Mag id dia Erschd sei, wenne aloinig bin

Moi Gab, ben jâ scho dâ.

Manne, was jetzt, dreißg odr vierzg Eiro?

http://www.youtube.com/watch?v=2u7q81Krih0

I wäer oh amol mea omanand. Dank dr schea fiers Schneggehäusle.

http://www.eduhi.at/service/schueler/cards/Um...

Ond was vrschdohsch nacha Du ondr billig ond deir, manni?

ja, Gäbele, om uff die Fróg middr Flauwrpauwr zrucksomkomme: Ssledschdmól hanze mier die Schdróss zaiget z Berkli, wo sellbexmól alls âgfange kedd hadd!! Hischdooresch senze scho, dó deana!

Dankschee Manne, fier des neie Fädle.

http://www.youtube.com/watch?v=jotsFVJPHIk

Viezg, Schiggle, i hâo nomól nâchglueged.

Femfhondrsemnedreißg Eiro, Zickarle! Hî ond häe!

Danke Manni, fir da nei Schbagat. Faschd hette meine Maniera vrgessa.

Flauerpauer, lang ischs her...

Ond griaß De, candice. Long taim no sie.

Hällouw, Schdiggle ond Gäbele.

*seifz* Vo so am Breis ka i wahrscheints em nekschde Auguschd bloß dreime... Abr s´sei Dr vrgonnd, manni-Burle.

http://www.youtube.com/watch?v=PinGgvMvXhY

Jo, hallo Schuggrle!

Ondr Dollar isch nix wäed: 537 Euro = 785,5773 US-Dollar

Long taim no sie indied. I hao so a baar Sache zom dra knabbre ghett in dr letschde Zeid...

Manni,wenn gohsch nô, un lôsch uns lang alloi?

Schuggarle, wemma äbbs zum Knabbera hott, vrhungrtma scho it.

Zickarle, nó will i bloß hoffe, dassd mid deine Knabbarsacha gued zräechdkomme bisch. Es geid hald sedde ond sedde Zeida em Läebe, ond die käerd all drzue!

I flieg ibr Weinechde ond Nuijór - a baar Däg frienr ond a baar Däg schbädr, wo idd all uff oimól fliege wend.

Knabbre? I hao grad a baar Käschjuh ghett.

I hoff, dass jetz bessr isch.

En Kolleg vo mir isch vor vier odr fempf Woch noch Los Äntscheles gfloge vo Frankfort aus. Hi ond zrick fir 335 Eiro. Ond des war no en de Sommrferie (zmindescht en BW ond BY).

Muss leidr wägg. *frei* danne widrmôls Schdiggle uns Schuggarle hon läas kenna.

Schlofat guat ihr zwoi un du au, Bärle.

naitnait, sliep tait

Dount let ße bedbaggs bait.

Schlâf guat, Moi Gab.

Schlof au räechd guet, Gäbele. I gang oh glei.

Mir dädn Afang Auguschd fliege welle, ond des koh scho deir weare zvierd.

Vo meinre Knabbrsache hao i no a genze Weil ebbs, fierchd i, abr Du hosch scho räechd manni, es hat allz sei Zeid em Läebe.

candice, send Ihr a bissle flexibl mit de Flugdate, also an welche Dääg Ihr niebr ond zrigg fliaget? Nâ gibt's leichtr ginschdige Flieg.

So a baar Däg hie odr häer wäer ganz glei... Isch des eigentli gued wemmr scho demnekschd fiern nekschde Auguschd buche däd?

Candice, i woiß net. I woiß net amâl, ob mr jetz iebrhaupt scho Fliag fier en zeh Monat buche kâ.

Wenn Du scho nix woisch, i woiß scho zeamal nix. Ond heid bi i zmiad zom weidr schdudiere; amend sott i hald amol in a Reisebirro ganga.

*gähn* Gueds Nächdle!

I gang dann au mâl. I wensch rondrom a guade Naachd.

Dó zom Beischbl geiz scho oi, Zickarle.

Fier 1 464.61 US-Dollar = 999.802034 Euro

Ond d Kend schicksch zue Oma ond Opa. Was mießed die scho in deam Aldar uff des Amäerecka nomm? Dr Kaisar Barbarossa isch dó sei ganz Läebe id nâkomme!! Ond dr Scharlemannje oo id! Vo dr Klobaddra gar id zom Rede!

*sich hier au amol breit macht*

Morga zamma :-)

Morcha alli midanand! Bei mir is scho widder 's Chaos ausbroche uffm Schreibdiesch. Un mei neis Audo mechd mr aa Ärcher. Noch 3 Wuch had des scho an Kupplungssschode. Is ersch 3 Johr ald und hat ned amol 50 000 km. Des isch scho mehr wia ärcherlich? Hätt des net 10 Dooch vorher bassiere kenne? No hed is denna nämlich widder schä uffn Houf nougschdelld...
Bruddl... Brudd´l...

Des isch ärgerlich... :(

wir ham vor ~3 wocha en gebrauchta waga gkauft. :(
Geschtern kamn aruf vonner werktstatt... motor totalschaden... kolbafressa.
So ka ma´s geld au ausm fenster blasa...

Du, kou mr beim Modorschade ned widder vom Verdroch zurücktrete? Hob heit nämlich aa scho im Inderned gschaut, weil unseren hemm mir aa erschd 3 Wuche, abber Kupplung is kaa Grund, vom Vertroch zrickzutrete hat uns der Ouwald vom Modorclub gsocht. (I mechad gor ned wisse, was bei unserm noch alles kummd. Der Vorbsitzer muass den gheizt hob wia nochmol was. Werd mol bei der "Werkstatt meines Vertrauens" neischaua lasse uf was i mi do noch gfasst mache kou :-(

Kolbefressar - ôâgneame Kerle!!

Bei de brauchde Audos schdód normalarweis a Ausschluss vo dr Sachmängllaischdong im Vrdrag, dea wo oo fier schwäere Schäde gilt. Dó wäesch nix mache kenne, laidr. Bei am Hendlar gót vileichd ebbs ibr Kulanz, wenn a grad gued aufglegd isch.

Vom Vertrach zurück treta? I glaubs kaum... war von privat kuft..
i wollt a mol schaun ob i rausbekomma ka ob der vorbsitzer vo dem schada wusst.

Abwarta un tee trinka.... nebsher schwarz ärgra un joar...
aus fehlern lernt ma bkanntlich *seuftz*

Werds am obend ma schaua was man sonst so astelle ka um da noch irgendwie an a bissl kohle zu komma...
a neus auto muss immerhin her.. :(

I schdreid mi heit aa scho dr ganze Dooch mid dem Händler rum nebe meim Gschäft. Bin amol gschbannt, ob do noch was geaht. Die soch nämlich, des hätte se net gmerkt, mei anderer KFZ-ler secht abber, des gibt's gor net, dass a Verdrochswerkstatt des net gmerkt hätt. Abber beweise kousch's ne halt aa net. Schalinaya, hald mi mol uffm Laafede, was rauskumme is. Des inderessierd mi coh aa.
manni, derf i ned mid nach Sän Fränzisko? ;-) Des däd mir fei aa gfalle...

mach i Morgenmuffel.
Hoff du schtreidest dich nid zulang weitr... des koscht ja nerva.
Drügg dir de dauma das de erfolgreich aus dr sach ruskommst..

I be widder dô vom Hennadreffa. Schee wars, on gmiatlich, on gschwätzt hemmer ohne Ende, on an wonderscheena Dag en dr Erdinger Therme vrbrôcht....on d' Wahlergebnis mitanander dischgudiert....

Isch äbbr om dr Weg?

Jô, i

un wart wia jend Ôbnd auf di

Awa, Du wirsch grad uff mi warde. Du bisch doch sowieso dâ.

Noi, bin id immr dô. Bloß um dia Uhrzeit halt un iddamôl fr lang. Un dasse auf di wart schdimmd fei scho. Odr, beweißmrs Gegadoil!

