Werbung
LEO

Sie scheinen einen AdBlocker zu verwenden.

Wollen Sie LEO unterstützen?

Dann deaktivieren Sie AdBlock für LEO, spenden Sie oder nutzen Sie LEO Pur!

 
  •  
  • Übersicht

    Quasselzimmer

    dreiedreißgeschda Schbaagə

    Betrifft

    dreiedreißgeschda Schbaagə

    Kommentar
    Alemannə-Schwóbə-Fadə 33



        
    A Schnabbszalschbage, wie ses fierd Fasnachd käed ;-))



    Des isch a ganz a endrnazenale Alemannə-Schwóbə-Dräffbonkd
    zom Hôigaatə, Radschə ond Dischkrierə,
    in deam wo ma all grenzibrschraitedə Warianda vom Alemanneschə läesə ond schreibə kâ.

    Ond wäe Luschd had, kâ oo en andrə Dialäkd wie Bladd odr Schdandardneihóechdeitsch schreibə.
    Also dond ui koin Zwang â ond schreibed mid. Mier gfrajeze ibr jedn, däe wo reikudd ond eis Xelschafd laischded :-))

    Ond schreibed ganz aso, wie ui dr Schnabl gwaxe isch.
    Desch endressand, dassba sogar beim Schreibe glei die Ondrschid vo de vrschidene regijonale Warijanda säeche kâ, vom Lech bis ibr de Rheî nomm.



    Des isch dr vóerəg Schbagə gwe, ond jiez góz dó hinna weidr.


    Mier hôigaated allad weidr, solangs no ebbs zom sagə geid!
    Onz siechd ganz drnóch aus, dass eis dr Gschbrächsschdoff no id so schnell ausgód ;-))





                        Land id lugg!





    Boschgribbdom:
    'Schbagaad' odr 'Schbagə' isch im sidlichə Dail vo Siddeitschland s Äkwiwalend vo 'thread' ond bedeided Bindfadə. Eddemelogesch haz ebbs mid Schbageddi ond Schbädzla zom doe.
    Fier 'Hôigaatə' sagezə in mankə Gegnda oo 'Hoggedsə'
    ;-)
    Fier manke sodd i oo 'Land id lugg' ibrsedze. Abr des due i jiez amól idd.
    S isch jednfalls nix Ôâschdendex!
    Verfasser manni3 (305129) 30 Jan. 10, 22:45
    Kommentar
    Ha so ebbes. Jetz hendr egschdra no an nuia Fada gmacht gerscht Ôbad, on nôch hôt koiner meh was gschrieba!

    Ha nô dur-en halt i eiweiha.

    Guda Morga ihr Schwäbla on Baira on sonschdiche Leit!

    (ob wohl es Schdiggle scho widder sei Wesch en dr Maschee hôt? Heit mach i meine au widder ganz brav wia sich's ghaiert....)

    ...on was no ausschdôht, isch mae Frôg an 's Hemele (on au ans Ameisle, nadierlich:)
    kennat ihr "schdragga"?
    On wer außer'm Faschtfemferle kennt den õglaublicha Konjungdiev "schdrugg"?
    #1Verfasser Goldammer (428405) 31 Jan. 10, 07:40
    Kommentar
    Schliaßme unsrm Vegale a un winsch alle an scheena Dag.

    Am Manni an digga Schmatz fr den neia Fada.

    Schdragga kenn i au. I kenn eigntlich viel vo demm wias s'Vegale schwätza duat.

    Vegale, hosch scho gmergt, dammr diar allweil a gnuag Fuddr ins Heisle dunn. Dschasst fohr ju.

    Un endschuldigung danne geschdrn so sang- un klanglos vrschwunda bin.
    #2Verfasser Moi Gab (456541) 31 Jan. 10, 09:56
    Kommentar
    An guada Morga o vo dauhanna ond am Manne a Vrgeltsgott frs Bäschtla!

    Schdragga sät mr bei os au.
    #3Verfasser Selima (107) 31 Jan. 10, 10:26
    Kommentar
    ädd Konjeckdiv vo 'schdragge':

    Also mei Vaddr hadd gäere räechd aldmodesch drhäegschwädzd ond nó a vrschmidzz Gsichd gschnidde, wenn mei Mueddr dribr glached had. Äer isch lang vóerem Krieg uffd Weld komme gwese - vóerem äeschde Weldkrieg moine.
    An vile vo seine Wäedr kani mi nemma erinnre, weils scho soo lang häe isch. Wenn däe 'schdragge' kennd hedd, hedda denn oo 'schdruuk' sage kenne - de Konjeckdiv middam lange uu, gell!
    Warscheinz hedda abr xed: Wenne no schoo fluuk, hadd die ald Kiechlare xed, wie se uffm Beddrand kocked isch* ;-)


    *I hâo jiez nomól an ganze Sadz gschriebe fier de Fall, dass no oir** vorbeiluged, däe wo die Vóergschichd vom DuSenzle id kennd.


    ** Des isch die gramaddesch Maschkelinform fiers Kolleckdivwóed, des wo Weißbildr, Mannsbildr ond Kend mid êischließd, gell! Id dass no ebbar an Dchendrschdreid âfanged dó hinna ;-)
    #4Verfasser manni3 (305129) 31 Jan. 10, 10:29
    Kommentar
    Warom nemmsch ned 'ois'? Bei os sät mr en sottane Fäll '..., wann no ois vrbaikomma däd'.

    Ond was da Konjungtiiv agatt - dau semmr os reachte Schwauba - os schbarmr se dau dia egschdrigga Form ond bildatn mit 'däd'.
    #5Verfasser Selima (107) 31 Jan. 10, 11:04
    Kommentar
    Emmerle, wer läsa kã, isch klar im Vorteil.
    #6Verfasser bluesky (236159) 31 Jan. 10, 13:10
    Kommentar
    Ups, des mua-n-e ieberseha hao gerscht Ôbad, Hemele. Duat mr loid.
    Nôch isch's eigentlich bloß dr manni, der wo des et kennt. Ha so ebbes.
    #7Verfasser Goldammer (428405) 31 Jan. 10, 13:56
    Kommentar
    Ha, dees hätt-e etzt au it denkt, dassd-e en deam Schbaga nô belega muaß, woher dass-e Werter kenn. Freile isch 'schdruug' (middam langa 'uu', Manni dankdrschea frs Korrigiera, hôscht reacht!) Konjongtif, ônd der isch reacht vorneahm im Vrgleich zum 'Däd'-Konjongtif ('s wett au a vorneahma Beire gwêa sei...). Des Schbrichle haun-e iebrigens aus amma alta Biachle, wo no meah so glatte Sacha denn schdandat. Abr die schreib-e liabr nemme, ammend mua-ne no a Gwella-Âagab middliefra ond ernschhaft zidiera!

    Heit war-e an dr Bluataburg z'Menzeng zôm Schbaziera, ônd dia Kapell' hemmer au no âgluagat. Wenn-e mr die Rekonschrukziôo vô deane Außafreska agugg, nauchd muaß dr Onuphrius a recht a hauriger Siach gwêa sei.
    #8Verfasser twocents (460778) 31 Jan. 10, 16:21
    Kommentar
    I hâo no a baar vo deane Schbrich im Kobf ussam Buech vom Alfred Weitnauer (1905 - 1974), däe wo Hischdorickar ond Heimadbfläegar im Allgai gwe isch. Däe had viele vo seine wissnschafdliche Arbada mid volxtemliche Biechr finanziert. I kâ me no an dean oine Diddl erinnre: Das lachende Allgäu. Abr i hâos nemma.

    Mid deam Konjonkdiv góz mr wie dier, DuSenz: Die schdarke Verbe klenged oifaach schdark ond mier gebüldedde Schwóbe nemmed die gehobene Forma oifach gäere häe, weil se hischdoresch send ond weil ma frienr oo so xed hadd. Mei Vaddr had die Forma frei ofd gnomme.
    #9Verfasser manni3 (305129) 31 Jan. 10, 16:52
    Kommentar
    *en gflüglete Huuch vo Winter, wiis überzuckeret dala*
    #10Verfasser Snowflake (260254) 31 Jan. 10, 23:35
    Kommentar
    ❄ Hasch Du jiezd a Saddeliddeendrnedd odr wie hasch Du aus Deine meddrhoeche Schnäebäerg ins Leo reigfonde??
    #11Verfasser manni3 (305129) 01 Feb. 10, 00:07
    Kommentar
    Flecklesinwasion, mir vrsaufed in Fleckla.

    Morga Schwäbla un an scheena Dag. I schdiefl etz los (auf lau hiels)
    #12Verfasser Moi Gab (456541) 01 Feb. 10, 06:43
    Kommentar
    Gäbele, uff loue loffzes leichdr :-)
    #13Verfasser manni3 (305129) 01 Feb. 10, 08:56
    Kommentar
    Jiez send grad zwai Kerle dó gwe ond hand a nuie Balkôdier eibaud. Die Firma isch zKembde ond oir isch vom Hoechgreit ra gwe ond dr andr vo Wilbezried - alls im Omkrais vo fuchze Killemäddr vo wo i häe bi. Mei isch des schea gwe, wie mier middand gschwädzd hand ...
    #14Verfasser manni3 (305129) 01 Feb. 10, 11:53
    Kommentar
    Mei, des gloob i, dassdr des gfalla hat, manni.

    In Hoechgreit bi i allad bsondrsch geara, des isch nemmli dr hökschd Punkd auf meinr Radlschdreck vo dr Schuel hoim, ond i bi allad froeh wenn i des gschaffd hao, weil hernach gohds prakdisch bloß mea ra.
    #15Verfasser candice (447114) 01 Feb. 10, 12:58
    Kommentar
    Zickarle :-))

    Im Notzeweijar haonis Schwimme gläened!

            A so a Moorbad Lob ond Breis,
            des hilfdr gex de Reißmattheis!

    Des isch a klois Baradis :-)




    dEdith ladd om viedlibrfemfe froge, obschd du do ibr Schwêilang ond de Bäerlebäerg feesch!
    #16Verfasser manni3 (305129) 01 Feb. 10, 16:08
    Kommentar
    So, etz wissmr, wa da Dings hot - an Bandscheibavorfall - ühn ärnie diskal.

    I winsches koim von eich.

    Isch do äbbr?
    #17Verfasser Moi Gab (456541) 01 Feb. 10, 19:51
    Kommentar
    Warom willsch des wissa?

    Du willsch wahrscheintz bloß wiedr Hexa-Polo schbiela.
    #18Verfasser neutrino (17998) 01 Feb. 10, 20:05
    Kommentar
    I bi do.
    Bandscheibavorfall - i pfui Deibl. Da schick i ja glei a ganz Pfund Mitleid! Ond was gschiechd jetzad?

    Manni - Bäerlebäerg, na logisch, ond dann mueßme so gued wie nimmr dappe bis Undrdhingau, des isch schea! Bloß dann des Schdick vo Undrdhingau bis Geisariad, des mag i allad gar id, abr i hao no koi Aldrnadif gfonda. Woisch Du amend was?
    #19Verfasser candice (447114) 01 Feb. 10, 20:06
    Kommentar
    Bandscheibavorfall ... Kâ mi drâ erinnra. 's neidrinito war no koi Jâhr alt. Des war scho beim Wickla bled, gar ned zom Saga von allem andre ...

    #20Verfasser neutrino (17998) 01 Feb. 10, 20:11
    Kommentar
    Oi, zwoi - sZuggrle un sSchdiggle.

    Zuggrle schbielamr mit am Schdiggle Hexapolo?

    S'Dings griagt am Mittwochobnd ersch mol a Schbritza (iii), solang lebtr vo Schmerzmiddl.
    #21Verfasser Moi Gab (456541) 01 Feb. 10, 20:14
    Kommentar
    Id abhaua, Schdiggle. I nimms zrugg - heit geits koi Hexapolo. Gwießidda.
    #22Verfasser Moi Gab (456541) 01 Feb. 10, 20:16
    Kommentar
    Ond wieso erscht am Middwoch? des ich doch omenschlich oin so lang warde z'lassa.

    I hao als amôl Broblem ghett mit em Ilio-Sakral-Glenk. Dâ hât's glei a Schbritz gää, wenn's bloggiert ond weh doa hât.
    #23Verfasser neutrino (17998) 01 Feb. 10, 20:18
    Kommentar
    Koi Ahnung warum id glei. Vielleicht wellmrs säll zahla muan? So a Schbritza koschdet 51 Euro.
    #24Verfasser Moi Gab (456541) 01 Feb. 10, 20:22
    Kommentar
    Ond wieso miasset Ihr des selbr zahla?

