Ômzoga!
Schdiggle, Manni, wo sênd-er?

Danggschee Manne.

Dees hâun-eau grad wella eddidiera:
Danggschee Manne (c) Schdiggle

I moi, dass i im alde Fade an falsche Link xedzd hao - Luija :-((

Mann, oin? Älle ..

Abbr mir hen jâ hergfonde ..

I vrabschied mi jetz zom die zwoit Halbzeit vom Lenderschbiel Âgugge. I wensch Eich no en scheena Âbed.

Zue deam Scharmidzl haon i jiez oo endle durch dein Dibb bei de Grimm-Buebe ebbs gfonde. Vrgäelzdr Godd, DuSenz! Des isch doch allad mea berujigend, wemma vo deane zwai Kerle a bossedivs Fidbäck kriegd:

STRANITZE, f., papiertüte, seltenere umgestaltung des gleich bedeutenden scharmützel; im bair. und schwäb., s. FISCHER schwäb. 6, 2918; KRETSCHMER wortgeogr. 544; sprach-Brockhaus (1935) 637.

Etzt been-e abr schdolz auf me, i als lenguischdischer Laie hâu kenna Dir ebbes Nuis vrzähla!

Schdiggle,wia schdahd's denn eigentle beim Kicka? Eschdrreich schbielt ja grad gegs d'Färöer...

Guggl? Kenne au et, bei ois hot ma Gschdaddl gsagt.

Grad isch as zwoi null gfalla, fir di unsere nadierli.

*ineschneii*

Isch WM oder EM oder so?? Eieiei was ich da alls nöd mitüberchume... Janu.

Mhm, da isch ez scho richtig froschtig, nume no 20 Grad oder so, und Mensch und ier wapnet sich für de Winter. D Spinne mached Netz wie wild und s Ungezifer chrüücht ufs Huus zue. S het da e igendwie 10cm Gottesabeterin grad nebed em Igang, es Rieseviech. Es luegt eim immer so komisch a, richtig gfürchig; ufs mal gumpets eim no is Gsicht oder so.... *brrr*

Fueßbal glueged ond im Kobfhäerar d Trawiadda vo Orâsch im Radio käed. Bis jiez isch a scheas Schbil gwe! Ond die Aria hanze in däer Arena ganz wondrbar xonge. Laidr isch dObr scho vorbei. Also bloß no Fueßball näebebei, ond dò hinna läese ond a bissle schreibe - grad schea isch ;-))

Uhhhh, en Synchronpunkt . für mich und Manni!

Griaßdi Fleckle, schee dassd au amol wiedr hergfindsch! :-) Gohds allad gued?
I hao letschd so a Schdadistik gläese (die koi Mensch brauchd odr so), da hat gschdande, dass jedr Mensch em Durchschnid acht Schbinne in seim Leabe vrschlockd. Wääääääääh!

Ond Hemele, noi, mir schdandat id so friah auf (bloß id ogmiatli sei); des laufd eis alls id drvo.

Ond Gugg odr Guggana odr Guggagugg odr wia hoischd des? - hao i oo no nia gherd.

*snowflake wink*

Leider habe ich keine Zeit mehr, Schwäbisch zu üben. Es dauert so lange, wenn ich hier mitlese. Und schreiben kann ich sowieso fast nichts.

Hi, candice, bluesky, neutrino, manni3, twocents.

A²µ³, des isch wirkle a räechda Jammr, dassd koi Zeid mea hasch - fier die wirkle scheane ond wichdege Sache im Läebe! Abr s wäed scho oo mea amòl andrsch komme - ädd änni reit Ai ämm luking fòwed tu schwädzing wiß ju :-))

Zickerle, es san sogar no mehr Schpinna ond Insekta, hods Fleckle scho amol poschtet (Numero dreißge). Ond i glaub au it, daß Numero vieradreißg auf die paßt.

Dr Amy rewink. Bist du zu Hause oder in der Stadt?

Hi, manni. Abr s wäed scho oo mea amòl andrsch komme --Das z.B. verstehe ich nicht. Aber es wird schon auch mehr einmal anders kommen????

*seufz* Vielleicht wenn ich mich eingelebt habe, werde ich mehr Zeit fürs Schbagaad finden. Im Moment habe ich aber zu viel zu tun.

Guggamôl na, da Manni un d'Mimi sin no ums Eck. Sonsch no äbbr?

Guggamôl, hot etz abr nix mitara Guggala (Guggl) zum dua.

D'Gallier hen heit au kigget - da Dings isch nersch un hot gsait, dassr nia un niame bei ama Schbiel zualuaget, wenn d'Franzosa kigget.

Hi, Moi Gab.

@Hemele: Zu Hause. In einer Viertel Stunde muss ich losfahren. Wir essen heute Abend bei meinen Schwiegereltern.

Guate Fahrt Mimi, un lens eich schmegga!

N'Ôbnd Blauhimmele

A²µ³ - scho oo mea amòl - schon auch wieder einmal
No id lugg laô :-))

Gäbele - dFranzose wend allad uff dr Gwinnarseide sei. A Onendschiede isch blamabl fier d Grândə Naßiô!! Die Kerle send hald oifach vrwendt!

Jiez flack i abr ins Bedd.

A guez Nechdle ui all! Ond dier an scheane Ôbed, Eimi!

Recht hosch, Manni.

Schee, dannede au no vrwischd hon. Nô kane jô etz beruigt ins Neschd.

Guads Nächtle allemitanand.

Gute Nacht, Gäbele und manni3. Träumt was Schönes.

*GäbeleondManninochwink*

Amy, das hat mich anfangs auch verwirrt, wie die Familie vor vielen Jahren aus der Großstadt auf's Land gezogen ist, es hat eine Weile gedauert bis ich verstanden habe: mea = wieder.

Guads Nechtle!

So, heit be-n-e widder môl dr Öhrlibörd.

Manni, velleicht kã'sch doch bei dr Doris irgendwia drom nôchsuacha, dass mr den Link no vrbessert. Wemmer nemlich aus irgend ma Grond môl schbäder alle alde Schbagaat durchgugga will, ischas nô echt schwierich, wenn dui Reihe onderbrocha isch (des isch mir môl mit de alde Iebergreizfäda so ganga, mô-n-e dô en dr Vrgangaheit han wiahla wella).

Guat dass as Fleckle môl widder dô gwea isch! I han me scho gwondert ghett mô se schdeckt! Ja, bei ons deant d' Schbinna au scho heftich rom, 's fellt mr uff.

Also i hao Schdranitze oddr Scharmitzl no nia ghert fir Gugg (uff hochdeitsch: Diede), egal ob fir a Babier- odr a Blaschdiggugg.

ond guade Morge Goldammer.

Guda Morga Schdiggle on älle andre wenn se nô môl aus de Fedra kommat!
I gang jetz nô en den Bodanischa Garde uf Hoaheim nei. Môl seha wia der isch.

Guede Mòege allmiddand!

Emmrle, des isch a guede Idee - i hao dr Dorris scho a Imeil gschickd. Wär wirkle schea, wenn se Zeid hedd fier die Korreckduur.
Ma däd de Hischdoreckar schbädr ier Gschäfd doch räechd vil leichdr mache, wenn die Kronelogie one Lucka wär. Nò kudd schbädr idd oifach a Illig oder a Dänicken sage, eis häbs gar id gea ond dr siebehondrdseggsedreißgeschd Fade sei vo deane greane Menndla in iere Aschdronauddekischdla erfonde wòere - gell Selima, aso isches doch ;-))

Guada Morga, ui schwäbische Ratschkattla! Hondr scho mear an Fada vollgratscht.


Os sagmr au Gugg. Ond z'Mencha guggatse mi noch äbbl bleed a, wanne nochrar Gugg frog.

Ädidd: Manne, dau hosch reacht. Des kot leicht bassiera, wammr koi lickalosa Dokumentatzjon hot.

Ond a Vrgelt's Gott frs Bäschtla.

Ond dann hätte no ebbs, was de gfreia weard: Dr Dengs hot gescht gsät, dassr des scho mechta däd, wanne an Roock a-ziacha däd.

Ond no an Ädidd anz Stiggle, drmits ebbs zom bruddla hot: I be heit bis nauch Neine em Bettle gflackt ond grad schea war's :-)~

Selima, ond schemmsch De wenigschdens?

Abbr i kâ De beruiga, i be heit au lengr em Bett gwä . I ben erscht kurz nâch de Siebne uffgschdande.

Woisch ja, wiane ausgugg, gell? Nocht schdöllschdr des broideschde Grinsa en meim Gsiicht vor, des megle isch - nocht woisch, wia dasseme schäma dua :-)

I kâ mr's vorschdelle.

Des isch schea.

*dureschneiiii*
Ja, mir gahts guet, danke, Zückerli.

Des freit mi Fleggle.

:)

Übernäxscht Wuche überfalli den BaWü, schoppe. ;-)
Und ich gange idi BaWü'schi Trinkwasserquelle go bade, mal luege öbs no warm gnueg isch.

Dâ war i letscht Woch (also die vor derre, die heit z'End gâht) dren, dâ war's uff jeden Fall no guat.