Jetzt net mit mir romrechtle, wer was beweise miaßt, gell. Sonschd mach i a baar jurischdische Ausfiehronge.

Bin ganz Ooooohr

Bass uff, sonscht bassiert des fei wirglich. Abbr jurischdisch kâ i net guat uff schwäbisch.

Därfsch au auf Hochdeidsch, Bebbale. Woiß bloß id, obbe nô älls vrschdô

Wenn witt, kaasch etz au bei uns aufda Hoimdrähnr schdeiga. S'Dings hôt oin kauft wellrmr im Sommr id da Buggl nauf nôchkomma isch. Bis etz schdohtdr bloß ummanand - da Drähnr, id s'Dings, s'Dings lait aufm Kanapeee.

Noi, jetz mâg i net jurischdisch.

's gibt doch au Liegerädr. Vielleicht gibt's jâ au en Liegerad-houm-drääner. Des wär dann doch was fier Dein Dings.

*15Minuddeschbädredidier* Ond jetz, bisch scho d'Schdiege nuff?

Wenn des Grät nô vo alloi schdramblad, scho.

Ah, er isch so liab azluaga, wennr schlôft.


Äddid: Bin no um d'Wäag, abr nimme lang.

Also sozusage a Liegerad-Houm-Dräähner mit Hilfsmodor. Wär doch äbbes.

Griaß Gottle - ganz gschwind. Be glei mear furt.

Edit: Da Kluftingr haune enzwischa iebrigens doch gseacha.

Kenndrmr täschda, jo. Schbort im Schlaf, schdatt abnäama im Schlaf

Dann au dâhanna: Griaß Gott!

Griaß Gott Amoisle!

un dschiss - s'Dings schleicht d'Schdiag nauf, i schleich hintrher

Guats Nächtle!

A Griaßle redour ans Gäbale ond ans Schdiggle.

Abrobos: I dua grad vom Bryson "A history about nearly everything" leasa ond hau Haifa iebr Schdiggla ond andre Partikala glearnat. Dees war reacht endressant. Grad got's om da Subbrvulkan, der was ondrm Yellowstone National Park isch. Desch a Waaaaahnsinn.

Guat Naachd, Moi Gab!

Hert sich endressant â Selima.

Guads Nächtle, Gäbale.

Schdiggle, ischs au. Dodal spannend zuadeam, wallr vor allm au dia Karaktäre vo deane Wissaschaftlr beschreiba duad ond des sendr velleicht mangsmol Seckl gwest?! Ond mangche sottane grissne Hond?! Dear Njutn zom Beischbiel der war a Käpsale ... Abr am beschta liesches mol sell. Des gitts au auf daitsch.

So. I be nocht mear furt. Guads Nächtle, Schdiggle ond älle andre Schwauba (ond gfiahlte Schwauba ond Sealavrwandte).

*churzineschneiii*

Gelled, d Anschie isch bi eu da big Tschieff bliibe, oder?
Han das igendwie verpasst... bin die letschte drü Tag chli vil underwegs gsi.

Huhu Fleggle!!

Dr Bundeskanzler wird vom Barlament gwählt. Ond mir hen 's Barlament gwählt. Abbr dr Anschie ihr Bardei, die CDU, isch die schdärgschde bliebe odn werd jetzt dann mit dr FDP a Koalizjoh mache (schdadd wie bisher mit dr SPD) ond dann werd se vo dene Abgeordnete vo dr CDO ond dr FDP gwählt werra.

Vrkirzt hâsch Du also ogfähr recht.

Guad Naacht Selima, schlâf guat.

Vrkirzt hâsch Du also ogfähr recht.
Ebe.

:D

Abbr bloß ogfähr.

Ond wie gâht's Dr sonschd so?

Des Buach vo dem Braisn hau-n-i au glesa vor ama Weile. I han's aus de gleiche Grend endressant gfonda wia Zelima, dui Mischong vo Informazjona on Gschichtla ieber dia Wissaschafdler, aber i muaß saga dass e des von dene Pardiggl enzwischa scho widder weitgehend vrgessa hao...
(aber onser Schdiggle vrgess e nadierlich edda!)

Iebrigns, mô-n-e am Samschdich Middag en Mincha omgschdiaga be en da andre Zug han-e dodal gschdaunt wia viel Leit dô em Dirndl on en Läderhosa romgwuslt sent - i han et gwißt ghett, dass mr gewissermaßa "en Uniform" ufs Ogdoberfescht ganga muaß!

Ungefähr Recht isch au Recht ;-)

Guet.
Bin ez widr weg vo de Schwiiz, zrugg is Usland, im Moment isch no iss, es lauft praktisch nüüt da.

Hey, wen ide Schwiz öppis verbote isch, dörf ichs aunöd importiere, gell?

Des isch a Frâg vom Schweizer Recht. Isch abbr wahrscheinlich so. Wär jâ sonscht net logisch, oddr? Hmm, vielleicht isch abbr en dr Schweiz net alles logisch ... *gg*

Goldammr, griaß De. Mâl gugge, ob i des Buach en mein SUB uffnehm.

Da muemer ebe druscho, den isch es scho logisch ;-)

"druscho"??

Kennschd des bitte iebrsetze?

drauskommen, verstehen
drus-cho

"druscho"??

Kennschd des bitte iebrsetze?

Ond was isch en Dr Schweiz vrbodde? Beschdimmd äbbes, was Schbaaß macht ...

Nei, öppis wo nützlich isch, eich s einzig, wo i dem Gebiet wirksam isch: Brämeöl für Ross. Gits da ebe no, isch aber glaub ide Schwiiz verbote.

"druscho"??

Kennschd des bitte iebrsetze?

Ond was isch en Dr Schweiz vrbodde? Beschdimmd äbbes, was Schbaaß macht ...

*hitzg*? ;-)

Grrmpff. Irgendwie isch dâ äbbes schiefgange.

OInd was isch Brämeöl? Gega die Insekte, uff hochdeitsch "Pferdebremsen"?

On was hoißt "hitzg"?

Ich seg ja: *hitzg* ;-)


Hm, nöd nume Pferdebremsen, dass sind ja nur die fette grosse, sondern au geg die chlinere schwarze.

druscho han i au zerscht et vrschdanda!
drus-cho scho.

On Schdiggle, fir was schdôht SUB? I moin, mr kã jô ausm Kondegscht vrschdau dass des der Schdabbl vo õglesane Biacher isch, den wo de meischde vo ons oimez sitza hent, aber worom hoißt der bei dir SUB?
...*nôchdenkthao*...
velleicht: Schdabbl Uglesaner Biacher? Aber dô isch jô an Genidif dren, des gôht also gnaugnomma uf Schwäbisch edda...

Du mit dim Edith...
hitzge (Verb) -> Schluckauf haben
Hitzgi (Nomen) -> Schluckauf

Söt Unbedingt uf mis Büächergstell ?

Aha, Häggr also.

Ond warom isch des en dr Schweiz net erlaubt?

Goldammr, Abkirzonga sen halt net emmr em Dialekt logisch, odr?

Mr kennt jâ SVOB sage: Schdabl vo ogläsene Biachr.

Ond jetz vrabschied i mi! I wensch Eich no en scheena Âbed.

mhm, kei Ahnig.

*nachwink*

Häägr? Wieso hent d'Roß an Häggr? Des geht doch gar net, weil der ihr Magaschließmuschkel net aufmacht. Deswega isch des ja so gfährlich wenn die a Kolik ham.

Ondr dr Eifel tätn se au an Subbervulkan vermuda ond ondr de Phlegräische Felder au.

Guada Morga alle mitanand. Will da örly Börd sei, deram Gouldibörd sait, dammres vrmisst ghett hon un froh sin dasses wiedr dô isch.

Guada Morga, Gäbale.

I hau haind Urlaub gnomma, balle mid meim Nichtle ens IKEA fahra muaß.

On em Urlaub schdôhsch du am siebene uff, Selima??? Dr Ikea hôt doch etz gwieß no et uff!

Danke, Gäbele, fir dein öhrli-börd-Gruaß!

