Hallo, manni3. Bist du noch auf?

*Edith* Eher nicht. Emmerle, vielleicht? Oder Hemmele?

Gudde Morcha alli zamme!
Dank schee manni fir de neia Foda... ;-)
Gäbele: Mehli kenn i nedd. Is des nur a Begriff fir an Mehlsack odder au noch andere Sache?
Auweh, heid mach I meim Nick widder alle Ehre... muass glab ersch mol noch an de Kaffeeaudomad ;-)

Guda Morga, Muffale!
Dau hosch de doch gesch ned blamiert, Muffale. Des hosch ja ned wissa kenna.

Manne, horch, vorrin isch's grad dreiviertl achte gwest;-)

Guda Morga mitanander!
's Emimimile hôt da nuie Fada eigweiht, schee!
(aber bsscht, om nôch de ois en dr Naacht ben i allermeischdens em Bett!)

Ameisle, vorhin, wo e mein Jonga gschwend ins Gschäft gfahra han (gerscht isch'r nemlich mit seim Rädle ãgfahra worra - zom Glick nix Schlemms, bloß an Achder em Rädle), isch em Radio komma, dass es heit bei eich donna scheinz noml Fehn geit - I wensch dr, dass de drotzdem vom Kopfwaih vrschont bleibsch!

Guda Morga, Muffele, hôsch enzwischa an Kaffee ghett? I kennt jô morgads net glei Kaffee drenga - frihaschdens middags. Abber i woiß, dass viele des morgens brauchat.

Dankdrschea, Emmrle, abr bis iatz got's no.

Wia isch des mit deim Bua ganga? Hotn a Autofahrer iebrseacha?

Ou, Emmerle, do hat er abber Glick ghett!Guat wenn sunsch nix bassiert is. Weil's Fohrrod kou mr ja widder richde.
Ja, mein erschde Kaffee hob i scho ghett. Drham schau i immer dass i aussm Haus bin, bevor mei zwa Glani aufwache, sunsch gibt's Theater.
Abber i bin glaab Kaffee-sichtich (manchmol werra's an die 7 Dasse ibbern Dooch), mei Moche (Magen) nimmt mr des alls amol iebel :-(
Kennd anner vo eich sunsch noch an Drigg, wia mr morgens fit werra kou ohne des Zeich?

Muffale, i ka dr sa, daß des gott. I muaß emmr mal widdr aussetza ond auf Tee omschdeiga. Des got, globsmr. Beim earschta Mol hanne an echta Törki ghett, so reacht mit Zittra ond Schwitza ond Koopfweah. Dau hanne ned schleacht gschdaunt.

Grindwäe scho om viedlibrneine, Meisle A? Du dueschbr echd laid!!

I muaß ebbes beichda:
Mei Dengs on i waret heit auf der "Eiszeit"-Ausschdellong z' Schduagert. Des war a reladiv schbondaner Entschluss, on i han denkt, wenn-e mit uich zsemma gang, gôht dr Dengs beschdimmt et mit, weil-er des net het wella, mit so õbekannde Bekannde vo mir dui Ausschdellong ãgugga. Also han e 's jetz oifach so gmacht.
I kann eich abber jetz drfir schoml saga, ganget õbedingt dô nã! I fends wirklich lohnend. A richdich guats Ausschdellongskonzebt, ãschbrechend on endressant gmacht.
So an Audiogaid embfiehlt sich sehr, mr kã selber entscheide, zo welche Thema mr sich an Sermon vo dem Gaid ãhera mecht on kã so manches vertiefa, was oin bsonders endressiert, on anderes weglassa.
I ben so lang dô dren romgloffa bis mr d' Fiaß waihdao hent on e nix meh uffnehma hao kenna. I han mr nôch den Kadalog kauft, jetz kã e alles drhoimt no en Ruah nôchlesa.

Drnôch hemmer no en dr Markthalle ebbes gessa on sen no a bissle en dr Schdadt romdappt. Zom Schluss semmer mit dr Zacke (Zãhradbãh) vom Marieblatz widder nôch Degerloch nuffgfahra, wo mr 's Audo schdeha ghett hen.
A wirglich schees Ausfliagle.

On wia xagt, älle dia wo en vrtreddbarer Entfernong vo Schduagert wohnat on sich fir dia ganz alde Menschheitsgschichde endressierat soddat sich des net entgeha lassa!

http://www.eiszeit-2009.de/

Vegale, desch abr etz luschdig. Mei Fehla un i wellad mid Dingsrs un de Gloine dô na. Grad vorhär hemmrs davo ghett. Wenns diar gfalla hott, nô gfalltmrs au - desch gwieß.

S'isch dreivorviertlvorneine

isch äbbr dô? (ka au nix dafiar, danne immr grad a Weile honn, wenn ihr koi Zeit honn)

Jiez däd i grad amól reiglueged hâo ...

Des dreivorviertlvorneine nemmsch abr zruck! Des arm Meisle A so vrwirre!!

Manni, bisch no dô?

I nimn nix zruck,am achtnôchviertlnôchneine, gä!

I hâo grad in dr Siddeidsche gläese ond d Zeid vrgesse! Jiez schdand i dier vol ond ganz zuer Vrfigong!

Agee Manni, s'roicht gradno zum bonn nuiii saga. Wenigschdns dees.

Borbieremrs amend morga nommel? Bin wägg *schnarch*

Gued schnarch! Schnarchd dei Dings die zwaid Schdimm drzue?

Gäbele, desch a sehr guade Idee, dô die Kloine mitzomnemma. Desch au fir Kender sehr gut ufbereidet, 's geit fir Kender an egschdra Audiogaid on sowieso schbricht des dia ã. An oira Schdell kã mr zom Beischbiel in so a nôchbaude Onderkunft richdich neischlupfa, so Sacha halt.

('s isch zeah noch vierdl Elfe! :-D)

S isch viereviezg nóch viedl uff zehne!
Wemmr scho grad beim Urevrgleich send!
Ma kudd abr oo viedlnóchviedlnóchzehne sage!
Odr viedlnóchviedlibrzehne.

Om zehn nôch dreiviertl achde no koiner wach! Schlôfmitza!
's Muffele hôt wahrscheinz no koin Kaffeeaudomat gfonda, on de andre hent vrpennt, oder abber se schaffat so viel dasse gar nemme dô rei gugga kennat en dr Friah!

(I will froh sei, wenn se am Wochaend endlich dui blede Sommerzeit omschdellat, desch doch koi Sach, dass em Ogdober am achde no halba donkl isch!)

Guda Morche Emmerle!
Bin scho do :-) Un i werr amol brobiere, ohne an Kaffee klarzukumme. Siggsch, jetzat waaß i a weshalb i als am Wucheend sou Schädelweh hob, wenn i ned sovill Kaffee dring...
Hob mir grod amoll die Seite vo derre Eiszeitausstellung ougschaud und i glaab, do werre mir amol Oufang Novembr nougeahne. Mei Großer is doch so inderessierd an denne Sache un Schduergerd is a ned ganz a sou weid fort. Dank schee für den Tip!

Guada Morga!

Muffale, desch isch an guadr Afang. Ond wann nocht amol a wengale abschdinent warsch, schmeckt dr Kaffe dreimaul so guad. Globsmr :-)

Ond ui kennatze auf uire Belmeß schdella ond mit de Zeacha waggla: 's isch zwoi Minutta nauch dreiviertl neine.

