Werbung
LEO

Sie scheinen einen AdBlocker zu verwenden.

Wollen Sie LEO unterstützen?

Dann deaktivieren Sie AdBlock für LEO, spenden Sie oder nutzen Sie LEO Pur!

 
  •  
  • Übersicht

    Quasselzimmer

    zwaiedreißgeschda Schbaagə

    Betrifft

    zwaiedreißgeschda Schbaagə

    Kommentar
    Alemannə-Schwóbə-Fadə 32



        
    Des isch a ganz a endrnazenale Alemannə-Schwóbə-Dräffbonkd
    zom Hôigaatə, Radschə ond Dischkrierə,
    in deam wo ma all grenzibrschraitedə Warianda vom Alemanneschə läesə ond schreibə kâ.

    Ond wäe Luschd had, kâ oo en andrə Dialäkd wie Bladd odr Schdandardneihóechdeitsch schreibə.
    Also dond ui koin Zwang â ond schreibed mid. Mier gfrajeze ibr jedn, däe wo reikudd ond eis Xelschafd laischded :-))

    Ond schreibed ganz aso, wie ui dr Schnabl gwaxe isch.
    Desch endressand, dassba sogar beim Schreibe glei die Ondrschid vo de vrschidene regijonale Warijanda säeche kâ, vom Lech bis ibr de Rheî nomm.



    Des isch dr vóerəg Schbagə gwe, ond jiez góz dó hinna weidr.


    Mier hôigaated allad weidr, solangs no ebbs zom sagə geid!
    Onz siechd ganz drnóch aus, dass eis dr Gschbrächsschdoff no id so schnell ausgód ;-))





                        Land id lugg!





    Boschgribbdom:
    'Schbagaad' odr 'Schbagə' isch im sidlichə Dail vo Siddeitschland s Äkwiwalend vo 'thread' ond bedeided Bindfadə. Eddemelogesch haz ebbs mid Schbageddi ond Schbädzla zom doe.
    Fier 'Hôigaatə' sagezə in mankə Gegnda oo 'Hoggedsə'
    ;-)
    Fier manke sodd i oo 'Land id lugg' ibrsedze. Abr des due i jiez amól idd. S isch jednfalls nix Ôâschdendex!



    Boschgribbdom zwai ommare viedlibr zwelfe mibba in dr Nachd: Jiez bin i gschbannd, wäe de Âfang mached im nuije Fade :-)
    Verfasser manni3 (305129) 15 Jan. 10, 18:55
    Kommentar
    Guad Nachd Manni. Wemme ins Nesch schiggsch, nô gange halt.


    Dankschee, firs neie Schbagätle.

    #1Verfasser Moi Gab (456541) 16 Jan. 10, 00:26
    Kommentar
    S wäed heggschde Zeid fier die brafe Fehla! Gued Nachd :-)
    #2Verfasser manni3 (305129) 16 Jan. 10, 00:28
    Kommentar
    Guda Morga!
    Jetz han-e doch grad gmerkt, dass-e gerscht Ôbad da falscha Fada vrwischt ghett han, on drieba em Ieberkreiz-Schwatz uf Schwäbisch neigschrieba ghett han! Dô hen sich velleicht a baar gwondrat! I han's abber no rauslescha kenna, weil heit Naacht koiner was zom saga ghett hôt sell dieba.
    Drbei han-e eich bloß gschwend vrzehla wella, dass-e meim Dengs zo seim Geburtsdag au an schigga Wisgi kauft han. I môg des allerdengs ieberhaupt et, den kã-n-r ganz alloi leerdudla!

    Henner des gerscht ghert? En dr Tagesschau hen se brôcht, dass dr Zwischanetz Entdegger zur Zeit so a massivs Sicherheizbroblem hôt, dass se offizjell embfehlat, den net zom vrwenda zur Zeit, sondern lieber zom Beischbiel da Feierfux!

    #3Verfasser Goldammer (428405) 16 Jan. 10, 07:44
    Kommentar
    Dr Fuirfux isch oifach bessr!

    An scheane Dag, bis schbädr heiz Ôbed!
    #4Verfasser manni3 (305129) 16 Jan. 10, 09:21
    Kommentar
    Manne, a herzligs 'Vrgeltsgott' frts Bäschtla ond an scheana Daag.

    Emmrle, a i woiß id, ob deana da dieba a wengale so a Dialektschdond ned doch reacht guad doa hätt :-) Was vom Wisgi säsch, muane ondrschreiba. An deam Zuigs fend-i garix. Iebrhauptz des ganze Gschnapsl kane ned braucha - ond am schlemmschda war bei Musiggschdändla emmr, daß d'Fraua emmr an siaßa Likör griagt han. Des isch no schlemmr.

    Voren hanne fiar mei Schweschtr nauchguggt, woher daß Gfrett kommt. Ond ballmr des Wertle so guat gfallt, wille ui des ned vorenthalta:

    FRETTEN, atterere, stringere, wund reiben (sp. 67. 68), aber meist abstract gebraucht für cruciare, vexare, scheren, plagen, quälen, doch setzt HOHBERG 1, 343b noch: die reben fretten sich wund (bei starkem wind an den pfählen), STEINHÖWEL Esop 48b: warvon bist du also umb deinen hals beschaben und gefrettet? und WALDIS Es. 4, 57:
    http://germazope.uni-trier.de/Projects/WBB/wo...

    #5Verfasser Selima (107) 16 Jan. 10, 12:49
    Kommentar
    So ommare viedluff zwelfe haz bei eis a scheas Tauwäeddr, seggs Grad ibr Null. Bald wäered dRadwäeg mea aóbbr sei.

    Jiez hâon i no des Gfrett mid meine Bremsa. I muess endle die nuie Bremskledz an meim Rad êibaue, dass i mea zom Radle gâo kâ! One Bremsa wäer i oifach zschnell ;-)
    #6Verfasser manni3 (305129) 17 Jan. 10, 11:42
    Kommentar
    Siggsch, dau wo i herkomm, wär des koi Problem - dau hot's äbbl an Berg, an deam mrs Rädle se sell naufbremsa lau kâ :-)

    Was ischn "aobbr"?
    #7Verfasser Selima (107) 17 Jan. 10, 13:26
    Kommentar
    So a Bremsbuggl wär manxmól ganz brackdesch ;-))

    "aobbr" isch hald so ôgfäer d Allgaiar Ausspróch vom laddeinesche 'aper'.
    #8Verfasser manni3 (305129) 17 Jan. 10, 13:29
    Kommentar
    Siggsch, dau wo i herkomm, wär des koi Problem - dau hot's äbbl an Berg, an deam mrs Rädle se sell naufbremsa lau kâ :-)

    Was ischn "aobbr"?

    Edit: Kot des 'aper' sei? Wahrtscheintz :-) Abr os semmr ned so schneaig, daßmr os daudrfiar an sotta umfangreicha Wortschatz hättn.

    Nauch-Edit: ah, alzo doch :-)
    #9Verfasser Selima (107) 17 Jan. 10, 13:30
    Kommentar
    Des isch au widdr wohr - des send bei os drhoimt eanr Buggl. Berg kamr des aufdr Alb ned hoißa.
    #10Verfasser Selima (107) 17 Jan. 10, 13:36
    Kommentar
    Bremskletz?

    Fir was en des? Wer bremst isch feig.
    #11Verfasser neutrino (17998) 17 Jan. 10, 13:38
    Kommentar
    .. ond hot henige Gnia :-)

    Griaßde, Schdiggle!
    #12Verfasser Selima (107) 17 Jan. 10, 13:39
    Kommentar
    Griaß Gott Selima.

    Klar gâht des Bremsa uff dia Knia. Weil mr dâ a ganz ônadierliche Rickwärtsbewegong mit Druck uff de Knia macha muaß.
    #13Verfasser neutrino (17998) 17 Jan. 10, 13:51
    Kommentar
    Du bisch da ja a Egschberte ... was Rädla ond Gnia a-gatt. I hau vom oina ond vom andra koi Ahnung :-)
    #14Verfasser Selima (107) 17 Jan. 10, 13:53
    Kommentar
    Bei meine alde Radlarschue send dSola scho ganz duregwedzd vom Bremse. Abr dSchue send deirer als dBremskledz, drom hâoni mi nóch kurzm Ibrlege uss rein eckenomische Grinden fierd Bremskledz endschide - Feighaid hî od häe!

    In meim Aldar muessba nemma de Helde schbile ond de Aufbrallschudz vo de dKielarhauba deschde. Dódrfier hand die bei deane Audofirme jedzd ja Deschdâlaga! Solled die auslendesche Inscheneer liebr Deitsch läene bei mier!! I hâo scho zwai kedd vom Minni zMenke. Isch fei indressand, was die dó alls mached ond wievl Audo die vrbolled, biss alls schdimmd ond die vo Brissl femf Schdäere krieged.
    #15Verfasser manni3 (305129) 17 Jan. 10, 14:00
    Kommentar
    Dia mim Schdeara send doch aus Schdigglesdorf, hätti gmoint.
    #16Verfasser Selima (107) 17 Jan. 10, 14:06
    Kommentar
    Femf Schdäere fiers Kräschvrhalde!!!

    Oimól hâoni zueluege däffe beim Kräsche - des had an ganz scheane Schäbbrar dâo! Abr schea isch gwe! An scheane Dschobb hand die: Sischdemaddisch Audo hîmache nóch Blâ ;-))
    #17Verfasser manni3 (305129) 17 Jan. 10, 14:08
    Kommentar
    Abr wahrtscheintz wur deane liabrsch wann des fömpf Rauta wärat.

    Fr mi wur des mit somma Gräschtescht nix. I ka des Geraisch ned heara - des bereitetmr füsische Schmearza.

    Scheißadreggle, iatz reagnats scho mear.
    #18Verfasser Selima (107) 17 Jan. 10, 14:12
    Kommentar
    Bei dier reängez scho?
    Nó wäez bei eis oo nemma lang daure. I glob i gang glei amól en mei Raucharzemmr - uffe Ballkô ;-) solangs no idd schiffd!
    #19Verfasser manni3 (305129) 17 Jan. 10, 14:18
    Kommentar
    Idd dass meine Zigareddla no nass wäered, dó kwalmed se id gscheid!
    #20Verfasser manni3 (305129) 17 Jan. 10, 14:18
    Kommentar
    Ja, so isch des mit deane Mannzbildr - Se gant naus, sagat ebbes vo 'Ziggaredda' ond nocht kommas nemme.
    #21Verfasser Selima (107) 17 Jan. 10, 14:41
    Kommentar
    Bei ons rägert's scho seit em schbäte Vormiddag. Ond heit Naacht hât's au grägert ond 's isch rutschig gworra, weil dr Scheiß feschtgfrora isch, 's war dann drotzdem se gsalza hen so a bissle schmiersoifig uff dr Schdrâß. I hao's gmergt, wo ne heit Naachd hoimgfahra be. Walzr danza isch jâ räachd, abbr ned mitm Audo.

    Ond die vo dâhanna hend net bloß fempf Stäare. Die hend oin vorne druff, uff jedr Radkapp oin, oin uffem Lenkrad, oin uffem Koffrraumdeckel ond wahrscheints no a baar uff em Modor.

    #22Verfasser neutrino (17998) 17 Jan. 10, 14:47
    Kommentar
    Vo wäge 'nocht kommas nemme'! Voer laudr bouschde dó hinna semmr dNudla ibrkochd!
    Jiez hâonis abr alls aufgwischd, Wassr nóchgschidd, ond die Schbirelli middam Bäschdo send scho gesse. Ond an Merrloh haz oo geâ!

    Walzar uff dr Schdróss - linxrom odr rechzrom? Hasch dei Co oo drbeikedd? Zue zwaid machz mäer Schbass ;-))
    #23Verfasser manni3 (305129) 17 Jan. 10, 15:16
    Kommentar
    Ond i wear des iatz au ausbrobiera. Reagna duads äbbl no ond a wengale gfriera au. 'z Obrdorf weards wohl au id wearmar sei ...

    Velleicht siggmrse nauchet nomml.
    #24Verfasser Selima (107) 17 Jan. 10, 16:57
    Kommentar
    Mir wared scho z'zwoit: mei Audo un i ...
    #25Verfasser neutrino (17998) 17 Jan. 10, 17:23
    Kommentar
    Menno, etz honne grad a lange Schdorie gschriebe ghett un an Link zum neihenga kobbiert, no des zuagmachd, un da Leo war au wägg. Scheißdregg.

    Etz hald schlichd un oifach: nÔbnd !
    #26Verfasser Moi Gab (456541) 17 Jan. 10, 20:42
    Kommentar
    Gäbele, nÔbnd!

    Jaa, jaa, Schidd häbbms - dódrmid muesch allad rechne ;-))
    #27Verfasser manni3 (305129) 17 Jan. 10, 20:55
    Kommentar
    Bei uns hauts d'Dachlawina nab, dasses glepfdt. Mitama Auto druntr wärs au an scheena Gräschteschd, mei liabr Scholli.
    #28Verfasser Moi Gab (456541) 17 Jan. 10, 21:21
    Kommentar
    Manni, etz sage halt zua diar alloi Guats Nächdle.

    I hon heit morga so fria aufschdanda miassa. Ersch hennse id ins Nesch wella (Elfe isch worra) un no sennse am Siebane dogschanda (i moin unsre Nôchkommala).

    La chose isch scho verschwunda, er hots im Kreiz (duatmr loid).