    Isch die am Middwoch billigr?
    #25Verfasser neutrino (17998) 01 Feb. 10, 20:24
    Kommentar
    Oh jegerle, Gäbele! Des hert sich jô furchbar ã mit deim Dengs. I han a Fraindin, die hôt grad mehrere Woche vo Schmerzmiddl gleabt mit ma Bandscheibavorfall(dui hôt an õglaublicha Leidensdruck braucht bis se sich zor Obberazjoh durchgronga ghett hôt.) Am Schluss hôt se nô sodde morphinhaldiche Bflaschder griagt.
    Enzwischa isch se oberiert on 's gôht ra widder guat. Morga gôht se en Kur uf Saulgau.

    I hoff dass es deim Dengs bald besser gôht!
    #26Verfasser Goldammer (428405) 01 Feb. 10, 20:37
    Kommentar
    Die Schbritza zahlt d Kassa nimme, honse gsait.

    Vegale, gohts dem Fiedale vo deim Dings wiedr bessr (noch derra Schlittafahrt)?
    #27Verfasser Moi Gab (456541) 01 Feb. 10, 20:41
    Kommentar
    So, i vrabschiedme fr heit.

    Guats Nächdle alle mitanand!
    #28Verfasser Moi Gab (456541) 01 Feb. 10, 20:50
    Kommentar
    Echt? Des isch jâ bled. I drigg Deim Dengs d'Dauma, dass bald wiedr bessr werd.

    *edidier*

    Guad Naachd!

    Ond i vrabschied mi jetz au. Schlâfet guad.
    #29Verfasser neutrino (17998) 01 Feb. 10, 20:50
    Kommentar
    Dobblpouschding ...
    #30Verfasser neutrino (17998) 01 Feb. 10, 20:57
    Kommentar
    @Gäbele, jô klar, desch scho widder guat. A bissle blô no abber waih duat's nemme.
    #31Verfasser Goldammer (428405) 01 Feb. 10, 21:23
    Kommentar
    Zickarle,
    a scheane Schdrecke ond hald a bissle a Omwäeg wär oo vo Ondrdinge ibr Obrdinge, dEschenoo ond Engrazried uff Dalhofe. I waiß abr id, wie des heizedag isch. Frienr isch des a ganz a riebege Schdrecke gwe. dEschenoo isch mr oo allad wie so a klois Baradis voerkomme in dr Wäedach-Au. Abr i gloob, des Kieswerk vom Schodar isch jiez räechd groeß woere.
    Odr hendarom dur de Kembdar Wald vo Ondrhalde ibr de Beichlschdoi ind Eschenoo. Abr des wäedr a bissle zweid sei! Ond dó briechdesch warscheinz a Maundnbaik, mibbm Rennrad wäed dó nix gâo uff deane Wäeg durs Holz.
    Kennsch aingdle de Wäedachdurchbruch zwische Gäelesried ond Wald? Wondrschea - zeschd naa, abr nocha hald mea nauf ;-)

    I kenn abr die Schdrecka nemma so gued. S isch scho ibr fuchzg Jór häe, wieni die gradled bi.



    Gäbele,
    deim Schose wensch i alls Guede.
    Mei Kreiz isch mea òedele. Isch scheinz bloss a Muschglzerrong gwe.

    #32Verfasser manni3 (305129) 01 Feb. 10, 23:44
    Kommentar
    Mei Kreiz isch so gued woere, dass i om viedluffois dean Fade ganz alloi hâo nauflubfe kenne. In meim Raucharzemr mueß i a Sonnebrille aufneame, weil Zonne so blended bei deam nuie Schnäe, däe wo alls ibrzickarled hadd . Abr des due i gäere, s isch soo schea :-))
    #33Verfasser manni3 (305129) 02 Feb. 10, 12:42
    Kommentar
    Hrrgttzck, Du machsch Sacha! Glei a ganz Schwaubafädle nauflupfa! Guad daß mear guad en Form bisch. Schea isch bei os au. Dr Nauchbr hot sei Schneabaar widdr a wengale ausbaut.
    #34Verfasser Selima (107) 02 Feb. 10, 13:05
    Kommentar
    Verlupf de id beim Fadanauflupfa, Manni.

    Heit hots in den wundrscheena Schnee neigränglat. Abr etz fangets wiedr a zschneia. Ihr kennat eich garid vorschdella wia wurschd des isch, dass d Schdroßa zua sin, wemma laufa duat.

    #35Verfasser Moi Gab (456541) 02 Feb. 10, 18:59
    Kommentar
    Wurschd scho, Gäbele, abr i däd liebr radle!


    (Dean Däd-Konjenkdiv hâoni jiez egschdra gschriebe, dass sMaisle oo vrschdood was i moi. Ansonschde wär des naddirle 'i ruudle liebr'!)
    #36Verfasser manni3 (305129) 02 Feb. 10, 19:48
    Kommentar
    Ach Manni, i bin hald an Egoischd.

    I däd fei au liabr wiedr raadle wella. Abr da Gebbl isch im Schopf, un der isch eigschneit.

    (wa isch des etz fr an Konjenkdiv?)





    #37Verfasser Moi Gab (456541) 02 Feb. 10, 20:13
    Kommentar
    Mei Rad schdod dussa, abr uffm Saddl send dreißg Ssandemeddr Schnäe ... Ond dSchaldong wäed woll eigfroere sei!






    [bloss fiers Gäbele] Bsschd-Gäbele, middeam Konjenkdiv will is Maisle a bissle in Vrwirrong schdirze, idd di! Ond weil i zu deane säerieese eldre Herrschafda käer, wäezemrs scho gloobe. Abr vrród mi id ;-)) [ / bloss fiers Gäbele]
    #38Verfasser manni3 (305129) 02 Feb. 10, 20:18
    Kommentar
    I kehr au zu dene säeriöse Herrschafda, abr weil d Fraua koine Herra sind, sagt ma dô alde Schachdla.
    #39Verfasser Moi Gab (456541) 02 Feb. 10, 20:31
    Kommentar
    Guad Nachd sagt dia ald Schachdl zua dem säeriösa Herr.
    #40Verfasser Moi Gab (456541) 02 Feb. 10, 20:50
    Kommentar
    Jetz wo i komm, gâhsch. So äbbes.
    #41Verfasser neutrino (17998) 02 Feb. 10, 20:55
    Kommentar
    Bonne nuit mon chéri o) (zuama Schdiggle derf mä des sagä)
    #42Verfasser Moi Gab (456541) 02 Feb. 10, 21:00
    Kommentar
    Bonne nuit chère Madame.
    #43Verfasser neutrino (17998) 02 Feb. 10, 21:04
    Kommentar
    Gudan Ôbad alle Schachtla, Herrschafda, Schdiggla on so weider....
    I waarde emmer uf den Schnai, aber hierrom blost's bisher bloß wia Zau.
    Morga soll's scheinz nô reanga, on des fend i bled. Wenn schao, nô doch liaber an reachda Schnai. Fort muaß-e eh edda, on nô feend i an haocha Schnai oifach schener. (Desch au a Konjungdiv, Ameisle, aber an ganz õschbekdagulära...)
    #44Verfasser Goldammer (428405) 02 Feb. 10, 21:24
    Kommentar
    I muaß Audo fahra. Heit morga be i durch a Kurv grutscht. Gott sei Dank isch dâ grad koinr entgegakomma sondern war no guat fuffzig Medr weit weg. Wäga mir muaßes also heit naacht net schneia.
    #45Verfasser neutrino (17998) 02 Feb. 10, 21:29
    Kommentar
    Ond jetz wensch i a guade Naacht.
    #46Verfasser neutrino (17998) 02 Feb. 10, 21:42
    Kommentar
    Hemele, des mid deam Ondrschied vo am literarischen Reisebericht und einem dokumentatorischen Expeditionsbericht hasch saugued uff de Bonkd bróchd!!
    Fier die andre:  
    #47Verfasser manni3 (305129) 03 Feb. 10, 00:03
    Kommentar
    Scho, gell. Dankdrschee. I kenn an Werner sogar, mir ham uns scho amôl drôffa.

    Sagrment, draußa wachlts ganz schee, bei 3,4 Grad plus.
    #48Verfasser bluesky (236159) 03 Feb. 10, 00:28
    Kommentar
    Hi, 3manni und skyblue. So macht man das im Süden, oder? Das habe ich irgendwo gelesen. *gg*

    wachlts?

    *Emmerle, Gäbele und Schdiggele hinterher wink*
    #49Verfasser Amy-MiMi (236989) 03 Feb. 10, 02:49
    Kommentar
    Mimi-Amy, guad hoschdr des gmerkt :-) Mit "wacheln" meint der bluesky 'wehen'. Allrdings sät mr des eanr em Boirischa - zmindest bei os, en meim Doil von Schwaba, sät mr's ned.

    An gscheita Weed hot's abr au heind endr Friah no ghett. Wahrtscheintz honne lei d'Hälfta vom Benzi braucht, ball dr Weschtwend aso drieba hot.
    #50Verfasser Selima (107) 03 Feb. 10, 09:10
    Kommentar
    Wemma dDira aufschdelld ond dHeckklabbe ganz naufdued, brauchba bloß a Viedl, Maseli! Muesch hald an Schlibbs omdoa, dassd koi Halswäe id kriegsch ;-)

    Ond dMiMiMyA hadd scho mea ebbs gläened! So isch räechd!
    Bisch a brave Fehl :-))
    #51Verfasser manni3 (305129) 03 Feb. 10, 09:31
    Kommentar
    I han au ebbes glearnet. "'s wachlt" han i au net kennt ghett.
    #52Verfasser Goldammer (428405) 03 Feb. 10, 12:01
    Kommentar
    I oo id! Abr jiez reangez.
    #53Verfasser manni3 (305129) 03 Feb. 10, 17:18
    Kommentar
    Wo sinnse au bloß, dia miade Kriagr?
    #54Verfasser Moi Gab (456541) 03 Feb. 10, 21:09
    Kommentar
    Dâ.
    #55Verfasser neutrino (17998) 03 Feb. 10, 21:11
    Kommentar
    Wiedr amol um d Kurva gschliddrt?
    #56Verfasser Moi Gab (456541) 03 Feb. 10, 21:16
    Kommentar
    Noi, 's isch nemme glatt, bloß nass, Wasserschi kennt mr fahra.
    #57Verfasser neutrino (17998) 03 Feb. 10, 21:18
    Kommentar
    Meine Sogga waret bädschnass, wiane dahoim war. Gottseidank honne an Schirm dabeighett, sonsch hettatme d'Auto duschet, die Siacha, dia so schnell durch d Pfitza sauset.
    #58Verfasser Moi Gab (456541) 03 Feb. 10, 21:29
    Kommentar
    Hâsch denne mit em Schirm droht?
    #59Verfasser neutrino (17998) 03 Feb. 10, 21:40
    Kommentar
    Des donze zMinke oo am liebschde, die Saulaggl die nixige, so schnell dur dDrecklacha fare, dasses meddrweid schbridzd :-((

    A Glick habba, wenn uff dr Seite andre Audo barked. Nó wäered bloß die räechd drecked!
    #60Verfasser manni3 (305129) 03 Feb. 10, 21:41
    Kommentar
    Ha, dâ sollet dia Fußgengr halt schbrenga ... ;o)
    #61Verfasser neutrino (17998) 03 Feb. 10, 21:47
    Kommentar
    I schbring wia a Rehle ;-) un glei d'Schdiaga nauf.

    Da Dings isch wiedr a wengle glicklichr, dank Schbritz.

    Guad Nachd ihr zwoi wunderbare Kerle.
    #62Verfasser Moi Gab (456541) 03 Feb. 10, 21:53
    Kommentar
    Schdiggle, zom Raseschbrenge isch no zfrie - du Audofarar, du ôwondrbara :-(((
    #63Verfasser manni3 (305129) 03 Feb. 10, 21:55
    Kommentar
    Isch Audofahrar a Schimpfwort?
    #64Verfasser Moi Gab (456541) 03 Feb. 10, 21:57
    Kommentar
    Guad Naachd, Moi gab, schlâf schee. Ond i empfend des net als Schempfwort. I schteh drzua.

    Manne, ab ond zua ben i au Fahrradfahrer odr Fuaßgengr. Abbr halt au Audofahrer.
    #65Verfasser neutrino (17998) 03 Feb. 10, 21:57
    Kommentar
    Bevore vrschwind: Dätsch du da Manni un mi nassschbritza?

    Wia wär's mittama Häxapolo?