Uff de Billmes schdelle moanammóges om viedluffneine? Dó däbr ja a ganza halba Liddr Kafeee ussm Maul loffe ;-((

ädith om viedluffzene:
Meisle-A, i hoff, dasses deim Grind bessr gód :-)
Soschd däd i dó no a ganz a guez Hausmiddele von am ganz am guede Freind wisse, däe wo mier amól gróde hadd: "Du muesch zóbed a halbe Fläsche Wisgi saufe ond zwai Zihgar drzue rauche. Nó hasch am nägschde Dag des Grindwäe jednfalls wenigschdns id vom Fehn!"

Meisle-A, es reanged ond s Kobfwäe isch däffenedif nemma vom Fehn!
I will hoffe, dasses vorbei isch :-)

Grad kurz nâch dreivierdl achde ... ond neamrds dâ ...

Scho, abr dann au glei wieder weg, wega quer.

wega quer

Des muaß mr abbr ned vrschtea.

br-online.de/quer - beschte Sendung im ganza Rundfunk.

dreinochviertlnochachde

i bin dô

Zum Grindweh: I honnamôl an Scheff ghett, der all zuamr gsaid, wenne Schädlweh ghett hon: Desch normal, dô vrsuacht bloß da Kerpr da Kopg abzschdoßa

Schdiggle, bisch no dô?

Edit: oi, sexnochviertlnoch wow

neizeh vor dreivierdl neine ...

vieze nóch viedlibr!

viedliebr? wa soll au des sei? I kenn vial liabr. I kenn au no andre Sache, abbr viedliebr?? Kerle, schwätz schwäbisch, nâ vrschdehd mr Di au!

dreize vóer viedluffneine: Jiez hâoni grad dÂschdald xäeche ond gang amól oine rauche ...

Beäss: Allad die Haubdschdäddar mid ierem Honneradzioreschwäbesch ...

achdbisviertlvor

ich muaß etz an Film mitam Klint Iistwudd luaga...

Schdiggle, des hôt dodrmit zom doã dass dr manni zo vierdl neine lieaber "vierdl ieber achde" secht, on des hôt-r halt so komisch zsemmagschrieba.

Em Moment ischs iebrigns femf vor dreivierdl naine.

Mir sen ganz schee dubbelich druff älle mitanander, odret?

zwai vóer viedluffneine!!!

Ond soschd? Dr Fehn isch romm ond wie góz ui?

Scho mea all fudd :-((



Seid eisr Bfarar des nuie Audo had, haz Berwangar Weible xed, isch a kaum naus uss dr Kieche ond scho mea beim Deifl!

Bald isch vierdl zehne, ond nix mit iebr oder ondr odr uff odr so Gruscht.

Fier die Gschdudierde ond d Hoddwolee: Äss isch oisezwanzguerfuchze!

Sag i doch: vierdl zehne.

Ond was isch jiez dódrvo dr Vóerdl, wenn ma so kribbdesch vo vierdl zehne schbrichd schdadd dass ma klar sed, es isch viedlibrneine? Dass a baar zschbäd kommed zom Miding?

Des isch doch net gribbisch, sondern ganz logisch, nämlich a Vierdl vo der zehnde Schdond. Abbr vierdl iebr ond vierdl uff isch mea wie gribbdisch. Ond fer a Mieding däd i uff oinazwanzig Uhr fuffzeh eilade ...

Des isch logisch? Hmmm ...
Abr okei, i hâo koi Griechisch idd kedd, i will drs gloobe!

Ond jetz isch glei dreivierdl zehne ...

I wensch Dr a guade Naachd!

Gued Nachd!

Abbrobo Nachd: Des isch scho des, wenns donkl isch, odr haißd des bei ui oo andrsch?

Also, jetz om elf vor dreivierdl elfe ischs eindeidich Zeit fir mi zom oms Eck nom ganga. I nemm den tolla Ausschdellongskadalog - eigentlich ischs koin Kadalog, sondern a Begleitbuach, sehr guat gmacht on sauschbannend - mit ens Bett on les no a wengle.

Guda Morche midanand!
Emmerle, jetz hob i denkt, dass mei glaaner ubedingt uff die Ausschdellung will, jetzat secht der, des will er gor nedd. Weil Mammuts und Säbelzahndicher und Höhlemenscha hat er ja scho gsecha... Noja, muass i hald schaue, dass i a Feindi oder jemand andersch noch ibberreda kou, do mid nouzugeahne.

Guede Móege middanand.

Ond hee Muffele, jiez hâoni mi ibr a Schdond nix bouschde draud, weil i allad denkd hâo, dass du uss deir Feindin ewendowell doch no a Freindin mache weddesch - scheinz idd ;-)

Neine isch's ond haind hanne no koi Koopfweah. Deff au nemme komme, ballne haind ds aubnds auf a Konzertle gang mim Dengs on meinr Schweschdr ond der ihram Dengs. Mei, dua i me gfreia. Des werd a Sach!

Guada morga iebrigens.

Nauchtrag: ond zwengs osr Schdiggle isch a Logikr ;-)

Ou manni, des wor liab vo Dir.. Du hasch nadierlich Reechd... Sou geahts wenn mr ohne an Kaffee Sache schreibd.. A Freindi nadierlich :-)

Ameisle, vrzehlsch ons no, was fir a Konzertle des isch, mô-n-ihr nãgangat?

La Brass Banda schbielt. Dia wott ich scho längscht mal laif heara.

Ich hab jetzt dô noch net alles glääse, abber än Schwôôb sagt doch bschdimmd net "vierdel vor" odder "vierdel nôôch". Des muß eindeudig haaiße: "dreivierdel" unn "vierdel". Alles onnere däd mich jetzt bees verwirre. Wo ich doch in ganz Detschland immer mei Art, d'Uhrzeit ze sage, firr die Bleede ergläre muß!
Bei mir isch ibbrigens grad 4 vor.

Darth, i kâ dr gared sa, wia me des gfrait :-)

Ha, no oiner/oine vo dr "Vierdl-dreivierdl-Frakzjoh"! Dô isch onser armer manni jô jetz bald a schitzenswerde Minderheit!

Du hersch de au a bißle hohelohisch ã - säh i des richdich, Darth?

Grießdi, Darth!
Wenn du des middr richdege ond falsche Uerzeid vielleichd oo wisse mechdesch, nó luegesch dó. I hâos zwar scho efdr vrlenkd kedd, abr sgeid allad mea a baar, die wos no idd wissed.

Ond sgeid sogar hi ond daa oi, die wos gar id wisse wend ;-(

Jednfalls dank i dier fier dei Midgfihl, Emmrle - die embaddifäjige Weißbildr mag i oifach gäere :-))

Jetz ischs drei Minuta auf viertel iber oins, manni dô hätsch jetz gnua Zeit ghet deine Weißbildr no a b zum schbendiera.

Nooi, ich bin net ausm Hoheloische. Ich bin ausm frängische Daail von Bade. Also ausm Middelbadische, um genau zu sei.
ich bin ämol gfroogt worre, wo denn Middelbade biddschee sei soll, do habbich gsagt: des geht von Raschdadd Nord bis Raschdadd Süd. :-) Gnaau gnomme g'heert abber es unnere Murgdaal aau dezu.

Hey Hemele, Weißbildr isch scho richtig fier mi. Als Kind hâoni mi allad gfróged, warom d Mannsbildr id oo so an scheane Name hand wie d Weißbildr, die wo so haißed, weil se im Sommr uffm Feld weiße Kobfdiechr aufkedd hand ;-)

Darth, jiez wäer i glei amól im Guglörß luege, wo des isch, wo du häekusch!
D Raschdäddar Tauern wäerez ja idd sei ;-)

Neulich war ich ibbrigenz uffeme Geburzdaag, do ware aau zwaai Fraaue aus Schduddgard doo, unn die hänn so schee gschwätzt - es libbschde hätti mich zrickglähnt, die Aauge zugmachd unn ooifach mool ä Weile zug'heert. (Unn des als Badnerin zuzugäbbe, isch scho mudig, findener net? ;-))
Des habbi dann am nägschde Daag ooinere erzählt, unn die hat doch gladd und sauwer gsagt, dass änn Monn noch so än subber Adonis sei kennt, wenn er schwäbisch schwätze däd, dann wär bei ihr alles Indresse verlore.
Des hat mich dann doch gwunnert, abber so sinn die Gschmägger halt verschiede.