Guada Morga, Emmrle.

Ja mei, woisch, i be ja ned aloinigs dauhanna ond dr Dengs hat haind ganz bsondrs friah furt mea. Nocht hannemr denkt, daßne au glei ebbs gscheids doa kot (Wäsch sortiera ond wäscha ond a wengale ebbs zämaschreiba).

Isch dô äbbr?

Hmm, kommt druff â ... wenn's om äbbes zom Schaffe gâht, nâ ben i net dâ.

Ohh, waffr an Zuafall, dass du dô bisch!

Noi, da brauchsch nix schaffe. Etz nimme un fr mi scho gar id.

Okeeh, dann ben i dâ.

Heit, beim Hoimradla, isch oinr im Audo ammr vrbeigfahra, der hot ausgsäa wia du - un mei Herz hot sich gfreit.

*iebrleg* Noi, dort war i heit net.

Aha, Dei Herz hât sich gfreit. On Du De net?

Ob sich meine Zea gfreit hon? Meine Hend? Mein Buggl? Meine Hoar? ..... i woiß id. Mei Herz jo (mei Herz bin i)

Aha, pars pro toto sozomsage.

Binni etz au an Teili?

War nôchm Schaffa aufm Geburtsdag vom Godvaddr. Achde ischr worra. Schee wars.

*ineschneii*
*michufmSessellümmel*


Na (das Wort gebts eich im Schwizerdütsche nöd, das hani vo Eu adoptiert), henders im Griff oder hets Eu im Griff ;-)?

Noi, Dei Herz isch des Teil.

Godvaddr? Off hochdeitsch "Pate"?

Hallo Fleggle!

Hmm, des wenn i wisst ...

Hallo Fleckle!

Nix Pate, nix Maffia. Ehar äbbs Nordischs.

Alle drei Kindr vo meinr Dochdr hen an Geddrnama.

1. da Godvaddr
2. dia Donnrgeddin
3. d'Geddin dr Liaba

Hmm, des wenn i wisst ...
;-)

Na, da wäer mr a Odin scho liabr wiara Zeus...

Also war des "Achde" koin Tippfählr.

Dr Geddrvaddr, also Wotan.

Ja, chunt ez druff a uf weli Mythologie si sich bezieht...
Isländisch, Dütsch, Griechisch, Römisch, WeissdeGeier...

Hallo Candice! Wie gâht Dr's?

1. O
2. T
3. F

meh sage id

miar laufd bletzlich d'Nas un ich fiehlme komisch, wenne etz au no bald grunz, ojee

Fleckle, nordisch!

s'Zuggrle hots peilt

un Achde isch koin Tippfählr, er isch Achde worra, ahacht, 8

Genau, wia gohts, Candice.

Honne dr scho vrzellt, dammr Bsuach ghett hon im Gschäfd vo da Schdroßameischdrei vo Markobrdorf?

Griaßdi Schdiggle - ond Gäbele!

S´gohd scho mea, abr sKnabbrzuig nimmd no lang koi End, fierchd i. Außrdeam kradzds grad arg em Hals, dFiaß send kald ond drKopf hoiß - i sott amend ietz gscheidr dSchdieg nab ganga ond mi ins Beddle kuschle.

1 udn 3 isch klar. Odin und Freya. Abbr 2, hmm, Thrud?

Wega dem Tippfehler: Wenn's dr Pate gwä wär, no wär Achde a bissle arg jong gwä,

Ietz bisch mr ens *eddid* bladdsch, Schdiggele - menno!

*eddid* Echd? Aus Marktobrdorf? Schea! Na mueßes ja a neddr Bsuech gwäe sei!

du nab, i nauf - bevormr s'Schdiggle un S'Fleckle aaschdeggad

gibmr hald äbbs vo deim Knabbrzeigs ab, no ischas idda so schlimm

Guad Nachd

bin wägg

Ja, Bazille jeglicher Art chani nöd grad bruuche...

*nachwink*

A guede Besserung, liebs Gäbele. Schlofs oifach wäck.

Ond Schdiggle, i gloob des u isch vorm r ond dann a i. Kennd sei.

Jo, Candice. Nätt waredse. An Doil hot Läadrhosa aghett.

Schdiggle, Donnrgeddin, eigendlich da Donnrgod (un iaran Nama dreidse reid :-)

bin scho widdr wägg

Thor?

Jo, un no a "a" dra

un etz binne ächt wägg

Thrud war eine Asin und Tochter Thors.

Weibliche Form vom Donnergott? Thora?

Guad Naachd, Moi Gab!

un etz binne ächt wägg

I oo.

*alle Bazilla eisamml ond midneam*
*nomml kondrolliera*
*alle eibackd*

Gueds Nächdle!

Und scho sinds alli weg...

Schlâf schee, candice, und guade Besserung.

Alli?

Pfff, mi iebrsiehsch wieder ...

Du bisch ebe z chli...
*gg*

Abbr jetz ben i au weg. I wensch Dr a guade Naachd!!

Edith: o, bisch jâ doch no dâ.

Ja, bini.

Ond, wie isch es dort, wo Du wiedr bisch?

Hoi Fleggle, i be au no kurz dô. I ammer abber bloß ganz gschwend durch. I hao an ãschdrengenda Dag ghett, on i gang bald ens Bett. Morga muaß-e ausnahmsweis môl en dr Friah uffschdao, weil dr Jong Geburtsdag hôt, on dô dur-e nô scho a wengale glugga on mach em a schees Friahschdigg wenn-r schao da ganz Dag schaffa muaß!

Schlôf guad en deim Ausland - hôsch de scho widder a weng eigwehnt?

...on am Schdiggle no gschwend wenka, sait d' Edith!

Ond, wie isch es dort, wo Du wiedr bisch?
schön, friedlich, chillig :)
Aber ez für immer würi nöd dabliibe, igendwie. Aber ich bin immer no überzoge, dass es guet isch, da z si.

Heu Goldammer!

Schlâf guat, Goldammr. *nâchwenk*

Fleggle, wenn's guat isch, dann isch jâ guat.

*nick*

Gell, bi Päckli vo UE nach EU muemer nüüt go deklariere, oder?

Was mached eich dini Zwei- und Vierbeiner?

EU kenn i jâ, abbr UE? Falls Du moisch vo oim EU-Staat en en andre, dann hâsch recht soweit i weiß, weil mir jâ en Binnemarkt sen.

De andre Zwoiboiner gâht's guat, dem nei dâhanna eizogene Läbewäse mit de vier Haxa au, abbr des muaß no zemlich erzoga werde.

Mhmmm tja, UE, das isch sone Sach für sich ebe... sone ganz interessanti Sach... :D


->Herestah und nei sege und lobe wens es guet macht ;o)

"überzoge" find i jetz a echt netts Pardizibb! Des gfellt gwieß am manni au, wenn er des sieht!

ach du liebe Giede, Schdiggle, ihr hent a nuis Vierbeinerle wo mr erzieha muaß?
Des han-e jetz jô gar et mitgriagt ghett! Ha so ebbes!

Ond mit dem Wassersprühgerät âspritze, wenn se d'Vorhäng nuff odr ihre Kralle uff em Debbich scharfe will odr so Sach. Inzwische braucht mr se gar nemme âschbritze, se rennt scho weg, wenn se des Deng sieht.

Goldammer, jâ, a Katz. Die isch jetzt ogfähr elf Woche alt.

UE, klar, franzesisch ...

zie, zoge
überzüüge, überzoge. oder überzügt. :D

Ihr mönd ihre ebe en Chrazbaum zur Verfüägig stelle. *nick*

Die hât scho was zom Kratze. Abbr Teppich send halt au endressant ...

Ond jetz vrabschied i mi endgildig. Guad Naachd middenand.