    Nachd!
    #29Verfasser Moi Gab (456541) 17 Jan. 10, 21:31
    Kommentar
    Gued Nachd, Gäbele!
    Ond deim Schose a guede Bessrong!
    #30Verfasser manni3 (305129) 17 Jan. 10, 21:42
    Kommentar
    Emmrle, grad hâoni die Nirwana aufgmachd ond denk an di, ludschend :-))
    #31Verfasser manni3 (305129) 17 Jan. 10, 23:56
    Kommentar
    So lang hôsch du die ufghoba!

    Desch aber schee, so ebbes als erschz am Morga zom lesa!
    Viel Schbass beim Lutscha weiderhin!

    Heit hôt mein Dengs Geburtsdag on mir ganget bal schigg friahschdigga zsemma.
    #32Verfasser Goldammer (428405) 18 Jan. 10, 08:01
    Kommentar
    Morcha midanand!
    I bin aa amol widder doa. Wor jetz a Wuche außer Gfechd, abber jetz geahts widder. Hob hald momendan nix wia Scherereia weche meim Audo. Noja, werd si a amol ferschla.
    Hoff, es geaht eich alli guad?
    #33VerfasserMorgenmuffel (271106) 18 Jan. 10, 08:59
    Kommentar
    Am Vegale-Dings alls Guate zum Geburtsdag winsch.

    Mei Dings gôht morga zum Doc - s'isch schlimmr worra.

    Mir gôhts guat, un i freime dasses Muffele wiedr mol reigluagat hot. Gell, ôbnds bisch dua nia muffig.

    Isch do äbbr?
    #34Verfasser Moi Gab (456541) 18 Jan. 10, 18:20
    Kommentar
    Schlôfmitza
    #35Verfasser Moi Gab (456541) 18 Jan. 10, 20:06
    Kommentar
    Ha, om die Uhrzeit (18:20) sen âschdendige Schwâba frieeschdens uff em Hoimweg, oddr abbr no am Schaffa. Vo wäga "Schlâfmitza". Bloß weil mr koi Faulenzr isch ... So äbbes abbr au!

    Ond dem Burzelkendle wensch i au no alles Guade!
    #36Verfasser neutrino (17998) 18 Jan. 10, 20:15
    Kommentar
    Erschd rommotza ond dann selbr ned dâsei. Des hemmr gern.
    #37Verfasser neutrino (17998) 18 Jan. 10, 20:35
    Kommentar
    Wer isch dô id dô?
    #38Verfasser Moi Gab (456541) 18 Jan. 10, 20:36
    Kommentar
    So, etz bisch du id dô un i au glei nimme.:-(

    Manno...derf ma des beiama Neutrino au saga?


    Guat Nacht un dreim schee - abr id vom Gschäft !



    #39Verfasser Moi Gab (456541) 18 Jan. 10, 20:42
    Kommentar
    Ond jetz isch se scho wiedr weg. I wensch Dr a guade Naachd!

    *edidier* 21:17 Nâ gang i au wieder. Guad Naachd mittnand.
    #40Verfasser neutrino (17998) 18 Jan. 10, 21:00
    Kommentar
    Guda Morche Moi Gab und alle andere aa :-)
    Nöö, obeds bin i leider ned im Inderned underwegs. An Combjuder hob i jetzad zwor daham, abber mir feahlt noch dr Ouschluss ans www. Kummd abber sicher demnäxschd aa noch. No kou mei Männe Fuessball gugge un i verkrieml mi no in mei Birro zom Combjudere :-)
    Hoffendlich hat dei Dings nix schlimms? Bin jetzat leider gor ned zum nochlese kumme in dem andere Fooda.
    An scheena Dooch eich alli!
    #41VerfasserMorgenmuffel (271106) 19 Jan. 10, 07:36
    Kommentar
    Des nennt mr ananandervorbeischwätza! ;-) (gerscht Ôbad han-e gmoint!)

    Guda Morga ihr Muffl on sonschdiche Leit!

    Meine Jonge hent heit widder môl da absolut uldemadive Eldern-Wegger bragdiziert: Eier mit Schbeck zom Friahschdigg, on d' Kichedier offeglao. Do zuiht der Schbeck-Gschdank durch de ganz Wohnong, on des weggt de sicherer uf als dr laudeschde Wegger!
    #42Verfasser Goldammer (428405) 19 Jan. 10, 08:08
    Kommentar
    Dr Dockdr Birchar-Bennar hadd dean Gschdank oo id ausschdao kenne ond had drom sMüesli zom Frieschdick erfonde! (Bloß so als Tibb fier die nägschd Êikaufslischde - ond de Schbeck schdreiche)
    #43Verfasser manni3 (305129) 19 Jan. 10, 08:54
    Kommentar
    Ob des fr de Fäns vo braudna Schbeck a Aldrnative isch - i glob ned. I moi, i ka an braudna Schbeck, braudne Wiarschtla odr Bohna endr Friah au no ned drbagga - dau wur mir a Schissale voolr Kernr scho liabrsch, abr so a Engländr so an reachtr, dean kotsch mit am Schissale voolr Kernr ned hendrm Ofa virre logga.
    #44Verfasser Selima (107) 19 Jan. 10, 09:11
    Kommentar
    I hâo allad gmôid, die häbed ihr Borridsch?
    #45Verfasser manni3 (305129) 19 Jan. 10, 09:33
    Kommentar
    I glaub heit nemme so. I war scho oft en England en de letschde baar Jôhr, on i han no nia an Englender droffa der mô Porridsch gessa hett.

    On 's Ameisle hôt reacht: dô dädat meine Jonge mir was vrzehla, wenn i dene da Schbegg schdreicha wett!
    Woisch, manni, wemmer se graoß sei on ihr oigas Friahschdigg selber macha lôht (was ihr jô em Sinne der Aufgabe der midderlicha Gluggerei durchaus onderschditzt hent), nô essat se halt au des, was se selber megat, on mr gibt 's letschde bissle Eifluß en Richdong Miasli on so Zeix uf.
    Ab ond zua essat se abber au a Miasli, wenn sich's grad gschickt ergibt (zom Beischbiel, wenn d' Muader schao uf isch on sich selber au grad ois macht).
    #46Verfasser Goldammer (428405) 19 Jan. 10, 09:52
    Kommentar
    Sag môl, manni, hôsch du schoml was drvo ghert dass mr frieher bei ons au Adverbia mit -lich bildet hôt, analog zom englischa -ly?

    Heit hôt onser alder Onkl drvo gschwätzt, dass em's heit net so guat isch, on hôt gsait:"Heit ben-e a bissle schwerlich glaufa!"
    #47Verfasser Goldammer (428405) 19 Jan. 10, 17:50
    Kommentar
    Dô kani mi jiez uff nix bsinne, Emmrle. Vieleichd ben i abr oifach id ald gnue drfier. Frôgsch mi in zwanzg Jôr nomól?
    #48Verfasser manni3 (305129) 19 Jan. 10, 20:15
    Kommentar
    Noi, i schreib heit nix un iddamol des...
    #49Verfasser Moi Gab (456541) 19 Jan. 10, 20:34
    Kommentar











    Noi, i lies heid idd, was MêiGäbele schreibd - gar nix ond sogar no wenigr!

    edit om kuuz vóer neine: Gar nix liesi vo däer. Sollse doch idd schreibe was se will :-((
    #50Verfasser manni3 (305129) 19 Jan. 10, 20:36
    Kommentar
    Desch jetz abber a Milchmädchenrechnong, manni. Au en zwanzg Jôhr wurd dei Erinnerong et so weit zrickroicha wia di vo meiom Ongl Fritz der wo Jôhrgang vierzeah isch.

    Schad, dass es Gäbele nix schreibt heit. (Fir "nix on iddamôl des" hôt des abber a ganz sche graoßes gelbs Käschdle vrbraucht!!)
    #51Verfasser Goldammer (428405) 19 Jan. 10, 20:55
    Kommentar
    Emmrle: dreißg?   ;-))
    #52Verfasser manni3 (305129) 19 Jan. 10, 20:56
    Kommentar
    @ a ganz sche graoßes gelbs Käschdle vrbraucht!!

    Räechd aufhauseg ische mea, heid :-((
    #53Verfasser manni3 (305129) 19 Jan. 10, 20:58
    Kommentar
    Griaß Gott mittnand.
    #54Verfasser neutrino (17998) 19 Jan. 10, 20:58
    Kommentar
    Wa duat ma doch id alls, damma a wengle Aufmerksamkeit gschenkt kriagt - schee!

    Griaßde Schdiggle!

    Un ganz ganz bsondrs: Griaßt de Manni!

    S'Vegale drugg!
    #55Verfasser Moi Gab (456541) 19 Jan. 10, 21:06
    Kommentar
    Uffmerksamkeit? Wo? Fier wen?
    #56Verfasser neutrino (17998) 19 Jan. 10, 21:07
    Kommentar
    Solle mitr Häxapolo schbiela?
    #57Verfasser Moi Gab (456541) 19 Jan. 10, 21:08
    Kommentar
    MêiGäbele, wie góz em Kreiz vo deim Schose?
    I hâos oo grad a bissle. Abr desmól isches id vom Ilijosaggralglenk, sondrn weil i am Sonndag bei am Freind a Kischde glubfd hâo, die wo so schwäer gwe isch, dassi se bessr schdâo lâo hedd solle :-((
    Dó hâoni gmoid, i sei no so glenkeg wie frienr!
    #58Verfasser manni3 (305129) 19 Jan. 10, 21:10
    Kommentar
    Moi Gab, noi. I will jâ koi Uffmerksamkeit.
    #59Verfasser neutrino (17998) 19 Jan. 10, 21:12
    Kommentar
    Etz honne nonnschdobb Äfffimpf druggd un nix gôht.

    Ka heit loidr id bleiba. Sinn au so nett (i moin da Letschd wo heit pouschdat. Wia märkt ma des eigndlich, damma da letschde Pouschdr isch?) un schreibet am Muffele a Begriaßung fr morga Friah.

    Winsch eich was, meine Schbäzla!
    #60Verfasser Moi Gab (456541) 19 Jan. 10, 21:14
    Kommentar
    Dschuldigung, nimm alles zrugg - des mitam Äfffimfp drugga.

    Am Schose gôhts a Wengle bessr (wäga de Schmerzmiddl). Er muss a MRT von da Lendawirblseila macha lossa.

    Komm her Manni, i massierde, ganz zart.
    #61Verfasser Moi Gab (456541) 19 Jan. 10, 21:17
    Kommentar
    Schdiggle, du willsch koi Aufmerksamkeit idda? Machme id zum Schdalkr!

    Bin etz ächd futt.
    #62Verfasser Moi Gab (456541) 19 Jan. 10, 21:20
    Kommentar
    Jetz hao i erscht gläsa: Komm her Manni, i massagrierde, ganz zart. *ggg*

    Guad Naachd Moi Gab.
    #63Verfasser neutrino (17998) 19 Jan. 10, 21:20
    Kommentar
    So an Sch..., jetz ha-e 's Gäbele vrbasst, bloß weil-e gschwend no was gschafft han - des sott mr halt so schbäd nemm dao.

    *em Gäbele no a guaz Nächtle hendadrei ruf*

    Okeh, manni, dreißg Jôhr, des kööt nôch hĩkomma... ;-)
    Noe, em Ernscht: fellt dir dô velleicht irgendebbes eĩ, wo-n-e dô gugga kennt?

    'n Ôbad, Schdiggle
    #64Verfasser Goldammer (428405) 19 Jan. 10, 21:30
    Kommentar
    Hallo Goldammer.
    #65Verfasser neutrino (17998) 19 Jan. 10, 21:43
    Kommentar
    Emmrle, naddierle fellbr dó irgndebbs êi, wo-de dó luege konndeschd: bei de Grimmbuebe ;-))


    SCHWERLICH, adv. vix, paene, zu schwer gehörig, früher allgemein für schwer in adverbialer fügung, besonders im sinne von I, mhd. swærlîche, swærlîchen LEXER mhd. hdwb. 2, 1342, ahd. suârlîhho GRAFF 6, 892; mnd. swârlîken, swêrliken SCHILLER-LÜBBEN 4, 486, auch im frühnhd. bisweilen noch auf -en ausgehend, so buch d. liebe 256a (d. stelle s. unter 2, a, δ). daneben in älterer zeit auch als adj., mhd. swærlich, ahd. swârlîh; mnd. swärlik. a. a. o., im früheren nhd. durch vermischung mit einem anderen suffix auch swärlächt MAALER 365c, ebenso noch heute schweiz. SEILER 267a.

    1) als adjectiv, meist im sinne von schwer I, 1.


    2) als adv.

    a) im sinne von schwer I, 1.

    α) nach a, bildlich: du armer lîcham, den ich so swêrlîche getragen habe. myst. 1, 8, 22; die aber noch kleben an diesem leben, und dasselb lieb haben, sind noch in dem mittel jrer tage, ... diese sterben ungerne, und tragen schwerlich das richten und leyden Christi. LUTHER 1, 39a; verhenge ja dem ertzfeinde nicht, dasz er mich im letzten zu schwerlich drücken möge mit meinen sünden. SCHUPPIUS 446;

    er (Marke) truoc den alden arcwân
    gein sînem neven Tristan
    swêrlîch in sînem herzen noch.
    HEINRICH V. FREIBERG Trist. 2701;

    ... bis η)

    b) im sinne von schwer I, 2,
    α) ... bis ... η)

    c) in älterer sprache begegnet das wort auch, obschon seltener, im sinne von schwer II.
    α) bis β)




    Beäss: sNirwana isch aus, jiez bin i beim Saroddimor ;-)
    In dr Nóed frissd dr Deifl Fluiga!
    #66Verfasser manni3 (305129) 19 Jan. 10, 22:18
    Kommentar
    danke,manni! Toll!