Mhm, Du muesch beachte, dass ich ez e chlige es anders Temperaturemppfinde han, wenns z.B. ca 20§C und nöd grad mega sunne het, den laufi im Faserpelz umenander ;-)

Aber ein Teil vom See, de "Gnadesee", det isch s Wasser immer mega warm, so 20-24°C, defür hets aber au so 2 Meter Alge.

A Schneefleggle was friert, wenn's wenigr als 20 Grad hât? Sache gibt's ...

Dò isch ja schwäer ebbs los, drseid i beim Radle gwe bi.
Schea âgneam frisch isch gwe, so an de achze Grad. Ond nix los uffm Isarhaiwei :-)

Selima, dei Dengs had wirkle an guede Gschmack!! Abr des haomr allad scho denkd, weil a ja id ommasoschd dei Dengs isch :-))

Däe weldâschaulich Derror vo de Frieaufschdandar isch ja manxmòl bloß schwäer auszomhalde. Als ob Frieaufschdande a Dugnd ber see sei, a Brimäerdugnd sozomsage ond als ob ma se ebbs druff eibilde kudd. Isch es idde - isch alls bloß a Fròg vo de Krommesome ond Hormone ond dr brä odr boschdsenile Beddfluchd. (Fluchd hadd idd ommasoschd mid Fluech zom doa ;-))
Grad so wies d Schdiegnaufschbrenge z Ôbed om viedlibrachde ;-((


❄ Alga, grad so lang wie deine scheane gschnegglede Hòr :-))
Bloß grîə!

Genau, Teili.
Ich han mich ebe aklimatisiert. Ich chan da ez scho de lokali Slangdialekt nachäffe und ich han chalt, wenn s weniger als 24° het.

No vil länger manni, echt, RIESIGI alge. Aber defür seichwarms Wasser. Isch glaubs dete vor derer Insle mit somne berühmte Mönch, Bruder Benno oder so... oder verwechslich da ez öppis?

PS: Ich het mer d Haar ja mal grüän gfärbt, aber han mi nie chöne dezue ufraffe igendwie .. XD

Pscht, die Insel hoißt "Reichenau".

Mir waret en dr Schweiz schwemme em See bei Rorschach ond dann no em Rhein bei Stein.

❄ A bissle kuuz - abr sonschd doch ganz nedd, oddr??

So, nocht kane me dauherinna au no vrabschieda. D'Bohrmaschie, dr Dengs ond i fahrat nau mole.

Deand ned mibbm Kaffe auf os warda. Bis dauna semmr no ned zruck ;-)

Pfiads Ui!

*michräusper*
*meinenMutzusammennehm*
*meinhochdeutschrauskram*
Ich möchte hier mal sagen, dass ich das Schwäbische mag, es aber nicht sprechen kann, vielleicht könnt ihr mir das beibringen?

Erschd mâl muaß gscheit zuhere lerne. Ond dann säja mr weidr.

Au, 's Wirfele em Schwôbafada!
Grieß de Gottle au!
Muasch et so uff's Schdiggle hera! Oifach mitraffla, so wia da's kãsch! Des wurd scho werra!

Also, der Botanische Gaarda en Hohenheim, desch a echts Schatzkäschtle! Mir sen faif Schdond dô dren romgloffa on hen trotzdem no laaang et älles ãguckt ghett! An õheimlich schener alder Baumbeschdand mit tolle Exoda drbei. Viele Baim wo's normal bloß linksteichisch geit, zom Beischbiel.
Zwoi wonderschene Arzneipflanzagärda, so a Gegnd mô dia Pflanza nôch dr botanischa Sischdemadig zammagschdellt sen - dô han-e meine botanische Begleiderinna kaum me weggriagt. On no viel viel maih. On drzuanã des wonderschene Schloss vo dr Franziska vo Hohenheim, dô mô jetz d' Uni dren isch. Älls en allem a wonderschene Ãlag, wirklich an Ausflug wert! ^<--- @Schdiggle & Co!!

Oms Vrrecka kã i des falsche Dächle bei dem Pfeil nemme weg-edidiera e meim letschda Beitrag. Nô miaßat-r 's eich halt wegdenka.

Gut Nacht mitanand - isch jô widr koiner dô heit Ôbad! I woiß scho, ihr kommat nôch wenn i em Bett be on machat an gmiatlicha Hock ohne mi!

Samma, hömma, kumma, bissu jeck? Wieso willsu denn Schwäbisch schwätzen können tun?

I bêe scho no dau!
Guata Aubad beianand, bsondrs dr Maulwurf!
Ob da's glaubsch oder it, heit hanne an De denkt, ônd schêa isch, dass-Da mitmachschd!

Heit war-e nô em Schdarnberger See, bada, 'z Wassr war schiergaar wermer wia d'Luft. Die andre hand alle a Regadda g'seglat, dia Feigleng!
Naucham See semmer a weng schbaziera ganga ônd hand an Baum g'fonda zôm Zibärtla moißla. Grad schêa isch g'wêa!

Langzeit-Eddid: Etz isch-es halba elfe am Vormiddag, ônd koi Mensch isch dau gwêa?
Han-e Eich vrscheichd mit meine Zibarta?

Ôns etzt lupf i da Faada offiziell nauf...
[bruddl:]muaß-t mâ allz sell dôa?[\bruddl:]

Ja, Bruddla isch a ur-schwäbischa Tätigkeit. Dau muamrse emmr mol widdr dren dräniera, Zwoizentle ;-)

Wia got's drn nauchet allwei?

Guda Morche midanand!
Ja, was is aber a "Zibärtla moißla"? Des is mir a noch nie underkumme.
Juhu! I glab heit wird's Wedder nochamol schee. Irchendwie wor der Summer mir zu kurz... Hoffendlich gibt's no a boar scheene Dooch.

Des ischt abr schee, das ihr mit miar so nett umgait. War das nu richtig?
Bluesky, ich mecht ebn main Horizont erweiteren, neue Sprache lerne.

Lehr gschider Schwizerdütsch, Mauli.

Correcturitos fr da Maulworf:

Des isch abr schea/schee, dassnr/dass Ui mid mier a so nedd omgangat (so wär's en meim Dialekt).

Bei os schwätzt halt an jedr a wengale andrscht. Abr des -t bei ischt isch en jedm schwäbischa Dialekt falsch. Ond ansonschta isch doch schea, daß an jedr frei schreiba ka, wianr mog. Odr, Maulwurf?

*Vokabelheftzück*
*notier*
Bei "isch" isch koi "t" hinte.

Maulwurf, ha was sotte sa?! Des war absolut berfekt! Bessr hättes au ed sa kenna ;-)

Ha, des isch doch schee, dass des berfekt wor.
Snowflake, nee i lern liabr schwäbisch.
*weiternotier*
Perfekt wiad mittm weichen "p" gschwätzt.

scheene guede dag zamme!
au emol schwäbisch schwätze brobiere will :)
*fränkisch/hessisch in ecke stell*

wor --> war (des andere wär frängisch)
nee --> noi, des is, neba dem "sch", tüpisch schwäbisch.

Ah geh, minima, worum schdellschd denn des frängisch in d' Eck? Is doch a ä scheeni Sprooch...
I werd mi jetzat vom Aggr mache. Gnuach gschafft fir heit.
Tschüs an alli!

*weiternotier*
nein = noi
War = war
*wink*
Ade!!!! Richtig?

Morgenmuffel, do nur fir etz un hier! i kennd des goar nit vrschdegge! Un i mooch mei Sprooch a. Ewwer i meachd a bissle dzulerna ;)
Scheene Feirowend!

Hey maulwurf, grießdi!

Du machsch ja guede Fordschridd :-))

Fier des 'war' soddesch liebr 'isch gwe(se)' nemme, oder uff Flecklealemannisch 'isch xi' - gsi=gesein, s Schweizar Bardezibb Berfeckd.

Grießdi Manni,
und wie isch des mit 'gweä'?

Griaß de, Maulwurf! Hallo Manni ônd wer nôo allz dau isch!

"Isch gwe" sait mr mêahner weschdlich, weitr eschdlich wandlat se dees en "Isch gwêa".
"Isch gwese" isch fr mi mêahnr Honoraziora-Schwäbisch - dees, was oiner schwätzd, der wo môint, dass-dr grad "Hochdeitsch redet".

Ônd dia Nasale sênd sowieso a ganz ôiges Kabbiddl (brobier amôle "ô-âgnehm" zôm saga!).

Oha, grießdi two cents, des isch ja kompliziert.

Grieß uib all!!

maulwurf @'brobier amôle "ô-âgnehm" zôm saga!' - odr "nẽĩ" fier 'hinein' ;-))

ädd 'gweä': Mier befinded eis, oo wemmr all Schwäbesch schwädzed, drodzdeam in am Dialeckdkondinohom - hald em schwäbesch-alemannesche Dialeckdkondinohom. Dò geiz vo Òedschafd zue Òedschafd kloine Ondrschied, die wo se am End abr zue gròeße zemedaddiered - vo Drijend bis Flenschburg nauf.


ädd 'komblezierd': Ja freile! Sosch kudd des ja a jeda, ond idd bloss mier Schwòbe ;-))

ô-âgnehm, isch des in Ordnung?
Wie? Von Òedschafd zue Òedschafd, oha!
Wie verstehn die sich denn dann?

