Werbung
LEO

Sie scheinen einen AdBlocker zu verwenden.

Wollen Sie LEO unterstützen?

Dann deaktivieren Sie AdBlock für LEO, spenden Sie oder nutzen Sie LEO Pur!

 
  •  
  • Betrifft

    oiseviezgeschz Schnierle

    Kommentar
    Alemanne-Schwobe-Fade 41



        
    Des isch a ganz a endrnazenale Alemanne-Schwobe-Dräffbonkd
    zom Hoigaate, Radsche ond Dischkriere,
    in deam wo ma all grenzibrschraitede Warianda vom Alemannesche läese ond schreibe ka.

    Ond wäe Luschd had, ka oo en andre Dialäkd wie Bladd odr Schdandardneihoechdeitsch schreibe.
    Also dond ui koin Zwang a ond schreibed mid. Mier gfrajeze ibr jedn, däe wo reikudd ond eis Xelschafd laischded :-))

    Ond schreibed ganz aso, wie ui dr Schnabl gwaxe isch.
    Desch fei endressand, dassba sogar beim Schreibe glei die ondrschidlene regijonale Warijedäda säeche ka, vom Lech bis ibr de Rhei nomm odr sogar ibr de ganze Adlandeck bis ins Bensilveinijadadsch nei.



    Des isch dr voereg Schbage gwe, ond jiez goz do hinna weidr.


    Mier hoigaated allad weidr, solangs no ebbs zom sage geid!
    Onz siechd ganz drnoch aus, dass eis dr Gschbrächsschdoff no id so schnell ausgod ;-))





                        Land id lugg!




    Verfasser manni3 (305129) 14 Jul. 10, 15:21
    Kommentar
    Dank em Manni simmr dô.

    Guat Nacht alle mitanand :)
    #1Verfasser Moi Gab (456541) 14 Jul. 10, 22:28
    Kommentar
    Ond jetz gâhsch?

    I dann halt au.
    #2Verfasser neutrino (17998) 14 Jul. 10, 22:28
    Kommentar
    Okeh, i au.
    #3Verfasser Goldammer (428405) 14 Jul. 10, 22:32
    Kommentar
    Griaßt's Eich! I deff heind auf Tiebinga. Deschmr grad reacht. Dau warne nämmle no nianats.

    An scheana Daag.
    #4Verfasser Selima (107) 15 Jul. 10, 07:49
    Kommentar
    Diebenge haoni in guedar Erinnrong. Do geiz de Helderlindurm ond guede Mauldascha. Ond uffm Hoiwäeg bin i sDonaudal ragfare ond hao dDonauvrsickrong ond dHeineburg aglueged - endressand ond a ganz a wondrscheane Gegnd :-)
    #5Verfasser manni3 (305129) 15 Jul. 10, 08:17
    Kommentar
    Diebenga? Schee ...

    Hettsch äbbes gsagt, nâ hett i Dr des Schdädtle vielleicht zeiga kenna. I hao jâ scho a Weile dort gläbt.
    #6Verfasser neutrino (17998) 15 Jul. 10, 08:22
    Kommentar
    So nôch bei ons bisch gwä!
    Aber i hett heit net nach Diebenga kenna, i war nemlich z' Schduagert.
    Dei empfohlene Abkirzong iber Schduagert-Oscht en dr Neggerpark nonder hôt iebrigns sehr guat glabbt, Schdiggle. Morga muaß-e noml nei, dô fahr-e widder so.
    #7Verfasser Goldammer (428405) 15 Jul. 10, 21:32
    Kommentar
    Mööönsch, i hôb's dierch'n gânzen Anfâng kschaffd! *schdolz aaf mi sa*
    #8Verfasser hermarphromoose (169674) 15 Jul. 10, 22:01
    Kommentar
    Mei volltschtes Lob, herma. Des ka ned a jeds vo se behaubta.

    Schdiggle, daudrzua wär koi Zeit ned gwea, ballmr lei en Beschbrechonga warat. Ond wammrse ned ausVrseacha aufd Burg hättn brenga lau ond hernocht ham mear durchd' Schdadt andr Schdiiftskirch vorbei zua de Glinika hätten loffa mea, hättmr vo dera Schdadt wartscheintz gar nix gseacha. Abr so kane sa, daß schea gwest isch ond i mr des gera nomml en Ruah agugga gang.
    #9Verfasser Selima (107) 15 Jul. 10, 22:07
    Kommentar
    Hee hermafrommiesle, Komblemend!

    I hao ja abr desmol oo egschdra sBoschkribbdom wecklao, dassd es a bissle leichdr kedd hasch :-))
    #10Verfasser manni3 (305129) 15 Jul. 10, 22:21
    Kommentar
    Ach, hermale, desch aber schee, dass du dô au môl reiguggsch!

    (I han grad xea, dass dr nuie Fada "Schnierle" hoißt, des gfellt mr!)
    #11Verfasser Goldammer (428405) 15 Jul. 10, 22:38
    Kommentar
    I wundr mi au scho, manni. Isch dô des bairisch om di rum irgendwia durchdrunga odr warum hoisch du des nemme Schpagat.

    Griaß di, Marpha. Des hert si fei voll fränggisch ã. :-)
    #12Verfasser bluesky (236159) 15 Jul. 10, 23:23
    Kommentar
    Ich bin dem Fränggischen nicht mächtig. Das heißt: Mensch, ich habe irgendetwas Anfang geschafft. *stolz auf mich sei* ?????

    Nice job on the Tippspiel, herma. I watched the final game yesterday, I think. It was disappointing (the fouls!), but at least I knew what to expect, having read the chatter. I'm saving the Germany-Argentina for a hot afternoon when I don't feel like doing anything.

    Tiebinga = Diebinga = Diebinge = Tübingen

    I couldn't find an ü to copy. Don't any of you use them in your dialects?

    Tomorrow my husband, brother and I are going to Omaha to hit some museums.

    #13Verfasser Amy-MiMi (236989) 16 Jul. 10, 04:53
    Kommentar
    ans Eimimimile
    also i sag zu alle ü ie oder i.
    drieba
    Ieberraschong
    Wieschde
    Diebenga
    wirza
    Silzle
    Friehschdigg

    ...un jetz isch mr grad oi oinzigs Werdle eigfalla, wo i 's ü doch ausschbrech:
    I mach mr jetz mei Frieschdiggs-Müsli....


    #14Verfasser Goldammer (428405) 16 Jul. 10, 06:08
    Kommentar
    A²My³ - Des Dschüüüß isch ja oo drom so ôbeliebd bei eis im Side, weil des üüü dinna isch ond im Dialeckd ibrhaubz id voerkudd. Do saged mier doch vil liebr Bfieddi!

    Müsli isch hald a Schweizar Woed ond in dr Schweiz hanze die Entrondong id midgmachd, die wo im elfde Jorhondrd im Middldeitsche âgfange hadd. Abr sWickibedia moind, des sei a ganz a komblexa Voergang, weil do oo no die neihoechdeidsch Diffdongierong drzue kudd, die wo im Sidoschde in dr Schdeijrmark im zwelfde Jorhondrd aufkomme isch. Beischbil: min niuwez hus -> mein neues haus
    Ond mier Schwobe sind hald mibba denna zwische deane zwai Neieronga - im Brennbonkd däer modernen Endwicklong hald, wie allad!!

    #15Verfasser manni3 (305129) 16 Jul. 10, 09:01
    Kommentar
    Außrdeam lachat alle Schweizr,wenn-se leasst, dass de Deitsche "Müsli" essat. Dêes send nemlich kloine Mêis (Muus - Müsli), ônd koi Mues ("Müesli").
    I maag iebrigens koins vô boidem. Ônd vor oinr fraugt: noi, Mêis han-e no it brobiert!

    Griaß-Eich beianand, ond Dankschea, Manni, fr dr Sommrschbaga ("Schnierle" heart se viel luftiger ââ!)
    #16Verfasser twocents (460778) 16 Jul. 10, 11:24
    Kommentar
    Wia hoißt's so schea? "D'Katz frißt Meis - i mog's ned."
    #17Verfasser Selima (107) 16 Jul. 10, 12:10
    Kommentar
    @Manni, des is âba ned vo di gwes! I griebl âba no ieba "Land id Ludd", wâs haaßn des?

    @Amy-Mimi, des hed haaßn solln "ich habe es durch den ganzen Anfang geschafft." Hoffnli hâd's ah anigamâs gbassd, i lern ja ah no dâzu.
    #18Verfasser hermarphromoose (169674) 16 Jul. 10, 14:02
    Kommentar
    Land id lugg = Laßt nicht locker/laßt nicht nach/Macht weiter so!

    :-)
    #19Verfasser Selima (107) 16 Jul. 10, 15:11
    Kommentar
    hermafrommiesle, des haißd "land id lugg" ond isch dr Âfeirongsruef vo de Allgaiar, a Durchhaldebarole in dr Âschdrengong. Uff Schdandardneihoechdeidsch kommba sage "Lasst nicht locker!". Ond hendrhäe konnd ma de Erfolg so formeliere: "Mid Gwald lubfd ma a Gaiß hendarom!"

    dEdidd moind: He hermafrommiesle, jiez hasch es schdäereoh ;-)
    #20Verfasser manni3 (305129) 16 Jul. 10, 15:17
    Kommentar
    a wengale zeitvrsetzt, alzo mid zimmlichr räumlichr Diefe :-)

    I be furt. Scheas Wuchaend.
    #21Verfasser Selima (107) 16 Jul. 10, 15:25
    Kommentar
    Hä? As ledschd Pouschding isch vom Sächszehnda? Im neia "Schnierle"? Iddamôlme an Schbaga? Manniiiii!
    #22Verfasser Moi Gab (456541) 18 Jul. 10, 22:22
    Kommentar
    Gell, des lommr id hänga, des Schnierle, den Schbaaga. Sonsch gange en See. Wissadr wa dôdamit gmoint isch?
    #23Verfasser Moi Gab (456541) 18 Jul. 10, 22:31
    Kommentar
    Jô, wissad mer. Gang liabr en d'Luft, mit dem scheana neia Zebbelin.
    #24Verfasser bluesky (236159) 18 Jul. 10, 22:49
    Kommentar
    Gäbele, du hasch gued mid deim Säe!! In Säe däd i jiez oo gäere gao, noedfalls sogar middr weiße Badhose ;-) Abr s isch koi Säe in dr Neje :-(
    Ond dIsar had zvil Wassr, reißnd ond drecked!
    #25Verfasser manni3 (305129) 18 Jul. 10, 23:14
    Kommentar
    Also mir gfellt des, dass des Schnierle amôl Schnierle hoißt drondertnei. Dô fiehl i mi als Wirddabergere ernschgnomma on ãgmessa rebräsendiert en onsrem Schwôbadialog.

    So, I brech jetz demnägscht uf ge Mincha, zom des ßDdruile endlich môl vo Angesicht zu Angesicht zdreffat.

    A baar von uich werre jô bei der Glegaheit au môl widder seha, i frei me uf eich!
    #26Verfasser Goldammer (428405) 19 Jul. 10, 07:12
    Kommentar
    Vegale, nimme doch au mit. I will sßDdruile au säa! Kennsch mr jô a Bildle schigga.

    Himmale, unsr Zebbelinpilot fliagt drzeit in Amerika umanand. Drum simr jô dô.

    Manni, radl doch oifach amol nab an See. I dät fei scho auf de warda!

    I dät eich alle au hagge wella odr ommbrasseee
    #27Verfasser Moi Gab (456541) 19 Jul. 10, 10:14
    Kommentar
    Gäbele, zue deim Säe isches hald a bissle weid vo mier aus. Abr mid dier däd i scho saggresch gäere amol ins Wassr gao :-)
    Schetembrass!

    Heid isch a scheana Dag, heid driff i endle mei dransaddlandesch ßchweschdrle amol - ond no a baar andre vo ui :-))

    #28Verfasser manni3 (305129) 19 Jul. 10, 10:33
    Kommentar
    *dureschneii*

    #29Verfasser Snowflake (260254) 19 Jul. 10, 21:32
    Kommentar
    *zuawenk*
    #30Verfasser neutrino (17998) 19 Jul. 10, 21:33
    Kommentar
    *zruggwink*
    #31Verfasser Snowflake (260254) 19 Jul. 10, 21:35
    Kommentar
    Ond wia isch es bei Dir? Du bisch wieder zrick, odr?
    #32Verfasser neutrino (17998) 19 Jul. 10, 21:39
    Kommentar
    Nope. Ich sitz immer no under de Palme. Ich gnüss es sehr, es isch sehr schön da.
    #33Verfasser Snowflake (260254) 19 Jul. 10, 21:42
    Kommentar
    Do en dem knaschtehnliche Gebiet?

    Wia lang bleibsch denn no dort? I woiß, i ben neigierig ...
    #34Verfasser neutrino (17998) 19 Jul. 10, 21:45
    Kommentar
    I mim knascht hets drü Palme :D
    Nenei, de Hag drumume haltet gwüssi Lüüt devo ab ine z cho, nöd mich, usezcho.

    No 2 Wuche. Scho isi.
    #35Verfasser Snowflake (260254) 19 Jul. 10, 21:49
    Kommentar
    Und dann? Weisch D'scho, was De dann machsch?
    Wiedr dort nâ, wo De dia letscht Zeit vrbrâcht hâsch odr gâhsch wieder schdudiera?

    #36Verfasser neutrino (17998) 19 Jul. 10, 21:52
    Kommentar
    Ich gang nochli nach Fr und den go studiere, Studium fangt ersch im Herbscht wieder ah, also nimmi nochli Ziit zum in Fr abschlüüse.

    (PS: han dir es priät messitsch gschribe)
    #37Verfasser Snowflake (260254) 19 Jul. 10, 21:54
    Kommentar
    I Dir au.
    #38Verfasser neutrino (17998) 19 Jul. 10, 21:58
    Kommentar
    Ond jetz wensch i a guade Naacht.
    #39Verfasser neutrino (17998) 19 Jul. 10, 22:10
    Kommentar
    Un etz???? Wia wars mitem Esdedruile?

    Manni, du un i, mir gen amôl zamme em See bade. Des vrschrichidr. :-)
    #40Verfasser Moi Gab (456541) 20 Jul. 10, 22:04
    Kommentar
    Un etz???? Wia wars mitem Esdedruile?

