Hiermit entjungfere i den dreißgschda Schbagaat!

Schidda duat's nemme, abber schneia au no net. Es niaslat so vor se nã

http://www.ozon.nu/webcams/rt-marktplatz.htm

endjongfre - dó fellbr eisr Rellegijonsläerar eî, a ganz a moderna:
"Endjongferong isch a bsichesche Kaddegorih, koi fisesche!"
Nedd, gell?!

Emmrle, Muffele ond Zickarle, schea handr aufgraumed im alde Fade!
Ui kâ mas dôe lâo :-))

Dank schee, manni! :-)
Un i verabschied mi jetz so langsam ins Wucheend nei.
Winsch eich was :-)
Muffele

Mir sin hald Brave, manni!

Ganz Brave send dier - uff ui isch hald a Vrlass - .
Wohl deam, däe wo sedde Helfarna hadd :-))


Boschgribbdomm: Was moined aingdle dier Weißbildr zu däer Wirrgenedäzhibbedehse vo deam Rellixläerar selbexmól?
- Abr vileichd isch des gar koi Fróg fier an effntlene Intrneddtschädd - lammr des liebr!

Jiez hâoni mid meim Boschgribbdomm doch hoffndle neamad in Vrläegehaid bróchd :-((
Ôifach gar idd iggneriere!

Ach Jessasle, noi, en Vrlägaheit brengsch me et so leicht. I muaß dr bloß ährlich saga, i fang mit dem Schbruch et so viel ã. Entweder i be bled oder der Schbruch..
*noml nôchdenk*
Odder hôt der als Rellilehrer des uf d' Maria bezoga ghett? Dô dät i mir's gfalla lassa, als a Art Omweg, wia mr als moderner Kaddolick dui Sach mit dera jongfrailicha Embfengnis vrschdao kã, ohne saga z' miaßa dass des Doggma an Leddakäs isch...

An guede Móege, ui allmiddand!

Emmrle, i moi scho, dassas uff dMarija gmoid had. Abr id bloß - sondrn ibrhaubz uff des ganze Teadr om d kerbarlich entackde Wirrgenedäd.
So hâos i selbexmól vrschdande ond des isch fier mi a räechd a bemerknswäeda Sadz von am Tejeloge blibe. Des geid doch an ganz an nuie Blickwenkl uff die ganz Sach, moischd idde?

Z Nachd haz gschneid kedd ond jiez scheind dSonne nei in die Beim midde weiße Äschdla - ein Wentrmäerchen!

Schad, bei eis schneialats äbbl no. Endr Friah honne mei Audole richtig ausgraba mea.

Hand an scheana Daag älle mitnand.

Inzwischa miaßats in Ameislhausen aufghert habe zum schneia. Dô sen bloß d'Dächer weiß, am Boda bleibt nix liega.

Grad benne mid naggate Fiaß durchda Schnea en mei Waschkuchl gloffa. Des bitzlat hernacht äbbl so schea.

Edit: I Hirsch! Am Manne däde doch no a "Vrgelt's Gott" sa mechta frs Fädalazämagnüpfla.

@manni
Also mi persenlich hôt des Konzebt der Jongfreilichkeit eigentlich nia bsonders endressiert, muaß-e saga, weder theologisch noch en meim eigana Leaba oder dem vo de Leit om me rom. Deshalb isch mr's au reladiv wurscht ob irgendebber des jetzt meh kerberlich oder meh seelisch sieht.
Sicher, i woiß dass des fir viele Leit friher a graoße Roll gschbielt hôt on fir manche au heit no, aber wia xagt, i fend des nemme so wirglich wichdich. Viel wichdicher isch, dass de Jonge en vrnenfdicha Weg zom Erwachsawerra fendat, on dô mach-e koin Onderschied zwischa Mädla on Buaba.

Emmerle, du bisch dei Gold wert!

Danke Manni, frs Eifädla.

S'Bagäschle schlôft, s'Dingsle luaget fern.

Bei uns isches weiß.

Ach, 's Gäbele môl widder! Schee dass d' reiguggsch!
Dô fellt mr grad ei dass neilich endlich bei mir dr Groscha gfalla isch, môrom ihr älls zom Gäbele seim Dengs Schose sagat! I han me richdich gfrait, wo mir des endlich ufganga isch - älleweil hao-n-e deekt, dô isch mr irgend an Gääg naus!

Bei ons isch's grad so a klois bissale weiß.

*am Gäbele Richdong Sieda zuawenk*

edit
I han grad mit meim Dengs d' Schbringerla gmacht! I be ganz schdolz, schee sen se gworra! Jetz dirfat se trickna, morga Ôbad du-n-e se nô bagga.

Saukald ond rudscheg isch dussa. Em Momend haz menes dreikommazwai Grad uffm Balkô. Dó isch sRauche oo id so gmiedle.
Heid be i gar id zom Radle komme. Nó hâoni hald drfier omso efdr kibóeded ond klareneddled. Hâoni ui scho ... Ja, doch, i glob scho!

Jednfalls isch hiermidd fier heid oo a Beidrag bouschded ond däe Schbaage rudschd id uff die zwaid Seite.

Kudd soschd no ebbar heit?

Emmrle, wie send dLaibla wóere?

Wonderschee. Heit nachmiddag han-e se bagga.

Was'n, Manne, hasch Du os scho? I wißt jetzt ned, was Du os scho hosch ... Gera ghett velleicht?

I hau gescht au a wengale bacha fiar da Loiblanammedaag, dean mr gescht gmacht hond.

Des oo, Meisle-A; uff jedn Fall gäere kedd, ond id bloss kedd: I hâos ui scho oo allad noo ... ;-))

Abr dier brauched id gar aso verschemd doe. Des isch doch nix Schlimms, wenn i ui gäere hâo. Dier kenned ja dHand vóers Xichd hebe, wenns ui a bissle peinle isch ond bloß mid oir Hand schreibe - Sischdem Adlar: Kraise ond zueschdóeße!

Dätschme gar au mega wella?

'n Âbed.

@ 22 Ja freile! Du käesch mibba nei!!

N'Ôbnd Bebbale :-)

Bebbale ... pffffffffffff

Ja wie redschn du mibm Gäbele?? pffffffffffffeiffffffffffffsch du uffm ledschde Loch odr uff welam??

Ha, soll i pffrrrrrrrrrrrrr mache?

Bebbale ... so äbbes ...

Gell Manni, dir däts gfalle, wenne Bebbale zuadr saga dät. Abr du bisch halt leidr koi "das".

Schdiggle, wa gits an Bebbale auszzetza?

Warom idd? A Bebbale isch au ebbs arg glois. Mr kot au Dipfale sa odr Bresale. Odr halt Bebbale.

I be abbr koi Bebbale ...

Hend Ihr Eich gega mi vrschwora?

Warscheinz isches eam id kloi gnue, so beschaide wiena isch!