Zom Schdreide raichz scho ond zom Fehla vrfiere ;-))

Ha no! *stolzbin*
Dann vrabschied i mie emol.
Ade!

Isch no epper dau?

Wirfale, pfiat de, dr erschde Daag war âschdengend, oder?

Ha i.

'n Âbed Faschdafempferle.

Schichdweggsl drhoim? Griaß De, Schdiggle!

I be schlapp, 's war heit sooooo langweilig em Birro ...

Ond, wia gâht's Dir?

Warôm war's langweilig, hasch z'wenig Arbat? I jkôot Dr ebbes abgêa...

Sonschd gaht's guat, danke frs Frauga, a weng lack bên-e heit. Ônd wia gaht's Eich? Ihr send em Urlaub gwêa?

Doch, zom Schaffe isch scho dâ, abbr halt grad nix sonderlich
Schbannends.

Urlaub? Des isch jâ faschd scho nemme wâhr, so lang isch des scho her ... Okeeh, i schaff jetzt a guade Woch wiedr.

Schee war's em Urlaub.

Schbannend isch bei mir grad au et, a Brojegt gaht am End zua, ônd i muaß d'Ôntrlagafr dÄ' Abrechnông vorbereita. Dêes hoißt bei mir, dass-de dees, wâs-e em Kopf hâu, als Babier zemmasucha muaß. Greislich!

Eddid 22:20: Schdiggle, sei mr it bêas, abr i bêe miad ônd gang ens Bett. I hätt gern a weng mit Dr gschwätzt, abr i bêe oifach lack. Guats Nächtle!

Guad Naachd, twocents.

I vrabschied mi au.

*ineschneiii*

Yo, Schwabe und Alemanne, ich bruch mla schnell euri Hilf.
Im Schwiizerdütsche gits sones super Wort, nämli "verhebe", das wer eis zu eis so öppis wie verhalten uf Hochdütsch.
Ez, het das di gliche Bedütige?
- z.B. Autofahrt, s Chind mögget es müäs ufs WC und s gaht ez halt nöd, den seit's Mami: "Los, chasch ez nöd, muesch es halt verhebe"
- und so ööpis wie träge, verhebe, so mhm, öppis verhebt, öppis isch stabil gnueg zum öppis uszhalte

Erscht Bedeitung: ja, zwoit Bedeitung: noi.

Bei dr äeschde Bedeidong ben i mier sichr: Ja!
"Mamma, i mueß glei zom Bisele! I kâs nemma vrhebe (1)!!!"

Bei dr zwaide kenni des so: "I hao dean schwäere Schdoi nòch drei Minudda loslâo miesse. I hao nen nemma vrhebt (2), aso hammr d Hend wäe dao." Odr wemma ibr an Glädschar gòd, hoffd ma hald, dass oin dr Sailbardnar vrhebd (3), sodd ma in a Schbalde neirudsche.
I bi mier nemma ganz sichr, abr i glob scho, dass ma oo sage kâ: "Dò kâsch id dribr gâo! Die dinne Breddr vrhebed (4) di idde!!"

Ädidd: Jez haon i beim Rauche no a bissle in des 'vrhebe' neiglosed, ond dò isch mr a Sadz vo meim Vaddr, deam wo i efdr uffm Bau ond beim Dachdecke kolfe hao, eigfalle: "A achzgar Nagl vrhebd (5) an Mâ!"

Hemele, du bisch hald a Ondrlendar ond a bissle weidr weck vo de Glädscharschbalda ond dr Schweiz ;-))
Abr falls scho amòl a alde Laidr nauf bisch, hasch de doch sichr oo gfròged, ob de die morsche Schbrossa woll vrhebed (6).

Ond in am Omschdand, wo ma a bissle (bloß a gaaanz a klôis bissle naddierle) a Schadefraid had, sed ma oo: "I hâos Lache schier id vrhebd! (7)"


❄   'verhalten' isch 'to behave - behaviour'. Abr ma sed oo no uf Hòechdeitsch 'Harnverhaltung', wemma wodd, abr id kâ. Als Werb kenn i des id. Bloß no s Bardezibb: Midd verhaltener / zruckgnommenar Schdimme.

1 zurückhalten
2 nicht länger halten
3 halten kann
4 tragen
5 halten
6 aushalten
7 zurückhalten

Bis jiez vrhaldedr ui heit ja räechd vrhalde ;-))

Bis zÒbed nòò, i radle jiez zom Klareneddle.

Gudda Morga. I hen zwar koi Erfahrung mit Gletscherschpalta odr alte Loitra aber mit verroschtete Schteigeise in am morscha Kami, do han i mi scho gfrogt, ob die no halte, ganz ohne ver-.

Edith: Mir isch no ebbes eigfalle. wenns oins an dr Bandscheibe hôt, no frogt man ob er sie verhebt het.

*Fadanufflupf*
*mi drbei net vrheb*
Tolle Abhandlong ieber "vrheba", manni!

Genau, Hemele, des isch nomòl a Bedeidong. Des mibbm Kamî hâon i mier bloß denkd, i hâos liebr dier sell sage lâo ;-))

Bei mier isches des Scheißmodorad gwe, des wo im Dreck henda weckgrudschd isch, dassis nemma vrhebd hau ond mier sKnie nausklabbd had .-((((

Des gfraibe, Emmrle, dass de id vrhebd hasch beim Lubfe, ond dassbe lobschd oo :-)


Dr Kili had ibrigens de Fadelink rebbarierd ond an Schbagadd kennd a oo!

Des isch ja au koi Wunder, daß dr Kili des kennt, 's isch ja au a Allgeier.

Wennrme au id vrmisst honn, moinat bloß id iii het eich vrgessa.

Isch dô äbbr?

Nô halt idda. Guads Nächdle.

Ha a baar Menudda kötsch aos scho geba zom de schbodda!
So schnell muasch etz au et vrschwenda!

(isch se scho weg?)

Gugge mr mâl, Goldammer.

Se isch scheintz scho weg ..

Scheintz iebrhaupt neamrds me dâ. Nâ gang i halt au wieder.

Ha so a Blunzn!
Nô kã mr au nix macha...

I will au no a bissle lesa heit Ôbad, i glaub i fahr s Läbbtobb jetz au ronder.

D' Edith hôt xait I soll am Schdiggle no wenka...
*am Schdiggle nôchwenk*

Guads Nächdle alle mitanand!

Danke, manni!

Guede Mòege, Schwäbla!

Jiez isch mr grad aufgfalle, dassbr woll baid an kloine Fählar neibròchd hand, Emmrle:

Wenn oim ebbs ins Kreiz schießd beim hebe, nò habba se vrhobe. Des isch a irregeläers Verb. Wemma abr lache mueß, dass die zwai allargräeschde Niddbickar des id gmerkd hand, nò habbas Lache id vrhebd!

De gscheide Leit vrdrenned d Widz, had mei Mueddr denn sage kenne, die domme hand koi ;-))

An scheane Dag wensch i ui :-))

Griaß de, manne. Was deand dia gscheide Leid mibm Witz? Vrdrenna?

I hät no a Fraug an de Wertrbiachrbsitzr: Gescht hommrse iebr Nauchnäma ondrhalda. Zom Beischbiel, daß Ott des gleich bedaidt wia Otto, nämmle wohlhabend, reich. Alz Adjektiv isch ott(o) ja nemme em Gebraucht. Abr, honnemr denkt, kot des sei, daß des em schwäbischa 'oz' fr viel, arg, sehr no drenna steckt? Odr daß oz [ots?] ond Ott/Otto vom selba aldhochdeitscha Wort kommat?

Selima, die Gscheide hand soviel Widz, dass se gäere a baar vrdrenna lâo kenned - se hand nò allad no gnue (gell Emmrle!);-))


I hâo id sovil Wäedrbiechr, ond kois ibr Neme.
Nò haoni hald bei de Grimmbuebe glueged, weidrs haon i nix gfonde. Oo im Kluge idde.


Grimm:

OT,OTT, adv. verstümmelt aus ockert (sp. 1140):

OCKER,OCKERS,OCKERT, adv. nur, blosz, halt. ahd. ekordi, ekrôdi, ein adverbial gesetzter accusativ des adjectivs ekordi, ekrôdi, eccherôde, dünn, zart, schwach (von WACKERNAGEL im handwb. 66b zu lat. aeger, aegrotus gestellt); davon ist abgeleitet das adv. ekkorôdo, echerôdo, ekrôd, ecchert, echert und ockeret, ockert, okker; mhd. ockert, ocker und genetivisch ockers (noch im voc. 1482 X 7b; ockers, solummodo, tantummodo); md. ecker, eckers, ockert, ockers. das wort ist dann weiter mhd. zu oht, ôt (ot) und eht, êt (et), md. zu oc, og, ok verstümmelt worden, s. gramm. 3, 113. WEINHOLD mhd. gramm.2 § 319. LEXER handwb. 1, 515. 2, 139. 140, nachtr. 136; frühnhd. ocht:

die kirchen musten sie wol decken,
wolten sie ocht nit werden nasz.
Kalenberg 295 Bobert.