    *binweg*
    #66Verfasser Moi Gab (456541) 03 Feb. 10, 21:58
    Kommentar
    Moi Gab, hegschdens a bissle ... *gg*
    #67Verfasser neutrino (17998) 03 Feb. 10, 22:03
    Kommentar
    On jetz vrzieh i mi. I wensch rondrom a guade Naachd.
    #68Verfasser neutrino (17998) 03 Feb. 10, 22:07
    Kommentar
    Audofarar a Schimbfwóed? Wie allad im Leo: Kudd uff de Kondeckschd â ;-)
    Wenn i im Audo ondrwäex bi, idde!
    #69Verfasser manni3 (305129) 03 Feb. 10, 22:12
    Kommentar
    Ond beim Maisle* naddierle oo idd;-)
    Wenigschdns geiz heid koin Schnäe in dr Schdar  nbergar Gegnd!


    * Wie bei alle Weißbildr in de lange weide Reck ...
    #70Verfasser manni3 (305129) 04 Feb. 10, 07:58
    Kommentar
    Irgndwann hosch me soweit! Bass blooß auf, daß dr naucht ned ds Gfries standa bleibt :-)
    #71Verfasser Selima (107) 04 Feb. 10, 09:08
    Kommentar
    Wenn bei mier sMaul sperranglweid offaschdód, hilfd maischdns a leichda Kinnhóge - a leichda, gell!!
    #72Verfasser manni3 (305129) 04 Feb. 10, 13:31
    Kommentar
    Ach Amoisle, da bisch doch dia oinzig vo uns, dia in soamma Dirndlrock äbbs gleichsäa dät. Dô muene am Manni räachd gäa.

    Wägawarum war heit mei Vegale noit do hinna?

    Äddid: A Schdund schbätr. Nix los. Nô gange halt.
    #73Verfasser Moi Gab (456541) 04 Feb. 10, 20:11
    Kommentar
    ach was, jetz han-e es Gäbele widder môl vrbasst. I be scho om da Wäg, bloß han-e (dr Dengs köt's sicher fascht et glauba....) halt mei Gosch ghalda.
    #74Verfasser Goldammer (428405) 04 Feb. 10, 21:21
    Kommentar

    Manke Weibr kenned äebe bFingr bessr halde als dGosche ...
    #75Verfasser manni3 (305129) 04 Feb. 10, 23:40
    Kommentar
    I kâa boides (wenn-e mâag), ben-e epper ôdippisch?

    Guata Morga beianand, i wensch Ui an scheana Daag!
    Ônd etzt gang-e zôm Bruddla ... ehmm, Schaffa moin-e (abr dau muan-e manchmôl bruddla)
    #76Verfasser twocents (460778) 05 Feb. 10, 08:20
    Kommentar
    Noi, faschtafömpfrle, bisch idda. Lei dr Manne scho mear mit seine a-gschdaubte Vorurdoil :-)

    Gäbale, noi, des globbe idda. Daudrzua, daß oim a Häs schdodt gheart au, daßmrse dren guad bewega duad. Ond i be hald oifach a Hosamentsch. Wanne mall a Gloid a-hab, nocht muane me äbbl soooo zämareissa, bsondrsch beim Na-hogga. I be halt a Fläzare :-)

    Schaffat schea, Schwäbla, daßdr haind zaubnds rechtschaffa miad send :-)
    #77Verfasser Selima (107) 05 Feb. 10, 09:04
    Kommentar
    Voerurdail??? Des send seid Genneradzijona ibrkommene alde Erfarongswäerde, embierisch feschdgschdelld wie dr hondrjäereg Mondkalendar, däe wo vo dr moderne Weddrschdadischdeck beschdädegd wäed - faschd!
    Dier konnded vo mier no vile dradedzjenelle Läebnmsweishaida läerne, mid deane wo dMenschhaid jordausnde lang ibrläebd had. Abr die heideg Jugend will ja alls bessr wisse. Drweil ische ja asoo aagschnidde vo de alde Wuzla, eschdemierd sAldar nemma ond will alls bessr wisse - Kockakola schdadz am Brâobier, bfuideifl!


    Beäss: a scheana weida Drachderock isch vil kommodr als die enge Dschiens, bsondrs wennd a frischbeglede lange Ondrhose mibbm Kniebond haschd!
    #78Verfasser manni3 (305129) 05 Feb. 10, 09:19
    Kommentar
    Bei mir isches eher 's Laufa, wo-n-i mi zsammareißa muaß, wenn-e a Gloid odr an Rock ãhao.
    Des sieht oifach õmeglich aus, wenn da emma Gloid mit so Dschiins-Schritt romlaufsch, gell, Ameisle?
    #79Verfasser Goldammer (428405) 05 Feb. 10, 13:43
    Kommentar
    @ "emma Gloid mit so Dschiins-Schritt" - kennedr id endle amól Haihihls ânemma :-((
    #80Verfasser manni3 (305129) 05 Feb. 10, 15:28
    Kommentar
    noe, dia iebrlasset mr liaber am Hemele, des schwärmt dô drfier!
    #81Verfasser Goldammer (428405) 05 Feb. 10, 15:37
    Kommentar
    Des isch allardengs a räechd a lobmswäeda Aldrewismes vo ui! So ebbs isch fei rar heizedaag!!
    #82Verfasser manni3 (305129) 05 Feb. 10, 15:57
    Kommentar
    I erinner mi an a Kaberettprogram vo dr Lisa Fitz, dô is sche mit genau so am Schritt auf d'Biehne komma - ond ano in Hei Hiels. Z'Minga sagt ma dô : Ois Tschikago.
    #83Verfasser bluesky (236159) 05 Feb. 10, 16:12
    Kommentar
    Schauts amol, was i gfunda hab, ihr Landpomeranzla.

    Langsam gehen und kleine Schritte machen ond immr schee locker in de Knia, wia i hinzufüga möcht.
    #84Verfasser bluesky (236159) 05 Feb. 10, 17:52
    Kommentar
    Auf-gar-koin-Fall!! I drippl ned - des haune gared neadig. Ond i be doadsfroah, daß no Manndr git, dia des genau-a-so seachn. Dau benne gera a Landbomeranz ond schdapf mit meim Landbomeranzerich durch da haimischa Matsch, daß lei so gwatscht.

    Was me grad drauf brengt, daß i vorma Johr bei meira Schweschtr em Frängischa z'Bsuach war. Os semmr am Sonndig zom Friaschdigga ganga ond hond de Leid vorm Lokal vorbeiflaniere beobachtet. Kommt doch so a Schiggs mit ihrane Haihihls vrbai, reißtse da Stäckl em Koopfschdoibpflschtr a, merkts ned glei ond homblt a baar Schritt weidr. Hommr os se ds Lacha vrhebba mea!
    #85Verfasser Selima (107) 05 Feb. 10, 20:18
    Kommentar
    Die Schueschdar hand a Geheimabkomme mid de Pflaschdrar, dass die de Abschdand vo deane Graniddschdoi grad aso mached, dass die Schdecklabsädz gäere amól hangebleibed. SBondeskardellamd isch deane Hueresieche no id drufkomme, ond i schreibs oo ägschdra uff Schwäbesch, dasses id läese kenned ;-))

    dEdidd sed, se häb grad gugled, ond des Kardell gang soo weidr:
    dSchueschdar mached drfier des Gommibläddle am Bfenegabsadz - die nuie haißed Zendabsadz - so dinn, dasses bald duredabbed hand ond dr Schdahlschdifd rauslueged on im Holzbarkedd Lechr geid, nó hand die Barkeddlegar o mea a Arbad. Drfier land dBarkeddlegar hi ond da schdadz am Barkedd a Mosajick lege, dass die Bflaschdrar oo mea ebbs zom dond hand. Ond en a so a zwaidaused Jór geiz nó mea a Arbad fier dArkäloge, die wo Ondrsuechonga âschdelled, warom die alde Mosajickr soviel Kredzar hand. Die Resseldad wäered uff Englesch ibrsedzd ond in de Musäom ausgschdeld, dass die Dollmädschar ond Aufbassar ond Muäomswerdar ebs zom ibrsedze ond aufbasse ond warde hand.
    Des haißba en dr Fachliddraddur vo de Beweällar Absadzferderung.


    Edidd zwai fiers Maisle: I däd Norwegarbulli in oim Wóed schreibe.
    #86Verfasser manni3 (305129) 05 Feb. 10, 20:38
    Kommentar
    Mid deam schkandenavischa Driabrziachr hosch nadierle reacht :-) Abr dau hotz mr bressiert.

    Ond en deira Wirrdschafftskettarei hosch dia Ärtzt vrgessa, dia wo dia iebrdeante Bändr odr gar grissne Sehna widdr richda meand. Ond de Phisiodherapaida fehlat o no. Ond o dia Wird, dia was ihra Brantschlokale so ausrichtat, daß dia Brantsch-Gäschd dia Schdegglesschuahabsätzareissrenna auf beim Omgnigga alura kennat ond nocht glei nomml an Kaffä bschdellat, om se d'Zeit zom vrdreiba bis daß de nägschd Vorschdellong afangt.
    #87Verfasser Selima (107) 06 Feb. 10, 12:00
    Kommentar
    Kuuze Reed - langa Sinn: Haihihls brenged dWiedschafd uff Drabb ;-))
    Also, nó wissedr, was dr zom doa hand in dr Redzessijô, dier Weißbildr :-))
    Ond nemmed ui am Hemele a Beischbil - nó wäered oo no Dreningskurs âkurbled.
    #88Verfasser manni3 (305129) 06 Feb. 10, 12:51
    Kommentar
    Noi, manne, siggsch, dau hosch iatzt a endscheidns Dedail vrgessa: A gewissr Doil vo dr holda Weiblichkeit muaß se deam endhalda, ball - wammr älle so Dengr draga dädn, nocht wärat zweng Ärztinna, zweng Schuaschdrenna, zweng Pflaschdrenna, zweng Archaeologinna, zweng Phisiodherabeidinna, zweng Kellnarenna en frängesche Brantschlokalena etc. dau, dia dean Greislauf am Loffa halda koda!

    Ds Fazit isch villmear: Manndr dragat au meanr vo deana miserablige Haihiils ond helfat mit berufsdädige Fraua zom ondrschtitza. Zoigadrse doch au mal soledaresch! Zwengschd an jedm zwoida Daag oder velleicht zwengscht an oim Fuaß!
    #89Verfasser Selima (107) 06 Feb. 10, 13:01
    Kommentar
    Dò isch ebbs drâ an deim eckenomische Konzebbd. Ond des isch a guede Idee, des mid deam oine Fueß!

    HEMELE!!!!
    Was fier a Schuegräeße hasch Du? Leisch mr oin fier a Wuche zom ausbrobiere?
    Am beschde an linge, weil i mid meim räechde Knie soo scho Läschd hâo.
    Wenns gód, kofebr snägschd Baar middand, nó wäez billigr fier jedn!

    edidd: Du wäesch oo koin Kuefellklogghaihihl Gräeße viereviezg fier mi ibreg hâo, Emmrle - bei deine zarde Fießla? S wär hegschdns bei dier so oir zom dribzieche ibr die dicke Filzbandoffl. Abr zwelf ßandemäddr sodd dr Niwoondrschied scho sei vo Zäeche ond Fäersche, gell!
    #90Verfasser manni3 (305129) 06 Feb. 10, 13:17
    Kommentar
    Manne, des dädsch Du fr os doa. Dau kommat mr doch glei die Tränen der Rührung. Des rechnedr ganz hoach a! ;-)
    #91Verfasser Selima (107) 06 Feb. 10, 13:44
    Kommentar
    Ja, so bini :-))

    Du wäesch oo koin ibreg hâo fier mi, weil Du die guede Sonndaxschue* id häeleisch :-((


    * Man beachde des eng Midr!!
    #92Verfasser manni3 (305129) 06 Feb. 10, 14:12
    Kommentar
    Manne, iatz vrwexlsch Du abr ebbes - do hosch Du am Heml seine abglichtet. Meine
    Sonndigsschuah seachnd nadierle so aus, wia se des fr a Landbomeranzle, om an Heml zom zitiera, ghert.