A Schdiggle von am Bebbale? Bessr?

Grad fallt mr no ebbs ei: D'Sekretärin vo am andra Enschdedud hot letscht Wuch zuamr gsät: "Gell, Sia kommt au vo dau hear, wo i hear be. Des heart se so a wia bei miar." Hauemr denkt 'dia hot doch koi Ahnung!' Daß dia ned vo dau hear kommt, wo i hear kommt, des muaß doch a Doratr heara. I hau noch gsät: "Noi, id ganz. I be vo Boirisch-Schwaba ond Sia mear so aus Wirtabearg." Nocht hots a wengale an greana Schimmr omd Näs rom griagt und hat ganz schbitz gmoint: "Noi, id ganz, i be ausm Badischa, aus Villinga."

Alzo, Manne, Du moisch, a Bebbalesschdiggle, odr?

It's nice to be a Preiss, it's higher to be a Bayer,
but it's top to be a Schwob.

Isch des id genial?

Meisle, des muesch móere dr Doris vrzelle, die kudd us der Gegnd, i waiß bloß nemma, ob vo dr gäelfießige odr idgäelfießige Seite!

Schwopp? Waas isch nócha des?

Asoo gót des:

    It's nice to be a Preiss,
    it's higher to be a Bayer,
    and even higher to be Allgaier!

Au schee Manni :-)

D'Doris isch vo dô wonne wohn?

Om dr jeremnoi, wellet Ihr jetz a jeds sein bsondere Lokalbadriodismus raushenga? Mir sen doch alle Schwôba, oddr?

Hmmm, i moi, wenn e dr Manne so âgugg ... *ggg* 'z lang en Minche halt ...

Etz honne eich no a Schdory vo unsra Donnergeddin (5 J.) vrzella wella, un etz isch neämrd me dô :-(

i glaub da Leo schbinnt. Er zickt umanand. Schbinnt dr bei eich au?

Bei mir schbennt nix. Zmindescht net dr LEO.

Guad Nacht Meisle, Manni un Bebbale *g*

Abr, Schdiggle, iatz bisch amol objegdiv. Ebbr aus Villinga schwätz ned aso wia i. Dia ka ja koi R ned rolla wia i. I sa ja ned, dasse a schleachts Mensch wär, ballse 's R ned rolla ka. Abr kenna kases halt doch ned ;-)~

Moi Gab, abr i will doch no gared ens Bettle!

Dó hasch räechd, Meisle, oo wemma sErr gurgled, kâ ma âschdendeg sei im Häeze! Woll!!

Selimale, des isch koi Frâg, dass die ned so schwätzt wia Du. Mei Bemerkung hât sich doch uff den Allgaier bezoge .. ;o)

Boschgribbdom zue 46: Des ledschd Zaiche in deim Bouschding siechdm Bard vo deim Dengs vrdammd ehnle!!

PS @ 49 Bei mier schbennd oo nix!

Ond guad Naachd, Moi Gab!

Was globsch, Manne, wo i mr dean äbbl ausleiha dua?

Schdiggle - a sooooo. Ja nocht!

Bebalesschdiggle ond Manne-Kerle ond Moi Gäbala! I mua no ebbs doa. Pfiadsui!

I vrabschied mi au ond wensch rondrom no en scheena Âbed.

Ach so ebbes, jetz hao-n-e vor lauder Bredlesdoig macha on mit ra Fraindin ratscha des nedde Getogesser dôhanna vrbasst. Aber manchsmôl isch halt es Riallaif au no wichdich.

Dui Gschicht vo dera Donnergeddin muasch abber scho no vrzehla, Gäbele!

Ha, wo isch en des? Des muaß mr jâ vo dr zweite Seit nufflupfe.

I lupf mit

Jetzetle isch's nemme nedig. Abbr danggschee fir da guade Wille.

Dua doch älls fr de.

Naja, eher fir da Fade, oddr?

Ond jetz? Bisch scho wiedr d'Schdiege nuff?

Noi, hon mitde Fingr ugeduldig aufm Disch rumdrommld

Wäge warom?

Welle heit Geburtsdag hon un koinr woißes

Au, da gradulier i Dr ganz ganz herzlich!

Was hoißt "koinr woißes"? Abbr Dei Dengs scho, oddr?

Doch, doch. S'hon alle gwisst. Kame id beglaga.

S'nervd, welle so a alde Schachdl bin.

*gschwindduresauss*

Gäbale! Du hosch Geburtzdaag ond säsch nix?! Desch abr Sach! So ebbes!

Ällz Guade zom Geburtsdag vo dauhanna! Derfe dr a baar Loibla schenga?!

*weitrsausss*

Ach Quatsch! Mr isch emmr bloß so alt, wie mr sich fiehlt. I kenn Dreißgjährige, dia senn so was vo alt. Abbr Du doch net.

Doch, i.

Zum Troschd am Ameisle seine Bredla iss. Dätsch au ois mega wella?

Äddid: Danke eich zwoi frs graduliara.

Awa.

Abbr a Bredle dät i scho nemme.

Fr di, 3 Bredla :-)

I schleichme etz zum Zähbutza.

Hebheb, Gäbele, id so waidle fudd! I wensch dr oo alls guede zom Geburzdag. Ond i schdóeß middam Glas Merrloh midd dier â!!

A ta Sânteh !!



Beäss: Ond dZeit dued bloss ier Bflichd, wenn se vrgót :-))

Dangge fir di Bredla. Ond guad Naachd.

'n Âbed Manne. Abbr i gang jetz no äbbes läse. I wensch a guade Naachd.

Hao i ietz äechd s`Gäbele an seim Geburtsdag vrbassd? Des ka ja id wahr sei!
Na vielleichd gfreid sa si moara au no iebr des:

http://www.festpark.de/g100.html

Ha jetz muaß e onserem lieba Gäbele au no von ganzem Herza graduliera!
Alles Guade zo deim Geburtsdag!
Manchsmôl fiahla mr ons halt uf a Art alt, dia mô ons et so gfellt, des kenn-i au. Aber nô geits au widder Däg wo e me eigentlich genau richdich fiahl mit meim Alder on ieberhaupt et jenger sei mecht. I wensch dr au sodde Däg!
On emmer gnuag Bredla, zom de iebr de andere Däg nomdreschda!

Um oins auf d'Nacht hosch no koi Kraut gessa, also kann i dr no graduliera, Gäbele. I schließ mi am Emmerla ã. Du bisch vielleicht reich an Jährla, abr jung im Kopf.

Dankschee, eich alle un bsondrs fr des scheene Schbrichle vom Zuggerle ibr d Zeit.

Letschdin honne mol unerwartet warte missa, war knapp dra me aufzrega un no honnemr gsait, desch etz a gschenkte Zeit, un bletzlich honnes oifach gnieassa kenna - des Verruharle.