    (I hao a weng an graoßa Dschin Tonnig dronka grad, i glaub i sott besser glei ens Bett....icks...)

    (BeES Saroddi! Des derf jô net wôhr sei! Sig dransit gloria mundi!)
    #67Verfasser Goldammer (428405) 19 Jan. 10, 23:08
    Kommentar
    *nuflupf on vo dr zwoida Seide rett*

    He Leidla, waschn los? Gerscht hôt jô da ganz Dag koiner poschdet! Was ischn des fir ein Niedergang der Kuldur des schwäbischen Abendlandes!
    #68Verfasser Goldammer (428405) 21 Jan. 10, 11:30
    Kommentar
    DAu hosch wohr, Emmrle. Des isch a Ongeheurlichkeit.
    #69Verfasser Selima (107) 21 Jan. 10, 13:26
    Kommentar
    Senze all beim Schaffe ond hand de Grend bloß no vol vo Ibrschdonda mache ond uff de nuije Borsche schbare?


    Nidr middeam Nidrgang!!


    #70Verfasser manni3 (305129) 21 Jan. 10, 13:28
    Kommentar
    ... säsch grad Du?
    #71Verfasser Selima (107) 21 Jan. 10, 13:47
    Kommentar
    Borsche? Pffffffffffff.........
    Schaffe scho...
    #72Verfasser candice (447114) 21 Jan. 10, 18:48
    Kommentar

    Nidr middeam Nidrgang!! Uhudlar fier Borsche!


    Ond a Beddôbladde fiers Gasbedal vo Maisles Schnaufarle!
    (Isch oo id so deir ! )



    #73Verfasser manni3 (305129) 21 Jan. 10, 19:12
    Kommentar
    Uhudlar fier Borsche!

    Was moisch wia däer zmal losgohd mibbm Uhudla em Dank. A Durbo isch nix dagäega...
    #74Verfasser candice (447114) 21 Jan. 10, 19:18
    Kommentar
    Dr arm Borsche ...

    Erschdmâl Griaß Gott mittnand.
    #75Verfasser neutrino (17998) 21 Jan. 10, 19:22
    Kommentar
    Aha, scheints neamrds meh dâ. Dann gang i halt au wiedr.
    #76Verfasser neutrino (17998) 21 Jan. 10, 20:07
    Kommentar
    Haaaalt, noe, idda! I be dau.

    Dr Dengs delephoniert. Nocht dua i halt tschätta.
    #77Verfasser Selima (107) 21 Jan. 10, 20:13
    Kommentar
    I au!
    #78Verfasser Moi Gab (456541) 21 Jan. 10, 20:20
    Kommentar
    Wia, dr Deinige Dengs duad au delephoniera?

    Griaßde Gäbale.
    #79Verfasser Selima (107) 21 Jan. 10, 20:21
    Kommentar
    Griaßdi Amoisle!

    Noi da meine luagat färn un schdopfdt Dschellibiens in Schnabl. I hon scho a Schogladattacke ghett.
    #80Verfasser Moi Gab (456541) 21 Jan. 10, 20:24
    Kommentar
    Okeeh, nâ bleib e no a wengale. Abbr bloß weil Ihr's sen, gell.
    #81Verfasser neutrino (17998) 21 Jan. 10, 20:25
    Kommentar
    Mei, mei, mei - des ischdr a Eahr! I woiß glei gared wone nagugga sott.

    Gäbele, des kenne. Des send bei mir äbbl so Phasa. Em Moment kot'sche jaga mit Schoglad ond, i woiß, 's daurat lei a wengale ond noch friß-e da Schoglad auf oin Siitz.
    #82Verfasser Selima (107) 21 Jan. 10, 20:27
    Kommentar
    Derfsch scho wiedr gradaus gugga, amoisl.

    I hao me grad mit Gmias ond Fisch vollgschdobfd, war au leggr.
    #83Verfasser neutrino (17998) 21 Jan. 10, 20:29
    Kommentar
    *gradausgugg* *oogaweidaufreis* *idblinzlavrsuach*

    Bei mir waratz Lensa ond Schbätzla. Dau duane me äbbl iebrfressa.
    #84Verfasser Selima (107) 21 Jan. 10, 20:30
    Kommentar
    Des kâ i vrschdanda. Lensa ond Scbätzla ghert zu meine Leibgericht.
    #85Verfasser neutrino (17998) 21 Jan. 10, 20:35
    Kommentar
    Alz Keed hättsche me daudrmit jaga kenna - idd zwengs de Schbätzla, zwengs de Lensa. Alz Keed haune dia ghaßt, wia alle Hilzafricht.
    #86Verfasser Selima (107) 21 Jan. 10, 20:38
    Kommentar
    Fiehlme au geehrd
    #87Verfasser Moi Gab (456541) 21 Jan. 10, 20:38
    Kommentar
    Kennrdr au saure Linsa? Un megatr dia au? Des hot mei Mamme als gmachd, dô dreime heit no davo.
    #88Verfasser Moi Gab (456541) 21 Jan. 10, 20:41
    Kommentar
    Koi Ursach, Moi Gab.

    amoisl, i hao des scho als Kend mega. Ond als Kend hett i mi au en Saurbrâda mit Knedl neihogga kenna. Kennt i ao heid no, wennr guad gmacht isch.

    Ond schwäbischa Grombierasalat, lauwarm ond schlonzig ...
    #89Verfasser neutrino (17998) 21 Jan. 10, 20:42
    Kommentar
    Meine Lensa send au saur. Dia werad normal kocht, mit am Greichrta ond Suppagrea ond nocht mitrar Eibrenne adickt ond am Diisch mit Essig sairlech gmacht.
    #90Verfasser Selima (107) 21 Jan. 10, 20:43
    Kommentar
    Nadierlich sauer, wia sonschd?
    #91Verfasser neutrino (17998) 21 Jan. 10, 20:43
    Kommentar
    Gnedl hot's bei os friarns ned gea. Abr Saurbrauda mit Schäbtzla ... des scho. I war a arg hoigls Keed. I hau au gar koi Rendfloisch mega. Heind moge des gera.
    #92Verfasser Selima (107) 21 Jan. 10, 20:44
    Kommentar
    @ sauer, wie soschd: Bloss middam bissle Subbegwirz!
    #93Verfasser manni3 (305129) 21 Jan. 10, 20:47
    Kommentar
    Schleggig? Hmm, i glaub des war i net. Okeeh, Kuddla ond Herz ond alle andre Innereia hao i ned mega, außer Lebr. Genausowenig Zong. I mâg des au heid no net.
    #94Verfasser neutrino (17998) 21 Jan. 10, 20:48
    Kommentar
    Un i hon koine Zwiebla mega, un etz däte jedn Dag welche ässa wella, wemma id so schdinka dät un Knofl au.
    #95Verfasser Moi Gab (456541) 21 Jan. 10, 20:49
    Kommentar
    Rendflaisch hâoni oo id meega. Nóch ar Viedlschdond kaue an ausgnollede fasrege Ball em Maul ond id wisse, wonâ drmidd!
    #96Verfasser manni3 (305129) 21 Jan. 10, 20:49
    Kommentar
    Kapern hao i au ned mega.

    #97Verfasser neutrino (17998) 21 Jan. 10, 20:50
    Kommentar
    Die hâoni als Kend garid kennd!
    #98Verfasser manni3 (305129) 21 Jan. 10, 20:51
    Kommentar
    Mid miar muaß des frianrs schwierig gwest sei. I hau fascht nix gessa (odr bessr gsät, essa mechta - essa miaßa haunes ja), Ennreia eh ned, koi Rendfloisch, kei Schauf, koi Ent odr Gaas, fascht koi Gmias (lei Karotta ond Saurgraut), koin Käs, koi Milch, koin Fiisch.

    Schlemm - meim Baba isch daumls ooft dr Abbedid vrganga, ball i nia gessa hau.

    Aha, dr Manne - die Schdimme des Allgäus.
    #99Verfasser Selima (107) 21 Jan. 10, 20:51
    Kommentar
    i au id

    Kuddla, do kennatrme vrjaga, un Nierla, un Läbrla - i mag ibrhaupt koi Floisch me.
    #100Verfasser Moi Gab (456541) 21 Jan. 10, 20:52
    Kommentar
    Fr mi war des frianrs a rechta Kataschdrooph, wannz Leabr gea hot ... odr Hamml, dean honne scho an dr Bushaldeschdell riacha kenna - ond am liabschda werne dau mear end Schual zruck.

    Abr des beruhigt me, daß ui au so gschleggat gwea send.
    #101Verfasser Selima (107) 21 Jan. 10, 20:55
    Kommentar
    Aha, amoisl, ond von was hâsch De dann ernährt?

    Hamml isch mir z'schdreng em Gschmack.
    #102Verfasser neutrino (17998) 21 Jan. 10, 20:56
    Kommentar
    Leidla, i muaß iatz mal gugga, ob dr Dengs am Delepho eigschlaufa isch. Schlaufat guad nauchet ond draimat vo Uirm Liablengsgricht.

    Bis morga, Schwäbala.

    Nauchdrag: so bis-e end Schual komma be, faschd bloss vo Kaba. I war au reacht schbirreleg ond be oi Johr schbädr end Schual komma, ballne so gloi war.

    Des hotse abr vrwachsa .-))

    I be furt. Scheana Aubnd.
    #103Verfasser Selima (107) 21 Jan. 10, 20:57
    Kommentar
    Also i hâo als Kind alls mege, bloss koi Róede Rieba. Ond heid isch gradso - wenn i die bloß riech!!!
    #104Verfasser manni3 (305129) 21 Jan. 10, 20:59
    Kommentar
    Also fier a Hammlkeile hedd i a ganz a guez Redzebd: Gfilld mid Schófskäs ond vil Knoblauch ond nó schea zuegnät!
    #105Verfasser manni3 (305129) 21 Jan. 10, 21:01
    Kommentar
    Jetz fallt nmr au no es oi odr andr ei: Rosakohl ond Rode Beede, dâ hât mr me mit jaga kenna. Heit ben e au no ned wild druff, abbr i ess es.

    Guad Naachd amoisl.
    #106Verfasser neutrino (17998) 21 Jan. 10, 21:01
    Kommentar
    A Hammlkeile gwennt meira Meinong nâch oheimlich, wenn mr se vor em Essa durch a gscheits Schdehck ersetzt.

    Lamm ess i. Des "bockelt" no net.
    #107Verfasser neutrino (17998) 21 Jan. 10, 21:03
    Kommentar
    Ond jetz wensch i allseits a guade Naachd.
    #108Verfasser neutrino (17998) 21 Jan. 10, 21:27
    Kommentar
    Gueds Nächdle, Schdiggle!
    #109Verfasser candice (447114) 21 Jan. 10, 21:36
    Kommentar
    Tschuldigung, hon grad no äbbs andrs ferdig macha miassa.

    Sag eich alle au guat Nacht un schlofet schee.
    #110Verfasser Moi Gab (456541) 21 Jan. 10, 21:37
    Kommentar
    Also wenn ebbar no ebbs Weidrfierenz sage mechd, i wär no aufnameberaid!
    #111Verfasser manni3 (305129) 21 Jan. 10, 21:41
    Kommentar
    Gueds Nächdle, Gäbele!
    I gang ietz oo d´Schdieg nab ond gfrei mi aufs Buech em kuschliga Beddle. Ond i ka ganz laud bleddre, manni, dr Kandidengs isch nemmli beim Schwimma.
    #112Verfasser candice (447114) 21 Jan. 10, 21:43
    Kommentar
    Also i han net mega:
    Rosakohl, Leberknedl, eigmachts Kalbfleisch mit Kabernsoß (bsonders bei de Kabera hôt sich mir dr Hals gschdreckt), Grienkernmehlsupp, Diefkiehlschbenat. Kuddla hôt's nia gea weil des mei Muader net mega hôt.

    Aber drfier han i brôdane Leber, Niernla, Herz on Zong mega (Zong ganz bsonders; a graicherde on nôch gsoddane Zong war emmer onser Weihnachtsfeschtessa).

    Wenn deine Erfahronga mit Rindfloisch so warat wia du's en deira Nommer sechsaneizg vrzehlt hôsch, manni, no wondrat's mi net, dass du des et mega hôsch! Aber so a zarts, wonderschees Siadfloisch vom Wada - des vrgôht oim doch uf dr Zong, do geit's koin fasricha Bolla!

    (jetz mô i komm sen se nadierlich älle schao widder fort, dui blede Bagasch!)
    #113Verfasser Goldammer (428405) 21 Jan. 10, 21:46
    Kommentar
    Zickarle, dass dier dó dHend id wäe dond vom Buechhebe! Odr flackesch du uffm Bauch beim Läese?

    Emmrle, i bi ussm Allgai ond no uss ar arme Zeid. Dò hatz a Rendflaisch bloß vo de alde Kie gea, die wo koi Mill nemma gea hand!

    (idd gaar all ;-))
    #114Verfasser manni3 (305129) 21 Jan. 10, 21:48
    Kommentar
    Des haon i friendr allad dao, abr seid i so a alds Weible bi, dued mr s´Kreiz wäeh, wann i des z´lang dua. Ond auf dr Seiten gohds oo nimmr so gued seid i a Lesbrille brauch. Des isch gar id kommod beim Grind aufschditza. Ietz dua i mi hald allad rom ond nom dräeha.

    Griaßdi Vegale - ond gueds Nächdle ietz endgüldig. (Sonsch isch dr Kandidengs amend scho mea drhoim ond na mueß i mr des Seifza ond Schdehna ond vorwurfsvoll Romgschmeiß aheara beim Läesa...)