    Dau dädedr gera oin leicha fr Dei altruischdischa Haxaiebrdeahnrei.
    #93Verfasser Selima (107) 06 Feb. 10, 14:33
    Kommentar
    Die wäred brackdesch, do siechba oo mid de alde agschniddene Dschiens koreckd âzoche aus! Wenn die gscheide Absädz hand, brengsch zom nägschde Schdammdisch oin mid zom Boobiere. Wenn a zkuuz isch, schneid i hald voana a Loch nei fier dZäecha :-)
    #94Verfasser manni3 (305129) 06 Feb. 10, 18:36
    Kommentar
    Ja, subbr. Des wär zwar bragdisch, balle nocht nemme meine Fiaß zom Heml (also ned zua osrm Schwauba-Hemale, sondrn zum Heml so ganz allgemein) enara Kerz recka miaßt, wanne mol mear mit deane Schiachla em Fluaß abgsoffa be. Andrerseits - wammr brad mear a baar Wolt durchs Wassr jagnd - wär des velleicht ned sooo ganz ginschdig, wanne vorna a Looch ande Schdifala hätt. Am Dengs sei Käschr roicht wartscheintz ned fr mi.
    #95Verfasser Selima (107) 06 Feb. 10, 18:52
    Kommentar
    Im Wassr kã ma fei au Hei Hiels trage. Ond sogar ohne Größaproblem, weil vorn offa.
    #96Verfasser bluesky (236159) 06 Feb. 10, 19:17
    Kommentar
    Ahhh, jiez hammrs! Vo dó kudd däe Name Haihiils, weil dr Hai hii isch, wenn a die frissd! Die bleibedem im Hals schdecke!

    edidd znachd om elfe: s god doch nix ibr a gscheide Eddemollegi. Gell, dó sendr all schbrachlos ;-)

    zue mier: Jiez isch ana bis om viedlibrzwelfe sWoed im Hals schdecke bliebe wie am Hai dr Hiil!
    Hemele, was hasch du dó mid deim Link mea âgschdelld - zzz ...

    edidd am Sonndagmóeges om halbe elfe:
    Senze noo all in dr Kieche, ierene nuije Wendrschdifl ausfiere!

    #97Verfasser manni3 (305129) 06 Feb. 10, 22:23
    Kommentar
    Guede Morge, manni ond alle andre liebe Schwäble, ond an scheana Sonndag wensch i uib.
    Nix Kiech, nix Haihiels, nix Wandrschdiefl - Schreibdisch ond Kombjudr fier mi.
    #98Verfasser candice (447114) 07 Feb. 10, 10:51
    Kommentar
    Hrrgtzckrmnt, was hasch du fier an Beruf, Zickarle!! Am hailige Dag Sonndag am Schreibdisch :-((
    Wievl Wocheschdonda zald dier aingdle dr Freischdaad Baijern?
    #99Verfasser manni3 (305129) 07 Feb. 10, 10:56
    Kommentar
    Oh mei, manne, des isch scho amol dia ganz faltscha Fraug!

    Guada Morga an alle Schwäbala am Rechnr ond o an älle, dia wo ned am Rechnr sitzat.
    #100Verfasser Selima (107) 07 Feb. 10, 11:00
    Kommentar
    Wievl Wocheschdonda zald dier aingdle dr Freischdaad Baijern?
    Auf alle Fälle viel zwenig, des isch eh klar. ;-)
    Abr s´isch hald scho mea Zeignis-ond Korrekdurzeit, gell?

    Griaßdi, Selimale.
    #101Verfasser candice (447114) 07 Feb. 10, 11:11
    Kommentar
    Dau winke doch glei mol vom Gennachtal ens Wertachtal nom :-)
    #102Verfasser Selima (107) 07 Feb. 10, 11:17
    Kommentar
    Manni, des send abr scheene Wanderschdiefala, dô geh i glei wandre, wer gôt mit?
    #103Verfasser bluesky (236159) 07 Feb. 10, 13:24
    Kommentar
    So. Ond i dua iatz schdreika, bisdr mal au andre Themata hand alz wia Schuah ond Häs. Iebr dia leg i ab sofort a PAL-Feld.
    #104Verfasser Selima (107) 07 Feb. 10, 13:46
    Kommentar
    Ond was isch nó dees, des PAL-Feld? Vielleichd a P erhäbbs-A-L eckmi-Feld ?
    Vrzell amol! Des wär doch a nuis vo deane Themaddr:-))
    #105Verfasser manni3 (305129) 07 Feb. 10, 13:52
    Kommentar
    Okei, noó gib i hald nóch ond mier reded ibrs Weddr, isch doch allad gued, dassmr dees hand!

    Also nócha: Es reanged id!
    #106Verfasser manni3 (305129) 07 Feb. 10, 21:00
    Kommentar
    *ineschneiii*
    #107Verfasser Snowflake (260254) 07 Feb. 10, 21:05
    Kommentar
    ❄ Vo wo schneisch du grad rei - vo dahoi?
    #108Verfasser manni3 (305129) 07 Feb. 10, 21:09
    Kommentar
    Dihei, diehei.. tja, wenn ich nume wüsst, wo das isch... ich bruch das Wort abwechsligswis für verschideni Ort. Das da isch igendwie au mis dihei. Aber ich bin nöd ide Schwiiz.
    #109Verfasser Snowflake (260254) 07 Feb. 10, 21:15
    Kommentar
    Dahoi isch dahoi, so dahoi, wie wenn i frog: Wo bisch du dahoi?
    Also zwar dahoi, abr id dahoi dahoi! hmm ...
    #110Verfasser manni3 (305129) 07 Feb. 10, 21:23
    Kommentar
    Wemmer an Uäsbe-Schdick hôt on der wurd bletzlich vo koim Kombuder meh gfonda (mr hents an drui vrschiedane teschdet), isch der nôch oifach hee, oder kã mr dô ebbes macha?
    #111Verfasser Goldammer (428405) 07 Feb. 10, 21:25
    Kommentar
    Do kani dier laidr id helfe, i hâo koin. Abr grießdi, Emmrle!
    #112Verfasser manni3 (305129) 07 Feb. 10, 21:31
    Kommentar
    Dete wos kei aschtändigi Mayonnaise git, Manni, dete bini grad.

    @Goldi
    Gheisch en id Mirkowelle und tuesch en chli mikrowellisiere. wenn er den no gaht, den meldsch en als Weltwunder ah.
    #113Verfasser Snowflake (260254) 07 Feb. 10, 21:34
    Kommentar
    @Fleckle
    Blunzn
    #114Verfasser Goldammer (428405) 07 Feb. 10, 21:34
    Kommentar
    ❄ Du midd deine fräeche Bemerkonga! So ebbs sed ba id zue de erwaxene Leid! zzz - Dier sobbas Fiedle räechd vrschlage!

    Die Noedradziona zom Ibrläebe muesch dr vo dahoi vor Mamma schicke lâo!

    Bei eis geiz ibrall die Thomys Majenäs!
    #115Verfasser manni3 (305129) 07 Feb. 10, 21:35
    Kommentar
    Waswas, ich halt eu jung und frisch. Per Definition bin ich ez au "junge Erwachsene", sit neuschtem.


    Ich tues importiere ja.
    #116Verfasser Snowflake (260254) 07 Feb. 10, 21:39
    Kommentar
    (Des isch jetz net wirklich schwäbisch, abber i han a Fraindin, die hôt als Kend viele Jôhr en Eschdreich gleabt, on dui sait des emmer en sodde Sidwazjona, on des han-i en mein agdiva Wortschatz on Schbrachgebrauch iebernomma.)
    #117Verfasser Goldammer (428405) 07 Feb. 10, 21:40
    Kommentar
    Was käed dó drzue zom erwaxe sei in dr Schweiz?
    Bei eis Schwóbe wäed ma mid viezg gscheid! No wäez in dr Schweiz woll mid fuchzg sei!!


    Emmrle, es isch doch allad gued, wemma Fremdschbrocha kâ!!
    #118Verfasser manni3 (305129) 07 Feb. 10, 21:41
    Kommentar
    Gschid werded mir ide Schuel. Also so mit 6i fangt das bi eus ah...
    #119Verfasser Snowflake (260254) 07 Feb. 10, 21:45
    Kommentar
    Âfange duez bei eis oo in deam Aldar. Abr dSchweizer seied doch noo langsammr als mier ...
    #120Verfasser manni3 (305129) 07 Feb. 10, 21:55
    Kommentar
    Nei, so mit 15/18 isch das bie eus abgschlosse...
    #121Verfasser Snowflake (260254) 07 Feb. 10, 21:59
    Kommentar
    Ond du moisch wirkle, dass dier no mibbe in dr Endwicklong schdande bleibed? Ii hedd mier des nie sage draue!!
    #122Verfasser manni3 (305129) 07 Feb. 10, 22:02
    Kommentar
    Nei, den isch d Grundgschidheit mal abgschlosse bie eus. Den chunt grad aschlüssend de Wisheisprozess, oder au nöd.
    So und ez muesi mal schneie. BB!
    #123Verfasser Snowflake (260254) 07 Feb. 10, 22:05
    Kommentar
    Grundgschidheit abgschlosse, aschlüssend de Wisheisprozess - des isch a endressanz Konzebbd bei dr Brogressiô im Bildengssischdem: Schbedzijalisierong vo dr Weishaid je noch Endresse ond Naigong - des klengd gar idd so domm!! Des mießed Sibzgjäerege erfonde hâo!


    He, Maisle, kâsch mea komme! Mier hanz grad vom Vrgleich vo deane Bildengssischdemr in dr Schweiz ond bei eis. ;-))





    edidd ommare viedluffelfe
    Grad hâoni an nädde Ardickl in dr Esszedd  ibr eisre Schbróchagläese: Der Schwabe Oettinger und die englische Sprache, das ist wie ein Hirsch im Wettstreit mit einer Nachtigall. Die Schweizer aber stehen den Hirschen näher.
    #124Verfasser manni3 (305129) 07 Feb. 10, 22:29
    Kommentar
    Manne, des PAL-Feld isch ausm Ahaltr durch d'Galaxis und hoißt se ausgschrieba: "Problem-anderer-Leute-Feld" :-)

    Emmrle, mit deam Broblem kane Dr au ned helfa. I be sell a DAU.
    #125Verfasser Selima (107) 08 Feb. 10, 08:51
    Kommentar
    Die Galaxis isch scho so lang häe, i ka mi bloß no an dean Babblfisch erinnre ;-)
    #126Verfasser manni3 (305129) 08 Feb. 10, 08:54
    Kommentar
    Ameisle, was ischn a DAU? I moin, i kã scho ausm Kontegschd erschließa, was ogfähr es hoißa muaß, abber fir was schdôht dui Abkirzong? "Dodal Ahnungslose Urschl?"
    #127Verfasser Goldammer (428405) 08 Feb. 10, 12:45
    Kommentar
    Dodal Ahnungslose Urschl - genau, oder Dümmster Anzunehmender User. Ond mitm USB-Schdick kann i dr ô net helfe, wie i s'kompiutere glernt hab, hôts des nô net geba.
    #128Verfasser bluesky (236159) 08 Feb. 10, 13:00
    Kommentar
    *ggg* Genau, Emmrle, a dodal ahnungslosa Urschl, des isch amol wohr :-)

    Hosch Du, wann Dei Stick denna isch em Port, scho amol guggt, obr endr Computervrewaltung azoigt werd? Also übers Startmenü auf Systemverwaltung, dann auf Verwaltung, dann auf Computerverwaltung.

    Manne, der isch au so saggrisch bragdisch, der Babblfiisch.
    #129Verfasser Selima (107) 08 Feb. 10, 13:45
    Kommentar
    Wäered die Schdix id oo im Arbazbladz âzeigd?