Etz no die Schdory vo meinr Thora: Letschmol, wo se dô war, honnera a Diachle un a Serviettle zum Joghurt naglegt un gsait: An Guata. Bitte bass auf, dass nix auf am Boda landet. Nô hottse gsait: Desch doch id mei Entscheidung, des entscheidet doch da Joghurt, obr nabfliaga will oder id.

Wo se rechd hot, hotse rechd.

Bin heit Ôbnd id dô, gang mitde Kollega futt.

Winsch eich äbbs!

@Gäbele
Desch amôl a wifs Mädle mit fenf Jôhr!

@bluesky
Was moinsch mit deam Kraut? Derf mr nemme graduliera, sobald ebber Kraut gessa hôt nôch-m Geburtsdag odder was?

Genau, Emmerle! So hot ma jedenfalls bei mir dahoim gsagt.

Bei eis dahoi oo! Drnóch hilfz nix mea ;-((

Dó mueß i ui no ebbs vom Krischkendle vrzelle, des wo vóernechd scho zue mier komme isch: Däe uffm Kanebee be ii !!

Hoißt des, du hôsch se scho alle alle gmacht, on da Schoglad au???


...des mit dem Kraut han-i net kennt ghett. Velleicht isch des was Oschtschwäbischs. Kennsch du des, Schdiggle?

Nâa, dr Schocklad schdód dó no jongfreilich ôberierd! Dean heb i mier no auf! I hâo me nemle schließlich allad gued ondr Kondroll, gell! Jaa-genau!! *intensifmibbmkobfnickeondendschlossenemondwinklziech*

Noi, i kenn des middem Kraut au net. Wahrscheintz dr bairisch Eifluss ... ;o)

Scheintz neamrds dâ. Nâ gang i halt wiedr. Guad Naachd mittnand.

Vieleichd die bairesche Krautfeddmacharschweinshaxe, Schdiggle!

Guata Aubad beianand!

Erschdamôle graddulier-e em Gäbale no nauchdräglich zôm Geburdsdaag - i wensch Dr alles Guade, ônd bleib, wia Da bischd!
Des middam Kraut kenn-e au it, pfelleichd kommts ausam Datschburgrischa.

Manni, der Kommick isch sauglatt ("Hauptsach, dr Ranza schbannt!") - hôsch Du gwißt, dass dr Tom (dr Zoichnr) a Gelbfiaßlr isch? Dia send scheint's faschd genauso ieberall wia d' Schwauba.

*reinschneii*

Es isch ez scho ordentlich chälter worde, da, fasch scho Gfrürschranktemperature.

DuSenz, die Aufregong midde Gäelfießlar kan i als Allgaiar oifach iiibrhaubz id nóchvollzieche. I kenn des soweso bloß uss dr Gschichd vo de siebe Schwóbe, ond dó schdód dr Allgaier voana dedda - des isch swichdegschd.
Alls was 'au net' odr 'hanoi' sed, isch embwedr a Ondrlendar odr a Widdebäergar ond isch also koi hiesiga. Abr es send oo Leit ond mier lanz gelde!! Es geid ja oo ganz nedde drondr, wie ma dó hinna bei jebm oizelne säeche kâ, oo wenn se mankmól a bissle komesch drhäeschwädzed!

Griaßdi Fleckle!
Bei eis scho oo. Zwelf Grad ondr Null solls heid Nachd gäeba.
*brrrrrrrr*
Ond i woiß id, mir isch allad kald. Beim Aufschdao, en dr Schual, em Audo (bei vollr Heizong auf 28° eigschdelld ond Gebläse was gohd), drhoim am Kanapee, hietz am Kombjuda, ond em Bett ka i vor Eiszapfafiaß zwoi Schdund id eischlafa. Warm isch mr eigndlich bloß a oizigs Mal am Dag: wenn um vierdl vor sechs in dr Friah dr Weckr klingeld, da wäers allad grad schea kuschlig, abr na mueß i ja raus ausm Neschd. :-(
*eddid* Griaßdi manni! Isch dir oo so kald? Vielleichd sott i mal an Uhudlar-Glühwei browiera...

Griaß De Fleggle! Dees isch doch eigentle grad Dei Betriebstembradur, odr?

Ziggerle, Gliahmooschd isch au nix Ôreachts.

Manni, dees isch gwieß koi Aufregông gwêa iebr d' Gelbfießler, i komm wikle guat aus drmit, au midde Allgaier iebrigens...
I fend's bloß glatt, wo iebrall Schwauba ônd Alamanna ônderweags send ônd iehra Sach machad (moischdens au no guat!).

So, etzt han-e gnuag befzgat ônd gang ens Bett - Guaznächdlebeinand!

'befzged' - do hâoni i mi zeschd amól auskichre mieße, so lang hâoni des Wóed scho nemma käedd kedd ;-))) Gued Nachd! DuSenzle :-)

Des middeam Glieuhudlar isch a ganz a guede Idee, Zickarle! Dean däd i oo gäere brobiere!
Wieso friez di aingdle, hasch du koin Dengs zom Nâschlieffe? Drom heiredr doch aingdle, dier Weibr, in Erfillong däer Schrift Des isch nix, dass dr Mensch aloi isch! (1 Mose 2,18) - odr id?

Hoffndle bisch dahoi blibe, Meisle, s schneid ond dSchdarnbergar hand dSchnäekedda no id gfonde!

Noi, Manne, vill bessr no. D'Schdarnbergr send drhoimt blieba. Zom Schneibala hot's earscht ds Mencha agfangt - ond dia send alle reacht vrschrocka ond lei no mit zwanzg gfahra.
I hedd haind onawegs ned drhoimt bleiba kenna - i muaß doch Dei Schdändle beglatscha kenna derfa.

manni, i hao scho an Dengs, abr der isch id geeignd zom Naaschliefe weil er alllad erschd noch mir ens Neschd gohd.

Zickarle, hasch du des id in dr Sonndaxschuel gläened, wie a Weib an Kerle ins Bedd brengd, wenn sen brauchd??

Verstehe ich nicht :-(

Kasch ja ô net, wensch aus Hannower bisch.

Oh du bist ja gut informiert! Kennen wir uns?

Vielleicht ausm Zählfada? Schteht doch in deim Profil.

Achso, ist schon spät, kannst nicht schlafen?

Hab grad no Pelzig gschaut, verschtehsch wattscheins ô net. Mir ham heit Schtammtisch ghabt, abr jetz ghôts ins Hei.

Guda Morche!
Do i in negschder Zeid wohrscheinds net sou oft zum Schreibe kumm winsch i eich alli heid scho scheane Weihnachde un an guade Rutsch un alles guate fir's neie Joahr!
Vielleichd schaff i's endli dass i mein Combuder daham ans Netz noubring, no kennad i aa amol obends midreide.. ;-)
Winsch eich was bis ins neie Joar!
Muffele

Muffele, guda Morga on dange fir deine guade Wensch! Dir au a schees Weihnachda! Sieh zu dassda dein Kombudr drhoimt ans Netz griagsch, desch schau naidich wemmer so em sozjale Netzwerg vom Leo anggasichiert isch!