    Manni, du un i, mir gen amôl zamme em See bade. Des vrschrichidr. :-)

    Isch dô womeglich no a Schdiggle um d Wäag?
    #41Verfasser Moi Gab (456541) 20 Jul. 10, 22:05
    Kommentar
    Noi, bloß a Blauhemmele.
    Schee wars. Dischkriert hamr bis noch Mitternacht.
    #42Verfasser bluesky (236159) 21 Jul. 10, 00:19
    Kommentar
    Des isch doch allad mea endressand, dass dLeit so zimle andrschd aussäeched, wie ma se des voergschdelld had.
    Abr em Karackdar endred se id viel. Do kriegdba durch dKommeneckaziô im Dschädd doch scho an räechd an guede Eidruck.
    #43Verfasser manni3 (305129) 21 Jul. 10, 12:52
    Kommentar
    Genau, on i han feschtgschdellt, dass i mir eigentlich gar koi obdischs Bild vo dene Leit mach, dia wo i net kenn. Also gibs dô bei mir au koi so Ieberraschong.
    Drotzdem isch des nadierlich sehr schö, dass i jetz zo so manchem Nick au a Xicht woiß, außer em ßDdruile au no zom arizonadö on zor atalante, on zom Ameisle seim Dengs. Desch amôl a nedder Denger, der Dengs!
    #44Verfasser Goldammer (428405) 21 Jul. 10, 17:25
    Kommentar
    Desch amôl a nedder Denger, der Dengs!

    Das kann ich uneingeschränkt unterschreiben.
    #45Verfasser penguin (236245) 21 Jul. 10, 17:31
    Kommentar
    I wersm sa, wannr glei kommt :-) Ond ondrschreiba duane des nadierle o - ohne Wenn ond Abr!

    Noi, ehrle - des isch an ganz an neddr Aubnd gwea, bis auf dia Dadsach, daß mol mear zweng Zeit gwea isch, om mid älle ausfiarle gnua z'ratscha.
    #46Verfasser Selima (107) 21 Jul. 10, 17:41
    Kommentar
    Maisle, mei Abbardmend isch oifach zkloi, dass i ui zwai zom Ibrnachde eilade kudd :-((
    Hofbfischdarsonnebloemebrod zom Frieschdicke hedd i allardengs gnue dahoi :-))

    OT - Bengewinle, wo kensch jiz du dean häe?
    #47Verfasser manni3 (305129) 21 Jul. 10, 18:10
    Kommentar
    von nebenan ....
    #48Verfasser penguin (236245) 21 Jul. 10, 18:41
    Kommentar
    Aha, na wars asso schee. Freitme fr eich :-)

    I bin wias Vegale, i machmr a koine Vorschdellunga vo de Leit un bin nia endeischdt!

    Hennr des Dräffa im CC ausgmacht ghett? Des honne nadierle idda xsäa. Abr id welle faul bin, bloß welle id meh ass unsr Schnierle peil. Bin halt alt.

    @42: A blaus Himmele mitta in da Nachd? Hette des gwisst, wäre lenger dô blieba!

    Winsch eich no an scheena Ôbnd, ihr lefd un raid sait pondrs!

    :-)
    #49Verfasser Moi Gab (456541) 21 Jul. 10, 20:26
    Kommentar
    Gäbele, em Menknar Schdammdischfade hammrs ausgmached kedd.
    Uff dean vrlenk i allad im Franzosekwasslzemmr.
    #50Verfasser manni3 (305129) 21 Jul. 10, 20:34
    Kommentar
    Ihr kenndet eich jo au amôl am See dreffa, odr in da Firschdaschdatt, odr aufem Fäldberg odr so.....
    #51Verfasser Moi Gab (456541) 21 Jul. 10, 20:38
    Kommentar
    Fier an Menknar Schdammdisch wär des doch a bissle komesch, odr? Ond wievil do woll komme däded? S DuSenzle woll ibrhaubz nemma, ond am Maisle ihr Dengs ;-)
    Onz Hemele ond i däded do oo id nâradle welle - ma wuußt ja nie, obs id hendr Oi zom reange komme kudd ;-((

    #52Verfasser manni3 (305129) 21 Jul. 10, 20:47
    Kommentar
    Ha wemmer ons em Herbscht irgndwann widder schwôbamäßich dreffat, on desmôl mitm ZIGGERLE drbei, dô miaß mr schao an Flegga fenda mô älle komma kennat. Velleicht miaßet dr manni on es hemele nôch halt môl ihr Rädle drhoimt lassa on mit Effndliche komma...
    #53Verfasser Goldammer (428405) 21 Jul. 10, 22:50
    Kommentar
    Also wenns brackdesch fiers Zickarle sei sodd, mießz mea in däer Gegnd wie beim ledschde Mol sei. Do dädebr no sogar mea sRad dahoi lao, gell, Hemele?
    #54Verfasser manni3 (305129) 21 Jul. 10, 23:03
    Kommentar
    Genau. Dô nemr mea mei rods Audole.
    #55Verfasser bluesky (236159) 21 Jul. 10, 23:20
    Kommentar
    Jiez haoni grad im Schdammdischfade em Hemele uff Schwäbesch gandwoeded *hihi*

    Aber ich konnte es nun doch noch rechtzeitig ins Standardhochdeutsche übertragen!
    #56Verfasser manni3 (305129) 22 Jul. 10, 00:07
    Kommentar
    Manne, woisch, dau brauchschdr koi Gedanga macha. Os schlofat am liabschda en osre oigne Bettr. Dia Zeida, wo's wurscht war, wo mr se naschdraggt, dia send bei os o vrbei. Abr a Hofbfischdrsonnabluamabrotfriaschdick däd os nadierle scho glischda.

    Auf Obrdorf däd mr scho mim Zug nakomma. Ond auf Kaufbeira o, fallz des frs Ziggrle gneach gua isch. Auf Fissa got's Kenig-Lugge-Bähle scho o, abr dau meamr ned obedingt na, odr? Mid deane ganze Durischda. Mr kotn abr au ganz egschdrig sei ond zwischa Obrdorf ond Kaufbeira en Bisahofa ausschdeiga. Do isch vo ui gwieß no kois gwea (außrm Manne nadierle).

    Haind mache an dinschdlicha Grangabsuach.
    #57Verfasser Selima (107) 22 Jul. 10, 07:16
    Kommentar
    Abbrobboo: Isch die Ald Boschd zBießehofe aingdle allad no a Wiedschafd mid so ar bsondrs guede Kuche?

    Do fellbr no die Gschichd vo meim Schuelfreind vo Bießehofe ei, wiemr eis bei am nuije Lerar hand voerschdelle solle on äer uff die Frog, wo sei Vaddr schaffed, xed had: in dr AAA. Dr Lerar had zeschd gmoid, äe wellen vrarsche. Abr no haze rausgschdelle, dass des dAllgaiar Albemilch AGee gwe isch, die wo dBäeremarke gmached had.
    #58Verfasser manni3 (305129) 22 Jul. 10, 08:50
    Kommentar
    Des woiße ned, manne. Os semmr mol am Ortseigang en dera Wirtschaft andr Schdross ghoggat auf a Radlr. Abr sooscht isch os des z'weit zom amol schnell ebbs essa gau. Ausbrobiera kotmrs ja amol.
    #59Verfasser Selima (107) 22 Jul. 10, 08:59
    Kommentar
    Hemmr net amâl au äbbes vo ma Dreffa en dr Schdadt mit dem hechschda Kirchdurm gsagt?
    #60Verfasser neutrino (17998) 22 Jul. 10, 09:18
    Kommentar
    Schdemmt. Hätte au nix drgega. Wiane ledschdns vom Bahof aus dean heggschda Kirchdura agugat han, haunemr dengt, daßne dau au mol mear na mechda däd.
    #61Verfasser Selima (107) 22 Jul. 10, 09:20
    Kommentar
    Also wenns brackdesch fiers Zickarle sei sodd, mießz mea in däer Gegnd wie beim ledschde Mol sei. Do dädebr no sogar mea sRad dahoi lao, gell, Hemele?

    Also fier mi gild, dass i iebrall hiefahr damid i uib all amol kennalern; des "wo" isch ganz wurschd; bloß des "wann" mueß schdimme, ond da bi i alda Schdressnudl a bizzle komblezierd, des isch mr scho klar...

    Ond weagam Radl: Des däd i mir mal ganz schea vorschdella, dass dier all amol (es mueß ja id glei snekschd Mol sei) zu mier ens Allgei kommts ond mir mached a gmiedliche Radduur, wo i uib die wondrscheane Gegnd voer meinr Hausdier zeiga ka (gell, manni ond Ameisle, des isch schea en meim Eck vo dr Weld?), ond nacha däd mr no wo eikäere. Oin odr zwoi Radl hedd mr oo zom Vrleihe, des sodd koi Hendrnis sei...

    *naussaus ond indSchuel renn*

    #62Verfasser candice (447114) 22 Jul. 10, 09:33
    Kommentar
    *hrrrgtzk* hasch du allad brässand!
    Schdell amol dein Derminkalendar do ei, dass brdr a baar Vrbflichdonga rausschdreiche kenned!!
    #63Verfasser manni3 (305129) 22 Jul. 10, 09:51
    Kommentar
    Dô kommt no eigentle bloß dia Zeit vom 30. Auguscht bis zum 6./7. September in Frage. Weil vorher isch se in dem Amerika ond nochher gangen schô mea d'Vorbereitunge fir d'Schul los.
    #64Verfasser bluesky (236159) 22 Jul. 10, 12:24
    Kommentar
    I denk, was au no in Frôg kem wär a Wochaend-Dag em Friahherbscht, nôch-m Sommer on vor-m Weihnachtsschdress.
    #65Verfasser Goldammer (428405) 22 Jul. 10, 13:01
    Kommentar
    Bin eivrschdande mitam Vegale - an Wochaenddag.

    Bin eivrschdande mitam Schdiggle - dia Schdadt mit dem hegschda Turm - do kennte au mit da schwäbscha Eisabahna nafahre.

    Abr wenn's Zuggerle ziggt, no dreffamr uns halt beim Zuggerle ihrem Kiahlschrank :-)

    Bitte, dräffat eich idda ohne mei Wenigkeit. Sonsch binne gar arg draurig un heng da Lädsch so nab, dannen nimme naufgriag.
    #66Verfasser Moi Gab (456541) 22 Jul. 10, 14:38
    Kommentar
    Am beschde wäez woll sei, mier flieged allmiddand uff des Amäerecka nom. No dräeffebr eis glei mibbm Eimimimile oo no, am beschde in deam oine Mäckdohnelz zloss Endscheless linx näebe dr Kieche namedax om viedlibr drui:-))

    dÄdidd sed, dass one Gäbele fei gar nix god! Des isch gwieß!!
    #67Verfasser manni3 (305129) 22 Jul. 10, 14:40
    Kommentar
    Desch a Furzidee, manni. ;-)

    I dät au fir Ulm blädiera.
    Des griaga mr schao nã!
    Es Ziggerle hôt jô schau xait, dass es au a Schdiggle fahra dät.
    (On 's Schdiggle dät au a Schdiggle fahra, odret?)

    #68Verfasser Goldammer (428405) 22 Jul. 10, 14:44
    Kommentar
    Ob Ulm odr Nei-Ulm , sEimimimimle isch id weid drvo! No hald zom Ockdobrfeschd! Mier solls räechd sei :-))
    #69Verfasser manni3 (305129) 22 Jul. 10, 16:26
    Kommentar
    Mi kennadr glei schdreicha. I be bis Anfangs Nofembr indischbonabl.
    #70Verfasser Selima (107) 22 Jul. 10, 16:33
    Kommentar
    Mi kennadr glei schdreicha. I be bis Anfangs Nofembr indischbonabl.

    Wie wäers nachad zwischam erschde ond fembfde Nofembr? Bisch da scho mea dischbonabl? I fends id schläechd; da hoa i nemmli Allrhailigaferia, ond i welld di scho gäeara oo kennalerna...
    #71Verfasser candice (447114) 22 Jul. 10, 16:43
    Kommentar
    Des gotmr ja ned andrsch :-)

    Desch abr halt no a wengale näblig ... I be bis zum oisadreissigschda Ogdobr em Ausland ond hau glei en dera Wuch drauf meine erschde Vraaschdaldonga, vo deane i abr erscht, wanne redur be, woiß, wannze schdaddfendat. Schbrich - i ka ersch en derra Wuch wirgle sa, obne ka odr id (amol ganz drvo abgseacha, daßne ned gwieß sa ka, obne nach soooo vill Ausland glei mear omanand reisa ka ond mechd). Des werd frde moischte vo uib z'kuurzfrischde sei. Inzofern wurs bessr, ui dädn an Dermii ausmacha ond i gugg halt nocht, obne dau ond endr Vrfassong zom komma be odr id. Loidr kane niggs Gwissrs sa em Moment.
    #72Verfasser Selima (107) 22 Jul. 10, 16:54
    Kommentar
    Ädd kuurzfrischdeg: Ond wie wärs ibrmoere? Glei nochm Eikofe om halb zwai!
    #73Verfasser manni3 (305129) 22 Jul. 10, 17:10
    Kommentar
    Furzidee! Sagt man das tatsächlich? Furzidee = Schnapsidee?
    #74Verfasser Amy-MiMi (236989) 22 Jul. 10, 17:23
    Kommentar
    Manne, daß Du a Schbondi bischd, des wißmr ja enzwischa älle ;-)

    Eimimimimimimille, i globb scho. Bei os sätmr des zwar ned, abr 's isch scheinz so em Goldämmrle seim Gai.
    #75Verfasser Selima (107) 22 Jul. 10, 17:35
    Kommentar
    Amy, ja. Und es gibt auch den "Furz em Hirn". Aus dem entwickelt sich dann manchmal halt auch eine Furzidee ...

    Ond dene Piepel en New Ulm muaß mr amâl a bissle Geographie beibrenge:

    The name, New Ulm, was selected because many of the original settlers were from the Province of Wurttemberg, Germany, of which Ulm is the principal city.

    Erschdens waret dia selligs Mâl net aus ra "Profinz" Wirddaberg, sondern aus ma weridable Keenigreich Wirddaberg. Ond dass zwoidens Ulm dia principal city vo Wirddaberg isch oddr war, isch mr au nei.

    Ond en dr erschda Nofembrwoch kâ i bloß vielleicht. Vielleicht semmr dâ abbr au en Fronggraisch. Abbr mr wird sowieso ned alle ondr oin Huat griaga.
    #76Verfasser neutrino (17998) 22 Jul. 10, 17:35
    Kommentar
    #77Verfasser Selima (107) 22 Jul. 10, 17:41
    Kommentar
    Na, lieber in Neu Ulm, Minnesota als Neu Ulm, Texas.

    id weid drvo? Immerhin sind es über 800 km, aber wenn ihr alle in die USA fliegt, könnte ich das noch schaffen.
    #78Verfasser Amy-MiMi (236989) 22 Jul. 10, 17:49
    Kommentar












    #79Verfasser manni3 (305129) 22 Jul. 10, 17:52
    Kommentar









    Wex uirem Rod: Wenigr isch mäer! haoni jiez zwaimol faschd garnix gschriebe.
    #80Verfasser manni3 (305129) 22 Jul. 10, 17:52
    Kommentar
    Muane des vrschdau odr isch des an Insaidr?
    #81Verfasser Selima (107) 22 Jul. 10, 17:58
    Kommentar
    Noi, i glaub, des gaht meahnr nach dem Moddo: Häddsch Dei Gosch g'halda, nau hätt De au dr Bosch b'halda.