    Ond so näebebei frissd a sOereschmalz, oo brackdesch ;-)
    #130Verfasser manni3 (305129) 08 Feb. 10, 15:09
    Kommentar
    Also der Schdigg wird weder aufm Arbeitsplatz noch en der Kombuderverwaldong onder Wechselmedien ãzeigt. Es macht au net bi-bimm! wie sonscht emmer, wemmer a nuie Hardwär eischdeckt. I glaub, der isch dot. Wenne da Beleg no fend, reglamier e-n velleicht, den han-e nemlich no gar et lang.
    #131Verfasser Goldammer (428405) 08 Feb. 10, 16:12
    Kommentar
    Soddschde uff jedn Fall erkondige, ob ma die Date no redde kâ, wenn se wichdig send fier di! Dó geiz moine scho Schbedzijalischde drfier.

    edit: I hedd no a Faradglogge im Kellar, die machd bi-bimm! Wenn's des wär, wos dr druff âkudd?
    #132Verfasser manni3 (305129) 08 Feb. 10, 17:06
    Kommentar
    Noe, wichdiche Dada sen zom Glick et druf. Mei Jonger hôt an bloß ausleiha wella zom a baar Film druffzieha, on nô hôt-r nemme dõ.
    #133Verfasser Goldammer (428405) 08 Feb. 10, 18:32
    Kommentar
    Vileichd mißba oifach middam Gablzingge in des Loch voana neifare ond a bissle die Mullala rausfiesle, die wo im Hosesack neikomme sind - Tembodaschediechrflusa odr Tabackreschd vo Mallberoh odr Rodhendle?
    #135Verfasser manni3 (305129) 08 Feb. 10, 20:34
    Kommentar
    Danke fir dia Tibs, Gäbele. Abber i be sicher, dass des Deng he isch. Es hôt auf vrschiedene andere Pezeh au net doa, on an anderer Schdigg hôt uf meim Klabbtobb ohne Probleme gfunst. Es isch also scho der Schdigg, wo he isch. I dank eich alle abber drotzdem fir eier Ãgaschmã
    #136Verfasser Goldammer (428405) 08 Feb. 10, 20:47
    Kommentar
    *kuurzreiluur*

    Gugu, gäbale, manne, emmrle! :-)

    Emmrle, i mua lei schnell sa, daß me des iatz scho a Weile irridiert, wanne beim Driabrleasa äbbl "Schdigg" lies - ball mei Hiera ergänze äbbl a -le ond frogtze gleichzeite, wegga warom Du a Broblem mid osrm Schdiggle hosch :-)

    Ond scho benne mear furt! *furtsaus*
    #137Verfasser Selima (107) 08 Feb. 10, 21:36
    Kommentar
    Deesch fei a räechd a guede Beobachdong. Komesch isches scho, dass em Schwäbesche, des wo doch weldberihmd isch fier sein Wockalreichdom, zwisches u onz i bloß no a nasals î neibasst ond koine ü-Warianda. S oizeg, wo ma dean Uäsbee vo eisrem Beddôbladdefararle ondrschaide kâ, isch, dass däe vom Kommbjudar so riesegroeß isch, dassba wirkle koi -le henda nâhenke kâ.

    Em Franzoseforem hâoni gläese, dass die des eis jiez oo nochmached ond maischdns gar koin Ondrschied mea zwische deane Nasale û ond î ( frz. ũ=ĩ ) mached, die lagge Sieche!!
    Kennsch du des oo so, Gäbele?



    So, i bi oo fudd, so gex viedluffzwelfe. I flack jiez ins Bedd!

    #138Verfasser manni3 (305129) 08 Feb. 10, 22:10
    Kommentar
    He Leit, so gôht's jô edda! Am hellichda Vormiddag rutscha mir uf Seide zwoi nonder!

    *lupf*
    *ächz*
    *mir schier an Bruch lupf*
    #139Verfasser Goldammer (428405) 09 Feb. 10, 10:20
    Kommentar
    *au midhelf*

    Mensch, vrheb di id, Vegale! Warom sagschn nix, na helf i dr doch!
    Heid hao i sogar Zeid zom Helfa, i ka´s no gar id glooba. :-)
    #140Verfasser candice (447114) 09 Feb. 10, 11:46
    Kommentar
    Dank ui schea, dassdr mei Kreiz heid a bissle hand schoene helfe :-)


    Zickarle, zue deane Radwäeg, die wo i no kenn uss meir Kendhaid, hâoni dier   ebbs gschriebe.
    #141Verfasser manni3 (305129) 09 Feb. 10, 14:01
    Kommentar
    Duhu, manni, bisch du eigentlich au an Ladeiner?
    I rätsl grad mit ma Schialer rom was des "exempli gratia" eigentlich genau hoißt, was mr uf Englisch fir "zom Beischbiel" secht. I kriags nemme zsemma.
    #142Verfasser Goldammer (428405) 09 Feb. 10, 14:29
    Kommentar
    I be zwar ned dr manne, abr i hau da Stowassr direkt vormr schtanda. Ond dr Stowassr sät:

    gratia (...) Adv. a. gratia (dem abhängigen gen. nachgestellt) eigentlich 'zuliebe', 'zu Gefallen', dann: um ... willen, wegen, halber: exempli gratia beispielshalber.
    #143Verfasser Selima (107) 09 Feb. 10, 14:45
    Kommentar
    dangge, Ameisle, wia bragdisch, dass du da Schdowasser romschdanda hôsch! Jezt isch mr dui Konschdrukzjoh klar. Leo bildet widder môl õgeheier!
    #144Verfasser Goldammer (428405) 09 Feb. 10, 15:09
    Kommentar
    Ja, fr nix, emmrle. I be oifach a Fän von sottane Werdrbiachr ond hau a ganza Ladd emmr direkt vormr em Regal.
    #145Verfasser Selima (107) 09 Feb. 10, 15:20
    Kommentar
    Vom Schdowasser geits a ganz arg schene Sonderedizjoh mit ma Omschlag mit Hundertwasser-Disain, kennsch die? Dui han i môl fir da Goldammersohn kauft, gebraucht bei Ibei, on jetz, wo-n-r s graoße Latinom a'gschlossa hôt, kriag i se zruck. I woiß abber grad et, wo-n-er isch, der schene Hundert-Schdo-Wasser.
    (I han da Jonge vorher zaierscht gfrôgt ghett, aber er hôt xait: I woiß-es et, on i han mei Graoßes Latinom en dr Dasch, jetz brauch i koi Ladein meh kenna!)

    (I kann grad bloß onder sehr erschwerde Bedingonga tibba, weil oiner vo aosre Kader bschlossa hôt, dass-r jetz uf meim Schaoß sitza will. On der macht des bloß ganz selda, deshalb fiehl e me geährt on dur-en et ra...)
    #146Verfasser Goldammer (428405) 09 Feb. 10, 15:55
    Kommentar
    Was fier a Glick, dass sMaisle dó de Schdowassr schdo had. I kâ nemmle koi Laddein, außr was ma als Minneschdrand so voerem faddekanesche Konzihl drvo midkriegd had: Dommeness wo bisch? Komm! haz domols no kaiße ;-(

    Ond vo Grichesch kan i oo bloß so Ibrläebmswäedr wie Krassì, paragallò! Des isch abr Nuigriechesch. Em alde wär des οἶνος. Abr bei deam Woed mießdesch gladd vrduuschde :-((
    Sovl zue meir hommanischdesche Bildong ;-)



    ädidd om viedlibrseggse: Okee, oo koi endressanz Tehma. Schlag ebbar ebbs andrs voer - abr bloß nix ibrs Häs, do wäez Maisle fuchdeg ... :-)
    #147Verfasser manni3 (305129) 09 Feb. 10, 16:31
    Kommentar
    Zickarle, zue deane Radwäeg, die wo i no kenn uss meir Kendhaid, hâoni dier dó ebbs gschriebe.
    manni, des hao i scho gleasa ghett, abr nachad allad koi Zeid zom andworde ghett.
    Des kenn i alls scho, abr iebr Obrdhingau odr iebrn Kembta Wald ischs mr scho zweid. I hao ja koi Zeid id fier a Radlduur, sondrn sisch ja oifach mei Schualwäeg, ond na mueß i zom Beischbiel scho rechdzeidig drhoim sei zom Middagässe koche ond so. Abr zwischa Ondrdhingau ond Gaisariad ischs hald gar so eng ond wenn i ondrwäegs bi, isch oo allad räechd viel Vrkähr, ond na hao i scho mankmal koi gueds Gfiehl, wenn i grad hindr sora Kubba bi ond mr denk was ietz wäer wenn a Schualbus vo vorn ond a Laschdr vo hinda käm...
    Ond es Maundnbaik isch iebrgns koi Broblem; middeam fahr i eh meischdns.
    #148Verfasser candice (447114) 09 Feb. 10, 18:42
    Kommentar
    Nó isch scho klar, dass du idd ibr Obrdinge fare widd, wenns dr so bressierd. Obwol, swäred bloss zwai Killemeddr mäer. Abr vileichd isch die Schdroß oo nemma so riebeg, wie i die no kenn!
    One Radwäeg isch scho saubled mid deane Kubba heana- ond deanawaz vom Bäedlarbrennele. Frienr isch des fei no schdeilr gwe. Ond i hâo allad no a baar schwaaze Schdrich im Knie vo dó, wos me neikaud hadd ind Schlagge vo dr Dambfwalze uf däer frischtäerde Schdroß ;-)
    #149Verfasser manni3 (305129) 09 Feb. 10, 19:58
    Kommentar
    N'Ôbnd mitanand. S'ichs achtnôchachte

    Vegale, i hon au äbbs glernt. I hon albott denkd ghett, dass e. g. vo eksampl giffen komma dät - weitr honni garit ibr d Nasaschbitza nausdenkd. Exempli gratia - ha so äbbs!

    Manni, des nasale u un i i glaub des schwätze boids gleich aus. Heart sich alls gleich a.

    Äddid: i tipp id schnell gnua.
    #150Verfasser Moi Gab (456541) 09 Feb. 10, 20:09
    Kommentar
    He Gäbele, schreib no langsam, nó kommi wenigschdns mid Läese midd ;-))
    #151Verfasser manni3 (305129) 09 Feb. 10, 20:21
    Kommentar
    *ineschneii*
    #152Verfasser Snowflake (260254) 09 Feb. 10, 20:22
    Kommentar
    *undschowidruseschneii* (nei, es lit nöd a eu, mues nume grad schnell wiiter)
    #153Verfasser Snowflake (260254) 09 Feb. 10, 20:26
    Kommentar
    Ische scho mea fudd, onz Gäbele oo :-((
    Bei mier daurez allad a Weil. I hâo mea a wenk a Kreizwäe ond flacke zwischedure uff de hede Bode ond kneischde a bissle rom :-(
    #154Verfasser manni3 (305129) 09 Feb. 10, 20:30
    Kommentar
    Nix dô, i bin scho no dô. Hon doch gwartet dass da de endlich manifäschdiersch.

    Machsches aus Simbadie am Dings noch mittam Kreizweh? Allweilno vo derra Wärgzeigkischda?
    #155Verfasser Moi Gab (456541) 09 Feb. 10, 20:39
    Kommentar
    *mannimannifeschadziô*
    Vieleichd isches Tele-Simbadie ;-) Wie gozm Schose?

    Bei mier isches mea amól des Ilijosackralglenk, obwol i jedn Moege a baar Jogaiebonga mach. I hâo dó an leichde Beckeschiefschdand, dean wo i id weckbreng, id oms vrrecke!
    #156Verfasser manni3 (305129) 09 Feb. 10, 20:45
    Kommentar
    Am Schose gôht viiiel bessr. Morga griagtr dia zwoit Schbritza.
    #157Verfasser Moi Gab (456541) 09 Feb. 10, 20:56
    Kommentar
    Des klingd ja gued. Desch doch brima, dass die Schbridze hilfd. Hoffndle mues ma id obberiere. Geiz dó a Terabbie?
    #158Verfasser manni3 (305129) 09 Feb. 10, 21:19
    Kommentar
    'n Ôbad mitanand. I dur no a weng mei bewährde Mischong bragdiziera: schaffa on Vrgniaga nebananander. Dôhanna reigugga isch des reinschde Vrgniaga.
    #159Verfasser Goldammer (428405) 09 Feb. 10, 21:24
    Kommentar
    Fier eis doch oo, wenns du bisch, die wo reilueged :-))
    #160Verfasser manni3 (305129) 09 Feb. 10, 21:25
    Kommentar
    Isch au mei Moinung!
    #161Verfasser Moi Gab (456541) 09 Feb. 10, 21:32
    Kommentar
    Terabbie geits scho un wird vom Dogdr agroda. Abr d Kass hot glei vornazuas noi gsait. D Heilmiddl dädat roicha. No honne brodeschdierd und anna undr d Nasa grieba, dammr dia jo scho säll zahlet. Mir henn Widrschbruch eiglegt - etz abwarda un d Dauma drugga.

    #162Verfasser Moi Gab (456541) 09 Feb. 10, 21:36
    Kommentar
    I vrabschiedme etz. Etz isch jo au sVegale dô, wo sich um da Manni kimmera ka (im cc un so).

    Naitnait
    #163Verfasser Moi Gab (456541) 09 Feb. 10, 21:38
    Kommentar
    Ja, des kenn i oo middr Kasse. Die wend bloß kassiere, drom haißeze ja Kasse. Bei mier hanze die Gimnaschdeckmaschine fiers Knie oo id zald. Am Âfang bin i bei hondrdfuchze Grad gwe, jiez bloß no bei femfeneizg. Saulaggl :-((
    #164Verfasser manni3 (305129) 09 Feb. 10, 21:42
    Kommentar
    *mi om da manni kemmer, jetz wo 's Gäbele nemme dô isch*

    Wia muaß e des jetz vrschdao? Dass du ohne dui Maschee dei Gnui bloß no emma Hondertfuchzeahgradwenkl hôsch biega kenna on jetz kommsch schao faschd widder uf an reachda Wenkl?
    #165Verfasser Goldammer (428405) 09 Feb. 10, 22:06
    Kommentar
    Nââ, omkeard!! Gschdreckd isch null Grad, ond wenn i beim Knieble middm Fiedle uffd Fäesche naahocke konnd, wär des so an de hondrdachzg Grad.