Zickarle, hasch du des id in dr Sonndaxschuel gläened, wie a Weib an Kerle ins Bedd brengd, wenn sen brauchd??
manni, so kald isch mrs dann oo wiedr id. ;-) Ond außrdeam isch des nix wennr scho mit mir ens Neschd flackd, weil dann ka i ja nimmr läeasa, ond des isch no mindr wia kalde Fiaß!
*eddid* I wensch dr oo a scheas Feschd, Muffele.

Also Ziggerle, dô miaßet ihr aber drengend no an eirer Bezieong arbeida! Mir flaggat mitanander nei on lesat boide!

Emmrle, dó hasch abr a Massl kedd mid deim Dengs. Mid jedam däd des id gâo! *schaudrimbedläeseondraschlebeimombleddreschaudr*

genau! :-D
Mit dir gengt des edda!

Nó gang i hald oo ins Bedd - ohne Buech, bloß middam Nachdhemed!

Hmm, was mr wohl emma Nachthemmed läsa kâ? I glaub, des will i gar net wisse ...

tztztz....
Guda Morga Schdiggle! Hôsch du ao schao Schnee gschibbt wia i?
On 's Voglheisle ufghängt on Meisaknedl?

Guade Morge en da Siede.

Gschippt ... jâ, dr Weg om's Haus, dr Gehweg hât dann 's neidrinido gmacht. Abbr a****kalt isses, minus dreizeh Grad (ond des isch direkt am Haus gmessa, wahrscheintz isch es keldr ...). I will Friehleng. Sofort.

Ond jetz wer i mi durch da Schnee kempfa ond eikaufa gange.

En scheena Dag wensch i.

Nachdhemed, manni?????? Des isch ietz abr id dei Ernschd , gell? Des is fier mi der Erodik-Dodschläegr Nummr ois. Amend no midra Zipflmitz?

http://picture.yatego.com/images/44bf45d54808...

Ietz wo i des Bildl rausgsuechd hao, moi i faschd, da hemmr scho amal gredt drvo...

Zickarle - faschd droffe! Abr one Zibflkabbe ond Schdrembf. Ond Aleckdresch haone oo.
I hâo koin Dik, äeschd räechd koin Äro-Dik!

#113: Isch wohr? (Guad, des koi Englisch-Muaddasprachlar mitläese!) ;-)

Also Eßdedrui, dô wär e mr an deiner Schdell au net so sicher, dass dr manni net doch so a Äro-Dengsdô hôt, a gschdandns Mannsbild, wia-n-r doch ois isch!

Äßdedrui, drom hâonis doch ägschdra ohne 'c' gschribe, des Äerodingsboms - (boms? hmmm ... scho mea a seddas Wóed! Was ischn mid däer schwäbesche Schbróch heid los??) ;-))

Emmrle, nix dó!! Vô wäege 'au net so sicher'. S Schdickle wäed kebbd ond soschd nemad, gell!

Noe, noe, so han-e des et gmoint, manni! I moi, bei dir mua mr nix lupfa zom dei Äro...aahm, ebba des Äro-zeix mitzomgriaga. Beim Schdiggle gôht's jo drom, empirische Schdudia zor Anadomie eines Neidroms durchzufiehra, desch ebbes ganz anders. Abber dui Ärro...halt dui Ärro...ahm, du woisch jô scho, also des isch jô etz net en erschder Linie a anadomischer Gesichtsponkt, sondern des gôht so en die Richdong vo Ausschdrahlong oder so, odret?

*Bäradätzlesdoig macha gang*

Okee, jiez hasch de gued rausgredd ond i will des amól so gelde lâo - Ausschdrahlong und Ärro-zeix oder so!

Ond net en erschder Linie a anadomischer Gesichtsponkt bassd ja oo zu meir Hibbedeese middr Wirrgenedäd in # 2 ff. :-))
Greit mainz ßink elaik :-))

Genau, desch mr nemlich vorher au durch da Kobf ganga, dass des dôdrzua basst. Moinsch wirglech, mir wäred greid mainz? Iii woiß edda...velleicht ßinged net so ganz greid mainz au manchsmôl aleik....

(I glaub jetz vrschdôht ons ball neamert mae aoßer ons selber...)

I vrsteh scho glei gar nix. Wann fliegschd ab, manni? Kimmschd erschd im Frihling wieder, odr sans zwoi vrschiedne US-Aufenthalte?

Emmrle, du bisch uff jedn Fall a Greid Maind. Des sag dr ii - ond des schdemmd, was i sag, weil i dier ja maindmäßeg elaik bi. Hasch mi??

Taubzach isch, mier vrschdanded anand :-))



ädidd:
Äßdedrui, i komm bloß oimól ond äeschd im Frieleng. Mier hand eisr Dräeffe uff Óeschdre vrschobe, weil mr dó baid zwar vrschidene, abr doch ronde Geburzdäg hand! Däe Kerle isch zeje Jór jengr wie i!

Ach so, du fliegschd dann vo B. noch SF weidr?

Noi, uffm Hoimflug hâoni 12 Schdonda Zeid in deam Boschden. Nummwäez bloß oi Schdond zom Auftanke. Dó kani id amól a Zigareddle rauche :-((


ädidd: Uff Amäereka nomm geiz bloß die ganz xonde Fliegar. Uff Russland wär des andrsch:
Ansage der Crew: 'Wir weisen darauf hin, dass es sich um einen Nichtraucherflug handelt, für die Raucher unter ihnen öffnen wir nachher unsere Terrassen links und rechts und zeigen dort den Film 'Vom Winde verweht.'

Vor 10 Johr konnte man vo hier aus ganz ginstig noch Boschden fliega. Heit glaubi nimmer, abr i erkundige mi mol.
ädidd: I wollte a saga - Raucha beim Auftanka, liebr nedd!

Ja, dees wär ja dr Hamar, wenn mier eis dó dräeffe konnded :-)))
Tihpardy isch soschd alls, was mier zue Boschden eifelld!

Dó hasch scho räechd: Beim Tanke sobba id rauche. Des isch ibrigens zDeitschland oo so. Isch des amend a Anglezissmes bei eis, odr gar an Amäerekanissmes? Odr isch des bei ui a Gerrmanissmes?


Jiez flack i ins Bedd, es isch scho viedl uff ois!
Guez Nechdle :-))

"Taubzach" - des hôt mr saumäßich gfalla!

Griaßts Eich dauhanna o!

Dr manne fliagt auf des Amerika nom?! Desch luschde, ball i letscht Wuch erfahra hau, dassne nägschts Jaur wartscheintz au zerschtmol auf des Amerika (em andra benne ja schomml gwest) nom sott.