    Iebrigens isch Ulm a ganz guata Idee (i glaub, i wiedrhol me). Ônd a Baierntigget langt sogar no bis iebr d' Grenze.
    #82Verfasser twocents (460778) 22 Jul. 10, 18:10
    Kommentar
    Ja, as Faschdafömpfrle!!! Desch ja nedd, daß au mal mear reiguggsch. Desch an neddr Schbruuch, der mim Bosch. Dean git's bei os ned. Wear isch'n dr Bosch bei ui? Der midde Haushaltsgrät z Geanga?
    #83Verfasser Selima (107) 22 Jul. 10, 18:13
    Kommentar
    Noe, der mit de Zendkerza z' Schduagert.
    Mei Großvadder hôt den Schbruch au gwisst, der isch aus de Zwanzger Jôhr (der Schbruch; mei Großvadder isch Jôhrgang achzehondertneinaneizg gwä). A Variande isch gwä:
    "Halt dei Gosch, i schaff beim Bosch!"

    @Eimimimile:
    Jô, bei ons rom secht mr Furzidee analog zom hochdeitscha Schnapsidee, on der Zusammahang mitm "Furz em Hirn" isch glar.
    #84Verfasser Goldammer (428405) 22 Jul. 10, 18:29
    Kommentar
    A Schdiggle dät e fahra. Ond sogar an oim Schdigg, net bloß schdigglesweis.
    #85Verfasser neutrino (17998) 22 Jul. 10, 21:09
    Kommentar
    D' Kekslesvrkriemlere hôt sich dieba em CC fir des Kärtle aus Mincha bedankt - aber dôhanna guggt se nemme rei!

    edit am dreiazwanzigschda om dreiviertlelfe
    *es Schnierle vo dr Seide zwoi rett*

    Wo sen se denn älle? Mitm Reaga da Gulli nagschbialt?

    edit zwoi
    Grad merk-e-'s: Mit dr Edith ka mr 's Schnierle et lupfa, also mua-n-e a ganz nuis Käschdle schreiba...

    also

    #86Verfasser Goldammer (428405) 22 Jul. 10, 21:50
    Kommentar
    *es Schnierle onder Ver(sch)wendong eines vellich neien Käschdles nuflupf*

    #87Verfasser Goldammer (428405) 23 Jul. 10, 22:53
    Kommentar
    s'Schierle pack un mitama Ruck naufziah

    s'Vegale knutsch
    #88Verfasser Moi Gab (456541) 24 Jul. 10, 09:28
    Kommentar
    Noi, id furtgschwabbt. Des wär am Doschde faschd bassiert. Dau hot's an Schdargreaga ghett, daß os ds Wasser em Schduurzbach enda Kellr gloffa isch ond os da ganza Aubnd 's Wassr mear rausgschöpft hond.

    Heind reagnts zifil.
    #89Verfasser Selima (107) 24 Jul. 10, 11:35
    Kommentar
    Bei ons hât's jetz GsD uffghert. Bei Eich wird's no a Weile dua, wenn i den Rägaradar so âgugg.

    Griaß Gott erschdmâl.
    #90Verfasser neutrino (17998) 24 Jul. 10, 11:40
    Kommentar
    Griaßde Schdiggle. Wia goht's Drn?

    Bei os isch's grad em Moment au drugga vo oba.
    #91Verfasser Selima (107) 24 Jul. 10, 11:42
    Kommentar
    Mir gâht's guat, i hoff Eich au.

    's neidrinito isch heit vo London wiedrkomma. A bissle miad nâch ra Nachtfahrt mit em Bus ond ra Woch mit wahrscheintz au net so viel Schlâf.

    I muaß jetz äbbes erlediga. I wensch dr no en scheena Dag. Ade.
    #92Verfasser neutrino (17998) 24 Jul. 10, 11:49
    Kommentar
    So isch's reacht. Sends midr Schual doba gwea? Machad dia d'Glassafahrt iatz scho so friah?

    Os goht's au guad. I fiahl me a wengale drschlaga ond des, obwohl'ne heind naacht fascht 12 Schdond gschlofa hau. Velleicht abr au grad drom. Wear woiß.

    Sagsch am Co-Schdiggle au mol an Gruaß.
    #93Verfasser Selima (107) 24 Jul. 10, 11:54
    Kommentar
    Der Räga wo beim Schdiggle vorher grad ufghert hôt, rauscht ietz grad bei ons ra.
    Solang wart-e no mitm Eikaufa - sonsch ben-e schao komblett nass, bis-e bloß es Leerguat em Kofferraum han. Jetz ischs voll egal, eigntlich gang e jô gern friah zom Eikaufa.

    Abber heit Vormeddag, wo-n-e grad han ufbrecha wella, hôt dui Nôchbere ãgruafa bei dera wo sich onser Kader Leo seit zwoi Jôhr eigwardiert hôt - er häb a Loch em Ohr, wo-n-en ebber neibissa han muaß letzschde Nacht. Nô ben-e halt zom Dierarzt mibm - so weit gôht nemlich dui Adobzjoh nôch doch et - on han siebzg Eiro det glao....

    *em Ameisle wenk*
    Jô, es kenn i au dass mr grad nôch ma langa Schlôf fascht kabudder isch wia vorher.
    #94Verfasser Goldammer (428405) 24 Jul. 10, 12:11
    Kommentar
    Wieso bisch jiez du middeam Bole zom Dockdr? Fier an räechda Bole käeze doch a Loch im Oere, des isch deane ier Bierßing!
    Oo fierd Kadza gild däe Schbruch vom Niedsche: Wasn id ombrengd, machdn schderkr!

    Bei eis reangez oo no allad - Beglweddr :-)
    #95Verfasser manni3 (305129) 24 Jul. 10, 12:34
    Kommentar
    ;-) I hau au grad 's Biegleisa ausgschalt.
    #96Verfasser Selima (107) 24 Jul. 10, 12:41
    Kommentar
    I han enzwischa au scho denkt, dass e zomindescht dui saudeiere Antibiotikasalb, dia wo mir die Dierärzde no ufgschwätzt hôt, et õbedengt braucht hett. Er hôt jô schao a Schbritz griagt ghett. Aber ãgugga lassa han-e-n scho wella, weil mr et so gnau xea hôt, ob's Ohr enna au no vrletzt isch. A Wurmkur hôt-r au glei no griagt, weil-er a wengale dent gwä isch, bloß vierahalb Killo.
    #97Verfasser Goldammer (428405) 24 Jul. 10, 13:58
    Kommentar
    Vierahalb Kilo isch abr äechd wenig fier an gscheida Katzabolla!

    Es herd ond herd id auf zom Schidda, ond des wos Candifehl heid Geburdsdag hod...
    #98Verfasser candice (447114) 24 Jul. 10, 15:18
    Kommentar
    Bis dr Geburzdag voll rom isch, herd's wahrscheinz au voll uf mit reanga - wemmer dr Regaradar so ãguggt...

    An Herzlicha Glickwonsch am Candimädle!
    Hôsch da Schdall voll gaggernde Tihnies?
    #99Verfasser Goldammer (428405) 24 Jul. 10, 16:09
    Kommentar
    Glickwensch oo vo mier ans Zickarleszickarle.

    Schwädzd die Budlwar allgaiarisch oder noch dr Schrift?

    Wenns so schidd, kasch die ja gar id in de Voergarde schicke zuer Ondrhaldong vo dr Nochbeire. Die wäeze ganz ibrgange voerkomme!
    #100Verfasser manni3 (305129) 24 Jul. 10, 16:19
    Kommentar
    Es send bloß drui - abr die send schlimm gnue fier mein Gschmack! Sei hamm scho bi eis gnächdigd, ond ummra elfe, i wolld grad ins Bedd gao, häer i auf oimal wie die Kaffeemaschinn zom romple ond mahle afengd. Na hamms gmoind, sie bräuchdn ietz an Kaffee *augaroll* I hab em Candifehl na erschd amol dran erinnre miesse, dass erschd vierzea ond no koine achzea wird...
    Ond feira dueds en Edabba. Geschdern ond heid middeane drui, ond am Dienschdag nomml middara Freindin zamme, die oo Geburzdag had, a greßers Feschd. Abr Godd sei Dank id bei eis! :-)))))))
    Des wird dann im Bullerbü vom Oschdallgai gfeiert, em St Alban bei Görwangs:
    http://static.panoramio.com/photos/original/2...
    Ond des isch dr Babba vo deara Freundin:
    http://www.google.de/imgres?imgurl=http://www...

    *eddid* I werdrer die Glickwensch ausrichde. Dank schea. :-)

    *eddid zwoi* Die wäeze ganz ibrgange voerkomme! *ggg*
    #101Verfasser candice (447114) 24 Jul. 10, 16:27
    Kommentar
    Vo miar o de beschte Geburtzdägswinsch ans Kandifeahl.

    Bei os isch heind Helfrfescht fr dia wo beim Mussigfescht midgholfa hond. Isch ja glar, daß dann genauaso reagnt wia beim Mussigfescht o ;-) Abr des duad os nix. Miar feirat ja enara Halle ond wannd d'Leid ned send - isch des wurscht, wannz dussa reagnt.

    Soooo ond iatz weard Wäsch aufghängt.

    Pfiadsui!
    #102Verfasser Selima (107) 24 Jul. 10, 16:39
    Kommentar
    Offdobbick: "s Kandifeahl" - okeh, i hald mi zruck ;-)
    #103Verfasser manni3 (305129) 24 Jul. 10, 18:00
    Kommentar
    "s Kandifeahl" - okeh, i hald mi zruck ;-)

    ???
    #104Verfasser candice (447114) 24 Jul. 10, 18:02
    Kommentar
    'Feahl' isch in meim Schwäbesch idd zrichdeg Woerd, des isch ebbs andrs ;-(
    Abr vileicht beim Maisle. Die isch ja vom Ondrland rauf!
    #105Verfasser manni3 (305129) 24 Jul. 10, 18:12
    Kommentar
    Guada Morga mittnand!

    D'Edith moint, dass en Haufa Schlâfmitza gibt .. :-)
    #106Verfasser neutrino (17998) 25 Jul. 10, 08:53
    Kommentar
    Garid wohr! I be scho seid omara simmne auf. Abr wer-i am Sonndig dau au scho anda Kombudr nahogga??? Dau git's bessrs :-)

    Edit:
    Manne, fr mi isch des ja a Fremdwort, desne so wiedrgib, wianes vo meira Omgebong vrschdand ond dia sagat des mitam -a-Abklang nauchm -e-. Du moisch wartscheintz Feahl für Fehler/Fleck odr? Alzo nochd werre en Zukompft dia Fremdwerdr meida ond widdr zua meim heimischa Mädle zruckkehra.

    Ziggrle: nocht meine beschte Glickwinsch am Ziggrelsmädle :-)
    #107Verfasser Selima (107) 25 Jul. 10, 09:44
    Kommentar
    Garid wohr! I be scho seid omara simmne auf. Abr wäer-i am Sonndag do oo scho anda Kombjudar nahocka??? Dau geiz bessrs :-)
    (Vrgäeldrsgodd, des Ziddad, Maisle :-))

    I far jiez an dIsar sHoechwassr aluege :-)

    Fier mi isch sFeal / sFäel a kloine Wonde odr a Haudabschirfong:
    "Mei Fäel am Knie aidred a bissle!" Ond wenn s hailed, geiz a Rufe. (Weil: de Grind hand mier uffm Hals!!)

    Ond dSchweschdr vom Bue isch dFehl / dFeel. Do isch bei mier koi Diffdong id dinna:
    "De jonge Ross ond de jonge Fehla wäebba woll no nochluege däffe!" haddr Hafemair xed, wienen sei Alde an gembresche Sieche kaiße had.
    #108Verfasser manni3 (305129) 25 Jul. 10, 09:57
    Kommentar
    Omme simmenne hao i d'erscht Waschmaschee âgmacht, dann d'Gschirrspialmaschee aus- ond eigraimt, Gläser vo Hand gschpialt, drzwischa nei dr Friehschdiggsdisch deggt ond Wesch uffghengt ond a zwoite ond dritte Maschee âgschmissa ...

    Drzwischa nei darf mr dâ au an de Kombjudr, zmâl wenn no alle andre en dem Haus schlâfa ...
    #109Verfasser neutrino (17998) 25 Jul. 10, 10:31
    Kommentar
    Ja mei, Schdiggle, du deffsch ällz - zwengs meiner hättsch mei Wäsch au no glei abnemma deffa ond des huranixige Kärle rausscherra, des wo so huramendig neibrennt isch;-)

    Manne, hosch des gleasa, was des gloine Schdiggle anam hailiga Sonndig en allr Herrgottsfriah scho duad? Des muaß an brodestantischs Schdiggle sei, des no ned amol am Sonndig da Herrgott an guada Ma sei lassa ond gscheid faulenza ka ;-)
    #110Verfasser Selima (107) 25 Jul. 10, 10:48
    Kommentar
    Nadierlich ben i guat ludderisch! Allerdings net schwäbisch-pietistisch. I lach jâ au net bloß em Keller.

    Bei ons in der Näh isch jâ Korntal, dia Hoimat vo ganz schbezielle piedisdische proddesdandische Fundamentalischda. Des sen dia, die wo ned anmâl en ihrem Keller lachet. I glaub, fir die isch dr Pabscht dr personifizierte Antichrist.
    #111Verfasser neutrino (17998) 25 Jul. 10, 12:11
    Kommentar
    Daß dia iebrhauptz an Kellr hond! Wall dia Egsischdenz vonam Kellr kot ja drzua fiahra, daß an ned ganz so feschda Biedischt vo am Ludderischa velleicht vrloidat weard, en da Kellr zom gau, ond daß hernocht dear Ludderische dean Biedischt irgndzwia drzua griagt, daßnr Lacha muaß (velleicht ballrn kiitzlt). Drom - sottn aufrechte Biedischda mal vorsichtshalbr koin Kellr id hau.
    #112Verfasser Selima (107) 25 Jul. 10, 12:26
    Kommentar
    I werd Dein Vorschlag amâl noch Korntal weidrleita. Mâl gugga, was dia drzua moinet.

    Ond wenn Die des net guat fendet, nâ vrsuache mr's en Bad Liebenzell ...

    Weil, mr muaß jâ denne Vrsuchunga friehzeidig entgega dräta.
    #113Verfasser neutrino (17998) 25 Jul. 10, 12:42
    Kommentar
    Isch Bad Liebenzell no schlimmr alzwia Korndaal?

    Koin Kellr zom hau hot no an Vordeil - beima Schdarkreaga ka oim dr Kellr ned voolloffa. Hätte au ned dengt, daß os des amol bassiert.
    #114Verfasser Selima (107) 25 Jul. 10, 12:45
    Kommentar
    I woiß net, ob die sich was schenket.