Was mi an mei Urgroßmudder aus'm Hohelohische erinnert hôt, des sin die lange Wokal, dia wo du benitzsch, Fraaua, haaißa on so. Desch wohl der frängische Eischlag, odder?

Iebrigns, worom hoisch jetz du ao "Darth"?? (Wemmer frôga derf)
Mir isch dô glei des dô eigfalla, des kennat-r sicher, odret?

http://www.youtube.com/watch?v=uF2djJcPO2A

(I kennt me jedes môl widder von neiem kabutt lacha...."Herr Veder, lasset Sie den Mã en Ruah!" - i griag me nemme ei!)

Also, des war sooooo:
Darth kommt von Darthula und hat mit dem Väider nix zu due. Als ich mir denn Noome ausgsucht habb, hämmir im Chor grad ä Lied iwwer ä Darthula gsunge, wo mir gfalle hat, und so kam des.
Abber die Leit sinn halt immer zu faul, den ganz auszuschreiwe, deswege habbich mich schu droo gweehnt, daß halt Darth draus gworre isch.

Des is inderessand... Obwoll i Darthula aa ned kenn. Mei erschde Assoziation war aa der Veider :-)
I verabschied mi amol bis Dienschdooch. Hob am Mondooch an Arzttermin un no hob i glei ganz frei gnumme (wall warde muass mr ja aa..).
Schäns Wucheend eich alle zamme!

i griag me au nimme, Goldi. Des honne unsra Margetingabdoilung gschiggt.

Hon grad no de Kindr a Gschichd vorgläasa, etz muane an Film aluaga - s'isch eh selda, damme so äbbs indressiert. Bis nocher!

Hôsch du des ährlich no et kennt ghett, Gäbele?
Nô isch jô grad reacht, dass-e des môl widder ausgraba han!

I muaßn no a Wesch uffhenga on an Kuacha bagga mô-n-e morga zo ra Vrãschdaldong mitbrenga soll...also vrabschied-e me schoml. Velleicht gugg-e no kuurz rei schbäder.

I luag etz au nomml rei, zum guad Nachd un schlofat sche sage.

Schlof sche, Vegale.

Gut Nacht Gäbele (aus ra andera Gwelle woiß i, dass d' no onlain bisch!!)
I han d' Wesch erscht no net uffghengt, weil e ewich mit ra Fraindin am Telefon grafflt han...abber dr Kuacha isch was worda on dufdet õvrschemt guat...

Hasch mitm Schose dellefoniert?

Du liebe Giede, was isch'n mit onserem Schbagaat bassiert? Vierazwanzg Schdonda on zeah Menudda hôt neamerd ebbes gsait!
Mô isch'n bloß der manni, on älle andere?

Guede Móege, allmiddand!

Ond an scheane Sonndag wensch i ui :-)

Ja mei, 's gibt halt immer was zum dua.

... ond manchmól oifach nix zom sage, Hemele ...

... odr an oim Obed zom Kässchbaddza essa gao, am Wochaend zom Hochzeid feire fudd sei, ond ietz zom todschaffe ond dr vrsäumde Arbeid zom hendrhäerhechle...

aha, 's Ziggerle isch widder ufftaucht. Mr hôt de vrmisst ('d susigju driba em CC).
Hôsch wenigschdens au Feria?

N'Ôbnd Zuggrle und Vegale. I wär au a Wengle do.

Feria san erscht nägschte Woch, mir ham friar sowas net ghet.

Bin jetz beim Schtammtisch.

Griaß mr da arizonadö und da manni, Hemmale! An scheena Ôbad eich alle!

Nô denn, guads Nächtle!

Vegale, wenn i Feria hett, na wäer i scho efdrs do heanna, des kasch glooba.
Abr i wäer mi scho no gschwind em CC oo melda...
Ietz mueß i weidrschaffe!
Schlofeds nachad gued, all midanand.
(I bi so froh, dass es ietz wenigschdns scho hell werd wann i ind Schuel fahr. Dr Sommerzeid wein i koi Träne nach!)

Hallooo? Is do ebber?? ;-)

Hĩ ond daa bini dó.

Haschd scho ausgmuffeled om viedlibrelfe? Guede Móege!

Griaß Gottle, manne ond Muffale!

Handr gescht no laang trankteiblt?

Noi, mier hand oo glei asoo zald ond send gange. Was heddebr oo one ui zwai no dôe solle? Schófkobfar send soweso koi mea drbeigwe :-((

Boschgribbdem: Sämandesch xea wurs woll äjer traibdeible haiße mieße, odr was moisch du?

Noo a Boschgribbdem: Däe Kaisarschmaare isch doch a wenk viel gwe. I hâo bis om viedlibrzene warde mieße, bis i meine femf Hofbfischdarsonnebloemefrieschdixrangge naabróchd hâo! Abr midd drei Häfela Kafee isch nó doch noo gange :-))

Ah, Du moisch, daß des vo deam Schdamm kommt? I hau emmr denkt, daß des vom Hoolz kommt, an deam wasmr sitza duad.

Du hättsch deane oglearnte Schdammdischlr ja 's Schaufkopfa beibrenga kenna, daßmr 'snägscht Mol dau denna schaufkopfa kenntan. Dau werandr no a Weile bschäftigt gwea :-)

Mei Assezadziô isch, dass mier vom Schdamm däer Leoniden send ond a Schdammesdräffe abhalded.

Des Erkläere hâo i glei mea aufgea, weil i mibbm Alde âgfange hâo ond dr Kiron soford eigschnabbd gwe isch! I hâonem zwar no klickre welle, dass i des bî, abr dó ischa scho duss gwe bei dr Dier ;-((

Na, Goooodseidank warsch no ned bei de Saua. Ich mecht ned wissa, was des fiar an Aufschtand gea hätt.

Ja, ausgmuffelt is... :-)
Ou, ihr hebt geschdern Schdammdiesch ghett? Des is beschdimmd rechd inderessand, wenn mr noa dia Leidli mol bersenlich siaht.
Irchendwie mechd mr sich ja a Bild vo denne Leid hinderm Nick, abber i denk, ihr kenned eich wahrscheinlich alli scho persönlich?

Des kã koi Schwôb net sei.

Genau, Hemele.
Ond fier seine Fandasia isch scho a jeda sell zueschdendeg :-))

I komm grad todal he vo dr Chorbrob (zwoiahalb Schdond, mr send a weng em Schdress weil mr's no et so guat kennat...) - des war jetz grad 's ridiche Wort zom Feierabend. :-D
Danke, manni, dass da des ausgschbioniert hôsch on ons riebergholt!

bluesky went to the Stammtisch? *imagining bluesky dressed up, wearing a puffy, white cloud*

So, how was it, manni3, bluesky, Selima? Maybe next summer I'll make it to Europe and take part in a Stammtisch. Right now the dollar is pretty weak, though, so it's rather frightening to think about how expensive everything would be.

Well, I'm exhausted, so I'm going to finish my tea and take a nap.

A²µ³ - i gfrai mi wansennig uff an Schdammdisch mid dier :-))
(I am looking forward to tribetabelling with you :-)))

And no, it was not a puffy white cloud this time, but I can just affirm once again: High heels make really wonderful calves :-)

Noi, koi puffy white cloud abr wennsch negscht Johr wirkli kommsch, dann ziag i vielleicht a puffy white blouse ã. Dô schteht was, wia i ausgschaugt hab. I schick dr au a Bildle morga.