Was duaschn dau dieba, manne? Osrn doosohrata Fraind bsuacha? (wanne so neigierig sei deff)

Nââ, dean idde. I hâo an hanseaddische zBökeli, on mier feired middand eisre ronde Geburzdäg, oo wemmr zeje Jór ussand send - also äer isch dr jengr!

Amól luege, ob ebbar ussm Krosskandriklubb uff Boschden kudd, dó haoni an Dag Zwischeschdobb, dass i a baar Zigareddla rauche kâ zwische Sambfranzischko ond Menke ;-)
Deam Doosóerede wäez woll zweid sei vo Bólmóer (so saged die Einheimesche des âgäeble!) uff Boschden.


Boschgribbdemm: Neigiereg däffschd scho sei. I kâ ja nó allad no luege, ob i dier dWórad vrzell odr idd, gell!
Des isch des Brackdesche annam Endrneddschädd: Ma kâ viel leichdr dWórad nâbiege, wies oim grad bassd ;-))
Wemma róed wäed, siechz ja kóir!

Sappradi, glei bis ganz henda nomm! Dau globe des geara, daßbma a Paisle zwischanei braucht.

So ischs reacht - abr 's git au Leid, dia was se gnetigt fialat, wammrse frogt. Abr aigndle hätte mr denga kenna, daß Du dau ned drzua ghearscht. Desch âgneam.

Emmrle, ois muanedr no sa - des Nirwana isch em Schnapp weggwea :-) Ond's hot ned bloss miar gschmeckt.

Ha nô muaß e des jetz au môl fir mi selbr kaufa. I han nemlich bloß dir on am manni ois kauft, fir mi selber kois.

I hâos no, des Nirwana! I kâ me nemle beherrsche, oo in ägschdreem vrfierarische Siddewadziona :-))

Des kenned id all, drom nemmi znachd oo a Nachdhemed âa ond id oin vo deane säggsi Biddschamas. Soschd däded die Nóchbeirna wisawi uff de Balkô garnemma weckkomme vo ierene Feldschdächar ond Obbeguggar!

So, grad an Leserbrief an d'Zeit naus glossa. Schreibt do doch oine, daß ma z'Datschiburg Bayerisch reda tät. Also wirkle!

Vo was ma Nirwana schwätzet Ihr denn? I kenn zwoi, abbr vo denn ich kois zom Essa.

*dureschneiii*

Isch schinds nie denn öpert ume, wenn ich ume bin... Ziitverschiebig?

*useschneiii*

Fleggle!! I hoff Dir gâht's guat.

Heee!! Dâ ben i doch!

Dochdoch chan nöd chlage (da ich ja nöd Awalt bin, icsh das durchus en Grund zur Freud ;-) ), ghat mer widr viiiiiiiiiiiil besser.

Fleggle, siggsch, ond i be froh, dassne net klaga muaß.

Wieso "widr"? Warsch krank?

Nenei, mengisch ghats eim halt chli besser, mengisch ebe schlechter.
Aber ez ghats mer guet. :)

A soo. Freit mi abbr werklich, dass Dr guat gâht.

Schön :)

Sooo, ich sött mal wiiter, han no gar nüt Znacht gha...
*useschneii*
*wink*

En guada Appetit wensch i Dir.

*nachwink*

gugg môl dô, Schdiggle:

http://www.amazon.de/Rapunzel-Bio-Nirwana-Noi...

(õglaublich, was es alles bei am...on geit!)

Vóer däe Fade gar uff die zwait Seite nommrutschd, muess i ui die draureg Middailong mache, dass i des gailschde Museggenschdremend vo dr ganze Welt - des hâoni ui globe scho vrzelld kedd, odr? - nemma hâo, weils dr Franz mea sell welle had. Nechd hâonems mea brenge mieße ;-(( *schnieff*

Manne, Du bischt wirgle a armr Droopf. Wanne kot, dädede dreschda. Abr i woiß, daß dau koin Troscht git. Velleicht hilftdr a Ripple vo deam Nirwana a wengale iebr Dein Schmearz hinweg.

Oi Ribble moisch?
Dó isch hald dr Suchdfackdor id zom vrnóchlässege. Däe isch faschd so hóech wie bei de Kockeslaibla :-)))

Ach, war des bloß glieha? Du armer Bua! Nôch muasch dr velleicht amôl uf Dauer xea so ois oiga herdõ!

Was koschtn so a Inschtrumentle, in welche Regiona beweg ma uns dô?

Gebrauchde, wenn se gand, so ab vierdaused - nuie ab siebe! Jiez ward i hald uff an Schbonsor. Uffm Schdammdisch isch scheinz koir drbeigwese :-((

Dó fellbr grad êi (abbrebboo Schbonsor): Wenn dräeffed mier eis aingdle mea??

Wenn i im Lotto gwinn, kauf i dr oins. Muasch halt fescht Dauma drugga. ;-)

Wohl deam, däe wo Freind had wie di :-))

Jessas, desch aber deier! Des hett-e jetz net denkt ghett. Also wenn i a graoße Erbschaft griag, nô geb-e dr au was drzua. Muasch halt fescht d' Dauma drugga...

Dreffa: irgndwann ens Friahjôhr nei en Ulm, han i denkt, odret?

Ja, schdemmt! Alamanna-Dreffa z'Ulm. Sottbmr mal grob die zweite Aprilhälfte ens Aug fassa? Ball dr Moi isch so voolr Feirdäg ond Feria ond i hau au scho ettlich feschte Derminr am Moi.

Ende Abbril äeschd? Des isch ja no lang nâ. Des daured mr zlang midd däer Bassklarinedd vo ui ;-((
Was due i nó die ganz Zeid?

Ah, ah, ah, dauhear weaht dr Weed! Gmolat velleicht! Gmolat, Kerle! ;-)

Abr dz Emmrle hot Friahleng gsät. Ond em März isch no-ed Friahleng. Z'aafangs Abril bisch ja du ed dau, odr?

I woiß et, ob i bis dortnã schao g'erbt hao, manni...
I fend Abril koi schleachde Idee.

Hondr dia nuischt Omfraug vo dr Augschburgr Uni scho gseacha? I hanse desmol arg schwierig gfonda, ball dia Frauga zmoischt auf hochdaitsch gschrieba send ond i des nocht erscht amole en mein Dialekt iebrsetza hau miaßa. Dau war des manxmol schwierig de hochdaitscha Variant ausm Greend zom griaga. Des kommt drvo wammr poliglott isch :-))

I drau mr id middmache, well i scho so lang vo dahoi wäck be ond gar idd waiß, wie die heid schwädzed. Ond des Menknarische ond Ondrlendesch vom Langkrais Augschburg habbr oo ganz schea s Hiere vrwirrbled ;-(

Awa! Dau kosch Du laicht mitmacha. So genau isch des ja ned, ball des ja ned a Dialektondrsuachung isch, sondrn a Ondrsuachung zur Umgangssprauch.