    Abr schea, dassde du om mi kemmreschd. Dó goz mr glei viil bessr :-))

    Ond was handr jiez mid deam Schdick gmached, fuddgwóefe?
    #166Verfasser manni3 (305129) 09 Feb. 10, 22:20
    Kommentar
    Also des han-e jetz glatt mit zwoi Bleischdift ausbrobiere miaßa bis-e des kabiert ghett han mit dene Gnui-Wenkl.

    Noe, der Schdigg leit no rom, weil-e no et drzua komma be, nôchm Kassazeadl zom suacha. I han me de letschde Däg viel om da uralde Onkl Fritz kemmera miaßa (vo dem han-e doch schoml vrzählt ghett, odret?), on be sonscht et zu vill komma.

    On jetz gang-e ens Bett, on dr Dengs on i dent no a wengele singron Buachseida rombläddra. A guaz Nächtle!
    #167Verfasser Goldammer (428405) 09 Feb. 10, 22:48
    Kommentar
    Nó raschled schea middand. Schdäereo muss des ja a bsondrena Genuss sei ;-))
    #168Verfasser manni3 (305129) 09 Feb. 10, 23:01
    Kommentar
    Manni, vielleicht sollsches schtatt mit Joga, wos um die Körperbeherrschung geht, amol mit Tai Chi bzw. Chi Gong versuacha, dô gôhts eher um die Beweglichkeit.
    #169Verfasser bluesky (236159) 10 Feb. 10, 00:39
    Kommentar
    Danke fier dean Tibb, Hemele, abr die zwai kâ i idd ausschdande :-(
    Die nerfed mi!
    Bei meine Iebonga goz om Dehnong: Des vrbabbed Glenk mea beweglich mache.
    I wäer amol a Freindin âschbidze, ob se mier mea a baar Massascha geid :-)



    #170Verfasser manni3 (305129) 10 Feb. 10, 10:45
    Kommentar
    Jiez semmr in dr ledschde Zeile vom Kwasslzemr. Dó brauch i scho an Móezgwald!!

    Edidd glei druff: I hâos abr ganz allôi backd desmól
    :-)))
    #171Verfasser manni3 (305129) 10 Feb. 10, 17:22
    Kommentar
    *ineschneiii*
    #172Verfasser Snowflake (260254) 10 Feb. 10, 20:32
    Kommentar
    Fleggle! Schee.

    Kenntsch Deira Vrwandtschaft net saga, dass se jetz lang gnuag dâhanna war?
    #173Verfasser neutrino (17998) 10 Feb. 10, 20:49
    Kommentar
    A guggamol na, sSchdiggle hot dSchii wiedr ins Egg gschdellt.

    Willkomma Fleckle, abr dei Vrwandschaft ka vo mir aus au dô na, wo da Pfäffr wäxt.
    #174Verfasser Moi Gab (456541) 10 Feb. 10, 20:57
    Kommentar
    Hey Teili!

    Hm, mini Verwandschaft ish ebe grad einmetrig bi eus gsi und chunt no s biz immer widr. Ich glaub, es tuet dere guet, bi eu im Norde :P
    Und bi eus tauts den langsam widr. Het ez zwar neimets no e schöni Bobbahn (aka Strass). Alles veriiset, het zum Glück zwei so Fahhrinne drin. Mit Schwung druff und den eifach ide Rinne entlang schlittere lah XD Macht Spaaaaaas. Nix Winterdienscht. Emal dete grad nöd.
    #175Verfasser Snowflake (260254) 10 Feb. 10, 20:57
    Kommentar
    Welle Schii?

    Fleggle, abr so langsam isch es ächt guat.
    #176Verfasser neutrino (17998) 10 Feb. 10, 20:57
    Kommentar
    Jaja... und den im Summer widr jömmerle "Ah, sich so heiss..."

    Kenned Ihr eich d Verchlinerigsform vo Verbe? isch Eu das gläufig?
    Ich söt en thread ufmache....
    #177Verfasser Snowflake (260254) 10 Feb. 10, 21:04
    Kommentar
    Vrkloinerongsform vo Wärba? Wie willsch denn zom Beischbiel "singen" oder "spielen" vrkloinera?
    #178Verfasser neutrino (17998) 10 Feb. 10, 21:06
    Kommentar
    Ah, ich gsehn, Ihr kenned das nöd.

    Es bedütet den das Verb, aber ebe echli abgschwächt:
    Jammere -> Jämmerle
    gumpe -> gümple (hüpfen)
    singe -> singerle (trällern)
    #179Verfasser Snowflake (260254) 10 Feb. 10, 21:14
    Kommentar
    schneia - schneiala
    #180Verfasser Moi Gab (456541) 10 Feb. 10, 21:17
    Kommentar
    Noi, des gibt's bei ons net. Mir benutzet dann die andre Werdr.

    Moi Gab, des isch fir mi abbr koi Vrkloinerong.
    #181Verfasser neutrino (17998) 10 Feb. 10, 21:17
    Kommentar
    hopsa - hopsala

    Schdiggle, kennsch idamol jämmerla?

    odr lädala (fr eikaufa)
    #182Verfasser Moi Gab (456541) 10 Feb. 10, 21:18
    Kommentar
    Doch, schneiälä isch au e verchlinerig. Wil wens nume schneielet, den schneits nume wenig.
    #183Verfasser Snowflake (260254) 10 Feb. 10, 21:20
    Kommentar
    Hey Serbus!
    Bei eis isch des scho a Vrkloinerong: es reangeled, es schneibeled
    #184Verfasser manni3 (305129) 10 Feb. 10, 21:21
    Kommentar
    un ma ka au äbbr a wengle vrseggala
    #185Verfasser Moi Gab (456541) 10 Feb. 10, 21:23
    Kommentar
    Isch des amend oo mea a so a voedreschdreichesche Schbedzijaledäd wie Schbage?
    #186Verfasser manni3 (305129) 10 Feb. 10, 21:24
    Kommentar
    Servus Manni, dätsch a wengle mit uns bussala?
    #187Verfasser Moi Gab (456541) 10 Feb. 10, 21:24
    Kommentar
    Lädele... gar nöd gwüüst, das mer das usserhalb vo de Schwiiz no kennt!
    #188Verfasser Snowflake (260254) 10 Feb. 10, 21:24
    Kommentar
    Soooo, ich cshneii den mal langsam richtig weg... (ez wo d Diskussion im Gang wär *hüstel*)
    #189Verfasser Snowflake (260254) 10 Feb. 10, 21:26
    Kommentar
    Okee, i kenn au

    Es schneielet, es beielet, es goht an kalder Wend.
    Es fliegt a schneeweiß’ Vegele oms Kepfle jedem Kend.

    Es schneielet, es beielet, es goht an kalder Wend.
    Mädla ziaget Handschua o ond Buaba laufed gschwend.

    Es schneielet es beielet, es goht en kalder Wend,
    hosch du a Schdiggle Brot em Sack, no gib’s ma arme Kend.


    Abbr i hao des nia als Vrkloineronmga gsäah.
    #190Verfasser neutrino (17998) 10 Feb. 10, 21:27
    Kommentar
    un sandala duamr au (odr ehr d Kindr)

    #191Verfasser Moi Gab (456541) 10 Feb. 10, 21:27
    Kommentar
    Guad Naachd Fleggle, schlâf schee.
    #192Verfasser neutrino (17998) 10 Feb. 10, 21:28
    Kommentar
    i bin au glei wägg - vrschwindibus mitam Fleckle
    #193Verfasser Moi Gab (456541) 10 Feb. 10, 21:29
    Kommentar
    Merci.
    *useschneii*
    #194Verfasser Snowflake (260254) 10 Feb. 10, 21:29
    Kommentar
    Moi gab, des isch abbr gwieß koi Vrkloinerong, weil zom "Sandla" gibt's jâ koi "Sanda" oddr so äbbes.

    Ond 's Gleiche gilt fier "Vrseggla" ond "Lädla"ond "Bussla".
    #195Verfasser neutrino (17998) 10 Feb. 10, 21:29
    Kommentar
    Freile geiz sande, zom beischbl, wenn em Fleckle die ganz Bagasch dSchdroßa gladd gschniebe hadd, duabas sande.
    #196Verfasser manni3 (305129) 10 Feb. 10, 21:34
    Kommentar
    Manne, des hao e no nia ghert. Mir "sandet" dann ned, sondern schdreia, zom Beischbiel Sand odr Schblitt
    #197Verfasser neutrino (17998) 10 Feb. 10, 21:40
    Kommentar
    Schdruie dond mier oo, a Äsche uffs Eis oder a Salz.
    #198Verfasser manni3 (305129) 10 Feb. 10, 21:49
    Kommentar
    Abbr mir sandet net.
    #199Verfasser neutrino (17998) 10 Feb. 10, 21:50
    Kommentar
    Kiese?
    #200Verfasser manni3 (305129) 10 Feb. 10, 21:57
    Kommentar
    Noi, mir schdreiet Sand.

    Ond Kiesa kenn i bloß als "Auskiesa", dâ schdreit mr abbr koin Kies, sondern baggert en aus der Grub raus.

    Abr jetz vrziag i mi. Guad Naachd.
    #201Verfasser neutrino (17998) 10 Feb. 10, 22:01
    Kommentar
    Er isch halt oifach boggig. Abr als Kind hotman gwieß au bädalet.

    Sandala isch a Vrniedlichung vo mitam Sand schbiela. Klar, duatma id d Schdroß sandala. *superturbomegagrins*

    Anschdatt damma oin vrseggld, kamn au a wengle vrseggala.

    Guat Nacht, da Krimi isch rum (war bled) un i gang etz ins Neschd.

    Schlofet schee.
    #202Verfasser Moi Gab (456541) 10 Feb. 10, 22:19
    Kommentar
    Sandle ka mr ô schbäter no, was macht denn a Sandler?
    #203Verfasser bluesky (236159) 10 Feb. 10, 23:41
    Kommentar
    Des isch fier mi a "Sandler":
    http://www.ostarrichi.org/woerterbuch.html
    Und des isch "sandeln":
    http://www.ostarrichi.org/woerterbuch.html
    Und weil i id sandla kao, sondrn ind Schual mueß, gang i ietz.
    An scheana Dag uib!

    *Edith* Hrgdzck, des ka mr wieder id vrlinka - abr eis kennds es ja sell eidibba ("Sandler" ond "sandeln")...
    #204Verfasser candice (447114) 11 Feb. 10, 08:45
    Kommentar
    Des hanni gmoint. Wenn d'Kindr sandeln ischs ja au nix anders wia a Zeitvertreib.
    #205Verfasser bluesky (236159) 11 Feb. 10, 12:45
    Kommentar
    "Hauuuuu-ru ck  K!" *fiechdegschnaufemueß*
    #206Verfasser manni3 (305129) 11 Feb. 10, 20:03
    Kommentar
    Nô setz de erschmol na, ich lupf weitr.
    #207Verfasser Moi Gab (456541) 11 Feb. 10, 20:09
    Kommentar
    Im Moment raichz ja, Gäbele ! *Nooimolfeschdausschnaufe*
    Wäesch ja dei Schmalz fiers Schnäeschaufle brauche, odr?

    Bei eis haz de ganze Dag schdill voer se nâ gschneid, ganz one Wind, abr one Bause. Fier mi isch schea, i brauch id Audofare. I lueg oifach zue ... :-))
    #208Verfasser manni3 (305129) 11 Feb. 10, 20:24
    Kommentar
    I fahr au id Audo. I schdiefla ummanand.
    #209Verfasser Moi Gab (456541) 11 Feb. 10, 20:30
    Kommentar
    Scheiß-Schnee! 's gibt emmr no welche, dia wo ned fahra kennat on deswäga am Hang alles blockieret, odr no schlemmr, dia koine Wendrroifa oddr koine gscheite Wendrroifa druff hend.

    'n Âbed erschtmâl.
    #210Verfasser neutrino (17998) 11 Feb. 10, 20:31
    Kommentar
    Kaasch id d Schdroßabaa näama?