Des hosch nett gsagt, manni.

Bei eis haz an faschd schdralend blaue Heml mid a baar Schlaiarleswelkla ond fuchze Grad uffm Ballkô. I gang jiez amóle zom Radle.

Bis schbädr!


D'DuSenz konnd ja oo mea amól kuuz reischmecke ond Grießgoddle sage zue de Leid! Sovil Zeid mueß sei zwischm Ross fuedre ond schdrigle ;-))

Griaß Gott.

Abbr wahrscheintz isch äwwl neamrds om dr Weg.

Hao e's doch gwisst ...

Nâ gang e halt wiedr.

I bi scho dó gwe, abr a Freind habbr grad sei Bassklarenedd bróchd. Dó hammr glei mieße a bissle Musegg mache ...

Kamm bägg, Schdiggle kamm bägg!

Manni, bisch no dô?

Amy-mimimimimimimi - wennda kommsch, wille fei au dbei sei, gell!

I bi mea dó!

Wennd Eimi kudd, des wäed a Feschd :-)))
A amäerekanesche Schwäbin!!!!

I be au no dâ.

I au.
Nô semmer jô scho an ganz guader Glubb fir heit Ôbad, odret?

Schdiggle, vo dier habba ja scho räechd lang nix mea gläese kedd! Hasch allad so viel z dond?

Manne, des au, abbr i war au graad a baar Daag weg.

Weg beim Schaffe? Nó wäesch fróe sei, dassd mea dahoi bisch!

Etz binne abr froh, dannr no dô sin.

Äddid: I bin si miad. Miadr as miad.

Hôsch viel am Bendl, Gäbele?

Jo, scho. I merks dodra, danne koine Imails me schreiba dua un d'Freind vrnochlässig un des nervdme allmählich. S'oinzig, wanne no dua, isch in Schbagaad neiluaga.

Un etz isch zapfaduaschdr, i gang ins Neschd. Freitme, dannede no vrwischd honn :-)

Gäbele, vrgiss fei de Schose idd!! Des meged d Mannsbildr id so gäere! Guez Nechdle!

*ganzganzsüferlidureschneiii*

❄ *vóerfraiduffdewendr?*

(Was i scho lang amôl han frôga wella: môrom saget ihr ällaweil Schose zom Gäbele ihrm Dengs? Isch des womeglich a vrballhornz Franzesisch fir Dengs oder was?)

*am Gäbele no a guats Nächtle wensch* Schlôf schee!

Edith ans Fleckle:
Was ischn süferli?

Schose, ja, franzesesch ganz one Ballhorn!!

Jetz hao e grad no äbbes gässa.

Guad Naachd, Moi Gab!

Fleggle, des dät mi au endressiare, was süferli hoißt.

So ebbs wie hofele, däd i moine.

Soso, französisch...


Ja, ich freu mich uf de Winter. Es schmöckt da scho nach Schnee und es het scho abegschneit. Im Moment hemmer no ke Schnee und me chan um d Mittagsziit ume auno im Tischi umelaufe.

(süferli isch vorsichtig)

also hoferle secht mir gnau so wenig wia süferli...

Hei Teili!

aha, jetz isch se schneller gwä mitm Antworda als wia i mitm Schreiba. On nô han-e-s no net amôl edidiera kenna...

Wäx deam Eddediere, dea machd nix. I denk mr des r oifach weck ;-))

Manne, noi, weg war e brifaad.

I be geschdert dr ganz Daag em Bolohemmed romgloffe ... ond vorgeschdert au. Okee, am Âbeds hao e scho a Swäddschört driebrzoge, abbr dagsiebr halt.

Brifaad weg - du hasch gued. Du machsch dr a räechd a guez Läebe.

A baar Daag Urlaub wer i halt au amol mache derfa, odr?

Ond danggschee fir die Erleiderong, Fleggle.

Bitteschööhn.

Seged emal, ghört s Wort "Bluetzüüge" au zu dene Wörter wo ir sit em zweite Wältchrieg nüme benützed?
Also, isch da igendwie negativ behaftet?

Moisch Du uff hochdeitsch "Blutzeugen"?

Jap. Ich has ez underdesse mal guuglet. Het sich klärt. S'isch ebe i somne alte Chilelied drin (Grosse Gott wir loben Dich), ide neuere Fassig hends die Strophe aber usegstriche.

I glaub net, dass des äbbes mit em Kriag oddt mit em Dridde Reich zom doa hât, eher vielleicht weil des halt a weng veraltet isch.

Also i gloob, des Wóed haoni no nie sell benudzd. Fier mi haißz oifach Märtyrer uff aldmodesch.

In Wikipedia staht aber so öppis , Teili.

I hao grad no eddediere welle: I waiß id, obbs ebbs mibbm Krieg odr de Nazi zom doe hadd. Sei konz scho, abr i waiß idd.

edit: Abr basse däz scho zue däer Blued- on Bodemiddelogie.

Ja, des Wort isch em Dritte Reich scho missbraucht worre, abbr des gilt jâ au fir andre Werdr, die trotzdem no vrwendet werre, zom Beischbiel "Vaterland", ohne dass solche Begriff alle verpehnt wära.

Ond jetz vrabschied i mi. I wensch Eich a guade Naachd.

mhmmm...
*nachdenk*



*nachwink*

Fleggle, des dät mi jetz endressiera wia die wegglassene Schdrohf vo "Großer Gott wir loben dich" mit de Bluatzeiga dren ghoißa hôt. Hôsch du den Tegscht? Kannsch mr-n jô mähla.

Im Gron gnomme hand die ja die ganz deitsch Schbróch diskremmenierd. Manke saged ja oo, dass vóerem Krieg in dr Schweiz a schdarke Tendenz zom Hóechdeitsche gwe sei, ond dass nóchm Krieg als Räeckziô uff die Barbarei vo de Nazi a Dischdanzierong vom Hóechdeitsche schdaddgfonde häb ond sogar an dr Uni d Vóerläesonge uff Schwyzardüdsch kalde wäered.

Hmmmm, aso s isch scho so, dass Hochdütsch halt sehr de Dütsche zuegordnet wird, und uf die sind ja bekanntlich nöd alli Schwiizer so guet z spreche.

Ide Vorlesige... hmmm, also ich han ez halt Professore us allne Herre Länder gha (ehm, naja, fasch) und die hend alli Hochdütsch gret. Wer susch chli fis, d Titschinesi und die Welsche chönd mengisch chum Hochdütsch, Schwizerdütsch verschtönds fasch nöd und den no im erschte Jahr...


Machi Goldi.

Emmrle, luegesch dó die sibd Schdrofe.

Also desch doch jetz echt endressant.

Des Liad war en meiner Jugend bei ons rom zwôr bekannt, aber zemlich "vrpehnt", des war gwissermaßa dr Inbegriff voma kadolischa Liad, des wo koi "reachdr" Evangelischer ieber d' Libba griagt hett.

Aber em Zuge der Ekumene isch des em nuia Evangelischa Gsangbuach vo Anno segsaneinzg drenna, on 's wurd au wirglich en dr evangelischa Kirch recht viel gsonga.
On jetz kommt's:
en onserem Gsangbuach isch der Vers drenna! D' Vers send im Vrgleich zo dera Wersjoh die wo du vrlenkt hôsch, manni, en dr Reihafolg a weng omgschdellt - der Vers mit de Bluatzeiga isch bei ons dr vierde.

Ja, die wür glaubs öppe passe... aber bi minere Fassig isch es nöd die 7bti Strophe gsi XD, vo dem Lied gits öppe 700 Versione.