No ebbs nauchdraga: Außrdeam muamr ja am End agea, obmr no an deam Ort wohnt fr dean mr seine Âgaba gmacht hot odr wia laang mr nemme dau wohnt. Dau reladeviert se des ond dia an dera Uni kennat des reacht eiordna.

wia laang mr nemme dau wohnt. - I waiß doch gar nemma, ob des vom frienere oder schbädere oder hêidige Dahôi isch.

Abr seis wies well, midd dier dischkrier i allad gäere - ob du mier des globschd?

I han au glei mitgmacht. I han au drã romgmacht, was vo meine Entscheidonga vo meira frihera Hoimatschbrôch herkommt on was vo meim heidicha Wohnort, aber i han eifach so g'antwordat, wia mr's 's Hirn raa komma isch. Des sagat se jô au, dass mr schbontan ohne viel Nôchdenka antworda soll.

I dät fei au komma wella, wennr me lont.

Un am Manni däte a Bassklarinädda mitbringa welle, wenne kennt. I winsch mrs etz oifach, un nô schigge den Wunsch ins Wältall, des dät funktioniara, hot mol äbbr zuamr gsait.

I hon an hochgradigemm Schwäblaentzug glitta, un ihr hon iddamôl gmärgt, danne gfählt hon.

*schnief*

Wie willschn du des wissa, dass mir des net gmerkt hent???
Nadierlich han-e di vrmißt! I han mr halt denkt, dass da an Haufa Gschäft hôscht ond drhoimt velleicht d' Engkala ällaweil om de rom sent!

On ohne di wär des Dreffa nix, des sag dr i! Du muasch dô komma, dô herrscht Gäbeles-Anwäsenheizbflicht!!

'n Âbed.

Isch äbbr om dr Weg?

Ja. I-i.
Griaß De Schdiggle!

Griaß De. bessr I-i als I-A ... *gg*

I oo! Grieß ui!

Hai Manne.

I hoff Eich gâht's guat.

I oo isch dr Manni - griaß De!

Send-Er au so rackhêe wia i? Sonschd gaht mer's guat, Schdiggle.

Nâ, it rackhêe! Vo was oo? I lass Weinechde ganz langsam ond schbarsam âgâo.

Hee? Kâ i mr derzeit ned leischde, dâdrfier hao i zviel Gschäft.

Weggsem Gschäft ben-e hee,it weggs Weihnächda. Em Moment haun-e laudr Kloigruuschd, nia giit's a gscheids Schdigg. Schdiggle, wia isch des eigentle bei Dir?

Koi Kloigruschd, i hao grad zwei Großbrojeggd, boide mit Zeitdrugg. 's oi muaß bis zom Dreißigschde ferdig sei, am Oisadreißigschde isch Beurkundongstermin. 's andr hât a Woch meh Zeit ...

Dô hôsch ja no viiel Zeit, bis zôm Dreißigschda! Ônd om die Weinachdsbsuecherei kommsch au guat romm, wenn-De mâgschd!
Abr den Schdress kenn-e au.

I wensch Eich alle scheane Weihnachdsdääg, brav send-er ja gewa, nauchd werd's Krischdkendle au komma!
ônd etzt ben-e em Bett...

Am zwoite Feirdag kennt des bassiera, dass ne ens Birro muaß.

*edidier*
Guad Naachd, Faschdafempferle.

Gudda Morga mitnand.

Gescht ischmr em Gschbräch a Wertle eigfalla, vo deame ned ganz sichr be, ob des Dialekt odr Wagges isch. Iatz mechte ui amol froga, ob des Wertle ebbr kennt: Schegges. Mach koin Schegges, hosch Dein Schegges beinand ... so vrwendet mr des. Hoißa duats Zuig, Sach, Glomp.

'Schegges' kenn i id. I däz zu Tünnes on Schäl uff des Kelln nauf êióedne.
I kenn bloß 'Jegges', wemma ibrraschd isch ;-))
Isch des 'J' nó a waichs franzesesch 'sch'??

Na, ich glob, des J in Jegges kommt wia Jeggrle (so sät mr bei os) vo Jesus.

Nau weard Schegges wartscheinz mal widdr Wagges sei wia mulo au.

I kenn wedder Schegges no Wagges no mulo on bidde om Aufglärong ieber de boide letschde.

Haui des no ned vrzällt, daß bei os en de 30gr Wagges (=Wagaleid, umherziehendes Volk) zwangsagsiedlt hand? Dia Laid redat Wagges odr Jenisch. A ganza Latt vo Werdr hammr os dann en da Dialekt iebrnomma ond miar kommt erscht iatz, wone vo drhoim furt be, daß dau einige ned-schwäbische Werdr en meim Schbrachgebrauch send. Dau dr zua gheart eba au des mulo, was "hee, kabutt, erledigt" hoißt. Bei andre Werdr haune des scho emmr gwißt, balls no andrs Dialektword geah hot: Tschure = Messer, Fisl = Freind, Tschai = Mädle/Freindin, Garamaschgere = Pistole, Dinalo = Depp, Gaatsch = nomml Freind, tschi = nichts, kein, nein.

Ui! DAu hanne fascht alle Werdr gfonda ond no a baar mear, dia wasne scho fascht vrgessa ghett hau: http://www.luetzenhardt.de/pdf/JenDeu.PDF Lei mein Schegges isch ned drbei.

Fisl kenni id als Freind, sondrn äjer als Feind, nemle als Oxefisl. I hâonen abr nie zom schbiere kriegd, schließle isch mei Onkl, dr Baur, a freindlena Mâ gwe. Äer sei ussam Oxeschwanz gmachd, haddamr vrzelld ond had so komesch grinst drbei. Äeschd schbädr hâoni erfare, was fier an Schwanz a gmoid kedd hadd!

Midde Zigeinar hammier nie nix am Hued kedd sondrn hegschdns Angschd. Vo deane hammier oo koine Wäedr gläened, sondrn send drvôgschbronge.
Ond wenn ebbar räechd nix gwe isch, habba zue deam sage kenne, ean häbed dZigeinar im Trabscheiße vrlóere - hmmm ...

Ach so, danke, noi, des han i net gwisst. Mei Uroma war ausm Hohelohischa, i glaub dô hôt's au so Leit gea on dia hent a baar Werdr vo dene iebernomma.
I erinner me zom Beischbiel an "dr Gfinklt" fir an Schnaps. Desch abber uf deira Lischde au net druf. Kennsch du des?

Des wondred mi scho, dass dier vo de Jenesche ond Zigeinar Wäedr ibrnomme hand. Send die denn lengr in de Òedschafda gwe, dasses an so an Kondackd gea hadd?

manni, du muasch au gnau lesa was es Ameisle gschrieba hôt! Dia send doch dort zwangsãgsiedlt worra, hô se xait! Also hen se nô em Flecka gwohnt, denk i mir, on mr isch-n begegnet em Alldag.