    Koine Windrroifa? Dia sin wohl id ganz bacha!

    au nÔbnd
    #211Verfasser Moi Gab (456541) 11 Feb. 10, 20:34
    Kommentar
    Noi, dâ misst i jâ nâlaufa. Onn dâ isch's ganz schee schdeil.

    #212Verfasser neutrino (17998) 11 Feb. 10, 20:37
    Kommentar
    Koine Windrraife? Seddene käered doch âzaiged!

    Oo an Aubed :-))
    #213Verfasser manni3 (305129) 11 Feb. 10, 20:37
    Kommentar
    "Noi, dâ misst i jâ nâlaufa." - hihi, faula Kerle (faschd heddi ebbs andrs gschriebe, abr nó isch mr grad no eigfalle, dass du ja a Rechzâwald bisch ond i koi Rechzschudzvrsichrong hâo!)! Hasch du dean Film xea 'Di Gedder mießed vrruckd sei'? Däe fanged mid so oim ââ, däe wo die zeje Meddr zom Briefkaschde mibbm Audo ferd ;-))
    #214Verfasser manni3 (305129) 11 Feb. 10, 20:41
    Kommentar
    I woiß net gwies, oddr halt vellig ofähig zum Audofahra, wenn d' Schdrâß net drogga isch.
    #215Verfasser neutrino (17998) 11 Feb. 10, 20:41
    Kommentar
    Haa, bass uff, gell. Ond i hao scho a baar Kilomedr ens Birro.
    #216Verfasser neutrino (17998) 11 Feb. 10, 20:42
    Kommentar
    Schdeil? Wohnsch du im Gebirge?
    #217Verfasser Moi Gab (456541) 11 Feb. 10, 20:42
    Kommentar
    ädd Gebirge: Vieleichd geiz oo zSchdueged an Hailbronnar Wäeg!
    edidd: sGäbele hadd ja vo de Meddr zuer Schdroßebâ gredt ond id vo de Killemeddr ins Biroo!
    #218Verfasser manni3 (305129) 11 Feb. 10, 20:44
    Kommentar
    Noi, abbr en ra zemlich hiegeliga Schdadt.

    's gibt a Heilbronnr Schdrâß. Des isch oine vo de Haubtei- odr au -ausfallschdrâßa. Abbr wäga warom kommsch jetz dâ druff?

    Bis zor Schdrâßabâh isch's au a bissle en Weg.
    #219Verfasser neutrino (17998) 11 Feb. 10, 20:50
    Kommentar
    I woiß, do honne mei Proffischanzi off Kämbridsch gmacht. Do binne in da Mittagspausa all auf an Buggl naufgloffa (in da Nä vom Ausschdellungsgelände)
    #220Verfasser Moi Gab (456541) 11 Feb. 10, 21:01
    Kommentar
    Wäxm Gebirg! Kennd däe de Heilbronner Wäeg idd ! ! ! So ebbs!
    #221Verfasser manni3 (305129) 11 Feb. 10, 21:02
    Kommentar
    den däte gern mol laufa - wer goht mit?
    #222Verfasser Moi Gab (456541) 11 Feb. 10, 21:06
    Kommentar
    Auszuag aus Schadnsmäldunga :

    Seit der Trennung von meinem Mann wir jeder notwendige Verkehr durch meinen Rechtsanwalt erledigt.

    Des honne ägschra aufghebt. Fr unsr Schdiggle. Schdiggle, machsch du au so äbb, in deim Kabbinee?

    #223Verfasser Moi Gab (456541) 11 Feb. 10, 21:08
    Kommentar
    Noi, weil mir machet koi Familjerecht, abr dr Schbruch isch guat.

    manne, den kenn i net, den kâ mr jâ net mit em Audo befahra.
    #224Verfasser neutrino (17998) 11 Feb. 10, 21:11
    Kommentar
    Uff mi kâsch laidr idd zelle. Mibbm Rad isch dó nix mea los:-((
    Abr sSchdiggle god gwiß mid, a so a klois Teili had ja brackdesch gar koi nennenswäez Gwichd. Vóer allem behaubded s ja allad, ma briechd ibrhaubz id hebe ond luege, do sei nix! Ond wo nix isch, geiz oo nix zom drage - logesch, odr?

    edidd: ädd dean Schbruch zom Vrkear: Wie soll des gâo one des nedige (De-)Tail?

    edidd zwai: Schdemmd, do isch nix mibbm Audo. Do rudschd dBeddôbladde allad vom Gasbedal raa!
    #225Verfasser manni3 (305129) 11 Feb. 10, 21:11
    Kommentar
    un mir henn allnoit gluagat

    i woiß garnimme wer hebdn denn, wer luagat
    #226Verfasser Moi Gab (456541) 11 Feb. 10, 21:20
    Kommentar
    Kendr, vrhebet's Eich bloß, gell.
    #227Verfasser neutrino (17998) 11 Feb. 10, 21:22
    Kommentar
    Gäbele, endwedr abwexlnd, odr du brengschd an Schbiegl midd, odr dr Schose machd a scheas Foddo mibbm Mackroobjeckdiv!
    #228Verfasser manni3 (305129) 11 Feb. 10, 21:23
    Kommentar
    zu 227: Oh Manni, i glaub er hot äbbs zum vrbärga
    #229Verfasser Moi Gab (456541) 11 Feb. 10, 21:25
    Kommentar
    @ 227 - Die Beweislaschd ligd aingdle beim Uerheber däer Behaubdong!!
    #230Verfasser manni3 (305129) 11 Feb. 10, 21:25
    Kommentar
    Gäbele, globsch du, äer had wirkle ebbs? (ond seis oo bloß zom vrbärge?)
    #231Verfasser manni3 (305129) 11 Feb. 10, 21:26
    Kommentar
    womegle
    #232Verfasser Moi Gab (456541) 11 Feb. 10, 21:28
    Kommentar
    Dia Ausziag sin so genijal :

    Da ich mit meinem Mann nicht mehr zusammenlebe, bitte ich sie höflich, Ihren zuständigen Mitarbeiter vorbeizuschicken.

    odr:

    Ich habe nun so viele Formulare ausfüllen müssen, dass es mir bald lieber wäre, mein geliebter Mann wäre überhaupt nicht gestorben.
    #233Verfasser Moi Gab (456541) 11 Feb. 10, 21:28
    Kommentar
    Off Dobbick: Maisle, kasch scho komme, mier reded grad idd ibr sHäs!
    #234Verfasser manni3 (305129) 11 Feb. 10, 21:29
    Kommentar
    Gudan Ôbad, i be au dô.
    #235Verfasser Goldammer (428405) 11 Feb. 10, 21:29
    Kommentar
    Emmrle, ja was zierd a se nocha asoo?? Do kâ doch ebbs idd schdimme! Odr wie siechsch du des als lebmserfarene Frau??

    Jeiz hasch waidle dei endressande Idee weckeddediert, jammrschad dromm :-(((
    #236Verfasser manni3 (305129) 11 Feb. 10, 21:31
    Kommentar
    Manni, schnell aufschreiba, solangs no im Hirn isch. Wa hots Vegale gschrieba ghett?

    Hallo Emmrle *uschuldigluag*
    #237Verfasser Moi Gab (456541) 11 Feb. 10, 21:35
    Kommentar
    Mei, hend Ihr a Phandasie ...
    #238Verfasser neutrino (17998) 11 Feb. 10, 21:36
    Kommentar
    es war mr scho nemme agduell gnuag, on i war mr au net so ganz sicher, dass des net a wengale z' weit gôht...

    edit

    also Gäbele!!!!!!!!!
    #239Verfasser Goldammer (428405) 11 Feb. 10, 21:37
    Kommentar
    Jetz will i's abbr au wissa.
    #240Verfasser neutrino (17998) 11 Feb. 10, 21:42
    Kommentar
    Phandasie??? Des send bloß Ibrlegonga zuer Adomfisick *ôschuldigschauondlabalomabfeiff*
    #241Verfasser manni3 (305129) 11 Feb. 10, 21:42
    Kommentar
    ädd zwaihondrdviezg: Wäer zu schbäd lisd, dean beschdrafd di Edidd :-)))
    (abr sKobbiere kâni middlarweile wansennig gschwend ;-)
    #242Verfasser manni3 (305129) 11 Feb. 10, 21:43
    Kommentar
    Pfffffffffffffff
    #243Verfasser neutrino (17998) 11 Feb. 10, 21:45
    Kommentar
    ???? Des isch abr idd Labaloma :-(
    (Ômusekalesch ischa jednfalls!)
    #244Verfasser manni3 (305129) 11 Feb. 10, 21:47
    Kommentar
    Des war au ned pfiffa, sondern bloß a Pffffffffffffff.
    #245Verfasser neutrino (17998) 11 Feb. 10, 21:48
    Kommentar
    So, i muaß no a driggane Wesch vom Keller rufdao. I guck abber noml rei.
    #246Verfasser Goldammer (428405) 11 Feb. 10, 21:50
    Kommentar
    heee, net fortlaufa, i will's wissa!!

    *edidier* Wenn mr's koins saga will, nâ gang i halt. Pffffffffffffff. Guat Naachd mittnand!
    #247Verfasser neutrino (17998) 11 Feb. 10, 21:52
    Kommentar
                                        Was ma idd waiß, machd oin idd haiß ;-)
    #248Verfasser manni3 (305129) 11 Feb. 10, 21:59
    Kommentar
    I wetts abr au gern wissa wella.

    un wemmas id woiß, isches oim kalt, drum schlupfe etz untr d Degg.

    Nacht Schdiggle!

    Manni, gell du wartsch fei no bissas Vegale sei Wesch aufghengt hot.
    #249Verfasser Moi Gab (456541) 11 Feb. 10, 22:01
    Kommentar
    Nachd, all wo gand!!

    Ààkenkd, Gäbele! Abr begle duenis heid nemma!
    #250Verfasser manni3 (305129) 11 Feb. 10, 22:06
    Kommentar
    abghengt, Gäbele, abghengt. Jetz han-e se abghengt on han nadierlich koi Luscht zom Zsammalega. Dôrom hogg-e scho widder vor em Glabbtobb. Aber i leg se jetz glei no zsemma. Susch mua-n-e me morna morga ärgra.

    D' Edith sait, dass i sowieso fasch nix bigla dur. Bei dera ganza Ladong (drei Maschena) isch koi Biglwesch drbei.
    #251Verfasser Goldammer (428405) 11 Feb. 10, 22:08
    Kommentar
    Du hasch dei Wesch ond i mei Schdeijererklärong! Die schieb i oo scho däglang voer mier häe ond hock liebr voerem Kombbi odr em Kiboed!
    #252Verfasser manni3 (305129) 11 Feb. 10, 22:10
    Kommentar
    ....des sen faschd lauder Sogga, Onderhosa, Tiischört, Dschiins on Pulli vo de Jonge, on dia bigl i net.

    Waas, bisch du schao bei dr Zweidausatnoiner? I dur ällaweil no mit meire Zwoidausatachder rom, enzwischa mit ra Zwangsgelddroung em Nagga....
    #253Verfasser Goldammer (428405) 11 Feb. 10, 22:13
    Kommentar
    Nó wäez abr Zeid! So ebbs im Gnack isch idd grad âgneam :-(
    Bei mier isches dWiddmarrende, die wo allad an Druck machd!

    Edidd om viedluffelfe: Du hasch abr an Haufe Wesch zom zemedlege ;-(
    #254Verfasser manni3 (305129) 11 Feb. 10, 22:18
    Kommentar
    Jetz ben-e grad ferdich. 's war scho an reachder Haufa.
    Jetz gang-e zom Singronbläddra.

    A guads Nächdle älle wo no uf send!