Morga zamma

*kaffee abstell*

Gude Morcha midanand!
*mein Kaffee dazuastell*
Den Schdressdooch geschdern hemmr aa rum. Drfier is heid widder ruhich. Wie schaud's bei Dir aus, Schalinaya?
P.S.: Mei Audohendlr wollt vorgeschdern scho ouruafa un had's net gmacht. Jetzat bin i gschbannd, wann si aaner meld. Abber i verschdehs scho, der arme Mou... Kaa Argumend hob i eam gelde lasse... *mei fieses Grinse uffsetz*

"Guede Morge" durch die offe Balkôdier reigschrie ond s Zigareddle âzendt ...

Vo dauhanna au an guada Morga. Mir ischs alz wia wenne am Manne sei Zigarettle schniffla kot :-)

Ond balle gescht bei meine Eltra war, honne amole widr a lengwischtischa Fraug:
Git's bei ebbrn vo Ui a andrs Wertle fiars Gnack (vulgo Nacken, Genick)?

Au Dir en guada Morga.

Bei ons hoißt des Gnick, des isch abbr jâ koi richtig anders Wort, bloß a Vokalvrschiebong.

Schad. Abr schea, amol a so anam Vormedaag aufde zom dreffa, Schdiggle. Aubnds isch bei mir ja nemme oft ds Endrnet am Zug :-)

Ond, Manne, Du, iatz hättetr gera gschwind a Elektrogramm schicka mechta, a schbontans, hau abr laidr Dei Adress ned dauhanna. Moisch Du, Du kotsch mr schnell ois schicka? Wannd Drzeit hosch hald.

Bei mir gibbs nix neuus Morgenmuffel :(
Vielleicht ruft dein händlr ja heit no a... *hoff*
I hon geschdern rausfunda das es sei könnt das ma au bei privatkäufa a gwisse zeit sowas wie a garandiee hät... meine informationsquelle isch nur leidr ebbes schwammig... abr nu wollt i mi heut no beiam rechtsvertreta der da a weng mehr ahnung hat erkundiga.
Im moment steht mr d´arbeit nur bise zum hals... mussi also erstma des hier fertig macha..un dann kummts private.
Bin i froh wenni von samstig auf dienstig ma wiedr a bissl schwabaluft schnuppra ka.
Kurzurlaub *sehn*

Schalinaya - Schwóbelufd am Bodesäe? D Weddraussichda send gued fiers Wucheend - viel Schbass! Ond schwädz oo mea, wie dr dr Schnabl gwaxe isch. Des isch a ganz a diefs Gfil vo 'Dahôisei'!

Jâ Selima, bloß bei mir isch's tagsiebr meischdens schwierig weil i jâ drondernai au a bissle was schaffe sott.

Schalinaya, jetzt ned uff Schwäbisch: selbstverständlich unterliegt auch der Verkäufer, der privat verkauft, dem gesetzlichen Gewährleistungsrecht. Aber für gebrauchte Sachen kann man das vertraglich ausschließen. Selbst bei einem vertraglichen ausschluss haftet der Verkäufer jedoch ggf. für Mängel, die er arglistig verschweigt.

Genau Manni.. Schowabaluft am Bodasee :-) Geh ma wiedr na Ravensburg.
Freui mi scho tierisch :-)
Wenn i it schwätz wie mr d´Schnabel gwachsa isch... dann lachet se mi eh aus *schmunzel* :-) Na ma schaua. Gudes Wettr wär natürlich dann no en sonderbonus :-D

Hmm Vertraglich wurde nichts ausgeschlossen Neutrino, ist auch gut zu hören, dass ich mich nicht ganz falsch informiert habe. Werd jetz nurnoch rausbekommen müssen in wie weit das alles wann greift.
Wir gehen ja mittlerweile von nem verschwiegenen Riesenmangel aus :/
Naja, heute abend mal schauen, bzw. am Mittag.

Wenn die Gewährleistung nicht ausgeschlossen wurde, gilt ganz normal, dass der Verkäufer für alle Mängel Gewähr zu leisten hat, die (i) bei Gefahrübergang (vereinfacht: zum Zeitpunkt der Übergang des Kaufgegenstands) vorhanden wuren, und (ii) die nicht verjährt sind (grundsätzlich 2 Jahre, § 438 Ans. 1 Nr. 3 BGB). Die Rechte des Käufers wegen eines Mangels sind allerdings gem. § 442 Abs. 1 BGB ausgeschlossen, wenn der Käufer den Mangel kannte. Weiter: "Ist dem Käufer ein Mangel infolge grober Fahrlässigkeit unbekannt geblieben, kann der Käufer Rechte wegen dieses Mangels nur geltend machen, wenn der Verkäufer den Mangel arglistig verschwiegen oder eine Garantie für die Beschaffenheit der Sache übernommen hat."

Habt Ihr von privat oder von einem Händler gekauft?

Wieni die Rechzâweld kenn, wäez schwäer sei, dass ma deam de Ondrschied von 'arglistig verschwiegen' ond 'listig verschwiegen' eideideg nóchweise kâ! I druck dr uff jedn Fall de Daume!

... und hat der Verkäufer Mängelfreiheit zugesichert?

Hmm, ich weiß gar nicht, um was es geht. Auto? Motorschaden? ... ??

Auto wurde von nem Privatmenschen an uns verkauft.
Laut seiner Aussage -> Top gepflegt und nichts kaputt usw.
Da komische Geräusche zu hören waren, kam er inne Werkstatt... also der Wagen.
Nun haben wie nen Motortotalschaden :(

Muss mir die Verträge die da geschlossen wurden auch noch ganz genau anschauen.. mein Lebenspartner hat da naja die Fuchteln primär drin gehabt. Und nun...tja darf ich suchen.. forschen.. usw.

Bei der Übergabe/Abholung lag der Motorschaden ja wohl noch nicht vor. Die entscheidende Frage dürfte dann sein, ob der Verkäufer wusste, dass der Motor nicht in Ordnung ist und ob Ihr das beweisen könnt.

Werkstatt meinte, man könne davon ausgehen das der Verkäufer das wusste.. da der Kolbenfresser wohl ne gewisse Zeit braucht um sich so fies auszubreiten.
Verhaltem vom Verkäufer war meist auch seltsam, haben wir aber als hm nicht weiter beachtenswert abgetan. Menschen sind Menschen.

Aber genau das ist es.. beweis sowas mal :(
Hab schon überlegt ob ich nich bei der Vertragswerkstatt von dem Typen anrufen soll und mithilfe der Fahrgestellnummer rausbekommen kann ob die da schon was vorliegen hatten. Bin mir aber nicht sicher ob so ne Werkstatt freiwillig so Infos rausrückt.
Hm na ich werd alles versuchen o:)

...bloß no gschwen zu oba, Selima:
I kenn "Gnick" on "Gnack" - letschderes ich allerdengs et sehr gebreichlich, aber wie xagt, kenna dur-e-'s.

Gnack secht mr im frängische zum Beischbiel :-)

Griaß Eich alle beianand!

I hâu grad a weng Drweil zôm Schreiba. Sôoscht mua-n-e grad zêmlich viel schaffa, i lies nommêah mit bei Eich. Drhoim ben-e grad kombledd offlein, mei Netzwerkkarde hôt dr Goischt aufgêah, ônd a nuia baut-se it vô alloi ei...
Abr i gfrai me erschdamôle, dass der Wahnsenn (Ogdobrfeschd - i woiß it, was dau nô Feschd isch?) nôo bald aufheert. Iebr dr Feierdaag flicht-e auf Ulm.

Bis bald!

Eddid: zôm Gnjack sait-mr bei ôns au Kraga ("An Kraga nâa sieht ma, ên Kraga nei it...")

I kenn des Gnack bloß als Gnack. An Krage habba hald, dassba am Gnack idd nackad isch!

Gnick kenn i bloß andrsch romm: knigg- wie kniggreg, abr des isch abbs andrs: so subbr schwäbisch em Kwadrad!

Dr Quadratschwaub isch bei os gniggrig. Ond des Wertle, was mr mei Baba gsät hot, wär Angkha gwest, alzo zom Beischbiel "miar duadr Angkha weah".