    #115Verfasser candice (447114) 21 Jan. 10, 21:57
    Kommentar
    Des häeze grad nóch baldege drennde Schlófzemmr â!! (Desch frei brackdesch ond a gróeße Erleichdrong, äerlich!)
    Wenn send dKend ussm Haus, dass a Kamar frei wäed?? ;-))
    #116Verfasser manni3 (305129) 21 Jan. 10, 21:59
    Kommentar
    Des kenn i au, des vorwurfsvolle: "wia lang willsch denn no läsa???" wemmer erscht grad xait hôt: "lies no so lang da willsch, 's macht mir nix aus!"

    Abber desdrwega braucha mir drotzdem koine drennde Schlôfzemmer. Des griaga mr schao irgendwia mitma Kombrobmiß nã äls. I wett nemlich net älleweil alloi schlôfa.
    #117Verfasser Goldammer (428405) 21 Jan. 10, 22:03
    Kommentar
    Idd alleweil - zeidweis! Wies grad bessr bassd! Fläggsibl bleibe oo im Aldar ;-))
    Nó isch des Middandschlófe a bissle ebbs Bsondrs ond idd oifach Ruddine. Ruddine machd s beschd Liebesläebe hê! Däffsch brs globe!

    edit: Abr sBuechombleddre im Bedd isch a guede Meddode, dass dr vorâkommed in uirar Endschaidong ;-))) Des dädi jednfalls uss meir Erfarong sage!
    #118Verfasser manni3 (305129) 21 Jan. 10, 22:09
    Kommentar
    *schowiddernufflupfamuaß*

    manni, des wurd mr jetz a wengale z intim zom so em wewewe diskudiera.
    #119Verfasser Goldammer (428405) 22 Jan. 10, 17:28
    Kommentar
    Emmrle, auf die kamrse vrlassa. Desch a Sach.

    I mach iatz dia Kischt aus - an scheana Aubnd no ui älle.
    #120Verfasser Selima (107) 22 Jan. 10, 20:14
    Kommentar
    I hâo jiez die Kischde eigschalde ond wensch ui oo an scheane Ôbed - oo dó hinna all middand :-))))
    #121Verfasser manni3 (305129) 22 Jan. 10, 23:17
    Kommentar
    I wensch au alle en scheena Âbed.
    #122Verfasser neutrino (17998) 22 Jan. 10, 23:35
    Kommentar
    Ond jetz vrabschied i mi. Guad Naachd.
    #123Verfasser neutrino (17998) 23 Jan. 10, 00:06
    Kommentar
    Welch tiefschürfende Diskussjoh gerscht Ôbad!

    An guada Morga eich - 's Schdiggle hôt sicher scho a Wesch dren on gfriahschdiggt, oder?
    #124Verfasser Goldammer (428405) 23 Jan. 10, 07:55
    Kommentar
    Guade Morge Goldammer.

    Wia kommsch dâ druff? *gg*

    's schdemmt iebrigens net, gfriehschdiggt hao i no net, bloß Tee drongga.

    Ond wäga geschderd Âbed: wenn sich ao koins mit mir ondrhalde will ...
    #125Verfasser neutrino (17998) 23 Jan. 10, 08:02
    Kommentar
    *uf Schduagert nom wenk*
    *friahschdigga gang*
    #126Verfasser Goldammer (428405) 23 Jan. 10, 08:16
    Kommentar
    guada Morga - ich hau d'Wäsch au scho zamgricht ond gfriaschdiggt hanne au ond d'Zeidong gschdudiert. Abrobo: Manne? Hosch dean Ardiggl au glease iebr d'Musigg ond am Zsämmahang midam Schbraucherwerb ond dr Globalidäd vo Tôloidra?
    #127Verfasser Selima (107) 23 Jan. 10, 10:04
    Kommentar
    Gibts den Artigl velleicht au onlain? Falls jô, wär's nett, wenn 'r da Link poschda dädat.
    #128Verfasser Goldammer (428405) 23 Jan. 10, 11:57
    Kommentar
    "Unterstütze /support Goldammer / Yellow Hammer"

    Maisle, welan Ardickl môischd du - in welar Zeidong? Warscheinz hâoni dean ibrsäeche. Däe wär abr endressand :-))
    #129Verfasser manni3 (305129) 23 Jan. 10, 12:13
    Kommentar
    Noi, 's duadmr loid, des git's lei fr Geld bei dr Sieddaitscha online. I hätz als Babier dau, abr koin Skännr sontscht hättedrs gschickt ...

    Edit: ... ui ... :-)
    #130Verfasser Selima (107) 23 Jan. 10, 12:17
    Kommentar
    In welar Ausgab und auf welar Seite?
    Nó sag is meim Kolege, däa had dÄssZedd ond an Schkännar!
    #131Verfasser manni3 (305129) 23 Jan. 10, 12:56
    Kommentar
    Endr haidiga ond aufdr Wissensseite ... Momendle ... zwoirazwanzg isch des.

    ... om dreivierdl zwoi ...
    #132Verfasser Selima (107) 23 Jan. 10, 13:43
    Kommentar
    I hâonems amól gschriebe.

    Jiez bin i gschbannt wie a engs Midr nach am ausfierliche Middaagäeße ... (falls du des bohedische Bild ibrhaubz vrschdóschd - ommare viedluffzwai)
    #133Verfasser manni3 (305129) 23 Jan. 10, 13:54
    Kommentar
    ... noi, ieberhauptz gar ned. Ball - i hau haind no nix z'Midaag gessa - om vierdl drui no ned :-) Abr os hammr ja haind gaaaanz ausfiahrlich gfriaschdiggt ond zaubnds gits a Lasanje, dau isch's ganz guad, daß oim koi Miedr (was emmr des au fiar a Hos sei mag) ned schbannt om kurz noch viertl drui :-)
    #134Verfasser Selima (107) 23 Jan. 10, 14:18
    Kommentar
    Om zeah nôch vierdl drei han-e herzlich lacha miaßa iebr des Miedr des mô a komische Hos sei soll...
    #135Verfasser Goldammer (428405) 23 Jan. 10, 14:25
    Kommentar
    Om dreivierdl drei kâ i vrmelda, dass mir schau a Weile z'Middag gessa hend.
    #136Verfasser neutrino (17998) 23 Jan. 10, 14:49
    Kommentar
    ...on i om fenf vor vierdl viere, dass mir jetz no a weng uf d' Alb fahret on gugget ob mr no Schlidda fahra kã.
    #137Verfasser Goldammer (428405) 23 Jan. 10, 15:11
    Kommentar
    Ha - nocht vill Schbass.
    #138Verfasser Selima (107) 23 Jan. 10, 16:15
    Kommentar
    Wenner wellat kennd i eich de Grafik in an Tegscht omwandle, i hab doa Programm derfir.

    Ibr Miedr gibts a Ausschtellong im Münchner Schtadtmusäum.
    #139Verfasser bluesky (236159) 23 Jan. 10, 16:26
    Kommentar
    Was fra Graphik?
    #140Verfasser Selima (107) 23 Jan. 10, 16:37
    Kommentar
    Ja die einskännte Dokumende halt, die liegan ja dann in am Graphikformat vor, gell.
    #141Verfasser bluesky (236159) 23 Jan. 10, 16:42
    Kommentar
    Am Viertel vor Fimfe

    Mir hen au grad z Mittag gässa

    I mag au id alloi schlofa, au wenns a Gwohnet isch

    Honme lang nochama blaua Himmele gsehnt. Luag na, s'isch do.

    Hai Schwäbla !
    #142Verfasser Moi Gab (456541) 23 Jan. 10, 16:47
    Kommentar
    I du etz Wesch aufhenga

    no liese i meim Buach weitr

    bis schbädr
    #143Verfasser Moi Gab (456541) 23 Jan. 10, 16:49
    Kommentar
    Ah-so, ja, nocht gaht me des ja nix a. I hau's ja aufm Babier :-)

    Ahoj, Gäbale. I be äbbl no froah, daß bei os koin blaua Heeml hot. Soscht hätte gwieß Grendweah.

    I moog aued alloinigs em Bedle flagga, daudrfiar deamrse vill zgeara zämaschneggla. Desch mr wichdigr alzas Läasa.
    #144Verfasser Selima (107) 23 Jan. 10, 16:52
    Kommentar
    Hrrgott, Gäbale - so hurte!! So schnöll komm-e ned mid.

    Mei Wäsch hängt scho :-)
    #145Verfasser Selima (107) 23 Jan. 10, 16:53
    Kommentar
    Maisle, jiez häesch abr auf, mi so zom vrarsche! abbrob po:   hanze sovil Midrhosa, kuuze ond lange, dasses sogar vrkoofe mießed! Wasses id alls geid, dsdsds ...
    Die lang däd nó gued zue deim lange weite Rock passe. Bue, dó konndeschd gued uffam Beseschdil reide, sogar bei sedde Dembraddura wie jiez!


    Hemele, dankschea fier dei Angebod. So a Brogramm heddi abr oo, falls i dean Schkänn krieg.

    Gäbele - ond Emmrle: Bei eis hazes hald selbexmól doddaal äschkalierd kedd: Sui had ombleddred ond i hâo gschnarched ;-)
    Irgndwenn isches oifach nemma kombaddibl gwe!
    Onz Zemeschneggle gót ja allad no, ma muess hald an Dermîkalendar âlege ;-)
    #146Verfasser manni3 (305129) 23 Jan. 10, 17:02
    Kommentar
    I? - - -IIIIIIIIIIII???
    I woiß ja gared was des isch - vrarscha! Velleicht ebrm da Hendra vrsohla? - Noi, des däd i nia. Da däde ja Ärgr griaga.

    Ond was a Miedr isch ... i haumr hald dengt, daß des ebbs hosigs sei mißt, ball mir duad halt am eheschta dr Hosabond schbanna, wanne zvill gschbachtlt hau.
    #147Verfasser Selima (107) 23 Jan. 10, 17:07
    Kommentar
    Hosebond, genau! Ma siechz uff deam Lenk in 146 ond jiez dó (des isch des Blaue, gell!) räechd gued!
    #148Verfasser manni3 (305129) 23 Jan. 10, 17:09
    Kommentar
    Manne, woisch, des isch guad, daß Du me ned siggsch. Dau werre ja road, wanne sottane Bildr agschauba muaß. Dia hand ja fasch nix a!!
    #149Verfasser Selima (107) 23 Jan. 10, 17:18
    Kommentar
    Mach's wie i: Bloss uff de Hosebond luege!!!!

    edit: rechzeideg selleckdierde Warnemong ond gegäbenenfalz Dunnlblick êischalde!
    #150Verfasser manni3 (305129) 23 Jan. 10, 17:21
    Kommentar
    Du bisch witze: dia Hosabind send doch so schmal bei deane ond was drondr isch, bildet ällz aso dedailliert ab.
    #151Verfasser Selima (107) 23 Jan. 10, 17:32
    Kommentar
    Hasch du guede Ooge! Des siech i alls idd.

    A jabbanesche Drick: Zuer Nóed muesch hald a bissle dSchlizooge zemezwicke, nó wäeschd heggschdns róed vóer Âschdrengong ;-((
    #152Verfasser manni3 (305129) 23 Jan. 10, 17:39
    Kommentar
    I woiß ebbs andrsch - i dua mei Brill ra! :-)

    On iatz gange en mei Kuchl ond dua a wengale a Lasanje bäschtla.
    #153Verfasser Selima (107) 23 Jan. 10, 17:41
    Kommentar
    Nemm dei Brille mea auf, dasses koi Dalljadelle idd wäered!
    #154Verfasser manni3 (305129) 23 Jan. 10, 17:51
    Kommentar
    Aha, jetz ab i den Ardigl ô glesa. Jetz wois i immerhin, was Pendadonik isch, ansonschdn: nix gwiß wois ma nit.
    #155Verfasser bluesky (236159) 23 Jan. 10, 19:29
    Kommentar
    Dangdrschea - des wär a Iebrraschong gwest, wann dau koi Lasanje rauskomma wur!!!

    So. Iatz ischse au glei ferte. An scheana Aubnd no.
    #156Verfasser Selima (107) 23 Jan. 10, 19:37
    Kommentar
    Fier Pendadonik geiz o oifache Deffenezjô: Die schwaze Daschda uffm Klawier!

    Hemele, nó kuddesch ja du mier dean Ardickl schicke, odr? Midd odr one Odseärr.


    Maisle, an Guede allmiddand!
    #157Verfasser manni3 (305129) 23 Jan. 10, 19:40
    Kommentar
    Scho, i hab abr koin Skenner. Auf jedn Fall hab i die Seite jetz amol aus dr Zeitung grisse, ma trifft si ja amol mea.
    #158Verfasser bluesky (236159) 23 Jan. 10, 20:02
    Kommentar
    Des isch ja nó amól berujigend, Hemele. Ma driffze!
    #159Verfasser manni3 (305129) 23 Jan. 10, 20:28
    Kommentar
    I heddn abber au gern, den Artigl! Also wenn dei Bekannder en eiskännt on 's Hemele nô an Tegschd draus macha dät, dät i mi freia!

    As Schliddafahra war net so dr reine Genuss heit. 's Ochsaschdeigle war vreist, lauder diefe, vreiste Loisa vo de Forschtfahrzeig. Mr sen bloß oimôl vo ganz oba durch da Wald nagfahra, on nô bloß no a baar môl 's onderschde Schdigg. Dr Dengs hôts oimôl reacht vom Schlidda raghaua, dem duat sei oiner A...bagga rechtschaffa waih...er isch recht schbegdakulär raghaglt on nôch no a Schdigg ufm Bauch weidergrutscht...
    #160Verfasser Goldammer (428405) 23 Jan. 10, 21:02
    Kommentar
    Emmrle, wenn i dean Degschd hâo, ob als Schkänn odr im Degschdformad, schickn dier.