Von die Jenische hosch scho môl verzählt, abr daß me de au Wagges hoißt han e net gwußt. Wo i aufgwaxe bin hots net weit weg au Jenische ghett, abr dr Papa hot mas schtreng verbota dô na z'geha.

zwangsãgsiedlt - dromm!

*allenMutzusammennehm*
I winsch euch ne scheene Weihnacht und en runde Rutsch!

danke schee, Maulwirfle! Des freit me abber, dass du uf Weihnachda amôl widder dô reiguggsch!!
Nix fir õguat, derf i di drotzdem korrigiera?

I winsch euch (ne) a scheene Weihnacht (oder no besser: a schees Weihnachda)...

Ond des wensch i Eich all au!

A bissle a Ruh, a bissle Besinnong ond oifach scheene Dag!

Maulwurf, sapradi, Du bischt abr a mutigr! :-) Dankdrschea fr dia Winsch ond Dir ond Deine Hamschtrfehla au scheane Wiihnächta ond o an ronda Rutsch *g*

Ond älle andre Schwauba as sell!

I wensch ui oo all scheane Feierdäg. Lanz riebeg âgâo. - Schdiggle, du oo, so zwischenei!


So inna zwai-drei Däg meld i mi mea!
Machez gued bis dett nâ!

I mecht au no älle Schwôba on sonschdige Leit a wonderschees Weihnnachda wenscha!
Machet's eich gmiatlich, essat on drengkat guat (on net zviel) on feierat schee mit dene dia mô-n-r megat!

Dankdr schea Vegale, desselbige wensch i Dir oo, ond oo alle andre liabe Schnägga do heanna.

Frohs Feschd!
Fiehlds uib all amol ganz feschd druckd!

http://upload.wikimedia.org/wikipedia/commons...

Dangke fir die Druggade, Ziggerle! Des duat mr scho guat!

So, send-r älle schee am Feschda? Hent-r ao de tibbische Weihnachtskrisana ghett?
Odder eher Friede Freide Lebbkuchen?

*dureschneii*

@neutrino: Is this your field by any chance?

Siehe auch: fiktive Marktentwirrungskosten

@SD3: No, not at all. I'm not doing economics but corporate law. And I doubt whether Isabella who made the enquiry will still need it ... after more than 5 years ;o)

@neutrino: My apologies: I was too cryptic. Apparently it's a term used in the UWG. That was the field I was referring to.

Hoggsch du en deim Birro heit, du arms Schdiggle?

On Griß Gottle ßdedruile! On, hôt's Schnai bei eich?

Goldammer, ja ...

SD3, diesen Begriff kennt das UWG nicht. Ich kann mir aber vorstellen, was im Zusammenhang mit unlauterem Wettbewerb damit gemeint ist. Einen Übersetzungsvorschlag habe ich aber nicht.

Griaß de, Goldammer. Ja, Schnee hot's no. Abr nimmr long, denk i, es räegnet grad.

OK neutrino - danke.

Übertriebenes Klicken - tut mir leid.

*dureschneii*

*Teilibemitleid*

*schubs*

Hee, was schuggsch denn so?

Ond ja, i bemitleid mi au ... 's ärmschd Schdiggle vo der ganze Welt ...

I hoff, Dir gâht's guat.

Schaad, bisch scheintz nemme om der Weg. I muaß jetz koche gange. Abr i gugg nâchher wieder vrbei.

Mir gahts sehr guet. Han grad d Chuchi verwüäschtet und iss ez mini Büüti vorem TV und em Laptop.... ahhh, s Lebe chan sehr schön si :D
Morn gani nomal go luege, öb ich echt mini Koleeg ide Chile finde und susch gani chli go schoppe und hängs i minere Badwanne... *schnurr*


Wenn ich Dich wär, wür ich dopplete Wuchenändzueschlag verlange... am 26 go bügle möse... tztztz, wie unmenschlichi Zueschtänd i eurere Bansche. (PS Falls mals gliche wetsch mache, aber in Kleinstuttgart mit Bergluft, bi eus ide nächi hets au e Filiale vo eu ;-) )

[Bedienigsfahler]

Jdetzt muaß i doch nâchfrâge:

- öb ich echt mini Koleeg ide Chile finde - Chile?

- Kleinstuttgart ??

Äääh, mir han koi Filiale bei Eich. Mir hen zwar Filialje em Ausland, abbr net en der Schwiiz.

Chile, oder Berndütsch au Chiuchä, = Kirche.
Kleinstuttgart: Ich han ja mal gseit, mini Stadt gsäch us wi Stuttgart, nur chliner.

Den ischs demfall d Überfiliale gsi ;-)

- Ond was hoißt "gliche wetsch mache"?

Hmm, des mit dr "Überfiliale" vrschdeh i au net. I glaub, i mach jetz mâl die PM â.

Abr Du hâsch koi PM ... Hmmpff.

mals gliche wetsch mache:
mal(das) gleiche (=selbe) willst machen


Ich han dr es PM gschickt. Glaubs. Isch "save" = send??

"save" isch sende. Ond Du hâsch jetz Antwort.

Ich weiss :)

Ehm, wenn das bei mir nicht im Ausgang angezeigt wird, heisst, dass das Senden fehlgeschlagen ist?

Öööh, ich habe Deine doch gekriegt. Odrr hâsch a zwoite gschickt? Die hett i dann net griagt.

Ja, hett eich eini gschickt. Ich versuechs namal.

Ich hans Gfühl, das haut nöd... aber s wär au nüt bedütsams gsi.

Doch hât nâghaue. Ond ja, so isch des. ;o)

;-)

Des isch manchmôl a bissle mischderiös, die rausganene Nôchrichda erscheinat erscht nôch ma Weile em Ausgang.
"save" hoißt eddafall, dass se naus sen.

Soso, eso lauft das.

Na, ihr beide grosse Chazeflüschterer, mini Chaz miauset und luegt mich a, aber susch seit si nüt. Was wet si echt?

Schbiele oder Fresse?

Die onsr pennt grad. Nâchher schbennt se wahrscheintz wiedr ond rast
wie uffzoge durchs Wohnzimmer inklusiv Power-Slide-Eilage uff em Parkett.

Mhm, chan si;-) Ich han sie ez mal verusse glah.

Tja, teili, da gits zwei Methode zum ire das abgwöne: 1. Während em Tag sosehr er,üäde dur schpile und verusse-ufenthält, dass sie z Nacht schlaft.
2. Fahlverhalte beschtrafe. Wenn mini z tumm tah het, hani sie mal für e Viertelstund in Cheller gsperrt. Schad ire nüüt und sie isch nacher ruhig. ;-)

Die onser darf no ned naus, erscht, wenn se schderilisiert isch. Ond die dät gern en Keller gange, der gfallts do onde, so viele Vrschdeck ...

Aber sicher nüm, wen d Türe zue isch ;-)
Euse Cheller het au vil Versteck, aber die sind alli uninteressant, wen mer drin igsperrt isch.

