Nocht blatze dauherinna mal oifach so alz earschta rei!

Dangdrschea, manne!

So, i be au dô ãkomma.
Dankschee, manni, bisch a guader Bäschtler. Hôsch du wirglich on wahrhaftich sechs Breder gessa? Gell net?

Seggs halbe! Die andr Helfde vo deam Laib haoni eigfroere. Des isch brackdesch, no brauch i idd allebodd zom Eikofe radle!

Allbood! Desch isch mr au so a liabs Werdle :-)

So - i muaß furd! Pfiadsui!

"allebodd /allbodd" - wie kommba des uff Hoechdeidsch sage?
"alle Hennedreck" ond "alle Honzscheiß" send ja oo id Schdandarddeidsch.
"alle Augenblicke", "alle Nase lang" - hihi?

Bei ons heißt des "all Hennafurz"
"allbodd" kenn i bloß em passiva Wortschatz.

"Alle Augenblicke" on "alle Nase lang" driffts wohl so õgfähr - isch abber nadierlich bei weidem net so schee!

"all Hennafurz", des isches, Emmrle, do hasch räechd. I hao doch gwissd, dasses ebbs mit Henna gwe isch ;-))

abber nadierlich bei weidem net so schee! - bei weidem!!!

Wammr se bei os awengale manierlichr ausdrugga mecht, nocht sät mr 'allandrdaag' - Abr "all Hennafurz" midma ganz laaang zogna -u- ... des werre iatz au en mein agdiva Wortschatz eifiega.

Schdemmt, "all ander Dag" kenn i au - abber au dees isch bei weidem net so schee...

*denfadavodrzweiteseitklaub*

Au a bizzle da roi flack. I bi maushie, ond morge, wenn i´s Abbidur endr Dasch hao, gohds mr no mindr, fierchd i... :-(((

*schnarch*

Bei mir hoißd des iebrignds id "all(e)bodd", sondrn "allad".

He Zickarle, flack häe ond schdreck bFieß a bissle aus.
Irgendwenn mueß die vil Arbad doch an End hao! Odr?


Ibrigens
Zwische allad ond allebodd isch fei a feina Ondrschied!

Kennschd scho die nuijeschd Erkenndnis vor Berwangar Fillesofin?
"Des isch gschbässeg!" haz Berwangar Weible xed. "dHend wäschba allebodd ombFieß garnie!"

Etzet fråg'i mi scho lange, wås "Schbaagə" wohl haaßen kennt. Klärd ihr mi bidde aff?

Edid: ach, mei Manieren *ålle bewing ond begrieß*

Grießdi, hermarfromuesle :-)
Schea, dassd amol reiluegesch!

Schbaage odr oo Schbagaad isch a Sidschwäbischa ond Schweizar Ausdruck fier Schnuer ond Bendfade. es had mibbm Laddeinische Schbagus ond de iddaljienische Schbageddi zom doe, eddemologesch xäeche.

Am Zuggrle a Kissa undr d'Fiaß schiab.

Hällow älle mitanand.

@hermarphromoose: mitama Schbaage kahme äbbs abinda.

Allbodd, mei des honne scho ewig nimme ghert ghett.

Zwische allad ond allebodd isch fei a feina Ondrschied!

Ond däer wäer?

Ah, dued des gued dia Fieß a wengele hochzomlege. Dankschea. :-)

Zickarle, luegesch in deane Nommra femf bis sibe. Abr äeschd, wennd a bissle ausgruebed bisch :-)

Dschuldigung Manni, i honn noit dankschee gsait fr den neia "Bindfada". Me selbr an d'Ohra batsch!

Gäbele, brauchschdr nix denke wex so ar Labbalije :-)

Wie goz deim Schose? Ond dueschn oo a bissle vrwene? Waisch, des meged dMannsbildr gäere ;-)

Ahso, dange fie's Ahglärn, manni. Machd eich ah scheena Åmd ond vleichd bis bald ma widda.

Manni, em Schose fliagt Degg auf da Kopf. Seim Greiz gohts so guat, dasses faschd uglaublich isch.

Nadierle duenen vrwehna. Bsondrs wenne im Gschäfd bin *gg*

Wenn du im Gschäfd bisch, ka äer in Rue pokre, odr ;-))

Jo, abr er isch nersch, wellr vrliert *gg*

hihi - abr hoffndle vrschbild a idd des Geld, des wo du in dr Zwischezeid vrdeanesch!

des dätmr grad no fehla

I gang etz, miar falled wia am Zuggrle d'Auga zua. Winsch dr no an scheena Obnd.

Moa schö dohr awäck Nuhnursse dô meh bra :-)

Bonn Nuii. Bisu

Fä dodo mo pti Nuhnursse ...

Marphale, schaug doch amol in de #0, dô hots dr Manni doch erglärt: Schbagat = thread.

Ach wie nett, es Marphale dô henna!

Abber eier laudmäßich gschriebns Fransesisch ieberfordert me echt! I kã's doch net amôl richdich, geschweige denn so vrballhornt!

Hoi, heit morga no gar koins do gwest?

Fä = fait, mo = mon, pti = petite, dodo heißt wohl sowas wie schlafen machen und hinter Nuhnursse vermute ich einen Kosenamen.

ßäßa: Bäerle ;-)

ou: Osr Bärle ... odr idd?

Ka sei. I glob, dass des a Widrholongsschbil vo dr äeschde Silbe isch, wie wenn i zue dier allad sag: MaMaisle. Vieleichd waiß ja sGigagäbele mäer!

aha, genau des hôt mir Brobleme gmacht ghett. Guat zom wissa, dass ihr des au net so gnau vrschdanda ghett hent.

d' Edith secht:
Jessasnei,was ischn dô em ZeZe laos? Ball fuffzg Beidräg seit heit friah! *lesa gang*

Maansd ich häds bis zm Boschgribbdom kschaffd?! :-o Des is sauanstrengd zm Lesen do!

Aber dei Fränggisch is fei scho saugut!

Ahaaa, so machat dia des dia Franzosa. Mamanni ... odr Mamamama, Ma Baker ... falltmr dau ei.

herma - des liest se wirgle recht audendisch.

lubfff -*mammamia  duezkreizwäe*

Ja, wer sagt denn au, dass Du des alloi macha sollsch? Hettsch halt gruafa, vielleicht hett i äbbr gfonda, wo Dr hilft.

Des sechsch jetz grad du mit deim schwache Gräftle (als Schdiggle) on deim henicha Greiz!

I be he. War da ganze Dag uf dr Mess en Karlsruh em Schdand. Hôt aber au Schbaaß ( ;-) ) gmacht.

D' Edith secht, i hett am Schdiggle sei Poschting gnauer läsa sodda, dô schdôht jô, dass-er et selber hôt helfa wella, sondern ebber suacha....

Nô hetti des au ghert un het gholfa.

Sinnr no dô? Mamannile un Schdischdiggle

I bi scho mea dó, GiGaGäbele ;-)
Handr gued gschlofe?

Morga liabs MiMaMannile!

I hon guat gschlofa. Du au?

Mei Dings schloft no. I muaß an wichtiga Briaf schreiba un a Ibrsetzung fertig macha.