    Deim Dengs wensch i a guede Bessrong. Nó wäed a se heid zNachd vo oir Seite uff die andr welze, abr idd wex em Ombleddre! A wäed hald a scheas blaus Fidle kriege, ond in a baar Däg isches grea! Mach amól a baar Foddos!!
    #161Verfasser manni3 (305129) 23 Jan. 10, 21:07
    Kommentar
    So, jetz gôt dr Leo mea.

    Ha, des iberrascht mi jetz, sagt ihr ô Loisa? I han gmoint des wär a bairischer Ausdruck gwea. *Nochgschaut* Im Schmeller schteht das gar net drin.
    #162Verfasser bluesky (236159) 23 Jan. 10, 23:35
    Kommentar
    Däe Dägschd ibr dMusegg ond dTôlaidra schdód ibrigens jeiz oo  in dr Onlain EssZedd. Mier kenned also die gróeß Dransfäerakziô mid Schkännar ond Obbdicklkäeräckdarreckognischn mea känzle. Abr beschdn Dank fier uir Hilfsberaidschafd.



    Die 'Loisa' sind bei eis ibrigens 'Laisa'.

    edidd: Im Schmeller brauchz des Wóed garid, es schdód ja im Grimm:

    LEISE, f. spur, wagenspur, ahd. uuagan-leisa orbita, mhd. leis, leise, spur, geleis, einst wol die fährte im allgemeinen, vgl. das bei lehren sp. 559 beigebrachte, und nachher auch leist. und leget das ey in ein wagen leisz, und verdeckt das mit sand. KEISERSBERG emeis 13b;

    er laitet mich
    in den laisen der gerechtikait.
    MELISSUS ps. J 6a;

    dim. leiszle oder fürhen die man macht wenn man eeret oder ze acker gadt, fori MAALER 267d. s. fahrleise, geleise, wagenleise.



    edidd om viedlibr zwelfe: Senze scho all mea fudd ond mid ierene Biechr ins Bedd gschloffe ;-((


    edidd om viedluff ôis:
         Jiez rauch i no a Zigareddle,
         nó flack i one Buech ins Beddle!

    #163Verfasser manni3 (305129) 23 Jan. 10, 23:56
    Kommentar
    Danke, manni, fir den Link - des les e glei nôchehr nôchm Friahschdigg.

    On danke fir dei Reschersche ieber "Lais". Wisset-r was, des Wort isch eigentlich nemme so arg bräsent in meim agdiva Wortschatz. Abber wenne dô henna schreib, "schwätz" e manchsmôl a weng schwäbischer als en meim normala Alldag, on dô isch des irgendwo aus ma Schublädle en meim Hirn rauskomma, wo-n-e 's braucht han.

    (Leider kã-n-e aus dera Quelle vom Melissus - i han gschwend wiki-a miassa, wer des isch - net entnemmma, uf welchen Psalm des sich bezieht nôch dr normala Zehlong en dr Bibl, on han's au bisher mit dr Konkordanz no et rausgfonda; i hett gern gseha, wie des en dr Ludderiebersetzong on in meira schwäbischa Bibl hoißt)
    #164Verfasser Goldammer (428405) 24 Jan. 10, 09:09
    Kommentar
    Emmrle, wie wärs dódrmid??

    << Psalm 23:3 >>
    Luther Bibel (1912)
    Er erquicket meine Seele; er führet mich auf rechter Straße um seines Namens willen.

    Luther Bibel (1545)
    3 Er erquicket meine Seele / er füret mich auff rechter Strasse / Vmb seines Namens willen.
    3 Er erquicket meine Seele; er führet mich auf rechter Straße um seines Namens willen.

    Elberfelder Bibel (1871)
    Er erquickt meine Seele, er leitet mich in Pfaden der Gerechtigkeit um seines Namens willen.

    תהילים 23:3 Hebrew OT: WLC (Consonants & Vowels)
    נַפְשִׁי יְשֹׁובֵב יַנְחֵנִי בְמַעְגְּלֵי־צֶדֶק לְמַעַן שְׁמֹו׃

    Psalm 23:3 New American Standard Bible (© 1995)
    He restores my soul; He guides me in the paths of righteousness For His name's sake.



    #165Verfasser manni3 (305129) 24 Jan. 10, 09:57
    Kommentar
    Psalm 23:3

    Beim King James* schdód des asoo - des isch doch oo nedd:
    3 He restoreth my soul: he leadeth me in the paths of righteousness for his name's sake.


    * The Authorized King James Version is an English translation of the Christian Holy Bible begun in 1604 and completed in 1611 by the Church of England.





    (Mei Edith mag grad idd!! Se muess mea a bissle romzicke, wie se des mankmól dued - hm... amend isch Edith idd ganz zuefelleg a Fehlename) ;-((


    #166Verfasser manni3 (305129) 24 Jan. 10, 10:02
    Kommentar
    Ah - guad. Soscht hätte dia Seit am Mede mit end Arbat gnomma ond dau eigskännt. Abr nocht handr's ja a-so gleasa :-)

    Os semmr gescht no kuurzentschlossa ens Kino auf Beura. Da 'Dr. Parnassus' hammr se aguggat ond guad isch's gwest. Richte genial, wia dr Gilliam des nagriagt hot mit deane Szena, woaran Hauptdarstellr durch andre Schauschbialr hot ersetza miaßa, ball dear doch mitta ende Dreaharbata vrschtorba isch.

    Ond am Emmr-Dengs an guada Bessrong.
    #167Verfasser Selima (107) 24 Jan. 10, 10:35
    Kommentar
    subber, manni! I han's no ieberlegt ghett, ob's des sei köt, un han no a baar andere Iebersetzonga ãgugga wella drnôch.

    Offabar gibt's dô verschiedene Meglichkeida, des zom iebersetza. Dr Rudolf Paul en seira Bibel für Schwôba isch ufm Ludder seira Linie, der sait:
    r führt me auf de richtige Weg

    D' Bibel in gerechter Sprache nemmt de ander Linie uf:
    Gott führt mich auf gerechten Spuren.

    I glaub i sott mr doch no a Elberfelder herdõ.

    Mit dem Hebräischa fang i leider gar nix ã.

    @Ameisle
    danke fir dia guade Wensch...aber dui richt e lieber et aus, i glaub dr Dengs dät des net so arg luschdich fenda, dass sei Schdurz on die Auswirgunga auf sei Anadomie em wewewe dischkudiert went...des war schao a bissle indisgret vo mr, wemmers gnau nemmt...
    #168Verfasser Goldammer (428405) 24 Jan. 10, 10:41
    Kommentar
    In dBibel in gerechter Sprache hâoni frienr amól neigschmeckd kedd ond ignorier se seiddeam - modische Zeidgaischdâbidrong one mithische Safd ond Krafd - bfffd .... :

    Dan 5,27
    Tekel / das ist / Man hat dich in einer wage gewogen / vnd zu leicht funden.
    #169Verfasser manni3 (305129) 24 Jan. 10, 10:55
    Kommentar
    Ned daß i a Fän vo deara Bibl en greachtr Schbrauch wur, abr recht aigndle isch am Luthr sei Bibl nix andrsch wiara zeitgenössischa Fassong. Des kane alz Argument ned gelta lau.

    Emmrle, noi, des kâne vrschtanda, abr dr guade Wonsch wirkt hoffendle au, wannrs ned woiß :-)
    #170Verfasser Selima (107) 24 Jan. 10, 11:02
    Kommentar
    I hâo ja nix gege zeidgenessische Ibrsedzonga, abr gege hole ond obrflächlene, ond so schädz i des ei. Nix vrschdande vo deam, was zwische ond hendr de Zeila schdód.
    #171Verfasser manni3 (305129) 24 Jan. 10, 11:06
    Kommentar
    Guata Morga Schwäbla!

    Ass i sag etz nix zom Dings seim Befinda Vegale - i denk mrs bloß un hoff es hilft.

    Etz nomml zu id aloi schlofa miassa. Gugget mol dô na, wa dia Englendr et abiadet:

    http://fr.voyage.yahoo.com/p-promotions-3309664
    #172Verfasser Moi Gab (456541) 24 Jan. 10, 11:12
    Kommentar
    Noe, manni, so pauschal agzebdier i die Kritik an der Bibel in gerechter Sprache edda. Sicher isch se in manchem kritikwürdich, on hôt au manche Fehler denna on so weider, aber insgesamt hohl on oberflächlich, des isch mir z' pauschal on drifft meiner Meinong nôch net zua. On glei mitm Daniel drherkomma, noe, noe, noe.
    I han se als Ergenzong zo de andre Iebersetzonga on fend des oftmôls endressant. I wensch mr oft, 's gäb se enra kommendierda Ausgab, wo mr nôchvollzieha kã worom se des so oder so iebersetzt hent.
    #173Verfasser Goldammer (428405) 24 Jan. 10, 11:14
    Kommentar
    Desch au ebbs andrsch - des kâne alz Gritigg ânemma. I fend dia settiga au zimmle deppat ond so mid Gwaald femminisdisch-antirassisdisch. Dia Bibl isch halt ned vo Ämnesdi Endrnäschnäl odr Hildegunde Wöller oder Frau Göttner-Abendroth gschrieba worra, sondrn vo levandinische Schaufhirta-Prieschtr ond griechisch-römisch gebrägte Schdäddr.
    #174Verfasser Selima (107) 24 Jan. 10, 11:15
    Kommentar
    Jetz hôsch mr mei Edith vrsaut...
    also auf ein Nuies:


    bei so viel guade Wensch muaß des Blaumôl jô ganz schnell besser werra!
    #175Verfasser Goldammer (428405) 24 Jan. 10, 11:17
    Kommentar
    'S Edit nomkobiert:

    Emmrle, 's duadmr loid, daßne da fr Di velleicht a weng grasse Wertr vrwend, abr mir got des dodal gega da Schdriich.
    #176Verfasser Selima (107) 24 Jan. 10, 11:17
    Kommentar
    I antworde nôcher noml dô druf, i muaß jetz gschwend zom Onkl Fritz nausfahra mim Dengs. I han em vrschbrocha, dass mr am Sonndich gschwend vorbeikommat.
    #177Verfasser Goldammer (428405) 24 Jan. 10, 11:24
    Kommentar
    Maisle, nó gib i dier räechd.

    Emmrle, seid i amól an jidische Rabbi drei Schdond bloß dribr hâo rede häere, dass dBibl mid deam 'b' vo 'bereschit' âfangd, ond was des alls bedeided fier s hebräesch Vrschdendnes, glob i, dass mier s ald Deschdamend gar id vrschdâo kenned, wies uerschbrengle gmôind gwe isch. Ond mibbm Arramäische ond Griechische wäez grad so sei.

    Ond am weideschde weck vom Orgenal kudd mier die 'gerechd Schbróch' vóer: Se wäed am wenegschde däer Weishaid ond däer Bedeidong 'gerechd', die wo hendr de Wóed schdód.

    'Wäer Oeren hadd zom häere ...' - ja, ond wäe äebe kôi had, häed bloß nedde Gschichdla ond schreibd die so nâ wie a Anneckdode ibr irgendwean, abr heizedag naddierle allad boliddesch schea korreckt - was hald anno zwaidaused so als boliddesch korreckd gild.



    #178Verfasser manni3 (305129) 24 Jan. 10, 11:30
    Kommentar
    Noe, also manni, i han scho den Eidruck, dass du di mit dem Brojekt net allzu grindlich ausenander gsetzt hôsch, sondern nach deim erschda Eidruck urteilsch, den du vom "kurz neischmegga" griagt hôsch.
    Des Ãliega von dene Iebersetzer on Iebersetzerenna war gwieß net, am Zeitgeischt schee zomm doa on halt ieberall weibliche Endonga nã zom macha on dui ganze Weisheit bleibt uf dr Schdregge.

    I woiß au net allz viel driebert, aber zom Beischbiel ischs dene drom ganga, eba grad am Originaltegscht z' schaffa. Es isch glaub i õbschdridda, dass alle Bibliebersetzonga vom jeweiliga Zeitgeischt arg beeiflusst sen, on obwohl nadierlich 's Ameisle reacht hôt on die Schrifda jô au aus weitgehend patriarchalische Kuldura schdammat, isch trotzdem en onsere Iebersetzonga au ganz viel vo dem eiropäischa Denka eigflossa on seira schbezifischa frauafeindlicha on andisemiddischa Kuldur. Dôdrom gengs dene, dass se widder meh am Urtegscht entlang iebersetzet nachm heidicha Schdand der Wissenschaft. Des isch manchsmôl arg schdolprich on õgaddich worra, on viele vo dene Texte kã mr so et fir Lesonga on so weider vrwenda, sicher isch au ab on zua dr Gaul mitn durchganga en ihrm Beschdräba, aber i fend wie gsagt, dass es oftmôls an endressanda Aschbekt reibrengt. 's bescht Beischbiel isch jô des, an dem wo onser Diskussjoh sich entzindet hôt, ausm Psalm 23: dô isch die Iebersetzong offesichtlich näher am Orginal (die Elberfelder hôt jô au den Ruf, näher am Orginal zom sei).

    Irgndwiea han i scho ganz viele Leit droffa, dia wo ohne sich allzu grindlich mit dera Iebersetzong on ihrer Intenzjoh beschäfticht zom han, uf a wirklich hefdiche on schdark on emozjonal formulierde Ablehnong kommat, desch echt a Fänomen.