Des woisch Du ond des woiß i. Abbr i glaub, die Katz woiß des net.

Aso, wenn ich i mim Cheller igsperrt wer, würi den igendwänn afange d Vorrät plündere, die sind nämli au dete glageret.
Aber, seriously, bi euserer Chaz nüzt das amigs.


Soooo und ez muei mal gos Badzimmer in beschlagnä, bevor das öppert andersch macht.

Dann wensch i guade Seiberong.

I wonder me, was vo ma Schneefleggle iebrich bleibt, wenn's a hoiß Bad nemma duat....

I wonder me, was vo ma Schneefleggle iebrich bleibt, wenn's a hoiß Bad nemma duat...

En schnurrende und nach Eberri duftende Flockehuufe ufem Teppich vorem Fernseh.

Eberri?

Ebberi, eich wirds Ebberi usgsproche, nöd Eberri.
Es bedütet Erdbeere. Mir seged dem Ebberi oder au Ebperi.

*isChüälschränklischneii*

Eberri? (c) bluesky

d' Edith schempft on sagt widder môl: kã'sch denn net effaifa, vor da was schreibsch???

So!

Ha?

Ob i waas häb?

Hättschn ebbs?

Was hetsch dän?

Liebe Giede, ihr schbriehat jô nã so vor Elogwenz heit!

Abr, Emmrle, kennsch Du ned dean Witz, wo oinr an Bsuach zom Schdammdiisch mitbringt, wo scho oir sitzt. Dear sät nauchara Weile "so". 'S vrgat a Zeit, nocht sät dear, wo dean Bsuach mitbrocht hot, "So, so". Dr Bsuach wartet a wengale ond sät schliaßlig "so, so, so". Dia drei drengat aus ond gand hoim. Beim nägschta Schdammdiisch sät dr oi zom andra: "Dean brauchsch nemme mitbrenga, dear schwätzt zvill."

Woll!

Momoll.

Noi, des isch so gratzat.

Nó muesch hald mit Berrwoll wäsche!

Noi, des hilft au id.

Guada Morga.

Nó nemmi die Woll mea zruck ond sag: Seide!
Zom Wäsche kâsch drodzdeam s Berwoll häenemma, falls es scho koofd hasch. Muesch dr hald bloß nix denke, wennd 'Woll' lieschd, idd dasses glei mea âfangd kredze - Bafloffscha Kredzreffleggs ond so ...
Nóedfalls bebbesch a Hansblaschd dribr.

Bessr?

Ja, wondrbar. So isch's bessr ;-) Du bisch hald äbbl bsorgt om Deine Leid. Dau kâmr se vrlassa.

Grad haoni mier ibrlegd, ob mr die vrschiedene ERR id oo ondrschidle schreibe konnded.

En dr Fonedeck geiz drei im Deitsche:
    stimmhafter alveolarer Vibrant [r], (Zongeschbidzle)
    stimmhafter uvularer Vibrant [ʀ], (Gurgl)
    stimmhafter uvularer Frikativ [ʁ], (Gurgl)

Wenigschdns d Ondrschaidong vom eschde, ZongeschbidzlesERR ond de andre, de GurglERR wär doch endressand: r-R

Was moined dier?


Bei mier däd des Gedichdle nócha so ausluege wie in # 251.
Beim EmmRle ond de andRe WieRddebäeRgaR ôgfäeR so:

    Es Reangeled, es schneibeled, es gód a kalda Wend!
    Dó kommed die dRei Basala ond saged, s sei a Send!

Ond wia muanemr dean Ondrschied vom 2. ond am 3. vorschdella?

A wengale schwierig deft des werra, wann fiar dia zwoi -r- Groaß- ond Gloibuachschtaba nemmsch, ball wia wiltschn nocht wissa, ob "Rinna rinna" odr "rinna Rinna" gmoint isch?

Beim zwaide wibrierd on fladdred dZongewurzl richdeg wie beim Gurgle nóchm Zebudze. Des dridde isch a schdimmhafz hendrs 'ch', dSchdemmbendr wibriered, abr an dr Zonge kidzlez bloß a bissle.

Abr zom Schreibe wärs a gróaßa Schmarre, moini ;-((



Vrgessbrs ganz waidle, gell? - I hao ja bloß gmôid ...

Iatz gurgl i scho a Weile vor me na ond kabier des mit deane Gurgl-r-s ned. Des muaschmr amole vorgurgla.

Fr des oine Racha-r (des dritte) kotmr ja oifach a 'ch' schreiba ond frs zwoite a chr odr rch? Nocht wear des Schbrichle:

Es chreangeled, es schneibeled, es gód a kalda Wend!
Dó kommed die dchrei Basala ond saged, s sei a Send!

:-))

Bloß dass des 'ch' sowohl bei 'ich' als oo bei 'ach' schdimmloos isch - dó wibriered dSchdimmbendr idd!! Beim [ʁ] wibrieredze abr!

Am nägschde Schdammdisch dränierebr des zeschd! Vór geiz koi Bieʁ on koin Bʁóte!!



Grüezi, Fleckle! Heit ischs richdeg Weddr fier uibrois zom Woolfile, gell??

uibrois ?


Aso bi eus seichts und es isch abartig warm ide Stadt.

"uibrois" - desch endressant! I vrmut môl, des isch "euereins", analog zu "unsereins". Kenna du-r-i des net. On em Hochdeitscha geit's des jô au net.
Han-e reacht, manni?

Ja, des mit dene vrschiedane Gurgler miaß-mr beim Schwôbadreffa en Ulm ao no themadisiera, des dät mi auch endressiera.

I kenn des Schbrichle iebrigns so:

As schneialat, as beialat, as gôht a kiahler Wend,
as fliagt a schneeweiß' Vegale
uf 's Kepfle jedam Kend.

M. Ende: Die unendliche Geschichte
 
Atréju, ein junger Held, welcher den Auftrag bekommen hat, eine Erklärung für den Untergang zu finden, verspricht sich Hilfe von ‚der Welt der Menschenkinder'. In einer verlassenen Stadt trifft er auf den sterbenden Werwolf Gmork. Alle anderen Bewohner der Stadt haben sich bereits in das Nichts gestürzt.

"Warum?" murmelte Atréju, "warum sind sie nicht geflohen?"
"Sie hatten keine Hoffnung mehr. Das macht euereins schwach. Das Nichts zieht euch mächtig an, und keines von euch wird ihm mehr lang widerstehen."



❄ Bei eis reangelez-schneibelez bei femf Grad!

okeh, okeh - sechsdausadonõgrad Guhglhitts geit's, aber desch scho arg õgwehnlich, odret?

Aso uf Hochdütsch het ich euereins scho verschtande. Aber "uibrois" tönt fasch nach Walliserdütsch ;-)

"õgwehnlich" - ja freile! Bi ja oo koi gwehnlecha *miussmkreizaufrichd*