    Bei ons em Dorf hât's welche gäbe, dia send net bei ons kompfirmiert worra, sondern denne ihre Eldra hend se oimâl en dr Woch nâch Liabazell zur "liebenzeller Mission" karrt (iebr dreißig Kilomedr iebr Landschdrâßa) zom Kompfirmandaonderricht.

    Des oina Mädle, des wo bei mir en dr Grondschual gwäsa isch, hât bein ons Jugendliche am Dorf deswäge au bloß "die heilige XY" ghoißa. Die Kendr hend au ger nix derfa. Prompt isch ois vo denne Mädla mit grad achtzeh schwanger gwää. Des war a Drama: a âehelichs Kend!

    Selbscht dr Onggl vo denne Mädla hât iebr sein Brudr bloß dr Kopf gschiddelt, wie der des hât alles zulassa kenna, was sei Frau en derra Richdong "vrbrocha" hât. Mir hend se halt au ausglacht, wie Jugendliche halt so sen (emmr brave Reggle bis weit iebr d'Knui na hend se âghett ond em Wendr Wollschdrompfhosa ... bloß koine Dschiens odr so Sach). Des isch mir erscht schbädr klar worra, dass des eigendlich ganz arme Dengr gwää sen.
    #115Verfasser neutrino (17998) 25 Jul. 10, 12:54
    Kommentar
    Ja, des send arme Kendr. Dia kennad ja nix fr ihra Öldra ond hond wartscheintz an schlemma Kambf, wannsese lesa mechtn.

    Bei os hot's a bigotta katholischa Famillje gea, wo d'Muadr Mesmere war ond ihrane Mädla wia Nonna ghalda hot. Dr Vaadr hot nix zom sa ghett. D'Dochdr war nocht au mid siebze schwangr vom greaschda Kasanova ond Hondling endr Schual, dean ebba grad des greizt hot, daß'r dees Mädle ned so leicht hot romgriaga kenna. Tja, ond hernocht honds älle bleed ausdr Wäsch guggt: dia bigotta Muadr zwengsdr 'Schand', dr Kerle, balls erschdamol aus war mim flodda Leaba onds Mädle eh. I woiß abr ned, ob dia Muadr ebbr vrschdau hot, daß sia en allrerschdr Linie an dera Misere schuld war, ganz drvo abgseacha, daß a Keed oigndle koi Misere id isch, wammrs ned drzua macht. Sottane Leid däde fotza mechta.
    #116Verfasser Selima (107) 25 Jul. 10, 13:04
    Kommentar
    Hochindressante Gschbräch fiehrad ihr dô. Des muesse amôl in Ruah nôchläasa.

    Guggetamôl dô: http://video.regio-tv.de/video_id_=19487

    Wenne im Loddo gwinn, no "fahremr" alle zamma mit meim Bruadr seim Bua ibr da See ins Allgei.

    Bin leidr glei wiedr wägg :-)

    An scheena Dag!
    #117Verfasser Moi Gab (456541) 25 Jul. 10, 14:21
    Kommentar
    I be em Lauf dr Zeit drzua komma, die Piedischda net älle ieber oin Kamm zom Schera on pauschal zom vrurdeila. Ihr kennat mi jô mittlerweil ond wisset, dass i ganz gwieß et en di Eck gher, aber en meim Hoimatdorf hôts an Haufa Piedischda ghett, dia wohl eher der Korndaler Richdong ãghert hent als de Liebazeller (dia sen glaub i ganz bsonders hondertfufzgbrozendich fremmlerisch on eng). On dia Altpiedischda, han i glernt, derf mr wirglich net uf a Engschdirnichkeit reduziera. Dô geits Leit drbei, dia wo mir au irgndwia an Reschbekt abnedichat mit ihrer Art, au wenn's mei Art gwieß net isch.

    A Anekdot, wo mr sich vo de Korndaler vrzehlt:
    Frieher hent di Korndaler Baura, wenn se ufs Feld ganga send, on 's isch wärmer worda, so dass se dr Kiddl radoa hent, den Kiddl nô uf jeden Fall an dr eschtliche Rand vom Agger nãglegt. Irgndwo en dr Bibl schdôht wohl, dass bei dr Wiederkompft des Herrn der vo Oschda kommt, on mr sott em jô nôch entgega ganga. Also, damit mr bei so ma wichdicha Ereignis - dessen mir jô emmer gewärdich sei sollet - koi Zeit vrliert, hôt mr da Kiddl glei am richdicha Rand vom Agger nãglegt.

    Des kã mr jetz nadierlich dodal lächerlich fenda, aber i lach dô et driebert. Desch fir mi a Beischbiel, wia mr dr Glauba, den wo mr halt môl hôt, ganz schwäbisch-bragdisch em Alldag omsetzt.
    #118Verfasser Goldammer (428405) 25 Jul. 10, 15:31
    Kommentar
    Goldammer, von mir aus soll a jeds nâch seinra Fasson seelig werra. I hao bloß äbbes drgega, wenn andre drondr leida miasset, wie en meim und dr Selima ihrem Beischbiel die Mädla. Ond i kâ's au net leida, wenn mir irgendäbbr vrzehlt, dass mei Lebensart, die wo jâ em Wesendlicha ganz normal ond durchschniddlich isch, voller Sinde sei ond i deswäga amâl em Fegefeier schmora werr. Wenn äbber sei Intoleranz läba will, nâ soll er des, abbr mi bittschee drmit vrschona. Mir gâht halt des Intolerante, des wo bei solche Grubbieronga halt doch a bissle weidr vrbreitet isch als sonscht, zmindescht als en meim normale Umfeld, tierisch uff dr Keks.

    Nadierlich gibt's bei dene, wie en fascht jedra Grubbierong, au meh ond wenigr fundamentalischdisch Eigschdellde.

    Wia hoißt's so schee: 's geit Sotte ond Sotte, abbr vo de Sotte geit's halt meeh.

    #119Verfasser neutrino (17998) 25 Jul. 10, 16:31
    Kommentar
    Abbrobboo Fegefeier: Wie dr sell Athejischd gschdorbe isch, isch a naddierle in dHell komme, abr do hazm gued gfalle: Agneame dreiezwanzg Grad ond a scheane Landschaft - a Mischong vo Neckrtal ond Allgai, a guez Esse haz gea ond an guede Wei, ond die andre Weibr ond Kerle send all rechd agneam gwe ond a rechd a guede Schdimmong hanze da kett.
    Zmol hadd eisr Athejischd uff dr andre Seite vom Bach a Gschrai ond a arx Jaomre keard ond a had an Haufe Leid xeache, die wo im Fuir gschdande send, ond dDeifl hanz zwickd ond gschlage ond räechd bloged mid Schlanga ond Schkorbijon ond Zanga ond so am Zuig.
    No hadd eisr Athejischd an Deifl gfroged, was no des bedeide soll. No hadda xed: Des send bloß dKrischde, die erwarded so ebbs ond mier wend die ja id enddeische!

    Ond die Moral vo däer Gschicht: Sogar in dr Hell ka a jez noch seinr Fassoo selig wäere!
    #120Verfasser manni3 (305129) 25 Jul. 10, 17:26
    Kommentar
    I hen au nachm Hochwasser von dr Isar glueget. Eigentle wollt i ja den neia Radweg nach Pasing ausprobiera, wia se in dr Zeitong gschrieba hent, der isch aber no lang net fertig ond grad bloß 350 m lang.
    #121Verfasser bluesky (236159) 25 Jul. 10, 19:20
    Kommentar
    Manne, dean hosch vom ion ;-))

    Zua de Biedischda kane weng sa, ballne koin oinziga reacht kenn. Abr Ignoranz ond Indoleranz nerft me äbbl, ob se dia iatz katholesch odr brodeschdandesch odr adheischdisch hoißt.

    Ond i hon heind zerschtmol en meim Leaba an Schdrauß gessa - iatz woiße, daßne des ned obedingt brauch. A Schdeig vo ma gscheid ernährda schwäbischa Homml isch äbbl no bessr.
    #122Verfasser Selima (107) 25 Jul. 10, 19:28
    Kommentar
    I glaub dui Dischkussjoh hôt dôhenna et vill Wert.
    I be gwieß au tolerand on mir gôht 's Messer em Sack uf, wenn-e dia Gschichtla vo eich her, wia Leit ens Õglick kommet durch engschdirniche on bigodde Fremmichkeit.

    On wenn se ãfangat, mi z' missjoniera on mir zom saga, wie sindich i sei on sie wißdat, was i doa miaßt, om erreddet zom werra - des gôht mir genau so uf dr Kegs wia dir, Schdiggle.

    Mir fellt dô au no ois ei vomma subberpiedischdischa Mã dem wo sei Doochdr friah gschdorba isch on er hôt seim Weib et erlaubt, ihr Drauer zom zoige, on hôt sich selber au firchderlich zsammagrissa en dr Effentlichkeit on xait: mir send net draurich, weil onser Mädle hôt jô zo ihrm Herr Jesus hoimdirfa.

    Bloß gega a Pauschalvrurdeilong vo dene dät i mi wehra wella.

    Aber wia xagt, jetz lammers besser, desch a z' komblezierts Thema fir a Forum, denk i.
    #123Verfasser Goldammer (428405) 25 Jul. 10, 20:58
    Kommentar
    Heidablechle, wo ischn des Schnierle scho widder nagsagget gwä!
    I han eich doch hoffntlich net vrgraulet mit dem Thema?

    Kommet doch au widder aus eiere Lecher raus!
    #124Verfasser Goldammer (428405) 27 Jul. 10, 08:09
    Kommentar
    Be scho dau. Noi, des Dobbick hotme ned vrschreckt. Dr Reaga, dean wos os geschd akindigt ghett hon, isch iatz do. Fr Lindau hons sogar Iebrschwemmonga akindigt.
    #125Verfasser Selima (107) 27 Jul. 10, 08:35
    Kommentar
    I be scho au do. Abr wäer em Kreiziebr gläese hod, däer woiß dass i heid bessr id so viel sage sott... Swäer eh bloß gjaumred.

    Abr vielleichd kenndad mir iebr was andersch schwädza. Ka mir oina vo uib Technik-Schbezialischda erklära, was i mid meim naglnuia Neddbuck-Klabbdobb macha mueß, wenn i in deam Amäricka driebe ens Endrnedd will?
    #126Verfasser candice (447114) 27 Jul. 10, 19:19
    Kommentar
    Zeschd muesch amol räechd Obachd gea uff de Schdrom! Mier hand zwaihondrddreißg Wolt ond die hand hondrdzeje bis hondrsemnezwanzg. Dean kama sogar mid nasse Fingr alange, one dassba he isch - langweilig!!
    #127Verfasser manni3 (305129) 27 Jul. 10, 20:31
    Kommentar
    Abr ens Endrnedd gäeh i doch sowieso ohne Kabl - waialess - wieso mueß i da aufbasse? Odr bi i bled?
    #128Verfasser candice (447114) 27 Jul. 10, 20:38
    Kommentar
    Dr Läbbdobb brauchd doch an Schdrom. Mankmol muesch de Akku auflade. Ond do brauchschd a Nedztail fier hondrdzeje Wolt!! Ind Schdeckdose, waisch? Ond Schuckoschdeckar bassed oo id!
    #129Verfasser manni3 (305129) 27 Jul. 10, 20:40
    Kommentar
    Des isch abr normalerweis koi Problem, bal dia Schaltnetzteil fir des moderne Zuig jeden Strom von 100 ... 230V ond 50/60Hz verdauet ond a bekömmlichs Strömle fir da Schlepptobb draus machet. Muasch amol aufs Tipaschild luaga, was do drauf schteht.

    Ond dia Weierless LAN Norma sen iberall gleich, dô sollts au koi Problem gäba. Woisch, des Winzigweich kommt nemle von dem Amerika. :-)
    #130Verfasser bluesky (236159) 27 Jul. 10, 21:16
    Kommentar
    I hao gmoind, i brauch bloß so an Adabda fier dSchdeckdos.
    Wo isch des Tipaschild? Nach was mueß i da luege?
    Es isch a Acer Aspire Timeline 1810TZ-412G32n. Ka mr des viellichd guhgle?
    #131Verfasser candice (447114) 27 Jul. 10, 21:29
    Kommentar
    Oh Ziggerle, jetz han-e grad dieba gläsa was di heit so ãficht...du amrs Zuggerhäsle, i dät de am liebschda ganz feschd drugga.

    I moi au, dass des älles scho wuurd, on wenn ebbes et glabbt, nô send-r jô et en dr Wiaschde, sondern bei dene nedde Amerikaner, dia went eich nô scho weiderhelfa.
    I griag den Koller meischdens erscht am Dag wo mr ufbrechat en dr Friah - abber so a graoße Reis mit dr ganza Familie han i nadierlich au no nia gmacht, i denk dô dät's bei mir au schao friher ãfanga mit-m Rom-Hühnera, wia meine Leit emmer so "liebevoll" sagat...

    Wenn ufm Tibbaschild vo deim Glabbtobb nix ieber dr Schdrom drufschdôht, nô ruaf oifach en dem Gschäft ã wo d'n kauft hôsch on frôg dia, odder gugg em Indernet.

    Also jetz han-e grad mein Glabbtobb romdreht on guggt, bei mir schdôht ufm Tibbaschild nix ieber da Netzschdrom. Aber du hôsch jô sicher au so a Netzkabl mit ma Adabder, on dô schdôht's druf (bei mir zomendescht): Input 100 bis 240 Volt. Des wurd bei dir au et andrscht sei.

    On nôch brauchsch bloß no den zwoida Adabder, von Schucko uf de amerikanische Schdegger, damit da'n deet en d' Schdeggdos neischdegga kãsch.
    #132Verfasser Goldammer (428405) 27 Jul. 10, 21:32
    Kommentar
    Guhgle ka ma alls. Ond do schdod:
    Stromversorgungsgerät Extern
    Erforderliche Netzspannung Wechselstrom 120/230 V ( 50/60 Hz )

    Des mießd aingdle in dr Bedienongsalaidong schdao, ob ma omschalde ka odr mueß, ond wie des got.
    Odr wies Emmrle moind, de Hendlar froge - sichr isch sichr.
    #133Verfasser manni3 (305129) 27 Jul. 10, 21:36
    Kommentar
    Hmmm, allzo Hendlar ka i id fraga, des war amazoh.

    Em Jusr Gaid schdohds so:
    Das System lässt sich mit unterschiedlichen Spannungen, von 100 bis 120 oder von 220 bis 240 V AC betreiben. Das mit dem System gelieferte Netzkabel erfüllt die Anforderungen in dem Land bzw. der Region, in dem das System gekauft wurde. Wenn Sie das System in einem anderen Land verwenden, müssen Sie ein Netzkabel benutzen, das die Anforderungen für dieses Land erfüllt.
    Hä? Was brauch i da ietz?
    #134Verfasser candice (447114) 27 Jul. 10, 22:15
    Kommentar
    Dô brauchsch nix umschtella, des merkt des Netzteil vo ganz alloi. Deswega hoists ja Schaltnetzteil.