Nur mundartlich noch erhalten: götting. ocker (eben, so eben) SCHAMBACH 147b; kurhess. ockert, gewöhnlich ockers, ockerst und ackerst (nur) VILMAR 290, westerwäldisch ackers SCHMIDT 3, nassauisch ackers, eckersch KEHREIN 1, 37; schles. ock, ocke, ack, och WEINHOLD 66b; nordböhm. ock, ocka, im kuhländchen ocker und ock PETERS beitr. (1864) 7; schweiz. ächter, ächters, ächterst, echt, acht u. s. w. (in fragesätzen im sinne von 'wol, etwa, vielleicht'). STAUB-TOBLER 1, 82 (s. auch oben th. 3, 20. 21).

Desch a endressande Theorie, Selima, hert sich sehr blausibl ã wenn da mi frôgsch!

Velleicht fendat dr manni jô doch no ebbes irgendwo. I han au net gwißt dass "Ott" on "Otto" ebbes mit reich zom doa hôt.

Jô jô, manni, mir kennat ons schao leischda a weng vom Witz z' vrdenna... (no net 's Liacht ondr da Scheffl gschdellt!)

Griaßt's uib. Jetzt ho i amol a weng drweil ... Wia machat dia aheb dia Sondrzeiche? Kunnt mr des amol ebbar ergläre, i komm do it drauf, ho scho aheb iberall g'lueget. :-(

I muaß o zuagea dass i itt alls in deam Schbagaat g'leasa ho, weil i grad im G'schäft bi und da derf i it gar a so lang ebbs andersch dua, suscht duat mei Schäf g'schbessig.

I wollt uib o amol ebbs froge. I ho jetzat zum erschde Mol a'gfange so an Krimi mit d'm Kommissar Kluftinger zum leasa und i weiß it so reacht, wia i dean find. Es geit ja scho iberall Fans, sogar bis zu d'r "Preißa" nauf, aber i muaß saa, dass i des Buach zwar ganz nett find, aber mancke Sacha sind halt scho arg "klischeehaft" und i find it uhbedingt jetzat so auddendisch. I finds ja guat, dass amol ebbar ebbas ibrs Allgai schreibt, scho weil dia meischde Leit it wiassat, wia d'Allgaier sind (wenn se iberhaupts wiassat, wo des isch), aber i find m'r hätt des beassr mache kenne. Was moinet dir? Hot ebbar oi d'rvo g'leasa?

Emmrle, mir hot des au ganz blausibl gklonga - abr wahrtscheintz weard des mol widdr bloß mei oigna Volksedimologie sei. Beim Moischtr Guhgl honne enzwischa nauchgleasa, daß ooz/ods/otz von unz- kommt ond eanr mit Un- wia en Unsummen vrwandt ischt. Ha. I woiß au ned :-)

Strahla-Zehle, i hau vor Jauhr da earschta Kluftingr gleasa (Milchgeld). Dr Schdiel war a wengale holprig mangkmol ond ned ganz glonga. Abr so dia Beschreibonga vo de Allgair warat ned ganz schlecht, wiane enzwischa feschtgschtellt hon - des mit deam Abrglauba und de Heilr ond de Wegbeatr. Dr Karaktr vom Kluftingr sell isch a wengale ôausgora gwest - fr mei Empfenda. Abr velleicht isch des en am nuira Krimi scho bessr. Dr Film, haue ghert, sott ganz guat sei. Em Fernsäh dädr Ende Septembr komma. Abr i ka dean ja zwoiml ned seacha.

Ond: Schea, daß d'mol widdr reiguggsch.

Griaß di, Selimale!

No gohts d'r grad wia mir. I find, dass mancke Sache scho ganz guat droffe sind, zumindescht wias Allgai und d'Allgaier seal b'schriebe sind (z.B. des "wortkarge", der druckene Humor, des Gschwätz und so weiter), abr alls was am Kluftinger allgaierisch sei soll, isch dass er allat fluacht, am liabschde an Trachdejanker ohot und allat Kässpatze isst. Des isch m'r a weng zua ... du hosch scho des richtige Wort g'schriebe: ôausgora. I finds halt schaad, dass ber jetzat vo de Allgaier globe kutt, dass se allat bloß fluachat und Kässpatze eaßat und suscht reachte Hinterwäldlar sind. Und des isch a Schmarrn, find i. Dann isch mir no auf'gfalle, dass es mi manckmol stört, wenn se Hochdeitsch schwätzet, obwohl des gar it basst. A Seniorschäf vo a Käserei seet halt it "Guten Tag" zua nam ander Allgaier, wenn er oh usm Allgai kutt. Aber mei, des sind halt so Details ...

Griaß Gott, i hann au mol wiedr Zeit.

Also i han de erschde drei Folgana vom Kluftinger glesa, on i han gfonda dass se eher schwächer worra sen. Der isch doch allzu glischeehaft on a weng zu schlicht dargschdellt, des hôt me mit dr Zeit oifach gnervt, so dass-e nôch ausgschdiega be nôch dr dridda Folge. Deshalb ka-n-e ieber die viert (i glaub des isch die agduellschde) nix saga.

Zo dene Sonderzeicha:
also des ^ fendsch uf de meischde Taschdadura lenks neba dr ois, wenn da des tibbsch on ãschließend a o, nôch geits des ô.
Die Tilde mach i so: &atilde ; (ohne Leerzeicha vor dem Schdrichponkt), des geit nôch a ã.

Du kãsch dr se abber au en dr Zeichentabelle holla, die isch onder Start - Alle Programme - Zubehör - Systemprogramme zom fenda. Dô hôt's a Riesasammlong vo älle megliche Sonderzeicha, do hol i zom Beischbiel au Singronpungde oder 's Kobireit-Zeiche, wenn i des brauch. I han mr die Zeichentabelle ufm Desgtob vrlenkt.
Hilft dr des, Strahla-Cele?

d' Edith secht, i soll au am Wirfele Griaß Gottle saga!

Desch nett, Maulwurfale. Wia gatt's allat(Allgäu)/äbbl(Ries)/allwei(Nordschwaben)?

Raizehle, nocht hosch Du au ds Milchgeld gleasa? Velleiht sottmr mal an nuira vrsuacha.

I vrdrag koine Krimi mea - des isch mr z schbannend. Dò kani ja nemma schlòfe. Dò sauf i bessr an Äschbrässo.

Abr dass du endle amòl mea reiluegesch, Räsi, des gfraibe scho ôbandeg. Du bisch doch wirkle oine vo de Daufdoddla vo eisrem Hôigaade ond haschn uss de Windla kobe. Manxmól muesch scho vorbeiluege, ond a Ooge druff hao, was uss eisrem Buzzele im Lauf vo am Jòr wòere isch ;-))

Zwäx deane Sondrzaiche:
Fier nasal nemmi ^, des isch lenx oba.
Fier offene Wockal nemmi `, des isch ibrem ü,
ond soddi amòl an gschlossene Vockal brauche, däd i ´ nemme, oo ibrem ü.

I hao lang die Tilde gnomme fier nasal, abr des isch &#771 ; (ohne Läerzaiche), ond des isch mr z omschdendle wòere uf Dauwr.

Manni, deswege kann i au "ôâgnehm" schwätze.

Vergelt's Gott Goldammer und mannele, des hôt b'r scho g'hòlfe. I hô mi jetzat fiar mannis Version entschieda, des mit deara Tilde isch m'r zua gombliziert. (Oder, andersch geseet: Dô bi i zu faul d'rzue.)

Genau, Selima, i hô bisher bloß Milchgeld g'leasa odr beassr gseet, i bi nô d'rbei. I hô vo a Fähl g'heert, dia isch voll der Fän, dass se d'r agtuellschde it aso guat g'funde hôt, weil des a g'heriger Schmarrn war mit "islamischdischer Gefahr" und so a Zuig. M'r gohts do oh a weng wia em Goldammer, " Der isch doch allzu glischeehaft on a weng zu schlicht dargschdellt, des hôt me mit dr Zeit oifach gnervt", aber vielleicht werd is doch no amôl mit am andern Krimi brobiere, nach oim Buach ka ma ja no it aso viel saa. D'r manni isch abr dr beschde Beweis, dass dia Allgaier koine Hintarwäldlar sind, susch däd ar koin Äschbrässo saufe - des dät nämle dr Kluftinger gwies oh it. :-)

manni, du hosch scho reacht, dass a weng maulesch, dass i nimm neilueg. I bis scho a reachte "Rabemuattr". Zeescht s'Buzzele us der Dauf heba und hernochat nimm luage wia's hot.

Hat anner vo eich scho amol an Roman vom Bienzle glese? Die Tatort find' i immer inderesand, abber i waas ned, ob sich dia Biachr lohne?

Maulwurf, schreibe kannsch es scho ganz guat, abr schwätza? dô miaßat ma amol a Hörkontrolle mache.

Kluftinger ond Klischees: Dr Bienzle hot au allaweil an Zwiebelroschtbrata gesse ond allaweil sein Trenschcot aghabt, sin halt dene ihre Markazeiche.

Im Schmeller hab i bloß Ottl gfunda, als Beispiel fir Nema ...bey den kernbayrischen auf l, ohne vorangehenden Vokal, dieses l oft die Verstümmelung eines ganzen bedeutsamen Worttheiles zu sein.

Morgamuffl, i ho gar it g'wisst, dass es dô ó Biachr drvó gitt.