Wenn mei Vaddr xed had 'Mier duedr Enkl wäe!' hadda de Knode gmoid, de Fueßknechl hald!

GRIMM:
ENKEL, m. talus, fuszknöchel, ahd. anchal m., anchala f., später enchil, enchila, mhd. enkel m., nnl. anklaauw, enklaauw, enkel m., ags. ancleov, engl. ancle, altn. ökull und ökli, beide m., schw. dän. ankel. nhd. gar nicht bei DASYPODIUS, FRISIUS, MAALER, welche dafür knode oder fersine setzen

Schwäbisch-Augsburgisches Wörterbuch: Anke, swf.: Nacken

Endressant, Hemale, nocht isch des velleicht eanr a mittel-nordbairisch-schwäbischs Wort. Abr zwengscht woiße iatzt, daßnemr nix eibildt hau :-)

Warum sollsch di dôau deischt habe, Ameisele, wenns doch dei Babba kennt? Jetzt hane au nomol in da Schmeller gluaget ond der hot des au.

Die Anken, (Schwab., Frank.), der Nacken. Die Anke, Haaranke, das aufgeschlagene Nackenhaar weiblicher Personen.

I kenn a Anke bloß als Schwägare uss dr norddeitsche Diefebene ;-)

Jiez hâonis all mid meim blede Gschwäz vrdribe!

Jiez send doch id glei asoo lang eigschnabbd!!

Ädidd omm viedl uff neine: Hee dier Schnäbbar!

Wär do äbbr fr fimpf Minuda?

Waidle, waidle: semnevierzg ond femf isch zwaiefuchzg:

Jaaa!!!

Grieß di Gäbele :-))

Hechl, hechl, bin scho do

Haschd a bissle Zeid? Was dued dr Dengs? Ruesled a uffm Kanebee?
Äskil dór descha? U fäddil seesäggsersiß?

So ischs. D'Hend hotr aufda Bruschd gfaldat. Liab luagts sich a.

Zeit hette a bizzle, abr bloß wells du bisch. Fiehl me malaad.

Dó hanze mier z Frankreich amól xonge: Fä dodo, mo 'tidd ursô! Odr so ebbs :-))

Filschde malaad welld mied bisch odr wirkle krank?

Miad binne scho au, abr i glaub, i wirr grank.

Des wär fei a Grond, dassd móere glei dahôi bleibschsd nâflackeschd ond äeschd gar id end Arbad gosch ond wardeschd, bissd richdig krank bisch!

gugg, des singe amml da gloina Bagaasch:

Fais dodo, Colas mon petit frère,
Fais dodo, tu auras du lolo.
Maman est en haut, qui fait du gâteau
Papa est en bas, qui fait du chocolat.
Fais dodo, Colas mon petit frère,
Fais dodo, tu auras du lolo.

un schdatt Colas, da richdig Nama halt

Fä dodo, Manni mon 'ti frärö....

Fä dodo, 'tidd sör de Mwua :-))

Oh Manni *frei*

desch so nett

Guad Nacht!

bin wägg

Jiez hâonis all mid meim blede Gschwäz vrdribe!

Ach Quatsch, manni. I han bloß a bißle ferngseht. Des mit der Anke isch abr lei indressant. Irgendwia isch mir als hätte des Wort scho amol friar ghert ghet.

Morga alle mitanand! Häff a naiss Dei un vrgässed id, damme morga nix eikaufa ka!

Gude Morcha, Moi Gab. Geads Dr widder besser? I fial mi heid aa a bissle ougschloche. Hob mr glaab ledschdens beim Walken was ghollt.

Guede Móege allmiddand, ond dankdrschea fier dean Dibb mibbm Eikoofe, Gäbele.
....
.... (in Kielschrank luege)
....
Abr i brauch gar nix! Hmmm ... was due i nó heid de ganze Daag?

Hôsch du's guat vrwischt, manni! I han nadierlich erscht gescht Ôbad drãdenkt, dass mr heit eikaufa sott. On anscheinend war e et alloi: d' Läda waret so voll wia vor Weihnachda! Kassaschlanga bis hendanom, grädiche Leit, gnervte Kassiererinna - i be zemlich he....

Vegale, am beschde siegsches aso: du hosches allad no bessr wia i vrwischd: du hoschas scho hendr dia ond i no vor mia... :-(

Abr zerschd mueß i ietz no was kocha ganga, om die hongrige Mäulr zu schdopfa, dia nachad hier eifallad. Pfiatdi derweil.

Oh mei, oh mei, oh mei. I komm au grad vom Eikoffa. I hau mr gar nix denkt, komm enda Subbrmarkt ond honme scho gwondrt, daß so wenig Eikoffswäga dau warat (normalrweise nimme koin Waga, sondrn koff lei so vill wia en da Korb baßt). Mr hätt moina kenna, daß d'Läda a Wuch zua hau werat. Wahrtscheintz hätte gege semmne aubnds ganga solla. Dau wärs kommod gwea wartscheintz. Beim Metzgr isch's abr reacht vrträgle gwest - abr d'Grillsäsong isch ja au vorbei.

I schick meischdens mein Mou. Wenn der mit Zwilling im Eikaafswoche un noch am andere Bue drher kummt, no griache die meischde Leid 's grinse un sind ganz freindlich zu eam. :-)
Bin abbr aa froh, dass i sou an Hausmou verwischt hob :-)

Des glaub-e glei! An Mã mit drei Kender em Schlepptau wirgt uff die meischde Leid riehrend, denk-i!

'n Âbed.

'die Ehre!

Schdiggle, Du bisch ja em Vollbesitz Deinr körprlichn Kräfte!

Mr duat was mr kâ.

Hadd a neitreno Kräfte? Bossedive odr neggadive??

Gnuag halt.

Ääääh, Selima, wia moisch des jetz? Hâsch dâ äbbes Beschdemmds mit gmoit? So äbbes wia nur der kerprlichen?

I dur was todal Dekadenz heit Ôbad: i guck den uralda Schdarwôrs-Schenga ã wo dui Szene mit'm Virale Markeding raus isch - des kennat-r doch sicher, oder? Grad isch dui Szene em Film komma on i han me scho schier heglacht, weil-e emmer an die ander Szene denkt hao...

Dô isch der Lenk zu dera Szene uf Schwäbisch:
http://www.youtube.com/watch?v=uF2djJcPO2A

I moi ja bloß, ball Du a ganz QZ vo dr zwoita aufd erschta Seite lupfa kasch.

(Abgseha daudrvo isch des bei os a gflieglts Wort - mei Baba war amol bei am Kollegen vo meira Muadr, der was gleichzeitig mei Daitschlehrer gwest isch, um bei deane an Bronna zom bohra. Am selliga sei Frau, domols Mitte Vierzg ond a Gsiecht wia a altr Sioux-Häuptling, abr a Getua wie wannz d'BB wär, selliga isch alzo em Babydoll ond mit weahande blonde Zoza em Zehaschbitzagang om mein Baba romdanz ond hot äbbl "Herr X, Sie sind ja im Vollbesitz Ihrer männlichen Kräfte" voolr Entzücken ausgruafa - meim Baba isch ganz Aangscht worra ... Ma muaß au wissa, daß mei Baba bei so ebbes ned wia a Tarzan rom duad, sondr halt alz echtr Schwaub enam gscheida Arbatsgwand hatl oschbektakulär sei Arbat duad ... abr des bloß neababbei :-)

I be wartscheintz bald schon mear furt, meine liebe Schwäbla.

*mim Buach drvoschbreng* Scheana Aubnd no :-)

Muaß mir jetz au Angscht werra? Hmm ... abbr Du siehsch net aus wiar en aldr Sioux-Heibdleng.

Ond furt isch se. Guad Naacht.

Goldammr, die Szene kenn i. Kennsch Du die, wo dr Obama uff dera Miteigetiemrvrsammlong schwätzt?
http://www.youtube.com/watch?v=fTYMqVe-MMM

Ond jetz gang i. I wensch no rondrom en scheena Âbed.