I gang amole zom Eikofe.
An Vierpfondlaib Hofbfischdarsonnebloemebrot
(Die Pfister Öko-Sonne wird nach wie vor in den aus Schamottesteinen gemauerten Öfen bei 200 Grad schonend etwa zwei Stunden gebacken. In dieser gespeicherten moderaten Hitze entsteht in Krume und Kruste ihr feines Aroma. - falls ebbar des komesch Friemiddlhoechschbädnuiobralemannesch vrschdod!)
ond an Dreiliddrsack San Durango Mäerloh vo Dschihlä.

I komm zum Frischdigga! Abr den Mäerloh gits eschd heit Ôbnd! Gell!

Ja wo bleibsch denn?? I hao oo no an Ockdebusssalad vom Grieche im Kielschrank ond an Tarramohsalada! Breng dei SchiSchaSchosele mid, i hao gnue Zuig do! Ond a Flaadebrod däd i oo no aufbache fier ui :-))

Jiez haoni dean Ockdebusssalad ond dean Tarramohsalada hald alloi gfresse! Ond a Gläsle Wei drzue dronke.

Oh Manni, i hon biegled un Betta bezoga un nocher gemmr d'Kindr hola.

Dannes id vrgiss: Des Widrholongsschbil vo dr äeschde Silbe isch nix anders als unsr "le" des miar hindanahenged - z. B. Bärle - d'Franzosa stelleds halt vornadra.

Jiez dees isch a guede Beschreibong vo deam "le" voanededde. Wo die doch soweso efdr ebbs vrkäedrom mached. Zom Beischbl saged se vierezwanzg fier achzg ;-)


He GiGAGäbele, grad riechis :-))
Had woll a weile daured, weil dr Wind räechd schwach isch!

Lubfffff - bloß a halbe Seite, koi Broblem.

Abr sichr isch sichr, voer i zom Radle gang. Wäe waiß, wenn vo ui mea ois vorbeikudd an deam scheane Dag :-)

Guada Morga.

Schenr Dag?? *nausgugg* Noi.

Moin!

Schdiggle zidier:

Guada Morga.

Schenr Dag?? *nausgugg* Noi.

Ond i ka heid id lubffa helfa, weil i a fiechdigs Kreizwäeh hao. (meine Knoche send au nimmr die jingschde...) D´Nachbaure hend geschdrn laud umanandgschrie dasse an ganze Dag id da send, da hao i glei an ganze Namiddag em Garde Akkord schaffe miesse...

Sorry, falscher Faden ...

Ach Wirfale, wirglich?
Du kãsch doch au môl widder dôhanna reigugga!

Oh je, Ziggerle, nô lass de no schee vrwehna am Mudderdag vo deine Leit, dass dei Greiz besser wurd!
(Mir hen da Mudderdag nia beachdet, on dementschbrechend lauft au nix Bsondrs. I be heit friah ganz alloi uffgschdanda on han a miggrichs Friahschdiggle gessa, weil mr mit dr Kandorei em Goddesdinscht xonga hen, on i war a bissle schbät drã.)

Griaßdi Vegale.

Was i vom Muddrdag hald kannsch em Kreiziebr aluege wennsch magsch.

Heidenei, hao i id gsehd, dass i id lubfe ka?

*Auwäeh*

Abr s´gohd ja id dassmr so abschdirzed do heanna.

Ietz mueß i ind Schuel, abar wann i mea drhoi bi, dann will i fei a Kreizmassasch, des sag i uib!!!

Kasch an Schijadzu vo mier kriege. Des haoni amol gläened, ond mei Weib isch allad ganz scharf druff gwe, wenn i ier dDaume neidruckd hao in Muschglschdreng - ond allad schea ussm Hara!
Brengsch hald a Fläschle Uhudlar mid, fier hendrhäe ...

*lupf* I be scheints as oinzigscht ohne Kreiz- odr Kniaweh.

Du bischd ja au nô jinger wia-n ii...

Moinsch, Zwoisentle? Dô wär i mir fei gar net so sicher.

Griaßuib, Hemmele ond Zwoisentle! :-)

Sodale, manni, i wäer ietz soweit!

Dr Uhudlar isch gar; derfs au a frängischr Silfanr sei? Odr magsch liabr an Roede? Dann hädd i an Zweigeld odr an Syrah azombiede.

*gschbannd ward wie des Schijadzu isch*
Azoge derf i abr scho bleibe, solang mir eis no id amol bersöhlich kennad, odr?

So, no komm ond flack nâ:-))
Nemmsch hald an baumwullene Drehningsazug a - id a so a nuimodesch engs, glidzrez Blaschdeckzuig, wo se soweso alls abdruckd, sogar dNòt vom Danga ;-)

Ond brengsch mid, was du hendrhäe am liebschde drinke widd. Abr Tee haoni oo a groeße Auswal sell do.

Manni, wia genau guggsch'n Du nâ, dass Du sogar die Nâht vomma Tanga durch en Drehningsâzuag durch siegsch?

candice, bisch mit denne Abbiduhrkorregdura ferdig?

candice, bisch mit denne Abbiduhrkorregdura ferdig?

Schdiggle, die hends doch erschd am Donnerschdag gschriebe - ka i hexe???

Tee mag i oo ganz gäere, manni, abr erschdnds liebr em Windr *zu mir* Na, wenn i nausguck, na isch ja faschd no Windr *zu mir aus*, ond zwoidns brauch i heid was Schdärkers.

Soll i mi ietz hielege? Odr sidsch odr schdohd mr do? I hao oo mei schendsdes Dobb a...

dRed isch vo deane nuimodische Wurschdheit aus Bolliamidmickrofasr wie dRadlarhosa vo deane do!

I hao bloß gmoint. Was woiß i denn, wann des bei Eich gschrieba werd?

I drigg Dr d'Dauma, dass es et gar so schlemm wird.

Zickarle, naflacke, zeschd uff de Bauch! I fang beim Fiedle ond im Kreiz â ond mach no nauf und naa!

zue deam Bild vo femfesechzg: Des isch ibrigens a Seldnhaid! Normalarweis geiz mäer Linggs- als Rechdzdrägar ;-))

So genau hao i des no gar ned âguggd, manne.

Mueschdr du des nie ibrlege, wennd dRadlarhose âhasch ond dr Saddl druckd?? ;-)

Jo sabberlott, do kriag i au glei Kreizweh. Schnell mei Dopp iberschdülp. I lieg au glei na.

zue deam Bild vo femfesechzg: Manni gosch du au so radla?

I Moin bei de andre en dr Realidäd.

Ond mei Saddl driggd net. Ond außerdem ben i jâ a Neidrom.

I nemm allad no a bissle a weidre Hose dribr!! I däd mi gladd scheniere ;-)

A Neidrom ohne Bebbala *gg*

Schdiggle, des haoni mier faschd denkd, dass des bei de Schdiggleschdiggle a bissle andrschd isch ;-)

I glaub am Zuggrle isches etz zgfährlich worra, s'hot sich vrdruggd.

Ond außerdem kenndet die Kerle ruhig a Ondrhos âziage zom Radla.

Genau! Die Saulaggl!!

In denne Hosa isch a Ondrhos ibrflissig, dia henn an Lädrblätz als Schbiggl.