I hob amol ans gseche in am Reschdposchte-Buchhandel "Bienzle und der Klinkenmörder". I waas jetz bloos nimmi, wer die Biachr schreibt. Den Kluftinger kenn i aa noch ned. Wär vielleichd a mol was...

*nick*
Bluesky, i öb wia unbandig.

Griaß Eich, jetzt muan-e doch au no mitbäbbla:

Die Krimmi vom Bienzle gibt's als Biachr seit mindeschtens 25 Jauhr, schreiba duat se dr Felix Huby. Dr Klinkamerdr dirft oins von de nuiere sei. Dia erschde han'e guat g'fônda, die warat no echde Krimmi, sênd mr it vorkomma wia Dreahbiachr, wo mr au no a Buach drvo druggt. D' Handlông war ausgreifdr, weitr ausghollat, it aso blaggadif, ônd dr Bienzle hat au ebbes abndrs gessa wia Roschdbrauta.

Sodele, i muaß ....
Ade!

Also wenn-r mi frôgat sen dia Bienzle-Krimi a ganz andere Liga wia dia Kluftinger. Dr Huby isch echt a ausgezeichnader Krimischreiber. I han se älle glesa, on zwôr au scho lang vor se's als Tatort gea hôt. 's sen zwôr au net älle gleich guat, aber durchweg lesenswert, dät e saga. Dr Bienzle isch zwôr au manche a weng z arg schwäbisch grôta, aber des fend i ieberhaupt et. Er isch doch emmer widder aus-m biedera Glischee ausbrocha, scho dia Beziehong zur Hannelore zom Beischbiel. On dia Rahmahandlong wia 's jetz widder mit seira Hannelore weidergôht, des hôt me manchsmôl fascht meh endressiert wia dr Krimi.
Also i dät dia õeigschrenkt empfehla, Morgamuffl!

Dr Huby hôt dia Reihe jetz iebrigns seit einiger Zeit beendet, die Nôchfolgerreihe isch mit ma jonga Kommissar, der wo vo Schduagert nôch Berlin zoga isch (on da Bienzle au kennt, manchsmôl kommt der als Randfigur no vor). Dr Huby lebt jô au in Berlin heitzudag, on wenn-e me recht erinner, kommt er selber au im erschta Band vo dera Reihe als Randfigur vor Der Brotagonischt hoißt Peter Heiland, on es geit inzwischa drei von dera Reihe. Dr erschte han i sehr guat gfonda (Der Heckenschütze), de zwoi folgende et so - komischerweis scheinat dia au a wengale abzufalla, scheints kã dr Huby au net ällaweil weider so Schbitzakrimi broduziera...

I fend des iebrigns eigentlich et agzebdabl, dass ihr wega a baar Taschdedrigger z' faul send, die korregde Sonderzeicha zom nemma! Fir mi isch a Dächle oifach koi Nasal, also echt wôhr!

Emmrle - Fir mi isch a Dächle oifach koi Nasal, also echt wôhr!  
- Nò muesch hald omläerne ;-))
Jednfalls isch im Schwäbische neanaz a 's' ausgfalle wie im Franzesesche,
zom Beischbil bei 'fen ê tre' - Fen s ter.

Fier wåhr soddesch nå abr &#229 ; nemme - wenn dr des liebr isch?

@manni

schweiz. ächter, ächters, ächterst, echt, acht u. s. w. (in fragesätzen im sinne von 'wol, etwa, vielleicht'

Da hani mer mal en Luschtige gleischtet: Telefon nach Berlin: "Haben Sie echt noch ein Zimmer frei?"
Das das komisch tönt het isch mir den nachher scho ufgange, den hani den umestudiert und bin au uf wohl als Übersezig cho. Aber das Wort wird, schints mer, nöd eso hüüfig brucht im Dütsche wie echt im Schwiizedütsche.

Echt jetz? I han allaweil gmoint, d'Schweizer schließen jeden Satz mit am odr ab, odr?

LOL nei.

Odr am Endi vomne Satz bedüütet:
- dini Meinig isch mer zwar glich, aber wil mir Schwiizer e höflichi Nation sind, frögi ez glich nach dinere Meinig.
-Ich bin interessiert a dinere Meinig
-Ich bruche Zuestimmig für mis Vorhabe, wil ich mir nöd sicher bin
Und vilich susch no öppis, aber da fallt mer ez nüüt me i und drum lanis mal so, odr?

PS: mir schlüsset Säz nöd mit echt ab.

So, i het etz a wengle Zeit, wenn äbbr mitmr schwätza mega dät.

Nochgläasa honne au. Ihr sin oifach Gscheidala un desch fei a Kombliment.

Griaß di, Gäbele. I bin heit eher weniger dô. Set mr dô et Käpsele fir die Gscheithaferl?

Doch Himmele, Käpsele isch bessr!

Griaß de. Bin au glei futt. Winsch dr äbbs!

Morga liabe Schwäbla. Heit bini da Örlibörd.

Winsch eich an scheena Dag.

Heit Ôbnd binne aufama Fäschd - unsr T.... wird fimf.

A an gude Morche an alli!
No wer i mer mol a boar Grimmi vom Huby kaafe. Ledschdens hob i amol zwa Biachr vom Gunter Haug g'lese, die schbiele ja oft in meinere Gechend. "Niemands Tochter" hob i verschlunge, aber an Grimmi, den er g'schriebe hot "Tauberschwarz", den hob i no a nimmi ganz a sou guat g'funde, wall i mer scho noch dr Hälft' vom Buach dengt hob, wer der Mördr is. Un sou wor's nocha aa.
Kennat ihr noch sou a boar Biachr, die si rediered zum Lesä, die do ums Schwobaländle spiele?
Moi Gab, dir no vill Spaß heit Obed uffm Feschdla.

Äbbr dâ?

Scho!

21:00 Wo bisch jiez, Kerle?

Ha dâ.

Aha, jiezadle abr!

Ond wia!

Ond jetz scheintz doch alloi ...

Nâ gang i au. I wensch allseitz a guade Naachd!

Jiez gòd a scho mea. Geduld hadda koine nemma heizòbed :-((
Was a woll mea fier a Buech hadd, des wonen d Schdieg nauf ziechd??

@Muffele
Vrzehlsch nô au wie se dr gfallat, dia Bienzle, gell?

So, i han heit a weng an hegdischa Dag ghett on gang jetzt nom Richdong Bettgschdell.

Kaum luegesch in a baar andre Schbagääd nei, senze scho mea all fudd! Grad brässand hanzes heizòbed mea!

Morga Schwäbla, schee isch gwäa aufm Feschd.

Muffl, i han amôl a Buach gläasa vo oim aus Villinga-Schwenninga. Ischmr dômôls uheimlich nochganga. S'war abr koin Grimmi. Wemmrs wiedr eifallt, wias hoißt, nô schreibes eich.

Scheena Dag an alle. Bis heit Ôbnd.

Isch epper gar koiner dau, heit z'Middaag?

I hock em Sommerhääs am Schreibtisch ônd es isch kaaalt! I kâa abwarta, bis dass-d ne blaue Fiaß kriag.

Eddid: ... und Hennapfrupfa au noo!

Hallo! I bin do un schiab dr mol unser Heizlüfterle rieber... Du arme! Des kou i mir lebhaft vorschdelle wia kald des is.. abber Hennapfrupfa?
Is des sou a Oart Gänshaut?
Bei uns dahona weht's ganz ordendlich vorm Fenschdr.

Griaß di Zweicentle,

I bi schô dâ. Abr bei mir isch es grad anderschrum: I hô schô aheb a Herbschthäs a und mir isch fiechtig warm. Aber i hock ja oh it im Allgai, sondern z'Frankfurt doba. :-)

Dô schau her, d'r Morgamuffl isch oh dâ, griaß di! Ja saperlott, kennsch jetzat du koin Hennapfrupfa? Wia sehsch nô du dazua? Gänshaut?

Servus ray-c. No hock i grod irchendwue zwische eich zwaa dinne. :-)
Also, wenn Hennapfrupfa uff hochdeitsch Gänsehaut is, dann soche mir glaab scho Gänshaut drzue. Dea andere hob i noch net g'hert (abber doa mei Leit domols in Hohelohe dazuazoche sin, hat kanner vo denne sou richdich urichs hohelohisch g'schwätzt. Miassed mol mei Kolleche frocha, wia die drzue socha.

Mei, kaa ja scho sei, dass dir dô andersch drzua saget. Bei eis (jetzat moin i im Allgai und itt z'Frankfurt) seht ba manckmol ja scho andersch zua a Sach, wenn ma sich bloß amol a baar Kilometar weiter futt bewegt. Wo kusch na du her, Morgamuffl? (Hosch es g'wies scho a mol g'seht, aber i weiß des nimma, weil i ja erscht seit kurzem wieder drweil hô manckmôl in dean Schbagaat dô dana neizumluaga.)

Gebirdich kumm i aus'm Greis Schwäbisch Hall, wohn jetzat abber scho a weil im frängische "Ausland", abber i kumm noch efders zu meire Muadr ham, weil i alls amol schaue muess, dass alles basst (un es is aa nedd allzu weid, is mr schnell amol niebergfohre).

Gänshaut - a so gròeße agrokuldurelle Ondrschied geiz dò hinna??
Gänshaut fier Hennabfrubfe, des isch ja scho faschd Hòechdeitsch, om idd zom sage breißesch!!