    Edith: Bloß den Adapter von Eurostecker (Schutzkontakt hot des Ding ja eh net) auf amerikanische Schteckdosa.
    #135Verfasser bluesky (236159) 27 Jul. 10, 22:17
    Kommentar
    I denk, des hoißt genau des was i xagt han: du brauchsch an Adabder, zom dein Schucko-Schdegger so adabda, dass-r en die amerikanische Schdeggdosa neibasst. Des sen "die Anforderungen für dieses Land"
    On solche Adabder geits em Elegdrohandl.
    #136Verfasser Goldammer (428405) 27 Jul. 10, 22:19
    Kommentar
    Dank schea midanand. Oo fier dean Druckr, Vegale!!! :-))))))Mankmal bi i bei so Sacha a äechdr Depp. Alzo bloß Adabdr, nix Konverdr odr so ebbs.
    A guedr Näebaeffegd war ietz, dass i gsäeche hao, dass dia ganze Bedienongsanleidong scho aufm Glabbdobb inschdallierd isch. Da ka i ja aufm Flueg glei a bizzle genaur schdudiere, da gohd die Zeid scho rom...

    Ond ietz gang i ens Neschd, mei Erkäldong ond mein Bluhs a bizzle auskuriere. Ond i gfrei mi, dass i morge brakdisch ausschlafe ka, bis ummra simne. :-)
    #137Verfasser candice (447114) 27 Jul. 10, 22:27
    Kommentar
    I han grad noml rescherschiert wega dem Adabder. Offasichtlich gibts dô welche, dia wo bloß fir so ganz schmale Eiroschdegger basset, aber et fir dia diggere voma Glabtobbnetzgerät odder da richdiche Schuckoschdegger. Also wärs wichdich, des Netzgerät mitzomnemma, wenn da den Adabder kaufsch, damit da sicher bisch, dass der Schdegger au neibasst.

    Des dô wär einer, wo vrmutlich basst, aber i glaub i dät den et bei A..on kaufa sondern ema Fachgschäft on eddafall ausbrobiera, vor da'n kaufsch.

    http://www.amazon.de/Adapter-Deutschland-USA-...

    ...ufm Flug schdudiera: genau, guade Idee. Da Glabbtobb uf jeden Fall ens Handgepäck, weil d' Koffer so omenandgschmissa wern, des dät em et guat.
    #138Verfasser Goldammer (428405) 27 Jul. 10, 22:39
    Kommentar
    Also wärs wichdich, des Netzgerät mitzomnemma, wenn da den Adabder kaufsch, damit da sicher bisch, dass der Schdegger au neibasst.

    Des dô wär einer, wo vrmutlich basst, aber i glaub i dät den et bei A..on kaufa sondern ema Fachgschäft on eddafall ausbrobiera, vor da'n kaufsch.


    Des mach i. Glei moere. Ond ietz bi i fudd. S Neschd rufd.
    #139Verfasser candice (447114) 27 Jul. 10, 22:49
    Kommentar
    Des werd scho, Zickerle. Woisch ja: langsam, weil's pressiert. Guads Nächtle.
    #140Verfasser bluesky (236159) 27 Jul. 10, 23:02
    Kommentar
    Guada Morga. Z'Sonn siecht mr zwar ned, abr reagna duads au ned. Alzo koi so a schlechtr Afang.

    Ziggrle, drei Däg no, nocht kasch durchschnaufa. Ond frs Vreisa gilt, was dieba ebbr gsät hot: Wo'nr nafahrat gits au Gschäftr. _Braucha_ duadmr lei da Paß, 's Geld ond 's Ticket. Da Rescht kamr se bsorga. So beruhig i me äbbl vor meine Reisena.
    #141Verfasser Selima (107) 28 Jul. 10, 08:21
    Kommentar
    Bei eis isch faschd wolkelos :-))



    Zom Vrraise geiz doch des schea Drollar Lied :

    Innschbrugg i mueß di lassn
    I ziech dahin mein Schdrassn
    in fremde Land dahin.
    Mei Fraid die isch mir gnomme,
    die i nit weiß bekomme
    wo i im Elend bin.

    Ond gell, Elend had sellemol oifach Ausland kaiße.
    Zickarle, des kasch jiez grad nemme wie de widd ;-))

    #142Verfasser manni3 (305129) 28 Jul. 10, 08:47
    Kommentar
    manni, des hao i mir ietz grad em Judjub ahäere miesse.
    Oind i hoff scho, dass es koi Elend werd, des Ausland! ;-)

    Faschd wolkelos? Dann gib mr doch amol en Dibb, ob bei eis an dr Schuel moere dr Schborddag ens Wassr falld odr id?
    #143Verfasser candice (447114) 28 Jul. 10, 16:43
    Kommentar
    Zickarle, wolkelos isch am Moege gwe, jiez reangelez!

    Moere solls reange, am Moege ond zMiddag, sez Endrnedd! !
    #144Verfasser manni3 (305129) 28 Jul. 10, 16:47
    Kommentar
    Hmmmmmm, na fellbr wohl ens Wassr...
    #145Verfasser candice (447114) 28 Jul. 10, 16:49
    Kommentar
    Zickarle,
    zue deir Rais mechdi no sage, dass i ja zOeschdre nommgfloge be ond wansenneg aufgregd gwe bi mid dear ganze Onlain-Buecharei ond Eidschecke ond Ausdschecke ond Kondrolla. Immeim Aldar ond mid meim Hiere isch des alls no a bissle schwieregr als bei de jonge Hubfar wie dier! Omso scheanr isch no gwe, wieni do deana gmerkd hao, dass des alls one Kombleckadziona ond ganz riebeg ond broblemlos voschdadde gange gwe isch, wies dr Scheixbier scho vorausxed kedd hadd: Madsch edu ebaud naßßing :-))

    I hao no sogar ganz oifach om oi Wuche vrlengred - nou brobblem! Hadd bloß hondrd Dollar koschd bei de Lufdhansl.
    #146Verfasser manni3 (305129) 28 Jul. 10, 16:52
    Kommentar
    'n Âbed.

    candice, wann fliaget Ihr denn nâch dem Amerika?
    #147Verfasser neutrino (17998) 28 Jul. 10, 20:35
    Kommentar
    Von dauhanna au. I glaub, dia fliagat scho en zwoi Däg.
    #148Verfasser Selima (107) 28 Jul. 10, 20:38
    Kommentar
    Wann fanget denn bei Eich uff em Balkan d'Sommerferia â? Bei os war heit dr letscht Schuldag.
    #149Verfasser neutrino (17998) 28 Jul. 10, 20:41
    Kommentar
    I glaub, dia fliagat scho en zwoi Däg.

    Dann däd i an Herzkaschbr kriege, gloob i. Noi noi, es send no zwoi Däg Schuel, ond am Dienschdag fahr mr Richdong Flughafe, machand an "Vorobeds-Tscheck-In", iebrnachda bei Vrwandta, ond am Mibbwoch ummra viertl nach zea gohds los...

    N'Obed iebrgnds oo. :-) Ameisle, magsch vrzelle, wosd demnäkschd bisch, odr magsch des id onlain ausbreide?

    Balkan? BALKAN?? *pffffffff*
    #150Verfasser candice (447114) 28 Jul. 10, 20:45
    Kommentar
    ;-) Mei, Balkan! Dr Balkan fangt doch erscht hendrm Lech a. Wia's Ziggrle sät, bei os send no zwoi Däg Schual.

    Ziggrle, i fahr end' Türkei, desmol middlescht end Midde. Ond hernocht deffe noch Bariss auf an Kongreß.

    So. I be iatz au ferde. Hond an scheana Aubnd.
    #151Verfasser Selima (107) 28 Jul. 10, 20:51
    Kommentar
    Ade Selima!

    Dr Balkan fangt glei hendr Ulm â. Ond dâdrvo be i iebrzeigt. Schbädeschdens seit en Minga en dordigr Aborigine zum mir, wone no en Diebenga gwohnt hao, gmoit hât, i käm vo Norddeitschland, weil jâ Diebenga bekanndrmâßa nerdlich dr Donau läg.

    D'Edith moint a Virdlschdond schbädr, dass e jetz wohl alle vo eschdlich vo Ulm vrscheicht hao.
    #152Verfasser neutrino (17998) 28 Jul. 10, 20:55
    Kommentar
    Dr Ballkan isch die Gegnd mid deane Vielvelkrschdaade. Do konndeschd scho räechd hao mid deane Baire ond ierar Ondrdrickongsbolledick de nadzienale Mindrhaide gegenibr.

    Däded dier Widdebäergar eis Schwobe ond Francke ond oo de schlesesche ond sudedesche Flichdling ond oo deane ussm Egarland denn beischdau, wemmr an so an dibbesche Onabhengekaizkrieg azeddle däded ond mid deane hemlschreiende nabbolonische Ogerechdikaida endle amol aufraume däded?
    #153Verfasser manni3 (305129) 28 Jul. 10, 21:30
    Kommentar
    Manne, i woiß net, i woiß net. Mir sen jâ grundsätzlich bazzifischdisch eigschdelld. Außrdem isch onsr Minischdrbräsident jâ aus em badischa Landesdeil ...

    Warom vrsuachet Ihr's net erschd amâl mit ma gewaltlosa Widrschadnd à la Gandhi?
    #154Verfasser neutrino (17998) 28 Jul. 10, 21:37
    Kommentar
    Des brobiered mier ja scho die ganz Zeid indeam dass mier idd oms Vrrecke bairisch schwädzed - okee, biss uffd Flichdling in der dridde Gennerazio. A so a bassiva Widrschdand fonkzionierd hald bloß ar Kuldurnadzio gegenibr wies die Indar bei de Englendar gmachd kedd hand, abr doch idd bei de Baire :-(
    #155Verfasser manni3 (305129) 28 Jul. 10, 21:57
    Kommentar
    Hen dia Baira emmr no koi Kultur âgnomme vo dene ondrdriggte Schwâba en dene derzeit ondr bairischa Vrwaldung schdehende schwäbische Oschdgebiede?

    Ond jetz vrabschied i mi. I wensch a guade Naachd. Ond bis näggschd Woch.
    #156Verfasser neutrino (17998) 28 Jul. 10, 22:06
    Kommentar
    Des send so schduere Hamml, an deane isch id amol Hobfe ond Malz vrloere ;-(

    No a wichdiga Nochdrag: "en dene derzeit voerleifig ond velkrrechzwidreg ondr bairischa Vrwaldung schdehende schwäbische Oschdgebiede!"
    #157Verfasser manni3 (305129) 28 Jul. 10, 22:15
    Kommentar
    An scheane guede Moege aus dr Haubdschdadd däer Anneckzionischde, Ussurbaddore ond Ockubande!
    #158Verfasser manni3 (305129) 29 Jul. 10, 08:22
    Kommentar
    Ja, deam kaneme vollinhaltlich aschließa.
    #159Verfasser Selima (107) 29 Jul. 10, 08:35
    Kommentar
    *fädleemloochsigg* *naufzerr* **schwitz* *stolzaufmesei*

    Sodala, daßners widdr fendat! Guats Nächtle!
    #160Verfasser Selima (107) 29 Jul. 10, 21:16
    Kommentar
    *froddehandduechhendrhäewerf*
    Gued gmached, Maisle :-)
    #161Verfasser manni3 (305129) 29 Jul. 10, 21:24
    Kommentar
    A Froddehandduach däde iatz o braucha. I hau mr grad mei Reisefrisur abgholt ond zwischadren hot's zom Schidda agfangt. So ebbes.
    #162Verfasser Selima (107) 30 Jul. 10, 10:02
    Kommentar
    *nomlafroddehandduechzuewäerf*

    Je wenigr Hor du hasch, omso wenigr kenned nass wäere. Ond omso wenigr Läschd hasch middr Frisuhr ;-)

    Des isch jednfalls mei Erfarong!



    edidd: Bis schbädr! Jiez mueß i mi om mei Hofbfischdarsonnebloemebrod ussm Schdoibachofe kemmre. Ab elfe geiz des vo nechd, vier Pfond fier zwai Eiro - abr des wissedr ja soo scho ;-)
    #163Verfasser manni3 (305129) 30 Jul. 10, 10:07
    Kommentar
    Do isch oine do gwese, die had glei zwelf Laib koofd. Ond ierar Nochbeire haze mid am ganz am gräglege "àà" vrzelld:
    "Wia hàmm ne lange Ànfàààt. Wia komm ausm Sàààlànt!"

    Wie manke Leid schwädzed ...
    #164Verfasser manni3 (305129) 30 Jul. 10, 12:24
    Kommentar
    Abbr ôm iaran Brovviand fr d' Rickfahrt brauchscht koi Sorg' hau - bei zwelf Loib Brot! Dia braucht ja a eggschdrigga Gfriere fr dees ganze Zuig.
    #165Verfasser twocents (460778) 30 Jul. 10, 13:06
    Kommentar
    Ja was globsch denn du, manni, wia am Ameisle sei Reisefrisur ausschaugt?
    #166Verfasser bluesky (236159) 30 Jul. 10, 13:07
    Kommentar
    Vieleichd geiz ja oo schdiergnackege Amaisla?
    #167Verfasser manni3 (305129) 30 Jul. 10, 13:57
    Kommentar
    Hemmale, i glaub, i han de geschd em Auto gseah - bischt grad da Berg ôndr dr Kirch naufgfahra, ôm halba sechse ôogfähr.
    #168Verfasser twocents (460778) 30 Jul. 10, 14:37
    Kommentar
    Alzo omara halbr segse isch bei os gescht koi blaur Heeml ned romgfahra - ned da Berg andr Kirch nauf ond au ned ra ;-))

    Zwelf Laibr Brooooot? Waaahnsinn, meant dia Kiahldrua hau.

    Manne, fascht! Obarom isch dr Belz lei no a wengale dichdr:
    http://t1.gstatic.com/images?q=tbn:ANd9GcSxRt...
    #169Verfasser Selima (107) 30 Jul. 10, 15:26
    Kommentar
    Stümmt, Zwoisentle. Dô bin i grad da Giesinger Berg onder der Heilig Kreiz Kirch nauf gfahre. Hosch me am Huat erkannt?
    #170Verfasser bluesky (236159) 30 Jul. 10, 17:21
    Kommentar
    Ädd Foddo vom belzege Amaisle: Bsondrs dFarba!! *hihi*
    Abr dr Schnidd isch oo id schlechd!
    *dokonndeschdochgleineideschwäere*
    #171Verfasser manni3 (305129) 30 Jul. 10, 17:52
    Kommentar
    Schdemmt, Hemmale - dr Huat isch it zôm iebrseäh gwea. Ônd nadierle Dei beschwengdr Fahrschdil...
    #172Verfasser twocents (460778) 30 Jul. 10, 18:17
    Kommentar
    Ônd nadierle Dei beschwengdr Fahrschdil...