    Em Iebriga ben i mit dir einich, dass mir nia vrschdao ond ermessa went, was de Juda ihr erschds Teschdament bedeidat. I war môl beira Tora - Lernwoche mit ma Rabbi, dô gengs om dui Gschicht wo 'd Sara hender dr Zeltplane glacht hôt, des war au õglaublich, was der dô glehrt hôt an Details on endressande Aschbekte.
    #179Verfasser Goldammer (428405) 24 Jan. 10, 12:54
    Kommentar
    (des muane iatz auf hochdeitsch schreiba)

    Goldammer, ich habe mich damals sehr wohl mit der Sache selbst auseinandergesetzt und nicht nur irgendwelchen Gegnern nach dem Maul geredet. Der BR bietet dafür ja vielfach Gelegenheit mit seinen zahlreichen theologischen Sendungen, bei denen auch gerade feministische und progressive Theologen (genannte H. Wöller), aber z.B. auch jüdische Theologen (z.B. Pinkas und Ruth Lapide) mit ihrer Sicht der Bibel zu Wort kommen.
    Was mich an dem Projekt BigS ganz gewaltig stört, ist die Tatsache, daß der Übersetzungsarbeit eine Ideologie zugrunde gelegt worden war. Und Ideologien sind mir grundsätzlich suspekt, denn es wird mir etwas aufgezwungen, wo ich gern die Freiheit hätte, mir selbst eine Meinung zu bilden. Und das macht mich wütend. Durch die Variierung von weiblichen und männlichen Namen für Gott wird aber Gott z.B. eigentlich noch viel deutlicher sexualisiert. Wenn der Text einer patriarchalischen Gesellschaft sexistisch ist, dann darf man das auch nicht wegübersetzen, sondern allenfalls kommentieren. Denn so werden Textpassagen interpretiert und eben NICHT übersetzt.

    Für mich sind historisch-kritische Übersetzungen eigentlich die einzig interessanten. Als Beispiel möchte ich z.B. die von Schneemelcher herausgegebenen Apokryphen des Neuen Testaments nennen. Die haben mir auch in meiner Analyse einiger Aspekte frühchristlicher Mosaiken enorm beim Verständnis geholfen.
    #180Verfasser Selima (107) 24 Jan. 10, 14:23
    Kommentar
    Ok, i antworte dir au auf hochdeitsch

    Der Urtext ist aber meines Wissens eben nicht so durchgängig sexistisch wie die gängigen Übersetzungen.


    Ich finde es z.B. gut, dass wir - um nur ein Beispiel zu nennen - aus unserer so eingeschliffenen Gewohnheit aufgerüttelt werden, dass Gott im AT immer nur "Herr" genannt wird in unseren Übersetzungen, das ist einfach unangemessen und falsch. Und wenn dann dazu Alternativen angeboten werden, dann ist das halt anstößig im besten Sinne. Ist das schon Ideologie in deiner Sicht? Sexualisierung des Gottesbildes? Wenn dort dann steht (immer mit dem Angebot, aus den verschiedenen Möglichkeiten zu wählen, was angemessen erscheint): Gott, Adonaj, die Ewige....? *)

    Sicher ist das einer der "wunden Punkte" an der Übersetzung, dass das vielleicht (ich muss gestehen, so intensiv hab ich mich nicht damit beschäftigt) teilweise übertrieben wurde und im Urtext patriarchalische Texte "gewaltsam" und ideologisch anders interpretiert wurden. Das wäre dann wirklich blöd und dem Anliegen abträglich. Aber ist das wirklich in so großem Ausmaß passiert, dass es die krasse Ablehnung des ganzen Projekts rechtfertigt?

    I denk mr, mir kommet dô ganz schnell an die Grenze vo deam, was mr so emma Indernetchat no sinnvoll diskudiere kã. Velleicht komma mr jô môl "en echt" drzua, dô onsre Goscha no a wengale z' wetza, was moinsch? Schbaß dät mr des glaub-e schao macha.

    edit

    *) Rudolf Paul (Bibel für Schwoba) hat dieses Problem übrigens auch anzugehen versucht. Seine Übersetzung beruht ja auch auf dem Urtext. Er schreibt oft "dr Herrgott", da wo wir sonst "Herr" gewohnt sind und schreibt dann noch Gottesnamen in Klammern, z.B. (JAHWE), was in der BigS wegen der Unaussprechlichkeit des Gottesnamens für Juden als Möglichkeit wegfiel.
    "Dr Herrgott" ist für mich schon weniger "patriarchalisch" als "der Herr" oder "Herr", obwohl natürlich auch da eine männliche Gottesvorstellung dahinter steckt.

    Was die Lapides von der BiGS halten, würd mich übrigens wirklich interessieren.
    #181Verfasser Goldammer (428405) 24 Jan. 10, 14:51
    Kommentar
    Lei ganz kuurz, ball des wergle ned a geignets Dema fier an sottiga Fada isch: Dia Lapides hond se zum BigS, soweit i des woiß, ned gaißrt. Dr Pinkas Lapide isch ja scho längr doad. Des war lei so allgemein gsät. Welle Theologa dau domals em BR zur BigS Stellong gnomma hond, woiße nemmr em Detail.

    Ond velleicht kommamr ja z'Ulm mear mol drauf zruck.

    Ond iatz muane zua meira Wäsch.
    #182Verfasser Selima (107) 24 Jan. 10, 16:00
    Kommentar
    Inhaldlich sag i jiez nix mea drzue, weil i oo glob, dass mr dó hinna in am Indrneddschädd aingdle nemma weidrkommed. Zue meim 'neigschmeckd' mechd i abr no sage, dass i mier dómóls a baar Schdella vóergnomme hâo ond vrgliche hâo - zue Dhemas, die wo mier so wichdeg gwe send, weil die mi scho lengr beschäfdegd hand - id bloß in dr Bibl. Und dó hâon i fier mi de Êidruck gwonne, dass däe Texd an dear Bedeidongsschichd, die wo fier mi wesndlich isch, vorbeigód ond mier nix drzue had sage kenne. Ond drom hâoni drmid mea aufkäed.



    I hâo in dr Zwischezeid mei Wäsch scho aufkenkd kedd. Ond sMenewedd vom Bedzold ussm Nodebiechle fier Bachs Leni hâoni oo gschbild. Ond dass i laidr mei haißgliebde gliejene B..... - abr des hâoni ui scho ofd gnue vrzelld kedd!

    #183Verfasser manni3 (305129) 24 Jan. 10, 16:29
    Kommentar
    Bisch an armr Droobf, ganz em Ernschd.

    Dia mei hängt au ond d'Wohnung blitzgat au mear :-)
    #184Verfasser Selima (107) 24 Jan. 10, 17:29
    Kommentar
    I han heit oifach gar koi Wesch gmacht. Koi Luscht ghett. Des reit me beschdemmt nägsch Woch, wenn irgendebbes ausgôht on e nô midda en dr Woch an Wescheschdress griag. Abber dô mache-e mr jetz no koin Kopf drwega.

    Velleicht kã'sch des B...dengs jô môl widder fir a Weile ausleiha....
    #185Verfasser Goldammer (428405) 24 Jan. 10, 17:33
    Kommentar
    D Wesch hâoni scho zemeglegd ond êigraumed. Zom Begle geiz desmól nix!
    #186Verfasser manni3 (305129) 24 Jan. 10, 20:18
    Kommentar
    *reinplatz*

    Hallo. Hier eine Frage für unseren manni3, DAF-Experten schlechthin. Wenn man die Wochentage im Satz benutzt, sollte "am" korrekterweise davor stehen?
    Zum Beispiel:

    Am Montag beginnt die Schule.
    Am Dienstag habe ich einen Termin beim Zahnarzt.

    Kann man die Sätze auch ohne "am" schreiben, oder ist das eher falsch? Danke.

    *Goldammer und Selima wink*
    #187Verfasser Amy-MiMi (236989) 24 Jan. 10, 21:21
    Kommentar
    Hi, reine Plätzchen-Amy :-)), schea dassd oo mea amól dó bischd!!

    Zue deir Frog:
    Es siechd so aus, dass baid Warianda gand, mid ond one 'am'.
    Weil i aingdle allad 'am' sag, bin i ôsichr gwe ond hâo im Duden glueged. Dó schdanded so Sacha wie:

      Wir haben [am] Mittwoch um 10 Uhr eine Besprechung.
      [Spätestens] Montag, den 5. November [,] reisen wir ab.
      Die Tagung findet Donnerstag, 15.4. [,] im Rosengarten statt.

    Mäer hâoni id gfonde. Vieleichd saged ja die andre oo no ebbs drzue, weil i a bissle ôsichr be, ob des one weidere Ergänzonga oo one 'am' koreckd isch.



    #188Verfasser manni3 (305129) 24 Jan. 10, 21:55
    Kommentar
    Bei dem zwoida on dridda Beischbiel: muaß mr des nô so vrschdeha, dass do a "am" nach Duden sogar falsch wär?

    "Am Montag, dem 5. November, reise ich ab."
    on
    "Die Tagung findet am Donnerstag....statt."
    wär nô falsch?

    Des kã i fascht et glauba. Oder heißt des bloß, dass eba dia Versiona auf jeden Fall gangat on ieber de andere mit "am" isch nix ausgsagt?
    #189Verfasser Goldammer (428405) 24 Jan. 10, 23:11
    Kommentar
    Emmrle, i hâo id alle Varianda aufgschriebe, die wo im Duden dinschdanded.

    "Am Montag, dem 5. November, reise ich ab."
    dó isch sogar richdeg:
    "Am Montag, de n 5. November [,] reise ich ab."


    Es schdód im Duden 9 ondr 'Datum'.


    #190Verfasser manni3 (305129) 24 Jan. 10, 23:38
    Kommentar
    Des Weddr isch gschbässeg: De ganze Dag isch grau en grau ond zNacht siechba de Mâô!
    #191Verfasser manni3 (305129) 25 Jan. 10, 10:36
    Kommentar
    Was duaschn Du au endr Naacht! Dau sottsch Du schlaufa :-)
    #192Verfasser Selima (107) 25 Jan. 10, 11:03
    Kommentar
    I hâo hald allad no gwaaded, ob du no mid mier hôigaade widd nóchm Weschaufhenke ...



                                               abr Bfeifedeckl ;-((
    #193Verfasser manni3 (305129) 25 Jan. 10, 12:30
    Kommentar
    Wia hättna i des riacha sodda? Dei Zigarettlesgraichr roicht ned bis zu mir.
    #194Verfasser Selima (107) 25 Jan. 10, 14:04
    Kommentar
    Ahaa, jiezadle! Hammrs scho! S had an leichde Weschdwend kedd!! Drom :-))
    S wäerd jiez abr bald oimól rom sei ond vo Wereshofe häe reidrucke!
    #195Verfasser manni3 (305129) 25 Jan. 10, 15:47
    Kommentar
    Drugga duads scho gwaldig - en meim Grend.
    #196Verfasser Selima (107) 25 Jan. 10, 16:22
    Kommentar
    AUS-ATMEN!                             odr Sacksefôschbile :-)
    #197Verfasser manni3 (305129) 25 Jan. 10, 16:28
    Kommentar
    Abr, manne, des haue doch id indr Arbat drbei.
    #198Verfasser Selima (107) 25 Jan. 10, 16:43
    Kommentar
    Waidle hôifare! Uff dr Schdell! Ond jiez bisch a brafe Fehl ond folgeschd mr oo amól!
    #199Verfasser manni3 (305129) 25 Jan. 10, 16:46
    Kommentar
    Abr i defffffff idddddaaa! I muaß no auf mei Kollegin warta.
    #200Verfasser Selima (107) 25 Jan. 10, 16:47
    Kommentar
    Wo isch die? Soll i däer amól a Fuir ondrem Fiedle mache??
    #201Verfasser manni3 (305129) 25 Jan. 10, 16:55
    Kommentar
    Iatzatle ischse mear dau. Ond iatzatle gange hoim!

    Noi, manne, dear machsch koi Fuir ondrm Hendra - des isch a so a nedda Dinge, der kamr wegga nix beas sei.

    Pfiadsui!
    #202Verfasser Selima (107) 25 Jan. 10, 17:30
    Kommentar
    *am Ameisle a guade Besserong fir sein Grend nochruaf*
    #203Verfasser Goldammer (428405) 25 Jan. 10, 18:17
    Kommentar
    Maisle, wo bisch grad, zGermering?

    *mEmmrle an guede Ôbed zueruef  * :-))
    #204Verfasser manni3 (305129) 25 Jan. 10, 18:22
    Kommentar
    *em manni seinerseits an schena Ôbad zrickruf* *gg*

    (solla mr widder uf normale Laudschdärge gao?)
    #205Verfasser Goldammer (428405) 25 Jan. 10, 18:44
    Kommentar
    Bschschd, Emmrle, isch mr räechd!

    Onz Maisle wäed jiez dahôi sêi, abr d Kischde no idd êigschald hâo!
    #206Verfasser manni3 (305129) 25 Jan. 10, 18:54
    Kommentar
    Ibrigens isch grad genau semne! Id viedluff ond id viedlibr ;-))
    #207Verfasser manni3 (305129) 25 Jan. 10, 19:00
    Kommentar
    Jetz nemme.
    Mir esset jetz z'Nacht.
    #208Verfasser Goldammer (428405) 25 Jan. 10, 19:02
    Kommentar
    Nó gang i amól zom Ôbedäesse! An Guede!
    #209Verfasser manni3 (305129) 25 Jan. 10, 19:03
    Kommentar
    Jetz isch's fascht genau zwischa Vierdl ond drei Vierdl Neine ...
    #210Verfasser neutrino (17998) 25 Jan. 10, 20:29
    Kommentar
    Ja was jiez: halb nóch achde, halbe neine, halb vóer neine odr waas?