Noi, a Windleilag uss Bolliamid mid Silbrijona!

Abbr erschdens isch's net schee ond zwoitens ôhigjenisch.

Dodrfier solled ja die Silbrijona helfe gex des ôhigjenisch. Ond die Eilag isch uss Bolliäschdr, i hao grad nomal glueged im Broschbeckd.

Iebr 's Wendldraga ben i naus ...

In meim Dings seinera Hosa isch dia Eilag ausema ganz woicha Lädr. Un des wird bei Radtuara obnds gwäscha un morgns wiedr azoga. Wa soll do uhigienisch sei?

Abbr kâ mr des Ledr au bei 60 Grad wäscha?

dSchdiggle wäsched vileichd id so ofd ... die sind ja so kloi!

Ond des werd iebr Naachd wiedr drogga?

Ma konnd ja a bluedex Schnidzl neilege ond wenns mirb gridde isch fresse, wie die Hunne selbexmol!

manne, echt? Dia Hunna hen scho Radlerhosa aus Bolliamidfasra draga?

Voerleifar!
Ond se hanze de Rucksack fierd Brozeid gschbared!

Manni, pfui bä!

Im Sommr droggnet des ibr Nacht. Im Windr radlet ma id halb nagged umanand.

I schdobf mei Veschbr drotzdem net en dr Radlerhos nei. Dann liabr en d' Lengr- oddr Saddldasch odr en da Ruggsagg.

Moi Gab, em Wendr ned halberdrnagged? Dann ganz nagged? En dr Kelde?

Genau, umso schnellr kasch radla. Probiers aus!

Jiez sag bloß, du häbeschd des scho mea vrgesse, wie du im Windr romgradled bisch, Schdiggle! tststs...

So, Zickarle, ond jiez dräschde rom uff de Buggl!
Ond allad schea ausschnaufe wenn i druck. sEischnaufe kudd vo sell!

Jessasnoi, was hend ihr widder fir Thema heit Ôbad! Des Bild isch widder môl so a manni-Lenk, wo es Eimimimile a weng gschoggt wär...

Bin ii froe, dassd wenigschdns du id gschoggd bisch, Emmrle ;-))

A etz woiße, warum sZuggrle nixme xsait hot, s'isch aufm Schnabl gläaga!

I gang etz no a wengle läasa.

Guad Nacht ihr zwoi Brachdäxemplare!

manne, em Wendr ben i gar net gradelt, deswäga kâ e au net vrgässa hao, wie.

Abbr i kâ mr scho vorschdella, dass mr dâ schnell radelt, damit mr schnell wieder ens Warme kommt.

Hällow guddbai Bördi!

bin wägg

Do kasch räechd hao, Schdiggle. Die ganze Weldreckord senze im Windr gradled!

Lies schea, Gäbele, ond schlof gued in deir Läedrondrhose!

Hallo Goldammr.

Jetz vrabschied i mi au. I wensch Eich a guade Naachd.

A etz woiße, warum sZuggrle nixme xsait hot, s'isch aufm Schnabl gläaga!

Schdimmd, odr wie kasch du da schwädze?

Abd aufn Buggl mag i mi ned lega, i hao ja Kreizwäeh ond koi Bauchwäeh!
Abr s´gohd scho viel bessr, manni. Dankdr schea. .-)
Ond wie hads Dir gfalle, Gäbele?
Hammr eis ietz eisrn Wei vrdiend?

Widd a Gläsle vo meim dschilenische Mäerloh, Zickarle?

Wennd dei Kreiz endschbanne widd, muesch oo im Bauch dei Beckemuschgeladdur loslau! Soschd brengsch die Fälhaldong id los. Also drä di rom, komm :-))
I mach des ganz sensibl!

Noi... *rechd gschamig due* Da bi i kitzleg...

Des erinnerd mi iebrgnds an mein Phisioderabeud, der mir nach oinr Sportverledzong an dr Hifde weagam Bluderguss a Limpfdränasch had macha miesse. Da hao i gschaud, dassmr da am Bauch afanga mueß. Ond da mag i mi gar id gern afasse lasse, des isch nämmli id so waschbreddig wie i däes gern hett...

Ond ietz trink mr no eisrn Schlummrdrunk, manni. Broschd!
Gued ischr, dei Mäerloh. :-)

Gueds Nechdle.

Broschd ond guez Nechdle :-)

[ fier mi ]
Gozeidank! I mag gar koi Weißbildr mid am Waschbredd schdadd am Bauch :-))
[ / fier mi ]

So, i han no a weng was weggschafft, on jetz gang-e ens Bett.
Guaz Nächtle.

Nechdle, Emmrle! So lang so fleißeg, do wäeschd nemma vil läes heid!

*lupf* Heit no gar koins dô gwest.

vrzweiflt nochem Blauhimmele suach, dassers Grauhimmele dohanna wäggschiabd

Mir hen a Schwarzhemmele ...

Hallo Schdiggle! Vomiraus kahs heit Nacht giaßa, bloß morga sotts drogga sei. Honn morga an Radlrdag vormr.

I her scho auf mittam schreiba. S'Dengs luagat ganz schräg. Nix derffe, nixnix.

I drigg Dr d'Dauma wäga morga ond em Radweddr.

Dei Dengs will jâ bloß Pokera, gell.

Ond jetz vrabschied i mi. I wensch Dr a guade Naachd.

Woisch was, Gäbele, ihr sodded glaub i uf Dauer zwoi Kombuder han, des dät eirer Beziehongskischde velleicht guat!

D' Edith soll vom Emmerle ausrichda, es sei ufm Kirchadag on erscht nägschd Woch widder dô!

zMinke?

13:27 dEdidd haz im Krosskantri xeache: zMinke!
I will doch hoffe, dass des mid deane naiß Kabbs of Koffi i bi!

S Emmerle z' Minchen, zôm beata! Ônd an Kaffee drênga dääd se au? Aaalso, em Fall dass-Da meega däätsch, keent mr se dreffa. I schigg am Manni fr alle Fell ieber'z Leomehl d' Nômmr vô meinr Fernbedienông (Hendi).
Däät me fraia, wemmer se sieht!

Grüaß Gott, elle mitenand.

Griaß De Wirfale! Schea, dass-da reiguggsch bei ôns!

Gell? Des isch fei. Wia gohts?

Mit gaht's guat, außr dass dia Sch#*#*-Kelte endlich amôle aufheara kennt!
Wia isch's bei Eich, z' Maulwurfshausa?

Edith sagt ôm femf vor drui: i gang jetzt hoim, ônd schbädr ens Schdäddle - Bfiadeich!

Dia Kelde is scho pfundig. Adee, vuil Freid im Schdäddle.

Das ist das "Schlaflied an einen Teddy": http://www.chansons-net.com/Tine/E661.html


Fais dodo, mon petit nounours

Schlaf schön, mein kleiner Bär

Siehe Wörterbuch: [fr-de] nounours
Siehe Wörterbuch: [fr-de] faire dodo

Mäeßi, mô ti pîpîguî :-))

Oin ganza Daag koi oizigs Pooschd!
Sender alle em Reaga naass worra ond miassat Ui etzt hendram Eeefale dreggna?

Also em Momend reangez idd!