    Ha? Also, wenn i fir ebbas bekannt bin, dann bestimmt ned dô derfir.
    #173Verfasser bluesky (236159) 30 Jul. 10, 18:44
    Kommentar
    I bi scho mid dier midgfare ond ka em DuSenzle bloß rechd gea ;-))
    #174Verfasser manni3 (305129) 30 Jul. 10, 18:48
    Kommentar
    I be bloß gschwend dô on morga glei widder fort zo onserem jährlicha Schweschderadreffa. Am Sonndich komme widder.
    's Madderhorn hôt sich nadierlich widder vrschdeggt ghett, wo i komma be - des macht des emmer, i han's echt wôhr no nia xea, wenn i det war.
    Abber 's war drotzdem a schene kloine Reis, on a wonderschene Wanderong bei Zermatt hemmer au ohne Madderhornsicht gmacht.

    Bis nägscht Woch, dô les-e nô au älles nôch. Jetz gang-e bloß no schnell en mei Beddle.
    #175Verfasser Goldammer (428405) 30 Jul. 10, 22:01
    Kommentar
    Des Zeld isch ja scheinz dichd gwe ond oo id omgfalle, des isch doch scho ebbs - oo one Sichd uffs Maddar Hoere. Schlof gued in Deim Luxesbedd!
    #176Verfasser manni3 (305129) 30 Jul. 10, 22:22
    Kommentar
    Gaischdrschdond - huhuuu ....
    #177Verfasser manni3 (305129) 31 Jul. 10, 00:00
    Kommentar
    Scho mea vorbei!

    Wolkelos' Radlweddr :-) Ond schea frisch, dassi id aso schwidze mueß! - Abr a Suirle am Fiedle :-((
    #178Verfasser manni3 (305129) 31 Jul. 10, 08:37
    Kommentar
    Wo hoschdrn des gholt? Dia letschde Däg hotmr doch gared so vill radla kenna, daßmrse a Suirle hätt naschwitza kenna.

    Des Wuchaend mache mol frei - i dua iebrhauptz gar nix am Schreibtisch schaffa! Dees ischas erschde Mol seid Oaschdra!!
    #179Verfasser Selima (107) 31 Jul. 10, 08:49
    Kommentar
    @ a Suirle naschwidze - vieleichd hock i zviel voerem Schkrihn! I glob, i soz oo mache wie du, ibrhaubz id an Schreibdisch nahocke ...


    edidd ommare viedluffzwai: *kischdeausschald*
    #180Verfasser manni3 (305129) 31 Jul. 10, 13:20
    Kommentar
    Schdelled ui voer, was fier a Danndem i heid xäeche hao:
    sWeißbild voena ond dr Kerle henda!!
    So ebbs haoni no nie id xäeche kedd!

    Ond des isch dobbled bemerknswäerd, weil dr Voedrsitz wie bei am Liegerad gwe isch ond des Mannsbild seir Bartnare dadsächle de bekwemre Bladz ibrlao hadd!!

    So a Danndem haoni oo no nie id xäeche kedd. Abr brackdesch, so kenned baid vireluege ond hand ebbs Agnemrs voer se als a orasiez ond vrschwidzdz Gnack ;-)
    #181Verfasser manni3 (305129) 01 Aug. 10, 12:59
    Kommentar
    Desch dr wergle bemerkenswert - es gitt halt scho o erschdaunleche Männr.
    #182Verfasser Selima (107) 01 Aug. 10, 13:17
    Kommentar
    Des Pärle hane au scho am Flaucher radle sähe. Ond alle andre Radler hend große Auga kriagt.
    #183Verfasser bluesky (236159) 01 Aug. 10, 14:27
    Kommentar
    ädd hondrdzwaiedachzg: "es gitt halt scho _o_ erschdaunleche Männr"

    - Du Maisle, gell!!!
    Gib no Obachd - ma driffd se allad zwaimol im Läebe!

    Mindeschdens!!

    #184Verfasser manni3 (305129) 02 Aug. 10, 09:44
    Kommentar
    :-)))

    Manni, d' Selima hat doch recht - d' Weibr send sowieso erschdaunlich, sonschd dädat it so viele auf dene Dandem bloßmeâ dr Buggl vom Mâa agugga meega. Desch'd iebrigens oi Grônd, warôm i et Dandem fahra mag.
    #185Verfasser twocents (460778) 02 Aug. 10, 12:33
    Kommentar
    Na, Manne, des hoffe abbr, daß mrse no zmindescht zwoiml drifft.

    Zwoizentle, i hau dia Dandemr au äbbl bleed gfonda. Ond wasne vo Liegerädr halt, sane liabrsch ned. Zmindescht guggat Liegeradfahrer scho äbble so bessrwissrisch ond alzwiaob se bessre Mentscha wärat.
    #186Verfasser Selima (107) 02 Aug. 10, 12:55
    Kommentar
    SuSenzle, mei Grond, dass i nie id hao Danndem fare welle isch, dass i allad de Vrdacht kedd hao, dass s andr id räechd dabbed, sondrn bloß so dued ;-)
    #187Verfasser manni3 (305129) 02 Aug. 10, 15:16
    Kommentar
    Aaaah, guad, iatz hottr's doch no vrbessrt. I haume scho gwondrt;-)
    #188Verfasser Selima (107) 02 Aug. 10, 15:58
    Kommentar
    Maisle, waisch, mid deam ganze Haiteckdingsboms an de Redr ond deane emannizibierde Weibr ond erschdaunleche Mannsbildr henda odr voena druff wäer i gao no ganz hierewierbleg ;-((
    #189Verfasser manni3 (305129) 02 Aug. 10, 21:09
    Kommentar
    Ihr Liebe, ganz schnell mechd i mi bloß no abmelde, voers moere losgohd - erschd nach Minke ond am Mibbwoch nachad iebrn groeße Teich.
    Wenn i Zeid ond vor allem Indrned hao, meld i mi gwieß amol. Falls es id klabbd, wensch i uib scho amol an scheana Auguschd.

    *alle feschd druck*
    #190Verfasser candice (447114) 02 Aug. 10, 21:44
    Kommentar
    I wink dr wie wild hendadrei on wensch dr a wonderschene, erläbnisreiche on panna-arme Zeit ieberm Teich dieba!

    's wär nadierlich wonderschee, wenn d' de môl melda kötsch - mit deim Läbtoble miaßt des doch eigntlich gao, wenn d' amôl an Hotschbot fendsch!
    #191Verfasser Goldammer (428405) 02 Aug. 10, 21:55
    Kommentar
    I hao mi scho erkundigt. Eigndli sotts in jedm Schdarbacks odr MäcD ganga.

    Gueds Nächdle midanand.

    *nomml feschd druck*
    #192Verfasser candice (447114) 02 Aug. 10, 21:59
    Kommentar
    A guede Rais ond an scheane Obed drodz Räege zMinke :-))

    Des Amäerecka isch a oglaobles Land - indschoi juer dschöni!! Gud Lack :-)
    #193Verfasser manni3 (305129) 02 Aug. 10, 22:36
    Kommentar
    Vill Schbaaß, Ziggrle, komm hoil redour und geniaß des Amerika!

    Wann ui o am Migda ganz endr Friah abfliagat, nocht kotmrse ja fascht iebr da Weag loffa am Flughafa;-)
    #194Verfasser Selima (107) 03 Aug. 10, 09:41
    Kommentar
    No winsche em Ameisle au a guada Rois ond daßd guad mea zruck kommsch.
    #195Verfasser bluesky (236159) 03 Aug. 10, 13:00
    Kommentar
    No konndebr ja a klois Schwobedreffe am Flugbladz ausmache: om neine voerem Mäckdo??
    #196Verfasser manni3 (305129) 03 Aug. 10, 13:20
    Kommentar
    :-) Noi, ommara neine benne scho weid furt. Des miaßt scho eanr gegga segse sei.

    Dange, blohemmale, i schdreng me a, daßne mear an oim Schdigg redour komm. I will ja osrm Schdiggle koi Konkurrenz sei.
    #197Verfasser Selima (107) 03 Aug. 10, 15:03
    Kommentar
    Des vrschtand i net. I be doch au an oim Schdigg.

    Oddr willsch Du drmit saga, i hett a gschbaldene Persenlichkeit?
    #198Verfasser neutrino (17998) 03 Aug. 10, 15:14
    Kommentar
    Gschmarri, Du ond gschbalda - nocht hättmr ja gar no a aggressiva Strahlong dauherinna. Noi. I hau gmoind, daß wann i en Schdiggla redour komm, daß i nochd a polysomatischs Wesa wär ond Dir en meira kloidoiliga Vielheit ebba Kongkurrenz macha däd.
    #199Verfasser Selima (107) 03 Aug. 10, 15:26
    Kommentar
    Irgndwie isch do oifach dr Wurm dinn in däer ganze Täjorie: Wie ka a Schdigg le denn am Schdigg sei?

    Des vrschdao wäe will ;-((

    Mier isch die ganz Addomschbaldarei zkombledzierd! Wo doch Addom ôschdicklesbar bedeided, scho voer Deffenedzio häe ... hmmm ...

    Ond wie sobba Amaisla schbalde kenne? An dr Weschbedallje? Ja, die hand doch gar koi Midr idd!!



    edidd ommare halbe achde: Des isch oo mea so a Beidrag, wo wenigr mäer gwe wäer- odr sogar nix alls!
    #200Verfasser manni3 (305129) 03 Aug. 10, 19:22
    Kommentar
    Du a polysomaddischs Wäsa? Also quasi Du dei oigener Âmâisa-Schdaad?

    Des dät mir abbr koi Kongkurrenz macha. I be oinzigardig!
    #201Verfasser neutrino (17998) 03 Aug. 10, 20:09
    Kommentar
    I be oinzigardig!

    Scho meeglich, abr mir wisset imr no net, ob du a Tau-, Myon- odr Elektron-Neutrino bisch. Odr ob du di womeglich dauernd vom oins ins andere umwandelsch.
    #202Verfasser bluesky (236159) 03 Aug. 10, 23:58
    Kommentar
    Hemele, an was denksch du do - an a fladdrhafde Exeschdenz odr äjer an an ambiguwidivoszilladoresche Idendifickazionsdransformadzionsbrozess?
    #203Verfasser manni3 (305129) 04 Aug. 10, 10:45
    Kommentar
    Also wenn's Gäbele dô wär, die wär beschdimmt drfier, dass mr den Aschbeckt en den ãberaumda Lubf-Teschd beim Schdiggle miteibezieha dädet, den wo mr beim negschda Echtzeit-Dreffa jô sowieso durchfiahra went....
    #204Verfasser Goldammer (428405) 04 Aug. 10, 10:55
    Kommentar
    ädd Lubfdäschd: Des isch ja a ganz a guede Idee, Emmrle - glei mäerer Fluiga(-Gwichd) uff oin Schdraich :-))

    Abr idd uffm Dure vom Ulmar Menschdr. I hao neima gläese, dass jez Gwichd leichdr wäed, omso häechr ma naufkudd. Ond weil däe Dure so hoech isch, wigz Schdickle amend do doba no gar nix mea, brackdesch null!

    Ond a Null-Schdickle kennebr doch oo id vrandwoerde - do konnd i ja die ganz Nachd koi Ooge mea zuemache, wenn i ans neidrinale onz neidriniddole denk :-((

    #205Verfasser manni3 (305129) 04 Aug. 10, 11:37
    Kommentar
    ädd Fadelubf: Falls ebbar allad no koi Läesezaiche fier des Schnierle xedzd hadd ond uff dr äeschde Seite im Kwasslzimmr suechd: Nauflubf!!
    #206Verfasser manni3 (305129) 04 Aug. 10, 19:19
    Kommentar
    Noi, i bin id dot. Noi, i hon eich id vrgässa. Bis bald amôl :-)
    #207Verfasser Moi Gab (456541) 04 Aug. 10, 21:20
    Kommentar
    Guat zom wissa, Gäbele!
    #208Verfasser Goldammer (428405) 04 Aug. 10, 21:43
    Kommentar
    "Bis bald amôl" - des isch a Woed, Gäbele :-)
    #209Verfasser manni3 (305129) 04 Aug. 10, 22:26
    Kommentar
    Guz Nächtle alle.
    *ans Ziggerle denk*
    *hoff, dass se guat iebern Teich komma isch*
    #210Verfasser Goldammer (428405) 04 Aug. 10, 23:19
    Kommentar
    DAuhanna in se periphery of nowhere hot's dadsächle a Endrnet ... ond drom duane ui gschwind mit am herzlicha Merhaba griaßa!
    #211Verfasser Selima (107) 05 Aug. 10, 14:17
    Kommentar
    DAuhanna in se periphery of nowhere hot's dadsächle a Endrnet ... ond drom duane ui gschwind mit am herzlicha Merhaba griaßa!
    #212Verfasser Selima (107) 05 Aug. 10, 14:17
    Kommentar
    Grießdi, Maisle! Merhaba di scho arg vrmissd!

    Die Dirke (drDirk-dDirke? hmmm ...) odr wäe oo allad Merhaba sed, die käered obedingd ind Ee Uu, wenn die so abb tu deid send ond so a nuimodesche Bammba hand mid Endrnet ond so ;-)

    #213Verfasser manni3 (305129) 05 Aug. 10, 14:28
    Kommentar
    Ibregens dr Schmeller hätt heit Geburtstag.
    #214Verfasser bluesky (236159) 06 Aug. 10, 13:17
    Kommentar
    DAu hosch wohr, Manne! Des kennatse guad. An Endrnet ond an Händiempfang hot's fascht iebrall. Ond a scheanrs Weadr hond'se o. Zwengscht grad em Moment.
    #215Verfasser Selima (107) 07 Aug. 10, 13:39
    Kommentar
    Hemele, wennd Zeid hasch, no far and Reichebachbrugg ond lueg de Serfar zu! S hadd a gscheide Bfonzwelle ond s nuieschde Ekwibbmend sind ganz kuuze, hoeche Kaijax, mid deane wo se vierse ond hendrse ond seidlich serfed ond eschkemoddiered, dass grad a Fraid isch zom Zueluege :-))

    Ond no isch mr no ebbs bassierd, des wo mr oo no nie voerkomme isch: Am Millarsche Volxbad, deam Jugndschdilbad, isch a räechd a schmala gemeinsamma Radlar- ond Fueßgengarwäeg an dr Isar. Zwei Leit send a Schduck voer mier mibbadenna näebanand gloffe ond i hao klengled.
    Ond jiez kudz:
    Die send oifach glei ond one weideres uffd Seite gange!! One dasse zeschd schdau bliebe wäred, sich en Rue omdräd hedded ond glueged hedded, was des Klengle woll zom Bedeite hedd!!