Goldammer het ez trozdem Mail.

Bi eus au. hendir au d Fassig mitem Coppyright vo Wien?

Also en onserem Xangbuch schdehn koine Kobiereit-Ãmergonga dren. Dô schdôht dass es vom Ignaz Franz isch, der hôt's anno 1768 nôch-m ladeinischa "Te Deum" dichdet, on d' Melodie isch zerscht en Lüneburg vrbreidat gwä (1668, muaß nô also mit ma andera Liadtegschd gwä sei), nô en Wien (1776) on en Leipzig (1819)

D' Edith secht om fenf vor dreivierdl elfe, dass 's Emmerle jetz ens Bett ganga dät on älle a guade Naacht wenschd.

Schüüüs.

*aulangsamwegschneii*

Puffy white blouse? See, I must be psychic!

Sorry I can't write in Swabian, should be something with siechd (seht ihr?), but I can't figure it out now. I'd like to come to Germany next summer; we'll see how I survive the year. Right now I'm beat and stressed, but my mom says things will get better. By the way, she's having surgery soon, cancer again. It had been more than five years since she was treated for cancer the first time, so she thought she was clear... The first time I had also just started a new job teaching German. Funny how that works. Guess I shouldn't get a new job.

*waving at Fleckle, manni3, Gäbele, Hemmele, Emmerle, Schdiggele and all other Swabian chatters*

#105: viel am Bendl? What's Bendl?

@Eimimimi
Bendl = Band (zom Beischbiel Schuhbendl = Schnürsenkel)

I han viel am Bendl = es ist viel los, ich hab viel zu tun

Also du hôsch zom Beischbiel au saumäßich viel am Bendl zur Zeit!

Des duat mr abber Loid mit deira Muader! Hoffntlich gôht älles guat mit era! I druck eich älle Dauma!

Amy's Mamme au meine Dauma drugg.

Hällow gudd Naid say :-)

Eimi, i druck oo deir Mueddr feschd dDaume.

Isch no ebbar dó odr scho mea?

*nauchleas* Auweh! Aimimi, i druck ui au de Dauma ond schick ui älle guud waibreischns, dia wasne hau.

Griaßde, manne.

I be grad môl widder uf meim alljährlicha Horrordrib: I gruschtl d' Onderlaga fir d' Schdeiererglärong zsamma. Dô brauch e des, dass e älls môl widder dô reiguck on me mit eire Beidräg dreescht...

edit

okeh, okeh, koiner will mir dreeschda - nô gang i jetz halt õdreeschdad ens Bett.
(Aber mei Dengs isch mir so dankbar, dass i des mach, dass-r scho gsagt hôt, wenn-e feerdich be on alles en Ordnung isch, nôch ladet-r me zo ma Kändllaitdinner uf da Lichdaschdoi ei! Dô frei-e me schao druff!)

Gude Morche alle zamme!
Und i bin jetzt wohrscheinlich z'schbäd drou, dich zum dreaschde... Des ghert aa immer jeds Johr zu meine "Lieblingsbeschäfdigunge". Abber wenn no die Rickzohlung do is, dann is ja aa schee, gell? Un i glaab i muass meim Männe mol soche, sou a Kändlelightdinner wär scho aa amol äbbes schees...
:-)
Amy-Mimi, des duad mir leid mid deiner Mudder. Hoffendlich wird alles widder guat!

Guede Móege allmiddand.

Vóer i jiez glei a bissle bdidd Flör uff dr Bassklarenedd schbil, no an Dibb ans Emmrle: im Krosskandriklubb konndeschd no 'ßödnli' eddediere, vóers oine vo deane amäerekanesche Niddbickare dued ;-)

ädidd om neine: Jiez isch zschbäd!

schodschbät! Han's grad no do wella, aber 's Schdernle isch mr drzwischa komma gwä.
Also, nô gang-e jetz halt môl an mei Dagwerk.
Bis schbäder.

edit
des miaßt jetz eigentlich Singronpenktla fir "zschbät" gea, odret?
Dô sen se:

• •

Vrgelzgodd :-)

's duabmr loid, Emmrle, abr gescht war des mit dem Endrnet dann ganz gschwind vorbei.

Ond iatz benne au lei kuurz dau, om ui a baar scheane Novembrdäg zom wenscha.

Pfiads Ui.

#147: Des isch mr iebrhaupts nedd uffgfalla!

Bloß kurz zôm Reiluaga ônd alle Griaß-Gott-Saga:

I leab nô, abr i komm schiergar nemme zom mitleasa ônd erschd rechd it zôm Schreiba. Dr Ogdobr isch zemmle durbulend gwea, i briechd an it no amôle. Midde Heitr hat des abr nix zm doa ghett...

Manni, schêa, dass-Da me vrmissd haschd!

@ 151, Schweschdrle! Schweschdrle!! Sooo luegesch du nââ, was mier Rächdsdaichlar schreibed ... dsdsds ...

DuSenz, des isch richdeg berujigend, dasses wenigschdns zu am kloine Läebeszaiche graichd hadd. Nó wensch i dier wenigschdns an griebigere Nofembr :-))

dsdsds Sogamoi, du hosch moi Nick vrkehrt rum gschriewe!*g*

Uffs Maul gfalle bisch du idd - ond om a faule Ausred nie vrläege ;-))

[zue mier] Des gfellbr! Ond ier Schwäbesch wäed oo allad berfeckdr - a Schweschdr vo mier hald!! [ / zue mier]


[edit a guede Schdond schbädr] Des mues ma ja oo vrkäed rom ardickeliere, nemle drbei dLufd eĩzieche, gell!

Ja, manni, wenn i scho a Niddbickar sei sott!*g* I fihl me a bissle rausgfordert.
vrkäed rom - ah, so schroibd-se des.

Schweschdrle, em Dialeckd geiz koin ibrgreifede Rechdschreibschdandard. Jiez Dóef had ja scho a bissle a andre Ausschbróch, ond drom schreibba alle baar Killemeddr a bissle andrschd, dó geiz ofd kerege Ondrschied. Also uff Deidsch xed: Du hasch alls räechd gued gmached, no weidr so! :-))

[zue mier] I bi schdolz uff mei klõis Schweschdrle!! [ / zue mier]

Danke schee, Brudrherz, des fraid-me. :-)

Guede Móege, allmiddand.

Heid isch Dag vo dr offene Dier vom Semfenijorkeschdr vom Beärr zom sechzgeschde Geburzdag - dr eeschd Dirregend, däe wo des Orkeschdr oo aufbaud had, isch ibregens Jochums Eigen* vo Babehause gwe - mid am Hauffe endressande Vrâschdaldonga. Dó gang i jiez mid meim Bue nâ ond komm äeschd am schbädre Nâmeddag mea hoi. Bis drnóch!

* Mid deam hanze nechd an Brobeausschnidd bróchd - däe had ganz schea gschwäbeled, des isch a räechde Fraid fier mi gwe :-))

Z'Ôbed bin i no lengr bliebe bis om elfe, abr vo ui haoni koin godzege dedd xäeche!
Was isch mid ui los? Id ins Konzerd gâo ond id bouschde? Was dondr doch mea all - was handrs denn mea aso fiechteg wichdig bei uire Näebesächala?? Handr jiez bald de Denglmâ, de Aldi, de Obi ond de Dankschdelleschobb läerkofd? ;-((

I wäer nó moine amóle zom Radle gâo, s isch grad aso schea :-))

Guda Morga manni!
Mit was i me gerscht hegmacht han, woisch jô vom Grossouwer drieba - hôsch dr jô scho õvrschemt 's Maul verrissa dribert!
Heit han-e scho a Dadasicherong vo meim gsamda Glomp gmacht, des dauret mittlerweil au schao ieber a Schdond.
's isch wonderschees Wedder, de gelbe Baim gega da blaua Hemml - i denk, dô werra mr sicher au a weng nausgao heit.