*korrigierkorrigierkorrigierkorrigierkorrigierkorrigierkorrigierkorrigierkorrigierkorrigierkorrigierkorrigier*
:-((((((((((((((((

Zuggrle, i bedaurde. Bin abr au id bessr dra, mueß an Scheißtägschd ibrsetza.

Findsch beim Korrigieara au machnmol Schdiehlbliata?

Morgaaaa Schweschdrla un Briadrla!

Mir henn allno a Sauweddr. Abr deschmr wurschd, i muaß eh weidr macha mit meim Sch.... Wenn so weitr goht, nô fangts wiedr a zschneia. No luaget vielleicht a amol s'Fleckle wiedr rei.

I hoff es Zggrle isch ferdig worra.

Siii ju leidr!

Findsch beim Korrigieara au machnmol Schdiehlbliata?

Oft gnue, ond i denk mr seid Jahre, i sott mr mol a Sammlong aläege.
Die nekschd wo i fend schreib i mr auf ond schenks dr. :-))

I hoff es Zggrle isch ferdig worra.
Wenn des bloß so schnell gäehe däd. I schreib mr scho seid Jahr emmr die Schdunde mid, die i an Korrekdure sidz, ond beim Abbidur hao i bis ietzt scho 22 Schdond korregierd (ond die vom Kollege nachkorregierd), ond ogfäer 8-10 Schdonde brauch i no.
Ond dassmr id langweilig werd, krieg i glei danach (nekschd Woch) mei Grundkurs-Klausur, da korregier i dann wiedr ogfäer 30-35 Schdond. Abr dadafier hod mr ja d'Pfingschdferia! :-))))

Bisch Du wenigschdns mid Deim Sch***-Tegschd weidrkomme?

dBfingschdferia send oo fier dKind ond id fier dLäerar ;-)

Zuggrle, i bin au no lang id ferdig. Etz gemmr zom Kigga (unsr O.... schbielt).

Salli Manne!

Grießdi, Gäbele :-)

@ Kigge: Sell woll, Gäbele, i mag de Schbord oo! Do kan i schdondalang zueluege ;-)

So, I ben widder dô.
A weng he, abber schee ischs gwä.
Net zletscht, weil mr tatsächlich a Mini-Schwôbadreffa nãgriagt hent.
I gang ens Bettle.
Nôchlesa dur-e morga.

Guede Moege ond an scheane Grueß vom Minischwobeschdammdisch an ui all, die wo idd hand do sei kenne.

zMenke hammr a vole Schdadd kedd mid deam eckomenische Kiechedag. Ma hedd gladd globe kenne, dr Deifl sei losgwe ;;-)

Weil mrs am Minischwôbedreffe oo vo dr Aussehnong midde Jude kedd hand, vrlenk i no zwai Ardickl in dr EssZedd ibr dObrammrgauar Bassiôsschbil, die wo ja efdr in dr Kriddick gschdande send wex deam judefeindliche Deggschd:

Intrvju mibbm Reschissehr

Kriddick zuer Auffierong

Gäbele, ietz schenk i dir a Schdiehlbliade (isch abr id ausm Abbidur): Wie iebrsetsch mr "bedtime story"? ... Na...?
"schlechte Geschichte" ;-)

*hihi* - Wenigschdns idd 'schlechte Zeitgeschichte' ;-)
Raichd des fier an Vierar?

Schdimmd, des wäer no bessr gwäe. *gg*

S´war erschd d´Iebongsiebrsetzong - die Klausur kommd erschd no...

Ond i hao no oine: "rapt attention" --> "eingewickelte Aufmerksamkeit" :-) Abr wenigschdns hao i na ab ond zue was zom Schmunzle beim Korregiere...

Zickarle, jetz haoni mea ebbs zom Kichre de ganze Obed: "eingewickelte Aufmerksamkeit" - *hihi*

'n Âbed mittnand.

Danksche Zuggrle, fr dia scheene Schdiehlbliada. Oijee, a Fantasie hennse fei scho, deine Schialr.

Hurray, Bördi isch bäck!

Hallo Manni!

un guat Nacht, ka heit id lengr bleiba :-(

Guad Naacht Moi Gab.

Griaßdi Schdiggle, ond Pfiatdi Gäbele!

jetz haoni mea ebbs zom Kichre de ganze Obed
Des gfreid mi, dass i dr a Freid gmachd hao, manni! Magsch no mea zom Kichre? Na ka i dr ja d´nekschd Klausur zom Korrigiere schicka... Fier di däd i des fei - selbschlos wiari bi. ;-)

Ond wo isch ietz eisr Vegale???

Hallo candice! Korrigiersch grad no odr hâsch endlich au amâl Feierâbed gmacht?

Zickarle, noi noi, des brauchz id. Die endschlackde Schdihlblieda raiched mier scho! I will ja id so gfräßeg sei ;-)

Feirobed, Schdiggle! :-))))))
I mueß mr bloß no iebrläege, was i morge bei eiserm Landradsamd sag. Da gang i nemmli morge hie, weil die mir helfe solle mid eisre Nachbare. I hald des oifach nimmr aus, die schikaniere eis, so arg, dass i scho Mageschmerze krieg... :-(

Du bisch bja äechd genügsam, manni. ;-)

's Landradsamt werd dâ nix macha, wahrscheintz kennet se ned amâl. Vrmudlich saget die Dir, dass De zomma Âwalt ganga sollsch.

Die solled mr ja bloß berate, ob i a Schdück Sichdschutzzaun aufschdelle derf. Damit wäer mir ja scho sooo gholfe. I will ja bloß mein FRIEDE!

Ond dia kennad die scho, weil die ja scho a paarmal ham arücke derfe, um bei eis irgndebbs zom Vrmesse (Holzbeige odr so...), was dr Nachbaure id bassd hedd. Ond freili wars jedschmal ummrasoschd, weil mir ja nix dend, was id räechd wäer.
Geschdern zom Beischbiel hads mi wiedr a Vierdlschdond iebrn Gardazau zsammgschrie, weil i am Namiddag a baar Bliemle eipflanzd hao. Was sie sich alles gfalle lasse mießd, hads gschrie, ond des am Sonndag! Ond es nudzd oo nix, wenn i iebrhaubt nix zrucksag (da bi i fei schdolz drauf!), na schimbfds drotzdeam a Viedlschdond auf mi ei... :-(

Dô ben-e, Ziggerle!

Jô, nô gang no môl ufs Amt. I hett jetz jô vrmuadat, dass des uf-m Rôthaus isch, bei dr Baubehörde, oder ufam Birgeramt, wo se des wisset wega dem Sichtschutzdengs uf dr Grenz.

Schad, dass-d so viel zom korrigiera hôsch, i han scho denkt ghett, jetz dät i di velleicht môl en echt seha kenna!
Aber wia xagt, dr Kaffee mitm Hemele, em manni on em Faschtfemferle war auch schee!

edit
ach so, dia kennat ihre Pabbaheimer scho! Hoffentlich schdellt sich raus, dass des gengt mit dem Zau, des dät doch a wengele d' Luft rauslao aus dem saudomma Konfligd.

Ach so. Ja, des werret se Dr scho saga. Des miaßt sich aus dr Bayrischa Bauordnong ergäba.