Siggsch, des isch beschdimmd, weil mei Muadr heid noch faschd hochdeitsch schwätzt. Abber i hob mol mei Kolleche dohinna gfrocht, dia kenna aa ka anders Word derfier.Die sooche halt Genshaud mit "e".
Abr Manni, weil du doch als scho amol nach Bedeidung vo Wörder guckt hasch. Wo kummd eichendlich der Begriff "Hääs" her? Mei allemannische Verwandschaft nimmd des nur beim "Faschingshäs". Abr i glaab dia soche aa net Fasching, mir fällt des abber nimmi ei, wia dia sooche...

Fasnacht vielleicht, Morgamuffl?

Fasned - genau, des wor's. :-)

Bei os send des Geeeshaita.

Beim guhgle nòch 'Häs' haoni glei zwai vrschidene Häelaidonga gfonde. Abr so isch des efdr in dr Eddemollogie - a äxackde Wisseschafd isch des idd!


1 - Das Wort geht zurück auf mittelhochdeutsch "haeze" 'Kleidung' was eine Kollektivbildung zu althochdeutsch, mittelhochdeutsch "hâz" 'Kleid' darstellt. Parallelen finden sich in altenglisch "haeteru" 'Kleider'. Diese Formen führen zurück auf eine erschlossene indogermanische Wurzel *sked 'bedecken', zu der es auch altindische, avestische und afghanische Fortsetzungen gibt
(Pokorny, Idg. etym. Wörterbuch, S. 919).


2 - Dazu Beispiele
hâჳ stm., hæჳe, hæჳ stn. rock, kleid, kleidung. hâჳ MS. in irem schambærlîchen hâჳ (: strâჳ). nu sî verwâჳen mit orse und mit hâჳen ; hæჳe, hæჳ;
sô sond die dienstmägt ir hæsz, röck und mäntel ouch nit anders tragen noch machen, denne daჳ inen die blôsz uff die erden stôszint und nit lenger . wann wir unserm gesinde hæჳe geben; (mittelhochdeutsches Wörterbuch von Matthias Lexer)


3 - Zu dem in der Fasnet so oft gebrauchten alemannischen Ausdruck "Häs" für "Kleid" sei hier übrigens am Rande erwähnt, dass er von dem sage und schreibe schon bei den Hethitern nachgewiesenen und über die Griechen zu den Römern gelangten Wortstamm "wes-" für "Kleidung" kommt, wie er beispielsweise im lateinischen "vestis = Kleid" steckt. Während aus "vestis" auf dem Umweg über das Französische unser hochdeutscher Begriff "Weste" geworden ist, lebt die alte Wurzel "wes" nach der geringen Lautverschiebung von "w" zu "h" im Alemannischen noch ganz direkt als "Häs" fort.
(Prof. Dr. Werner Mezger in seinem Buch "DAS GROSSE BUCH DER SCHWÄBISCH-ALEMANNISCHEN Fasnet", S. 64)

Schdiggle, dringsch mitmr an Wisgi?

On i krieg koin? Magsch mi nemma?

Doch, ich magde scho. Ganz feschd.

Hon bloß gmoind, dassda id dô bisch.

I hao mr scho amòl oin eigschenkd. Broschd!!

Mòere will i begle. Oo die fläxene Gschierdiechr vo meir Großmueddr. Die rieched allad so schea beim Dambfbegle :-)

Guggamôl na, i biegle morga au. Bieglamr sinkron?

Au ja, wenn fangschd ââ?

Soama Zehne.

Okee, nòcha sinkron. S wäed a Weschdwind gao, nò riech i dei Wäsch oo :-)

Dschuldigung Manni, bin vrschlôfa un etz gange d'Schdiage nauf. Schlôf guad Bärle.

Guade Morge midnand!

Gäbele, i fang jiez ââ.

Wow, manni, pingdlich fascht uff d' Menut!
Viel Schbaß beim Biegla, ihr zwua, - i sott au, abber i komm wahrscheinz heit net drzua.

Frehlichs Biegla am Gäbale ond am manne. I dua des haind gwieß net. I bach liabrsch an Kuacha. A Kollegin vo miar mecht nammedaags vrbeikomma zum Haislegschauba.

Pfiads ui!

D Hemadr send scho fedeg. Midd a baar Bausa hald - i muess doch allad uff de Balkô nòch deam Beglaz vom Gäbele ond deam Kueche vo dr Selima schnubbre ... (obwol des ganz schea schwäer isch dauwrnd middeam Zigarädderauch in dr Nes, äerlich!)



Boschgribbdom: Wie henkba aingdle an Dimmenediv an Selima nâ, one dass se a Mâle wäed??? hmmm .... A gscheida orriginäera Schwòbename isch des fei idd, wemma koi -le nâhenke kâ *miamkopfkredzdassdschubbaschdiebed*

Hosch Du vill Hemmadr? Mei Jongr deff iebrigns seine Hemmadr sell biegla. I hau scho alz glois Mädle, dia Hemmadr vo meim Baba (der hot zwoi Hemmadr am Daag braucht) ond nocht dia vo meim Mâ biegla deffa. Iatz moge nemmr. Wear Hemmadr âziacht, sottse sell biegla.

Zwengs deam Nôma: Mei echtr Noma loßt se ja au schleacht diminuiera. Ond wandschdes ned grad als Selimáale schbrichsch, sondrn alz Selímale ... nocht däd's doch ganga. Kotsch abr au oifach "Mädle" zuamr sa.

Ui! Dr Kuacha muaß raus ...

Edith:
Odr zwengsmeinr au See-ale ;-)
Dau fallt mr grad ebbs ei (ball mei Baba zuamr äbbl Mädle sät): Os semmr am Migda em Biergarta gwest: mei Bua, mei Baba ond i. Zescht brengt d'Bedienong am Bua sei Essa. Nauchra Weile kommtze mid osre Wurschtsalätr, schdelldse na ond moint: "So, nocht griagat d'Eldra au ihra Essa."
I hau so glacht :-) Mei Baba hotze scheintz guad ghalta *gg*

Dei Babba wäed ja koir*) vo deane sei, aber vile reiche alde Seckl hand jonge Weibr!

*) Odr hanze bloß koi Foddo von eam gmached?
Es soll ibrigens Mannsbildr gea, die wo oo no em hòeche Aldar Kend mache kenned, so wie dr Dscharli Dschäbblin.

Noi, ball en deara Gschicht scho drei, vier Sächala falsch send: mei Baba isch ned reich, mei Baba isch koin Seckl ond i be koi Weib ond jong benne sell nemme ;-)

Ah, Amoisle, a Scheene bisch hald doch.

Un wenn du ald bisch, wa bin no i? Hä???

Manni, muaßdr äbbs gschdanda: I hon wella, hon abr id kenna - biegla moine.

Isch do äbbr?

Ha scho, i gugg abr trotzdem da Samstagskrimi ô.

I ben dâ.

Abbr alloi isch langweilig. Nâ gang i halt au wiedr. I wensch allseitz en scheena Âbed.

Okai, Himmele.

Schdiggle, drinksch heit an Wisgi mit mir? Hon geschdrn vrgässa ghett, dassde freidags id ums Egg bisch.

Bidde blei no. Bloß fimf Minudda!

En Wisgi? Jetz? Hmm, i drenk grad en Weißwei ...

Geschdert war i mit dr Familje was ässa. Während de Schulferia isch koi Schbort.

Ässadr sonsch nix?

re Schbort: Wa machsch nô firan Schbord? Handball? Wolleball? Turna?

Ondr dr Woch ganz selda zsamme, ond Freidichâbeds währed dr Schualzeit scho glei gar net. On wenn, dann gange mr au net schdendig ässa.

A bissle Ausdaur ond Riggagimnaschdig fier meine Bandscheibe.

Morgns, vorda aufschdôsch, rollschde zamma wia a Schnägg. Knia ans Kinn. Des mache jedn morga, mei Kreiz mags. Deis womeglich au...

Kommsch eigendlich no mit de Handflächa auf da Boda (d'Knia gschdreggt)?

Wia en Schnägg? I hao no nia en Schnägg sich zsammerolla säa.

Handfläche uff da Bode? Klar, lang uff da Bode nâlege, Knia drbei durchdriggt lao, on dann gâht des ganz oifach.

Okai, zammarolla wia a Schnägganudl (bildlich gschbrocha).

un des midde Handflächa aufm Boda im Liega isch a tipische RA-Antwort - uschlagbar!

Bin etz wägg. Winschdr a guade Nacht :-)

I wensch dr au a guade Naachd!

I wär jiez oo dò.

I hao grad no am dransadlandesche Krosskandrischbagaad bäschdled.

I hao ibrigens an Ròedwei ond an schwaaze Schocklad näebe mier.

I be au nomml dau.

Edit: Ond i hau nix neabrmr.

a Maus?

d Katz frisst Meis, i max id!

Griaß Gott.

Noi, Mais moge au ned. Isch abr au koina dau.

Grüß Gott, Herr Stick.

Sears!

's duabmr loid, i vrschtand bloss Bâhof.

I glob, i klink me bessr widdr aus. Pfiadsui.

Selima, i vrschdand dr Manne grad au net. Abbr willsch deswega ächt scho gange?