    Des voerbildliche Vrhalde wäer i mier merke fier dean Fall, dass i oo mea amol zFueß uffm Radlarwäeg ondrwäex be!

    #216Verfasser manni3 (305129) 07 Aug. 10, 14:02
    Kommentar
    Schwäbla, wo sinnr?
    #217Verfasser Moi Gab (456541) 08 Aug. 10, 20:38
    Kommentar
    I sing: *... dschastsmoukininßerein ...*

    Grießdi, Gäbele :-)


    Nochdrag zue zwaihondrdsechze: dWelle isch heid scho vil kloinr gwe, abr se hand allad no xerfed. Bloß nemma so schbeckdackeläer wie nechd!
    OmbFueßgengar send oo nemma so diszeblenierd gwe wie nechd :-(

    #218Verfasser manni3 (305129) 08 Aug. 10, 21:13
    Kommentar
    Des han-e jetz môl widder laut lesa miaßa zom Vrschdau:
    xerfed
    :-D!

    'n Ôbad Gäbele ond manni!

    Wo i mit meim Dengs letschd Jôhr z' Mincha gwä ben, hemmer dia Serfer au entdeckt on mendeschdens a halbe Schdond oder lenger zugugget. Kommt dô nia d' Bolezei on schickt se weg? Weil es schdent jô fedde Blackad dô dass des et erlaubt isch. Oder drugget dia a Aug zua?
    #219Verfasser Goldammer (428405) 08 Aug. 10, 21:55
    Kommentar
    Dier hand warscheinz dSerfar am Eisbach xea, näebem Haus dr Konschd ond em Pe oins (deam Schickmickinaidklabb, Schdammlockal vom Olli Kahn) am Eigang zom Englesche Garde in dr Brinzregendeschdroß. Do haz an groeße Wirbl gea, weil dr Direckdor vom Englische Garde, däe wo em Freischdaad Bayern käerd, dVrandwoedong id had ibrnemme welle, falls amol oir he isch, ond a haz Serfe ganz vrbiede lao welle.

    No haz an Aufschrai zMenke gea, weil die Welle in jedam Raisefierar dinnaschdod ond weldweid bekannd isch ond a Durischdesennsazio bar Exellahß darschdelld. S had vil Dischkessiona gea ond zledschd isch druffnausgloffe, dass dr Schdaad ond dSchdadt a baar Kwadradmeddr vom Englische Garde tauschd hand. Ond des, obwol dSchdadd an roede Obee had ond dr Schdaad an schwaaze Minnischdrbräsedende! Jiez käerd die Welle mibbm Ufrbereich dr Schdadt ond die had koi Angschd id voer vrsoffene Serfar ;-))

    #220Verfasser manni3 (305129) 08 Aug. 10, 22:12
    Kommentar
    Ja, schdemmt, dô hemmir dia xea. I han jetz grad dui Reichabachbrick no guhglet, da-n-e woiß mô dui isch. On dô geiz des au?

    On, isch schoml oiner vrsoffa, deet oder sell?

    (es Gäbele isch wohl widder môl bloßn ganz gschwend durchgschdipflet - *hendanôchwenk on a liabs Griaßle hendadrei schrei*)
    #221Verfasser Goldammer (428405) 08 Aug. 10, 22:24
    Kommentar
    Vo de Serfar isch no koir vrsoffe. Die wissed scheinz, wasse dond.

    Aber mankmol vrsaufd oir beim Schwemme im Eisbach. Däe had a schdarke Schdremong. Abr i ka mrs drodzdeam id räechd voerschdelle. Vieleichd isch oo oifach a Herzemfarkd gwe odr a Bsoffena.
    #222Verfasser manni3 (305129) 08 Aug. 10, 22:28
    Kommentar
    An scheane Mädagobed wensch i ui. Vileichd driffba se ja do hinna mea amol so heondaa ;-)

    #223Verfasser manni3 (305129) 09 Aug. 10, 18:01
    Kommentar
    Griaß Gott.
    #224Verfasser neutrino (17998) 09 Aug. 10, 19:53
    Kommentar
    Wäar grad a wengle dô Manni, mitam Griaßle vom Vegale in da Hand. Hons gfange, gibs nimme her.

    Griaß Gottle Schdiggle :-)
    #225Verfasser Moi Gab (456541) 09 Aug. 10, 19:57
    Kommentar
    I hoff, Dir gâht's guat.
    #226Verfasser neutrino (17998) 09 Aug. 10, 20:09
    Kommentar
    Hey, do send ja oi! Desch a Fraid!!

    Gäbele, wennz id häegea widd, lasss wenigschdns an Kombjudar, sVegele!
    #227Verfasser manni3 (305129) 09 Aug. 10, 20:16
    Kommentar
    Wenn De des en dr Hand hâsch, derfsch net so arg drigga, sonsch vrgwätsch es vielleicht.
    #228Verfasser neutrino (17998) 09 Aug. 10, 20:18
    Kommentar
    I vrabschied mi jetz. I wensch allseitz a guade Naacht.
    #229Verfasser neutrino (17998) 09 Aug. 10, 20:58
    Kommentar
    Grieß uib liebe Schwäble!
    Ganz gschwind mechd i uib oo an kloina Grueß schicke. I denk an uib, abr s´fellbr grad leichdr auf Englisch zum schreibe, deswäege hao i an ausführlichere Bericht em CC gschriebe - fier die wos endressierd.

    I denk ganz feschd an uib on druck uib! :-)))
    #230Verfasser candice (447114) 10 Aug. 10, 08:23
    Kommentar
    I denk oo an uib, Zickarle, ond wensch ui an ganz an guede Dribb in deam Amäerecka deana! Indschoi :-))

    edidd ommara viedluffzwelfe: Bei ui zAmäerecka ganz deana uff dr badzifesche Seite goz jiez uff namedax om drui zue ond i flack jiez ins Bedd :-)
    #231Verfasser manni3 (305129) 10 Aug. 10, 20:54
    Kommentar
    Und ietz schdohsch vielleichd grad auf, mannile, abr i gang ietz ins Neschd. :-)

    Des mid deam Tschädleg isch abr erschdaunlich gued ganga. I bi hald bloß ziemli frieh mundr, abr des isch ja grad gued.

    *uib all ganz feschd druck*
    #232Verfasser candice (447114) 11 Aug. 10, 07:11
    Kommentar
    Guede Moege!

    An scheane Dag ui all, ond deane Ammis oo, wenn se noo mea wach send. Zeschd amol a guede Nachd :-))
    #233Verfasser manni3 (305129) 11 Aug. 10, 08:44
    Kommentar
    un etz guata Ôbnd!

    I honn heit Morga au äbbs schreiba welle, abr da Compjutr im Birro (dahoim) hot gschbonna (da Schläbbtop isch amml mit am Dings undrwäags)

    Gudd moarning Schuggrle! Hagg ju bägg
    #234Verfasser Moi Gab (456541) 11 Aug. 10, 18:58
    Kommentar
    i glaub, i hon a sauschlächts taiming um eich z'erwischa *schnief*
    #235Verfasser Moi Gab (456541) 11 Aug. 10, 19:47
    Kommentar
    Ha, Du bisch mr oine, erscht mehrere Däg sich net blicka lau ond dann rommeckra, wenn net glei äbbr dâ isch. ;o)
    #236Verfasser neutrino (17998) 11 Aug. 10, 19:59
    Kommentar
    blotz - desch dr Schdoi, wommr etz vom Herza gfloga ischa

    war fei platonisch immr bei eich!
    #237Verfasser Moi Gab (456541) 11 Aug. 10, 20:02
    Kommentar
    Des kâ a jeds behaupta.
    #238Verfasser neutrino (17998) 11 Aug. 10, 20:05
    Kommentar
    Noi, bloß i
    #239Verfasser Moi Gab (456541) 11 Aug. 10, 20:07
    Kommentar
    Awa. Behaupta kâsch des net bloß Du.

    Ond wieso isch dei Sclepptop mit dem Dens ondrwegs? Ond wieso darf des Schlepptop des beschdemma? Oddr isch doch dr Dengs mit em Schlepptop ondrwegs? Ond wenn ja, warom?

    Frâga iebr Frâga ...

    #240Verfasser neutrino (17998) 11 Aug. 10, 20:15
    Kommentar
    Good afternoon. I saw that Zickarle wrote something about jet lag. I typically don't have trouble when I head west, as she said, you are just up and going a little early, but going east is another thing. Occasionally when going to Europe I've really struggled.
    #241Verfasser Amy-MiMi (236989) 11 Aug. 10, 20:23
    Kommentar
    Da Dings nimmt da Schläbbtop mit, wellems sonsch beim Schaffa langweilig isch. Wennda Schläbbtop da Dings mitnäama miasst, dätrn wohl ringr dahoim lô.

    Hällouw Eimimimi! Naiss tu häff ju hiar!
    #242Verfasser Moi Gab (456541) 11 Aug. 10, 20:27
    Kommentar
    Hallo Amy. Für dich nicht nur schriftdeutsch statt schwäbsich sondern sogar englisch:

    As regards the jet lag I also have problems only when going eastwards. I suffered two or three days each time I came back from Leftpondia.
    #243Verfasser neutrino (17998) 11 Aug. 10, 20:29
    Kommentar
    Moi Gab, abbr Du hâsch doch gschrieba: da Schläbbtop isch amml mit am Dings undrwäags. Also isch doch dr Klapprechnr mit em Dengs ondrwegs.
    #244Verfasser neutrino (17998) 11 Aug. 10, 20:30
    Kommentar
    Schdiggle, i woiß, abr als äachdr räachdr Schwôb hedsch des eigndlich vrschdanda solla.

    Amy, I never suffer from jetlags, as I never do leave my time zone here. I'm "incrusted".
    #245Verfasser Moi Gab (456541) 11 Aug. 10, 20:44
    Kommentar
    Hao i doch. Deswäga frâg e jâ.
    #246Verfasser neutrino (17998) 11 Aug. 10, 20:51
    Kommentar
    Derfschme id auf da Arm näama, da lupfschdr bloß an Bruch!
    #247Verfasser Moi Gab (456541) 11 Aug. 10, 20:57
    Kommentar
    I nemm neamrds uff da Arm. Mit meim Kreiz gwiaß net.
    #248Verfasser neutrino (17998) 11 Aug. 10, 20:58
    Kommentar
    Aha, Moi Gab. Now whenever I read one of your posts, I'll picture you as a piece of lovely coral! *edit* So when I write Korallele, you'll know that's you! *gg*

    Hi, neutrino. I was hesitant to say that, actually. I don't want to make candice nervous about the return trip. ;-)
    #249Verfasser Amy-MiMi (236989) 11 Aug. 10, 20:58
    Kommentar
    *lol*

    Amy, you went to Munich and I didn't know. Would have liked to meet you!

    Schdiggaleee, au id wenne amme gwichtsendlaschdeda Grät heng?
    #250Verfasser Moi Gab (456541) 11 Aug. 10, 21:04
    Kommentar
    Noi, mein Kreiz z'liab iebrhaupts nia net.

    Amy, she has to face up to the facts! ;o)
    O, you were in Munich? And you did not come to Suebia? You even did not inform us? I feel offended!

    #251Verfasser neutrino (17998) 11 Aug. 10, 21:12
    Kommentar
    @Korallele: "You went to Munich and I didn't know." Me either. At least, I don't remember going to Munich. Perhaps you are thinking of some other American. SD3 maybe?
    #252Verfasser Amy-MiMi (236989) 11 Aug. 10, 21:12
    Kommentar
    Des schdell i mir jetz grad môl bildlich vor, 's Gäbele ema gwiichtsendlaschdenda Gräd hengend, on 's Schdiggle nemmt se uf da Arm....so an Ãblick! Meiner Seel!
    #253Verfasser Goldammer (428405) 11 Aug. 10, 21:14
    Kommentar
    No, it's all a wicked rumor started by that encrusted coral. I haven't been to Germany since 2008.
    #254Verfasser Amy-MiMi (236989) 11 Aug. 10, 21:15
    Kommentar
    Amy, you are right, and I am silly! SD3

    The day you come, you will have to inform Schdiggle and me. By the way, when are you going to come?

    Schdiggle, suachsch Schdreit?

    #255Verfasser Moi Gab (456541) 11 Aug. 10, 21:17
    Kommentar
    Hi birdie!
    #256Verfasser Moi Gab (456541) 11 Aug. 10, 21:19
    Kommentar
    So, i ganz etz a meim Buach weitrläasa (Louise Penny: Dead cold).

    Babai!
    #257Verfasser Moi Gab (456541) 11 Aug. 10, 21:23
    Kommentar
    Alles klar.

    Wann bin ich wieder in Deutschland? Die Frage ist schwierig. Wenn ich im Herbst arbeite, dann muss ich hier bleiben. Wenn ich keine Stelle finde, habe ich Zeit, Deutschland und Österreich zu besuchen. The House just passed a bill with funding, part of which is supposed to go to schools to keep teachers from being laid off. I'm not sure what that means for teachers who have already been laid off or displaced. It might make the job market better in Michigan, or maybe not. Everything seems to be going down to the wire, since school begins here in less than a month.
    #258Verfasser Amy-MiMi (236989) 11 Aug. 10, 21:24
    Kommentar
    Moi Gab, wia kommsch dâdruff?

    Griaß de Goldammer.

    Amy, I press you the thumbs (6-gear).

    Ond jetz kurz vor zehne moint d'Edith, dass i mi vrabschieda ond no a wengale läsa sott. Guat Naacht mittnand.
    #259Verfasser neutrino (17998) 11 Aug. 10, 21:41
    Kommentar
    I hau mr denkt, daßnr velleicht o a gloins 'Merhabale' hau wend. Alzo schdellne mol ois rei:

    Merhabale, liabe Schwoba!
    #260Verfasser Selima (107) 12 Aug. 10, 05:12
    Kommentar
    Om zwelf nôch fenfe, Ameisle!!!
    Irgndwia han i et kabiert, en welchera Zeitzone du di momentan romdreibsch!

    Drotzdem, dankschee! Freit me, ebbes vo dr zom haira!

    (...on des mit dem Merhabale han-e nadierlich au et kabiert, des war mr neilich schao z' peinlich, nôchzomfrôga, weil-e denkt han, des miaßt i wissa, wenn-e ufbasst hett...)
    #261Verfasser Goldammer (428405) 12 Aug. 10, 10:17
    Kommentar
    Merhabale (edit fiers Emmrle: Willkommele!) zruck, Maisle :-)

    Wie goz midde Boinr? Isch ebbs Endressanz drbei? Hanzes gued aagfiesled kedd sellemole odr hanged no a baar Ligamendommr dra rom?

    Merhabalei a Räegeweddr :-(
    #262Verfasser manni3 (305129) 12 Aug. 10, 10:20
    Kommentar
    *'s Schnierle vo dr zwoida Seit rett on nuflupf*

    I sott velleicht heit au no was anders do als am Kombuder romdoa. Velleicht biegla? Aber i han koi reachde Luscht...
    #263Verfasser Goldammer (428405) 12 Aug. 10, 16:53
    Kommentar
    Hallo alle mitanand :-) I muass au glei wiedr wägg.