Wenn i die richtig läs, no sen bis zura Hehe vo 2 Medr Maura ond Eifriedigonga genehmigongsfrei: Art. 57 Abs. 1 Nr. 7. a) BayBO http://www.vordruckverlag.de/lbo/by1.pdf

Wenn des scho fir Maura ond Eifriedigonga gilt, nâ wahrscheintz erscht recht fir Sichtschutzzai

Mei Freind, dr Bsichelog däd sage, do mueß a baradoxe Indrvenzioh häe.
Mier felld ei:

- naschdao ond lache
- uff dUer luege ond sage: Wemmr amol säeche, wie lang Sie heid durchhalded. S ledschd mol hand Sie 12 Minudda gschaffd!
Ond Zwischezeida ansage: "Femf Minudda scho!"
Ond an Schduel holle ond gmiedlich nahocke mid am Uhudlar in dr Hand!

Odr so ebbs ...



Abr i druck ui dDaume fiers Landrazamd!
Do bin i ja echd gschbannd!

Noe, manni!!! Des wäer doch scho wieder brofoziere, ond des will i ja grad id. I will bloß mei Rue.

Schdiggle, dei link isch endressand, dank dr schea. Abr i hao scho amol gherd, dass genehmigongsfrei id obedingd hoißd dassmr des hischdelle derf wias oim bassd, sondrn dass mr si da an ördliche Gepflogeheide odr so halde mueß.

Ond i will hald auf jedn Fall ganz sichr sei, ond au die zueschdändige Behörde voerhäer informierd hao, weil i genau weiß, was da abgohd, wemmr des hischdelle. Erschd wemmr wieschdeschd beschimbfd, ond indr nekschd Minud rennds irgendwohi ond beschwerd si.

Abr ietz bi i miad ond gang ens Bedd - i erzäehl uib dann wies nausgohd...

Schea, dass i di no gseah hao, Vegale, wenn au bloß virduell. ;-)

Klar, der Zau darf zom Beischbiel ned neongelb âgschdricha sei. *gg*

Abbr äbbes ieblichs aus Holz werd scho meglich sei, so wia des dâ: http://www.pieperholz.de/de/wDynamic/wScripts... oddr äbbes ähnlich Normals.

Ond guad Naacht.

Odr so ebbs:

http://cms.holzland.de/~katalog/sturm/

*edit* Klappd id mibbm Vrlinke, Seide 14 däd i moine...


Ond mir dädn ja scho so drei Medr odr so reicha, wia gsehd i will ja id brofoziere, ond zwanzg Medr vrbaue...

Gueds Nechdle!

Ond dank schea, dass i mi a bizzle ausheile hao derfe bei uib... :-)

So, i gang jetz au. I wensch Eich alle a guade Naacht.

Also Ziggerle, i dät nix nemma wo no Schbalda drzwischa sen, mô mr durchgugga kã! (so wia des vo dr Seide vierzeah). Des muaß absolud dichd sei, susch schdôht se drhender on schbigglat rom!

So, i sott jetz au dringend ens Bett, i han an gräfdicha Dschin tronga vo deam subberschigga, den mô mir mei Dengs zom Geburtsdag gschenkt hôt, i tibb scho dauernd Tibbfäler, 's isch Zeit, da-n-e dr Glabbtobb rafahra dur.

Gossnääachdleeälleminnanand....

Guada Morga, dauherinna!

Sodale, ietz war i beim Bauamd. Ond leidr ischs genau wiari befirchd hao: die "Bebauungsordnung" erlaubt bloß Zäu bis zu 90 cm. :-((((((((((
Dr Sachbearbeidr da war ganz nedd ond oo vrschdändnisvoll (ond had si sogar no dran erinnre kenne wie si die Nachbaure damals scho aufgfiehrd hand), abr da ka mr nix mache, sehdr...

So, ietz hedd i zwoi Frage an uib: wissds eis an ganz guede Düngr (isch id ernschd gmoind...), ond hedded ihr vielleichd Empfehlonga fir scheane Schdräuchr, die schnell wachsed ond vielleichd no schea bliahed(die Frog isch scho ernschd gmoind!)? I mag nemmli dia Kornifäera id so geara. Also was i scho hab isch: a Weigelie, an Fliedr, zwoi Duftjasmin, oin Schneaball, zwoi Rispehordensie, a Buddleia, fembf Hibiscus, an Ranunklschdrauch, fembf Buchs (fier zwischadinna), oi Deutzie,... ond mea fellbr grad id ei.
Was kennd i no pflanze?

Liabs Herrgottle vo Bibrbach - hosch Du an langa Garda :-) I mog da Ilex so gera, ob dear abr fiars rauhe Glima bei ui guad got, woiße ned.

Denn Fade do, den dääd ich gern mol allene empfähle, die ibbers Schwäbische immer maule! Denn muss mr lääse, unn dann kammer nimme sage, dass des koin scheener Dialegt isch! Unn wenn ich als Badnerin des sag, dann schdimmd des!
Bsunners gut gfalld MIR jo des "fempf" - do kennt ich mich fordschmeiße.

Des gfreit os, Darth. Abr worom gfreit Di grad des 'fempf' aso?

Weil se's se viiel scheener liest als wie "fiienf", pfelleichd? :-)

Isch ja glar, dass dau glei osr Faschafempfrle kommt :-) Griaßde!

"Fempf" klingt halt oifach scheener als "fümf", wie mir des sage. "Fümf", des isch ja faschd Hochdeitsch - wie langweilig! ;-)

Griaßde Selima, hallo Darth!

Edith hat zuaglangt...

N'Ôbnd. Sinnr no dô?

Noi, abbr wiedr.

Scho mea!

@ Zickarle Bauzei bis neizg - ond Häcka? Deffed die häechr wäere? Thuja ond so a Zuig, vielleicht oi, die wo ma id schneide mueß? S geit oo vrschiedene bassnde Zibbresse-Arta.

Frei me, dassda dô bisch, honnde vrmisst ghett.

@ Zickarle - odr a Ferteggaraasch. Sovil i waiß, däeffma die direckd uffd Grenz sedze!!
No briechdeschd oo wenigr Bflanza ond wenigr jäte ;-))
Ond wenn se hendr dr Garaasch schreid, häesch faschd nix!

Blede Nôchbra sin äbbs schlimms. Dô ka oim jô d'Luschd vorem scheena Weddr vrgau.

Oddr a Selbschtschussâlag, die wo uff Lautschdärke reagiert.

odr an pabblik fjuing Bildschirm un a Kamera dia se filmt, damitse sich sell sieht und s'dot vrschriggt (i komm un hilf schaufla)

@ Selbschtschussâlag: Vo deane däz sichr no ganz billeg a baar ausrandschierde vo dr Dedeärr gea!

Oddr a Selbschtschussâlag, die wo uff Lautschdärke reagiert.
Schdiggle!!!!! *gg*

*edit* Ond Gäbele, Du bisch ja id viel bessr!

manni, a Garaasch isch nix, weil i mi ja so an meim Garda frei, den mag i mr ja id zuebaue. Ond die Thuje-Hegge odr so a Zuig hao i scho vorn zur Schdrass naus, ond des gfellbr id bsondersch...