Scheintz scho dr Fall. Schlâf guat!

Okei, duebr laid, des isch id räechd Schwäbesch. Es isch die Menknar Versiô vo 'Servus'! Also: Grieß ui all middand!

Ond Selima-le, hasch mea dein Läbbdobb ââ, wod koi Maus näebe dier hasch - des isch mei Fròg gwe, falls des id vrschdande hasch. Hmmm ...

Okee, jetz vrschdeh i's. Abbr wenn Du au en Fremdschbrâche schwätzsch ...

Wäe kâ däe kâ!

Ibrigens isch mr ledschdns aufgfalle, dass i lengr zMenke läeb als wie ni dahôi im Allgai ond in Middlschwòbe bei Buechlòe gläebd hao! Drom bini scho mankmòl oo a bissle ôsichr, was uff Schwäbesch gòd ond was id gòd heizedag.

Abr jetz vrabschied i mi au. I wensch a guade Naacht!

*edit* Wenn D' jetz au no sagsch "Mir san mir", nâ hât der bayerische Eifluss abbr bes zuagschlage ...

Noi, dò sag i scho: Mier sen mier!

Grieß eich mitenand, isch do noch ebber wach?

I hab eifach kei Zytt zem efter neiluege im Mumänt, s'isch so viel zem Tue...

I bi scho no dò.

Was haschn allad zom doa a so Zeidaufwendex? Schaffe?

Schaffe im weidesche Sinn. S'nei Schueljohr goht am Meendig los un i Aafängeri bruch halt ä weng länger zem Vorbereide als wie d'meischte erfahrini Kollege... Außerdämm kumm i an ä neii Schuel, die wo-n-i no gar nit richtig kenn un bi glei Klasselähreri dert.

Ja, des kenni. Dò geiz vil zom doa, laudr nuie Sache: nuie Schuel, nuie Kind, nuie Läerblâ warscheinz oo. Des isch ja oo vil Aufregong allad.

I han de manni scho verschtanda, i bin abr au scho länger 'z Minka wia am Schwäbischa.

So ischs, manni. Jetz sitz i scho de ganz Obed und ieberleg, was i miine Neintklässler am Meendig frieh älles sage mueß, was sie mitbringe mäen, welli Sitzordnung, Ufruumdienscht un so Ferz.

Wenn i dra denk, dass i erschtmol die Nämme vu Schieler us 7 Klasse lääre mueß, no wirds mer ganz anderscht!

*schlaflosdureschneiii*
Uuuuh, I mhm, kei anig s paar Stund halt, bini scho in Genf, ide Schwiiiiiiiz :D Und den gahts namla es paar Stund und den reded d Lüüt uf de Strass widr mini Sprach :)
*freu*
*ufgretumeschneii*
*freu*

Siebe Klassa, des sind ja mäer als zwaihondrd!! Dò wäesch ja hierewierbleg!

I wensch dr jednfalls guede Nerva. I hoff, dass des oifach middar guede Borziô inerar Ruä âgâo lâo kâsch.
Jednfalls wie a selbschbewussda Kauboi vòer dKlass nâschdâo hilfd ganz gued, dassd id de Kobf hange laschd.

Willkomme dahôi, Fleckle. Viel Schbass, wennd mea rede kâsch, wie dr dr Schnabl gwaxe isch!

Messi.
Rede so wini wett chani eich immer, d Frag isch nume, öbs die andere all verschtönd. Aber weisch, ich verschtahn au nöd immer alls, vo dem her wers egal, si verschtönd mich nöd - ich verschtahn si nöd :D

Dangschee, manni. I bi emol zueversichtli, dass i des scho irgendwie naakrieg. Aber ä Huffe Nämme sin des scho, weiowei. Schlimm isch, wenn de se nur zwei Stund in de Woch hesch, do bruchsch eifach länger, bis de sie älle kennsch. Bi miine drei Hauptfachklasse hab i do nit so viel Bedenke.

So, fier hitt isch aber no Schluss. I mueß no de Hund zem Lüfte nus, un dann gang i schlofe.

Fleckli, wie witt hesch no bis dehaim?

Guet Nacht zemme!

Fahre tömmer ersch morn, und denn je nachdem so 8-10h. Chunt halt druff a, uf Fahrstil und Zugverbindige und so.

Ich sött wol eich is Bett un de Klapptop reisefertig mache...

Bett? Koi Chülschränkli?

Guimauve, i han mi au allaweil gwundret wie di Lehrer si alls di Nema gmerkt haben kenna.

Chline Versprecher, Bluesky.

Sooo, ich mach ez de Laptop reisefertig und schneii i mis Chüälschränkli!

S Fleckle wäed hald allad luxerieesr, Himele. Jiez haze scho a Bedd im Chüälschränckhli!! Glei näebe dr Wisgifläsche, moini, ond ibrem Chääs ;-))

Wisgi em Kialschrank?? Dâ schiddlts mi scho bei dem Gedange ...

Einen schönen guten Morgen, Kleinteilchen!
Darf ich Dich auf ein paar Zahlen einladen?

In dr Frie om viedl uff simne däz mi oo schiddle!

Grondsätzlich oddr beim Gedange an Wisgi?

Morga Schwäbla un vor allm Maximimi!

I dät so gern efders bei de Zahla mitmacha, abr's gôht id. Isch koin besa Willa. S'ärgrtme sell.

Heit gange nôch Tettnang aufs Bähnlefeschd. An 3 Generationa-Mädles-Ausflug.

Wennr Flohmarktliabhabr sin, nô muenr dô môl na.

Vielleicht bis heit Ôbnd.

Servus

PS: Manni un Guimauve: Am Schlimmschda isches beim Zeignismacha, a Menge Klassa, a Menge Schialr, wellr Nama ghert zu wellem Gsichtle? I schbrich ausera lang verganga Erfahrung.

Viel Schbaaß en Tettnang.

Schdiggle, gronzäzle bei Wisgi am Mòege, ond an kalde äeschd räechd: Amäerekanissmes, gschmacklosa!

Gäbele, an scheane Dag ui Fehla allmiddand. Dond oo òedele, dassba se id scheniere mueß!!
Ond kommed oo mea hoi, gell!!

@guimauve:
Woisch was mei Schweschder äls macht? Glei en de erschde Dag nemmt se ihr Digikamera mit en d' Schual, macht Bilder vo de Kender (teils au Grubbabilder vo gleinere Grippla, wo se nô die oinzlne drhoimt rausschneidet am Kombuder), on nô macht se sich Sitzblee von ihre Klassa mit de Bilder on de Nama drzua. Dia legt se sich en dr erschda Zeit emmer drzua, ufs Pult, on drhoimt wenn se korregiert.

I druck dr da Dauma dass da guat neikommsch morga!

Emmrle, dei Schweschdr isch ja a ganz a Gwidzde, faschd wie du, hä?!

Send dier all aso in uibrar Famille? Nò brauchsch dr om dein Bue koine Gluggegedanke zom mache ond kâsch es griebeg âgâô lâô :-))


Boschgribbdom: Em Krosskandrifade geiz an Haufe zom correcturitoriere. Machs du - i bi vom Schbagaadbäschdle no ganz erschebfd ...

oke, i guck nôchher drnôch, aber zerscht friahschdigg e no.

I radle jiez zom Bruggewied uff Greawald zom Weißwuschdfrieschdick, vòrs zwarm wäed.

Bis schbädr!

Sodala, ausgiebigscht gfriaschdiggt ond da Bua auf'n Zug (zor Fraindin) gfahra. Ond iatz weard ebbs gschaffat. 's Weadr isch hait so schea, dau werre mole schbädr no gugga, ob's a baar Pilzla em Wald git.

Die scheane ròede midde weiße Bonkd geiz uff jedn Fall ...

Abr die handr jiez doch hoffndle id gäeße - odr warom isch so riebeg dò hinna??

Bilzvrgifdong - all beim Mageausbombe!! Schad om die guede Beilaga - all mid weckgwòefe ond in Gulli gschbield :-((

Drom sag i allad: Liebr a Bils als an Bilz!

Abr des endressierd ja die jonge Leid vo heid idde, was fier Läebesweishaida se vo de erfarene Bierdrenkar erfare konnded!

I han koi Pilzvrgifdong. I war uff dr Alb beira sehr schöna besinnlicha Abendwanderong, mr hôt älls môl ãghalda on auf schene Tegschde ghört on gsonga. Am Schluss zua hemmer da Sonnaondergang ieber dr Salmadenger Kapell agugga kenna, des war wonderschee.
Bloß a saumäßich kalts Wendle hôt blôsa, des isch ons durch on durch ganga. Widder môl hôt sich zeigt, dass es uff dr Alb emmer an Kiddl kelder isch also onda em Albvorland.

Morga Schwäbla un a scheene Woch. Eich un alle Lewa groß un gloi :-)

Guada Morga.