Guede Móege, Emmrle!

Gozeidank bischd id eigschnabbd weggs meim englesche Gschwädz. Wenn i mier des so vóerschdell, wie du uff deam Dach dobaflackesch mibbm Schraufeziechar als Kaugommi, mueß i hald oifach lache. Hasch koi Foddo?

S Bäckabb daured bei mier oo a guede Schdond. I machs ibr an Taimar in am Brogramm jedn Sonndag Vóemeddag; dó däff i bloß id vrgäesse, dass i die eggschdern Feschdbladde vóerhäe eĩschalde. Abr däe ganz Brozess loffd im Hendrgrond.

So, jiez haoni nos Gschier vo nechd on heid aagschbield ond uff dr Bassklarenedd* 'didd Flör, Sammrtaim ond Swing lou gschbild ond dean Basslauf vo 'Jeses bleibed meine Fraide' vom Bach - ond jiez gang i zomm Radle. Schad, dass du so weid weck bisch, soschd konndebr middand naus.

An scheane sonnege Sonndag fier ui all :-))


* Mei, isch des a gails Enschdremend. Die diefe Dee gend oim a Gfil wie beim Gasgea innam Borsche - ganz dief donda bidzlez, weid ondrem Baubudzl :-)))

Ach Jessas manni, so schnell schnabb i net ei!
Noe, Foddo geits kois. I han no kurz drãdenkt, aber 's war scho faschd a weng z' donkl, on ährlicherweis muaß e saga, dass e au net õbedengt lenger do droba han sei wella wia naidich. I han iebrigns net dia Kuahfellglogs ãghett, des wär mr schau z' gfährlich gwea...

I be iebrigns so begeischdert vo dera Eiszeitausschdellong dass-e mr ieberleg ob e dô noml nãgang on mr en aller Ruah no meh vo dene Begleittext ufm Audiogaid ãher. Velleicht glabbts jô nô doch no mitma Dreffa zom Ausschdellong gugga on Kaffee drnôch? Wia siehts denn bei eich aus, manni on Hemmale? Blanet ihr des emmer no, dô nã zom ganga?

Etz wonne afang zschreiba ischas fimpf noch halba oins. Bin noit gwäsche, sDings schdoht inda Kiche un kochd. I muaßme schbuata dannr it nersch wird. Hon eich bloß Griaßgottle saga wella.

Un noch Schduagrd gemmr mit alle Enkl. Woiß bloß noit wenn.

Häff a nais Dei!

I gang no au no a wengale radle. Schduagad is scho no endressand.

*Da Fada vo Seide zwoi nufflupf*
A weng a daode Hos dôhenna!
Laufet-r älle em Rega rom odder was?

Im Räege romdabbe oo.
Abr vóer allem de Breißße mid ieram Hòechdeitschalloivrdräedongsâschbruch mea ois uff die gróeß Klabbe gea. So ebbs wie dó ond i dr Nommr 47 schreib i hald oifach fichdeg gäere - hihi ;-))

I lueg do scho gar nimme nei - dô muaß i mi bloß aufrega.

Du kãsch fei ô glei auf den Pfoschta verlinka. Da Mauszeiger auf dia Zahl schiaba, da sigsech in dr Schtatuszeile da Link, rechte Maustaschte - Linkadresse kopieren ond nochar ganz normal peischta.

Räechd hasch, Hemele, abr i mach des hald middeam <a href= so gäere ;-)

Des kãsch ja trotzdem mache; du holsch dr halt die Linkadresse net aus dr Adreßzeile sondern copisch den Link hindr dr Zahl in d'Zwischaablag - des isch alles.

Jiez vrschdand i idd was du moischd. In hondrdsemnesechzg haoni uff d Nommr femfeviezg vrlinkd, ond so haonis oo welle.

Am sexnochhalbaneine (olala)

Feschdschdellung: Schlôfschbagaat

*schnarch* *ruaßl*

drei vóer halbe zene: Bisch no dóó?

fünf vor viertel iber elfe. 's Gäbele ruaßlt doch scho.

om drei vor halb zwelfe gang i jetz au ins Bett.
Schlôfat guat!

I hädd do amol a allgmeine Frog. I han gläsa dass's wirklich schwär isch, a richtiga Schreibform z'finda om schwäbisch bess'r rieberzbringa. Hän ihr do hier irgend a Tipp fiar mi?

Gruaß aus Schtuargrt.
Kai

Ha, 's hôt glabbt! I han da Koiahnong dô romglockt vom Martin--cal seim nuia dreischbrôchiga Fada!
Willkomma em Schwôbafada! Mach dr's begwem on schwätz oifach mit!
Zo deira Frôg:
Mir hen dôhenna beschlossa, dass es oifach koi "richdiche" Schreibweis em Schwäbischa gea kã, weil doch so graoße regionale Onderschied en dr Ausschbrôch sen, dass des nia fir älle schdemma dät. Deshalb tibba mr jedr so wia'n-em d' Taschdadur gwachsa isch, sozusaga!

Grießdi, KaiAhnung.
Schreib meglechschd genau so wied schwädsch, dassba oo glei merkd, wod häekusch.

Außrdeam hammr bei de Ackzend äjer a brivade Vilfald fier die offene ond gschlossene oo ond d Nasale.

No machs I wie Is denk, ihr wern mi scho vrschtanda! :)
Euch verschtand I jo au guat.

Jo, lueg a, ä neis Gsicht! Grieß di, KaiAhnung. Schrib, wied willsch, des wird do schu verschtande. S'gitt j do au anderi Wariande vum Dialägd, un wemmer ä Frog hett, wil mers net verschtande hett, no frogt mer halt...

Ja isch dees a Fraid, dass du oo mea amól vorbeiluegesch, Gimofle! Wo hasch di denn die ganz Zeid romdribe?

Do neiluege due i immer emol, aber sisch so vill zem due grad, dass i meischtns kei Luschd zem Schriibe ha...

Bi bis iberd Ohre voll mit Arbet, will i des Johr zwei Fächer underrichde due, die wo-n-i eigentlich gar nit schtudiert ha. Des isch halt ä Mengi vorzbereide, wo-n-i nit uff Erfahrungsmaderial zruggreife ka.

Drum bin-i ä weng am Schtrudle...

'n Âbed mittnand.

'n Âbed, Schdiggle!

Ond? Alles em greane Bereich?

*edidier* Schlag dreivierdl zehne isch. Ond i vrabschied mi jetzet. Guad Naachd!

Ja, s Weddr isch mea bessr wóere ond s Radle isch okeei, oo wenni a Schdirnband ond Hendsche brauch! Ond vóernechd hammr an Fehn kedd, ôglaublich wolkelos ond schea.

Dann doch no: Bei ohs isch's wechslhaft gwä. Sonn ond Räge hend sich heit abgwechselt. 's isch halt Noffembr ...

Grad aso isch bei eis heid oo gwe: Nofembr!

Ja, 's gâht uff dr Wendr zua. Dr Sommer isch mir viel liabr.

Ond jetz gang i no a bissle äbbes läse. Endgildig guad Naachd.

Hen ihr eigendlich nix bessers z'doand als ieabrs wädder z'diskutiera?
Des macht oin doch nur deprimiert ...

Wia ässet ihr denn eire Mauldascha am gärnschda?

( )gschmälzt mit Zwiebl on Soß
( )mit Käs on Tomada ibrbacka
( )en dr' Supp
( )en dr' Pfanna obrada mit Oi

Kennet ihr no andre Meglichkeida?