*Hrgdzck* Des reangd grad bei mir ondrm Dach, dass bloß so brassled. Heard na des nia auf??? Mei Garda saufd ja ab! :-(

Gibt d'Hoffnung id auf - womeglich ka se id schwimma ;-)

candice, was isch? I fend mei Idee guat.

I au.

So i gang etz no mei Wesch aufhenge un no liese i meim Buach weitr.

Bonn nuii :-)

I be au dô, aber i muaß no ebbes wegschaffa, damit-e am Samschdich mit guadem Gwissa uf Griechaland nei kã...
i gugg schbäder noml vorbei.

Guat Naachd, Moi Gab.

I vrziag mi jetz au ond dua a bissle läsa. I wensch Eich no en scheena Âbed.

Nomol Zickarle ädd a Garaasch isch nix, weil i mi ja so an meim Garda frei 

- Du gfraischde so, dassd de gar nemma neidrauschd, weil d Angschd haschd, dass dei Nochbeire mea sGosche afanged ond räechd rombläered!!!

Do däd i doch libr zeje Kwadradmeddr obfre ond dGaraaschwand mid scheane Kleddrroesa eiwaxe lao.



Ond de Beddläesar a guez Nechdle, wenn se ausgraschled hand!

Bevor i raschla gang mua-n-e no a Wesch ufhenga.

Guata Morga beiananad!

Candice, na bau halt offiziell an Carport. Der isch baurechtlich a Garaasch, kaa auf der Seite zom Nachbr gschlossa sei (6 m lang!), ond du griagsch an scheana Sitzplatz ennara Laube.

*kobbibeischd*

Guata Morga beiananad!

Carport? Das ist ein tolles deutsches Wort!

Schnell eine Frage, sagt hier wer Gewand im Sinne von Kleidung, oder sind das eher die Österreicher/Bayer, die das Wort so verwenden?

Diese Woche habe ich es vor, Den Erlkönig mit den Schülern zu lesen. Wir hören auch die Vertonung von Schubert.

*Hunger hab. früuhstücken geh.*

Vor der Schule schaue ich noch kurz vorbei.

Schönen Tag noch. *in die Runde wink*

"Gewand" ist im Alltag in der Hochsprache eher ungebräuchlich. Das süddeutsche (bayrische/schwäbische) "Gwand" wird aber benutzt, schwäbisch auch "Hääs" ;-)

Und 'Carport' find' ich auch schön, fast so schön wie 'Handy'. Mein Favorit waren aber vor ein paar Jahren die modischen 'Bodybags'. Gemeint waren handtaschenartige Gebilde, die man an langen Tägern diagonal um den Körper hängen und dann bummeln gehen konnte.

Carport sagen wir auf Englisch, wenigstens auf AE. Handy und Bodybag sind eher deutsche Erfindungen! Ich meine, die Wörter existierten auf Englisch, die Bedeutung hat sich aber verschoben.

@Amy-MiMi
Als Ergänzong zom Faschtfemferle:
I glaub em Alldag saget net viel Leit Gwand oder Hääs, velleicht eher di Ältere no, oder en de ländliche Gegenda.
Odder isch des em bayrischa Schwôbaland andersch?

*überleg* Kommt im Erlkönich a Gwand vor? *gugga muaß, weil-e-s et auswendich kã*

Griaß de, Emmerle! Ônd vrschbätet: Griaß de, AmiMiMi!

I ieberleg grad, wia-ma auf schwäbisch fr "Kleidung" sagt? "Hääs" isch nemme gebreichlich, abr sonschd falad mr bloßmeah die einzelne Sacha ei (Hoos, Kittl, Sogga...)
Iebrigens, i komm vom schwäbischa Land, i derf "Gwand" saga, alt gnua ben-e au :-)

Ami-MiMi: Ich wusste nicht, dass es 'handy' als Substantiv im Englischen gibt!

Gwand, Hääs, Gschloif, Âziahsach sät mr bei os.

Ob "Gwand" em Erlkenig vorkomma duad, woiße ned. Abr en dr Birgschaft kommt's glei endr erschta Zeile vor: " Zu Dionys, dem Tyrannen, schlich/Damon den Dolch im Gewande ..."

I han's gfonda, den Vers mitm Gwand:

„Du liebes Kind, komm geh’ mit mir!
Gar schöne Spiele, spiel ich mit dir,
Manch bunte Blumen sind an dem Strand,
Meine Mutter hat manch gülden Gewand.“

"Ãziehsach" - richdich, des sagt mr bei ons au. Oder oifach "Kleider"; des hôt nô a allgemeinere Bedeidong wia em Hochdeitscha: "I muaß meine Kleider no nãrichda, i gang morga fort." oder so.

Also, bei uns sinn des aau Glaaider. Odder Glamodde. Dodemit, also mit Glamodde, moint mr abber in der Regel net grad die feinschde Glaaider.
Unn isch es Hääs im Alemannische net eher was aus der Fasnacht oder ausm Bereich Dracht?

Noi, dr Urschbrông isch it d'Fasnet:
http://omnibus.uni-freiburg.de/~post/haes.html

A²My³ 

Fier de Erlkenig mechd i dier mei Lieblingsaufnahm vo dr Jessye Norman ans Häerz lege. Des isch idd bloß a tolls Weib, die wo idd bloß mid Haihihls gued aussiechd, sondrn die ka ôglaublich gued singe ond had a ganz a fandaschdischs ZongeschbidzlesERR druff :-))

Isch die Jessye net ehr gräftig gebaut? Hat die wirklich Haihihls ôô?

Do falld mir abber ei:
kennt ihr die elsässische Variande vom Erlkönig?
Wer ridded so spôt parmis le vent?
'S isch de Babbe mit sinnem enfant!

I däd oo Ahziehsache sage...

Carport? I woiß idda. Da mießed i ja die ganz Hegge auf d´Schdrass naus rausrubfe - des wäer schad.

Abr i hab a nuie Idäh. Wie findt dier an Barawoh?

http://www.gadax.de/images/product_images/thu...

Da ko do koinr was sage, odr?
Ond wenn i em Garda ferdiggschaffd hao, odr ferdiggläes hao auf meim Bänkle vorm Haus, nacha räum in oifach mea auf... I fend des genial.

Ond i hao an scheana nuia Schdrauch:
http://www.crocus.co.uk/images/products2/PL/0...


Der isch so schea schdachleg; des bassd doch! :-))))

Also i fend den Baravã a guade Idee, fläxibl on leicht zom Vrsetza, wo-d-n grad brauchsch. Abber andrerseits: se kööt nadierlich au dô drhender romschempfa, grad weil se et drzuasieht, wa da etz grad widder hälenga machsch....vo dô her dät i den velleicht net jedesmôl widder ufraima, weil susch denkt se: aha, se dent widder ihrn Babavã ufbaua, dô muaß jô was Õgherichs drhender vorgao! Velleicht breichdesch nô zwoi, oin zom drhendert em Gaarda schaffa, on oin zom drhendert läsa!

Der Busch sieht guat aus. Schee dicht on schdupfich! :-D

I bi fier a Garaasch oder an Karport.

Negl mit Kebf mache. 

Do brauchsch nix aufschdelle, sondrn du gosch naus, wenn d widd ond dei Nochbeire waiß es idde! Ond dr Wind blosed dier oo nix om!