Noi, koi Pilzvrgifdong, au koi Pilsvrgifdong, obwohl des eanr hätt sei kenna. Alze gescht da Radio aufgmacht hon, honds grad vom Tag des offenen Denkmals vrzällt. Nocht honne nauchguggt, wo dass bei os ebbs auf isch (Brauerei Maria Hilf/Eisenberg und Brauerei Kaltental/Aufkirch). Ja mei, ond nocht hommr gsät, daßmr erscht en Aufkirch vorbeiguggand ond hernacht hendr Aufkirch en da Wald gant. Abr z'Aufkirch semmr grad recht zur Fiehrong komma, hernocht hommr midm Braumoischtr ond mim Wirt iebr Denkmalpflege dischkriert ond nadierle 's Bier vrkoschtet ond wiamr ferde warat, war's z'schbäd fr Pilzla :-)

Guda Morga au vo mir. Heit ben-e noml ausnahmsweis uffgschdanda mitm Jonga, 's isch jô dr erscht Schualdag. Ab morga sen se Selbschtvrsorger morgens. Widder ein Tobig uff dr Gluckenlischde abghôkt. Dr Graoße bleibt noml drhoimt, dem duat emmer no sei Gosch saumäßich waih. Ehm hent se vor era Woch älle Weisheitszeh raus.

A an gude Morche von mir. Bin heit no amol doa und hob no dr Reschd vo der Wuche Urlaub, mei "Groaßer" kummt in'd Schual. Bin amol gschbannd, wia des werd, der is nemlich no a rechdr "Zoramichl" wia mr bei uns sechd. I glaab dem hätt noch a Joar Kindergarde net gschad, abber vom Alder her un a vom Wisse her secht Kindergärtneri wär' er in dr Schual scho guat uffghoube. No hoffendlich fiart dr sich no net glei rechd uff. (Waaß echt ned, woher der sein Hitzkopf hat... Vo mir glaab net ubedingt... )

Ach, a Abezee-Schitzle hôsch! Schee! I wensch em alles Guade! Wie fendet er's denn selber dassr en d' Schual kommt? Freit er sich?

Guede Mòege allmiddand!

Dò bin i abr fròe, dass koer vo ui a Bilzrgifdong hadd.

So a Brauareibesichdigong isch doch allad ebbs scheas. Eis hanze im Ginnasiom amòl d Ackziebrauarei z Beire zaiged ond nò an Haufe Kischda donkls Bier nâgschdelld. Mier hand nix vrkomme lâo welle ond hand nò de Bâhof schier nemma gfonde. Abr a donkls Bier mag i heid no idd, i kâs iddamòl rieche!!

Emmrle, die Lischde wäed ja allad kirzr. Dò wäed ja bald gar nix mea druffschdao ond du wäesch de bloß no om die sell kemmre mieße.

Muffele, wenns dei Bue id vo dier hadd, nò hasch ja alls no sell - du Egoischd! So ebbs geiba and Kind weidr, ond nò isch mas sell los!! "Was du ererbtd vo deine Väddr..."
Mid sovil Ennergie wäed as abr nò in dr Schuel scho zue ebbs bringe.

Also er freit sich no uffd Schuel un i glaab aa dass es em guet dued, weil er immr wissbegierich is. Nur sei Schdurschädl wird em woll als zu schaffe mache. Mid fünf is ja aa noch a weng ball... abber er wird no sechse am End vom Monad.
Ach, jetzad Manne, mei Mou had em dess vererbt, der had's aa nimmi...
Hob ja eichendlich mei Schwiechermudder im Verdacht, abber dia hat ihrn Schdurschädel aa noch... Hmm....
Dafir sind's abber nur 15 Kindr in der Glass.. des is no scho Lugsus (oder wia mr des schreibt...).

Fuffzehn Kinder in dr Klass? Desch jô 's reinschde Paradies! Dô muaß mr em egschdra noml graduliera!

Also i han älle dia blede Eigaschafda au emmer no, dia wo i an meine Kender weidergea han. I woiß et, was dô schief gloffa isch - dia hen sich ofach vrvielfäldicht irgendwie...

Des schdimmd!Z'ersch had's nämlich ghaaße sie mache nur aa Klass mid 31, des wär mei Horror gwese. No häd der Kerle nämlich überoll andersch guggd wie do wo er hädd selle.
Noja, bin amol gschbannd un werr's aich als amol berichde, wenn's aich inderessierd, wia's a sou gead. Abbr i glaab die Miadr mache sich do als amol zuvill Gedange.. do gher i aa als drzue.

Vom Gluggamuadr-Dasein kã i dir a Liedle senga, Muffele! I ben - velleicht hôsch's scho gmerkt - enzwischa en dr Endphase, mô mr se loslassa muaß. Koi oifache Sach, abr i mach Fortschritt - dr manni kã's dr beschdädiga, gell, manni?

Jawolljafreile ;-))
"Nuer wäer eweg schdrebmd sich bemiht, dean kennebr erleese!"

Wobei i deam wiaschda Seckl dia Erleesong no nianats vrgonnt hau.

Wer isch no der wiaschde Seckl?

Dr Fauscht velleicht? I kã au bloß rôda. Dr manni on Zelima sent halt scho so richdich humanischdisch gebildöt.

Ah ja, des kenned sei. Dass es vom Goethe is des Zidad, des hob i noch rausgfunde, aber des wor no scho alls... :-)
Soudele, I werr jetzad mei Ibersetzunge ferdich mache un no gehn i noch a boar Glanichkeide fir'd Schualdiede eikaafe.
Verabschied mi dann bis negscht Wuch. (Muas mr doch endlich a amol wieder an PC fir daham ouschaffe...)
Machats guat midanand!

S Emmrle hot des scho reacht - am Geethe seim Fauscht hond des d'Engala gsonga.

Vill Schbass beim Schualgugg filla.

I be nocht au mear furt.

*ineschneiiii*

Fuuscht vom Goethe hemmir nie glese... glaubs anderi Sache, aber Fuscht kenni nur vom Ghöresege. (PS: Nei, Tell vom Schiller hemmir au nie glese.)

Soooo, ez bini widr diheime, d Wise sind widr grün, uf mim Geld staht widr "de Herr wird versorge", uf mim Natel staht widr Swisscom und s tönt widr brav Grüezi! hinefüre und d Autos uf de Strass hend widr mis Kennzeiche und es het überhaupt überall so farbigi Liechtsignal und Fuessgängerstreife mit fuessgänger druff, wo Vortritt hend....

Und es isch arschchalt, ich glaub ich gang is Brocki und chauf mir e Wullesau oder so..

was ums Hemmels Willa isch a Wullesau???

@Muffele
Ha glar brauchsch du an Kombuder drhoimt! Des gôht jô edda, dass du hier mitmachsch on hôsch koin Pezeh drhoimt!

Lexikon:
Soldatensprache der Schweizer Armee
Wullesau (Wollsau): Wollpullover
http://www.wk.devanthey.ch/Lexikon.html#W

ach, endressant. Hett i jetz irgendwia net denkt, dass du dich der Soldatenschbrache bediensch...

So!

(sehr informativ, Selima!)
;-)

                                   Sodele!

Ihr waxet iebr eich naus heit Ôbad, wirklich wôhr!

Soso!

            So?

Jetzatle:

Ihr kennat me jetz môl kreizweis on ieberzwerch!

Waas kenned mier di? Ibrs Zwerchfell zieche oder kreizweis nâdrucke? Brauchsches bloß sage, mier dond doch alls fier di - i jednfalls!


                                                                      faschd

Des was i gmoint han dätsch wahrscheinz eher net...
aber immerhin han-e dr jetz môl widder a ganzes Sätzle entlogga kenna...

Emmerle, wer ka de am A... bsuacha? Bsuacha dätede, abrs andr id.

Isch do äbbr? Bin faschd scho nimme dô...

Soddebr amòl a Zeid ausmache, wo mr eis dräefed?
I bi jednfalls mea amòl dò!

Emmrle, des isch fei oo a vrschlaijerz Geethe-Ziddad, des mid deam Zwerchfell - odr moisch du amend Kuefell ond redschd vo deine Schdecklschue mid de gleichhòeche Bladdoosola?

Echt, a Geede-Zitat?
Des han-e et gwißt! Mô kommt denn dees beim Geede vor? Vorrôtsch mr's?

(Mei Vadder hôt des glaub älls môl xait wenn em's zviel gworra isch...oder mei Muader? I woiß grad gar nemme - aber eddafall bei ons drhoimt hôt mr des xait)

Vrschlaijerd, Emmrle, vrschlaijerd! (in deam Schduck ibr a Famillemidglied vom Ruck-durch-Deitschland Herzog seim Weib)

Ôch manni, du bisch so gemein! Du schdellsch mi so bloß, weil i nemlich jetz emmer no et woiß welches Schdick on welches Zidat da moinsch. I han dr's doch schau xait dass mei humanischdische Bildong oifach pheinliche Ligga ufweist. Muasch me jetz dô noml mit dr Nãs neidonka!

Sowieso han-e mein Inderfjubericht vo heit jetz grad ferdich, den geb-e jetz no gschwend ins Onlainformular ei on nôch mache s Glabbtebble zua fir heit. Dô hôschs jetz.

Also dr Roman Ruck-durch-Deitschland Herzog hat d Alexandra Freifrau von Berlichingen keired. Ond de Getz uss däer Famille haddr Geethe sage lâo: "Er aber, sag's ihm, er kann mich im Arsch lecken!" Die drei ledschde Wäedr kommed allardings bloß in dr Urfassong vòer, weil a se - wie dei Vaddr oo, ond du oo - id draud had, so ebbs laut zom sage :-((