( )gschmälzt mit Zwiebl on Soß
( )mit Käs on Tomada ibrbacka
(X)en dr' Supp
( )en dr' Pfanna obrada mit Oi

Ond s´Weddr isch viel zschea, da hao i bloß allad a schlechds Gwissen was i allz em Gardda due sott ond ka mi gar id gmiedlich ond faul mibbm Buech aufs Kanapee voers knischdernde Feir flacka. Grad wiaschd sotts sei, so!

Z'rick zu de Mauldascha :D

(1)gschmälzt mit Zwiebl on Soß
(3)mit Käs on Tomada ibrbacka
(1)en dr' Supp
(2)en dr' Pfanna obrada mit Oi

Ond iebrignds, KoiAhnong, i hao di no gar id gscheid begrüßd
*Hand schiddl*
*ardigs Knicksle mach*
Ond doheanna nennd mr mi Kandiß odr Zuggerle odr Zickarle odr ganz wie´s beliebt...

*eddid* Ond Schdiggle, ietz sottsch amol schea langsam ausgruesled haba...

No sag i dir au no hallo *Grieß Gott!*

(X)gschmälzt mit Zwiebl on Salôt
( )mit Käs on Tomada ibrbacka
( )en dr' Supp
( )en dr' Pfanna obrada mit Oi

N'Ôbnd Zuggrle un willkomma dôhinna Koiahnung!

Schdiggle, wo schdäggsch?

Mauldascha: Zue Kässchbadze omgwandled on in dr Bfanne mid Buddr âbreind!

Maultascha eß i am liebschda en dr Supp, on nôch ißt mr d'Supp weg ausm Deller on da Reschd vo de Mauldascha mit Kardofflsalat.

@ 197 ... odr in Domadesoß, vo Maggi. Dó haißeze nó Rawijoli ;-)

ääh, bääh, manni! Also wirglich!
Des hao-n-i hegschdens môl als Kämbingessa gessa - aber des hôt echt nix mit reachde, guade Mauldascha zom doa!

N'obed zämme. Ei Glick gibts au im Alemannische Mauldasche, au wemmer suscht immer Witz macht ieber dSchwobe un all Schwäbischs. Miini äss i am liebschte in de Brieh mit ä weng griebene Käs dribber.

200 Emmrle: Sonnen-Bassermann?

Obwohl Eigalob eigentlich schdenkt, muaß-e dô jetz eifach môl saga: frôg 's Hemmele oder 's Emimimile - nôch woisch wa-n-e moin mit reachde Mauldascha!

...odr Buitoni? (In Frankrich gits ganz egsodischi Ravjoli, gfüllt mit Hiehnerfleisch odr mit Fisch in-ere Schalediersoß. Fier dGourmees vu de Kämpingkich!)

Äddid: Bliebt abr immer noch bloß Dosefraß. Mir henn emol ä netts Reschtoro ghett, do henn se dMauldasche ordentlig selbscht gmacht. Des isch vun eme Paar us em Schwäbische gfiehrt gsi, aber de zwei henn sich trennt un henn de Lade zugmacht. Un us wars mit de guede Mauldasche...

Ja sind dier denn all scho soo abgekläerd ond vrgaischdigd?
Jiez haoni gmoid, i konnd ui räechd broweziere mid meim godzläschdrliche Gschwädz vo deane Fabrickmauldäschla middm iddalenesche Mickroformaad ...

Abr noi, hegschdns a freindliche Zueräechdweisong isch rauskomme drbei!

Also nócha, nix fier ôgued, ond jiez flack i ins Bedd!
Guez Nechdle!

An Guede!
Ond essed langsam ond mid Bedachd! Ma globd gar id, was alls in oin neĩbassd!

No gschdät! Mei Dengs isch no et ferdich mit kocha! Es geit an Sauerkrautauflauf mit Kabanossi on Kardofflbrei ieberbagga.

Kabanossi am flaischlose Freidag!! Ôgleibex Volk, falschgleibex!!
... okee, nó mach i mier amól so langsam a Linsagrichd ond brót mr an Dofu drzue, aagleschd mid Soijasoß!

Manne, des hert sich aber ned guad â des mit em Tofu. I han Tofu dâmâls en de Achtzger en dr Mensa brobbiert. Des roicht fir's ganze Läbe.

Ond i gang jetz äbbes erledige ond mampf drweil wahrscheintz "Fingerfood made in Stuttgart" ... a Brezl halt.

Nôch muasch halt dei ganze ekumenische Doleranz bemieha, dass d' da Kondagd net ãbrischs zo so Õglaibiche wia mir's send!

Tofu isch en sich vellich gschmaxneidral, Schdiggle, ob a Tofu guat schmeggd, schdôht on fellt mit'm Gwierz.

Was isch eigentlich mitm Ameisle? Des macht sich arg rar de letschde Dag. Hôt dui an Schdress am Leib?

Buddrbredzga mag i oo. Abr id so ofd zwäx de Kolehidrä. I brauch mäer Aiweiß fiers Hiere, soschd kâ i gar nemma denke.

A Dofu schea âbróde in am guede Oliveeel ond aagleschd mid ar gscheide Borziô Soijasoß - mackrobiodesche Kwalledäd ohne Zuckar odr soschd ebbs - isch ebbs doddaal Gschmackex!! Dó lass i jedn Läebrkäs schdâo :-)))

d Edidd moid, dass ses Meisle woll mea in dr Weldgschichd romdreibe wäed ond bei de fremde Leid im Gaarde alde Abfallheife omgrabed - well se dahoi id gnue zom Grabe hadd!

Jetz kã e mein Tibbfälr nemme korrigiera....an guada, manni.
Mei Dengs ruft au grad zom Essa. 's riacht scho sauguat.

Emmrle, em Schwäbesche send Dibbfälar nix Schlemms - es menscheled hald so nedd!

I hâo oo a 'at' vrgesse. Wäe will, kâs ses an de räechde Bladz neĩdenke ...

Ihr Bachl schwätzed vom Essa, on I sitz jetz do on han honger -.- no werrI mir äba au was macha! Konnd heit nur en dr Mensa a Tüda Schampignongsupp essa.

En dr Mensa gibt's bei Eich d'Suppe en Gugge? Bei ons dâmâls hat's dia no emma Schissele gäbe.

Sic transit gloria mundi ...

Jo des schtimmt, em Emmerle seine Maultasche sen scho guat. 'S Ameisle is ausheisig Knochaknurschbla.

En dr Kiehldehke vo meim Subbamarkd hao i heit gseacha:
a) Fleisch-Mauldasche
b) Subbe-Mauldasche
c) Kalbfleisch-Mauldasche
e) Schbinad-Mauldasche
f) Bio-Mauldasche
g) Weißwurschd-Mauldasche (wäh-bäh!)
ond no drei odr vier andre, die wo i ietz vrgesse hao. Wer soll si da endscheide kenne?

Echt, candice, bei ich gibt's en echte Subbamarkt, also en eigene Subbrmarkt bloß fir Subba?

Ond was is nochat in dene Bio-Mauldasche drin? Tofu vielleicht?

Dui Vorschdellung lässd sich moine zaianägl ufrolla!

Tofu-Mauldascha - noi, des muaß gwieß et sei!

Zwiebla, Schbenat, Eier, Hackfleisch on Brôtwurschtbrät - des kommt dô nei!

So isch reacht!

Wenns gschluckd ond gschlonde isch,
isch gleich was donde isch!

Was du dó vrlenkd hasch, hand mier frienr dahoi alls (alls!) id kennd! Drom geiz dó oo koi tradezzenelle Schbrich drzue.