    (I be gschbannt, wieviel Schnai 's heit Naacht nãschmeißt)
    #255Verfasser Goldammer (428405) 11 Feb. 10, 22:45
    Kommentar
    Ha, bei oos hots aufghert zum schneia. Abr d'Autofahrer schtellat se ã wia die erschte Menscha. Heit isch mr so a Schtarnberger Gside begegnat, mit Tuning hinta drauf. Der isch gar net recht vom Fleck komma mit seinar hecktriebana Roschtlaub. Den hab i dann eiskalt versägt, den Seggl, den gsengta.
    #256Verfasser bluesky (236159) 12 Feb. 10, 00:13
    Kommentar
    Was es idd alls fier moderne Schbordarda geit heizedag - Sinkronbleddre! Isch des olimbisch - Sommr odr Windr? sEmmrle ond sei Dengs send amend medalljevrdächdeg ond flieged uff des Wännkufr nomm:-))

    Bei mier uffm Balkô haz scho seid zwai Schdonda nemma gschneid, seid zwai Zigareddla isch dr Äschebachar schnäefrei :-)

    Ond fier sSchdickle ond andre Schduegaddar haoni no ebbs gfonde :-)

    Nechdle, Säegarmeischdr, eiskalda ;-)

    #257Verfasser manni3 (305129) 12 Feb. 10, 00:27
    Kommentar
    I komm grad vom Schneeschibba rei. 's hôt noml guat zeah Zendemeder nãgschmissa on schneit no fort.
    Dia Kuahfellclogs sen wirklich uniwersal eisetzbar! Selbscht beim Schneeschibba! On mr griagt ieberhaubt koine kalde Fiaß!
    #258Verfasser Goldammer (428405) 12 Feb. 10, 08:42
    Kommentar
    Mir hen au schippa miassa. Abbr I hao schippe lau *gg*.

    Hen dia Clogs des Fell ennadrenn?
    #259Verfasser neutrino (17998) 12 Feb. 10, 09:00
    Kommentar
    's Kuahfell hen se außa druff, on enna dren a Lammfell. Egschdrem komfortabl.
    #260Verfasser Goldammer (428405) 12 Feb. 10, 10:50
    Kommentar
    S'hot dann doch noa paar Schneefleckla ghet. I stöckelschdiefel dann amol los, Zeitunga hola. Autofahre mog i net, hab grad so an scheena Parkplatz ond Radl fahre isch bled bei deam diafa Schnee. Bis dann so in zwoi Schtund ôgfehr.
    #261Verfasser bluesky (236159) 12 Feb. 10, 12:41
    Kommentar
    Bin scho mea dô. D'Radlweg waretn sogar ganz guad greimt gwesa, abr a bissl Bewegong isch amol ganz guad.
    #262Verfasser bluesky (236159) 12 Feb. 10, 14:22
    Kommentar
    Hallo!
    Meld mi a widder mol kurz. Winsch eich alli aa scheens Wucheend! Hob grod sou an haufe Gschäfd, dass i gor nedde sou vill reischaue kou...
    #263VerfasserMorgenmuffel (271106) 12 Feb. 10, 14:50
    Kommentar
    Guat dass d' de Daode-Schwäble-Taschde druckt hôsch, sonsch kennda mr jô grad moina, da weddesch nix meh von aos!
    Dir au a schens Wochaend.
    #264Verfasser Goldammer (428405) 12 Feb. 10, 15:13
    Kommentar
    Daode-Schwäble-Taschde...
    Hmm... Emmerle helf mr mol. I steh grod uffm Schlauch... ;-)
    #265VerfasserMorgenmuffel (271106) 12 Feb. 10, 15:20
    Kommentar
    Wemmer sich a Weile nemme gmeldet hôt nô muaß mr (zom Beischbiel als Lokfiehrer) de "Tote-Mann-Taste" drugga, damit klar isch, mr isch no am Läba.

    Dô isches erglärt:
    http://de.wikipedia.org/wiki/Totmanneinrichtung
    #266Verfasser Goldammer (428405) 12 Feb. 10, 15:25
    Kommentar
    Do schau nou... Jetz hob i heit noch was dazuaglernt... :-))
    Vill Griaß an alli!
    #267VerfasserMorgenmuffel (271106) 12 Feb. 10, 15:44
    Kommentar
    Noch luage dauhanna au mol mear rei!

    Honne alle vrpaßt?
    #268Verfasser Selima (107) 12 Feb. 10, 20:05
    Kommentar
    Maisle, mi idde. I bi scho lang nemma do gwe!

    ädd Emmrle: Du paschd abr beim Daschdedrucke vo deir Eirichdong scho uff es i auf, gell?
    #269Verfasser manni3 (305129) 12 Feb. 10, 20:14
    Kommentar
    Also entweder isch des a saumäßich schwachs Witzle, odder i be saumäßich bled weil-e-s net kabier...oder boides....
    #270Verfasser Goldammer (428405) 12 Feb. 10, 20:25
    Kommentar
    Jednfalls soddesch mi id doeddrucke, oo wenn meine Witz scho rechd schwach send ... ;-(
    #271Verfasser manni3 (305129) 12 Feb. 10, 20:39
    Kommentar
    ond i blicks gared!

    I hau morga an aschdrengada Daag vor mr, Leidla. I mach iatz aus. Pfiadsui.
    #272Verfasser Selima (107) 12 Feb. 10, 20:44
    Kommentar
    Jetz hao-n-e mei Hirn amôl richdich durchgnedet, on nô hao-n-e-s kabiert.
    manni, manni, dei Humor schafft me no môl!
    Drugga dur i di scho môl, abber et daot, on wenn deine Witzla no so schwach sen!!!
    #273Verfasser Goldammer (428405) 12 Feb. 10, 21:37
    Kommentar
    Uff die Ard lass i mi gäere vo dier drucke :-))
    #274Verfasser manni3 (305129) 12 Feb. 10, 21:48
    Kommentar
    No koiner uf?
    Odder älle beim Schneeschibba?
    #275Verfasser Goldammer (428405) 13 Feb. 10, 09:24
    Kommentar
    S had id gschneid, abr i hâo eîkoofd. Ond jiez kudd Zonne a bissle raus :-)
    #276Verfasser manni3 (305129) 13 Feb. 10, 11:19
    Kommentar
    So. Und i be iatz ferte, dodal heee, in ara jeglicha Hinsicht.

    Pfiads ui ond no an schena schmalziga Samschde.
    #277Verfasser Selima (107) 13 Feb. 10, 16:37
    Kommentar
    ferte, dodal heee - vor Fasnachd? Hasch mea danzd wie dr Lomb am Schdecke??
    #278Verfasser manni3 (305129) 13 Feb. 10, 17:39
    Kommentar
    Freili "heeee" - "Hee-du-hee"; des muesch doch no kenna, manni!
    #279Verfasser candice (447114) 13 Feb. 10, 17:45
    Kommentar
    hĩĩ isch gmõid - heeedu Widzboldin, allgaiarische ;-))
    #280Verfasser manni3 (305129) 13 Feb. 10, 18:05
    Kommentar
    Ah, Leidla, koi Lomp am Schdecka - ond danza um halbr fömpfe am hellichta Daag? Manne, candice, was sendn ui fr Schwauba? Blockseminar haune gea gescht da ganza Daag :-)

    Du, manne, was sendn des fr Sondrzoicha, dia was bei mir lei als Viereckla erscheinat?
    #281Verfasser Selima (107) 14 Feb. 10, 09:52
    Kommentar
    Wahrscheiz send des die franzesesche Tilda, die wo i em gschdrenge Emmrle zlieb uffs i naufxedzd haâo.(s.255 nãschmeißt)
    Normal nemmi abr Dächla. Des soll nó bei mier oo nasal bedeide: "nâschmeißt" - "hîî isch gmôid".
    #282Verfasser manni3 (305129) 14 Feb. 10, 10:06
    Kommentar
    Ah - iatz! Ja, so honne des gmoint ghett.
    #283Verfasser Selima (107) 14 Feb. 10, 10:08
    Kommentar
    In dr Fasnachd duufba fei ausnamsweis scho amol halbe femfe gradsei lâo ond am häelliechde Nâmedag om halbe femfe danze ;-)
    #284Verfasser manni3 (305129) 14 Feb. 10, 10:10
    Kommentar
    Dass i id allad luege mueß, wievl Beidräg mier grad hand, hâoni scho amól de nägschde Fade gschdarded:



     Dó góz nócha weidr!



    An scheane Sonndag wensch i ui all :-)
    #285Verfasser manni3 (305129) 14 Feb. 10, 10:25
    Kommentar
    Guade Morga!
    #286Verfasser neutrino (17998) 14 Feb. 10, 10:27
    Kommentar
    Schomml a 'Vrgelt's Gott' frs Bäschtla, manne.

    Schdiggle, hosch Du gescht om halbr fömpfe danzt?
    #287Verfasser Selima (107) 14 Feb. 10, 10:45
    Kommentar

    "Lieber Herr Minischdrpräsident"


    Wechsel im Ländle: Oettinger geht und überall singt man Lobeshymnen.
    sueddeutsche.de liegt eine bislang unveröffentliche Eloge vor - auf Schwäbisch.

    Lueged amol, was däe* do schreibd!




    * ganz kuuz gugled: Tobias Dorfer: Heinrich-Heine-Gymnasium Ostfildern 2000
    Scheinze zom auskenne in däer Gegnd.



    #288Verfasser manni3 (305129) 14 Feb. 10, 11:03
    Kommentar
    I danzt? Gwiaß net. Ond ganz gwiaß net am hellichte Dag! Außrdem isch des dâhanna so a Art Fasnets-Diaschborra.

    Abbr Du hâsch Boscht.
    #289Verfasser neutrino (17998) 14 Feb. 10, 11:20
    Kommentar
    Ghett :-)

    Siggsch, so schdell i mir a ordntliga schwäbischa Haushalt vor. So muaß des sei :-)
    #290Verfasser Selima (107) 14 Feb. 10, 11:21
    Kommentar
    Ond reduhr.

    Ond jetz muaß i fei werglich endlich ens Bad ...
    #291Verfasser neutrino (17998) 14 Feb. 10, 11:29
    Kommentar
    So etz honne dô reigluagat, obmr äbbr äbbs zum Walentinsdag gschrieba hôt. Find nix, nix. Wonne eich doch alle mega dua. Isch des id geggaseidig? *heul*
    #292Verfasser Moi Gab (456541) 14 Feb. 10, 11:54
    Kommentar
    manni, dangge fir den Artigl mit dera Red an da Öttinger, den han-e grad mit viel Vrgniaga glesa.
    #293Verfasser Goldammer (428405) 14 Feb. 10, 12:01
    Kommentar
    Gschmarri, Gäbale! Wammmir lei ebbr an dem mischdiga Wallendinsdaag ebbs netts schreiba däd, nocht kämmmir des abbr vrdächte vor.

    Grad ball NEAMADS ebbs grad an dem Daag schreibt, grad desshalb wißmr os, daßmr se megat. So muaßsch Du des seacha.

    Odr hosch Du irgndzwo dauhanna gleasa, daß ebbr ebbrmandra ebbs netts gschrieba hätt? Dr Manne hoißt me gar an Lomp am Schdecka!!!
    #294Verfasser Selima (107) 14 Feb. 10, 12:02
    Kommentar
    Oir had ja amol xed: "I hoeß ned Wallentin, i hoeß Fallentin. Sie sagn ja aa ned 'Grieß Eahna God, Herr Water!"
    Des isch zwar a Bair gwe, abr a gueda!

    Ond dr Fallendinsdag isch koi schwäbesche Dradidziô! D Fasnachd isch oine!!



    S god ibrigens demnägschd do weidr.



    Gell Maisle, jiez due mr fei id sWoed im Maul romdräje!! I hao de koin Lomb id kaiße - i hao de gfroged, ob du danzed häbesch  wie  dr Lomb am Schdäecke!



    #295Verfasser manni3 (305129) 14 Feb. 10, 12:17
    Kommentar
    Griaß Gott Moi Gab.

    Manne, dâ muaß i jetz korrigiera. Du hâsch abr d'Selima mit ma Lomb vrglicha, gell, on ra ondrschdellt, sie hett sich wia so oinr vrhalda.
    #296Verfasser neutrino (17998) 14 Feb. 10, 12:27
    Kommentar
    Also Gäbele, jetz her soford uf mit Heila! Mir gôht's wia-n-am Ameisle: fir mi wär des hegschdvrdächdich, wemme ebber schbezjell zom Fallendinsdag mit sogenannder Liebe ieberheifa dät! Dass mr di älle megat isch doch sowieso glar!

    (Zu mir/) Also des Gäbele isch scho an ganz Raffenierde em Fisching for Komblemends, odder? (zu mir/off)
    #297Verfasser Goldammer (428405) 14 Feb. 10, 12:29
    Kommentar
    ...on jetzt...
    #298Verfasser Goldammer (428405) 14 Feb. 10, 12:30
    Kommentar
    ...mache dô...
    #299Verfasser Goldammer (428405) 14 Feb. 10, 12:30
    Kommentar
    ...voll dicht...
    bis glei uf ein Neies!
    #300Verfasser Goldammer (428405) 14 Feb. 10, 12:31
    Die Diskussion zu diesem Artikel ist geschlossen.
     
  •  
  •  
  •  
  •  
  •  
  
 
 
 
 
  automatisch zu   umgewandelt