Abber nadierlich kenn i die Eigatimervrsammlong au :-D

*zom Fernsä zruckgang - jetz kommz Finale furioso*

D' Edith secht, dass das Guade emmer siegt. I gang jetz ens Bett. Siiju!

Guggat môl was es ßDdruile fir an tolla Link gfonda hôt, den han i no gar et kennt ghett:

http://www.altwuerttemberg.de/schwaebisch/

Dui Seit ensgesamt hôt mr zwôr a weng an arg milidärischa Tatsch, aber die Sammlong vo schwäbische Werder isch guat, fend i.

Ja, des isch halt em Wesendliche die Geschichte vo dem Infanderie- ond schbädr Hoimatschutzregiment "Alt-Wirddeberg", dâ kâsch ohne milidärischs Glomp nix mache ... abbr au des isch jâ Deil vo dr Gschichte (aus heidigr Sicht leider halt en wesendlichr, frijer war des halt normal, denk bloß an des Zidaad vom Clausewitz "Der Krieg ist eine bloße Fortsetzung der Politik unter Einbeziehung anderer Mittel").

Wobei des Zidaad jâ eigendlich moint, dass dr Griag dr Bollidick emmr ondrgeordnet isch ...

An guede Móege ui all!

Dó hasch räechd, Schdiggle! Bloß dass des d Ami im Irakkrieg allad no id gschnalld kedd hand! Die hand bis heid no koi Idee, wie se dó mea rauskomme konnded! A richdege Rrromms-fällt-Bolledick hald ;-((

Emmrle!!!! Uff däer vrlinkde Seide schreibed se ja d Nasale oo mid ^ !!! Hasch scho dei Broddeschdmeil gschickd??


I radle jiez bei am wondrbare altweibrsommrliche Wäeddr d Isar nauf ond lueg no kuuz am Oktobrfäschd vorbei - bsoffene Ami ond Ozzi âluege!! Om zene machedze Zeld auf ond om achde warded die Bsoffene vom Kembingbladz scho mid de Bierfläscha vóer de Êigeng!!

Gmerkt han-e-s, manni, aber brodeschdiert han-e et. Lass se macha, han-e denkt.
Aber zom Thema Haipfl hao-n-e an Ergenzongsvorschlag poschdet. Woisch du was an Haipfl isch?
(Oder de andere?)

Manne, des Bsoffene-gugge-gange hert sich irgendwie nâch Zoobsuach â. *gg*

Hmm, vielleicht gange mr morge midd em neidrinido uff dr Wase, wenn 's weddr gut isch. Abbr mir ganget emmr om de elfe rom nâ, wenn se bei ons uffmachet, on dâ hât's no so guat wie koine Bsoffene. Die Turischte, die zum Saufe kommet, sen jâ Gottseidank fascht alle en Mincha.

Ond om zwoi rom, wenn's allmehlich voll wird, gange mr wieder hoim. Ond om dia Bierzelt mit der laude Mussig mache mr sowieso en Boge.

I woiß net, was en Haipfl isch.

*gschwendreigriaß*

Guada Morga, Schdiggle, Emmrle, Manne ond älle andre Schwäbla!

Emmrle, i woiß au id was an Haipfl sei sott. Neanats ghert.

Manne, haind sends dau gwest, dia vom Mussigvrei. Iatzt hondsme am Wickl - i hau nämmle zufälle au grad a wengale giabt :-) Abr des mim Häs weard a Broblem werra. Er hätt gmoint ebbes vo wegga iebrn Schatta schbrenga ... Iiii woiß ja ned.

Schdiggle, I hau midgriagt, daß ui a Kudrle griagt hond. Zerscht haue scho gmoint, balld vo am Vierbeinr gschwätzt hosch, daßnrn Hond griagt hond ond war scho reacht draure. Abr a Kätzle! Des-sch reacht ;-)

Duade Morge Selima. Mâgsch Du also koine Hond?

*nâchzehl*
*nommâlkondrollier*
Doch, die Katz hât au vier Haxe.

Was sen ihr bloß fir Leit, koiner woiß was an Haipfl isch! Also nôchdem des jô offabar a alt-wirttabergischs Wort isch, sei uich Oschtschwôba noml vrzieha - aber du, Schdiggle, du sottsch des wirklich wissa!

(merkat-r? I be emmer no et em Gaarda...i brograschdinier no a bissle...)

Ned mega isch vorsichte ausdriggt. Wanne guad drauf be, noch ignorierese.

Emmrle, Emmrle, wo fiahrt des no na! Mim Brograschdiniera fangt dr Schlendrian a ;-) Ond was hernocht kommt, des woiß mr ja ... Genußsucht! I sigg scho, wia's Emmrle endr Schäslonge fläzt ond oi eis nochm andra schlozt ond ihra Daagwerk nemme verricht. O tempora! O mores!

Edit om 12:32:
An Haipfl hoißtse bei os Hansale.

Grüß Gott elle mitenand!

Griaß De Maulwurf.

Griaßde, Maulwirfle! Gescht hosch ja bravurös renourniert! Räschbäkt!

Ah Teilchen wie gohts denn au?
Ha, no, ameisl, des bin i dia doch schuldig.

Guat, danggschee dr Nâchfrâg. On Dir? Emmr kräftig am Buddle, odr?

Ameisle, was om 's Hemmls Willa ischn renouriera? Des dät me jetz schon endressiera.

Grieß Gottle au maulwirfle! Long taim no sih! Wo hôsch denn älls rombuddlet?

Mir isch jô so was peinlichs bassiert...i han meim Jonga an Käskuache vrschbrocha fir heit (der hôt dia Dag Geburtsdag ghett), on jetz frôgt-r me grad drnôch, on i han erschdens den Kuacha ganz on gar vrgessa zom macha, on zweidens han-e gerscht en dr Hegdig dr Gwark zom kaufa vrgessa! Er hôt aber schao Gescht eiglada ond-en da Käskuacha vrschbrocha!
I han jetz an Zebrakuacha gmacht (an ronda, gschdroifda Kuacha ausma Marmorkuachadoig; i han en grad en Ofa nei), aber des isch net ganz dees...

Emmrle, des isch an peinlicher Tippfeahlr: retourniera hätt des hoißa solla.
Des mim vrgessna Kuachabacha isch werkle peinlich, des kanedr nauchempfinda.

Leidla, i muaß zor Wäsch.

Griaß dich Goldammerle, i hob emol hia rumgbuddlet und emol do. I hann immmr zu dau.

Meisle A, dó brauchschd iddamól ibr de Schadde schbrenge - oifach im Haufe midschbrenge! A ganz a ôauffelligs Häs ânemme, s gleiche wie die andre, nó schdichschd am wenigschde raus. Dei gfleckeda Darnâzug vo deine Dschongl- ond Wischdeäckschbedizziona wäer dó doch räechd fehl am Bladz, dó dädeze doch äeschd räechd all midde Fingr uff di zaige - ond midd Dschiins oo!

Des Bsoffene im Zoo - zuer Zeid Ockdobrfeschd genannd - âluege isch räechd luschdeg gwe! Die schwaaze Weibr ond die jabbanesche en de Diendl send wirkle a Schau, ond d Iddalenar in de kuuze Läedrhoseimmedaziona oo! S geid mäer Drachdlar uff dr Wiesn als Maschgrar in dr Fueßgengarzone beim 'luschdige Maschgedreibe' in dr Fasnachd!! Abr an Haufe räechd adrädde Deandl send scho oo dógwe - eine waare Augenwaide manxmól :-))
Om elfe send alle Zeld wäege Ibrfillung gschlosse gwe ond die äeschde hand scho vo de Karesell ragschbiebe!


Mei isch des schea gwe, wieni endle mea an dr Isar gwe bi, a wondrbare Lufd vonam wondrbare Frieherbschdnâmeddag in dr Sonne!!

Hrrgttzck, Sch...combjudr. Mâl gugge, ob dene ihr Sabbord wirglich ennrhalb vo oim Arbeitsdag andwordet.