Der Busch sieht guat aus. Schee dicht on schdupfich! :-D

Gell? Fend i oo! :-) (Er hoißt iebrgnds Photinia fraseri Red Robin - fend i echd schea...)

Ah geh, manni, außrdeam isch so a Baravoh äechd günschdeg. Ond wenn i se nimmr sieg (sondrn amend bloß no hear), isch oo scho viel gwonna - ond amend werdsrer nacha doch amol z´bled...

amend werdsrer nacha doch amol z´bled... - des glob i äjer idd :-((

Däe Busch brauchd dreivier Jor wenns raichd, ond a Karport a Wuche! Am oine Wucheend wäed beddonierd, on am nägschde wäed a aufgschdelld ond a Rue isch oms Haus rom!

I glob, du nemmsch dein Ergr ond die Beeidrächdigong vo deir Läebnskwalledäd allad no idd so richdeg konsekwend ernschd.

Ziggerle, Du kenntescht-Dr ja vornemmea, dia Hegge rauszômropfa, wenn dr Carport fertig isch :-) Aber erschd werd-er baut, ônd ob-Da dann drzua kommschd, zôm Ropfa...
(Sozusaga a Carport auf Vorrad)

I bleib bei meim Vorschlag vo Nommr hondertvierasiebzg. Isch schnellr uffbaut als wia en Carport. Ond effegdif.

...on nôch heddesch a Laube mit ra Hegge zor Schdrôß nom. Aber i woiß edda, mr miaßt halt die Gardafläche ufgea, dia wo nôcht dr Karport einemma dät. De oifacher Lesong wär sicher dr Parawã.

edit
Jetz isch mr 's Schdiggle drzwischa komma. Des war nadierlich als Fortsetzong vom Faschtfemfrle gedacht.

Noe, i glaub, des middeam Carport des lasse mr ietz mol. I will doch bloß mein Garde vorm Haus, ond dassi da in Rueh a bizzle romkraudere ka.
Abr ietz wäer i meine nuie Schdreichr räechd kräfdeg dünge, ond nacha schauts bei mir bald aso aus:

http://i32.tinypic.com/iy22rl.jpg

Ond den Reschd schidd i zom Nachbarn, nachad schaud sei Haus aso aus *gg*:

http://upload.wikimedia.org/wikipedia/commons...

Schdiggle, scho - abr no laudr als dNochbeire. Ond wo kriegba a Maggazî mid daused Schuss??

Manne, so viele braucht mr ned. Mr muaßes halt richdig eischdella.

Schdiggle, do hasch oo mea räechd! Dodrfier muess ma se a bissle Zeid nemme.


Zickarle: I will doch bloß mein Garde vorm Haus, ond dassi da in Rueh a bizzle romkraudere ka. - äebe!!

Abr voer i mi jedz raushald, mechd i bloß nomol uff mei zwaihondrdois hîweise, ond zwar uff baid Sädz, abr bsondrs de ledschde. Alls andr hald i fier Illesijona, so wie du eis des saudomm Weibsbild beschriebe hasch.

Guad Naacht.

Guata Morga!

An Guede!

Iatz scho?

Weißwihschd zom Händlmaier's Sembfd ;-))

Alzo - bei os hottmr emmr erscht ommara halbr Zwelfa gessa.

Do krieged dWeißwihschd ja Toorschlussbaneck ;-((

Weißwirschd send eh a saumäßiga Abomination. I werr des nia vrschdanda, wia ma dia essa ka ;-)

Maisle, es isch dr Sembfd!!!
DWeißwihschd geiz bloß drzue, dass ba dean guede Händlmaier's id mibbm Leffl fresse mueß!

Abr desch doch grads gleiche ...

Des dischkriermr heind aubnds aus, Kerle!

Brengsch du de Sempfd? I bschdell dLeffl drzue!!
Viel däffs scho sei, wenns no gued isch :-))

Noi, des weard nix. Dear Sempfd schdoht em Allgai ond dau komme drvor nemme na. Abr wann Du an sottiga siaßa Sempfd gera moggsch, nochd däde dr da meina mol midbrenga. Mei Muadr hotmr oin vom Bairischa Wald mitbronga ond os essmr doch koin.

Giiz-em Unnikaffee Weißchwiischd?

FF, des deffsch mi ned frauga ;-)

War ja au bloß endressehalbr, essa dät-e se au it.

Abbrobboo endressehalbar: Nechd ond voernechd haz mea an kloine Dischbuud ibr Nord-Sid-Schdandard-Deitsch gea.
Weans endressierd ..., middar Frog vo dr hm--us in # 16 haz âgfange ;-)

endressant, en dr Tat, manni! Du mit deim siedeitscha Schbrôcha-Mikox, du! :-D

Manne - dau kâne nor d'Auga vrdreaha. Dear weard des nia kapiera.

Borôm? Isch dees oiner vô dene, die allat "r" schreibat ônd "a" sagat ("geane meak ich mia wea in Heane sein' Maada eazieht")?

Wemmr uns wiedr dräffad, no bringe eich an gscheida Sempf mit - fine et forte. Säamr uns wiedr nocham Sommr? In Ulm? Wälle nemmlich glaub, dammr des vorer eh id päckad.

"geane meak ich mia wea in Heane sein' Maada eazieht"

????????????????

Isch des kinesesch?

I vrabschied mi jetz fir a guade Woch. I wensch Eich guade Erholung vo mir ...

Hald! Schdobb! Warom, Schdiggle??

Schdiggle, i wensch dr an scheana Urlaub - ohne Endrnedd. A guade Zeit Dir ônd em Co-Schdiggle!

*vord´Schdirn batsch*

Feria - freileg! A guede Zeid, Schdiggle! :-)

Ziggerle, i hau voraz brobiert, dees zôm schreiba, was manche Norddeitsche schwätzat, wenn-se Hochdeitsch moinat.
(gerne merk ich mir wer in Herne seinen Marder erzieht)

Ônd etzt gang-e ens Bett, i bêe miad naucham Schdammdisch - abr schêaisch-er gwêa! Gueznächtle.

(Dr Leo ärgrat me ônd schreibt dopplat.)

Sovil hadda doch gar idd xoffe ... hmmm *wondr*

Ich lääs unn lääs unnd hab immer noch net rausgfunne, was der candice ihre Nachbarn aaigendlich dreibe!
Was ischen do firre Probläm? Was mache denn die, um dir's Läbe schwer zu mache, Ziggerle? (es darf ruhig die kurz Fassung sei, ich mechd net die onnere langweile mit (nochemol?) der epische Ausfihrung von derre Gschichd :-)).

Ekschdra kurz fier di, Darth :-):

--> Ond die andre Schwäble-Schnegge derfe des ietz ignoriere...

