Was macht dei Grind?

Hey, Goldy.

Ja, dem gahts guet, eich.
Mengisch tuet d Narbe na chli weh, abers gaht.
Und ich bin liecht stressafäliger worde, aber das chan au sii, das das nochli d Nachwehe sind vo voeletschem WE, das het mi nämli schier uf de Pscho bracht einersiits; anderseiits hets au gueti Siite gah.
Abers sich aschtrengend gsi und stressig und ich merks immer no.

Ond was isch a Pscho?
Kendo middam ächde Schwäed ond one Helm??

öppis bring eim "uf de Psycho" = öppis psycht = ça me rend un psychisches Wrack, nerveuse

Also i gang nôch ens Bett.
Hoffentlich kommsch bald widdr raa von deim Bsichodingens on hôsch widder meh beschauliche Zeida!

I gang oo ins Bedd!

Guez Nechdle!

:D
Ich bring Eu ez chli CH-Slang bi.


Ja, das hoffi auch, Goldammer.


*imisChüälschränklischneii*

Guede Môege, Schwäbla ond Schwäblarinna!

Fleckle, môl a ganz a indime Frôg: Ibrnachdesch du in deim Chüälschränkli aingdle im Gmiesfach, im Käsfach, im Eisfach odr im Diefkielfach? Ond hasch koi Angschd, dass dDier amôl hendr dier zuefelld ond du nemma rauskusch? Odr hasch du a Chüälschränkli mid am Diergriff oo innadinna? Ond hasch du dô a Daunedecke drbei, odr a Isomadde, odr flackesch du dô nackad uffm Eis??

An guada Morga, manni!
Heit wurds schee Wedder - wa dursch? Radla bis d' Luft hussa isch?

@Fleckle,
danke fir den Ch-Slang, also meine Jonge hen des net kennt, muaß scho schweiz-schbezifisch sei. Wa-n-e xait hao: Leo bildet emmer wieder!

Emmrle, dLufd haoni grad rauslau, de Schlauch rauskolled ond uff de dobblede Omfang aufbombed ond drodzdeam koi Lechle gfonde, onz Wendil isch oo dicht. Bloß bFengr send drecked. Abr flueche däffba ja idd, ob krischkaddolesch odr als Evangelescha: Also wäeri mi an dein Rôd halde ond radle, bis dLufd hussa isch!!

Werry streendsch indied, isn't it? Wo gôht-n dui Luft nôch naus???

...iebrigns, Schwäblerinna isch, nix fir õguat, an Bahfl! Des hoißt Schwäbinna. On wenn da's diminuidief gmoint hôsch, send en de "Schwäbla" sowieso boide Gschlechder enthalda, moin i. Älles was reacht isch, aber dr Grammadik muaß mr d' Ehr ãdoa, zomindescht mir vo dr nitpicky-Frakzjoh, moinsch edda?

Konnt ja sei, dasse oifach diffundiered. Diffundiere haißd, dass die Lufdmollekilr, Saurschdoff ond Schdickschdoff, weil se so kloi send, oifach durch dean gschissene Blaschdeckschlauch dureschlieffed! Wäe waiß, was fier a boreeß Madrial dr Kondinendaal dô mea ausbrobierd ond mier vrkoffd had, däe Hondling, däe vrreckd!

Ond was die Schwäbla ãbedriffd, wäer i mi kembfdeg an dei Regl halde, dass drmidd all gmoid send. Ond wenn se oine vo eisre Middgliderinna, vileichd weil se zHamburg bei deane Breiße, deane hanseaddische, schdudierd hadd, beschwäed, schicki se zue dier!

Ach du liabs Herrgöttle vo Biberach, dia von der Uni en Hamburg donna sen jô wirklich et ganz bacha!

Mitgliederinna - dô hôt's mir scho emmer glatt d' Zaihanegl ruffglabbt...

Griaß Gottle (nach Biberach ond Bibrbach :-)

I mach haind ebbs ganz bsondrs - i suach mr dauhanna meine nuie Pilzjagdreviere!

Pfiads Eich nauchet.

oh, Ameisle, toll!!!
Verzählsch ons nôch dei Schdregge, mô da erjagt hôsch? Dät me endressiera!

So wahnsennig erfolgreich semmr ned gwea: oin Maroni ond drei Schdoipilz. Abr en deam Wald warat haind Haifa Waldarbeitr ondrweags. Nocht semmr mear ganga. Gallapilz hätts en Massa gea, dau wärma fömpfmal satt worra, wammr dia nabrenga däd, die Huramentr. Dia send äbbl dia schennschde ... Alzo git's dia Schbätzla doch mit Linsa ond drzua fr jedn a Leffale Pilz.

Manni, hosch den Roifa ô onder Wasser aguckt? Manchmol sen dia Lächla so kloi, daß bloß a paar Luftbläsla raus perla.

Himele: dreimôl ond mid Zigareddebausa drzwische - i haos gar id globe kenne, dass dô koine Bläsla id kommed. I hao egschdra nomôl nôchbombed, a isch so dick gwe wie a Luffballõ ond hedd mi faschd in Himl naufzoche, hasch es id xäeche?? Abr nix, koine Blôdra id!

Selima, end Bilz bin i nie gange, i hao deane Beschdimmongsbiechr nie id räechd draud kedd!! Abr nô drodzdeam an Guede. Muesch di hald an dSchbädzla halde, wenns koi Bilz id gnue geid!

Drei Schdoipilz fend i gar et schlecht fir da Ãfang!

Pilz mua-mr vo ebber learna mô se kennt. Des kammer et aus Biacher, dô hôsch reacht, manni!
Ons hôt's d Mudder beibrôcht.
Des mit denne Gallarehrleng kenn-e. Dô denksch vo weidam, da hettscht an schena Schdoipilz on nôch isch's widder bloß so a Siach vo Gallapilz.

Dau muane am Vegale reacht gea: Des learnt mr ned ausm Buach. I hau des vo meim Baba glearnat. Ond a baar nuie vo Russlanddaitsche, dia wasmr em Wald droffa hand. I mog ja dia Pilz garned so arg. I sammls halt gera - des duadmr äbbl so guad en dr Säal, des Durch-da-Wald-schdapfa. Ond ohne Aufgab kane ned en da Wald ganga. Eigndle gang i au nia schbaziera, sondrn auf Feldbegehung aufdr Suach noch Fond odr zom Graitrsammla odr ebbs beschdemmts suacha ...

Drom magsch vileichd de Gede idd: " ... ond nix zom sueche, des war mei Sinn!"

Äbbr dâ?

Scho!

Nâ isch räächt.

Gôsch du ind Bilz?
Meine Eldre send id end Bilz gange. Des hand bei eis äeschd bFlichdling uss Schlesie aufbrôchd. Drom haon i des oo nie gläened.

Abr mei Mueddr isch mid Freindenna ond Nôchbeirna end Haidela ond Breißela gange. Des isch a richdex xelschafdlichs Eraignis gwe. Mid am Haufe Millkanda ond Kerb uffm Rad ins Holz nausgfare. Ganz knäschdeg hanzes kedd. Abr dô bin i nie id midgange. Weibrsach!

Bilz? Noi, bloß zom Drengga ...

Ond dâ gâht mr net end Bilz, sondern uff a Bilz. Vielleicht end Boiz ...