    Halb dreiviedl neine??
    #211Verfasser manni3 (305129) 25 Jan. 10, 20:34
    Kommentar
    Wie wär's mit anderthalb nôch siebene? Oh Jessas, semir môl widder hochindellegduell druff heit Ôbad!
    #212Verfasser Goldammer (428405) 25 Jan. 10, 20:37
    Kommentar
    Niichd schlechd, Emmrle :-))
    Kobfrechne had no nie koim gschaded! Zue was habban oo soschd?
    #213Verfasser manni3 (305129) 25 Jan. 10, 20:39
    Kommentar
    Manne, die Logik schbrengt oim jâ buchschdäblich ens Xicht:

    Zwische Vierdl ond drei Vierdl kommt klar zwoi Vierdl. On den Bruch kâ mr kirza uff halb. Also halber Neine.

    Net so äbbes Ôlogischs wia Vierdl iebr ond Vierdl onder ond Vierdl uff ond Vierdl zua ond so.
    #214Verfasser neutrino (17998) 25 Jan. 10, 20:41
    Kommentar
    Sackradi, was se zWieddebäeg alls kenne mießed uffs Abeduur! Mei Komblemend!!
    #215Verfasser manni3 (305129) 25 Jan. 10, 20:43
    Kommentar
    Danggschee. Abbr i hao mei Abbiduhr gar net en Wirddaberg gmacht ... *gg*
    #216Verfasser neutrino (17998) 25 Jan. 10, 20:49
    Kommentar
    Wo geiz soschd no so hoeche Âfordronga ans maddemaddesch Wisse? Bei de Baire?
    #217Verfasser manni3 (305129) 25 Jan. 10, 20:51
    Kommentar
    .. i hao's en Bade gmacht ... *ggg*
    #218Verfasser neutrino (17998) 25 Jan. 10, 20:52
    Kommentar
    Isch dós Dauche ond sSchwemme oo Abedurfach, odr bloß sÊisaife onz Aadrickne? Ond send dó gäele Schdrembf obblegaddoresch beim Bade?
    #219Verfasser manni3 (305129) 25 Jan. 10, 20:53
    Kommentar
    I hae wedr gsagt "em Bad" no "em Bade", sondern "en Bade"! Abbr die Abbiduhrsuffgabe hend se scho z' Sdchduagert beschlossa.
    #220Verfasser neutrino (17998) 25 Jan. 10, 20:55
    Kommentar
    So zendralischdesch isch bei eis oo. Alls kudd vo Menke, ob fier Nirnbäerg odr Augschburg - alls isch bairesch glenkd :-((
    #221Verfasser manni3 (305129) 25 Jan. 10, 20:57
    Kommentar
    Abbr bei ons isch des räachd so. I ben jâ bloß em Badische en d'Schual ganga, gwohnt hao i scho em Wirddebergischa.
    #222Verfasser neutrino (17998) 25 Jan. 10, 21:03
    Kommentar
    Hanze di denn dó ibrhaubz vrschdande beim Kaadeschbile en dr Bause?
    #223Verfasser manni3 (305129) 25 Jan. 10, 21:13
    Kommentar
    's isch gange. Uff zwanzg Kilomedr schwätzt mr hald no net so viel andersch.
    #224Verfasser neutrino (17998) 25 Jan. 10, 21:17
    Kommentar
    Wie hasch nó gwissd, dass du jiez im Badische bisch? Haz dó Grenzkondrolla geâ?
    #225Verfasser manni3 (305129) 25 Jan. 10, 21:23
    Kommentar
    Bei ons en dr Geged hât mr gwisst, wo 's Ausland âfangt. Bis mei Hoimatdorf dann 1976 bei dr Kreisreform "zwangsbadensiert" worra isch.
    #226Verfasser neutrino (17998) 25 Jan. 10, 21:27
    Kommentar
    Haz nó an Volxaufschdand geâ mit Audokorso ond Bulldoggbarrekada?
    #227Verfasser manni3 (305129) 25 Jan. 10, 21:29
    Kommentar
    Dâ nemme. Vorher scho, abbr ned so richtig. Bis dânâ waret mr dr ledschde Zibfl em Wirddabergische (ôgfähr 10 Kilomedr vo dr "Grenz"), ab dâ dr ledschde Zibfl em Badischa (ôgfähr siebe Kilomedr vo dr "Grenz") ...

    Ond jetz vrabschied i mi. I wensch Dr a guade Nachd.
    #228Verfasser neutrino (17998) 25 Jan. 10, 21:34
    Kommentar
    Danke, dier oo!
    #229Verfasser manni3 (305129) 25 Jan. 10, 21:40
    Kommentar
    #230Verfasser Goldammer (428405) 25 Jan. 10, 22:26
    Kommentar
    #231Verfasser manni3 (305129) 25 Jan. 10, 22:36
    Kommentar
    Sagts amol, Schwäbla, kennts ihr no die Frau Sommer, die die Jakobs Krönung môl in de siebzger beworba hat? I hab grad im Fernseha gsea, daß die Frau eigentle Xenia Katzenberger hoißt, a indressanter Name, gell? Ond was se dô verdient hot, dô hôt se a Sozialpädagogikstudium zahlt ond feministische Frauagruppa gleitet. Nett, net?
    #232Verfasser bluesky (236159) 25 Jan. 10, 23:32
    Kommentar
    Des hatse gscheit gmacht dia Xenia!

    Manne om kurz nauch viertl simmne semmr no z'Mencha andr Ampl vor dr Audobââ gschdanda ond om kuurz nauch dreiviertl simme warmr äbbl no auf der Bischde. Ond hernocht haune kocht ond daudrnoch mei Kischdle au nemme a-gmacht, ball mei Grend äbbl no bombrt hot.

    Abr iatz ischas widdr guad ond i ka an meim Kischdle schaffa.

    Emmrle, dangdrschea fr da guada Wonsch - Iebr Naacht hottr eigwirgt ond iatz ischr mear guad, dr Belmeß.
    #233Verfasser Selima (107) 26 Jan. 10, 08:17
    Kommentar
    Hand dSchdarnbäergar heid midde Schnäekedda grassled? ;-))
    #234Verfasser manni3 (305129) 26 Jan. 10, 10:09
    Kommentar
    Tschi Ahnung, manne. I be haind em Allgai blieba :-) Vorrin ware em Schdädtle, bessr gsagt, I be da Buggl ens Schdädtle nondr grutscht. Abr dauhanna kamr ja mit am wengale Schnea omgau.

    Iatz koch i erscht a mole a scheana Rendsbriah. Des basst zua deam Weadr.
    #235Verfasser Selima (107) 26 Jan. 10, 10:59
    Kommentar
    Ond i die schwaaze Beluga-Lensa!
    #236Verfasser manni3 (305129) 26 Jan. 10, 12:29
    Kommentar
    manni, deam FJS sei Englisch fend i gar id so schläechd, do isch dr Öttingr abr gwieß mindr. Beim FJS ischs oo bloß die Auschbroch, abr er ka si räechd gued ausdrücke, fend i. Dr Öttingr wäer id fähig a Ondrhaldong zum führe, gloob i.
    #237Verfasser candice (447114) 26 Jan. 10, 15:27
    Kommentar
    Des gloob i oo, Zickarle.
    Dr Schdrauß hadd ja scheinz ôvóerberaided uff die Fróge gandwóeded.

    Die vo dr Zäheßuu donze oifach leichdr mibbm Englesch.
    #238Verfasser manni3 (305129) 26 Jan. 10, 20:44
    Kommentar
    Hällouw guddbai Schwäbla, hon geschdern un heit id reiluag kenna, hon schaffa miassa un morga Ôbnd simmr middam Dings seim Greiz bei da MRT, mitta in da Nacht (am 20h). Wo geits au so Tärmine?

    No halt bis Ibrmorga.

    Schlofet guat. I gang etz ruaßla.

    #239Verfasser Moi Gab (456541) 26 Jan. 10, 22:11
    Kommentar
    Ruaßl schea, Gäbale.
    #240Verfasser Selima (107) 26 Jan. 10, 22:22
    Kommentar
    Iatz kôttndr langsam ausgruaßlt hau.
    #241Verfasser Selima (107) 27 Jan. 10, 09:21
    Kommentar
    I hao schao lang ausgrußlt. I be heit aus Vrseha so friah ufgwacht dasse sogar em Goldammersoh' no sei Veschber han richda kenna fir sei Konscht-Exkursjoh uf Schwäbisch Hall nei - dô isch a Max-Ernschd-Ausschdellong, wo se vo dr Schual aus nãgangat.
    Jetz muaß-e me om dui Wesch kemmmera, dia wo-n-e am Wochaend net gmacht han...
    #242Verfasser Goldammer (428405) 27 Jan. 10, 09:39
    Kommentar
    ädd ausgruaßled - bei mier isch dr Kemmekerar oo scho frie dó gwe ond had mi ausgruaßed ;-)

    Maisle, wie fendsch du aingdle so nedde alde Degschd wie zue deane Bilgar, die wo id uff Sankd Galle däffed? So ebbs in die Richdong ziddiersch du ja efdr :-))

    Emmrle, drom sebba ja: Wesch am Afdrmädag bringd an Haufe Wäedag!
    #243Verfasser manni3 (305129) 27 Jan. 10, 09:45
    Kommentar
    Guugl isch mei Freind, woisch :-) Ond äbbl glei auf d'zwoit odr dritt Seita nom. Dau schdandand moischtns de bessre Sacha.

    Emmrle, wanne beas wur, dädede ällabätschala.

    Manne, dean Schbruuch haune no id kennt. Und was git des earscht, wammr d'Wäsch a Migda macht.
    #244Verfasser Selima (107) 27 Jan. 10, 09:49
    Kommentar




                  Die Gschickde wäsched id am Mickde!






    #245Verfasser manni3 (305129) 27 Jan. 10, 09:55
    Kommentar
    Wea, wanne i sigg de
    mit deira Wäsch
    earscht nocht am Miggde!
    Daß des fei läsch!
    #246Verfasser Selima (107) 27 Jan. 10, 10:53
    Kommentar


            Deine dreckede Däscha
            däffsch oo am Donnschdag wäsche!



    #247Verfasser manni3 (305129) 27 Jan. 10, 11:19
    Kommentar

            Wäsche am Frei-
            dag lasch sei!
    #248Verfasser manni3 (305129) 27 Jan. 10, 11:22
    Kommentar
    Sät d'Maschi zom Fraule:
    Am Samschde, gell fei,
    dau duasch mr koi Wäsch nei,
    i hau au amol frei!

    Sät's Fraule zor Maschi:
    Du bisch so a Maschi!
    All andr Daag hi!
    Nocht wasche halt ohne di!
    #249Verfasser Selima (107) 27 Jan. 10, 12:27
    Kommentar
    Des hett e jetz gwieß net denkt, dass e eich mit dera Wesch zu solchene poedische Hegschdleischdonga inschbirier!
    #250Verfasser Goldammer (428405) 27 Jan. 10, 13:04
    Kommentar

    ädd Nocht wasche halt ohne di! - Geeenau! Oi Hand wäschd de andr!


    Emmrle, so isch des mid deane emann i  zibierde Musa - se kissed wean ond wenn se wend! Abr vrlâo kaschde id druff!!
    Es isch oifach a Glixfall... ond nó muesch waidle zuegreife!

    #251Verfasser manni3 (305129) 27 Jan. 10, 13:44
    Kommentar
    Ond a Bair däd sage:

                        Wäekodäeko        *    


    #252Verfasser manni3 (305129) 27 Jan. 10, 16:35
    Kommentar
    Nenn mir, Muse, den Manni, den weitgereisten,
    den Du geküsset und zum Dichter erkoren ...