Agfanga hads voer ogfäer zwoi Jahr, als mir a Holzbeige an eisrer Hauswand aufgschichd hand ond a klois Dächle (80 Zandimädr!!) driebr baud hand. Da sinds kombledd ausgraschded, hend gsehd dass mir eahna d´Sichd ruiniera, ond hand eis beim Bauamd "azeigd". Die send komma (des miessed se in so am Fall), hand alls vrmessa, was d´Nachbaure gschderd hedd (also eisr Gardaheisle oo no, zom Beischbiel), ond ham nadierli bloß gfunda, dass mir nix Oorechds dend, bloß wäega eisre Nachbaure zom Bedaure send.
Ond weil se id räechd kriagd hand, sends ietz hald erschd räechd narred, vorallem d´Frau. Ietz kommds jedsmol, wenn i nur d`Nas voers Haus schdreck, aus ihrm Haus gschossa, baud si am Gardazau auf ond schaud endwedr biddrbes, odr keifd mi aa, odr dräehd Musegg odr Fernsäeh auf volle Laudschdärk (ond hoffd, dass mi die Schallwelle wegtreibe), ond herd id auf, bevor i mea gang. Des isch koi Schbaß id, ka i dr sage, ond deswäege hedd i gäern an Sichdschutz ghedd, damit i endlich a Rue hao, ond wiedr oogschderd in meim Garda voerm Haus romkruschdle ond mi aufhalde ka.

Ietz isch doch id kürzr ganga - Duebrlaid... :-(

Ach Godd - do stehd mer jo fassungslos visavih.
Dange, dass de mich uffs Laaufende gebrocht hasch! :-)

Alle scheene Pfingschda! Am Schdiggle an scheena Urlaub (womeglich gohtr wiedr Säagla bei de Gallier).

Zuggrle, magschr'ra id oifach d'Hand naschdregga un amôl frôga, obses noida satt hôtt. Wells jô fr dia (bled Kuah) wahrscheinlich au id schee isch un se gô froh wär, wenn des a End hett.

Dreimet schee :-)

I bin au a baar Dag wegg.

I sag schoml adee, velleicht kann-e vo Griechaland aus môl kurz reigugga, aber desch et gwieß.
Velleicht komm-e au morga noml kurz vorbei, mr fliagat jô erschd am Nammedag.

I wensch ui all, die wo dr vrraised, a scheane Zeid - beim fäsâ də la wuall ê Frâß ond kali orexi en deam Ellada ond sondschdwo!

Hoi, scheintz hauat alle ab. Nocht wensche au no a guada Reis wo's au na gat.

I bleib do ond mach Musegg mibbm Fridz. Widd oo komme mid deim Essklareneddle odr deim Sacksefô?

:-)

Noi, mei Derminpla isch laidr scho vool des Wuchaend. 'z Werrischhofa isch iebrignes Eselsmarkt. Dau werre au mol nagugga. Esala send so ebbs nedds.

Am Donnschdag hammr eis doch grad droffe kedd. Bin i alda Esl id nedd gnue gwe, dassd es jiez no mid de jonge Esela brobiere widd?? Do konnd i ja gladd eifrsichdeg wäere :-((
Abr nedd senze oo ...

Mei, woisch, i griag vo de Esala hald ned gnua - zmol dau, wone letschd Wuch war, gar koine Esala ned gea hot! Lagge Hond, was des send.

Abr iatz muane mol eikoffa gau. Pfiade - bis schbädr.

Guede Idee middeam Eikofe. I gang midd!

I war scho. I han no Brezla on Bauraschenka on Schdreichläberwurscht kauft fir mein Ongl Fritz. Der isch en Sindlfinga ufgwachsa, der frait sich wia Zau ieber soddige Mitbringerla. On zwoi Fläschla Wirttaberger sen scho schee woich en dr Midde vom Koffer neipaggd...

Des klengd ja räechd gued, Chirlotsíchlonole :-))
Brauchschd idd no an Raisebeglaidar? I be scho lang nemma in dem Gricheland gwe ;-)

ädd Feldforschong
- allad im Dinschde däer Wissnschafd on dear kulderelle Häechrendwicklong selbschdlos ondrwäexs:

Bei meim Biomarkd deß Vrdrauens isch heid Liferandebrobierarlesdag. Drom haz Eikofe a bissle lengr daured als soschd. Ma ka doch idd oifach jede Wuschd ond jedn Käs im Vorbeigao ins Maul neischiebe ond schlinde, ma mueß scho oo schwädze midde Leid, âschdanzhalbar.
Jednfalls brauch i jiez gar nix mea koche zMiddaag ;-))

Zledsch haoni no graichrede Rengka ond Saibleng brobierd. Äer sei vom Bodesäe, hadda uff Nochfrog gmoid. Warom a no id Schwäbesch schwädz, haonen gfroged. Weil a a Eschdreichar sei, hadda gmoid. No haonen gfroged, wie äer zom Bindfade saag. Äer saag Schbagaad, hadda gmoid.

Des isch also a weidre Beschdädigong vo eisrar frienere Hibbedese, dass des ebbs mibbm Eschdreichesche zom doa hadd in däer Gegnd.

Jiez kas also ganz berujigd Bfingschde wäere vo mier aus :-))

Noe, manni, i han scho drei Manna drbei, desch Haufa gnuag! ;-)

Des globi dier uffs Woed ;-)
Abr drodzdeam schad!

Ui nemmat an Wirdabergr Wei enda Urlaub auf Griechaland mid??? Megat ui da griechischa Wei ned?

I be au zruck ond hon beim Eikoffa aufm Wuchamarkt au a Schwätzle mim Bioma iebr d'Kartoffla gschwätzt. Isch grad gared leicht welle zom griaga, dia was guad send, hottr gsät. Er hollt seine äbbl em Aichachr Land, ballze bei os ja koine mear abauat. Ond daßmr scheane mealige garnemme griagt - baut fascht koir mear a.

Woisch, Ameisle, an griechischa Woi hôt mei Ongl äll Dag, abr an scheena Wirttaberger Trollinger, des griagt-r et grad oft! Mir drenkat nadierlich nôch da griechischa, wemmer dort send. Nia drenk i sovl Woi wia wenn i bei meim Ongl be - dô geits zo jedra Mahlzeit a Gläsle!

*Glabbtobb ronderfahr on eipack*
(bloß, weil dr Jong fir d' Schual was schaffa muaß, ganz gwieß wôhr! Ens Indernett kã-n-e velleicht môl vom Ongl seim Kombuder aus)

Ah - iatz vrschdande des! Dr Ongl isch z Griechaland ond ui bsuachandn! Sooo isch des. Nocht viel Schbaß beim Ongl ond en deam Griechaland.

Bei osrm Nauchbr weard heind au no grillt ond i schneid amol 's Gmias ...

Ond i be heid femfeviezg Killemeddr gradled bis zuer Finsinger Alm, ond jiez duebrs Fiedle wäe ...

Also zwoi Mol femfeviezg? Reschbeckd!

I hao bloß an Deppich rausgrissa, drui Wänd gschdricha mibm Kändifehl, am Nameddag Derrass budzd ond em Garda gruschdled - Des war so schea!!! D´Nachbaure send nemmli dia Wuch em Urlaub!!! - ond am Obed zwoi Schualaufgabe korregierd. Ond ietz bi i maushie...

Des hao i mir ietz iebrgnds bschdelld weaga d´Nachbaure:

http://image01.otto.de/pool/formata/2963096.jpg

Ond wie weid bisch middr Abidurkorrekdur - ferdig?

Noi, femfeviezg im Ganze, des raichbr scho so!

Uff dein Erfarongsbericht mid deam Barawa bin i jiez echd gschbannd!