Guede móege - änd Ai äm lucking fówed tu riiding off ju, vo mier aus oo äeschd nóch dr Kieche bezijongsweise nóchm Frieschobbe :-))))

I han heit a weng lenger ausgschlôfa - bis es em Kader zviel gworda isch, nô hot-r so lang romdao mit Schnurra diregt neba meim Ohr, bis-e uffgschdanda be on Fressa ausgea han. Mr isch halt doch en erschder Linie dr Dosaeffner...
En d' Kirch gang-e heit Ôbad, dô geit's an schbeziella Frauagoddesdinscht hier, der wurd sicher schee.

I han no die ganze Ohrwirmer von onserem Chorkonzert gerscht Ôbad em Kobf - em Bach sei frihaschde ieberlieferde Kandade: "Aus der Tiefe rufe ich, Herr, zu dir" - kennsch die? Wonderschene Musik, zom Neiliega schee! On "Mitten wir im Leben sind" on "Aus tiefer Not schrei ich zu dir" vom Mendelssohn, au ganz hinreißende on bewegende Musik.

Ja, Emmrle, des send wondrscheane Liedr.
Dr Mendlsô isch ja oo a ganz a gróeßa Fän vom Bach gwe. Däe haddn brakdesch mea enddeckd ond dBassiona aufgfierd.

I hâo grad uff meim Bassklareneddle die Basslinije vo 'Jesus bleibed meine Fraide' uss Nommr hondrdsemneviezg giebd, andrdhalb Ockdafa diefr als wie se dó noddierd isch. I schbil alls aso dief wies no grad gód, weil des so schea isch. Die diefe Dẽẽ zieched ôglaublich in Bauch neĩ (Jaja, oo s Aldar kâ no seine erodesche Fraida hâo) :-))

Zom Frauegoddesdinschd felldbr die Däffeneziô von am Nägarweib ei: "God? - Well, ai ßink schi is bläck!"

Zom Kadzefuedre kâ i dier die Kueschdaalaudemadek vo meim Kusâ fiers Krafdfueddr vo seine Kie embfäle. Die hand a klois Käschdle am Halsband ond wenn se de Grind in de Fueddrdrog neĩschdrecked, felld a Borziô Krafdfueddr vo oba raa. So kenned se ier Dagesradziô fräesse, grad wenn se wend.

Ja, des han i scho gwißt, dass dr Mendelssohn den Bach erscht richtich bekannt gmacht hôt selletsmôl. Kennsch du des Buach vom Albert Schweitzer ieber da Bach? Beschdimmt, oder? Wenn-e ebbes vom Bach sing oder her, gugg-e äls dô nei, was der drzua gschrieba hôt, desch oftmôls 's Gscheideschde was es zom Saga geit bis heit.

"Jesus bleibet meine Fraide" anderthalb Ogdava diefer? Dô kãsch jô bald d' Fregwenz mitzehla! Des dät i au gern môl hera!

Goldammer - I han heit a weng lenger ausgschlôfa - bis es em Kader zviel gworda isch, nô hot-r so lang romdao mit Schnurra diregt neba meim Ohr, bis-e uffgschdanda be on Fressa ausgea han. Mr isch halt doch en erschder Linie dr Dosaeffner...

http://www.youtube.com/watch?v=w0ffwDYo00Q&tr...

I vrabschied mi heid fier a Woch. I gäeh auf Fortbildong ond gfrei mi scho.

@candice
Genau! I han no zu meim Dengs gsagt: jetz holt-r glei da Beesbôllschläger!

Viel Schbass uf dr Fortbildong!

Auf guat Gligg ob äbbr reiluagt. Alle an scheena Sonntigôbnd.
Un glaubed jô id mi däts do hinna nimme gäa.
:-)

Bisch no dò, Gäbele? Odr mea? Odr soschd no ebbar?

Zickarle, in was bilded se di fudd? Wockabla läene ond beibrenge odr Gramaddeck vrklickre? Odr Uhu deckleniere odr waas?

*ineschneiii*
*umeschneii*
*useschneii*

*alleswiiiisüberzuckerethinderlah*

manni, mal gucke ob i drs vrlinke ka: Ond ietz geh i d´Schdieg nab; i mueß moere frieh raus.
A scheane Wuch midanand!

http://alp.dillingen.de/lehrgaenge/suche/lg_l...

Guede Móege allmiddand, inklesif Gäwinda!

Gude Morche midanand!
Bin nach meim Urlaub aa widder doo. Schee wor's, abber nadierlich viel zu kurz... :-)

Gued Nachd, allmiddand!
I wensch ui a guez nauf- odr nommkomme ond a endressanz Buech ondrem Elleboge - nó isch ja dr Ôbed gued gloffe ;-)

Om a halber siemne sagsch Du scho "Guad Naachd"??

Manniiii, soll des etz hoißa, i muaß d'Schdiage nauf?

Des isch ja wirkle nedd, dass wenigschdns dier zwai ui uss dr Reserfe hand locke lao ;-))

Grieß ui!

Wa fir a Reserfe? Isch des jetzet a Reserfischde-Iebong, odr was? Ond dâdrbei war i doch gar ned beim Milidär, be also au koi Reserfischd!

I bi oo id beim Barras gwe, abr i hâo allad a Reserfe im Kucheregal. Zom Beischbil so Fabrickrawijoli als Ersadz fier Mauldascha, falls i zlagg bi zom sellmache!

Onz Gäbele isch scho mea fudd!! Die muessba scheinz noo gwalddädegr prowweziere!!

Doserawijoli sen doch koi Reserfe ond escht rechd koi Ersatz fir Maultasche. Pfui Bäääh.

I het dô a intime Frôg:

Henn ihr zwoi Blattfiaß?

Gegafrâg: hen neidrinos iebrhaubt Fiaß? Äba. Deswäge au koine platte.

Noi, bloß Senkschbraizschwaißfieß. Bladdfieß had heonda mei Rad ;-((
Warom frógesch?

Nô bin i abr au a Schdiggle :-) hon nemmlich au koine...

Manni, ha so halt.

Odr sinnr kurzsichdig?

Kurzsichdig? Noi. Ond bevor D' weidr frâgsch: i hao au mein Blenddarm no ond brauch au koi Heergrät.

Machsch du grad a Omfróg fierd Aokaa odr fier de nui Schdadischdeck vom Xondhaizminischdäerijom??

Muaßme ersch wiedr beruiga (vom Lacha)

Nô frôge halt andersch:

Sinnr Kriagsdienschdvrweigarer gwäa?

Was geiz jiez dó zom Lache, wemmier all xond sind? Dassd Krankekasse nó gnue Geld hadd, dasse dier an Kueraufendhald z Bad Kannschdadd uffm Waase zale kâ?

Noi.

Nââ, oo id. I hâo id zom Barras mieße, weil i a Róed-Grea-Schwäche hâo on allad id waiß, wo is Kreizle bei dr Wól mache mueß ond die Schildla uff de Bomba id räechd ussandkennd hedd!

Wurschd, wannr au fiar Defohs henn. I find eich zwoi schee und toll. Oinr scheenr un tollr as da andre :-)

Irgndwenn wäesch de scho endschaide mieße, wäe dr oi ond wäe dr andr isch!
Ond was moind ibrhaubz dr Schose drzue??

Wegawarum? Oinr links, oinr rechts. Magme id endschaida.

Bin au glei wägg. Fang a neis Buach a, vom Jacques Mazeau - la ferme de l'enfer.

Bin froh, danne eich heit vrwischd honn.

Kâsch du uff Franzesesch läese? Freiwilleg? Räschbäckd!
Nó viel Vrgniege :-))

I hao koine Defohs!
Des wisst i doch!

Ond jetz sen scheintz alle weg ...

Nâ gang i au. Guad Naachd.