    Gugget amôl, wase em Franzfada ibrsetzt hon:

    Siehe auch: [fr-de] reconnu par anticipation / déclaration de gr...

    Wa moinet iahr dô drzua?

    I komm nochr nomml.
    #264Verfasser Moi Gab (456541) 12 Aug. 10, 17:48
    Kommentar
    I kann dô leider gar nix drzua saga, wie du dir sicher scho denkt ghett hôsch....
    #265Verfasser Goldammer (428405) 12 Aug. 10, 18:04
    Kommentar
    Ja Gäbele, du kasch ja berfeckd auswäerdex Hoechdeitsch!! Jadovaregschd!! Reschbeckd ond Schabboh!
    #266Verfasser manni3 (305129) 12 Aug. 10, 19:09
    Kommentar
    A Vegale, mir gôht's doch eigndlich bloß drumm, damme im deitschschbrochiga Raum koi neigeborenes Buzzele "aerkennt" (außr s'gôht um d'Vatrschafd). Des duan nämlich d'Franzosa, dia "aerkennet" ihre Kindr aufm Rôthaus. Bei uns werredse aufm Rôthaus aagmeldet. I hon doch bloß saga wella, damme des id wortwertlich ibrsetza ka.

    Gell Manni, dô glodsch!
    #267Verfasser Moi Gab (456541) 12 Aug. 10, 20:14
    Kommentar
    Ja glar, Gäbele, so vill han-e aus deine Ausfiehronga vrschdanda ghett (on war au ganz deiner Ãsicht). Abber i schwätz jô bloß a baar Breggala Fransesisch, deshalb kã i mi zo fransesische Fachfrôga grondsätzlich et kombedent eißera.
    #268Verfasser Goldammer (428405) 12 Aug. 10, 20:55
    Kommentar
    Emmerle, bisch no dô? Unser Schläbbtop zoigt 03:45 a. Do brauche jo nimme ins Neschd, wenne am Fimfe scho wiedr aufschdand.
    #269Verfasser Moi Gab (456541) 12 Aug. 10, 21:53
    Kommentar
    Okai, guats Nächdle!
    #270Verfasser Moi Gab (456541) 12 Aug. 10, 21:57
    Kommentar
    I glaub dei Schläbbtobb schbennt a bissle. 's isch doch grad môl zehne durch!

    Mir hen Feria on i muaß gar koin Wegger schdella. Desch schee!

    Mir hen grad vorher onsern Ausflug, den wo mr fir morga blant ghett hen, uf da Samschdich vrschoba.

    Mir wellat des Museum der Geschichde vo de Juda on de Chrischda en Laupheim bei Ulm ãgugga, on des hôt doch bloß am Wochaend offa! Also gemmer halt am Samschdich.
    #271Verfasser Goldammer (428405) 12 Aug. 10, 22:02
    Kommentar
    Guede Moege allmiddand.

    Bisch scho auf, Boandlkramerin?
    Bisch scho ins Bedd, Zickarle?
    Sendr scho voerem Kombjudar, all dier andre?

    Es reangeled ond bi am ibrlege, ob i mei Räegehose anemme soll odr glei liebr middr Ubahn far! Allad die schwierige Endschaidonga glei nochm Frieschdick, hmm ...
    #272Verfasser manni3 (305129) 13 Aug. 10, 08:30
    Kommentar
    Au, dâ muaß mr des Fädle vo der zweita Seit nufflupfa.
    #273Verfasser neutrino (17998) 13 Aug. 10, 20:35
    Kommentar
    *süferlidureschneii*
    *Alleswiisüberzuckerethinderlah*
    #274Verfasser Snowflake (260254) 13 Aug. 10, 23:23
    Kommentar
    Soo, da duane glei fr heind en dr friah vorsorga!

    Deschdr ebbs komischs. I dipp grad dodal blind. Dr Degschd kommt äbbl a baar Minudda schbädr.

    Emmrle, 's duadmr loid, daßne de so vrwirrt hau mit deam Merhabale. I hau dengt, des hond älle mitgriagt, wone naa gfahra bee.

    I wensch ui an schena Daag. Schea weards bei os eh, abr leidr muane schaffa. Abr am Aubnd git's an Barbekiu. Do gfraie me drauf.
    #275Verfasser Selima (107) 14 Aug. 10, 04:50
    Kommentar
    Mittla en dr Naacht. On dann au no am Samschdich. On dann muaß se au no schaffa.

    Viel Schbaaß beim Babäkjuh.
    #276Verfasser neutrino (17998) 14 Aug. 10, 07:22
    Kommentar
    Schdickle, asoovl Midleid brauchsch jez oo mea idd hao. Do wo die isch, senze eis orzzeidmäßg xäeche a Schdond voraus. Also haze so ommare segse gschriebe. Ond des isch id gar a so frie, wemma midde Henna aufschdod. Die Henna wäez no heid zobed beim Barbäckjuh gea!

    Maisle, schreibsch du mibbm Endrneddegschbloarar? Däe isch bei mier oo allad a bissle langsam, obzwar id glei a baar Minudda - des isch scho a bissle egschdrehm.

    ❄ hendrhäewenk - kommahwatü bei däer Hidz ‽   :-)
    #277Verfasser manni3 (305129) 14 Aug. 10, 08:47
    Kommentar
    sZickarle haze im dsedse grierd ;-)
    #278Verfasser manni3 (305129) 14 Aug. 10, 18:10
    Kommentar
    Des kot's sei. Drhoim honne koin Egschblorer. Läschde isch des abbr scho. Ond dia Henna hot's dadsächle zom Grilla gea. Guad isch's gwea. Heind däd's a glois Ausfliagle gea, abr i mua loidr ebbs doa. Voor laudr Arbat benne gar ned zua meim Zuig komma, was 'ne no ferde griaga muaß, bevorne hoimkomnm. Dauhanna goht's mr hald au ned andrsch alz wia drhoim. Abbr zwengscht a gloinr Schbaziergang weard hoffendle dren sei.

    Hand an scheana Sonndig!
    #279Verfasser Selima (107) 15 Aug. 10, 05:37
    Kommentar
    Schnell no vorm schlofe gao an ganz scheane Grueß vo links vom Teich. Mir send grad am Lake Powell ond do isches so wondrschea, dass i zom erschda Mol id gern weidrfahr, sondrn gäern no an Dag draghängd hett.
    Mir wared heid im Antelope-Canyon - da mießds amol Bildr guhgle (ond vom Lake Powell oo) - da isches in äechd grad so schea; des hett i mir nie denkt!
    Ond morge gohds nachad weidr iebrs Monument Valley nach Moab wo der Arches NP isch. Des wird gwieß oo schea, abr die Candikendr hat des Wassr ond dr scheane See scho bsonders gued gfalle.

    Pfiats uib, ond an scheane Dag!(I gang ietz ins Neschd...)
    #280Verfasser candice (447114) 15 Aug. 10, 07:13
    Kommentar
    Ha des freit me wirklich saumäßich, dass des alles so guat glabbt on dass dia Ziggerleskender au so a Fraid hent uf dera Reis, wo du doch so a Sorg ghett hôsch, dia kenndat an ällem rombruddla. Abber des hemmer ons jô glei denkt, dass des sehr õwahrscheinlich isch, dass dia sich dera Faszinazjoh vo dem Amerika entzieha kennet.
    #281Verfasser Goldammer (428405) 15 Aug. 10, 08:36
    Kommentar
    Alls Guede weidrhe, Zickarle :-))


    @ Emmrle wo du doch so a Sorg ghett hôsch
    - Do fellbr grad dr Wolfgang Neuß ei, vileichd kennd dean ja no ebbar vo ui jonge Hubfar, wiena amol xed had axichts vo de Weldeleif en de sechzgar Jor: "Heute machste dir kein Amdbrot, heute machste dir Sorgen! Sone Tage komm auch vor!"
    #282Verfasser manni3 (305129) 15 Aug. 10, 11:38
    Kommentar
    gfreime frs Ziggrle - i honn gugglt - "Antelop-Canyon" - dô bleibd oim d Schbugge wägg

    da leik Pauwl abr isch an artifischl leik - dô mage mein Bodasee liabr (gibs jô zua, aluaga dätemrn au gern)

    duatmr loid, wenne scho wiedr dfoh afang: i will mitam Vegale aufs Ulmr Minschdr!

    Manni, wägawarom hot s'Emmrle a Sorg ghett?

    #283Verfasser Moi Gab (456541) 15 Aug. 10, 19:51
    Kommentar
    Gäbele, noi, iz Emmrle, sZickarle häb Sorga kedd, haz Emmrle in zwaihondrdoisedachzg gschribe.

    Dr Bodesäe isch doch oo ardifischl, vo eisrem Häergeddle egschdra gmached ;-)
    #284Verfasser manni3 (305129) 15 Aug. 10, 19:56
    Kommentar
    Jô Manni, schdimmt! Älls isch artifischl, du, i ... as Schdiggle...

    #285Verfasser Moi Gab (456541) 15 Aug. 10, 20:25
    Kommentar
    @manni Weldeleif? Weldeleif? Sorri, i sitz ufm Schlauch! On vo dem Tüb han e no nia ghaiert.

    @Gäbele
    Sowia es Ziggerle vo Amerika widder dô isch, macha mr an Blã wia mr des mit dem Ulmer Minschder den Herbscht nãgriagat!
    #286Verfasser Goldammer (428405) 15 Aug. 10, 20:43
    Kommentar
    Emmrle, bschd: "Weltenläufe" ;-)

    Dr Wolfgang Neuss isch a Berlinar Kabareddischd gwe ond had a oglaublich frechs Maul kedd:
    "Die Mauer bleibt stehn bis Himmelfahrt, die Queen aus England muss sie noch sehn!"

    Ond in deam Film "Wir Wunderkinder" hadda oo midgschbild.

    Do haddas zom Beischbil vo dr Innere Führungskettenreaktion bei dr Bondeswäer *hihi*
    #287Verfasser manni3 (305129) 15 Aug. 10, 21:02
    Kommentar
    Dangge, manni, jetz han-e-s kabiert. I glaub i han den verleicht doch schoml xea ghett, abber sein Nama han-e mr et gmerkt all dia Jôhr...
    #288Verfasser Goldammer (428405) 15 Aug. 10, 22:08
    Kommentar
    @manni



    Schö wä biäng, usserdem schiffets und isch chalt ;-)
    #289Verfasser Snowflake (260254) 15 Aug. 10, 23:33
    Kommentar

    1. :-))
    2. Märdə :-((
    #290Verfasser manni3 (305129) 15 Aug. 10, 23:37
    Kommentar
    Ha des freit me wirklich saumäßich, dass des alles so guat glabbt on dass dia Ziggerleskender au so a Fraid hent uf dera Reis, wo du doch so a Sorg ghett hôsch, dia kenndat an ällem rombruddla.

    Vegale, gfreia due sei si hald ofd an andere Sacha als mir. Zom Beischpiel isch die Begeischderong am Grand Canyon iebr die viele Squirrels aufem Wäeg ond iebr an leibhaftige Elk in dr Nachd aufm Campground mindeschdens genauso groß gwäe wie ibr des "große Loch". Ond des Monument Valley beeindruckt sei scho alloi deswega id so wie eis weil sei die ganze Filme, wo mr des scho gseache hat, ja gar id mea kenna. Dafir hammr ietz a scheas Photo, wo´s candifehl vor der Kuliss vom Monument Valley schdohd ond bockeld ond nimmr oischdeiga will, bevor si der candibruder id entschuldigd hat fier ebbs was er ihr ageblich dao hat, während mir a baar Photos gmachd hend. :-)

    Ond die nekschde drei Däg ohne Endrnet ond sogar ohne elekdrische Schdrohm zom Handy-Auflade - des grenzt scho faschd an Kendsmisshandlong!
    #291Verfasser candice (447114) 16 Aug. 10, 07:19
    Kommentar
    Oh jessas, an dui Sort Schdreidereia erenner-e me no so guat! Grad em Urlaub, wemmer dr ganz Dag ufananderhengt!
    Mir hent amôl da ganze Bayrische Wald großflächich mit onserem Familiagschroi beschallt, wo dr Kloi romdao hôt wia Zau weil dr Graoß em sein Schdegga vrbrôcha ghett hôt, den wo-n-r vorher wo ufglesa ghett hôt, on druf bschdanda hôt, dass-r genau so an gleicha widder han hôt wella. Mr hent ewich nôch oim xuacht wo so ehnlich ausxea hôt, abber dr Kloi hôt - desch jô vellich glar - emmer ebbes drã auszomsetza ghett. Wenn ons dô ebber ghaiert hett, wäre mr ällesamt en d' Glabsmiahle eigliefert worra!
    (Se waret dô nadierlich a weng jenger als dia Ziggerleskender jetzt, abber em Brinsip isch-es es gleiche, gell?)

    On dass dia sich ieber a baar Sgwirrls gnauso fraie dent wia ieber die beriehmde Said wo dia Sgwirrls dromromsgwirrlat, desch doch grad schee!
    #292Verfasser Goldammer (428405) 16 Aug. 10, 08:48
    Kommentar

    Wenns do hinna vool isch, goz do deana weidr.

    I mueß zom Goscheschbenglar, mier isch a Inläi rausgfalle. Bledarweis haonis vrschluckd ond haos garid gmerkd. Jiez mueß a a nuis mache :-(

    #293Verfasser manni3 (305129) 16 Aug. 10, 09:42
    Kommentar
    Zickarle ond Emmrle, sedde Gschichdla midde 'liebe Kloine' kenne i oo ;-)
    Hendrhäe isch allad nedd zom vrzelle, abr im Momend kommbas doch räechd häefodze!
    #294Verfasser manni3 (305129) 16 Aug. 10, 10:35
    Kommentar
    Bisch scho zrick vom Goschaglempner? Gôht's dr guat? Aber a rausgfallens Inlai duat jô et waih, oder?

    I raim
    #295Verfasser Goldammer (428405) 16 Aug. 10, 11:56
    Kommentar
    môl
    #296Verfasser Goldammer (428405) 16 Aug. 10, 11:56
    Kommentar
    vollez
    #297Verfasser Goldammer (428405) 16 Aug. 10, 11:56
    Kommentar
    uf
    #298Verfasser Goldammer (428405) 16 Aug. 10, 11:56
    Kommentar

    #299Verfasser Goldammer (428405) 16 Aug. 10, 11:57
    Kommentar
    #300Verfasser Goldammer (428405) 16 Aug. 10, 12:00
    Die Diskussion zu diesem Artikel ist geschlossen.
     
  •  
  •  
  •  
  •  
  •  
  
 
 
 
 
  automatisch zu   umgewandelt