Schdadz ädidd nò hald a Nôchdrag fiers Meisle A (geiz aingdle oo a Meisle B ??):

Des mibbm Häs muesch oifach wie a Kondizia sine kwa nonn - uff Deitsch a nóedwendex Ibl - nemma.
I hâo amól mibbm Wendlingar Domas, des isch selbexmól im Bairische Rondfonk a räechd a bekannda Bandonejonschbilar ond Volxmusegar gwe, z Bariss ond z Mexeko gschbild. Ond däe ond sei Jodlare send dó zue de Aufdridd in Läedrhose ond Deandl in dr U-Bahn gfare. Abr i hâo me schenierd ond dr Bosaunischd oo, ond mier hand a Däsche drbeikedd ond eis allad bloß fier de Aufdridd in eisr 'Berufsklaidong' gschmisse !

Siggsch, nochd miaschtsch me doch vrschdau?! I ka des ned - mitsora bleda Miedrgschicht. I ka me ned sell a so ausschdella - brimitiv isch des. I fend sottane Gloidr a bersenlicha Beleidigong. Ganz ehrle.

I vrschdand di doch! Abr du vrschdoschd mi idd! Ond du vrschdosch nix drvo, wie ma am beschde in Deckong gód ond ôauffelleg bleibd. Du bisch oifach no zjong ond hasch dein Mauzedung id gläese: "Dr Revoluzzonär mueß se in de Volksmassa bewege, wie a Fisch im Wassr" hadda xed, ond nó hanzese middand uff de lange Marsch gmached ond hanze id vrdwische lâo ond hanz dadsächle gschaffd ;-))

Nu muss i wiedr, lassets eich gut gange.
Ade!

@ Meisle A: I hâo sogar no an Frack im Kellar!!

Vo so ebbs Obrflächles däefschd de doch id aufhalde lâo im Läebe!!! Dó muesch doch dribrschdâo :-))

edidd: Wenns dr hilfd, kommi in dr Läderhose zue deim äeschde Aufdridd ond druck dr dDaume :-)
vrschbroche!

Sagst amol, kennst ihr eich erinnere, daß mir dô hanne a Gschichtle verzählt ham, daß d'Schwoba alles kennat, sogar a Gwind auf de dinnschte Droht der Welt schneida? Ond jetz luagat amol des ã, die bohrat sogar Lecher in Hôr - ond des san Baira!

Des Gschichdle hasch du vrzelld ond dSchwóbe däebed oo a Gwind druffschneide kenne, wenns bruuchd, hasch gschriebe. Ond bei deane dicke Hóór vode Baire brauchz id vil, wemma a Loch durchbóere will. Sedde Bóerar kriegsch in jedam Baumarkd ond die senja nó doch mea vom Bosch zGerlinge odr vom Metabo zNürtinge. Kâsch ganz berujigd sei, Hemele :-)

*ineschneiii*

❄ Vo wo schneischn du grad - heanewäez odr deanewäez vom Rhei?

Hêid wäesch ja idd bei eis beim Eikoofe gwe sei - koine Ruckseck ond koine Schubkerre! Alls zue!

Hmmmm, glaubs "deanewäez".

Wieso hedn den ihr zue gha hüt? Fiirtig?


Ich han hüt es neus Hochdütsches Wort glernt *nick*, "der Born", brucht mer das im hütige Dütsch?? Es isch drum i minere Luther-84 gschtande, weiss halt nöd wie aktuell das Dütsch dete isch.
Ich han zerscht gmeint, es heissi so öppis wie "Nachkommenschaft", usm Kontext isch ez überhaupt nüt füregange, was es chönti heisse...

Noi, des isch id modern. Des isch a ganz a aldmodesch Wóed fier Bronne ond Wassrkwelle. (Ond norddeitsch isch es noo drzue!)

  Dó geiz a Oschdsäebad, des haißd Kühlungsborn.  Die Stadt Kühlungsborn entstand am 1. April 1938 durch die Zusammenfassung der drei Orte Fulgen, Brunshaupten und Arendsee.  

Äeschda Abrill!!!

Dó kâsch nó glei säeche, in welar Zeid se des Wóed häegnomme hand. Es schmeckd scho räechd grausleg nóchm dausedjäerege Reich mid seir 'Deutschthümeley'!

Naja, sehr warschinli hend si d Lutherbible 1984 eifach chli überarbeitet und alles, wo mer vom 16 Jahrhundert definitiv nüme verschtande het, het mer gstriche. Es wer ez eich interessant, z wüsse, was ide original Lutherbible füres Wort schtaht.

(Wenn öpis 1984 überarbeitet worde isch, meinsch, dass das no vil mit Dütschthümeley z tue het?? Ich mein 1984 isch igendwie wiiiiit nach Hitler)

Ha! Ich has usegfunde: 1543 sthat adere Stell aus Wort "Born".

Dó isch die Orginalluddarbibl. Du muesch hald zerschd die Schdell sueche, dassd nó in dr Luddarbibl in deam Buech nóchschlage kâsch.

Noja, fier mi isch Born a komesch Wóed, abr wennis in dr Bibl lis, nó nemmis hald als aldmodesch, klassesch, boedesch. I glob, dass no jeda des Wóed vrschdód, abr koir nemmz mea häe beim Schwädze.


edit: Was fier a Schdell isch des?

Aso iiiich han das Wort nonie vorher ghört.

Spr. 5:18a

Des isch hald scho räechd boedesch ond kommd in Formelieronga wie "Born des Lebens" ond "Born des Heils" no vóer.

Dô hen mir doch unsr Bronn drfir wie in Heilbronn, odr it? Im Schmeller schteht der Born au, als Herkunft hotr Spessart ãgeba.

Weil dier oifach koi klassesche Liddraduur mea läesed - Jongvolk!! Bloss no Donald Dack ond Anime!



ein holder born, in welchem ich bade,
ist überlieferung, ist gnade.
GÖTHE 2, 227;

so fliesze denn der holde born der gnaden.
9, 292;

nur dem ernst, den keine mühe bleichet,
rauscht der wahrheit tiefversteckter born.
SCHILLER 72b;

schöpferin aus vollem borne.
RÜCKERT 46.



Ond dr Rückert isch hald oo scho anno seggsesächzg gschdóebe - achzehondrseggsesächzg, gell!!

Natürlich hemmir au so Sache möse lese, aber des isch csho länger her und defür lisi ez Luther 84, dete stönd au no so interessanti Wörter drin.

Rückert seit mir nüt, de hemmer wohl nöd glese. Und de Luther isch älter :P


Soooo und ez schnei ich den mal i mis Chüälschränkli.

Ond i lies so gäere in dr Luddarbibel 1545 (# 219)

Guez Nechdle, Fleckle. Ond deck di id so warm zue, idd dassd móere weckgschmolze bisch ond bloß no deine scheane lange gschnecklede Hóór im Chüälschränkli rom flacked!!.

Ich kenne das Wort Born nur aus der Zusammensetzung Lebensborn, ein Wort das man sicherlich nur in Geschichtsbüchern liest.

*Hemmale n Bussi geb*

Hier wird das Wetter herbstlicher, also bald könnte sich Fleckle hier wie zu Hause im Chüälschränkli fühlen.

@Fleckle: Donald Duck und Anime. Dann bist du eher eine Ausnahme, oder?

Gute Nacht bzw. guten Morgen.

Oh, 's Emimimile hôt môl widder dô reigfonda, schee!

Mir isch au als erschts "Lebensborn" eigfalla. On dann a Audobãraschtschdädde en Thüringa namens "Rodaborn", wo mir môl rein zufellich nãgrôda sen uff dr Fahrt nôch Rügen. Grad han-e se guhglt on rausgfonda, dass des a ganz endressande Gschicht isch: des war di erscht Audobãraschdschdädde ein Deitschland. Der Nama isch 1928 entschdanda, hôt also wohl au scho irgendwo des Gschmäckle vo dera õselicha Zeit drbei...
Enzwischa gibt se 's leider nemme - schad, die war nemlich wirklich gmiatlich on ebbes ganz Bsonders em Vrgleich zo de normale Raschtschdäddana!
Falls es ebber no gnauer endressiert, dô wär a Link:

http://www.hermsdorf-regional.de/autobahn-ras...