    ... hätt dr Homer gmoint vooollr Neid ond isch grea agloffa.
    (mit dr Zeit isch vo Iebrdragong zua Iebrdragong zmol ebbes vom Original vrlora ganga ond am End hot dr Manni sei i vrlora ond des ganze Gedichtle vom Homer isch bletzle iebr so an komischa Grattlr ganga, dear 20 Johr braucht hot, bissr mear hoim zua seim Weib gfonda hot. Abr wia i zletscht Mol z Milet gwest be ond auf dia Mykale nauf be ond am Aldar des Panionion gschdanda be, dau haues an Weed em Original rauna hera - gwieeeß :-)

    Guats Nächtle, Schwäbla :-)
    #253Verfasser Selima (107) 27 Jan. 10, 20:13
    Kommentar



                    Muse seieschd, o Selima, du mier,
                    Nócha wäsch i oo sonntags die Wäsche dier* :-))





    *Bsondrs die lange weide Reck mibbm Roesemuschdr, die greaseidene Schiiz ond die fläxene lange Ondrhosa mibbm Zwickl ond de Bendl onda drâ (die wo so brackdesch send zom Beseschdihlreite) - ond alls schea nóch Waschdembradduur drennd ond mibbm bassnde Waschmiddl!
    Ond i begles oo - dBlusa ond dOndrhosa mid Dambf!
    #254Verfasser manni3 (305129) 27 Jan. 10, 22:22
    Kommentar
    All eigschneid ond no beim Schaufle?
    #255Verfasser manni3 (305129) 28 Jan. 10, 18:05
    Kommentar
    Da drauf sage liabrsch nix ... und gang zu meira Rindsbriah.
    #256Verfasser Selima (107) 28 Jan. 10, 18:49
    Kommentar
    Gschaufelt hât des neidrinito heit Morga. Seither wars nemme nedig.
    #257Verfasser neutrino (17998) 28 Jan. 10, 20:04
    Kommentar
    Des isch hald brackdesch, wemma Kend em schnäeschauflfäjige Aldar hadd - ond seied se no so neidriniddohafd kloi! Brauchba hald oifach kloine Scheifela.
    #258Verfasser manni3 (305129) 28 Jan. 10, 20:07
    Kommentar
    Genau, ond mr muaß se hald a bissle frieher aus em Bett schmeissa als sonscht.
    #259Verfasser neutrino (17998) 28 Jan. 10, 20:27
    Kommentar
    Ond des ka manxmol au fascht a Schdrof fr da Rausschmeisser sei ;-)
    #260Verfasser Selima (107) 28 Jan. 10, 20:29
    Kommentar
    Bei ons hôt's heit au net so viel zom Schaufla gea. Oimôl hôt dr Dengs heit friah gschauflt, bis i's Friahschdigg gmacht han.
    Also hôt's fir mi weniger Schneeheiefa, aber halt suscht an Haufa Gschäft ghett heit.
    #261Verfasser Goldammer (428405) 28 Jan. 10, 20:30
    Kommentar
    Bei ons gâht des. 's neidrinito motzt a bissle rom, schdâht dann abbr uff. Dia oizig Bedingong isch, dass dann, wenn 's Schneeschippa erledigt isch, 's ondre Bad frei isch ond des Kend glei ondr d'Dusche hopfa kâ.
    #262Verfasser neutrino (17998) 28 Jan. 10, 20:32
    Kommentar
    Mei, hâos i gued :-)) I hâo heid bloß meine zwai Kwadraadmeddr Balkôn freigschaufled, dass i koine nasse Schdrembf krieg beim Rauche.
    #263Verfasser manni3 (305129) 28 Jan. 10, 21:53
    Kommentar
    Guats Nächtle. I hau gnua fr haind vom Tegschtbäschtla.
    #264Verfasser Selima (107) 28 Jan. 10, 22:39
    Kommentar
    Dees isch ja diiieppisch: wenn-e widr amôle drweil hädd zôm Schwätza ônd itta bloß meah zôm Leasa (die älteren - Entschuldigung: länger gedienten - User werden sich vielleicht noch an mich erinnern können!), nauchd isch koinr dau zôm Radscha, ônd dr Schbage muâ-ne au nô nauflubbfa von dr zwoita Seite.

    Abr griaß Eich alle middanand, dia wô leasad ônd pfelleichd au nô schreibat!
    #265Verfasser twocents (460778) 29 Jan. 10, 21:38
    Kommentar
    Heb-heb, DuSenz, loff id drvo!! I bi no kommenickaziônsberaid!!

    Ond i will bloß hoffe, dasdr koin Bruch id glubbfd hasch ;-)
    #266Verfasser manni3 (305129) 29 Jan. 10, 21:46
    Kommentar
    Griaß-De, Manni! Noi, dr Schwaubabuggl isch broit gnua zôm Lubbfa. Etzad kenna-mer kommunizieara!
    #267Verfasser twocents (460778) 29 Jan. 10, 22:09
    Kommentar
    No bin i ja berujigd, dasses dier insoweid gued gód, bsondrs mibbm Kreiz! Dó haoni ledschde Wuche Läschd kedd. Abr desmól idd wexm Ilijosackralglenk, sondrn weil i mi an ar schwäere Werkzuigkischde vrlubfd hao. I hao id drâdenkd kedd, dass i nemma achze bi!
    #268Verfasser manni3 (305129) 29 Jan. 10, 22:22
    Kommentar
    Bisch-D edda ên d'Knia ganga, sondrn hosch De buggt?
    Mid zwoiazwanzgahalb sett'mr schô drâ denka!
    #269Verfasser twocents (460778) 29 Jan. 10, 22:34
    Kommentar
    Die Kischde isch oifach zschwäer gwe fier an Zwaijezwanzgahalbjäerege. Es had nix mibbm Kreiz zdond kedd, es had se ganz nóch ar Muschglsach âgfihld. Abr jiez isch faschd rom mid deam Wäedag!
    #270Verfasser manni3 (305129) 29 Jan. 10, 22:41
    Kommentar
    Nau isch-s ja reachd! I wensch dr auf jedan fallnô a guata Bessrông! Was duasch-en Du middam Werkzeig?

    I bêe iebrigens schdoimiad, hau an Merlôo drônga. I glaub, i gang etzt schlaufa. ("Wenne-nô scho schdruug!", hat d'Bêire gsait ônd ischd auffam Beddrand g'hoggat.)
    #271Verfasser twocents (460778) 29 Jan. 10, 22:51
    Kommentar
    I hâo am Freind beim Kucheombaue kolfe ond beim Audoauslade.

    'schdruug' kenni gar id. Bei eis däbba sage 'flacke däd'.
    Nó drenk i oo amól an Merloo, a klois Schlickle zom Âschdóeße mid dier - sândee, alla noodre!
    #272Verfasser manni3 (305129) 29 Jan. 10, 22:56
    Kommentar
    Alla noddre,Manni!
    Ônd Guaznächdle, i kâa nemme. Alla broschään!
    #273Verfasser twocents (460778) 29 Jan. 10, 23:02
    Kommentar
    Alla broschään - a biêtoo ...:-))
    #274Verfasser manni3 (305129) 29 Jan. 10, 23:08
    Kommentar
    Ja was, manni, bisch du ebba au a Kichamondeer? Mei Bappa hôt allaweil gsagt, i het a Kichaschdudio, weil i bei Bekannte so oft bei am Kichaumzug gholfa hab.
    #275Verfasser bluesky (236159) 29 Jan. 10, 23:36
    Kommentar
    Ja freile, Kuchemondeer ond oo soschd faschd alls. A richdegs Fackdodem hald.
    (des isch fei Laddeinesch - idd dassdr no uff falsche Gedanke kommed in deam Engleschforem!)

    Ibrigens haz grad om viedlibrelfe  -0.0° uff meim Balkô. Nedd, des mid deam 'Mines' :-))

    #276Verfasser manni3 (305129) 30 Jan. 10, 11:17
    Kommentar
    So lang war i no nia in meine Hei Hiels onderwägs: vier Kilometr. Autofahra wollt i net ond radle isch bled heit, bin i halt z'Fuaß gange. Ondnoi, d'Fias dean mr net weh (ond wenn, det is net zugäbe(-:).
    #277Verfasser bluesky (236159) 30 Jan. 10, 16:48
    Kommentar
    Nó luegebr amól, wasd móere sesch (odr oo bloß denksch) ;-)
    #278Verfasser manni3 (305129) 30 Jan. 10, 20:17
    Kommentar
    Des isch morga net andersch wia jetz, i bin de Woch scho mol zwoi Meila gloffa.
    #279Verfasser bluesky (236159) 30 Jan. 10, 20:26
    Kommentar
    Bairesche odr Schwäbesche (zue 31322 Augschburgar Fueß) ?
    #280Verfasser manni3 (305129) 30 Jan. 10, 20:41
    Kommentar
    Weder no, sonscht wäret ja vier Kilometer net as längschte gwea. Englische, 1,8km.
    #281Verfasser bluesky (236159) 30 Jan. 10, 20:56
    Kommentar
    Laufa duane au gern, abr idda mit Hei Hils. Wegawarum un vrwenanau? Miar vrsaufat im Schnee. Mei Schoos hots allaweil no im Greiz, un i schipp, schipp, schipp. Un allaweil schiabtmr där bleede Schneepfluag d'Eifahrt zua. I schippse wellawäag frei, wemmr au da Karra in da Garascha lenn.

    Un dia gloine Soichr sin etz endlich im Neschd - uff.

    Äddid: Hällouw Himmale un Manni

    un wia war des nommel mit dem lateinischa fack?
    #282Verfasser Moi Gab (456541) 30 Jan. 10, 20:59
    Kommentar
    Gäbele, seba des bei ui id? Faktotum (von lat.: fac totum = mach alles) Amend isch des dr laddeinesch Veddr vom franzesesche Bassbarduu!
    I mach alls, manchmól oo ebbs hî ;-))

    Aingdle isch a räechd schlau, dei Schoose. Kriegd räechzeideg sKreizwäe, dass du aloi schnäeschaufle muesch. Kasch deam Schnäebfluegfarar id amól a Fläsche Kalwadoss in dHand drucke?
    #283Verfasser manni3 (305129) 30 Jan. 10, 21:25
    Kommentar
    Mei, i mog halt Hei Hiels gera, wersch scho gmerkt ham, bei onserm Schwôbadreffa. Dr manni hot dia Schdiefala scho gsea.
    #284Verfasser bluesky (236159) 30 Jan. 10, 21:42
    Kommentar
    Himmele, i woiß doch. Abr da kennschas au ins Däschle schdegga un ersch raushola, wenns brauchsch. Doch idda wennda kilometrweit laufa duasch. Denk an dei Greiz. Du bischmr zweit wägg, i ka id frde schippa.

    Manni i hon doch gmoint wägm englischa Fack.

    #285Verfasser Moi Gab (456541) 30 Jan. 10, 21:51
    Kommentar
    Griß Gottle, Leitla!
    I han heit an richdich ãschdrengenda Dag ghett, ehraamtlicherweis eigschbannt gwea. Jetz dur-e haltn no a weng romsörfa, zom mein schlabba Goischt no a wengale entschbanna.

    I muaß noml wega 'm Zwoipfennegnle seira Nommer zwoihondertoiasasiebazg nôchfrôga:
    "Wenne-nô scho schdruug!"
    Des han-e au no nia ghert ghett. Isch des an subberschigger Konjungdiv vo "schdragga" oder was?

    Bei ons hôts et viel Schnai ond et viel gschneit. 's Ziggerle dät fascht moina, 's wär Sommer...
    #286Verfasser Goldammer (428405) 30 Jan. 10, 22:05
    Kommentar
    Gäbele, dó waiß i nix drzue. I hâo bloß vrhendre welle, dass Du ommasoschd im falsche Wäedrbuech luegesch, dó schdod nemle nix denna! Die kenned des Woed garidd!
    #287Verfasser manni3 (305129) 30 Jan. 10, 22:05
    Kommentar
    Paßt scho, Gäbele, san ja meine Winterschdiefala. Schaufla muaß i net, des macht dô hanna d'Schdadt. Ond mitm Kreiz hab is net, immr sche locker in de Knia ond as Becka schwinga lossa, nô gôt des scho.
    #288Verfasser bluesky (236159) 30 Jan. 10, 22:18
    Kommentar
    Emmrle, grad haoni gmerkd, dass du oo dó bisch ond mier gleichzeideg bouschded hand :-)) Grießdi!
    Dommr hald middand de schlabbe Gaischd a bissle óerne.

    Aingdle kâ dr Imfennediv vo 'schdruug' bloß 'schdragge' sei. Abr was isch 'schdragge'??

    edit: Die Grimmbuebe kenned so a Wóed ussm Bergmennesche ond schdelled des zue 'schdrecke'. Des däd ja nó basse zom flacke.
    #289Verfasser manni3 (305129) 30 Jan. 10, 22:20
    Kommentar
    ächt wôhr, bei uich kennt mr "schdragga" et?
    Jô, hôscht reacht, desch fascht 's gleiche wia flagga.
    Mr kã zom Beischbiel "nãschdragga" uf da Soffa.

    edith
    guck môl, do han-e sogar an Lenk gfonda, allerdengs ohne jede Gwellaãgab:
    http://woerterbuch.babylon.com/schdragga?&tl=


    http://www.petermangold.de/
    isch's au drenna.

    #290Verfasser Goldammer (428405) 30 Jan. 10, 22:27
    Kommentar
    I kenn bloß schnuerschdrax.
    Ond so wäer i amól de nägschde Schbage drâknode!
    #291Verfasser manni3 (305129) 30 Jan. 10, 22:43
    Kommentar
    Erschdaunlich! Des dät mi jetz no endressiera, ob des Hemele des au net kennt?

    I dur mein schlabba Goischt (on da Rescht vo mir au) jetz ens Nescht. Bis morga!
    #292Verfasser Goldammer (428405) 30 Jan. 10, 22:45
    Kommentar
    Wenns dó hinna nemma weidr gód, gammr dédd nom in Schnabbszalfade.
    #293Verfasser manni3 (305129) 30 Jan. 10, 22:48
    Kommentar
    Na schdragga kenn i scho.
    #294Verfasser bluesky (236159) 30 Jan. 10, 22:56
    Kommentar
    Weil mr als nägschz so a scheane Nommr hand, hao i mea amol glueged, wos aingdle âgfange hadd. Dr äeschd Fade isch vom 09 Jul 08 11:50 , bsinnedr ui noo?
    Ond scho dómóls haz Hemele kolfe beim Aufraume ond Fenschdrläde zuemache ;-))



    #295Verfasser manni3 (305129) 30 Jan. 10, 23:13
    Kommentar
    #296Verfasser manni3 (305129) 30 Jan. 10, 23:14
    Kommentar
    *zsammkehr* *Papierkorbausleer* *Müllsachvord'Diarstell*
    #297Verfasser bluesky (236159) 30 Jan. 10, 23:16
    Kommentar
    *Lichtausmach*
    #298Verfasser bluesky (236159) 30 Jan. 10, 23:17
    Kommentar
    *zuaschberr*
    #299Verfasser bluesky (236159) 30 Jan. 10, 23:17
    Kommentar
    *SchlißlansSchlißlbretthäng*
    #300Verfasser bluesky (236159) 30 Jan. 10, 23:18
    Die Diskussion zu diesem Artikel ist geschlossen.
     
  •  
  •  
  •  
  •  
  •  
  
 
 
 
 
  automatisch zu   umgewandelt