Emmrle, dankdr fier dean Link. I hâos gläese ond nó isch mr bei deam Sadz "Als der Pächter in den Westen ging, übernahm die HO die Raststätte." däe ald Widz ussdr Ulbrichdzeid eigfalle, wo óer sein Freind uff dr Schdróß driffd mid ar Rolle Klobabier ondrem Arm. "Uiii, wo gibbsn Klöbabioo? Göömsde ussn HÖ?" - "Näää! Uss dr schämschn Rainischong!"

Schdiggle, @dd dean andre Schbagaad: Nidrsäggsisch isch ibrigens grad so vil odr weneg Deitsch wie Schwäbesch, gelleze?

Ha,des han i mir schbontan au denkt, jedafalls koi Schriftdeitsch ond Hochdeitsch gibts ja eh net.

"Näää! Uss dr schämschn Rainischong!" Pfui Deife! Un des no vorm Friahschdigg.

Manne, i woiß des, abbr mei Vorpouschdr en sellem Fade scheintz net ("Also ich möchte noch anmerken, dass der oben erwähnte Satz nicht deutsch, sondern niedersächsisch ist."). Hätt i deitlich "Ironie" iebr mein Beidrag schreibe solle? Abbr nâ wär's jâ fascht Sarkasmus gwää ...

vrrôdat ihr mir den Fada? Jetz hen-r me neigierich gmacht!

ßDdruile: i han a Weile braucht, bis i den Witz en seiner ganza Scheußlichkeit vrschdanda ghett han.

's isch nix Schbegdagulärs: Siehe auch: Nich' lang schnacken, Kopp in Nacken. [nordde...

Mei Pouschding Nommer elf bezieht sich uff Nommer zehne.

@Schdiggle: Poscht.

Schdiggle, die Eiszeitausstellung isch doch bei dir, im Kunschtbau am Schloß. http://www.eiszeit-2009.de/ Dô hots Emmerle gsagt, daß higea will, wenns a wengale ruhiger gwora isch ond weil dr manni dô au himecht ond i au, kennt ma do glatt an kloina Schwôbadreff macha.

Ach so, die. Mâl gugge, ob i dâ Zeit hao. Bis Dezember sen bei ons fascht alle Wochaende belegt, Segelboot raushole, Ausdauschschialer, Bsuach, Fordbildong, berufliche ond veroismäßige Vrâschdaldonge ... ond dann isch scho glei wiedr Weihnachte ...

Au, ond der Bau hoißt net Kunschdbau sondern Kunschdgebaide.

Mir ham ja allat Zeit ond kenntan das au undr dr Woch macha.

Ondr dr Woch schaff i halt en dr Regel. Mâl gucke.

I dät au sehr fir under dr Woch blädiera, dô ischs oifach net so voll.
Wenn scho net fir d' Ausschdellong, nô kötsch de jô velleicht wenigschdens fir a Tässle Kaffee kurz freimacha, Schdiggle?

"kurz freimache, Schdiggle" - Gäbele, des wär eisr Gelegnhaid!!

ach manni, du S....l, etz wur-e jô fascht raot, so han-e des doch net gmoint!!!!!!!

edit (/zu mir/.... soll-e des jetz so lassa odr isch-r nô womeglich beleidicht? I glaub eigntlich et. I lass-es /zu mir aus/)

Emmrle, was muesch du oo allad meine Briefla fiers Gäbele läese!! Näebe dier heddi in dr Schuel id hocke welle!

ao net wenn-e de hett abschreiba lao?

Du mi? Noinoi! Äjer omkerd ;-))
(Obwohl, die Addrackdiwedäd vo Fieß in Kuefellklox ... )

Des han-e selletsmôl no koine ghett.
Also kenna mr ons dahingehend einiga, dass mr, wemmer nebananander xessa wäret, ons je nach Bedarf heddat abschreiba lao?

Ich will auch mitmachen, aber das geht leider nicht.

Gerade wollte ich schnell was erledigen, aber ich schaute aus dem Fenster hinaus, und es regnet in Strömen. Der Parkplatz ist voll von Katzen und Hunden, die nieder regneten. *bisschen 6-gängisch reden woll*

Gudan Ôbad Emimimi!
Jetz hôsch mr en mei Edith neigmoschdet! I han grad no ãfiaga wella:

@manni
(Odder behaubdesch du tatsächlich, du heddasch nia a'gschriaba, on bloß andere a'schreiba lao? Des kann-e fascht et glauba!)

@Emimimi
Nô wartscht halt no a weng mitm Erlediga on duasch no a weng bei aos mit!

Gudan Ôbad Emmerle. (Fehlt ein Komma vor deinem Namen, oder nur auf Englisch?)

Das du i do. ;-)

I nemm's halt uf Schwäbisch net so ganz genau mit dr Zeichasetzong. Gnaugnomma miaßt dô glaub-e scho ois nã

Willsch uf Schwäbisch au korregiert werra? Falls ja:
Des du i do dät mr net so saga.

I dät saga: Des du-r-i ao oder so ehnlich

Emmrle @ a'gschriaba - a'schreiba lao - des isch so lang häe, i waißes wirkle nemma! I glob, des hammier nie id dâo kedd, so brav send mier selbexmól gwe:-)) (...ehemmmm....)

A²µ³, gib bloß obachd, dass di dr Dierschudzvrrêi id vrdwischd mid deine raagreangede Hond ond Kadza!! Odr dr amäerekanesch Adejazee wäeges deam eigschrenkde Bladzangebod fier Audos, vóer laudr Vichr!

ädidd: die Idee mid däer Bindong bei 'Des du-r-i ao' *) isch nó schbädr oo vo de Englendar ibrnomme wóere als 'an idiom' schdadd 'a idiom'. Ond es kudd dadsächle bloß uffd Ausschpróch â - des handr oo vo eis!!

*) Bei mier dahôi wär des Des due-n-i oo.

Herrschaftseiten, is da des wieder a Gwurl dô herin.

Jetz muaß i gschwind was sage. 'S Schdiggle hôt im letschta Zählfada gsagt, das es zwoi Röhramonitor dahoim het, de koiner will, no hab i eam gschrieba, daß e oin braucha kennt, weil meiner grad dabei isch, an Geischt aufzumgeba. Ond i hommer denkt, wenn i de Ausschtellung z'Schtuagat bsuach, kannt ma den ibergeba. So isch des komma.

Ma mechts net glauba, i bin mehrere Kilometr von dr Wiesn weg ond i her trotzdem a gewisse Geräuschkulisse. Muaß dr Wind wohl grad ginschtig schteha.

He Hemele, ädd "Muaß dr Wind wohl grad ginschtig schteha"
Glei isch romm fier huijer. Jiez sag bloß, du bedauresch des ;-))

ädd zwaihondrdzwaieviezg: Emmrle, wenn des "du S....l" du Schlingel haiße soll, nó nemmsches soford zruck!!! So an Sauzuig schreibd ma dó hinna id!!! 'Saulaggl' däd i mier ja no gfalle lâo. Aber Schlingel - also nââ, alls was räechd isch ...

ääähm....Schlingl wars edda, also muaß i au nix zrucknemma...Saulaggl wars abber au et...

Des S...l vom Emmrle loßt ja Haifa vo Endrbretatzjona zua: Seckl, Sempl, Schbezl, Schbatzl ...

I eißer me dô jetz vorsichtshalber nemme drzua...

Schadzl wäez gwe sei - bairisch!

Ja, wartscheintz, ond iatz scheniertsese. So weards sei. :-)

Wäe dóhinna mid bairesche Ausdrick ommanandwiefd, hadd oo allen Grond zom Scheniere! So ebbs Gschäez seba oifach id, iddamól wemma in Kuefellklox romschdood schdadd in Durnschue odr Sniikars vo Converse !!